Kyzylorda-news.kz. Қазақстанда коронавирусқа қатысты 28 тамыз 23:59-дағы эпидемиологиялық жағдай бойынша ПТР арқылы 5 993 адамның коронавируспен ауырғаны расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 590, Алматы қаласы – 1 491, Шымкент қаласы – 217, Ақмола облысы – 260, Ақтөбе облысы – 320, Алматы облысы – 412, Атырау облысы – 401, Шығыс Қазақстан облысы – 175, Жамбыл облысы – 129, Батыс Қазақстан облысы – 136, Қарағанды облысы – 750, Қостанай облысы – 271, Қызылорда облысы – 130, Маңғыстау облысы – 223, Павлодар облысы – 326, Солтүстік Қазақстан облысы – 88, Түркістан облысы – 74.
Жалпы ел бойынша ауырғандар саны 779 927.

Тағы 130 қызылордалықтан коронавирус анықталды

Kyzylorda-news.kz. Қазақстанның солтүстігінде, орталығында, оңтүстік және оңтүстік-шығыстың таулы аудандарында атмосфералық фронттар жүріп өтеді. Соның әсерінен қатты жаңбыр жауады, деп хабарлайды Қазгидромет.
Республика аумағында найзағай ойнайды. Күндіз еліміздің солтүстігінде шаңды дауыл соғып, күн күркірейді, жел күшейеді. Елдің оңтүстігінде де шаңды дауыл тұрады, солтүстікте және оңтүстік-шығыстың таулы аудандарында бұршақ жауады. Еліміздің шығысында, батысында және оңтүстік-батысында жауын-шашын жаумайды.
Ақмола облысында найзағай жарқылдайды, өңірдің солтүстігінде тұман түседі. Ал орталығында және шығысында бұршақ жауып, дауыл соғады. Батысында, солтүстігінде жел екпіні 15-20 м/с дейін күшейеді.
Солтүстік Қазақстан облысының оңтүстік-батысында – найзағай, бұршақ, күндіз шаңды дауыл мен жел. Жел жылдамдығы күндіз секундына 23 метрге жетеді.
Павлодар облысының солтүстігінде және батысында күн күркірейді, күндіз бұршақ жауады. Найзағай кезінде желдің күші 15-20 м/с болады.
Күндіз Қарағанды облысының солтүстігінде және шығысында найзағай ойнайды, солтүстігінде және батысында жел қарқыны – 15-20 м/с.
Жамбыл обысының таулы аудандарында, солтүстік-шығыс маңайында найзағай жарқылдап, бұршақ жауады. Күндіз аймақтың оңтүстік-батысында, солтүстік-шығысында жел күшейеді. Ал солтүстік-шығыста шаңды дауыл көтеріледі.
Күндіз Түркістан облысының таулы аудандарында күн күркірейді. Өңірдің солтүстігінде және таулы аудандарында жел екпіні 15-20 м/с дейін күшейеді.
Ақтөбе облысының шығысында, күндіз Қызылорда облысының орталығында жел жылдамдығы 15-20 м/с жетеді.
Алматы облысының таулы аудандарында найзағай жарқылдайды. Күндіз Қарағанды облысының оңтүстігінде, Алматы облысының басым бөлігінде, Маңғыстау облысының оңтүстігінде аптап ыстық болады.
Маңғыстау, Атырау, Батыс Қазақстан, Ақтөбе, Қызылорда, Түркістан, Жамбыл облыстарында, Қостанай, Алматы, Қарағанды облыстарының басым бөлігінде, Шығыс Қазақстан облысының оңтүстігінде, Ақмола облысының батысында төтенше өрт қаупі сақталады.

29 тамызға арналған ауа райы болжамы

Kyzylorda-news.kz. ҚР Президенті Қасым-Жомарт Тоқаев 29 тамызды Жалпыұлттық аза тұту күні деп жариялаған болатын. Бұл туралы Мемлекет басшысы Twitter -дегі парақшасында хабарлады.
<blockquote>
 «Жамбыл облысы Байзақ ауданындағы адам өліміне әкеп соқтырған қайғылы оқиғаға байланысты 29 тамызды Жалпыұлттық аза тұту күні деп жариялаймын. Қаза болған әскери қызметшілер мен құтқарушылар ерен ерлік пен нағыз жанқиярлық көрсетті. Ерлеріміздің есімі ел жадында мәңгі сақталады», – деп жазды Президент.
</blockquote>
Оқ-дәрілер қоймасындағы өрт пен жарылыстардың салдарынан адамдардың қазаға ұшырауына байланысты Қазақстан Республикасында жалпыұлттық аза тұту жариялау туралы Президент Өкімі шықты.
<blockquote>
 «Жамбыл облысының Байзақ ауданында оқ-дәрілер қоймасындағы өрт пен жарылыстардың салдарынан адамдардың қазаға ұшырауына байланысты Қазақстан Республикасында 2021 жылғы 29 тамызда жалпыұлттық аза тұту жариялансын», – делінген құжатта.
</blockquote>

