​Kyzylorda-news.kz. Синоптиктердің хабарлауынша 13 наурызда Қызылорда облысының кей жерлерінде көктайғақ, бұрқасын күтіледі.
Солтүстік-шығыстан жел соғады, күші түнде кей жерлерде 15-20 м/с, күндіз 15-20, кей жерлерде 23-28 м/с күтіледі.

13 наурызға арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Ағымдағы жылдың 22 қаңтарынан бастап Қызылорда облысы Полиция департаментінің Әкімшілік полиция басқармасы, қалалық прокуратура және жеке сот орындаушылары бірлесіп «Борышкер» жедел профилактикалық іс-шарасын өткізуде. &nbsp;&nbsp;&nbsp;
Аталмыш шараның мақсаты – әкімшілік құқық бұзушылықтарға салынған айыппұлдарды төлемей жалтарып жүрген борышкерлерден айыппұл өндіру.
Айта кетейік, бүгінгі күнге дейін 7 млн 200 мың теңге көлемінде айыппұлдары бар борышкерлердің 10 автокөлігі &nbsp;айып алаңына қойылды.
Шара барысында сақтандыру құжаты жоқ және жалған мемлекеттік белгі тағып, көлік құралын басқару деректері де анықталды. Анықталған әрбір құқық бұзушылық бойынша көлік жүргізушілеріне қатысты әкімшілік хаттамалар толтырылып, тиісті шаралар көрілуде.
Бұл бағыттағы&nbsp; жұмыстар жалғасын табуда.

Қызылордада полицейлер, прокурорлар және сот орындаушылар бірлескен рейд өткізуде

