<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев «Жаңа жағдайдағы Қазақстан: іс-қимыл кезеңі» &nbsp;атты&nbsp; Жолдауы &nbsp;мемлекеттігімізді &nbsp;нығайту жолындағы ең басты&nbsp; мәселелерге назар аударып, қоғам мен мемлекетімізде&nbsp; стратегиялық бағыттар бойынша&nbsp; қандай &nbsp;өзгертулер жасау керек екенін&nbsp; айқындады. Ел дамуына нұқсан келтіретін&nbsp; мәселелердің бірі&nbsp; – сыбайлас жемқорлық.
Осы мәселенің өзектілігі Сыбайлас жемқорлыққа қарсы іс-қимыл мәселелері &nbsp;&nbsp;2020 жылғы 19 тамызда өткен Сыбайлас жемқорлыққа қарсы іс-қимыл жөніндегі кеңесте де айтылған &nbsp;болатын.
Азаматтардың лайықты өмір сүруіне жағдай жасауға, олардың құқықтарын қорғауға, заң үстемдігін қамтамасыз етуге және жемқорлыққа қарсы күресті күшейтуге міндеттіміз деп айрықша&nbsp; атап өтті.
Сыбайлас жемқорлықпен күрестің жүйелілігін алға тартып, жемқорлыққа апаратын себептерді&nbsp; анықтау үшін мемлекеттік органдар мен квазимемлекеттік сектордың нормативтік актілері мен жұмыс үдерістеріне жемқорлыққа қарсы күрес тұрғысынан арнайы талдау жүргізу белгіленді.
Президенттің сыбайлас жемқорлыққа&nbsp; қарсы сыбайлас жемқорлық үшін жауапкершілікті күшейту. Ең алдымен, бұл – құқық қорғау органдарының қызметкерлері мен судьяларға қатысты, олар заңдылық пен құқықтық тәртіпті сақтай отырып, сыбайлас жемқорлық қылмыстары үшін қатаң жауапкершілікке тартылуы тиіс. Сотталған жемқорларға қатысты мерзімінен бұрын шартты түрде босатудың күшін жою ең қуатты профилактикалық әсерге ие болады.
2021 жылдан бастап мемлекеттік қызметшілер, депутаттар мен судьялар үшін шетелде банк шоттарын иеленуге тыйым салуды енгізу. Бұл бастама ел мүддесі үшін қызмет ету идеологиясы тұрғысынан ғана емес, жемқорлық капиталын шетелге шығару мүмкіндіктерін жою мақсатында да маңызды.
«Қоғамдық бақылау туралы» Заңның қабылдануы азаматтар мен үкіметтік емес ұйымдарды сыбайлас жемқорлық пен бюрократияға қарсы жүйелі түрде әрекет етуге барынша кең ауқымда тартуға нақты серпін береді.
Жемқорлықты&nbsp; бүкіл ел болып ғана жеңеміз!&nbsp;
Ардақ ЕРСЕЙТОВ
ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет)
Қызылорда облысы бойынша департамент басшысы

