<a href="https://kyzylorda-news.kz/">Kyzylorda-news.kz</a>. Қызылорда облысы кәсіпкерлер палатасының кеңесшілері кәсіпкерлер мен азаматтарға 9341 кеңес беріп, қызмет көрсетті. Бұл туралы Кәсіпкерлер палатасының директоры Ғалымбек Жақсылықов Өңірлік коммуникациялар орталығында өткен баспасөз мәслихатында айтты.
Палата басшысы журналистерге соңғы 7 жылда облыста мұнай өндірісі екі есеге дейін азайып, 5,5 млн тоннаға дейін төмендегенін, өткен жылы да 1 млн тоннаға кеміп, өндіріс көлемі 4,6 млн тоннаны құрағанын жеткізді.
Спикердің айтуынша осының салдарынан өңірде мұнай өндеуші ірі кәсіпорындардан түсетін салық көлемі орташа есеппен 4,2 есеге түсіп кеткен.
<blockquote>
 «Өңдеу өнеркәсібі бағытында облыс экономикасын әртараптарандыру – күн талабы. Оны тек шағын және орта бизнесті дамыту арқылы қол жеткізе аламыз», – дейді Палата директоры.
</blockquote>
Статистикалық деректер бойынша 2021 жылғы 1 қаңтарға облыста 48&nbsp;657 шағын және орта кәсіпкерлік субъектісі жұмыс жасап жатыр (дара кәсіпкерлер –&nbsp; 67%, шаруа қожалықтары – 21% және заңды тұлғалар – 12,0%). Өсім – 5,1%.
<blockquote>
 «Өткен жылғы төтенше жағдай, карантинге қарамастан біз қызметімізді тоқтатпадық. Қызметкерлеріміз төтенше жағдайда 24/7 режимінде жұмыс жасады. Офлайн алынатын қызметтерді жағдайға тез бейімделіп онлайн алу мүмкіндігін енгіздік. Нәтижесінде 2020 жылдың 12 айының қорытындысы бойынша Палата кеңесшілері 1677 кәсіпкерлік субъектісіне 1785 қызмет көрсетті. Оның ішінде: онлайн – 576 қызмет, офлайн – 1209 қызмет», – деді баспасөз мәслихатында Ғалымбек Жақсылықов.
</blockquote>
Мұнымен қоса, Палата кеңесшілері 4075 тұлғаға 7664 кеңес берген, оның ішінде онлайн форматта – 111кеңес.
Аймақта Палата мамандарының оқытуымен «Бизнес-мектеп» оқу курсын 801 тұлға оқып шықты. Офлайн форматта – 78, онлайн – 723 тұлға. Оқыған қатысушылардың 54 жобасы жалпы сомасы 172 400 000 тенгеге қаржыландырылған.
<img src="https://kyzylorda-news.kz/wp-content/uploads/2021/01/img_0486-scaled.jpg" alt="" />

