Kyzylorda-news.kz. Бүгін Достық үйінің мәжіліс залында облыстық татар этномәдени бірлестігінің ұйымдастыруымен облыстық Қазақстан халқы Ассамблеясының қолдауымен Ұлы Жеңістің 75 жылдық мерейтойына арналған шара өтті.
Шараға тыл еңбеккерлері, этномәдени бірлестіктердің өкілдері мен жастар қатысты.Шара басталмас бұрын қатысушылар фойеде И. Панфилов атындағы №5 мектептің қатысуымен әзірленген көрмені тамашалады. Көрмеде 1942 жылы басылып шыққан кітаптар, 1941 жылы жарық көрген «Красная звезда» басылымның түпнұсқасы, фронт хаттары, Ұлы Отан соғысының ардагері Сагит Ахмеджановтың мыс котелогы, тарихқа толы суреттер және сарбаздардың жеке заттары қойылған.
Қазіргі ұрпақ соғыс ардагерлері мен тыл еңбеккерлеріне бүгінгідей бейбіт өмір үшін қарыздар. Сондықтан татар бірлестігінің белсенділері дайындаған нөмірлер мереке қонақтарына арналған сый-құрметтің белгісі іспетті.
“Жасмин” би тобының өнерпаздары әскердегі күндерді еске түсіретін “Көк орамал” биін орындады. Татар этномәдени бірлестігінің белсенді мүшесі Елена Ишканова «В землянке», “Сарман” вокалдық тобы мен солистер түрлі тілде өлеңдер оқып, әндер шырқады. LED-экранда Ұлы Отан соғысының 75 жылдық мерейтойына арналған құттықтаулар айтылып, тарихқа толы соғыс жылдарын еске салатын бейнероликтер көрсетілді.
Көрермендер алдында татар этномәдени бірлестігінің жетекшісі Галия Гизатуллина сөз сөйлеп, бүгінгі шараның маңыздылығына тоқталып өтті. Сондай-ақ, Татарстан Республикасының Президенті Рустам Миннихановтың құттықтау хаттары мен алғыс хаттарын табыс етті.
<img src="https://kyzylorda-news.kz/wp-content/uploads/2020/10/fb_img_1602320898626.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320887201.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320896425.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320891931.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320898626-1.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602320900665.jpg" alt="" />

Ұлы Жеңістің 75 жылдық мерейтойына арналған шара өтті

Kyzylorda-news.kz. Қоғамдық көлікте инфекция жұқтырмау үшін маска режимін сақтау керек.
<blockquote>
 “Бастысы – маска тағу керек. Метро, автобус ішінде емес, оған бірнеше метр қалғанда таққан дұрыс. Өйткені сол маңда адам көп шоғырланған. Көлікте отырғанда бетпердені шешпеген жөн. Қолғап киюді ұмытып кетсеңіз, айналадағы заттарды қолмен ұстамауға тырысыңыз. Бетіңіз бен денеңізге қол тигізбеген жөн. Қолды жиі жууды ұмытпау керек”, – деп кеңес береді Покровский.
</blockquote>
Вирус жұқтыру қаупін азайтуға ауа циркуляциясы көмектеседі. Маманның айтуынша, көліктің терезесі ашық болғаны дұрыс.
<blockquote>
 “Терезені ашып, ауаны тазартып тұрған жөн. Алайда ауа райына мән беру керек. Салқын тиіп қалуы мүмкін”, – дейді академик.
</blockquote>
Қоғамдық көлікте мүмкіндігінше әлеуметтік қашықтық сақталуы тиіс. Маман жақын жер болса, жаяу жүруге кеңес беріп отыр.
<a href="https://m.sputnik.kz/society/20201010/15171932/qogamdyq-kolik-infektsiya.html">Sputnik.kz</a>

Қоғамдық көлікте инфекция жұқтырмау үшін не істеу керек

Kyzylorda-news.kz. Гамбург-Эппендорф Маркус Глатцель университеттік емхана профессорлары коронавирустан көз жұмған науқастардың миына зерттеу жүргізіп, кеселдің адамның жүйке жүйесіне деген әсерін дәлелдеді.
Ғалымдар COVID-19-дан көз жұмған адамдардың миынан вирусты тапқан. Бұл ауру тудырушылардың жүйке жүйесін де зақымдайды дегенді білдіреді. Зерттеушілер орта жасы 76-ны құрайтын қайтыс болған 43 науқастың миына зерттеу жүргізген. Олардың көпшілігі асқынып кеткен созылмалы аурулар мен өкпе қабынуынан көз жұмған сыңайлы.
Мамандар вирус ми мен адамның өзге де ағзаларын байланыстыратын жүйке арқылы таралғанын алға тартады. Сөздерінше, кейбір адамдардың денесінен мидың қызметі бұзылуына алып келетін бірқатар асқыну белгілері анықталған.
Десек те олар SARS-CoV-2-нің жүйке жүйесін тікелей әсер етпейтінін және вирустық энцефалитке алып келмейтінін жеткізді.
<a href="https://stan.kz/galimdar-koronavirustin-miga-degen-keri-aserin-aniktadi-338190/">Stan.kz</a>

