<a href="https://kyzylorda-news.kz/">Kyzylorda-news.kz.</a> 8 желтоқсанда Қызылорда облысының Бас мемлекеттік санитариялық дәрігері Д. Жаңабергенова жаңа, № 28 қаулыға қол қойды. Жаңа қаулыда 31 қазандағы № 25 қаулыға өзгерістер енгізілген. Қаулы 2020 жылдың 11 желтоқсанынан бастап күшіне енеді.
Өзгерістерге сай енді сауда үйлері жексенбі және мереке күндері жұмыс жасайтын болды. Бұл жөнінде қаулыда былай деп жазылған:
<blockquote>
 «Сауда-ойын-сауық орталықтарының, сауда үйлерінің, сауда желілері, азық-түлік емес және жабық азық-түлік базарларының, сауда орталықтарының жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, бір келушіге 4 м2 есебінен толтырылуын 30 %-тен асырмай, рекреация және демалыс аймақтарында сатып алушылардың болуына жол бермей және балалар ойын алаңдары, ойын орталықтарының және аттракциондарының жұмысына қатаң тыйым салумен, жұмыс және сенбі күндері сағат 10.00-ден 23.00-ге дейін және жексенбі мен мереке күндері сағат жұмыс уақыты сағат 10.00-ден 17.00-ге дейін белгіленсін. Күшейтілген санитариялық-дезинфекциялық, маска режимдерін қатаң сақтай отырып, фудкорттардың жұмысы тек тамақты жеткізу қағидасымен жүргізілсін».
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сондай-ақ, осыған дейін қоғамдық тамақтану саласындағы кәсіпкерлердің көтерген мәселесі де Өңірлік кеңес төрағасы мен Палата басшылығының жергілікті атқарушы органмен бірлесе атқарған жұмысы негізінде шешімін тапты. Бұл саладағы нысандар енді кешкі сағат 23.00-ге дейін жұмыс жасайтын болды.
<blockquote>
 «Қоғамдық тамақтану объектілерінің жұмысын орналасқан жеріне қарамастан, ғимараттың ішін 50 %-ке дейін толтыруды, бірақ 50-ден аспайтын отыратын орынның толуы бойынша шарттарды сақтай отырып, көрші үстелдердің шеткі орындары арасында кемінде 2 метр әлеуметтік қашықтықты және бір үстелде 4-6 адамнан аспайтын отыруды сақтай отырып, караоке, би алаңдарының, бар жұмысына қатаң тыйым сала отырып, күшейтілген санитариялық-эпидемияға қарсы, санитариялық-профилактикалық іс-шараларды сақтаумен жұмыс кестесін сағат 09.00-ден 23.00-ге дейін белгіленсін. Осы тармақта белгіленген жұмыс уақыты аяқталғаннан кейін келушілердің тамақтану залында болуына тыйым салумен, авто-экспресстің және тамақты жеткізудің жұмысын штаттық ұйымдастыру».
</blockquote>
Сонымен бірге кинотеатрлар да жексенбі және мереке күндері жұмыс жасайтын болды.
<blockquote>
 «Кинотеатрлардың қызметіне рұқсат беруді (толтырылуын 30 %-дан асырмай, infokazakhstan.kz порталында тіркеле отырып, маска режимін, шахмат тәртібімен отырғызуды, әлеуметтік қашықтықты сақтай отырып) жұмыс және сенбі күндері сағат 10.00-ден 23.00-ге дейін және жексенбі мен мереке күндері жұмыс уақытын сағат 10.00-ден 17.00-ге дейін белгілеу», – делінген қаулыда.
</blockquote>

