Kyzylorda-news.kz. Қызылорда облыстық білім басқармасының қолдауымен алғаш рет директорлардың TEDx форматтағы кездесуі өткізілді. Басқосуға қала және барлық аудандардан 20-ға жуық мектеп директорлары шақырылды.
TEDx алаңында 4 спикер білім саласын басқару жүйесіндегі көшбасшылық және мененджменттік қасиеттерді дамытуға арналған жаңа кейстермен бөлісті. Айталық, 101 мектептің директоры Айгүл Өткелбаева “Стратегиялық брэнд менеджмент” тақырыбын қозғаса, 140 мектеп директоры Айгүл Мұсабаева “Мектептегі венчурді дамыту” әдістерімен бөлісті. Ал, 278 мектеп-лицей директоры Эльмира Азатбаева “Мұғалім арасындағы матрицалар мен анықтауыштар” тақырыбындағы тәжірибесін ортаға салды. Соңғы спикер 261 мектеп директоры Қарлығаш Абдрахманова “Мектептегі HR менеджмент” енгізудің жаңа әдістерін тарқатып берді.
Еркін ой алаңында облыстық білім басқармасының басшысы Ақзира Қасымова білім саласындағы жаңа формация алға шыққан уақытта мектеп директорлары тың талаптарға сай жұмыс жүргізуі керек екенін алға тартты. Сондай-ақ, әрбір мектеп басшысы менеджерлік дамуға қарай бет түзеп, ұжымды басқарудың жаңа тетігіне қарай әрекет етуі керек деп атап өтті.
TEDx соңында мектеп директорлары кері байланыста пікір алмасып, тәжірибе бөлісті. Алдағы уақытта директорлардың біліммен бөлісу алаңы жиі ұйымдастырылып, спиральдік жүйе арқылы дамитын болады.
Айта кетейік, бұдан былай Сыр елінде директорлар лигасы жұмысын бастайтын болады. Серіктес директорлар білім беру ісіндегі озық тәжірибе мен жаңа идеяларды іске асырады. Бұл үшін облыстық іс-шаралар жоспары бекітіледі.
<img src="https://kyzylorda-news.kz/wp-content/uploads/2021/02/fb_img_1614444258436.jpg" alt="" />
<img src="https://kyzylorda-news.kz/wp-content/uploads/2021/02/fb_img_1614444238790.jpg" alt="" />

Қызылордада мектеп директорларының лигасы құрылды

Kyzylorda-news.kz. Қазгидромет 28 ақпанға арналған ауа райы болжамын жариялады.
Солтүстік-батыс циклонның шығуына байланысты республиканың басым бөлігінде тұрақсыз ауа райы күтіледі, осыған байланысты жауын-шашын күтіледі, солтүстік-батыста және солтүстікте кей жерлерде қатты жауын-шашын (жаңбыр, қар) жауады.
Тек еліміздің оңтүстік мен оңтүстік-шығысында жауын-шашынсыз ауа райы күтіледі. Республиканың кей жерлерінде тұман, көктайғақ, жаяу бұрқасын, желдің күшеюі сақталады.