Ардақ Ерсейтов: Жолдау жемқорлықсыз болашақты қолдайды

<a href="https://kyzylorda-news.kz/">Kyzylorda-news.kz.</a> Білім және ғылым министрлігі орта мектептерде отбасы құндылықтары мен ұлттық тәрбиеге бағытталған арнайы пән енгізу керек. Бұл туралы бүгін Алматыда өткен жиында ҚР Мемлекеттік хатшысы Қырымбек Көшербаев айтты, деп хабарлайды <a href="https://www.inform.kz/kz/kyrymbek-kosherbaev-otbasy-kundylyktaryna-negizdelgen-pan-engizudi-usyndy_a3690900?fbclid=IwAR2JdqCKt39PcefnxUR2JpMeFfGOOfapi6ZeH2q5Z0j6e5JYNNZxHPbCJdw">ҚазАқпарат.</a>
<blockquote>
 «Қазіргі таңда жұртшылықпен жұмыла талқылауды қажет ететін тағы бір көкейкесті рухани тақырып – отбасы мәселесі. Жалпы, жаһандану заманында ұлт ретінде сақталып қалу үшін отбасыдағы ұрпақ тәрбиесінің мәні зор. Осыған орай, Білім және ғылым министрлігінің орта мектептерде отбасы құндылықтары мен ұлттық тәрбиеге бағытталған арнайы пән енгізу бойынша ұсыныстар енгізетін кезі келді деп ойлаймыз. Сонымен бірге, белгілі ғалымдар, қоғам қайраткерлері мен көпбалалы аналардан құралған ата-аналар ұйымын құрып, министрлікпен бірлесіп «Отбасы – орта мектеп» атты жастарға тәрбие берудің жалпыхалықтық әдістемесін әзірлеу қажет деген ойдамыз», – деді Мемлекеттік хатшы.
</blockquote>
Қырымбек Көшербаев зиялы қауым өкілдерінен тың ой пікір, ұсыныстары болса ортаға салуын өтінді.
<blockquote>
 «Ендігі жерде Елбасы Нұрсұлтан Әбішұлы Назарбаев ұсынған «Рухани жаңғыру» бағдарламасының тың тынысы ашылады деуге әбден болады. Жаһандық дағдарысты жеңіл еңсеру үшін халықтың санасын, өмір-салты мен ұстанымдарын трансформациялауымыз керек. Бұл тұрғыда бағдарламаның жаңа жобалары қажет. Осы тұста баршаңызды, яғни, зиялы қауымды, әртүрлі әлеуметтік топ өкілдерін ортақ пікірлесуге, жаңа жобаларды бірлесе жасауға шақырамыз. Ұсыныстарды мәселенің маңыздылығына қарай, Мемлекеттік хатшының атына тікелей жіберулеріңізді сұраймын. «Рухани жаңғыру» бағдарламасы шеңберінде дүниежүзілік пандемия тұсында және одан кейінгі кезеңде халықтың бойына жаңа құндылықтар қалыптастыру бойынша ұсыныстар енгізіңіздер. Қажет болған жағдайда зиялы қауым өкілдері, қоғам қайраткерлерінің қатысуымен жаңа жобалар бойынша қажетті кеңестер өткізіп, ой-пікірлерін жинақтап отырамыз», – деді ол.
</blockquote>

Қырымбек Көшербаев отбасы құндылықтарына негізделген пән енгізуді ұсынды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова қала әкімі Нұрлыбек Нәлібаевпен бірге Қызылорда қаласындағы әлеуметтік сауда үйлерін аралап, азық-түлік бағаларын бақылады. Сонымен бірге сауда нысанындағы дезинфекциялық талаптардың орындалуын көрді.
Алдымен, аймақ басшысы “Анвар” сауда үйіне барды. Сауда үйінің сөресінде 8 000 тауардың түрі бар және тұтынушыларға арналған 5 касса жұмыс жасайды. Оның ішінде 1 касса мүгедек жандарға арналған. Сауда үйінде әлеуметтік маңызы бар 19 түрлі тауар бағасы арнайы бекітілген бағамен сатылады. 
Қала әкімі аймақ басшысына халық үшін маңызды әлеуметтік тауарлардың межелі бағасы республикалық баға талаптарына сәйкес сатылатынын атап өтті.
<img src="https://kyzylorda-news.kz/wp-content/uploads/2020/09/118846652_2699910576778661_41666569003285729_n.jpg" alt="" />
Облыс әкімі мұнан кейін “Қызылорда оптомаркет” сауда желісіне келді. Сауда үйінің сөресінде жалпы 10 000 тауардың түрі бар. Тұтынушыларға арналған 9 касса жұмыс жасайды. Бүгінде сауда желісінің қалада 5 филиалы жұмыс жүргізіп, 115 адам тұрақты жұмыспен қамтылып, халыққа қызмет көрсетеді. 
Облыс әкімі сауда желісінің басшысына күнделікті қолданыстағы азық-түлік өнімдерінің тапшылығы туындамауы керек деп атап өтті. Сондай-ақ, қажетті қорды жасақтау міндетін қойды.
Облыс әкімі қаладағы ірі желі SMALL сауда үйіне де барды. Халықтың күнделікті қажеттілігі туындайтын азық-түлік бағаларының бағасын бақылады. Әсіресе, азық-түлік өнімдерін көріп, тауарлардың қоры туралы сұрады. 
Сауда үйінің сөресінде 15 000 тауардың түрі бар және тұтынушыларға арналған 12 касса жұмыс жасайды. 
Қазіргі таңда, қала бойынша «SMALL» сауда үйінің 5 филиалы жұмыс жасап, 100-ге жуық адам тұрақты жұмыспен қамтылған.
<img src="https://kyzylorda-news.kz/wp-content/uploads/2020/09/118824665_2699909836778735_2753948920540266899_n.jpg" alt="" />
Сауда үйін аралау нәтижесінде облыс әкімі Гүлшара Әбдіқалықова қала әкімі мен Қызылорда қалалық тауарлар мен көрсетілетін қызметтердің сапасы мен қауіпсіздігін бақылау басқармасының басшысына ашық базарларда санитарлық нормалардың сақталуын қадағалап, тұрғындардың бетперде режимін сақтауын бақылауға алу қажеттін тапсырды. Халық жиі шоғырланатын сауда нысандарында дезинфекциялық шаралар қарқынды жүруі тиіс деді. Сонымен бірге, азық-түлік бағасын тұрақты бақылауда ұстап, қажетті қорды алдын ала жасақтауды міндеттеді.
<img src="https://kyzylorda-news.kz/wp-content/uploads/2020/09/118788949_2699911456778573_2216904749580287287_n.jpg" alt="" />