Бүгін &#8211; Қазақстанда жалпыұлттық аза тұту күні

<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық Әділет департаменті басшысының орынбасары Баукен Әлмеш «елде заң үстемдігін орнатамыз десек, ең алдымен Конституцияны және осыған негізделген барлық заңдармен өзгеде құқықтық актілерді бұлжытпай орындап сақтай білуіміз керек» деп пікір білдірді.
<blockquote>
 «Біз, ортақ тарихи тағдыр біріктірген Қазақстан халқы, байырғы қазақ жерінде мемлекеттілік құра отырып, өзімізді еркіндік, теңдік және татулық мұраттарына берілген бейбітшіл азаматтық қоғам деп ұғынамыз. Қазақ елінде заң үстемдігін орнатамыз десек ең алдымен Конституцияны және осыған негізделген барлық заңдармен өзгеде құқықтық актілерді бұлжытпай орындап сақтай білуіміз керек.Сөздің қадіріне жеткен қазақ ежелден ақ заңдарын тайға таңба басқандай жазып қолданып отырған, атап айтқанда «Қасым ханның қасқа жолы», «Есім ханның ескі жолы», «Әз-Тәукенің жеті жарғысы».Қазақстанда Конститутция 1924 жылы одан кейін, 1937, 1978 жылдары жазбаша түрде қабылданды дегенімізбен дала демократиясына сүйенген қазақ елі ежелден салт дәстүр, белігілі заң қағидаларын басшылыққа алған билер институтымен қоғамдық мәселелерін реттеп отырды. Бүгінгі Қазақстан мемлекетінің ұйытқысы Ата заң мыңдаған жылдар бойы қалыптасқан адамзат баласының жалпы құндылықтарын, ата бабаларымыздың ар-мен намыстан тұратын бірлік, тыныштық идеясын өз бойына сіңірді. Конституция Қазақстан Республикасын демократиялық мемлекет деп жариялайды. Оның демократиялылығы, ең алдымен, мемлекет ішінде халық басқаруын қамтамасыз етуінен көрінеді. Конституцияның 3-бабының 1-тармағында мемлекеттік биліктің бірден-бір бастауы – халық делінген. Бұл конституциялық норма Қазақстанның халықтық мемлекет екендігін көрсетеді. Халықты жоғары биліктің иесі ретінде тану – ел тәуелсіздігінің көрінісі. Ең бастысы, бұл құжат өзінің нормалары мен принциптерінің көмегімен ғана емес, бекітілген идеялары арқылы да қоғам мен мемлекетті өркениетті елдердің қатарына жетелейді. Сондықтан, ел болу жолындағы басты міндеттердің бірі – Конституцияның құрметін арттыру.Ендеше ата заңымыз ел игілігіне жұмыс жасайтынына мен сенемін. Өйткені, елдің жеткен биігі – біздің жетістігіміз. Баршаңызды Конституцияның 26 жылдығымен құттықтаймын! Бейбіт ел болып, береке – бірлігіміз арта берсін», – дейді Баукен Әлмеш.
</blockquote>

