<a href="https://kyzylorda-news.kz/">Kyzylorda-news.kz</a>.&nbsp;Бүгін Қазақстан Республикасы Ұлттық спорт қауымдастығының Президенті, ҚР Парламенті Мәжілісінің депутаты Тілеухан Бекболат Қанайұлы, Қазақстан Республикасы Ұлттық спорт қауымдастығының атқарушы директоры Жақсыбай Рахат Жақсыбайұлы, Ұлттық ат спорты түрлерінен ҚР мемлекеттік жаттықтырушысы Байбуриев Нүркен Манапұлы арнайы Қызылорда облысына жұмыс сапарымен келді.
Сапар барысында облыс әкімдігінің мәжіліс залында облыс әкімінің орынбасары Серік Ахметтің төрағалығымен өткен Қызылорда облысында ұлттық ат спорты түрлерін дамыту бойынша мәжіліске қатысты. Сондай-ақ, жиында облыстық дене шынықтыру және спорт басқармасының басшысы Оспанов Жақсылық Әбдімәлікұлы, қалалық, аудандық спорт бөлімдерінің басшылары және Қызылорда облысы бойынша Ұлттық спорт түрлеріне жауапты мамандар болды.
Отырыста үш мәселе қаралып, алғашқы мәселе Қызылорда облысында ұлттық ат спортының дамуы бойынша атқарылып жатқан жұмыстар туралы облыстық дене шынықтыру және спорт басқармасының басшысы Жақсылық Оспанов баяндама жасады. Ал, Ұлттық ат спорты түрлерінен ҚР мемлекеттік жаттықтырушысы Нүркен Байбуриев Қазақстан Республикасында ұлттық ат спорты түрлерінің дамуы туралы жұмыстарды баяндады. Сонымен бірге, Қазақстан Республикасы Ұлттық спорт қауымдастығының атқарушы директоры Рахат Жақсыбай Өңірдегі спорт түрлері бойынша федерациялардың жұмысы. Қызылорда өңірінде республикалық және халықаралық жарыстарды өткізуді ұйымдастыру мәселелері туралы хабарлама жасады.
Сондай-ақ, отырыс барысында Ұлттық ат спортын дамыту мен спорттық жарыстардың қатарын арттыру бойынша бірқатар ұсыныс-пікірлер айтылды.
Айта кету керек, қазіргі таңда Қызылорда облысында 4 ұлттық ат спорты түрі бойынша (аударыспақ – 190 спортшы мен 5 жаттықтырушы, көкпар – 850 спортшы мен 27 жаттықтырушы, жамбы ату – 30 спортшы мен 1 жаттықтырушы, теңге ілу – 121 спортшы мен 4 жаттықтырушы) 1191 шұғылданушымен 37 жаттықтырушы жұмыс жасауда.
Облысымыздағы 1 балалар мен жасөспірімдер спорт мектебі мен ұлттық және ат спорты түрлері бойынша спорт клубында 8 жаттықтырушы-оқытушы 161 спортшымен (1 – біліктілігі жоғары деңгейдегі жаттықтырушы) тұрақты оқу-жаттығу процесін жүргізеді.
Сонымен қатар, Қызылорда қаласы мен Жалағаш, Сырдария, Шиелі, Жаңақорған аудандарында көкпармен – 954, аударыспақпен – 105, теңге ілумен – 61 спортшы тұрақты шұғылданады.
Қазақстан Республикасының Ұлттық құрама команда мүшелігіне 2021 жылға 2 (аударыспақтан – Оразбек Бекмұрат, жамбы атудан – Өміртай Ғалымжан) облыс спортшылары енгізілген. &nbsp;&nbsp;&nbsp;
Облыста жамбы атудан – Ғ.Өміртай мен аударыспақтан – С.Әмірсейт пен&nbsp; Ә.Файзуллаевтар ҚР спорт шеберлері атанды.
Сонымен бірге, №7 Жаңақорған ауданының олимпиадалық резервтің мамандандырылған балалар-жасөспірімдер мектебінде ұлттық ат спорты (аударыспақ, жамбыату, көкпар) бойынша 18 жылқымен 5 жаттықтырушы 116 спортшыны, ұлттық және ат спорты түрлері бойынша спорт клубында (аударыспақ, жамбы ату, теңге ілу) 17 жылқымен 3 жаттықтырушы 45 спортшыны баулуда.
Сонымен қатар, облыста ұлттық ат спортын дамыту мақсатында 2010 жылдан бастап ауыл спортшыларының арасында көкпар, аударыспақ, теңге ілу спорт түрлерінен «Алтын Күз» облыстық спартакиадасы тұрақты өткізіліп келеді.

