<a href="https://kyzylorda-news.kz/">Kyzylorda-news.kz</a>. Қызылордада жаңа оқу жылы қарсаңында мектеп аумағындағы жол белгілері қайта қалыпқа келтірілді.
Жаңа оқу жылының қарсанында Қызылорда қаласы көлеміндегі барлық білім беру ұйымдарының айналасында жол қозғалысы қауіпсіздігін қамтамасыз ету және жаяу жүргіншілердің қатысуымен, оның ішінде, жас өспірімдердің қатысуымен орын алатын жол-көлік оқиғаларының алдын алу мақсатында Қызылорда ОПД Әкімшілік полиция басқармасының жол-техникалық инспекция бөлімінің қызметкерлері жол қозғалысын реттеудің техникалық құралдарына тексеру жұмыстарын жүргізді.
Нәтижесінде, анықталған кемшіліктер бойынша жолданған нұсқама негізінде, қала аумағында орналасқан 54 мектептің аумағында 38 дана жол белгілері қайта қалпына келтіріліп, 450 шаршы метр жаяу жүргіншілер өтпесінің таңбалары жаңартылып және 4 мектеп алдарында орнатылған көліктердің жылдамдығын мәжбүрлеп азайтуға арналған жасанды тегіс-еместік қондырғылары қайта қалпына келтірілді.
Сонымен қатар мектептер аумағына оқушы-балалардың назарын аудару үшін «мультфильм кейіпкерлерімен» бейнеленген «Жолда абай болыңыздар!» мәтінімен ақпараттық стендтер орнатылып, ата-аналарға балаларыңызда жарық шағылыстыратын элементтердің бар болуын қамтамасыз ету мәтінінде брошюралар таратылды.

Қызылордада мектеп жанындағы жол белгілері қайта қалыпқа келтірілді

<a href="https://kyzylorda-news.kz/">Kyzylorda-news.kz</a>.&nbsp;Дүниежүзілік денсаулық сақтау ұйымының басшысы осындай ескерту жасады, деп хабарлайды <a href="https://24.kz/kz/zha-aly-tar/lemde/item/494826-lemdi-koronavirusty-k-zgi-tol-yny-k-tip-t-r-dds">«Хабар 24»</a>.
Оның айтуынша, алдағы айларда жер бетіндегі вирус жұқтыру көрсеткіші одан сайын арта түседі. Оған коронавирустың жаңа түрлері түрткі болады. Жалпы күз мезгілі індеттің ең қиын кезеңі болуы мүмкін дейді ұйым басшысы. Осыған байланысты Тедрос Гебрейесус әлем халқын вакцина алып, сақтық шараларын сақтауға шақырды.

ДДСҰ: Әлемді коронавирустың күзгі толқыны күтіп тұр

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысы Полиция департаментінің Шиелі аудандық полиция бөлімінің&nbsp; патрульдік полиция тобының қызметкерлері мұқтаж жандарға қан тапсырды.
Барлық донорлар медициналық тексеруден өтті. Қарсы көрсетілімдер болмаған соң қан тапсыруға кірісті. Әр донордан 450 мл қан алынды. Процедураның өзі дайындықпен бірге 20 минуттан аспады.
<blockquote>
 «Бір донор-бір өмір» деп бекер айтылмаған және біздің іс-әрекеттеріміз біреудің анасы мен әкесінің, баласы мен ағасының өмірін сақтап қалуға көмектеседі деп үміттенеміз. Бұл қайырымдылық акция азаматтарға көмек беру ретінде жүргізілуде», – деді полиция капитаны Нұрбол Үсенбеков.
</blockquote>
Мұндай акция полиция қызметкерлері үшін дәстүрлі болып табылады және ерікті түрде өткізіледі.
<img src="https://kyzylorda-news.kz/wp-content/uploads/2021/08/img-20210826-wa0019.jpg" alt="" />
<img src="https://kyzylorda-news.kz/wp-content/uploads/2021/08/img-20210826-wa0015.jpg" alt="" />

