<a href="https://kyzylorda-news.kz/">Kyzylorda-news.kz.</a> Қазалы ауданында Тәуелсіздік мерекесінің қарсаңында Ғани Мұратбаев ауылына газ барып, Ақсауат ауылында 150 орындық клуб пайдалануға беріледі.
Бұл екі жобаға қаржы «Жұмыспен қамтудың 2020-2021 жылдарға арналған жол картасы» мемлекеттік бағдарламасы аясында бөлінді. Яғни, бағдарлама шеңберінде Ғ.Мұратбаев ауылына табиғи газ тартылды. Орта қысымды газ желісі Әйтеке би кентіндегі Үштаған жанынан бастау алады. Жобада 6,1 шақырым орта қысымды газ желісі, 12,2 шақырым төмен қысымды газ желісі, 2 газ реттегіш қаралған. Барлығы 293 абонент қамтылады. Ал, Ақсуат ауылында 150 орындық клуб салынуда. Құрылыс жұмыстары толығымен аяқталған. Қазір жылу құбырларын орнату жұмыстары жүргізілуде.
Жалпы бағдарлама аясында ауданда 42 жоба жүзеге асырылуда. 1084 адам жұмыспен қамтылып, әлеуметтік нысандар жаңғыртылудан өткізілуде. Көшелер орташа жөнделіп, жарықтандырылды.
<img src="https://kyzylorda-news.kz/wp-content/uploads/2020/12/130092627_1184734841922026_2683188660919750113_o.jpg" alt="" />
<img src="https://kyzylorda-news.kz/wp-content/uploads/2020/12/129873372_1184734831922027_8187074148055632038_o.jpg" alt="" />

Ғани Мұратбаев ауылына газ барды

<a href="https://kyzylorda-news.kz/">Kyzylorda-news.kz.</a>&nbsp;Бүгінгі күнге дейін Сыр бағбандары жеміс ағаштарының көшеттерін көршілес Түркістан облысына қарасты Сарыағаш және Қазықұрт аудандарындағы тұқым шаруашылықтарының питомниктерінен сатып алып келген еді.
Дегенмен, ол жақтың ауа райы жергілікті жердікімен сәйкес келмеуінен және топырағының ерекшеліктеріне байланысты еккен көшеттердің 40-50 пайызы жергілікті жерге жерсіне алмай, қурап қалуда.
Осыған байланысты облыстық ауыл шаруашылығы басқармасы мамандарының бастамасымен өткен жылдың тамыз айында Жаңақорған ауданына қарасты “7 KZ Сыр табиғаты” ЖШС-гі базасында элиталық көшет өндіріп-өсірумен айналысатын аттестатталған тұқым шаруашылығы ашылған болатын.
Бұл – облыс бойынша жеміс ағаштарының элиталық көшеттерін өндіріп – өсірумен айналысатын бірден-бір тұқым шаруашылығы. Мұнда өсіріліп, жергілікті жердің ауа райы мен топырағына жерсіндірілген көшеттер алдағы жылдары облыс аумағына тиімді бағамен сатылатын болады.
Қазіргі таңда “7 KZ “Сыр табиғаты” ЖШС-гінің питомнигінде алма, өрік, шабдалы, алмұрт ағаштарының және жүзімнің 150 мыңға жуық элиталық көшеті өсірілуде. Бағалары да қолжетімді болмақ. 
Бұдан басқа аталған шаруашылықта грек жаңғағы мен миндаль (бадам) ағаштарының және арша ағаштарының бірнеше сорттарының көшеттері өсірілуде.
Жеміс ағашын өндірістік негізде өсірем дейтін шаруашылықтарға және кәсіпкерлерге “Тұқым шаруашылығын қолдау” бағдарламасы бойынша элиталық көшеттерге 50 пайыз субсидия төленбек (2020 жылы 002 “Тұқым шаруашылығын дамытуды субсидиялау” бағдарламасы аясында бір шаруашылық 3500 дана элиталық көшетке 1204,0 мың теңге субсидия алды).
Облыс бағбандарын жерсіндірілген элиталық жеміс ағаштарының көшеттерімен толық қамтамасыз ету үшін 2021 жылы Жаңақорған ауданынан тағы да бір элиталық көшет өсірумен айналысатын тұқым шаруашылығын ашу жоспарлануда. Осы мақсатта тұқым баққа жер бөлу үшін тиісті сала мамандарымен жұмыстар жүргізілуде.