<a href="https://kyzylorda-news.kz/">Kyzylorda-news.kz</a>. Байқоңырды шынымен адамзаттың тал бесігі, ғарышқа қол жалғар көпірі десек болады. Өйткені бұл ғажайып мекен – адамды алғаш ғарышпен табыстырған айлақ. Қазақ Байқоңырды жердің кіндігі деп бекер айтпаса керек. Қорқыт ата аңызында да дәл осынау аңызақ даланы қасиетті жер деп бағалауы тегін емес. Себебі Байқоңыр мен ғарыш әлемі арасында байланыс, ғарышқа тез көтерілер “қара түнек” сынды жол бар.
Ендеше Байқоңырдың тарихы, салынуы, тылсымы мен құпиясы жайлы тереңірек тоқталып өтелік.
Алғашқы айлақ неге Қазақстанда салынды?
1955 жылы Кеңес үкіметі әскери полигон салу туралы қаулы шығарады. Мұндай полигон құрлықаралық баллистикалық зымыранды (ол кезде Р-7 зымыраны болатын) сынақтан өткізу үшін керек болды.
Арнайы комиссия құрылып, алып құрылысты салатын алаңды іздеп, ұзақ ойланды. Негізінен төрт жер таңдап алынды: Дағыстан, Астрахань облысы, Марий Эл аймағы және Қызылорда облысы.
<img src="https://kyzylorda-news.kz/wp-content/uploads/2021/03/265f1fef7fd2c0d393a3a83fe0ecaf9f.jpeg" alt="" />
Елдімекенді таңдауда ең алдымен ауыз су мен темір жолдың бар-жоғы назарға алынды. Бұл жағынан Қызылорда артық боп шықты. Әсіресе, жерінің кеңдігі үлкен рөл ойнады: Байқоңыр жанында бос жатқан жер көп. Маңайында мүлде елдімекен жоқ. Полигонды салуға керек 7 мың шаршы шақырым жер сайрап жатыр.
<img src="https://kyzylorda-news.kz/wp-content/uploads/2021/03/8524a59784379de4cac6d3e20fbfc4e2.jpeg" alt="" />
Содан 1955 жылы 2 маусымда КСРО Қарулы күштерінің Бас штабы Байқоңырды ресми түрде әскери полигон деп мойындап, 11 284 әскери бөлімін орналастыру туралы қаулы шығарады. Неге құжатта әскери полигон деп жазғанын да баяндаймыз. Өйткені құпия нысанды қырғи-қабақ жау білмеуі тиіс еді. Бұл жағынан кеңес үкіметі АҚШ-ты он орап кетті.
Жасырын айлақ
Полигон салмас бұрын кеңес әскері Қарағанды облысының Байқоңыр атты елдімекені маңынан арнайы қалашық салады. Қалашықты ағаштан салған. Өйткені маңызды әскери нысанды жат көзден, әсіресе, шетел тыңшыларынан жасырын ұстау керек еді. Сондықтан Байқоңырды алғаш әскери полигон деп те емес, “өтірік полигон” деп атаған. 1961 жылға дейін Байқоңырдың бар екенін ешкім білмеді.
<img src="https://kyzylorda-news.kz/wp-content/uploads/2021/03/3.jpeg" alt="" />
Тек “Восток-1” ғарыш кемесі мен 1961 жылы 12 сәуірде Юрий Гагарин ғарышқа ұшқан кезде ғана ел Байқоңыр атты айлақ барын білді. Содан бастап ресми түрде айлақ аты Байқоңыр деген атауға көшті.
Құрылысшылар стадион сап жатырмыз деп ойлаған
Кеңес үкіметінің Байқоңырды барынша жасырын ұстағанын жоғарыда айттық. Тіпті, алып құрылыс салып, конструкцияны құрап жатқан құрылшылардың өзі бұл жерде үлкен стадион салып жатырмыз деп, ал әскери офицерлер шекараны қорғау үшін әскери база салып жатырмыз ойлаған екен.
<img src="https://kyzylorda-news.kz/wp-content/uploads/2021/03/4.jpeg" alt="" />
Құрылысшыларға полигонның ізін көрсетпес үшін елдің жан-жағынан сарбаздарды әкеп жұмысқа салған.
Көне мекен
Құрылысшылар жерде қазаншұңқыр қазып жатып, көне елдімекеннің орнын тауып алады. Бұл маңда ұстахана, қандай да бір өндіріс алаңы болғанға ұқсайды. Өйткені тапқан жәдігерлердің көбі отқа, алауға байланысты үлкен ошақ болғанға ұқсайды. Сараптама мұның осыдан 10-30 мың жыл бұрын жасалғанын дәлелдеді.&nbsp;