Қызылордалық полицейлер мұқтаж  жандарға қан тапсырды

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде «Рухани жаңғыру» бағдарламасының жұмыстары таныстырылды.
Бүгін ҚР Ақпарат және қоғамдық даму министрлігі, «Рухани жаңғыру» қазақстандық қоғамдық даму институты» КеАҚ «Рухани жаңғыру» орталығының басшысы Жанар Боқанова Сыр еліндегі жұмыс сапары барысында Қорқыт ата атындағы Қызылорда университетіндегі «Рухани жаңғыру» бағдарламасының жүзеге асырылу жұмыстарымен танысты.&nbsp;
Шарада «Рухани жаңғыру» бағдарламасы аясында жүзеге асырылған ғылыми жобалар мен арнайы шығарылған монографиялар, «Археология және этнография ғылыми зерттеу орталығы» іске асырған жобалардың көрме залы, «Қазақ тіліндегі 100 жаңа оқулық» жобасы аясында шығарылған кітаптар көрмесі, «Дидар» халықтық этно-фольк ансамблінің жаңа туындылары таныстырылды. Сонымен қатар,&nbsp; «Business start» жастар кәсіпкерлік орталығының жұмысы, қолөнер шеберлерінің туындылары мен «Робототехника»&nbsp; саласындағы соңғы құрылғылар көрсетілді.&nbsp;
Шара барысында жас спортшылармен кездесу, белсенді студенттермен сұқбат ұйымдастырылды.
<img src="https://kyzylorda-news.kz/wp-content/uploads/2021/08/3-20.jpg" alt="" />
<img src="https://kyzylorda-news.kz/wp-content/uploads/2021/08/2-20.jpg" alt="" />

Университетте «Рухани жаңғыру» бағдарламасының жұмыстары таныстырылды

<a href="https://kyzylorda-news.kz/">Kyzylorda-news.kz</a>. ХVI Жазғы Паралимпиада ойындарының алғашқы жүлдесі қоржынға түсті.
Пауэрлифтингтен сынға түскен қазақстандық Давид Дегтярев алтын медаль иеленді. Бұл туралы <a href="https://www.facebook.com/qazaqstantv?__cft__%5B0%5D=AZXVTJ0DuGWF868aQGNiZwQgfAkaFJlRnD9alW9r9QcGSSxxYdwbgtRrMtPGYTqmBBqoMQviEHT9x-iE_ct-qRfsPgG9uZTk5sApEZUTruODZdlP4rSsHlPhmAF1nszWPVKlymlssPjUjTSmBWnfDY-u&__tn__=%2Cd-UC%2CP-R">Qazaqstan Ұлттық Телеарнасы</a> хабарлады.
54 келіге дейінгі салмақта өнер көрсеткен Давид бірінші мүмкіндігінде-ақ 170 келіні бағындырып, жеңіс тұғырына көтерілді.
Құтты болсын, Қазақ елі!

Токио 2020: Қазақстандық спортшы алтын медаль иеленді

<a href="https://kyzylorda-news.kz/">Kyzylorda-news.kz</a>. Қармақшы ауданының тұрғыны Айнұр Алшынбай бала күтімінде отырып-ақ кәсіппен айналысуға болатынын дәлелдеп отыр. Ол 2 жылдан бері мыңнан аса тұрғыны бар Қармақшы ауылдық округі тұрғындарының нан өнімдеріне сұранысын қамтамасыз етіп келеді.
Айнұр Алшынбай қазір 24 жаста. Жас келіннің жолдасы мен балаларына әзірлеген нан өнімдері ауыл тұрғындарының да көңілінен шығып, көрші-көлемнің сұранысымен торт пен тоқаш пісіріп сата бастайды. Кейін кейіпкерімізге жолдасы «Бастау Бизнес» жобасына қатысып, қызығушылығын кәсіпке айналдыруды ұсынады.
Сөйтіп ол кәсіп негізін үйрену курсын 2019 жылы тәмамдайды. Былтыр грант мақұлдайтын комиссия алдында бизнес-жоспарын сәтті қорғап, 550 мың теңгеге ауылында шағын наубайхана ашты.
<blockquote>
 «Күніне 40 шақты нан, 20-дан аса шелпек пісіремін. Бұдан басқа тұрғындардан тортқа, тоқаштың түр-түріне тапсырыс түседі. Шүкір, кәсібім жақсы жүріп тұр. Үй шаруасымен айналысып та, балаларыма қарап та үлгеремін. Хоббиімнің кәсіпке айналуына мүмкіндік берген «Бастау Бизнес» жобасына, бизнес-тренеріме алғысым шексіз. Ауыл әкімдігі де кәсібімнің ұлғаюына көмектесті»,–дейді бастаулық түлек Айнұр Алшынбай.
</blockquote>
Айта кетейік, Қызылорда облысы кәсіпкерлер палатасының ұйымдастыруымен 5 жылда 11 243 азамат «Бастау Бизнес» жобасын оқыды. Кәсіпкерлер палатасының директоры Ғалымбек Жақсылықовтың айтуынша, бүгінде 6732 жоба қаржыландырылған.
<blockquote>
 «Грант ала алмаған өзге бастаулықтарға қазір жақсы мүмкіндік бар. Олар биыл өңірде құрылған «Atameken Qyzylorda» микроқаржы ұйымы арқылы 6 пайызбен 5-7 жылға дейін жеңілдетілген несие ала алады», – деді Ғалымбек Жақсылықов.
</blockquote>
<img src="https://kyzylorda-news.kz/wp-content/uploads/2021/08/e417bf68-2129-4bbe-a140-328922cc9604.jpg" alt="" />
«Atameken Qyzylorda» микроқаржы ұйымының мекенжайы:
Қызылорда қаласы Қорқыт ата көшесі, 123-үй
«Бизнеске арналған Үкімет» ғимараты, 3-қабат 316-кабинет.
Несиелендіруге қатысты сұрақ бойынша 8 /7242/ 40-09-81 байланыс нөміріне харласуға болады.

