<a href="https://kyzylorda-news.kz/">Kyzylorda-news.kz</a> Н.Бекежанов атындағы қазақ академиялық музыка-драма театры 15 қыркүйекте жаңа маусымын бастайды. Жаңа маусым В.Шекспирдің «Макбет» трагедиясымен ашылмақ. Бұл туралы Өңірлік коммуникациялар қызметінде өткен брифингте театрдың директоры Ғалым Баймырзаев хабарлады.
66 маусымды сәтті аяқтаған өнер ұжымы жаңа маусымды бастауға толықтай дайын. Өзінің жылдық жоспарын әзірлеп, актерлердің сахналық мүмкіндіктері мен театрдың бағыт-бағдарын қалыптастыру барысында жаңашыл спектакльдерді қоюды жоспарлауда.
Брифингте сондай-ақ Ғалым Қонақбайұлы театрдың өткен жылы атқарған жұмыстарына тоқталып өтті.
<blockquote>
 «Өткен маусымда театр үлкен жетістіктерге қол жеткізген. Тәуелсіздігіміздің 30 жылдығына арналған Думан Рамазанның “Абылай ханның арманы” тарихи драмасы және театр жастарының қатысуымен Рахымжан Отарбаевтың “Нашақор жайлы новелла” спектакльдерінің премьералары көрерменге ұсынылды. Өздеріңіз білетіндей, өткен жылы карантин уақытында театр санитарлық талаптарды сақтап, өз жұмысын жалғастырды. Онлайн форматта көптеген іс-шаралар атқарылып, көрермендер әлеуметтік желі арқылы қойылымдарымызды тамашалады”, – деді театр директоры.
</blockquote>

Н.Бекежанов атындағы қазақ академиялық музыка-драма театры жаңа маусымын қашан бастайды?

Қызылорда облысы Полиция департаментінің Жергілікті полиция қызмет басқармасының патрульдік полиция ротасының инспекторлары қызмет атқару барысында «Шымкент-Самара» тас жолының 1649-1650 шақырымы Төребай би ауылының тұсында 34 жастағы Жосалы кентінің &nbsp;тұрғынының басқаруындағы «УАЗ» автокөлігін тоқтатқан.
Тексеру барысында жүргізушіге тиесілі ІІО тіркеуде жоқ, 16-калибрлі, 2 ұңғылы, нөмірсіз аңшы мылтығы және 57 жастағы жолаушысына тиесілі ІІО тіркеуде жоқ, 2-ұңғылы, 16-калибрлі, аңшы мылтығы мен 5-дана оқ дәрісін &nbsp;заңсыз тасымалдағаны анықталды.
<blockquote>
 «Анықталған дерек бойынша Қазақстан Республикасы Әкімшілік құқық бұзушылық кодексінің 482–бабының 1-бөлігімен (Iшкi iстер органдарында тiркелмеген тегiс ұңғылы, газды қару мен олардың патрондарын, сол сияқты электрлі қаруды, үрлемелi қуаты 7,5 Джоульдан жоғары, калибрi 4,5 миллиметрден асатын пневматикалық қаруды заңсыз иеленіп алу, беру, өткiзу, сақтау, алып жүру, тасымалдау) әкімшілік хаттамалар рәсімделіп, сотқа жолданады», – делінген полиция департаментінің таратқан хабарламасында.
</blockquote>

