<a href="https://kyzylorda-news.kz/date/2020/09/14/">Kyzylorda-news.kz</a>. Қызылорда облысы Шиелі ауданының әкімдігі мен «Қазатомөнеркәсіп» ұлттық атом компаниясы» АҚ-ның автожолдарда қауіпсіздікті қамтамасыз ету жөніндегі ынтымақтастығы туралы меморандумға қол қойды.
Меморандумның мәні – «Қазатомөнеркәсіп» ҰАК» АҚ-ның, оның еншілес және тәуелді ұйымдарының өндірістік қызметін жүзеге асыру орындарында, технологиялық жолдарда қауіпті жүктерді, тауар-материалдық құндылықтарды және жолаушыларды тасымалдау кезінде, тәуліктің қараңғы уақытында жергілікті халықтың ірі үй жануарларына жарық шағылыстырғыш таспаларды (қарғыбауларды) тағу жолымен жол қозғалысының қауіпсіздігін арттыру болып табылады.
Үй жануарларының жайылу орындарының бірі – жол жиегі. Сондықтан, қозғалыс қауіпсіздігін қамтамасыз ету бойынша алдын – алу жұмыстар жүргізу және ірі үй жануарларымен соқтығысудан жол – көлік оқиғасы тәуекелдерін төмендету маңызды.
Осыған орай, жол – көлік оқиғаларын болдырмау үшін, жарық шағылыстырғыш таспаларды пайдалануды енгізу қажет, бұл жүріс бөлігіне жақындап келе жатқан жануарды байқауға мүмкіндік береді. 
Жол қозғалысы қауіпсіздігін арттыру мақсатында, «Қазатомөнеркәсіп» ҰАК» АҚ Әкімдікке өтеусіз негізде 3930 дана жарық шағылыстырғыш таспалар береді, Әкімдік оларды жануарлардың иелеріне таратып, жарық шағылыстырғыш таспаларды пайдалану қажеттігі туралы түсіндіру жұмыстарын жүргізеді.
<img src="https://kyzylorda-news.kz/wp-content/uploads/2020/09/119186818_909729019557558_560985232274264473_o.jpg" alt="" />

Шиеліде автожолдарда қауіпсіздікті қамтамасыз ету жөніндегі меморандум жасалды

<a href="https://kyzylorda-news.kz/date/2020/09/14/">Kyzylorda-news.kz.</a> 10-12 қыркүйек аралығында Қызылорда облысы аумағында адам саудасына байланысты қылмыстарды ашу, ескерту, жолын кесу және еңбегін қанау мақсатымен адамдарды ұрлау және бас бостандығынан айыру саласындағы қылмыстарды анықтау мақсатында «STOP трафик» жедел-профилактикалық іс-шарасы жүргізілген болатын.
3 күнге созылған шара барысында полиция қызметкерлерімен рейдтік жұмыстар жүргізіліп, қоғамдық орындарда тиісу дерегі бойынша 35 азаматқа әкімшілік шара көрілді. Оларға қатысты Қазақстан Республикасы Әкімшілік құқық бұзушылықтар туралы кодексінің 449-бабы бойынша әкімшілік хаттамалар толтырылды.
Сонымен қатар жедел-профилактикалық іс-шаралар жүргізу барысында &nbsp;пайдакүнемдік мақсатта жеңгетайлықпен айналысып жүрген 2 азаматша &nbsp;анықталды. Аталған деректер бойынша &nbsp;Қазақстан Республикасы Қылмыстық кодексінің 309-бабының 1-бөлігімен (Жезөкшелікпен айналысу және жеңгетайлық үшін&nbsp;притондар ұйымдастыру немесе ұстау) бойынша сотқа дейінгі тергеп-тексеру басталды.
Аталған бағыттағы жұмыстар өз жалғасын табуда.

Қызылордада жеңгетайлықпен айналысқан екі әйел ұсталды

<a href="https://kyzylorda-news.kz/date/2020/09/14/">Kyzylorda-news.kz.</a> Қазақстандықтар жер және мүлік салығын 2020 жылдың 1 қазанына дейін төлеуі тиіс, деп хабарлайды қаржы министрлігі мемлекеттік кірістер комитеті.
<blockquote>
 “Меншігінде жер телімі мен жылжымайтын мүлкі бар жеке тұлғалар 2020 жылдың 1 қазанына дейін 2019 жыл үшін мүлік және жер салығын төлеуі керек”, – делінген хабарламада.
</blockquote>
Комитеттен нақтылағандай, мүлік және жер салығы бойынша төлемдерді e-Salyk мобильді қосымшасындағы жеке тұлғалар және жеке кәсіпкерлердің алдағы төлемдері туралы ашық қызметі арқылы, немесе дәл сол қосымшадағы “Салық әмияны” қызметінің жеке кабинетінде “Бюджетпен есеп айырысу” бөлімінен көруге болады.
Азаматтар салықты екінші деңгейлі банктердің, “Қазпочта” АҚ төлем карталары арқылы, алдын ала толтырылған реквизиттерді пайдалана отырып, төлей алады.
<h3 id="nbsp">Қате мәліметтерді түзету&nbsp;</h3>
Енді қазақстандықтар салық салу объектілері бойынша қате мәліметтерді өздігінен түзете алады.
<blockquote>
 “Қате есептелген салықтар, меншігінде жоқ жылжымалы немесе жылжымайтын мүлік бойынша салық міндеттемелерін “Салық әмияны” қызметінің “Салық салу объектілері” бөлімінде түзетуге болады”, – деп хабарлады мемлекеттік кірістер комитетінен.
</blockquote>
Ол жерде өз атыңызға тіркелген салық салу объектілері (мүлік, жер, көлік) туралы мәліметтер көрсетілген.
Осы жылдың 7 қыркүйегінде көлік салығы бойынша салық салу объектілерін түзету функциясы іске қосылса, 11 қыркүйектен бастап мүлік салығы бойынша салық салу объектілерін түзету мүмкіндігі бар.
Салық салу объектілері туралы ақпаратты жаңарту үшін “Салық әмияны” арқылы өкілетті органдарға (ішкі істер министрлігі әкімшілік полиция комитеті және “Азаматтарға арналған үкімет” мемлекеттік корпорациясы ҰАО) электронды өтінім жіберу қажет. &nbsp;
Комитеттің ақпаратынша, жер салығы бойынша салық салу объектілері туралы деректерді түзету қызметі осы жылдың соңына дейін іске қосылады.
E-Salyq мобильді қосымшасын Play Market немесе App Store-дан жүктеуге болады.

