<a href="https://kyzylorda-news.kz/">Kyzylorda-news.kz.</a>&nbsp;ҚР ДСМ Медициналық және фармацевтикалық бақылау комитеті Дәрілік заттар мен медициналық бұйымдарды сараптау ұлттық орталығы сарапшысы Нұршай Әзімбаева балалар арасында КВИ-дің таралуы туралы сұраққа жауап берді, деп хабарлайды <a href="https://www.inform.kz/kz/oku-zhyly-bastalgaly-kansha-balaga-koronavirus-zhukkany-belgili-boldy_a3757200">ҚазАқпарат</a>.
<blockquote>
 «Ресми мониторинг деректеріне сәйкес, қазіргі кезде оқушылар арасында тіркелген коронавирус жағдайының саны 2583-ке жетті. Ол офлайн түрде оқитын балалар арасында. Сондай-ақ онлайн (қашықтан) оқитындар арасында 6089 коронавирус инфекциясының жағдайы тіркелді. Бұл мәлімет 2020 жылдың 1 қыркүйегінен бастап қазіргі уақытқа дейін тіркелген деректер», – деп нақтылады Н. Әзімбаева Орталық коммуникациялар қызметінде.
</blockquote>
Баспасөз мәслихатында ҚР Денсаулық сақтау вице-министрі, бас мемлекеттік санитарлық дәрігер Ерлан Қиясов коронавирусқа қарсы вакциналау науқанына қатысты түсінік берді.
Коронавирус инфекциясына қарсы вакцинациялау жалғасып жатыр. Қазіргі кезде бірінші компонентпен 20 157 адам егілді. 22 ақпаннан бастап екінші компонентпен вакциналау басталып, 2 137 адамға екпе жасалды, қолайсыз көріністер тіркелген жоқ.
Сонымен қатар Қазақстанда 65 жастан асқан адамдарды вакцинациялауға рұқсат етілді.

Оқу жылы басталғалы қанша балаға коронавирус жұққаны белгілі болды

Қызылордада облыс әкімінің қатысуымен интернет-конференция өтеді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысында су мәселесіне қатысты жиын болды. Оған ҚР Экология, геология және табиғи ресурстар вице-министрі Серік Қожаниязов, ҚР ЭГТРМ Су ресурстары комитетінің төрағасы Нұрлан Алдамжаров және жергілікті шаруа қожалық өкілдері қатысты.
Биыл өңірде 188,2 мың гектарға егін егу межеленуде. Соның 84,4 мың гектарына күріш орналастырылады. Қалғанына дәндi, майлы, мал азықтық, картоп, көкөнiс, бақша дақылдары егіледі. Қазір қажетті тұқым толығымен дайын. Тыңайтқыштан да мәселе болмайды. Ауыл шаруашылық техниканың 83 пайызы жөндеуден өткізілді. Егілетін егістікті тұрақты суаруға 4,2 млрд текше метр су қажет. Кездесуде шаруашылықтар суға қатысты сауалдарын қойды, ұсыныстарын айтты, шешілу жолдарын сұрады.
<blockquote>
 «Су азаймаса, көбейіп жатқан жоқ. Бастысы, үнемді пайдалануымыз қажет. Әрине, Сырдарияның су жағдайы жоғарыдағы су қоймаларына тікелей байланысты. Өңірдегі су тораптары, егіс алқаптарына қатысты мәселелерді жақсы білемін. Барлығын зерттеп жатырмыз. Оңтайлы шешім табуына жұмыс жасаймыз», – деді Серік Қожаниязов.
</blockquote>
Бүгінде «Тоқтағұл» су қоймасындағы жиналған судың көлемі 10,0 млрд. текше метрді құрайды. Ал Шардара су қоймасына жоғарыдан секундына 397 текше метр су түсуде. Жалпы қазір «Шардара» мен «Көксарайда» 5,2 млрд текше метр су жиналған.
<img src="https://kyzylorda-news.kz/wp-content/uploads/2021/02/154407916_1236959020032941_7189644248634604494_o.jpg" alt="" />
<img src="https://kyzylorda-news.kz/wp-content/uploads/2021/02/154447920_1236959003366276_3261601208113006126_o.jpg" alt="" />
<img src="https://kyzylorda-news.kz/wp-content/uploads/2021/02/153837044_1236959006699609_5933657395089874352_o-1.jpg" alt="" />

