&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. Филология ғылымының докторы, академик Серік Қирабаев 95 жасқа қараған шағында дүние салды.
Серік Смайылұлы Қирабаев 1927 жылы 23 наурызда Қарағанды облысы, Жаңарқа ауданы, Атасу ауылында туған.
1951 жылы Абай атындағы Қазақ педагогикалық институтын бітіргеннен кейін аспирантурада оқи жүріп, Қазақтың мемлекеттік көркем әдебиет баспасының аға редакторы, «Әдебиет және искусство» журналының бөлім меңгерушісі болып істеген.
1952–1955 жылдары «Пионер» журналында редактор, 1955–1958 жылдары. «Социалистік Қазақстан» (қазіргі «Егемен Қазақстан») газетінде меңгеруші, редакциялық алқа мүшесі болды.
1958 жылдан Абай атындағы Қазақ педагогикалық институтында 30 жыл бойы доцент, профессор, филология факультетінің деканы, қазақ әдебиеті кафедрасының меңгерушісі, институт ректорының оқу ісін басқаратын орынбасары қызметтерін атқарды.
1988–1995 жылдары Қазақ КСР ҒА-ның М.О.Әуезов атындағы Әдебиет және өнер институтының директоры, кейіннен бөлім меңгерушісі болды.
Филология ғылымының докторы (1964), профессор (1966), КСРО Педагогика ғылымдары академиясының корреспондент-мүшесі (1968), ҚР ҰҒА-ның академигі (1994), Қазақстан және Қырғызстан республикалары ғылымының еңбек сіңірген қайраткері (1977, 1995), Қазақстан Республикасы Мемлекеттік сыйлығының иегері (1996).
Қазақ әдебиетінің өзекті мәселеріне арналған сын мақалалары мен рецензиялары 1948 жылдан бастап жарық көре бастады. Содан бергі уақытта 800-ден астам әдеби-сын ғылыми мақалалары мен еңбектері жарық көрді.
Қазақ КСР Жоғарғы Кеңесінің «Құрмет» Грамотасымен, КСРОның «Еңбек Қызыл Ту» Ордені, КСРОның «Халықтар Достығы» Орденімен марапатталған.
1994 жылы Қазақстан Республикасының Ұлттық ғылым академиясының академигі, 1995 жылы «Қырғыз Республикасының Еңбек сіңірген ғылым қайраткері атағы берілді.
1996 жылы Қазақстанның мемлекеттік сыйлығының иегері атанды.
2005 жылы «Қазақстанның еңбек сіңірген қайраткері» құрметті атағының иегері.
2007 жылдың 30 наурызында ҚР Тұңғыш президенті – Елбасы Нұрсұлтан Әбішұлы Назарбаевтың жеке қабылдауында болып, қазақ ғылымына сіңірген айрықша еңбектері үшін еліміздің ең жоғарғы «Отан ордені» мен марапаттады.
2012 жылы ІІ дәрежедегі «Барыс ордені» мен марапатталды.

Академик Серік Қирабаев дүниеден озды

Kyzylorda-news.kz. Сұхбаттасу кезінде тараптар туризм, экология, су ресурстарын басқару, инвестиция салаларындағы екіжақты байланыстың құқықтық базасын жетілдіру бойынша өзара іс-қимыл мәселелеріне баса мән берді. Шекара маңындағы ынтымақтастықты арттыру, шағын және орта бизнесті дамыту және Арал проблемасына қатысты мәселелерге де ерекше назар аударылды, – делінген хабарламада
Сонымен қатар кездесуде екі елдің Сенаттары арасындағы Ынтымақтастық жөніндегі комиссияның осыған дейін өткен отырысының хаттамасына қол қойылды.
Іс-шараға қазақстандық сенаторлар Ақмарал Әлназарова мен Әлімжан Құртаев қатысты. Олар Өзбекстанға ЕҚЫҰ ПА мен ТМД ПАА-ның байқаушылар миссиясы құрамында елдегі президент сайлауына мониторинг жүргізу үшін барған болатын.
Ташкентке президент сайлауына байқаушы ретінде барған Сенат Вице-спикері сайлау алдындағы іс-шаралар аясында Өзбекстан Олий Мажлисі заң шығару Палатасының спикері Нурдинжон Исмоиловпен және Өзбекстан Орталық сайлау комиссиясының төрағасы Зайниддин Низамходжаевпен кездесті.
Сондай-ақ вице-спикер халықаралық байқаушылармен, атап айтқанда ЕҚЫҰ ПА-ның төрағасы Маргарет Седерфельтпен кездесті. Онда Орталық Азия елдерінде орнықты даму мақсаттарын одан әрі дәріптеу мәселесі және Ауғанстандағы ахуал сөз болды.