Бас конструктор Сергей Королёв табылған жәдігерге қуанып, “бұл жер қасиетті мекен” деп, жәдігердің бір бөлігін тұмар қылып мойнынан тағып жүрген екен.
Байқоңырда көп адам өлген, бірақ оны ешкім білмейді
Байқоңырда ең үлкен апат 1960 жылы болған. Р-16 құрлықаралық баллистикалық зымыранын ұшырмақ болған сәтте қозғалтқышының біреуі қосылып кетіп, сұйық отын құйылған багы жарылып, бүкіл аумаққа шашылады.
<img src="https://kyzylorda-news.kz/wp-content/uploads/2021/03/5.jpeg" alt="" />
Содан сынақ алаңында өрт болып, 74 адам жанып кетеді. Ал бейресми дерекке сүйенсек, 92 не 126 адам көз жұмған. Бірақ кеңес үкіметі оқиғаны ізім-ғайым жасырып үлгереді. Оны ешкім де білген емес. Бұл оқиға 1989 жылы ғана беті ашылды.
Айлақтың салынғанына биыл 65 жыл болады
Байқоңырдан 60 жылдың ішінде 3 мың зымыран ұшырылып, 150 ғарышкер космосқа аттанды.
Ең алғашқы зымыран 1957 жылы 15 мамырда ұшырылды. Р-7 баллистикалық зымыраны 98 секунд жоғары көтеріліп, бір қозғалтқышы істен шығып, 400 метр жерге барып құлап жарылып кетеді.
Ал 1957 жылы 4 қазанда ғарышқа алғаш рет жасанды Жер серігі ұшырылады. Бұдан кейін ғарышқа ит-космонавтар – Белка мен Стрелка аттанады. 1960 жылы 19 тамызда “Спутник-5” атты зымыран иттерді отырғызып, Жерді 17 рет айналып, Байқоңырға қайта қонады.
Ал 1961 жылы 12 сәуірде ғарышқа алғашқы адам – Юрий Гагарин аттанады. Кейін Герман Титов, Валентина Терешкова ғарышқа аман-есен барып қайтты.
Байқоңырдан Р-9, Р-36, УР-200, УР-100 баллистикалық зымыранының түрлі буыны ұшырылды. Р-7 базасында құрылған “Восток” (1961–1963 жылдар), “Молния”, “Восход” (1964–1966 жылдар), “Союз” (1966 жылы), “Циклон”, “Протон”, айға қонған Н-1, “Зенит”, “Энергия” және “Прогресс” (1978 жылдан бастап) сынды зымыран тасығыштар ғарышқа кетті.
1988 жылы “Боран” атты ғарыш кемесін тиеп “Энергия” зымыран тасығышы космосқа аттанды. Жер маңы орбитасына барып “Боранды” босатты. Боран – тарихта ең алғаш ғарышқа аттанған кеме. Ол – Жерді экипажсыз екі рет айналып, айлаққа қайтып келіп өзін қондырған кеме. Одан кейін ол кеме орбитаға ұшырылған емес.
<img src="https://kyzylorda-news.kz/wp-content/uploads/2021/03/7.jpeg" alt="" />
1971-2001 жылдары Байқоңырдан бүкіл бір ғарыш станциялары аттанды. 1971-1991 жылдары “Салют” бекеті, 1986-2001 жылдары “Мир” бекеті құрылады. Қазіргі Халықаралық ғарыш айлағы да Байқоңырдың арқасында құрылды.
1998 жылы “Заря” модулі орбитаға ұшырылады.
Қазақстандық KazSat ғарыш спутниктері де 2006 жылдан бастап Байқоңырдан ұшырылған.
Байқоңыр – әлемде жалғыз
Байқоңыр – өте құнды мекен, қымбат айлақ. Жер бетінде бірде-бір мұндай нысан жоқ. Космондромға биыл 65 жыл толады. Бірақ адамзат осы уақыттың ішінде осыншалықты қуатты бір де бір құрылыс сала алмады.
Ресейде Плесецк мен “Восточный” сынды ұшыру алаңдары болғанымен, Байқоңырдың қуатына жарты ғасыр уақыт берсе де жете алмайды.
2021 жылы Байқоңырдан “Союз-12” зымыраны жіберіледі. Қазан айында ұшырылмақ.
Байқоңыр Мәскеуден екі жарым есе, Астанадан тоғыз есе үлкен. Айлақтың аумағы – 6717 шаршы шақырым. Байқоңырдың аумағында 12 ұшыру қондырғысы, 11 монтажды корпус, 39 техникалық кешен, екі сұйық отын құю бекеті, азот зауыты, 600 трансформаторлық қосалқы станция, екі аэродром орналасқан. 1000 шақырымға созылып жатқан автокөлік жолы бар.&nbsp;
<a href="https://massaget.kz/layfstayl/alemtanu/Qazaqstanym/64667/">massaget.kz</a>

