<a href="https://kyzylorda-news.kz/date/2020/09/17/">Kyzylorda-news.kz.</a> Достық үйінде аймақта медиация институтын насихаттауға бағытталған «Үздік мақала» және «Үздік репортаж» байқаудың жеңімпаздары марапатталды.
ҚР Тұңғыш Президенті – Елбасы Нұрсұлтан Әбішұлы Назарбаевтың «Қазақстан-2050: Стратегиясы қалыптасқан мемлекеттің жаңа саяси бағыты» атты стратегиясында соттардың жұмысын жеңілдету мақсатында дауларды соттардан тыс реттеу институттарын дамыту арқылы ұсақ-түйек мәселелерді сотқа жеткізбей-ақ шешудің тәсілдерін қарастыру жөнінде нақты тапсырмалар берілген.
Одан бөлек, Қазақстан халқына Жолдауында Қасым-Жомарт Кемелұлы Тоқаев медиация институтын жетілдіру бойынша сөз қозғаған болатын. Расында, қабылданғанына 10 жылға жуық уақыт болған «Медиация туралы» Заң ақпараттандыруды қажет етеді.
&nbsp;«Аймақта медиация институтын ілгерілету» жобасы аясында медиация институтын насихаттауға арналған «Үздік мақала» және «Үздік репортаж» байқаулары үстіміздегі жылғы 10 маусымда жарияланды.
Жалпы алғанда 42 ақпараттық материал жарық көріп, ішінде ірі көлемді және мағыналы деген материалдар таңдалды.
Нәтижесінде «Үздік репортаж» байқауында І орынды «Медиация институты» ролигімен Қ.Мұхамеджанов атындағы №1 мектеп-гимназиясының 11 сынып оқушысы И. Серікбай иеленді. ІІ орынды &nbsp;«Медиация – азаматтық қоғам дамуының көрінісі» репортажымен «Хабар24» телеарнасының тілшісі Н. Жақыпбеков алса, ІІІ орынды «Медиация – мәміле алаңы» репортажымен Qyzylorda телеарнасының тілшісі, «Өңірлік коммуникациялар қызметі» КММ директоры Т. Әлжанов иеленді.
«Үздік мақала» байқауында І орынды әріптесіміз «Медиация – дауды шешудің ең тиімді тәсілі» мақаласымен «Kyzylorda-news.kz» ақпараттық агенттігінің тілшісі Д. Маханова алды. &nbsp;ІІ орынды «Татуласу» тетіктері туралы» мақаласымен Қызылорда облыстық сотының ақпараттық қамтамасыз ету бөлімінің жетекші маманы Н. Нұрбайқызы және үшінші орынды «Медиация саласына қатысты өзекті мәселелер талқыланды» мақаласымен «Сыр бойы» газетінің тілшісі М. Дауылбайқызы иеленді. Жеңімпаздарға Алғыс хаттар мен сертификаттар табысталды.
Қатысушылар өз кезегінде алдағы уақытта халық арасында дауды сотсыз шешу жолдарын насихаттау, медиация институтының қол жетімділігін арттыру бойынша бірлескен іс-шаралар жүргізуге дайын екендігін білдіріп, шара ұйымдастырушыларына алғыстарын жеткізді.

Қызылордада медиацияны  насихаттаған журналистер марапатталды

<a href="https://kyzylorda-news.kz/date/2020/09/17/">Kyzylorda-news.kz.</a> Соңғы екі жылда облыстағы ауыл шаруашылығы мақсатындағы 20533 гектар жер мемлекет меншігіне қайтарылды. Жерді жалға алып, мақсатты пайданбаған учаске иелерімен шарт біржақты бұзылды.
<blockquote>
 «Ағымдағы жылдың 8 айында жалпы 46,308 гектарды құрайтын жер учаскесіне бақылау шарасы жүргізілді. 52 құқық бұзушылық деректері анықталды. 21 дерек бойынша 4192,33 мың теңге көлемінде айыппұл салынып, 3 дерек бойынша ескерту түріндегі әкімшілік жаза қолданылды. Президент Жолдауда жеке қосалқы шаруашылықтардың әлеуетін тиімді пайдалану жолдарын ашып көрсетті. Ол үшін ауыл шаруашылығы жерлерін тиімді әрі мақсатты пайдалануымыз қажет», – деді облыстық жердің пайдалануы мен қорғалуын бақылау басқармасының басшысы Қайрат Тоғызбаев.
</blockquote>
Мақсатты қолданылмай тұрған жерлерді мемлекет меншігіне қайтару жұмыстары жалғасатын болады.

