<a href="https://kyzylorda-news.kz/">Kyzylorda-news.kz</a>. Қызылордада 2 тұрғын өздерінің бір алаяқтың құрбаны болғанын айтып арызданды.
Белгісіз ер адам өзінің атын бүркемелей отырып әлеуметтік желі арқылы танысып, жәбірленушілердің сеніміне кіріп, достық қарым-қатынас орнатқан. Уақыт өте келе, өзін теміржол саласының қызметкері ретінде таныстырып, жұмысқа орналастыруға уәде еткен алаяқ арызданушыларға 100&nbsp;000 теңге шығын келтірген.
Алаяқты ұстау мақсатында полиция қызметкерлері қажетті жедел-іздестіру шараларын жүргізу нәтижесінде 1983 жылы туған жұмыссыз, қала тұрғынын ұстады.
Қазіргі уақытта аталған факті бойынша Қазақстан Республикасы Қылмыстық кодексінің 190 бабының 3 бөлігі 4 тармағы (бірнеше рет жасалған алаяқтық) бойынша сотқа дейінгі тергеу жүргізілуде. Күдікті уақытша ұстау изоляторына қамаққа алынды. Алаяқтың&nbsp; басқа да істерге қатыстылығы анықталуда.

Қызылордада алаяқтар азаяр емес

<a href="https://kyzylorda-news.kz/">Kyzylorda-news.kz</a>. Қызылорда облысында сотталған азаматтың қалтасынан есірткі табылды.
Қызылорда облысы бойынша ҚАЖ департаменті қауіпсіздігі барынша төмен ЗК-169/4 мекемесінде жұмыс обьектілерінен мекемеге оралған сотталған азаматтарды тінту-тексеру жұмыстары күнделікті жүргізілуде.
Мекеме қызметкерлері &nbsp;жұмыс орнынан оралған Т. есімді сотталған азаматты тексеру барысында оның қалтасынан темекі қорабының ішіне 3 дана шылымға нығыздалып салынған «жасыл түсті өткір иісті» зат тәркіленді. Тәркіленген зат бойынша жедел түрде 102 нөміріне хабарланып, Қызылорда қалалық ПБ-ның жедел-тергеу тобы шақырылды.
Сот сараптамасының қорытындысымен оның салмағы 1,98 грамм құрайтын «кептірілген марихуана» екені дәлелденіп, аталған дерек бойынша ҚР ҚК-нің 296 бабының 2 бөлігімен сотқа дейінгі тергеп-тексеру жұмыстары жүргізілуде.

Қызылордада сотталған азаматтан есірткі тәркіленді

<a href="https://kyzylorda-news.kz/">Kyzylorda-news.kz</a>. Қызылордада балалардың үйден қашу деректері жиілеп кетті. 15 қаңтар түнгі он бір жарымда қала тұрғыны өзінің қызы жоғалғаны жөнінде полицияға хабарлама түсірген.
Кәмелетке толмаған қыз бала терезе арқылы секіріп, үйінен қашып кеткен. Дереу іздестіру жұмысына кіріскен тәртіп сақшылары көп ұзамай жасөспірімді құрбысының үйінен тапты. Жалпы өткен жылы полицейлер панасыз және үлкендердің қадағалауынсыз жүрген 186 баланы бейімдеу орталығына орналастырды. Соның ішінде 92 жасөспірім ата-анасымен ренжісіп, ешкімге ескертпей кетіп қалған. Тіпті Алматы облысында жоғалған 12 жастағы жеткіншек Қызылорда көшелерінің бірінде беймезгіл уақытта жалғыз жүрген жерінен табылды. Хабар-ошарсыз кеткен жасөспірімдердің барлығы үйлеріне аман-есен қайтарылды. Осы ретте ювеналды полиция қызметкерлері ата-аналарға балаларын бақылаусыз қалдырмауға шақырады.
<blockquote>
 “92 жасөспірімнің ішінде үйінен кетіп қалуға бейім 5 жасөспірімді «қадағалаусыз және панасыз қалған кәмелетке толмағандар» санатымен ішкі істер органдарының есебіне алып, профилактикалық жұмыстар жүргізілуде. Осыған орай полиция қызметкерлері ата-аналарға балаларына бақылауды және жауапкершілікті күшейтіп, қауіпсіздігін қамтамасыз ету шараларын арттыру қажеттігін қатаң ескертеміз”, жергілікті полиция басқармасы бастығының орынбасары Бақыт Молдабеков.
</blockquote>
<a href="https://24.kz/kz/zha-aly-tar/o-am/item/449861-yzylordada-balalardy-jden-ashuy-zhiiledi">Хабар 24</a>