Заңсыз қару тасымалдаған аудан тұрғындары анықталды

<a href="https://kyzylorda-news.kz/">Kyzylorda-news.kz</a> Облыстағы мәдениет ұйымдары мен өнер мекемелерінде ел Тәуелсіздігінің 30 жылдығы мерекесіне орай түрлі мәдени шаралар ұйымдастырылуда. Өңірлік коммуникациялар қызметінде өткен баспасөз конференциясында облыстық мәдениет архивтер және құжаттама басқармасы басшысының міндетін атқарушы Нұршат Наурызбаева ұлттық мереке қарсаңында өткізілетін шаралар мен саладағы жағымды жаңалықтарды баяндады.
<blockquote>
 «Тәуелсіздіктің 30 жылдығына орай бізде облыстық іс-шаралар жоспары бекітілген. Жыл басынан бері барлық мәдениет ұйымдарында және өнер мекемелерінде Тәуелсіздіктің 30 жылдығына байланысты ауқымды шаралар өткізілуде. Оның ішінде “Тұғыры биік Тәуелсіздік” атты республикалық ақындар айтысын атап өтсек болады. Осы сипаттағы шараларымыз барлық мәдениет ұйымдарында жалғасын табуда»,- деді Нұршат Бегежанқызы.
</blockquote>
Ел Тәуелсіздігінің мерейтойы қарсаңында Кете Жүсіп Ешниязұлының 150 жылдығын атап өту де жоспарланған. Бұл мақсатта қыркүйек айында «Жырлансын Тәуелсіздік жыр бұлағы» атты республикалық жыршы-жыраулар байқауы өткізілмек.
Қызылорда облыстық филормониясы Тәуелсіздіктің 30 жылдығына орай “Тәуелсіздікке тарту” айдарымен өнердің барлық жанры бойынша 30 ауқымды шара ұйымдастыруда. Бүгінде түрлі бағыттағы 24 шара аралас форматта өткізілген. Баспасөз конференциясында Талғат Мақашов облыстық филормониядағы ауқымды шаралар тізбегін баяндады.
<blockquote>
 «Жалпы бүгінгі күнге дейін филормонияның ұйымдастыруымен барлығы 90-нан аса шара өткізіліп, оған 50 мыңнан аса көрермен қамтылды. Ал Тәуелсіздіктің 30 жылдық мерекесіне орай 30 шара өткізілуде. Атап айтқанда, Тұрмағамбет атындағы халық аспаптар оркестірінің жыл концерті, “Қорқыт сазы” қобызшылар ансамблінің “Сарын” атты сазды кеші және қазақтың аңыз және салт ертегілерінің 30 кейіпкері циклымен “Әдемі” балалар музыкалық театр-студиясының қысқаметражды қойылымы көрермен қатысуымен өткізілсе, қалған туындылар елде орын алған пандемияға байланысты онлайн форматта өткізілді. Қыркүйек айында залда 30 пайыз орынға рұқсат беріліп, көрермендерімізбен қайта табысуға қызу дайындық жұмыстары басталып кетті», – деді облыстық филормонияның директоры Талғат Бақытбекұлы.
</blockquote>

Тәуелсіздікке &#8211; 30 жыл: Мәдениет ұйымдарында ауқымды шаралар ұйымдастырылуда

<a href="https://kyzylorda-news.kz/">Kyzylorda-news.kz</a> Жалған вакцина паспортын сатып алғандарға қайта екпе алу мүмкіндігі беріле ме? Бұл сұраққа орталық коммуникациялар қызметінде Денсаулық сақтау министрінің орынбасары <a href="https://lenta.inform.kz/kz/zhalgan-vakcina-pasportyn-satyp-algandar-kaytadan-ekpe-saldyra-ala-ma_a3833819">Марат Шоранов</a> жауап берді.
<blockquote>
 «Денсаулық сақтау министрлігі бірінші кезекте халықты иммундауды сапалы жүргізуге мүдделі. Сондықтан ондай олқылықтардың жолын барынша қатаң түрде кесуіміз керек. Өздеріңіз білесіздер, Ішкі істер министрлігімен бірлескен жұмыс жүріп жатыр. Өңірлердің бәрінде дерлік жалған вакцина паспортын жасаған медицина қызметкерлерінің үстінен қылмыстық іс қозғалды. Вакцина паспортын заңсыз жолмен сатып алу әрекеттерімен әлі де күресе береміз», – деген вице-министр әзірге жалған вакцина паспорты бар азаматтардан қайта екпе алу туралы өтініш түспегенін айтты.
 «Бір кезде заңсыз тәсілген жүгінген, енді нағыз вакцина алғысы келетіндерге қатысты айтсақ, бүгінде бізге ондай өтінімдер келген жоқ. Жүгінген жағдайда ондай азаматтармен жұмыс істеуге дайынбыз. Бірақ бұл жерде бірқатар нормативтік-заңнамалық мәселелерді атқаруымыз керек. Яғни, тиісті құзырлы органдардың тиісті мақұлдауы керек. Бірыңғай шешім шыққан кезде ол туралы мәлімдейміз», – деді Марат Шоранов.
</blockquote>

