<a href="https://kyzylorda-news.kz/ru/obshestvo/">Kyzylorda-news.kz</a>. Қазақ педагогикасының негізін қалаушы Ы.Алтынсариннің 180 жылдық мерейтойының қорытынды кеші өткізілді.
Бұған дейін ұлт ұстазының есімін қастерлеу мақсатында өңірлер арасында алғашқылардың бірі болып аймақта 10 күндік іс-шаралар жоспарланып, өткізілді. Соның ішінде №10 мектеп-лицейдің ұйымдастыруымен қала мектеп оқушылары мен мұғалімдері арасында ZOOM платформасы арқылы Қостанай қаласы, Жанкелдин ауданында орналасқан Ыбырай Алтынсарин атындағы педагогикалық-мемориалды мұражайына онлайн-саяхат өткізіліп, «Алтынсарин» төсбелгісін иеленген ұстаздар тәжірибе алмасу мақсатында сабақтар өтті.
<blockquote>
 «Барлық кедергілер мен қиындықтарға қарамастан, қазақ халқының зерделі ұрпағын тәрбиелеу жолында талмай еңбек еткен Ұлт Ұстазын біртұтас ұлт болып ұлықтау – ең алдымен біздің, яғни педагогтардың басты парызымыз. Алғаш қазақ мектебін ашқан Алтынсарин атын ел есінде мәңгі қалдыру үшін елімізде оқу орындары мен мекемелерге, көшелерге аты беріліп, мұражай-үйі ашылды. Біздің облыстың өзінде 3 білім беру ұйымы Алтынсарин атымен аталынды. Біз осы атқарылып жатқан жұмыстар арқылы қай кезде де ұлы тұлғалар аманатына адал екенімізді, Алтынсарин мұраларын қадірлеп, қастерлеу әрбіріміздің перзенттік парызымыз екенін айтқым келеді», – деді облыстық білім басқармасының басшысы Ақзира Қасымова.
</blockquote>
Алтынсарин мектептері желісінің қатысуымен республикалық тоғызқұмалақтан жарыс жоғарғы деңгейде ұйымдастырылып, қылқалам шеберлері мен жас ақындардардың, жас мұғалімдер арасында мүшайра мен дебат, сахналық қойылым, мәнерлеп оқу, ғылыми жобалар сайыстары және волейболдан турнирлер өткізілді.
Салтанатты жиында Ақзира Бақтыбайқызы ұлағатты ұстаздың мерейтойын ұйымдастыруға атсалысқан және білім беруде жетістікке жеткен Ы.Алтынсарин атындағы №10 мектеп-лицейінің мұғалімдеріне облыс, қала әкімінің алғыс хаттарымен марапаттады. Сонымен қатар, онкүндік аясында ұйымдастырылған сайыстардың жеңімпаздарын марапаттап, бағалы сыйлықтар мен қаржылай сертификаттар табыстады.
Шара соңында Алтынсариннің өмір жолынан үзінді көрсетіліп, қазақтың ұлттық биі мен әні орындалды. Мерекелік шараға қатыстқан ұстаздар мен қонақтар рухани азық алып, ақ тілектерін арнады.
<img src="https://kyzylorda-news.kz/wp-content/uploads/2021/10/247912355_1224909178012285_2818695566311916609_n.jpg" alt="" />
<img src="https://kyzylorda-news.kz/wp-content/uploads/2021/10/248359659_1224909514678918_5893102807787166409_n.jpg" alt="" />
<img src="https://kyzylorda-news.kz/wp-content/uploads/2021/10/248956854_1224909461345590_344803276845174615_n.jpg" alt="" />

Қызылордада Ы.Алтынсариннің 180 жылдық мерейтойына арналған шаралар қорытындыланды

