<a href="https://kyzylorda-news.kz/">Kyzylorda-news.kz</a>. Белсенді Әйгерім Тілеужан Сидней Олимпиадасының чемпионы, Алматы қалалық мәслихатының депутаты Ермахан Ибраимовтың үстінен полицияға арыз жазды. Алайда әлі іс қозғалған жоқ, деп жазады &nbsp;<a href="https://sputnik.kz/">Sputnik Қазақстан</a>. Ал Ермахан Ибраимов дәрежесіне нұқсан келетін әрекет жасалса, белсенділердің өзін сотқа беретінін мәлімдеді.
<blockquote>
 “Алматы қаласының полиция департаменті арызды қабылдады. Бірақ әлі іс қозғалған жоқ. Куәгерлермен бірге қалалық полиция департаментіне келіп тұрмыз”, – деді&nbsp; Әйгерім Тілеужан.
</blockquote>
Айтуынша, полиция арызды әкімшілік құқық бұзышылық туралы кодекстің 434-бабы “ұсақ бұзақылық” және 73-2-бабы “ұрып-соғу” бойынша қабылдады.
Айта кетсек, 10 қаңтарда өткен сайлау күні белсенділердің бірі Әйгерім Тілеужан жұртпен бірге алаңға шыққан. Айтуынша, сол кездегі қарбалас кезінде Ермахан Ибраимовтың жұдырығы бетіне тиген. Сондай-ақ, әлеуметтік желіде боксшы алаңға шыққандардың бірінің қолындағы плакатты жыртып тастады деген де ақпарат тарады.
Ермахан Ибраимовке хабарласып, үстінен арыз жазылғанынан хабары бар-жоғын сұрады. Спортшы бұл туралы ештеңе білмейтінін айтты.
<blockquote>
 “Арыз жазып-жазбағанынан хабарым жоқ. Білмеймін. Егер менің үстімнен арыз жазып, жалған мағұлмат тарататын болса, мен олардың үстінен арыз жазамын. Психологиялық-моральдық тұрғыда менің дәрежемді төмендетуге әрекет жасағаны үшін сотқа беріп, 5 миллион теңге өндіретінімді де айтқанмын”, – деді Ибраимов.
 “Арыз жазамыз деп жүргеніне біраз уақыт болды. Менің адвокатым бар, өзім заң факультетін бітіргенмін. Мен заңды жақсы білемін”, – дейді Олимпиада чемпионы.
</blockquote>
Спортшы тарап жатқан ақпараттың бәрі жалған деп отыр.
<blockquote>
 “Саусағымның ұшы ешкімге тиген жоқ. Тарап жатқан әңгіменің бәрі – жалған мәлімет. Жерде жатқан плакаттарды көрдім… Мені балағаттап, менің намысыма тигеннен кейін жақын тұрған адамның плакатын жұлып алдым да, жыртып тастадым. Халықтың арасына арандатушылық салатын, ауызбіршілігін бұзатын неше түрлі сөздер жазған”, – деді ол.
</blockquote>
Алайда депутат намысына тиетін сөз айтқандардың үстінен бірінші болып арыз жазбайтынын айтты.
<blockquote>
 “Мен үлкен адаммын, Олимпиада чемпионымын. Ондай төмен дәрежеге түспеймін ғой. Олар сияқты емеспін. Мен өте жоғары дәрежедегі адаммын… Он шақты адам бар сияқты. Олардың әлеуметтік желіде неше түрлі пікір айтқаны менің абыройымды түсіре қоймайды”, – дейді ол.
</blockquote>
“Менің ойымша, оларға шетелде жүрген оппозиционерлер қаражат төлеп, сондай іс-әрекетке барып отыр. Олардың басты мақсаты – Қазақстан ішінде іріткі салып, ауызбіршілігін бұзу. Бұған Олимпиада чемпионы ретінде, Қазақстанның нағыз патриоты ретінде жол бермеймін”, &nbsp;– деп толықтырды ол.
Егер үстінен арыз жазатын болса, депутат өзінің азаматтық құқығын қорғауға мүдделі.
Еске сала кетсек, 10 қаңтарда өткен мәжіліс және мәслихаттар сайлауынан кейін Ермахан Ибраимов Алматы қалалық мәслихатының депутаты болып сайланды.

