<a href="https://kyzylorda-news.kz/">Kyzylorda-news.kz.</a> Қазақстанда тұмауға қарсы екпе салу әдеттегіден ерте, 15 қыркүйекте басталады. Бұл туралы денсаулық сақтау министрлігінің ресми өкілі Бағдат Қожахметов мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>. &nbsp;
<blockquote>
 “Елімізде тұмауға қарсы екпе 15 қыркүйекте, яғни әдеттегі мерзімінен екі апта ерте басталады. Бұл эпидемиологиялық маусымда туындайтын тұмау сияқты ауруларға мықты иммунитет қалыптастыруға септігін тигізеді”, – деді Қожахметов онлайн брифингте. &nbsp;
</blockquote>
Ол тұмауға қарсы екпенің күші 6 айдан 12 айға дейін сақталатынын атап өтті.
Айтуынша, “СК-Фармация” бірыңғай дистрибьюторы тұмауға қарсы екпенің 2 миллионнан астам дозасын сатып алған. Бұл халықтың шамамен 11 процентін қамтуға жетеді. &nbsp;
Сонымен қатар, өңірлердегі денсаулық сақтау басқармалары қосымша 753 мың 900 дозаға тапсырыс берді.
Қожахметов маусымдық тұмауға қарсы екпе жасау үшін 5 мыңнан астам егу кабинеті дайындалғанын айтты. Қосымша екпе салатын мамандар оқытылып жатыр. 1 мыңнан астам семинар өткізіліп, нәтижесінде 7 мыңнан аса дәрігер мен 15 мыңға жуық кіші және орта қызметкер даярлықтан өтеді.

Қазақстанда тұмауға қарсы вакциналау науқаны 15 қыркүйекте басталады

<a href="https://kyzylorda-news.kz/">Kyzylorda-news.kz.</a> Осы аптада Қазақстан халқына Жолдауын жария еткен ҚР Президенті Қасым-Жомарт Тоқаев 2021 жылдан елімізде «Аңсаған сәби» арнаулы бағдарламасы іске қосуды тапсырды. Осы орайда «ЭКО» бағдарламасымен квотаны 7 мыңға дейін, яғни, 7 есе көбейту&nbsp;<a href="https://www.inform.kz/kz/kr-prezidentinin-kazakstan-halkyna-zholdauynyn-tolyk-matini_a3689449">міндетін қойды.</a>
<blockquote>
 Орталық коммуникациялар қызметінде өткен баспасөз мәслихатында ҚР Денсаулық сақтау министрлігінің ресми өкілі Бағдат Қожахметов Мемлекет басшысы Қазақстан халқына Жолдауында Денсаулық сақтау министрлігінің алдына 11 тапсырма жүктегенін еске салды. Олар бұған дейін тыңғылықты талқыланды. Тек ЭКО-ға квотаны арттыруға ғана тоқталғым келеді. Президент Үкіметке келесі жылдан бастап «Аңсаған сәби» бағдарламасын іске қосуды және ЭКО бағдарламасы бойынша квота санын 7 мыңға дейін арттыруды тапсырды», – деді ол.
</blockquote>
Оның дерегінше, ЭКО бағдарламасы елімізде 2010 жылдан бастап медициналық көмектің кепілдендірілген көлеміне қосылған. Бүгінде елімізде 26 ЭКО орталық жұмыс істейді. Оның 21-і жекеменшік саналады. Қазіргі уақытта осы әдіспен 22 мыңнан астам бала дүниеге келді.
<blockquote>
 «Республикалық электрондық денсаулық сақтау орталығының мәліметін бойынша елімізде 9 мың 467 әйел бедеулік диагнозымен есепте тұр. Келесі жылы іске қосылатын «Аңсаған сәби» бағдарламасына жасанды жолмен ұрықтандыру арқылы бала сүюге үмітті кез келген жұптар қатыса алады», – деді ресми өкіл.
</blockquote>
Осы бағдарлама аясында пациент жылына бір рет ЭКО жасай алады.
<blockquote>
 «Әлеуметтік медициналық сақтандыру қоры биыл 1105 ЭКО-ға 943 млн 800 мың теңге қарастырған. Президенттің жолдауына сәйкес, ЭКО квотаны 7 мыңға жеткізу керек, яғни 7 есе көбейту қажет. 943 млн-ды 7 есеге көбейтсек, тиісті сома шығады», – деп нақтылады Б. Қожахметов.
</blockquote>
Маман не дейді?
«Экомед» Адам ұрпағын өрбіту емханасының басшысы Салтанат Байқошқарованың пайымынша, Қазақстанда бедеулігі бар адамдардың тізілімін жасау қажет.
<blockquote>
 «Бедеулік мәселесімен айналысқаныма 32 жыл болыпты. Оның ішінде экстракорпоралды ұрықтандыру әдісінің алғашқы маманы ретінде енгізгеніме 25 жыл толыпты. Біз көбіне ақылы түрде қызмет көрсеттік. 2010 жылдан бастап мемлекетіміз 100 квотадан бастаса, биыл 1 мыңнан сәл асатын квотаға қол жеткіздік. Соған да қуанатынбыз. Бірақ, кешегі Президент Жолдауындағы 7 мың квота бөлу шешімі біз үшін үлкен қуаныш болды. Өйткені, бізге келетін адамдардың барлығы бірдей 1 миллион теңге таба алмайды. Бұл ақшаның жартысы дәріге кетеді. Сондықтан бұл үлкен көмек және пациенттеріміздің барлығы қуанып жатыр. Күтпеген жағдай болды. Біз көп болса 2 есе көбейтер деп ойлаған едік», – деді ол Президент Жолдауы аясындағы әлеуметтік басымдықтарды талқылауға арналға шарада.
</blockquote>
Осы орайда ол Президент Жолдауынан кейін министрлікпен қызу жұмыс істейтіндерін жеткізді. Ең басты мәселе – елімізде бедеуліктің тізілімі жоқ.
<blockquote>
 «Біз жалпы сөзбен «5, 6-шы отбасы бедеулікпен бетпе-бет келеді» деп айтамыз. Алайда, олардың барлығына арқау болатын статистика жоқ. Сондықтан цифрландыру заманында қанша адам бедеулікке ұшырағандығын анықтау қажет. Яғни, бедеу адамдарды тіркеу мәселесін дұрыстап, база, тізілім жасауымыз керек. Денсаулық сақтау министрлігінің бұйрықтарын, хаттамаларын өзгертуге тиіспіз», – деді Салтанат Байқошқарова.
</blockquote>

