<a href="https://kyzylorda-news.kz/">Kyzylorda-news.kz.</a> Вакцина алуы тиіс қазақстандықтардың 15 проценті екпе салдырды. Бұл туралы бүгін Денсаулық сақтау министрі Алексей Цой Үкімет отырысында мәлімдеді.
Ал Премьер-Министр Асқар Мамин иммундау науқанын жылдамдатып, ауыл тұрғындарын вакцинамен қамтамасыз етуді тапсырды. Үкімет басшысының айтуынша, мамыр айында 2 миллионнан астам азаматқа екпе егіледі деп жоспарланған.
Айта кетейік, өткен аптада елде коронавирус жұқтыру көрсеткіші 2 процентке төмендеді. Қазір біз бұл көрсеткіш бойынша әлемдік рейтингте 107-ші орында тұрмыз. 9 өңір әлі де қауіпті аймақтан шыққан жоқ. Нұр-сұлтан мен Алматы қалаларында, Қызылорда және Алматы облысының ауруханалары шамамен 60 процентке толған.
24.kz

Covid-19: Қызылорда облысының ауруханасы 60%-ке толды

<a href="https://kyzylorda-news.kz/">Kyzylorda-news.kz</a>. Қырық жастағы блогер аштықтан қайтыс болды.
Абхазияда 40 жастағы ресейлік блогер Виталий Выграновский эксперимент үшін 40 күндік аштық жариялаймын деп&nbsp;көз жұмды.
<img src="https://kyzylorda-news.kz/wp-content/uploads/2021/05/ashtyk.jpg" alt="" />
Ер адам YouTube-те блог жүргізген көрінеді. Өзін сынап көруді жоспарлаған ол 40 күн бойы сусыз және тамақсыз өмір сүрмек болған.
Аштық жариялағанна кейін оныншы күні блогер өзін жаман сезініп, қалада өзін жағымсыз сезіне бастаған.&nbsp;Осылайша ол Абхазияға қоныс аударады. Жиырмасыншы күні Выграновский өзінің толық тазарғанын айтқан, десек те қатты арықтағандықтан блогердің физикалық белсенділікке күші қалмаған. 35-күні ер адам қатты әлсіресе де оразасын тоқтатпаған.
<blockquote>
 «Қалай, соңына дейін жете алдым ба?&nbsp;Бұл – мен үшін жай ойын. Өте қызықты. Ltytvltu3 gаразиттер жойылды, тамақтануға деген құштарлық жоқ. Денемнің&nbsp;әрбір жасушасы жаңарды», – деді Виталий Выграновский.
</blockquote>
Блогердің достары оның аштықтан көз жұмғанын жазыпты. Оның&nbsp;өлімінің нақты себебі тексеруден&nbsp;кейін белгілі болады.
<a href="https://stan.kz/40-kun-as-su-ishpey-sinak-zhasagan-reseylik-bloger-koz-346415/">Stan.kz</a>