Қызылорда: Кинотеатр жексенбі және мереке күндері жұмыс істейтін болды

Облыс әкімінің қатысуымен интернет-конференция өтеді

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов барлық университеттердің ректорларына қашықтан оқыту кезінде студенттерге қойылатын талаптарды түсіндіруді тапсырды, деп хабарлайды <a href="https://lenta.inform.kz/kz/ministr-rektorlarga-kashyktan-okytuda-studentterge-koyylatyn-talaptardy-tusindirudi-tapsyrdy_a3727571">ҚазАқпарат</a>.
Айта кетейік, бүгін Білім және ғылым министрлігінің аппарат жиналысында Л.Н. Гумилев атындағы Еуразия ұлттық университетіндегі қысқы емтихандар сессиясына дайындық тақырыбы қаралды.
<blockquote>
 «Тек қана бір университеттің өзінде қашықтан оқыту форматына көшу үшін қомақты қаржат бөлінді. Яғни, қашықтан оқытуға көшу үшін біраз жұмысты атқару қажеттігі болды. Оның ішінде техникалық жұмыстар бар. Сондықтан тек Л.Н. Гумилев атындағы Еуразия ұлттық университетінде ғана емес, басқа да оқу орындарында да ауқымды жұмыстар қабылданды», – деді министр.
</blockquote>
Бұл тұрғыда ол білім беру сапасын төмендетіп алмау қажеттігін айтты.
<blockquote>
 «Дәстүрлі оқыту мен қашықтан оқыту форматындағы сапа бірдей деп айту қиын. Біздің алдымызда тұрған басты мақсат – ол бұл сапаны төмендетпеу үшін барлық қажетті жұмыстарды атқару», – деді ведомство басшысы.
</blockquote>
Сонымен қатар министр қысқы емтихандар сессиясына дайындық мәселесіне тоқталды. Осы орайда пайдаланылатын жүйені студенттерге егжей-тегжей түсіндіру тапсырылды.
<blockquote>
 «Академиялық адалдық қағидаларын сақтау маңыздылығы бар. «Қашықтан тапсырып жатырмын, ешкім көрмей тұр» деп көшіріп алу немесе басқа да мәселелер болса, одан кейін ол студенттердің нәтижелері бекітілмесе, сұрақтар туындайтыны белгілі. Сондықтан жүйелердің мүмкіндіктерін, онымен жұмыс істеу тәртібін, жауапкершілік жағын студенттер арасында түсіндіру жұмысын жүргізуді тапсырамын. Әр университеттің басшылығы студенттерге қатысты барлық түсіндіру жұмыстарын атқаруы керек», – деді А. Аймағамбетов.
</blockquote>

Білім министрі ректорларға қашықтан оқытуда студенттерге қойылатын талаптарды түсіндіруді тапсырды

<a href="https://kyzylorda-news.kz/">Kyzylorda-news.kz.</a> 2020 жылдың 11 қаңтарынан бастап мас күйде басқарғандарға жауапкершілік күшейтілген заң күшіне енседе оны сезінетін жүргізушілер аз. Жыл басынан бері патрульдік полиция қызметкерлерімен облыс бойынша 987 жүргізуші көлікті мас күйде басқарғаны анықталды. &nbsp;
Солардың бірі 1 желтоқсан күні Қызылорда облысы Полиция департаментінің патрульдік полиция қызметкерлерімен Қызылорда Аэропорт автожолы бойында Mitsubishi Outlander автокөлігі токтатылған. Тәртіп сақшыларымен құжаттарын тексеру барысында 39 жастағы жүргізушінің алкоголь ішіп, көлік басқарғаны анықталды. Медициналық сараптама қортындысы бойынша жүргізушінің мас күйде болғаны нақтыланды.
1981 жылғы жүргізушіге қатысты Қазақстан Республикасы Әкімшілік құқық бұзушылық туралы кодексінің 608 бабының 1 тармағымен әкімшілік іс қозғалып, сотқа жолданған.
Қызылорда қаласы мамандандырылған әкімшілік сотында жоғарыда аталған жүргізушіге қатысты әкімшілік іс қаралып, сот шешімімен құқық бұзушы 15 тәулікке әкімшілік қамаққа алынып, 7 жылға көлік жүргізу құқығынан айырылды.