Ермахан Ибраимовтың үстінен полицияға арыз түсті

<a href="https://kyzylorda-news.kz/">Kyzylorda-news.kz</a>. Биыл Мұқағали Мақатаевтың 90 жылдығы қарсаңында Қызылорда қаласындағы Назарбаев Зияткерлік мектебі&nbsp;#Мұқағалиға90жылNIS отбасылық жыр эстафетасын бастады.
«Зияткерлік мектеп оқушысына оқуға ұсынылатын 100 кітап» жобасы аясында ұйымдастырылған шараға оқушылар мен ата-аналар белсенді қатысуда. Мектеп қауымдастығы қазақ поэзиясына үлкен қолтаңба қалдырған ақиық ақын Мұқағали Мақатаевтың шығармашылығынан тәрбиелік мәні зор өлеңдерін жатқа айтып, әлеуметтік желі арқылы көпшілікке насихаттауда.
Алғашқы болып «Номад» шаңырағының оқушысы Надира Атымтай мен анасы Бахытжан Рахманбердіқызы эстафетаны бастап, ақынның «Не деген керемет күн» туындысын таныстырды.
<blockquote>
 “Мұқағали атаның бұл өлеңіндегі табиғаттың әсем көрінісі көңілімді ерекше тербеді, сол себепті осы шығарманы анам екеуміз жатқа оқуды ұйғардық”, – дейді Надира Атымтай.
</blockquote>
Отбасылық челлендж аясында қатысушылар Мұқағали Мақатаевтың өлеңдеріне жазылған&nbsp; әсем әндерден шашу шашып, тыңдармандарға ерекше әсер қалдырды.
<blockquote>
 “Қазақ сөз өнерінің зергері деп танылған қаламгер еңбектері адалдық пен жан тазалығына, шынайылыққа үндейді. Оқушылар мен ата-аналарды ақынның шоқтығы биік шығармаларымен таныстыра отырып, ақын өлеңдеріндегі елжандылық, құрмет, сүйіспеншілік құндылықтарын өскелең ұрпаққа дәріптеу мақсатында ұйымдастырылды”, – дейді жоба координаторы Ақбота Жұмабаева.
</blockquote>
Эстафета ақынның туған күніне дейін&nbsp; жалғасады. Мектеп ұжымы әдеби&nbsp; эстафетаға барша халықты үлес қосуға шақырады. Ол үшін ақын шығармашылығынан сүйікті өлеңін мәнерлеп оқыған видеоларды #Мұқағалиға90жылNIS&nbsp; хэштегімен әлеуметтік желіге жүктеу қажет.

Қызылордада отбасылық жыр эстафетасы басталды (ВИДЕО)

<a href="https://kyzylorda-news.kz/">Kyzylorda-news.kz</a>. Мемлекет басшысы жылжымайтын мүлік бағасын ұстап тұруды тапсырды, деп хабарлайды&nbsp;«<a href="https://24.kz/kz/zha-aly-tar/ekonomika-zhnalyktary/item/451492-zejneta-y-t-lemderin-pajdalanu-erezhelerinde-andaj-kemshilikter-bar">Хабар 24</a>».
Зейнетақы жинақтарын тұрғын үй нарығында пайдалану аясында кей өңірлерде баспана қымбаттауы мүмкін. Бірақ сарапшылар баспана бағасын ұстап тұру үшін әкімшілік әдістер жеткіліксіз деген пікірде.
Экономист Рахым Ошақбаевтың айтуынша, елімізде салынып жатқан баспана көлемін арттырып, құрылыс қарқынын ұлғайту керек.
Экономист Рахым Ошақбаевтың айтуынша, зейнетақы төлемдерін пайдалану ережелерінің осал тұстары бар. Мысалы, егер жаңа кешен «Тұрғын үй құрылысына кепілдік беру қорымен» кепілдендірілмесе, ережеге сай сіз ол жерден үлескер ретінде баспана ала алмайсыз. Мұндағы басты себептердің бірі аталмыш оператордың салымшыларға қатысты шектеулері бар. Салдарынан кейбір құрылыс компаниялары қордың қолдауын ала алмайды. Осылайша, жылжымайтын мүлік нарығының бұл бағытында ұсыныстар аз. Яғни зейнетақы жинақтарын пайдаланып, үлескер ретінде баспана алуға болатын тұрғын үй кешендерінің саны шектеулі. Сондықтан «осы сегменттегі таңдау аясын кеңейту керек» дейді Рахым Ошақбаев.
<blockquote>
 “Қазақстанда баспаналар көптеп салынып жатыр. Нұр-Сұлтан қаласының өзінде былтыр 3 миллион шаршы метр баспана бой көтерген. Салыстырмалы түрде айтатын болсақ, Татарстан астанасы Қазан қаласында бір миллион шаршы метр үй салынған. Ондағы халық саны елордамен бірдей. Бірақ осы тұста жаңа баспаналардың ескі үйлерге қарағанда сапасы жоғары, ал бағасы қолжетімді екенін ескеру керек. Сондықтан құрылыс қарқынын ұлғайту керек деп есептеймін”, – дейді экономист Рахым Ошақбаев.
</blockquote>