&#8220;7 KZ Сыр табиғаты&#8221;: Жүзімнің 150 мыңға жуық элиталық көшеті өсірілуде

<a href="https://kyzylorda-news.kz/">Kyzylorda-news.kz.</a>&nbsp; Қызылорда қалалық полиция басқармасында 30 тергеуші қызмет атқарады. Тергеуші мамандығы қашанда сауаттылық пен біліктілікті, төзімділік пен ыждаһаттылықты талап етеді. Бұл мамандықтың иелері қылмыскерлерді құрықтап қана қоймай, бұлтартпайтын айғақтар арқылы оның ақ пен қарасын айырып, Қылмыстық кодекстің баптарына сүйене отырып, тергеу амалдарын жүргізеді, оны сотқа жолдайды.
Осы тұрғыда Қызылорда қалалық Полиция басқармасында полиция аға лейтенанты, тергеуші Талант Қазыбек туралы айтпақпыз. Жас та болса ауыр жұмыстың жүгін арқалаған тергеуші жыл басынан бері &nbsp;жүзден астам істі сотқа жөнелтіп, сондай-ақ, қылмыстық істі тергеген.
<blockquote>
 &nbsp;«Мен бала кезімнен полиция қызметкері болуды армандадым. Осы салаға келуіме елдегі заң бұзушылықты түп тамырымен жою туралы өзіндік іс-әрекетім әсер етті деп ойлаймын. Сондай-ақ, ішкі істер саласында еңбек ететін ер-азаматтарға &nbsp;еліктедім. Полиция формасын кию, халыққа қызмет ету, қылмыстық істерді анықтау — бұл менің басты арманым болды. 2018 жылы ҚР ІІМ &nbsp;Қарағанды академиясын &nbsp;аяқтап, сол жылы, Қызылорда қалалық Полиция басқармасына жұмысқа&nbsp; тергеуші лауазымына тағайындалдым. &nbsp;Алғаш осы қызметке келгенімде тәжірибелі тергеушілердің жанында жүріп, олардың тергеуді жүргізу әдістері мен тәсілдерін үйрене жүріп көп істер атқардым. Тергеуші сауатты және кез келген саладан хабары болу керектігін түсіндім. Себебі қылмыс әртүрлі салада, әртүрлі бағытта орын алады. Бұған қоса ой ұшқырлығы, сезімталдық, ыждағаттылық қасиеттер де қажет. Мұндай қасиеттер қылмыстық іске жүйелі талдау жасап, оның ақиқатына көз жеткізу үшін керек. Сондай-ақ кез келген адаммен тез тіл табыса білсең, ісің алға басады», дейді Талант Қазыбек.
</blockquote>
Талант &nbsp;әртүрлі санаттағы қылмыстық істерді сотқа жолдайды. Жыл басынан бері Талант көптеген қылмыстық істі анықтап, кінәлілерді тапқан. 
Яғни, атап өтер болсақ тергеуші мамыр айында 1974 жылы туылған қала тұрғыны өз үйінің ауласында ірі мөлшердегі, құрамында есірткі заты бар, өсіруге тыйым салынған сора өсімдігін өсіру мақсатында, жоғарыда аталған сора өсімдігінің тұқымын шашып, айғақты зат ретінде 33 сора өсімдіктері анықталып, жалпы салмағы 2389,98 грамм екені бекітілген.
Қаскүнем ірі мөлшердегі құрамында есірткі заты бар өсіруге тыйым салынған сораны заңсыз егіп, өсіргені үшін, ҚК-тің 300-бабы 2-бөлігі 3-тармағында көзделген. Сот үкімімен қылмыскер 3 жылға бас бостандығынан айырылды.
<blockquote>
 «Біздің басты міндетіміз — қылмыстық істерді тергей отырып, өзгелердің мұң-мұқтажына көңіл бөлу, қоғамда құқықбұзушылықты болдырмау. Осы орайда біз азаматтардан түскен арыз-шағымдар бойынша қолға алынған қылмыстарды ашып, анықтап, оларды сотқа жібереміз. Сот қылмыскерге әділ шешім шығарып, жәбірленушілердің құқығын қорғайды. &nbsp;Халыққа қызмет ету, ел игілігіне жұмыс жасау — біздің басты парызымыз», – дейді тергеуші.
</blockquote>
<img src="https://kyzylorda-news.kz/wp-content/uploads/2020/12/img-20201204-wa0034.jpg" alt="" />