Байқоңыр – әлемде жалғыз: тарихы, құпиясы және Юрий Гагарин

<a href="https://kyzylorda-news.kz/">Kyzylorda-news.kz</a>. Жалағаш ауданында жергілікті шаруа қожалығының бір күннен бері хабарсыз кеткен 53 жастағы малшыға 11 наурыздан бастап іздестіру басталды.
Ол 10 наурызда шаруа қожалығының жайылымынан белгісіз бағытқа шығып кеткен. 1968 жылы дүниеге келген азамат содан бері қайта оралмаған.
<blockquote>
 «Оқиға орнына 11 наурызда сағат 13.00 шамасында Қызылорда облыстық төтенше жағдайлар департаменті Өрт сөндіру және авариялық-құтқару жұмыстары қызметінің 5 құтқарушысы 1 техникамен аттанып кетті. Іздестіру жұмыстары жасалуда», – деп мәлім етті Қызылорда облыстық төтенше жағдайлар департаменті Өрт сөндіру және авариялық-құтқару жұмыстары қызметінен.
</blockquote>

Жалағашта 53 жастағы малшы хабарсыз кеткен

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаевтың атына Наурыз мерекесіне орай Америка Құрама Штаттарының Президенті Джо Байденнің құттықтау жеделхаты келіп түсті, деп хабарлайды&nbsp;<a href="https://www.akorda.kz/kz/events/international_community/telegram_of_congratulations/aksh-prezidenti-dzho-baidennin-kuttyktau-zhedelhaty-keldi">Ақорда</a>.
<blockquote>
 « Биыл Қазақстан Республикасы өз Тәуелсіздігінің 30 жылдығын атап өтеді. Сізді осы атаулы оқиғамен құттықтай отырып, АҚШ Президентінің Әкімшілігі Өзіңізбен және Қазақстан халқымен етене жұмыс істеуге зор мән беретінін айтқым келеді. Ұзақ жылдар бойы біз ядролық қаруды таратпау, бейбітшілік пен қауіпсіздікті нығайту бағытындағы тығыз серіктесті қолдап келеміз. Менің Әкімшілігім стратегиялық серіктестігімізді тереңдетуге және бұдан 5 жыл бұрын Мемлекеттік хатшы Джон Керридің қатысуымен басталған «С5+1» диалог процесін жалғастыруға мүдделі, – деп жазылған жеделхатта.
</blockquote>
Наурыз мерекесі қарсаңында Джо Байден Қасым-Жомарт Тоқаевқа және Қазақстан халқына бейбітшілік пен құт-береке тіледі.

АҚШ Президенті қазақстандықтарды Наурыз мерекесімен құттықтады

<a href="https://kyzylorda-news.kz/">Kyzylorda-news.kz</a>. Шаруаларға көктемгі егістік жұмыстар үшін жеңілдетілген несие берілмек, деп хабарлайды <a href="https://www.inform.kz/kz/kazakstandyk-dikandarga-5-payyzben-nesie-berilmek_a3763565">ҚазАқпарат</a>.
Наурыз айының басында Аграрлық несиелік корпорация «Keң дала» бағдарламасы бойынша егіс және жинау науқанын қаржыландыруды бастады. Осы мақсатқа орай республикалық бюджетінен 70 миллиард теңге бөлінді. Бұл қаражат жеңілдетілген несие түрінде қазақстандық фермерлерге қол жетімді.
Бүгінгі күні 518 фермерлер жалпы сомасы 31,5 млрд теңгеден астам несие алды. Алынған несиенің пайыздық мөлшерлемесі 5% -дан аспайды. Сонымен қатар, қазіргі уақытта 24,8 млрд теңге құрайтын 1 129 ауыл шаруашылығы тауар өндірушілерінің несиелік өтінімдері мақұлданды.

Қазақстандық диқандарға 5 пайызбен несие берілмек

<a href="https://kyzylorda-news.kz/">Kyzylorda-news.kz</a>. Бүгін Қызылорда қаласындағы «Болашақ» университетіне 355 жылдық тарихы бар Швециядағы Лунд университетінен PhD доктор, Дүниежүзілік денсаулық сақтау ұйымының техникалық кеңесшісі Осама Ахмет Махер студенттер мен магистранттарға арналған дәріс сабақтарын бастады.
Доктор Осама 10-17 наурыз аралығында төтенше жағдайдан кейін алғашқы көмек, экология мен медицина байланысы туралы сабақтарын өтетін болады. Дәріс бастамас бұрын Доктор Осамамен университет атриумында барлық санитарлық талаптарды сақтай отырып ресми кездесу ретінде басталды.
Кездесуде университет ғылыми жетекшісі, экономика ғылымдарының докторы, профессор, ҚР ҰҒА Академигі Бақберген Досманбетов өзінің алғысөзінде университетте шетелдік профессорларды оқу үдерісінде тартуда әрдайым қолдау көрсетілетінін және біздің білім алушылар үшін әрдайым жағдай жасалатындығы, сонымен қатар доктор Осаманың дәрістерінде жастардың белсенді болып, тәжірибесін барынша қолдануға шақырды.
Сонымен қатар доктор Осама Ахмет Махер өз сөзінде «Болашақ» университеті, «Болашақ» жоғары медициналық колледжі және жоғары колледж студенттері мен магистранттары үшін өзінің дәрістерінде тәжірибесін толық көрсетіп, еркін форматта тыңдаушылармен диалогты түрде өткізетіндігін атап өтті.
Кездесу барысында Доктор Осама Ахмет Махерден кейін университет ректоры Қуаныш Дәуренбеков “Болашақ” университеті жұмыс барысы мен алдағы жоспарларымен таныстырып өтті. Ал кездесуден соң ғалым “Төтенше жағдайлар мен апаттарды басқару” тақырыбындағы алғашқы дәрісін бастап кетті.
<img src="https://kyzylorda-news.kz/wp-content/uploads/2021/03/159904828_1247278992334277_8358813502051963325_o.jpg" alt="" />
<img src="https://kyzylorda-news.kz/wp-content/uploads/2021/03/160170407_1247279065667603_8279705136565016926_o.jpg" alt="" />
<img src="https://kyzylorda-news.kz/wp-content/uploads/2021/03/159726054_1247278995667610_2857257285230561102_o.jpg" alt="" />