28 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Наурыз айының бірінен бастап көктемгі мерзімді әскерге шақыру басталады. Сыр өңірінен көктемде Отан алдындағы борышын өтеуге 700-ге азамат әскерге барады. Басты ерекшелік, қарым-қатынасты азайту мақсатында азаматтарды шақыру 1414 сервис қызметі пилоттық режимінде SMS-хабарламалар жіберу арқылы жүзеге асады.
Әскерге шақыру 18 бен 27 жас аралығындағы азаматтар жіберіледі. Жас сарбаздар әскери борышын ҚР ҰҚК Шекара қызметінде, ҚР Қарулы Күштері қатарында, ҚР ІІМ Ұлттық ұланы мен ҚР төтенше жағдайлар министрлігіне қарасты бөлімдері және Мелекеттік Күзет қызметтерінде өтейтін болады.
<blockquote>
 «Барлық аудандық, қалалық шақыру және облыстық жиын пункті көктемгі мерзімді әскери шақыруға толық дайын. Медициналық комиссиялар тиісті білікті дәрігер мамандармен және медициналық құралдармен толық қамтылған. Алғашқы команданы 6 наурызда Алматы қаласындағы ҚР ҰҚК Шекара қызметіне 19 азаматты жіберетін боламыз», – деді облыстық жұмылдыру дайындығы басқармасы басшысының орынбасары Бағдат Әлиев.
 «Біз барлық санитарлық талапты қатаң сақтайтын боламыз. Әскерге шақырылушылардан міндетті түрде әскери бөлімдерде, арнайы пункттерде ПТР-талдамасы алынады. Ал, шақырылушыларға екпе жүргізу келген әскери бөлімде, яғни, қызмет өткеру орындарында ұйымдастырылатын болады», – деді Қызылорда облысы Қорғаныс істері жөніндегі департаменті бастығының орынбасары – жасақтау басқармасының бастығы Дмитрий Жерегя.
</blockquote>
Айта кетейік, көктемгі әскерге шақыру науқаны ағымдағы жылдың бірінші шілдесіне дейін барлық санитарлық-эпидемиологиялық талаптарды сақтай отырып жалғасады.Әскери бөлімдерге елімізді қорғауға қабілетті, денсаулығы мықты, дене бітімі шыныққан, сауаты жеткілікті, моральдік-іскерлік қабілеті жоғары азаматтар аттанады.

Қызылорда: Көктемде 700-ге жуық азамат әскерге барады

<a href="https://kyzylorda-news.kz/">Kyzylorda-news.kz.</a> Сақалтай – қозықұмай, көкжөре секілді күндізгі жыртқыш құстар отрядының қаршыға тұқымдасына жататын ірі құс. Ол Қазақстанның Қызыл кітабына енген.
<img src="https://kyzylorda-news.kz/wp-content/uploads/2021/02/ss.jpeg" alt="" />
Қазақстанда Жетісу, Жоңғар Алатауы мен Тянь-Шаньда, Алтайда кездеседі. Теңіз деңгейінен 2000-4000 метр биіктіктегі шың-құздарды мекендейді. Саны тұрақты болғанымен аз, сирек кездесетін түрі. Ұясын таудың жартасты-құзды жерлеріне салады. Ақсу-Жабағылы және Алматы таулы қорықтарында 20 шақтысы қорғауға алынған.&nbsp;
Сақалтайдың жасын түсіне қарай ажыратуға болады. Қанатының жоны қара, бауыры ақсарғыш, бас жүні бурыл болса жас болғаны. Ал жасамыстарында бұл сарғыштау келеді. Тек қана өзіне тән ерекше белгісі – тұмсығының түп жағында алға қарай шығыңқы келген сақал тәріздес қою қара қылшығы болады. Одан басқа ерекшелігі – ірі болуы. Қанатын жайғанда 3 метрге дейін жетеді. Қанаты мен құйрығының ұштары үшкірлеу келеді.
Сақалтай да өзге тау қырандары секілді әуеде қалықтап ұшқанды ұнатады. Жұптасып жүретін бұл құстардың тағы бір қасиеті аспанда бір-бірімен қуысып, әртүрлі өрнектер түзіп, ойнақ салғанды тәуір көреді.
Сақалтай аса ірілігіне қарамастан оның хайуанаттар әлеміне жыртқыш ретінде зиян келтірері шамалы. Өйткені ол көбіне өлексемен қоректенеді. Бүркіт, қарақұстардан қалған сүйек-саяқ сүйікті «асы» саналады. Тұтас жіліктерді бітеудей жұтады. Міне, осылайша таудағы тазалық қызметін атқарады. &nbsp;Кейде тұяқты жануарлардың жас төлін, құс балапанын, тасбақаны аулайды. Жабайы тұяқтылар саны қысқарса, сақалтайлар жоғалып кетуі ықтимал.
Қыстың ең суық кезі болатын желтоқсан-қаңтар айларында 2-3 жұмыртқа салып, наурыз-сәуірде балапан ашады. Жарық дүниеге өте әлсіз келетін балапандары 3 айда жетіліп, күзге қарай ұшуға жарап та қалады.
Сақалтай жайлы ғылыми дерек те аз.
<a href="https://massaget.kz/layfstayl/alemtanu/syrly-alem/64565/">massaget.kz</a>

