<a href="https://kyzylorda-news.kz/">Kyzylorda-news.kz.</a> Қызылорда қалалық пробация қызметі есепте тұратын жалғызбасты анаға көмек көрсетті.
Мереке қарсаңында қалалық пробация қызметкерлері «Ел Арай» қоғамдық қорымен бірлесіп, тұрмыс жағдайы төмен, жалғызбасты анаға көмек қолын созды.
<blockquote>
 «Бұл азаматша пробация есебіне алынғалы бері психологиялық, әлеуметтік-құқықтық көмек түрлерін көрсеттік. Баспанасы жоқ азаматшаны «Аналар үйіне» орналастырдық. Қоғамдық қор арқылы азық-түлікпен балаларына киімдер және тұрмыстық заттар берілді. Пробация есебіне бақылауға алынған әрбір азаматтың жағдайына зерделеу жүргіземіз, қажет болған жағдайда тиісті көмек түрлерін көрсетеміз», – деді қалалық пробация бастығы әділет подполковнигі Б.Наурызбаев.
</blockquote>
Есепте тұрған сотталған жалғызбасты ана отбасына мерекелік көңіл-күй сыйлаған қалалық пробация қызметі мен «Ел-Арай» қоғамдық қорына алғысын айтты.
<img src="https://kyzylorda-news.kz/wp-content/uploads/2021/05/whatsapp-image-2021-05-05-at-10.22.59-scaled.jpeg" alt="" />

Қызылордада пробация есебіндегі жалғызбасты анаға көмек көрсетілді

<a href="https://kyzylorda-news.kz/">Kyzylorda-news.kz</a>. ҚР білім және ғылым министрлігі шет тілдер және іскерлік карьера университеті лицензиясының күшін тоқтатты, деп хабарлайды&nbsp;<a href="https://stan.kz/">Stan.kz</a>.
ҚР БҒМ Білім және ғылым саласында сапаны қамтамасыз ету комитетіне Шет тілдер және іскерлік карьера университетінің білім сапасына қатысты шағым келіп түсті. Осыған байланысты жоғары оқу орнында жоспардан тыс тексеру жүргізілді. Оқу процесінің ұйымдастырылуын бақылау қорытындысы бойынша университет лицензиясын заң бұзушылықтарды жойғанға дейін тоқтату туралы шешім қабылданды.
Жүргізілген бақылау барысында Шет тілдер және іскерлік карьера университеті студенттерінің білімі тексерілді. Білім алушылардың 97%-ы шекті балды еңсере алмады.
<blockquote>
 “Жоспардан тыс тексеру барысында ЖОО-да сабақтар кесте бойынша өткізілмейтіні анықталды. Білім алушылардың оқу жетістіктерін тексеру нәтижелері ЖОО-дағы білім беру сапасының төмен деңгейін көрсетті. Одан бөлек, оқу орны кадрлар даярлау бойынша жұмыс берушілермен белсенді жұмыс істемейтіні де байқалды. Шет тілдер және іскерлік карьера университетінде академиялық адалдық қағидаттары да сақталмайды. Мәселен, ШТІКУ студенттерінің курстық жұмыстары өзге адамның еңбегін көшіріп алуды тексеру жүйесінен өтпейді, ал дипломдық жұмыстар бойынша академиялық қағидалар бұзылғаны анықталса да қорғауға жіберілген жағдайлар тіркелді. Жалпы, университет білім беру саласындағы заңнаманы өрескел бұзуға жол берген”, – деді Білім және ғылым саласында сапаны қамтамасыз ету комитетінің төрайымы Гүлзат Көбенова.
</blockquote>
Заңнамаға сәйкес ЖОО лицензиясының күші тоқтатылған жағдайда, студенттер оқу орнында анықталған бұзушылықтардың жойылуын күтпей-ақ, басқа жоғары оқу орындарына ауыса алады.

Қазақстанда тағы бір университеттің лицензиясы тоқтатылды

<a href="https://kyzylorda-news.kz/">Kyzylorda-news.kz</a>. Коронавирустан бас көтере алмай жатқан Үндістанда тағы бір ауру шықты, деп хабарлайды <a href="https://www.inform.kz/kz/undistanda-tagy-bir-auru-tarap-zhatyr_a3786140">ҚазАқпарат</a>.
Мамандардың айтуынша, бұл дертке коронавирустан жазылған азаматтардың шалдығуы жиілеген. Ауру адамның мұрыны мен таңдайын шірітіп, безгек тудырады. Мұндай микроб әдетте топырақта, өсімдікте, шіріген жеміс-жидекте кездеседі.