Қазақстан мен Өзбекстан Арал проблемасына қатысты мәселелерді талқылады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қарағанды қаласында жасөспірімдер мен ересектер арасында ережесіз жекпе-жектен Әлем чемпионаты өтті.
Жарысқа әлемнің 30-дан астам елінен 1000 – нан аса спортшы қатысты. Қазақстан Республикасының құрама командасы 9 түрлі салмақ дәрежесінде бақ сынады. Айта кетерлігі, құрама командадағы спортшылардың көпшілігі еліміздің күштік құрылымдарынан жасақталған. Оның ішінде Қызылорда облысы Полиция департаментінің Жылдам қимылдайтын арнайы жасағының инспекторлары полиция лейтенанттары Асқар Қоңқабаев пен Алтынбек Турмаханов 86 кг салмақ дәрежесінде сынға түсті. Тартысты додада полиция лейтенанты А.Қоңқабаев алтыннан алқа тағып, әлем чемпионы атанды. Ал полиция лейтенанты А.Турмаханов аталған салмақ дәрежесінің күміс жүлдегері атанды.
Әлемдік доданың нәтижесі бойынша Қазақстан құрамасы командалық есепте 1-ші орынды иеленді.

Қызылордалық полицейлер ережесіз жекпе-жектен Әлем чемпионатында жүлделі орындар алды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қорқыт ата атындағы Қызылорда университетінде профессор «Ермахан Нұрахметов атындағы дәрісхана» ашылды. Салтанатты шара Тәуелсіздіктің 30 жылдығы, Қорқыт ата атындағы Қызылорда университетінің 85 жылдығы аясында ұйымдастырылды.
Профессор, филология ғылымдарының докторы Ермахан Нұрахметовтың өнегелі өмірі мен шығармашылығын, ғылыми мұрасын насихаттау мақсатында ашылған дәрісхананың лентасын Басқарма төрағасы-Ректор Бейбіткүл Кәрімова мен техника ғылымдарының докторы, профессор, университет ардагері Серікбай Қошқаров қиды. 
Шараға белгілі қоғам қайраткерлері, университеттің профессор-оқытушылар құрамы, білім алушылар мен профессор Ермахан Нұрахметовтың туыстары қатысты.
<blockquote>
 «Қорқыт ата атындағы Қызылорда университетінде кәсіби маман даярлауда білім мен ғылымның дамуына үлес қосқан ғалымдар есімін ұлықтау дәстүрге айналған. Дәрісхананың заманауи үлгіде ашылуына қаржылай демеушілік жасап, білім алушыларға осындай мүмкіндік жасаған профессордың ұлы Саят Ермаханұлы екенін де айта кетуіміз керек. Бұл дәрісхана алдағы уақытта университет білім алушыларының сапалы білім алуына қызмет атқаратын болады. Осы ретте оқу орнының стратегиялық дамуына қосқан үлесі үшін Саят Ермаханұлына «Қорқыт ата атындағы Алтын медаль» табысталады»,-деді университеттің Басқарма төрағасы-Ректор Б.Кәрімова.
</blockquote>
Филология ғылымдарының докторы, профессор Ермахан Нұрахметов 1968-2010 жылдар аралығында Қызылорда педагогикалық институты, Қорқыт ата атындағы Қызылорда мемлекеттік университеті роман-герман тілдері кафедрасында оқытушы, доцент, профессор болып ұстаздық етті. Көп жылдар бойы университетте кафедра меңгерушісі, факультет деканы, проректор қызметтерін атқарды.
Өзінің тұтас ғұмырын тіл ғылымына, шәкірт даярлауға арнаған профессор Ермахан Нұрахметұлы 70-тен астам оқу-әдістемелік және ғылыми еңбектердің авторы. Сонымен қатар, профессор тіл білімі роман тілдері саласы бойынша қорғаған Қазақстан Республикасындағы тұңғыш ғылым докторы. Оның «Супрасегменттік фоностилистика» атты монографиясы мен француз тілі бойынша оқулықтары мен оқу-әдістемелік құралдары жарық көрген. Ғылыми-педагогикалық жетістіктері үшін бірнеше рет мемлекеттік наградалармен марапатталған. 
Бүгін пайдалануға берілген дәрісханада coworking centre, кітап сөресі, лекция кабинеті, ғалымның ғылыми еңбектері қойылған мұражай бар.
<img src="https://kyzylorda-news.kz/wp-content/uploads/2021/10/1-3-scaled.jpg" alt="" />
<img src="https://kyzylorda-news.kz/wp-content/uploads/2021/10/4-2-scaled.jpg" alt="" />
<img src="https://kyzylorda-news.kz/wp-content/uploads/2021/10/248470811_2394963617307717_2360906650004021716_n.jpg" alt="" />
<img src="https://kyzylorda-news.kz/wp-content/uploads/2021/10/248937782_2394963380641074_6548792094182774123_n.jpg" alt="" />

