<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 52 адам коронавирус жұқтырды. Індет ПТР арқылы расталды, деп хабарлайды&nbsp;COVID-19 таралуына жол бермеу жөніндегі ведомствоаралық комиссия.
Коронавирус індетіне шалдыққандар Атырау және Шығыс Қазақстан облыстарында көп анықталғаны белгілі болды.
Аймақтар бойынша:
<ul>
<li>Нұр-Сұлтан қаласы – 1</li>
<li>Ақмола облысы – 3</li>
<li>Ақтөбе облысы – 2</li>
<li>Алматы облысы – 4</li>
<li>Атырау облысы – 11</li>
<li>Шығыс Қазақстан облысы – 11</li>
<li>Батыс Қазақстан облысы – 6</li>
<li>Қарағанды облысы – 5</li>
<li>Қостанай облысы – 3</li>
<li>Павлодар облысы – 1</li>
<li>Солтүстік Қазақстан облысы – 5</li>
</ul>
Жалпы ел бойынша ауырғандар саны 106 855.

Қызылордада коронавирус жұқтырғандар тіркелген жоқ

<a href="https://kyzylorda-news.kz/">Kyzylorda-news.kz.</a> 14 қыркүйек күні еліміздің барлық аумағында жауын-шашынсыз жылы ауа райы күтіледі. Алайда, кезекті циклонның жырасы Батыс Қазақстан облысына ықпал ете бастайды, өңірдің кей жерлерінде найзағай, жаңбыр, екпінді жел болжанады.
Республиканың солтүстік-батысы мен қиыр солтүстігінде түңгі және таңғы сағаттарда тұман болады.
Қызылорда облысының күндіз кей жерлерінде жел 15-20 м/с күшейеді.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Шиелі ауданында жеке тұрғын үйдің алдында тұрған “Газель” маркалы автокөлігі толығымен жанып кетті.
<blockquote>
 “Хабар түсісімен оқиға орнына №13 өрт сөндіру бөлімінен АЦ–7-40 – Камаз-53213 өрт сөндіру автокөлігімен 4 қызметкер барды. Өртенген автокөлікке газ қондырғысы орнатылғандығы анықталды. Өрттің шығу себебі мен одан келген шығын анықталуда”, – делінген ТЖД баспасөз қызметінің забарламасында.
</blockquote>

Шиеліде аулада тұрған автокөлік жанып кетті

<a href="https://kyzylorda-news.kz/">Kyzylorda-news.kz.</a> Ағзаны баптап, аз ұйықтап үйренуге бола ма? Күндіз көз іліп алғанның пайдасы бар ма? Ал біз ұйықтап жатқанда ми немен айналысады? Бұл сұрақтарға жауап беру үшін, назарыңызға америкалық Sleep Health Foundation ұйымының материалын аударып, ұйқы туралы 8 мифті ұсынамыз.
№1 миф: Ұйқы кезінде ми жұмысы тоқтайды
Шын мәнінде ұйқы кезінде ми белсенді жұмыс істейді. Ол өткен күндегі ақпаратты өңдеп, оны жадыға бекітеді. Бұл – когнитив функцияны орындау үшін керек процесс.
№2 миф: Аз ұйықтап үйренуге болады
Ұйқыға қажет уақыт әр адамда әртүрлі. Орта есеппен ересек адамға бір тәулікте 8 сағат ұйықтау керек. Кейбіріне бұл да жеткіліксіз болуы мүмкін. Қалай болғанда да қажет уақыттан азырақ ұйықтап, ағза жүйесін өзгертуге болады деген ой – алдамшы. Ұйқы – ағза қалыпқа келетін уақыт. Сондықтан ұйқы қанбай қалса, ағза дұрыс жұмыс істемейді.
№3 миф: Бір ұйықтағанда молынан ұйықтап алып, апталап аз-аздан ұйықтауға болады
Алдын ала ұйқы қандырып, күш жинап алу мүмкін емес. Адам биоритмі бүкіл ағза жұмысын синхрондауға ықпал етеді және ұйқы – ағзаның қалыпқа келетін ең негізгі кезеңі. Оны өткізіп жіберуге болмайды. Толыққанды, тұрақты ұйқы когнитив процесті жақсартады.
№4 миф: Күндіз ұйықтағанның пайдасы жоқ
Түнде қанбай қалған ұйқының орнын күндіз толтыруға болады. Адамдар күндізгі ұйқыдан соң ұйқы-тұйқысы шыққандай болуы мүмкін. Бұл “ұйқы инерциясы” деп аталады. Алайда 15-20 минуттан кейін ағза қалпына келеді.
№5 миф: Біз режимдегі өзгеріске бірден бейімделе аламыз
Циркад ырғақ бұзылса (күн мен түннің ауысуы), бүкіл ағза әлсірейді. Ағзаның ерекшелігіне қарай адам қалыпты режимге бірнеше күн ішінде орала алады, алайда бір күн ішінде бейімделу мүмкін емес.
№6 миф: Адам қартайған сайын аз ұйықтайды
Біздің толыққанды ұйқыны қажетсінуіміз жас өскен сайын өзгермейді. Өсе келе адамға ұйқының қанбауы ауыр тимеуі мүмкін, бірақ мұның да кері салдары бар.
№7 миф: Әрдайым қорылдап ұйықтау – норма
Анда-санда қорылдап ұйықтау – қарапайым проблема, алайда әрдайым қорылдап ұйықтаған адамның тыныс алу жүйесінде проблема болуы мүмкін.
№8 миф: Жайсыз ұйқының негізгі себебі – стресс
Стресс ұйқыға кері әсер етеді, бірақ оны жайсыз ұйқының негізгі себебі деуге болмайды. Ең бірінші ұйқы режиміне, оның мөлшеріне, ұйқы мен бөлме жағдайына назар аудару қажет.
<a href="https://massaget.kz/layfstayl/Zdorove/63131/">Massaget.kz</a>