Жалған вакцина паспортын сатып алғандар қайтадан екпе салдыра ала ма?

<a href="https://kyzylorda-news.kz/">Kyzylorda-news.kz</a> Бүгін аудан әкімдігінің мәжіліс залында Қазақстан халқы тілдері күні мерекесіне орай салтанатты шара өтті.
Салтанатты шарада аудан әкімі Мұхтар Оразбаев көпшілікті тіл мерекесімен құттықтап, тәуелсіз елдің тұғырын биіктетер мемлекеттік тілді дамытудағы игі істер туралы айтты.
Мұнан соң аудандағы бірқатар тіл жанашырлары облыс әкімі, облыс әкімінің орынбасары, облыстық ішкі саясат басқармасы және аудан әкімінің «Алғыс хаттарымен» марапатталды.
Басқосуда аудандағы тіл жанашырлары, аймақтық «Тұран-Қазалы» газеті бас редакторының орынбасары РаушанбекСейтенов, М.Горький атындағы №16 мектеп-лицейінің мұғалімі, «Бірлік Единство этномәдени» қоғамдық келісім бірлестігінің мүшесі Нафиса Жұма, Қызылорда облыстық тілдерді оқыту орталығының мұғалімі Лаура Әлібекова өздерінің ой-пікірлерін айтып, құттықтау сөз сөйледі.
Тіл мерекесін өнер саңлақтары жандандыра түсті.Бақытбек Мәкеев«Тіл туралы толғаныс» атты арнау өлеңін нақышына келтіріп оқып берсе, аудандық мәдениет орталығының өнерпаздары «Анамның тілі» әнін әуелете шырқады.
<img src="https://kyzylorda-news.kz/wp-content/uploads/2021/09/6486e25e-4880-4a05-916a-4c5e02d326c6.jpg" alt="" />
<img src="https://kyzylorda-news.kz/wp-content/uploads/2021/09/22357394-6592-42a2-b678-d262f93eef60.png" alt="" />

Қазалыда тіл жанашырлары марапатталды

<a href="https://kyzylorda-news.kz/">Kyzylorda-news.kz</a> Қызылорда облысының Полиция департаменті отбасылық институтын, өскелең ұрпақты рухани-адамгершілікке тәрбиелеуде және қазақстандық отбасының оң имиджін насихаттау аясында «Халықаралық отбасы күні» мерекесін атап өтті. Іс-шараға Департаменттің Ардагерлер кеңесі де атсалысып, қатысты. Кездесу барлық санитарлық талаптарды сақтай отырып ұйымдастырылды.
<blockquote>
 «Отбасы – адам баласының түп қазығы, алтын ұясы. Адам баласы шыр етіп дүниеге келген күннен бастап, сол ортаның ыстығына, суығына бейімделіп, ықпалына көніп ер жетеді. Сол отбасынан үлкен өмірге қадам басамыз. Біздің өмірге түзу қадам басуымызда отбасының орны ерекше. Сіздерді шын жүректен мерекемен құттықтаймын! Отбасы күні баршаңызға амандық әкелсін және баянды отбасылық бақыт тілеймін!»,- деп келген қонақтарды мерекемен құттықтады Департамент бастығының орынбасары полиция полковнигі Дәурен Ибраев.
</blockquote>
Отбасы–шағын мемлекет. Өз болмысы, өз ерекшелігі, өз ережесі, өз дәстүрі, өз қағидасы бар. 12 қыркүйек «Отбасы күні» мерекесіне орай және тәуелсіз еліміздің тыныштығы үшін аянбай еңбек етіп, адал қызмет атқаратын ұлдарды тәрбиелеп өсірген ата-аналар Қызылорда облысы Полиция департаменті бастығының «Алғыс хатымен» марапатталды.
Өз кезегінде қызметкерлердің ата-аналары Департамент басшылығына осындай ерекше мейраммен құттықтап, елеп жатқандарына алғыстарын &nbsp;білдірді.
<img src="https://kyzylorda-news.kz/wp-content/uploads/2021/09/img_5135-scaled.jpg" alt="" />
<img src="https://kyzylorda-news.kz/wp-content/uploads/2021/09/img_5172-scaled.jpg" alt="" />

