<a href="https://kyzylorda-news.kz/">Kyzylorda-news.kz.</a> Америкалық нейрохирург, медицина ғылымдарының докторы әрі жазушы Санджай Гупта ми жұмысын жақсарту мен саулығы жайлы сұхбаттарында жиі айтады. Ол үшін арнайы 5 ережені түзіп шыққан.
<ol>
<li>Қимыл-қозғалыс</li>
</ol>
Спортпен шұғылдану ми жұмысына оң әсер етеді. Нейрохирург бір ғана спорт түрімен айналыспай, жаттығуларды алмастырып тұру керек деген кеңес береді. Мысалы ылғи жүгіретін болсаң, келер жолы велосипедпен жүру немесе суда жүзуді байқап көру керек.
Аэробты және көп күш жұмсайтын жаттығулар ми үшін өте пайдалы. Ми мен физикалық жаттығу жасау бір-бірімен тікелей байланысты, – дейді Санджай Гупта. 
Егер көп күш жұмсайтын жаттығулар жасағың келсе, онда бастапқыда қарапайым жаттығулардан бастау керек. Спортпен шұғылдануға, жаттығу жасауға уақыт табылмаса, не құлқың тартпаса, онда кей істі әдетке айналдыруды жөн санайды. Мысалы телефонмен сөйлесіп жүріп серуендеу, лифт орнына баспалдақпен шығып түсу, көлікті жұмыстан алыс тұраққа қою. Мұның бәрі көбірек қимыл-қозғалыс жасауға сеп болады.
<ol start="2">
<li>Оқу</li>
</ol>
Оқу, жана дүниені тану – миға өте пайдалы жаттығу. Нейрохирург оқуда мынадай кеңес береді:
• Жұмысың мен қызығушылығыңа қатысы жоқ кітап оқы;
• Сурет сал немесе тамақ пісіруге қатысты курстарға қатыс;
• Жазушылар ортасы немесе оқыған кітабын талқылайтын клуб құрамына қосыл;
• Жаңа тіл меңгеруді қолға алып көр;
<ol start="3">
<li>Тынығу</li>
</ol>
Тынығып босаңсу тек денеге қатысты емес. Ми да тынығу керек. Зерттеулердің көбі анықтағандай, ұйқының дұрыс болмауы, дұрыс тынықпау есте сақтауды нашарлатады. Ал ұзаққа созылған күйзеліс оқу мен жаңа ортаға бейімделуді тежейді, – дейді Санджай Гупта. 
Бір сөзбен айтқанда, &nbsp;ми тынығу үшін дұрыс ұйықтау керек. Ол кемінде 7 сағат тынығуға кеңес береді. Сонда ми жұмысы да жақсара түседі. Бұл үшін мына кеңестерін ұстануды жөн санайды:
• Ұйықтар алдында кем дегенде 3 сағат бұрын тамақтану керек;
• Сағат 14:00-ден кейін құрамында кофеин бар сусындарды ішуге болмайды;
• Уақытылы жатып, уақытылы ояну керек;
• Ұйықтар алдында ыстық ванна қабылдау керек немесе кітап оқыған пайдалы;
• Жатын бөлме тыныш және қараңғы болғаны абзал.
<ol start="4">
<li>Дұрыс тамақтану</li>
</ol>
Санджай Гупта “таңда патша, түсте ханзада, ал кешке қарапайым шаруа секілді тамақтан” деген қағиданы ұстанады. SHARP әдісін де қолданған жөн дейді.
S: қант мөлшерін азайту;
H: көбірек су ішу;
А: құрамында омега-3 мол тағамды көбірек жеу;
R: тамақ мөлшерін азайту;
P: тамақтануды алдын-ала жоспарлау;
<ol start="5">
<li>Қарым-қатынаста болу</li>
</ol>
Қарым-қатынас жасау өмірді мәнді ете түседі. Мұны ғалымдар әлдеқашан дәлелдеген. Нейрохирург өз сөзінде, өзгелермен қарым-қатынас жасау ми жұмысын жақсартатынын, когнитивті мүмкіндігі сақталатынын айтады.
Санджай Гупта біреумен қарым-қатынасты қайта қалпына келтіру, достармен жолығу, пікір алмасуға үндейді. Осы арқылы адам миы да тезірек жұмыс істеуге бейімделе бастайды.
Нейрохирург осы кеңестерді ұстануға, оларды өз жоспарыңа қосуға шақырады. Алдымен біреуіне баса мән бере бастаңыз. Миыңыз жаңа ережелерге қаншалықты тез үйреніп, өміріңіз қаншалықты өзгергеніне таң қалуыңыз мүмкін.
<a href="https://massaget.kz/layfstayl/zhadnama/64388/">Massaget.kz</a>