Қызылордаға «Қазақстан Республикасы ұлттық спорт қауымдастығы» өкілдері келді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен «Білімді Ұлт – тұрақты даму кепілі» тақырыбындағы білім беру қызметкерлерінің педагогикалық тамыз кеңесі өтті. Аймақ педагогтарының басқосуына Қазақстан Республикасы Парламент Сенатының депутаттары Мұрат Бақтиярұлы, Ақмарал Әлназарова, Қазақстан Республикасы Парламент мәжілісінің депутаты, Парламент Мәжілісі төрағасының орынбасары Балайым Кесебаева, «Talap» КЕ АҚ вице-президенті Санжар Тәтібеков, ZOOM платформасы арқылы Ы.Алтынсарин атындағы Ұлттық білім академиясының президенті Ғани Бейсембаев қатысты. Сондай-ақ, пандемия жағдайын ескере отырып, кеңес жұмысына Қызылорда қаласы және аудан әкімдері, аймақтағы білім беру ұйымдарынан 400-ге жуық өкілдері ZOOM платформасы арқылы қосылды.
<img src="https://kyzylorda-news.kz/wp-content/uploads/2021/08/tamyzz.jpg" alt="" />
<blockquote>
 «Ел Тәуелсіздігінің 30 жылдығы қарсаңында өздеріңізбен дәстүрлі тамыз кеңесінде кездесіп отырмыз. Тамыз конференциясы тек алқалы жиын ғана емес, білім саласының кешенді даму жоспарын айқындап, алдағы міндеттерді саралап, тың ой мен ерекше идеяларды ортаға салатын боламыз. Өздеріңізге белгілі, биыл Үкіметпен дәстүрлі форматта оқыту туралы шешім қабылданды. Өткен аптада және күні кеше қала, ауылдарды аралап, бірнеше мектептің жаңа оқу жылына дайындық барысын өзім көріп шықтым. Облыс бойынша білім беру ұйымдары 1-қыркүйекте оқушыларды қабылдауға дайын! Індеттің жаңа штамдары пайда болған қазіргідей қиын кезеңде біз үшін әрбір баланың денсаулығы маңызды! Сондықтан, облыстық білім басқармасына барлық білім ұйымдарында санитарлық талаптарды қатаң сақтауды, балалар өмірінің қауіпсіздігін қамтамасыз ету мәселесін ерекше бақылауда ұстауды тапсырамын. Бұл – күн тәртібіндегі біздің жұмысымыздың ең маңызды бағыты! Мемлекет басшысы Қасым-Жомарт Кемелұлы Тоқаевтың мәртебелі мамандық иелеріне деген ықыласы ерекше екенін жақсы білесіздер. Президенттің бастамасымен соңғы жылдары бұл салада реформалар сәтті жүзеге асырылды: педагогтардың мәртебесін көтеру, ауыл мектептерінің жағдайын жақсарту бойынша нақты қадамдар жасалды», – деді облыс әкімі Гүлшара Әбдіқалықова.
</blockquote>
Педагог және оларға теңестірілген қызметкерлердің еңбекақысы биылдың өзінде 50%-ға көтерілді. Алдағы екі жылда еңбекақы екі есеге дейін өсетін болады. Осы жылы республикалық бюджеттен бұл мақсатқа 32,2 млрд тенге қаржы бөлінді. Үстіміздегі жылы білім саласының бюджеті 185 млрд. теңгені құрады, бұл өткен жылмен салыстырғанда 14 пайызға артты. Сәйкесінше, жаңа реформаға сәйкес мұғалімдерге қойылатын талап та күшейді.
Жиында Қазақстан Республикасы Парламент Сенатының депутаты Мұрат Бақтиярұлы мен ҚР Парламент мәжілісінің депутаты, Парламент Мәжілісі төрағасының орынбасары Балайым Кесебаева сөз сөйлеп, білім саласындағы маңызыды мәселелерді көтерді. Атап айтсақ, білім беру ұйымдарындағы білім сапасының айырмашылығы, инклюзивті білім беру үшін арнайы мектеп ашу, мұғалімдердің медициналық анықтамасын әзірлеуде жеңілдіктер қарастыру секілді ұсыныстарын жеткізді.
Сонымен қатар аймақ педагогтарының басқосуында Ы.Алтынсарин атындағы Ұлттық білім академиясының президенті Ғани Бейсембаев «Білім алушылардың білімін толықтыру жаңа оқу жылының басты міндеті», «Talap» Коммерциялық емес акционерлік қоғамының вице-президенті Санжар Тәтібеков «Техникалық және кәсіптік білім беруді трансформациялаудың өзекті бағыттары» тақырыптарында баяндама жасады.Облыстық білім басқармасының басшысы Ақзира Қасымова атқарылған жұмыстар мен алдағы міндеттер туралы баяндады.
<img src="https://kyzylorda-news.kz/wp-content/uploads/2021/08/tamyzzzz.jpg" alt="" />
<blockquote>
 «Былтырға онлайн оқыту мектептердің компьютерлік паркін жаңартуға да септігін тигізді. Осылайша компьютерлер паркін 100% жаңарту нәтижесінде бір оқушы санына шаққандағы компьютерлер көрсеткіші 14-тен 5-ке дейін төмендеді. Білім саласының бастапқы сатысы – мектепке дейінгі тәрбие бағытында да нәтижелі қадамдар бар. Облыста 670 мектепке дейінгі ұйымдарда 58 мыңнан астам бала тәрбиеленуде. «Нұр Отан» партиясының сайлауалды бағдарламасында көзделген 1 мен 6 жас аралығындағы балаларды балабақшалармен қамту бастамасын кезең-кезеңімен жандандыруға тиіспіз. Балаларды ерте дамыту институтын құру бойынша жұмыстар жүргізілуде. Алғашқы тәжірибені бастап та кеттік. «Алтын ұя» бөбекжай балабақшасы цифрлық білім беру ісіне көшті. Биылғы жылғы мақсат – тірек білім беру ұйымдары арқылы тәжірибені әр ауданнан ІТ балабақша желісін ашатын боламыз», – деді Ақзира Қасымова.