Қазақстандықтар жер және мүлік салығын қазан айына дейін төлеуі тиіс

<a href="https://kyzylorda-news.kz/date/2020/09/14/">Kyzylorda-news.kz.</a> Биыл Байқоңыр қаласын дамытудың 2020-2035 жылдарға арналған ұзақ мерзімді бағдарламасы бекітілді. Бағдарлама алты бөлімнен тұрады. Қаланың сумен жабдықтау және кәріз жүйелері қайта жаңғыртылады, ғимараттар мен жолдар жөнделеді, демалыс аймақтары, қалалық саябақ пен скверлер абаттандырылып және әлеуметтік сауда, ойын сауық объектілері салынады.
Нәтижелі жұмыспен қамтуды және кәсіпкерлікті дамытудың 2020-2021 жылдарға арналған «Еңбек» мемлекеттік 42 адамға 23 млн. теңге мемлекеттік грант берілді. Әлеуметтік жұмыстарға 57 адам жіберілді, жастар тәжірибесіне 118 адам, қоғамдық жұмыстарға 196 адам тартылды.
<blockquote>
 «Жұмыспен қамтудың 2020-2021 жылдарға арналған Жол картасына» сәйкес, Байқоңыр қаласында, Төретам және Ақай елді мекендерінде электр желілерін реконструкциялау, көшелерді жөндеу және жарықтандыру, білім беру мекемелерін жөндеу бойынша жобалар жүзеге асырылуда. 610 жұмыс орны ашылды, оның 306-сы Байқоңыр қаласының халықты жұмыспен қамту орталығы арқылы тартылды», – деді ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқарма басшысының міндетін атқарушы Жан Шайхысламов.
</blockquote>
Байқоңыр қаласында «Нұрлы жер» бағдарламасы аясында 50 пәтерлі 5 тұрғын үйдің құрылысы аяқталып, ҚР азаматтарына берілді. Тағы 5 көппәтерлі тұрғын үйдің жоба-сметалық құжаты әзірленді. Құрылыс жұмыстары 2021 жылы басталады. Қаладағы барлық яғни, 323 көпқабатты тұғын үй көгілдір отынға қосылды. Бұрын тұрғындар сұйылтылған газдың әр текше метріне 800 теңге төлеген болса, қазір табиғи газдың бағасы 20,7 теңге.

Байқоңыр қаласының инфрақұрылымы жаңартылады

<a href="https://kyzylorda-news.kz/date/2020/09/14/">Kyzylorda-news.kz.</a> «Қазгидромет» РМК-сы алдағы үш күннің ауа райы болжамын жария етті.
Кәспорын таратқан мәліметтерге қарағанда, 2020 жылғы 15-17 қыркүйек аралығында еліміздің басым бөлігінде жаңбыр жауып, ауа температурасы төмендейді.
<blockquote>
 «Қазақстанның басым бөлігіндегі ауа райына Кар теңізі аудандарынан келетін циклон ықпал етеді. Циклонның салдарынан солтүстік өңірде және оның орталығында күшті жел тұрады және жаңбыр жауады, бұршақ түсуі де ықтимал. Солтүстік және орталық аудандарда ауа температурасы төмендеп, күндіз 10-23 градусқа дейін жылиды. Оңтүстік өңірлерде кей жерлерде найзағай ойнайды»-делінген хабарламада.
</blockquote>

