<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова «Сыр медиа» ЖШС-не қарасты Т.Жүргенов атындағы шығармашылық үйіне барып, шығармашылық ұжыммен кездесті. Қазіргі таңда “Сыр Медиа” ЖШС құрамына 3 облыстық, 7 аудандық, 1 қалалық газет және “Kyzylorda-News.kz” ақпараттық агенттігі кіреді.
Алдымен аймақ басшысы серіктестік баспаханасының жұмысымен танысып, жақында ашылған кітап басып шығару өндірісін көрді. Одан соң басты ғимараттың бірінші қабатында орналасқан журналистер мұражайына келіп, Сыр қаламгерлері жайлы құнды мәліметтермен қанықты. «Сыр медиа» академиясы» залында шығармашылық ұжыммен кездесіп, журналистерге облыстың әлеуметтік-экономикалық дамуы, пандемияға қарсы шаралар және өзге де өзекті мәселелер жөнінде баяндады.
<blockquote>
 «Биылғы жыл еліміз үшін аса маңызды жыл, ел болып Тәуелсіздігіміздің 30 жылдығын атап өтеміз. Тәуелсіздік – Тұңғыш Президентіміз – Елбасының батыл қадамдарының, тарихи шешімдерінің және оған қолдау көрсеткен халқымыздың бірлігі нәтижесінде келген үлкен тарихи жеңіс. Былтыр ел экономикасына оңай болған жоқ, пандемия біраз саланы тұралатты. Әсіресе, ол кезеңде шағын және орта бизнес субъектілері аса зардап шеккенін өздеріңіз жақсы білесіздер. Алайда, мемлекет тарапынан дер кезінде көрсетілген қолдау шараларының арқасында тығырықтан шығып, құлдыраудың алдын алды», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/05/184595944_3356007101169002_3116861920563064021_n.jpg" alt="" />
Өңір басшысы «Ауыл Ел бесігі», «Жұмыспен қамтудың Жол картасы» бағдарламалары да жұмыссыздықты азайтуға айтарлықтай көмек болғанын айта кетті. Аталған бағдарламалар аясында 44 млрд. теңгеден астам қаржының 300-ден аса жобасы жүзеге асқан.
Облыста 492 шақырым автожолдар мен көшелер жөндеуден өтіп, 2 көпір, 408 пәтерлік 39 көпқабатты тұрғын үй, 13 әлеуметтік нысан пайдалануға берілді. 2023 жылға дейінгі өңірдің экономикалық дамуының Картасы қабылданды. Оның аясында облыстың кәсіпкерлік субъектілерімен жүйелі жұмыстар жүргізу нәтижесінде қазірдің өзінде өңірде шұжық өнімдерінің 16 түрі, бұқтырылған консервілер, макарон өнімдері, бал өнімдері шығарыла бастады. Осы жұмыстардың нәтижесінде 2020 жылға 230 млрд. теңге инвестициялар тарту көлемі асыра орындалып, өңірге 292 млрд. теңгенің инвестициялары тартылды. Сондай ақ 591 мың шаршы метр тұрғын үйлерді пайдалануға беру жоспарланса, оның орнына 609 мың шаршы метр берілді.
Аймақ басшысы журналистермен жүздесуде өңірдің кәсіпкерлік саласына да тоқталып өтті.
<blockquote>
 «Биылғы жылы бизнесті қаржыландыруға мемлекеттік бағдарламалар аясында 6,2 млрд. теңге қаржы қарастырылған. Оның ішінде, “Бизнестің жол картасы 2025” мемлекеттік бағдарламасына 3,5 млрд. теңге бөлінді. Қазірдің өзінде шағын және орта бизнестің 598 жобасы субсидияланды. Бұл жобалардың 432-не 2,2 млрд. теңге көлемінде мемлекеттің кепілдігі ұсынылды. Сондай-ақ, “Еңбек” мемлекеттік бағдарламасы аясында жұмыссыздар мен өзін-өзі жұмыспен