Қызылордалық полицейлер «Отбасы күнін» атап өтті

<a href="https://kyzylorda-news.kz/">Kyzylorda-news.kz</a> Премьер-министрдің орынбасары Ералы Тоғжановтың төрағалығымен өткен ведомствоаралық комиссияның отырысында вакцинациялау бойынша жүргізілетін рейдтердің алгоритмі <a href="https://sputnik.kz/society/20210908/18079858/vaktsina-tekseru-algoritm.html">мақұлданды.</a>
Алгоритмді денсаулық сақтау министрлігі, мүдделі мемлекеттік органдар мен “Атамекен” кәсіпкерлер палатасы әзірледі.&nbsp;
<h3 id="">Вакцина салдырмаған қызметкерлер қалай анықталады?</h3>
Енді мониторингтік топ рейд барысында кәсіпорын қызметкерлерінің COVID-19-ға қарсы вакцинаның бірінші компонентін алып-алмағанын тексереді.
Қызметкерлер саны 50 адамнан асатын және вакцинаның бірінші компонентін салдырғандар саны 60%-тен төмен кәсіпорындардың тізімі жобалық кеңсенің Вакцинация картасы негізінде жасалады.
Мониторигтік топ рейдін тіркеу тәртібі&nbsp;<a href="https://infokazakhstan.kz/kz">InfoKazakhstan</a>&nbsp;электронды платформасында жүзеге асырылады.
Жұмыс беруші объектіге тексеріспен шыққан мониторингтік топ мүшелеріне екпе алған және вакцинадан босатылғаны туралы құжаты бар қызметкерлердің (7 күннен аспайтын ПТР-тесті, тұрақты/уақытша медициналық қарсы көрсетілімдер немесе 3 ай ішінде COVID-19-бен ауырып жазылған адамдар) толық тізімін (аты-жөні, ЖСН) ұсынуы керек.
Мониторингтік топ (қызметкерлер саны 50-ден 200 адамға дейін –&nbsp; қызметкерлердің кемінде 10%-і, 201-ден 500-ге дейін – кемінде 5%, 501-ден 1000-ға дейін – кемінде 3%, 1000-нан көп – кемінде 1%) “Ashyq” қосымшасы арқылы қызметкерлердің мәртебесін тексереді және жұмыс беруші ұсынған қызметкерлер тізімімен салыстырады.
<blockquote>
 “Егер статусы “жасыл” емес қызметкер анықталса, одан вакцинасыз жұмыс орнында болу құқығын беретін қағаз (анықтама) сұратылады (мерзімі 7 күннен аспайтын ПТР-тестілеу нәтижесі, тұрақты/уақытша медициналық қарсы көрсетілімі бар немесе 3 ай ішінде коронавируспен ауырып жазылып шыққан адамдар)”, – делінген хабарламада.
</blockquote>
Вакциналау тәртібінің бұзылғаны расталған жағдайда мониторингтік топ нақты осы тұлғаларды көрсете отырып, материалдар қалыптастырады және шешім қабылдау үшін СЭС органдарына жібереді. Кәсіпорынға (басшыға не өзге уәкілетті тұлғаға) вакциналанбаған жұмыскерлерді қызмет объектісіне жіберуді шектеу қажеттілігі түсіндіріледі.
Санитарлық-эпидемиологиялық қызмет органдары мониторингтік топтардан келіп түскен материалдардың негізінде объектіге санитарлық-эпидемияға қарсы және санитарлық-профилактикалық іс-шаралар жүргізу туралы қаулы жолдайды. Қаулыда белгіленген мерзім ішінде қызметкерлерді жұмыс орнына негізсіз жіберу фактілері қайта анықталса, жұмыс берушіні әкімшілік жауапкершілікке тарту мәселесі қаралады.
Объектіге әкімшілік шара қолданылған жағдайда жергілікті атқарушы органдар бұл нысанның “Ashyq” жобасына қатысуын тоқтата тұрады.