Швециялық ғалым «Болашақ» университетінде дәріс береді

<a href="https://kyzylorda-news.kz/">Kyzylorda-news.kz</a>. Қазақстанда 1 ақпаннан бастап 34 мыңнан астам адамға вакцина егілді. Бұл туралы Бұл туралы медицина ғылымдарының кандидаты, ДСМ Қоғамдық денсаулық сақтау министрлігінің ұлттық орталығы директорының орынбасары Айнагүл Қуатбаева мәлімдеді.
<blockquote>
 «Өздеріңіз білетіндей, елімізде 1 ақпаннан бастап коронавирусқа қарсы вакцинация басталды. Бүгінгі күні 34 мыңнан астам медицина мамандары мен педагогтар және күштік құрылым қызметкерлері екпе салдырды. Ал, вакцинаның екінші компоненті 16 мыңнан астам адамға салынды. Қазір электронды жүйе арқылы мониторинг жүргізілуде, вакцина алғандардың жағдайын бақылап отырмыз. Осы ретте баса айтарымыз – әрбір адамға вакцина сол адамның келісімі, түсіндіру жұмыстары және медициналық тексерістен кейін салынады. Сонымен қатар, вакцина салатын, оны ұйымдастыратын қызметкерлердің барлығы да арнайы оқыту, үйренуден өтті. Арнайы егу бөлмелері толықтай қажетті құрылғылармен жабдықталған. Вакцинаның ерекшелігіне байланысты арнайы бөлмелер -18С-ты қажет ететін тоңазытқыш қондырғыларымен қамтамасыз етілген», – деді ол.
</blockquote>
Оның айтуынша, бүгінде 600-ден астам екпе бөлмесі&nbsp;дайын. Оның 97%-дан астамы арнайы тоңазытқыштармен қамтамасыз етілген.&nbsp;
<blockquote>
 «Жұмыс барысында біз вакцина алған адамдардың екпеден кейінгі мониторинг жұмысына көп көңіл бөлеміз. Вакцина алғаннан кейін егу бөлмесінің жанында арнайы бөлмелер дайындалған, онда адамдар 30 минуттай медицина қызметкерлерінің бақылауында болады. Сонымен қатар, азамат үйге жіберілгеннен кейін 3 күн бойы дәрігерлердің бақылауында болады. Осындай бақылаудың нәтижесінде 400-ден астам (415) адамнан вакцинациядан кейінгі реакция тіркелгенін байқадық. Мұның барлығы алдын ала күтілген жағдай. Оның ішінде 267-сі жалпы жағдай (дененің дел-салдылығы, дене қызуының көтерілуі). Адам ағзасының қалыпты реакциясы саналатын мұндай жағдайда арнайы ем-домның қажеті жоқ екенін ескертеміз», – деді Айнагүл Мұқанқызы.
</blockquote>
<a href="https://baq.kz/news/othernews/kazakstanda-34-mynnan-astam-adamga-vakcina-salyndy/">Baq.kz</a>