Талант Қазыбек: Тергеушінің тегеуріні мықты болуы керек

<a href="https://kyzylorda-news.kz/">Kyzylorda-news.kz.</a> Облыс халқына халықаралық стандарттарға сайкес дер кезінде сапалы тиімді шұғыл медициналық көмек көрсету және оны дамыту мақсатында Қызылорда облысында жедел жәрдем көмегін жаңартуға арналған пилоттық жоба оң нәтижемен жүзеге асырылды.
Шұғыл медициналық көмек көрсету қызметі бір жерден басқарылатын бірыңғай жүйеге біріктірілгенге дейін қала мен ауылдың халқына медициналық көмек көрсетуде айырмашылық болды.
Жедел жәрдем қызметін орталықтандырудың арқасында қазіргі таңда облыс орталығы мен аудандарда жедел жәрдем қызметі бір деңгейде көрсетіліп отыр. Қызылорда облысының қала, аудандар және алыс елді мекендерінің халқы жедел жәрдем топтарының дәрі-дәрмектермен, медициналық құрал-жабдықтармен бірдей жабдықталуына байланысты бірдей, толық көлемде шұғыл медициналық көмек алуда.
Облыс бойынша жедел жәрдем стансасында 49 жедел жәрдем тобы жұмыс атқарады. Оның 18 дәрігерлік (4 мамандандырылған кардиотобы, 4 педиатриялық топ), 31 фельдшерлік топтар. 
Жалпы қызметкерлер саны 923, оның 77 дәрігер, 501 орта буынды мамандар, 345 басқа қызметкерлер.
Стансаның барлық қызметкерлері, оның ішінде аудандық бөлімшелердің қызметкерлері халықаралық стандарттарға сәйкес реанимацияның барлық түрлерін, акушерлік патология, балалардың шұғыл жағдайы бойынша 100% оқытылды.
Қызылорда облыстық медициналық жедел жәрдем стансасы жедел жәрдем топтарының қан айналым жүйесі аурулары бойынша науқастарға көмек көрсету толық жолға қойылған. Барлық қала және аудандық бөлімдер медициналық құрал-жабдықтармен, оның ішінде дефибриллятор, ара қашықтан түсіретін телеметрия функциялы ЭКГ аппараттарымен қамтамасыз етілді. Жәрдем топтары тромболитикалық препаратпен толық қамтылды.

