<a href="https://kyzylorda-news.kz/ru/obshestvo/">Kyzylorda-news.kz</a>. ҚР Бас мемлекеттік санитариялық дәрігері Ерлан Қиясов АҚШ-тың Pfizer екпесімен вакцинациялауға қатысты&nbsp;<a href="https://www.gov.kz/memleket/entities/kkkbtu/press/news/details/272602?lang=kk">әдістемелік ұсынымдарын</a>&nbsp;жариялады, деп хабарлайды ҚазАқпарат.
Коронавирусқа қарсы вакцинаның бұл түрін 12 жастағы және одан үлкен жасөспірімдер, жүкті әйелдер (жүктіліктің 16 аптасынан бастап 37 аптасына дейін), лактация кезеңіндегі әйелдер босанғаннан кейінгі кезең аяқталған 42 күннен кейін).
<blockquote>
 «Вакцина салдыру алдында коронавирусқа антиденелердің болуына тексеру жүргізілмейді. Вируспен ауырып жазылған адамдарға сауыққаннан кейін 3 айдан соң вакцинациялауға болады. Жергілікті атқарушы органдардың аумақтық денсаулық сақтау басқармалары, Санитариялық-эпидемиологиялық бақылау комитеті және облыстық департаменттері бірлесіп КВИ-ге қарсы вакцинациялауға дайындық жүргізу қажет. Сондай-ақ денсаулық сақтау жүйесінің барлық деңгейлерінде жұмыс топтарын құрып, іс-шаралар жоспарын әзірлеуі қажет», – делінген мәліметте.
</blockquote>
Екпе алатындарға жататын адам санына сәйкес егу бригадаларының қажетті саны, вакцина, шығын материалдары, тоңазытқыш жабдықтар, автокөлік саны есептеледі.
Өңірлердегі Денсаулық сақтау басқармасы аумақтық департаментпен және білім басқармасымен бірлесіп жауапты мамандар қатарынан әрбір аудан, қала бойынша КВИ-ге қарсы вакцинация жүргізу жөніндегі іс-шараларды үйлестіретін кураторды тағайындауы қажет.
<blockquote>
 «Бұл ретте халықпен жұмыстың ұйымдастырылуына, оның ішінде азаматтарды, кәмелетке толмағандардың ата-аналарын ақпараттандыруға назар аудару қажет. Тағайындалған кураторлар: егілуге жататын халықтың коронавирусқа қарсы вакцинациялауға дайындығын бағалауды, әрбір егу бригадасының талапқа сай жасақталуын, вакцинаны тоңазытқыш жабдықтарында сақтау және тасымалдау қағидаларының сақталуын, екпелермен жұмыс, егу техникасы, егуге рұқсатты дұрыс анықтау, вакцина салынған соң иммундаудан кейінгі қолайсыз көріністе рбойынша медицина қызметкерлерінің білімін бағалауды жүзеге асыруы тиіс», – делінген әдістемелік ұсынымда.
</blockquote>

Бас санитар: Ата-аналар арасында Pfizer вакцинасы жайлы түсіндіру жұмысын күшейту қажет