Профессор Ермахан Нұрахметов атындағы дәрісхана ашылды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Ұлттық зияткерлік меншік институтының ұйымдастыруымен өткен республикалық эссе байқауында Қызылорда қаласындағы Назарбаев Зияткерлік мектебінің оқушылары Нұрсұлтан Талғатұлы мен Жібек Кучербаева жүлделі 2 және 3-орындарды иемденді.
Аталмыш байқауға еліміз бойынша қазақ, орыс және ағылшын тілдерінде барлығы 81 эссе келіп түсті. Оқушылар зияткерлік меншікке қатысты пікірлерін білдіріп, өздерінің өнертабыстарымен бөлісті.
Нұрсұлтан жасөспірімдерге психологиялық көмек көрсетуге арналған «PsyAid» веб-қосымшасын таныстырды. Ол психолог-оқушы және психолог-ата-ана арасында онлайн диалог құрастыра отырып, оқушылардың өзіндік мәселені шешіп, басқа адамдарға көмектесуіне нәсихаттауды ықпал етеді. Сонымен қатар, бағдарлама қолданушыларға психологиялық сау және жетілген тұлға болып қалыптасуына ықпал ететін жаттығулар мен кеңестерді ұсынады.
<blockquote>
 «PsyAid» қосымшасы болашақта сұраныс пен қолдауға ие болатын болса, мен өзімдік кәсіпкер құқығымды жүзеге асыратын боламын. Яғни, болашақта қосымшаны еркін түрде дамытып, пайдаланумен қатар техникалық және басқа шешімдерді қабылдау және сәйкесінше жоба құқығы сақталумен қамтаматасыз ету мақсатында патенттейтін боламын. «PsyAid» қосымшасы Қазақстандағы жасөспірімдердің менталды денсаулығын нығайтуға ықпал етеді», – дейді жас өнертапқыш.
</blockquote>
Ал Жібектің идеясы – көлік қозғалысын реттеуге және көлік кептелістері мәселесін шешуге бағытталған. Жас зияткердің айтуынша автожолдарды сандық жүйеге айналдыру арқылы жүргізушілерді қай аумақта көлік кептелісі бар екенін, жоспарланған аумаққа жетудің ең тиімді жолын тандауға көмектеседі.
<blockquote>
 «Автокөлік қозғалысы смартфонға байланысты болады. Ол үшін көшелер компьютер-камералармен, арнайы датчиктермен қамтамасыз етілуі тиіс. Бұл сандық технологиялар жол көлік қозғалысының қауіпсіздігін қамтамасыз етеді», – дейді Жібек.
</blockquote>
«Болашақ сенің қолында: ойлан тап та жасампаз бол» дәстүрлі байқауда сырбойылық зияткерлер жыл сайынғы қатысушысы. Бұл сайыста жастар шығармашылық жұмыстары арқылы зияткерлік меншік саласындағы білімдерін арттырады.