Ми жұмысын жақсартудың 5 ережесі

Kyzylorda-news.kz. Қазақстанда 1 370 адам коронавирус жұқтырды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 139,
Алматы қаласы – 90,
Шымкент қаласы – 17,
Ақмола облысы – 205,
Ақтөбе облысы – 6,
Алматы облысы – 83,
Атырау облысы – 31,
Шығыс Қазақстан облысы – 67,
Жамбыл облысы – 27,
Батыс Қазақстан облысы – 91,
Қарағанды облысы – 81,
Қостанай облысы – 110,
Қызылорда облысы – 11,
Маңғыстау облысы – 11,
Павлодар облысы – 267,
Солтүстік Қазақстан облысы – 115,
Түркістан облысы – 19.
Жалпы ел бойынша ауырғандар саны 185 369.

Қызылордада өткен тәулікте 11 адам коронавирус жұқтырды

Kyzylorda-news.kz. Бүгін Қазақстанның басым бөлігіне жоғары ауа қысым әсер етіп, күн жауын-шашынсыз болады, деп хабарлайды Қазгидромет.
ҚР батыс аудандарына солтүстік-батыс циклонының жырасы әсер ететін болғандықтан бұл аймақта жауын, қар жауып, көктайғақ болады. Республиканың кей жерлеріне тұман түсіп, жел күшейеді.
Маңғыстау, Атырау, Батыс Қазақстан облыстарының кей жерлеріне тұман түсіп, көктайғақ болады.
Ақтөбе облысының кей жерлеріне тұман түсіп, түнде көктайғақ болады, желдің күші секундына 16 метрге жетеді.
Жамбыл, Қарағанды облыстарының кей жерлеріне тұман түсіп, жел секундына 15-23 метр жылдамдықпен еседі.
Шығыс Қазақстан облысының кей жерлерінде жаяу бұрқасын болады, жел 15-20 м/с жылдамдықпен ұйтқиды.
Ақмола, Түркістан, Қостанай, Солтүстік Қазақстан, Павлодар облыстарының кей жерлеріне тұман түседі.
Алматы облысының Жалаңашкөл ауданында желдің жылдамдығы секундына 15-20 метрге жетеді.