Ұйқы туралы 8 миф

<a href="https://kyzylorda-news.kz/">Kyzylorda-news.kz.</a> Өткен тәулікте тағы 74 адамда коронавирус диагнозы расталды, деп хабарлайды денсаулық сақтау министрлігі.
Оның ішінде:
<ul>
<li>Алматы қаласында – 14322(+6),</li>
<li>Нұр-Сұлтан қаласында -13942(+7),</li>
<li>Атырау облысында – 10995(+8),</li>
<li>Қарағанды облысында – 10188(+7),</li>
<li>Шығыс Қазақстан облысында – 8394 (+14),</li>
<li>Батыс Қазақстан облысында – 6809(+7),</li>
<li>Шымкент қаласында -5183(+0),</li>
<li>Алматы облысында – 4933(+7),</li>
<li>Жамбыл облысында – 4107(+1),</li>
<li>Солтүстік Қазақстан облысында – 4013(+5),</li>
<li>Павлодар облысында – 3876(+4),</li>
<li>Қостанай облысында – 3446(+2),</li>
<li>Ақмола облысында – 3441(+3),</li>
<li>Түркістан облысында – 3356(+1),</li>
<li>Маңғыстау облысында – 3337(+0),</li>
<li>Қызылорда облысында -3233(+0),</li>
<li>Ақтөбе облысында -3228(+2).</li>
</ul>
Наурыздан бері республикада барлығы 106 803 адам індетке шалдықты.

Қазақстанда коронавирус жұқтырғандар саны көбейді

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов әлеуметтік желідегі парақшасында білім басқармалары мен бөлімдері басшыларының телефон нөмірін жариялады.
<blockquote>
 “Әрбір білім бөлімінің немесе білім басқармасының басшысы туындаған мәселелерді өз деңгейінде уақытылы және сапалы шешуі қажет. Өңірдегі салаға қатысты барлық жағдайдан хабардар болып, халықтың сұрағына дер кезінде жауап беруі тиіс. Сондықтан басшылардың барлығына өз WhatsApp нөмірлерін жариялап, келіп түскен сұрақтар мен туындаған мәселелер бойынша шешімдерді шұғыл қабылдау тапсырылды”, – деп жазды министр&nbsp;<a href="https://web.facebook.com/askhat.aimagambetov/posts/10217063343392003">Facebook-те.</a>
</blockquote>
Енді ата-аналар өз өңіріндегі білім басқармасының басшысына тікелей хабарласа алады.
Биыл Қазақстанда жаңа оқу жылы қашықтан оқыту форматында басталды. Десе де, бастауыш сынып оқушылары үшін мектептерде кезекші сыныптар ашылды. Шалғай ауылдарда да балалар мектепке барып оқып жүр.
Денсаулық сақтау министрлігі дәстүрлі форматқа оралу әлі ерте деп санайды. Сол себепті бірінші тоқсанда оқушылар үйден білім алады.