Қызылордалық зияткерлер үздіктер қатарынан көрінді

<a href="https://kyzylorda-news.kz/ru/obshestvo/">Kyzylorda-news.kz</a>. Қазан айының 11 мен 19 қараша күндері аралығында облыс көлемінде «Браконьер» жедел-профилактикалық іс-шарасы өтуде.
Іс-шараның басты мақсаты – табиғат қорғау заңнамасын бұзушылықтарды, биологиялық ресурстар объектілері мен өнімдерінің заңсыз айналымын анықтауға және жолын кесуге, экологиялық қылмыстарды ашуға бағытталған.
Жүргізілген рейдтік шаралардың барысындаполицейлермен 5 күнде табиғат қорғау заңнамаларын бұзушылықтың барлығы – 55 дерегітіркелді.Оның ішінде, 1 қылмыстық және 54 әкімшілік құқық бұзушылықтар.
Жануарлар дүниесiн пайдалану талаптарын және аң аулау қағидаларын бұзудың (ҚР ӘҚБтК-нің 382-бабы) – 33дерегі анықталды, балық аулау және балық ресурстары мен басқа да су жануарларын қорғау қағидаларын бұзудың (ҚР ӘҚБтК-нің 383-бабы 1,2,3,4-бөліктері)- 19 дерегі тіркелді. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Азаматтық, қызметтік, марапаттық, коллекциялық қаруды, оның патрондарын иелену, беру,есепке алу, сақтау, пайдалану, тасымалдау, Қазақстан Республикасының аумағына әкелу, Қазақстан Республикасының аумағынан әкету және Қазақстан Республикасының аумағы арқылы транзитпен өткізу тәртібін бұзу бойынша (ҚР ӘҚБтК-нің 484-бабының 1-бөлігімен) 2 әкімшілік хаттама толтырылып, әкімшілік айыппұл салынды.

Қызылордада табиғат қорғау заңын бұзғандар жазаланды

<a href="https://kyzylorda-news.kz/ru/obshestvo/">Kyzylorda-news.kz</a>. “Қазақстан дауысы” музыкалық жобасында “Қорқыт қобыз” әнін жаңаша бағытта орындап, көпшілікке танылған Құралай Мейрамбек өнерге кішкене кезінен қызығушылық танытқан. “Бозторғай” халықаралық фестивалінда бас жүлде иегері, “Славян базары” байқауында жүлделі 1 орын иегері атанды. Бүгін Өңірлік коммуникациялар қызметінде өткен баспасөз конференциясында жас талант иесі БАҚ өкілдеріне алдағы жоспарларымен бөлісті.
<blockquote>
 “Өнерге деген махаббатым 5 жасымнан басталды. Содан бері ән шырқап, шет елге қазақ өнерін танытуды мақсат еттім. 2010 жылы “Бозторғай” халықаралық байқауында бас жүлде иегері атандым. 2011 жылы “Славян базары” байқауында 1 орынға ие болдым. Одан әрі шет мемлекеттерде өнер көрсетіп, түрлі байқауларға қатыстым. Қазіргі таңда таланттарды танытатын белгілі жоба “Қазақстан дауысы” музыкалық байқауына қатысудамын. Алғашқы кезеңінде “Қорқыт қобыз” әнін өзгеше бағытта орындап, келесі кезеңге өттім. Бұл әнді таңдау себебім – Сыр елінде туып осында өскеннен кейін “Қорқыт қобыз” әнің осы байқауда орындағым келді. Көпшіліктің көңілінен шығып жатқанына өте қуаныштымын. Қазіргі таңда келесі кезеңге дайындық жүруде. Жерлестерім қолдауынан арқасында осы додада жеңіп шығатыныма сенімдімін”, – деді жас әнші Құралай Мейрамбекқызы.
</blockquote>
Өз кезегінде Құралайды бүлдіршін кезінен әнге баулыған әкесі Мейрамбек Әбдуллаев қызының алдағы жоспарларымен бөлісті.
<blockquote>
 “Құралай қазір үздіксіз дайындықта. “Қазақстан дауысы” жобасына алғаш рет қатысып тұрғандықтан қобалжу болуы қалыпты. Дегенмен көрермендердің қолдауымен осы байқауда жеңімпаз болады деген сенімдеміз. Алдағы уақытта Құралай қазақтың әнін әлемге танытуы үшін алдына үлкен мақсат қойды”, – деді әкесі.
</blockquote>