Ертеңнен бастап күн суытады

<a href="https://kyzylorda-news.kz/date/2020/09/14/">Kyzylorda-news.kz.</a> Баспана алу бағытында жиі қойылатын сұрақтар бойынша Индустрия және инфрақұрлымдық даму министрлігі тиісті жауаптарды даярлады, деп хабарлайды <a href="https://lenta.inform.kz/kz/baspana-alu-bagytynda-zhii-koyylatyn-suraktar-otbasy-banki-men-kezekke-turu-tartibi_a3694362">ҚазАқпарат</a>.
1. Қазақстанда қазіргі уақытта әкімдіктерде кезекте тұрған азаматтар үшін мемлекеттік баспана алудың қандай бағдарламалары бар?
Баспанаға мұқтаж ретінде жергілікті атқарушы органдарда кезекте тұрған азаматтарды үймен қамтамасыз ету 2020-2025 жылдарға арналған «Нұрлы жер» тұрғын үй-коммуналдық даму мемлекеттік бағдарламасы және жергілікті деңгейде қабылданған бағдарламалар аясында іске асырылуда.
2. Қандай санатқа жататын азаматтар ол бағдарламалармен баспана ала алады және оларға қандай үйлер беріледі?
Мемлекеттік қолдаудың негізгі шаралары тұрғындарға арналған қолжетімді баспана салуға бағытталған. Сатып алу құқығынсыз коммуналдық жалға берілетін баспана мүгедектер, жетім балалар, көпбалалы отбасылар, сондай-ақ ірі мегаполистерде жұмыс істейтін жастар сияқты әлеуметтік әлсіз топтарға арнап салынады.
Тұрғындардың өзге де санаттары үшін ипотека, тұрғын үй құрылыс жинақ жүйесі және үлестік құрылыс сияқты механизмдер арқылы кредиттік баспана ұсынылады. Азаматтарға жаңадан салынған үйлерден де, нарықтан да баспана сатып алуға мүмкіндік беріледі.
Сатып алу құқығынсыз жалға берілетін әлеуметтік баспана құрылысы республикалық бюджеттен жергілікті атқарушы органдарға қайтарымсыз мақсатты трансферттер бөлу арқылы қаржыландырылады.
Әлеуметтік кредиттік баспана құрылысы үшін жергілікті атқарушы органдар облигациялар шығару арқылы қарыз алады және 1 шаршы метрін 140 000 – 240 000 теңге көлемінде белгіленген бағамен сату есебінен «револьверлік» қағидаты бойынша қаржыны айналымға салады.
Оған қоса, мемлекет қосалқы шаралар арқылы жеке құрылыс салушылар мен тұрғындарды баспана салуға ынталандырып, құрылыс жүргізілетін аудандарға коммуникациялар тартып береді.
3. Мемлекеттік баспана алудан үміткер азаматтар қандай талаптарға сай болуы керек?
Тұрғын үй қатынастары туралы заңнамада ең алдымен баспанаға мұқтаж азаматтардың есебіне қоюға қатысты нормалар қарастырылған. Ол кезекке қою үшін тиісті елдімекенде тұруы, ал республикалық маңызы бар қалаларда, астанада кемінде үш жыл тұруы шарт.
Коммуналдық тұрғын үй қорынан берілетін немесе жергілікті атқарушы орган жеке тұрғын үй қорынан жалға алатын баспаналар келесі санаттарға жататын Қазақстан Республикасының баспанаға мұқтаж ретінде есепте тұрған азаматтарына беріледі:
– Ұлы Отан соғысының мүгедектері мен қатысушыларына;
– жетім балаларға, ата-ананың қамқорлығынсыз қалған балаларға;
– «Алтын алқа», «Күміс алқа» иегерлеріне немесе бұрын «Батыр ана» атағын алған көпбалалы аналарға, сондай-ақ І және ІІ деңгейдегі «Ана даңқы» орденімен марапатталғандарға, көпбалалы отбасыларға. Аталған санаттағы азаматтардың орташа айлық жиынтық кірісі баспана беру туралы өтінім жасар алдындағы он екі айда отбасының әрбір мүшесіне шаққанда республикалық бюджет туралы заңмен тиісті қаржы жылына бекітілген ең төменгі күнкөріс деңгейінің 3,1 реттік мөлшерінен аз болуы тиіс;
– орташа айлық жиынтық кірісі баспана беру туралы өтінім жасар алдындағы он екі айда отбасының әрбір мүшесіне шаққанда республикалық бюджет туралы заңмен тиісті қаржы жылына бекітілген ең төменгі күнкөріс деңгейінің 3,1 реттік мөлшерінен аз әлеуметтік әлсіз топтарға. Ең төменгі күнкөріс деңгейінің 3,1 реттік мөлшері коэффициенті жетім балаларға, ата-ана қамқорлығынсыз қалған балаларға және мүгедек балаларға таралмайды.
– мемлекеттік қызметшілерге, бюджеттік ұйымдардың жұмыскерлеріне, әскери қызметшілерге, ғарышкерлікке үміткерлерге, ғарышкерлерге және мемлекеттік сайланбалы қызметті атқарып жүрген тұлғаларға;
– жалғыз баспанасы ҚР заңнамасында бекітілген тәртіппен апаттық деп танылған азаматтарға.
4. Мемлекеттік баспана қандай шарттармен жеке меншікке және сатып алу құқығынсыз беріледі?
«Тұрғын үй қатынастары туралы» ҚР Заңының 74 бабына сәйкес, мемлекеттік тұрғын үй қорынан берілетін немесе жергілікті атқарушы органдар жеке тұрғын үй қорынан жалға алатын баспана аталған Заңның 98-1 бабында қарастырылған жағдайларды қоспағанда, мұқтаж ретінде есепте тұрған азаматтарға тізіммен бекітілген кезегіне сай барлық қажетті құжаттармен бірге өтінім өткізгеннен кейін беріледі.
5. Баспананы сатып алу құқығынсыз берген кездегі ай сайынғы төлемдерін көрсете отырып, барлық түрі туралы толығырақ айтып берсеңіз (өңірлерге бөліп).
«Тұрғын үй қатынастары туралы» ҚР Заңының 97 бабының 1 тармағына сәйкес, коммуналдық тұрғын үй қорынан берілетін баспана үшін төлемақы мөлшерін жергілікті атқарушы органдар мемлекеттік тұрғын үй қорынан баспананы пайдаланғаны үшін төлемақы мөлшерін есептеу әдістемесіне сай белгілейді. Егер, әрине, Қазақстан Республикасының заңнамасында өзге жағдайлар қарастырылмаса.
Аталған әдістемеге сәйкес, есептеу кезінде баспананың жалпы ауданының бір шаршы метрі құрылысының (сатып алу кезіндегі) құны және ғимараттың қызмет етуінің есептік мерзімі (жыл) сияқты көрсеткіштер қолданылады.