Әлеуметтік желіде білім басқармалары  басшыларының телефон нөмірлері жарияланды

<a href="https://kyzylorda-news.kz/">Kyzylorda-news.kz</a>. Сөйлеу мәнерін меңгеру – бір өнер. Ашық, айқын, айшықты айтылған сөз сүбелі де сырлы. Әр сөздің дыбысы, әр адамның дауысы айқын күмбірлеп тұрса, оған құлақ салмайтын жан аз болар?
Ойды шебер әрі көркем жеткізу үшін төрт факторды назарға алу керек. Олар: дем, сөйлеу мәнері, дауыс және ойды дұрыс жеткізу. Тыныс алудан адамның сөйлеу мәнері қалыптасады.
Сөйлеу мәнерін қалыптастыру мен дыбыстарды айқын айту үшін түрлі жаттығулар жасау керек. Сөздік қорды байытып, ойды нық жеткізуге дағдыланған абзал. Бойдағы талантты тұншықтырмаудың бір жолы – еңбектену. Ендеше еңбектену жолында келесі ережелерді ескере жүрген жөн-ақ.
→ 1. Дауысты дыбыстардың шығуына кедергі келтірмейтіндей, дыбыс тамақта тығылмай еркін шығатындай үлкен тіл мен кішкентай тілді икемге келтіру керек.
→&nbsp;2. Денені әрқашан еркін ұстау маңызды. Тамақ пен мойын сіресіп тұрмағаны дұрыс.
→&nbsp;3. Сөйлегенде дауысты дыбыстарға баса мән беріп, анық әрі созыңқырап айту керек.
→&nbsp;4. Иек пен жақ еркіндікте болып, тістің ашық болуын қадағалау қажет.
→&nbsp;5. Тамақтың сырқаттанып қалуынан сақтану керек. Ол үшін өте ыстық, мұздай, ащы және тұщы тағамдарды талғап жеу қажет.
→&nbsp;6. Темекі тарту, ішімдік ішу – дауысқа кедергі келтіреді. Тіпті айтарлықтай зиянын тигізуі де мүмкін.
→&nbsp;7. Сөйлеу мәнері үшін дұрыс дем алу маңызды. Ол үшін демге қатысты кей жаттығуларды жиі жасап тұру керек.
<a href="https://massaget.kz/layfstayl/zhadnama/55389/">Massaget.kz</a>

Сөйлеу мәнерін жетілдіруге арналған 7 кеңес

<a href="https://kyzylorda-news.kz/">Kyzylorda-news.kz.</a> 19-20 қыркүйек күндері Нұр-Сұлтан қаласында Қызылорда облысының ауыл шаруашылығы өнімдерінің жәрмеңкесі өтеді. Аталған шара «Хан Шатыр» сауда орталығының жанында, яғни Тұран даңғылы мен Қонаев көшесінің қиылысында болады. Жәрмеңке ашық алаңда карантиндік ережелерді сақтай отырып ұйымдастырылмақ.
Елордадағы атаулы шараға Сыр елінің өнімдері тиелген 25 жүк көлігі барады. Атап айтсақ: балық&nbsp;және балық өнімдер – 25 тонна, күріш – 146 тонна, қауын, қарбыз – 96 тонна, асқабақ – 28 тонна, көкөніс, жемістер – 18 тонна, сүт өнідері, шұбат, бал, тары, талқан – 10 тонна. Сондай-ақ Қызылорданың брендіне баланған балықты Арал мен Қазалы ауданындағы арнайы сервистік- дайындау орталықтары жеткізетін болады. Ал сүт өнімдерін, басқа да тез бұзылатын тауарларды апаруға рефрижератор автокөліктер даярланған.