«Аңсаған сәби» бағдарламасы: Бала сүюге үмітті кез келген жұп қатыса алады

<a href="https://kyzylorda-news.kz/">Kyzylorda-news.kz.</a> Бүгінде шаһар тұрғындарына қажетті 40,1 мың тонна көмір әкелінді. Сондай-ақ, облыс халқы үшін қатты отын бағасының өсуіне жол бермеу мақсатында көмір өндіретін компаниялармен келісім жүргізілді. Алдағы уақытта өңірге қосымша тағы да көмір отыны жеткізілетін болады.
Бұл туралы Өңірлік коммуникациялар қызметінің ақпарат алаңында өткен брифингте Облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жаңабаев мәлімдеді.
<blockquote>
 “Қысқа дайындық мәселесі облыстық штабтың тұрақты бақылауында. Бүгінгі күнге коммуналдық кәсіпорындардың жөндеу жұмыстары 84 пайызға, әлеуметтік сала нысандары мен автономды қазандықтарының жөндеу жұмыстары 86 пайызға орындалса, жылу жүйесіне қосылған көпқабатты тұрғын үйлерге де дайындық жұмыстары жүргізілуде”,- деді Ерлан Мақсотұлы.
</blockquote>

Қызылордада жылу маусымына дайындық жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев әлемде соңғы 100 жыл ішінде болмаған аса күрделі дағдарыстан кейінгі кезеңде еліміздегі әлеуметтік-экономикалық тұрақтылықты, жұмыс орындарын және халықтың табысын сақтап қалу міндетін айқындайтын «Жаңа жағдайдағы Қазақстан: Іс – қимыл кезеңі» атты Қазақстан халқына кезекті Жолдауын жариялап, азаматтарымыздың лайықты өмір сүруіне жағдай жасауға, олардың құқықтарын қорғауға, заң үстемдігін қамтамасыз етуге, жемқорлыққа қарсы күресті күшейтуге бағытталған 11 нақты іс-қимыл жоспарын белгілеп берді. Бүгінгі күні жолдау ақпарат құралдарында кеңінен талқыланып, халықтан қолдау табуда.
Өздеріңіз білесіздер, ел президенті Қ.К.Тоқаев, мемлекет басқару ісінде ең алдымен “Халық үніне құлақ асатын мемлекет” құру идеясын қолға алған еді. Бұл дегеніміз – мемлекеттік органдардың тек азаматтардың күнделікті мәселесіне байланысты жауап беруі емес. Ол ең алдымен, президент жанынан құрылған қоғамдық сенім кеңесі арқылы, республикалық және аймақтардағы қоғамдық кеңестер арқылы билік пен азаматтық қоғам арасындағы тұрақты диалог орнатудың идеясы болатын.
Бүгінгі қоғамдық кеңестердің өзі де, азаматтық қоғамның көкейінде жүрген қоғамдық маңызы бар, түйткілді мәселелерді айқындап, оны билік өкілдерімен бірге талқылап, өз ұсыныс-пікірлерін білдіріп отыратын консультативті-кеңесші орган ретінде жұмыс жасап келеді.
Мемлекет басшысы өзінің Қазақстан халқына кезекті жолдауында, Үкімет пен Парламенттің алдына, бүгінгі қоғамдық кеңестердің ролін арттырудың, оларды мемлекеттік сатып алуды ұйымдастыру жұмысына қатыстырудың, оның құрамына түрлі әлеуметтік топ өкілдерін, мүмкіндігі шектеулі азаматтарды кеңінен тартудың қажеттілігін айтып, мемлекет тарапынан оларды ерекше назарға алуды және Парламенттің қарауындағы «Қоғамдық кеңестер туралы» заң жобасын жылдың аяғына дейін қабылдауды тапсырды.
Президент сонымен бірге, мемлекеттік органдардың, квазимемлекеттік сектордың қоғам алдындағы ашықтығын және есептілігін қамтамасыз етуге жол ашатын, мемлекеттік бақылауға балама ретіндегі қоғамдық бақылау институтын құрып, оның тиісті құқықтық негізін қалыптастыру үшін “Қоғамдық бақылау туралы” заң әзірлеп қабылдаудың қажеттілігін айтты.
Ал, биліктің азаматтық қоғаммен сындарлы диалог орнатуы үшін, мемлекеттік органдардың шешімі жөніндегі ақпараттың ашықтығының маңызы зор екендігі анық. Сондықтан да, мемлекет басшысы, мемлекеттік органдар мен Квазимемлекеттік құрылымдардың қаржы-шаруашылық қызметін, бюджет қаражатын пайдалану жөніндегі мәліметтерін және басқа да құнды деректерді бүкіл қоғамға қолжетімді ету үшін, бірыңғай ақпараттық ресурс құру жөніндегі арнайы заң жобасын да мүмкіндігінше жылдам қабылдауды тапсырды.
Міне, «Халық үніне құлақ асатын мемлекет» қалыптастыру идеясының толық қанды жүзеге асуы үшін қажетті осы үш заң қабылданған уақытта ғана, азаматтық қоғам, көкейінде жүрген өз проблемасымен өзі қалмай, оны билікпен бірге ашық диалог алаңында талқылап ортақ шешімге келуге және бүгінгі күні орын алып отырған халықтың билікке деген кейбір наразылығын бәсеңдетуге де септігін тигізері анық.
Бақытжан САЙЛЫБАЕВ,
Қызылорда облыстық қоғамдық кеңестің төрағасы

Бақытжан Сайлыбаев: Жолдаудағы басым бағыт билік пен азаматтық қоғам арасында тұрақты диалог орнату