қамтығандардың кәсіпкерлік бастамаларын қаржыландыруға 3 млрд. теңге бөлінді. Бүгінде, 598 азаматқа 348,8 млн. теңге көлемінде қайтарымсыз гранттар, 35 азаматқа 139 млн. теңге көлемінде шағын несие берілді. Қазіргі таңда облыста жұмыс жасап тұрған кәсіпкерлердің саны 49 мыңға жетті. Бұл секторда облыстың экономикалық белсенді халқының үштен бірі, яғни шамамен 96 мың адам жұмыспен қамтылған. Бұл сектордың жалпы өңірлік өнімдегі үлесі 15,8 пайызды құрап отыр. 2025 жылға қарай облыста шағын және орта бизнестің жалпы өңірлік өнімдегі үлесін 25 пайызға жеткізу міндеті қойылған», – деді облыс әкімі.
</blockquote>
Сондай-ақ, кездесуде облыс әкімі Гүлшара Әбдіқалықова алдағы уақытта атқарылатын төрт бағытқа тоқталды. Атап айтсақ, Тәуелсіздіктің 30 жылдығын, вакцинация бойынша түсіндіру жұмыстарын, ұлттық санақ науқанын және Тәуелісіздіктің 30 жылдығы аясында Сыр елінің бетке ұстар тарихи тұлғаларының мерейтойларын кеңінен ақпараттандыру қажет екенін айтты.
<blockquote>
 «Аймақтың эпидемиологиялық ахуалын жақсартып, «Covid-19» індетін жою мақсатында жүйелі жұмыстар атқарылуда. Медициналық мекемелерде 251 ИВЛ, 66 рентген аппараты және 9 ПТР жұмыс істейді. Бүгінгі таңда 70 мыңнан аса тұрғын екпе салдырды. Эпидемияны түбегейлі жеңудің жалғыз жолы – вакцина салдыру, ұжымдық иммунитет қалыптастыру. Сонымен қатар, алдағы ұлттық санақ науқаны келе жатыр. Аталған шара азаматтардың әл-ауқаты мен қуатты экономика бойынша негізгі басымдықтарды анықтайтындықтан, әрбір азаматтың жауапкершілігін жіті түсіндіру міндеті тұр. Сыр өңірі – қазақылығымен ерекшеленетін мәдени-рухани орда. Биыл ел Тәуелсіздігінің 30 жылдығы аймақтың бетке ұстар тарихи тұлғалары Жалаңтөс Баһадүрдің 445 жылдығы, Кете Жүсіп Ешниязұлының 150 жылдығы, даңқты күрішші Ыбырай Жақаевтың 130 жылдығы, Халық Қаһарманы Роза Бағланованың 100 жылдық мерейтоларымен ұштастырылып өткізіледі. Президентіміз Қасым-Жомарт Тоқаев Тәуелсіздігіміздің 30-жылдығын мерекелеу ісі даңғаза ірі шаралармен емес, керісінше халыққа түсінікті, танымдық-ұлағатты дүниелермен жүзеге асыру керектігін ерекше атап өтті. Осы ретте, аталған мерейтойларды лайықты деңгейде бірлесе атап өтуге және барынша ақпараттық қолдау көрсетуге шақырамын», – деді аймақ басшысы Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/05/184934297_3356006301169082_1157102362297153630_n.jpg" alt="" />
<img src="https://syrboyi.kz/wp-content/uploads/2021/05/8aee4f60-1673-474d-addc-7cb05ac3c0f1-1024x682.jpg" alt="" />
<img src="https://syrboyi.kz/wp-content/uploads/2021/05/99e80406-a33e-429c-96ec-43b7ef16b5d6-1024x682.jpg" alt="" />
<img src="https://syrboyi.kz/wp-content/uploads/2021/05/49239e7f-dfbf-4a7b-9ef8-2880c8f188d5-1024x682.jpg" alt="" />
<img src="https://syrboyi.kz/wp-content/uploads/2021/05/5839d654-53bf-4dd6-98ba-5c28944c5718-1024x834.jpg" alt="" />
<img src="https://syrboyi.kz/wp-content/uploads/2021/05/b5b4fd5c-efe7-43f5-8acd-89fbbf9d56b5-1024x682.jpg" alt="" />