Ғалымдар коронавирустың миға деген кері әсерін анықтады

Kyzylorda-news.kz. Өткен тәулікте коронавирустық инфекция белгілері бар пневмонияның 233 жағдайы және 1 өлім жағдайы тіркелді. 21 адам емделіп шықты.
1 тамыздан барлығы: ауырғандар – 34 617 болып, 365 өлді, ал жазылып шыққандардың саны 27 618 жетті.

COVID-19: Пневмонияның 233 жағдайы тіркелді

Kyzylorda-news.kz. Еңбек және халықты әлеуметтік қорғау министрлігінің болжамынша, коронавирус пандемиясының екінші толқыны кезінде 160 мыңнан аса адам жұмыссыз қалуы мүмкін. Бұл туралы министр Біржан Нұрымбетов мәлімдеді, деп хабарлайды <a href="https://m.sputnik.kz/society/20201009/15169627/160-myn-adam-zhumyssyz.html">Sputnik Қазақстан</a>.
Тиісті болжамды министрлік жанындағы еңбек ресурстарын дамыту орталығы жасады.
Министр қатаң карантин енгізілген жағдайда, 4 миллионға жуық адам жұмыс орнын сақтап қалатынын айтты. 2,5 миллионға тарта қазақстандық қашықтан жұмыс істеуге көшеді.
<blockquote>
 “Тағы 2 миллион азаматтың жұмыс уақыты қысқарады. Біздің сарапшылардың бағалауынша, егер өткен жолғыдай қатаң карантин болса, 160 мыңға жуық адам жұмыстан шығып, жұмыссыз қалуы мүмкін”, – деді Нұрымбетов.
</blockquote>
Министрдің айтуынша, ресми статистикаға сүйенсек, бүгінде жұмыссыздық деңгейі 5%-ті құрап отыр. Бұл шамамен 454 мың адам. Егер сәуір-мамырдағыдай шектеу шаралары қатаңдатылса, онда жұмыссыздық 6%-ке жетуі мүмкін.

Коронавирустың екінші толқыны кезінде 160 мыңнан аса адам жұмыссыз қалуы мүмкін

Kyzylorda-news.kz. ҚР Еңбек және халықты әлеуметтік қорғау министрі Біржан Нұрымбетов елімізде қатаң карантин енгізілсе, еңбек нарығындағы жағдай қандай болатынын сипаттап берді.
<blockquote>
 «Мақсаттарға тоқталатын болсақ, тұрғын үй мәселесін шешу ескерілген. Бұл жерде арнайы ереже бекітіледі, тиісті жұмыстар атқарылуда. Осы тұрғыда негізгі параметрлер тек баспана сатып алумен шектелмеген, яғни жалпы тұрығын үй жағдайын жақсартуға бағытталған. Ол қаражатқа тұрғын үйді немесе жер телімін сатып алуға болады. Осы орайда тек жаңа баспана деген ұғым жоқ, қайталама нарықтан да үй сатып алу мүмкіндігі бар. Ипотека алуға алғашқы жарна ретінде пайдалануға, ипотеканы жабуға немесе қайта қаржыландыру мақсатына бағыттауға болады», – деді министр Орталық коммуникациялар қызметінде.
</blockquote>
Оның сөзіне қарағанда, бұл тұрғыда ипотека қай банктен алынғанына немесе қандай бағдарламамен рәсімделгеніне ешқандай шектеу қойылмайды.
<blockquote>
 «Баспана көлемін кеңейтуге пайдалануға болады. Бұл мүмкіндікті тек өзіне емес, сонымен қатар жақын туыстарына да таралады деп жоспарладық. Жақын туыстарына ата-анасы, балалары, бауырлары ата-әжесі, немерелері кіреді. Қаражаттың мақсатты пайдаланылуы үшін бірыңғай оператор болады, сол оператор азаматтың тапсырысы бойынша жинақтаушы қорымен байланысып, сол жердегі тиісті қаражатыңызды баспана, жер телімін сатып жатқан адамға немесе ипотека рәсімделген банктерге аударады», – деп нақтылады министр.
</blockquote>
<a href="https://www.inform.kz/kz/zeynetaky-zhinagymen-ipotekany-zhabuga-bolady_a3704469">ҚазАқпарат</a>