30 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Биылғы жылы санитарлық талаптарды қатаң сақтай отырып, есеп беру кездесулері онлайн форматта өткізілуде.
Аудан басшысы «Zoom» бағдарламасы арқылы Жаңадария, Аламесек, Еңбек, Таң, Аққұм, Шәменов, Қаракеткен ауылдық округтерінің тұрғындарымен онлайн байланысқа шығып, өткен жылы атқарылған жұмыстар туралы есеп беріп, алдағы жоспарларымен бөлісті.
<blockquote>
 «Өткен жылы «Өңірлерді дамытудың 2020 жылға дейінгі» мемлекеттік бағдарламасына сәйкес Далдабай және Жаңақоныс елді мекендерінің ауыз су жүйесін қайта жаңғырту жұмыстары аяқталып, пайдалануға берілді. Қазіргі таңда аудан тұрғындары 100 пайыз орталықтандырылған ауыз сумен қамтамасыз етілген», – деген аудан басшысы бұдан бөлек, кәсіпкерлік, ауылшаруашылығы, жол жөндеу, құрылыс саласында көптеген жұмыс атқарылғанын тілге тиек етті.
</blockquote>
Айта кету керек, өткен жылы М.Шәменов ауылындағы құны 690 млн. теңгені құрайтын 140 орындық жаңа мектеп пайдалануға беріліп, ауданда апаттық жағдайдағы мектептердің мәселесі толық шешімін тапты.
«Жұмыспен қамтудың 2020-2021 жылдарға арналған жол картасы» аясында Қаракеткен ауылына кіре-беріс автомобиль жолына орташа жөндеу жұмыстарына 92 млн. теңгеге, Таң ауылына кіре беріс автомобиль жолын орташа жөндеу жұмыстарына 106 млн. теңге қаралып, жөндеу жұмыстары толық аяқталды. Осы бағдарлама аясында Таң ауылдық мәдениет үйі ғимаратына жөндеу жұмыстары жүргізілді.
Сонымен қатар Мәдениет, Жаңаталап, Аққұм елді мекендерінің электр жүйесі қайта жаңғыртудан өткізіліп, пайдалануға берілді. 
Сондай-ақ, Есет батыр ауылы бағытындағы Оңтүстік коллектор (ЮК-16) көпірін қайта жаңғырту, Жаңадария бағытындағы 17,1 шақырым автомобиль жолын орташа жөндеу,Таң ауылындағы №188 және Аламесек ауылындағы №124 мектеп ғимараттарына күрделі жөндеу жұмыстары алдағы жоспарда бар.
Кездесу барысында ауыл тұрғындары өздерінің көкейіндегі сауалдарын қойып, ой-пікірлерін білдірді.
Жаңадария, Аламесек, Еңбек ауылының тұрғындары ауылдың ішкі көшелерін жөндеу туралы, Аламесек ауылдық округіндегі мәдениет үйінің жылу жүйесін қайта жаңғырту туралы ұсыныс білдірсе, Аққұм ауылының тұрғындары шет аймақтардағы тұрғын үйлерге ауыз су құбырын тарту туралы ұсыныс айтты.
Қойылған әрбір сұраққа аудан әкімі Асылбек Өмірбекұлы жауап беріп, тұрғындар көтерген мәселе үнемі назарда болатынын жеткізді.
<img src="https://kyzylorda-news.kz/wp-content/uploads/2021/01/144675279_1146290995822977_7171912423894281895_o.jpg" alt="" />

Жалағаш ауданы 100 пайыз орталықтандырылған ауыз суға қосылған

<a href="https://kyzylorda-news.kz/">Kyzylorda-news.kz.</a> Қызылордалықтар нысандардың (пәтерлер, жатақхана бөлмелері, жеке гараждар мен саяжайлар) техникалық паспортының электронды нұсқасын рәсімдеу қызметін пайдалана бастады. Бұл туралы өңірлік коммуникациялар қызметінің ақпарат алаңында «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының директоры Айдын Қайруллаев мәлімдеді.
Оның айтуынша, бұған дейін жылжымайтын мүліктің құжатын алу үшін ХҚО-ға барып, техникалық паспортқа қағаз жүзінде өтініш беріп, кейін мүлік иесі дайын болған құжатты алу үшін қайтадан халыққа қызмет көрсету орталығына бару керек болатын.
Енді азаматтар техникалық құжатқа онлайн өтініш беріп, дайын үлгісін <a href="http://egov.kz/">egov.kz</a> электронды үкімет порталындағы жеке кабинетіне кіру арқылы көшіріп ала алады. Бұл үшін жылжымайтын мүлік иесінің ЭЦҚ-сы мен құқық белгілейтін құжатының бірінің (сату-сатып алу келісімшарты, сыйға беру шарты, жекешелендіру шарты, сот шешімі) скан-көшірмесі болуы тиіс. Бастапқы төлем жүргізілгеннен кейін жылжымайтын мүлік иесі электронды құжаттың келгенін жеке кабинеті арқылы көре алады.
<blockquote>
 «Техникалық паспортты онлайн түрде алу мүлік иелерінің уақыты мен қаржысын үнемдеуге үлкен мүмкіндік береді. Бұл пилоттық жобаның біздің облыста жүзеге асып жатқанына бір айдай болды. Осы уақыт ішінде аталған қызмет бойынша 10-нан астам тапсырыс түсіп, орындалды», – деді филиал директоры Айдын Бөкенбайұлы.
</blockquote>
Айта кетсек, жылжымайтын мүлік төлқұжатын электронды түрде алу қызметі осы кезге дейін Нұр-Сұлтан және Шымкент қалаларының тұрғындарына ғана қолжетімді болған. Енді бұл тізімге Қызылорда қаласы да енді.