Зейнетақы төлемдерін пайдалану ережелерінде қандай кемшіліктер бар?

<a href="https://kyzylorda-news.kz/">Kyzylorda-news.kz</a>. Қазақ тілі мен әдебиеті пәнінен республикалық «Абайтану» олимпиадасында Қызылорда қаласындағы Назарбаев Зияткерлік мектебінің 11 сынып оқушысы Ләззат Өтеп жүлделі ІІІ орынды иеленді.&nbsp;
Аталмыш білім бәйгесінің республикалық кезеңіне еліміздің барлық жалпы білім беретін мектеп оқушылары қатысты. Жас абайтанушылар бірінші кезеңде Абай қарасөздері мен поэзиясы негізінде дайындалған тақырыптардың біріне ЭССЕ жазып шығармашылық қабілет -қарымын танытса, екінші кезеңде шығармашылығы бойынша ауызша сұрақтарға&nbsp; тікелей режимде жауап беріп, терең білімдерімен сынға түсті.
<blockquote>
 «Абай поэзиясының&nbsp; қазіргі жастарға беретін тағылымы зор. Данышпан ақын әсіресе, білім мен ғылымның&nbsp; маңызына көп мән берген. Ақын өлеңдерін бала кезімнен жаттап өстім. Абайдың табиғат тақырыбындағы&nbsp; шығармалары қатты ұнайтын. Суреткерлігі сонша — оқыған кезде&nbsp; жанды картина көз алдымызға келеді», — дейді Ләззат Өтеп.
</blockquote>
Сонымен бірге ғұламаның қара сөздерінің астарына тереңірек үңілу керек , күнделікті өмірде ұстаным ретінде&nbsp; қолданатын тұжырымдардың мол екенін айтады.&nbsp;&nbsp;&nbsp; Байқауда жас зияткер Абай жолы романының мазмұны бойынша білімімен ерекшеленіп, жүлделі 3-орын иеленді.&nbsp;&nbsp;
<blockquote>
 «Елімізде биыл үшінші рет өткізіліп отырған Абайтану олимпиадасы онлайн форматта жоғары деңгейде әділ өтті. Әрине, үлкен дайындықты талап етеді. Оқу бағдарламасынан бөлек сабақтан тыс уақыттарда да Абай әлемімен толық таныс болу үшін қосымша жұмыс жүргіздік. Абай шығармашылығы — жас жеткіншектер үшін рухани азық, өмірлік бағыт беруші шамшырақ іспетті, сондықтан оның мол мұрасы насихатталу керек», — дейді ұстазы Мира Дөненхожаева.
</blockquote>