<a href="https://kyzylorda-news.kz/ru/obshestvo/">Kyzylorda-news.kz</a>. Қазалыда осыдан 2 күн бұрын басталған мемлекет және қоғам қайраткері Елеу Көшербаевты еске алуға арналған грек-рим күресінен 2002-2004 жылы туылған жастар арасындағы ХV халықаралық турнир аяқталды.
Жарыстың соңғы күні балуандар жұбаныш белдесулерін өткізіп, 5 салмақ бойынша ақтық сында белдесті.
Боз кілемде бапкерлерінің айтқанын екі етпей орындаған епті балуандар қарсыластарынан басым түсіп, жеңістің биік тұғырынан көрінді.
Жеңімпаздар мен жүлдегерлерді облыстық мәслихат хатшысы Наурызбай Байқадамов, аудан әкімі Мұхтар Оразбаев, Қазалы және Арал аудандарының құрметті азаматы Айтбай Көшербай, облыстық мәслихат депутаттары Ібайдулла Тілеп, Нұрболат Ибраев, турнирдің бас төрешісі Ғабиден Райымбек, ардагер спортшылар Дәстен Айбосынов, Нұрлыбек Есбосынов марапаттап, медальдарын табыстады.
Сонымен қатар, турнирде көрермен көзайымына айналған балуандарға да арнайы жүлделер табыс етілді.
Турнирдің жабылу салтанатында облыстық мәслихат хатшысы Наурызбай Байқадамов құттықтау сөз сөйлеп, жылы лебізін білдірді.
Аудан әкімі Мұхтар Оразбаев турнирдің жоғары дәрежеде өтуіне атсалысқан барша азаматтар мен боз кілемде белдескен балуандарға алғысын айтып, ризашылығын жеткізді. Сондай-ақ мемлекет және қоғам қайраткері Елеу Көшербаевтың Қазалы ауданында көптеген спорт нысандарын салуға мұрындық болғанын атап өтті.
Айта кетейік, жастар арасындағы байрақты бәсекеге еліміздің 14 өңірінен 200-ге тарта балуан келіп, бақ сынады.
<img src="https://kyzylorda-news.kz/wp-content/uploads/2021/10/246976937_3187878588099733_6359607281873078481_n.jpg" alt="" />
<img src="https://kyzylorda-news.kz/wp-content/uploads/2021/10/247538272_3187877574766501_5225047597633864848_n.jpg" alt="" />

Қазалыда халықаралық турнир өз мәресіне жетті

<a href="https://kyzylorda-news.kz/ru/obshestvo/">Kyzylorda-news.kz</a>. Білім басқармасы мен ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бірлесуімен «Парасатты отбасы» байқауының жеңімпаздары марапатталды.
&nbsp;Жиынға департамент басшысының бірінші орынбасары Ғалия Әлімқұлова, білім басқармасы басшысының орынбасары Бағдат Бердаулетов қатысып, отбасы құндылығының маңыздылығы туралы ой бөлісті.
<blockquote>
 «Байқаудың мақсаты қоғамның негізі болып табылатын отбасылық құндылықтарын кеңінен дәріптеу, отбасындағы парасаттылық құндылықтарын насихаттау, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, қоғамдағы сыбайлас жемқорлықтың алдын-алуды өскелең ұрпақтың бойына бала кезден қалыптастыру, қәзіргі заманғы отбасының парасаттылық мәдениетін дамытудың тиімді тәжірибесін тарату болды», – дейді департамент басшысының бірінші орынбасары Ғалия Әлімқұлова.
</blockquote>
«Парасатты отбасы» байқауының ІІІ орын иегері Қармақшы ауданы №279 мектеп Ибраевтар отбасы иеленсе, ІІ орын Қазалы ауданы №249 мектеп Айгелдиевтер отбасына бұйырды. Ал, І орынға Жалағаш ауданы №202 мектеп Ильясовтар отбасы лайық деп танылды.
Сонымен бірге Арал ауданы №177 мектеп Төлегеновтер отбасы «Парасатты отбасы», Қызылорда қаласы №140 мектеп Мырзабаевтар отбасы «Спортшылар отбасы» номинацияларыменмарапатталды. Барлық қатысушыларға департамент басшысының бірінші орынбасары Ғалия Әлімқұлова алғысын білдіріп, арнайы диплом және бағалы сыйлықтар табыстады.

