<a href="https://kyzylorda-news.kz/">Kyzylorda-news.kz.</a> **Қызылорда облыстық мәслихатының кезекті 48 сессиясында 2019 жылы қабылданған «Облыста тарихи-мәдени мұраларды пайдалану мен қорғаудың жай-күйі және оны жақсартудың шаралары» туралы шешімінің орындалу барысы негізгі мәселе ретінде талқыланып, бірқатар өзекті проблемалар көтерілді. 
**
Аталған мәселе бойынша облыстық мәслихаттың тұрақты комиссиясында, бірлескен отырысында депутат Ибайдулла Тілептің және депутат Шакизада Әбдікәрімовтің тарапынан қойылған сұрақтары мен ұсыныстарына Қызылорда облыcтық мәдениет, архивтер және құжаттама басқармасының басшысы Мира Әбуова өз баяндамасында жауап берді және атқарылған жұмыстарға тоқталып өтті.
<blockquote>
 «Қазіргі адамзатты алаңдатып, әбігерге түсірген короновирустың шектеулерін сақтай отырып, облыстық мәдениет басқармасының базалық негізде жоспарланған жұмыстарды өз дәрежесінде атқарғанын атап өтуіміз қажет. Дегенменде уақыт күттірмейтін, шешімін қажет ететін мәселелер де бар. Облыс бойынша жаңғыртуды және консервациялауды шұғыл түрде қажет ететін архитектурасы ерекше 75 кесене мен мұнара бар. Тағы бір проблемалық мәселе – ескерткіштердің қорғау аймағындағы жер телімдері шаруашылық, кәсіпкерлік мақсатқа бөлініп кетуінде. Жалпы облыс көлеміндегі тарихи-мәдени мұраларды сақтау және пайдалану бағытында атқарылатын жұмыстарға облыстық бюджетке 2021 жылға өтінім берілген. Құндылығы жағынан үлкен тарихи, рухани мәні бар бұл ұсыныстар қолдау табуы керек», – деді депутат Ибадулла Құттықожаев.
</blockquote>
Жалпы сессияның күн тәртібіне 37 мәселе ұсынылып, олар алдын-ала тұрақты комиссиялардың бірлескен отырысында жан-жақты талқыланды. «Қызылорда облысында ауыл шаруашылығы жануарларын жаю қағидаларын бекіту туралы» мәселесі бойынша мәслихат депутаттары Ибадулла Тілеп, Мінәжадин Өтеев, Шакизада Әбдікәрімов, Жорабек Нұрымбетов, Әнуар Дәуленбаев, Жанкелді Ысқақ мал жайылымдарына қатысты туындаған мәселе бойынша қойылған сұрақтар мен ұсыныстарға облыстық ауыл шаруашылық басқармасының басшысы Шахмардан Қойшыбаев жауап берді.
«Қызылорда облысы азаматтарының жекелеген санаттарына амбулаториялық емдеу кезінде тегін және (немесе) жеңілдікті шарттармен тегін медициналық көмектің кепілдік берілген көлемін, оның ішінде дәрігерлік заттарды, арнайы емдік өнімдерді, медициналық бұйымдарды қосымша беру туралы» мәселесі бойынша бірлескен отырыста мәслихат депутаттары Райхан Ысқақова, Әнуар Дәуленбаев, Райкул Байназарованың қойған сұрақтары мен ұсыныстарына облыстық денсаулық сақтау басқармасы басшысы Сәбит Пазылов жауап беріп, шешім жобасына ұсынылған мәселені толықтай баяндап берді.
Күн тәртібіне ұсынылған басқа да мәселелер бойынша депутаттар тарапынан сұрақтар қойылып, пікірлер ортаға салынды. Сессияда депутаттар тарапынан болған сұрақтарға жауаптар беріліп, олардың ұсыныс-пікірлері ескеріле отырып, тиісті шешімдер қабылданды.
<img src="https://kyzylorda-news.kz/wp-content/uploads/2020/10/img-20201023-wa0019.jpg" alt="" />
<img src="https://kyzylorda-news.kz/wp-content/uploads/2020/10/img-20201023-wa0018.jpg" alt="" />