Қызылордада игерусіз жатқан жер телімдері мемлекетке қайтарылды

<a href="https://kyzylorda-news.kz/date/2020/09/17/">Kyzylorda-news.kz.</a> Қызылорда облысының медициналық мекемелері жаңа жедел жәрдем көліктерін пайдалануға алды. Бұған дейін облысқа ӨЖЖ аппараттары, пульсоксиметрлер және оттегі концентраторлары бар гуманитарлық жүк келген болатын.
Бұл көмек «Самұрық-Қазына» АҚ мен ҚР Денсаулық сақтау министрлігі арасындағы ынтымақтастық туралы Меморандум аясында көрсетілді. «Самұрық-Қазына» АҚ компаниялар тобы қайырымдылығының бірыңғай операторы – «Samruk-Kazyna Trust» Әлеуметтік жобаларды дамыту қоры қажетті жабдықтарды сатып алып, оларды өңірлерге жіберді.
Қызылорда облысына 20 оттегі концентраторы, 50 пульсоксиметр және бір өкпені жасанды желдету аппараты (ӨЖЖ) жеткізілді. Сондай-ақ, облысқа Shevrolet Damas маркалы 4 жедел жәрдем көлігі келді.
<blockquote>
 «Қармақшы аудандық ауруханасына жеткізілген медициналық көлік халық игілігі үшін жұмыс істейтін болады. Осының арқасында жедел жәрдем бөліміне келіп түскен шұғыл шақыруларға уақытылы қызмет көрсету мүмкіндігі артады. Дәрігерлердің жұмысына көмек көрсету – халықтың денсаулығын жақсартуда үлкен қолдау деп есептеймін», – деп атап өтті Қармақшы аудандық ауруханасының бас дәрігері Бақытжан Нысанбаев.
</blockquote>
Айта кетейік, мұндай жиынтықтарды әрбір облыс, сондай-ақ республикалық маңызы бар қалалар алады.
<blockquote>
 «Бұл шаралардың барлығы біздің медицинамыздың жұқпалы аурулармен, соның ішінде COVID-19 коронавирустық инфекциямен күресуге дайындық деңгейін арттыруға және ұлттық денсаулық сақтау жүйесін нығайтуға бағытталған», – дейді «Samruk-Kazyna Trust» Қорының ресми өкілі Мирас Іргебаев.
</blockquote>
Еске сала кетейік, Меморандум аясында республикамыздың Денсаулық сақтау жүйесін ұйымдастыруға 100 жедел жәрдем көлігі, 1 000 оттегі концентраторы, 50 ӨЖЖ аппараты, 1 000 пульсоксиметр жеткізілетін болады.
<img src="https://kyzylorda-news.kz/wp-content/uploads/2020/09/foto-001-scaled.jpg" alt="" />
<img src="https://kyzylorda-news.kz/wp-content/uploads/2020/09/foto-003-5-scaled.jpg" alt="" />
<img src="https://kyzylorda-news.kz/wp-content/uploads/2020/09/fb_img_1600341123314.jpg" alt="" />

COVID-19: Қызылордадағы ауруханаларға медициналық жабдықтар мен жедел жәрдем көліктері жеткізіліп жатыр