Қызылорда: Жедел жәрдем қызметі оңтайландырылуда

<a href="https://kyzylorda-news.kz/">Kyzylorda-news.kz.</a> Қауіпсіздік сертификатын пайдалануға қатысты шаралар аяқталды. Қазақстанда енді интернетпен байланысты проблема болмауы керек. Бұл туралы цифрлық даму, инновациялар және аэроғарыш өнеркәсібі министрлігі ақпараттық қауіпсіздік комитетінің төрағасы&nbsp; Руслан Әбдіқалықов мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>&nbsp;.
<blockquote>
 “Қазіргі таңда қауіпсіздік сертификатын пайдаланумен байланысты барлық іс-шара аяқталды. Тек мемлекеттік органдарға жасалатын шабуылдар фазасы ғана қалды. Яғни, мұның азаматтарға қатысы жоқ. Тек, мемлекеттік ресурсқа жасалған шабуыл болмаса, әрине. Онда белгілі бір уақыт ол ресурс қолжетімсіз болуы мүмкін. Қалған басқа жағдайларда азаматтарда қандай да бір проблема туындамауы керек”, – деді Әбдіқалықов онлайн баспасөз мәслихатында.
</blockquote>
Айтуынша, бұл кибержаттығу жоспарлы сипатқа ие, 2017 жылдан бері өткізіліп келеді.
Алайда биыл ел тарихында алғаш рет ауқымды түрде өткізіліп жатыр. Барлық дерлік мемлекеттік орган, тіпті ұлттық қауіпсіздік комитеті де тартылған.
Әбдіқалықов оқу-жаттығу қазақстандықтарға қолайсыздық тудырмас үшін әдейі демалысқа жоспарланғанын атап өтті. Министрлік өкілі интернетті уақытша пайдалана алмаған азаматтардан кешірім сұрады.
6 желтоқсанда цифрлық даму, инновациялар және аэроғарыш өнеркәсібі министрлігі Ұлттық қауіпсіздік комитетімен бірге Нұр-Сұлтанда “Киберқауіпсіздік Нұр-Сұлтан-2020” оқу-жаттығуын бастады.
Бұған пандемияға және қашықтан жұмыс істеуге ауысуға байланысты елдің цифрлық кеңістігіне кибершабуылдар жиілеуі себеп болған.
Атап айтқанда, 2020 жылы өткен жылдың ұқсас кезеңімен салыстырғанда интернеттің қазақстандық сегментіндегі кибершабуылдар саны 2,7 есеге жуық өсті.

Қазақстанда енді интернетке қатысты проблема болмайды – министрлік

<a href="https://kyzylorda-news.kz/">Kyzylorda-news.kz.</a> COVID-19 таралу қаупінің негізгі факторы – адамның қоршаған ортаға шығаратын вирусының мөлшері болып табылады. Бұл туралы Қазақстанда коронавирустың таралуына жол бермеу жөніндегі ведомствоаралық комиссияның Telegram-каналында жарияланды.
<blockquote>
 «Қазіргі кезде қоғам үшін ең қауіпті адамдар – бұл вирустың ағзаларында белсенді түрде көбеюіне, сондай-ақ індеттен сауығып шыққанына қарамастан бетперде тақпайтын адамдар», – дейді ресейлік ғалымдар, медицина ғылымдарының докторлары Николай Дурманов пен Александр Карабиненко.
</blockquote>
Ғалымдардың пікірінше, коронавирус жоғарғы тыныс жолдарында қалады. Негізгі қорғаныс – барлық адамдармен байланыста болған кезде сақтық шараларын сақтау: бетперде, қолғап кию, әлеуметтік қашықтықты сақтау.
<a href="https://24.kz/kz/zha-aly-tar/sport/item/440849-alymdar-covid-19-taralu-aupini-negizgi-faktoryn-atady">Хабар 24</a>