Тағы бір ауру тарай бастады

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2 329 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 364, Алматы қаласы – 581, Шымкент қаласы – 99, Ақмола облысы – 145, Ақтөбе облысы – 38, Алматы облысы – 274, Атырау облысы – 87, Шығыс Қазақстан облысы – 77, Жамбыл облысы – 67, Батыс Қазақстан облысы – 44, Қарағанды облысы – 286, Қостанай облысы – 27, Қызылорда облысы – 61, Маңғыстау облысы – 68, Павлодар облысы – 43, Солтүстік Қазақстан облысы – 21, Түркістан облысы – 47.
Қазақстан бойынша жазылғандар саны – 301 857.

Қызылордада тағы 61 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда 10 мамырдағы эпидемиологиялық жағдай бойынша ПТР арқылы 1 766 адамда коронавирус індеті расталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 249, Алматы қаласы – 430, Шымкент қаласы – 75, Ақмола облысы – 114, Ақтөбе облысы – 24, Алматы облысы – 125, Атырау облысы – 38, Шығыс Қазақстан облысы – 79, Жамбыл облысы – 42, Батыс Қазақстан облысы – 108, Қарағанды облысы – 262, Қостанай облысы – 25, Қызылорда облысы – 27, Маңғыстау облысы – 13, Павлодар облысы – 119, Солтүстік Қазақстан облысы – 12, Түркістан облысы – 24.
Жалпы ел бойынша ауырғандар саны 346 497.

Қызылордада өткен тәулікте 27 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігінде атмосфералық фронталды бөліктердің өтуіне байланысты күн құбылмалы болады, деп хабарлайды Қазгидромет.
Қазақстаның басым бөлігінде найзағай ойнап, жаңбыр жауады. Республика бойынша тұман түсіп, найзағай ойнап, жел күшейіп, дауыл тұрады, бұршақ жаууы ықтимал.
Ақмола, Қостанай облыстарының кей жерлерінде тұман түсіп, жел 15-20 м/с-қа дейін күшейеді.
Жамбыл, Қарағанды облыстарының кей жерлерінде найзағай ойнап, тұман түседі, күндіз жел 15-20 м/с жылдамдықпен ұйтқиды. Жамбыл облысында бұршақ жаууы ықтимал.
Шығыс Қазақстан, күндіз Павлодар, Қызылорда облыстарының кей жерлерінде жел 15- 20 м/с жылдамдықпен соғады. Күндіз Шығыс Қазақстан облысының кей жерлерінде найзағай ойнайды.
Атырау, Маңғыстау облыстарының кей жерлерінде найзағай ойнап, түнде Маңғыстау облысында жел 15- 20 м/с жылдамдықпен соғады.
Алматы, Батыс Қазақстан облыстарының кей жерлерінде найзағай ойнап, жел 15- 20 м/с жылдамдықпен ұйтқиды, бұршақ жаууы ықтимал. Батыс Қазақстан облысының кей жерлерінде дауыл тұрады.
Түркістан облысының кей жерлерінде жел 15-20 м/с-қа дейін күшейеді, тауда найзағай ойнайды.
Солтүстік Қазақстан облысының кей жерлерінде 1 градус үсік жүреді. Қызылорда облысының кей жерлерінде өте жоғары өрт қаупі сақталады.

11 мамырда ауа райы қандай болады?