<a href="https://kyzylorda-news.kz/wp-admin/post.php?post=78733&action=edit">Kyzylorda-news.kz.</a> Бүгін, қыркүйектің 5-і — Алаш қозғалысының қайраткері, ғалым, түркітанушы, қазақ тіл білімінің атасы Ахмет Байтұрсынұлының туған күні. 2017 жылы Премьер-Министрдің қаулысымен 5 қыркүйек, яғни Ахмет Байтұрсынұлының туған күні – Қазақстан халқы тілдерінің күні болып бекітілді, деп хабарлайды <a href="https://www.inform.kz/kz/bugin-ahmet-baytursynulynyn-tugan-kuni_a3691161">ҚазАқпарат</a>.
Айта кетейік, ҚР Президенті Қасым-Жомарт Тоқаев биылғы Жолдауында қазақ қоғамында жаңа қағидаттар және жаңа бағдарлар салтанат құруға тиіс екенін атап өтіп, Ахмет Байтұрсынұлының сөзін мысалға келтірген еді.
«Ұлт ұстазы Ахмет Байтұрсынұлы «Білімді болуға оқу керек. Бай болуға кәсіп керек. Күшті болуға бірлік керек. Осы керектердің жолында жұмыс істеу керек» дейді. Бұл көзқарас бүгінгі күні өте маңызды.
Біріншіден, жиырма бірінші ғасырдың ұрпағы терең білімді болғаны жөн.
Екіншіден, жас буынды ерінбей еңбек етуге бейімдеу қажет.
Үшіншіден, кез-келген істі кәсіби дағды арқылы жүзеге асырған дұрыс.
Төртіншіден, темірдей тәртіп және жоғары жауапкершілік баршамыздың бойымызда болуы керек.
Бесіншіден, әділдіктен айнымаған жөн. Әділдік – қоғам дамуының маңызды шарты.
Әділеттілік – әсіресе, ел-жұрттың тағдырын шешу үшін аса қажет қасиет. Алтыншыдан, бізге керегі – адалдық, ұқыптылық, тиянақтылық. Бәріміз нағыз қазақты дәл осындай кейіпте көргіміз келеді. Біз сонда ғана бәсекеге қабілетті мемлекет, зияткер ұлт қалыптастыра аламыз. Қазақ зиялыларының жаңа кезеңдегі міндеті – ұлт болмысының жаңа қағидаттарын орнықтыру. Сондай-ақ, ұлт сапасын арттыруға атсалысу. Жаңғырған қоғам жат әдеттерден біртіндеп арылуы керек» делінген Мемлекет басшысының Жолдауында. Осыдан үш жыл бұрын «Қазақстан Республикасында мереке күндер тізбесін бекіту туралы» үкіметтің қаулысына сәйкес, Қазақстан халқы тілдері күні 5 қыркүйекте тойланады.
Бұған дейін Тілдер мерекесі 22 қыркүйекте атап өтілетін. 5 қыркүйекке ауыстыру себебі – бұл күні ұлт ұстазы Ахмет Байтұрсынұлының туған күні. 2017 жылы осы қаулы қабылданған кезде Ш.Шаяхметов атындағы «Тіл-Қазына» ұлттық ғылыми-практикалық орталығының атқарушы директоры Ербол Тілешов пікір білдірген болатын.
<blockquote>