<a href="https://kyzylorda-news.kz/date/2020/09/17/">Kyzylorda-news.kz.</a> Қызылорда қаласына қарасты Ақсуат ауылдық округі «Ауыл – ел бесігі» республикалық бағдарламасы аясында қаржылай қолдау тапқан. Қаралған қаржыға ауылдағы 1982 жылы салынған №143 орта мектепке араға 38 жыл салып күрделі жөндеу жұмыстары жүргізілді. Бүгінде құрылыс толығымен аяқталып, 12 кезекші сыныпқа балалар қабылданған.
Сонымен бірге, ағымдағы жылы ауылда 16 көше орташа жөндеуден өтіп, оның 7 көшесіне асфальт салынса, қалған 9 көшеге қиыршық тас төселіп болады. Үнемделген қаржы есебінен тағы 5 көшеге жыл соңына дейін орташа жөндеу жұмыстары жүргізіледі деп жоспарлануда. Аталған жұмыстар негізінде ауылдың жұмыссыз жүрген 40 азаматы жұмыспен қамтылған.
Ақсуаттықтар үшін тиімді болған «Ауыл – ел бесігі» бағдарламасына сай ауыл орталағында орналасып, бұған дейін жөндеу көрмеген Ү.Тоқмағамбетова көшесіне де асфальт төселген. Асқарбек Темірбекұлы жолды қабылдау барысында сапасына мән беру керектігін баса айтты.
Қала әкімінің орынбасары Асқарбек Есжанов өткен жылы күрделі жөндеуден өткен «Асыл-Ай» бөбекжай – бақшасына аялдап, қажетті жабдықтарына облыстық бюджеттен қаржы бөлінген балабақшаның материалдық-техникалық базасын тексерді.
Ауылда қаладан шыққан пайдалануға жарамды бағдаршам, жарық бағаналары, жаяу жүргінші жолдарына қажетті құрылыс заттарын тиімді пайдаланып, ауылдың қажеттілігіне жаратуда жолға қойылған. Мәселен, Ж.Маханбетов ауылының орталық көшелерінің 1,6 шақырымына қалада пайдаланылған брусчаткалар мен бордюрлап пайдаланылып, тротуар салынған.
Ағымдағы жылы «Жұмыспен қамту жол картасы» мемлекеттік бағдарлама аясында қаржы қаралып, күрделі жөндеуден өтіп жатқан нысанның бірі Ақжарма ауылдық округіндегі «Облыстық наркология орталығына» қарасты медициналық бөлімше.1983 жылы іргетасы қаланған 100 орындық нысанды қайта қалпына келтіру жұмыстарына «Болашақ Интернэйшн Девелопмент» ЖШС жауапты. Қазір қайта жаңғырту 60 пайызға орындалған, мердігер желтоқсан айына дейін толығымен аяқтауды межелеп отыр. 
Асқарбек Темірбекұлы жауапты мекеменің жұмысы қадағалауда болатынын ескертіп, нысандағы жөндеу жұмыстарына қарқын қосуды тапсырды.
Ауылдық округке қарасты Талдыарал елді-мекенінде жол мәселесі толығымен шешілген. Биыл ауылда ауыз су мен кәріз құбырлары да толығымен жаңартылды. 900-ге тарта тұрғыны бар Талдыаралда жаңадан қоныстанушыларға жер беру қарқынды жүргізілуде.
Қазір 200 ден аса жер телімі ашылып, қиыршық тас төселіп, ауыз су құбыры тартылған. Ендігі кезекте жарық жүйесін жеткізу мәселесі тұр.
<img src="https://kyzylorda-news.kz/wp-content/uploads/2020/09/2-1-scaled.jpg" alt="" />
<img src="https://kyzylorda-news.kz/wp-content/uploads/2020/09/3-2-scaled.jpg" alt="" />
<img src="https://kyzylorda-news.kz/wp-content/uploads/2020/09/4-1-scaled.jpg" alt="" />
<img src="https://kyzylorda-news.kz/wp-content/uploads/2020/09/7-2-scaled.jpg" alt="" />

Қызылорда: &#8220;Ауыл &#8211; ел бесігі&#8221; бағдарламасы елді мекендерді көркейтуде

<a href="https://kyzylorda-news.kz/date/2020/09/17/">Kyzylorda-news.kz.</a> Облыста «Өңірдің геоақпараттық жүйесі» құрылады. Жоба негізінде жерге қатысты деректер сандық форматқа көшіріліп, рәсімдеу мерзімі қысқарады. Бұл туралы Өңірлік коммуникациялар қызметінің ақпарат алаңында облыстық жер қатынастары басқармасы басшысының міндетін атқарушы Ғалымжан Қарабаев мәлімдеді.
Соңғы бес жылда 430 мың га ауыл шаруашылығы жері айналымға енгізілді. Биылға 60 мың га жер учаскесін табыстау жоспарланған. Жер қатынастары саласын цифрландыру, одан әрі дамыту үшін ҚР Жер кодексіне өзгерістер енгізілетін болады.
<blockquote>
 «Бұл өзгерістер жер саласындағы бюрократиялық рәсімдерді болдырмау, жер беру рәсімдерін біріздендіру, қағазсыз қызмет көрсету, жер рәсімдеудің барлық кезеңінде ашықтықты қамтамасыз етуге мүмкіндік береді. Бастысы, конкурс арқылы ауыл шаруашылығы мақсатындағы жерді рәсімдеу мерзімі 6 айдан 1 айға дейін, ал басқа мақсаттағы жерлерді рәсімдеу 2 айдан 15 күнге қысқарады. Оны облыста жүзеге асыру үшін «Өңірлік геоақпараттық жүйесін» құрамыз. Қазір жұмыстар жүргізілуде», – деді Ғалымжан Мырзахметұлы.
</blockquote>
Мал шаруашылығын дамыту бағытында да шалғай ауылдардағы су көздерін түгендеу жұмыстары жүргізіледі.