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы полиция департаментінің кинологиялық қызмет орталығының ауласында орталық қызметкерлерінің және қалалық, аудандық полиция бөліністерінің кинолог мамандарының өздеріне бекітілген қызметтік іздестіру иттерімен үйретілген салалары бойынша жұмысқа қабілеттіліктері тексерілді.
Тексеру қорытындысы бойынша қызметтік іздестіру иттері &nbsp;&nbsp;нәтижелі көрсеткіштер көрсетті. &nbsp;
Орталықтың кіші инспектор кинологі полиция аға сержанты Б.Жаңғабылға бекітілген лақап аты «Вулкан» және «Заря» қызметтік іздестіру иттері «иіс алу-одорология» саласы бойынша арнайы құтыларға салынған заттардың арасынан өзіне табуға ұсынылған иісті анықтап, нәтижелі көрсеткіш берді.
Қызылорда қалалық полиция басқармасының полицей кинологі полиция аға сержанты Ә.Әбіловке бекітілген лақап аты «Верный» қызметтік іздестіру иті «оқ-дәрілерді және жарылғыш заттарды іздеу» саласы бойынша өзге заттардың ішінен жарылғыш затын тапты. Сонымен қатар, полицей кинолог полиция сержанты Б.Мадияровқа бекітілген лақап аты «Динго» қызметтік іздестіру иті «шабуылдау» саласы бойынша күдікті азаматты ұстап, жақсы нәтиже көрсетті.
Сырдария аудандық полиция бөлімінің кіші инспектор-кинологі полиция сержанты Н.Балтабай лақап аты «Застава» қызметтік іздестіру иті, сонымен қатар орталықтың кіші инспектор кинологі полиция аға сержанты А.Пазыловқа бекітілген лақап аты «Елай» қызметтік іздестіру иттері «есірткі затын іздеу» бағытында аулада тұрған «Камаз» автокөлігіне&nbsp; жасырылған иммитаторды кедергісіз тапты.
«Ізге түсу» саласы бойынша үйретілген орталық қызметкерлеріне бекітілген «Вена», «Леон» қызметтік иттері, сонымен қатар Қазалы, Жалағаш және Жаңақорған аудандық полиция бөлімдеріне бекітілген&nbsp; «Зевс», «Виви» және «Вилли» атты қызметтік иттері де тығылған қызметкерді иіс арқылы оңайлықпен тапты.&nbsp;&nbsp; &nbsp;&nbsp;&nbsp;&nbsp;&nbsp;
Сынақ қорытындысы бойынша барлық кинолог мамандарға жұмыс барысында қызметтік іздестіру иттерінің жұмысқа қабілеттілігін жоғалтпау және арттыру мақсатында үнемі жұмыс барысында пайдаланып,&nbsp; жаттығу жасау тапсырылды.
<img src="https://kyzylorda-news.kz/wp-content/uploads/2021/10/img_4411-scaled.jpg" alt="" />

Полицейдің сенімді серігі

<a href="https://kyzylorda-news.kz/ru/obshestvo/">Kyzylorda-news.kz</a>. Медициналық ұйымдарда қызмет алу кезінде қиындықтарға тап болған кезде, науқастар өз құқықтарын қорғау үшін қайда бару керектігін біле бермейтін жайттар әлі де көптеп кездеседі. Ол үшін Әлеуметтік медицицналық сақтандыру қоры облыс тұрғындарына түсіндіру жұмыстары жалғасуда. Бұл туралы Өңірлік коммуникациялар қызметінің ақпарат алаңында өткен брифингте Қордың облыс бойынша филиалының директоры Бахыт Исмаханбетов мәлімдеді.
<blockquote>
 “Көрсетілетін медициналық қызметті бақылау және шешу үшін «Науқастарды қолдау қызметі» бар. Бұл қызмет барлық медициналық ұйымдарда жұмыс істейді. Мақсат – медициналық көмектің ішкі бақылауын жүргізу, медициналық қызмет көрсету кезіндегі бұзушылықтарды анықтау, өтініштер мен шағымдарды дер кезінде қарау. Бұған қоса тұрғындар облыстық денсаулық сақтау басқармасының 40 00 01 байланыс орталығына хабарласуына болады. Сондай-ақ арнайы «Qoldau 24/7» мобильді қосымшасы арқылы да өтініш жолдай алады. Азамат «Qoldau 24/7» қосымшасына байланысқаннан кейін әлеуметтік сақтандыру Қорының мамандары: медициналық ұйымға хабарласып, ақпаратты анықтайды және медициналық көмек көрсетуден бас тарту себептерін тексереді,” – деді Әлеуметтік медицицналық сақтандыру қорының облыс бойынша филиалының директоры Бахыт Торғайбайұлы.
</blockquote>
Айта кетейік, бүгінде тұрғындар өтінішін қанағаттандыру мақсатында Telegram-нан «SaqtandyryBot» бағдарламасы да жұмыс жасайды.