Ибадулла Құттықожаев: Жаңғыртуды қажет ететін 75 кесене мен мұнара бар

<a href="https://kyzylorda-news.kz/">Kyzylorda-news.kz.</a> Қызылорда қаласында 3 жоғарғы оқу орны, 17 арнаулы орта білім беру ұйымдары және оларға қарасты 10 студенттік жатақхана бар.
«Jas Otan» жастар қанаты студенттердің өмір сүру деңгейінің сапасын арттыру, әлеуметтік-тұрмыстық жағдайларын қамтамасыз ету мақсатында жоғарғы оқу орындары және техникалық және кәсіптік білім жанындағы студенттік жатақханаларға жүйелі мониторинг жүргізіп келеді.
Бүгін облыстық «Jas Otan» жастар қанаты жанынан құрылған мобильді топ Қорқыт Ата атындағы Қызылорда университетінің №3, №5 және Қызылорда медициналық жоғары колледжінің жатақханаларына мониторинг жұмыстарын жүргізді.
Қорқыт Ата атындағы Қызылорда университетінің №3 және №5 жатақханалары 1200 орын, Қызылорда медициналық жоғары колледжінің жаңа жатақханасы 330 орынмен жасақталған. 
Жатақханалар асхана, медициналық пункт, душ, кітапхана, оқу залы, сыртқы спорт алаңы, тегін интернет Wi-Fi және қажетті құрал-жабдықтармен қамтылған.
Еске сала кетейік, өткен жылдың мониторинг қорытындысы бойынша 3 арнаулы орта білім беру ұйымдарының басшылығына ескертулерді жою бойынша және 1 оқу орнына жаңа жатақхана ғимаратын салу жөнінде ұсыныс берілген болатын.
Алдағы жүргізілетін мониторинг нәтижесімен аналитикалық талдау жасалып оқу орындарының басшыларына және құзырлы органдарға арнайы ұсыныс хаттар жолданатын болады.

Қызылордада жатақханалар жайы қалай?