40 күн ас-су ішпей сынақ жасаған блогер көз жұмды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова Сыр жұртшылығын өз денсаулықтарына немқұрайлы қарамай, вирустан сақтанып, мамандардың пікірін тыңдауға шақырды. Бұл туралы аймақ басшысы “Facebook” парақшасында жазды.
Қадірлі жерлестер!
Қазір елімізде халыққа жаппай екпе егу жүріп жатқанын білесіздер. Әрине, әркімнің өз еркі. Содан да болар вакцина мәселесіне қатысты қоғамда алуан түрлі пікірлер кездеседі. Дегенмен, вакцина салдыру өз денсаулығымызға қорғаныш екенін ескерсек деймін.
Мамандардың айтуынша, екпеден кейін коронавирусқа қарсы иммунитет қалыптасады. Екпені алғаш алғаннан кейін екінші дозасын белгілі бір уақытта алу қажет, содан соң ғана ағзаны қорғайтын антидененің жеткілікті дәрежесі түзіледі.
Вакцина алдым деп маскасыз жүруге болмайды. Еліміздегі ересек адамдардың 60 пайызы вакцина алып, ұжымдық иммунитет пайда болғанға дейін маска тағып жүруіміз керек.
Жалпы, вакциналауға қарсы пікірдегі адамдар бұрыннан да болған. Коронавирусқа қарсы вакцинаға ғана емес, ондай адамдар екпенің кез келген түріне қарсы пікірде. Бірақ, қазіргі пандемия жағдайынан тек вакцина жасату арқылы ғана шыға аламыз. Мәселен, әлемнің алдыңғы қатарлы елдері вакциналауды былтырғы желтоқсан айында бастап кеткен.
Өйткені, дүниежүзінде 150 млннан астам адам вирус жұқтырса, өкінішке қарай, соның 3 млннан астамы дүниеден өтті. Былтыр жаз біздің елімізде де қаншама адамның қайтыс болғанын білесіздер. Осы ретте, израильдік дәрігерлердің зерттеуі жаппай вакцинацияның ұлттық стратегиясының тиімділігін растап отырғанын айту керек. “Вакциналау басталғаннан екі айдан кейін инфекциялар саны 77%-ға, ал, Covid-19 ауыр жағдайлары 67%-ға азайды. Бұл үрдіс әсіресе инфекцияға ең осал және алдымен вакцинацияланған егде жастағы адамдар арасында қатты байқалды”, – деп жазады зерттеушілер. Енді Израиль мемлекеті 12 жастан асқан жасөспірімдерге коронавирусқа қарсы екпені еге бастады.
Қазіргі таңда Үндістанның эпидемиологиялық ахуалы ауыр екенін көріп, біліп отырсыздар. Коронавирусты жеңудің жалғыз амалы вакциналауда екенін жақсы түсінгенімен, млрд тұрғынына жаппай вакцина тауып бере алмауда. АҚШ, Германия, Франция, Жапония мемлекеттері жаппай вакциналауды қолға алды.
Жаппай вакциналау бізге не береді? Қазіргі таңда бас санитарлық дәрігердің қаулысына сәйкес өңірлердегі ұйымдар мен кеңселерде: “қызыл аймақта”: қызметкерлердің 80%; “сары” аймақта: 50%; “жасыл” аймақта: 30% қашықтан жұмыс істеуде. Вакцина салынбаған адамдарға ауру қаупі төніп тұрғанын ескере отырып, қызметкерлердің денсаулығын қорғау мақсатында соңғы алты ай ішінде COVID-19-ға қарсы вакциналаудың толық курсын алған және Сovid-19-бен ауырған барлық қызметкерлерді күндізгі режимде жұмысқа жіберу туралы шешім қабылдауда. Егер қызметкерлердің 90%-ы вакцина алған болса, олар жұмысқа толық жіберіліп, тек 10%-ы қашықтан жұмыс істейді.
Осыны ескеріп, бүгінгі күні бюджеттік мекемелер қызметкерлері, атап айтқанда, мемлекеттік қызметкерлер, мұғалімдер мен дәрігерлер, құқық қорғау органдары жаппай вакцина алуда.
«Сыр елі – жыр елінің» өнер майталмандары, жыршы-жырауларымыз, жазушы-ақындарымыз, айтыскерлеріміз, журналистер қауымы елдік істен қалыс қалмаса дейміз. Ендігі ретте халықпен тығыз қарым-қатынас жасайтын кәсіпкерлер, базарлардағы сатушылар, кафе, мейрамхана, халыққа тұрмыстық қызмет көрсету қызметкерлері вакцина алудың көптеген мүмкіндіктерге жол ашатынын түсініп жатса жөн болар еді.
Өз денсаулығымызға немқұрайлы қарамайық. Өзгенің денсаулығына қауіп төндірмейік. Қауесет сөздерге ермейік. Сіздерді мамандардың сөзін тыңдап, мән беруге шақырамын.

Гүлшара Әбдіқалықова: Қауесет сөзге ермейік

<a href="https://kyzylorda-news.kz/">Kyzylorda-news.kz</a>.&nbsp;Қызылорда гарнизонына қарасты әскери бөлімде санитарлық-эпидемиологиялық талаптар мен нормалар сақтала отырып, әскери қызметшілер арасында індеттің алдын алу мақсатында коронавирусқа қарсы вакцина егу жұмыстары жүріп жатыр.
Ағымдағы жылдың ақпан айында бастау алған екпе салу жұмыстары жалғасуда. Осы орайда, Қызылорда қалалық 4 емханасының медицина қызметкерлері бөлім әскери қызметшілеріне сапалы және барлық жағдайды жасай отырып екпе жұмыстарын жүргізуде.
Айта кетсек, Қазақстан Республикасы «Халық денсаулығы және денсаулық сақтау жүйесі туралы» кодекстің 77-бабы бойынша вакцина салу тек адамның келісімімен ғана жүзеге асады.
Вакцина егу алдында әрбір әскери қызметшіден екпе алдындағы барлық керекті медициналық тексерулер өткізіледі. Емхана дәрігерлері әскерилерге екпе салудың артықшылықтары мен өзі, отбасы және орта үшін маңыздылығын түсіндірді. Вакциналаудан өтудің негізгі екі себебі ол – өзіңді және айналаңдағы адамдардың денсаулығына бейжай қарамау.
<blockquote>
 “Екпе салу алдымен өзімнің денсаулығым үшін маңызды болғандықтан еш ойланбастан келістім. Осы әрекетім отбасым мен ортадағы адамдар саулығы үшін де маңызды деп ойлаймын. Бөлімнің әскери қызметшілеріне қолдау көрсетіп, екпе жұмыстарын салып жатқан емхана дәрігерлеріне алғысымды білдіремін”, – дейді қатардағы жауынгер Қанағат Жаңабай.
</blockquote>
<img src="https://kyzylorda-news.kz/wp-content/uploads/2021/05/img_20210404_203017_267-scaled.jpg" alt="" />
<img src="https://kyzylorda-news.kz/wp-content/uploads/2021/05/img_20210404_203013_003-scaled.jpg" alt="" />