Елордаға Қызылордадан 300 тонна өнім жөнелтіледі

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова облыс тұрғындарын Отбасы күнімен құттықтады.
Қадірлі жерлестер!
Халқымыз үшін отбасы – қашан да қасиетті де қастерлі ұғым. 
Отбасы құндылығы қай кезеңде де, қай мемлекетте де саясаттың ең маңызды бөлігі болғаны белгілі. Елбасымыз Нұрсұлтан Әбішұлы Назарбаевтың «Отанға деген сүйіспеншілік отбасынан басталады. Туған шаңырақтан алған тәрбие – бұл барша халқымыздың бақуатты да табысты болашағының кепілі», – деген сөзі бар.
Отанды сүюге тәрбиелейтін бірден-бір орта ол – отбасы. 
Отбасын құрайтын үштаған – әке, ана, бала. Үштағанның үйлесімді дамуы мемлекет іргетасының берік болуына, тәуелсіздігіміздің сақталуына қызмет етеді.
Сондықтан, отбасындағы тәрбиенің маңызы аса зор. 
Осы мақсатта 2013 жылы Президент Жарлығымен қыркүйек айының екінші жексенбісі «Отбасы күні» деп жарияланды. Отбасы күнін арнайы бекітіп, Қазақстан Республикасындағы кәсіптік және өзге де мерекелер тізіміне енгізу – қоғамның назарын отбасы құндылықтарын нығайтуға аудару еді.
Ана мен баланы қорғауға арналған қаржы, көпбалалы отбасыларына берілетін мемлекеттік жәрдемақылар көлемі жыл сайын көбеюде. 
Аймағымызда 141 мың отбасы болса, оның 23 432-сі көпбалалы отбасы. Жыл басынан бері 9 888 отбасыға 6 030,2 млн.теңге көлемінде әлеуметтік көмек көрсетілді. Тұрғын үй көмегін көрсетуге 418,8 млн.теңге қаралып, 4 029 отбасына 122,7 млн.теңге төленді. 
Сонымен қатар, жыл басынан бастап Қазақстанда көпбалалы отбасыларға арналған жеке жәрдемақы енгізілді. Бұл жәрдемақы төрт және одан да көп кәмелетке толмаған немесе 23 жасқа дейінгі күндізгі бөлімде оқитын студент балалары бар отбасыларға арналған. Мемлекеттен берілетін көмектің мөлшері бала санына байланысты. Төрт және жеті баласы бар отбасы 44 448 теңгеден 77 784 теңгеге дейін ала алады. Алайда, қолданыстағы ережелер жәрдемақы алушылардың белгілі бір санатының мүдделеріне нұқсан келтірді. Себебі, 16 баласы бар отбасы да 7 баласы бар отбасына арналған жәрдемақы мөлшерін алатын. Осындай олқылықты жою үшін Мемлекет басшысы ағымдағы жылдың 13 мамырында 8 және одан да көп баласы бар отбасыларға арнайы жәрдемақы мөлшерін белгілеген заңға қол қойды. Сонымен, 8 балалы отбасы үшін жәрдемақы – 88 896 теңге, 9 балаға – 100 008 теңге, 10 балаға – 111 120 теңге, 11 балаға – 122 232 теңге, 12 балаға – 133 344 теңге, 13 балаға – 144 456 теңге, 14 балаға – 155 568 теңге, 15 балаға – 166 680 теңге, 16 балаға – 177 792 теңге мөлшерінде белгіленген. Бұл жәрдемақы өңірімізде 23 мыңнан астам отбасына төленуде.
«Нұрлы жер» мемлекеттік бағдарламасы аясында жыл соңына дейін 698 отбасы, оның ішінде 431 көпбалалы отбасы сатып алу құқығынсыз жалға берілетін тұрғын үймен қамтамасыз етіледі. 
Сондай-ақ, 115 отбасына кредиттік тұрғын үй берілсе, жеке құрылыс салушылар есебінен 156 пәтерлі 4 тұрғын үй пайдалануға берілетін болады.
Мемлекет басшысы Қасым-Жомарт Кемелұлы Тоқаевтың тапсырмасына сәйкес өңірімізде отбасы институтын дамыту жұмыстары жүргізіле береді.
Құрметті қызылордалықтар!
Әр отбасының керегесі кең, шаңырағы биік болсын, береке-бірлік арылмасын деп тілеймін 
Еліміз тыныш, Тәуелсіздігіміз баянды болсын!