Бахыт Исмаханбетов: «Науқастарды қолдау қызметі» барлық медициналық ұйымда жұмыс істейді

<a href="https://kyzylorda-news.kz/ru/obshestvo/">Kyzylorda-news.kz</a>. Үкімет жанындағы Қазақстанда коронавирустың таралуына жол бермеу жөніндегі ведомствоаралық комиссиясы 21 қазандағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.
Оның нәтижесі бойынша, Алматы облысы «қызыл» аймаққа, Қызылорда облысы «жасыл» аймаққа өтті.&nbsp;
«Қызыл» аймақта: Нұр-Сұлтан, Алматы қалалары, Алматы, Қостанай, Павлодар, Ақмола, Солтүстік Қазақстан облыстары.
«Сары» аймақта: Атырау, Қарағанды, Шығыс Қазақстан облыстары.
«Жасыл» аймақта: Шымкент қаласы, Ақтөбе, Батыс Қазақстан, Қызылорда, Түркістан, Жамбыл, Маңғыстау облыстары.
Айта кетері, кеше Алматы мен Қызылорда облыстары «сары» аймақта тұрған болатын.

Қызылорда облысы «жасыл» аймаққа өтті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласындағы қауіпсіздігі барынша төмен мекемесінде ең маңызды қызметтің бірі – кезекші бөлімінің қызметі. Мекеменің кезекші қызметінде төрт қызметкер ауысыммен қызмет атқарады. Олар күнделікті жұмыс барысында мекемеде жазасын өтейтін сотталғандарды&nbsp; тәулік бойы бақылау мен қадағалауды, сондай-ақ құқық қорғау тәртібін қалыптастыруды жүзеге асырады.
Нормативтік құқықтық актілерге сәйкес, сотталғандардың мекеменің ішкі тәртіп ережелерін сақтауын және олардың жазаны өтеу режимін сақтауын қадағалайды. Құқық бұзушылық фактілерін анықтайды және мекеменің қалыпты қызметін ұйымдастыруға жауап береді.
Сонымен қоса кезекші қызметі сотталғандардың қашуының, бағынбауының, өзіне қандай да бір зақым келтірудің, бұзақылық әрекеттердің, өзге де қылмыстардың және режимді бұзудың алдын алу және жолын кесу жұмыстарының алдын алады. Мекемеге сот үкімімен жазасын өтеуге жіберілген&nbsp; сотталғандарды қабылдауға және&nbsp; сотталғандарды этаптау және босату кезінде қатысады.
<blockquote>
 «Қазақстан Республикасының Қылмыстық-атқару кодексінің 143-бабына сәйкес сотталғандарға қосымша нұсқаулықтар жүргізіп отырамыз. Тыйым салынған заттарды мекеме аумағына алып өтуге болмайды. Қызмет бабында &nbsp;ол үшін тәртіптік жаза қолданатындығын назарларына жеткізіп отырамыз»,- дейді мекеме бастығының кезекші көмекшісі әділет капитаны Сұлтан Айғара.
</blockquote>

Түзеу мекемесіндегі кезекшінің қызметі қандай?

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1984 адам коронавирустан жазылды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 200,
Алматы қаласы – 372,
Шымкент қаласы – 43,
Ақмола облысы – 107,
Ақтөбе облысы – 115,
Алматы облысы – 92,
Атырау облысы – 12,
Шығыс Қазақстан облысы – 255,
Жамбыл облысы – 11,
Батыс Қазақстан облысы – 213,
Қарағанды облысы – 164,
Қостанай облысы – 112,
Қызылорда облысы – 33,
Маңғыстау облысы – 24,
Павлодар облысы – 102,
Солтүстік Қазақстан облысы – 125,
Түркістан облысы – 4.
Қазақстан бойынша жазылғандар саны – 866242.

Қызылордада 33 адам коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1844 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 185,
Алматы қаласы – 309,
Шымкент қаласы – 52,
Ақмола облысы – 146,
Ақтөбе облысы – 43,
Алматы облысы – 158,
Атырау облысы – 48,
Шығыс Қазақстан облысы – 119,
Жамбыл облысы – 31,
Батыс Қазақстан облысы – 61,
Қарағанды облысы – 150,
Қостанай облысы – 123,
Қызылорда облысы – 35,
Маңғыстау облысы – 14,
Павлодар облысы – 186,
Солтүстік Қазақстан облысы – 151,
Түркістан облысы – 33.
Жалпы ел бойынша ауырғандар саны 923060.