Kyzylorda-news.kz. Күні кеше әлеуметтік желілерде облыс көлемінде жария етілген мемлекеттік сатып алу конкурстарына сын-пікірлер білдіріліп, оның ішінде туризм саласындағы қатысты іс-шара бойынша сұрақтар туындады. Осыған орай, осы мәселе бойынша түсіндірме беруді жөн көрдік.
Жалпы, туризм саласы елімізде, соның ішінде өңірімізде кенже қалғаны рас. Оның үстіне, былтыр әлемді шарпыған пандемия саланың дамуына кері әсер етті.
Нәтижесінде 2020 жылы Республикаға келушілер саны 3,5 млн адам құрап (2019 жыл – 6,2 млн адам), 2019 жылмен салыстырғанда 43,6 пайызға азайды.
Оларға орналастыру орындарымен 66,8 млрд теңгенің қызметі көрсетіліп (2019 жыл –120,5 млрд теңге), 44,6 пайызға төмендеді.
Ал, Қызылорда облысына келушілердің саны 50704 адамды құрап (2019 жыл -71 669 адам), 2019 жылмен салыстырғанда 29 пайызға азайса, орналастыру орындарымен 723,5 млн теңге (2019 жылдың 9 айы –1 млрд 84 млн теңге) көлемінде қызметтер көрсетіліп, 33 пайызға төмендеді.
Өткен жылы Қазақстан Республикасы Президенті Қасым-Жомарт Кемелұлы Тоқаевтың тапсырмасымен имидждік іс-шараларға қарастырылған қаражат көлемі қысқартылып, облыстық бюджетке кері қайтарылды.
Дегенмен, бұған қарамастан бюджет қаражатынсыз жоспардағы жұмыстар тоқтаған жоқ.
Мәселен, Қызылорда облысының кәсіпкерлік және туризм басқармасының ұйымдастыруымен туристік фирмалардың өкілдеріне «Байқоңыр» ғарыш айлағы мен «Қорқыт ата» мемориалдық кешеніне ақпараттық тур, «Vizit Qyzylorda» туристік фирмасымен бірлесіп мүмкіндігі шектеулі балаларға Қызылорда қаласында сити-тур, 27 қыркүйек – Дүниежүзілік туризм күніне орай жоғарғы оқу орындарының студенттеріне «Сығанақ» қалашығына ақпараттық-тур, Халықаралық Аралды құтқару қорының Қазақстан Республикасындағы атқарушы Дирекциясы және «Барсакелмес» қорығының мамандарымен бірлесіп Арал ауданындағы «Возрождение» аралына экспедиция ұйымдастырылды.
Осының негізінде, бүгінгі күні Арал қорымен бірлесіп «Возрождение» аралындағы көне қалдық кемелер орналасқан аймақтан аспан асты мұражай ашу жұмыстарын қолға алдық.
Сонымен қатар, «Asyl Mura» танымдық бағытында волонтерлардың қатысуымен Қазалы ауданындағы көне «Жанкент» қалашығына ақпараттық-тур, 16 желтоқсан – ҚР Тәуелсіздік күні мерекесі қарсаңында мектеп оқушыларына «Тірі сабақ» (живой урок) пилоты негізінде Қызылорда қаласы ішінде «сити тур» ұйымдастырылды.
Бұл жұмыстар биыл да жалғасын тауып, ақпанның басында «Шуақты бөбек» қайырымдылық қорының қарауындағы балалар үшін қалаішілік сити-тур өткізілді.
Жалпы, аймақтың туристік әлеуетін туристік дестинацияларға баратын инфрақұрылым жағдайын жақсарту және имидждік шараларсыз дамыту қиын.
Осы орайда, өткен жылдың соңы мен осы жылдың басында әлеуметтік желі қолданушылар және қоғам белсенділерімен кездесіп, биылғы жоспарымызды айқындадық.
Айта кеткен жөн, кездесу өткізуден бұрын алдын-ала «Facebook» әлеуметтік желісіндегі Басқарманың ресми парақшасында хабарландыру берілді.
Сондай-ақ, ақпан айында облыс әкімі Г.Н. Әбдіқалықованың төрағалығымен туризм саласын дамыту туралы арнайы мәжіліс өткізіліп, алдағы мақсаттарымызды белгіледік.
Соның нәтижесінде осы жылы облысқа 45 000 адам келеді деп болжанып, 7,1 млрд тг қаржы болатын 9 нысанды іске қосу және жаңадан 150 тұрақты, құрылыс кезеңінде 110 жұмыс орнын құру жоспарланды.