</blockquote>
Биылғы оқу жылындағы басты әрі қуанышты жаңалық – мектеп табалдырығын алғаш аттаған бүлдіршіндеріміз «Әліппе» мен «Ана тілін» оқиды. Жаңа оқу жылында 294 мемлекеттік және 10 жеке мектепте 177 мың оқушы білім алады. Оның ішінде 1-сыныпқа 18 мыңнан аса бала қабылданады.
Дәстүрлі форматта оқуды бастайтын мектеп оқушылары мен мұғалімдердің қауіпсіздігі үшін барлық білім беру ұйымдары «ASHYQ» қосымшасына қосылды. Педагогтардың 97% вакцинацияланды. Оқу жылының басталуына дейін бұл көрсеткіш 100% жетеді деп жоспарлануда. Аймақ мектептері бейнебақылау жүйесімен 100% қамтылды. Өткен жылы 70 мектеп жедел басқару орталығына қосылса, биыл 35 мектеп ұлттық бейнемониторинг жүйесінің тікелей бақылауына енген.
<blockquote>
 «2019 жылдан бастап ауыл мектептерінде білім алатын оқушыларға арналған «Мың бала» олимпиадасына 27502 оқушы қатысып, 174 оқушы жеңімпаз атанды. 2 жыл ішінде 50 оқушы мамандандырылған мектептерге қабылдануға жолдама алды. 2021 жылғы зияткерлік олимпиада қорытындысымен Қызылорда облысы үздік үштіктен көрінді. Басқарма басшысы алдағы 5 жылда «Nur Otan» партиясының жол картасы аясында 28 мектептің құрылысын басталып, биыл 6 жаңа мектепті пайдалануға берілетінін айтты. «Жаңа оқу жылында Президент тапсырмасымен іске асқан Арал ауданы, Сексеуіл кентіндегі 300 орындық мектеп пен инвесторлар есебінен жүргізілген 2 жеке мектеп құрылысы пайдалануға беріледі деп жоспарлап отырмыз. Қалған 3 мектепті жыл соңына дейін табыстаймыз», – деді Ақзира Қасымова.
</blockquote>
Келесі оқу жылынан бастап «Алтын белгіге» үміткерлер үшін талаптар күшейтіледі. Енді үміткерлердің жылдық қорытынды бойынша «5»-тік бағасымен қатар оқушылардың 5-11 (12) сыныптардағы барлық тоқсандық бағалары да «5» болуы керек және ерекшелік белгісіне ұсынылғанға емтиханды тәуелсіз ұйым өткізетін болады.
Облыста инклюзивті білім беруді дамыту мақсатында 2020-2022 жылдарға арналған арнайы Жол картасы жасалып, оған 4 млрд. теңге қаржы қаралды. Биыл 47 мектепке дейінгі мекемеде логопункт ашылып, олар логопед маманымен қамтылады деп жоспарлануда.
Салтанатты шарада білім беру ісіне елеулі үлес қосып, отандық білім мен ғылым саласына ерекше еңбек сіңірген үздіктер марапатталды. Облыс әкімі Гүлшара Әбдіқалықова ҚР Білім және ғылым министрлігінің «Ы.Алтынсарин» төс белгісін Текей батыр Қарпықұлы атындағы жоғары колледжінің құрылтайшысы Мирамбек Исаев, Қазалы ауданы, №276 орта мектебінің директордың оқу ісі жөніндегі орынбасары Бағдат Орымбас, Қызылорда қаласы, №23 мектеп-лицейінің алғашқы әскери дайындық пәнінің мұғалімі Роман Огай және Қызылорда облысының білім басқармасының тәрбие және өзін-өзі тану жұмыстары бөлімінің бас маманы Шолпан Байғазиеваға табыстады. Сонымен қатар Сырдария ауданы, Шіркейлі ауылы Әбірәш Жәмішов атындағы №129 мектеп-лицейінің ағылшын тілі пәнінің мұғалімі Раушан Абдраманова, Исатай Әбдікәрімов атындағы Қызылорда аграрлық техникалық жоғары колледжінің оқытушысы Рахия Абуова, Жалағаш ауданы, «Арай» бөбекжай-бақшасының тәрбиешісі Гүлбану Жалғасова мен Қармақшы ауданы, Шоқан Уәлиханов атындағы №26 орта мектебінің директоры Мәуегүл Ерғалиева «Қазақстан Республикасының Білім беру ісінің құрметті қызметкері» төсбелгісімен марапатталады. Ал, облыс әкімінің «Алғыс хаты» Арал ауданы, №19 орта мектебінің математика пәнінің мұғалімі Гүлжан Сембайқызына, облыстық №7 арнайы түзету мектеп-интернатының еңбек пәнінің мұғалімі Жарқынбек Кәрімбердіұлына, Жаңақорған ауданы, №162 орта мектептің бастауыш сынып мұғалімі Мереке Әбдімәжитқызына табысталды.
Облыс әкімінің «Үздік орта білім ұйымы» грантымен облыстық конкурс жеңімпазы – Қызылорда қаласы, Тәкей Есетов атындағы №264 мектеп-лицейі марапатталады. Сыйақы мөлшері – 34 млн. тенге.
<img src="https://kyzylorda-news.kz/wp-content/uploads/2021/08/tamyzzz.jpg" alt="" />