35 қызылордалықтан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанның басым бөлігінде ауа райын циклон жырасы және онымен байланысты атмосфералық фронтальды бөліктер анықтайтын болады, соған байланысты жауын-шашын (жаңбыр, қар), желдің күшеюі, оңтүстікте және оңтүстік-шығыста күндіз қатты жауын-шашын (жаңбыр, қар) күтіледі. Тек шығыста және солтүстік-шығысында антициклон жотасының ықпалымен жауын-шашынсыз ауа райы сақталады, деп хабарлайды Қазгидромет.
Еліміздің батысында және оңтүстік-шығысында, орталығында тұман, оңтүстігінде шаңды дауыл, батысында, солтүстігінде көктайғақ, жаяу бұрқасын күтіледі.
Ақмола облысының солтүстік-батысында жел 15-20 м/с күшейеді. күннің екінші жартысында көктайғақ, жаяу бұрқасын болады.
Жамбыл облысының таулы аудандарында тұман, батысында, оңтүстік-батысында, солтсүстік-шығысында және облыстың таулы аудандарында соққан желдің жылдамдығы 25 м/с жетеді.
Түркістан облысында түнде таулы аудандарында, күндіз басым бөлігінде жел 15-20 м/с, күндіз таулы аудандарында екпіні 23 м/с күшейеді. Қызылорда облысында таңертең және күндіз солтүстігінде және орталығында жел 15-20 м/с шаңды дауылмен күшейеді.
Маңғыстау облысының түнде батысында, солтүстік-шығысында тұман болып, жел 15-20 м/с күшейеді. Атырау облысының солтүстігінде, шығысында желдің 15-20 м/с күшеюі күтіледі. Батыс Казақстан облысында түнде шығыс облысында көктайғақ, солтүстігінде тұман күтіледі, күндіз батысында, солтүстігінде жел 15-20 м/с күшейеді. Алматы облысының Алакөл ауданында желдің 15-20 м/с күшеюі күтіледі. Қостанай облысының батысында, солтүстік-шығысында көктайғақ, тұман күтіледі, батысында, солтүстік-батысында жел 15-20 м/с жетеді.
Солтүстік Қазақстан облысының солтүстігінде, батысында көктайғақ, жаяу бұрқасын күтіледі, түнде батысында, күндіз басым бөлігінде жел 15-20 м/с күшейеді. Қарағанды облысының солтүстігінде, батысында тұман болып, күндіз батысында, оңтүстігінде, орталығында жел 15-20 м/с күшейеді.
Шығыс Қазақстан облысының батысында жел 15-20 м/с күшейіп, солтүстігінде түнде тұман күтіледі.