Қызылордалықтар жылжымайтын мүліктің техникалық паспортын онлайн ала алады

<a href="https://kyzylorda-news.kz/">Kyzylorda-news.kz.</a> Өткен жылы пандемияға байланысты жүздеген қылмыстық іс тіркелді. Соның тең жартысы – дағдарысқа қарсы бюджет қаржысын жымқыру әрекеті. Бұл туралы сыбайлас жемқорлыққа қарсы іс-қимыл агенттігінің төрағасы Алик Шпекбаев мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Пандемия кезінде халық билікке үміт артып, қамқорлық пен көмек күтіп отырғанда кейбір арсыз шенеуніктер мен топ-менеджерлер заңнан да, құдайдан да қорықпай, лауазымын қалтасын толтыру үшін пайдаланып, жүйелі түрде пара алды. Бюджет қаржысын жымқырды”, – деді Шпекбаев агенттіктің алқа отырысында.
</blockquote>
Оның айтуынша, өткен жылы пандемияға байланысты 100 қылмыстық іс тіркелді. Соның жартысы – дағдарысқа қарсы бөлінген бюджет қаражатын жымқыру фактілері.
<blockquote>
 “Пандемия әлі де жалғасуда. Сондықтан біздің мақсатымыз – коронавируспен күреске бөлінген бюджет қаражатын одан ары қадағалау және қоғамдық бақылауға азаматтарды бұрынғыдан да көбірек жұмылдыру”, – деп атап көрсетті Шпекбаев.
</blockquote>
Осы орайда агенттік басшысы халықтың қайғы-қасіреті арқылы баю сатқындық пен адам өлтірумен тең екенін де жеткізді.

Шпекбаев кейбір шенеуніктер жайлы: заңнан да, құдайдан да қорықпайды

<h4 id="kyzylordanewskzhttpskyzylordanewskznbspnbspnbspnbsp"><a href="https://kyzylorda-news.kz/">Kyzylorda-news.kz.</a>&nbsp;Қазақстанның бас санитар дәрігері Ерлан Қиясов&nbsp;жаңа қаулы&nbsp;жариялады.&nbsp;</h4>
Бас санитар Қазақстан азаматтарын короновирусқа қарсы вакцинациялау жөніндегі ұсыныстарды мақұлдады.
<blockquote>
 “Коронавирус инфекциясын халық арасында таралуын болдырмау мақсатында қаулы етемін”, – деп басталған Қиясовтың қаулысы.
</blockquote>
Осы қаулыға 1-қосымшаға сәйкес&nbsp;«Қазақстан Республикасында халықтың коронавирустық инфекциясына қарсы вакцинация» әдістемелік ұсынымдары бекітілді. Сонымен қатар коронавирус инфекциясының алдын алу үшін вакциналарды сақтау және тасымалдау туралы ереже осы қаулыға 2-қосымшаға сәйкес бекітілетін болды.
Бірінші кезекте вакцина алатындардың қатарында:
– медицина қызметкерлері, бірінші кезекте инфекциялық ауруханалардың, жедел медициналық көмектің, реанимация және қарқынды терапия бөлімшелерінің, алғашқы медициналық-санитарлық көмек көрсететін денсаулық сақтау ұйымдарының қызметкерлері
– мұғалімдер
– учаскелік полицейлер
– студенттер
– медициналық-әлеуметтік және жабық балалар мекемелерінің қызметкерлері мен контингенті
– қызметкерлері
– Төтенше жағдайлар қызметтері, Қорғаныс, Ішкі істер министрліктері, Ұлттық қауіпсіздік комитеті, ҚР Мемлекеттік күзет қызметі
– ҚР Президенті Іс басқармасының контингенті, мемлекеттік қызметкерлер, Қазақстанда аккредиттелген дипломатиялық, консулдық мекемелердің қызметкерлері болып табылатын ҚР азаматтары, ұлттық құрама командалардың мүшелері
– созылмалы аурулары бар адамдар (қант диабеті, өкпенің созылмалы обструктивті ауруы, жүрек-тамыр жүйесі).
Қаулының толық нұсқасымен&nbsp;<a href="https://hls.kz/archives/20889">мына жерд</a>е танысуға болады.
Айта кетейік, елімізде жаппай вакцинациялау жұмыстары 1 ақпанда басталады.&nbsp;
<a href="https://baq.kz/news/othernews/covid-19-bas-sanitar-vakcinaciyaga-katysty-zhana-kauly-kabyldady/">Baq.kz</a>