<a href="https://kyzylorda-news.kz/">Kyzylorda-news.kz.</a> Шиелі ауданында жыл басынан бері 120 тонна ақ күріш, 451 тонна көкөніс, 1855 тонна бақша дақылдары Ресей және Қырғызстанға экспортталды. Бұл туралы Шиелі ауданының әкімі Қамбарбек Мүбараков мәлімдеді.
Сондай-ақ, Нұр-Сұлтан, Алматы, Петропавл, Ақтөбе және Жаңаөзен, Шымкент, Ақтөбе, Ақтауға 390 тонна ақ күріш, 430 тонна қарбыз, 1500 тонна қызанақ және 875 тонна жоңышқа шөбі сатылды.
<img src="https://kyzylorda-news.kz/wp-content/uploads/2020/10/122167757_1146950442367133_1530110351935479910_o.jpg" alt="" />
Кентте 68 көше жөнделді
Биыл Шиелі кенті көшелерін жөндеуге «Жұмыспен қамту жол картасы» бағдарламасымен республикалық және жергілікті бюджеттен барлығы 293 млн теңге қаржы бөлінді. Ұзындығы 23,5 шақырымды құрайтын 68 көше жөнделді. Оның ішінде 36 көшеге асфальт төселіп, 32 көшеге жай жөндеу жұмыстары жүргізілді.
Сондай-ақ, Шиелі кентінен бөлек, 11 елді мекенде ұзындығы 23 шақырым 27 көшеге 224,4 млн теңгеге күрделі, орташа және жай жөндеу жұмыстары жүргізілді.
<img src="https://kyzylorda-news.kz/wp-content/uploads/2020/10/122283952_1146956555699855_6833654940074495982_n.jpg" alt="" />
7 мектеп және 2 балабақша жөндеуден өтті
«Жұмыспен қамтудың жол картасы» бағдарламасы аясында биыл Шиелі ауданындағы білім мекемелері ғимараттарының күрделі және ағымдағы жөндеу жұмыстарына 668 млн. теңге қаржы бөлінді. 1 мектеп күрделі, 1 мектеп ағымдағы, 2 балабақша ғимараттары күрделі жөндеуден өткізілді. Сонымен қатар, «Ауыл ел бесігі бағдарламасы» бойынша 224,6 млн теңгеге 1 мектеп күрделі жөндеуден өтті.
Одан өзге жергілікті бюджеттен 64,4 млн теңгеге аудандағы 4 мектепке ағымдағы жөндеу және абаттандыру жұмыстары жүргізілді.
2148 жаңа жұмыс орны ашылды
Аудан бойынша экономикалық тұрғыдан белсенді халық саны 38,1 мың. Оның 36,2 мыңы жұмыспен қамтылған. Жұмыссыздық деңгейі – 4,9 пайыз (1847 адам), жастар арасындағы жұмыссыздық деңгейі 3,5 пайыз.
Халықты жұмыспен қамту орталығына тіркелген 3207 жұмыс іздеушінің 1176-сы бос жұмыс орындарына орналастырылды. Биылғы жылдың 9 айында аудан бойынша 2148 жаңа жұмыс орны құрылған.
Жаңадан 3 сауда дүкені және 1 күріш ақтау зауыты іске қосылды
Шиеліде сауда-саттық саласы бойынша жаңадан жобалық құны 140 млн теңгені құрайтын 3 сауда және 1 күріш ақтау зауыты құрылысы аяқталып, іске қосылды.
Жобалық құны 40 млн болатын «Азамат» бизнес орталығы ғимаратын жалға алып, кәсіпкерлер тігін цехы, мата сату дүкені, дәріхана ашты. Жаңадан 12 адам жұмыспен қамтылса, жобалық құны 50 млн теңгені құрайтын «Нұрбер-2» құрылыс заттар дүкенінде 6 адам жұмыспен қамтылды. Сондай-ақ, «Ермат» жиһаз сату дүкенінің жобалық құны 30 млн теңге болса, «Тұрлыбаев Досжан» күріш ақтау зауыты тәулігіне 60 тонна ақ күріш, 20 тонна құрама жем өндіріп, 6 адамды жұмыспен қамтуда.
<img src="https://kyzylorda-news.kz/wp-content/uploads/2020/10/122331374_1146978909030953_4828119209914071335_n.jpg" alt="" />
14 ауылға ойын алаңдары салынуда
Шиелі ауданында 2 стадион, 3 спорт кешені, 44 спорт зал, 121 спорт алаңдары жұмыс істейді. Ауданда спортпен шұғылданушылар саны 25 мыңнан асады. Яғни, жалпы халықтың 30,4 пайызы.
Биыл 9 ауылдық округке дала тринажорлары, 14 ауылдық округке ойын алаңдары салынуда. Сондай-ақ, 2 спорт кешенін, яғни Балаби ауылындағы спорт мектебі мен Шиелі аудандық спорт клубы ғимаратын күрделі жөндеуден өткізуге жоба сметалық құжаттары әзірленіп, сараптамадан өтуде.
<img src="https://kyzylorda-news.kz/wp-content/uploads/2020/10/122427704_1146982622363915_2054922562375949137_o.jpg" alt="" />
2635 отбасыға азық-түлікпен көмек көрсетілді
Шиелі ауданы бойынша төтенше жағдай кезеңінде наурыз, сәуір, мамыр, шілде, тамыз айларына 7307 азаматқа 94,6 млн теңге төленді.
«Nur Otan» партиясының ұйымдастыруымен «Birgemiz» қоғамдық қорынан халықты әлеуметтік қолдауға мұқтаж топтарына жататын 1600 отбасына 50 мың теңгеден 80 млн теңге қаржылай көмек көрсетілді.
Сонымен қатар демеушілер есебінен 2635 тұрмысы төмен отбасыларға 19,5 млн теңгеге азық-түліктей көмектер берілді.