Қызылордада 48 657 шағын және орта кәсіпкерлік нысаны жұмыс жасайды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова еңбек ардагері, Социалистік Еңбек Ері Арапбек Әбиевпен кездесіп, 80 жас мерейтойымен құттықтады.
<blockquote>
 Сыр өлкесінде еліміз үшін аянбай еңбек етіп, өзінің адалдығымен, парасаттылығымен ел аузында жүрген, ауыз толтырып айтарлық азаматтарымыз баршылық. Осы азаматтарымызға лайықты құрмет көрсетіп, ғибратты ғұмырын басқаларға үлгі, жастарға өнеге ету біздің басты мақсатымыз. Осындай азаматтарымыздың бірі де бірегейі Әбиев Арапбек Әбиұлы ағамыз биыл мерейлі 80 жасқа толып отыр. Сізді Сыр өңірі жұртшылығының атынан мерейтойыңызбен шын жүректен құттықтаймыз!, – деді облыс әкімі.
</blockquote>
Арапбек Әбиев – 1941 жылғы 9 қаңтарда Қызылорда облысы, Жаңақорған ауданында дүниеге келген. Жаңақорғандағы №17 кәсіптік-техникалық училищені бітіріп, дала академигі атанған күрішші Ыбырай Жақаевтың мектебінен өткен.
1968-1977 жылдары күріш звеносының жетекшісі, 1978-1994 жылдары күріш бригадасын басқарды, 1994-1997 жылдары кеңшар директорының шаруашылық жөніндегі орынбасары болды. Алғашқы жылдан бастап күріштен мол өнім жинап, озат диқан атанды. 
Ауылшаруашылығы саласының дамуына ерекше үлес қосып, «Социалистік Еңбек Ері» атағын алды. Екі мәрте «Ленин орденімен», «Еңбек Қызыл Ту» орденімен, Бүкілодақтық ауыл шаруашылық жетістіктері көрмесінің күміс және алтын медальдарымен марапатталды.
Сондай-ақ, «Қазақ КСР ауыл шаруашылығының еңбек сіңірген қызметкері» құрметті атағына, Қазақ ССР Жоғарғы Кеңесі Президиумының Құрмет грамотасына ие болған. Қазір Республикалық дәрежедегі зейнеткер.
Шарада аймақ басшысы мерейтой иесіне Сыр елінің әлеуметтік-экономикалық, қоғамдық-саяси дамуына сіңірген еңбегі үшін облыстың ең жоғары наградасы – Қызылорда облысының «Құрмет грамотасын» табыстап, халқымыздың игі дәстүрі бойынша иығына шапан жапты.
Сонымен қатар облыстық ардагерлер кеңесінің төрағасы Серік Дүйсенбаев Социалистік Еңбек Ерін мерейтойымен құттықтап, лебізін жеткізді.
<blockquote>
 «Арапбек Әбиұлының тәжірибесі, ақыл-кеңесі қазіргі жастар үшін аса қымбат. Еңбек жолында жоғары марапттарға ие болдыңыз. Бүгінгі 80 жасқа толған мерейтойыңыз құтты болсын! Отбасыңыз аман, ғұмырыңыз ұзақ болсын», – деді Серік Дүйсенбаев.
</blockquote>
Шара соңында мерейтой иесі Арапбек Әбиев көрсетілген құрметке ризашылығын білдірді.
<img src="https://kyzylorda-news.kz/wp-content/uploads/2021/01/140106984_3059874997448882_7710848078626293585_o-1.jpg" alt="" />

Аймақ басшысы Социалистік Еңбек Ері Арапбек Әбиевті  мерейтойымен құттықтады

<a href="https://kyzylorda-news.kz/">Kyzylorda-news.kz</a>. Жетінші шақырылымдағы мәжіліс “Қазақстан мен Корея Республикасы арасында сотталған адамдарды беру туралы шартты ратификациялау туралы” заң жобасын мақұлдады, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Бас прокурордың орынбасары Марат Ахметжановтың айтуынша, шарттың негізгі мақсаты – сотталған адамдарды өзара алмасу, оларды беру жолдарын реттеу.&nbsp;
Сотталғандар мынадай жағдайда беріледі:&nbsp;
<ul>
<li>егер соттталған адам Қазақстан не Корея азаматы болып танылса;</li>
<li>сот үкімі заңды күшіне енген болса;</li>
<li>беру туралы сұрау салу алынған кезде кемінде бір жыл өтейтін мерзімі қалса;</li>
<li>жасаған әрекеті екі жақта да қылмыс болып танылса;сотталған адам өзін беруге ниет білдірсе;</li>
<li>екі мемлекет өзара беруге келіссе.</li>
</ul>
<blockquote>
 “Осы талаптар сақталмаса, сотталған адамдар берілмейді. Қазақстанға қайтарылған адам Корея сотының үкімі бойынша өз жазасын өтейді. Егер Қазақстан мен Кореяның заңдары сәйкес болмаса, үйлеспесе, онда сот үкімі біздің заңда көзделген жазаға сай келтіріледі. Алайда жазаның сипаты мен ұзақтығы Корея соты тағайындаған жазадан қатал болмауы тиіс”, – деді Ахметжанов мәжілістің жалпы отырысында.&nbsp;
</blockquote>
Оның айтуынша, қазір Кореяда 25 қазақстандық, ал Қазақстанда Кореяның бір азаматы жазасын өтеп жатыр.&nbsp;
<blockquote>
 “Ұсынылып отырған келісім ратификацияланған жағдайда бұл азаматтарды елге қайтаруға мүмкіндік туады. Олар елге келіп, әлеуметтік ортасында жазасын өтейді, қоғамға қайта бейімделуіне оң ықпал етеді”, – деді бас прокурордың орынбасары.&nbsp;
</blockquote>
Ол Қазақстанның халықаралық шарттар туралы заңына сәйкес аталған шарт ратификациялауға жататынын атап өтті. Себебі құжат адам құқықтарына тікелей қатысты.&nbsp;
Шартты қабылдау бюджеттен қосымша қаражат талап етпейді және экономикалық-әлеуметтік, өзге де кері әсері жоқ.&nbsp;
Мәжіліс заң жобасын мақұлдады.
Сондай-ақ, Ахметжановтың айтуынша, тағы 26 қазақстандық Оңтүстік Кореяда қылмыстық жауапқа тартылып жатыр. Оларға қатысты сот үкімі әлі заңды күшіне енбеген.