21 қазанға арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Пандемия шектеулеріне қарамастан Қызылорда өңірінде кәсіп ашуға ниетті азаматтардың қатары көбейіп, аймақ республика бойынша үздік үштікке енген. Сондай-ақ, облыстағы экономикалық белсенді халықтың үштен бірі кәсіпкерлік бағытта жұмыспен қамтылған. Яғни, өсім 9,1 пайызды құрап, аймақтар арасында ІІ орынға көтерілді. Бұл туралы Өңірлік коммуникация қызметінде облыстық кәсіпкерлік және туризм басқармасының басшысы Фердоуси Қожабергенов мәлімдеді
<blockquote>
 «Кәсіпкерлік субьектілер санының ұлғаюына мемлекеттік қолдау шаралары әсер етті. Мәселен, 9 ай ішінде «Бизнестің жол картасы 2025» мемлекеттік бағдарламасы аясында жалпы құны 20,8 млрд. теңгені құрайтын 1360 жоба қолдау тапса, 813 жоба 5,1 млрд. теңгеге кепілдендірілді. Мұнан бөлек, қаржы ұйымдарымен кәсіпкерлердің 615 жобасына 2 млрд.теңге көлемінде шағын несие берілді. Оның ішінде «Қызылорда» Өңірлік инвестициялық орталығымен 14 кәсіпкерге 2 пайызбен 348 млн. теңгеге қаржыландырылды. Мұндай қолдауларды келесі жылы да іске асырамыз», – деді Фердоуси Әбілқасымұлы.
</blockquote>
Басқарма басшысының айтуынша, сауда және туризм саласында да ілгерілеу бар. Айталық, жалпы сауда айналымы өткен жылмен салыстырғанда 2 пайызға, ал келуші туристер саны 46 пайызға, көрсетілген қызметтер көлемі 58 пайызға артқан.
Жағымды жаңалық келер жылдан бастап туризм саласында жаңа мемлекеттік қызметтер, яғни автокөлік құралдарын сатып алу, туризм нысандарын салу, санитариялық-гигиеналық тораптарды күтіп-ұстау шығындарының бір бөлігін субсидиялау арқылы өтеу механизмі енеді.
<blockquote>
 «Мемлекет басшысының тапсырмасына сәйкес өңірде кәсіпкерлерді қолдау мен сүйемелдеу бағытында «Бизнеске арналған үкімет» платформасы жұмыс жасауда. Аталған платформада аясында кәсіпкерлерге және инвесторларға 10 бағыт бойынша 90 қызмет түрлері ақысыз көрсетіліп келеді. Мәселен орталықпен өткен жылы 13 488 қызмет көрсетілсе, биылғы жылдың 9 айында бизнес субьектілеріне 12 246 қызмет көрсетілген»,- деді Бизнеске арналған үкімет мекемесінің директоры Батыржан Аймағанбетов.
</blockquote>
Аймақтағы кәсіпкерліктің 9 айдағы дамуын қорытындылаған баспасөз конференциясында «Қызылорда» өңірлік инвестициялық орталығының атқарған жұмыстары да айтылды.
<blockquote>
 «Ауыл кәсіпкерлеріне шағын несие беруді ұсынатын «Қызылорда» өңірлік инвестициялық орталығы 6 жыл ішінде 2053 кәсіпкерге 9 миллиард теңге көлемінде қаржылай көмек берген. Ал, биылғы жылдың 9 айында аталған орталықпен 165 кәсіпкер 1 млрд.теңгеден астам несиелік қаржыға қол жеткізді. Айта кету қажет, өткен жылы қызметін тоқтатуы қажет болған орталық облыс әкімдігінің тікелей қолдауымен 2025 жылға дейін жұмысын жалғастыруға мүмкіндік алды. Бұл кәсіпкерлер үшін үлкен мүмкіндік болмақ», – деді орталық директоры Самат Ерниязов.
</blockquote>

«Бизнестің жол картасы 2025»: Қызылордада 9 айда 1360 жоба қолдау тапты

<a href="https://kyzylorda-news.kz/ru/obshestvo/">Kyzylorda-news.kz</a>. Жалағаш ауданы, Ақсу ауылдық округінің әкімі Қанат Ниетқұлов «Үздік ауыл әкімі» республикалық конкурсының «Үздік әлеуметтік жоба» номинациясының иегері атанды. Бұл туралы ҚР Мемлекеттік қызмет істері агенттігінің Қызылорда облысы бойынша департаментінің баспасөз қызметі хабарлайды.
Аталған республикалық конкурс ҚР Мемлекеттік қызмет істері агенттігінің бастамасымен биыл екінші рет өткізілді. Байқаудың өңірлік кезеңіне 100-ден астам ауыл әкімі өтінім берсе, республикалық кезеңде әрбір облыстың үздік атанған ауылдық округ әкімдері бақтарын сынады.
Конкурс ережесіне сәйкес республикалық кезеңде ауыл әкімдері ауылдық округтің әлеуметтік-экономикалық дамуы жағдайын жақсартуға және жаңадан тұрақты жұмыс орындарын ашуға бағытталған әлеуметтік жобаларын қорғауы тиіс болатын.
Қанат Ниетқұлов республикалық комиссия назарына, алдағы үш жыл көлемінде ауылдық округте жүзеге асырылатын жалпы жобалық құны 340 млн. теңгені құрайтын «Күріш ақтау зауыты мен жем өңдеу цехы», «Күйдірілген кірпіш зауыты» және «Балалар ойын алаңы» жобаларын ұсынып, комиссия мүшелерінің оң бағаларына ие болды.
Республикалық байқауда аймақ намысын қорғаған Қанат Ниетқұлов 2018 жылдан бері Ақсу ауылдық округінің әкімі қызметін атқарып келеді. Ауылдық округте 328 отбасы бар, халық саны 1720 адамды құрайды. Қазіргі таңда, ауыл бойынша жұмыссыздар саны 7 адам болса, атаулы әлеуметтік көмек алатындар саны бар-жоғы 4 адам ғана болып отыр.
Жерлесіміз өзінің кәсіби біліктілігінің жоғары деңгейінің арқасында республикалық байқауда жеңімпаздар қатарынан табылды. Жеңімпазға алдағы уақытта қызметіне сәттілік тілейміз.
<img src="https://kyzylorda-news.kz/wp-content/uploads/2021/10/nietqulov-kuerish-zawyty-1.jpg" alt="" />
<img src="https://kyzylorda-news.kz/wp-content/uploads/2021/10/nietqulov-kirpish-zawyty.jpg" alt="" />
<img src="https://kyzylorda-news.kz/wp-content/uploads/2021/10/nietqulov-ojyn-alangy.jpg" alt="" />

