Kyzylorda-news.kz. Қытай қазақтарынан шыққан белгілі жазушы, аудармашы, түрколог Серік Қауымбайұлының Қытайда шығатын «Күйтің газетінде» жарық көрген Наурыз туралы жазылған тарихи-танымдық зерттеу мақаласын ҚазАқпарат ұсынды.
Ежелгі қазақтар бүкіл жылды «жас тоқсан» – көктем айлары, «жаз тоқсан» – жаз айлары, «терме тоқсан» – күз айлары, «қыс тоқсан» – қыс айлары деп төртке бөліп, осылардың қосындысынан асып қалған бес күнді «Бесқонақ» деп атап, қазіргі есеп бойынша әр жылдың 17-і наурызынан 21-і наурызына дейін қосып отырған. Ежелгі парсылар бұл күндерді «фандыжы» және «андарғах» (ұрланып кіретін немесе кетікті толтыратын) деп атап, жыл соңына тамыз және қыркүйек аралығына қосқан. Ескі француздар мұны «жалаң аяқ күндер» деп атаған. Ал, мысырлықтар бұл бес күнді ешбір айға қоспай, кілең Құдайға құлшылық ететін күн етіп белгілеген. Мінеки, дүниежүзі халықтары қалай үндесіп жатыр? Бір жыл жөнінде жер шарының әр тұсындағы тілі мен ділі мүлде ұқсамайтын әр халықтың бір-біріне аса жақын ойлауы ненің ишарасы? Бұған да жаратылыс деп жауап беруге тура келеді.
Біз әдетте алған беттен жалт бұрылып кері бағытталуды 180 градус бұрылды дейміз. Ал, қайта жалт бұрылса 360 градус бұрылған болады. Ойымызды осыдан ары қарай жіптесек, бір жылдағы осы дағдылы 360-тан асып тұрған «5 күн, бес сағат, 48 минут, 46 секунд» Жер шары сынды табиғаттың осы қалыппен шеңберге сыймай өз бетінше пішім құрап тұрғандығынан емес пе деген ой туар еді. Дегенмен, бұл есеп бойынша жыл басы көктем айынан, атап айтқанда, наурыздан басталып тұр. Мұны тоқсанның алдындағы «жас» деген сөзден-ақ аңғаруға болады. Былайша айтқанда, адам пендесінің әрбіріне бірден жас беретін тоқсан. Арабша айтқанда «сифр» – нөлдік нүкте. «Нөл» орысша мағанасы «жоқтық» деген сөзде, латынша мағанасы «түкте емес» деген сөз. Шынайы мәні бар мен жоқтың ортасындағы шекара. Нағыз пәлсапа ұғымындағы өрбу осы шекарадан бастау алады. Ал, бастаудың түбірі «бас» осыған сәйкесті қазіргі дәуір күнтізбе есебі бойынша, бірінші ай қаңтарды дәстүр жетегімен «үштің айы» деп атаймыз. Мұның себебі: Қазақ күнтізбесі жазғытұрымғы күн мен түннің теңелуінен соңғы 1-і күннен, яғни 3-і айдың 22-і күнінен басталады да, бұл күн «Наурыз» деп аталады.
Наурызды соғдалықтар «наусарсыз», хорезмдіктер «наусарджы», армяндар «наусарды», чуваштар «норас ояқы» деп атаған. Осылардың барлығының мағанасы «жаңа күн» деген сөз. Сонда «наурыз» осы бір күннің ғана аты. Арғы тегі парсының «нов» – жаңа «роз» – күн деген сөзінен келген. Осыған сәйкес шағатайлар «күн, күндіз» дегенді «роз» дейді. Ал, анау «наусарыз, наусардыжы, наусарды» деген сөздердегі «сар» тағы да парсының «бас» деген сөзінен туындаған. Мысалы; «сарбаз» басшыға еруші. Шағатайдағы «сәр» бас, «тәраш» қыру, түсіру. Қазіргі «сатыраш» (шаштараз) сөзі. Бүгінде қолданылып отырған «таң сәрі» дегенде бір күннің басталғанын көрсетеді. Ежелгі түркіде «сар» деген сөз бар, бірақ ол бір нәрсенің көптігін білдіретін ұғым. Мысалы: қазірде татарлар «құмды жер» дегенді «құмсар», құлмақ көп өсетін жерді «құлмақсар» дейді. Чуваштар киік көп мекендейтін жерді «киіксар» дейді. Бұларда әлгіндегі «бас, бастау» мағанасын алып тұрған «сар» ұғымына жалғаса шұбырған үндес ұғымдар. Аққудың басшысының «сәһар» атануы да осымен іліктес.
Ежелгі ирандықтар күн мен түн теңелгеннен соңғы 1-ші күнді (осы наурыз күнін) «мехрам» дейді. Осыдан біздің мейрам сөзіміз жасалған. Көне парсылар күнді «миһр» дейді. Ал, қырғыздар күн мен түн теңелгеннен соңғы 1-ші күнді қозы (тоқты) жұлдызының көрінуіне байланысты, бұл күнді мейрам деп білген. Ежелгі қазақтар осы күннің түнін (түннің алдымен жүретінін ескеріңіз) «жұмақтың есігі ашылып, пенделердің тілегі қабыл болатын күн» деп есептеп, түн бойы көз ілмей аспанға телмірген. Ол кездің адамдары «метеор» дегенді білмеуші еді. Оны аққан жұлдызға санайтын. Жерге жақын ұшқан метеор жанасқан тұсын жарқыратып жібереді. Бірақ, сол жарықты да жаратушының қалаған құлы ғана көре алады деп ойлаған. Міне осылайша, «қадыр түн» ұғымы қалыптасқан. Сонан да зарыға күтуді қазіргі қазақ тілінде «қадыр түндей күтті» дейді.