Баукен Әлмеш: Ата Заңымызға &#8211; 26 жыл

Kyzylorda-news.kz. Еліміздің бас мемлекеттік санитарлық дәрігерінің қаулысы негізінде барлық білім беру ұйымдарына штаттық форматта оқуға рұқсат етілген болатын. Бүгінде аймақтағы білім беру ұйымдары дәстүрлі форматта білім беруге дайын. Жаңа оқу жылы дәстүрлі түрде барлық санитарлық қауіпсіздік шараларын сақтай отырып, 1 қыркүйек күні басталатын болады. Өңірлік коммуникациялар қызметінде өткен баспасөз конференциясында облыстық білім басқармасының басшысы Ақзира Қасымова білім беру мекемелерінің жаңа оқу жылына дайындығын және саладағы жаңалықтар мен өзгерістерді хабарлады.
Білім беру процесіне қатысушыларға күнделікті термометрия, қолды антисептикпен өңдеу жүргізіледі. Жүріп-тұру бір жақты қозғалыс қағидасы бойынша арнайы көрсеткіштермен таңбаланады. Оқушылардың шоғырлануын болдырмау үшін үзілістер әртүрлі уақытта өткізіліп, бір сынып бір кабинет қағидаты қолға алынды. Білім алушылар мен қызметкерлер арасында маска тағу режимін сақтау да қатаң бақылауда болады. Қазіргі таңда облыс бойынша 294 мектеп пен 670 балабақша, 30 колледж «ASHYQ» қосымшасына толық қосылған. Білім беру ұйымдарына кірерде қосымшаға QR код енгізу міндеттеледі.
Барлық білім беру ұйымдарындағы бұқаралық, мәдени және спорттық іс-шараларды өткізу шектеледі. Спорттық іс-шаралар таза ауада өткізіледі.
Сонымен бірге мектепке дейінгі білім беру ұйымдарында тәрбиеленуші ауырған жағдайда топ жабылады. Ал, ата-анасынан вирус анықталса балалары балабақша қабылданбайды. Әр топта 20-25 баладан асырылмауы қатаң сақталады.
<blockquote>
 «Алдағы оқу жылында 294 мемлекеттік және 10 жеке мектепте 177 196 оқушы білім алады. Оның ішінде 1 сыныпқа қабылданған бала саны 18 276 оқушы. Жалпы білім беретін мектептерде оқушылар арасында коронавирус инфекциясын жұқтыру дерегі тіркелген жағдайда, олар 14 күндік оқшаулауға жіберілетін болады. Бұл орайда, өткен оқу жылы барысында жинақталған тәжірибеге сәйкес, онлайн форматтағы оқу жалғастырылады», – деді басқарма басшысы.
</blockquote>
Сонымен қатар Ақзира Бақтыбайқызы шектеу шараларына байланысты, оқу орындарындағы ауысым мен жұмыс режимі белгіленіп, үш ауысымда оқитын мектептерде балалардың бір мезгілде шоғырлануын болдырмау мақсатында негізгі пәндерді дәстүрлі түрде оқытса, қосымша пәндерді онлайн форматта оқыту ұсынылып отырғандығын жеткізді.
Айта кетейік, бүгінде облыстағы 27 033 педагогтың 98,3 пайызы вакцина алған. Қалған 1,7 пайызы яғни 4040 мұғалім медициналық анықтамамен екпе алудан босатылған. Ал вакцина алуға тиісті техникалық қызметкерлер толық вакцинациялаудан өткен.

Қызылорда: Коронавирус жұқтырған оқушы 14 күнге оқшауланады

<a href="https://kyzylorda-news.kz/">Kyzylorda-news.kz</a>. Қысқа қара көйлекты ойлап тапқан және зергерлік бұйымдарды танымал еткен әйел туралы білесіз бе? Иә, ол – Коко Шанель. Сондай-ақ ол туралы басқа да қызықты дерек жетерлік.
1. Сән әлеміне екі түсті аяқ киімді әкелген Шанель. Оның пікірінше, ақшыл сары түс аяқтың жалғасы ретінде ұзартса, қара түс аяқ киімнің бас жағын сүйкімдірек көрсетеді.
<img src="https://kyzylorda-news.kz/wp-content/uploads/2021/08/tufli-chanel-1.jpg" alt="" />
2.&nbsp;Шанельдің сән әлеміндегі мансабы еуропалық ақсүйектер үшін бас киімдер жасаудан басталды. Оған арзан трикотаждан әйелдер киімін тігу идеясы даңқ әкелді, оның алдында бұл матадан тек ерлердің іш киімдері жасалған.
3. Шанель бижутерия мен зергерлік бұйымдарды бірінші болып араластырды.
<img src="https://kyzylorda-news.kz/wp-content/uploads/2021/08/bijuteriya2.jpg" alt="" />
4. Коко Шанель тотығуды, яғни терінің қоңыр түсін танымал етті. Оның алдында бозарыңқылық сәнде болды.
5. Қара түс Кокоға дейін күнделікті киімдерде қолданылмады. Ол талғампаз емес, аза тұту түсі деп саналды. Бірақ Шанель мен оның қара көйлегі әйелдерге қара түстің әмбебап екенін дәлелдеді.
6. Коко Шанель ешқашан қайшысыз жүрмеген, қайшы әмиянында немесе мойнындағы жіпте болатын. Бірде ол басқа сәнгердің көйлегімен келген модельдің киімін қайшымен қиып жіберіп, көйлек әлдеқайда талғампаз болып көрінетінін айтқан.&nbsp;
7. Шанель ешқашан киімді алдын ала жобаламаған. Ол көйлек қозғалуы керек деп есептегендіктен, модельдердің үстіне бірден кигізіп, жұмыс жасаған. Яғни қарындаштың орнына қайшы мен түйреуіштерді ғана пайдаланды.
<img src="https://kyzylorda-news.kz/wp-content/uploads/2021/08/chanel-1936.jpeg" alt="" />
8. Габриэль Шанель сәнгер болмай тұрып, кабареде ән айтты. «Qui qu’a vu Coco» әні арқылы ол бүркеншік атқа ие болды.
9.&nbsp;Шанельдің басты қарсыласы Эльза Скьяпарелли болды, оны Габриэль «итальяндық әйел» деп қана атаған.
<img src="https://kyzylorda-news.kz/wp-content/uploads/2021/08/elsa-schiaparelli-3.jpg" alt="" />
10. Шанельге дейін әйелдердің әтірлерінде күрделі иістер болмады. «Chanel № 5»&nbsp;– бір гүлдің иісін қайталамайтын бірінші синтезделген хош иіс. Парфюмер Кокоға он хош иісті таңдауын ұсынғанда, Коко бесіншісін таңдайды. Сонымен қатар 5 – Шанельдің сүйікті нөмірі.
11.&nbsp;Шанельдің арқасында әйелдер шалбар киіп, иықтарына сөмке аса бастады.
<img src="https://kyzylorda-news.kz/wp-content/uploads/2021/08/5d5aae845980e.jpeg" alt="" />
12.&nbsp;Коко Шанель ешқашан тұрмысқа шықпаған және коллекциясын үйлену көйлегімен аяқтамаған.