«Парасатты отбасы» конкурсының жеңімпаздары марапатталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қазақстанда 1 176 адам коронавирус індетінен емделіп шықты, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 26,
Алматы қаласы – 258,
Шымкент қаласы – 32,
Ақмола облысы – 132,
Ақтөбе облысы – 27,
Алматы облысы – 60,
Атырау облысы – 25,
Шығыс Қазақстан облысы – 187,
Жамбыл облысы – 9,
Батыс Қазақстан облысы – 25,
Қарағанды облысы – 151,
Қызылорда облысы – 37,
Маңғыстау облысы – 25,
Павлодар облысы – 69,
Солтүстік Қазақстан облысы – 103,
Түркістан облысы – 10.
Қазақстан бойынша жазылғандар саны – 872 979.

Қызылордада 37 адам вирустан жазылып шықты

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!» байқауының Қызылорда қалалық кезеңі басталды. Қорқыт ата атындағы Қызылорда университетінің Студенттер сарайында өтіп жатқан байқауда Қызылорда қаласы мектептері бойынша 100-ге жуық оқушы бақ сынауда.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Жоба барысында «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов сөз сөйлеп, талапкерлерге сәттілік тіледі.
<blockquote>
 – Қазіргідей бала санасының әр талшығын бүкілғаламдық тор шеңгелдеп тұрып шырмап алған кезеңде оның тарихи, көркем, пәлсапалық маңызын ұмыттырмай, бабалар аманаттап кеткен жәдігердің әр жолын көздің қарашығынай сақтап, бойға сіңіру өте маңызды. Тегеурінді технологияның тасасында қалып бара жатқан ауыз әдебиетінің інжу-маржаны ендігі жерде ешкімге де қажет емес деп қарайтындар бар. Ендеше эпостық жырға, батырлар жырына құрметті арттыру үшін ынталандырып жаттатудың, қызықтырып оқытудың әдіс-амалдары қарастырылғаны жөн. «Тұлпар мініп, ту алған» ұлттық жобасы осындай мақсатпен қолға алынған. Жобаның қалалық және аудандық кезеңдері 25-29 қазан аралығында өтеді. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда, – деді Шәріп Әкбарұлы.
</blockquote>
Байқауға «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов, балалар ақыны Рахат Наурызбаева, жыршы, Тұрмағамбет атындағы өнер мектебінің директоры Берік Саймағамбетов, әлеуметтанушы Нұрсұлтан Қаражанов, «Сыр дидары» газетінің бас редакторы Сәкен Алдашбаев, А.Тоқмағамбетов атындағы мәдениет үйі жанындағы «Қауырсын» жас ақындар үйірмесінің жетекшісі Мамыр Байдәулетов, жыршы Серік Жақсығұлов қазылық етуде.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда. Ертең, яғни, 26 қазан күні жоба Жаңақорған және Шиелі аудандарында жалғасады.
<img src="https://kyzylorda-news.kz/wp-content/uploads/2021/10/745eae3d-59dc-47d2-9197-a3ad706b8926.jpg" alt="" />
<img src="https://kyzylorda-news.kz/wp-content/uploads/2021/10/6001e71d-b8db-414c-8d4c-7724e333dd10.jpg" alt="" />
<img src="https://kyzylorda-news.kz/wp-content/uploads/2021/10/aca69fdb-59b2-478c-987a-afed696b5d29.jpg" alt="" />