Гүлшара Әбдіқалықова Т.Жүргенов атындағы шығармашылық үйіне барды

<a href="https://kyzylorda-news.kz/">Kyzylorda-news.kz</a>. Татарстанның Қазан қаласындағы гимназияға белгісіз біреулер оқ жаудырды. Әлеуметтік желіде мектептің ішінде түсірілген <a href="https://t.me/rian_ru/96235?embed=1">видеолар</a> тарала бастады, деп хабарлады&nbsp;<a href="https://sputnik.kz/society/20210511/17016146/qazan-mektep-video.html">Sputnik Қазақстан</a>.
Бұған дейін Татарстан президенті Рустам Минниханов төрт ұл мен үш қыздың қаза тапқанын хабарлаған. Барлығы – 8-сыныптың оқушылары. Бұдан бөлек, бір мұғалім оққа ұшқан. Ал шұғыл қызметтердің ақпараты бойынша 11 адам қаза тапты. Екеуі үшінші қабаттан секіріп өлген.
Бүгін екі адам Джаудат Файзи көшесінде орналасқан №175 мектепте оқ жаудырды. Біреуі қолға түсті. Ал екіншісін арнайы операция кезінде атып тастады. Қазіргі кезде қылмыстық іс қозғалды. Қазан қаласында контртеррористік операция режимі енгізілді. 12 мамыр Татарстанда аза тұту күні деп жарияланды.

Он бір адам көз жұмды – Қазанда мектептің ішінде түсірілген видео тарады

<a href="https://kyzylorda-news.kz/">Kyzylorda-news.kz</a>. Қазақстан мұсылмандары діни басқармасы биыл Ораза айт намазы мешіт аулаларында оқылатынын хабарлады.
<blockquote>
 “Қадірлі жамағат! Сіздерге еліміз бойынша мешіттердің аулаларында Ораза айт намазы оқылатынын (жергілікті бас санитар дәрігерлердің қаулысымен рұқсат етілген) қуанышпен жеткіземіз”, – делінген&nbsp;<a href="https://www.muftyat.kz/kk/">хабарламада.</a>
</blockquote>
ҚМДБ таң атысымен мешітке баратын мұсылман жамағатын санитарлық талаптарды сақтауға шақырды:
<ul>
<li>бетперде киіп келу;</li>
<li>үйден дәрет алып келу;</li>
<li>намаздан соң қол беріп амандаспау;</li>
<li>намаздан кейін көп кідірмей үйге қайту;</li>
<li>жамағатпен оқылатын намазға балиғатқа толмаған балаларды алып келмеу;</li>
<li>науқастар мен әйелдердің айт намазына қатыспағаны абзал.</li>
</ul>
<blockquote>
 “Барша мұсылман қауымын осы жағдайларға түсіністікпен қарауға шақырамыз. Жұқпалы індетті таратпау үшін әр азамат өзінің отбасы, қоғам алдындағы жауапкершілігін терең сезініп, санитарлық талаптар мен мешіт тәртібіне бағынуы қажет”, – деді діни басқармадағылар.
</blockquote>
Рамазан айы 12 мамырда аяқталады. Қазақстан өңірлерінде Ораза айт намазы 13 мамыр таңғы жетіде оқылады.