Сақалтай – таудағы тазалыққа жауап беретін құс

<a href="https://kyzylorda-news.kz/">Kyzylorda-news.kz.</a> Кейбір өнімдер тістерді ағартуға қабілетті. Бұл туралы диетолог Анна Белоусова айтты, деп хабарлайды&nbsp;<a href="https://stan.kz/">Stan.kz</a>.
Оның айтуынша, жемістер мен көкөністер тістерді ағартуы мүмкін. Мысалы, сәбіз және балдыркөк бляшканы механикалық алып тастау арқылы эмальды ағартады. Сонымен қатар, бұл өнімдер қан айналымын және ауыз қуысының жұмысын&nbsp;жақсартатын қызыл иекті нығайтады.
Сонымен қатар, ананас пен папайя да ағартуға кабілетті.&nbsp;Бұл жемістер бактерияларды өлтіреді.
Диетолог тістерді ағартуға арналған арнайы өнімдер тиімдірек нәтиже көрсететінін айтты.

Дәрігер тісті ағартуға қабілетті азық-түліктерді атады

<a href="https://kyzylorda-news.kz/">Kyzylorda-news.kz.</a> Британ фотографы Джеймс Моллисон (James Mollison) мектеп жанындағы алаң балалық шағында өте маңызды орын алғанын байқаған. Мектеп алаңында қызықты кездесулер мен әңгімелер, ойындар мен балалық қылықтар болатыны сөзсіз. Осы ойлар оны мектеп алаңдарына байланысты фотожоба құруға итермеледі. Әлемнің түкпір-түкпіріндегі мектеп алаңдары қандай екенін Моллисонның суреттерінен тамашалауыңызға болады.
Ұлыбритания
<img src="https://kyzylorda-news.kz/wp-content/uploads/2021/02/wlyb.jpg" alt="" />
Боливия
<img src="https://kyzylorda-news.kz/wp-content/uploads/2021/02/boli.jpg" alt="" />
Бутан
<img src="https://kyzylorda-news.kz/wp-content/uploads/2021/02/bwtan.jpg" alt="" />
Жапония
<img src="https://kyzylorda-news.kz/wp-content/uploads/2021/02/zhapo.jpg" alt="" />
Ресей
<img src="https://kyzylorda-news.kz/wp-content/uploads/2021/02/resej.jpg" alt="" />
Израиль
<img src="https://kyzylorda-news.kz/wp-content/uploads/2021/02/izar.jpg" alt="" />
Норвегия
<img src="https://kyzylorda-news.kz/wp-content/uploads/2021/02/norv.jpg" alt="" />
Непал
<img src="https://kyzylorda-news.kz/wp-content/uploads/2021/02/nepal.jpg" alt="" />
Үндістан
<img src="https://kyzylorda-news.kz/wp-content/uploads/2021/02/wndis.jpg" alt="" />
Мексика
<img src="https://kyzylorda-news.kz/wp-content/uploads/2021/02/meksi.jpg" alt="" />
Италия
<img src="https://kyzylorda-news.kz/wp-content/uploads/2021/02/ital.jpg" alt="" />
АҚШ
<img src="https://kyzylorda-news.kz/wp-content/uploads/2021/02/aksh.jpg" alt="" />
Кения
<img src="https://kyzylorda-news.kz/wp-content/uploads/2021/02/kenija.jpg" alt="" />
Қытай
<img src="https://kyzylorda-news.kz/wp-content/uploads/2021/02/kytaj.jpg" alt="" />
<a href="https://bilim-all.kz/article/12185-Alem-elderindegi-mektep-alandary">Bilim-all.kz</a>