Ежелгі түркілер күнді «күнаш, күніш, құлаш, құяш, қояш, афтап және өркен» деп неше түрлі атаушы еді. Ал, Сібір халықтарының кейбірі күнді «үлкен өркен», айды «кіші өркен» деседі. Бізде қазір «өркенің өссін» деген тілек сөз бар. Бұлда басталған нәрсенің онан сайын жақындай түсуін көрсетеді. Мұнда да «наурыз» деген сөзге үндестік жатыр. Наурыздың батасы «Ұлысың оң болсын» болып келеді. Ұлыс шағатайша «халық, тайпа», моңғолша «бұқара, мемлекет, жер аумақ» деген сөз. Сонда «Ұлыстың ұлы күні» деген сөз күллі халықтың Ұлы күні деген сөз болып шығатынын, наурызды бүкіл түркі халықтары ғана емес, шығыс жарты шардағы көптеген халықтар өзінің жыл көру мерекесі еткенін, жаңа дәуір күнтізбесін қолданудан бұрынығы ұзақ мезгілдің өзі-ақ түсіндіріп береді.
Ежелгі қазақтар ұлыс күнін қадыр тұтып, оның ыңғай, ыңғылын ерекше бақылап, мұнан соңғы келер уақыттың бір жыл ішінде елге әкелер табысы мен зобалаңын мөлшерлеген әрі оларына соншалық сенген. Бұл күні қар жауса «нұр жауды, жыл жақсы болады» деп есептеп, қардың атын «Ақшақар» деп атаған. Есепшілер бұл қардың үстінен құмалақ жүгіртіп көретін, егер, құмалақ қыдырып кетсе «көктем қырық күн кешігеді» деп түсініп, бармақ бойы батып кетсе «көктем ерте келеді» деп түйген. Түнде малдың қимылын, таңертең күннің шығуын бақылаған әрі соған сәйкес әртүрлы болжамдар жасаған. Күні бойы ауылдың ойын баласынан, еңкейген кәрісіне дейін қардан шалдың бейнесін жасап «Аяз ата», қыздың бейнесін жасап «қараша қыз, қарғаш» деп атайтын. Жастар арасында осы қызды ұзату ырымы да жасалатын. Міне осы ойынның жалпы аты «қарғаш, ақшақар» делінетін. Наурыз қарының ақша қар аталуы да сонан.
Бұл күндері бұл атауды біздің қаламгерлеріміздің келсе келмес істетіп жүргенін айтып жатудың бұл жерде қажеті болмас. Халық әндерінде кездесетін «қарғаш-ай» деп қайырылатын дәстүрлі қайырманың да, осы мерекеге тіке қатысы бар екенін бұл күндері білетін адамдардың да саны азайған.
Сонымен, жаңаша 3-і айдың 22-ші күнінен 4-і айдың 21-і күніне дейінгі айды күн күнтізбе есебі бойынша «хамал» 1-і ай деп атайды. Бұл былайша қарағанда, жаңаша 3-і айдың соңғы 10 күнінен басталғанымен, анығында бұл айдың ұлығаусар күндері 4-і айға тән болып, тоғыс есебіне сәйкестіргенде, 3 тоғыс 4-ші айға (сәуірге) тән болады. Міне бұл жаңаша 1-і айдың «үштің айы» деп аталуына негіз болған. Қазақтағы «үштің айында күн үш адым ұзарады», «үштің айы-күштің айы, бірдің айы бір ішек, көкек айы көкішек» деген тұрақты тіркестер бұл тұжырымды онан ары растайды.
Ал, «ақпан» осы айдың 10-ы күнінен 15-і күніне дейінгі аралықта келетін амалдың аты. Бұл айдың кейде ақпан айы деп аталуы да осы амалдың ай атына ауыс түсуінен болған. Енді қазақ дәстүрлі есебі бойынша «наурыз» айдың аты емес, ол көкек (март) айының 20-ы күнінен 25-і күніне дейінгі өтетін амалдың аты. Бұл айдың да кейде «наурыз» деп аталуы жоғардағы дәлелмен үндес. Көкек құстың аты, ол осы мезгілде шақыра бастайды. Бұл айда күн көзі зәуза (егіздер) шоқжұлдызынан өтіп, саратан (шаян) шоқжұлдызының тұсына келеді. Сондықтан қазақтар саратан, үнділер зәуза жұлдызына сәйкестіріп есептеген. Үнділер бұл жұлдызды «маусыл» деп те атайды. Ал, осыған сәйкес қазақтар да кейде «маусыл» дей салады. «Маусыл-табаныңнан таусыл» деген тіркестің шығуы сонан.
Енді март (марс) айына келсек, үйткені латындар бұл айды «марс айы» дейді. Марс Рим аңызы бойынша аспан құдайының жұбайы Кронның ұлы. Оған анасы көктемде ғажайып бір гүлге жұғысып барып жүкті болған деседі. Ежелгі римдіктер март айында оған арнап аза білдіріп отыратын. Бұлда бір мерекеге себеп. Жиып айтқанда, «наурыз» болсын, «көкек» болсын, «зәуза» иә «сәуір», болсын, мейлі «март» болсын барлығы бір ғана мезгілді білдіреді. Мұндағы ұғым шатастығы тек мағаналас ұғымның өте көп болып кеткендігінде ғана.
***
Серік Қауымбайұлы – Қытай қазақтарынан шыққан белгілі сыншы, ақын, жазушы, аудармашы, түрколог. Қытай жазушылар одағының мүшесі. Жазушының «Ақ сайтан», «Ақ періште» секілді әңгімелер жинағы, «Алтын қоңырау», «Ақ қайнар» атты өлең кітаптары және «Жәке би», «Бөрібайдың ұлы», «Ақ жылан», «Тумыс пен жазмыш» секілді романдары бар. Оның көне түрік тілдері мен қазіргі қазақ тілінің мәселелері туралы жазған 150-ге жуық мақалалары және «Жыраулар сөздігі» атты зерттеу еңбегі жарық көрген. Сондай-ақ, Серік Қауымбайұлы 200-ден астам әдеби сын мақалалар мен «Ақ жауын» атты әдеби сын-зерттеу кітабының авторы.