Мысалы, 1 ш/м құрылысының құны 140/180 мың теңге және ғимараттың қызмет ету мерзімі 50 жыл болса, жалдау ақысы 1 ш/м үшін айына тиісінше 233/300 теңге болады.
6. Азаматтарға мемлекеттік баспана бөлу рәсімін айтып берсеңіз.
«Тұрғын үй қатынастары туралы» ҚР Заңының 74 бабына сәйкес, мемлекеттік тұрғын үй қорынан берілетін немесе жергілікті атқарушы органдар жеке тұрғын үй қорынан жалға алатын баспана аталған Заңның 98-1 бабында қарастырылған жағдайларды қоспағанда, мұқтаж ретінде есепте тұрған азаматтарға тізіммен бекітілген кезегіне сай барлық қажетті құжаттармен бірге өтінім өткізгеннен кейін беріледі.
Заңның 74 бабының 3 тармағына сәйкес, аталған тізімге енгізілген азаматтардың құқығы тең деп танылады. Мемлекеттік тұрғын үй қорынан берілетін немесе жергілікті атқарушы органдар жеке тұрғын үй қорынан жалға алатын баспананы алуда аталған Заңда басқа қарастырылмаса, тізімге енген өзге азаматтардан ешкімнің құқығы басым болмайды.
Мемлекеттік тұрғын үй қорынан берілетін немесе жергілікті атқарушы органдар жеке тұрғын үй қорынан жалға алған баспананы алуда Ұлы Отан соғысының ардагерлері, сондай-ақ жетім балалар мен ата-ананың қамқорлығынсыз қалған балалар, көпбалалы аналар, «Алтын алқа», «Күміс алқа» иегерлері немесе бұрын «Батыр ана» атағын алған көпбалалы аналар, сондай-ақ І және ІІ деңгейдегі «Ана даңқы» орденімен марапатталғандар, көпбалалы отбасылар бірінші кезекте алуға құқылы.
Заң негізінде мемлекеттік тұрғын үй қорынан баспана салынып жатқан көппәтерлі тұрғын үйлер пайдалануға берілуіне қарай және коммуналдық тұрғын үй қорында бос баспана болған жағдайда, кезектегі тізімге сәйкес санаттар бойынша беріледі.
Мемлекеттік тұрғын үй қорынан баспана алудың жалпы тәртібі төмендегідей:
– қажетті құжаттарды жинап, әкімдікке немесе онлайн өткізу;
– 30 күнтізбелік күн ішінде хабарлама алып, кезекті қадағалап отыру (егер құжаттардың барлығы дұрыс болса);
– тұрғын үй комиссиясының құжаттарды қарауы және шешімін беруі;
– келісімшарт жасасып, баспана алу.
7. Мынандай статистиканы берсеңіз:
– қазіргі уақытта қанша қазақстандық үй алуға кезегінде тұр (өңірлер мен санаттар бойынша бөліп көрсетсеңіз)?;
– 2019 жылы және 2020 жылдың бірінші жартыжылдығында қанша қазақстандық мемлекеттік баспана алды (өңірлер мен санаттары бойынша)?;
Қазіргі кезде республика бойынша аталған жүйеде 529,61 мың адам әкімдік кезегінде тұр. 2019 жылы мемлекеттік қолдау есебінен 14 522 баспана, 2020 жылдың бірінші жартыжылдығында 4 284 пәтер берілді.
8. Баспанаға кезекке тұратындарды есепке алудың бірыңғай ұлттық жүйесі қашан іске қосылады? Қазір ол жұмыс қай сатыда, ерекшелігі неде болмақ?
Кезекке тұратындарды есепке алудың бірыңғай ұлттық жүйесі 2019 жылдың желтоқсан айында өнеркәсіптік пайдалануға берілді. Баспанаға мұқтаждығын және кезекке тұратындардың кірісін анықтау үшін мемлекеттік органдардың ақпараттық жүйелерімен интеграцияланған.
Аталған дерекқорды пайдалана отырып, биыл кезекке түгендеу жүргізіліп, 32 мыңнан аса адам кезектен шығарылды.
Жүйе кезектегілердің есебін ашық жүргізуге, есепке қоюды және алуды, баспананы түгендеуді және бөлуді оңтайландыруға және автоматтандыруға, азаматтар өткізетін құжаттар санын және баспанаға мұқтаж азаматтарды есепке қою мерзімін қысқартуға, сыбайлас жемқорлық көріністерін азайтуға мүмкіндік береді.
9. Қазір әкімдіктер айналысатын баспанаға мұқтаж азаматтарды есепке алу, кезекке қою және баспаналарды бөлу құзыретін беру жоспарланған «Отбасы банкін» құру жұмыстары қалай жүріп жатыр? Ол қашан жұмыс істей бастайды?
Тұрғындарды баспанамен қамтамасыз ету бойынша тұрғын үй саясатын әрі қарай дамыту «Тұрғынүйқұрылысжинақбанкі» негізінде құрылатын «Отбасы банк» даму және қолдау институты арқылы іске асыру жоспарланып отыр.
Тұрғындардың кірісі мен жинағының болуын негізге ала отырып, әкімдіктердегі кезекке қою жүйесін реформалау және азаматтарға баспана алуда теңдей жағдай жасау үшін «баспанаға мұқтаж» түсінігінің нақты өлшемдерін әзірлеу жоспарланып отыр. Яғни, бұл алғашқы баспанамен қамтамасыз ету орталығы болады. 2020 жылдың соңына дейін жергілікті атқарушы органдардың кезектерінің базасын «Отбасы банкіне» беріп, мемлекеттік деректор қорына қолжетімділікті қамтамасыз ету жоспарланған.
Сондай-ақ, биыл Қазақстан ипотекалық компаниясы базасында «Бәйтерек» холдингін қайта құрылымдау (операторларды біріктіру) жұмысы аяқталады.
10. Мемлекеттік баспана беру ережелері мен шарттарына өзгерістер енгізу жоспарланып отыр ма? Егер жоспарда бар болса, қандай өзгерістер болуы мүмкін? Мысалы, баспананың қолжетімділік сатысына, «Отбасы банкін» құруға және Кезектегілерді есепке алудың бірыңғай ұлттық жүйесін іске қосуға қатысты.
Қазіргі уақытта қажетті Тұжырымдама және «Тұрғынүйқұрылысжинақбанкі» негізінде құрылатын «Отбасы банкі» даму және қолдау институтын құруға қатысты Қазақстан Республикасының кейбір заңнамалық актілеріне толықтырулар енгізу жобасы әзірленді.
Мемлекет басшысының тапсырмасы бойынша аталған толықтырулар 2020 жылдың желтоқсанына дейін қабылдануы керек.