Зейнетақы жинағымен ипотеканы жабуға болады

Kyzylorda-news.kz. Қазақстанның басым бөлігі әліде антициклонның ықпалында болады, соған байланысты жауын-шашынсыз ауа-райы күтіледі, деп хабарлайды Қазгидромет.
Тек Қазақстанның солтүстігінде, орталығында және оңтүстік-шығысында атмосфералық фронттардың өтуімен жаңбыр және қар түрінде жауын-шашын күтіледі. Республиканың кей жерлерінде тұман, желдің күшеюі, солтүстікте –көктайғақ, оңтүстік-батысында- шаңды дауыл күтіледі.
Солтүстік Қазақстан облысының кей жерлерінде көктайғақ, тұман күтіледі, жел 15-20 м/с дейін күшейеді.
Алматы, Жамбыл, түнде және таңертең Қарағанды облыстарының кей жерлерінде тұман күтіледі, Жамбыл облысының кей жерлерінде жел 15-20 м/с дейін күшейеді.
Ақмола, Түркістан, күндіз Қызылорда, Манғыстау, Атырау облыстарының кей жерлерінде жел 15-23 м/с дейін күшейеді, Манғыстау облысында күндіз шаңды дауыл соғады.
Алматы, Жамбыл, Түркістан, Қызылорда облыстарының түнде кей жерлерінде түнде 1-5 градус үсік күтіледі.

Қазақстанның 4 өңірінде үсік жүреді

Kyzylorda-news.kz. Нартай Бекежанов атындағы қазақ академиялық музыкалық драма театры 66-шы маусымын бастады.
Бұл жылы сахна шымылдығы Ерсайын Төлеубайдың «Абай» қойылымымен түрілді. Карантинге байланысты театрға 50 адамнан артық көрермен кіргізілмейді. Бетперде тағып, әлеуметтік қашықтықты сақтауы керек. Театр өткен маусымда Антон Чеховтың «Күзгі раушан гүлдері», Дулат Исабековтың «Құстар фестивалі», Исраил Сапарбайдың «Ауылдан келген ару», Марк Камолеттидің «Отбасы ойыны» қойылымдарын сәтті сахналаса, биыл жаңа маусымда көрермендер назарына Қайрат Жүнісовтің «Ғашықтар хикаясы» комедиясы және Дулат Исабековтың «Жүз жылдық махаббат» қойылымдарын ұсынады.
<blockquote>
 «Жаңа маусымда жаңалық көп. Театрдың көркемдік жетекшісі Хұсейн Әмір-Темірдің «Ешкімге керегі жоқ ауыл», Алтын Орданың 750 жылдығына орай Думан Рамазанның «Абылайханның арманы» спектакльдерінің премьерасы қараша айында өткізіледі деп жоспарлануда», – деді облыстық мәдениет, архивтер және құжаттама басқармасының басшысы Мира Абуова.
 «Өткен маусымда театр үлкен жетістіктерге қол жеткізді. Ұлттық мәдениет пен өнерді қалыптастырудағы, дамыту мен насихаттаудағы елеулі үлесі үшін «Академиялық» мәртебе берілді. Бұл жаңалық – Сыр елі мәдениеті мен өнерінің жоғары жетістігі, сала мамандарының тынымсыз еңбектерінің жемісі. Жаңа маусым театр ұжымы үшін мереке. Біз көрерменнің көңілінен шығу үшін үздік деген туындыларымызды сахналайтын боламыз», – деді облыстық театрдың көркемдік жетекшісі Хұсейн Әмір-Темір.
</blockquote>
<img src="https://kyzylorda-news.kz/wp-content/uploads/2020/10/fb_img_1602244824279.jpg" alt="" />