«Наурыз» сөзінің тегі қайда жатыр?

<h5 id="kyzylordanewskz">Kyzylorda-news.kz. Еліміздің сегіз облысында тұман түсіп, көктайғақ болады деп болжанды, деп хабарлады “Қазгидромет” орталығы.</h5>
22 наурызда Ақмола мен Шығыс Қазақстан және Қарағанды ​​облысында тұман түсіп, көктайғақ болады. Сондай-ақ, бұрқасынды ауа райында желдің жылдамдығы секундына 23 метрге дейін жетуі мүмкін.
Маңғыстау өңірі мен Ақтау қаласында найзағай ойнап, кей жерлерде тұман түседі.
Ақтөбе мен Қызылорда облысында да төңіректі қалың тұман қаптайды.
Ауа райының осындай құбылысы Қостанай облысы мен Солтүстік Қазақстан өңірінде де байқалып, жел күшейеді. Сондай-ақ, қолайсыз күн райы көктайғаққа ұласады деп болжануда.

22 наурызға арналған ауа райы болжамы

Kyzylorda-news.kz. Қазақстанда өткен тәулікте 1171 адамның коронавируспен ауырғаны ПТР арқылы расталды, деп хабарлайды coronavirus2020.kz сайты.
Аймақтар бойынша: Нұр-Сұлтан қаласы – 237, Алматы қаласы – 353, Шымкент қаласы – 15, Ақмола облысы – 49, Ақтөбе облысы – 37, Алматы облысы – 94, Атырау облысы – 45, Шығыс Қазақстан облысы – 25, Жамбыл облысы – 19, Батыс Қазақстан облысы – 87, Қарағанды облысы – 75, Қостанай облысы – 43, Қызылорда облысы – 4, Маңғыстау облысы – 18, Павлодар облысы – 40, Солтүстік Қазақстан облысы – 25, Түркістан облысы – 5.
Жалпы ел бойынша ауырғандар саны 231698.