Covid-19: Қызылордада әскери қызметшілерге екпе егу жалғасуда

*<a href="https://kyzylorda-news.kz/">Kyzylorda-news.kz</a>. ҚР Денсаулық сақтау министрлігінің Telegram каналында коронавирус пен коронавирус пневмониясынан қайтыс болғандар туралы мәліметтер жарияланды.*
КВИ +
Нұр-Сұлтан қаласы – 1
Жамбыл облысы – 1
Қызылорда облысы – 1
КВИ –
Нұр-Сұлтан қаласы – 3
Алматы қаласы – 6
Шымкент қаласы – 2
Ақмола облысы – 2
Ақтөбе облысы – 3
Атырау облысы – 2
Батыс Қазақстан облысы -3
Қарағанды облысы – 6
Маңғыстау облысы – 1
Павлодар облысы – 1
Барлығы – 32

Қызылордада коронавирустан бір адам көз жұмды

*<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2076 адамнан ПТР арқылы коронавирус анықталды, деп хабарлайды coronavirus2020.kz.*
Аймақтар бойынша:
Нұр-Сұлтан қаласы – 250,
Алматы қаласы – 658,
Шымкент қаласы – 65,
Ақмола облысы – 137,
Ақтөбе облысы – 27,
Алматы облысы – 180,
Атырау облысы – 44,
Шығыс Қазақстан облысы – 77,
Жамбыл облысы – 58,
Батыс Қазақстан облысы – 73,
Қарағанды облысы – 240,
Қостанай облысы – 26,
Қызылорда облысы – 73,
Маңғыстау облысы – 3,
Павлодар облысы – 125,
Солтүстік Қазақстан облысы – 6,
Түркістан облысы – 34.
Жалпы ел бойынша ауырғандар саны 330071.