Ғалымдар COVID-19 таралу қаупінің негізгі факторын атады

<a href="https://kyzylorda-news.kz/">Kyzylorda-news.kz.</a> Сотталғандарды жұмыспен қамту мәселесі Қызылорда облысы бойынша ҚАЖ департаменті мекемелерінде жүйелі жүргізіліп келеді.
Ағымдағы жылы 468 сотталған жұмыспен қамтылса, оның ішінде 72 сотталған шаруашылық жұмыстарын жасайды. Бүгінгі таңда түзеу мекемелерінің өндірістік &nbsp;аймағында 11 кәсіпкер жұмыс жасап, 175 сотталғанды жұмыспен қамтып отыр. Онда сотталған азаматтар әк өндіру, газоблок, құм блоктарын өндіру, колөнер мен аяқ киім тігу, кірпіш өндірісі, пластик терезелер шығару, жалюзи дайындау, автокөліктерді жөндеу, жұмсақ жиһаз даярлаумен айналысады.
Қауіпсіздігі барынша төмен ЗК-169/4 мекемесіндегі&nbsp; жазасын өтеуші 99 сотталған қала аумағындағы 16 кәсіпкерде жұмыс жасайды. Олар пластик терезелер жасаумен, жалюзи тігумен, кірпіш өнімдерін шығарумен айналысады.&nbsp; Мекемедегі 20-дан астам сотталғанды &nbsp;ЖШС «Алтай-транс-Ойл» жұмыспен қамтып отыр. Олар пескоблок өнімдерін шығарумен айналысады.&nbsp; Бұл серіктестік&nbsp; 2016 жылдан бері&nbsp; мекемемен келісімшарт негізінде жұмыс жасап келеді, сотталғандарға еңбекақылар жасаған жұмысына қарай төленеді.
Жазасын өтеп жүргендердің бірі – Сухрабжан сот үкімімен 5 жыл мерзімге бас бостандығынан айырылған.. Мемлекет пайдасына өндіру қажет сот шығындарын өтеу мақсатында түзеу мекемесі жанындағы «Алтай-Транс-Ойл» ЖШС-на жұмысқа орналасады. Ол қазір пескаблок қышын өндірудің хас шебері. Бұл өнімге сұраныс та жоғары, соның нәтижесінде Сухрабжан тынымсыз еңбек ету арқылы мемлекет алдындағы берешегін толық көлемде өтеді.
кәсібін бастағандардың арасында Сұлтан есімді азамат қазіргі таңда жалюзи тігумен айналысады.
<blockquote>
 «Жалюзилерді тапсырыспен тігеміз, тапсырыстарды жылдам әрі сапалы орындауға тырысамыз. Өнімдерді кәсіпкерлер жеткізіп береді. Айлық жалақымыз да уақытылы, тапсырысымызды орындауымызға байланысты төленеді», –&nbsp; деді тігінші Сұлтан.
</blockquote>
Сондай-ақ «Еңбек-Қызылорда» филиалында 3 цех жұмыс жасайды. Атап айтар болсақ, тігін, нан шығару, ағаш цехы, онда 127 жазасын өтеуші еңбек етіп, нәпақасын тауып жүр.
ЗК-169/5 мекемесінің аумағындағы РМК «Еңбек-Қызылорда» филиалының тігін цехында арнайы кәсіби білімі бар сотталғандар тігін тігеді. Пандемия кезінде осы сотталғандар көпреттік бетперде, қорғаныш костюмдерін&nbsp; тікті. Мәселен, ЗК-169/5 мекемесінде жазасын өтеп жатқан Асқар есімді азамат тігінші мамандығын оқып, дипломын алған. Бүгін де, мекеменің өндірістік аумағындағы тігін цехында жұмыс істейді.
ЗК-169/5 түзеу мекемесінің аумағындағы РМК «Еңбек- Қызылорда» филиалының «Наубайханасы» 2009 жылдан бері жұмыс жасап келеді. Наубайхана нан пісіруге қажетті құрал-жабдықтармен толық қамтамасыз етілген. Бір тәуліктің ішінде наубайхана 1500-ден астам бөлке нан пісіреді. Наубайханадан шыққан нан өнімдері Қызылорда облысы бойынша Қылмыстық-атқару жүйесіне қарасты ЗК-169/1, ЗК-169/4, ЗК-169/5 мекемелеріне жеткізіледі.
Қанат, Наурызбай, Даулет есімді жазасын өтеушілер нан пісірудің бесаспап шеберлеріне айналған.
<blockquote>
 «Бостандықта жүргенімде ас пісіргенді ұнататын едім. Сондықтан болар нан пісіретін наубайшы қажет екендігін естігенімде ойланбастан келістім. Ай сайын жалақымды уақытылы алып тұрамын. Соның нәтижесінде мемлекет алдындағы сот шығындарын өтеп, артылғанын отбасыма жіберіп отырмын», – деді жазасын өтеуші Қанат.
</blockquote>
Қанат түзеу мекемесінде жазасын 2015 жылдан бері өтеп келеді. Содан бері осы наубайханада нан пісіруші. Жазасын өтеп, темір тордан бостандыққа шыққан соң, наубайхана ашсам деген ойы бар.
«Еңбек- Қызылорда» филиалының өндірістік аймақтағы жауапты шебері Жангелді Құдайбергенұлы жұмыс барысын, нанның сапасын, наубайхананың тазалығын күнделікті тексеріп тұрады. Бұл азаматтардың жұмысқа деген адалдықтарын, жұмыс сапасын байқаған филиал басшылығы оларды бірнеше мәрте «Алғыс хатпен» марапаттаған.
<img src="https://kyzylorda-news.kz/wp-content/uploads/2020/12/dsc_0013-scaled.jpg" alt="" />
<img src="https://kyzylorda-news.kz/wp-content/uploads/2020/12/dsc_0026-scaled.jpg" alt="" />
<img src="https://kyzylorda-news.kz/wp-content/uploads/2020/12/dsc_0037-scaled.jpg" alt="" />