Қызылордада балалардың үйден қашуы жиіледі

<a href="https://kyzylorda-news.kz/">Kyzylorda-news.kz</a>. Қызылорда қаласындағы тоғызқұмалақ интеллектуалдық клубында облыс чемпионаты өтті.
Республикада эпидемиологиялық ахуал қалыпты болған жағдайда спортшылар наурыз айында Тараз қаласында, сәуір айында Ақтөбеде өтетін ҚР командалық чемпионатында облыс намысын қорғайтын болады.
Облыс чемпионатына Қызылорда қаласы мен аудандардан 70-ке жуық спортшы қатысты. Олардың арасында 2 ҚР халықаралық дәрежедегі спорт шебері, 6 спорт шебері, 28 спорт шеберлігіне үміткер және қалғандары I спорттық разрядты спортшылар болды.
Жарыс швейцар жүйесі бойынша классика түрінен 8 турда өткізілді. Жарыс нәтижесінде ұлдар арасында сырдариялық Бексұлтан Бостандықов 1-орынды, жаңақорғандық Ермұхамед Әлайдар 2-орынды, қазалылық Сәбит Шүленбаев пен қызылордалық Асылбек Қаржаубаев 3-орындарды иеленді.
Қыздар арасында жалағаштық Қызжібек Әбілда алтын медальға ие болса, қазалылық Ұлдана Маханбетамин күміс, Сырдария ауданының спортшысы Ақерке Кенжебекова мен Қазалы ауданының спортшысы Әйгерім Жокелова қола жүлделерді еншіледі.
“Үздік ойын көрсеткені үшін” номинациясымен қызылордалық Алтынай Жақыпова мен қазалылық Серік Еркебаев марапатталды. Жарыс жеңімпаздары мен жүлдегерлерге Қызылорда облысының дене шынықтыру жəне спорт басқармасының диплом, медальдары табысталды.
<img src="https://kyzylorda-news.kz/wp-content/uploads/2021/01/140711765_5648093048550202_6706209810863621824_n.jpg" alt="" />
<img src="https://kyzylorda-news.kz/wp-content/uploads/2021/01/139863424_5648091941883646_292091163616921996_n.jpg" alt="" />

Қызылордада тоғызқұмалақтан ел чемпионатына іріктеу өтті

<a href="https://kyzylorda-news.kz/">Kyzylorda-news.kz</a>. NIS оқушылары, ұстаздары мен ата-аналары кезекті «Даналық бейсенбіні» әйгілі «National Geographic» журналының еліміздегі өкілдерімен жүздесуге арнады.
Қызылорда қаласындағы Назарбаев Зияткерлік мектебі «Даналық бейсенбі» жобасы аясында мемлекеттік тілде таралатын тұңғыш шетелдік басылым – «National Geographic Қазақстан» журналының жауапты редакторы Арай Ізбаймен онлайн кездесу ұйымдастырды.
Тікелей эфирге NIS желісіндегі барлық Зияткерлік мектептерінің оқушылары, педагогтары мен ата-аналары қосылды. Кездесуде Арай Дәулетұлы журналдың оқырмандарға жол тартқан айшықты кезеңдеріне тоқталып, «Пандемия тарихы» туралы ауқымды зерттеу нәтижелерімен бөлісті.
<blockquote>
 «Біздің журнал – ғылыми әдебиет. Контенттің 70 пайызы халықаралық зерттеулерге негізделген. Бұл дегеніміз әлемдік соңғы жаңалықтары жайында ауыл балалары шетелдің белді университет студенттерімен бір уақытта біліп отырады. Біздің мақсатымыз – қазақ жастары өз теңінен қалмай, алған ақпараттан ой түйіп, оны бір салаға бағыттай алу», – деп санайды Арай Ізбай.
</blockquote>
Әлем үшін өзекті тақырып туралы талдау жасаған отандық журналист адамзатты әбігерге салған қауіпті індеттердің себеп-салдары жайында тарихи ақпарат берді. Сондай-ақ, қатысушылар тарапынан келіп түскен сауалдарға жауап беріп, алдағы уақытта оқушылардың зерттеу жобаларына ақпараттық қолдау көрсететіндіктерін жеткізді.
<blockquote>
 «Бұл журнал ағылшын, орыс, қазақ тілінде де барлық НЗМ кітапханаларында қолданыста бар. Мазмұны терең, аудармасы сапалы ресурсқа кез-келген оқырман қол жеткізе алады. Бүгінгі кездесу игі бастамалардың бастауы болатынына сенімдімін. Алдағы уақытта «Туған елге тағзым» өлкетану – зерттеу экспедициясын іске асыруда журнал ұжымымен бірлескен жобаларды жүргізу жоспарда бар», – деп бөлісті «Назарбаев Зияткерлік мектептері» ДББҰ-ның дамыту департаменті директорының орынбасары Аида Ағаділ.
</blockquote>
Әлемнің 80-нен астам елінде 40-қа жуық тілде таралатын «National Geographic» журналы бүгінде 700 миллион аудиторияны қамтиды.

