<a href="https://kyzylorda-news.kz/">Kyzylorda-news.kz.</a> Ата-аналардың кейбір әрекеттері балалардың жадында қалып, есейгенде де естерінен кетпей қалады. Әрине мұның жайлы естеліктер, балалық шақтың бақытты көріністері болғаны жақсы. Бірақ кейде ата-ана үшінбір қарағанда ешқандай маңызы, мағынасы жоқ болып көрінетін істер, баланың есінде жағымсыз жайт ретінде сақталып, оның келешегіне әсерін тигізуі мүмкін. Мысалы, бала ешкімге сенбей қалуы немесе тұйықталып, керісінше ашылып кетуі мүмкін. Сонымен балалар есінде қандай жағымсыз жайттар сақталады?
Орындалмаған уәде
Баланың есінде көбіне көп орындалмай қалған уәде сақталып қалады екен. Мысалы тіс дәрігеріне немесе тағы сол сияқты жерлерге жыламай бару үшін, болмаса жәй ған бала сұраған кезде қалаған жеріне, зообақ, парк, басқа қала, ауылға немесе қалаға апарам деп уәде бердіңіз. Алайда күнделікті күйбең тіршілік арасында берілген уәде айтылған жерде қалып қойды. Бір күн жұмыстан шыға алмадыңыз, бір күн қаражат болмады дегендей. Алайда бұл уәдені ата-ана ұмытып, ескерусіз қалдырғанымен бала ұмытпайды. Ең сорақысы, ол енді ата-анасына сенімсіздікпен қарайды және уәде беріп орындамауға да болады екен деген түсінік қалыптасады.
Бала үшін көп уақыт бөле алмау
Өмір жолы қиын немесе бұралаңға түскен жандардың көпшілігі «Егер менің ата-анам уақытының көбін маған арнағанда, менің өмірім қазір басқаша болар еді» деп жиі айтады. Бұл рас. Себебі баланың немен айналысып жатқанына, қандай мәселелері барына назар аударып, уақыт бөліп қарағаннан гөрі өмірі бітпейтін үй шаруалары, қонақ т.б толып жатқан майда-шүйде істер маңызды болып кетеді. Ал бұл кезде бала жаман ортаға түсіп кетуі, жігіттермен араласып хат жазысуы немесе жеңіл табыс жолында өзгелерге қосылып біреудің тауығын, біреудің үйін тонап, өзгені қорқытып затын тартып алып жүруі мүмкін. Ал мұның келешегі қылмыс, теміртор немесе некесіз бала, аборт.
Қолдаудың болмауы
Көбіне бала бірнәрсе бүлдіріп, оны өзгелер айтып келсе ақ қарасын ажыратпай-ақ үлкеннің сөзін дұрыс көріп, баланы өзгелердің алдында ақтап алуға тырыспайды екенбіз. Мүмкін ол ересек адам түймедей нәрсені түйедей етіп көрсетіп, айтып тұрған болар. Міне бала өзгенің алдында өз ата-анасынан қолдау таппаса, ол оның мәңгі есінде қалып, тіпті жүрегінің түбінде ата-анасына деген реніш қалып қояды екен. Себебі өз баласынан гөрі өзгенің сөзіне сеніп кеткен ата-анасына қапаланады.
Өзгенің көзінше жазалау
Өзгенің алдында баланы қолдамағаннан да ең сорақысы, өзгенің алдында жазалау. Егер ата-ана өз тәрбиесін өзгенің алдында үйретіп, өзінің ата-ана ретінде қандай екенін көрсетсе, бала үшін мұнан ауыр ештеңе бола қоймас. Өзгелердің мысқылдай қараған көзқарасы мен солардың алдындағы ата-ананың жазасы өмір бойы есте қалады. Мұндайда «Өзің мейірім көрсетпеген баладан, келешекте мейірім күтпе» дейді қазақ атам.
Кекетіп, мысқылдап сөйлеу
Балалар ата-ана тарапынан айтылатын мысқыл, кекесін немесе әзіл сөздерді бірқалыпта қабылдайды. Оз кемшілігіне айтылған әзілді кекесін ретінде қабылдап, есінен кетпей қалуы мүмкін. Мысалы, «бәсе, сенен қайдан ғана ғалым шыға қалды деп едім», «бірнәрсені бүлдірместен қалай ғана жинап қалдың» т.б. Мұндай сөздер бала үшін тым ауыр. Сондықтан әрбір ата-ана әр сөзін саралап, електен өткізіп, мысқыл кекесінін ішінде сақтап қалғаны жөн. Бала тәрбиесінде әрбір ата-ана сөзіне де, ісіне де мұқият болғаны жөн. Бала келешегіңіз екенін ұмытпағайсыз!
<a href="http://ernur.kz/tarbiye/bala-ata-anasynyn-bul-isin-eshkashan-umytpaidy">ERNUR</a>