Тамыз кеңесі: Қызылордада ең үздік білім беру ұйымына 34 млн. теңге табысталды

<a href="https://kyzylorda-news.kz/">Kyzylorda-news.kz</a>.&nbsp;Бүгінгі өзекті мәселелердің бірі – МӘМС жүйесінде азаматтардың сақтандырылу мәртебесін орнату болып отыр. Биылғы жылдың 1 тамыздағы жағдай бойынша облыста 145 мыңнан аса азамат МӘМС жүйесінде сақтандырылмаған. Олардың көпшілігі 30 жас пен 40 жас аралығындағы азаматтар. Мәселен, республика бойынша халықтың 81 пайызы cақтандырылған болса, біздің өңірде тұрғындардың 81 пайызы сақтандыру мәртебесіне ие болып, көрсеткіш бойынша басқа өңірлерден төмен тұр. Өңірлік коммуникациялар қызметінде өткен брифингте «ӘМСҚ» КЕАҚ Қызылорда облысы бойынша филиалының директоры Бақыт Исмаханбетов міндетті әлеуметтік медициналық сақтандыру жүйесінің маңыздылығына кеңінен тоқталды.
<blockquote>
 «Бірыңғай жиынтық төлем төлеушілердің пайыздық көрсеткіші 42,9% яғни 62 305 адам. Әр түрлі мекемеде жұмыс жасайтын жалдамалы жұмысшылар – 42 734 мың азамат болса, мүлдем мәртебесі нақтыланбағандар – 26 120 мың азаматты құрап отыр. Айта кетейік, әр бір өңірде облыс әкімінің әлеуметтік сала бойынша орынбасарының басқаруымен МӘМС жүйесіндегі өзекті мәселелерді шешу үшін өңірлік штабтар жұмыс жасауда. Оған қоса, Қызылорда облысының әкімі барлық тиісті жергілік атқарушы органдарға азаматтардың мәртебесін өзектендіруді күшейту жөнінде бірқатар тапсырмалар берді. Бұл бағыттағы жұмыстар әрі қарай жалғасуда»,-деді Бақыт Торғайбайұлы.
</blockquote>
Жалпы ағымдағы жылы аймақтың 2000 мыңға жуық тұрғын уақытша сақтандыру мәртебесін алды. Сондай-ақ МӘМС жүйесіндегі сақтандыру мәртебесін бірыңғай жиынтық төлем төлеу арқылы да алуға болады. Атап айтқанда, бірыңғай жиынтық төлем төлеушілер 3 ай қатарынан төлеген жағдайда сақтандыру мәртебесіне ие бола алады. Ары қарай бырыңғай жинақтық төлемін тұрақты төлеп отыру қажет. Бырыңғай жинақ төлемінің көлемі – қалалық өңірлердің тұрғындары үшін- 1 АЕК яғни 2917 теңге болса, аудандық өңірлер үшін – 0,5 АЕК 1458,5 теңге құрайды.
<blockquote>
 «Жалдамалы қызметкерлер және жеке кәсіпкерлер мен жеке өзін-өзі қамтамасыз ететіндер МӘМС шеңберінде медициналық көмек алу құқығына ие болу үшін, ҚР-ның 16.11.2015 жылғы №405 санды «Міндетті әлеуметтік медициналық сақтандыру туралы» Заңының 5-бабының 3-бөліміне сәйкес соңғы 12 айға жарналарын түгендеуге міндетті. Егер ағымдағы жылдың тамыз айында өзін-өзі қамтамасыз ететін азамат МӘМС шеңберінде медициналық көмек алу үшін медициналық ұйымға жүгінсе, онда 2020 жылдың тамызынан бастап 2021 жылдың тамызына дейін МӘМС-ке жарналарды дербес төлеуші ретінде төлеуге тиіс»,- деді Б.Исмаханбетов.
</blockquote>

Қызылордада медициналық сақтандыру жүйесіне енген азаматтар аз

<a href="https://kyzylorda-news.kz/">Kyzylorda-news.kz</a>. Арал ауданының әкімі Серік Сермағамбетовтың төрағалығымен аппарат мәжілісі өткізілді. Мәжілістің күн тәртібінде маңызды деген екі мәселе жан-жақты талданды.
Бірінші мәселе – аудан басшысының елді мекендерді аралау барысында берілген тапсырмалардың орындалуы бағытында өрбіді. Аталған мәселе бойынша аудан әкімі аппаратының басшысы Нұрмұхамед Бохаев сөз алып, берілген тапсырмалардың орындалу барысының жай-күйін баяндап өтті.
Нақтырақ тоқталсақ, бүгінгі күнге дейін аудан әкімінің Арал қаласындағы және елді мекендерге жасаған жұмыс сапары барысында көтерілген өзекті мәселелер бойынша арнайы іс-шара жоспары жасақталып, жауапты тұлғалар бекітілген. Іс-шара жоспары бойынша жасақталған 228 ұсыныс-пікірлердің бүгінгі күнге дейін 33-і оңтайлы шешімін тапса, 111-і орындалу үстінде және қаржы бөлуді қажет ететін 49 мәселеге бюджеттік өтінім тапсырылып, нәтижесі күтілуде.
Ал, әлі күнге дейін орындалмаған тапсырмалар санатында 35 мәселе қалыптасқан. Бұл жөнінде хабарламашы әр мәселеге жекелей тоқталып, тапсырмалар созбалаңға салынып, іс жүзінде нақты жұмыстар қолға алынбай отырғанын жеткізді. Соған сәйкес аудан басшысы тапсырмаларға тікелей жауапты сала басшыларының жұмысын сынға алып, бірінші кезекте халық тарапынан түскен ұсыныс-пікірлердің оңтайлы шешілуіне білек сыбана кірісу керектігін айтты. Егер тапсырмалар өз мәнінде орындалмаған жағдайда тәртіптік жауапкершілігі қаралатындығын қатаң ескертті.
Жиын барысы одан әрі күн тәртібіндегі екінші мәселеге ойысып, орындаушылық тәртіптің жай-күйі кеңінен сараланды.
Екінші мәселе бойынша да аудан әкімі аппаратының басшысы Н.Бохаев баяндама жасап, орындаушылық тәртібіне немқұрайлық танытып келген бірқатар дербес бөлімдер мен әкімдіктердің кемшіліктерін талдап өтті.
Осы ретте аудан басшысы 2021 жылдың 1 шілдесінен бастап ҚР Әкімшілік рәсімдік-процестік кодексі қолданысқа енгізілгендігін еске сала отырып, орындаушылық тәртіптің регламентіне аса жауапкершілікпен қарудың маңыздылығына тоқталды.
Одан әрі орындаушылық тәртібі бойынша кемшілікке жол берген салаларда келіп түскен тапсырмаларға бақылаудың жоқтығы мен талаптың әлсіздігі белең алып отырғанын тілге тиек етіп, бірқатар мамандардың тәртіптік жауапкершілігін қарау жөнінде нақты тапсырма берді. Соның ішінде бірқатар ауылдық округтердің аудан орталығында жүрген мамандары мен есепшілерінің жұмысын қатаң сынға алып, Беларан, Атанши және Құланды ауылдық округтерінен өзге округтерде жергілікті жерде жұмыс жасауға толық мүмкіндіктер бар екендігін баса айтып, екі апта мерзімде кемшіліктерді реттеу жөнінде әрі қызметкерлердің жұмысын қатаң бақылауға алу жөнінде аудан әкімі аппаратының басшысына тапсырма берді. Бұдан бөлек алдағы уақытта мемлекеттік қызметшілердің жалақысы өсетіндігін де жеткізген аудан басшысы, соған сәйкес талаптың да күшейетіндігін ескертті.
Мәжіліс соңында әлеуметтік желі бойынша тұрғындар тарапынан келіп түскен ұсыныс-пікірлер бойынша кері байланыс орнатудың маңыздылығын айтып, ашықтықты қамтамасыз ету бағытындағы жұмысты күшейту керектігін тапсырды.
Күн тәртібіне қойылған мәселелерді пысықтай келе аудан әкімі орынбасарларына, дербес бөлім басшылары мен қала, кент, ауылдық округ әкімдеріне тиісті тапсырмалар жүктеді.