Кореяда сотталған 25 қазақстандық елге қайтуы мүмкін – заң жобасы мақұлданды

<a href="https://kyzylorda-news.kz/">Kyzylorda-news.kz</a>. “Nur Otan” партиясының “Кедергісіз келешек” жобасы аясында облыстық партия филиалы жанындағы партиялық бақылау комиссиясы мен арнайы мониторинтік топ өңірдегі әлеуметтік объектілердің мүмкіндігі шектеулі адамдар үшін қолжетімділігінің қамтамасыз етілуіне қоғамдық бақылау шараларын жүргізіп келеді.
Аталған топ өкілдерімен бірге облыстық партия филиалы төрағасының бірінші орынбасары Ләйлә Төрешова қаладағы бірқатар медициналық мекемелердің ғимараттарындағы жағдайды пысықтады.
Атап өту керек, кейбір емханаларға өткен жылы мониторингтік жұмыстар барысында ескертулер берілген. Аталған ескертулер бойынша нақты жұмыстар жүргізілгенімен әлі де жасалатын жұмыстар бар екендігі анықталып отыр.
Мәселен, диагностикалық орталықтағы мүгедектігі бар азаматтар үшін жағдайдың өз дәрежесінде жасалмағандығы көрінді. Нақты айтқанда автотұрақ, пандус, ғимарат ішіндегі жедел саты (лифт) әжетхана стандартқа сәйкес емес.
Ал №2 емханадағы жағдай мүмкіндігі шектеулі азаматтар үшін 100 пайыз бейімделген және белгіленген стандарттарға сай. 
Барлық жағдайды көзбен көріп зерделеуші топ кемшіліктер анықталған нысандар бойынша жауапты мамандарға ескертулер жасады.
Мониторингтік топ құрамымен жасалған хаттама жауапты департаментке жолданбақ. Мониторинг жұмыстары облыс көлемінде жалғасын табатын болады.
<img src="https://kyzylorda-news.kz/wp-content/uploads/2021/01/140489738_1084646375281205_1912966721177689247_o.jpg" alt="" />
<img src="https://kyzylorda-news.kz/wp-content/uploads/2021/01/139949293_1084646371947872_4088020504850403919_o.jpg" alt="" />

Ләйлә Төрешова Қызылордадағы медициналық мекемелерге ескерту жасады

<a href="https://kyzylorda-news.kz/">Kyzylorda-news.kz</a>. ҚР Сыбайлас жемқорлыққа қарсы іс-қимыл Агенттігі Төрағасы Алик Шпекбаевтың бұйрығымен Төраға кеңесшісінің лауазымына Жазира Жақсылыққызы Жылқышиева тағайындалды.
Жазира Жақсылыққызы бұған дейін Агенттіктің Нұр-Сұлтан қаласы бойынша департаменті басшысының бірінші орынбасары қызметін атқарды.
Жазира Жылқышиеваның мемлекеттік басқару органдарында тәжірибесі мол. Ол Қызылорда облыстық жұмыспен қамту және әлеуметтік қорғау, ішкі саясат басқармаларында, Қызылорда облысы және Нұр-Сұлтан қаласы бойынша Мемлекеттік қызмет және сыбайлас жемқорлыққа қарсы іс-қимыл департаменттерінің басшысы лауазымдарын атқарды.
«Құрмет» орденімен, «Құқық тәртібін қамтамасыз етуге қосқан үлесі үшін», «Әлеуметтік-еңбек саласының үздігі» ведомстволық және бірнеше мерейтойлық медальдармен марапатталған.