Мүфтият Ораза айт намазына қатысты мәлімдеме жасады

<a href="https://kyzylorda-news.kz/">Kyzylorda-news.kz</a>. Балалар қауіпсіздігін қамтамасыз ету – әрбір ата-ана үшін маңызды міндет. Ата – аналар тарапынан балалардың уақтылы&nbsp; қауіпсіздік ережелерімен таныстырып, бұл қағидаларды ұстануын қадағалау да маңызды. Жазғы демалыстың басталысымен балалардың бос уақыты көбейеді. Бұл орайда ата-аналарға сақтық шараларын күшейткен абзал.&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Жазғы демалыс кезінде балалардың жеке басының қауіпсіздігін қамтамасыз ету мақсатында жаз мезгілінің 3 айына учаскелік полиция инспекторларымен бірлесе ювеналды полиция қызметкері кезекшілікке бөлініп, қызмет атқаратын болады. &nbsp;
Қызылорда облысы Полиция департаментінің бастығы полиция полковнигі&nbsp; Бектөре Сұлтан жазғы демалыс уақытында балалардың жеке қауіпсіздігі, &nbsp;оның ішінде суға шомылу кезіндегі қауіпсіздік шаралары ата-аналардың немесе оларды алмастыратын адамдардың ерекше назарында болуы қажеттігін ескертеді. Бұл орайда, полиция қызметкерлері балалардың қауіпсіздік мәселесіне бей-жай қарамай, сақтық шараларын қатаң сақтауға шақырады.
<blockquote>
 «Қазақстан Республикасының Әкімшілік құқық бұзушылық туралы Кодексінде белгіленбеген орындарда суға шомылуға&nbsp; қатаң&nbsp; тыйым&nbsp; салынған.&nbsp; Осындай &nbsp;деректер анықталған жағдайда Қазақстан Республикасы Әкімшілік құқық бұзушылық туралы кодексінің 364-бабына сәйкес әкімшілік шара көрілетін болады.&nbsp; &nbsp;&nbsp;
 Сонымен бірге, жазғы мезгілде жасөспірімдердің көптеп шоғырланатын, қалалық демалыс паркінде олардың кешкі серуендеуі кезінде қауіпсіздіктерін қамтамасыз ету мақсатында арнайы қызметкерлер бөлініп, қызмет атқаруда», – дейді Бектөре Сұлтан.
</blockquote>

Бектөре Сұлтан: Балалар қауіпсіздігі – жіті назарда

<a href="https://kyzylorda-news.kz/">Kyzylorda-news.kz</a>. Қызылорда қаласының әкімі Ғанибек Қазантаев коронавирусқа қарсы екпе алуға үндеу жариялады.
Құрметті жерлестер!
Қазіргі эпидемиологиялық жағдайға байланысты еліміздегі қалыптасқан қиын кезеңнен жақсы хабардарсыздар. Бұл дүйім жұртты дүрліктіріп, дерт дендеген уақытта саулықтың кепілі сақтықта екендігін түсініп, барлығымыз елдің амандығына алаңдап, жақынымызға жанашыр бола түстік. Алайда қауіпсіздікті ұмытып, босаңсуға, бейқамдық танытуға әлі де ерте. Індетті жеңу үшін бірлігіміз бен ынтымағымызды сақтай отырып, сақтық шараларын қатаң ұстанып, жеке бас пен жақындарымыздың, қоғамның қауіпсіздігіне жоғары жауапкершілікпен қарауды осы қалыпта жалғастырғанымыз абзал. Қоғам болып жұмылсақ қана індетпен күресте жақсы нәтижеге қол жеткізетіндігімізді дәлелдеп келеміз.
Сонымен қатар қауіпті індетті жеңіп шығу үшін вакцина егудің де қажеттілігін естен шығармай, өз денсаулығына, жақындарының амандығына алаңдаған әрбір қызылордалықтың вакцина салдырғаны маңызды.
Бүгінде қала бойынша 30 мың 203 тұрғын коронавирусқа қарсы вакцина алып үлгерді. Қала бойынша 10 емханада екпе салу жұмыстары қарқынды жүргізілуде. Мен де 60-тан асқан шағымда өзімнің, отбасымның қауіпсіздігі үшін Спутник V вакцинасының 2 компонентін толық алдым. Денсаулығым бірқалыпты, екпе ағзама ешқандай теріс әсерін берген жоқ. Сондықтан қала тұрғындарын екпе алудан жүрексінбей, қоғам үшін маңызды бұл кезеңде вакцина салдыруда белсенді болуға шақырамын!
<img src="https://kyzylorda-news.kz/wp-content/uploads/2021/05/fb_img_1620716208557.jpg" alt="" />