Бұл іске қосылатын нысандар өз кезегінде өңірімізде туризм саласының дамуына оң септігін тигізеді деп жоспарлап отырмыз.
Атап өткен жөн, қолданыстағы заңнамаға сәйкес туризм саласындағы келушілер саны туралы ақпарат облыстағы орналастыру орындарымен тапсырылатын статистикалық есеп негізінде қалыптастырылады.
Қазіргі таңда Басқарма статистикалық есепке орналастыру орындарынан бөлек, жағажай, демалыс аймақтарын енгізу бойынша жұмыстар жүргізуде.
Сонымен бірге, облыстық жобалық кеңсе аясында «Visitorda.kz» ресми ақпараттық-туристік сайты әзірленіп, осы жылдың 1-жартыжылдығында іске қосылады. Одан әрі сайттың мобильдік қосымшасын әзірлеуге кірісеміз.
Сондай-ақ, облыс әкімдігімен, ҚР Мәдениет және спорт министрлігімен келісе отырып «Қызылорда облысының 2021-2023 жылдарға арналған туризм саласын дамыту туралы», «Қолөнер саласын дамыту туралы» жоспарлары бекітілді.
Жоспарға сәйкес туризм саласын дамыту бағытында төмендегі жобалар облыстық бюджеттік комиссиядан қолдау алды.
Олар:
1. «Қолөнер – асыл қазына» қолөнершілер көрмесі – 3,1 млн теңге. Дәстүрлі көрмелер облыстағы қолөнершілердің танымалдылықтарын арттырып, беделдерін көтереді. Сонымен қатар, жұртшылық назарына дәстүрлі қолөнер бұйымдарының көрмесі ұсынылатын болады.
2. «Қонақ үй және мейрамхана бизнесі персоналына менеджмент бойынша семинар-тренинг өткізу»- 5,3 млн. теңге.
Қонақ үй және мейрамхана бизнесінің персоналдарының біліктілігі артады және пандемия жағдайындағы қызмет көрсету кезінде сервис сапасын арттыруға мүмкіндік береді.
3. Қазақстандық туроператорлар, белсенді әлеуметтік желі қолданушылары және БАҚ өкілдері арасында ақпараттық тур ұйымдастыру – 4,1 млн теңге.
Ақпараттық турдың басты мақсаты – Қызылорда облысының туристік әлеуетін БАҚ-тарда, әлеуметтік желілерде жарнамалау болып табылады. Өңірдің танымалдылығы өсіп, аймағымызға келуші туристер, оның ішінде шетелдік туристер санының артуына ықпал жасайды.
4. 4К форматында түсірілген «Қызылорда облысының туристік әлеуеті», «Ғарыштық туризм» және «Медициналық туризм» тақырыптарында 3 видеоролик дайындау – 14,2 млн теңге.
Әлемдік тәжірибеде туристік әлеуетті дамытудың ең тиімді әдісі – жарнамалық бейнероликтер жасау. Жарнамалық бейнероликтер әлеуметтік желілерде таратылып, «Kazakh Tourism», «Kazakh Invest» АҚ арқылы инвесторларға ұсынылатын болады.
Құрметті достар!
Байқасаңыздар, соңғы уақытта еліміздің басқа өңірлерінде туризм саласын дамытуға жақсы мән беріліп келеді.
Осы орайда, көзделген жұмыстарды жоғары деңгейде ұйымдастыруға атсалысып, жоспарланған шараларға қатысуға шақырамыз.
Бұл өз кезегінде өңіріміздің туристік әлеуетін арттырып, оң имидж қалыптастыруға мүмкіндік береді деген сеніміміз мол.
Қорыта келе, Басқарма кәсіпкерлік, сауда және туризм салалары бойынша «Ашық диалог» жүргізуге әрқашан дайын екендігін хабарлайды.
Кез-келген сұрақтарыңыз бойынша кездесіп, пікір алмасуға әрқашан ынталымыз.
Кері байланыс: 8/7242/70-54-87, 8/7242/40-10-56;
tourismkzo@gmail.com;401056@mail.kz;
Мекен-жайымыз: Қызылорда қаласы, Қорқыт Ата көшесі № 123, «Бизнеске арналған үкімет» ғимараты, 2 қабат, 212 бөлме.
Қызылорда облысының кәсіпкерлік
және туризм басқармасы