Қызылордада 987 жүргізуші көлікті мас күйінде жүргізген

<a href="https://kyzylorda-news.kz/">Kyzylorda-news.kz.</a> Өткен тәулікте Қызылорда қаласында коронавирус инфекциясынан 1 науқас емделіп шықты. Тіркелген жағдай жоқ.
Соңғы 24 сағатта зертханаларда 959 сынама тапсырылған, оның ішінде 197 тексерілген. Қалған 762 сынамамен мамандар жұмыс жасауда. Жалпы облыс бойынша 15 046 тест бар.
Бүгінгі күні инфекциялық стационарда 16, реанимация бөлімінде 2 науқас ем алуда.Жарияланған күні

Коронавирус инфекциясынан 1 науқас емделіп шықты

<a href="https://kyzylorda-news.kz/">Kyzylorda-news.kz.</a> РУДН жалпы және клиникалық фармакология кафедрасының меңгерушісі, профессор Сергей Зырянов коронавирустық пандемия кезінде қажетті дәрі-дәрмектерді атады,&nbsp;деп хабарлайды&nbsp;<a href="https://stan.kz/">Stan.kz</a>.
Оның айтуынша, ыстықты түсіретін дәрілерді көптеп жинау керек.&nbsp;
<blockquote>
 “Парацетамол жақсы.&nbsp;Ибупрофен ешқашан COVID-19 кезінде тиімділігін көрсете алмады.&nbsp;Мұрынға арналған тамшылар сатып алуға болады”, – деді дәрігер.
</blockquote>
Зырянов антибиотиктерді сатып алмауды ескертті,&nbsp;өйткені оларды қабылдау үшін&nbsp;дәрігердің нұсқауы қажет. Сонымен қатар, маман вирусқа қарсы препараттарды өз бетінше ішпеуге шақырды, себебі олар “көптеген жағымсыз реакцияларға ие” және оларды қолдану дәрігерлердің рұқсатымен ғана жүзеге асады.
Дәрігер ресейліктерге D дәруменін шектен тыс пайдаланбауға да кеңес берді. Зырянов бұл витаминнің артық болуы қан тамырларының зақымдалуына, бүйрек жеткіліксіздігіне және басқа да денсаулыққа қатыста проблемаларға әкелуі мүмкін екенін атап өтті.