Қармақшы ауданының тұрғыны «Бастау Бизнес» арқылы шағын наубайхана ашты

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаев елді мекендердің жем-шөп дайындау және тұрғындардың төрт түлігінің жай-күйімен танысу үшін елді мекендерді аралауды жалғастыруда.
Аудан басшысы Майдакөл мен Абай ауылдарына және Қазалы қаласына арнайы барды. Бірінші кезекте Қазалы қаласы мен ауылдық округ әкімдері жем-шөп дайындау жұмыстарының барысымен таныстырды.
Ақжона мен Сарыкөл ауылдық округтері бойынша эпизоотиялық ахуал тұрақты. Тіркелген мал басында ешқандай жұқпалы ауру тіркелмеген. Екі ауылға да қажетті мамандар жеткілікті. Бұл туралы аудан әкімі Мұхтар Оразбаевқа аудандық ветеринариялық станция бастығы Болат Әміреев айтып берді.
Аудан әкімі Майдакөл ауылына сапары кезінде бақша еккен тұрғындармен кездесті. Майдакөлдік тұрғындар ауыл маңындағы «Бозарық» каналына жақын жерден бау-бақша дақылдарын еккен. Бүгінгі күнге дейін «Дүзбаев» шаруа қожалығы 100 тоннадан астам қарбызды сатқан. Күні кеше ғана 60 тоннаға жуық қарбыз Ақтөбе қаласына жөнелтілген. Шаруашылық бригадирі Талап Дүзбаев қарбыздан бөлек, асқабақ пен картоп егілгенін, тұрғындардың қол еңбегінің арқасында мол өнім алғанын жеткізді.
Бақша басында Мұхтар Оразбаев ауыл тұрғындарының еңбекқорлығына ризашылығын білдіріп, көпке үлгі екенін айтты. Аудан әкімі бақшаға барған уақытта майдакөлдік Жамбыл Емжаевтың Қостанай қаласына жіберу үшін 30 тонна қарбызды автокөлікке тиеп жатты.
Сонымен қатар Абай ауылының тұрғындары бақша дақылдарын үйдің ауласына егіп, мол өнім алады. Абайлықтар биыл бірінші рет «Өгіз бөгет» учаскесінен топтасып бақша еккен. Алты гектар жерге егілген бақша насос арқылы суарады.
Бақша басына арнайы келген аудан басшысына Шектібай Мереков мән-жайдың барысын түсіндірді. Жаз бойы еткен еңбектің нәтижесінде бақша мол өнім бергенін айтты.
Аудан әкімі Мұхтар Оразбаев Абай мен Басықара ауылының арасындағы жолды асфальттау барысымен танысты.
Екі елді мекен аралағындағы жолды «Строй Модуль Астана» ЖШС асфальттап жатыр. Аудан басшысы жолды жөндеу жұмыстары баяу жүріп жатқандығын ескертіп, кейбір учаскелердегі жолдың сапасы сын көтермейтіндігін айтты. Тиісті сала басшыларына жолдың сапасына аса қатты мән беруді тапсырды.
Қазалы қаласының тұрғындары ертеден бау-бақша егіп, Қазалымен қатар, көршілес аудандарды да көкөніс өнімдерімен қамтамасыз етеді. Олардың бақшалық жері қаланың «Қарлаң» көпіріне қарай жүретін күре жолдың екі қапталында орналасқан. Негізінен қияр, қызанақ, болгар бұрышы, қызылша, картоп, жуа, сәбіз сияқты өнімдерді егеді.
Аудан әкімі Мұхтар Оразбаевпен кездескен тұрғындар өздерінің ұсыныс-пікірлерін жеткізді.
Мұнан соң аудан басшысы Қазалы қаласында орналасқан аудандық ветеринариялық станция жұмысымен танысты. Мекеме басшысы Болат Әміреев аудан бойынша эпизоотиялық ахуал туралы баяндап, атқарылып жатқан жұмыстардың барысымен таныстырды. Сонымен қатар, аудан бойынша 100-ден аса қызметкер жұмыс жасайтын мекемеге жаңа ғимарат қажет екендігін айтты.
<img src="https://kyzylorda-news.kz/wp-content/uploads/2021/08/1-2-1.jpg" alt="" />
<img src="https://kyzylorda-news.kz/wp-content/uploads/2021/08/5-1-1.jpg" alt="" />
<img src="https://kyzylorda-news.kz/wp-content/uploads/2021/08/7y1a0680-1-scaled.jpg" alt="" />
<img src="https://kyzylorda-news.kz/wp-content/uploads/2021/08/11-3.jpg" alt="" />
<img src="https://kyzylorda-news.kz/wp-content/uploads/2021/08/5740fc72-6412-40e9-99ae-5cb6ff122205.jpg" alt="" />