Қызылорда қаласының әкімі үндеу жариялады

<a href="https://kyzylorda-news.kz/">Kyzylorda-news.kz</a>. «Бастамаларды қолдау» қоғамдық бірлестігі жақында Қызылорда қаласы тұрғындары үшін «Ұлт денсаулығы – басты назарда» жобасы аясында онлайн дөңгелек үстел ұйымдастырды.
Шараны өткізудегі мақсат Қызылорда облысындағы денсаулық сақтау саласына әлеуметтік зерттеу жүргізу арқылы және мемлекеттік органдармен, азаматтық қоғамдастықпен және бизнес-құрылымдармен конструктивті диалог және ынтымақтастық құру арқылы денсаулық сақтау саласын жақсартуға үлес қосу.
Онлайн шарада қоғамдық бірлестіктің атқарушы директоры Жанат Сапаржанова өткен жылдың желтоқсан айынан басталған «Ұлт денсаулығы – басты назарда!» жобасының жүзеге асырылу барысына тоқталып өтті.
Жанат Сапаржанованың айтуынша, жоба аясында Қызылорда облысының денсаулық сақтау жүйесі бойынша онлайн сауалнама жүргізіліп, қоғам өкілдерімен жекелеген интервьюлер өткізілген, сондай-ақ облыс көлемінде жекелеген азаматтардың денсаулығы бойынша мәселелері қаралып, шешілу жолдары талқыланған.
Онлайн сауалнама нәтижесінде Қызылорда облысы тұрғындарының жалпы денсаулық сақтау жүйесі бойынша пікірі жинақталып, денсаулық сақтау саласына баға берілген. 2016 жылы жүргізілген сауалнама нәтижесімен салыстырғанда Қызылорда облысының денсаулық сақтау жүйесінде оң өзгерістер бар. Дегенмен, сауалнама арқылы денсаулық сақтау жүйесінің кемшін тұстары да анықталған.
Бұл ретте ең басты мәселелердің бірі мемлекеттік емханалар мен ауруханаларда мамандардың тапшылығына, сонымен қатар, мемлекеттік медициналық қызмет көрсететін ұйымдарды сапалы құрал-жабдықпен қамтамасыз етіп, арнайы медицина мамандарын сол құрал-жабдықпен жұмыс жасау бойынша біліктіліктерін арттыруға қатысты көтерілуде.
Дөңгелек үстел барысында бірнеше Қызылорда қаласы тұрғындарының денсаулығына қатысты, медициналық ұйымдардан қызметтерді сапалы ала алмауы мәселелері талқыланды.
Шараға мәселелерін айта келген қызылордалықтардың бірі емханада жасалған қан сараптамаларының сапасына қатысты сын айтса, енді бірі белгілі бір науқасымен есепте тұрған ата-анасына тиісті ем-домын тегін ала алмай отырғандығын, келесі қызылордалық сирек кездесетін қан ауруына шалдыққан 6 жасар баласының денсаулығына қатысты дәрігерлерден сапалы қызмет алуға мүмкіндігі болмай тұрғандығын, енді бір қызылордалық мектеп жасына келіп қалған немересінің әлі күнге сөйлей алмайтындығын, денсаулығына қатысты статусын анықтай алмай, сандалып жүргендігін атап өтті.
Шараны ұйымдастырушылар әр кейсте көрсетілген кейіпкерлердің тіркелген медициналық ұйымның жауапты мамандарымен сол жерде байланысқа шығып, шешу жолдарын бірге талқылады. Нәтижесінде дөңгелек үстелде көтерілген мәселелер бойынша тиісті емхананың жауапты мамандары жеке-жеке қарап, сөйлеуден мәселесі бар баланың денсаулығына қатысты нақты бағыт-бағдар беріліп, бүгінде туыстары мүгедектікке шығару үшін құжаттарын әзірлеуде.
Өз кезегінде қоғамдық бірлестік тұрғындардың денсаулығына қатысты мәселелерге бей-жай қарамай, оңтайлы, әрі жедел шешілуіне ықпал еткен, жобаны жүзеге асыруда әріптестік негізде қолдау көрсетіп келе жатқан облыстық денсаулық сақтау басқармасына алғыстарын жеткізді.
Айта кету керек, «Бастаманы қолдау» қоғамдық бірлестігі Қызылорда облысында «Ұлт денсаулығы – басты назарда» жобасын жүзеге асыруда. Жобаны АҚШ-тың Халықаралық даму агенттігі (USAID) қаржыландыратын Орталық Азиядағы азаматтық қоғамды қолдау бағдарламасы аясында Еуразия қоры қолдауда.