Қызылорда қаласы: Жүзге жуық оқушы «Едіге батыр» жырын жатқа айтудан жарысуда

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. Әлемнің пандемияның жеңуі үшін медициналық мүмкіндіктерін қосқанда, барлық құралдары бар. Алайда олар тиісті деңгейде қолданылмайды. Бұл туралы жексенбі күні Дүниежүзілік денсаулық сақтау ұйымының (ДДСҰ) бас директоры Тедрос Аданом Гебрейесус мәлім етті, деп хабарлайды &nbsp;<a href="https://tass.ru/obschestvo/12749797">ТАСС</a>&nbsp;агенттігі.
Берлинде өтіп жатқан Денсаулық сақтау саммитінде Гебрейесус әлем қауымдастығын жылдың соңына дейін барлық елдерде вакцинаналаумен қамтуды кем дегенде 40%-дан асыруға шақырды. Ол өзіне пандемияның қашан аяқталатыны туралы сұрақтың жиі қойылатынын мәлімдеді.
<blockquote>
 «Менің жауабым мынадай: Пандемия әлем оны тоқтатуды толық қалап іске кіріскенде кезде ғана аяқталады. Бәрі өз қолымызда», – деді ДДСҰ басшысы.
</blockquote>
Ол әлем қауымдастығының пандемияны жеңуі үшін барлық қажет құралдардың бар екенін атап өтті. Олардың қатарында қоғамдық денсаулықты сақтау және медициналық мүмкіндік бар.
<blockquote>
 «Алайда әлем өз мүмкіндігін тиісті деңгейде қолданған жоқ. Күнделікті 50 мың адам вирустан қайтыс болып жатыр, пандемия аяқталған жоқ. Мұның өзі тек бізге белгілі статистика», – деді бас директор.
</blockquote>
Ол ДДСҰ-ның бұрын жариялаған мақсатын атап өтті. Ол – 2021 жылдың соңына дейін әр ел халқын кем дегенде 40% вакциналаумен қамту. Бұл вакцинаны жеткізуді бақылайтын елдер мен компаниялар айтқандарын орындаған жағдайда ғана жүзеге аспақ, деді Гебрейесус.
Ол халқының 40%-ы вакцина салдырған елдерді COVAX халықаралық механизмі мен Африканың вакцина сатып алу жөніндегі мақсатты тобына (AVAT) препараттар жеткізіп отыруға шақырды. Олардың қатарында G20 елдері бар.

ДДСҰ басшысы: Күнделікті 50 мың адам вирустан қайтыс болып жатыр

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстандағы коронавирусқа қатысты 24 қазан 23:59-дағы мәлімет бойынша 1 573 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 157,
Алматы қаласы – 231,
Шымкент қаласы – 21,
Ақмола облысы – 134,
Ақтөбе облысы – 25,
Алматы облысы – 137,
Атырау облысы – 24,
Шығыс Қазақстан облысы – 102,
Жамбыл облысы – 25,
Батыс Қазақстан облысы – 35,
Қарағанды облысы – 142,
Қостанай облысы – 112,
Қызылорда облысы – 26,
Маңғыстау облысы – 17,
Павлодар облысы – 230,
Солтүстік Қазақстан облысы – 140,
Түркістан облысы – 15.
Жалпы ел бойынша ауырғандар саны 929 784.

Қызылордада 26 адамнан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет 25 қазанда болатын ерекше метеорологиялық құбылыстарға болжау консультациясын жариялады.
Фронталды аумақтың әсерінен республиканың солтүстігінде, солтүстік-батысында, батысында жаңбыр жауады, еліміздің батысында, солтүстігінде, оңтүстік-батысында жел күшейеді, тұман күтіледі.
Алматы облысының Алакөл аудандарында жел 15-20, екпіні 23-28 м/с күшейеді.
Түнде және таңертең Ақмола облысының солтүстігінде, солтүстік-шығысында, күндіз Батыс Қазақстан, Атырау, Маңғыстау облыстарының батысында, Қостанай облысының солтүстігінде, Солтүстік Қазақстан облысының батысында және солтүстігінде жел 15-20 м/с күшейеді, Атырау, түнде және таңертең Маңғыстау облыстарының батысында, Қостанай облысының солтүстігінде тұман күтіледі.
Түнде Жамбыл облысының таулы аудандарында тұман күтіледі.