Қазалы ауданының әкімі ауылдарды аралады

<a href="https://kyzylorda-news.kz/">Kyzylorda-news.kz</a>. ҚР Парламенті Сенатының депутаты Мұрат Бақтиярұлы мен Ақмарал Әлназарова және қала әкімі Ғанибек Қазантаев Қызылорда қаласындағы бірқатар аумақтарға барып, кезек күттірмейтін мәселелерді назарға алды.
Ең алдымен «Бәйтерек» шағын ауданының тұрғындарымен кездесіп, өзекті деген мәселелерін тыңдады. Аталған аумақтан баспанасын салып, жаңа ауданның тұрғыны атанған азаматтардың әуелгі сұрауы қоғамдық көліктің тұрақты қатынауы мен жол мәселесі болатын. Өз кезегінде қала әкімі Ғанибек Қонысбекұлы тұрғындар сұрауын қанағаттандыру бағытында бәйтеректік балалардың жаңа мектепке қатынауында ешқандай қиындық болмайтынын, қосымша балалар тасымалына арнайы автокөліктер қарастырылатынын және алдын-ала қоғамдық көлік жайын реттеп, тұрақты түрде қатынайтындығын жеткізді. Сонымен қатар Бәйтеректе малта тас төселген негізгі 3 көшесіне асфальт төсеу жұмыстары да жоспарға енгізілгендігін атап өтті.
Одан әрі қала әкімі мен делегация өткен жылы іргесі қаланған Бәйтеректегі 600 орындық мектеп құрылысының жұмысын көрді. Заманауи үлгідегі білім ұясының тапсырыс беруші облыстық құрылыс, сәулет және қала құрылысы басқармасы, мердігер мекеме «Болашақ-Девелопмент» ЖШС. Білім ошағы 2022 жылы пайдалануға беріледі деп жоспарлануда. Одан әрі делегация өкілдері құрылысы қарқын алған Қызылордадағы жол жөндеу жұмыстарының да жүйелі жүргізіліп жатқанын көрді. Биыл осы жұмыстардың жалғасы ретінде Ғ.Мұратбаев – С.Бейбарыс көшелерінде орналасқан көпірлер аралығын жалғайтын сол жағалаудағы магистральдың 2 шақырымды құрайтын құрылысы басталып, жыл аяғына дейін пайдалануға беру жоспарлануда.
Сонымен қатар Тәуелсіздік даңғылының жалғасы саналатын 95% жұмыстары біткен “Қызылжарма” каналына дейінгі магистраль аяқталып пайдалануға берілсе, С.Бейбарыс көшесіндегі көпірден Эдельвейс саяжайы арқылы Тұңғыш Президент саябағына дейінгі аралықты қамтитын 1,1 шақырымға жол түседі. Ағымдағы жылы бұдан бөлек облыстық жастар орталығынан бастау алатын жолды Шіркейлі каналына баратын негізгі көшемен байланыстыру жүзеге асып, жалпы ұзындығы 3,4 шақырымды құрайтын магистраль салынбақ.
<img src="https://kyzylorda-news.kz/wp-content/uploads/2021/08/240786603_2905469563053116_2355055943882413658_n.jpg" alt="" />