«Отбасы банкі» мен кезекке тұру тәртібі

<a href="https://kyzylorda-news.kz/date/2020/09/14/">Kyzylorda-news.kz.</a>&nbsp; 10-12 қыркүйек аралығында өткен «Мас жүргізуші-қылмыскер!» жедел профилактикалық іс-шарасының 3 күнінде көлік құралдарының жүргізушілері тарапынан жол қозғалысы ережесін бұзған 977 дерек тіркелді.
Мемлекеттiк тiркеу нөмiрi ұлттық стандарттың талаптарына сәйкес келмейтін көлік құралдарын басқарған 62 құқық бұзушы анықталды. Автокөлікті заңсыз қайта жабдықтағаны үшін 15, техникалық құралын басқарған кезде телефон пайдаланған 99 жүргізуші анықталған. Сондай-ақ, автокөлік басқару кезінде қауіпсіздік белдігін тақпаған 209, көлік басқару кезінде қозғалыстың қарсы жолағына шыққан 7 көлік белгілі болды. Бағдаршамның тыйым салатын сигналына қарамай өткені 24, жаяу жүргіншіге жол бермеген 42 азаматқа тәртіптік шара көрілді. Жол жүрiсiне қатысушының авариялық жағдай туғызғаны үшін 7, көлік құралын мас күйінде басқарған 22 жүргізуші жазаланды. Көлік құралын басқару құқығы жоқ 130 жүргізуші анықталып, 78 автокөлік айып алаңына қойылды.

Қызылордада мас күйінде көлік жүргізген 22 жүргізуші анықталды

<a href="https://kyzylorda-news.kz/date/2020/09/14/">Kyzylorda-news.kz.</a> Қазақстанның бас мемлекеттік санитар дәрігері Айжан Есмағамбетова қыркүйектің соңында карантинді күшейтуге қатысты алыпқашпа әңгімені жоққа шығарды, деп хабарлайды&nbsp;<a href="https://sputniknews.kz/">Sputnik Қазақстан</a>.
Бас санитардың айтуынша, мұндай әңгімені ойдан шығара салады. Мәселен, адамдар жиналып, осы мәселені талқылайды да, біреудің “болжамынан” кейін сыбыс тез тарап кетеді.&nbsp;&nbsp;
<blockquote>
 “Мұндай ақпаратқа сенбеңіздер. Мемлекеттік органдардың ақпаратын, яғни ресми мәліметті пайдалануды сұраймыз. Соған сенгеніңіз дұрыс “, – деді Есмағамбетова журналистерге берген сұхбатында.&nbsp;
</blockquote>
Оның айтуынша, бүгінде санитарлық-эпидемиологиялық жағдай тұрақты. Мамандар күн сайын жалпы республика бойынша, сондай-ақ, әрбір аймақ мен елді мекен бойынша жағдайды қадағалап отырады.&nbsp;&nbsp;
<blockquote>
 “Ауруға шалдыққандардың саны азайып келеді. Дегенмен, науқастар әлі анықталып жатыр. Бүгінде ПТР-тесті оң нәтижесі бар коронавирус та, ПТР-тесті теріс нәтиже көрсеткен коронавирус та тіркелуде. Біз жағдайды бақылап отырамыз. Барлық шешім санитарлық-эпидемиологиялық жағдайға қарай қабылданады”, – деп атап көрсетті Есмағамбетова.
</blockquote>
Айта кетсек, елде індет басталғалы 106 855 адам коронавирус, 29 658 адам пневмониямен ауырды.
Бұған дейін денсаулық сақтау министрлігі егер Қазақстанда коронавирустан емделіп жатқан науқастар саны тәулігіне 30 мыңға жетсе, ең қатаң карантин жарияланатынын хабарлаған болатын.