Қызылорда: Пандемия тұсындағы туризм саласының әлеуеті қандай?

Kyzylorda-news.kz. Бүгін қала әкімі Ғанибек Қазантаев қоғамдық көлікке мініп, жолаушылар тасымалының сапасын және әлеуметтік маңызы бар бағыттардағы жол ақысын төлеудің электрондық жүйесінің пайдаланылу деңгейін назарға алды.
Қоғамдық көлікке мінген қала әкімі автобустардың тазалығына көңіл аударып, тұрғындармен тілдесіп, жолаушылар тасымалына қатысты пікірлерін тыңдады.
Қазіргі таңда қалаішілік 25 бағытқа және 8 қала маңына қатынайтын барлығы 33 бағытқа, 585 автобус екі ауысыммен қызмет көрсетсе, оның 135-і автопарк теңгеріміндегі автобустар. Жеке тасымалдаушылармен келісім шарт негізінде 450 дана автобус халыққа қызмет көрсетіп келеді.
Айта кетейік, 2020 жылы әлеуметтік маңызы бар 5 бағытқа жол ақысын төлеудің электрондық жүйесі енгізілген болатын. Өткен жылы 57 мыңға жуық тұрғын аталған жүйенің игілігін көрсе, 2021 жылы 413 мың 589 жолаушы жол ақысын төлеуде электрондық төлем түрлерін пайдаланған. Бұл қоғамдық көлік қызметін пайдаланған жолаушылардың 40% құрайды.
<img src="https://kyzylorda-news.kz/wp-content/uploads/2021/05/fb_img_1620629313812.jpg" alt="" />

Қоғамдық көлік: Қызылордада 450 жеке автобус халыққа қызмет көрсетіп келеді

Kyzylorda-news.kz. Қазақстан Журналистер одағы журналистика күніне орай конкурс жариялайды.
Қазақстанда 2021 жылы тәуелсіздіктің 30 жылдығы атап өтіледі. Осы тарихи датаға байланысты бұл тақырып бұқаралық ақпарат құралдары арасында 28 маусымда өтетін Журналистика күніне арналған дәстүрлі байқауда басымдыққа ие болады. Сондай-ақ, конкурста журналистерге басқа тақырыптарды да таңдауға мүмкіндік беріледі.
Байқау материалдарына қойылатын басты талап: тақырыпты объективті, жан-жақты, терең зерттеу, мәселеге өзіндік, шығармашылық көзқараспен қарау, өзектілік және жылдамдылық. Тиісті тақырып бойынша топтама материалдарға басымдық беріледі.
Конкурсқа 2021 жылдың 1 қаңтарынан 2021 жылдың 1 маусымына дейінгі кезеңде жарияланған немесе эфирге шыққан материалдар, фотосуреттер, радио-бейне сюжеттер қабылданады. Конкурсқа материалдарды қабылдау 10 маусымда аяқталады.
Жарияланған материалдардың сілтемелері мен сіздің жеке деректеріңіз электронды түрде мына электронды поштаға жіберілуі керек: union-press@kazmedia.kz. Сауалнамада жұмыс орныңызды, лауазымыңызды, мекен-жайыңызды, телефон нөміріңізді және материалдар қандай басылымдарда жарияланғанын көрсетуіңіз керек.
Конкурс нәтижелері 18 маусымда жарияланып, марапаттау рәсімі 2021 жылы 28 маусымда Алматыда өтеді.
Байқаудың қазылар алқасының құрамы және басқа да маңызды мәліметтер ҚР Журналистер одағының <a href="https://m.facebook.com/story.php?story_fbid=1171113933353688&id=222451261553298">Facebook</a>-тегі парақшасында жарияланады.

