<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; Ұлттық статистика бюросы санақты өткізу процесін автоматтандыру және оған заманауи сандық технологияларды енгізу&nbsp; – 2021 жылдың Ұлттық санағының басты жаңалығы болады деп хабарлайды.&nbsp;
Биыл азаматтарға сауалнама парақтарын онлайн режимде өз бетінше толтыру немесе үй-үйді аралау кезінде офлайн толтыру мүмкіндіктері ұсынылуда.&nbsp;
1 қыркүйектен бастап sanaq.gov.kz арнайы сайты жұмысын бастайды, мұнда қазақстандықтар 15 қазанға дейін онлайн-режимде санаққа қатысты барлық сұрақтарға жауап бере алады.&nbsp; Дәстүрлі жалпы аралау 1-30 қазан аралығында жүргізіледі және ол белгіленген мерзім ішінде санақтан онлайн-режимде өтпеген респонденттер арасында жүргізілетін болады. Дәстүрлі кезеңнің жаңашылдығы – интервьюерлердің үй аралау кезінде электронды планшеттерді пайдалануы болмақ. Бұл санақ жүргізетін қызметкерлердің еңбек шығынын төмендетуге, мәліметтер сапасына адам факторының ықпалын азайтуға, ЖСН-ін енгізе отырып, санақ мәліметтерінің нақтылық деңгейін арттыруға, қағаз бен кеңселік құралдарды айтарлықтай үнемдеуге, сондай-ақ, интервьюерлер үшін қолайлылық пен олардың жинақылығын арттыруға мүмкіндік береді. &nbsp;
Санақ кезінде мәліметтер жинау үшін сәйкестендіргіш ақпарат ретінде сауалнамаға қатысушының ЖСН-і қолданылады. Бұл ақпараттың қайталануын болдырмауға мүмкіндік береді.&nbsp;
Санақ кезінде қазақстандықтардан не туралы сұрайды
“2021 жылдың ұлттық санағын жүргізу кезінде Қазақстан азаматтарына барлығы 87 сұрақ қойылады.&nbsp;Санақ парақтарындағы сұрақтар тізбесі айтарлықтай ұлғайтылған. Мұнда барлығы 67 сұрақ және оған қосымша 20 нақтылаушы сұрақтар кірістірілген. Сұрақтардың аясын кеңейтуге Еуропалық санақшылардың 2020 жылғы тұрғын үй қорын және тұрғындар санағын жүргізу жөніндегі ұсыныстары мен ТМД Мемлекетаралық статистикалық комитеттің әдістемелік материалдары негіз болды”, – делінген Ұлттық статистика бюросының хабарламасында. &nbsp;
2021 жылдың ұлттық санағы 1 қыркүйек пен 30 қазан аралығында өтеді.
Қазақстандықтар ұлттық санаққа&nbsp; алғаш рет онлайн қатыса алады
Ұлттық статистика бюросы хабарлағандай, 2021 жылдың Ұлттық санағын 1 қыркүйектен 15 қазанға дейінгі аралықта&nbsp; sanaq.gov.kz. арнайы сайтында онлайн режимде респонденттердің өздерінің толтыруы арқылы жүргізу жоспарлануда.&nbsp;
Жүйе тәулігіне 24 сағат бойы қолжетімді болады. Респондент санаққа қатысу үшін өзіне ыңғайлы кез-келген уақытты таңдай алады, сондай-ақ сайтта бланкты толтыруды тоқтату және оны толтыруды кейін қайта жалғастыру мүмкіндігі болады.&nbsp;
Сонымен қатар, egov.kz электронды үкімет платформасында sanaq.gov.kz сайтының қосымша парағы орналастырылады, ол арқылы электронды цифрлы қолтаңбаны (ЭЦҚ) қолданып, санаққа қатысуға болады.&nbsp; &nbsp;
Мобильді азаматтар үшін “Aitu” мобильді қосымшасы арқылы Ұлттық санаққа қатысу мүмкіндігі ұсынылатын болады.&nbsp;
2021 жылдың Ұлттық санағы кезінде “1446” бірыңғай call-орталығы жұмыс жасайды деп хабарлайды Ұлттық статистика бюросы. &nbsp;
“1446” – елдің барлық аумағындағы мобильді және стационар телефондар үшін бірыңғай нөмір болады. Сондай-ақ,&nbsp; 8 8000 800&nbsp;878 нөмірі жұмыс жасайды. Сall-орталыққа қоңырау шалу тегін.