Серік Қожаниязов: Су азаймаса, көбейіп жатқан жоқ

<a href="https://kyzylorda-news.kz/">Kyzylorda-news.kz.</a> Қызылорда гарнизонында Қызылорда қаласы әскери-техникалық мектебінің 15 сарбазы санитарлық-эпидемиологиялық талаптар мен нормаларды сақтай отырып, өздерінің Отан алдындағы әскери антын қабылдады.
Әскери мектепте бір айдан аса уақыт даярлықтан өткен курсанттар, қаруды қолдану және тактикалық дайындықтардан басқа, ант қабылдау алдында екі рет қарудан оқ атып үлгерді. Бір айдан астам уақыт ішінде түрлі әскери теориялық білім жинап, әскери тәртіппен танысты. Сонымен қатар әскери білімдерін іс-тәжірибеде де қолдана білді. Түлектердің осы әскери ант қабылдау рәсімін асыға күткендері байқалып тұрды.
<blockquote>
 «Қызылорда қаласының әскери-техникалық мектебінің 2021 жылғы алғашқы курсантымын. Өзіме керекті, ер азаматтың бойында кездесетін көптеген нәрселерді үйрендім. Қырық күн ішінде бірнеше дос таптым. Оқу-жаттығу алаңдарында болып, әскери өмірдің қырларын меңгердім. Ант қабылдағаннан кейінгі сезімім ерекше. Алда әскери қызмет атқарсам деген ойдамын», – дейді әскери-техникалық мектебінің түлегі Таңат Балқыбай.
</blockquote>
Қарулы Күштер мен әскери тәртіп туралы мәлімет беріп, жас сарбаздарды темірдей тәртіпке баулитын әскери-техникалық мектепті тәмамдап отырған түлектер аз емес. Қызылорда қаласы әскери-техникалық мектебі алдағы уақытта да Отанға адал қызмет ететін мамандарды қабылдауын жалғастыра бермек.
<img src="https://kyzylorda-news.kz/wp-content/uploads/2021/02/2-1.jpg" alt="" />
<img src="https://kyzylorda-news.kz/wp-content/uploads/2021/02/4.jpg" alt="" />
<img src="https://kyzylorda-news.kz/wp-content/uploads/2021/02/1-2.jpg" alt="" />

Қызылорда: Әскери-техникалық мектептің 15 сарбазы ант қабылдады

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облысында су мәселесіне қатысты жиын болды. Оған ҚР Экология, геология және табиғи ресурстар вице-министрі Серік Қожаниязов, ҚР ЭГТРМ Су ресурстары комитетінің төрағасы Нұрлан Алдамжаров және жергілікті шаруа қожалық өкілдері қатысты.
Биыл өңірде 188,2 мың гектарға егін егу межеленуде. Соның 84,4 мың гектарына күріш орналастырылады. Қалғанына дәндi, майлы, мал азықтық, картоп, көкөнiс, бақша дақылдары егіледі. Қазір қажетті тұқым толығымен дайын. Тыңайтқыштан да мәселе болмайды. Ауыл шаруашылық техниканың 83 пайызы жөндеуден өткізілді. Егілетін егістікті тұрақты суаруға 4,2 млрд. текше метр су қажет. Кездесуде шаруашылықтар суға қатысты сауалдарын қойды, ұсыныстарын айтты, шешілу жолдарын сұрады.
<blockquote>
 «Су азаймаса, көбейіп жатқан жоқ. Бастысы, үнемді пайдалануымыз қажет. Әрине, Сырдарияның су жағдайы жоғарыдағы су қоймаларына тікелей байланысты. Өңірдегі су тораптары, егіс алқаптарына қатысты мәселелерді жақсы білемін. Барлығын зерттеп жатырмыз. Оңтайлы шешім табуына жұмыс жасаймыз», – деді Серік Қожаниязов.
</blockquote>
Бүгінде «Тоқтағұл» су қоймасындағы жиналған судың көлемі 10,0 млрд. текше метрді құрайды. Ал Шардара су қоймасына жоғарыдан секундына 397 текше метр су түсуде. Жалпы қазір «Шардара» мен «Көксарайда» 5,2 млрд. текше метр су жиналған.