Қызылордада 4 адамнан коронавирус анықталды

Kyzylorda-news.kz. Қазақстанның тұңғыш президенті Нұрсұлтан Назарбаев қазақстандықтарды Наурыз мерекесімен құттықтады, деп хабарлайды Елбасының&nbsp;<a href="https://elbasy.kz/kk/news/2021-03/kazakstan-respublikasynyn-tungysh-prezidenti-elbasy-nursultan-nazarbaevtyn-nauryz">ресми сайты</a>.
<blockquote>
 “Қымбатты қазақстандықтар! Сіздерді Ұлыстың ұлы күні – Наурыз мейрамымен құттықтаймын! Көктемгі күн мен түннің теңелуі – бүкіл қазақстандықтар асыға күтетін және ерекше атап өтетін айтулы мереке. Халқымыздың ұлы мәдениеті, бай салт-дәстүрі көрініс тапқан Наурыз мейрамы Қазақстанда тұратын барлық этнос өкілдерін ұйыстырады”, – деп бастады өз құттықтауын Назарбаев.
</blockquote>
Елбасы тәуелсіздік жылдары бұл мереке ел бірлігінің жарқын символына айналғанын атап өтті.
<blockquote>
 “Ол татулық, тұрақтылық және ұлтаралық келісім мемлекетіміздің үйлесімді дамуының іргетасы әрі зор жеңістерінің кепілі екенін айғақтайды. Біз Тәуелсіздіктің осы негізгі құндылықтарын көздің қарашығындай сақтап, әрі қарай нығайтуға тиіспіз”, – деді Елбасы.
 “Осы шуақты мерекеде Отанымыз – Қазақстан Республикасына шын жүректен тыныштық пен бақ-береке тілеймін. Әрдайым шаңырақтарыңыздан ырыс пен ынтымақ, игілік пен молшылық кетпесін. Ұлыс оң болсын, ақ мол болсын”, – деп түйіндеді сөзін Назарбаев.
</blockquote>

Нұрсұлтан Назарбаев қазақстандықтарды Наурыз мерекесімен құттықтады

Kyzylorda-news.kz. Бүгін облыс әкімі Гүлшара Әбдіқалықова Наурыз мейрамы қарсаңында Тұңғыш Президент атындағы саябағында «Таза табиғат» экологиялық акциясы аясында ұйымдастырылған ағаш отырғызу рәсіміне қатысты.
<blockquote>
 “Баршаңызды Ұлыстың ұлы күні – Наурыз мерекесімен шын жүректен құттықтаймын! Наурыз – молшылық пен ізгіліктің бастауы. Бабаларымыз Әз-Наурыз келгенде бұлақтың көзін ашып, ағаш отырғызуды дәстүрге айналдырған. Бұл – ежелден келе жатқан біздің ата-салтымыз әрі бүгінгі күні жастарға көрсетер тәрбиелік мәні зор үлгі-өнегеміз. Туған жерді және оның табиғатын қадірлеу – азаматтық парызымыз десек, Өзіміз тұратын ауламызға тал егіп, туып-өскен аймағымызды көгалдандыру өмір салтына әрі күнделікті дағдымызға айналуы тиіс деп білемін. Сыр халқын осы игілікті іске белсене араласуға шақырамын”, – деді облыс әкімі Гүлшара Әбдіқалықова.
</blockquote>
Шарада қоғам қайраткері Сәпен Аңсат облыс ардагерлері атынан Наурыз мейрамымен құттықтап, жиналған қауымға батасын берді.
ҚР Президенті Қасым-Жомарт Тоқаев былтырғы өткен жылы қыркүйек айындағы Жолдауында елімізді ауқымды көлемде көгалдандыруды және экологиялық жағдайды жақсартуды тапсырды. Мемлекет басшысының тапсырмасын орындау мақсатында республика көлемінде бүгінгі күні «Таза табиғат» экологиялық акциясы ұйымдастырылуда.
Акцияға Қызылорда облысынан 6 мыңнан астам тұрғын қатысып, жергілікті жерде өсетін 20 мыңнан астам сыр талы, қара ағаш және жеміс ағаштарының көшеттерін отырғызуда. 
Сондай-ақ, мемлекеттік қызметкерлер де акцияға өз үлестерін қосып, Тұңғыш Президент атындағы саябаққа 300-ге жуық ағаш отырғызды.
Елімізде жасыл желекті көбейту мақсатында өткен жылы Экология, геология және табиғи ресурстар министрлігі жергілікті әкімдіктермен бірлесіп арнайы алгоритм әзірлеген болатын.
Осы құжат негізінде алдағы 5 жылда өңіріміздің табиғатына төзімді 178 миллион тал отырғызылады деп жоспарлануда.
Бұдан басқа, Арал теңізінің құрғап қалған бөлігіне жыл аяғына дейін 1 миллион 800 мыңнан аса сексеуіл егілетін болады.
Сонымен қатар облыс әкімі Гүлшара Әбдіқалықова «Қызылорда» су торабына барып, қайта жаңғырту жұмыстарымен танысты. Бас мердігер «CaspianContrctorsTrust» ЖШС жетекшісі Қайрат Ибраев атқарылып жатқан жұмыстардың барысын баяндады. 
Жобаның құны 2 млрд.600 млн. теңгені құрайды. Қайта жаңғырту жұмыстары 2020 жылдың қазан айында басталып, 2022 жылдың аяғында бітеді деп жоспарлануда. Қазіргі таңда бұл жерде 70- ке жуық қызылордалық жұмыс жасап, 15 техника жұмылдырылған. Жөндеу жұмыстарына қолданылып жатқан құрылыс материалдарының 90% отандық өнім.
Аймақ басшысы жаңғырту жұмыстарының сапасына аса мән беруді, жұмысшылардың жалақысын уақытылы төлеуді және жоспарланған мерзімде бітіруді тапсырды.
<img src="https://kyzylorda-news.kz/wp-content/uploads/2021/03/fb_img_1616317077987.jpg" alt="" />
<img src="https://kyzylorda-news.kz/wp-content/uploads/2021/03/fb_img_1616317081908.jpg" alt="" />
<img src="https://kyzylorda-news.kz/wp-content/uploads/2021/03/fb_img_1616317084737.jpg" alt="" />
<img src="https://kyzylorda-news.kz/wp-content/uploads/2021/03/fb_img_1616317087857.jpg" alt="" />