Дәрігер пандемия кезінде қажетті дәрі-дәрмектерді атады

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласында №5 мектеп-лицейде қалалық білім бөлімінің кәсіподақ ұйымымен бірлесе отырып&nbsp; «Отбасы құндылықтары. Гендерлік саясаттың бүгіні мен ертеңі» тақырыбында дөңгелек үстелде кездесу өтті.
Оған Қызылорда қалалық білім бөлімінің кәсіподақ төрайымы Орынша Алимбетова, Қызылорда қаласы Полиция басқармасы Жергілікті полиция қызметінің Ювеналды полиция бастығының орынбасары полиция майоры Сәуле Салходжинова, ардагер ұстаз Макузия Мусабаева, көп балалы ана, ұстаз Айнұр Сырғабаева және де 8-11-сынып оқушылары қатысты.
Қазіргі таңда отбасындағы тұрмыстық зорлық-зомбылықты болдырмау жөніндегі құқықтық міндеттемелерін орындау мақсатында мемлекетіміз барлық шараларды қабылдап отырғанына қарамастан, кейбір отбасыларда аналарға және балаларға ерлері яғни, жұбайы әкелері тарапынан жасалатын физиологиялық, психологиялық зәбір көрсету тыйылмай отыр.
Жыл сайын 25 қарашада БҰҰ бас ассамблеясының бастамасымен әйелдерге қатысты зорлық-зомбылыққа қарсы күрестің халықаралық күні аталып өтеді. «Зорлық-зомбылықсыз 16 күн» акциясы&nbsp; 10 желтоқсанға дейін жалғасын табуда.
Дөңгелек үстелдің&nbsp; басты мақсаты ешбір адамға: бала&nbsp; және әйел адамға қатысты, зорлық-зомбылық жасалмайтын ел&nbsp; «Бақытты ел- Қазақстан» моделін құрып шығару.
Жиынға қатысушылар күн тәртібіндегі өзекті мәселеге қатысты өз пікір-ұсыныстарын ортаға салды. Мысалы, мұндай жағдайларда мұқтаж аналарға материалдық-моральдық тұрғыдан көмек көрсетіліп, оларды қандай да бір еңбекпен қамтитын, психологиялық жағынан сауығуына көмектесетін, қалыпты өмір сүруіне жәрдемдесетін дағдарыс орталықтарының қажеттілігі туралы әңгіме қозғалды. Сонымен қатар, осы проблеманы шешу үшін құқық қорғау органдары ғана емес, сондай ақ, мемлекеттік құрылымдардың, қоғамдық бірлестіктердің, бұқаралық ақпарат құралдарының күшін біріктірудің қажетті екендігі де әңгіме арқауына айналды. «Бақытты ел, бақытты бала, бақытты ана – Қазақстан» ұранын ұстанған жастар көңілді қайтты.
<img src="https://kyzylorda-news.kz/wp-content/uploads/2020/12/img-20201208-wa0006.jpg" alt="" />
<img src="https://kyzylorda-news.kz/wp-content/uploads/2020/12/img-20201208-wa0008.jpg" alt="" />
<img src="https://kyzylorda-news.kz/wp-content/uploads/2020/12/img-20201208-wa0009.jpg" alt="" />
<img src="https://kyzylorda-news.kz/wp-content/uploads/2020/12/img-20201208-wa0010.jpg" alt="" />

Қызылордада «Зорлық-зомбылыққа жол жоқ» акциясы аясында дөңгелек үстел өтті

<a href="https://kyzylorda-news.kz/">Kyzylorda-news.kz.</a> Жалағаш ауданында&nbsp;&nbsp; аурухана құрылысынан «Redford» маркалы аккумуляторын білгісіз біреудің жасырын ұрлап кеткені туралы &nbsp;серіктестік басшылығы Жалағаш аудандық полиция бөліміне арызданған.
Аудандық полиция қызметкерлерінің жедел іздестіру шараларының нәтижесінде күдікті ретінде 24 жастағы кент тұрғыны анықталып, ұсталды. Аккумулятор заттай дәлелдеме ретінде алынды.
Сонымен қатар, тексеру барысында күдіктінің маусым айында екі мәрте жоғарыда аталған&nbsp; құрылыстан 7 дана жылу батареяларын жасырын ұрлап кеткендігі анықталды. Ол өзінің кінәсін толығымен мойындап, ұрлаған заттарды сатып жібергенін көрсетті. Қәзіргі таңда заттай дәлелдеме ретінде&nbsp; батареялар алынды.
<blockquote>
 «Аталған дерек бойынша Қазақстан Республикасы Қылмыстық кодексінің 188 бабының 1, 3 бөліктерімен (Ұрлық) тергеп-тексеру амалдары жүргізілуде. Мекеме басшылығы Жалағаш ауданының Полиция бөлімінің қызметкерлеріне алғыстарын білдіруде», -делінген полиция департаментінің хабарламасында.&nbsp;
</blockquote>
<img src="https://kyzylorda-news.kz/wp-content/uploads/2020/12/zaderzhan-scaled.jpg" alt="" />