Қызылордада бас бостандығынан айырылғандар кәсіппен айналысуда

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте коронавирус жұқтырған 712 науқас тіркелді.
Бір күн бұрын 773 адамнан вирус табылғаны туралы хабарланған болатын. &nbsp;&nbsp;&nbsp;
Өңірлер бойынша мәлімет:
<ul>
<li>Нұр-Сұлтан қаласы – 67,</li>
<li>Алматы қаласы – 67,</li>
<li>Шымкент қаласы – 2,</li>
<li>Ақмола облысы – 60,</li>
<li>Ақтөбе облысы – 10,</li>
<li>Алматы облысы – 28,</li>
<li>Атырау облысы – 29,</li>
<li>Шығыс Қазақстан облысы – 100,</li>
<li>Жамбыл облысы – 16,</li>
<li>Батыс Қазақстан облысы – 43,</li>
<li>Қарағанды облысы – 28,</li>
<li>Қостанай облысы – 77,</li>
<li>Қызылорда облысы – 2,</li>
<li>Маңғыстау облысы – 5,</li>
<li>Павлодар облысы – 106,</li>
<li>Солтүстік Қазақстан облысы – 68,</li>
<li>Түркістан облысы – 4.</li>
</ul>
Жалпы ел бойынша ауырғандар саны – 136 983.

Қызылордада 2 адам коронавирус инфекциясын жұқтырған

<a href="https://kyzylorda-news.kz/">Kyzylorda-news.kz</a>. Қазгидромет 7 желтоқсанға арналған ауа райы болжамын жариялады.
Атмосфералық ауа ағындардың әсерінен республиканың кей жерлерінде қар күтіледі. Елдің солтүстігінде, батысында және оңтүстік-шығысында жауын-шашынсыз ауа райы күтіледі. Кей жерлерде тұман күтіледі, оңтүстік-шығыста жел күшейеді.

Дүйсенбіге арналған ауа райы болжамы

Kyzylorda-news.kz. Қазақстанда коронавирусқа қарсы вакцина бәріне бірдей тегін болмайды. Бұл туралы денсаулық сақтау министрі Алексей Цой мәлім етті, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Министрдің айтуынша, ең бірінші кезекте қауіпті аймақта жүрген мамандар, атап айтсақ, дәрігерлер, ұстаздар мен ішкі істер қызметкерлері тегін вакцинамен қамтамасыз етілмек.&nbsp;
<blockquote>
 “Алдын ала болжам бойынша вакцинаның құны екі доза үшін 20 долларды құрамақ. Бұл екпенің нақты бағасы емес,&nbsp;өндіріс барысында анықталады. Біз басқа да шетелдік серіктестерімізбен келіссөздер жүргізудеміз. Мүмкін, нарықта коронавирусқа қарсы бірнеше вакцина пайда болатын шығар. Ал кімдердің вакцинаны тегін немесе ақылы өтуі кейіннен анықталады”, – деді ведомство басшысы.&nbsp;
</blockquote>
Айта кетейік,&nbsp;ҚР Денсаулық сақтау министрлігі мен Ресейдің тікелей инвестициялар қоры (РФТИҚ) &nbsp;әлемде алғашқы тіркелген коронавирусқа қарсы «Спутник V» вакцинасын тіркеп, сондай-ақ оны өндіру және тарату рәсімін жүргізу үшін ынтымақтастық туралы келісімге қол қойды.&nbsp; &nbsp; &nbsp;
Қазақстан Республикасының реттеуші органдары қажетті рәсімдерді аяқтағаннан кейін Ресей Федерациясы технология трансферін жүргізеді және ел аумағында «Спутник V» вакцинасының кемінде 2 млн дозасын өндіруге арналған субстанцияны жеткізеді.