Облыс әкімі сауда желілеріне барып, азық-түлік бағалары мен санитарлық нормалардың сақталуын бақылады

<h3 id="kyzylordanewskzhttpskyzylordanewskzdate20200904nbspstankzhttpsstankznbspnbsp"><a href="https://kyzylorda-news.kz/date/2020/09/04/">Kyzylorda-news.kz.</a> Вице-премьер Ералы Тоғжанов Қазақстан үкіметінің жаңа карантин енгізуі туралы ақпараттың жалған екенін айтты, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;</h3>
<blockquote>
 «Бізде ондай ақпарат жоқ. Қазір ауру жұқтырудың&nbsp;өсу қарқыны 0,1% құрайды. Бұл қабылданған шаралардың жетістігі. Бос&nbsp;кереуеттер саны 17% -ға азайды. Ал енді жаңа карантин енгізу туралы мәселе туындамайды», – деді вице-премьер.
</blockquote>
Ералы Тоғжанов ведомствоаралық комиссияның келесі отырысы карантин шараларын жеңілдетуге бағытталатыны туралы айтты.&nbsp;
<blockquote>
 «Қазір біз карантинді&nbsp;жеңілдету шараларын қолданып жатырмыз. Әрдайым шындыққа сәйкес келмейтін ақпарат тарататын адамдар болады, бірақ сіз тек сенімді дереккөздерге сеніп, ресми ақпаратқа сүйенуіңіз керек», – деді ол.
</blockquote>
3 қыркүйектегі жағдай бойынша Қазақстанда пандемия басталғаннан бері коронавирустың 106 032 жағдайы тіркелді және 6 459 адам ем алуды жалғастыруда.

Қайтадан карантин енгізіле ме?

<a href="https://kyzylorda-news.kz/date/2020/09/04/">Kyzylorda-news.kz.</a> ҚР Цифрлық даму, инновациялар және аэроғарыш өнеркәсібі министрлігі азаматтардың дербес деректеріне қатысты құқығының бұзылу фактілері бойынша тексеру жүргізеді.
Азаматтар жеке деректерінің заңсыз жария болу фактілерін анықтаған жағдайда министрлікке хабарласып, арнайы тексеру жүргізуін сұрай алады. Ол үшін moap@mdai.gov.kz электронды поштасына хат жолдап немесе «Электронды үкімет» порталындағы министрдің жеке блогына жазуына болады.
<blockquote>
 «Өтініш берген кезде әкімшілік құқық бұзу белгілері бойынша мәліметтер жеткілікті болуы керек: растайтын материалдар, құқық бұзу субъектісі туралы ақпарат және мерзімі. Аноним өтініштер қаралмайды.&nbsp;Министрлік өз кезегінде құқық бұзушыға қатысты тексеру жүргізеді. Әр тексеру ҚР Бас прокуратурасының құқықтық статистика және арнайы есепке алу комитетінде тіркеуден өтеді және кәсіпкерлердің құқығын қорғау мақсатында ҚР Кәсіпкерлік кодексіне және ҚР ӘҚБК сәйкес жүргізіледі» делінген хабаралмада.
</blockquote>
Факт расталған жағдайда әкімшілік жаза қолдану туралы шешім шығады.
Бұл ретте уәкілетті орган шағын бизнеске 2023 жылғы 1 қаңтарға дейін жоспардан тыс тексеру жүргізбеу туралы мораторийге қарамастан, шағын бизнес субъектілеріне тексеру жүргізбей-ақ әкімшілік іс қозғауға құқылы. Ең бастысы, құқық бұзу фактісін растайтын қажетті материалдарды толық ұсыну.
<a href="https://lenta.inform.kz/kz/kazakstandyktar-zheke-malimetterin-zansyz-zhariyalagandardy-zhazalay-alady_a3690770">ҚазАқпарат</a>