COVID-19: ﻿Бас санитар вакцинацияға қатысты жаңа қаулы қабылдады

<a href="https://kyzylorda-news.kz/">Kyzylorda-news.kz.</a> Бірыңғай жинақтаушы зейнетақы қорының ақпарат ресурсына интернет алаяқтары шабуыл жасады, деп хабарлайды <a href="https://24.kz/kz/zha-aly-tar/o-am/item/452067-bzhz-kilderi-khaly-tan-belgisiz-siltemelerge-tpeulerin-s-rajdy">Хабар 24</a>.
Фишингтіктің әрекет салдарынан салымшылардың құпия деректері ұрланды. Қор өкілдерінің айтуынша, біржолғы зейнетақы төлемдерін аударуға қатысты еш хабарлама жіберілмейді. Ақпаратты тек www.enpf.kz ресми сайтында және уәкілетті оператор банктердің интернет-ресурстарында тексеру керек. Сондықтан қор өкілдері белгісіз сілтемелерге өтпеуді сұрайды. 27 қаңтар күнгі мәлімет бойынша «Отбасы банкі» Акционерлік Қоғамы уәкілетті операторынан жалпы сомасы 156,2 млрд теңгеге 9 566 өтінім келіп түсті. Соның 2 мың 578-і заңнама талаптарына сай келмегендіктен, кері қайтарылды.

БЖЗҚ өкілдері халықтан белгісіз сілтемелерге өтпеулерін сұрайды

<a href="https://kyzylorda-news.kz/">Kyzylorda-news.kz.</a> Қызылорда облысында автокөліктің әдемі нөміріне деген сұраныс саябырламай тұр. Пандемияға байланысты бірқатар аймақтарда ақылы автонөмірлерден түсетін кіріс азайғанымен, Қызылорда өңірінде бұл көрсеткіште айтарлықтай айырмашылық жоқ.
Мәселен, соңғы екі жылда 800-ден астам қызылордалық осы тұрғыда 200 млн-ға тарта қаражат жұмсаған, соның ішінде 2019 жылы – 102 млн теңге, 2020 жылы – 96,5 млн теңге. Бұл туралы «Азаматтарға арналған үкімет» мемлекеттік корпорациясы Қызылорда облыстық филиалының басшылығы жыл қорытындысы бойынша өткізілген брифингте мәлімдеді.
Жалпы, 2020 жылы облыс бойынша Мамандандырылған ХҚО бағыты бойынша 90&nbsp;526 қызмет көрсетілді, соның ішінде 78&nbsp;411 көлік тіркеліп, 12&nbsp;115 жүргізуші куәлігі берілген. Бұл орайда қызметтердің 80 пайызы онлайн нұсқада рәсімделген.
Алдағы уақытта мемлекеттік қызметтерді&nbsp; онлайн алу үрдісі күшейе түседі деп күтілуде. Осы мақсатта түрлі қолайлы сервистер енгізіліп жатыр. Мәселен, жуырда Цифрлық даму, инновациялар және аэроғарыш өнеркәсібі министрлігінің бастамасымен автокөлікті Kaspi.kz қосымшасы арқылы тіркеу жобасы енгізілді.
<blockquote>
 «Бұл сервис мамандандырылған бөлімде адамдардың көптігінен туындайтын қарбаласты болдырмауға өз септігін тигізуде. Қызмет алушылар үшін де тиімді болғандықтан,&nbsp; онлайн қызметті белсенді түрде пайдалана бастады. Мәселен, аз ғана уақыттың ішінде 50-ден астам қызылордалық көліктерін осы қосымша арқылы онлайн тіркеп үлгерді. Және күн сайын бұл көрсеткіш өсе түсетіні сөзсіз», – деді филиал директоры Айдын Қайруллаев.
</blockquote>
Сондай-ақ, былтыр автокөліктің нөмірі мен техпаспортын үйге жеткізу қызметі іске қосылған болатын. Бүгінде 65 қызылордалыққа құжаттар тұрғылықты мекенжайы бойынша жеткізіліп берілді. Бұл қызметті пайдалану үшін жаңа автокөлік иесі онлайн сатып алу мәмілесінен кейін egov.kz порталындағы «Көлік және коммуникация» бөлімінде «МТНБ мен техпаспортты жеткізу» электронды қызметіне тапсырыс беруі тиіс.