Жемқорлыққа қарсы іс-қимыл агенттігі төрағасының кеңесшісі тағайындалды

<a href="https://kyzylorda-news.kz/">Kyzylorda-news.kz</a>. Қызылордалық тәртіп сақшылар бас бостандығы шектелген азаматты тығылып жүрген жерінен тапты.
Сотты болған азамат 5 айдан соң табылды. Ол Сырдария ауданында пробациялық есепте тұрған. 2018 жылы есірткі егу қылмысы бойынша сотталған ол тиісті жазаға тартылды. Кейіннен сотталушы жеңіл жаза түріне ауыстырылып, бас бостандығын шектеу жазасы қарастырылған. Соңғы уақытта тағылған айып бойынша жазадан бой тасалаған оған іздеу жарияланды.
<blockquote>
 «Оны облыс аумағынан 5 ай бойы іздестіруге тура келді. Полицейлер 55 жастағы аудан тұрғынын Қызылорда қаласында жасырынып жатқан жерінен тапты. Қазір ол қамауға алынды», – дейді аудандық полиция бөлімі бастығының жедел жұмыстар жөніндегі орынбасары Әділхан Қанзадаев.
</blockquote>

Қызылордада жасырынған қылмыскер 5 айдан кейін табылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 948 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойыншаНұр-Сұлтан қаласы – 152 
Алматы қаласы – 56 
Шымкент қаласы – 12 
Ақмола облысы – 103 
Ақтөбе облысы – 15 
Алматы облысы – 17 
Атырау облысы – 63 
Жамбыл облысы – 9 
Батыс Қазақстан облысы – 25 
Қарағанды облысы – 49 
Қостанай облысы – 83 
Қызылорда облысы – 9 
Маңғыстау облысы – 4 
Павлодар облысы – 173 
Солтүстік Қазақстан облысы – 159 
Түркістан облысы – 19 
Қазақстан бойынша жазылғандар саны – 155397.

Қызылордада 9 адам коронавирус инфекциясынан жазылып шықты

<a href="https://kyzylorda-news.kz/">Kyzylorda-news.kz</a>. Президенттің тапсырмасы бойынша Үкімет 2020 жылы бюджет саласындағы 883 мың қызметкердің еңбекақысын өсірген, деп хабарлайды <a href="https://www.inform.kz/kz/prezident-byudzhet-salasyndagy-1-million-70-myn-kyzmetkerdin-enbekakysyn-osirudi-tapsyrdy_a3742894">ҚазАқпарат</a>.
Аталмыш мәлімет Мемлекет басшысының Премьер-Министр Асқар Маминді қабылдауында айтылды.
<blockquote>
 «Атап айтқанда 609 мың педагогтың жалақысы 25 пайызға, 215 мың медицина қызметкерінің еңбекақысы 30 пайызға дейін, мәдениет, архив және өнер саласындағы 34 мың қызметкер мен әлеуметтік қорғау саласындағы 25 мың қызметкердің жалақысы 50 пайызға дейін көбейген. Президент биыл да бюджет саласындағы 1 миллион 70 мың қызметкердің еңбекақысын, оның ішінде, 785 мың педагогтың жалақысын 25 пайызға, 247 мың медицина қызметкерінің еңбекақысын 30 пайызға, әлеуметтік қорғау саласындағы әлеуметтік-медициналық мекемелердің 38 мың қызметкерінің жалақысын 45 пайызға дейін арттыру жұмысын жалғастыру аса маңызды міндет деп есептейді», делінген хабарламада.
</blockquote>

Президент бюджет саласындағы 1 миллион 70 мың қызметкердің еңбекақысын өсіруді тапсырды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1134 адамнан коронавирус инфекциясы ПТР тест арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 198 
Алматы қаласы – 112 
Шымкент қаласы – 10 
Ақмола облысы – 108 
Ақтөбе облысы – 18 
Алматы облысы – 92 
Атырау облысы – 74 
Шығыс Қазақстан облысы – 43 
Жамбыл облысы – 21 
Батыс Қазақстан облысы – 45 
Қарағанды облысы – 72 
Қостанай облысы – 68 
Қызылорда облысы – 7 
Маңғыстау облысы – 17 
Павлодар облысы – 151 
Солтүстік Қазақстан облысы – 76 
Түркістан облысы – 22 
Жалпы ел бойынша ауырғандар саны 171232.

COVID-19: Қызылордада өткен тәулікте 7 адам жұқтырған

<a href="https://kyzylorda-news.kz/">Kyzylorda-news.kz</a>. 20 қаңтарда солтүстік-батыс циклонның әсерінен республиканың басым бөлігінде қар, оңтүстігінде, оңтүстік-батысында – жауын-шашын (жаңбыр, қар) жауады. Бұл туралы Қазгидромет хабарлайды.
Республиканың кей жерлерінде тұман, жаяу бұрқасын, желдің күшеюі, оңтүстігінде, оңтүстік-батысында – көктайғақ күтіледі.
Қызылорда облысының кей жерлерінде тұман, көктайғақ болуы ықтимал.