Қыркүйектің соңында карантин күшейе ме – бас санитар дәрігер жауабы

<a href="https://kyzylorda-news.kz/date/2020/09/14/">Kyzylorda-news.kz.</a> Қыркүйектің 15-інде Қазақстанда емханаға тіркелу науқаны басталады. Екі айға созылатын жыл сайынғы дәстүрлі компания 15-қарашада аяқталады.
Дәрігер тіркелген пациенттердің денсаулығын бақылауы үшін емхананы тұрғылықты жеріне жақын жерде таңдау ұсынылады. Бұл жағдайда, қажет болғанда, емхана дәрігерлері пациенттердің үйіне бара алады, бұл әсіресе пандемия кезінде өте маңызды.
<blockquote>
 «Кампания кезінде алғашқы медициналық – санитариялық көмек (бұдан әрі – МСАК) ұйымына тіркелген азаматтар 2021 жылдың 1 қаңтарынан бастап медициналық көмек ала бастайды. Бұл ретте медициналық ұйым Қормен алдағы жылға арналған тегін медициналық көмектің кепілдік берілген көлемі шеңберінде және МӘМС жүйесінде МСАК қызметтерін көрсетуге шарт жасасуы тиіс. Тіркелу науқанының қорытындысы бойынша медициналық ұйымдар бөлінісінде халықтың бөлінуін ескере отырып, 2021 жылға арналған қаржыландыру жоспарланады. Қор дерекқорындың абсолютті дұрыстығына мүдделі, өйткені әрбір тіркелген тұрғын үшін медициналық ұйымдарға ай сайын жан басына шаққандағы қаржыландыру төленеді», – деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Қор филиалының директоры түсіндіріп өткендей, емханаға тіркелу бірнеше жолмен жүзеге асырылады:
Электрондық үкіметтің <a href="http://www.e.gov.kz">www.e.gov.kz</a> веб-порталы арқылы жүгінген кезде тіркеу ЭЦҚ болған кезде жүргізіледі. Денсаулық сақтау бөлімінде « Медициналық – санитарлық алғашқы көмек көрсететін медициналық ұйымға тіркелу» қызметін таңдау қажет. Емхана пациент туралы ақпаратты мемлекеттік ақпараттық жүйелерден автоматты түрде алады. Операция сәтті болған жағдайда азаматқа медициналық ұйымның ЭЦҚ қойылған электрондық құжат түрінде тіркеу туралы хабарлама беріледі.
&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp; Халықтың жекелеген санаттары тікелей емханаға тіркеле алады. Ол үшін еркін нысандағы өтініш пен жеке басын куәландыратын құжатты беру қажет. Бұл санаттарға зейнеткерлер, мүгедектер, заң бойынша бала кезінен мүгедекке тағайындалған қамқоршылар, сондай-ақ қорғаншылар немесе қамқоршылар, патронат тәрбиешілер; колонияларда (өтеу орны бойынша) жазасын өтеп жатқан сотталғандар, студенттер, мерзімді қызметтегі әскери қызметшілер, шет мемлекеттерде туған балалар, сенімхат бойынша тіркеуді ресімдейтін адамдар жатады.
<blockquote>
 «Тіркеу науқаны Денсаулық сақтау субъектілерінің дерекқорында тіркелген және ТМККК және МӘМС бойынша Медициналық қызмет көрсетуге үміткер медициналық ұйымдар арасында ғана жүргізілетінін атап өтеміз. Тіркелу үшін қолжетімді емханалардың тізімімен Қордың <a href="http://www.fms.kz">www.fms.kz</a> сайтында «Емхананы таңдау» бөлімінде танысуға болады. Осы жылдың 31 желтоқсанына дейін азаматтар бұрын бекітілген емханада қызмет көрсетуді жалғастырады. Ағымдағы жылдың қыркүйек айындағы жағдай бойынша аймақтың 12 мыңнан астам адам МСАК ұйымдарына тіркелмеген күйінде қалып отыр» – деді Бақыт Исмаханбетов.
</blockquote>
Медициналық көмекке қол жеткізе алмай қалмау үшін оларға тікелей тұрғылықты жері бойынша емханада немесе ЭЦҚ арқылы электрондық үкіметтің веб-порталында тіркелу мәртебесін тексеру ұсынылады.
Естеріңізге сала кетейік, сақтандыру мәртебесіне қарамастан, барлық азаматтар тегін медициналық көмектің кепілдік берілген көлеміне құқылы. Жоспарлы емдеуге жатқызу, бейінді мамандардың қабылдауы, қымбат тұратын тексерулерден өту және жоғары технологиялық ем алу үшін МӘМС жүйесінде сақтандырылған болуы қажет. Сақтандыру мәртебесін Электрондық үкімет порталында, Қор сайтында және Telegram-дағы SaqtandyryBot арқылы білуге болады.
<img src="https://kyzylorda-news.kz/wp-content/uploads/2020/09/prikreplenie-kaz.jpeg" alt="" />
<img src="https://kyzylorda-news.kz/wp-content/uploads/2020/09/prikreplenie-kaz-.jpeg" alt="" />

Қызылорда: Ертең емханаға тіркелу науқаны басталады

<a href="https://kyzylorda-news.kz/">Kyzylorda-news.kz.</a> Бүгінде Қазалы ауданының диқандары алқаптардан өнімін жинауға кірісті.
Аудандағы егін және мал шаруашылығымен айналысатын ірі шаруашылықтардың бірі «РЗА – Агро» жауапкершілігі шектеулі серіктестігінің Ү.Түктібаев ауылындағы егін алқаптарында егінге алғашқы орақ түсті.
Егінге алғаш орақ түспестен бұрын аудандық ауыл шаруашылығы бөлімінің басшысы Нұрлан Аманбай арнайы дайындалған стенд бойынша ауданның егіншілік саласы бойынша көрсеткіштері мен атқарылып жатқан жұмыстар туралы мәліметтермен таныстырды. Сонымен қатар, «РЗА – Агро» ЖШС бас аграномы Нұрлан Наурызбаев шаруашылықтың егіс орағына дайындығы барысы туралы айтып өтті.
«Тоғызарқан» учаскесінде аудан әкімі Мұрат Ергешбаев, қоғам қайраткері, Қазалы ауданының құрметті азаматы Айтбай Көшербайұлы, еңбек ардагері, Ү.Түктібаев ауылының тұрғыны Бағзалбай Қалышев дихандарға сәттілік тілеп, егінге орақ салу рәсімінің лентасын қиды.
«РЗА – Агро» ЖШС жыл сайын күріштен мол өнімге қол жеткізу үшін жаңа технологияларды өндіріске енгізуде. Соның бірі жер тегістейтін италияндық «Мара» лазерлік агрегаты. Егінгі алғашқы орақ түсу рәсіміне қатысушылар заманауи техникамен жер тегістеу жұмыстарына куә болды.
Айта кетейік, Қазалы ауданы бойынша биыл 17675 гектар жерге ауыл шаруашылығы дақылдары орналастырылды. Негізгі дақыл – күріштің көлемі 6496 гектар. Бүгінгі таңда аудан бойынша күріш орағына қатысатын 42 комбайн, 29 жатка, 115 трактор, 40 жүк көлігі және 59 трактор тіркемесі толықтай жөндеуден өткізіліп, егіс алқаптарында жұмыс атқаруда.
<img src="https://kyzylorda-news.kz/wp-content/uploads/2020/09/2.jpg" alt="" />
<img src="https://kyzylorda-news.kz/wp-content/uploads/2020/09/3-1.jpg" alt="" />
<img src="https://kyzylorda-news.kz/wp-content/uploads/2020/09/4.jpg" alt="" />
<img src="https://kyzylorda-news.kz/wp-content/uploads/2020/09/6.jpg" alt="" />
<img src="https://kyzylorda-news.kz/wp-content/uploads/2020/09/7-1.jpg" alt="" />