Қызылордалықтар былтыр сәнді автонөмірлерге 100 млн теңгеге жуық қаржы жұмсаған

<a href="https://kyzylorda-news.kz/">Kyzylorda-news.kz.</a>&nbsp;Бүгін жылдағы дәстүрге сәйкес Жалағаш ауданының әкімі Асылбек Шаменов тұрғындар алдындағы есеп беру кездесулерін бастап кетті.
Биылғы жылы санитарлық талаптарды қатаң сақтауға байланысты есеп беру кездесулері онлайн форматта өткізілуде.Аудан басшысы алдымен «Zoom» бағдарламасы арқылы Аққыр, Жаңаталап, Мақпалкөл, Мәдениет, Мырзабай ахун, Бұқарбай батыр, Ақсу ауылдық округтерінің тұрғындарымен онлайн байланысқа шығып, өткен жылы атқарылған жұмыстары туралы баяндама жасап, алдағы жоспарларымен бөлісті.
<blockquote>
 «2020-2021 жылдарға арналған Жұмыспен қамтудың жол картасы» бағдарламасы аясында 14 жобаға 1 млрд. 541 млн. теңге, сондай-ақ, елімізде орын алған індетке байланысты әлеуметтік мәселелерді шешуге 1 млрд-қа жуық қаражат бөлінді.Нәтижесінде, қосымша бөлінген нысаналы трансферттер арқылы аудан бюджетінің көлемі 14,1 млрд. теңгеге жетті, – деген аудан басшысы бұдан бөлек, кәсіпкерлік, ауылшаруашылығы, жол жөндеу, құрылыс саласында көптеген жұмыс атқарылғанын тілге тиек етті.
</blockquote>
Айта кету керек, өткен жылы Аққыр бағытындағы автомобиль жолы бойында орналасқан жалпы құны 281 млн теңгені құрайтын «Оңтүстік коллектор» көпірін қайта жаңғырту жұмыстары аяқталып, пайдалануға берілді. Сонымен қатар, Аққыр ауылындағы №188 және Мақпалкөл ауылындағы №117 орта мектептерінің ғимараттарына күрделі жөндеу жұмыстары жүргізілді. Мәдениет, Жаңаталап елді мекендерінің электр жүйесі қайта жаңғыртудан өтіп, пайдалануға берілді. Мәдениет бағытындағы – 9,4 және Аламесек бағытындағы – 12,3 шақырым автомобиль жолдарына орташа жөндеу жұмыстары басталып, биылғы жылы аяқталатын болады.
Аудандық маңызы бар Бұқарбай батыр, Ақсу елді мекендеріне Жобалық құны 273,2 млн. теңгені құрайтын кіре-беріс 8,6 шақырым автомобиль жолын орташа жөндеу жұмыстары биылғы жылы жүргізілетін болады.
Кезек ұсыныс-пікірлерге берілгенде әр ауылдың тұрғындары өздерінің көкейіндегі сауалдарын қойып, ой-пікірлерімен бөлісті.
Аққыр ауылдық округінің ардагерлер кеңесінің төрағасы Шора Қалдыбеков «Оңтүстік коллектор» арнасындағы бұзылған бөгеттерді арнаға су түспей тұрып наурыз айында қалпына келтіру жұмыстарын жүргізсе деген ұсыныс тастаса, Жаңаталап ауылдық округінің ардагері Сайлау Қоспанов аяқ су тапшылығын болдырмау мәселесін қозғады. Мәдениет, Мырзабай ахун, Ақсу ауылының тұрғындары елді мекендегі ішкі көшелерге жөндеу қажет екендігін мәселе етіп көтерсе, Мақпалкөл, Бұқарбай батыр ауылының азаматтары электр желілеріне байланысты мәселе қозғады.
<img src="https://kyzylorda-news.kz/wp-content/uploads/2021/01/zh.jpg" alt="" />

Жалағашта не жаңалық?