Вакцина алмағандарды тексеру басталады

<a href="https://kyzylorda-news.kz/">Kyzylorda-news.kz</a> Қазгидромет 9-11 қыркүйек аралығында ауа райы қандай болатынын айтты.
Болжамға сәйкес, солтүстікте, солтүстік-шығыста, шығыста&nbsp; жаңбыр жауады. Тек оңтүстік пен батыста жауын-шашын болмайды.
10 қыркүйектен бастап Солтүстік циклонның Қазақстан аумағына ығысуына орай, еліміздің басым бөлігінде, таулы аудандарда және оңтүстік, оңтүстік-шығыс өңірлердің солтүстігінде найзағай ойнап, бұршақ жаууы мүмкін.
Батыста, солтүстік-батыста ауа температурасы біртіндеп көтеріледі. Түнде +3…+11°C-тан +5…+15°C-қа дейін, күндіз +15…+23°C-тан +20…+28°C-қа дейін көтеріледі.
Солтүстік пен орталықта түнде +2…+13°C болады, 9 қыркүйекте топырақ бетінде 2 градус үсік жүреді. Күндіз ауа температурасы +15…+23°C-тан +10…+20°C-қа дейін төмендейді.
Шығыста негізгі фон түнде +2…+16°C-қа, күндіз +15…+25°C-қа, оңтүстік пен оңтүстік-шығыста түнде +10…+18°C-тан +4…+14°C-қа дейін, күндіз +19…+30°C-тан +15…+25°C-қа дейін төмендейді.

Алдағы үш күнде ауа райы қандай болады?

<a href="https://kyzylorda-news.kz/">Kyzylorda-news.kz</a> Қызылорда қаласы әкімінің өкімімен Оспанов Бауыржан Әліпбайұлы қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы қызметіне тағайындалды.
Бауыржан Әліпбайұлы, 1986 жылы Қызылорда қаласында дүниеге келген.
Алматы үздіксіз білім беру университетін «Заңгер» мамандығы бойынша бітірген. 
Еңбек жолын 2004 жылы «Қадыр Ай» ЖШС-нің менеджері болып бастаған. 
2010-2013 жж. «Ыбрайхан и К», «Қайсар ЛТД» ЖШС директоры; 
2014-2015 жж. қалалық тұрғын үй коммуналдық шаруашылық және тұрғын үй инспекциясы бөлімінің инспекторы, бас маманы; 
2015-2016 жж. «Қызылордажылуэлектрорталығы» мемлекеттік коммуналдық кәсіпорны директорының орынбасары; 
2016-2017 жж. «Қазалы-Теміржолжылу» мемлекеттік коммуналдық кәсіпорны директорының орынбасары; 
2018-2019 жж. Қызылжарма ауылдық округінің әкімі; 
2019 жылдың қазан айынан бастап осы кезге дейін Қызылорда облысының табиғи ресурстар және табиғат пайдалануды реттеу басқармасы басшысының орынбасары қызметін атқарып келді.