Дүйсенбіге арналған ауа райы болжамы

Kyzylorda-news.kz. 17 жастағы Айсұлу Сағындықова 2021 жылғы Қызылорда аруы атанды.
Қыз “Болашақ” колледжінде оқиды, мамандығы – ағылшын тілі мұғалімі. Оқуды бітірген соң Азаматтық авиация университетіне түсуді жоспарлап отыр. 
“Мен бүкіл әлемге саяхаттап, әртүрлі елдің мәдениетімен танысқым келеді. Олардың мәдениетін көрсететін ерекшеліктерін, халқын танығым келеді”, – деп бөлісті ол.
Ол қазақ, орыс және ағылшын тілдерін біледі.
“Анама ризашылығым мол. Ол әрқашан көмектеседі, дос ретінде қолдайды. Ол мейірімді, ақылды және мықты. Мені әрқашан түсінеді. Қазір ол 42 жаста, әкем 44 жаста. Әкем өте сабырлы, көңілді, мейірімді, ақылды адам”, – деп бөлісті Айсұлу.
Алғаш рет өңірдегі байқаулар онлайн өтіп жатыр. Жұлдызды қазылар алқасы 10 финалистің сауалнамасын қарап, фотосуреттері мен визиткаларын көрді, ZOOM-конференцияда қыздармен сұхбат өткізді. Алғаш рет көрермендер қазылар алқасының отырысын және қатысушылардың сұхбатын көруге мүмкіндік алды. 
&nbsp; 
Қазылар алқасында актер Тәуекел Мүсілім, әнші Мәдина Сәдуақасова, “Қазақстан Аруы – 2013” иегері, тележүргізуші Айдай Исаева, KFW негізін қалаушы, дизайнер, стилист AlexChzhen бар.
Tengrinews.kz
<img src="https://kyzylorda-news.kz/wp-content/uploads/2021/10/internet_20211024_112958_4.jpeg" alt="" />
<img src="https://kyzylorda-news.kz/wp-content/uploads/2021/10/internet_20211024_112958_2.jpeg" alt="" />

&#8220;Қызылорда Аруы &#8211; 2021&#8221; анықталды

<h2 id="kyzylordanewskznbspstankzhttpsstankznbsp">Kyzylorda-news. kz. Қызылорда облысында із-түзсіз жоғалған азаматтың мәйіті табылды, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.</h2>
Облыстық полиция департаментінің баспасөз қызметі мәлім еткендей, 12 қыркүйекте Бегімбай өз басқаруындағы жеңіл автокөлігімен Нұр-Сұлтан қаласына жолға шығып, хабар-ошарсыз кеткен.
Осыған байланысты Қылмыстық кодекстің 99-бабының 1-бөлігімен қылмыстық іс тіркеліп, сотқа дейінгі тергеп-тексеру әрекеттері басталған.
Қылмыстық істің төңірегінде С.Бегімбайды табу үшін кешенді жедел іздестіру іс-шаралары ұйымдастырылып, оған жедел уәкілдер мен учаскелік полиция инспекторлары арасында құрылған бірнеше мобильді топтар, төтенше жағдайлар департаментінің қызметкерлері, Ұлттық ұлан сарбаздары және туған-туысқандары, жолдастары, еріктілер жұмылдырылған.
Кешенді іздестіру шараларына арнайы техника мен тікұшақ қолданылған.
Нәтижесінде 19 қазанда “Қызылорда-Жезқазған” тасжолының 128-шақырымынан С.Бегімбайдың жеңіл автокөлігі және жеке заттары табылып, айғақты зат ретінде алынған.
Ал 22 қазан сағат 13:25 шамасында “Қызылорда-Жезқазған” тасжолының 128 шақырымынан батысқа қарай 30-40 шақырым қашықтықтағы далалық жерден белгісіз азаматтың мәйіті табылды.
Тергеу органы белгісіз азаматтың мәйіті С.Бегімбайға тиесілі болуы мүмкін деп болжам жасады.
<blockquote>
 “Қазіргі уақытта оқиға болған жерде жедел тергеу тобы және төтенше жағдай департаментінің қызметкерлерімен тексеру жүргізіп жатыр. Осы ретте мәйітті тану және тиісті сот-сараптамасының нәтижесінде белгісіз азаматтың мәйіті нақты кімге тиесілі екені анықталады”, –&nbsp;деп мәлім етті полиция.
</blockquote>