Жеке мәліметтерді заңсыз жариялағандарға жаза бар ма?

<a href="https://kyzylorda-news.kz/date/2020/09/04/">Kyzylorda-news.kz.</a> «Бүгінгі заман білектілердің заманы емес, білімділердің заманы» деп бекер айтпаса керек. Қазіргі таңда білім бірінші орында тұр.
Тіл білу де,технологияны шебер қолдануда заман талабы. Бірақ қазіргі күні әлемді жайлаған індеттің өршуіне байланысты ғылымда , білімде онлайн форматқа көшуде. Бұл әрине технологияның дамуына, ақпараттық технологияны жақсы меңгеруге жол ашатыны сөзсіз. Дегенмен бұл мәселе жаңа мектеп табалдырығын аттаған оқушыдан, білікті мұғалімдерге дейін қиындық тудырып отыр.
Осы орайда Қазақстан Республикасының президенті Қасым-Жомарт Тоқаев өзінің «Жаңа жағдайдағы Қазақстан:іс-қимыл кезеңі» атты Қазақстан халқына арналған кезекті Жолдауын жариялады. Жолдауда президент бүгінгі күні болып жатқан жағдайды ескере отырып, оқушыларға да, студенттер мен мұғалімдерге де тиімді тәсілдің әлі күнге дейін онлайн-платформаның жоқтығын ашып айтты.
Бұл орайда президентіміз оқу үдерісі үшін қажетті барлық функциялары бар бірыңғай онлайн білім беру платформасын шұғыл әзірлеуді тапсырды. Оқушылар сапалы білім алу үшін мектептегідей еркін болу үшін барлық жағдайды қарастыратын айта кетті .
Сапалы білім ол жарқын болашақтың кепілі. «Ел боламын десең бегігіңді түзе» деп ата-бабамыз айтып кеткендей қазіргі жастарымыз келешектің айқын айнасы іспеттес.
Сондай-ақ президент Қасым-Жомарт Тоқаев білім саласындағы басты мәселеніде көтере кетті. Ол әрине ұстаздар жалақысының аздығы. Президентіміз 2021 жылдың қаңтар айынан бастап ұстаздардың жалақысын 25% ға көтеретінін және жалақы мөлшері алдағы уақытта арта беретінін айтты. Бұл мақсатқа алдағы уақытта үш жыл көлемінде 1,2 триллион теңге бөлінетінін басты назарға қойды.
Президентіміз жолдауында білім мен ғылымды дамытуды ең басты мақсат етіп қоя отырып,білім саласын көтеруді, жыл сайын бөлінетін граттардың санын көбейтуді көздеп отыр. Ғылымның дамуына қазіргі «Жас ғалым» жобасы аясында зерттеу жүргізу үшін 1000 грант бөлуді тапсырды.
Сонымен қатар ірі бизнес өкілдерінің өңірлік университеттердің ғылыми қызметін қамқорлықтарына алса, оларға қолдау көрсетсе нұр үстіне нұр болатынын ғылым мен біліміміздің сәлде болса дамуына жол ашатынын нық басып айтты. Президентіміз осы жолдауы арқылы қазіргі жағдайда әлемдік болып жатқан дерттен құтыламыз деп жүріп, сауатсыздық дертіне шалдықпауымыз керегін ашық жеткізіп отыр. Қандай жағдай болмасын білім саласының төмендеуіне, ғылым саласының құлдырауына әкелмеуміз керек. Қазіргі күннің басты талабы да, мәселесі де осы.
Гүлжанат ЕСЕНБАЕВА,
№2 облыстық дарынды балаларға арналған мектеп-интернат директоры
<img src="https://kyzylorda-news.kz/wp-content/uploads/2020/09/118764867_641123166823174_7534903492004028528_o.jpg" alt="" />