Бала ата-анасының бұл ісін ешқашан ұмытпайды

<a href="https://kyzylorda-news.kz/">Kyzylorda-news.kz.</a> Коронавирус адамдардың өміріне ерекше әсер етті. Халықтың&nbsp;табысы қысқарып, қажеттіліктері&nbsp; көбейді.&nbsp;Әсіресе, салымшылар мен несие алушылардың жағдайы қиындай түсті. Коронадағдарыс кезінде несиені дұрыс алудың бірқатар жолдары бар.&nbsp; “ВТБ (Қазақстан) Банкінің бизнес кеңестері” айдарында жеке қаржыңызды дұрыс пайдалану жолдары туралы ақпаратты назарларыңызға ұсынамыз.&nbsp;
№1 кеңес – «Қатты қажет болған жағдайда ғана несие алыңыз».
Несие&nbsp;алушылардың басым бөлігі уақытша қажеттілігі үшін қарызға батады. Ол бас тартуға болатын, маңызы жоқ заттар болуы да мүмкін. Сондықтан, несие алатын адамдардың ай сайынғы төлемі қаржылық мүмкіндіктеріне сәйкес келмей жатады. Мұндай кезде жағдай күрделене түседі. Нәтижесінде, дағдарыс кезінде несие алушылардың қарызын төлей алмай қалу қаупі басым. Бұл&nbsp;адамдар алғашқылардың бірі болып банктерге несиені кейінге қалдыру туралы өтінішпен жүгінеді.&nbsp;
№2&nbsp;кеңес – «Несие төлеуді кейінге қалдыру, мүлдем төлемеу деген сөз емес».
Көптеген несие алушылар “төлемді кейінге қалдыруды”&nbsp;несиені төлемеудің заңды тәсілі ретінде қабылдайды. Алайда тек карантин кезінде табысының қысқарғанын дәлелдей алған адамдар&nbsp;ғана несиені төлеуді кейінге қалдыра алады. Мұндай жағдайда несие алушы бірнеше уақыт ішінде қаржылық мәселелерін шешіп, несие төлеуді жалғастырады деп болжанады.&nbsp;
№3 кеңес – «Келісім шартты оқып, ақшаны санауды естен шығармаңыз».
Статистика бойынша, банк клиенттерінің тек үштен бір бөлігі ғана келісім шарт пен&nbsp;оның қосымшаларын мұқият оқып шығады. Келісім шарттың әр тармағын мұқият оқып шығуды ұмытпаңыз.&nbsp;Пайыздық алымдар&nbsp;мен айыппұлдар туралы тармақтарға ерекше назар аударыңыз.
Мысалы, қарыз алушылар санкциялар көрсетілген несиені мерзімінен бұрын өтеу туралы ережеге мән бермейді. Нәтижесінде, несиеден тез құтылғысы келіп, алдын-ала төлем жасайды. Несие алушылардың басым бөлігі қарызды алдын ала жапқаны үшін де ақша төлеу керек екенін білмей жатады.&nbsp;
№ 4 кеңес – «Несиені бір адам алып, барлығы төлейтінін ұмытпаңыз».
Егер несие уақытша тілектер үшін емес, қажетті заттарға алынса, жалғыз шешім қабылдаудың қажеті жоқ. Статистикаға сүйенетін болсақ, несие алушыладың ішінде ажырасқан, жалғызбасты немесе үйленбегендерге қарағанда отбасылы адамдар саны әлдеқайда аз.&nbsp;
Егер көп мөлшердегі несие алатын болсаңыз, шешім басқа адамдармен келісе отырып қабылдануы керек. Яғни, несиені бір адам алғанымен, екінші бір адам төлеуі мүмкін. Сол себепті, несие алу туралы шешім ортақ болуы керек. Өйткені, отбасы табысының 30-40%-ы несиеге кететін болса, екінші адамның жалақысы “қауіпсіздік жастығына” айналады.
№ 5&nbsp;кеңес –&nbsp;«Қарызды өтеуге арналған “Б” жоспарын құрыңыз».
Кейде шамадан тыс артық нәрселерден бас тарту лайықты соманы үнемдеуге және несиені мерзімінен бұрын төлеуге мүмкіндік береді. Сондықтан, егер келісім шартта алдын ала төлем туралы санкция болмаса, сақтандыру үшін минималды төлеммен максималды мерзімге несие алып, төлемдерді тез қайтару үшін талап етілетіннен 10-25% артық төлеген дұрыс. Бұл сіздің банк білмейтін жоспарыңыз болуы керек.&nbsp;
Осы кеңестерді ескере отырып, ВТБ (Қазақстан) Банкінен несие алу мүмкіндігін қарастырсаңыз болады. Несие алу туралы қосымша ақпаратты&nbsp;<a href="https://kz.vtb-bank.kz/individuals/kreditovanie/">мына сілтеме</a>&nbsp;арқылы білуге ​​болады және&nbsp;<a href="https://kz.vtb-bank.kz/individuals/landing_personal/loans/application/">несие алуға онлайн-өтінім</a>&nbsp;қалдыра аласыз.
03.02.2020 ж. № 1.2.14/39 Банктік және өзге операцияларды жүргізуге және құнды қағаздар нарығындағы қызметке лицензияны Қазақстан Республикасының Қаржы нарығын реттеу және дамыту агенттігі берген.
<a href="https://kyzylorda-news.kz/">Stan.kz</a>

Коронадағдарыс жағдайында несиені қалай алған дұрыс?