Шиеліде 2 жарым мың тонна ауыл шаруашылығы өнімі экспортталды

<a href="https://kyzylorda-news.kz/">Kyzylorda-news.kz.</a> Сырдария ауданы Тереңөзек кентінде санитарлық нормалар ережелерінің сақталуына қоғамдық бақылау жүргізілді.
Қоғамдық бақылауға «Қазақстан Covid-19» қоғамдық бақылау тобының волонтерлары, басқарманың жауапты мамандары қатысты. Сонымен қатар топ құрамында Сырдария ауданы әкімінің орынбасары Димаш Байдушев, аудандық полиция бөлімі басшысының бірінші орынбасары, полиция подполковнигі Ербол Жанашев және Сырдария ауданы тауарлар мен көрсетілетін қызметтердің сапасы мен қауіпсіздігін бақылау басқармасының басшысы Ерлан Ұзақбаев болды.
Мониторинг тобы шағын сауда орындарын, азық-түлік дүкендерін, сауда орталығын, халыққа қызмет көрсету орталығын және аудандағы тамақтану орындарын аралады. Мониторинг барысында ерекше санитарлық талаптарын бұзушылықтар анықталған жоқ.
<img src="https://kyzylorda-news.kz/wp-content/uploads/2020/10/122539136_781069399117799_3313548320891770508_o.jpg" alt="" />

COVID-19: Сырдарияда қоғамдық бақылау жүргізілді

<a href="https://kyzylorda-news.kz/">Kyzylorda-news.kz.</a>&nbsp;Сырдария ауданы, Нағи Ілиясов ауылдық округінің әкімі Сағдат Нұрмағанбетов ҚР Мемлекеттік қызмет істері агенттігінің төрағасы Анар Жаилғанованың алғыс хатымен марапатталды.
Ауыл әкімі Сағдат Нұрмағанбетов Мемлекеттік қызмет істері агенттігінің бастамасымен «Рухани Жаңғыру» бағдарламасы аясында ұйымдастырылған «Үздік ауыл әкімі» республикалық конкурсына облыс атынан қатысқан еді.
Қазақстанда алғаш рет өткізілген конкурстың мақсаты – елдің ауылдық елді мекендеріндегі жергілікті өзін-өзі басқаруды дамыту, жергілікті бастамаларды, оның ішінде қоғамдық өзін-өзі басқару ұйымдарын ынталандыру, жұмыста жоғары нәтижелерге қол жеткізген, ауылдық елді мекендерді дамытуға елеулі үлес қосатын үздік ауыл әкімдерін анықтау және көтермелеу болды.
Агенттік төрағасының алғыс хатын табыстаған Агенттіктің Қызылорда облысы бойынша департаментінің басшысы Рафхат Бисенов ауыл әкімінің жұмысына сәттілік тілеп, қызмет барысында тұрғындармен кері байланысты күшейту бағытындағы жұмыстарға ерекше мән беру керектігін тапсырды.
Айта кету керек, байқауға Қызылорда облысынан 17 кент және ауылдық округ әкімдері қатысуға ниет білдіріп, құжаттарын тапсырды. Құжаттары талаптарға сәйкес келген 7 әкім жұмысының тиімділігіне халықтың қанағаттануын өлшеу үшін облыс әкімдігінің ресми сайтында онлайн сауалнама жүргізілген болатын.