Қазақстан Журналистер одағы журналистика күніне орай конкурс жариялайды

<a href="https://kyzylorda-news.kz/">Kyzylorda-news.kz.</a>&nbsp; Түркиядағы күрделі эпидемиологиялық жағдайға байланысты Қазақстан өз азаматтарына бұл елге саяхат жасаудан бас тартуға кеңес береді. Алайда шекараның ашық болуы демалысты түрік елінде өткізуге мүмкіндік беріп отыр. Түркияға сапар шегуге бекінген қазақстандықтар нені білуі тиіс?
<h3 id="">Түркияға бару үшін ПТР-тест қажет пе?</h3>
Түркияға бет алған қазақстандықтар, жалпы барлық басқа ел азаматтары коронавирус жұқтырмағанын растайтын ПТР-тест тапсыруға міндетті.
Инфекция жұқтырмағанын растайтын анықтаманы ұшып шығатын елдегі әуежайда көрсету қажет. Құжат анализ тапсырғаннан кейін 72 сағат бойы жарамды. Егер жолаушы әуежайға анықтамасыз әуежайға келсе, онда оған ұшаққа отыруға тыйым салынады. Бұл талап транзиттік жолаушылар мен алты жасқа дейінгі балаларға қатысты емес.
<h3 id="-1">Түркияға арналған онлайн-форма: қалай тапсырады</h3>
2021 жылдың 15 наурызынан бастап Түркия билігі ұшуға дейін 72 сағат бұрын туристердің арнайы онлайн-форманы толтыруын талап етіп отыр. Бұл коронавируспен ауырған немесе коронавирус жұқтырған адамдармен байланыста болған туристер туралы толық ақпаратты білу үшін қажет.
Арнайы үлгіде мына мәліметтерді көрсету қажет: аты-жөні, жынысы, жолға шығу мақсаты, төлқұжат нөмірі, тұрғылықты мекенжайы, ұлты, келу күні және байланыс нөмірлері.
Қағазға басып шығарылған дайын үлгіні немесе оның электронды нұсқасын шекарада көрсету керек. Анкета жоқ болса немесе қате ақпарат көрсетілсе, турист айыппұл төлеуі мүмкін. Ал транзиттік жолаушылар анкета толтырмайды.
<h3 id="-2">Қазақстаннан Түркияға баратын рейстер</h3>
Қазақстанның азаматтық авиация комитеті 21 сәуірде Түркиядағы эпидемиологиялық жағдайдың ушығуына байланысты бұл елге ұшатын рейстер саны қысқарғанын хабарлады.
Қазіргі уақытта Қазақстаннан Түркияға мына рейстермен жетуге болады:
<ul>
<li>Алматы – Стамбул;</li>
<li>Нұр-Сұлтан – Стамбул;</li>
<li>Алматы – Анталья;</li>
<li>Түркістан – Стамбул;</li>
<li>Шымкент – Стамбул.</li>
</ul>
Әуе тасымалын қазақстандық Air Astana, Fly Arystan, Scat әуе компаниялары мен түрік тасымалдаушылары жүзеге асырады.
<h3 id="-3">Түркияда не болып жатыр</h3>
Қазір Түркияда қатаң карантин енгізілген. 7 мамырдан бастап дүкендерде азық-түлік, гигиена құралдары мен үй жануарларына арналған азықты сатуға ғана рұқсат етілді. Электроника, ойыншықтар, канцелярия, киім-кешек, автомобильге қажетті керек-жарақтар, ыдыс-аяқ, бау-бақша жабдықтарын сатуға тыйым салынған.
Айта кету керек, мұсылмандар үшін қасиетті Рамазан айында 13 сәуірден 12 мамырға дейін ел аумағындағы барлық дәмхана мен мейрамхана тек жеткізіп беру режимімен жұмыс істейді.
Егер Түркия билігі толық локдаун режимін ұзарту туралы жаңа шешім шығармаса, елде 29 сәуір сағат 19:00-ден 17 мамыр сағат 05:00-ге дейін бұл режим сақталады. Бұл кезеңде ІІМ тарапынан жекелей келісілгендерден басқа барлық кеңсе жабық болады. Қалааралық жолаушылар тасымалын орындау үшін міндетті түрде рұқсат алу керек. Ал қоғамдық көлік тек 50 проценттік жүктемемен жұмыс істейді.
<h3 id="covid19">COVID-19 жұқтырғандар саны қанша?</h3>
Түркияда осы жылдың сәуірінен бастап коронавируспен байланысты жағдай күрт ушығып кетті. Орта есеппен елде күн сайын 60 мыңға жуық адам вирус жұқтырып отыр. Бүгінгі күні тәулігіне 22-25 мың адамнан коронавирус анықталуда. Жалпы пандемия басталғалы Түркияда 4,9 миллион адам індетке шалдықты, 42 мың адам осы кеселден көз жұмды.
<a href="https://sputnik.kz/">Sputnik Қазақстан</a>

Түркияға сапар: Қазақстандықтар нені білуі тиіс?