 «ҚР Премьер-Министрдің қаулысымен 5 қыркүйек, яғни Ахмет Байтұрсынұлының туған күні – Қазақстан халқы тілдерінің күні болып бекітілді. Сол үшін барлықтарыңызды құттықтағым келеді. Бұрын бұл мереке қыркүйек айының үшінші жексенбісі болатын. Ахаңның біраз құжаттарын ақтардық. Бұрын Ахаң 1873 жылы 29 қаңтарда дүниеге келді деп келген. Архифтерді ақтарғанда Ахаңның өз қолымен жазған үш құжат табылды. Үшеуінде де ол «бесінші қыркүйек күні тудым» деп жазылған. Яғни, Ахмет Байтұрсынұлы 1872 жылы 5 қыркүйекте өмір есігін ашқан. Осыған байланысты мектептегі оқулықтардың барлығы түзетіліп жатыр», – деді Е. Тілешов.
</blockquote>
Биылғы 4 қыркүйек күні Тіл саясаты комитеті мен Шайсұлтан Шаяхметов атындағы «Тіл-Қазына» ұлттық ғылыми-практикалық орталығы Қазақстан халқы тілдері күні мерекесіне орай ұлт ұстазы Ахмет Байтұрсынұлына арналған «Тағзым мен тағылым» онлайн отырысын өткізді. Онда үш жылдан бері Тілдер мерекесі қазақ ғылымының атасы, ұлт ұстазы Ахмет Байтұрсынұлының туған күніне тұрақтағаны аталып өтті.
<blockquote>
 «Бұл өте маңызды. Тарих аренасына шыққан кез келген халық өз Тәуелсіздігі үшін күреседі. Қазақ тарихы да осындай азаттық арпалысына тұнып тұр. Ресей империясы мен қазақ халқының күші тең емес еді. Жаратқан иеміз сол алмағайып кезеңде халқымыздың көз жасына ұлы Абайды өмірге әкелді. Одан кейін халқына қалқан, жауына семсер болар Алаш азаматтарының шоғыры қазақ көгіне шықты. Солардың ішінде Ахмет Байтұрсынұлын ерекше атаймыз», – деді Ш.Шаяхметов атындағы «Тіл-Қазына» ұлттық ғылыми-практикалық орталығының атқарушы директоры Ербол Тілешов.
</blockquote>
Ахмет Байтұрсынұлы 1872 жылдың 5 қыркүйегінде қазіргі Қостанай облысы Жангелді ауданы Сарытүбек ауылында өмірге келген. Ол алғашқыда ауыл адамдарынан сауат ашып, кейіннен 1886-1891 жылдары Торғайдағы 2 сыныптық орыс-қазақ мектебінде оқыды.
Сосын Орынбордағы мұғалімдер даярлайтын 4 жылдық мектепке оқуға түседі. Ол оқуды бітірісімен, ұстаздық қызметіне 1895-1909 жылдары кірісіп, Ақтөбе, Қостанай, Қарқаралы уездеріндегі орыс-қазақ мектептерінде оқытушы, Қарқаралы қалалық училищесінде меңгеруші қызметін атқарады.
Халықтың сауатын аша жүріп Ахаң қоғамда орын алып жатқан мәселелерге де сергек қарайды.

Бүгін &#8211; Ахмет Байтұрсынұлының туған күні

Kyzylorda-news.kz. Қыркүйектің 5-і күні Қазақстанның басым бөлігіне солтүстік-батыс антициклоны әсер етеді, осыған байланысты ауа райы жауын-шашынсыз болады, деп хабарлайды «Қазгидромет» РМК.
Кәсіпорын таратқан мәліметтерге қарағанда, республиканың тек солтүстігінде, шығысында және оңтүстік-шығысында атмосфералық фронталды бөліктердің өтуіне байланысты ауа райы құбылмалы болады.
Республиканың кейбір бөліктерінде найзағай ойнап, жаңбыр жауса, кей жерлерге тұман түсіп, жел күшейеді, оңтүстікте шаңды дауыл, оңтүстік-шығыста дауыл тұрады, бұршақ жаууы да мүмкін деп болжанып отыр.