Әлем елдеріндегі мектеп алаңдары

<a href="https://kyzylorda-news.kz/">Kyzylorda-news.kz.</a> Қазақстан ұлттық олимпиадалық комитетінің спорттық дәрігері Талғат Абдымамынов «Балалар және спорт» тақырыбында сөз қозғайды. Сондай-ақ ол жас атлеттер мен олардың ата-аналарына спорт дәрігері ретінде пайдалы кеңестерін бөлісті, деп хабарлайды ҚР ҰОК баспасөз қызметі.&nbsp;
<blockquote>
 «Кез келген ата-ана баласының мықты, дені сау болып өскенін қалайды. Сондықтан, баланы кішкентай кезінен спортпен таныстырып, спортқа баулып, баланы қандай спортпен шұғылдандыруға болатынын білген абзал. Ата-аналар бастапқыда баланы қандай спортқа баулитынын білмей дал болады. Мамандар балаға спортты таңдаған кезде мына факторларды ескерген жөн», – дейді спорт дәрігері Талғат Абдымамынов.
</blockquote>
Атап айтар болсақ, олар жасы, денсаулық жағдайы, темпераменті, баланың қызығушылығы; Мектеп жасына дейінгі балаларға спорт икемділігін арттырып,&nbsp; жылдамдық реакциясын және де адамдармен байланыс орнатуға жағынан пайдалы. Мәселен, мұндай жастағы балалар гимнастика, футбол, мәнерлеп сырғанау сынды спорт түрлеріне икемді болады.
Ал 7-9 жастар жастан кейін жалдамдыққа жұмыс істеп, жүктемесі көп спортпен шұғылдандыруға әбден болады. Атап айтқанда, ат спорты түрлері мен таушыңғы спорты осы жастағы балаңызға ұнауы мүмкін. Ал 11 жастан кейін балаларды жарақат алу қаупі бар спорт түрлеріне қорықпай қатыстыра аласыз. Әдетте ата-аналар бұл кезеңде балаларды гандбол, альпинизм, ауыр атлетика сынды спорт түрлеріне баулиды.
Егер сіздің балаңыз сангвиник типті, белсенді болса, онда оған командалық (футбол, баскетбол, волейбол) және мықтылығын көрсететін (альпинизм, семсерлесу) сынды спорт түрлері оң келеді.
Балаңыз жастайынан холерик болса, яғни мінезді, жігерлі болса, онда оны теннис, күрес түрлері мен ат спортына қызығушылығынарттырыңыз. Ал флегматиктерге ұзақ жаттығу мен жаттығудағы көп жүктеме олардың ішін пыстырмайды. Соныдақтан осы типтегі балаларды жүзу, жүгіру және қайық спорттарына қатыстыра аласыз.
Табиғатынан темпераменті меланхолик болса, командалық емес, жекелей санаттағы спортқа баулығаныңыз абзал.
Егер сіздің балаңыз арық, бұлшық еттері әлсіз болса, онда жылдамдық пен төзімділікті дамытатын спорт түрлеріне назар аударыңыз (көркем гимнастика, велоспорт). Егер ұлдың немесе қыздың кеуде тұсы кең, иық пен жамбастың ені бірдей болса, онда командалық спорт түрлері қолайлы. Ал сіздің балаңыздың қаңқасы үлкен, бұлшық еттері мығым болса, онда ол физикалық күшті талап ететін спорт түрлерімен қиналмай шұғылдана алады. Мысалы, пауэрлифтинг, бокс, ауыр атлетика спорт түрлері осы санатқа жатады.
Қысқа бойлы, дене бітімі арық балалар көбіне мылтық ату және мотоспортқа икемді болады.&nbsp;&nbsp;
Десе де әр адам – жеке тұлға. Біз маман ретінде жалпылама кеңес береміз. Спорттың барлық түрі өзінше пайдалы болады. Спортпен кішкентай кезінен шұғылдану адамның қан айналым мен тыны салу жолдарын реттейді. Иммунитетін күшейтіп, бұлшықеттерін бірқалыпты етеді. Физикалық жаттығулар артық салмақтың алдын алады. Спорттың арқасында баланың организімі жақсы дамып, түрлі ауруларға төтеп береді. Сондай-ақ, иммунитетті қалыптастырады.