Құралай Мейрамбек: «Менің мақсатым − әлемге қазақ өнері мен мәдениетін таныту»

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстан халқы Ассамблеясының «Қазақтану» мәдени-ағартушылық жобасы аясында Достық үйінде ұлттық әйелдер киімдерінің көрсетілімі өтті.
ҚХА-ның «Қазақтану» мәдени-ағартушылық жобасы бірнеше жыл бойы жүзеге асырылып келеді. Ол бірыңғай ортақ құндылықтарды қалыптастырудың негізі ретінде Қазақстан халқының арасында қазақ халқының тарихын, мәдениетін, философиясын, этикасын танымал етуге бағытталған.
«Ұлттық киім – ұлттық құндылық» атты іс-шараны облыс әкімі жанындағы Әйелдер істері және отбасылық-демографиялық саясат жөніндегі комиссия облыстық Қазақстан халқы Ассамблеясы жанындағы Аналар кеңесімен бірлесіп ұйымдастырды.
Іс-шараға әйелдер істері және отбасылық-демографиялық саясат жөніндегі облыстық комиссия мүшелері, облыстық этномәдени бірлестіктердің белсенді әйелдері, аналар кеңесінің мүшелері, кәсіпкер әйелдер, дизайнерлік мамандық студенттері қатысты.
Көрсетілімде жас дизайнер-модельер, «Қазақстанның 100 жаңа есімі» республикалық жобасының жеңімпазы Малика Дүйсенбаеваның туындылары көрсетілді.
Көрсетілім жас ұрпақтың ұлттық киімге деген қызығушылы мен құрметті, оны киюге деген ықыласты ояту үшін және әйелдер кәсіпкерлігін қолдау мақсатында ұйымдастырылды.
Қазақ халқы мен Қазақстан этностарының дәстүрлерін насихаттайтын осындай іс-шаралар алдағы уақытта да көптеп өткізілетін болады.
<img src="https://kyzylorda-news.kz/wp-content/uploads/2021/10/mw6a2371-scaled.jpg" alt="" />
<img src="https://kyzylorda-news.kz/wp-content/uploads/2021/10/mw6a2383-scaled.jpg" alt="" />
<img src="https://kyzylorda-news.kz/wp-content/uploads/2021/10/mw6a2362-scaled.jpg" alt="" />
<img src="https://kyzylorda-news.kz/wp-content/uploads/2021/10/mw6a2357-scaled.jpg" alt="" />
<img src="https://kyzylorda-news.kz/wp-content/uploads/2021/10/mw6a2441-scaled.jpg" alt="" />