Қызылордалық зияткер «Абайтану» олимпиадасының жүлдегері атанды

<a href="https://kyzylorda-news.kz/">Kyzylorda-news.kz</a>. Бүгін «Қайсар» футбол клубы оқу-жаттығу жиынын өткізуге Түркияға кетті. Сырдың бас командасы қара теңіздің етегінде үшінші наурызға дейін болады.
Сұлтан Әбілдаевтан тәлім алатын команда осыған дейін екі рет облыста жаттығу жиынын өткізді. Жергілікті футболшылардың шеберлігін байқап көрді. Көзге түскен 12 аяқдопшыны бас бапкер Анталиядағы жиынға шақырған.
<blockquote>
 «Өздеріңізге белгілі, команданы Сұлтан Әбілдаев жаттықтырады. Оған Ерлан Шойтымов пен Қанат Шерімбетов көмектеседі. Өткен маусымда өнер көрсеткен ойыншылардың 80 пайызы командадан кетті. Легионерлерге қатысты мәселе жақын күндері шешімін табады. Түркияда жаңа ойыншыларды сынақтан өткіземіз. Негізгі басымдықты жергілікті ойыншыларға береміз. Негізгі мақсат алдағы бес жылдықта танымал ойыншылар шығару», – деді «Қайсар» ФК директоры Серік Досманбетов.
</blockquote>
Бізде талантты жастар жетерлік. Көпшілігіне мүмкіндік береміз. Оған қоса бірнеше шетелдік футболшылармен сөйлесіп отырмыз. Олардың мүмкіндігін жаттығу барысында тексереміз. Команданың намысын абыроймен қорғайтын, ең қажет деген ойыншыларды алатын боламыз, – деді команданың бас бапкері Сұлтан Әбілдаев.
«Қайсар» командасы Анталияда 5 жолдастық кездесу өткізеді. Ал ел біріншілігі 12-ші наурызда басталады.
Үшінші оқу-жаттығу жиынына мына ойыншылар шақырту алды. Қақпашылар: Марсель Исламқұлов, Нұрымжан Салайдын; 
Қорғаушылар: Елжас Сарбай, Олжас Алтаев, Иван Граф, Ілияс Әмірсеитов, Абылайхан Төлегенов; 
Жартылай қорғаушылар: Данияр Әлімжан, Бекзат Құрманбекұлы, Аян Құлмағанбетов Думан Нәрзілдаев; Шабуылшылар: Шоқан Абзалов, Өркен Махан.
Айта кетейік, команданың шабуылшысы Елжас Алтынбеков аздаған жарақатына байланысты қасқырлардың оқу-жаттығу жиынына кейінірек қосылатын болады.
<img src="https://kyzylorda-news.kz/wp-content/uploads/2021/01/142789154_1218982465163930_1245368214177664890_o.jpg" alt="" />

«Қайсар» ФК Түркияда бес жолдастық кездесу өткізеді

<a href="https://kyzylorda-news.kz/">Kyzylorda-news.kz</a>. Сырдария ауданының әкімі Талғат Дүйсебаев Тереңөзек кентіндегі жоғары қысымдағы газ реттегіш пунктерді аралап көрді. «Қызылорда газ тарату жүйесі» коммуналдық мемлекеттік мекемесінің Тереңөзек кенті учаскесі мамандарымен пікірлесіп, қауіпсіздікке аса мән беру керектігін ескертті.
<blockquote>
 “Аудан орталығын табиғи газға қосуды кент тұрғындары асыға күтуде. Бүгінде Тереңөзек кенті бойынша 262 тұрғын үй және 11 әлеуметтік нысан газдандыруға бейімделген. Оларға 6 жоғары қысымдағы газ реттегіш пунктері арқылы газ тарайды. Қазіргі таңда кент орталығына көгілдір отын келіп тұр. Ендігі жерде қауіпсіздік талаптарын қатаң сақтай отырып, газ таратуды ұйымдастыруымыз қажет. Бұл біздің басты назарымызда. Осы ретте, тұрғындар да қауіпсіздік шараларына аса мән беруі керек”, – деді аудан басшысы.
</blockquote>
Газдандыруға қатысты атқарылып жатқан жұмыстарды «Қызылорда газ тарату жүйесі» коммуналдық мемлекеттік мекемесінің Тереңөзек кенті учаскесінің бастығы Б.Ысқақов айтып өтті.
2021 жылдың 25 қаңтарында жоғары қысымдағы автоматтандырылған газ тарату станциясынан (АГРС) Тереңөзек кентіндегі жоғары қысымдағы газ реттегіш пунктеріне (ГРП) дейін көгілдір отын жеткізілді. Қауіпсіздік талаптарына сәйкес кенттегі жоғары қысымдағы газ реттегіш пунктеріне жеткізілген газ белгілі уақытқа дейін тұруы тиіс. Бұл аралықта сала мамандары газ құбырларын тексеріп, халыққа сапалы және қауіпсіз газды жеткізуді ұйымдастырады.
<img src="https://kyzylorda-news.kz/wp-content/uploads/2021/01/syrdarija.jpg" alt="" />
<img src="https://kyzylorda-news.kz/wp-content/uploads/2021/01/gaz1.jpg" alt="" />