Қызылорда: «Бастамаларды қолдау» бірлестігі бірнеше тұрғынның мәселесін шешті

<a href="https://kyzylorda-news.kz/">Kyzylorda-news.kz</a>. Соңғы қоңырау аясында мұғалімдерге сыйлық алуға тыйым салынған. Бұл туралы ҚР Білім және ғылым вице-министрі Шолпан Каринова мәлім етті, деп хабарлайды ҚазАқпарат.
<blockquote>
 «Соңғы қоңырау әдеттегідей 25 мамырда өткізіледі. Биылғы шектеу іс-шаралары ескеріліп, бірнеше формат ұсынылмақ. Біріншіден, дәстүрлі түрде ашық таза ауада 9 және 11-сынып оқушылары үшін, сондай-ақ 300-ге дейін оқушысы бар әрі осы уақытқа дейін штаттық режимде оқытып келе жатқан мектептер өткізе алады. Сонымен қатар, екі нұсқа ұсынылып отыр, яғни сынып ішінде немесе онлайн түрде өткізу қарастырылған. Қажет деп санаса, сынып ішінде өткізу нұсқасы ұсынылады. Ал қашықтан оқытып жатқандар үшін соңғы қоңырау мерекесі онлайн режимде болады», – Ш. Каринова министрліктің аппарат жиналысында.
</blockquote>
Мұнымен қоса ол оқу жылының аяқталуына байланысты педагогикалық қағидатты сақтау үшін әртүрлі сыйлықтарды алуға рұқсат етілмейтінін еске салды.
<blockquote>
 «Жалпы, соңғы қоңырауды өткізудің негізгі мақсаты – барлық мектеп оқушылары үшін белгілі бір сыныпты аяқтап, келесі сыныпқа өту және жазғы демалыстың басталуы. Ал мектеп түлектері 9 және 11 сыныптар үшін мектеп бітіру іс-шарасы болып саналады. Атап айтқанда, штаттық режимде (соңғы қоңырау) өткізілетін жағдайда барлық санитарлық талаптардың қатаң сақталуын мектеп әкімшілігі назарға алуы тиіс. Әр оқушымен, әр мектеп бітірушімен келетін ата-ананың саны бірден аспауы керек. Мұның өзі санитарлық талаптарды сақтауға мүмкіндік береді», – деді вице-министр.
</blockquote>

Биыл соңғы қоңырау қалай өтеді?