Қалалық тұрғын үй-коммуналдық шаруашылығы бөлімінің жаңа басшысы  тағайындалды

<a href="https://kyzylorda-news.kz/">Kyzylorda-news.kz</a> Биылғы Мемлекет басшысы Қасым-Жомарт Тоқаевтың Қазақстан халқына Жолдауының бесінші бастамасы тұрғын үй мәселесіне қатысты болып отыр.
Мемлекет басшысы «Тұрғын үй азаматтарымыз үшін – қашанда басты мәселе» екендігін және қазіргі таңда нарықтық ипотека ставкасы әлі де жоғары және жұрттың бәріне бірдей қолжетімді емес екендігін атап өтті. Осыған орай, бірыңғай тұрғын үй бағдарламасын әзірлеуді тапсырып, Тұрғын үй саласындағы толыққанды даму институтын құруды «Отбасы банкі» оның әкімшісі болып белгілеуді тапсырды. Өздеріңізге белгілі осы мәселелерді шешу үшін “Қазақстанның тұрғын үй құрылыс жинақ банкі” АҚ негізінде “Отбасы банкі” құрылды. “Отбасы банкі” тұрғын үйге мұқтаждардың барлығын орталықтандырылған негіздеесепке алуды, сондай-ақ тұрғын үйдің «қолжетімділік сатысына»сәйкес тұрғын үйді бөлуді«бір терезе қағидаты» бойынша жүзеге асыратын болады. Яғни, “Отбасы банкінің” базасы жеке тұлғалардың мемлекеттік дерекқорларымен интеграцияланатын болады. Азаматтарға бір орталықтан қызмет көрсетілетін болады.
Сонымен бірге, Жолдауда азаматтардың зейнетақы жинағын мерзімінен бұрын пайдалану туралы бастаманың оң әсері және бұл қадам адамдардың жұмыс берушілерден еңбекақыны ашық төлеуді талап етуіне жол ашылатыны атап өтілді.
Осы үрдісті қолдау үшін зейнетақы жинағының жеткілікті мөлшерінің шегінен асатын бөлігін тұрғын-үй сатып алу мақсатында «Отбасы банкіндегі» есепшотқа аударуға рұқсат берілді.
Арнұр НҰРМАҒАНБЕТОВ,
облыстық құрылыс, сәулет және қала құрылысы басқармасы басшысының орынбасары

Бірыңғай тұрғын үй бағдарламасы әзірленеді

<a href="https://kyzylorda-news.kz/">Kyzylorda-news.kz</a> Мемлекет басшысы биылғы Жолдауында қазақстандықтарға жеткілікті шегінен асатын зейнетақы жинақтарының бір бөлігін «Отбасы банкіндегі» есепшотқа аударуға рұқсат беруді тапсырып, бұл жұмыстарды жүзеге асыруға жауаптыларға тиімді механизм әзірлеуді жүктеді.
Ел Президенті бұл шара қаражат жинау және оларды сауатты басқару әдетін ынталандырады деп атап өтті. Бүгінгі таңда жұмысшы тобы құрылып, істің механизмі әзірленуде дейді Өңірлік коммуникациялар қызметінде өткен баспасөз конференциясында «Отбасы Банк» АҚ Қызылорда филиалының директоры Әділжан Сәулебаев.
<blockquote>
 «Бұған дейін зейнетақы қорындағы шекті мөлшерден асатын жинақтарын алғанда 45 күн ішінде пайдалану керек болатын. Болмаған жағдайда қаржы қорға кері қайтарылатын. Ал жаңа механизм бойынша ендігі жерде депозит арқылы жинақтауға, ақша салып болашақта үй сатып алуға мүмкіндік бар. Депозитке салынса жыл сайынғы банктің өсімақысы, қосымша сыйақылар төленіп, көлемі көбейіп отырады. Бірақ, депозиттегі қаржы қолма-қол берілмейді. Тек үй сатып алуға ғана пайдалана алады», – деді Әділжан Рақымжанұлы.
</blockquote>
Айта кету керек, жыл басынан тамыз айына дейін 7357 адам зейнетақы қорындағы 25 млрд теңгеден астам қаржысын алған. Оның 4694 толық көлемде ақшасын төлеп, несиесіз үй алған. Ал 351-і баспананың бастапқы жарнасын төлуге, 127-і сатып алу құқығымен тұрғын үй алуға, 13-і үй салуға алған. 862 азамат зейнетақы қорынан алған қаржына емделуге жұмсаған.