Қазалыда егінге алғашқы орақ түсті

<a href="https://kyzylorda-news.kz/date/2020/09/14/">Kyzylorda-news.kz</a>. Арал ауданы Бөген елді мекеніне қарасты «Кіші Арал теңізінің» жағасында заңсыз балық аулап жүрген 40 жастағы аудан тұрғыны ұсталды.
Ұсталған азаматтан қайық, 5 дана ау және 126 &nbsp;кг балық алынды.
Аталған дерек бойынша Қазақстан Республикасы Қылмыстық Кодексінің 335-бабының 1-бөлігімен (Балық ресурстарын заңсыз алу) тергеп-тексеру амалдары жүргізілуде.
<blockquote>
 «Егер аталған тұлғалардың кінәсі дәлелденсе,&nbsp; сот шешімімен ол белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiнгi мерзiмге айырылады. Сондай-ақ, 160 айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не 160 сағатқа дейiнгi мерзiмге қоғамдық жұмыстарға тартылмақ. Немесе 40 тәулікке дейінгі мерзімге қамаққа алынып,&nbsp; жазаланатын болады»,- делінген полиция департаментінің таратқан хабарламасында.
</blockquote>

Заңсыз балық аулаған Арал ауданының тұрғыны ұсталды

<a href="https://kyzylorda-news.kz/">Kyzylorda-news.kz.</a> 2021 жылдан бастап қазақстандықтар зейнетақы жинағының бір бөлігін мерзіменен бұрын алып, қаражатты тұрғын үй алуға, жөндеу жұмыстарын жүргізуге, емделу үшін немесе зейнетақы қорынан алып, басқа компаниялардың басқаруына бере алады. Сонымен қатар бұл мүмкіндікті пайдалану үшін азаматтардың жинақ шотында қанша қаражат болу керек екені де хабарланды. Зейнетақы қорында қанша қаражат жиналғанын қалай тексеруге болады?
<h3 id="">Электронды үкімет порталы арқылы</h3>
Қазақстандықтар өздерінің зейнетақы жинақтарын eGov.kz порталы арқылы тексере алады. Қызметті алу үшін электронды үкімет порталында тіркелген болу керек, сонымен қатар электрондық цифрлық қолтаңбасы (ЭЦҚ) болуы қажет.
Қазір электронды үкімет порталында электрондық цифрлық қолтаңбаны онлайн алуға болады. Ол үшін азаматтың жеке куәлігі немесе паспорты болуы тиіс. SMS-хабарламалар келетін ұялы телефон мен дербес компьютерде веб-камера болуы қажет. ЭЦҚ-ны орнату және пайдалану үшін компьютерде NCLayer бағдарламасы болғаны жөн.
Портал арқылы операторлармен дүйсенбі-жұма күндері сағат 09.00-ден 20.00-ге дейін, сенбіде түскі 14.00-ге дейін байланысуға болады.
Порталға тіркелгеннен кейін электронды үкімет порталында “Басты бетке” өтіп, “Азаматтарға” бетін ашасыз. Одан кейін “Әлеуметтік қамтамасыз ету” – “Зейнетақымен қамтамасыз ету” бөлігін таңдау қажет. Сол жерден “Мемлекеттік базалық зейнетақы төлемін тағайындау туралы ақпарат алу” дегенді басасыз.
Содан кейін қызметті алушы “Қызметке онлайн тапсырыс беру” батырмасын басып, “Сұранымды жіберу” дегенді таңдайды.
Екінші қадам – қызметті SMS-парольді, ЭЦҚ немесе мобильді электрондық цифрлық қолтаңбаны пайдалана отырып растау.
Нәтижесі бірнеше сағаттан кейін келеді.&nbsp;
<h3 id="-1">БЖЗҚ сайты арқылы</h3>
Зейнетақы жинағындағы қаражатты тексерудің тағы бір жолы – Бірыңғай жинақтаушы зейнетақы қоры сайты арқылы тексеру.
Бұл жерде де қызметті алудың бірнеше жолы бар.
<ul>
<li>БЖЗҚ-ға ұсынылған электронды пошта арқылы немесе жеке кабинетте электрондық цифрлық қолтаңбаны пайдалана отырып алуға болады. Ол үшін қор бөлімшесіне келіп, алдын ала қосымша келісімшарт жасасу қажет.</li>
<li>Пошта байланысы қызметі арқылы. Мұндай жағдайда үзінді-көшірме салынған конверт әр жылдың басында салымшының Зейнетақымен қамтамасыз туралы шартта немесе жеке зейнетақы шотын ашу туралы өтініште көрсетілген мекенжайға жеткізіледі.</li>
</ul>
Ұсынылған электронды пошта арқылы білу үшін БЖЗҚ сайтына кірген соң “электрондық қызмет көрсету” қызметін таңдау керек. Одан кейін “жеке зейнетақы шотынан үзінді көшірмені e-mail арқылы алу” батырмасын таңдау қажет. Сол кезде пайда болған бет соңындағы “ОК” батырмасын басып, зейнетақы салымшысының ЖСН мен e-mail (электронды пошта ақпарат алу үшін көрсетілген пошта болуы керек) енгізеді. Одан кейін зейнетақы жарналарындағы қаражатты көру үшін салымшы шотына ақша түсіп тұрған аралықты көрсетеді. Артынан электронды поштаға ақпарат жіберілгені хабарланады.