Мира Абуова: Жаңа маусымда жаңалық көп

Kyzylorda-news.kz. Еңбек және әлеуметтік қорғау министрі Біржан Нұрымбетов «Зейнетақы жасын төмендету туралы ұсыныс қарастырылып жатыр ма?» деген сұраққа жауап берді.
<blockquote>
 «Зейнет жасын төмендету туралы ұсыныстар расымен түсіп жатыр. Зейнет жасының ұлғайтылуы немесе төмендетілуі бір мезетте шешілетін дүние емес. Бұл шешім қабылданбас бұрын, әлем елдерінде үлкен зерттеулерге, мерзімдік-өзекті болжамдарға сүйеніп отырып жасалады. Бұл жерде экономикалық, демографиялық факторлар ескеріледі. Бұған қоса жұмыс істеп жүрген азаматтар мен зейнеткерлердің арасындағы арақатынасы, халықтың қартаюы динамикасы сынды көрсеткіштер есепке алынады», – деді министр.
</blockquote>
Көршілес мемлекеттер мен Еуропа елдерін мысалға келтіре отырып, Нұрымбетов зейнетақы жасы төмендетілмейтінін кесіп айтты.
<blockquote>
 «Осыдан он жыл бұрын зейнтекерлердің саны жұмыс істеп жүргендерге қатысты 20%-ті құраса, қазір бұл көрсеткіш 30%-ды көрсетіп отыр. Сондай-ақ 65 жастан асқан аға буынның үлесі көбейіп жатыр. Биыл бұл 7,7%-дан асты.Қазіргі күні әлем елдері зейнетақы жасын көбейтіп жатыр. Сол себепті де осы әлемдегі трендтерді ескере отырып, үкімет зейнетақы жасын қарастырмайды», – деді Нұрымбетов.
</blockquote>
<a href="https://stan.kz/ukimet-zeynetaki-zhasin-tomendetudi-karastirmaydi-minis-338175/">Stan.kz</a>

Үкімет зейнет жасын төмендете ме?

Kyzylorda-news.kz. Карантинге байланысты 65 жастан асқан қариялардың зейнетақысы үйлеріне апарылып берілуде. Қазпоштаның бұл қызмет түрін облыста 12280 зейнеткер пайдаланып отыр.
<blockquote>
 «Бұл қызмет түрін пайдаланушылар арнайы құрылған байланыс орталығына өтінім берді. 4 мобильді топ жеткізу қызметімен айналысуда. Бұл шаралардың барлығы біздің клиенттеріміздің қауіпсіздігін қамтамасыз ету үшін қолға алынды. Сондай-ақ, төтенше жағдай кезіндегі әлеуметтік төлемдер үшін шұғыл желі телефоны арқылы 33 588 тұрғын шот ашты», – «Қазпошта» АҚ облыстық филиалының директоры Аида Әбибуллаева.
</blockquote>
Қазпоштаның көрсететін барлық қызметтер онлайн алуға болады. Ал шалғай жатқан аумақтарда кәсіпкерлерді қолдау мақсатында франчайзингтік бөлімшелері ашылуда.

Қызылордада 12 мың қарияның зейнетақысы үйіне жеткізіледі

Kyzylorda-news.kz. Жақында Денсаулық сақтау министрі Алексей Цой желтоқсанда қатаң карантин енгізілуі мүмкін екенін айтып кеткен еді. Осыған орай, еңбек және әлеуметтік қорғау министрі Біржан Нұрымбетов мұндай жағдайда жұмыссыз қалғандарға әлеуметтік көмек көрсету үшін қандай шаралар қолданылып жатқанын айтты, деп хабарлайды Stan.kz.
Министрге “Мемлекеттік резервтен қатаң карантиннің салдарынан жұмыссыз қалғандарға қанша ақша бөлінеді?” деген сұрақ қойылған болатын.
<blockquote>
 “Үкімет эпидемиялогиялық шаралардың бұзылмауы үшін барынша жағдай жасап, тиісті шаралар қолданып жатыр. Қазір елімізде жағдай тұрақты. Алдағы уақытқа денсаулық сақтау министрі Алексей Цой болжам жасаған еді. Дегенмен бұл сценарийлердің қайсысы орын алатынын біз білмейміз. Егер жағымсыз болжамдар орындалса, үкімет ел экономикасын сақтап қалу үшін және кәсіпкерлерді қолдау үшін шара міндетті түрде шаралар қабылдайды. Десек те жұмыссыз қалатындарға қанша ақша бөлінеді деген сұраққа жауап беру әлі ерте”, – деді Нұрымбетов.
</blockquote>

Қатаң карантин енгізілсе, әлеуметтік көмек тағайындау қарастырылуда ма? &#8211; Министр жауабы