<a href="https://kyzylorda-news.kz/">Kyzylorda-news.kz.</a> «Жасыңыз 35-те, бірақ әлі бай болмасаңыз, жастық шағыңызды бекер өткізгенсіз», – деді бір сөзінде Ма.
Мезгілінен бұрын әрі өз еркімен зейнетке шыққан басшы… Құлағыңызға түрпідей естіліп тұр ма? Қытайда компания президенті 54 жасына зейнетке шығып, қалған өмірін жан тыныштығына арнауға бел буған еді. Ол миллиардтан астам тұрғыны бар Қытайдың ең бай адамы.
Былтыр 10 қыркүйек Alibaba компаниясының президенті&nbsp; Джек Ма 54 жасқа толды. Сонымен қатар ол күні Қытайда «Мұғалімдер күнін» тойлайды екен. Alibaba компаниясына дейін Джек Ма ағылшын тілінен сабақ берген. Зейнетке шыққаннан кейін де ендігі өмірінде ұстаздық етуге бел буыпты. Әрі қайырымдылықпен айналысуды ниет етіп отыр. Дәл қыркүйектің 10-ы, ұстаздар мерекесінде зейнетке шығып, ұстаздық жолды таңдауы да бекер емес болар. Джек Ма бұл күнді әдейі таңдады ма әлде сәйкестік пе, белгісіз, алайда ұлы адамның өмірінде сәтті сәйкестіктердің жиі орын алуын өз басым&nbsp;«ғажап» дер ем.
Дей тұрғанмен миллиардер бір ғасырдың жарты ғұмырында бар байлығын, жиған-тергенін өзге біреуге&nbsp;«оп-оңай» қалдырып кеткеніне сіз де таңырқап қалған боларсыз. Өзі бұл әрекетін түсіндіруге тырысыпты. Айтуынша, қайырымдылық іс пен ұстаздық етуден өзге де себептері бар.
The New York Times басылымының дерегіне сүйенсек, Ма Қытайдағы іскерлік ортаға көңілі толмайды. Мемлекеттік кәсіпорындар жеке компаниялардың жұмысына бөгет келтіреді. Ал өзінің зейнетке шығуын Джек Ма «жаңа дәуірдің бастамасы» деп санайды.
Forbes Джек Маның байлығын&nbsp; $36,6 млрд-қа есептеп берді. 1999 жылы ашылған компаниясы бүгінде әлемнің ең ірі ритейлерлерінің біріне айналып отыр.
Bloomberg TV арнасына берген сұхбатында миллиардер қайырымдылықпен айналысқысы келетінін айтыпты. Компаниядан кеткен соң&nbsp;<a href="https://kznews.kz/?s=%D0%B1%D1%96%D0%BB%D1%96%D0%BC">білім</a>&nbsp;беру жобаларын қаржыландыратын қор ашқысы келеді. Билл Гейтстің ізімен жүруді қалайды.
Айта кетейік, Microsoft Word бағдарламасының негізін қалаушы Билл Гейтс 2015 жылы Африкаға барған сапарынан кейін қайырымдылық қорымен айналысқысы келетінін айтқан. Оның ойынша, дамымай қалған мемлекеттерге жоғары технология емес, тамақ пен дәрі-дәрмек керек.
Джек Ма адал еңбекпен байлыққа қол жеткізген жан. Ондай жандардың артынан қалар ұрпағына айтары да мол. Сол мол дүниесінің бір 5 пайызын болса да, оқырман назарына ұсынуды жөн санадық. Жаңадан бизнес бастағысы келіп жүргендер үшін төмендегі сөздер көмек болып қалар деген ниеттеміз.
1.Барлық дүниеден мүмкіндік іздеңіз.
Мүмкіндікті жақыннан іздемеңіз, әлемді шарлаңыз.
2.Кез-келген нұсқаны байқап көріңіз
Мүмкіндіктің жақсы-жаманы болмайды. Бәрін пайдаланыңыз. Іс бастауға тұрарлық кеңістікті байқасаңыз, оның табысты болуы үшін күш жұмсаңыз. Үлкен мақсатқа қадам ұсақ-түйек ойлардан басталады.
3.Ойланып жұмыс жасаңыз
Әр басқан қадамыңызды санаңызға түйіп жүріңіз. Бұл мақсаттың сізге қандай маңызы, пайдасы бар, неге дәл сол мақсатты бағындырғыңыз келеді – үнемі ойланып, жауап іздеп жүріңіз.
4.Жылдам қозғалыңыз
Табысқа жету үшін баяу қозғалуды доғарыңыз. Уақытты да жеңе біліңіз, бағындырыңыз.
5.Батыл болыңыз
Джек Ма компаниясын ашарда жобаның шығынға ұшыруы мүмкін екені жиі ескертілген. Бірақ миллиардер тәуекелге барып, компаниясын ашты. Есесіне бүгін әлемдегі ең табысты компаниялардың бірі.
6.Жастық шағыңыз – сіздің ең үлкен мүмкіндігіңіз
«Жасыңыз 35-те, бірақ әлі бай болмасаңыз, жастық шағыңызды бекер өткізгенсіз», – деді бір сөзінде Ма.
7.Кәсіби деңгейі сізден жоғары адамдармен жұмыс істеңіз.
Егер мамандарға жиі ақыл айтсаңыз, жаныңызға қажетсіз адамдарды жинаған екенсіз. Өз саласының нағыз маманы ақылды қажет етпейді, сізден озып түседі.
8.Табандылық – жеңіс кілті
Мақсатқа жетер жолда көп қиындықтарға жолығарыңыз ақиқат. Сондай сәтте сағыңыз сынбасын.
9.Қарым-қатынасыңыз мүмкіндіктеріңізден маңызды
Қиын кезеңде де, табысты сәтте де басшы сабырлы, сенімді болу керек.
10.Бизнес пен саясатты араластырмаңыз
Капитал – жанайын деп тұрған күл, ал саясат – жанып тұрған сіріңке. Екеуін байланыстырсаңыз, салдары өзіңізге ұнамауы мүмкін.
11.Бәсекелестеріңізді құрметтеңіз
Өзіңізге бәсекелес компанияға құрмет танытыңыз. Бәріне берілетін мүмкіндік бірдей. Сіздің бәсекелесіңіз де сіз секілді адам баласы, ол да қателесуге құқылы.
12.Жеңімпаздар жыламайды
Көңіл-күйіңізді түсіретін сәтсіздіктер міндетті түрде болады. Ал оларға арыздана берсеңіз, қиындықтар ешқашан таусылмайды.
13.Бір жағдайды айналшықтап жүріп алмаңыз
Қандай отбасында, қандай ортада туғаныңыз, қай жерде&nbsp;<a href="https://kznews.kz/?s=%D0%B1%D1%96%D0%BB%D1%96%D0%BC">білім</a>&nbsp;алғаныңыз, жұмыс тәжірибеңіз маңызды емес, кез келген жағдайға қарамастан жетістікке жете аласыз. Қайда және кіммен бастағаныңыз емес, сіздің шыдамдылығыңыз, жігеріңіз, рухыңыз маңызды.
14.Өз меніңізді тиімді пайдаланыңыз
Сіздің қызметіңіз амбицияңыздың жол нұсқаушысы болуы керек. Өз мақсатыңызға тиісті көңіл бөліп, жолдан адаспай жетуге тырысыңыз
15.Мақсаты бір команда жинаңыз
Маның пікірінше, егер команданы сүйреп жүретін тек сіз болсаңыз, табысты түсіңізде көре берсеңіз болады. Мақсаты бір, бірдей ойлай алатын көшбасшыларды жинаңыз. Қызметкеріңіз сіз үшін емес, ортақ мақсаттарыңыз үшін жұмыс істесін.
16.Орныңызға адам дайындап қойыңыз
Командаңыз сізге ғана байланып қалмасын, өзіңіздің білгеніңізді қол астыңыздағы қызметкерлерге де үйретіңіз. Уақыт өте келе міндетіңіздің жартысын соларға табыстап жүре бересіз, тіпті басқа да жобалармен өздігінше айналыса алатынына сенімді боласыз.
17.Ер мінезді, қайратты, қырағы басшы болыңыз
Берік, батылдық, алдағыны болжай білетін көрегенділік – табысты басшыны өзгелерден ерекшелейтін қасиеттер. Өзгелері қиындықтан басқаны көрмейтін дүниеден басшы мүмкіндік іздейді.
18.Шешімдерді ақылдасып қабылдаңыз
Табысты басшы өз қызметкерлерінен ақылды болмауы мүмкін. Кез келген шешімді қабылдарда жанында ақыл қосатын кәсіби мамандардың болғаны жөн.
19.Мықтылық қиындықтардан кейін келеді
Адам бірден жігерлі, қайсар болмайды. Жолында кездесетін қиындықтар адамды мықты етеді. Басын тәуекелге тігетін адам ғана түбі жеңіске жете алады.
20.Ынтамен, ыждаһаттылықпен ұқыпты жұмыс істеңіз
Табыстың формуласы қарапайым – мақсатыңызға жетелер жолда ұқыпты болғаныңыз абзал.
21.Бәсекелестікте адал ережелерге бағыныңыз
Бәсекелесіңізге дұшпан деп қарайтын болсаңыз, сіз де біреуге дұшпан боласыз. Ашық және адал бәсекелесіңіз.
22.Бәсекелестеріңізді тең көріңіз
Сіз секілді бәсекелесіңіз де нөлден бастады. Өзіңізді кім-кімнің алдында болмасын биік ұстаңыз.
23.Тұтынушы бірінші орында тұруы тиіс
Сіздің энергияңыз да, уақытыңыз да шектеулі. Сол себепті басымдыққа ие дүниелерді бірінші орынға қойыңыз. Ол сіздің тұтынушыңыз, екінші кезекте әріптестеріңіз, сосын акционерлерге көңіл бөліңіз. Кәсіпкерлердің көбі акционерлерінің мүддесін маңызды етіп алады. Тәжірибе жүзінде бұл әдістің тиімсіз екені дәлелденген.
24.Ашкөз әрі сараң болмаңыз
Бәріңіз іс бастарда бірінші кезекте ақша табуды көздейсіз, көп табыс табуға ұмтыласыз. Мақсат жолында ақша табуды емес, амбицияңызбен жұмыс істеңіз. Сараңдық түзу жолдан адастырады.
25.Көңіліңізге жағатын адаммен жұмыс істеңіз
Қол астыңызға қызметкер аларда кәсібилігіне ғана назар аудармаңыз. Кәсіби маман бола тұра мінезі көңіліңізден шықпаса, командаңызға жайлы болмаса, ол адаммен өткізген әр секундыңыз бекер.
26.Өз басыңызбен ойланыңыз
Өзгелердің пікірі маңызды емес, өзіңізді ғана тыңдаңыз.
27.Жүрегіңізді тыңдаңыз
Интуицияңызға сеніңіз, ол алдамайды.
«Тегін» – ең қымбат сөз
Бәсекелестеріңізге өнімдеріңізді тегін тарату арқылы, компанияңызды шығынға ұшыратасыз, ақшаңызды, идеяларыңызды, интеллектуалдық жеке меншігіңізді өзгенің қолына тегіннен тегін қалай беріп қойғаныңызды байқамай қаласыз.
29.Жұмысқа көңіл бөле отырып, өмірдің рахатын сезініңіз.
Өмір деген тек жұмыстан тұрмайды. Жан мен тәнге де күтім керек, жақындарыңызбен, достарыңызбен көбірек уақыт өткізуге тырысыңыз.
30.Өз амбицияңыздан бас тарпаңыз
Бастаған ісіңізді аяқтамасаңыз, жеңіліп қана қоймай, өз-өзіңізден бас тартқаныңыз деп біліңіз. Арманыңызға жету жолында тез берілсеңіз, өзіңіздің мүмкіндіктеріңізді де көре алмайсыз. Болмай бара жатқан күннің өзінде стратегияңызды өзгертіңіз, жолыңызды басқа арнаға бұрыңыз, бірақ ешқашан да кері қайтпаңыз.
<a href="https://kznews.kz/zhanalyqtar/35-zhasta-bajymasan-uaqyttyn-beker-otkeni-dzhek-madan-30-pajdaly-kenes/?fbclid=IwAR1GrWYnFQnocJ7ZJvXaZjdzHhP8dY5Z7J6zHdiVAUGMIq5erzoUkktvVuM">Kznews.kz</a>