Талғат Дүйсебаев: Газ таратуды қолға алуымыз қажет

<a href="https://kyzylorda-news.kz/">Kyzylorda-news.kz</a>.&nbsp; Қазақстан бойынша 28-30 қаңтарға арналған ауа райы болжамы жарияланды.
«Қазгидромет» РМК мәліметіне сенсек, алдағы үш күнде ел аумағы циклондардың ықпалында болады.
Бірінші күні антициклон елдің барлық аумағында жауын-шашынсыз ауа райын сақтап тұрады. Күн ашық болады.
Ал 29 қаңтардан бастап Солтүстік- батыс циклон – батыс аймақтарға, ал 30 қаңтардан бастап Оңтүстік циклон – оңтүстіктегі облыстарға әсер ете бастайды.
Олардың ықпалымен жаңбыр мен қар жауады.
Сондай-ақ температура айтарлықтай артады.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қызылорда гарнизонындағы Қорқыт Ата атындағы Қызылорда университеті әскери кафедрасында 2020-2021 оқу жылының екінші оқу кезеңіндегі әскери дайындық сабақтары басталды.
Азаматтарды запастағы офицерлер және сержанттар бағдарламасы бойынша әскери қызметке даярлау Қазақстан Республикасы Қорғаныс министрінің 2020 жылғы 19 қазандағы «Запастағы офицерлер бағдарламасы бойынша әскери дайындық қағидаларын бекіту туралы» бұйрығына сәйкес өткізіледі. Дайындықта әскери оқытылған резервті қалыптастыру, сондай-ақ офицерлер құрамының бастапқы лауазымдары мен сержанттар құрамының лауазымдарын қосымша жасақтау мақсатында ЖОО студенттерінің алатын жоғары кәсіптік білімі негізінде, әскери-есептік мамандықтар бойынша жүзеге асырылады.
Қорқыт Ата атындағы Қызылорда университеті әскери кафедрасында бірінші оқу кезеңінде әскери дайындықтың оқу үдерісі қалада қалыптасқан санитарлық эпиодемиологиялық жағдайға байланысты толығымен қашықтықтан оқыту әдісімен өткізілген болатын. Әрине, мұндай оқыту әдісі әскери дайындықта білім алып жатқан жастардың бойында әскери тәжірибелік машықтардың қалыптасуына толық мүмкіндік бермейді.
Жоғарғы оқу орны басшылығының шешімі бойынша 2020-2021 оқу жылының екінші оқу кезеңінде оқу үдерісі аралас форматта, яғни, дәріс, семинарлық сабақтар «онлайн» режимде, ал тәжірибелік, лабораториялық және тактикалық сабақтар білім алушы студенттердің тікелей қатысуымен «офлайн» режимде жүргізу жоспарланып отыр.
Әскери кафедрада дәріс, семинарлық сабақтар «Класрум», «Zоом» бағдарламалары және Watsapp желісінің көмегімен, ал тәжірибелік, саптық және тактикалық сабақтар университеттің оқу материалдық техникалық базасында жүргізілетін болады.
2020-2021 оқу жылының екінші оқу кезеңінде әскери мамандықтардың бейіндік және жалпы әскери пәндері бойынша оқу сабақтарын 90 сағат көлемінде, ал оқытушының басшылығымен білім алушы студенттердің өзіндік жұмысын жүргізу 30 сағат көлемінде өткізу жоспарланған.
<img src="https://kyzylorda-news.kz/wp-content/uploads/2021/01/img_20210126_232934_634.jpg" alt="" />
<img src="https://kyzylorda-news.kz/wp-content/uploads/2021/01/img_20210126_233224_026.jpg" alt="" />