Қызылорда: Үздік ауыл әкімі марапатталды

<a href="https://kyzylorda-news.kz/">Kyzylorda-news.kz.</a> Әлеуметтік желілер мен мессежерлерде фейк белсенді таратылуда. Автордың айтуынша, бір неміс дәрігері ПТР сынақтар алуға арналған зондтарды зерттеп, олардан металл қапсырмаларды тапқан, деп хабарлайды <a href="https://stopfake.kz/kk/archives/2178">StopFake.kz</a>.
Кейбір пайдаланушылардың пайымдауынша, олар жұтқыншақта қалады және 5G сигналын қабылдап, адамның ой-санасын басқарады.
Біріншіден, ПТР сынақтары вискоза анжысы бар арнайы полистирол зондтардың көмег алынады. Оларда металл бөлшектер жоқ.
Екіншіден, 5G-ді ой-сананы басқару үшін пайдалану мүмкін емес. Бұл – жаңа буындағы ұялы байланыстың стандарты. Ол қазіргі өзіміз дағдыланған 3G және 4G принципімен жұмыс істейді. Әлемде оның көмегімен біреудің ой-санасын басқарған жағдайлар болған жоқ.
5G ерекшелігі – бұл формат жоғары өткізу қабілеттілігін қамтамасыз етеді, яғни кең жолақты интернетті қолжетімді етеді. Алғашқы pre-5g базалық станциясы 2015 жылы Барселонада іске қосылған. 2016 жылы бұл технология бірінші рет Ресейде сыналды. Сол кезде деректерді тарату жылдамдығы 4,5 Гбит/сек құраған.
Үшіншіден, қолданыстағы 3G және 4G сигналдарын металл бөлігімен ұстау мүмкін емес. Бұл мәлімдеме жаңа форматтағы желіге қосылуға қатысты. Ол үшін сізге кем дегенде бір антеннасы бар және интернетке қосыла алатын смартфон, планшет немесе басқа құрылғы қажет болады. Бүгінгі күні тек микроскоппен ғана көруге болатын кішкентай антенналар жоқ.
Демек, ПТР-тесттер арқылы 5G металл бөлшектердің енгізілетіні туралы мәлімдеме шындыққа жанаспайды.
Бұл жаңа форматтағы желі айналасындағы алғашқы миф емес.
Бұған дейін желі қолданушылары 5G желілері COVID-19 таратады деген болатын. ДДСҰ бұл мәлімдемені жоққа шығарды. Ұйымның хабарлауынша, вирустар радио және интернет сигналдары арқылы таралмайды.

ПТР-тест тапсырғандарды 5G көмегімен бақылай ма?

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 179 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 20
Алматы қаласы – 44
Шымкент қаласы – 1
Ақмола облысы – 10
Ақтөбе облысы – 2
Алматы облысы – 6
Атырау облысы – 9
Шығыс Қазақстан облысы – 20
Жамбыл облысы – 3
Батыс Қазақстан облысы – 8
Қарағанды облысы – 16
Қостанай облысы – 6
Қызылорда облысы – 2
Маңғыстау облысы – 2
Павлодар облысы – 20
Солтүстік Қазақстан облысы – 10
Жалпы ел бойынша ауырғандар саны 110086.

Қызылордада тағы 2 адамнан короновирус инфекциясы анықталды

<a href="https://kyzylorda-news.kz/date/2020/10/22/?doing_wp_cron=1603366373.3506410121917724609375">Kyzylorda-news.kz</a>. «Қазгидромет» РМК Қызылорда облысы бойынша филиалы 23 қазанға арналған ауа райы болжамын жариялады.
Кәсіпорынның хабарлауы бойынша түнде Қызылорда облысының солтүстігінде 3 градус үсік күтіледі.