Сермағамбетов тапсырмалары орындалып жатыр ма?

<a href="https://kyzylorda-news.kz/">Kyzylorda-news.kz</a>. Қармақшы ауданында құрылыс жұмыстары қарқынды жүргізілуде. Бұл туралы аудан әкімі Қайрат Нұртай Өңірлік коммуникациялар қызметінің баспасөз алаңында өткен брифингте мәлімдеді.
Республикалық және облыстық бюджет қаражат есебінен ауданда күрделі және ағымдағы жөндеу, абаттандыру жұмыстары жүргізілуде. Балалар демалыс лагерінің құрылысын аяқтау мақсатында облыстық бюджеттен 783,3 млн теңге қаржы бөлініп, құрылыс жұмыстары жалғасын табуда.
Байқоңыр қаласындағы 50 пәтерлік 5 тұрғын үй құрылысына да биыл республикалық бюджеттен қаржы бөлініп, құрылысы жүргізілуде. Байқоңыр қаласының сумен жабдықтау және су беру жүйелерін реконструкциялау бойынша су бұру құрылысының бірінші кезеңіне республикалық бюджеттен 773 млн теңге қаржы бөлінді.
Төретам кентіндегі ауыз сумен жабдықтау жүйесінің құрылысы мен 20 көшенің орташа жөндеу жұмыстары да басталды.
Сондай-ақ, халықтың әлеуметтік жағынан әлсіз топтарына және аз қамтылған көпбалалы отбасыларына коммуналдық тұрғын үй қорынан 10 тұрғын үй сатып алынатын болады.

Байқоңырда 50 пәтерлік 5 тұрғын үй құрылысы жүргізілуде

<a href="https://kyzylorda-news.kz/">Kyzylorda-news.kz</a>. Қармақшы ауданы Жосалы кентінде әлеуметтік нысандар мен жеке тұрғын үйлерге көгілдір отын жеткізіліп, табиғи газ орнатуда 6 қызмет көрсету орталығы жұмыс істеп тұр. Бұл туралы аудан әкімі Қайрат Нұртай хабарлады.
<blockquote>
 «Қай кезде де табиғи газдың берілуі экономикалық өсу мен әлеуметтік дамудың маңызды бөлігі болып саналады. Қазір Жосалы кентінде табиғи газды әлеуметтік нысандар мен жеке тұрғын үйлерге орнатып, құрып беруде 6 қызмет көрсету орталығы жұмыс істеп тұр. Одан бөлек, олардың арасында тұрғындарға қолайлы болу үшін несиеге бөліп төлеу жолдарын қарастырғандары да кездеседі», – дейді аудан әкімі.
</blockquote>
Алдағы кезеңдерде көгілдір отынға қосылатын елді мекендердің санын арттыру мақсатында жоба құны 1526,2 млн теңге болатын Төретам кенті мен жоба құны 979,1 млн теңге болатын Ақай елді мекені жоспарлануда. Атап айтқанда, 2 елді мекенге тартылатын газ құбыры мен орамішілік газ тарату желілерін салу құрылысына жергілікті бюджеттен 1 млн теңге қаралып, мемлекеттік сатып алу жұмыстары жүргізілуде.