Covid19: Қызылордада вирус жұқтырушылар көп

*<a href="https://kyzylorda-news.kz/">Kyzylorda-news.kz</a>. 4 мамыр күні Қазақстан территориясының басым бөлігінде жауын-шашынсыз ауа райы күтіледі, деп хабарлайды Қазгидромет.*
Еліміздің тек солтүстік-шығысында және батысында атмосфералық фронталды бөліктердің өтуіне байланысты жаңбыр жауады. Батыста найзағай болжанады. Республиканың жекелеген өңірінде жел күшейеді, оңтүстікте желмен бірге шаңды дауыл көтеріледі, солтүстікте түнде және таңертең тұман болады.
Атап айтқанда, Қызылорда облысының кей жерлерінде шаңды дауыл тұрып, желдің күші күндіз 25 м/с артуы ықтимал.
Түнде Павлодар, күндіз Ақмола, Алматы, Түркістан, Батыс Қазақстан, Қостанай, Солтүстік Қазақстан, Қарағанды облыстарының кей жерлерінде желдің күші 15-20 м/с артады. Түркістан облысында сондай-ақ шаңды дауыл болжанады.
Батыс Қазақстан облысының кей жерлерінде – найзағай, Солтустік Қазақстан облысының кей жерлерінде түнде және таңертең тұман күтіледі.
Жамбыл облысының кей жерлерінде желдің екпіні күндіз 23-28 м/с жетеді.
Түнде Ақмола, Солтүстік Қазақстан, Қарағанды, Шығыс Қазақстан облыстарының кей жерлерінде 3 градусқа дейін үсік күтіледі.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Халықты иммундық алдын алу үшін Денсаулық сақтау министрлігі e-gov mobile «Вакцинация» сервисін, sms-хабарламаларды, жеке кабинетті пайдалану, сондай-ақ «Цифрлық құжаттар» сервисінде вакцинация паспортын енгізу арқылы IT-технологиялардың мүмкіндіктерін кеңінен пайдаланады. Болашақта вакцинация паспортын қолдану кеңейтіледі.
<blockquote>
 «Вакцинация жүргізу туралы деректер электрондық форматта орналастырылады. Бұл вакциналанғандардың санын есепке алуға және вакцинация көлемін жоспарлау және сырқаттанушылықты болжау үшін болашақта халықтың иммундық мәртебесін қадағалауға мүмкіндік береді», – деді бүгін халықпен есептік кездесуде Денсаулық сақтау министрі Алексей Цой.
</blockquote>
Вакцинация паспорты келесі мәліметтерден тұрады: адам қандай препараттарды алды, қандай дозаларда, қандай күндерде, құжатты талап ету орны бойынша көрсетуге және QR-кодтың көмегімен қолжетімділікті ашуға мүмкіндік береді.
<blockquote>
 «Қазіргі уақытта вакцинация паспортын біріктіру үшін IATA халықаралық әуе көлігі қауымдастығымен ынтымақтастық мәселесі қарастырылуда. Вакцинация паспортын «Ashyq» қосымшасымен біріктіру 2021 жылдың 1 шілдесінен бастап жүзеге асырылады», – деді Денсаулық сақтау министрі.
</blockquote>
Вакцинация паспортымен қатар біз жылу карталарын енгізудеміз – бұл телекоммуникациялық деректер базасында пандемия кезіндегі қаланың белсенділігін талдау жүйесі. Жылу карталары тұрғындардың белсенділігі мен шоғырлану орындарын, 103, 1406, 1308, 102 қоңыраулардың шоғырлану орындарын және облыстық көші-қон ағындарын анықтауға мүмкіндік береді.
Қазіргі уақытта Алматы қаласында жылу карталарын пайдалану бойынша пилоттық жоба іске асырылуда.
<blockquote>
 «Жылу карталарын пайдалану ведомствоаралық комиссияның, санитарлық-эпидемиологиялық бақылау департаментінің, полиция департаментінің, Алматы қаласы Қоғамдық денсаулық сақтау басқармасының тұрақты қолжетімділігі, алынған талдауды санитарлық мониторинг мақсаттары үшін пайдалану, патрульдеу бағыттарын оңтайландыру, төсек қорын жоспарлау, қабылданған шаралардың тиімділігін талдау сияқты мүмкіндіктерді ұсынады», – деп атап өтті А.Цой.
</blockquote>

Вакцинация паспорты «Ashyq» қосымшасымен біріктіріледі

<a href="https://kyzylorda-news.kz/">Kyzylorda-news.kz</a>. ҚР Білім және ғылым министрі Асхат Аймағамбетов Forbes журналының Қазақстандағы баспагері Арманжан Байтасовқа&nbsp;<a href="https://www.youtube.com/watch?v=76JOun7t5c4&feature=emb_logo">берген сұхбатында</a>&nbsp;мұғалімдердің кірісі қалай өскенін&nbsp;айтты. Оның айтуынша, “жалақы айтарлықтай өсті”, ал кейбір педагогтар 500 мың теңгеден көп алады.
<blockquote>
 “Тек номиналды түрде біз осы бап бойынша кірістерді 50%-ға ұлғайттық, оған қоса түрлі үстемеақылар да бар. Әрбір магистр өз дәрежесі үшін бүгінде 29 мың теңге алады, тәлімгерлік үшін үстемақы бар, дәптерлерді тексергені үшін төлемдер екі есеге ұлғайтылды. Педагогтердің санаты үшін төлемдер ұлғайтылды. Жоғары санатты мұғалімдер үшін қосымша ақы жалақының 50%-на тең. Бізде 500 мыңнан жоғары жалақы алатын мұғалімдер бар”, – деді Аймағамбетов.
</blockquote>
Ол мұғалімдердің табысы жүктемеге байланысты екенін атап өтті: біреу аптасына 18 сағат жұмыс істейді – бұл ең төменгі жалақы, ал басқа мұғалім одан көп жұмыс істейді.
Министр білім саласындағы жалақының өсуі жалғасады деп уәде берді
<blockquote>
 “Келесі жылы жалақыны тағы 25%-ға арттырамыз. Біз педагогтардың табысы орташа республикалық деңгейде болғанын қалаймыз”, – деп атап өтті Асхат Аймағамбетов.
</blockquote>