Қызылорда облысында үсік жүреді

<a href="https://kyzylorda-news.kz/">Kyzylorda-news.kz</a> ақпараттық агенттігінің 23 қазанға арналған жұлдыз-жорамалы.
Тоқты
Маңызды сауалдарға жауап табатын, пайдалы іспен айналысатын күн. Өзгелердің ағара алмағанын, тіпті ұсақ-түйекті де байқай аласыз. Сондықтан да көбісі сізден ақыл сұрауға асығады.
Торпақ
Күшіңізді өзгелермен біріктіретін күн. Егер мәселе туындаса оны жалғыз шешуге тырыспаңыз. Қиындықты бірге жеңу оңайырақ болатынын естен шығармаңыз. Кешке көңіл-күйіңіз түсуі мүмкін, бірақ жақындарыңыз сізге көмектесетін болады.
Егіздер
Жаңа бастамаларды қолға алатын күн. Өз тапсырмаларыңызды да орындап, өзгелерге де көмектесе аласыз. Сонымен қатар кейін өзіңізге жақын тұтатын жанмен танысатын боласыз.
Шаян
Маңызды шаруаларды кейінге қалдырыңыз. Оларды дәл қазір орындау сіз үшін қиынға соғады. Бүгін өткен күннің қателіктерін түзеңіз. Сонымен қатар отбасыңызға көңіл бөліңіз.
Арыстан
Қарбалас күн. Басты міндетіңіз жетістікке жетудің жолын табу. Басқа шаруаларға көңіл аударудың қажеті жоқ. Айналаңыздағы жандардың сөзіне емес, өз ішкі түйсігіңізге сеніңіз.
Бикеш
Барлығы асығыс, тек сіз ғана ешқайда асықпайсыз. Әрбір қадамыңызды ойланып басасыз. Себебі сәт сайын түрлі идеялары келіп, оны жүзеге асыруға тырысасыз. Ескі таныстарыңызды жолықтырасыз. &nbsp;
Таразы
Күніңізді ішпыстырарлықтай етіп өткізуден сақтаныңыз. Көңіл-күйіңізді түсірмеңіз. Қызықты ұсыныстарды өзгелерден күтіп отырғаннан гөрі, өзіңіз ұсыныс тастаңыз. Серуенге шығыңыз, қыдырыңыз.
Сарышаян
Көптен бері ойға алған шаруаны бітіретін кез келді. Бастапқыда барлығы қиындық туғызуы мүмкін. Бірақ табандылық танытар болсаңыз, барлық жұмысты аяқтауға мүмкіндік бар.
Мерген
Қаражат мәселесі толғандырып жүр. Десе де, бүгін ақша көп жұмсайсыз. Шамадан тыс десек те болады. Егер барлық алынатын заттарды ақылдасар болсаңыз, саудаңыз сәтті болады.
Тауешкі
Айналаңыздағы жандармен келіспейсіз. Кейде бұл әрекетіңіз дұрыс болғанымен, достарыңыздың кеңесіне құлақ түріңіз. Сондай-ақ бүгін шығармашылық жоспарлар туралы ақылдасуға қолайлы күн.
Суқұйғыш
Егер жаңа таныстықтарды қаласаңыз үйде отырмаңыз. Қызықты кездесулерге барасыз. Айналаңыздағы адамдардың ойы сізбен сәйкес келетіні қуантады. Ұқыпты болыңыз.
Балықтар
Сәтті күн. Қарсыластарыңыз өте қу болғанымен, сіз олардың алдын орап аласыз. Жаңа таныстықтар орын алып, сіз бұл кеште көпшіліктің назарына ілігесіз. Алайда сақ болыңыз.

Жұлдыздар не дейді?