Қазақстанда 34 мыңнан астам адамға вакцина салынды

<a href="https://kyzylorda-news.kz/">Kyzylorda-news.kz</a>. Бүгін мәслихат хатшысы Наурызбай Байқадамов жұмыс сапарымен Арал ауданына барды.
Алдымен мәслихат хатшысы Сексеуіл кентіндегі жаңадан салынып жатқан 300 орындық мектеп пен 40 төсектік ауылдық аурухананың жұмысымен танысты. Мектептің құрылыс жұмыстары 2020 жылдың шілде айында басталып, ағымдағы жылдың сәуір айында аяқталады деп жоспарлануда. Құрылыс жұмыстарын «Энергомера» және «Атамекен» ЖШС мердігер мекемесі жүргізуде. Бас мердігер мектеп құрылысының салу барысымен таныстырды.
Жаңадан салынып жатқан құрылысты аралау барысында Наурызбай Сейтқалиұлы мердігерлерге құрылыс нысандарын мезгілінде сапалы аяқтап, өз жұмыстарына жауапкершілікпен қарауды тапсырды.
Одан кейін, «Арал сервистік дайындау орталығы» ЖШС-ің балық өңдеу зауыты мен ипотекалық тұрғын үйлердің құрылысымен, Арал қаласындағы «Оқушылар үйіне» және Арал көпсалалы колледжімен қатар, 1980 жылы салынған Арал индустриалды-техникалық колледжеріне «Жұмыспен қамту жол картасы» аясында жүргізілген күрделі жөндеу жұмыстарымен танысты.
Сондай-ақ, аудандық кітапхана ғимараттарының ескіруіне байланысты олардың материалдық-техникалық базасын күшейту жөнінде кеңесіп, Арал аудандық мәслихатында мәслихат депутаттарымен кездесті.
Кездесу барысында облыстық мәслихат хатшысы облыс әкімі Гүлшара Наушақызының басшылығымен облыс көлемінде және Арал ауданында атқарылып жатқан жұмыстар жайлы хабарлама жасады. Сонымен қатар бірқатар өзекті мәселелер жөнінде ой-пікір алмасты.
<img src="https://kyzylorda-news.kz/wp-content/uploads/2021/03/159880451_1161036894331671_2637718729839534814_o.jpg" alt="" />
<img src="https://kyzylorda-news.kz/wp-content/uploads/2021/03/159967853_1161036987664995_6733541112794539949_o.jpg" alt="" />
<img src="https://kyzylorda-news.kz/wp-content/uploads/2021/03/160247689_1161036904331670_7626536921648602868_o.jpg" alt="" />

Мәслихат хатшысы Наурызбай Байқадамов жұмыс сапарымен Арал ауданына барды

**<a href="https://kyzylorda-news.kz/">Kyzylorda-news.kz</a>.&nbsp;Қазақстан Республикасының Сыбайлас жемқорлыққа қарсы іс-қимыл агенттігі төрағасының бірінші орынбасары *Олжас*** *Бектенов департамент жанынан құрылған жобалық кеңселердің жетекшілерімен «Antikor Ortalygy» сервистік орталығында кездесу өткізді.*
Кездесу барысында аймақтағы қоғам белсенділері, жастар және мемлекеттік қызметкерлермен бірлесе отырып жүргізіліп жатқан жұмыстарды талқылап, қазіргі таңда қоғамның белсенді қатысуынсыз жемқорлықты азайту мүмкін емес екені аталып өтті.
Кездесуге қатысушылар жемқорлыққа қарсы саясатты іске асыру мәселелері бойынша, оның ішінде қоғамды саяси жаңғырту және демократияландыру тұрғысынан өз пікірлерін білдірді.
<blockquote>
 «Сыбайлас жемқорлыққа қарсы саясаттың тиімді алдын алу, сындарлы әріптестік және белсенді қоғам сынды басымдықтар қазіргі заман талаптарынан туындап отыр. Қазіргі таңда жемқорлық құқық бұзушылықтардың алдын алу негізге алынғанын атап өтемін. Бұл ретте азаматтық қоғам тарапынан ауқымды қолдаудың маңызы зор. Сыбайлас жемқорлыққа қарсы жұмыста ыңғайсыз серіктестер мен болмашы мәселелер болмайды. Осыған орай, біз үшін өзекті мәселе жайлы ашық айтатын, сындарлы шешімдер ұсынуға дайын және бастаған ісін аяқсыз қалдырмайтын кез-келген азамат маңызды», – деді Олжас Бектенов.
</blockquote>
<img src="https://kyzylorda-news.kz/wp-content/uploads/2021/03/img_5012-scaled.jpg" alt="" />