Коко Шанель туралы қызықты 12 дерек

Kyzylorda-news.kz. Қызылорда облысының әкімі Гүлшара Әбдіқалықованың төрағалығымен алқа отырысы өтті.
Жиынға салалық басқарма басшылары мен селекторлық режимде Қызылорда қаласы және аудан әкімдері қатысты. Күн тәртібінде білім беру объектілерінің 2021-2022 жаңа оқу жылына дайындығы қаралды.
Атқарылған жұмыстар туралы облыстық білім басқармасының басшысы Ақзира Қасымова мен облыстық құрылыс, сәулет және қала құрылысы басқармасының басшысы Бердияр Пірімбетов баяндады.
Алдымен Ақзира Қасымова облыстағы білім беру ұйымдарының жаңа оқу жылына дайындық жұмыстарына тоқталды. Оқу жылында 294 мемлекеттік және 10 жеке мектепте 177 196 оқушы білім алады. Оның ішінде 1 сыныпқа барлығы 18 276 оқушы қабылданды.
Барлық мектептер жұмысын оффлайн форматта бастайды. Оқушылардың шоғырлануын болдырмау үшін үзілістерді әртүрлі уақытта өткізу, білім алушылар мен қызметкерлер арасында маска тағу режимін сақтау, “бір сынып бір кабинет” қағидаты қатаң сақталатын болады. Қазіргі таңда 304 мектеп пен 670 мектепке дейінгі ұйым, 30 колледж, «ASHYQ» қосымшасына толық қосылған. Оқушылар арасында қарым-қатынасты шектеу мақсатында негізгі пәндерді дәстүрлі түрде оқытса, қалған пәндер жылжымалы кесте арқылы оқытылады.
Облыстық білім басқармасы басшысы аймақта барлық мектептер бейнебақылау жүйесімен 100% қамтылғанын тілге тиек етіп, білім беру ұйымдарының жылу беру маусымына дайындығы 95% құрап отырғанын айтты. Тамыз айының соңына дейін бұл бағыттағы жұмыстар толығымен аяқталады деп жоспарлануда.
Жалпы облыстағы 30 техникалық және кәсіптік білім беру ұйымдарында 19 775 студент білім алуда. Оқу орындарында санитарлық талаптар сақталу барысы бақылауда.
Жиында білім беру нысандарының құрылыс мәселесі де сөз болды. Облыстық құрылыс, сәулет және қала құрылысы басқармасының басшысы Бердияр Пірімбетов негізгі жұмыстарды тізбектеді.
Басқарма басшысының айтуынша, облыс бойынша 13 білім беру нысанның құрылысы жүргізілуде. Оның ішінде 7 мектеп, 2 қосымша құрылыс, 1 лагерь, 1 білім беру орталығы, 1 оқушылар үйі, 1 балабақша бар. Бүгінгі күнге дейін «Арал ауданы, Сексеуіл кентіндегі 300 орындық мектеп құрылысы» нысанының құрылыс-монтаж жұмыстары аяқталып, пайдалануға қабылданды. Жылдың аяғына дейін 7 білім беру нысанның құрылысын аяқтап, пайдалануға беру жоспарлануда. Ал, қалған 5 нысан 2022 жылға өтпелі.
Аймақ басшысы жаңа оқу жылының дайындығы мен білім ұйымдарының құрылысына қатысты бірқатар тапсырма берді.
<blockquote>
 “Білім беру ұйымдарының жаңа оқу жылына дайындығын уақтылы және сапалы жүргізіп, санитарлық құралдарымен жеткілікті көлемде қамтамасыз етуді қатаң бақылауға алыңыздар. Ата-аналар арасында вакцинацияның маңыздылығы туралы түсіндіру жұмыстарын күшейту қажет. Арал ауданы Тоқабай ауылындағы апатты мектеп мәселесін жедел шешу жолдарын қарастырыңыздар. Жаңа оқу жылында оқушылардың білім алуына барлық жағдай жасалуға керек. Жыл соңына дейін пайдалануға берілу тиіс білім нысандарының құрылысын уақытылы аяқтау міндеттеледі. Аталған жұмыстардың орындалуын бақылауды және үйлестіруді орынбасарым Балжан Шәменоваға тапсырымын”, – деді Гүлшара Әбдіқалықова.
</blockquote>