Сенбіге арналған ауа райы болжамы

<a href="https://kyzylorda-news.kz/date/2020/09/04/">Kyzylorda-news.kz.</a> Қазақстанда коронавирус індеті кезіне кадр тапшылығын шешу үшін 30 мың медицина қызметкері қосымша курстан өтті. Бұл туралы ҚР Денсаулық сақтау министрлігінің ресми өкілі Бағдат Қожахметов айтты, деп хабарлайды ҚазАқпарат.
<blockquote>
 «Пандемия жағдайында кадр қажеттілігін шешу үшін Денсаулық сақтау министрлігі өзекті мәселелер бойынша 30 мың медицина қызметкеріне қосымша курстар өткізді. Сонымен қатар медициналық жоғары оқу орындарының оқытушылары медицина қызметкерлері үшін тұрақты түрде вебинарлар өткізуде. Соңғы 4 айдың ішінде республикалық бюджет қаражаты есебінен жұқпалы аурулардың эпидемиологиясы және биоқауіпсіздік, инфекциялық емес аурулардың алдын алу және тиімді емдеу курстары бойынша 5 мыңнан астам медицина қызметкері дайындықтан өтті. Медицина кадрларын қайта даярлау квотасы бойынша осы жылдың 1 тамызынан бастап 45 эпидемиологпен толықтырылды. 1 қарашаға таман тағы да 205 эпидемиолог пен 165 жедел медициналық жәрдем дәрігерімен толығатын болады», – деді ол Орталық коммуникациялар қызметіндегі баспасөз мәслихатында.
</blockquote>
Сонымен қатар оның айтуынша, биылғы жылға арналған білім беру тапсырысы аясында жұқпалы аурулар, анестезиология мен реаниматология мамандықтары бойынша 200 және 240 көлемінде мемлекеттік білім беру гранттарын ұлғайту көзделген. Ресейлік мамандарды тарта отырып, «COVID-19-дың барлық кезеңінде көмек көрсету» тақырыбы бойынша сырқаттанушылық жоғары 4 өңірдің 200 медицина қызметкері оқытылған.
<blockquote>
 «Әрине, кез келген дәрігерді дайындау үшін уақыт керек. Дегенмен, індет оны күтпейді. Сондықтан медицина қызметкерлерінің санын арттыру үшін осындай қадамдарға бардық», – деді Бағдат Қожахметов.
</blockquote>

Қазақстан медицинасы коронавирустың екінші толқынына дайын ба?

<a href="https://kyzylorda-news.kz/date/2020/09/04/">Kyzylorda-news.kz.</a> Бүгін облыс акімінің орынбасары Наурызбай Байқадамов ҚР Конституциясының 25 жылдығына орай елдің деңсаулық саласын дамытуға үлес қосқан бірқатар медицина қызметкерлерін марапаттады.
Қазақстандықтардың денсаулығын жақсарту – ел саясатының басым бағыттарының бірі. Елімізде халыққа заманға сай қолжетімді әрі сапалы медицналық қызмет көрсету үшін барлық жағдай жасалған. Бұл даму үдерісінде дәрігерлердің үлесі орасан зор.
Осы орайда облыс әкімінің орынбасары Наурызбай Байқадамов аурухана қызметкерлеріне Мемлекет басшысы Қасым-Жомарт Тоқаевтың “ҚР Конституциясына 25 жыл” мерекелік медальдарын табыстады.
<img src="https://kyzylorda-news.kz/wp-content/uploads/2020/09/118783159_789781081776935_6564064200201881546_o-1.jpg" alt="" />