Қызылордада ұлттық киімдердің сән көрсетілімі өтті

<a href="https://kyzylorda-news.kz/ru/obshestvo/">Kyzylorda-news.kz</a>. Емханаларға тіркелу науқанының екінші айы жалғасуда. Біздің елімізде ол жыл сайын 15 қыркүйектен 15 қарашаға дейін өткізіледі. Емханаға кімге тіркелу керек, бүкіл отбасы бір медициналық ұйымға тіркелуі керек пе және оны қалай таңдау керек? Әлеуметтік медициналық сақтандыру қоры ең маңызды сұрақтарға жауап дайындады.
Электрондық үкімет порталы арқылы тіркелуге өтінім берілген жағдайда, тіркелу (немесе тіркелуден дәлелді бас тарту) 1 жұмыс күні ішінде жүзеге асырылады.
Егер тіркеу науқаны кезінде басқа емханаға тіркелуге өтінім берілсе, пациент сол жерде медициналық көмекті қашан ала алады?
Тіркеу науқаны 15 қыркүйектен 15 қарашаға дейін жүргізіледі, ал оның нәтижелері келесі жылдың 1 қаңтарынан бастап күшіне енеді. Яғни, пациент Жаңа жылдың басынан бастап басқа емханада медициналық көмек ала алады (емхана оның тіркеуге өтінімін растаған жағдайда).
Басқа емханаға тіркелген кезде бұрынғы емханадан бекітуден шығару автоматты түрде жүзеге асырылады.
Емханаға кім тіркеле алады?
Емханаға ҚР азаматтары, ҚР аумағында тұрақты тұратын (тұруға ықтиярхаты бар) шетелдіктер мен азаматтығы жоқ адамдар тіркеле алады. Азаматтардың бұл санаты тегін медициналық көмектің кепілдік берілген көлемі (ТМККК) шеңберінде және МӘМС жүйесінде қызметтерді алуға құқылы.
Еңбек мигранттары мен олардың ҚР аумағына уақытша келген отбасы мүшелері де емханаға тіркеле алады – бұл ЕАЭО қатысушы елдерінің (Ресей, Белоруссия, Қырғызстан, Армения) азаматтары. Ол үшін оларда медициналық-санитариялық &nbsp;алғашқы көмекті (МСАК) және стационарлық көмекті алуға арналған ерікті медициналық сақтандыру шарты (полисі) болуы қажет. МСАК-қа ЕМС шартының негізінде емханаға тіркелуге және ТМККК-ге кіретін медициналық көмекті алуға болады. Бұл ретте еңбек мигранттары мен олардың отбасы мүшелері МСАК-қа ЕМС шартынсыз МӘМС-ке кіретін медициналық көмекті ала алмайды.
Барлық азаматтарға бұрынғы емханасынан қызмет көрсетуді жалғастыру үшін өз емханасына қайта тіркелуге өтінім беруі қажет пе?
Жоқ, тіркелген халық өз емханасында медициналық көмекті ала беретін болады. Егер тиісті өтінім берілмесе, азаматтар өздерінің бұрынғы медициналық ұйымдарына тіркелген болып қалады.&nbsp;
Бір отбасының мүшелері бір учаскелік дәрігерге тіркелуі керек пе?
Медициналық-санитарлық алғашқы көмек көрсету отбасылық бақылау қағидатына негізделген. Дәрігерге осы отбасы мүшелерінің салауатты өмір салтын ұстануды қалыптастыру, аурулардың алдын алу және емдеу жеңіл болады. Мұндай тәсіл медициналық көмек көрсету кезінде оның сапасын айтарлықтай арттыруға мүмкіндік береді.
Жақын жерде орналасқан емхананы таңдауға бола ма?
Медициналық-санитарлық алғашқы көмек (МСАК) көрсетудің негізгі қағидаты – аумақтық қолжетімділік болғандықтан, пациенттерге жаяу қолжетімділік шегінде (15-20 минуттық жүру) емханаларға тіркелу ұсынылады. Мұның артықшылығы үйде медициналық көмек алу мүмкіндігі болады.
Жалпы, Сіз емхананы тұрғылықты жеріңіз бойынша емес (бірақ тұрғылықты жеріңіз немесе қала ауданы шегінде) таңдай аласыз. Бұл жағдайда учаскелік дәрігер немесе медбике пациенттің үйіне шақыруына келмейді, өйткені мекен-жайы олардың қызмет көрсету аумағына жатпайды.
Сондықтан жақын маңдағы емханаға тіркелу ұсынылады.
Бір мезгілде бірнеше емханаларға тірелу мүмкін бе?
Жоқ. Тіркеу жеке сәйкестендіру нөмірі (ЖСН) бойынша жүзеге асырылатындықтан, азаматтар тек бір емханаға тіркеле алады, бұл ретте бұрынғы емханадан есептен шығару автоматты түрде жүзеге асырылады.
Емханаға тіркелуге өтінім қандай себептермен қабылданбауы мүмкін?
Тіркеуден бас тартудың бірнеше себептері бар:
– дәйексіз құжаттар ұсынылды;
– пациент басқа қалада (кентте, ауылда)тұрады;
– аталған емханада барлық учаскелерде тіркелген халықтың ең көп саны артты;
– тіркелуі қажет баланың мүдделерін білдіруге заңды құқығын растайтын құжаттар болмаған кезде.
Әлеуметтік медициналық сақтандыру қорында тіркелген халықтың ең көп саны аспауы тиіс:
* бір жалпы практика дәрігеріне – аралас халық саны 1 700 адам (ересектер мен балалар);
* учаскелік терапевт-2 200 ересек адам;
* учаскелік педиатр- 0 жастан &nbsp;6 жасқа дейінгі 500 бала, 0-ден 14 жасқа дейінгі 900 бала.
Егер сұрақтарыңыз болса, сіз оларды емханаңыздан пациенттерге қолдау көрсету қызметіне хабарласып сұрай аласыз. Егер сізге сол жерде көмектесе алмаған жағдайда, онда сіз ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406байланыс орталығы, Telegram мобильді қосымшасындағы &nbsp;Qoldau 24/7 және SaqtandyryBot.
<img src="https://kyzylorda-news.kz/wp-content/uploads/2021/10/prikreplenie-kaz.jpeg" alt="" />