Гүлшара Әбдіқалықова: Ата-аналар арасында вакцинацияның маңыздылығы туралы түсіндіру жұмыстарын күшейту қажет

Kyzylorda-news.kz. Ештеңеге зауқыңыз соқпай, қиын жұмыс істемесеңіз да арқаңызда жүк, басыңызда күмән мен ауыр ойлар торлап тұрғандай сезімде боласыз ба? Онда сізге дереу әрекетке көшу керек.&nbsp; &nbsp;
Кез келген адам күнде қайталана беретін бір типті өмір салтынан жалығады. Бұл – адамды басып, жаңа ойлар мен идеялардың келуіне бөгет болады. Сол үшін өмір сүру образымызға өзгеріс пен жаңа дем қосып отыруымыз керек. Мысалы: кемінде айына 1 рет сүйікті ісіңізге уақыт бөліңіз. Сізді ерекше эмоцияларға бөлейтін адамдармен кездесіп, ұнататын жерлерге барыңыз. Ал төменде өміріңізге бояу қосып, сізді энергияға толтыратын заттар тізімін ұсынамын:
1. Сізді қатты қызықтыратын, бұрын-соңды естімеген ел мен оның мәдениетіне еніп көріңіз. Мысалы, оқиға сол елде орын алатын кітап оқу. Сол әлемге шомып, өзіңізді кейіпкерлердің арасында жүргендей елестетіңіз.
2. Бір күні алдын-ала жоспарлаусыз кез келген жақын қалаға билет алып, сол қаланы зерттеп көріңіз. Құлаққап алып, сүйікті музыкаңызды тыңдап жүріп, музей, кафе, кітапхананы аралаңыз. Жаңа жерлер біздегі екінші тынысты ашып, жаңа ойларға жол ашуға ерекше мүмкіндік береді.
3. Бағдаршамның жасыл түсі ғана жанатын серуенге аттаныңыз. Қалаға шығыңыз, қай жерде жасыл түс жанса, сол жерлермен жүріңіз. Қаланың өзі сізге жол көрсетіп тұрғандай, бағытыңыздың соңында не күтіп тұрғанынан бейхабар болу арқылы өзіңіз білмеген жаңалық ашуыңыз ғажап емес.
4. Күнделікті күн тәртібіңізге жаңа әдет енгізіңіз.
5. Алдыңызға кішкентай, бірақ қызық әрі ерекше мақсат қойыңыз. Мысалы, бір ай көлемінде әр апта сайын 1 жаңа адаммен танысу.
6. Өзіңізге үйреншіксіз спортпен айналысып көру. Ол спорт түрі де, немесе жай ғана йога да болуы мүмкін.
7. “Менің арманымдағы өмір” деп аталатын тәжірибені жасап көріңіз: Өзіңізге ұнаған баяу музыканы таңдап, құлаққап киіңіз. Терезенің алдына отырыңыз да, музыканың ырғағымен өз өміріңізді&nbsp; бүкіл бояуымен бірге елестетіңіз. Бұл сізге қандай өмірге ұмтылатыныңызды анықтауға көмектесіп, керемет эмоцияға бөлейді.
8. Осы уақытқа дейін жасап көрмеген тағамды әзірлеп көру. Көзіңізге бірінші түскен плейлистті ең жоғарғы дауысқа қойып, іске кірісіңіз. Осы процесске толықтай еніп, ләззат алыңыз.
9. Бөлмеңізге, жұмыс орныңызға әр қараған сайын қуанышқа бөлейтін заттарды қосыңыз. Мысалы, өміріңіздің ең қызықты сәттерінде түсірілген фотосуреттерді іліп қою. Көзді қуантар құнды естелік болады.
10. Басқа адамды қуанту. Айналаңыздағы кез келген бір адамға оған шынымен керек нәрсе жасаңыз немесе себепсіз сыйлық беріңіз. Басқалардың бойында біздің әрекетімізден туындаған қуаныш пен ризашылық әрқашан өзіміздегі бақыт пен қанағат сезімінің пайда болуына себепші болады.&nbsp; &nbsp;
Үнемі өзіңізге&nbsp; демалыс беріп, ішкі ойларыңызды қалыпқа келтіруді ұмытпаңыз. Қоршаған ортаға және жақындарыңызға уақытыңыз бен жылуыңызды арнаңыз.
<a href="https://massaget.kz/blogs/omirdin_ozi/28253/">Massaget.kz</a>