<a href="https://kyzylorda-news.kz/">Kyzylorda-news.kz.</a> Қазақстанның барлық өңірінің тұрғындары&nbsp;<a href="https://enbek.kz/kk">Enbek.kz</a>&nbsp;– Электронды еңбек биржасы порталы арқылы халықты жұмыспен қамту орталықтарының қызметтерін онлайн ала алады, деп хабарлайды еңбек және халықты әлеуметтік қорғау министрлігінің баспасөз қызметі.
Халықты жұмыспен қамту орталықтарының қызметтерін қашықтан көрсету бойынша пилоттық жоба былтыр қарашада іске қосылған болатын. Биыл 5 қаңтардан бастап бұл мүмкіндік республиканың 40 қаласының тұрғындарына, ал мамырдан бастап барша қазақстандыққа берілді.
<blockquote>
 “Жұмыс іздеп, жұмыспен қамту орталығына барғысы келетін азаматтарға үйден шығудың қажеті жоқ. Мұның бәрін бірнеше минут ішінде&nbsp;<a href="https://enbek.kz/kk">Enbek.kz</a>&nbsp;порталында жасауға болады. Ол үшін тек интернеті бар компьютер мен электронды цифрлық қолтаңба болуы керек. Қызмет толықтай автоматтандырылған. Бұл дегеніміз, егер үш жұмыс күні ішінде порталда адамға лайықты жұмыс табылмаса, онда Электронды еңбек биржасы ол адамды автоматты түрде жұмыссыз ретінде тіркейді. Осылайша адами фактор толығымен жойылады”, – деді еңбек және халықты әлеуметтік қорғау вице-министрі Ербол Оспанов.
</blockquote>
Министрліктің ақпаратынша, еңбек биржасындағы “Жеке кабинетте” қазақстандықтар жұмыс іздеуші немесе жұмыссыз ретінде есепке тұра алады және тіркеудің барлық кезеңін қадағалай алады. Ол үшін электронды цифрлық қолтаңбаны пайдаланып, ЭЕБ-да тіркеуден өту қажет.
Жұмыссыз мәртебесін алғаннан кейін азаматтар (әлеуметтік сақтандыру жүйесіне қатысушылар) жұмысынан айырылу бойынша әлеуметтік төлемге онлайн өтінім жібере алады және мемлекет субсидиялайтын жұмыс орындарын – жастар практикасын, әлеуметтік жұмыс орындарын, қоғамдық жұмыстарды өз бетінше таңдауға мүмкіндігі бар.
Қазақстандықтар жұмыс іздеп жүрген адам ретінде Электронды еңбек биржасында онлайн тіркелуді мына&nbsp;&nbsp;<a href="https://www.enbek.kz/docs/ru/how-to-get-state-employment-support">сілтеме</a>&nbsp;бойынша ала алады.
Жыл басынан бері қызметтерді қашықтықтан алу мүмкіндігін 34 мыңнан астам адам пайдаланды. 30 мың азамат жұмыссыз мәртебесін алды.

Жұмыссыз қалған қазақстандықтар үшін жақсы жаңалық жарияланды

Kyzylorda-news.kz. Қазақстанда 1 698 893 адамға коронавирус вакцинасы егілді, деп хабарлайды ҚР Денсаулық сақтау министрлігінің баспасөз қызметі.
Бүгінгі мәлімет бойынша, Қазақстанда 1 698 893 адам коронавирус вакцинасының бірінші компонентін салдырды. Екінші компонентті салдырғандар саны – 625 753 адам .
Нұр-Сұлтан – I компонент 129 861, II компонент 52 018
Алматы қаласы – I компонент 255 383, II компонент 128 439
Шымкент қаласы – I компонент 148 953, II компонент 53 275
Ақмола облысы – I компонент 58 780, II компонент 18 905
Ақтөбе облысы – I компонент 65 377, II компонент 24 511
Алматы облысы – I компонент 181 089, II компонент 74 043
Атырау облысы – I компонент 39 878, II компонент 14 116
ШҚО – I компонент 97 424, II компонент 34 016
Жамбыл облысы – I компонент 85 509, II компонент 25 697
БҚО – I компонент 57 444, II компонент 21 947
Қарағанды облысы – I компонент 134 831, II компонент 46 557
Қостанай облысы – I компонент 61 573, II компонент 20 835
Қызылорда облысы – I компонент 70 528, II компонент 17 385
Маңғыстау облысы – I компонент 32 656, II компонент 10 918
Павлодар облысы – I компонент 63 725, II компонент 23 303
СҚО – I компонент 55 891, II компонент 20 141
Түркістан облысы – I компонент 159 991, II компонент 39 647
Барлығы ҚР бойынша – I компонент 1 698 893, II компонент 625 753 адам салдырды.