Гүлшара Әбдіқалықова «Таза табиғат» экологиялық акциясына қатысты

<a href="https://kyzylorda-news.kz/">Kyzylorda-news.kz</a>. Наурыз мерекесі әлемнің ең көне мерекелерінің бірі. Орта Азия халықтарында бес мың жыл бойы аталып өтілуде. “Наурыз” сөзі парсы тілінен аударғанда “Жаңа күн” деген мағынаны береді.
Бұл мереке Ислам дәуіріне дейін тойланып, халық арасында ерекше қолдауға ие болып келеді.
Наурыз мерекесінің туу тарихы турасында талас көп. Көбі ел аузындағы аңызға жүгінеді. Аңыздың өзі сан алуан. Дегенмен, аңыздың түбінен ақиқаттың бір ұшы қылт ететіні рас… Кейбір ғалымдар бұны зороастризм кезеңіне дейінгі уақытпен байланыстырады. Кейбіреулер Парсы патшасының жорықтарымен байланыстырып жүр.&nbsp;
Парсы патшасы Джамшид&nbsp;өз елінің аумағын аралап жүріп, Азербайджан атты мекенге тап болыпты. Осы жерде уәзірлеріне күнгей бетке қаратып үлкен тақ орнатуды бұйырған екен. Күн сәулесі тақпен шағылысып, айналаға ерекше нұр шашыпты деседі. Содан кейін жұрт осы күнді жаңа жыл есебінде тойлауды әдетке айналдырған екен.&nbsp;
Қалай болғанда да, бұл мереке 18 ғасырға дейін Ежелгі Грекияда, Ежелгі Римде, Ұлыбританияда аталып өтіліп, 1700 жылға дейін ежелгі Русьте тойланып келген.&nbsp;
Көктем мерекесі туралы мәліметтер антикалық және орта ғасырлық жазушылардың еңбектерінде кездеседі. Шығыс жыл санағы бойынша, мереке ирандықтардың жаңа жылы Наврузбен жанасады. Наурыз мерекесін түркі тілдес халықтар тойлайды. Тәжік халқы бұл мерекені “Бәйшешек”, “Гүлгардон” не “Гүлнавруз”, татарлар “Нардуган”, бирмалықтар “Су мейрамы”, хорезмдіктер “Наусарджи”, буряттар “Сагаан сара”, армяндар “Навасарди”, чуваштар “Норис ояхе” деп атаған.
Ежелгі жыл санағы бойынша, 22 наурызда&nbsp;күн мен түн теңеседі.&nbsp;Наурыз – жылдың бірінші күні, жыл басы, көктемнің алғашқы айы. Наурыз мерекесін қазақ халқы «Армысың, Әз Наурыз», «Әз болмай, мәз болмас» деп қарсы алған.&nbsp;
Наурыз мейрамы – діни мереке емес. Бұл қалың қыстан аман-есен шығып, күн нұрына бөленіп, жаңа жылды қарсы алу мерекесі. Наурыз мерекесінде көріскен жандар бір-бірін құшақ жая қарсы алып, игі тілектер айтады. Қазақ халқы бұл күні дүниеге келген қыз балаларға Наурыз, Наурызгүл, Наурызжан, ер балаларға Наурызбай, Наурызбек, Наурызхан деген есім берген. &nbsp;
1926 жылдан бастап, тоталитарлық жүйенің ықпалымен наурыз мерекесін тойлауға тыйым салынды. Көп жылдар бойы ұмытылып, сынын жоғалтқан мереке 1988 жылдан бері қайта жаңғырып, Наурыз мейрамын тойлау дәстүрі өз жалғасын тапты.
Наурыз мерекесі 1991 жылы, 15 наурызда Қазақ СР Президентінің қаулысының негізінде&nbsp;мемлекеттік мәртебеге&nbsp;ие болды. Елбасы наурыз айының 22 жұлдызын&nbsp;“Наурыз мейрамы” деп жариялады. Ал 2009 жылдың 24 сәуірінде ҚР Президенті Н. Ә. Назарбаев наурыз айының 21, 22, 23 күндеріне “Наурыз мейрамы”&nbsp;деген атақ берді.

Наурыз мейрамының тарихын білесіз бе?