<a href="https://kyzylorda-news.kz/date/2020/10/22/?doing_wp_cron=1603366373.3506410121917724609375">Kyzylorda-news.kz.</a> Мәжіліс сайлауы кезінде қағаз бюллетеньдермен дауыс беріледі. Бұл туралы Орталық сайлау комиссиясының төрағасы Берік Имашев мәлім етті, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Онлайн дауыс беруге қатысты әңгіменің қайдан шыққаны белгісіз. “Сайлау туралы” заңда онлайн дауыс беру режимі көзделмеген. Сондықтан біз баяғы қағаз бюллетеньдерімен дауыс береміз. Ондай әңгіме – бос сөз”, – деді Имашев бүгінгі онлайн брифингте.&nbsp;
</blockquote>
Комиссия басшысының айтуынша, дауыс беру кезінде барлық санитарлық талап сақталады.
Бұған дейін орталық сайлау комиссиясы парламент мәжілісі мен мәслихаттардың сайлау науқанына кететін шығындардың жобалық сметасын жариялаған болатын. Жалпы сома – 15,3 миллиард теңге. Соның ішінде 341,4 миллион теңге комиссия мүшелеріне жеке қорғаныс құралдарын сатып алуға жұмсалады.&nbsp;
<h3 id="">Сайлауға қанша партия қатыса алады</h3>
Мәжілісі пен мәслихаттар сайлауы 2021 жылы 10 қаңтарда өтеді. Бүгінде әділет министрлігінде алты саяси партия тіркелген. Олар:
<ul>
<li>Nur Otan;</li>
<li>“Ақ жол” партиясы;</li>
<li>Қазақстанның халықтық коммунистер партиясы;</li>
<li>“Ауыл” халықтық-демократиялық партиясы;</li>
<li>“Бiрлік” партиясы;</li>
<li>Жалпыұлттық социал-демократиялық партиясы.</li>
</ul>
Бүгінде парламент мәжілісінде үш партия – Nur Otan, Халықтық коммунистер мен “Ақ жолдың” өкілдері отыр.

Берік Имашев онлайн дауыс беруге қатысты түсініктеме берді

<a href="https://kyzylorda-news.kz/date/2020/10/22/?doing_wp_cron=1603366373.3506410121917724609375">Kyzylorda-news.kz.</a> Қазіргі таңда өңірлердің дамуы мемлекеттік бағдарламалар аясында жүзеге асырылуда. Экономикалық бәсекеге қабілеттілігін арттыру және халықтың тұрмыс сапасын жақсарту мақсатында Өңірлерді дамытудың 2020-2025 жылдарға арналған мемлекеттік бағдарламасы бекітілген болатын. Аталған бағдарлама аясында Қызылорда облысында 2020 жылы мемлекеттік бюджеттен 11,1 млрд.теңге қаржы бөлінді. Бұл туралы облыстық экономика және бюджетті жоспарлау басқармасы хабарлайды.
Оның ішінде, елді мекендерді сапалы ауыз сумен қамту және суды бұру мақсатында Арал ауданы Шөміш, Қазалы ауданы Түктібаев, Шиелі ауданы Тартоғай, Шоқай, Жалағаш ауданы Далдабай, Жаңақоныс, Қызылорда қаласы Досан, Қарауылтөбе, Талсуат, Талдыарал, Белкөл, Қараөзек елді мекендерінде, Наурыз мөлтек ауданында және Қызылорда қаласында канализациялық сорғы станцияларын реконструкциялау мен жаңартуға республикалық, облыстық бюджеттерден 2,5 млрд.теңге бөлінді. Нәтижесінде 3,6 шақырым кәріз, 63,9 шақырым ауыз су желілері және 7 ауыз су жинау қоймасы салынды.
Көлік инфрақұрылымын дамыту мақсатында үстіміздегі жылы Қызылорда қаласындағы С.Бейбарыс көшесінен Жібек жолы көшесі – “Қызылжарма” арнасына дейін магистралды көше құрылысына 1,2 млрд.теңге қаржы бөлініп, жоба келесі жылға өтпелі.
Аталған бағдарлама аясында «Дипломмен ауылға» жобасы жүзеге асырылуда. Ағымдағы жылға ауылдық елді мекендерге барып жұмысқа орналасқан білім, денсаулық сақтау, мәдениет, спорт, әлеуметтік қамсыздандыру, агроөнеркәсіптік кешен салаcы мамандарына 378 маманға бір жолғы көтерме жәрдемақы төлеуге 1 млрд. теңге, жеңілдетілген несиемен тұрғын үй алуға немесе салуға 549 маманға 2,3 млрд. теңге бөлініп отыр.
Сонымен қатар, ауылдағы тұрмыс сапасын жақсарту, ауылдық аумақтардың әлеуметтік ортасын жаңғырту, оларды өңірлік стандарттар жүйесінің параметрлеріне дейін жеткізу мақсатында «Ауыл-Ел бесігі» жобасы жалғасуда. Жоба шеңберінде ауылдық аумақтардың әлеуметтік және инженерлік инфрақұрылымын дамыту, ауыл тұрғындарының әлеуметтік игіліктер мен мемлекеттік көрсетілетін қызметтерге қолжетімділігін қамтамасыз ету және жалпы тұрудың қолайлы ортасын жасау бойынша міндеттер қойылған.
Үстіміздегі жылы «Ауыл –Ел бесігі» арнайы жобасы бойынша Арал ауданы Жақсықылыш, Қазалы ауданы Бекарыстан би, Шиелі ауданы Ақмая, Жаңақорған ауданы Жаңақорған кенті, Шалқия, Жалағаш ауданы Жалағаш кенті, Сырдария ауданы Ақжарма, Қызылорда қаласы Ақсуат ауылдық елді мекендерде 62 инвестициялық жобаны іске асыруға республикалық, жергілікті бюджеттерден 5,1 млрд. теңге қаралды. Аталған жобалар білім, мәдениет, спорт, тұрғын үй – коммуналдық шаруашылығы мен көлік салаларын қамтыды. Нәтижесінде, жоба игілігімен аталған елді мекендер бойынша 68 мың адам немесе ауыл тұрғындарының 15,3% қамтылып отыр.
Алдағы уақытта ,ағдарлама аясында өңірімізде тиісті іс-шаралардың жүзеге асырылуы жалғасады. Бұл өз кезегінде аймақтың әлеуметтік-экономикалық дамуына, халықтың өмір сұру сапасын арттыруына оң әсерін береді.