Қызылорда: National Geographic Qazaqstan NIS оқушыларына қолдау көрсетеді

<a href="https://kyzylorda-news.kz/">Kyzylorda-news.kz</a>.&nbsp;Әлемдегі ең үлкен шөл – Сахарада температура 0 градустан төмендеп,&nbsp;қаңтар айында&nbsp;қар жауды.
Фотограф Карим Бучетата осы ерекше көріністі суретке түсірген. Ол Алжирдің Айн Сафра қаласының маңындағы қар басқан шөл далада және Сауд Арабиясының солтүстігіндегі Табук қарлы шөлінде жүрген түйелер мен қойларды суретке түсірді.
<img src="https://kyzylorda-news.kz/wp-content/uploads/2021/01/sa.jpeg" alt="" />
Айн-Сафра Сахара шөлінің шетінде орналасқан, оны “Шөл қақпасы” деп те атайды. Бұл ауданда қар 2017 және 2018 жылы да жауған. Ал оған дейін қар жууы туралы жағдай 1979 жылы ақпанда ғана тіркелген.
<img src="https://kyzylorda-news.kz/wp-content/uploads/2021/01/sah.jpeg" alt="" />
The Sun басылымының хабарлауынша, Сахара шөліндегі температура ыстық маусымда +50 градусқа дейін көтеріліп, суық мезгілде +12 градусқа дейін төмендейді. Алайда, биыл қаңтарда температура 0 градустан төмендеген.
<img src="https://kyzylorda-news.kz/wp-content/uploads/2021/01/saha.jpeg" alt="" />
Қаңтар – Сауд Арабиясындағы ең суық ай. Орташа температура +20 градус болады. Табук – елдегі ең суық аймақтың бірі. 10 қаңтарда осы таулы аймаққа қалың қар жауды. Ливан, Сирия және Иран да қар астында қалды.
<img src="https://kyzylorda-news.kz/wp-content/uploads/2021/01/sahar.jpeg" alt="" />
Сарапшылар шөлдің қатал климаты мен құрғақшылығына қарамастан, 15 мың жылдан кейін Сахара қайтадан жасыл желек жамылған аймаққа айналады дейді.
<a href="https://massaget.kz/arnayyi_jobalar/lemtanu/64303/">Massaget.kz</a>

Сахара шөлін қар басты

<a href="https://kyzylorda-news.kz/">Kyzylorda-news.kz</a>. Қызылордада 5 адамды 2,5 миллион теңгеге алдап кеткен алаяқ ұсталды.
2020 жылы Қызылорда қалалық Полиция басқармасына облыс орталығының 5 тұрғыны алаяқтық деректері бойынша арыз жазып, өз қаражаттарын қайтаруға көмек сұрады.
Тексеру барысында бір әйелдің өткен жылдың басында өзін Құрылыс басқармасының қызметкері ретінде таныстыра отырып, мемлекеттік бағдарлама бойынша баспана алуға көмектесетінін алға тартып, олардан жалпы сомасы 2 500 000 теңге көлеміндегі ақша қаражатын алғаны анықталды.
Жедел-іздестіру іс-шаралары нәтижесінде полиция қызметкерлері облыс орталығының 1991 жылы туған, бұрын сотты болған тұрғынын анықтап, ұстады. Алаяқ өз әрекеттерін мойындады. Қазақстан Республикасы Қылмыстық кодексінің 190-бабының 3-бөлігінің 4-тармағы (Бірнеше рет жасалған алаяқтық) бойынша сотқа дейінгі тергеу жұмыстары жүргізілуде.