<a href="https://kyzylorda-news.kz/">Kyzylorda-news.kz</a>. Елімізде қаламның күшімен күреп ақша табуға болатын кәсіп көбейіп келеді. Адал еңбегінің нанын жеп жүрген копирайтер мамандардың орны ерекше. Ал олардың тақырыбымызға арқау болған қатесі қандай болуы мүмкін?
Өз парақшасын елеусіз қалдыру
Атауын “Копирайтер” деп жазып қояды. Парақшасына кірсең, 7-8 ай бұрын жазған посттары ғана тұрады. Ол “шабытын күтіп” не басқа біреудің парақшасына пост жазып жүрген болуы мүмкін. Өз парақшасы көлеңкеде қалды.
Бір ғана клиентпен шектелмей, бір мезетте бірнеше парақша жүргізуге болады. Ал бізге келесі клиент келуі үшін парақшамызда “қыз-қыз өмір” қайнап жатуы тиіс.
“Түйеден түскендей” жазу
Сөзіңіз кімге арналарын және кімнің атынан жазып отырғаныңызды жақсылап зерттеп алмасаңыз, сату постының қанша формуласын білетініңізден пайда жоқ.
Мақсатты аудиторияны анықтап алыңыз. Одан кейін тапсырыс берушінің жазу стиліне зейін қойыңыз. Мейлінше, тапсырыс беріп жазғызған мәтін екені білінбейтіндей, сол кісінің өзі жазғандай әрі аудиторияға “өтетін” пост жазу қажет.
Грамматикаға көңіл бөлмеу
Парақшаңызды жай ғана қатардағы копирайтер ретінде жүргізбей, кірген адам аузын ашып, көзін жұмып кететіндей күйге келтіруіңіз керек. Көп копирайтердің ішінен жарқ етіп көзге түсу үшін және клиент басқа емес, сізді таңдауы үшін, трендте болыңыз. Ал қазіргі тренд – сауатты жазу.
Қазақ тілінің грамматикасына мән беріп, әр үтір-нүктеңізге дейін орнын білетін болса, тапсырыс беруші, сөзсіз, бұл қасиетті жоғары бағалайды. Өте сауатты жазсаңыз, қызмет бағасын қымбат ұсына аласыз.
<a href="https://massaget.kz/layfstayl/bilim/gumanitarly-ylymdar/64680/">Massaget</a>

Копирайтердің басты қатесі

Kyzylorda-news.kz. Ұлыстың ұлы күні қарсаңында Қызылорда облысының барлық мектептерінде ағаш отырғызу челленджі бастау алды.
«Бұл – менің ағашым» атауында өткен челленджді оқушылар ұстаздарымен бірге ерекше белсенділік танытты. 
«Таза табиғат» акциясы аясында өткен шарада қала, аудан мектептеріндегі оқушылар 8000 түп ағаш екті. Яғни әр мектеп Тәуелсіздіктің 30 жылдығына арнап 30 талдан отырғызды.
Оқушылардың бір уақытта тал отырғызу челленджі жастардың табиғатты қорғауда ықыласын оятып, экологиялық мәдениетті қалыптастырады.
Айта кетейік, тал отырғызу рәсімі оқушылардың көктемгі каникул кезеңінде де жүргізіледі.

Наурыз мерекесі қарсаңында қызылордалық оқушылар 8000 түп ағаш екті

Kyzylorda-news.kz. 21 наурыз күні республиканың басым бөлігінде жаңбыр және қар түрінде жауын-шашын болып, екпінді жел соғады. Солтүстік-батыста жаяу бұрқасын күтіледі. Еліміздің кей жерлерінде тұман, көктайғақ, оңтүстікте және оңтүстік-батыста найзағай болжанады.
«Қазгидромет» РМК мәліметіне сәйкес, Шығыс Қазақстан облысында желдің күші кей жерлерде 30 м/с және одан жоғары артуы мүмкін. Жолдарда көктайғақ, кей жерлерде тұман күтіледі.
Қызылорда облысының кей жерлерінде тұман, түнде кей жерлерінде көктайғақ күтіледі, күндіз желдің екпіні 15-20 м/с күшейеді.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Facebook корпорациясы халықты коронавирусқа қарсы вакцинациялауға көмектесу жоспарымен таныстырды.
Компанияның есептеуінше, бұл жаңа стратегия шамамен 50 миллион адамға вакцина егуге көмектеседі. Жаңа стратегия бойынша&nbsp; WhatsApp – тағы коронавирус жайлы чат-боттар жақсармақ.&nbsp; Инстаграмдағы және Facebook-тегі бүкіл әлем бойынша вакциналар туралы талқыланған посттарда енді екпенің қауіпсіздігі жайлы стикерлермен толықтырылады. Сонымен қатар вакциналардың денсаулыққа зияны туралы ақпараттармен күрес те күшейтілмек. Оған қоса Facebook жақын жердегі вакциналау пунктін көрсетіп тұратын қосымша да жасамақ. Бастапқы уақытта бұл қосымша тек АҚШ аумағында ғана қолжетімді болады. Алдағы уақытта басқа елдерге де тарату жоспарланған.
Сондай-ақ Facebook пен Instagram-да короновирус бойынша ақпараттық орталық ашылмақ. Бұл орталық желі қолданушыларына вирус туралы сенімді ақпаратты жергілікті министрліктерден және ДДҰ-нан алуға көмектеседі.
Сонымен қатар, Instagram-да «стористерге» арналған жаңа стикерлер пайда болады, бұл стикерлер халықты вакцинацияға шақыруға бағытталған.
<a href="https://bilim-all.kz/article/14669-Facebook-50-million-adamnyn--koronavirusqa-qarsy-ekpe-qabyldauyna-komektespek">Bilim-all.kz</a>