Емханаға тіркелуге өтініш қанша уақыт ішінде қаралады?

<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет синоптиктер 26-28 қазан аралығына арналған ауа-райы болжамын жариялады.
<blockquote>
 “Алдағы күндері республиканың басым бөлігінде құбылмалы ауа-райы сақталады. Атмосфералық ағындардың өтуіне байланысты жауын-шашын түседі, жел күшейіп, көктайғақ болады, еліміздің солтүстік, орталық және шығыс өңірлерінде жаяу бұрқасын соғуы ықтимал. Республика бойынша кей жерлерде тұман түсуі мүмкін”, – делінген болжамда.
</blockquote>
Батыс өңірлерде ауа температурасы түнде 0-5 градус аяз, күндіз 3-12-ден 5-15-ке дейін жылы, солтүстік-батыста түнде ауа температурасы 0-5 аралығында төмендейді.
Оңтүстікке келсек, ауа температурасы 10-нан 5-13-ке дейін, республиканың солтүстігінде 2-7 жылудан 2…7 аязға дейін, күндіз 2-15 пен 0-5 жылу аралығында болады.&nbsp;
Қазақстанның орталығында түнде -3…+5-тен -7…+ 3 дейін төмендейді, күндіз 8-16-дан 2-10-ға дейін жылу, шығыста -3…+5-дан -1…+ 7 дейін төмендейді, күндіз 10-18-ден 0-8 аралығында жылу болжанады.
Елдің оңтүстігінде -1…+7-ден -3…+5 дейін сәл төмендей түседі, ал күндіз 13-22-ден 8-15-ке дейін болады.&nbsp;
Республиканың оңтүстік-шығысында -1…+7-ден -3…+6-ға дейін ауытқиды, күндіз 12-20-дан 7-15-ке дейін жылынады.