35 жаста байымасаң, уақыттың бекер өткені. Джек Мадан 30 пайдалы кеңес

<a href="https://kyzylorda-news.kz/">Kyzylorda-news.kz</a>. Өткен жылы Қызылорда облысында өңір экономикасына инвестициялық салымдардың жоғары көлемін қамтамасыз еткен бірнеше ірі жобаларды іске асыру аяқталды: Арал және Қазалы аудандарында газ компрессорлық стансаларының құрылысы, Сарыарқа газ құбырының құрылысы, Жалағаш және Шиелі аудандарында күн электр стансаларының құрылысы.
Бұл жобалардың үлесіне 2019 жылы өңірдің негізгі капиталына салынған инвестициялардың жалпы көлемінің 27%-дан астамы тиесілі болды.
Объективті себептер бойынша, 2020 жылы енгізілген шектеулерге байланысты жалпы экономикаға инвестициялар көлемі қысқарды, бұл құрылыс жұмыстары көлемінің төмендеуіне де әсер етті. 
Бірақ, пандемия аймақтық экономиканы дамыту жоспарларын жоя алмады, тек оларға түзету енгізді. 2021 жылдың өзінде өңір экономикасына 586 млрд.теңге инвестиция тарту жоспарланып отыр. 
Облыстың әлеуметтік-экономикалық дамуының кешенді жоспары аясында 2021 жылы 63 млрд.теңгеге жуық іс-шараларды іске асыру жоспарлануда.
Индустрияландыру бағдарламасы аясында жалпы сомасы 52 млрд. теңгеге 7 индустриялық жоба іске асырылып, 670 жаңа жұмыс орны құрылады. Қуаттылығы жылына 197,1 мың тонна табақша шыны, жоғары қысымды шыны пластик желілік және сорғы-компрессорлық құбырлар, молибден үшокисін өндіру зауыттары іске қосылады, қуаттылығы жылына 1500 тонна құс етін өндіретін құс фабрикасы, “Аралтұз” АҚ-да ас тұзын өндіретін 3-испан цехы, түйе сүтінен құрғақ ұнтақ өндіру, ірі қара малды 1200 басқа өсіру жөніндегі кешенді және сүт өңдеу зауытын кеңейту жөніндегі жобалар іске асырылады. 
Жалпы құны 328 млрд.теңгеден асатын 2 ірі жобаның: “Шалқия” қорғасын-мырыш кен орнында ТБК салу және кальцийленген сода шығару өндірісінің құрылысы басталады.
Мұнай өндіру саласын дамытуға 50 млрд.теңгеден астам қаржы салынады. Сонымен қатар, мұнай компаниялары тереңдігі 5 мың метрден асатын 23 ұңғыманы бұрғылауға 97 млрд.теңге бағыттауды жоспарлап отыр.