Facebook 50 миллион адамның коронавирусқа қарсы екпе қабылдауына көмектеспек

<a href="https://kyzylorda-news.kz/">Kyzylorda-news.kz</a>. Финляндия төртінші жыл қатарынан әлемдегі ең бақытты ел атанды.
Бұл рейтинг Біріккен Ұлттар Ұйымының тапсырысымен шығарылған Әлемдік бақыт туралы баяндамада қамтылған. Рейтингте Финляндия бірінші орында тұр.
Исландия, Дания, Швейцария және Нидерланд алғашқы бестікке енсе, алғашқы ондыққа Швеция, Германия, Норвегия, Жаңа Зеландия және Австрия енген.
Зерттеу 149 елді қамтыды. Әлемдік бақыт туралы баяндама 2012 жылдан бері жарияланып келеді. Оны құрастыру барысында зерттеушілер жан басына шаққандағы ЖІӨ, әлеуметтік қолдау деңгейі, өмір сүру ұзақтығы, азаматтық бостандықтың сақталуы, жұмыспен қамту кепілдігі, сыбайлас жемқорлық деңгейі сияқты көрсеткіштерді, сондай-ақ қоғамдық пікір нәтижелерін ескереді.
<a href="https://24.kz/kz/zha-aly-tar/lemde/item/462354-lemdegi-e-ba-ytty-elder-ataldy">24.kz</a>