Қазақстанда халық санағы онлайн түрде өтеді

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; Қазақстанның бас санитар дәрігері Ерлан Қиясов жаңа қаулыға қол қойды.
Жаңа қаулыда соңғы 14 күнде Қазақстанға келген және Мальдив аралына барып-қайтқан адамдар 14 күн бойы үйде оқшауланатыны (үй карантині) атап көрсетілген.
<blockquote>
 “Үй карантиніне оқшаулау ПТР әдісімен CОVID-19-ға тестінің теріс нәтижесі бар анықтаманың болуына және CОVID-19-ға қарсы вакцинациясының бар-жоғына қарамастан жүргізіледі. Соңғы 14 күн ішінде Мальдив аралдарына&nbsp;барып келген адамдарды 14 күн бойы медициналық бақылауды қамтамасыз етсін”, – делінген құжатта.
</blockquote>
Сонымен қатар, ұлттық қауіпсіздік комитетінің шекара қызметі осы қаулыға сәйкес, көліктегі санитарлық-эпидемиологиялық бақылау департаментінің мамандарына соңғы 14 күн ішінде Қазақстанға келген және Мальдив аралына барған адамдардың тізімдерін ұсынуы тиіс.
Ал Ұлттық қауіпсіздік комитетінің шекара қызметі санитарлық-эпидемиологиялық бақылау комитетінің көліктегі санитарлық-эпидемиологиялық бақылау департаментінің мамандарына Қазақстанға келген және соңғы 14 күн ішінде Мальдив аралдарына барып келген адамдардың тізімдерін ұсынуды қамтамасыз етуге міндетті.
Қаулы 2021 жылғы 17 мамырда сағат 00:00-ден бастап күшіне енеді. Құжаттың толық мәтінімен&nbsp;мына сілтемеге&nbsp;өтіп таныса аласыз.
Айта кетейік, бұған дейін Мальдив аралдарында коронавирус жағдайының өршуіне байланысты коменданттық сағат енгізілген болатын. Ал Air Astana&nbsp;әуе компаниясы бұл елге тікелей рейстерді тоқтатты.
<a href="https://sputnik.kz/">Sputnik Қазақстан</a>

14 күнге оқшаулау: Қазақстанның бас санитар дәрігері жаңа қаулыға қол қойды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қызылордада қатты жел соғып, жер үйдің шатыры ұшты.
Оқиға Арай ықшам ауданында орын алған. Жоғары кернеулі электр желісіне ілініп қалған қаңылтыр жабындыны тұрғындар өз күштерімен ала алмағасын құтқарушылардың көмегіне жүгінген. Қаза тапқандар мен зардап шеккендер жоқ.
Айта кетейік, өңірдің кей жерлерінде жел жылдамдығы секундына 20 метрге дейін жеткен.

Қызылордада желден үйдің шатыры ұшты

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> 2021 жылғы 1 сәуірдегі мәлімет бойынша, Қазақстандағы халық саны 18 млн 940 мың 400 адамды құрады. Бұл туралы ҚР Стратегиялық жоспарлау және реформалар агенттігі Ұлттық статистика бюросынан мәлім етті, деп хабарлайды ҚазАқпарат.
Оның ішінде&nbsp;қала тұрғындары&nbsp;– 11 млн 204 мың 800 (59,2%),&nbsp;ауыл тұрғындары&nbsp;–7 млн 735 мың 600 мың адамды (40,8%) құрайды. 2020 жылғы 1 сәуірмен салыстырғанда халық саны 250,2 мыңға немесе 1,3% артты.
2021 жылғы қаңтар-наурызда республика халқының&nbsp;табиғи өсімі&nbsp;2020 жылғы қаңтар-наурызбен салыстырғанда (61,5 мың адам) 4,6% өсіп, 64,3 мың адамды құрады. Табиғи өсімнің жалпы коэффициенті 1000 адамға шаққанда – 13,73 адам.
Биылғы қаңтар-наурызда елімізде 36,1 мың&nbsp;қайтыс болды&nbsp;адам. Бұл, бұл 2020 жылғы қаңтар-наурызға (31,2 мың адам) қарағанда 15,8% көп. Өлім-жітімнің жалпы коэффициенті 1000 адамға 7,71 қайтыс болғандарды құрады.
Қаңтар-наурыз аралығында&nbsp;1 жасқа дейін шетінеген&nbsp;815 нәресте тіркеліп, 2020 жылғы тиісті кезеңмен салыстырғанда (796 шетінеген нәресте) 2,4% артты. Нәресте өлім-жітімінің коэффициенті 1000 туғандарға шаққанда 8,11 оқиғаны құрады.