2021 жылы Қызылорда облысының экономикасына                          586 млрд. теңге инвестиция тарту жоспарлануда

<a href="https://kyzylorda-news.kz/">Kyzylorda-news.kz</a>. Бас мемлекеттік санитарлық дәрігер шетелден келген Қазақстан азаматтары үшін ПТР тесті туралы анықтаманың болуы туралы жаңа қаулы шығарды,&nbsp;&nbsp;деп хабарлайды&nbsp;<a href="https://stan.kz/">Stan.kz</a>&nbsp;ақпарат агентігі.&nbsp;
Қазақстан Республикасы денсаулық сақтау министрлігі санитария-эпидемиология&nbsp;бақылау комитетінің сайтында орналастырылған құжатта қазақстандықтарды ПТР туралы анықтамасыз ұшақтардың бортына жібермейтіні көрсетілмеген – мұндай тыйым бұрынғысынша тек шетелдіктерге ғана қолданылады.
<blockquote>
 “Қазақстан Республикасына шетелден авиарейстермен келетін адамдарға қатысты іс-шараларды мынадай тәртіппен жүргізуді қамтамасыз етсін: 
 оларды ертіп жүретін адамдарда ПТР әдісімен COVID-19-ға тесттен өткені туралы анықтама (бұдан әрі – Анықтама) болған кезде 5 жасқа дейінгі балаларды, Қазақстан Республикасының үкіметтік делегацияларын; Қазақстан Республикасы Сыртқы істер министрлігінің шақыруы бойынша Қазақстан Республикасына келетін шет мемлекеттердің және халықаралық ұйымдардың ресми делегацияларының мүшелерін; Қазақстан Республикасында аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелерін; авиакомпаниялар экипаждарын қоспағанда қоспағанда, Қазақстан Республикасының Мемлекеттік шекарасын кесіп өткен барлық келетіндер кем дегенде 3 тәулік бұрын алынған анықтаманы ұсыну қажет”, – делінген құжатта.
 “Қазақстан Республикасына шетелден халықаралық жолаушылар авиарейстерімен келген адамдарға қатысты шектеу шаралары осы қаулыға 1-қосымшаға сәйкес жүргізіледі;&nbsp; 
 халықаралық транзитпен жүретін жолаушылар транзиттік аймақтан шықпайды және соңғы межелі пунктте шектеу шараларын жүргізуге жатады;&nbsp; 
 Қазақстан Республикасына шетелден келетін Қазақстан Республикасында аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелері болатын/тұратын жері бойынша COVID-19-ға зертханалық зерттеп-қарауға жатады. Оларға осы қаулыға 3-қосымшаға сәйкес тиісті қолхат алына отырып, CОVID-19-дың ықтимал симптомдары туралы түсіндіру жүргізіледі”, – делінген қаулыда.
</blockquote>