<a href="https://kyzylorda-news.kz/">Kyzylorda-news.kz</a>. 7 мамыр – Отан қорғаушылар күніне орай Шиелі ауданында «Жастарға патриоттық тәрбие беру және жастар арасында ұлттық құндылықтарды насихаттау әлеуметтік қызметін ұйымдастыру» жобасы аясында Чернобыль апаты мен Тәжік, Ауған соғысына қатысқан ардагерлермен кездесу өтті.
Аталған шара Шиелі аудандық ішкі саясат бөлімінің жастар ресурстық орталығы мен Қызылорда облысының жастар Одақтары қоғамдық бірлестігінің ұйымдастыруымен Шиелі аудан орталығындағы №46 мектеп-лицейде карантиндік талапқа сай ұйымдастырылды.
Кездесуге Чернобыль апаты мен Тәжік, ауған соғысына қатысқан ардагерлер, аудан орталығының барлық мектептерінен оқушылар қатысты.
Шара барысында Шиелі аудандық ішкі саясат бөлімінің жастар ресурстық орталығының басшысы Біржан Бақтыбайұлы алғаш сөз алып, Отан үшін ерлік көрсеткен ардагер ағаларды мерекемен құттықтады.
Одан соң, Шиелі ауданы бойынша Ауған соғысы ардагерлер кеңесінің төрағасы Берімбетов Серікбай Жаппарбергенұлы шараны ұйымдастырушыларға алғысын жеткізді.
Сондай-ақ, Шиелі аудандық қорғаныс істері бөлімі басшысының орынбасары Қуандықов Жолдасбек Әбдібекұлы Отан қорғаушылар күнімен жиналған қауымды құттықтап, ауданда қорғаныс істері саласында атқарылып жатқан жұмыстарға тоқталды.
Шара соңында Отан үшін елін қорғаған ержүрек ардагерлерге сый-құрмет көрсетіліп, марапаттау рәсімі жасалды.
<a href="https://www.facebook.com/photo/?fbid=1222769551488722&set=pcb.1222772434821767&__cft__%5b0%5d=AZU9lcwmGnPX3En6VQNydrQxwXaKzENap8EmP08mGtMhcBE1rxXBRA0qeYrGX3DmGTAul_oLnFKl-MxiL8hqMZVlvHfQZG4Z8bzoui3kAXFcOh7XMJcJXLFPTCJLSwfCQe0&__tn__=*bH-R"></a>
&nbsp;<a href="https://www.facebook.com/photo/?fbid=1222769551488722&set=pcb.1222772434821767&__cft__%5b0%5d=AZU9lcwmGnPX3En6VQNydrQxwXaKzENap8EmP08mGtMhcBE1rxXBRA0qeYrGX3DmGTAul_oLnFKl-MxiL8hqMZVlvHfQZG4Z8bzoui3kAXFcOh7XMJcJXLFPTCJLSwfCQe0&__tn__=*bH-R"></a>

Шиелілік жастар ардагерлермен кездесті

<a href="https://kyzylorda-news.kz/">Kyzylorda-news.kz.</a> Қазақстанда 1 686 733 адамға коронавирус вакцинасы егілді, деп хабарлайды Денсаулық сақтау министрлігінің баспасөз қызметі.
10 мамырдағы мәлімет бойынша, Қазақстанда 1 686 733 адам коронавирус вакцинасының бірінші компонентін салдырды. Екінші компонентті салдырғандар саны – 604 623 адам .
Нұр-Сұлтан – I компонент 128 864, II компонент 46 833
Алматы қаласы – I компонент 253 174, II компонент 122 625
Шымкент қаласы – I компонент 147 440, II компонент 50 423
Ақмола облысы – I компонент 58 498, II компонент 18 737
Ақтөбе облысы – I компонент 64 719, II компонент 23 894
Алматы облысы – I компонент 180 570, II компонент 71 437
Атырау облысы – I компонент 39 175, II компонент 13 994
ШҚО – I компонент 96 821, II компонент 33 510
Жамбыл облысы – I компонент 84 994, II компонент 25 262
БҚО – I компонент 56 859, II компонент 21 795
Қарағанды облысы – I компонент 133 871, II компонент 43 270
Қостанай облысы – I компонент 60 509, II компонент 20 157
Қызылорда облысы – I компонент 70 434, II компонент 16 986
Маңғыстау облысы – I компонент 32 453, II компонент 10 595
Павлодар облысы – I компонент 63 380, II компонент 22 477
СҚО – I компонент 55 174, II компонент 20 004
Түркістан облысы – I компонент 159 798, II компонент 39 624
Барлығы ҚР бойынша – I компонент 1 686 733, II компонент 604 623

Қазақстан және Қызылорда облысының жаңалықтары