Гүлшара Әбдіқалықова Отбасы күнімен құттықтады

<a href="https://kyzylorda-news.kz/">Kyzylorda-news.kz.</a> 2013 жылы Елбасы Нұрсұлтан Назарбаев «Қазақстан Республикасындағы кәсіптік және өзге де мерекелер» туралы Жарлыққа өзгеріс енгізіп, қыркүйектің екінші жексенбісін Отбасы күні деп белгілеген болатын.
Отбасы-адамзат баласының дүниеге шыр етіп келгенде, есігін айқара ашып енетін үйі, өсіп ержететін, тәрбие алатын аса қажетті, әрі қасиетті алтын бесігі. Қай заманда, қай елде болмаса да отбасының адамзат ұрпағына ықпал мен әсерін өмірдегі басқа еш нәрсені еш нәрсенің күшімен салыстыруға болмайды.&nbsp;&nbsp;
Отбасының ең маңызды қызметтерінің бірі – тәрбиелеушілік міндеті, оны қоғамдық тәрбиенің ең тиімді деген жүйесі де алмастыра алмайды. Оның негізгісі – баланы өмірге келтіру ғана емес, сонымен бірге оған әлеуметтік-мәдени ортаның құндылығын қабылдаттыру, үлкен ұрпақтың тәрбиесін жас ұрпаққа жеткізу, бойына сіңірту, яғни балаларын өздерін қоршаған ортаға және қоғамға пайдалы азамат етіп өсіру әке-шешенің ең маңызды міндеті.&nbsp;
&nbsp;Ата-ананың, басқа да отбасы мүшелерінің өмір сүру тәжірибесі, жүріс-тұрысы, өз міндеттерін таза атқару, бір-бірін құрметтеп сыйлауы – бәрі де үлкен мектеп, тәрбиелік мәселе. Отбасынан тыс та тәрбие бар. Қазақ «Ұлың өссе, ұлы жақсымен, қызың өссе, қызы жақсымен ауылдас, көршілес бол»,- дейді.&nbsp;
Ата-ананың жүріс-тұрасы, сөйлегені, іс-әрекеттерінің барлығы барлығы бала үшін үлгі. Осы негізде бала алдында ата-ана өте байсалды, сабырлы болып, жақсы тәрбие көрсетуі керек. Мәселен Абай Құнанбаевтың он тоғызыншы қара сөзінде: «Адам ата-анадан туғанда есті болмайды: естіп, көріп, ұстап, татып ескерсе, дүниедегі жақсы, жаманды таниды дағы, сондайдан білгені, көргені көп болған адам білімді болады. Естілердің айтқан сөздерін ескеріп жүрген кісі өзі де есті болады. Әрбір естілік жеке өзі іске жарамайды. Сол естілерден естіп, білген жақсы нәрселерді ескерсе, жаман дегеннен сақтанса, сонда іске жарайды, сонда адам десе болады. Мұндай сөзді есіткенде шайқақтап, шалықтанып не салбырап, салғырттанып есітсе, не есіткен жерде қайта қайырып сұрап ұғайын деп тұшынбаса, не сол жерде сөздің расына көзі жетсе де, шыға беріп қайта қалпына кетсе, естіп-есітпей не керек? Осындай сөз танымайтұғын елге сөз айтқанша, өзіңді танитұғын шошқаны баққан жақсы деп бір хакім айтқан екен, сол секілді сөз болады»-деп атап өтеді.&nbsp;&nbsp;