Қызылордада медицина саласының қызметкерлері марапатталды

<a href="https://kyzylorda-news.kz/date/2020/09/04/">Kyzylorda-news.kz.</a> Бүгін облыс әкімі Гүлшара Әбдіқалықова мұнай-газ саласы қызметкерлерінің кәсіби мерекесіне орай сала мамандарымен кездесті.
<blockquote>
 «Баршаңызды келе жатқан мұнай-газ саласы қызметкерлерінің кәсіби мерекесімен шын жүректен құттықтаймын! Сыр мұнайы – экономикамыздың негізгі локомотиві болып саналады. Дегенмен, жыл сайын мұнай өндіру көлемі азаюда. Бұған қарамастан біз Үкіметпен бірлесе отырып, жаңа жобаларды жүзеге асыруды қолға алудамыз. Қазақстан Республикасының Президенті Қасым-Жомарт Кемелұлы Тоқаев өз Жолдауында мұнай химиясы мен газ өңдеу өндірісін дамытуды тапсырды. Алдымызда шикі мұнайды нарыққа шығармай, оны өңдеп, мұнай-химия өнімдерін шығаратын өндіріс орындарын ашу міндеті тұр», – деді облыс әкімі Гүлшара Әбдіқалықова.
</blockquote>
Сонымен қатар, өңір басшысы карантин кезінде жұмыс орнын сақтап қалған және медициналық құралдар алуға көмек көрсеткен мұнай-газ компаниляларына алғысын жеткізді.
Жаңа кен орындарын барлау мақсатында 2019-2022 жылдарға республикалық бюджеттен 11 млрд.теңге бөлу қарастырылуда. Бұл қаржыға Шу-Сарысу, Сырдария, Оңтүстік-Торғай үш шөгінді мұнай-газ бассейнін геологиялық зерттеу жоспарланып отыр. Биыл Шу-Сарысу бассейніне 700 млн. теңге бөлініп, зерттеу жұмыстары жүргізілуде. 
Қазіргі таңда аймақта 22 мұнай компаниясы жұмыс жасаса, оның 11-і өндірумен, 11 барлаумен айналысады. Жалпы бүгінгі күні аталмыш салада 14 мыңға жұмысшы бар.
Кездесуде Қызылорда облысының мұнай-газ саласы Қауымдастығының төрағасы Айтбай Көшербай, сала ардагері Жалғасбай Ағымов пен «Қазгермұнай» біріккен кәсіпорынның бас директоры Мұстафаев Мұрат сөз сөйлеп, өз лебіздерін жеткізді. 
Жиын соңында аймақ басшысы мұнай-газ саласындағы бірқатар ардагерлер мен қызметкерлерді марапаттады. Атап айтқанда, «Петро Қазақстан Құмкөл Ресорсиз» акционерлік қоғамы Басқарма Төрағасының Кеңесшісі Жалғасбай Ағыманов, «Петро Қазақстан Құмкөл Ресорсиз» акционерлік қоғамының бас механигі Тұрарбек Садақбаев, «ҚазГерМұнай» Біріккен кәсіпорнының инжинері Ғабит Аймаханов, «ҚОР» мұнай компаниясы» акционерлік қоғамының бөлім бастығы Райхан Хайруллина және «Қызылорда аз тонналық мұнай өңдеу зауыты» жауапкершілігі шектеулі серіктестігінің заңгері Клара Абашева Қызылорда облысының «Құрмет» грамотасымен марапатталды.
<img src="https://kyzylorda-news.kz/wp-content/uploads/2020/09/118788321_2700324046737314_7336881755828510235_o.jpg" alt="" />
<img src="https://kyzylorda-news.kz/wp-content/uploads/2020/09/118779314_2700324263403959_3173037794978262833_o.jpg" alt="" />

Гүлшара Әбдіқалықова мұнай-газ саласы қызметкерлерімен кездесті

<a href="https://kyzylorda-news.kz/date/2020/09/04/">Kyzylorda-news.kz</a>. Өңірде 22 мұнай компаниясы жұмыс жасайды, оның 11-і өндірумен, ал қалған 11-і барлаумен айналысады. Бұл туралы Өңірлік коммуникациялар қызметінің ақпарат алаңында өткен брифингте облыстық индустриялық-инновациялық даму басқармасының басшысы Ринат Сұлтангереев мәлімдеді.
Бүгінде кен өндіру өнеркәсібінің ішінде шикі мұнайдың үлесі 84 пайызды құрайды. Жалпы өңірлік өнімнің 37 пайызы және өңірдегі барлық өнеркәсіп өндірісінің 70 пайыздан астамы мұнай өндіріп, экономиканың барлық салаларына тікелей және жанама әсер етуде. Өңірдің әлеуметтік-экономикалық дамуының кешенді жоспарында республикалық бюджеттен қаржы бөлініп, Шу-Сарысу, Оңтүстік Торғай және Сырдария бассейндерін геологиялық зерделеу көзделіп, жұмыстар жүргізілуде.
Пандемия кезінде мұнай-газ кен орындарында өндірісті тоқтатуға жол бермеу мақсатында, тиісті шешімдер қабылданып, нәтижесінде қызметкерлердің 15 күндік вахталық мерзімі 28 күнге ұзартылды. Басқарма тарапынан вахталық аусымға мониторинг жүргізілуде. Сондай-ақ, кен орындары мен кеніштерде қосымша медициналық эвакуация жағдайлары үшін медициналық персонал және кезекші жедел жәрдем машинасымен қамтамасыздандырылды,-деді Ринат Қалдыбекұлы.
Брифингте өңірдегі мұнай өндіретін ірі екі кәсіпорынның жұмысы туралы баяндалды.
<blockquote>
 “ПетроҚазақстан Құмкөл Ресорсиз” акционерлік қоғамында 1600 адам жұмыс істейді, оның 30-ы шетел азаматы. Бүгінде 504,7 мың мұнай өндірілсе, жыл соңынан дейін белгіленген межеге жету үшін жұмыстар жүргізілетін болады”,-деді «ПетроҚазақстан Құмкөл Ресорсиз» АҚ күрделі құрылыс және сыртқы байланыстар жөніндегі вице-президенті Болат Көшербаев.
 “Қазгермұнай» БК» жауапкершілігі шектеулі серіктестігінде 760 адам қызмет атқарады, оның ішінде 10-ы шетел азаматы. Биылғы жылға мұнай өндіру көлемі 1,5 миллион тонна болатын, қазір жоспардан тыс 17 мың тонна артығымен өндірілді. Және қала тұрғындарына қажетті газбен де қамтамасыз етіп отырмыз”,-деді – «Қазгермұнай» БК» ЖШС бас директоры Мұрат Кеңесбайұлы.
</blockquote>
Сондай-ақ, мұнай өндіретін екі кәсіпорында пандемия кезінде жұмыс істеген қызметкерлерге екі есе үстемақы беріп, уақытылы еңбекақыларын төлеуде.
<img src="https://kyzylorda-news.kz/wp-content/uploads/2020/09/118772558_1106673069728204_8399582907361958133_o.jpg" alt="" />