Қазақстандықтар ұшақ бортына ПТР анықтамасыз жіберіледі &#8211; Жаңа қаулы

<a href="https://kyzylorda-news.kz/date/2020/10/23/">Kyzylorda-news.kz</a>. Күн суытып келеді. Әдетте, мұндай маусымда тұмау вирусы өршиді. Кейде адамға суық тиіп, тыныс жолының жоғарғы бөліктері қабынып, оның тұмауға ұқсауы да мүмкін. Бірақ бұл тұмау емес. Ол салқын тигенде мұрын, көмей, жұтқыншақтарды жайлайтын басқа микробтардың әрекеті. Сондықтан тұмау мен салқын тиіп ауруды шатастырып алмауымыз керек.
Тұмау дегеніміз не?
Тұмау – бұл вирус, өткір респираторлық инфекция, яғни тыныс алу жолдарының ауруы. Тұмау вирусы жұқпалы және адам ағзасына түссе өршіп кетуі мүмкін.
Тұмау вирусының белгілері:
• дене температурасының көтеріледі – 39 ° C және одан жоғары;
• дене қалтырайды;
• әлсіздік пайда болады;
• бұлшықеттер мен буындар ауырсынады;
• бас ауырады;
• көзден жас ағады;
• адам жарыққа сезімтал болады;
• тамақтың ауырады;
• құрғақ жөтел пайда болады;
• мұрыннан су ағады.
Кейде іштің ауыруы және диарея байқалады. Тұмау кезінде дене температурасының жоғарылауы бірнеше күнге созылуы мүмкін, дененің қызуы температура түсіретін дәрілердің әсерінен төмендемейді. Егер ауру асқынусыз болса, тұмау 7-10 күнге созылады. Осы уақыт ішінде тұмаудың белгілері біртіндеп жойылады, ал жалпы әлсіздік екі аптаға дейін созылуы мүмкін.
Тұмау вирусының түрлері
Басқа өткір респираторлық инфекциялар сияқты тұмаудың да жеңіл, орташа, ауыр және өте ауыр түрлері бар.
Тұмаудың даму себептері
Аурудың себебі – жоғарғы тыныс жолдарының шырышты қабығының тұмау вирусымен зақымдануы. Инфекцияның (аурудың) көзі тұмауға шалдыққан адам. Ауырған адам басқаларға &nbsp;жөтел, түшкіру арқылы жұқтырады. Вирус сонымен бірге тұрмыстық заттар арқылы – майлық, тамақ &nbsp;арқылы да жұғады.
Тұмаудың диагностикасы
Тұмаудың диагностикасы әдетте клиникалық тексеруге негізделген. Дене температурасы күрт көтерілген жағдайда мүмкіндігінше тезірек дәрігерден кеңес алу керек. Тұмаумен ауырған кезде дәрігердің қадағалауы өте маңызды, себебі асқынудың басталуын уақытында анықтауға мүмкіндік береді. Асқынулар температураның қайта көтерілуі, жөтелдің жоғарылауы және жалпы жағдайы біршама жақсарғаннан кейін қайтадан нашарлау сияқты белгілерде пайда болады және әдетте аурудың 4-5-ші күндерінде білінеді. Бұл жағдайда қосымша анализдер жүргізу керек.
Тұмауды емдеу және ауруды жеңілдету
Тұмауды емдеу күрделі, бірақ иммун жүйесі тұмаумен күресуде және денені қалпына келтіруде үлкен рөл атқарады. Сондықтан иммунитетті күшейту маңызды. &nbsp;Терең демалу, көп сұйықтық ішу, алкоголь ішу және темекі шегуді тыйған жөн. Тұмау кезінде антибиотиктер ішу тиімсіз. Антибиотиктер тек екінші реттік бактериялық аурулар болған жағдайда ғана тағайындалады. Бірақ суық тию немесе тұмау белгілері байқалған кезде антибиотиктерді дәрігердің нұсқауынсыз қабылдау тұрғындар арасында кең таралған. Антибиотиктерді вирустарға қарсы қабылдау тиімді емес. Бұл бактериялардың антибиотиктерге төзімділігін арттырады.
Тұмаудың асқынуы
Тұмау вирусы тыныс алу жолдарының эпителий жасушаларына әсер ететіндіктен, аурудың асқынуы бактериялық ауруларға, соның ішінде бронхит, пневмония (өкпенің қабынуы), отит (құлақтың қабынуы) сияқты аурулардың өршуіне себеп болады. Жалпы, &nbsp;тұмау науқастың созылмалы ауруларын күшейтуі мүмкін.
Тұмаудың алдын алу шаралары
Тұмаудың алдын-алудың тиімді әдісі – иммун жүйесін жыл бойы бабында ұстау. Иммунитетті күшейтудің әртүрлі әдістері бар, соның ішінде:
• спортпен айналысу;
• белсенді өмір салты;
• дұрыс және уақытылы тамақтану;
Тағы бір негізгі медициналық әдіс – бұл вакцина. Тұмау маусымы басталардан 2-3 ай бұрын (әдетте қазан-қараша айларында) вирустың белгілі бір түріне (штаммына) вакцинация жасалады. Сондай-ақ эпидемия кезінде вирусқа қарсы препараттарды профилактикалық шара ретінде қолдану ұсынылады. Гигиеналық ережелерді сақтау, науқас адамдардан аулақ жүру, медициналық маска тағу, отбасы мүшелері ауырған кезде тазалыққа көңіл бөлу, бөлмені жиі желдету аурудың пайда болу мүмкіндігін азайтады.

Тұмаудан қалай сақтану керек?

<h5 id="kyzylordanewskzhttpskyzylordanewskzdate20201023"><a href="https://kyzylorda-news.kz/date/2020/10/23/">Kyzylorda-news.kz.</a> Мұғалімдер мектеп бағдарламасынан қалып қойған оқушылармен каникул кезінде жеке жұмыс істейді. Бұл туралы Білім және ғылым вице-министрі Шолпан Каринова мәлімдеді.</h5>
Оқушының әр пәннен үлгерімі тоқсан соңында мониторинг нәтижелері бойынша анықталып, міндетті түрде мектептің педагогикалық кеңесінде талқыланады. Педагогикалық кеңестің шешімімен әр сынып пен белгілі бір пәннен туындаған мәселелерді жою үшін іс-қимыл жоспары әзірленеді. Оны мектептің педагогикалық кеңесінің төрағасы бекітеді.
<blockquote>
 “Мектептің бекітілген жұмыс жоспарына сәйкес демалыс кезінде жеке кесте бойынша кезекші сыныптар ұйымдастырылады. Сондай-ақ, каникул уақытында оқушыларға өткізілетін қосымша сабақтарды оқу пәніне қарамастан мектеп директорының тәрбие жұмысы жөніндегі орынбасары бақылайды”, – делінген министрлік жауабында.
</blockquote>
Қосымша жеке сабақтарға кез келген оқушы қатыса алады. Бірақ белгілі бір пәннен артта қалған оқушыға баса назар аударылады
Мектеп директорының нақты тапсырмасы көрсетілген бұйрығы негізінде мектептің бекітілген жұмыс жоспарына сәйкес сынып жетекшісі қосымша сабаққа қатысатын оқушылардың тізімін жасайды. Үлгерімі нашар оқушылар көп болса, әр мектеп қосымша кезекші сыныптардың жұмысын онлайн режимінде ұйымдастырады.
Қосымша сабақтарға қатысатындар БЖБ, ТЖБ қорытындылары және тоқсан қорытындысы бойынша бағалаумен іріктеледі. Қашықтықтан оқыту кезінде формативті бағалау жүргізіледі. Баға “Күнделікке” қойылады. Каникул уақытында қосымша сабақтарға қатысатын оқушылардың саны әр мектеп үшін әртүрлі. Ол тек оқушы үлгеріміне қарай анықталады.
Бағдарламадан қалып қойған оқушылар үшін қосымша сабақтарды бастауыш сынып мұғалімдері, сондай-ақ пән мұғалімдері өткізеді. Кейбір жағдайда мектеп қосымша сабақтар өткізу кезінде пән мұғалімдерін қайта бөлуі мүмкін.
Жеке қосымша сабақтардың саны каникул кезінде қамту жоспарланған материалдың көлеміне байланысты бекітіледі. Шектеу іс-шаралары жағдайында 20-30 минут сабақ өткізуге рұқсат етіледі.
Жеке сабақтар өткізген мектеп мұғалімдеріне қосымша ақы төленбейді, себебі демалыс кезінде сабақ өткізбесе де мұғалімдердің жалақысы сақталады.
<a href="https://informburo.kz/kaz/kanikul-keznde-lgerm-nashar-oushylar-shn-kezeksh-synyptar-yymdastyrylady.html">Informburo.kz</a>