Өміріңізге реңк беретін 10 зат

Kyzylorda-news.kz. “Роскосмос” мемлекеттік корпорациясы миллиардерлер Илон Маск, Ричард Брансон және Джефф Безосты “Байқоңыр” ғарыш айлағына шақырды. Себебі, жақында, ресейлік актриса Юлия Пересильд пен режиссер Клим Шипенко Союз MS-19 ғарыш кемесімен ғарышқа ұшады.
Зымыранның ұшуы 2021 жылдың 5 қазанына жоспарланған. “Союз МС -19” ғарыш кемесінде 66-шы экспедицияның мүшесі – ғарышкер Антон Шкаплеров, сонымен қатар актриса Юлия Пересильд пен режиссер Клим Шипенко ғарышта “Вызов” деп аталатын алғашқы көркем фильмді түсіру үшін ХҒС -қа аттанады.
17 қазанда Пересильд пен Шипенко ғарышкер Олег Новицкиймен бірге “Союз МС-18” ғарыш кемесімен Жерге оралуы жоспарланған.
Орбитада тұңғыш көркем фильм түсіретін экипаж енді жеке скафандрларда жаттығып жатыр. Костюмдер түсірілім тобы үшін арнайы жасалған.
<img src="https://kyzylorda-news.kz/wp-content/uploads/2021/08/db1938dc4b3aa11e27fce172428626a8.jpg" alt="" />
Актриса Юлия Пересильд пен режиссер Клим Шипенко
Бұған дейін ғарышта түсірілетін ресейлік “Вызов” фильмінде басты рөлді әйел ойнайтыны хабарланған болатын.
Бұл жоба аясында 2020 жылдың соңында ғарышта түсірілетін алғашқы көркем фильмнің басты рөліне ашық конкурс жарияланған болатын. Іріктеудің шығармашылық кезеңінде кәсіби актрисаларға басымдық берілді. 2021 жылы наурызда медициналық комиссиядан өту үшін байқаудың 20 финалисті таңдалды.
Фильмнің түсірілім тобы халықаралық ғарыш станциясына Том Круз және басқа америкалық актерлермен бір уақытта фильм түсіру үшін станцияға ұшады.
Айта кетейік, голливуд актері Том Круз өзінің кезекті фильмдегі рөлін сомдау үшін 2021 жылы ғарышқа ұшатынын хабарланған болатын.
Фильм негізінен Халықаралық ғарыш станциясында түсіріледі. Осыған байланысты актердің ұшуы ХҒС-ның рейстер тізіміне енгізілді.&nbsp;
Актермен бірге кинорежиссер Даг Лейман да ХҒС-ке барады. Олар ғарыш станциясына Snake Mask’s Crew Dragon кемесімен жетеді.
Мамыр айында АҚШ кәсіпкері Илон Маск ғарышта әлемдегі алғашқы фильмді түсіретіні белгілі болған еді. Бұл жобаға NASA да қатысады.
Жауынгерлік жанрда түсірілетін туындының әлі ресми атауы жоқ. Оның бюджеті 200 миллион долларға бағаланған.
<a href="https://massaget.kz/layfstayl/madeniet/kino/65994/">Massaget.kz</a>