<a href="https://kyzylorda-news.kz/">Kyzylorda-news.kz.</a>&nbsp;2021 жылдан бастап зейнетақы 7%-ке, жәрдемақы 5%-ке өсті. Осы &nbsp;өзгерістерге сәйкес Қызылорда облысы бойынша қаңтар айында 346&nbsp;697 төлем алушыларға 13&nbsp;млрд. теңге көлемінде зейнетақы мен жәрдемақы төленді. Бұл туралы өңірлік коммуникациялар қызметінің ақпарат алаңында «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының директоры Айдын Қайруллаев баяндады.
Соның ішінде 75 803 зейнет жасына жеткендер, 23 223 мүмкіндігі шектеулі жандар, 28 119 көпбалалы отбасылар болса, 16&nbsp;642 Алтын, күміс алқа иегерлері, 9 182 азамат арнайы жәрдемақы алған.
Жалпы, 2020 жылы облыс бойынша 373 481 төлем алушыға 154 млрд. теңге көлемінде зейнетақы мен жәрдемақы төлеу жұмыстары жүргізілді. Төтенше жағдай кезеңінде айлық табысынан айрылған 531&nbsp;645азаматқа42&nbsp;500 теңгеәлеуметтік төлемі аударылып, COVID-19 инфекциясын жұқтырып, вирустық пневониямен ауырған денсаулық сақтау ұйымдарының 551 қызметкеріне біржолғы жәрдемақы төленді.
Айта кетейік, 2020 жылы Қызылорда облысында әлеуметтік сала бойынша барлығы&nbsp; 81 683қызмет көрсетілді. Бұл тұрғыда 2019 жылмен салыстырсақ, онлайн форматта алынған қызметтер көлемі артқан. Мәселен, 2019 жылы Халыққа қызмет көрсету орталығына бармай-ақ, жеке кабинеттері арқылы онлайн түрде өтініш білдіргендер 15%–дықұраса, 2020 жылы онлайн өтініш жасағандар қатары 36%-ға артқан.
«Бұл дегеніміз жыл сайын әлеуметтік салаға қатысты қызметтерді азаматтар үйінде отырып-ақ, онлайн түрде және проактивті түрде рәсімдеуге машықтанып келеді. Оның үстіне әлемдік індетке қатысты төтенше жағдай да әсер етті. Бұл орайда, осынау қиын кезеңде мемлекеттік корпорацияның әлеуметтік қамсыздандыру саласының мамандары демалыссыз, тұрғындардың төлемдерін аударуда тынымсыз еңбек еткенін айтып кеткім келеді. Соның ішінде жәрдемақы және зейнетақы аударумен ғана емес, &nbsp;табысынан айрылған азаматтарға берілген 42 500 теңге әлеуметтік жәрдемақысын төлеумен де айналысты», – деді филиал директоры Айдын Қайруллаев.
Бүгінде мемлекеттік Реестр тізіліміндегі көрсетілетін қызметтердің 44-і әлеуметтік сала арқылы жүзеге асырылады. Оның ішінде 38 қызмет бүгінде электронды форматта көрсетілсе, 18-і проактивті, яғни азаматтардың қатысуынсыз автоматты түрде тағайындалған төлем немесе қызмет болып табылады.
Қазіргі таңда әлеуметтік салаға қатысты барлық қызметтерді проактивті форматқа көшіру жоспарлануда. Яғни, барлық қажетті құжаттар мен мәліметтер ақпараттық жүйелерден автоматты түрде алынады. Тек қызмет алушы СМС арқылы келісім берсе жеткілікті. Бұл орайда, 2020 жылы облыс көлемінде 6 105азаматқа проактивті форматта қызмет көрсетілді. 2019 жылмен салыстырғанда бұл көрсеткіш екі есеге ұлғайған.