Қызылордада 5 адамды алдап кеткен алаяқ ұсталды

<a href="https://kyzylorda-news.kz/">Kyzylorda-news.kz</a>. Биыл 1 наурыздан бастап әлеуметтік маңызы бар бағыттарда теміржол билеттерінің бағасы 7 процентке көтеріледі, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Ресми мәліметке сәйкес, әлеуметтік маңызы бар бағыттарда халық жиі жүреді. Сол себепті осы санаттағы пойыздарға мемлекет тарапынан субсидия бөлінеді. Олар 106 бағытта жүреді. Соның ішінде 9 мемлекетаралық бағдар бар.
Бүгінде COVID-19 пандемиясына байланысты мемлекетаралық пойыздардың қатынасы тоқтатылды. Ал ішкі бағдарлардың саны қысқарып отыр. Қазіргі кезде әлеуметтік маңызы бар 32 бағдарда теміржол тасымалы ұйымдастырылған.
<h3 id="7nbsp">Билет бағасы 7 процентке қымбаттайтын бағдарлар:&nbsp;</h3>
<ol>
<li>№003/004 – Нұр-Сұлтан – Алматы;</li>
<li>№010/009 – Нұр-Сұлтан – Алматы;</li>
<li>№011/012 – Алматы – Шымкент;</li>
<li>№021/022 – Қызылорда – Семей;</li>
<li>№024/023 – Ақтөбе – Алматы;</li>
<li>№025/026 – Алматы – Шымкент;</li>
<li>№031/032 – Павлодар – Алматы;</li>
<li>№033/034 – Ақтөбе – Алматы;</li>
<li>№037/038 – Нұр-Сұлтан – Маңғыстау;</li>
<li>№041/042 – Алматы – Атырау;</li>
<li>№047/048 – Нұр-Сұлтан – Атырау;</li>
<li>№053/054 – Нұр-Сұлтан – Достық;</li>
<li>№067/068- Нұр-Сұлтан – Өскемен;</li>
<li>№77/78 – Алматы – Маңғыстау;</li>
<li>№085/086 – Нұр-Сұлтан – Сарыағаш;</li>
<li>№258/257 – Нұр-Сұлтан – Достық (жазғы уақытта);</li>
<li>№313/314 – Атырау – Маңғыстау;</li>
<li>№321/322 – Алматы – Сарыағаш;</li>
<li>№339/340 – Павлодар – Преснегорьковская;</li>
<li>№351/352 – Алматы – Өскемен;</li>
<li>№353/354 – Нұр-Сұлтан – Семей;</li>
<li>№373/374 – Алматы – Жезқазған;</li>
<li>№379/380 – Алматы – Орал;</li>
<li>№603/604 – Нұр-Сұлтан – Арқалық;</li>
<li>№613/614 – Орал – Ақтөбе;</li>
<li>№623-627/624-628 – Нұр-Сұлтан – Қызыл-Ту – Петропавл;</li>
<li>№673/674 – Павлодар – Нұр-Сұлтан;</li>
<li>№692/691 – Ақтөбе – Атырау.</li>
</ol>
Тіркемелі және жолда тоқтамайтын вагондар:
<ul>
<li>№21/22 – Алматы – Семей;</li>
<li>№77/313 /314/78 – Алматы – Күлсары;</li>
<li>№22/6941/6942/21 – Алматы – Достық (жазғы уақытта).</li>
</ul>
2021 жылдың 1 наурызынан бастап облысаралық және қала маңындағы әлеуметтік маңызы бар барлық бағыттарға теміржол билетінің құны 7%-ке артатыны хабарланған болатын.