Гүлжанат Есенбаева: Президент Жолдауы &#8211; білім беру ісіне қолдау

<a href="https://kyzylorda-news.kz/date/2020/09/04/">Kyzylorda-news.kz.</a> Қызылордалық полицейлер Сырдария ауданы Ильясов ауылы тұрғынының жылқысын ұрлаған 38 жастағы облыс орталығының тұрғынын анықтап, ұстады.
Осы фактіге қатысты Қазақстан Республикасы Қылмыстық кодексінің 188/1-бабы 3-бөлігіне (ұрлық) сәйкес сотқа дейінгі тергеу жүргізілуде. Қазіргі таңда күдікті қамаққа алынды.
<blockquote>
 &nbsp;«Бүгінгі таңда еліміздің барлық аумағында кең етек алып отырған мал ұрлығы қылмыстарының тіркелуі былтырғы жылмен салыстырғанда 37,4 пайызға яғни 230-дан 144-ке төмендеді. Дегенмен, мал ұрлықтарының жасалуы әлі де&nbsp; азаймай отыр. Облыс&nbsp; бойынша мал ұрлығымен айналысқан жалпы 67 адамнан, оның ішінде 13 қылмыстық топ құрықталып, сол топтармен жасалған 43 эпизод құрайтын қылмыстары әшкереленді.
 Мысалы, Қызылорда ҚПБ мал ұрлығын жасағаны үшін 4 адамнан құралған 1 топ ұсталып, 9 ауыр санаттағы эпизодтық мал ұрлығын жасағандығы анықталды. &nbsp;Мал ұрлығының өсім алуының бірден – бір себебі азаматтардың малдың жоғалғаны туралы кеш хабарлауы болуда.
 Мал иелері өздерінің малдарын жоғалғанын байқаса да полицияға хабарын бермей, көмегіне жүгінбей өз бетінше іздейді, қылмыс орын алған сәттен арада біраз уақыт өтіп, ұрланған мал мен оған қатысты тұлғаларды іздестіруді жеңілдететін маңызды айғақтар мен іздер жоғалып кетеді.
 Облыстық Ветеринарлық инспекциясымен бірлесіп жұмыс атқару туралы Меморандум негізінде тиісті ілеспе құжаттарсыз мал тасымалдау деректерін анықтау және жолын кесу бойынша рейдтік іс-шаралар жүргізіліп, мал иелерін әкімшілік жауапкершілікке тарту жұмыстары қолға алынған. Рейдтік іс-шаралар барысында, ілеспе хатсыз мал тасымалдаған 100- ге жуық автокөлік және ет өнімдерін тасымалдаған бірнеше автокөлік анықталған» – дейді Қызылорда облысы Полиция департаментінің бастығы Бектөре Сұлтан.
</blockquote>
&nbsp;Мал ұрлығының алдын алу үшін Қызылорда облысының Полиция департаменті азаматтарға өз мүлкін сақтау үшін барлық қажетті шараларды қабылдауды ұсынады. Аулаларда бейнебақылау камераларын немесе дабылды орнатуға болады. Егер ұрлық орын алса, дереу полицияға хабарласыңыз.