Каникул кезінде үлгерімі нашар оқушылар үшін кезекші сыныптар ұйымдастырылады

Қызылорда облысының әкімі Гүлшара Әбдіқалықованың «Эксклюзив» бағдарламасына сұхбаты

<a href="https://kyzylorda-news.kz/date/2020/10/23/">Kyzylorda-news.kz.</a> Жұмыс істеп тұрған мұнай кен орындарының сарқылуына байланысты Қызылорда облысында мұнай өндіру 2012 жылдан бастап 2,5 есе дерлік қысқарды.
Бірақ, аймақ өңірлік экономиканы әртараптандыруға бет алды. Индустрияландыру бағдарламасының үшінші бесжылдығы аясында облыста 554 млрд.теңге қаражатқа 6 мыңнан астам жұмыс орны құрылатын 26 жоба іске асуда. Олардың ішінде шыны, кальцийленген сода, пластик шыны және сорғы-компрессорлық құбырлар шығару, түйе сүтінен құрғақ ұнтақ өндіру, ет комбинаты, құс фабрикасы бойынша өндірістер құруға бағытталған экспортқа бағдарланған индустриялық жобалар бар. “Арал тұз” АҚ-да ас тұзын өндіру бойынша 3 испан цехын құру, “Шалқия” қорғасын-мырыш кен орнында КБК салу, кварц құмдарын байыту бойынша жобалар іске асырылуда.
Тек осы жобалар аясында ағымдағы жылы өңір экономикасына 25 млрд.теңгеден астам инвестиция салу жоспарланып отыр. 
Бұдан басқа, құрылыс индустриясы саласында, ауыл шаруашылығы өнімдерін терең өңдеу бойынша, сондай-ақ, шыны және химиялық кластерлер саласында кәсіпорындар құру бойынша құны 62 млрд.теңгеден асатын 27 жаңа инвестициялық жобаны іске асыру басталады.
Осы жылдың басынан бастап Қызылорда облысының өңдеу өнеркәсібінде өнім өндіру көлемі 3,4%-ға өсті.

Қызылорда облысында мұнай өндіру төмендеуде, алайда өңдеу өнеркәсібі белсенді дамуда

<a href="https://kyzylorda-news.kz/">Kyzylorda-news.kz.</a> Қызылорда облысында “ҚазГермұнай” БК” ЖШС-нің табиғат көздерін пайдалануға қатысты заң бұзушылықтарға жол бергені анықталды. Бұл туралы Қызылорда облысы бойынша экология департаментінің “<a href="https://www.facebook.com/photo?fbid=397394134612388&set=pcb.397394614612340">Facebook</a>” әлеуметтік желісінде жарияланды.
Департамент “Қазгермұнай” БК” ЖШС-не профилактикалық бақылау мен қадағалау жұмыстарын жүргізіп, нәтижесінде біршама өрескел заң бұзушылықты анықтаған.
<blockquote>
 “Серіктестіктің Қызылорда облысы аумағындағы “Ақшабұлақ” кен орнында ЖККФ қондырғысы шаруашылық қызметін қоршаған ортаға эмиссияларға рұқсатсыз жүзеге асырғаны және кен орында орналасқан ластағыш заттар шығаратын кейбір тұрақты көздерден атмосфералық ауаға азот оксиді, көміртек оксиді түріндегі ластағыш заттар белгіленген нормативтен бірнеше есе артық тасталып отырған деректер анықталды. Осылайша ҚР Экологиялық кодексінің 69-бабы 1-тармағында жылжымалы көздерден туындайтын ластағыш заттардың шығарындыларын қоспағанда, қоршаған ортаға эмиссияларды жүзеге асыратын табиғат пайдаланушылар қоршаған ортаға эмиссияларға рұқсат алуға міндетті деген талаптар бұзылған”, – делінген хабарламада.
</blockquote>
Мұнай компаниясының қоршаған ортаға келтірген залалы анықталып, серіктестікке 102,149 млн теңге көлемінде залалды өндіру үшін нұсқама берілді.
<blockquote>
 “Экологиялық кодекстің 321-бабының 1-тармағына және 2-тармағының 3),4)-тармақшаларында экологиялық құқық бұзушылықтар жасаған тұлғалар өздері келтірген залалды осы Кодекске және Қазақстан Республикасы өзге де заңнамалық актілеріне сәйкес өтеуге міндетті. Алайда, “Қазгермұнай” БК” ЖШС Департаментпен берілген бұзушылықтарды жою жөнінде ұйғарымға және 102,149 млн теңгеге қоршаған ортаға келтірілген залалды өндіру үшін берілген нұсқамаға келіспей департаментке, ҚР Экологиялық реттеу және бақылау комитетіне және Қызылорда облысының мамандандырылған ауданаралық сотына бірнеше рет шағымын келтірді”, – делінген хабарламада.
</blockquote>
Сот шешімі бойынша мұнай компаниясының шағымдары қанағаттандырусыз қалдырылды. “Қазгермұнай” БК” ЖШС қоршаған ортаға келтірілген залал сомасын төлеуге міндеттелді.
Айта кетейік, Қызылорда облысы бойынша экология департаменті мемлекеттік экологиялық бақылау қызыметімен жүргізілген тексерулерде ірі табиғат көздерін пайдаланушылармен 52 өрескел заң бұзушылықтар анықталып тиісті шаралар қолданылды.