Қызылордада «Өңірдің геоақпараттық жүйесі» құрылады

<a href="https://kyzylorda-news.kz/">Kyzylorda-news.kz.</a> Сенат депутаты Мұхтар Құл-Мұхаммед қашықтан оқып жатқан оқушыларды тегін интернетпен қамтамасыз етуді талап етті, деп хабарлайды <a href="https://sputniknews.kz/society/20200917/14982170/oqushylar-tegin-internet.html">Sputnik Қазақстан</a>.
Ол қазіргі таңда Bilimland.kz, Daryn.online және Kundelik.kz негізгі білім беру платформалары екенін атап өтті. Әр мектеп қандай платформаны қолданатынын өзі шешеді. Бірақ, депутаттың айтуынша, барлық отандық білім платформаларына ортақ бір кемшілік бар: жұмыс істеу жылдамдығы төмен. Ата-аналар мен мұғалімдер тарапынан да осыған қатысты көп сын айтылуда.
<blockquote>
 _“Шетелдік онлайн ресурстар мен қосымшалар интернет-трафиктің дәл сондай көлемімен анағұрлым жылдам жұмыс істейді. Алматы қаласында оқудың бірінші күні-ақ Bilimland платформасына 70 мыңнан астам қолданушы қосылған сәтте, жүйе істен шықты. Цифрлық даму, инновациялар және аэроғарыш өнеркәсібі министрлігі ұялы байланыс операторымен бірлесіп іске қосқан “Білім” тарифі де белгілі бір сұрақтар туындатып отыр”, – деді Мұхтар Құл-Мұхаммед. 
 _
</blockquote>
Айтуынша, “Білім” тарифімен қазақстандық білім ресурстарына ғана шексіз кіруге болады. Ал шетелдік білім беру ресурстарына кіруге мүмкіндік беретін ай сайынғы 1 Гб қосымша интернет-трафик жеткіліксіз. Мәселен, видеобайланыстың стандартты сапасы кезінде және оған үш немесе одан да көп адам қатысатын болса, Zoom қосымшасы сағатына 810 Мегабайтты талап етеді. Ал гигабайт 1000 мегабайтқа тең.
<blockquote>
 “Қолданушылар осы лимиттен тыс интернет-трафикті өз қалтасынан төлеуге мәжбүр. Оқушылардың ата-аналары тариф аясында трафиктің көлемін ұлғайтуды сұрап отыр. Қашықтықтан оқыту жағдайында оқушыларды тегін интернетпен қамтамасыз ету азаматтардың мемлекеттік оқу орындарында тегін орта білім алуға конституциялық кепілдіктеріне байланысты негізделген болып табылады”, – деді Құл-Мұхаммед.
</blockquote>
Сенатор мәселенің балама шешімі ретінде ай сайынғы абоненттік төлем құнын аз ғана өсіре отырып, қосымша интернет-трафикті арттыру мәселесін қарастырған дұрыс деп санайды.

Сенатор үйден оқып жатқан оқушыларды тегін интернетпен қамтамасыз етуді талап етті