Қызылордадағы су мәселесіне қатысты жиын өтті

<a href="https://kyzylorda-news.kz/">Kyzylorda-news.kz.</a>&nbsp; Достық үйінде облыстық Қазақстан халқы Ассамблеясы жанындағы ғылыми-сараптама тобының «Тәуелсіздік жылдарындағы жетістіктер» атты дөңгелек үстел отырысы өтті.
Іс-шараға «Қоғамдық келісім» КММ директоры Бауыржан Мастеков облыстық ардагерлер кеңесі алқасының мүшелері, облыстық ҚХА жанындағы ғылыми-сараптама тобының мүшелері және БАҚ өкілдері қатысты.
<blockquote>
 «Тұғырлы тәуелсіздік еліміздің басына бақ болып қонған сәттен бері егемен Қазақстан түрлі жетістіктерге қол жеткізіп, елеулі өзгерістерді басынан өткерді. Еліміздің биік белестерден көрінуі ата- баба аманатының жемісті жеңісі. Елбасымыз «Бүгінгі күнді түсініп-түйсіну үшін де,болашақтың дидарын көзге елестету үшін де кешегі кезеңге көз жіберуіміз керек. Тәуелсіздіктің нұрлы таңының қалай атқанын ұмытпай, бүгінгі жетістіктерімізді мақтан тұтып, жарқын болашаққа бірге қадам басайық», – деді «Қоғамдық келісім» КММ директоры Бауыржан Мастеков.
</blockquote>
<img src="https://kyzylorda-news.kz/wp-content/uploads/2021/02/154098177_2878517385800756_2232065845442303064_o.jpg" alt="" />
Қазақстан жазушылар одағының мүшесі Бегімбай Ұзақбаев, Қорқыт ата атындағы ҚУ-нің «Гуманитарлық-педагогикалық» институты директорының орынбасары, облыстық ҚХА жанындағы ғылыми-сарапшылық тобының мүшесі PhD Дәулет Омаров, Қорқыт ата атындағы ҚУ-нің «Құқықтану» кафедрасының доценті, облыстық ҚХА жанындағы ғылыми-сарапшылық тобының мүшесі, заң ғылымдарының кандидаты Мәдина Жүсіпбекова баяндама жасады.
Баяндамада ел тарихындағы елеулі сәттер, ұлтаралық түсіністіктің қалыптасуы нәтижесінде елдегі бірлік пен ынтымақтың орнауы, тәуелсіздікке әкелген тарихи жол, егемен ел аталғалы жеткен негізгі жетістіктер айтылды.
Шара өзара пікір алмасумен жалғасты.
<img src="https://kyzylorda-news.kz/wp-content/uploads/2021/02/153176309_2878517445800750_412717248724867932_o.jpg" alt="" />

Тәуелсіздік жылдарындағы жетістіктер

<a href="https://kyzylorda-news.kz/">Kyzylorda-news.kz.</a> Қызылордалық «Қайсар» Түркиядағы кезекті жолдастық кездесуін украиндық «Впк-Агро» командасына қарсы өткізді.
Сұлтан Әбілдаевтің шәкірттері кездесу барысында алғаш болып қақпаларына доп енгізіп алды.
Кездесудің 4 минутында қонақтар есеп ашып, алға шықты. Қасқырлар тайлы-тұяғымен шабуылға шыққанымен ойынның бірінші жартысында есепті теңестіру мүмкін болмады.
Кездесудің екінші бөлігінде алаңға тыңнан ойыншылар шығып, қарсылас қақпасын нысанаға алумен болды. Кездесудің 79 минутында Мақсат Байжановтың бұрыштамадан асырған добына Данияр Әлімжан бірінші жетіп, таразы басын теңестірді. Осылайша қасқырлар кезекті рет қарсыласымен тең тарқасты.
Қайсар: Салайдын (Леонов), Әмірсейітов (Сарбай), Потапов, НДойе (Алтаев), Карпович (Жақсыбаев), Денкович (Құлмағанбетов), Нәрзілдаев (Байжанов), Құлмағанбетов (Әлімжан), Махан (Кеңесов), Лаукжемяс (Абзалов).