&#8220;ҚазГермұнай&#8221; компаниясы айыппұлды төлеуге міндеттелді

<a href="https://kyzylorda-news.kz/">Kyzylorda-news.kz.</a> ҚР Президенті Қызылорда облысының әкімі Гүлшара Әбдіқалықованы қабылдады, деп хабарлайды Ақорданың баспасөз қызметі.
Қазақстан Президентіне биылғы 9 ай ішіндегі Қызылорда облысының әлеуметтік-экономикалық дамуының негізгі көрсеткіштері туралы есеп берілді.
Гүлшара Әбдіқалықова Қасым-Жомарт Тоқаевқа Қызылорда облысының 2023 жылға дейінгі экономикалық даму жоспарының әзірленуі туралы мәлімет берді. Онда экономиканың түрлі салалары бойынша құны 271 миллиард теңге болатын 265 жобаны жүзеге асыру және 4610 тұрақты жұмыс орнын ашу қарастырылуда. Облыс әкімінің айтуынша, биыл жалпы құны 26 миллиард теңге болатын 110 жоба іске асырыла бастаған. Бұл бастамалар аясында 2000 жұмыс орны ашылады.
Қазақстан Президентіне 15,5 мың гектар жерге егілген дәнді және майлы дақылдарды жинау науқанының аяқталғаны жөнінде ақпарат берілді. 551,3 мың тонна күріш жиналып, жақсы көрсеткішке қол жеткізілген.
Облыс әкімі Мемлекет басшысына Жұмыспен қамтудың жол картасының іске асырылу барысы туралы айтты. Бұл бағдарлама аясында инфрақұрылымдық жобаларды жүзеге асыру үшін 38 миллиард теңге тартылып, 9 мыңнан астам жұмыс орны ашылған.
Сонымен қатар Қасым-Жомарт Тоқаевқа облыстағы коронавируспен күреске қарсы қабылданған шаралар туралы баяндалды. Өңір әкімінің айтуынша, қазіргі таңда барлық медициналық ұйымдар штаттық режимде жұмыс істеп жатыр. Қажет болған жағдайда 21 жұқпалы аурулар стационарында қосымша 3200-ге дейін төсек орын дайындауға мүмкіндік бар. Аймақ қажетті дәрі-дәрмектермен және қорғаныш құралдарымен толық қамтамасыз етілген. Гүлшара Әбдіқалықова Президентке 200 орындық модульді жұқпалы аурулар ауруханасының құрылысы басталғанын жеткізді. Нысан осы жылдың 1 желтоқсанына дейін іске қосылады деп жоспарланып отыр.
Кездесу соңында Мемлекет басшысы Қызылорда облысының әкіміне қайта өңдеу өнеркәсібіндегі өсім көрсеткішін жақсарту, шағын және орта бизнеске қолдау көрсету, экономикалық жобаларды әртараптандыру қажеттігіне қатысты бірқатар тапсырма берді. Сондай-ақ Президент өңірдегі эпидемиологиялық ахуалды қатаң бақылауда ұстауды тапсырды.

Мемлекет басшысы Қызылорда облысының әкімі Гүлшара Әбдіқалықованы қабылдады

<a href="https://kyzylorda-news.kz/">Kyzylorda-news.kz.</a> Биыл Қызылорда облысында 184,2 мың гектар жерге егiс егілді. Негізгі дақыл күрiштің көлемі 89,5 мың гектарды құрады. Бұл туралы Қызылорда облыстық ауыл шаруашылығы басқармасының баспасөз қызметі хабарлады.
Ауыл шаруашылығы дақылдары өткен жылмен салыстырғанда 1,1 мың гектарға артық егіліп отыр.
Сонымен қатар, облыста егісті әртараптандыру бағытында алғаш рет перспективалы дақылдар қант құмайы 70 гектарға, соя 240 гектарға, жүгері дақылы 1&nbsp;667 гектарға дейін жеткізіліп, ылғал сақтағыш аквагельдерді пайдалану арқылы 80 гектар тәлімдік жерлерге күздік бидай дақылы егілді.
Сыр диқандары ағымдағы жылы орын алған су тапшылығы жағдайы мен пандемияның шектеулеріне қарамастан ала-жаздай жасаған тынымсыз еңбегінің нәтижесінде рекордтық көрсеткішке қол жеткізіп, жоғары өнім жинады. 89,5 мың гектар күріштің әр гектарынан 61,8 центнерден өнім алынып, ел қамбасына 551,3 мың тонна Сыр маржаны құйылды.

Қазақстан және Қызылорда облысының жаңалықтары

Бала ата-анасының бұл ісін ешқашан ұмытпайды

Коронадағдарыс жағдайында несиені қалай алған дұрыс?

35 жаста байымасаң, уақыттың бекер өткені. Джек Мадан 30 пайдалы кеңес

2021 жылы Қызылорда облысының экономикасына 586 млрд. теңге инвестиция тарту жоспарлануда

Қазақстандықтар ұшақ бортына ПТР анықтамасыз жіберіледі – Жаңа қаулы

Тұмаудан қалай сақтану керек?

Каникул кезінде үлгерімі нашар оқушылар үшін кезекші сыныптар ұйымдастырылады

Қызылорда облысының әкімі Гүлшара Әбдіқалықованың «Эксклюзив» бағдарламасына сұхбаты

Қызылорда облысында мұнай өндіру төмендеуде, алайда өңдеу өнеркәсібі белсенді дамуда

“ҚазГермұнай” компаниясы айыппұлды төлеуге міндеттелді

Мемлекет басшысы Қызылорда облысының әкімі Гүлшара Әбдіқалықованы қабылдады

Сыр диқандары рекордтық көрсеткішті жаңартты

Қазақстан және Қызылорда облысының жаңалықтары

Бала ата-анасының бұл ісін ешқашан ұмытпайды

Коронадағдарыс жағдайында несиені қалай алған дұрыс?

35 жаста байымасаң, уақыттың бекер өткені. Джек Мадан 30 пайдалы кеңес

2021 жылы Қызылорда облысының экономикасына 586 млрд. теңге инвестиция тарту жоспарлануда

Қазақстандықтар ұшақ бортына ПТР анықтамасыз жіберіледі &#8211; Жаңа қаулы

Тұмаудан қалай сақтану керек?

Каникул кезінде үлгерімі нашар оқушылар үшін кезекші сыныптар ұйымдастырылады

Қызылорда облысының әкімі Гүлшара Әбдіқалықованың «Эксклюзив» бағдарламасына сұхбаты

Қызылорда облысында мұнай өндіру төмендеуде, алайда өңдеу өнеркәсібі белсенді дамуда

&#8220;ҚазГермұнай&#8221; компаниясы айыппұлды төлеуге міндеттелді

Мемлекет басшысы Қызылорда облысының әкімі Гүлшара Әбдіқалықованы қабылдады

Сыр диқандары рекордтық көрсеткішті жаңартты

Қазақстандықтар ұшақ бортына ПТР анықтамасыз жіберіледі – Жаңа қаулы

“ҚазГермұнай” компаниясы айыппұлды төлеуге міндеттелді