Қызылордада мұнай өндіретін 11 кәсіпорын бар

<a href="https://kyzylorda-news.kz/date/2020/09/04/">Kyzylorda-news.kz.</a> Қызылордада өзін “полиция қызметкерімін” деп таныстырған&nbsp;алаяқ ұсталды.
Қызылорда қалалық Полиция басқармасына алаяқтан зардап шеккен 41 жастағы қала тұрғыны арызданды. Азаматтың айтуынша, 2 қыркүйек күні түнгі сағат 22:21 шамасында орталық көшелердің бірінде оған белгісіз бір азамат өзін «полиция қызметкерімін» деп таныстырып,&nbsp;“Samsung А10”&nbsp;маркалы ұялы телефонын алдап алып қойған.
Дер кезінде қабылданған жедел шаралар нәтижесінде күдікті көп ұзамай ұсталды. Ол бұрын сотталған 23 жастағы облыс тұрғыны болып шықты.
Күдіктіге қатысты “ешқайда кетпеу және тиісті мінез-құлық туралы қолхат”&nbsp;түрінде бұлтартпау шарасы қолданылды. Қазіргі уақытта Қазақстан Республикасы Қылмыстық кодексінің 190-бабының 2-бөлігі бойынша (Алаяқтық)&nbsp;бойынша сотқа дейінгі тергеп –тексеру амалдары жүргізілуде.