<a href="https://kyzylorda-news.kz/">Kyzylorda-news.kz.</a> 1 қыркүйек күні Жаңа оқу жылының басталуымен қатар Мемлекет басшысы Қасым-Жомарт Кемелұлы Тоқаевтың еліміздің даму жолын айқындайтын кезекті Жолдауы жарияланды.Бүкіл әлем үшін жауапты кезеңде мемлекеттік дамудың барлық саласын қамти отырып, стратегиялық бағыттарымызды айқындай түскен Президент Жолдауы жаңа міндеттер жүктеді.
Мемлекет басшысы өз Жолдауында Үкіметке, оның ішінде құқық қорғау органдары саласына бірқатар нақты тапсырмалар берді.Он бір тармақтан тұратын Жолдаудың басты міндеті – мемлекеттік биліктің халық алдындағы жауапкершілігін және азаматтардың әл-ауқатын арттыру болып табылады.Мемлекет басшысы «Жаңа жағдайдағы Қазақстан: іс-қимыл кезеңі» атты Жолдауының «Әділетті мемлекет азаматтардың мүддесін қорғау жолында» атты бөлімінде Заң үстемдігі жөнінде көптеген келелі ойлар айтты. «Жағдай жедел өзгеруде. Күштік құрылымдар жұмыстың озық әдістеріне көбірек ден қойған сайын олардың халықаралық тәжірибелерге бейімделу мүмкіндігі арта түседі. Еліміздегі бүгінгі ахуалға орай азаматтардың сұраныстарына ықылас танытуға тиіс құқық қорғау органдарының алдына жаңа талаптар қойылуда. Бірақ құқық қорғау жүйесінің жұмысында бұрынғы дағды бойынша айыптауға бейімділік басымдау болып тұр. Азаматтардың қылмыстық жауапкершілікке негізсіз тартылатын жағдайлары да аз кездеспейді» деген Президент көрсеткіш қуалап азаматтардың сенімі мен бостандығына селкеу түсіруге болмайтынын атап өтті.Осы ретте біздің алдымызға
«Полиция қылмысты анықтап, оған қатысы бар адамдарды тауып, айғақ жинап, оны тиянақтап беруге тиіс» деп нақты міндет қойды. 
Әділетті қоғам қағидасы, заң үстемдігі, азаматтардың қауіпсіздігіне кепілдік беру секілді ұғымдар жөнінде жаңа тұрғыда терең ой қозғады.Мемлекет басшысының биылғы Жолдауында «Халық үніне құлақ асатын мемлекет» тұжырымдамасы аясында жергілікті полиция қызметі жетілдіріледі. Бұл жерде бас¬ты рөл құқық бұзушылықтың алдын алу саласындағы негізгі буын учаскелік полиция инспекторларына беріледі деп жоспарлануда. Учаскелік полиция инспекторларының мәртебесін арттыру бойынша заңнамалық сипаттағы шаралар әзірленуде.Сондай – ақ, Ішкі істер ми¬нистрі атап өткендей, ма¬териалдық техникалық базаны жақсарту бағытында да жұмыстар жүргізіледі. Бұл қылмыстың алдын алуға тікелей әсер ететіні анық.Жолдауды жүзеге асыру бағытында полиция жұмысы жаңа форматқа көшеді.Қазір барлық сала ашықтық пен жариялылық қағидатын ұстануда. Жолдауда айтылған «Халыққа жақын полиция» қағидаты жергілікті полиция қызметінің жұмысына жаңа серпін береді.Халықтың сеніміне ие болып,атқарған жұмысын ашық көрсете білу әрбір учаскелік полиция инспекторының мақсатына айналғанда ғана сала жұмысы нәтижелі болады. Сондықтан Мемлекет басшысының «Құқық қорғау органдары қызметкерлерін жұртпен ашық әңгіме жүргізуге үйретудің маңызы зор. Бұл бағыт кадрларды даярлау және іріктеу жүйесінде басымдыққа айналуы қажет» деп айтуы өте орынды. 
Ел қорғаны тәртіп сақшыларының қызметі халықтың сенімі арқылы өлшенеді. Халық көкейіндегі мәселелерді шешу және олардың конституциялық құқықтарының қорғалуы Полиция департаментінің басты назарында.Азаматтарды жеке қабылдау мәселесі – полиция қызметіндегі басты бағыттардың бірі. Қызылорда облысы Полиция департаменті бастығы, орынбасарлары күнделікті бекітілген кестеге сәйкес жазылған азаматтарды қабылдайды.Жыл басынан Қызылорда облысы Полиция департаментіне 2500 – ге жуық өтініш келіп түсіп, әрбір өтініш бойынша тиісті тексерулер жүргізіледі. Азаматтардың арыз-шағымдарын қарау барысы Полиция департаментінің басшылығы тарапынан заңнамаға сәйкес бақылауда. Әрбір өтініш назардан тыс қалмайды.Азаматтардың өтініш-шағымдары “Электрондық үкімет” eGov.kz, сондай-ақ хаттарға арналған жәшіктер мен пошта арқылы қабылдау да қатар жүргізіледі. 
Тұрғындар әлеуметтік желілердегі департамент парақшалары арқылы да өз сауалдарын жолдай алады.Қызылорда облысының Полиция департаменті өз құзыреті шегінде аумақты дамыту бағдарламасының нысаналы индикаторларын орындауда. 
Жыл басынан 2690 (2019ж – 4230) қылмыстық құқықбұзушылық тіркеліп, өткен жылмен салыстырғанда 36,4 пайызға тіркелуі төмендеді.Облыс жолдарында орын алған жол көлік оқиғалары және онда зардап шеккендер саны азайды. 
Ағымдағы жылдың 8 айында жол қозғалысын бұзудың 100 мыңнан астам дерегі анықталып, олар бойынша 760 млн тенге айыппұл салынды. Облыстық бюджетке 486 млн теңге өндірілді.Сонымен қатар, Жолдауда халықтың әл – ауқатын көтеру, еңбекпен қамту, үй – баспанамен қамтамасыз ету, жемқорлықпен күресу, электронды қарым – қатынасты арттыру жолдары нақтыланды.Мәселен, бейнебақылау камераларының тиімділігі жөнінде айтып өтсек. Бейнебақылау құрылғылары қылмыстың алдын алу мен болдырмауға және қылмыскерді құрықтауға көп септігін тигізеді. Оған қарапайым өмірден көп мысал келтіруге болады. Сол себепті Жолдауда айтылған тапсырма бойынша облысымыздағы әлеуметтік нысандарға, халық көп шоғырланатын орындарға және тұрғын үйлер маңайына, ауылдардың кіреберісіне бейнебақылау орнатудың маңызы зор. Бұл басымдық полиция жұмысының тиімділігін арттырады.
Бектөре СҰЛТАН, 
Қызылорда облыстық полиция департаментінің бастығы, 
полиция полковнигі.