Асхат Аймағамбетов: Бізде 500 мың теңгеден астам жалақы алатын оқытушылар бар

<a href="https://kyzylorda-news.kz/">Kyzylorda-news.kz</a>. Қызылорда облысында екі жеңіл автокөлік соқтығысып, төрт жолаушы ауруханаға жеткізілді.
Оқиға 2 мамыр күні Қызылорда қаласына қарасты Талсуат елді мекені тұсында болды.
<blockquote>
 «Жол-көлік оқиғасынан төрт жолаушы медициналық мекемеге жеткізілді. Оның ішінде 1 азаматша және 3 жасөспірім бар. Көз жұмғандар жоқ. Жол-көлік оқиғасының себеп-салдарын анықтау мақсатында тиісті сараптамалар тағайындалды.
 ҚР Қылмыстық кодексінің 345-бабының 2-бөлігі бойынша сотқа дейінгі тергеп-тексеру басталды. Онда көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы жағдайы көрсетілген. Оқиғаның мән-жайы анықталуда», – деді Қызылорда облысы Полиция департаментінің баспасөз қызметінен.
</blockquote>
<a href="https://lenta.inform.kz/kz/kyzylordada-eki-kolik-sogylyp-4-adam-zardap-shekti_a3783797">ҚазАқпарат</a>

Қызылордада болған жол апатынан 4 адам зардап шекті

<a href="https://kyzylorda-news.kz/">Kyzylorda-news.kz</a>. Еліміздің Бас мемлекеттік санитар дәрігері Ерлан Қиясовтың кезекті жаңа қаулысы жарияланды. Қаулы 2021 жылғы 3 мамырда сағат 00:00-ден бастап күшіне енеді.
Қаулыға сәйкес еліміздегі мешіттер аумағында жұма намазын оқуға рұқсат берілді.
Бұл жайлы қаулыда: «Мешіттер, православие шіркеулері және басқа да діни объектілер аумағында ұжымдық діни іс-шараларды (оның ішінде «жұма намазы», күнделікті православиелік дұғалар және басқаларын) ашық ауада өткізу маска режимі мен бір адамға кемінде 4 метр есебінен әлеуметтік қашықтық сақталған кезде жүзеге асырылады» делінген.
Айта кетейік, ҚМДБ Төрағасы, Бас мүфти Наурызбай қажы Тағанұлы Рамазан айының алғашқы күні Президент Қасым-Жомарт Тоқаевтың қабылдауында болып, ел мұсылмандарының жұма намазын асыға күтіп жүргенін хабардар еткен еді. Мемлекет басшысы елдегі эпидемиологиялық жағдайдың тұрақталатынына, мешіттердің толық ашылатын күні алыс емес екеніне сенім білдірген болатын.

Бүгіннен бастап жұма намазын оқуға ресми рұқсат берілді

<h4 id="kyzylordanewskzhttpskyzylordanewskznbsp"><a href="https://kyzylorda-news.kz/">Kyzylorda-news.kz</a>. Елімізде аналар&nbsp;өлімі мен жүрек-қантамыр жүйесінің ауруларынан көз жұму көрсеткіші біршама артқан. Мұны денсаулық сақтау министрі Алексей Цой халыққа есеп беру кезінде айтты. Шенеуніктің сөзінше, жүрек дертінен құрбан болғандар көрсеткішінің күрт өсуіне коронавирус себеп. Бір сағаттан астам уақытқа созылған жиында министр өзге де мәлімдеме жасады.</h4>
Денсаулық сақтау министрінің айтуынша, елде коронавирус ырық бермей тұрғанда, өзге де дерттерге қарсы тұруға мәжбүрміз. Бірақ пандемияға дейінгі қауқармен емес. Соның салдарынан аналар&nbsp;өлімі мен жүрек-қантамыр жүйесі дертінің құрбандары артқан.
<blockquote>
 «Саланың бірқатар маңызды көрсеткіші төмендеді. Бұл, ең алдымен, аналар&nbsp;өліміне қатысты. Көрсеткіш бір жыл ішінде 2,6 пайызға артқан. Сондай-ақ жүрек-қантамыр жүйесі ауруларынан болатын&nbsp;өлім-жітімнің 15 пайызға өскені байқалды. Мұның бәрі коронавирустық инфекцияның пандемиясымен байланысты», — деді денсаулық сақтау министрі Алексей Цой.
</blockquote>
Өткен жылы 427 мың нәресте дүние есігін ашты.
Жиында жасанды ұрықтандыру жайы да сөз болды. Биыл «Аңсаған сәби» бағдарламасы арқылы жеті мың квота бөлінбек. Репродуктивті технологиялар қызметін 27 клиника көрсетсе, оның 19-ы медициналық сақтандыру аясында жұмыс істейді.
«<a href="https://1tv.kz/">Еуразия бірінші</a>» арнасы

Қазақстан және Қызылорда облысының жаңалықтары