Заманға сай отбасында бала тәрбиелеу аса үлкен жауапкершілік пен білімді талап етеді. Қазақ үшін отбасынан киелі ештеңе жоқ. Өмірге келген нәрестеге ана махаббаты мен кіршіксіз таза көңілі ауадай қажет.Отбасы –сыйластық, жарастық орнаған орта. Отбасы- бала тәрбиесінің ең алғашқы ұжымы.&nbsp;М.Жұмабаев&nbsp;былай деген екен:&nbsp;«Ата-аналар баланы тәрбиелегенде дәл өзіндей етіп тәрбиелеуге тырыспау керек,олар баланы өзінен күшті етіп тәрбиелеуі тиіс. Өйткені олардың заманы ата-аналарының өмір сүріп отырған заманына қарағанда анағұрлым күрделі талабы жоғары болатынын ұмытпаған жөн”&nbsp;&nbsp;Баланың тәрбиелі болып өсуіне берекелі отбасының әсері мол. Отбасының ең маңызды қызметтерінің бірі – тәрбие беру. Тәрбие тал бесіктен басталады.&nbsp;&nbsp;&nbsp;
Қасым Аманжолов өзінің жарына арнаған бір өлеңінде: ”Отбасы – шағын мемлекет, Мен – президент, сен – премьер” дегені бар. Шынында, отбасы – ол да бір шағын мемлекет. Әр мемлекеттік өз басқару жүйесі әртүрлі болады. Осы сияқты әр отбасының өз тактикасы, басқару жүйесі болады. Ұрпақтың&nbsp;ер жетіп өсуі, бойындағы алғашқы адамгершілік белгілері отбасында қалыптасатыны белгілі. Жанұя – табиғат сыйлаған кереметтердің бірі. Жеке адамның бойындағы ар – ұятын, ақыл-ойын, адамгершілігін, мәдениеттілігін тәрбиелеуге отбасы – алғашқы қадам. Жанұя – өте қажетті, басқадай еш нәрсемен өзгертуге болмайтын баспалдақ. Отбасының басты қызығы, алтын тіреу діңгегі – бала. Баланың тәрбиелі болып өсуіне берекелі отбасының әсері мол. Жанұяның әрбір мүшесі өзара сөйлесіп, не болмаса ата-ананың, баланың, міндетін атқару ғана емес, береке&nbsp;– бірлік, сүйіспеншілікпен араласса, босағасы берік, шаңырағы биік отбасына айналары сөзсіз. Ата мен ана – бала тәрбиесінің қамқоршысы, өнегесі. Ата – асқар тау, Ана – бауырдағы бұлақ, Бала – жағасындағы құрақ, – деп ата – ана мен баланы табиғаттың тамаша құбылыстарына теңеген халық мақалына қайран қаларсың. Адалдық пен мейірімділік, жауапкершілік пен кешірімділік те отбасында шын ықылас пейілменен баланың көкірегінде орын тебеді. Қазақ отбасында әуелі әке, содан кейін ана, бұлар – жанұя мектебінің ұстаздары болады. Әке мен ананың баласына қоятын ең біріші басты талап – тілектері – баланың «әдепті» болып өсуі. Қазақ халқы отбасындағы тәрбиені ең бірінші орынға қойған. Ата – ана балаларына қандай тәрбие берсе, ертең ол бала өскенде сол тәрбие арқылы өмірдің жаңа баспалдақтарынан өтеді. «Ұяда не көрсең, ұшқанда соны ілерсің» деп қазақ халқы бекер айтпаған.&nbsp;&nbsp;
Әкенің «батырым», шешенің «құлыным» деген сөзін естіген балада жақсы сезім туатыны белгілі. Ғ.Мустафинның&nbsp;«Ата- ананың міндеті- тәрбиелеу және жақсылықты үйрету» деген сөзінде көп тәрбие жатыр.&nbsp;Бала тәрбиесі ол дүниеге келген алғашқы күннен басталады. Өнеглі ұрпақ тәрбиелеу әр ата-ананың арманы және борышы екені даусыз.&nbsp;Әрқашан отбасымыз аман, босағамыз берік болғай.