Жылқы ұрлаған қызылордалық  ұсталды

<a href="https://kyzylorda-news.kz/date/2020/09/04/">Kyzylorda-news.kz.</a> Президенттің дәстүрлі Жолдауын асыға күтетіннің бірі менмін. Құжаттың басым бағыты экономиканы тұрақтандырып, әлеуметтік бағытқа қатысты болғанымен, білім беру саласына да ерекше екпін берілді.
Коронавирус салдарынан мектеп оқушылары мен студенттердің басым көпшілігі қашықтан оқуға көшті. Тосыннан келген жағдайға байланысты ұстаздар тез бейімделіп, жауапкершілікті сезініп, қашықтан білім берді. Дегенмен қиындықтар жоқ емес. Мәселен, онлайн білім берудің бірегей жүйесі әлі қалыптасқан жоқ. Мұны сынға алды Қасым-Жомарт Кемелұлы.
Яғни толыққанды оқу үдерісі үшін қажетті барлық функциялары бар бірыңғай онлайн білім беру платформасын шұғыл әзірлеуді тапсырды. Сонымен қатар әдеттегіше сабаққа қатысып, ұстаздар мен сыныптастар ортасында санитарлық талаптарды сақтай отырып, білім алуға көшудің де жолын қарастыру керектігін баса айтты. 
Ал білім саласындағы басты мәселе – ұстаздар жалақысына ерекше тоқталып, 2021 жылдың қаңтар айынан бастап мұғалімдер жалақысы 25 пайызға көбейетінін, алдағы уақытта да арта беретінін мәлімдеді. 
Мұндай қолдау ұстаздар қауымын жігерлендіріп, бала оқытуда жауапкершілігін арттыра түседі деген сөз. «Ұстаз мәртебесі» заңы қабылданып, педагогтар қауымы қоғамдық жұмыстан босатылып, беделі арта түсті. Бұл дегеніміз ұлт мұраты жолында келешекке құйылған инвестиция деп қабылдаған жөн…
Есенгелді ЕРЖІГІТОВ, 
білім саласының ардагері
Жаңақорған ауданы
<img src="https://kyzylorda-news.kz/wp-content/uploads/2020/09/1599025760_esenkeldi.jpg" alt="" />

Есенгелді Ержігітов: Серпінді даму жолы

<a href="https://kyzylorda-news.kz/date/2020/09/04/">Kyzylorda-news.kz.</a> Еңбек және халықты әлеуметтік қорғау министрі Біржан Нұрымбетов зейнетақы жинағындағы «жеткіліктік шегіне» қатысты түсінік берді, деп хабарлайды <a href="https://www.inform.kz/kz/zeynetaky-zhinagyndagy-zhetkiliktilik-sheginin-negizgi-parametrleri-kanday_a3690371?utm_source=social&utm_medium=cpc&utm_campaign=aca&fbclid=IwAR3zyQf_zWX2ZLxSXIRJLeyiG796ZrYesdhqmNSFdcQqXAQ6kCRvGgCPNXY">ҚазАқпарат</a>.
<blockquote>
 «Жеткіліктік шегі деген не?» және ол қалай есептелетініне тоқталайын. «Жеткіліктілік шегі» белгілі бір жастағы салымшыға зейнетақы жинақтарының ең аз қажетті сомасы дегенді білдіреді. Оның есебіне тоқталсақ, әркімнің өз жасына белгіленеді. Ол азамат зейнет жасына дейін тұрақты түрде жарнаны кемінде ең төменгі жалақыдан аударып отырған жағдайда, зейнетке шыққаннан кейін 82 жасқа дейін ең төменгі зейнетақы мөлшерінде алуға мүмкіндік беретін сома, қаражаттың көлемі. Сол қаражат бар болса, оның асқанын азамат ала алады», – деді министр.
</blockquote>
Сонымен қатар ол «жеткіліктілік шегінің» негізгі параметрлерін түсіндірді.
<blockquote>
 «Біз бұл жолы әйелдер мен ерлер үшін бірдей көрсеткішті белгілеп отырмыз. Екіншіден, «жеткіліктілік шегінің» мөлшері жыл сайын есептеліп отырады. Бұл қалыптасқан параметрлер жинақтаушы қорында кірістілікке, инфляцияға қарай және ең төменгі төлем мөлшерінің өзгеруіне қарай есептеліп отырады. Сонымен қатар, «жеткіліктілік шегінің» мөлшері әр жасқа бөлек белгіленеді, 20 жастан бастап есептеледі», – деді Б. Нұрымбетов.
 «Алдын ала есептеу бойынша, мысалы, 30 жастағы азамат үшін «жеткіліктілік шегі» 2 млн 518 мың теңгені құрайды. Осы сомадан қалғанын олар жоғарыда көрсетілген қажеттіліктерге қалауы бойынша жұмсай алады. 35 жас үшін – 2 млн 961 мың теңге; 40 жас үшін – 3 млн 437 мың теңге; 45 жас үшін – 3 млн 947 мың теңге; 50 жас үшін – 4 млн 495 мың теңге; 55 жас үшін – 5 млн 084 мың теңге; 59 және одан үлкен жас үшін 5 млн 586 мың теңге қажет. Бұдан асқан соманы өз еркімен алуға құқылы. Осы «шекті» сомаларға қол жеткізу табысы елдегі орташа айлық жалақы деңгейінде болатын тұрақты жұмыс істейтін азаматтар үшін қолжетімді», – деп түсіндірді министр.
</blockquote>

Зейнетақы жинағын шешіп алу үшін онда қанша ақша болуы керек?