Қызылордада бір жарым ай бұрын жоғалып кеткен ер адамның денесі табылды

Kyzylorda-news.kz. Қайта өңделген ет өнімдерін, кондитерлік, &nbsp;ұн және нан-тоқаш өнімдерін, тәтті алкогольсіз сусындар, майлы сүт өнімдерін жиі жеу адам денсаулығына қауіп төндіреді. Бұл туралы&nbsp;<a href="https://1prime.ru/">“Прайм”</a>&nbsp;агенттігіне терапевт, гастроэнтеролог Дмитрий Карпенко айтты.
Егер бұл тағамдарды нормамен жесе, олар “шартты түрде зиянды” саналады, деді маман.
<blockquote>
 “Дұрыс тамақтануды насихаттауға қарамастан, қазіргі таңда статистика сол қалпы: адамдар қант, ас тұзы қосылған майлы тағамдарды шамадан тыс көп жейді, ал дәрумендер мен минералдарға бай өнімдерді аз тұтынады”, – деді Карпенко.
</blockquote>
Дәрігер зиянды тағамдарды көп жеу қант диабеті, жүрек-қан тамырлары (инфаркт, инсульт), асқазан-ішек жолдары ауруларына әкеп соғатынын ескертті.
Маман тәтті әрі майлы тағамдарды тұтыну жиілігі мен мөлшерін бақылауға кеңес берді. Мәселен, етті аптасына екі реттен көп жемеу керек, ал тұздың нормасы — тәулігіне бес грамм (йодталған).
Жалпы, Карпенконың айтуынша, рационда құнарлы майлар жалпы калорияның он процентінен, ал қант бес-он проценттен аспауға тиіс.

Дәрігер адам денсаулығына қауіпті тағамдарды атады

Kyzylorda-news.kz. Облыс әкімі Гүлшара Әбдіқалықова «Алтын дән-2021» іс-шарасы аясында ұлттық ат спорты түрлерінен бәйге жарыстарының ашылу рәсіміне қатысты. Іс-шараға облыстық мәслихат хатшысы Наурызбай Байқадамов, облыс әкімінің орынбасары Бахыт Жаханов, қала әкімі Ғанибек Қазантаев және Ұлттық ат спорты федерациясының президенті Айтбай Көшербай қатысты.
Аймақ басшысы қызылордалықтарды ел Тәуелсіздігінің 30 жылдық мерейтойымен және «Қала күні» мерекесімен құттықтап, ұлттық спортты дамытуды көздейтін мәдени-спорттық шаралардың мәні зор екенін тілге тиек етті.
<blockquote>
 Кез келген елдің ұлылығын мәдениеті мен салт-дәстүрі танытса, соның ішінде ұлттық спорт ойындарының орны ерекше. Әсіресе, айбарланып атқа қонып, елдің шебін қорғаған қазақ үшін жылқы ұлттық сана-сезім, рухани болмыс, тұрмыс-салт, әдет-ғұрып, мәдениет пен өнерінің тұтас бір айрылмас бөлігіне айналып кеткен. Қазақ ұғымында жылқы тектіліктің бірден бір нышаны болып саналады. 
 Қазақ даласының әр түкпірінде тұяғының дүбірі ерек сәйгүліктер көп болған. Әлімсақтағы Қобыландының Тайбурылы, Алпамыстың Байшұбары, Қамбардың Қарақасқасы, Ақтамбердінің Керкиігі, берідегі Исатайдың Ақтабаны мен Аманкелдінің Шалқасқасы, Ақансерінің Құлагері ұлт тарихымен біте қайнасып кеткен тұлпарлар, – деді облыс әкімі.
</blockquote>
Сондай-ақ, аймақ басшысы кезінде облыстық, республикалық бәйгелерге облыстан қатысқан асыл тұқымды «Император», «Қара қыз», «Ызғар», «Гауһартас» секілді тұлпарлар аймақтың атын асқақтатқанын айрықша атап өтті. 
Ат бәйгесіне 50-ден астам шабандоз қатысты. Көрермендер бәйге аламынан асыққан шабандоздарға рух берді.
Аламан көркін қыздырған қатысушылар арасында тай бәйгені ақтөбелік Нұрасыл Айтжан иеленсе, құнан бәйгені алматылық Арнат Мұратхан алды. 
15 шақырымды енсерген тоқ бәйгеде жүлделі ІІІ орын қызылордалық Ерасыл Рахатқа бұйырса, ІІ орынды Шығыс Қазақстан облысынан келген Ансар Арыстанбек алды. Ал, І орынға қызылордалық Мейіржан Досжанов лайықты деп танылды. Жеңімпаздарға сертификаттарды Ұлттық ат спорты федерациясының президенті Айтбай Көшербай табыстады.
25 шақырымдық аламан бәйгенің ІІІ орыны ақтөбелік Дәуір Ильясқа бұйырды. ІІ орынды қызылордалық Сейтжаппар Дидар иеленді. Ал, аламанда қатарластырына бас білдірмеген алматылық Арнат Мұратхан І орынды алды. Облыс әкімі Гүлшара Әбдіқалықова жеңімпазға 2 миллион теңгенің сертификатын табыс етті. 
Айта кетейік, бүгінде ұлттық спорт облыста бұқаралық сипат алды. Өңірде 16 мыңнан аса спортшы ұлттық спорт түрімен шұғылданады. Жыл сайын облыста 8000-нан аса палуанның қатысуымен өтетін «Алтын белбеу» турнирі ең танымал әрі беделді бәсекенің біріне айналды. 
Ұлттық спортты дамыту мақсатында 2018 жылы Қызылорда қаласында «Ұлттық және ат спорты түрлері бойынша спорт клубы» ашылды. Мұның барлығы өңірде ұлттық спорттың өркендеуіне септігін тигізіп, үлкен мүмкіндік беруде.
<img src="https://kyzylorda-news.kz/wp-content/uploads/2021/10/fb_img_1635043660184.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635043657135.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635043649948.jpg" alt="" />