Бектөре Сұлтан: Мемлекет басшысы учаскелік полиция инспекторларына нақты міндеттер қойды

<a href="https://kyzylorda-news.kz/">Kyzylorda-news.kz.</a> БАҚ өкілдеріне арналған баспасөз конференциясында БҰҰ бас хатшысы Антонио Гутерриш коронавирустың өршуі бақылаудан шығып бара жатқанын мәлімдеді.
“COVID-19 пандемиясы – бұл біздің өміріміздегі ешбір дағдарысқа ұқсамайтын дағдарыс. Сондықтан бас Ассамблеяның биылғы сессиясы да басқа сессияларға ұқсамайтын болады”, – деді ол. 
Бас хатшы көп ұзамай адамзат миллиондаған адамның өмірін жалмаған коронавирус індетін еңсеретінін атап өтті және пандемияны жаһандық қауіпсіздік үшін “бірінші қауіп” деп атады.
Гутерреш көптеген адамдар вакцинаға үміт артып отырғанын айтады. Бірақ пандемияға қарсы панацея жоқ. Ол вакцинаның өзі дағдарысты реттей алмайтынына тоқталды.
“Дегенмен, вакцинаға бүкіләлемдік игілік деп қарау керек. Өйткені, COVID-19 эпидемиясында шекара жоқ. Бәріміз үшін қолжетімді адамдарға арналған вакцина керек”, – деп жазады бас хатшының сөзін РИА Новости.
Ол алдағы 12 ай ішінде аурумен күресуге және емдеуге көмектесетін жаңа қолданыстағы құралдарды пайдалануды мейлінше арттыруға шақырды.
“Вируспен қатар біз болашақ вакцина туралы жалған ақпараттың да таралуын көріп отырмыз. Бұл қаскүнемдік теориясын өршіте түседі. Оның салдарынан әлемде вакциналарға деген сенімсіздік күшейіп келеді”, – дейді Гутерреш.
Ол бірнеше елде көптеген адамдар өздерінің COVID-19-ға қарсы вакцинадан бас тартатынын айтып жатқандығы туралы да айтып өтті. Вакциналар туралы мұндай жалған ақпарат та аурудың өзі сияқты “өлімге әкелетін” жағдай дейді ол.
<a href="https://sputniknews.kz/world/20200917/14980218/Koronavirus-BUU-bas-khatshysy.html">Sputnik Қазақстан</a>

&#8220;Коронавирус бақылаудан шығып барады&#8221;: БҰҰ бас хатшысы мәлімдеме жасады

<a href="https://kyzylorda-news.kz/">Kyzylorda-news.</a> Бүгін қазақстандық «Қайсар» UEFA Еуропа лигасы екінші іріктеу сатысында Кипрдің АПОЭЛ клубымен кездеседі, деп хабарлайды <a href="https://lenta.inform.kz/kz/europa-ligasy-kaysar-tazhiribeli-karsylasyn-zhene-ala-ma_a3695577">ҚазАқпарат</a>.
Естеріңізге сала кетелік, бұл кездесу қызылордалық команданың еурокубок ойындарындағы тұсаукесер ойыны болмақ. Бұл мүмкіндікке «Қайсар» 2019 жылы Қазақстан кубогын алғаннан кейін қол жеткізді.
Қызылордалық командаға тәжірибелі клуб жолықты. Жанкүйерлер АПОЭЛ клубының әлеуетін жақсы біледі. Кипрлік команда жылма-жыл еурокубок ойындарында ойын көрсетіп келеді. Клуб 1926 жылы ел астанасы – Никосия қаласында құрылған. Содан бері 28 мәрте чемпиондық атаққа қол жеткізді.
Биыл аталған команда өз елінде қола жүлдені қанағат тұтты. Сәтсіздікке байланысты норвег маманы Коре Ингебригтсен қызметінен кетті. Бүгінде ол қызметті грекиялық Маринос Узунидис атқарады. Ол 2002 жылы АПОЭЛ сапында ел чемпионы атанған еді. Ал 2007 жылы бас бапкер ретінде кипрлік клубпен бірге чемпион болды.
Өз елінің доп додасындағы сәтсіздіктен кейін биыл команда құрамында да көптеген өзгеріс жасалды. Келісім-шарт мерзімінің бітуіне байланысты ұзақ жылдан бері негізгі қақпашы болған нидерландтық Бой Ватерман мен грекиялық Праксителис Вурос, швециялық Линус Халлениус, кипрлік Андреас Макрис, Андреас Параскевас, Андреас Артемиу, Стафис Алонефтис өзге клубтарға ауысып кетті. Олардың орнына иорданиялық Омар Хани, македониялық Урош Матич, бразилиялық Алеф, словениялық Вид Белец, сербиялық Андрия Павлович, Милан Евтович, исландиялық Бьорн Сигурдарсон, португалдық Андре Видигал келді.
«Қайсар» мен АПОЭЛ командалары арасындағы ойын бүгін, 17 қыркүйекте елорда уақытымен 18.00-де басталады. Кездесу Шымкент қаласындағы Қ.Мұңайтпасов атындағы стадионда болады.