Маск, Брансон мен Безос Байқоңырға шақырылды

Kyzylorda-news.kz. Жамбыл жұртшылығы әскери бөлімде жарылыс болған түнді қалай өткізгенін айтып берді.
Дүмпулердің жойқын болғаны сонша, жақын маңдағы ғимараттарды тас-талқан еткен. Тіпті аспанға оқ-дәрілердің сынықтары ұшып жатты. Мұны көрген тұрғындар үйін тастап үдере көшуге мәжбүр болды, деп хабарлады КТК.
Ең алдымен әскери бөлімге жақын орналасқан төрт ауылдың тұрғындары қашты.
<blockquote>
 “Құжат та, ештеңе ала алмадық. Үйіміз сілкініп жатқандай, қайдағы құжат?! Құжатты ойлайсың ба, баланы ойлайсың ба?”, – дейді Байзақ ауданының тұрғыны Таңшолпан Диханбаева.
</blockquote>
Бәрі Таразға қарай ағылды. Тіпті үрейленген ел Жуалы мен Рұрар Рысқұлов ауданына қарай өтіп кетуге асықты. Көше толы кептеліс. Көлігі бары көлікпен, машинасы жоғы жаяу-жалпы қалаға қарай кетті. Тіпті күре жолдағы қозғалыс тоқтап қалды. Ал полицейлер жарылыс аумағына қарай ешкімді өткізбей қойды. Жалпы саны 1200 адам баспанасын тастай қашты деген дерек бар. Оның ішінде 300-ге жуық тұрғын автобустармен қауіпсіз жерге көшірілді.
Эвакуацияланғандардың бәрі облыс орталығындағы мектептерге жайғастырылған. Мұнда ас-су, төсек орны бәрі қамтамасыз етілген. Қаладағы ауруханаға сәт сайын жарылыстан жарақат алғандар жеткізіліп жатты. Емдеу мекемесенің маңында зардап шеккендердің туыстары жылап жүрді. Өйткені көбі жақындары туралы мәлімет ала алмай қиналды.
“Ең соңғы рет сөйлескенімде окопта жатырмын деді. Содан кейін хабарлассам, телефоны сөндірулі”.
Таңғы сағат төртте дүрбелең басылды. Ары-бері қатынаған көлік қозғалысы да сиреді. Дәл осы уақытта әскери бөлімде болып жатқан жарылыс тоқтады.
Тараз түбіндегі жарылыс
Қайғылы оқиға 26 тамыз кешкі жетілер шамасында Жамбыл облысы Байзақ ауданында болды. Алдымен әскери бөлімнің қоймасынан өрт шыққан. Артынша бірнеше жарылыс болды. Қоймада инженерлік оқ-дәрі сақталғаны анықталды.
Жақын маңдағы елді мекен тұрғындары шұғыл Тараз қаласына эвакуацияланды. Соңғы деректер бойынша төтенше жағдай салдарынан 12 адам қаза тапты. Олардың арасында ТЖ министрлігі, әскери бөлім, әскерилендірілген күзет пен әскери прокуратура қызметкерлері бар.
<a href="https://m.sputnik.kz/incidents/20210828/17976434/Zhambyl-zharylys-tun.html">Sputnik.kz</a>

&#8220;Үйіміз сілкініп жатқандай болды&#8221;: Жамбыл жұртшылығы жарылыс болған түнді қалай өткізді?

Kyzylorda-news.kz. 26 тамыз күні Жамбыл облысына қарасты Байзақ ауданындағы әскери қоймада жарылыс болды. Бұл оқ-дәрі сақталған қоймада болып жатқан алғашқы жарылыс емес. Осыған дейін Қазақстанда дәл осындай 7 жарылыс болған, деп хабарлайды <a href="https://stan.kz/kazakstanda-osimen-8-ret-akeri-koymada-zharilis-boldi-o-351543/">Stan.kz</a>.
Балқаш маңындағы жарылыс
2001 жылдың 8 тамызында Балқаш қаласынан 45 киллометр жерде орналасқан Тоқрау ауылындағы әскери қойма өртке оранды. Жарылыс бір апта бойы жалғасқан. Бұл кезде Сәт Тоқпақбаев қорғаныс министрі қызметінде болған. Жарылыс нәтижесінде қанша адам зардап шеккені белгісіз күйінде қалды.
Арыстағы төрт жарылыс
2009 жылы 20 наурызда “Казарсенал” ЖШС қоймасында жарылғыш заттар өртенген. Нәтижесінде оқ-дәрілердің жарылып кетті. Оқиға салдарынан 4 адам көз жұмды, 16 адам ауруханаға түсті. Снарядтар бірнеше киллометр қашықтыққа дейін атылып, көптеген үйлер мен көліктерді жойып жіберген. Бұл жарылыс барысында қазіргі ШҚО әкімі Даниял Ахметов қорғаныс министрі қызметінде болған.
2014 жылы Арыс қаласындағы “Қазақжарылысөнеркәсібі” акционерлік қоғамы аумағында жарылыс болып, екі адам қаза тапқан. Бұл кезде қорғаныс министрі – Серік Ахметов болған.
2015 жылы қарашада қаладағы полигон аумағында жарылыс болып, бір адам мерт болды. Ресми ақпарат бойынша, жарылыс әскери оқ-дәрілер мен өндіріс қалдықтарын жою кезінде болған. Жарылыс кезінде Иманғали Тасмағамбетов министр қызметін атқарған.
2019 жылы 24 маусымда Арыстағы әскери қоймада жарылыс болды. Жарылыс жайлы хабар таңғы 9.20-да түскен. Ішкі істер министрлігінің хабарлауынша, Арыстағы Қазақстан қарулы күштері бөлімдерінің бірінде өрт шығып, салдарынан әскери оқ-дәрі жарылған. Бұл жылы болған жарылыс кезінде Нұрлан Ермекбаев қорғаныс министрі болған.
Қараойдағы жарылыс
2009 жыл 8 шілде күні Алматы облысы Ілеу ауданында қорғаныс министрлігінің оқ-дәрі қоймасында жарылыс болды. Өрт жарылыс тоқтағаннан кейін бір күннен кейін ғана өшірілген. Бұл кезде де қорғаныс министрі Даниял Ахметов болған.
Отардағы жарылыс
Отардағы жарылыс 2013 жылдың 27 тамызында “Қазақжарылысөнеркәсіп” АҚ аумағында 122 миллиметрлік бос патрондарды залалсыздандыру кезінде болды. Жеті адамның денесін күйік шалды, олардың төртеуі қайтыс болды. Бұл кезде қорғаныс министрі қызметін Әділбек Жақсыбеков атқарған.