Жосалы кентіне көгілдір отын жеткізілді

<a href="https://kyzylorda-news.kz/">Kyzylorda-news.kz</a>. Қызылордада көпқабатты тұрғын үйден шыққан өрттен 13 адам шығарылды. Бұл туралы &nbsp;&nbsp; Қызылорда облысы Төтенше жағдайлар департаментінің Өрт сөндіру және авариялық құтқару жұмыстары қызметі хабарлады.
Оқиға 24 тамыз күні&nbsp;сағат 22-27 шамасында Қызылорда қаласы, Абай даңғылы бойындағы көпқабатты тұрғын үйде орын алған. №28 үйдің 5 қабатты тұрғын үйдің, 2 подъездінің&nbsp;&nbsp; жанып жатқаны жөнінде 112 құтқару қызметіне хабар түсті. &nbsp;&nbsp;&nbsp;&nbsp;
<blockquote>
 _«Шақырту бойынша Өртке қарсы қызметі жедел жетіп барлау жұмыстарын жүргізді. Нәтижесінде аталған тұрғын үйдің 2 подъезінің 1 қабатында электр есептегіші мен подъездің сыртқы кіреберіс ағаш есігі жанып жатқаны анықталды. Өрт сөндірушілердің күшімен баспалдақ арқылы 13 адам, соның ішінде 6 бала қауіпсіз жерге көшірілді. Өрт 22 сағат 54 минутта&nbsp;толық жойылды. Қаза болғандар мен зардап шеккендер жоқ. Өрттің шығу себебі – электр сымдарының қысқаша тұйықталуы», – делінген хабарламада. 
 _
</blockquote>

Қызылордада көпқабатты тұрғын үйден өрт шықты

<a href="https://kyzylorda-news.kz/">Kyzylorda-news.kz</a>.&nbsp;Жаңа оқу жылының басталуына санаулы күндер қалды. Биыл оқу жылы барлық санитариялық талаптар сақтала отыра дәстүрлі форматта өтеді.
Қызылорда облысындағы барлық білім ошақтары жаңа оқу жылын дайын. Ұстаздар мен ата-аналар мектепке «Ashyq» қосымшасы арқылы кіреді. Ал, оқушылар 5 сатылы дезинфекциялық тексерістен өтіп барып, мектепке кіре алады. Қарым-қатынасты шектеу үшін «1 сынып-1 кабинет» қағидасы енгізілген. Яғни оқушылардың қоңырауда топтасып қалуына жол берілмейді. Бұл ретте мектептердің оқуға әзірлігін бақылау күшейді.
Облыс әкімі Гүлшара Әбдіқалықова өткен аптада қала мектептерінің жаңа оқу жылына дайындығын сараласа, бүгін аймақ басшысы қаланың шеткі аймақтары мен Сырдария ауданына қарасты Шіркейлі елді-мекеніндегі білім ошағын аралап көрді.
Алдымен өңір басшысы М.Шоқай атындағы №187 ІТ-мектеп-лицейіндегі оқу жылына даярлық барысын пысықтады. Білім ордасында 1134 оқушы екі ауысымда білім алады. Биыл 108 оқушы 1-ші сынып табалдырығын аттайды. Оқушылардың қауіпсіздігін сақтауда мектептің кіре берісіне турникет, дене қызуын өлшейтін арнайы құрал орнатылып, білім алушылардың дене қызуы өлшенеді. Бүгінде 115 мұғалімнің 108-і коронавирусқа қарсы екпе алған.
Жаңа оқу жылында мектеп ғимаратында орталықтандырылған дабыл нүктесі және арнайы күзет мамандары жұмыс жасайды. Оқу процесін ұйымдастыру үшін мектепте инновациялық жоба да қолға алынды. Яғни, әрбір оқушыға QR-код енгізілген дербес карта беріледі. Онда оқушылар, олардың ата-анасы туралы деректер енгізілген. Ас, мәзірі, кері байланыс және асханада төлем жасау мүмкіндігі қарастырылған.
Мұнан соң аймақ басшысы №212 мектеп-гимназиясына барды. Мұнда да сақтық шараларына жете мән берілген. Оқушылардың қауіпсіздігін 30 бейнебақылау камерасы жүзеге асырады. Білім ордасынының ұстаздары вакцинаның толық курсын алған. Мұнда биыл 130 бала бірінші сыныпқа барады. Жағдаймен танысқан облыс әкімі оқушылардан бөлек ұстаздардың да маскалық режимді қатаң сақтап, тазалық жұмыстарын жиі ұйымдастырып отыруды тапсырды.
Облыс әкімі Ақсуат ауылдық округінде орналасқан №268 мектеп-лицейіне де барды. Мұнда аймақ басшысының назарына мектептің қосымша құрылысы таныстырылды. 200 орындық 3 қабатты ғимарат құрылысы сәуір айында басталған. Қыркүйекте пайдалануға берілмек. Жоба құны 380 миллион теңгеден асады. Мұндай шешім елді-мекендегі демографиялық және географиялық жағынан үлкеюімен қабылданды. Білім ошағында қызмет ететін ұстаздардың 98 пайызы екпе алған.
Облыс әкімі Сырдария ауданына қарасты Шіркейлі ауылындағы Ә.Жәмішев атындағы №129 мектеп-лицейінің жаңа оқу жылына дайындық барысын қарады. Қазірде оқушылардың барлығы қажетті оқулықпен толық қамтылған. Мұнда да бейнебақылау камералары, дезинфекциялық тоннель, әр сыныпқа кварц шамдары мен санитайзерлер қойылған. Мектепте қызмет ететін ұстаздардың 98,6 пайызы екпе салдырған.
Жалпы Сырдария ауданы бойынша биыл 8000-нан астам оқушы білім алады. Оның 805-і мектеп табалдырығын алғаш аттамақ. Оқушылар оқулықпен толық қамтылған. Ол үшін облыстық бюджеттен 43 миллион теңгеден астам қаржы бөлінген. Ал аудан ұстаздарының 97 пайызы індетке қарсы вакцина алған. Білім ошақтарын аралаған облыс әкімі білім басқармасының басшысы Ақзира Қасымоваға жаңа оқу жылына дайындықты тағы бір пысықтап, оқушылардың еш кедергісіз білім алуы үшін барлық шараларды қабылдауды тапсырды.
<img src="https://kyzylorda-news.kz/wp-content/uploads/2021/08/239406810_3645747465528296_1731775192392812575_n.jpg" alt="" />
<img src="https://kyzylorda-news.kz/wp-content/uploads/2021/08/239859763_3645744182195291_238194793471084241_n.jpg" alt="" />
<img src="https://kyzylorda-news.kz/wp-content/uploads/2021/08/239684708_3645747952194914_6556680012304657622_n.jpg" alt="" />
<img src="https://kyzylorda-news.kz/wp-content/uploads/2021/08/239155331_3645746948861681_6626238450903281694_n.jpg" alt="" />
<img src="https://kyzylorda-news.kz/wp-content/uploads/2021/08/237810547_3645744505528592_8452062173722074545_n.jpg" alt="" />