Балалар және спорт: маманның жас атлеттерге кеңесі

<a href="https://kyzylorda-news.kz/">Kyzylorda-news.kz.</a> Кей кісілер 40-тан асқанда, тамақтануы мен физикалық белсенділік деңгейі сол қалпы қалса да, салмақ қоса бастайды. &nbsp;
Сіз бұрынғыдай белсенді болсаңыз да, денеңізде қартаю үдерісі іске қосылып кетеді: метаболизм баяулайды, жақсы тұлғаны ұстап тұруда маңызы зор бұлшықет массасы мен кейбір гормондар азаяды. Артық салмақтың пайда болуы себептерін анықтап талдаймыз және онымен қалай күресу керек екенін айтып береміз. &nbsp;
<h5 id="">Метаболизм баяулап кетеді</h5>
2010 жылғы&nbsp;(Relasionship Between Basal Metabolic Rate, Gender, Age and Body Composition in 8,780 White Obese Subjects — интернеттен іздеп көруге болады)&nbsp;ауқымды зерттеу кезінде әртүрлі жастағы 8 мың адамды тестілеп, 40 жастан асып кеткен ересектердің тәнінде базалық метаболизм 3,1-3,3% азайып кететінін анықтаған.&nbsp;
Бұл тыныштық қалпындағы дене күніне 50-60 килокалорийді азырақ шығындайтынын білдіреді. Бұл соншалықты көп емес секілді, алайда, егер физикалық белсенділіктің деңгейін және үйреншікті диетаны өзгертпесеңіз, сіз жылына 3 килограмм салмақ қоса бастауыңыз мүмкін.&nbsp;&nbsp; &nbsp;
<h5 id="-1">Қайтпек керек?</h5>
Өзіңіздің тамақтану тәртібіңізді қайта қарап, тұтынатын калорийлерді азайту керек. Салмағыңызды азайтқыңыз келсе, жылдам көмірсулардың мөлшерін азайтып, тұтынатын калорийлердің есебін біліп жүріңіз және күндік нормадан асып кетпеуге тырысыңыз.&nbsp; &nbsp;
Болмашы ғана өзгерістердің өзі ұзақмерзімді келешекте атап айтарлықтай нәтижелерге жеткізуі мүмкін екенін есте ұстаңыз. Рационыңызды 60-100 килокалорийге қысқартып және пайдалы азықпен тамақтану арқылы сіз тәуір физикалық денсаулығыңыздың ұзақ жылдар сақталуының берік іргесін қалайсыз. &nbsp;
<h5 id="-2">Бұлшықет массасы кеміп кетеді</h5>
50 жастан кейін бұлшықет массасы өте жылдам азаяды — жылына 15% дейін. Дегенмен, бұлшықет массасының және күш-куаттың азаюы үшінші онжылдықтан кейін-ақ басталып кетеді.&nbsp; 2013 жылы жүргізілген&nbsp;(Strength and muscle mass loss with aging process. Age and strength loss — интернеттен іздеп көруге болады)&nbsp;зерттеуге қарағанда адамдардың 40 жасқа дейінгі және 40 жастан кейінгі бұлшықет массасы мөлшерінің айырмашылығы 16,6%-тен 40,9%-ке дейінгі межені құрайды.&nbsp; &nbsp;
Өміржастық өзгерістер, түсетін физикалық күштің жоқтығы, тестостерон деңгейінің төмендеп кетуі — бұның бәрі бұлшықет массасы мөлшеріне кері әсерін тигізеді. Бұлшықет массасын ұстап тұруға организм аз калория жұмсамайды ғой. Бұлшықеттен айырылып қалған соң сіз метаболизмді азайтып жібересіз және артық салмақ қосып алу мүмкіндігіңізді арттырасыз.&nbsp; &nbsp;