«Қайсар» украиналық командамен тең түсті

<a href="https://kyzylorda-news.kz/">Kyzylorda-news.kz.</a> Қызылорда қаласында электрондық газ есептегіш құрылғысы механикалық жүйеге өткізілуде. Бүгінгі таңда 14 мыңнан астам тұтынушы электрондық газ есептегішпен көгілдір отынды пайдаланып отыр.
<blockquote>
 «Электрондық газ есептегіш құрылғысын механикалық жүйеге өткізу үшін бізге 104 немесе колл орталық 87710121211 телефондар арқылы хабарласу керек. Сонымен қатар orda-ktga@mail.ru электрондық поштасына жазбаша өтінім жолдауларына болады. Ақысыз өткізіп береміз. Электрондық газ есептегішті ұзақ уақыт пайдаланылғандықтан батареясы тозып, есептегіш істен шығуда. Осы олқылықтың алдын алу мақсатында тұрғындардан механикалық жүйеге көшуге кеңес береміз», – деді “ҚазТрансГаз Аймақ” АҚ Қызылорда өндірістік филиалы өтім және газ режимі қызметінің басшысы Жолдас Әженов.
</blockquote>
Механикалық жүйенің тағы бір артықшылығы төлемді kaspi.kz, homebank.kz ұялы қосымшалар арқылы және Qiwi, Касса24 терминалдары арқылы төлей алады.

Қызылордада газ есептегіш құрылғысы механикалық жүйеге ауыстырылуда

<a href="https://kyzylorda-news.kz/">Kyzylorda-news.kz.</a> 2020 жылдың қорытындысы бойынша COVID-19 және вирустық пневмониямен күреспен айналысатын аймақтың 15 536 медицина қызметкеріне қаржылық қолдау көрсетілді. Өткен жылда бұл мақсатта 3 млрд. 002 986 мың теңге бағытталды. Бұл туралы әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.
2020 жылдың наурыз айынан 2021 жылдың қаңтарға дейін ынталандыру төлемдері бөлінді:
<ul>
<li>наурызда – 476 медицина қызметкеріне 63 291,2 мың теңге сомасында;<ul>
<li>сәуірде – 1 921 медицина қызметкері, 319&nbsp;305,9 мың теңге;</li>
<li>мамырда – 1 784 медицина қызметкері, 317&nbsp;273,2 мың теңге;</li>
<li>маусымда – 1 906 медицина қызметкері, 419&nbsp;430,9 мың теңге;</li>
<li>шілдеде – 3 452 медицина қызметкері, 947&nbsp;557,1 мың теңге;</li>
<li>тамызда – 2 453 медицина қызметкері, 407&nbsp;345,1 мың теңге;</li>
<li>қыркуйекте – 839 медицина қызметкері, 96&nbsp;410,1 мың теңге;</li>
<li>қазанда – 896 медицина қызметкері, 124 207,2 мың теңге;</li>
<li>қарашада – 825 медицина қызметкері, 138 734,5 мың теңге;</li>
<li>желтоқсанда – 984 медицина қызметкері, 169 430,7 мың теңге;</li>
<li>2021 жылғы қаңтар айында – 1062 медицина қызметкеріне 152 767,9 мың теңге сомасында.</li></ul></li>
</ul>
Естеріңізге сала кетейік, көтермелеу сомасы еңбек жағдайларының қауіптілік дәрежесіне байланысты және сәйкесінше 20, 10 және 5 ЕТЖ құрайды.