Гүлшара Әбдіқалықова шет аймақта орналасқан мектептерге барды

<a href="https://kyzylorda-news.kz/">Kyzylorda-news.kz</a>.&nbsp;Жыл сайын Қорқыт ата атындағы Қызылорда университетінде «Мектепке жол» акциясы дәстүрлі түрде ұйымдастырылады.&nbsp;
Акция барысында 1 сынып оқушыларына қажетті құрал-жабдықтар мен киім-кешек үйлестіріледі.&nbsp;
<blockquote>
 «Акцияға университет қызметкерлерінің балалары қатысады. Бұл іс-шараның мақсаты – әріптестерімізді әлеуметтік қолдау болып саналады. Бұдан бөлек, кәсіподақ ұйымы ардагерлерге үнемі құрмет көрсетіп,&nbsp; мереке және атаулы күндер қарсаңында спорттық жарыстар мен түрлі құттықтаулар ұйымдастырып келеді»,-деді Қорқыт ата атындағы Қызылорда университеті кәсіподақ ұйымының төрағасы Айтжан Оразбақов.
</blockquote>

Қорқыт ата атындағы Қызылорда университетінде «Мектепке жол» акциясы өтті

<a href="https://kyzylorda-news.kz/">Kyzylorda-news.kz</a>.&nbsp;Биылғы жылы Қармақшы ауданында мемлекеттік бағдарламалар аясында 1085 бас төрт түлік сатып алынған. Нәтижесінде мал саны бойынша өсім көрсеткіші 5,1 пайызды құрады. Өңірлік коммуникациялар қызметінде өткен брифингте Қармақшы ауданының әкімі Қайрат Нұртай аудандағы мал шаруашылығын дамыту мәселесі жайында кеңінен айтып берді.
Ауданда мүйізді ірі қара басы 2,2 пайызға, қой басы 5,7 пайызға, ешкі басы 2,8 пайызға, жылқы басы 10,9 пайызға, түйе басы 5,5 пайызға өскен. Тиісінше мал азығының бағасы да үнемі бақылауда.
<blockquote>
 «Қазіргі таңда шаруашылықтарда қыс мезгіліне мал азығын дайындауда қарқынды жұмыстар жүргізілуде. Қысқа түсетін малдардың саны 47500 басқа нақтыланды. Қыс мезгілінде қора жайда тұратын мүйізді ірі қара, жылқы, уақ малдар үшін қажетті 85500 тн шөп, 17100 тн жемнің көлемі анықталды. Биылғы жылы 4697 гектар ескі жоңышқа және 2960 гектар жаңа жоңышқа егілген болатын. Қазіргі таңда 23,7 мың тонна жоңышқа, 42,9 мың тонна пішен шөбі дайындалды. Сонымен қатар, Жосалы, Төретам кенттерінде және Ақай ауылдық округінде 4 рет жем-шөп жәрмеңкесі өтіп, тұрғындарға жергілікті сатылымдағы бағадан төмен бағада ұсынылды»,-деді аудан әкімі Қайрат Ырзақұлұлы.
</blockquote>
Сонымен қатар, Арал ауданыңда орын алған қуаншылыққа байланысты Қармақшы ауданы жәрмеңке есібінен 11780 дана жоңышқа бумасын жеткізді. Арал ауданына қарасты Жаңақұрылыс ауылдық округінің 30 тұрғыны шөп орып алуға сұраныс білдіріп, аудан тарапынан мал азығын дайындаушыларға көмек берілді. Сонымен қатар, Жосалы, Төретам кенттерінде және Ақай ауылдық округінде 4 рет жем-шөп жәрмеңкесі өтіп, тұрғындарға жергілікті сатылымдағы бағадан төмен бағада ұсынылған.