Бүгін &#8211; Отбасы күні

<a href="https://kyzylorda-news.kz/">Kyzylorda-news.kz.</a> 13 қыркүйек күні атмосфералық фронталды бөліктердің өтуіне байланысты Қазақстанның солтүстігінде, солтүстік-батысында және оңтүстігінде найзағай ойнап, жаңбыр жауады.
Екпінді жел соғады. Елдің қалған аумағында жауын-шашынсыз ауа райы күтіледі. Республиканың батысы мен шығысында кей жерлерде тұман болжанады.
Күндіз Қызылорда облысының кей жерлерінде найзағай, желдің 15-20 м/с күшеюі күтіледі.

13 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың тапсырмасына сәйкес орынбасары Серік Ахмет жұмыс сапарымен Қазалы ауданына барды.
Алдымен облыс әкімінің орынбасары Жанқожа батыр кесенесінде болып, баба рухына тағзым етті.
Одан кейін жаңадан салынып жатқан 600 орындық Мәдениет үйінің жұмысмен танысты.
Мәдениет үйінің құрылыс жұмыстары 2018 жылдың шілде айында басталып, ағымдағы жылдың соңында аяқталады деп жоспарлануда. Құрылыс жұмыстарын жүргізу барысында 80 адам жұмыспен қамтылған. Бас мердігер «Қаз Құрылыс Сервис» ЖШС-ның директоры Ештай Шадияр атқарылған жұмыстар туралы баяндады. Серік Ахмет құрылыс жұмыстарын сапалы жүргізіп, мерзімінде аяқтауды тапсырды.
Сонымен қатар Серік Ахмет ескі Жанкент қалашығының жұмысымен танысып, Сырдария өзенінің Абай ауылы тұсындағы қалқымалы көпірге барды.
Жанкент қалашығы республикалық санаттағы археологиялық ескерткiштердiң бiрi. 2018 жылы жалпыхалықтық маңызы бар киелі орын санатына енгізілді. Жалпы аумағы 45 гектар жерді құрайды. Жанкент қалашығына зерттеу жұмыстары 2005 жылы басталған. Археологиялық қазба жұмыстары 2014 жылы қайта жаңартылып, әлі күнге дейін жүргізілуде. 2019 жылы қорғанның оңтүстік-шығыс қабырғаларына қайта жаңғырту жұмыстары жүргізілген.
Абай ауылы тұсындағы көпірдің ұзындығы 45 метрді құрайды. 2020 жылы қалқымалы көпірді күтіп ұстауға жергілікті бюджеттен қаржы бөлініп, мемлекеттік сатып алу конкурсы нәтижесінде «EL QYZMET» ЖШС жеңімпаз болып танылған. Жеңімпаз мекеме көпірдің техникалық жағдайын қадағалап, қайықтарға ағымдағы жөндеу, сырлау жұмыстарын атқаруда. Қалқымалы көпірдің 25 қайығы бар. Сонымен қатар өзен деңгейіне байланысты көліктердің қауіпсіз өтуін қамтамасыз ету, қыс айларында өзеннен сең жүруіне орай қайықтарды жағаға шығарып, тасымалдау мердігер мекеме тарапынан жүзеге асырылады.
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.01.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.04-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.02-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.02.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.03-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.01-1.jpeg" alt="" />

Қазақстан және Қызылорда облысының жаңалықтары

Қызылордада коронавирус жұқтырғандар тіркелген жоқ

Дүйсенбіге арналған ауа райы болжамы

Шиеліде аулада тұрған автокөлік жанып кетті

Ұйқы туралы 8 миф

Қазақстанда коронавирус жұқтырғандар саны көбейді

Әлеуметтік желіде білім басқармалары басшыларының телефон нөмірлері жарияланды

Сөйлеу мәнерін жетілдіруге арналған 7 кеңес

Елордаға Қызылордадан 300 тонна өнім жөнелтіледі

Гүлшара Әбдіқалықова Отбасы күнімен құттықтады

Бүгін – Отбасы күні

13 қыркүйекке арналған ауа райы болжамы

Серік Ахмет жұмыс сапарымен Қазалы ауданына барды (ФОТО)

Қазақстан және Қызылорда облысының жаңалықтары

Қызылордада коронавирус жұқтырғандар тіркелген жоқ

Дүйсенбіге арналған ауа райы болжамы

Шиеліде аулада тұрған автокөлік жанып кетті

Ұйқы туралы 8 миф

Қазақстанда коронавирус жұқтырғандар саны көбейді

Әлеуметтік желіде білім басқармалары басшыларының телефон нөмірлері жарияланды

Сөйлеу мәнерін жетілдіруге арналған 7 кеңес

Елордаға Қызылордадан 300 тонна өнім жөнелтіледі

Гүлшара Әбдіқалықова Отбасы күнімен құттықтады

Бүгін &#8211; Отбасы күні

13 қыркүйекке арналған ауа райы болжамы

Серік Ахмет жұмыс сапарымен Қазалы ауданына барды (ФОТО)

Бүгін – Отбасы күні