Еуропа лигасы: «Қайсар» тәжірибелі қарсыласын жеңе ала ма?

<a href="https://kyzylorda-news.kz/">Kyzylorda-news.kz.</a> Қызылорда облысының бас мемлекеттік санитариялық дәрігерінің 16.09.2020 жылғы №22 қаулысы.
Аталған Қаулымен кейбір кәсіпкерлік субъектілерінің жұмыс уақытын шектеу мерзімдері алынып тасталды, маңыздылығы жоғары кәсіпкерлік субъектілерінің уақыт шектеулері 09.00-23.00-ге дейін теңестірілді.
Сондай-ақ:
– сауда-ойын-сауық орталықтары мен сауда нысандары (бутиктер), сауда желілері жұмысына (толтырылуын 30% -дан асырмай, 1 адамға 4 ш.м. болу) сағат 09.00 ден 23.00-ге дейін
– сұлулық салондарының, шаштараз, СПА орталықтар және косметологиялық қызмет көрсететін орталықтар жұмысына белгіленген уақыт алынып тасталды
– ашық алаңдағы аттракциондар жұмысына белгіленген уақыт алынып тасталды
– фитнес орталықтарының (бассейінсіз), тренажер залдары (орталықтары), спорттық-сауықтыру орталықтарының (үйірмелер, секциялар т.б.) жұмысына белгіленген уақыт алынып тасталды
– қоғамдық монша, сауна жұмысына сағат 09.00 ден 23.00-ге дейін рұқсат
– ашық алаңда жеке және топтық жаттығуларға белгіленген уақыт алынып тасталды
– облыс, аудан орталықтарындағы қоғамдық көліктің жұмысына белгіленген уақыт алынып тасталды
– қоғамдық орындарға (демалыс саябақтары, саяжолдар, субұрқақтар, жағалаулар және басқа демалыс орындары) баруға сағат 09.00 ден 23.00-ге дейін;
– жабық азық-түлік және азық-түлік емес базарларының қызметіне белгіленген уақыт алынып тасталды
– халыққа байланыссыз қызмет көрсету (автомобиль жуу, автомобильдерді, тұрмыстық техниканы жөндеу және т.б.) объектілердің қызметіне белгіленген уақыт алынып тасталды
– бизнес-орталықтардың (сақтандыру компаниялары, адвокат, нотариус, бухгалтер және консалтинг көрсетілетін қызметтері, жылжымайтын мүлік жөніндегі агенттіктер, жарнама агенттіктері, сот орындаушылары және т.б.) жұмысына белгіленген уақыт алынып тасталды
– такси қызметтері жұмысына белгіленген уақыт алынып тасталды.

Қызылорда: Бас санитар дәрігердің қаулысына өзгерістер енгізілді

<a href="https://kyzylorda-news.kz/">Kyzylorda-news.kz</a>. Облыста суармалы жерлерді қалпына келтіру және айналымға қосу бойынша 3 жоба жүзеге асуда. Бұл туралы Өңірлік коммуникациялар қызметінің ақпарат алаңында өткен брифингте облыстық табиғи ресурстар және табиғат пайдалануды реттеу басқармасының басшысы Бауыржан Шәменов мәлімдеді.
<blockquote>
 -Жобаға аймақта пайдаланылмай тұрған 29 мың гектар суармалы жерлерді айналымға қосу және 158 мың гектар суармалы егістіктегі ирригация және дренаж жүйелерін жетілдіру енгізілген. Өткен жылы жоба аясында Жалағаш ауданында Аққұм, Бұқарбай батыр, Таң және Мәдениет ауылдық округтеріндегі 15 мың гектар суармалы жерлерді қалпына келтіру жұмыстары басталды. Алдағы уақытта аталған жобалар толығымен жүзеге асқан жағдайда, суармалы жерлердің 80 пайызы қалпына келеді. Жолдаудан туындайтын міндеттерді жүзеге асыру мақсатында биыл орман тұқымбақтарының көлемін 22,6 гектардан 80 гектарға дейін ұлғайтамыз, – деді Бауыржан Серікұлы.
</blockquote>
Жалпы 5 жыл ішінде тұқымбақтарда 60 миллионнан астам ағаш көшеттері дайындалады.