Өңірдің дамуына мемлекеттік бағдарламалар серпін берді

<a href="https://kyzylorda-news.kz/date/2020/10/22/?doing_wp_cron=1603366373.3506410121917724609375">Kyzylorda-news.kz.</a> Жаңақорған ауданы Түгіскен ауылының тұсындағы 30 гектар қураған егістік алқабы өртенді. Салдарынан жайылымда жүрген ұсақ малдар күйген. Оқиға кеше сағат 17:50 минут шамасында орын алды.
<blockquote>
 “Бізге хабарлама аудандық ішкі істер қызметінің кезекшілігінен түсті. Өрт сөндіруге 19 қызметкер, 5 техника жұмылдырылды. Өрт толықтай сағат 20:48 минутта өшірілді. Алдын ала есебіміз бойынша 700-ге жуық қойды күйік шалды. Тағы ұсақ малдар бар. Нақты&nbsp;саны есептелуде. Ал өрттің шығу себебін сараптама қорытындысы шыққаннан кейін белгілі болады”, – деді облыстық ТЖД бастығының орынбасары Руслан Қайрақбаев.
</blockquote>
Өрт болған аумақта жайылымда жүрген «Ынтымақ» шаруа қожалығының ұсақ малдары.
<blockquote>
 “Қазір белгілі болғаны өрттен 263 бас қой өліп, көмілді. Күйік шалғаны 685 болып отыр. Олардың қанашасы тірі қалатыны әзірге белгісіз. Өтемақыға келер болсақ, талапқа сәйкес төрт жағдайда төленеді. Бұл мәселе нақты комиссия қорытындысынан кейін белгілі болады”, – деді облыстық ауыл шаруашылығы басқармасы басшысының орынбасары Қайратбек Сәрсенбаев.
</blockquote>

Қазақстан және Қызылорда облысының жаңалықтары