Салымшы өзінің зейнетақы жарналары туралы ақпаратты ENPF арқылы мобильді қосымшасы арқылы да көре алады. Ол үшін мобильді қосымшаға ЖСН және БЖЗҚ сайтына кіру үшін берілген пароль қолданылады.
Тағы бір жолы – бірыңғай жинақтаушы зейнетақы қорының кеңсесіне барып білу. Алайда қазір қор қызметкерлері ақпаратты онлайн форматта алуды ұсынады.
Айта кетейік, он бірінші қыркүйектен бастап елімізде эпидемиологиялық жағдайдың жақсаруы мен тұрақталуына, сондай-ақ, коронавирус індетімен ауыратындар санының азаюына байланысты бірыңғай жинақтаушы зейнетақы қоры бөлімшелерінің басым бөлігі күндізгі қызмет көрсету режиміне ауысты. Қазір ел бойынша 198 қызмет көрсету кеңсесі алдын ала жазылу бойынша жұмыс істейді, ал жеті кеңсе байланыссыз қызмет көрсетсе, жетеуі қашықтан жұмыс істейді.
Бірыңғай жинақтаушы зейнетақы қоры бөлімшелері дүйсенбі-жұма күндері 09.00-ден 20.00-ге дейін жұмыс істейді.
<h3 id="-2">Зейнетақының бір бөлігі кімге беріледі</h3>
Еңбек және халықты әлеуметтік қорғау министрлігінің хабарлауынша, 2021 жылдан бастап зейнетақы жинағының бір бөлігін жұмсау мүмкіндігіне 721 мың азамат ие болады.
Олар:
<ul>
<li>зейнетақы жинағы бар, қордағы ақшасы “жеткіліктілік шегінен” асатын еңбекке жарамды жастағы азаматтар – 529,7 мың адам;</li>
<li>Бірыңғай жинақтаушы зейнетақы қорында жинағы бар зейнеткерлер – 178,4 мың адам;</li>
<li>зейнетақы аннуитетін рәсімдеген және шотында жинағы қалған қазақстандықтар – 13,3 мың адам.</li>
</ul>
Қордағы қаржының жеткілікті шегі – Бірыңғай жинақтаушы зейнетақы қорында шоты бар салымшыға қажетті ең төменгі сома. Егер шоттағы жинақ сол сомадан асса, қалған ақшаны мақсатты түрде пайдалануға болады.
Жеткіліктілік шегінің негізгі параметрлері:
– әйелдер мен ерлер үшін бірдей;
– кірістілік, инфляция, ең төменгі төлем мөлшері және тағы басқа параметрлерге сүйене отырып, жыл сайын қайта есептеліп отырады;
– 20 жастан бастап әр жас үшін бөлек есептеледі.
<img src="https://sputniknews.kz/images/07e4/09/04/14886421.jpg" alt="Жеткіліктілік шегінің мөлшері " title="Жеткіліктілік шегінің мөлшері " />
© PHOTO : ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІНІҢ FACEBOOK ПАРАҚШАСЫНАН Жеткіліктілік шегінің мөлшері
<h3 id="-3">Қордағы қаржы қалай жұмсалады</h3>
Айта кетейік, зейнетақы қорындағы ақша адамның жеке шотына аударылмайды және қолма-қол да берілмейді. Бірыңғай оператор арқылы іске асырылады. Тұрғын үй саласында бірыңғай оператор “Отбасы банк”і болады.
Ипотеканы жабу немесе қайта қаржыландыру мәселесі бойынша да Отбасы банкіне жүгіну керек болады.
Зейнетақы жинағын ем-домға пайдалануға беру тетігі де денсаулық сақтау жүйесіндегі бірыңғай оператор арқылы іске асады. Өңірлердегі денсаулық сақтау басқармасының жанынан арнайы комиссия құрылады. Сол комиссиялар емдеу қажеттілігін айқындайды. Ал емделуге баратын адам клиниканы таңдағаннан кейін, өз өтінішін бірыңғай операторға тапсырады. Оператор зейнетақы жинағының бір бөлігін сол емханаға аударып, ем шығынын өтейді.
<h3 id="-4">Он процентін салық ретінде төлейді</h3>
Қазақстандықтар зейнетақы жинағының бір бөлігін алған кезде Салық кодексінің 320-бабының 1-тармағына сәйкес, соманың 10%-ін салық түрінде төлеуге міндетті.
Демек, бір миллион теңге алу кезінде 100 мың теңгені жеке табыс салығы түрінде төлеуге тура келеді. Ал 2,5 миллион алынса, 250 мың теңге төлейді.
&nbsp;<a href="https://sputniknews.kz/">Sputnik Қазақстан</a>

Қазақстан және Қызылорда облысының жаңалықтары