Қызылорда &#8211; Семей бағытындағы пойыздың билеті қымбаттайды

<a href="https://kyzylorda-news.kz/">Kyzylorda-news.kz</a>. Биыл облыста су тасқынының алдын алу мақсатында қорғаныс бекетінің үш учаскесіне жөндеу жұмыстары жүргізіледі. Сондай-ақ, екі дана гидротехникалық құрылғы салынады. Бұл туралы Өңірлік коммуникациялар қызметінің ақпарат алаңында өткен брифингте облыстық жұмылдыру дайындығы басқармасы басшысының орынбасары Бағдат Әлиев мәлімдеді.
<blockquote>
 Өңірде жыл сайын су тасқынының алдын алу мақсатында арнайы құрылған жұмыс топтарымен қорғаныс бөгеттеріне зерттеу жұмыстары жүргізіліп, қауіпті деген учаскелер анықталады. Қажетті қаржы бөлініп, аса қауіптілері қалпына келтіріліп, нығайтылады. Қыс-көктем мезгілінде дария деңгейін бақылауда ұстап тұруға арнайы техника, жауапты мамандар бекітілді. Күнделікті мониторинг жұмыстары жүргізілуде. Дариядан келер қауіп жоқ, – деді Бағдат Исламбекұлы.
</blockquote>
<img src="https://kyzylorda-news.kz/wp-content/uploads/2021/01/140371539_1213843449011165_2191997196855859345_o.jpg" alt="" />
Өткен жылы қорғаныс бөгетінің 16 учаскесі жөнделіп, тазалау жұмыстары жүргізілді.

Қызылордада қорғаныс бекетінің үш учаскесіне жөндеу жұмыстары жүргізіледі

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласында “Газель” жүк көлігімен сексеуіл тасымалдағандар ұсталды.
15 қаңтар күні сағат 11:15 шамасында Қызылорда облысы Полиция департаментінің Жергілікті полиция қызметі басқармасының Табиғатты қорғау тобының және «Қызылорда облысының&nbsp;табиғи ресурстар&nbsp;және табиғат пайдалануды реттеу&nbsp;басқармасы» мемлекеттік мекемесінің қызметкерлері бірлесіп,&nbsp;Қызылорда қаласы аумағында&nbsp;күдік тудырған «Газель»&nbsp;жүк автокөлігін тоқтатқан.
Тексеру барысында көліктің жүк салғыш қорабынан заңмен кесуге тыйым салынған сексеуіл өсімдігінің&nbsp;тиелгендігі анықталды. Автокөлік айып алаңына қойылды.
Қазіргі уақытта ҚР ӘҚБтК-нің 389-бабының талаптарына сәйкес, кінәлі тұлғалардың жауапкершілігі қаралуда.

Қызылордада &#8220;Газельмен&#8221; сексеуіл тасымалдағандар ұсталды

<a href="https://kyzylorda-news.kz/">Kyzylorda-news.kz</a>. Ақпанда мемлекеттік және ұлттық мерекелер жоқ, сол себепті қазақстандықтар күнтізбелік демалыс күндері ғана демалады.
2021 жылдың ақпанында 28 күн бар. Бірінші ақпан дүйсенбіге тура келеді, соған байланысты бір айда төрт сенбі мен жексенбі бар.
Аптасына бес күн жұмыс істейтін қазақстандықтар 6-7, 13-14, 20-21, 27 және 28 ақпанда демалады. Ал аптасына алты күн жұмыс істейтіндер 7, 14, 21 және 28 ақпанда демалады.
Қазақстанда және бұрынғы Кеңес Одағының құрамында болған басқа да елдерде 15 ақпан – Кеңес әскерлерінің Ауғанстаннан жерінен шығарылған күні. Бұл барлық қаза тапқан интернационалист жауынгерлерді еске алу күні, алайда бұл күні демалыс берілмейді.
Жалпы алғанда 2021 жылы қазақстандықтар бес күндік жұмыс аптасында 120 күн, алты күндік жұмыс аптасында 68 күн демалады.
Ең ұзақ демалыс&nbsp;<a href="https://sputnik.kz/society/20201207/15669628/2021-zhyly-qazaqstandyqtar-neshe-kun-demalady.html">көктемде болады</a>&nbsp;– демалыс күндерінің саны мерекелермен бірге 33 күнді құрайды.

Қазақстандықтар ақпанда неше күн демалады?