Қызылорда: ҚР Парламенті Сенатының депутаттары «Бәйтерек» тұрғындарымен кездесті

<a href="https://kyzylorda-news.kz/">Kyzylorda-news.kz</a>. Мемлекет Басшысы Қасым-Жомарт Тоқаевтың тапсырмасымен еліміздегі демографиялық ахуалды жақсарту мақсатында «Аңсаған сәби» арнаулы бағдарламасы іске қосылған болатын.
Бағдарламаның мақсаты – қосалқы репродуктивті технологиялардың көмегімен отбасылық-демографиялық мәселелерді шешуге жәрдемдесу.
Осы орайда «Экстракорпоральды ұрықтандыру» бағдарламасымен биыл квота саны 7 мыңға дейін көбейтілді. Қызылорда облысына оның 281-і бөлінді. Бұл туралы бүгін Өңірлік коммуникациялар қызметінде өткен баспасөз конференциясында облыстық денсаулық сақтау басқармасы ана мен бала денсаулығын қорғау мәселелері жөніндегі бөлімінің маманы Мира Мырзаханова мәлімдеді.
<blockquote>
 «Бала сүйе алмау – бүгінде медициналық қана емес, әлеуметтік мәселелердің бірі. «Экстракорпоральды ұрықтандыру» бағдарламасымен Қызылорда облысына 281 квота бөлініп, осы күнге дейін 164 отбасы порталға салынды, ЭКО орталықтарына жолданды. Бұл жоспардың 56 пайызын құрап отыр, оның ішінде жүктілік – 108 жағдайда тіркеліп (65%), оның 17 түсікпен (10%) аяқталған. Дүниежүзілік денсаулық сақтау ұйымының мәліметі бойынша, репродуктивті технологияны қолдану арқылы жүргізілген шаралар нәтижесінде 45-60% жағдайда әйелдер бала көтереді», – деді Мира Айтжанқызы.
</blockquote>
Бұл емшара терапиялық жолмен емдеу нәтиже бермейтін бедеулік диагнозы қойылған пациенттерге арналған. Денсаулық сақтау министрлігі белгілеген медициналық параметрлерге репродуктивті жасы 18-ден 42 жасқа дейін, қалыпты соматикалық және эндокриндік мәртебелері, жеткілікті овариалды резерві сәйкес келуі қажет. Жатырдың туа біткен немесе жүре біткен ауытқулары, соматикалық және психикалық бұзылулар, аналық без ісіктері, жедел қабыну және кез келген локализация онкологиясы болған жағдайларда ғана мамандар науқасты экстракорпоральды ұрықтандырудан бас тартуы мүмкін.
Айта кетейік, бүгінде облыс бойынша ұрпақ өрбіту жасындагы әйелдердің саны – 178 296. Сонымен қатар 6320 бедеу отбасы бар, олардың бедеулігіне сәйкес, әйелдері – 3819, ерлері – 2501. Эко жасатуға кезекте тұрған отбасы саны – 656. Сондай-ақ, қолдан ұрықтандыру бағдарламасы негізінде былтыр 44 квота берілген. Бүгінде 25 әйелде жүктілік бар.

«Аңсаған сәби»: Қызылордаға 281 квота бөлінді

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында биыл тауарларды, жұмыстарды және қызметтерді сатып алуға 78 млрд. теңгенің 2401 конкурсы жарияланды. Бүгінгі күнге, оның 51 млрд. теңге болатын 1354-ы аяқталып, 3 млрд. теңге үнемделді. Қалған сатып алулардың белгіленген мерзімде жүргізілуі бақылауда. Бұл туралы бүгін Өңірлік коммуникациялар қызметінде өткен баспасөз конференциясында облыстық мемлекеттік сатып алу басқармасы басшысының міндетін атқарушы Алтынай Қуандық мәлімдеді.
<blockquote>
 «Үнемделген соманың 92 пайызы бірыңғай ұйымдастырушылардың үлесінде. Биыл өткізілген барлық конкурстың 95% бірыңғай ұйымдастырушылармен жүргізілді, қалғаны тапсырыс берушілермен жарияланды. Яғни 2026 конкурстың 854-і бірыңғай ұйымдастырушылармен, 172-і тапсырыс берушілермен. Өткен жылы заң бұзушылықтар саны – 1569 болса, биыл 1060 бұзушылық анықталып, біршама азайды. Оның ішінде, жарияланған сатып алулардың уәкілетті органмен күші жойылуы көрсеткіші 8% -ға кеміген», – деді Алтынай Қуандық.
</blockquote>
Сондай-ақ, өткен жылы Қызылорда облысы Қаржы министрлігімен жүргізілген «Мемлекеттік сатып алуларды орталықтандыру» пилоттық жобасына қатысып, 124 млрд. теңгені құрайтын 2900 конкурс ұйымдастырды. Осы модель негізге алынып, биыл барлық конкурстың 95% бірыңғай ұйымдастырушылармен жүргізілді, қалғаны тапсырыс берушілермен жарияланды. Бұл уәкілетті орган тарапынан анықталған бұзушылықтардың азаюына ықпал етіп, өткен жылмен салыстырғанда кемшіліктер 34%төмендеді.<a href="https://www.facebook.com/photo/?fbid=1358320554563453&set=a.223793414682845&__cft__[0]=AZWBj92g08MoH6HMgA7xS7782fn9dzRRNyQbkg1NpNUyYSu252G4FQl7WePkwwRgbB2w7u4zoVlwNzwuOR7b7EmbbcvBBsJj7Hnkm6NUU6moxRQTU1t0I4OWX4E44H-_Hys&__tn__=EH-R"></a>