Қызылордада екінші оқу кезеңінің әскери дайындық сабақтары басталды

<a href="https://kyzylorda-news.kz/">Kyzylorda-news.kz</a>. Халықаралық Олимпиада комитетінің президенті Томас Бах Ұлттық Олимпиада комитеттерінің басшыларымен кеңейтілген телеконференция өткізді, деп хабарлады&nbsp;<a href="https://prosports.kz/kz/news/483657-tomas-bah-olimpiada-uakytynda-otedi-b-zhospary-zhok">Olympic.kz.</a>
Қазақстан Ұлттық Олимпиадалық комитетінің басшылығы да онлайн кездесуге қатысты.&nbsp; Күн тәртібінде өте маңызды мәселелер қаралды. Екі сағаттан аса уақыт бойы қатысушылар ғаламдық пандемия, спортшыларды вакцинациялау, БҰҰ резолюциясы мен алдағы Токио-2020 және Бейжің-2022 Олимпиадаларына дайындықты талқылады.&nbsp;
Жиын барысында сөз алған Томас Бах 2021 жылдың қарбаласқа толы болатынын атап өтті. Өйткені Токиодағы Олимпиада ойындарынан кейін 6 ай өткен соң қысқы Олимпиада ойындары басталады. Мұндай жайт тарихта алғаш рет орын алмақ.
Қазіргі сәтте ХОК екі ірі спорттық іс-шараға толыққанды дайындық жүргізуде.&nbsp; Томас Бах 2020 жылғы Токио Олимпиадасы қарсаңындағы түрлі сыбыстар мен қауесеттерге тойтарыс беру үшін Олимпиадалық қозғалыстың бірлесіп жұмыс істеуі қажеттігіне ерекше тоқталып өтті.&nbsp;
<blockquote>
 “Қазір Олимпиадалық қозғалыстың бар назары 2020 жылғы Токио ойындарына бағытталған. 21 қаңтардың кеші мен 22 қаңтар күнгі жаңалықтарда Жапонияның Олимпиаданы өткізуден бас тартатыны туралы арандатушылық бағыттағы жазбалар көп болды. Бірақ бұл жалған ақпарат. Мен баршаңызды тек қана ресми дереккөздер мен ХОК-тың ресми мәлімдемесіне сенуге шақырамын. 22 қаңтар күні Жапония билігімен телефон арқылы сөйлестім, олар Жапония билігі атынан ресми мәлімдеме мүлде болмағанын айтты”, – деді ХОК президенті.
</blockquote>
Оның айтуынша, Олимпиада ойындары мен барлық жарыс және іс-шаралар жоспарланған уақытында өтеді. Осы салаға қызығушылық танытқан тараптардың бәрі де Ойынды сәтті өткізу үшін тынымсыз еңбектенуде.
<blockquote>
 “Сондықтан “Б” жоспарын ойластыруға негіз жоқ. Жапония нақты қадамдар арқылы бұл Ойынды өткізуге дайын екенін баршамызға көрсетті. Сондай-ақ, елдегі саяси пікірталастарға қарамастан, Қытай да қысқы ойындарды өткізуге әзір”, – деп түйіндеді Томас Бах.&nbsp;
</blockquote>
ХОК басшысы Олимпиада ойындарына қатысушыларды вакцинациялау туралы да айтты. Томас Бах осы сұраққа қатысты&nbsp; Ұлттық Олимпиадалық комитеттерге көмектесуге уәде беріп, барлық спортшыны вакцина қабылдауға шақырды. Алайда вакцинациялау әр спортшының еркі бойынша жүргізіледі.