Ертеңнен бастап аяз болады

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!» байқауының Қызылорда қалалық кезеңі бойынша жеңімпаздар анықталды. Қорқыт ата атындағы Қызылорда университетінің Студенттер сарайында өткен байқауда Қызылорда қаласы мектептері бойынша 100-ге жуық оқушы бақ сынады.
Жоба барысында «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов сөз сөйлеп, байқаудың маңыздылығына тоқталды.
<blockquote>
 «Қазіргідей бала санасының әр талшығын бүкілғаламдық тор шеңгелдеп тұрып шырмап алған кезеңде оның тарихи, көркем, пәлсапалық маңызын ұмыттырмай, бабалар аманаттап кеткен жәдігердің әр жолын көздің қарашығынай сақтап, бойға сіңіру өте маңызды. Тегеурінді технологияның тасасында қалып бара жатқан ауыз әдебиетінің інжу-маржаны ендігі жерде ешкімге де қажет емес деп қарайтындар бар. Ендеше эпостық жырға, батырлар жырына құрметті арттыру үшін ынталандырып жаттатудың, қызықтырып оқытудың әдіс-амалдары қарастырылғаны жөн. «Тұлпар мініп, ту алған» ұлттық жобасы осындай мақсатпен қолға алынған.&nbsp; Жобаның қалалық және аудандық кезеңдері 25-29 қазан аралығында өтеді. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда», – деді Шәріп Әкбарұлы.
</blockquote>
Сондай-ақ, қалалық білім бөлімінің басшысы Динара Баймырзаева талапкерлерге сәттілік тіледі.
<blockquote>
 «ҚР Білім министрлігінің “Оқуға құштар мектеп” жобасы барлық мектептерде жүргізіліп келеді. Жоба аясында балалар өлеңдерді жатқа оқып, қосымша әдебиеттермнн танысып жатыр. Көптеген іс-шаралар өтуде. Мектептердің кітапханадарында буккросингтер әзірленді. Бұл жұмыстар балаларды кітап оқуға ынталандыру үшін жасалып жатқан жұмыстар. Бүгінгі байқауға қатысып жатқан 93 баланың барлығы да біз үшін жеңімпаздар. Сіздерге сәттілік тілеймін», – деді ол.
</blockquote>
Байқауға «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов, балалар ақыны Рахат Наурызбаева, жыршы, Тұрмағамбет атындағы өнер мектебінің директоры Берік Саймағамбетов, әлеуметтанушы Нұрсұлтан Қаражанов, «Сыр дидары» газетінің бас редакторы Сәкен Алдашбаев, А.Тоқмағамбетов атындағы мәдениет үйі жанындағы «Қауырсын» жас ақындар үйірмесінің жетекшісі Мамыр Байдәулетов, жыршы Серік Жақсығұлов қазылық етті.
Байқаудың қорытындысы бойынша, қазылар шешімімен, Қызылорда қаласы бойынша келесі оқушылар жеңімпаз атанды:
1 орын(150 мың теңге) – №271 орта мектептің&nbsp; 7-сынып оқушысы Жаннұр Аман, дайындаған мұғалімі Гайнегул Аймыратова; 
2 орын(100 мың теңге) – №187 мектептің&nbsp; 8-сынып оқушысы Жансая Төлеп, дайындаған мұғалімі Баян Мұрынбаева; 
3 орын(50 мың теңге) – №189&nbsp; мектеп гимназиясының 8-сынып оқушысы Аяулым Мұханбетжан, дайындаған мұғалімі Анар Баймаханова.
Байқау жеңімпаздарына жүлделерін қала әкімінің орынбасары Бектас Нуридинов табыстады. 
Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда. Ертең, яғни, 26 қазан күні жоба Жаңақорған және Шиелі аудандарында жалғасады.
<img src="https://kyzylorda-news.kz/wp-content/uploads/2021/10/28c1bec7-0c92-4ae8-ad90-60979a1eaf33.jpg" alt="" />
<img src="https://kyzylorda-news.kz/wp-content/uploads/2021/10/e0f38050-ec06-4f40-b433-1dcdca3caaeb.jpg" alt="" />
<img src="https://kyzylorda-news.kz/wp-content/uploads/2021/10/f99ae5d9-55a5-40ce-a766-010aea545a15.jpg" alt="" />

«Тұлпар мініп, ту алған!»: Қызылорда қаласы бойынша жеңімпаздар анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында басталған&nbsp;&nbsp; «Рефлекс-2021» жедел профилактикалық&nbsp; шарасы барысында облыс орталығында аса ірі көлемде синтетикалық «меткатинон», «мефедрон» есірткі заттарын жасырын таратып жүрген қала тұрғыны құрықталды.&nbsp;&nbsp;
Күдіктінің мобильді қосымшасы арқылы тапсырыс алып,&nbsp; оларды қала ішіндегі белгілі бір жасырын жерлерге салып отырғандығы анықталған. &nbsp;Полицейлер оны синтетикалық бетбелгі (закладка)&nbsp; қалдырып жатқан жерінен ұстады. Айғақ зат ретінде барлығы 72&nbsp; (жетпіс екі)&nbsp; дана синтетикалық заты бар орама алынды.&nbsp;&nbsp;&nbsp;&nbsp;&nbsp;
<blockquote>
 «Аталған дерек бойынша Қазақстан Республикасы Қылмыстық кодексінің 297-бабы 3-бөлігінің 3-тармағына (аса iрi мөлшердегі есірткі, психотроптық заттарға, сол тектестерге қатысты жасалған есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу)сотқа дейінгі тергеп-тексеру басталды», – делінген полиция департаментінің хабарламасында.
</blockquote>
Қазіргі таңда күдікті Қызылорда қалалық полиция басқармасының уақытша ұстау абақтысына қамаққа алынды.

Қазақстан және Қызылорда облысының жаңалықтары