Covid-19: Қызылордада 70 мыңнан астам адам вакцина салдырды

<a href="https://kyzylorda-news.kz/">Kyzylorda-news.kz.</a> Қызылорда қалалық пробация қызметі есепте тұратын жалғызбасты анаға көмек көрсетті.
Мереке қарсаңында қалалық пробация қызметкерлері «Ел Арай» қоғамдық қорымен бірлесіп, тұрмыс жағдайы төмен, жалғызбасты анаға көмек қолын созды.
<blockquote>
 «Бұл азаматша пробация есебіне алынғалы бері психологиялық, әлеуметтік-құқықтық көмек түрлерін көрсеттік. Баспанасы жоқ азаматшаны «Аналар үйіне» орналастырдық. Қоғамдық қор арқылы азық-түлікпен балаларына киімдер және тұрмыстық заттар берілді. Пробация есебіне бақылауға алынған әрбір азаматтың жағдайына зерделеу жүргіземіз, қажет болған жағдайда тиісті көмек түрлерін көрсетеміз», – деді қалалық пробация бастығы әділет подполковнигі Б.Наурызбаев.
</blockquote>
Есепте тұрған сотталған жалғызбасты ана отбасына мерекелік көңіл-күй сыйлаған қалалық пробация қызметі мен «Ел-Арай» қоғамдық қорына алғысын айтты.
<img src="https://kyzylorda-news.kz/wp-content/uploads/2021/05/whatsapp-image-2021-05-05-at-10.22.59-scaled.jpeg" alt="" />

Қызылордада пробация есебіндегі жалғызбасты анаға көмек көрсетілді

<a href="https://kyzylorda-news.kz/">Kyzylorda-news.kz</a>. ҚР білім және ғылым министрлігі шет тілдер және іскерлік карьера университеті лицензиясының күшін тоқтатты, деп хабарлайды&nbsp;<a href="https://stan.kz/">Stan.kz</a>.
ҚР БҒМ Білім және ғылым саласында сапаны қамтамасыз ету комитетіне Шет тілдер және іскерлік карьера университетінің білім сапасына қатысты шағым келіп түсті. Осыған байланысты жоғары оқу орнында жоспардан тыс тексеру жүргізілді. Оқу процесінің ұйымдастырылуын бақылау қорытындысы бойынша университет лицензиясын заң бұзушылықтарды жойғанға дейін тоқтату туралы шешім қабылданды.
Жүргізілген бақылау барысында Шет тілдер және іскерлік карьера университеті студенттерінің білімі тексерілді. Білім алушылардың 97%-ы шекті балды еңсере алмады.
<blockquote>
 “Жоспардан тыс тексеру барысында ЖОО-да сабақтар кесте бойынша өткізілмейтіні анықталды. Білім алушылардың оқу жетістіктерін тексеру нәтижелері ЖОО-дағы білім беру сапасының төмен деңгейін көрсетті. Одан бөлек, оқу орны кадрлар даярлау бойынша жұмыс берушілермен белсенді жұмыс істемейтіні де байқалды. Шет тілдер және іскерлік карьера университетінде академиялық адалдық қағидаттары да сақталмайды. Мәселен, ШТІКУ студенттерінің курстық жұмыстары өзге адамның еңбегін көшіріп алуды тексеру жүйесінен өтпейді, ал дипломдық жұмыстар бойынша академиялық қағидалар бұзылғаны анықталса да қорғауға жіберілген жағдайлар тіркелді. Жалпы, университет білім беру саласындағы заңнаманы өрескел бұзуға жол берген”, – деді Білім және ғылым саласында сапаны қамтамасыз ету комитетінің төрайымы Гүлзат Көбенова.
</blockquote>
Заңнамаға сәйкес ЖОО лицензиясының күші тоқтатылған жағдайда, студенттер оқу орнында анықталған бұзушылықтардың жойылуын күтпей-ақ, басқа жоғары оқу орындарына ауыса алады.

Қазақстанда тағы бір университеттің лицензиясы тоқтатылды

<a href="https://kyzylorda-news.kz/">Kyzylorda-news.kz</a>. Коронавирустан бас көтере алмай жатқан Үндістанда тағы бір ауру шықты, деп хабарлайды <a href="https://www.inform.kz/kz/undistanda-tagy-bir-auru-tarap-zhatyr_a3786140">ҚазАқпарат</a>.
Мамандардың айтуынша, бұл дертке коронавирустан жазылған азаматтардың шалдығуы жиілеген. Ауру адамның мұрыны мен таңдайын шірітіп, безгек тудырады. Мұндай микроб әдетте топырақта, өсімдікте, шіріген жеміс-жидекте кездеседі.

Қазақстан және Қызылорда облысының жаңалықтары