Қызылордалық әкім «Үздік әлеуметтік жоба» номинациясының иегері атанды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда кәсіпкерлердің кәсіби мерекесі пайда болмақ. Бұл туралы «Атамекен» Ұлттық кәсіпкерлер палатасының баспасөз қызметі мәлімдеді.
Палата Ұлттық экономика министрлігі үкімет қаулысының жобасын әзірлеуге кіріскенін хабарлады. Оны бекіткен соң күнтізбеде жаңа мереке пайда болады. Яғни&nbsp;9 қыркүйек – Қазақстан кәсіпкерлерінің күні болып бекітілмек.
Ресми кәсіби мерекені құру бастамасын Кәсіпкерлер палатасы көтерген. Тамыз айында идеяларымен Үкіметке жүгінді.
<blockquote>
 «Мереке табысқа жеткен, адамдарды жұмыспен қамтып, көмек көрсетуге талпынған кәсіп иелеріне алғыс пен құрмет білдіруге арналған», – деп атап өтті ҰКП-да.
</blockquote>
Ұйым бұл мерекені АҚШ, Үндістан, ҚХР, Ресей, Беларусь, Украина, Әзербайжан, Қырғызстан, Арменияда атап өтілетінін айтты. Сонымен қатар&nbsp;екі халықаралық мереке бар: 15 сәуір – Халықаралық кәсіпкерлер күні және 21 тамыз – Дүниежүзілік кәсіпкерлер күні.

Қазақстанда жаңа мереке пайда болады

<a href="https://kyzylorda-news.kz/ru/obshestvo/">Kyzylorda-news.kz</a>. Білім және ғылым бірінші вице-министрі Шолпан Каринова әлемді шулатып, көптеген ата-аналарды алаңдатқан&nbsp;оңтүстік кореялық “Кальмар ойыны” сериалы туралы пікір білдірді.&nbsp;
<blockquote>
 “Фильм Қазақстанда түсірілмеген. Фильмде белгілі бір шектеулер бар, ол 18 жастан асқан ересектерге арналған. Сондықтан, ең алдымен, ата-аналар осы фактіге назар аударуы қажет. Екіншіден, ата-аналар да, мектеп те тәрбиелік шаралар аясында балаларға пайдалы ақпаратты теріс ақпараттан ажырату дағдыларын үйретуі керек. Мектептерде де осы мәселеге назар аударған жөн. Әрине, балалар психикасы енді-енді қалыптасу кезеңінде. Сондықтан кез келген ақпаратты үйде ата-аналар, мектепте – педагогтер бақылауы керек”, – деп жауап берді вице-министрі.&nbsp;
</blockquote>
Оның айтуынша, биылдан бастап барлық білім беру ұйымдарында жаһандық құзыреттілік курсы енгізіліп жатыр.
Бұл курс балалардың сыни ойлауын, эмоционалды интеллектісін дамытады, ақпаратты ажырата білуге үйретеді, оны дұрыс таңдайды.
Шолпан&nbsp;Каринова мектептер өздерінің тәрбиелік функциялары аясында сериалға қатысты шектеулерге назар аударуы керектігін айтты.
“Кальмар ойыны” – бұл өмір үшін күресіп, басты сыйлық үшін бәсекеге түсетіндер туралы драмалық сериал. Ол Оңтүстік Корея кинематографына тән қатыгездік пен аяусыз көріністерге толы.
Сериал Netflix платформасында 17 қыркүйектен бастап көрсетіле бастады да, бір айдың ішінде әлемнің 90 елінде адамдар ең көп көрген фильмдер қатарына енді.

Қазақстан және Қызылорда облысының жаңалықтары