<h5 id="-3">Қайтпек керек?</h5>
Егер сіз әлі спортпен шұғылданбай жүрсеңіз, бастайтын уақыт келді. Ақуыздың көбірек тұтынылуымен үйлесіп отыратын күш шығаратын жаттығулар бұлшықет массасын ұстап тұруға және оны арттыра түсуге көмегін тигізеді.&nbsp; &nbsp;
<h5 id="-4">Гормоналдық фон өзгеріп кетеді</h5>
35 жастан асқан әйелдердің организмінде эстрогеннің бөлініп шығуы төмендеп, бұл уақыт өте келе етеккірдің тоқтауына (менопауза) және климакстың келуіне апарып соғады. Эстрогеннің артығы майдың қордаланып қалуына сеп болғанымен де, оның жеткіліксіздігінің салмаққа кері әсері бар. Постменопауза кезеңіне өту абдоминалдық майдың мөлшері мен глюкозаның және инсулиннің деңгейінің артып кетуімен ерекшеленеді.
Ерлерде 30 жастан кейін тестостерон деңгейі төмендеп кетеді, бірақ ол 40 жастан асқан кезде барып қатты байқала бастайды. 1991 жылғы&nbsp;(Testosterone and Aging: Clinical Research Directions — интернеттен іздеп көруге болады)&nbsp;зерттеуіне сәйкес ерлер 39 жастан асқаннан кейін олардың еркін (ақуыздармен байланыспаған) тестостерон деңгейі жыл сайын 1,2% төмендеп отырады.&nbsp; &nbsp;
Депрессия, либидоның төмендеп кетуі, бұлшықет массасының азаюы және май процентінің артуы — бұның бәрі тестостерон деңгейінің түсіп кеткенінің белгілері. &nbsp;
<h5 id="-5">Қайтпек керек?</h5>
Қалқанша безін — гормондардың өндірілуіне тікелей жауапты органды тексертіңіз. Әйелдердің 20% 40 жастан соң қалқанша безінің дұрыс істемеуінен зардап шегеді. Егер сіз енжарлыққа бой алдырсаңыз және айқын себептерсіз салмағыңыз артып бара жатса, гормоналдық теңгерім тестінен өту қажеттілігі-қажетсіздігі жайында дәрігеріңізден сұраңыз. Гормоналдық терапияның сізге салмақ қоспауға септігі тиюі мүмкін. &nbsp;
Бұлардан басқа тестостеронды арттыратын табиғи әдіс-тәсілдер бар: күш салатын жаттығулар, қант пайдаланылмайтын жоғарыақуызды диета, стресстердің болмауы. &nbsp;
40 жастан асқан соң, жақсы физикалық форманы ұстап тұруға болады, әсіресе пайдалы азық-түлікті пайдалану және физикалық жаттығулар өмір салтыңыздың бір бөлігіне айналса. Уақыт сізді аямайды десек те, 40 жасыңызда сіз 30 жастағы кезіңізден әлдеқайда ажарлы көріне аласыз.
<a href="https://bilim-all.kz/article/9013-Nege-adamdar-40-zhastan-asqan-son-tolyp-ketedi?utm_medium=referral&utm_source=lentainform&utm_campaign=bilim-all.kz&utm_term=1277167&utm_content=9131562">Bilim-all.kz</a>