Қазақстанда осымен 8 рет әcкери қоймада жарылыс болды: Осыған дейін болған оқиғалардың хронологиясы

Kyzylorda-news.kz. Қазақстанда өткен тәулікте 7 353 адам коронавирус індетінен емделіп шықты, деп хабарлайды coronavirus2020.
Аймақтар бойынша:
Нұр-Сұлтан қаласы – 660, Алматы қаласы – 2 138, Шымкент қаласы – 620, Ақмола облысы – 279, Ақтөбе облысы – 76, Алматы облысы – 185, Атырау облысы – 481, Шығыс Қазақстан облысы – 124, Жамбыл облысы – 135, Батыс Қазақстан облысы – 156, Қарағанды облысы – 1 344, Қостанай облысы – 159, Қызылорда облысы – 183, Маңғыстау облысы – 231, Павлодар облысы – 355, Солтүстік Қазақстан облысы – 153, Түркістан облысы – 74. Қазақстан бойынша жазылғандар саны – 656 887.

Қазақстан және Қызылорда облысының жаңалықтары

Тағы 130 қызылордалықтан коронавирус анықталды

29 тамызға арналған ауа райы болжамы

Бүгін – Қазақстанда жалпыұлттық аза тұту күні

Баукен Әлмеш: Ата Заңымызға – 26 жыл

Қызылорда: Коронавирус жұқтырған оқушы 14 күнге оқшауланады

Коко Шанель туралы қызықты 12 дерек

Гүлшара Әбдіқалықова: Ата-аналар арасында вакцинацияның маңыздылығы туралы түсіндіру жұмыстарын күшейту қажет

Өміріңізге реңк беретін 10 зат

Маск, Брансон мен Безос Байқоңырға шақырылды

“Үйіміз сілкініп жатқандай болды”: Жамбыл жұртшылығы жарылыс болған түнді қалай өткізді?

Қазақстанда осымен 8 рет әcкери қоймада жарылыс болды: Осыған дейін болған оқиғалардың хронологиясы

Қызылордада тағы 183 адам коронавирустан жазылды

Қазақстан және Қызылорда облысының жаңалықтары

Тағы 130 қызылордалықтан коронавирус анықталды

29 тамызға арналған ауа райы болжамы

Бүгін &#8211; Қазақстанда жалпыұлттық аза тұту күні

Баукен Әлмеш: Ата Заңымызға &#8211; 26 жыл

Қызылорда: Коронавирус жұқтырған оқушы 14 күнге оқшауланады

Коко Шанель туралы қызықты 12 дерек

Гүлшара Әбдіқалықова: Ата-аналар арасында вакцинацияның маңыздылығы туралы түсіндіру жұмыстарын күшейту қажет

Өміріңізге реңк беретін 10 зат

Маск, Брансон мен Безос Байқоңырға шақырылды

&#8220;Үйіміз сілкініп жатқандай болды&#8221;: Жамбыл жұртшылығы жарылыс болған түнді қалай өткізді?

Қазақстанда осымен 8 рет әcкери қоймада жарылыс болды: Осыған дейін болған оқиғалардың хронологиясы

Қызылордада тағы 183 адам коронавирустан жазылды

Бүгін – Қазақстанда жалпыұлттық аза тұту күні

Баукен Әлмеш: Ата Заңымызға – 26 жыл

“Үйіміз сілкініп жатқандай болды”: Жамбыл жұртшылығы жарылыс болған түнді қалай өткізді?