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Алексей Цой эпидемиологиялық ахуал бойынша арнайы жұмыс тобы жасаған 2021 жылдың соңына дейінгі болжамды жария етті, деп хабарлайды ҚазАқпарат.
<blockquote>
 «Денсаулық сақтау министрлігінің болжау жөніндегі жұмыс тобы 2021 жылдың соңына дейін шектеу шаралары күшінде болғандағы эпиджағдайдың дамуына болжам жасады. Індетті жұқтыру деңгейі осы жылдың наурыз айының соңында көп тіркелуі мүмкін. Оптимистік сценарий бойынша тәулігіне 3 мың жағдайға дейін күтілуде, ал төсек қорының барынша қамтылуы 24 мыңға дейін жетуі мүмкін. Дегенмен, аталған сценарий кезінде қатаң карантин талаптарын енгізу жоспарланып отырған жоқ», – деді Алексей Цой Үкімет отырысында.
</blockquote>
Министр сонымен қатар реалистік және пессимистік сценарий бойынша күн сайын 6 және 9 мың адам індет жұқтыруы мүмкін екенін айтады. Ал төсек қорының қамтылуы 45 мыңға дейін жетеді. Яғни КВИ-мен ауыратын науқастарға қолжетімді 52 мың төсектен аспайды, бірақ денсаулық сақтау жүйесіне шамадан тыс жүктеме түсірмей, сапалы медициналық қызметті қамтамасыз ету үшін қатаң карантин талаптарын енгізу қажет болады.
<blockquote>
 «Бірінші кезеңде 2 миллион адамды вакциналау эпидемияның дамуына оң әсер етеді. Біздің есептеуімізше, 2 миллион адамды вакциналау тіркелген жағдайлардың санын 40 мыңға азайтады. Тиісінше, вакцинамен қамту неғұрлым жоғары болса, КВИ-мен сырқаттанушылық пен өлім-жітім азаяды, шектеу шаралары мен локдаунсыз өмірге оралу ықтималдығы артады. Пандемияның дамуының осы кезеңінде бүкіл әлем өзін-өзі оқшаулау мен карантинге жалғыз балама – вакциналау екенін түсінді», – деді министр.
</blockquote>

Қазақстан және Қызылорда облысының жаңалықтары

Қызылордада алаяқтар азаяр емес

Қызылордада сотталған азаматтан есірткі тәркіленді

Қызылордада балалардың үйден қашуы жиіледі

Қызылордада тоғызқұмалақтан ел чемпионатына іріктеу өтті

Қызылорда: National Geographic Qazaqstan NIS оқушыларына қолдау көрсетеді

Сахара шөлін қар басты

Қызылордада 5 адамды алдап кеткен алаяқ ұсталды

Қызылорда – Семей бағытындағы пойыздың билеті қымбаттайды

Қызылордада қорғаныс бекетінің үш учаскесіне жөндеу жұмыстары жүргізіледі

Қызылордада “Газельмен” сексеуіл тасымалдағандар ұсталды

Қазақстандықтар ақпанда неше күн демалады?

Алексей Цой эпидахуал бойынша 2021 жылдың соңына дейінгі болжамды жария етті

Қазақстан және Қызылорда облысының жаңалықтары

Қызылордада алаяқтар азаяр емес

Қызылордада сотталған азаматтан есірткі тәркіленді

Қызылордада балалардың үйден қашуы жиіледі

Қызылордада тоғызқұмалақтан ел чемпионатына іріктеу өтті

Қызылорда: National Geographic Qazaqstan NIS оқушыларына қолдау көрсетеді

Сахара шөлін қар басты

Қызылордада 5 адамды алдап кеткен алаяқ ұсталды

Қызылорда &#8211; Семей бағытындағы пойыздың билеті қымбаттайды

Қызылордада қорғаныс бекетінің үш учаскесіне жөндеу жұмыстары жүргізіледі

Қызылордада &#8220;Газельмен&#8221; сексеуіл тасымалдағандар ұсталды

Қазақстандықтар ақпанда неше күн демалады?

Алексей Цой эпидахуал бойынша 2021 жылдың соңына дейінгі болжамды жария етті

Қызылорда – Семей бағытындағы пойыздың билеті қымбаттайды

Қызылордада “Газельмен” сексеуіл тасымалдағандар ұсталды