Қызылордада суармалы жерлер қалпына келтірілуде

Kyzylorda-news.kz. «Қызылорда жылу электр орталығы» кәсіпорнын күрделі жөндеуге «Нұрлы жер» бағдарламасы және «Жұмыспен қамту жол картасы» аясында 4 млрд. теңге бөлінді. Қазіргі таңда, жұмыстың 87 пайызы аяқталды. Бұл туралы Өңірлік коммуникациялар қызметінің ақпараттық алаңында облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов баяндады.
<blockquote>
 «Негізгі станциясындағы газотурбиналық қондырғылары, су жылытқыш қазандығы және турбиналық цехтың технологиялық құбырларын, Оңтүстік қазандықтарын ағымдағы жөндеуден өтуде. Сонымен бірге ұзындығы 15 шақырым болатын магистралды және квартал ішілік жылу желілері қайта жаңғыртылуда. Осы жаңғырту жұмыстары аяқталғанда жалпы жылу желілерінің тозу пайызы 42 пайыздан 39 пайызға дейін төмендейді», – деді Руслан Аймырзаұлы.
</blockquote>
Сондай-ақ, ұзындығы 1,8 мың шақырымды құрайтын электр желілері ауыстырылып, 233 қосалқы трансформаторлық станцияға ағымдағы және күрделі жөндеу жүргізілуде. Ал «ҚазТрансГазАймақ» АҚ-ның Қызылорда өндірістік филиалы – алдағы жылу беру маусымына дайындық жүргізу үшін 56 дана ГРП мен 242 дана ШРП-ға ағымдағы жөндеуден өткізді.
Брифинг барысында басқарма басшысы коммуналдық қызметтердің тарифтері басқа аймақтармен салыстырғанда орташа деңгейде екендігін айтты.

Қазақстан және Қызылорда облысының жаңалықтары

Қызылордада медиацияны насихаттаған журналистер марапатталды

Қызылордада игерусіз жатқан жер телімдері мемлекетке қайтарылды

COVID-19: Қызылордадағы ауруханаларға медициналық жабдықтар мен жедел жәрдем көліктері жеткізіліп жатыр

Қызылорда: “Ауыл – ел бесігі” бағдарламасы елді мекендерді көркейтуде

Қызылордада «Өңірдің геоақпараттық жүйесі» құрылады

Сенатор үйден оқып жатқан оқушыларды тегін интернетпен қамтамасыз етуді талап етті

Бектөре Сұлтан: Мемлекет басшысы учаскелік полиция инспекторларына нақты міндеттер қойды

“Коронавирус бақылаудан шығып барады”: БҰҰ бас хатшысы мәлімдеме жасады

Еуропа лигасы: «Қайсар» тәжірибелі қарсыласын жеңе ала ма?

Қызылорда: Бас санитар дәрігердің қаулысына өзгерістер енгізілді

Қызылордада суармалы жерлер қалпына келтірілуде

“Қызылорда жылу электр орталығы” күрделі жөндеуден өтіп жатыр

Қазақстан және Қызылорда облысының жаңалықтары

Қызылордада медиацияны насихаттаған журналистер марапатталды

Қызылордада игерусіз жатқан жер телімдері мемлекетке қайтарылды

COVID-19: Қызылордадағы ауруханаларға медициналық жабдықтар мен жедел жәрдем көліктері жеткізіліп жатыр

Қызылорда: &#8220;Ауыл &#8211; ел бесігі&#8221; бағдарламасы елді мекендерді көркейтуде

Қызылордада «Өңірдің геоақпараттық жүйесі» құрылады

Сенатор үйден оқып жатқан оқушыларды тегін интернетпен қамтамасыз етуді талап етті

Бектөре Сұлтан: Мемлекет басшысы учаскелік полиция инспекторларына нақты міндеттер қойды

&#8220;Коронавирус бақылаудан шығып барады&#8221;: БҰҰ бас хатшысы мәлімдеме жасады

Еуропа лигасы: «Қайсар» тәжірибелі қарсыласын жеңе ала ма?

Қызылорда: Бас санитар дәрігердің қаулысына өзгерістер енгізілді

Қызылордада суармалы жерлер қалпына келтірілуде

&#8220;Қызылорда жылу электр орталығы&#8221; күрделі жөндеуден өтіп жатыр

Қызылорда: “Ауыл – ел бесігі” бағдарламасы елді мекендерді көркейтуде

“Коронавирус бақылаудан шығып барады”: БҰҰ бас хатшысы мәлімдеме жасады

“Қызылорда жылу электр орталығы” күрделі жөндеуден өтіп жатыр