Олжас Бектенов: Сыбайлас жемқорлыққа қарсы жұмыста болмашы мәселелер болмайды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова «Қайсар» футбол командасының құрамымен танысып, ойыншыларға жаңа маусымда киіп шығатын жейделерін табыстады.
<blockquote>
 «Баршаңызды жаңа футбол маусымының ашылуымен шын жүректен құттықтаймын. Спорт – әлемнің елшісі болса, футбол – миллиондаған жанкүйерлердің сүйікті спорты. Футбол спорты жақсы дамыған Еуропа төрінде өнер көрсету – кез-келген команда үшін үлкен жетістік. Былтырғы жылы туған жеріміздің мерейін асырған командамыздың ел ішіндегі және сырт алаңдағы жеңісті ойындары рухымызды көтеріп, жанкүйер қауымды ерекше қуантты. Осы мерейлі сәтті пайдаланып, барлық бапкерлер құрамына, футболшыларымызға жанкүйерлер атынан алғысымды айтқым келеді. Биылғы маусымда «Қайсар» командасы жеңісті жолды жалғастырып, жүлдегерлер қатарынан көрінеді деп сенеміз», – деді облыс әкімі Гүлшара Әбдіқалықова.
</blockquote>
Мұнан соң алғаш рет «Қайсар» футбол клубына арналған «Алға, Қайсар» атты әнді Жарасхан Төлебай орындады.
Тарихы «Автомобилистен» басталып,Тәуелсіздіктің алғашқы жылдарында «Қайсар» атауына ие болған облыстың бас командасының ел футболы тарихында алатын өзіндік орны бар. 1991-жылдан бері «Қайсар» командасы 2 мәрте Қазақстан кубогының, 5 мәрте бірінші лига ойындарының жеңімпазы болса, 1999 жылы Азия кубогына қатысып, 2020 жылы тұңғыш рет Еуропа лигасында ойнады. Жарты ғасырдан аса тарихы бар «Қайсар» футбол командасына биыл жерлесіміз Сұлтан Әбілдаев бас бапкер болып тағайындалды.
Команданың бас бапкері Сұлтан Әбілдаев аймақ басшысы Гүлшара Әбдіқалықоваға клуб атынан естелікке 12 нөмірлі жейдесі табыстады. Шара соңында облыс әкімі клуб ойыншыларымен естелік суретке түсті.
Айта кетейік, 14 наурыз күні Қазақстан Премьер лигасының бірінші ойынында Орталық стадионында қайсарлықтар «Тараз» командасын қабылдайды.
<img src="https://kyzylorda-news.kz/wp-content/uploads/2021/03/159790844_3190188001084247_6085051304966936371_o.jpg" alt="" />
<img src="https://kyzylorda-news.kz/wp-content/uploads/2021/03/159898553_3190187317750982_1946259900517980409_o.jpg" alt="" />

Гүлшара Әбдіқалықова «Қайсар» футбол клубының жаңа құрамымен танысты

<a href="https://kyzylorda-news.kz/">Kyzylorda-news.kz</a>. Синоптиктердің мәліметі бойынша, еліміздің солтүстігінде қатты аяз болады. Еліміздің оңтүстігінде жауын-шашын болады, деп хабарлайды Қазгидромет.
<blockquote>
 «Бүкіл кезең бойы Қазақстан аумағының басым бөлігіне Солтүстік-батыс антициклоны әсер ететін болады, ол аязды ауа райына, негізінен жауын-шашынсыз ауа райына себепші болады. Тек елдің оңтүстігінде, оңтүстік-шығысында және шығысында антициклонның басып кіруі ауа температурасының төмендеуін ғана емес, жауын-шашын да әкеледі. Демалыс күндері қатты жауын-шашын (жаңбыр, қар), сондай-ақ бұрқасын, желдің күшеюі, көктайғақ болады. Республика бойынша кей жерлерде тұман күтіледі», – делінген хабарламада.
</blockquote>

Қазақстан және Қызылорда облысының жаңалықтары