Жалағашта аурухана құрылысына бірнеше рет ұрлыққа түскен тұрғын ұсталды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте тағы 670 адамның коронавирус індетіне шалдыққаны белгілі болды.
Бір күн бұрын, дүйсенбіде 712, ал жексенбіде 773 науқас тіркелген болатын.
7 желтоқсанда Қызылорда және Ақтөбе облыстарында қауіпті вирусты жұқтырған бірде-бір адам анықталған жоқ. &nbsp;
Өңірлер бойынша мәлімет:
<ul>
<li>Нұр-Сұлтан қаласы – 41,</li>
<li>Алматы қаласы – 65,</li>
<li>Шымкент қаласы – 2,</li>
<li>Ақмола облысы – 60,</li>
<li>Алматы облысы – 23,</li>
<li>Атырау облысы – 61,</li>
<li>Шығыс Қазақстан облысы – 71,</li>
<li>Жамбыл облысы – 18,</li>
<li>Батыс Қазақстан облысы – 40,</li>
<li>Қарағанды облысы – 30,</li>
<li>Қостанай облысы – 75,</li>
<li>Маңғыстау облысы – 1,</li>
<li>Павлодар облысы – 104,</li>
<li>Солтүстік Қазақстан облысы – 75,</li>
<li>Түркістан облысы – 4.</li>
</ul>
&nbsp;Жалпы ел бойынша ауырғандар саны – 137 653.

Қазақстанда коронавирус індетін жұқтырғандардың саны азайып келеді

<a href="https://kyzylorda-news.kz/">Kyzylorda-news.kz.</a> Мемлекет басшысы “Еуразиялық экономикалық одаққа мүше мемлекеттердің еңбекшілерін зейнетақымен қамсыздандыру туралы келісімді ратификациялау туралы” заңға қол қойды, деп хабарлайды Ақорда.
ЕАЭО-ға мүше елдердің кез келген азаматы одақ елдерінің бірінде жұмыс істеген жылдары үшін зейнетақы алады.
Бұған дейін&nbsp;еңбек және халықты әлеуметтік қорғау министрі Біржан Нұрымбетов&nbsp;қазір ЕАЭО елдерінде әртүрлі зейнетақы жүйесі қолданылатынын айтты. Мәселен, Беларусьте жинақтаушы жүйе жоқ. Қазақстан, Ресей, Арменияның жинақтаушы жүйелері әртүрлі. Зейнетақы жүйелерін қаржыландыру және зейнетақы қаражатын бөлу тәсілдерінде де айырмашылықтар бар.
Бұдан бөлек, зейнетақымен қамсыздандыру жүйесі зейнет жасы, мөлшері, еңбек өтілі, зейнетақы аударымдарының көздері және басқа параметрлер бойынша да ерекшеленеді.
Енді еңбекшілердің құқығы өзі жұмысқа орналасқан мемлекет азаматтарымен тең болады; әрбір мемлекет өз аумағында жұмыс істеген жылдар үшін зейнетақы төлейді; әрбір мүше мемлекет зейнетақы алу құқығын айқындап, оның мөлшерін өзінің ұлттық заңнамасына сәйкес есептейді; зейнетақы экспорты мәселесі реттеледі.

ЕАЭО-да жұмыс істеген қазақстандықтар зейнетақы алады &#8211; заңға қол қойылды

<a href="https://kyzylorda-news.kz/">Kyzylorda-news.kz.</a> Қазгидромет 8 желтоқсанға арналған ауа райы болжамын жариялайды.
Атмосфералық ауа ағындардың әсерінен республиканың оңтүстік-шығысында және солтүстік-шығысының кей жерлерінде қар жауады. Қазақстанның қалған аймақтарында антициклон әсерінен жауын-шашынсыз ауа райы күтіледі. Республика бойынша кей жерлерде тұман, жаяу бұрқасын күтіледі, солтүстікте жел күшейеді.