<a href="https://kyzylorda-news.kz/">Kyzylorda-news.kz.</a> Алматының бас санитар дәрігері Жандарбек Бекшин коронавирус инфекциясынан қайтыс болғандар неге арнайы зиратқа жерленгенін және марқұмдардың зираты несімен қауіпті екенін айтты, деп хабарлайды&nbsp;<a href="https://sputniknews.kz/">Sputnik Қазақстан</a>.&nbsp;
Коронавирус жұқтырғандар анықтала бастаған наурыз айынан 19 шілдеге дейін аурудан көз жұмғандар Алматыдан 50 шақырым жерде орналасқан Қараой зиратына жерленді. Алайда Алматыда қайтыс болғандардың азаюына байланысты 19 шілдеден бастап марқұмның мәйіті туыстарына беріліп жатыр.
<blockquote>
 “Шілденің басында коронавирустан қайтыс болғандарды арнайы зиратқа жерлеуді тоқтату туралы шешім қабылданды”, – деді Бекшин.
</blockquote>
Дей тұрғанмен, санитар дәрігер коронавирустан қайтыс болғандарды жерлеу кезінде арнайы сақтық шараларын сақтауды ұмытпау керек екенін еске салды.
<blockquote>
 “Бұл жағдайда коронавирус инфекциясының қоздырғышы топырақта 9 күн сақталуы мүмкін. Оның үстіне, инфекцияны денеден шығармау үшін барлық шара қолданылады. Яғни, мәйіт дезинфекциялық ерітіндіге малынған мақта матамен оралады. Қабір және қабір қазуға арналған құралдар өңделеді”, – деп түсіндірді Бекшин.
</blockquote>
Сондай-ақ, қабіршілер де арнайы қорғаныс киімдерін киеді. Бұған дезинфекциялау қызметінің қызметкерлері қатысады. Олар жеке қорғаныс құралдарын өңдеп, артынан өртеп жібереді.

Індеттен қайтыс болғандар бөлек жерленбейтін болды

<a href="https://kyzylorda-news.kz/">Kyzylorda-news.kz.</a> Қазақ тіл білімінің ақтаңгері, ұлт мақтанышы Ахмет Байтұрсыновтың туған күнімен сәйкес келген Қазақстан халқы тілдері мерекесі жыл сайын дәстүрлі тойланып келеді. 5 қыркүйек ұлттың ұлы мерекесіне айналды. Осы орайда Қызылорда облысының Полиция департаменті қызметкерлері арасында сайыс ұйымдастырылды.
Мекемдегі өзге ұлт өкілдерінің тіл меңгеру деңгейін байқау мақсатында «Тіл – адам жанының тілмашы» тақырыбында тіл сайыс ұйымдастырылды. Сайысқа өзге ұлт өкілдерінен Борис Угай, Виталий Соболев, Ризван Домбаев, Владимир Федорук қатысты.
&nbsp;&nbsp;&nbsp; Сайысқа қазылық ету үшін Қызылорда облыстық ішкі саясат басқармасының Қызылорда облысы тілдерді оқыту&nbsp; орталығының мамандары қатысты.&nbsp; Сайыс қорытындысы бойынша жеңімпаздар анықталып, алғыс хаттармен марапатталды.
<blockquote>
 ««Егер де біз қазақ деген ұлт болып тұруды тілесек, қарнымыз ашпас қамын ойлағандай тіліміздің де сақталу қамын қатар ойлау керек»-деген ұлт ұстазы Ахмет Байтұрсыновтың кемел ойын әр адам қаперінде ұстасақ, тіліміздің тұғыры берік болмақ. Ұлты үшін ұрандатқан ел мақтаныштарын ұлықтау біздің парызымыз», – дейді тәртіп сақшылары.
</blockquote>