Неге адамдар 40 жастан асқан соң толып кетеді?

<a href="https://kyzylorda-news.kz/">Kyzylorda-news.kz.</a> Байқоңыр қаласында коронавирус инфекциясының таралуын шектеу шаралары 2021 жылдың 15 наурызы сағат 00:00-ге дейін ұзартылды, деп хабарлайды қала әкімдігінің баспасөз қызметі.
<blockquote>
 «Карантин «Байқоңыр» кешенінің бас мемлекеттік санитарлық дәрігерінің және Байқоңыр қаласы әкімшілігі басшысының шешімімен тағы екі аптаға ұзартылды. Яғни қолданыстағы шектеу шаралары күшінде қалады», – делінген хабарламада.
</blockquote>
Кешегі күнге дейін Байқоңыр қаласында жалпы саны 1254 адам коронавирус инфекциясын жұқтырған. Бұл көрсеткіш екі апта бұрын 1223 адамды құраған болатын. Қазіргі уақытта 8 науқас жұқпалы аурулар ауруханасында емделуде.

Байқоңырда карантин шаралары 15 наурызға дейін ұзартылды

<a href="https://kyzylorda-news.kz/">Kyzylorda-news.kz.</a> Қызылорда облысында ПТР әдісі арқылы коронавирус инфекциясын анықтайтын 3 зертхана іске қосылды, деп хабарлайды <a href="https://www.inform.kz/kz/kyzylordada-koronavirus-infekciyasyn-anyktaytyn-3-zerthana-iske-kosyldy_a3758343">ҚазАқпарат</a>.
Өңірде бұған дейін аталған жұмыс 6 зертханада жүзеге асты.Енді олардың қатары тағы 3 лабораториямен толықты.Ендігі кезекте қатерлі індетті анықтау «Lab-Cell» ЖШС, «Invitro» ЖШС және «Геном» ЖШС лабороторияларында да жүзеге асты.Осылайша өңірдегі барлық зертхананың бір күндік жалпы қуаты 3370 анализді зерттеуге жетеді.
<blockquote>
 «Бұл коронавирусты анықтайтын зерттеулерді кеңейтуге, ерте анықтауға мүмкіндік береді. Ол аталған аурудың таралуының алдын алуға үлкен септігін тигізеді. Жыл басынан бері облыс бойынша коронаврируты анықтауға барлығы 317 мыңға жуық сынамаға ПТР талдау жүргізілді. Бүгінгі күні ПТР тестілеу 9 зертханада қолжетімді болып отыр. Оның 4-еуі – мемлекеттік, 5-еуі – жеке меншік негізде жұмыс жасайды» деп мәлім етті Қызылорда облысының санитариялық-эпидемиологиялық бақылау департаментінен.
</blockquote>

Қызылордада коронавирус инфекциясын анықтайтын 3 зертхана іске қосылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 806 адамда коронавирус ПТР-талдау арқылы анықталды, деп хабарлайды coronavirus2020.kz сайты.
Өңірлер бойынша:
Нұр-Сұлтан қаласында -24961(+137),
Алматы қаласында – 24878(+105),
Шығыс Қазақстан облысында – 21945(+48),
Атырау облысында – 17121(+39),
Павлодар облысында – 17455(+79),
Қарағанды облысында – 15348(+40),
Ақмола облысында – 13510(+70),
Батыс Қазақстан облысында – 12910(+66),
Солтүстік Қазақстан облысында – 12275(+30),
Қостанай облысында – 12249(+64),
Алматы облысында – 10727(+64),
Шымкент қаласында -6123(+12),
Жамбыл облысында – 5935(+20),
Түркістан облысында – 4276(+9),
Маңғыстау облысында – 4219(+5),
Ақтөбе облысында -4251(+12),
Қызылорда облысында -3835(+6).
Пандемия басталғалы ел бойынша ауырғандар саны – 212 018.

Қызылордада тағы 6 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Республиканың шығысына антициклон ықпал етеді, ал батыс бөлігіне Солтүстік-батыс циклоны келеді. Осыған байланысты республиканың басым бөлігінде қар жауады. Батыста жаңбыр мен қар жауады. Тек еліміздің оңтүстік-шығысы мен шығысында жауын-шашын жаумайды. Республиканың кей жерлерінде тұман түсіп, көктайғақ болады. Боран соғып, жел күшейеді, деп хабарлайды Қазгидромет.
Батыс Қазақстан, Атырау, Ақтөбе облыстарының кей жерлерінде – жаяу бұрқасын, тұман, көктайғақ болады. Жел екпіні 15-20 м/с дейін күшейеді.
Түркістан облысының кей жерлерінде боран соғады, тұман түседі. Күндіз кей жерлерде жел қарқыны – 15-20 м/с.
Күндіз Ақмола, Солтүстік Қазақстан облыстарының батысында бұрқасын көтеріледі. Кей жерлерде жел жылдамдығы 15-20 м/с жетеді.
Қызылорда облысының кей жерлерінде тұман түсіп, көктайғақ болады. Күндіз кей жерлерде желдің күші – 15-20 м/с.Жамбыл обласының кей жерлерінде тұман түседі, жел екпіні 15-20 м/с дейін күшейеді.
Қостанай, Қарағанды облыстарының кей жерлерінде тұман түседі. Күндіз кей жерлерде жел қарқыны – 15-20 м/с. Қостанай облысының кей жерлерінде боран соғады.
Павлодар, Шығыс Қазақстан, Маңғыстау облыстарының кей жерлерінде тұман түседі. Маңғыстау облысында көктайғақ болжанады.
Солтүстік Қазақстан, Қарағанды облыстарының кей жерлерінде түнде қатты аяз болады.

Қазақстан және Қызылорда облысының жаңалықтары