Әлемдегі ең бақытты елдер аталды

<a href="https://kyzylorda-news.kz/">Kyzylorda-news.kz</a>. ҚР Мәдениет және спорт министрлігінің “Әзірет Сұлтан” мемлекеттік тарихи-мәдени қорық-музейі ұйымдастырған ғылыми кеңесте тағы да 12 тұлғаның Қожа Ахмет Ясауи кесенесі мен маңына жерленгені туралы тарихи деректер мақұлданды,&nbsp;деп хабарлайды&nbsp;<a href="https://stan.kz/kozha-ahmet-yasaui-kesenesi-maninda-zherlengen-tagi-12-344482/">Stan.kz</a>.
“Әзірет Сұлтан” мемлекеттік тарихи-мәдени қорық-музейінің жанынан құрылған кеңестің әр отырысында ғылыми тұжырымдамалар тарихшы, ғалымдардың жіті сараптауынан, зерттеп, талқылауынан өтіп барып бекітіледі. Діни-рухани тұлға Қожа Ахмет Ясауидің айналасында жатқан хан-сұлтан, батыр, билеріміздің ішінде анықталмағандары әлі де көп болуы мүмкін. Қазіргі таңда бұл бағытта зерттеу жұмыстары жан-жақты жүргізілуде.
<blockquote>
 Ал бүгінгі тізімге енген 12 тұлғаның тарихын анықтау бойынша тиісті жұмыстар жүргізіліп, нәтижесінде олар жайлы деректер мен мәліметтер толыққанды жинақталды. Елімізге белгілі ғалымдар бұдан басқа да тізімге енбей қалған тұлғалар жайлы мәліметтер ұсынуда. Алдағы уақытта бұл мәселе де түбегейлі қолға алынатын болады. Сонымен қатар, отырыс барысында күні бүгінге дейін кесенеде жерленген тұлғалардың игі жақсылар санатында тұрған Қоңыршұнақ Ердес Шүренұлы батырлар тізіміне ауыстырылды. Өз заманында беделді, атақты әрі би, әрі батыр, әрі датқа болған Ердес батыр Шүренұлы туралы жазба дерек аз болғанымен, ел арасына тараған ол кісінің палуандығы, батырлығы, датқалық қызметі жайлы аңыз-әңгімелер көптеп кездеседі”,- деді “Әзірет Сұлтан” мемлекеттік тарихи-мәдени қорық-музейінің директоры Нұрболат Ахметжанов.
</blockquote>
Ғылыми кеңес мүшесі, тарихшы, ғалым М.Тұяқбаевтың&nbsp;айтуынша осы уақытқа дейін Қожа Ахмет Ясауи кесенесі мен оның маңында жерленген тұлғалар тізіміне Жолбарыс хан (Са’д Әулие), Әбділлә хан, Бибі Хисаб, Қазыбек би, Шоң би, Абылай хан, Сүйініш хан, Қоқырас хан, Әулие хан, Шорнағат хан, Ілияс хан сынды тұлғалар енген. Алайда, неге екені белгісіз Марқаді Мүннавара Паклар, Фам ғашық зікірші, Шихаб ад-дин Сарвар, Шайх Наджим ад-дин, Баба Ғариб, Үндемес ата, Жеті Ата, Үшбас Ата, Сұлтан Ибраһим сынды тұлғалар енбей қалған.
<blockquote>
 “Әзірет Сұлтан” мемлекеттік тарихи-мәдени қорық-музейінің қорында зиярат әдебіне қатысты Садық Сапабекұлының (туған және қайтыс болған жылы белгісіз) қолжазбасы сақталған. Ол 1907 жылы Қожа Ахмет Ясауи кесенесінде болып, зиярат әдебін қалай жасау қажеттігі жөнінде жазып қалдырған. Онда зиярат ету кезінде Құран оқып, дұға қылған жерлерді ізімен көрсеткен. Олар: Жолбарыс хан (Са’д Әулие), мешітте екі бас намаз оқу, Бағдизан Ақ Топырақ әулие, «Фатиха», «Ыхылас», «әл-Курси», «Мүлк» сүрелерін оқу, Марқаді Мүннавара Паклар, Әбділлә хан, Бибі Хисаб, Қазақ халқының әзіздері – Қазыбек би, Шоң би т.б., Абылай хан Сүйініш хан, Қоқырас хан, Әулие хан, Шорнағат хан, Ілияс хан, Құдықтан су ішу, «Халим-аба» тағамы дайындалатын жер, “Халауат” мешітіне кіру, Фам ғашық зікірші, Шихаб ад-дин Сарвар, Али Қожа Ата, Шайх Наджим ад-дин, Баба Ғариб, Үндемес ата, Жеті Ата, Үшбас Ата, Сұлтан Ибраһим, Имам Марғүзи-Көк тонды Ата, Қошшы Ата (Құшата), Гауһар Ана, Арыстан бабқа зиярат етіп, түнеу қажеттігін жазып қалдырған. Садық Сапабекұлы бұл орындардың бәрін Түркістанға зиярат етіп келген кезде көзімен көріп, марқұмдарға құран бағыштаған. Бұлардың ішінен Фам ғашық зікірші, Үшбас атадан басқасының жерленген жерлері анық болып отыр. Ал Жәмилә шын мәнінде Қожа Ахмет Ясауидің өкіл қызы&nbsp; саналады. Бұл жайлы Гауһар ана кесенесін зерттеген жұмыс есебінде де жазылған”,- дейді тарих ғылымдарының кандидаты, ғалым Марат Қымызұлы.
</blockquote>
Ғылыми кеңес мүшелерінің айтуынша Жәмилә жайлы М.Е.Массонның “Мавзолей Х.А.Ясеви” атты еңбегінде “1896 жылы Түркістан қаласында Қожа Ахмет Ясауи кесенесіне жақын жерде оның қызы Жамал ханымның мазары, ал кесенеден қашықтау жерде оның Гаухар-хуштадждың кесенесі бар”-деген деректер кездестіруге болады. Сондай-ақ, басқа қолжазбаларда да Ясауидің өкіл қызы Жәмил” жайлы мәліметтер бар. Ясауитанушы, ғалым Д.Кенжетай да түркістандық Нажимов Оразбайдың үйінде сақталған “Насабнамада” Қожа Ахмет Ясауидің Жамал есімді қызы туралы жазылғандығын растайды.
Ал, бүгінге дейін тізімге енбей келген Шахабаддин Исфиджаби (Әзіреті Молла) жайлы деректерде оның Қожа Ахмет Ясауимен бірге Исфиджабтан келгені айтылады. Кейбір мәліметтерде оны Ясауидің ұстазы ретінде де көрсетеді.
Тізімге енгізілген тұлғаның бірі Қожа Әлидің құлпытасы Кіші Ақсарай бөлмесінде сақтаулы тұр. Құлпытастағы жазуды 1978-1980 жылдары текстолог Ә.Дербісәлиев аударған. Ол жерде “Тәшкенттік Мір Османбай мырза Кәрімбай 1916 жылы қайтыс болды”-деген жазу сақталған.
Қазіргі таңда, кесенеде жерленген діни-рухани тұлғалардың саны – 51-ге жетсе, Темір, Шәйбан әулеттері мен Қазақ хандығы тұсында жерленген 17 тұлға, қазақтың 21 ханы, 8 сұлтаны, 23 биі, 63 батыры, 5 әзіз анасы, 10 датқа мен болыс, 30 игі жақсының есімдері белгілі.

Қазақстан және Қызылорда облысының жаңалықтары