Қызылордада 1 мыңнан астам медицина қызметкеріне  үстемеақы төленді

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы облыс тұрғындары үшін ақпараттық-талдамалық қамтамасыз ету бойынша қызметті ұсынады. Ақпараттық-талдамалық қамтамасыз ету бойынша қызмет кәсіпкерлерге және кәсіпкерлік бастамасы бар тұрғындарға облыстың барлық аудандарында орналасқан Кәсіпкерлерді қолдау орталықтарында, сонымен қатар <a href="https://g4b.kz/">порталы</a> арқылы онлайн режимде көрсетіледі.
ҚЫЗМЕТТЕР АҚЫСЫЗ, ТЕГІН.&nbsp;
Кәсіпкерлікті қолдау орталықтарының мекен-жайы:
Аралауданы – Арал қаласы, Бақтыбай батыр көшесі, №46 үй, тел.:8/72433/79199
Қазалы ауданы –&nbsp; Әйтеке би кенті –Әйтеке би көшесі,&nbsp; №9 үй, тел.:8/72438/79243
Қазалы ауданы –&nbsp; Қазалы қаласы – Жалаңтөс көшесі,&nbsp; №23 үй тел.:8/72433/79199
Қармақшы ауданы – Жосалы кенті, Көшербаев көшесі, №36 үй, тел.:8/72437/79120
Жалағаш ауданы –&nbsp; Жалағаш кенті, Үркімбаев көшесі, №33А үй, 8/72431/79199
Сырдария ауданы – Сырдария кенті, Қонаев көшесі, № 12 А үй, 8/72436/79179
Шиелі ауданы –&nbsp; Шиелі кенті, Рысқұлов көшесі, №5 үй, тел.:8/72432/79255
Жаңақорған ауданы –&nbsp; Жаңақорған кенті, Иманов көшесі, №171 үй, тел.:8/72435/7912
Қармақшы ауданы – Байқоңыр қаласы, Абай даңғылы №16, 8/33622/23527
Кәсіпкерлер палатасының мекен-жайы: Қызылорда қаласы, Қорқыт ата 123, «Бизнеске арналған Үкімет» ғимаратының 1, 3-қабаттары.
Анықтама үшін телефон: 8 /7242/ 40-08-74, 40-02-02
Сall-Center – 1432

Қызылорда: Кәсіпкерлер палатасы ақпараттық қызмет ұсынады

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментіне қарасты ЗК-169/5 мекемесінде ұрлық қылмысымен жазасын өтеп жатқан С. есімді азаматқа қысқа мерзімді кездесуге келген танысының сәлем-сауқатынан есірткі заты анықталды.
Мекеме қызметкерлері кездесуге келген азаматтың сәлем-сауқатын тексеру барысында «State Line» темекі қорабына нығыздалып салынған 27 дана «жасыл түсті, өткір иісті» затты анықтаған.&nbsp; 
Жедел түрде 102 нөміріне хабарланып, мекемеге Қызылорда қалалық Полиция басқармасының жедел-тергеу тобы шақыртылды.
Тәркіленген зат бойынша сот сараптама жұмыстары тағайындалып, қорытындысымен салмағы 20,22 граммды құрайтын «кептірілген марихуана» екені дәлелденді. Аталған дерек бойынша Қазақстан Республикасы ҚК-нің 297-бабының 1-бөлігімен сотқа дейінгі тергеп-тексеру жұмыстары жүргізілуде.
Түзеу мекемесі қызметкерлерінің қырағылығы мен жедел ұйымдасқан әрекетінің нәтижесінде мекеме аумағына есірткі затының кіріп кетуінің жол кесілді.

Қызылордада сотталғанмен кездесуге келген азаматтың сәлемдемесінен есірткі заты анықталды

<a href="https://kyzylorda-news.kz/">Kyzylorda-news.kz.</a> «Қазгидромет» РМК 25-27 ақпанға арналған ауа райы болжамын жариялады.
Арктикалық антициклон республиканың басым бөлігінде ауа температурасының одан әрі төмендеуіне әкеледі.
Еліміздің кей жерлерінде қар жауады, республиканың шығысы мен оңтүстік-шығысында қалың қар жауады, батысында, 27 ақпанда оңтүстігінде жауын-шашын (жаңбыр, қар) және көктайғақ болады. Кей жерлерде тұман түседі, жел күшейіп, қарлы боран болады деп күтілуде.

Қазақстан және Қызылорда облысының жаңалықтары