Қызылордада өзін “полиция қызметкерімін” деп таныстырған алаяқ ұсталды

<a href="https://kyzylorda-news.kz/date/2020/09/04/">Kyzylorda-news.kz.</a> Ауданға қарасты Қалжан ахун ауылындағы «БАҚ» шаруа қожалығының күрішшісі Кенжетай Баймырзаев биыл алғаш рет егін екті. Ерте көктемнен осы шаруашылықтағы кәнігі диқандармен қатар кетпенін асынып, егістік танапқа шықты. Шаруашылық төрағасы Серік Әбжалиев жас еңбеккерге сенім артып, тәжірибелі диқандарға жас күрішшіге егіннің қыр-сырын үйретуді тапсырды. Соған орай, еңбексүйгіш жас шаруашылықтың маңдайалды диқандарынан қалмай жүріп, ала жаздай тыным тапқан жоқ. Соның нәтижесінде, баптамаса, егін өспейтінін білді, еңбектенбесе, жер жомарттық танытпайтынын ұқты.
Алғашқы жыл болса да жас күрішші артылған сенімді ақтауға тырысып баққан. Тынымсыз еңбектенгеннің арқасында осы күні қамбаға мол өнім құюға бекініп отыр.
<blockquote>
 “Танапта еңбек еткеннің мерейі үстем болады. Осыны білетін шаруашылық диқандары қажырлы жұмыс істеп, егіннің бап-күтімін жасады. Біз ата кәсіпті жалғастыру үшін аға ұрпақ пен жастардың арасындағы сабақтастықты қалыптастыруымыз қажет. Осыған сәйкес жас күрішшілердің егін егуіне мүмкіндік жасаудамыз. Шаруашылықтың жас еңбеккерлері өздеріне артылған сенімнен шығып, жақсы жетістіктерге жетуде. Бұл қожалық жұмысының ілгерілеуіне септігін тигізеді. Осы орайда бүгін жас күрішші К.Баймырзаевтың күріштігіне орақ түсуде”, – деді шаруашылық төрағасы С.Әбжалиев.
</blockquote>
Шаруашылықтағы егінге орақ салу рәсіміне аудан әкімі Руслан Рүстемов, «Жан Арай» ЖШС-нің директоры Бағдәулет Махашев, «Қызылдихан» ШҚ төрағасы Алданберген Құлбаев және еңбек ардагерлері мен еңбеккерлер қатысты.
Егінге орақ салу рәсімінде аудан басшысы науқандық жұмыстардың басталуымен құттықтады.
<blockquote>
 “Осы жылы өңірімізге 1 млрд текше метр су аз келді. Соның салдарынан шаруашылықтар егістігіне су жетіспеушілігі туындады. Алайда ата кәсіпті жетік меңгерген аудан диқандары бұл қиындықты еңсеріп, егіннің бітік шығуына ерекше еңбек етті. Бұл ретте «БАҚ» шаруа қожалығының еңбеккерлері атқарған жұмысты айрықша атап өту керек. Даңғайыр диқан Ыбырай Жақаевтан «Күріш егуден рекордтық көрсеткішке жетуіңіздің сыры неде?» деп сұрағанда даңқты күрішші «Еңбек, еңбек, тағы да еңбек» деп айтқан екен. Сондықтан егістік басында ала жаздай атқарған еңбектеріңіз қайтсын. Астық мол болып, қырман тасысын”, – деді аудан әкімі.
</blockquote>
Өз кезегінде «Жан Арай» ЖШС-нің директоры Б.Махашев елді жайлаған індет кезеңінде шаруашылық жұмысы тоқтамай, халыққа әлеуметтік көмектер көрсетілгенін атады. Сондай-ақ осы кезеңдерде қожалық ауыл тұрғындарын жұмыспен қамтығанын тілге тиек етті. Ал «Қызылдихан» ШҚ төрағасы А.Құлбаев қос шаруашылыққа жаңа техникалар алынғанын айтты. Сондай-ақ, шаруашылықтарда «Сыр сұлуы», «Ай-Керім», «Лидер» күріш сорттары егілгенін жеткізді.
«БАҚ» ШҚ биыл 500 гертарға негізгі дақыл – күріш екті. Одан бөлек, 50 гектар жерге бидай, 105 гектарға жаңа жоңышқа орналастырған. Ал 150 гектар ескі жоңышқаның өнімі бүгінде жиналу үстінде. Осы жылы шаруашылықтарға «Glaas» комбайндары мен «Беларусь» тракторлары алынған.

Қазақстан және Қызылорда облысының жаңалықтары

Қазақстанда тұмауға қарсы вакциналау науқаны 15 қыркүйекте басталады

«Аңсаған сәби» бағдарламасы: Бала сүюге үмітті кез келген жұп қатыса алады

Қызылордада жылу маусымына дайындық жұмыстары жүргізілуде

Бақытжан Сайлыбаев: Жолдаудағы басым бағыт билік пен азаматтық қоғам арасында тұрақты диалог орнату

Бүгін – Ахмет Байтұрсынұлының туған күні

Сенбіге арналған ауа райы болжамы

Қазақстан медицинасы коронавирустың екінші толқынына дайын ба?

Қызылордада медицина саласының қызметкерлері марапатталды

Гүлшара Әбдіқалықова мұнай-газ саласы қызметкерлерімен кездесті

Қызылордада мұнай өндіретін 11 кәсіпорын бар

Қызылордада өзін “полиция қызметкерімін” деп таныстырған алаяқ ұсталды

Биыл алғаш рет егін еккен сырдариялық күрішші мол өнімнен үмітті

Қазақстан және Қызылорда облысының жаңалықтары

Қазақстанда тұмауға қарсы вакциналау науқаны 15 қыркүйекте басталады

«Аңсаған сәби» бағдарламасы: Бала сүюге үмітті кез келген жұп қатыса алады

Қызылордада жылу маусымына дайындық жұмыстары жүргізілуде

Бақытжан Сайлыбаев: Жолдаудағы басым бағыт билік пен азаматтық қоғам арасында тұрақты диалог орнату

Бүгін &#8211; Ахмет Байтұрсынұлының туған күні

Сенбіге арналған ауа райы болжамы

Қазақстан медицинасы коронавирустың екінші толқынына дайын ба?

Қызылордада медицина саласының қызметкерлері марапатталды

Гүлшара Әбдіқалықова мұнай-газ саласы қызметкерлерімен кездесті

Қызылордада мұнай өндіретін 11 кәсіпорын бар

Қызылордада өзін “полиция қызметкерімін” деп таныстырған алаяқ ұсталды

Биыл алғаш рет егін еккен сырдариялық күрішші мол өнімнен үмітті

Бүгін – Ахмет Байтұрсынұлының туған күні