Қармақшыда мал саны 5,1 пайызға артқан

<a href="https://kyzylorda-news.kz/">Kyzylorda-news.kz</a>. Қармақшы ауданы Қуаңдария ауылдық округінен 100 орындық ауылдық клуб құрылысы басталады. Бұл туралы Қармақшы ауданының әкімі Қайрат Нұртай мәлімдеді.
Жүз шайыр шыққан Қармақшы өңірі биыл ұлтымыздың ұлы құндылықтарының бірі болған жыраулық дәстүрді дәріптеп, жыраулар тұлғасын таныта түсуге күш салмақ. Мәселен осы мақсатта жырау Көшеней Рүстембековтің 75 жылдығына орай республикалық деңгейде спектакль-концерт өткізу жоспарлануда.
Брифингте республикалық және облыстық деңгейде бірқатар іс-шаралар өткізуді жоспарлап отырмыз деген аудан басшысы «Мәңгілік сарын – Қорқыт ата мұрасы» қылқобызшылар фестивалін өткізу де жыл жоспарына енгендігін атап өтті.
<blockquote>
 «Жырау Базар Оңдасұлының 185 жылдығында «Жамиғы қазақ бір туған» тақырыбында дастан жырлаушылардың облыстық жыр фестивалі ұйымдастырылмақ. Мәдениет саласын қолдау бағытында ағымдағы жылы Қуаңдария ауылдық округінен 100 орындық ауылдық клуб құрылысы басталады», – деді Қайрат Ырзақұлұлы.
</blockquote>

Қуаңдария ауылында 100 орындық клуб құрылысы басталады

<a href="https://kyzylorda-news.kz/">Kyzylorda-news.kz</a>. Сексен мыңнан астам халқы бар Аралдың бүгінгі берекелі тіршілігі – Тәуелсіздіктің жемісі.
Арал өңірі үшін Тәуелсіздіктің 30 жылы – өркендеу, даму кезеңіне айналды. Елбасының бастамасымен қолға алынған, ғасыр жобасы -«САРАТС» арқылы қайтқан теңіз суы кемеріне келіп, ата кәсіп қайта жанданды.
Қазір теңіз айдынынан 22 түрлі балық ауланып, 9 балық зауытында жылына 3000 т. жуық өнім өңделуде.
Тәуелсіздіктің тағы бір үлкен сыйы – аралдықтар таза ауыз суға қол жеткізіп, көгілдір отынның игілігін көре бастады.
Ауылшаруашылығы саласында Кеңес дәуірінде ең жоғарғы көрсеткіш берген 1990 ж. салыстырғанда мүйізді ірі-қара 49&nbsp;373 басқа (2,7 есе), жылқы малы 34&nbsp;556 басқа (3,3 есе), түйе малы 27&nbsp;750 басқа (3,1 есе) артып отыр.
Халыққа сапалы қызмет көрсететін 150 орындық аудандық аурухана салынды. Шалғай елді мекендерде 6 дәрігерлік-амбулатория, 1 фельдшерлік-акушерлік пункт, 7 медициналық бекет бой көтерді.
Тәуелсіздік жылдарында 36 білім ошағы салынып, апаттық жағдайдағы мектептер 98% жойылды. Биыл Мемлекет басшысының тапсырмасымен Сексеуіл кентінде салынған 300 орындық мектеп жаңа оқу жылында ашылады.
Тәуелсіздіктің алғашқы жылдары ауданда 356 кәсіпкерлік субъекті болса, қазір бұл көрсеткіш 4299 жетті.
Биылғы жауынның аз мөлшерде түсуі мен ауа температурасының өте жоғары болуынан орын алған қуаңшылық мәселесі өзекті болып отыр. Бүгінгі күнге дейін 590 мал басының өлімі тіркелді. Ағымдағы жылдың 12 шілдесінен бастап Арал ауданының аумағына төтенше жағдай режимі енгізілді.
Шаруаларды қолдау мақсатында Үкімет резервінен 1,7 миллиард теңге, облыс бюджетінен 250 млн.теңге бөлінді. Мұнан бөлек, Қазақстан теннис федерациясының президенті Б.Өтемұратовтың қорынан 263 млн. теңге көмек көрсетілді. Оған аудандағы аз қамтылған отбасыларға 98 млн. теңгеге 898,4 тн. бидай кебегі алынды. Аманөткел елдімекеніндегі «Асапай» су ағытқысы іске қосылады. Мал азығын дайындайтын сервистік орталықтар құруға 2 селолық тұтыну кооперативіне екі бірлік арнайы техника алынды.
Индустрияландыру бағдарламасы шеңберінде 7 жоба жүзеге асырылып, 285 жұмыс орыны құрылады. Мемлекеттік бағдарламалар аясында қаржы институттарымен 95 жобасы қолдау тауып, 445 тұрақты жұмыс орыны ашылды.
Құрылыс саласында 3,1 млрд. теңгенің жобалары іске асырылуда.
«Дағдарыс-мүмкіндік» формуласы негізінде Қазақстан қиын сәттерде жұдырықтай жұмылып, сынақтардан шынығып, жаңа жоспарлармен алға қадам басып келеді. Тәуелсіз Қазақстанмен бірге Аралдың да келешекке сенімі мол. Ең бастысы елдің ауызбіршілігінің және атқарылған осы сан-алуан жұмыстың нәтижесінде барлық мәселелер кезең-кезеңімен өз шешімін тауып келеді.
<img src="https://kyzylorda-news.kz/wp-content/uploads/2021/08/dsc_1864-scaled.jpg" alt="" />
<img src="https://kyzylorda-news.kz/wp-content/uploads/2021/08/1-19-scaled.jpg" alt="" />
<img src="https://kyzylorda-news.kz/wp-content/uploads/2021/08/dji_0012-scaled.jpg" alt="" />
DCIM\101MEDIA\DJI_0012.JPG
<img src="https://kyzylorda-news.kz/wp-content/uploads/2021/08/7y1a0680-scaled.jpg" alt="" />

Қазақстан және Қызылорда облысының жаңалықтары