Қазақстан және Қызылорда облысының жаңалықтары

Қызылордада Ы.Алтынсариннің 180 жылдық мерейтойына арналған шаралар қорытындыланды

Қазалыда халықаралық турнир өз мәресіне жетті

«Парасатты отбасы» конкурсының жеңімпаздары марапатталды

Қызылордада 37 адам вирустан жазылып шықты

Қызылорда қаласы: Жүзге жуық оқушы «Едіге батыр» жырын жатқа айтудан жарысуда

ДДСҰ басшысы: Күнделікті 50 мың адам вирустан қайтыс болып жатыр

Қызылордада 26 адамнан коронавирус анықталды

Дүйсенбіге арналған ауа райы болжамы

“Қызылорда Аруы – 2021” анықталды

Қызылордада бір жарым ай бұрын жоғалып кеткен ер адамның денесі табылды

Дәрігер адам денсаулығына қауіпті тағамдарды атады

«Алтын дән-2021»: Қызылордада ұлттық ат спорты түрлерінен бәйге жарыстары өтті

Қазақстан және Қызылорда облысының жаңалықтары

Қызылордада Ы.Алтынсариннің 180 жылдық мерейтойына арналған шаралар қорытындыланды

Қазалыда халықаралық турнир өз мәресіне жетті

«Парасатты отбасы» конкурсының жеңімпаздары марапатталды

Қызылордада 37 адам вирустан жазылып шықты

Қызылорда қаласы: Жүзге жуық оқушы «Едіге батыр» жырын жатқа айтудан жарысуда

ДДСҰ басшысы: Күнделікті 50 мың адам вирустан қайтыс болып жатыр

Қызылордада 26 адамнан коронавирус анықталды

Дүйсенбіге арналған ауа райы болжамы

&#8220;Қызылорда Аруы &#8211; 2021&#8221; анықталды

Қызылордада бір жарым ай бұрын жоғалып кеткен ер адамның денесі табылды

Дәрігер адам денсаулығына қауіпті тағамдарды атады

«Алтын дән-2021»: Қызылордада ұлттық ат спорты түрлерінен бәйге жарыстары өтті

“Қызылорда Аруы – 2021” анықталды