Цой келесі жылы вакцина кімдерге тегін болатынын айтты

Kyzylorda-news.kz. ҚР Мәдениет және спорт министрі Ақтоты Райымқұлова ҚР Мемлекеттік туын конфет сыртында бейнелеуге болмайтынын түсіндірді, деп хабарлайды ҚазАқпарат.
<blockquote>
 «Бүгінгі таңда ҚР Конституциялық заңына сәйкес, Қазақстан Республикасының Мемлекеттік туы бейнесі өзге де материалдық нысандарда салынуы мүмкін. Алайда, бір рет пайдаланылатын заттар бұл материалдық нысандардың қатарына жатпайды. Сонымен бірге, Мемлекеттік ту ҚР №988-2007 ұлттық стандартын сақтай отырып жасалған және оны лицензиясы бар уәкілетті ұйымдар ғана жасай алады», – деп жауап берді министр Орталық коммуникациялар қызметінде конфет сыртындағы Мемлекеттік ту суреті туралы сұраққа.
</blockquote>
Сонымен бірге, министр Мемлекеттік туды қолдануға болмайтын жайттарды айтып берді: адамға немесе затқа деген құрмет ретінде ту төмен түсірілмеуі керек; ту қандай да бір затқа, жерге немесе суға тимеуі керек. Сондай-ақ, тудың сабы көлденеңінен көтерілмейді. Тудың бүлінуі немесе кірленуі мүмкін жағдайда қоймау керек. Туға жазу жазуға немесе сурет салуға болмайды, ол киім немесе төсек-орын, шымылдық ретінде пайдаланылмайды. Қазақстан Республикасы атынан өнер көрсететін спортшылардың киімінде Мемлекеттік Тудың бейнесін пайдалану айрықша жағдай болып саналады.