Қаңтар айында қызылордалықтарға 13 млрд теңге зейнетақы мен жәрдемақы төленді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық филармонияның ұйымдастыруымен 2020 жылы барлығы 178 шара өткізілді. Бұл туралы Қызылорда облыстық мәдениет, архивтер және құжаттама басқармасының басшысы Мира Әбуова мәлімдеді.
Әлемде болып жатқан пандемияға орай, елімізде вирустың таралуына жол бермеу және алдын алу мақсатында 2020 жылдың наурыз айынан бастап халықтың көп шоғырлануы көзделген мәдени-бұқаралық іс-шараларды өткізуге шектеу қойылуына орай&nbsp;шаралар онлайн форматта өткізіліп, әлеуметтік желіде кеңінен насихатталды.
Өткен жылы елімізде тұңғыш рет ұйымдастырылған онлайн форматтағы«Сәлем, Елорда!» І республикалық өнер фестиваліне облыстық филармонияның өнер ұжымдары қатысты. Сонымен қатар аймақта тұңғыш рет Абай Құнанбайұлының 175 жылдық мерейтойына орай «Абай» операсы сахналанды. Тағы бір жағымды жаңалық облыста Қорқыт ата мұраларының ЮНЕСКО-ның материалдық емес мәдени мұралар тізіміне енгізілуіне орай филармония жанынан қобызшылар ансамблі құрылды.
Брифинг барысында былтыр облыстық филармония өнер ұжымдарының дайындық залына арналған қосымша 785,56 шаршы метр қосалқы ғимарат салынып, пайдалануға берілгені айтылды.
<blockquote>
 “Жаңа ғимаратта дайындық залы, тігін цехы, асхана және киім қоймасы орналасқан. Ғимарат кең ең бастысы жарық, әртістердің шығармашылықпен айналысуына қолайлы. Биыл карантиндік талаптарды сақтай отыра жаңа маусымды 11 қаңтарда басталды,- деді облыстық филармония директоры Талғат Мақашов.
</blockquote>
Сонымен қатар филармония жанындағы «Әдемі» балалар музыкалық театр-студиясы – Мәскеу қаласындағы «Шығармашыл жастарды қолдау жөніндегі іс-шараларды ұйымдастыру» әлеуметтік жобасына онлайн түрде, Г.Остердің «Мазасыз тиын» қойылымымен қатысты.
Классикалық орындаушы Сымбат Тасбергенова – КСРО халық артисі Н.Тілендиевтың 95 жылдығына арналған «Әлқисса» фестивалінің аясында өткен республикалық онлайн-конкурстан, «Ақмешіт» фольклорлық ансамблінің әртісі, домбырашы Алмаз Әлжанов – М.Сыдықовтың 80 жылдығына арналған «Домбыра –жүрек жырлайды» атты республикалық онлайн-күйшілер конкурсынан жүлделі орындарды иеленді.

Қазақстан және Қызылорда облысының жаңалықтары

Ми жұмысын жақсартудың 5 ережесі

Қызылордада өткен тәулікте 11 адам коронавирус жұқтырды

30 қаңтарға арналған ауа райы болжамы

Жалағаш ауданы 100 пайыз орталықтандырылған ауыз суға қосылған

Қызылордалықтар жылжымайтын мүліктің техникалық паспортын онлайн ала алады

Шпекбаев кейбір шенеуніктер жайлы: заңнан да, құдайдан да қорықпайды

COVID-19: Бас санитар вакцинацияға қатысты жаңа қаулы қабылдады

БЖЗҚ өкілдері халықтан белгісіз сілтемелерге өтпеулерін сұрайды

Қызылордалықтар былтыр сәнді автонөмірлерге 100 млн теңгеге жуық қаржы жұмсаған

Жалағашта не жаңалық?

Қаңтар айында қызылордалықтарға 13 млрд теңге зейнетақы мен жәрдемақы төленді

Қызылордада филормония жанындағы қосымша ғимарат пайдалануға берілді

Қазақстан және Қызылорда облысының жаңалықтары

Ми жұмысын жақсартудың 5 ережесі

Қызылордада өткен тәулікте 11 адам коронавирус жұқтырды

30 қаңтарға арналған ауа райы болжамы

Жалағаш ауданы 100 пайыз орталықтандырылған ауыз суға қосылған

Қызылордалықтар жылжымайтын мүліктің техникалық паспортын онлайн ала алады

Шпекбаев кейбір шенеуніктер жайлы: заңнан да, құдайдан да қорықпайды

COVID-19: ﻿Бас санитар вакцинацияға қатысты жаңа қаулы қабылдады

БЖЗҚ өкілдері халықтан белгісіз сілтемелерге өтпеулерін сұрайды

Қызылордалықтар былтыр сәнді автонөмірлерге 100 млн теңгеге жуық қаржы жұмсаған

Жалағашта не жаңалық?

Қаңтар айында қызылордалықтарға 13 млрд теңге зейнетақы мен жәрдемақы төленді

Қызылордада филормония жанындағы қосымша ғимарат пайдалануға берілді

COVID-19: Бас санитар вакцинацияға қатысты жаңа қаулы қабылдады