Токиодағы Олимпиададан  кейін қысқы Олимпиада ойындары басталады

<a href="https://kyzylorda-news.kz/">Kyzylorda-news.kz</a>. «Nur Otan» партиясы Қызылорда облыстық филиалының қоғамдық қабылдау бөлмесінде Облыстық мәслихаттағы «Nur Otan» партиясы депутаттық фракциясының мүшесі Гүлнара Есқалиева тұрғындарды жеке мәселелері бойынша қабылдау өткізді.
Халық қалаулысының қабылдауында болған тұрғындар жұмыссыздық, тұрғын үй мәселелерін сөз етті.
Қабылдауға Шиелі ауданынан келген Талғат Абдурахманов есімді азамат денсаулығына байланысты қолайлы жұмыс табылса , сонымен қатар мектепте мұғалім болып жұмыс жасап жатқан әйелін Шиелі ауданына Махамбетов ауылындағы мектепке ауыстыруға көмек сұрады. Тұрғынның өтініші бойынша халық қалаулысы тиісті орындармен байланысып, мәселенің оңтайлы шешілуіне жұмыс жасайтындығын жеткізді.
Ал, ұзақ жылдар мектеп қабырғасында еңбек етіп, бүгінде зейнетке шыққан Альфия Бектурганова баласы және 5 немересімен бірге ақылы пәтерде тұрып жатқандығын алға тартып, тұрғын үй кезегі бойынша пәтер берілуіне ықпал етуді сұрады. Халық қалаулысы зейнеткердің өтінішін қабылдап, тұрғын мәселесі бойынша пәтер алудың заңнамалық жолдарын түсіндірді. Сондай-ақ, кәсіподақ ұйымы тарапынан басқа да көмектер көрсетілетінін жеткізді.
Қоғамдық қабылдауға келген басқа да тұрғындардың өтініштері бойынша көтерілген мәселелер зерттеліп, зерделеніп алдағы уақытта нәтижесі бойынша қосымша хабарланатын болды.
<img src="https://kyzylorda-news.kz/wp-content/uploads/2021/01/142990227_1089244728154703_1686838981323969261_o.jpg" alt="" />

«Nur Otan»: Тұрғындарды жеке мәселелерімен қабылдау өтті

<a href="https://kyzylorda-news.kz/">Kyzylorda-news.kz</a>. Қызылорда облысының «Қоғамдық келісім» КММ және «Тілдерді оқыту орталығы» КММ-нің бірлесіп ұйымдастыруымен Достық үйінде Тәуелсіздіктің 30 жылдығына орай «Тіл – достықтың діңгегі» тақырыбында этнос өкілдері арасында тіл танымдық сайыс өтті.
Шара этнос оқушылары арасында қазақ тілін білу деңгейін көтеру, оқып үйренуге деген қызығушылығы мен ықыласын арттыру мақсатында ұйымдастырылды.
Барлығы 5 кезеңнен тұратын сайыста бақ сынған үш топқа «Қоғамдық келісім» КММ директорының орынбасары М.Дәулетбаева, Назарбаев Зияткерлік мектебінің ұйымдастырушы-модераторы Г.Шынтасова, «Қызылорда облысының тілдерді оқыту орталығы» КММ-нің әдіскері Ж.Ерекешова төрелік етті.
Топты таныстыру, сөйлемді толықтыру, сұрақ-жауап, мәнерлеп оқу, мақал-мәтел айту сынды кезеңдерден құралған сайыста жүлделі бірінші орынды – бірлігі бекем «Бірлік» тобы, екінші орынды – татулықты ту еткен – «Татулық» тобы, үшінші орынды – достыққа берік «Достық» тобы иеленді.
Жеңімпаздарға алғыс және сыйлықтар табысталды.
<img src="https://kyzylorda-news.kz/wp-content/uploads/2021/01/1.jpg" alt="" />

Қызылордада өзге ұлт өкілдері арасында сайыс өтті

<a href="https://kyzylorda-news.kz/">Kyzylorda-news.kz</a>. Қазақстанда бір тәулікте 1 398 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 400,
Алматы қаласы – 174,
Шымкент қаласы – 3,
Ақмола облысы – 70,
Ақтөбе облысы – 7,
Алматы облысы – 91,
Атырау облысы – 71,
Шығыс Қазақстан облысы – 17,
Жамбыл облысы – 16,
Батыс Қазақстан облысы – 36,
Қарағанды облысы – 66,
Қостанай облысы – 123,
Қызылорда облысы – 9,
Маңғыстау облысы – 10,
Павлодар облысы – 247,
Солтүстік Қазақстан облысы – 46,
Түркістан облысы – 12.
Қазақстан бойынша жазылғандар саны – 163 156

Қазақстан және Қызылорда облысының жаңалықтары