Мемлекеттік туды конфет сыртында бейнелеуге болмайды – Ақтоты Райымқұлова

Kyzylorda-news.kz. Облыстық мәслихаттағы «Nur Otan» партиясының депутаттық фракция мүшелері «Әлеуметтік қамтамасыз ету және еңбек қатынастары бойынша» кәсіподақ жетекшілерімен кездесті.
Фракциясы жетекшісі Ибадулла Құттықожаевтың жетекшілігімен өтті. Жиынға «Nur Otan» партиясының депутаттық фракция мүшесі Райкүл Байназарова, салалық білім және ғылым қызметкерлері кәсіподағының Қызылорда облыстық комитетінің төрайымы Гүлнар Есқалиева, «Қазақстандық теміржол, автокөлік, әуе және су көлігі қызметкерлерінің салалық кәсіподағы» қоғамдық бірлестігінің Қызылорда облыстық филиалы төрағасы Ахметов Бауыржан, «Senim» денсаулық сақтау жүйесі жұйымкерлерінің салалық кәсіптік одағы Қызылорда филиалының мүшесі Азамат Серікұлы қатысты.
Кездесуге қатысушылар облыста еңбек заңнамаларының сақталуын қамтамасыз ету бойынша атқарылған жұмыстарды сөз етті.
Өз кезегінде «Қызылорда облыстық кәсіподақтар орталығы» аумақтық кәсіподақтар бірлестігінің төрағасы Серік Сермағамбетов, «Жұмыспен қамтылған халықтың 30 пайызы ғана кәсіподақ ұйымына мүше. Барлық мекемелерде ұжымдық шарттың орындалуын бақылауды күшейту керек. Барлық салада еңбек қатынастарын бақылап отырмыз. Әсіресе жұмысшылардың қауіпсіздігі басты назарда» деп жұмысшылардың құқықтарымен заңды мүдделерін қорғау мәселелері туралы сөз етті.
Қызылорда облысының еңбек саласындағы бақылау басқарасының бөлім басшысы Нұрбек Жапақов бірнеше мәселелерді айтып, сандарды сөйлетті. «Жыл басынан бері облыс бойынша кәсіпорындар мен мекемелерде 114 тексерулер жүргізілді. 161 заңбұзушылықтар анықталды. Жалпы 10 айда 27 жеке және заңды тұлғалар әкімшілік жауапкершілікке тартылған.
<blockquote>
 “Жұмыскерлерге жалақы қарызын төлеу мәселесі басқарманың ерекше назарында. 10 айда ықпал ету шаралары нәтижесінде 16 кәсіпорынның 4631 жұмыскерлеріне 616,5 млн теңге жалақы қарызын төледі. 2020 жылғы 01 қарашаға «Фотон» ЖШС бойынша 1 қызметкерге 3 711 499 теңге жалақы қарызы бар. Аталған кәсіпорын облыстық кірістер департаментінің бақылауында. 45 жазатайым оқиға бойынша арнайы тергеп-тексеру жүргізіліп, тиісті шаралар жасалды. Басқармамен жұмыс берушілерге жұмыскерлердің еңбек шарттарын «Еңбек шарттарын есепке алудың бірыңғай жүйесіне» электронды түрде енгізу қажеттігі туралы түсіндірме жұмыстары тұрақты жүргізілуде”, деді Н.Жапақов.
</blockquote>
Кездесуде кәсіподақ жетекшілері өз ұсыныстарын жолдап, өзара пікір алмасты.

Қазақстан және Қызылорда облысының жаңалықтары

Ғани Мұратбаев ауылына газ барды

“7 KZ Сыр табиғаты”: Жүзімнің 150 мыңға жуық элиталық көшеті өсірілуде

Талант Қазыбек: Тергеушінің тегеуріні мықты болуы керек

Қызылорда: Жедел жәрдем қызметі оңтайландырылуда

Қазақстанда енді интернетке қатысты проблема болмайды – министрлік

Ғалымдар COVID-19 таралу қаупінің негізгі факторын атады

Қызылордада бас бостандығынан айырылғандар кәсіппен айналысуда

Қызылордада 2 адам коронавирус инфекциясын жұқтырған

Дүйсенбіге арналған ауа райы болжамы

Цой келесі жылы вакцина кімдерге тегін болатынын айтты

Мемлекеттік туды конфет сыртында бейнелеуге болмайды – Ақтоты Райымқұлова

Қызылорда: Жұмысшылар мәселесі басты назарда

Қазақстан және Қызылорда облысының жаңалықтары

Ғани Мұратбаев ауылына газ барды

&#8220;7 KZ Сыр табиғаты&#8221;: Жүзімнің 150 мыңға жуық элиталық көшеті өсірілуде

Талант Қазыбек: Тергеушінің тегеуріні мықты болуы керек

Қызылорда: Жедел жәрдем қызметі оңтайландырылуда

Қазақстанда енді интернетке қатысты проблема болмайды – министрлік

Ғалымдар COVID-19 таралу қаупінің негізгі факторын атады

Қызылордада бас бостандығынан айырылғандар кәсіппен айналысуда

Қызылордада 2 адам коронавирус инфекциясын жұқтырған

Дүйсенбіге арналған ауа райы болжамы

Цой келесі жылы вакцина кімдерге тегін болатынын айтты

Мемлекеттік туды конфет сыртында бейнелеуге болмайды – Ақтоты Райымқұлова

Қызылорда: Жұмысшылар мәселесі басты назарда

“7 KZ Сыр табиғаты”: Жүзімнің 150 мыңға жуық элиталық көшеті өсірілуде