Тәртіп сақшылары арасында «Тіл – адам жанының тілмашы» атты байқау өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы ЗК-169/1 мекемесінен тағы бір жазасын өтеуші, &nbsp;бостандыққа шықты. Ол терроризмді насихаттау және діни алауыздықты қоздырғаны үшін бас бостандығынан айырылған.
<blockquote>
 «Мекемеге келгеннен бастап онымен мекеменің жедел бөлімі, арнайы контигент&nbsp; арасында әлеуметтік-психологиялық тәрбие жұмысы бөлімінің теолог, психолог мамандары және радикалды діни ағымдарға қарсы иммунитетті қалыптастыруға бағытталған ресми түрде тіркелген діни бірлестік өкілдерімен ақпараттық-түсіндіру жұмыстарын жүргізді. Нәтижесінде, бұрынғы діни ұстанымының дұрыс еместігіне көзі жетіп, дәстүрлі исламға бейімделіп, мекеме жұмысына белсене араласты», – дейді түзеу мекемесінің мамандары.
</blockquote>
Тағайындалған жазасының үштен бір бөлігін өтеген жазасын өтеуші, Қызылорда қалалық №2 сотына &nbsp;ҚР ҚК-нің 73-бабына сәйкес, жазасының өтелмеген бөлігін неғұрлым жеңіл жаза түріне ауыстыруға өтініш хат берген болатын. Сотталған азаматтың өтініш хаты сотпен қаралап, &nbsp;қанағаттандырылды.
<blockquote>
 «Жастықпен аңдамай жаза бастым. Жасаған қылмысыма өкінемін. Қазіргі таңда көп уақытын әлеуметтік желіде өткізетін замандастарымды теріс ағымдағы әртүрлі діни сайттардың тұзағына түсіп қалудан сақ болуға шақырамын», – дейді бостандыққа шыққан қызылордалық тұрғын.
</blockquote>

Қазақстан және Қызылорда облысының жаңалықтары

Ардақ Ерсейтов: Жолдау жемқорлықсыз болашақты қолдайды

Қырымбек Көшербаев отбасы құндылықтарына негізделген пән енгізуді ұсынды

Облыс әкімі сауда желілеріне барып, азық-түлік бағалары мен санитарлық нормалардың сақталуын бақылады

Қайтадан карантин енгізіле ме?

Жеке мәліметтерді заңсыз жариялағандарға жаза бар ма?

Гүлжанат Есенбаева: Президент Жолдауы – білім беру ісіне қолдау

Жылқы ұрлаған қызылордалық ұсталды

Есенгелді Ержігітов: Серпінді даму жолы

Зейнетақы жинағын шешіп алу үшін онда қанша ақша болуы керек?

Індеттен қайтыс болғандар бөлек жерленбейтін болды

Тәртіп сақшылары арасында «Тіл – адам жанының тілмашы» атты байқау өтті

Түрмеден босап шыққан қызылордалық әлеуметтік желіде сақ болуға шақырды

Қазақстан және Қызылорда облысының жаңалықтары

Ардақ Ерсейтов: Жолдау жемқорлықсыз болашақты қолдайды

Қырымбек Көшербаев отбасы құндылықтарына негізделген пән енгізуді ұсынды

Облыс әкімі сауда желілеріне барып, азық-түлік бағалары мен санитарлық нормалардың сақталуын бақылады

Қайтадан карантин енгізіле ме?

Жеке мәліметтерді заңсыз жариялағандарға жаза бар ма?

Гүлжанат Есенбаева: Президент Жолдауы &#8211; білім беру ісіне қолдау

Жылқы ұрлаған қызылордалық ұсталды

Есенгелді Ержігітов: Серпінді даму жолы

Зейнетақы жинағын шешіп алу үшін онда қанша ақша болуы керек?

Індеттен қайтыс болғандар бөлек жерленбейтін болды

Тәртіп сақшылары арасында «Тіл – адам жанының тілмашы» атты байқау өтті

Түрмеден босап шыққан қызылордалық әлеуметтік желіде сақ болуға шақырды

Гүлжанат Есенбаева: Президент Жолдауы – білім беру ісіне қолдау