Kyzylorda-news.kz. Қызылорда облысында күріш және бақша егетін екі шаруашылық мемлекеттік кірістер департаменті салған ірі көлемдегі айыппұлды төлеуге қаржы таппай отыр.
Бесарық ауылындағы серіктестік 400 гектардан астам күріш егеді. 120 адамды жұмыспен қамтып отыр. Лизингке жаңа техникалар алуымен қатар, елді мекеннің де гүлденуіне үлес қосып келеді. Соңғы жылы ғана аяқтан тұра бастаған қожалықтың жылдық жиынтық табысы белгіленген мөлшерден асып кетіп, қосымша құн салығына уақытылы тіркелмегені үшін 21 миллион теңге айыппұл төлеуге мәжбүр болып отыр. Бақша өнімдерін экспортқа шығарып отырған Жалағаш ауданындағы шаруашылық та дәл осындай жағдайға тап болған. Осы ретте облыстық кәсіпкерлік палатасы пандемия кезінде кәсіпкерлерге қолдан келгенше қолдау көрсетілу қажет деп ұсыныс білдіріп отыр. Жасұлан Серіков,
<blockquote>
 “Ұсынысымыз Мемлекеттік кірістер департаменті кәсіпкерлермен жұмыс істейтін кезде егер де олардың тарапынан заң бұзушылық немесе белгілі бір фактілер болса дұрыс емес, оны уақытылы хабарлап отырып, алдын алу жұмыстарына көбірек назар аударса екен дейміз. Сол мезетте аз шығынмен, аз айыппұлмен шығып кету мүмкіндігі бар. Кез келген мемлекеттік орган кәсіпкерлермен жұмыс істеген кезде олар қанаушы орган сияқты позицияны қойып, қолдаушы орган ретінде Мемлекет басшысы айтатындай, әрбір жұмыс орны маңызды. Соны сақтап қалуға барынша тырысу керек деген сияқты позицияны ұстанып, жұмыс істесе екен деп тілейміз”,- Қызылорда облыстық кәсіпкерлер палатасының бөлім басшысы.
</blockquote>
[Хабар 24](https://24.kz/kz/zha-aly-tar/o-am/item/428383-yzylordaly-k-sipkerler-iri-k-lemdegi-ajypp-l-t-leuge-m-zhb-rҚолданылған материалдарға міндетті түрде www.24.kz сайтына гиперсілтеме берілуі тиіс / Любое использование материалов допускается только при наличии гиперссылки на www.24.kz)

Қазақстан және Қызылорда облысының жаңалықтары

Ұлы Жеңістің 75 жылдық мерейтойына арналған шара өтті

Қоғамдық көлікте инфекция жұқтырмау үшін не істеу керек

Ғалымдар коронавирустың миға деген кері әсерін анықтады

COVID-19: Пневмонияның 233 жағдайы тіркелді

Коронавирустың екінші толқыны кезінде 160 мыңнан аса адам жұмыссыз қалуы мүмкін

Зейнетақы жинағымен ипотеканы жабуға болады

Қазақстанның 4 өңірінде үсік жүреді

Мира Абуова: Жаңа маусымда жаңалық көп

Үкімет зейнет жасын төмендете ме?

Қызылордада 12 мың қарияның зейнетақысы үйіне жеткізіледі

Қатаң карантин енгізілсе, әлеуметтік көмек тағайындау қарастырылуда ма? – Министр жауабы

Қызылордалық кәсіпкерлер ірі көлемде айыппұл төлеуге мәжбүр

Қазақстан және Қызылорда облысының жаңалықтары

Ұлы Жеңістің 75 жылдық мерейтойына арналған шара өтті

Қоғамдық көлікте инфекция жұқтырмау үшін не істеу керек

Ғалымдар коронавирустың миға деген кері әсерін анықтады

COVID-19: Пневмонияның 233 жағдайы тіркелді

Коронавирустың екінші толқыны кезінде 160 мыңнан аса адам жұмыссыз қалуы мүмкін

Зейнетақы жинағымен ипотеканы жабуға болады

Қазақстанның 4 өңірінде үсік жүреді

Мира Абуова: Жаңа маусымда жаңалық көп

Үкімет зейнет жасын төмендете ме?

Қызылордада 12 мың қарияның зейнетақысы үйіне жеткізіледі

Қатаң карантин енгізілсе, әлеуметтік көмек тағайындау қарастырылуда ма? &#8211; Министр жауабы

Қызылордалық кәсіпкерлер ірі көлемде айыппұл төлеуге мәжбүр

Қатаң карантин енгізілсе, әлеуметтік көмек тағайындау қарастырылуда ма? – Министр жауабы