Зейнетақы қорындағы қаржыны депозитке аударуға болады

<a href="https://kyzylorda-news.kz/">Kyzylorda-news.kz</a>&nbsp; Қазақстанда алаяқтықтың жаңа түрі пайда болды: ақ көйлек киіп, қолдарына көк сөмке мен куәлік ұстаған азаматтар тұрғындардың үйлеріне келіп, өздерін әкімдік өкілі етіп таныстырады және халық санағын жүргізіп жатқанын айтады, деп хабарлайды Stan.kz ақпарат агенттігі.
Ұлттық статистика бюросы бұл адамдардың санаққа ешқандай қатысы жоқ екенін ескертті.
<blockquote>
 «Санақ жүргізушінің қолында мөрмен куәландырылған тиісті сертификаты, сондай-ақ көк орамал мен 2021 жылғы халық санағының белгілері бар портфель болады. Сонымен қатар сертификатта тіркеу нөмірі болады, оның көмегімен sanaq.gov.kz сайтындағы арнайы іздеу жолына нөмірді енгізу арқылы санақ алушы туралы бүкіл ақпаратты табуға болады», – деп хабарлады олар.
</blockquote>
Сондай-ақ респондент 1446 қысқа нөміріне қоңырау шалу арқылы санақ алушының жеке басын тексере алады.
Еске сала отырайық, қазақстандықтардың 1 қыркүйек пен 15 қазан аралығында sanaq.gov.kz мамандандырылған веб-сайтында барлық санақ сұрақтарына онлайн түрде жауап беруге мүмкіншілігі бар.

Қазақстан және Қызылорда облысының жаңалықтары

Н.Бекежанов атындағы қазақ академиялық музыка-драма театры жаңа маусымын қашан бастайды?

Заңсыз қару тасымалдаған аудан тұрғындары анықталды

Тәуелсіздікке – 30 жыл: Мәдениет ұйымдарында ауқымды шаралар ұйымдастырылуда

Жалған вакцина паспортын сатып алғандар қайтадан екпе салдыра ала ма?

Қазалыда тіл жанашырлары марапатталды

Қызылордалық полицейлер «Отбасы күнін» атап өтті

Вакцина алмағандарды тексеру басталады

Алдағы үш күнде ауа райы қандай болады?

Қалалық тұрғын үй-коммуналдық шаруашылығы бөлімінің жаңа басшысы тағайындалды

Бірыңғай тұрғын үй бағдарламасы әзірленеді

Зейнетақы қорындағы қаржыны депозитке аударуға болады

Халық санағын сылтау еткен алаяқтар үй-үйді аралап жүр

Қазақстан және Қызылорда облысының жаңалықтары

Н.Бекежанов атындағы қазақ академиялық музыка-драма театры жаңа маусымын қашан бастайды?

Заңсыз қару тасымалдаған аудан тұрғындары анықталды

Тәуелсіздікке &#8211; 30 жыл: Мәдениет ұйымдарында ауқымды шаралар ұйымдастырылуда

Жалған вакцина паспортын сатып алғандар қайтадан екпе салдыра ала ма?

Қазалыда тіл жанашырлары марапатталды

Қызылордалық полицейлер «Отбасы күнін» атап өтті

Вакцина алмағандарды тексеру басталады

Алдағы үш күнде ауа райы қандай болады?

Қалалық тұрғын үй-коммуналдық шаруашылығы бөлімінің жаңа басшысы тағайындалды

Бірыңғай тұрғын үй бағдарламасы әзірленеді

Зейнетақы қорындағы қаржыны депозитке аударуға болады

Халық санағын сылтау еткен алаяқтар үй-үйді аралап жүр

Тәуелсіздікке – 30 жыл: Мәдениет ұйымдарында ауқымды шаралар ұйымдастырылуда