Қызылордада тұман түсіп, көктайғақ болады

Kyzylorda-news.kz. Қызылорда облыстық тарихи-өлкетану музейінде Қазақстан Республикасының Президенті Қ.Тоқаевтың «Тәуелсіздік бәрінен қымбат» атты мақаласы бойынша «Ұлағат пен ұстаным» тақырыбында зерттеуші ғалымдармен семинар өтті.
Мақаланың соңғы төртінші бөлімі «Ұлағат пен ұстаным» деп аталып, азаматтық қоғамды дамыту мен саяси реформаларды жалғастыруға арналады. Білім мен біліктің дәуірі – ХХІ ғасырда қазақ халқы да технологиядан қалыспай, әр адам өзін жетілдіріп, жаңа кәсіпті игеріп, ел дамуының басты қозғаушы күші болуы тиіс.
Шара барысында республикалық әдеби-мәдени, тарихи-танымдық «Әлімсақ» журналының редакторы Нұрлан Көбегенұлы, өңірімізге белгілі теолог Бақтияр Оспанов және Қорқыт ата атындағы ҚУ «Археология және этнография» ғылыми-зерттеу орталығының жетекшісі Әзілхан Тәжікеевтер қатысып, өз ойларын ортаға салды.
Сондай-ақ егемендігіміз бен елдігіміздің тірегі болатын басты бағыттар мен іргеміздің берік болуы үшін қажетті шаралар айтылды.
<img src="https://kyzylorda-news.kz/wp-content/uploads/2021/01/fb_img_1611061399121.jpg" alt="" />

«Тәуелсіздік бәрінен қымбат»: Қызылордада зерттеуші ғалымдар бас қосты

<a href="https://kyzylorda-news.kz/">Kyzylorda-news.kz</a>.&nbsp;Жеті облыста қолайсыз ауа райына байланысты ескерту жарияланды, деп хабарлайды Қазгидромет.
20 қаңтарда&nbsp;Ақмола&nbsp;облысында басым бөлігінде күндіз қар жаууы ықтимал. Кей жерлерде жаяу бұрқасын соғады, тұман түсуі мүмкін. Шығыстан соғатын жел оңтүстік-батысқа ауысады, күші кей жерлерде 15-20 м/с жетеді.
Көкшетауда ертең таңертең және күндіз жаяу бұрқасын соғады, тұман түсіп, шығыстан соғатын жел оңтүстік-батысқа ауысады, екпіні 15 м/с жетеді.
20 қаңтарда&nbsp;Қостанай&nbsp;облысының кей жерлерінде тұман түседі, жаяу бұрқасын соғуы мүмкін. Шығыстан соғатын жел оңтүстік-батысқа ауысады, күші кей жерлерде 15-20 м/с жетеді.
20 қаңтарда&nbsp;Қарағанды&nbsp;облысының кей жерлерінде жаяу бұрқасын соғуы ықтимал. Оңтүстік-батыстан, батыстан жел соғады, кей жерлерде екпіні 15-20 м/с жетеді.
Қарағанда қаласында ертең күндіз оңтүстік-батыстан, батыстан жел соғады, екпіні 18 м/с жетеді.
20 қаңтарда&nbsp;Солтүстік Қазақстан&nbsp;облысының күндіз басым бөлігінде қар жауады. Кей жерлерде тұман түсіп, бұрқасын соғады. Шығыстан соғатын жел оңтүстік-батысқа ауысады, түнде кей жерлерде 15-20 м/с күшейіп, күндіз 15-20, екпіні 23-28 м/с жетеді.
Петропавлда ертең күндіз боран соғады. Шығыстан соғатын жел оңтүстік-батысқа ауысады, түнде екпіні 15-20 м/с жетіп, күндіз 15-20, екпіні 23-28 м/с күшейеді.
20 қаңтарда&nbsp;Түркістан&nbsp;облысында кей жерлерінде тұман түседі, оңтүстік-батыстан соғатын желдің күші 15-20 м/с жетеді.
20 қаңтарда&nbsp;Қызылорда&nbsp;облысының кей жерлерінде тұман түсіп, көктайғақ болады.
Қызылорда қаласында ертең көктайғақ болуы мүмкін.
20 қаңтар&nbsp;Батыс Қазақстан&nbsp;облысының кей жерлерінде тұман түседі, жаяу бұрқасын соғады.
Ертең Оралда тұман түсіп, жаяу бұрқасын соғуы ықтимал.

Қазақстан және Қызылорда облысының жаңалықтары