8 желтоқсанға арналған ауа райы болжамы

&nbsp;<a href="https://kyzylorda-news.kz/">Kyzylorda-news.kz.</a>&nbsp;Ауа райының бұзылуына байланысты Қазақстанның бірқатар өңірінде ескерту жарияланды, деп хабарлайды «Қазгидромет».
8 желтоқсанда&nbsp;Қарағанды облысының&nbsp;кей жерлерінде тұман түседі.
Шығыс Қазақстанның&nbsp;Өскемен, Риддер қалаларында, Жаңа Бұқтырма кентінде 8 желтоқсан сағат 21.00 дейін екінші дәрежелі қолайсыз метеорологиялық жағдай сақталады.
8 желтоқсан да&nbsp;Ақмола облысында&nbsp;кей жерлерде тұман түседі, аймақта және Көкшетау қаласында жаяу бұрқасын соғады.
Оңтүстік-батыстан және батыстан жел соғады, кей жерлерде желдің күші 15-20 м/с жетеді.
Нұр-Сұлтан қаласында&nbsp;түнде және таңертең тұман түседі.
8 желтоқсан түнде&nbsp;Маңғыстау облысының&nbsp;солтүстігінде 22°С дейін қатты аяз сақталады.
8-10 желтоқсанда&nbsp;Түркістан облысының&nbsp;кей жерлерінде және Түркістан қаласында тұман түседі.
Шымкент қаласында&nbsp;да 8-9 желтоқсанда кей уақытта тұман болады.
8 желтоқсанда&nbsp;Солтүстік Қазақстан облысының&nbsp;кей жерлерінде тұман түседі, Петропавл қаласында боран соғады.
Батыстан және солтүстік-батыстан соққан желдің қарқыны – 15-20 м/с.

Қазақстан және Қызылорда облысының жаңалықтары

Қызылорда: Кинотеатр жексенбі және мереке күндері жұмыс істейтін болды

Облыс әкімінің қатысуымен интернет-конференция өтеді

Білім министрі ректорларға қашықтан оқытуда студенттерге қойылатын талаптарды түсіндіруді тапсырды

Қызылордада 987 жүргізуші көлікті мас күйінде жүргізген

Коронавирус инфекциясынан 1 науқас емделіп шықты

Дәрігер пандемия кезінде қажетті дәрі-дәрмектерді атады

Қызылордада «Зорлық-зомбылыққа жол жоқ» акциясы аясында дөңгелек үстел өтті

Жалағашта аурухана құрылысына бірнеше рет ұрлыққа түскен тұрғын ұсталды

Қазақстанда коронавирус індетін жұқтырғандардың саны азайып келеді

ЕАЭО-да жұмыс істеген қазақстандықтар зейнетақы алады – заңға қол қойылды

8 желтоқсанға арналған ауа райы болжамы

7 өңірде ауа райына байланысты ескерту жарияланды

Қазақстан және Қызылорда облысының жаңалықтары

Қызылорда: Кинотеатр жексенбі және мереке күндері жұмыс істейтін болды

Облыс әкімінің қатысуымен интернет-конференция өтеді

Білім министрі ректорларға қашықтан оқытуда студенттерге қойылатын талаптарды түсіндіруді тапсырды

Қызылордада 987 жүргізуші көлікті мас күйінде жүргізген

Коронавирус инфекциясынан 1 науқас емделіп шықты

Дәрігер пандемия кезінде қажетті дәрі-дәрмектерді атады

Қызылордада «Зорлық-зомбылыққа жол жоқ» акциясы аясында дөңгелек үстел өтті

Жалағашта аурухана құрылысына бірнеше рет ұрлыққа түскен тұрғын ұсталды

Қазақстанда коронавирус індетін жұқтырғандардың саны азайып келеді

ЕАЭО-да жұмыс істеген қазақстандықтар зейнетақы алады &#8211; заңға қол қойылды

8 желтоқсанға арналған ауа райы болжамы

7 өңірде ауа райына байланысты ескерту жарияланды

ЕАЭО-да жұмыс істеген қазақстандықтар зейнетақы алады – заңға қол қойылды