Қызылордада биыл 2401 конкурс жарияланды

<a href="https://kyzylorda-news.kz/">Kyzylorda-news.kz</a>.&nbsp;Жапония астанасы Токио қаласында өтіп жатқан VI Паралимпиадада 26 тамызда екі қазақстандық спортшы сайысқа түседі, деп хабарлайды ҚазАқпарат.
Бүгін парапауэрлифтингтен жарыстар басталады. Онда екі қазақстандық ел намысын қорғайды.
Қазақстандық спортшылардың ойын көрсету кестесі (елорда уақытымен):
Парапауэрлифтинг. Әйелдер. 45 келі. 13.30 – Алина Солодухина
Парапауэрлифтинг. Ерлер. 54 келі. 15.30 – Давид Дегтярев
Дүбірлі дода 24 тамыз және 5 қыркүйек аралығында өткізіледі. Аталған жарыста еліміздің атынан барған 26 спортшы спорттың&nbsp;<a href="https://www.inform.kz/kz/tokio-paralimpiadasynyn-saltanatty-ashylu-rasimi-ayaktaldy_a3827858">7 түрінен</a>&nbsp;сынға түседі.
Қазақстандық спортшылар 1996 жылдан бері Жазғы Паралимпиада ойындарына қатысып келеді.
Бұған дейін Қазақстан құрамасы сапынан екі спортшы жүлдеге қол жеткізді. 2016 жылы Бразилияның Рио-де-Жанейро қаласында Зульфия Габидуллина еркін әдіспен 100 метрге суға жүзуден чемпион атанды.
Сол жолы тағы бір қазақстандық Раушан Қойшыбаева пауэрлифтингтен әйелдер арасында 67 келіде күміс жүлдегер атанды.

Токио Паралимпиадасы: Қазақстандық спортшылардың ойын көрсету кестесі жарияланды

<a href="https://kyzylorda-news.kz/">Kyzylorda-news.kz</a>. Қызылорда облысында өткен Тамыз кеңесі аясында облыстық білім басқармасы басшысы Ақзира Бақтыбайқызы мен «Talap» КЕ АҚ вице-президенті Санжар Мейірханұлы ынтымақтастық туралы ортақ меморандумға қол қойды.
Меморандумның мақсаты – аймақтың техникалық және кәсіптік білім беру жүйесін жетілдіру.
Бүгінде адамның білімі мен кәсіби біліктілігі экономика дамуының басты тетігіне айналып, заман талабына сай техниканы жан-жақты меңгерген кәсіби білікті мамандардың қажеттілігін туғызуда.
Осы орайда, техникалық және кәсіптік білім беру жүйесінде қазіргі таңда түбегейлі реформалар енгізілуде. Сондай-ақ, Елбасының тапсырмасына сәйкес «Жас маман» жобасы тиімді жүзеге асуда. Қазіргі таңда облыстағы кәсіптік-техникалық оқу орындары индустриалдық-инновациялық сала үшін кадрлар даярлауды қолға алды.
Аталған жұмыстарды тиімді ұйымдастыру үшін қол қойылған екіжақты меморандум аясында алдағы уақытта бірлескен жұмыстар бастау алады.
<img src="https://kyzylorda-news.kz/wp-content/uploads/2021/08/240712647_1185204001982803_3222061989410376961_n-1.jpg" alt="" />

Қазақстан және Қызылорда облысының жаңалықтары