Қазақстан халқының саны 19 миллионға жуықтады

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қазақстанда өткен тәулікте 2089 адамда коронавирус індеті ПТР-сынама арқылы расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Өңірлер&nbsp;бойынша:
Нұр-Сұлтан қаласында – 284,
Алматы қаласында – 549,
Шымкент қаласында – 86,
Ақмола облысында – 153,
Ақтөбе облысында – 50,
Алматы облысында – 125,
Атырау облысында – 77,
Шығыс Қазақстан облысында – 74,
Жамбыл облысында – 32,
Батыс Қазақстан облысында – 97,
Қарағанды облысында – 346
Қостанай облысында – 32,
Қызылорда облысында – 16,
Маңғыстау облысында – 39,
Павлодар облысында – 87,
Солтүстік Қазақстан облысында – 12,
Түркістан облысында – 30.
Жалпы, пандемия басталғалы елімізде коронавирус 360 193 адамда анықталды.

Қызылордада 16 адамнан коронавирус анықталды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Дүйсенбіде елімізде қатты ыстық болады, жел күшейіп, кей өңірлерде өткінші жаңбыр жауады.
17 мамырда Қазақстанның басым бөлігіне солтүстік-батыс антициклоны әсер ететіндіктен, күн райы ашық болады. Тек еліміздің солтүстік, орталық және шығысында атмосфералық ағындардың өтуіне байланысты кей жерлерде найзағайлы өткінші жаңбыр жауады. Еліміздің кей жерлерінде, оңтүстік және оңтүстік-батыста жел күшейіп, шаңды дауыл соғады.
Қызылорда облысының басым бөлігінде өте жоғары өрт қаупі сақталады.

Қызылордада күн ысиды

<h5 id="kyzylordanewskzhttpskyzylordanewskzkogamqyzylordaqalasynajaqswmenqamtamasyzetwzhumystaryqarqynaldy111001nbsp500250"><a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; ЖОО студенттеріне 500 мың теңгеден төрт стипендия, арнайы мектеп оқушыларына 250 мың теңге көлеміндегі алты стипендия бөлінеді.</h5>
Батырхан Шүкенов атындағы қоғамдық қоры келесі оқу орындарының үрмелі аспаптар бөлімшелерінің студенттері мен оқушыларына Батырхан Шүкенов атындағы 2021-2022 оқу жылына арналған стипендия жариялайды:
<ul>
<li>Қазақ ұлттық өнер университеті (Нұр-Сұлтан);</li>
<li>Құрманғазы атындағы қазақ ұлттық консерваториясы (Алматы);</li>
<li>Қазақ ұлттық өнер университеті жанындағы мамандандырылған мектеп (Нұр-Сұлтан);</li>
<li>Күләш Байсейітова атындағы дарынды балаларға арналған республикалық мамандандырылған музыкалық орта мектеп-интернаты (Алматы);</li>
<li>Ахмет Жұбанов атындағы дарынды балаларға арналған республикалық қазақ мамандандырылған музыкалық мектеп-интернаты (Алматы);</li>
<li>Қарағанды дарынды балаларға арналған мамандандырылған музыка мектеп-интернаты (Қарағанды);</li>
<li>Музыкаға дарынды балаларға арналған облыстық мамандандырылған мектеп-лицей-интернаты (Өскемен);</li>
<li>Музыкалық колледж – дарынды балаларға арналған музыкалық мектеп-интернаты (Павлодар).</li>
</ul>
Батырхан Шүкенов атындағы шәкіртақыны алуға өтінішті 12 қыркүйекке дейін&nbsp;<a href="https://batyr.foundation/our-project/stipendiya">batyr.foundation</a>&nbsp;сайтында толтыру қажет. Стипендия алуға жоғарыда көрсетілген оқу орындарының студенттері мен оқушылары ғана келесі аспаптар сыныптары бойынша үміткер бола алады:
Ағаш үрмелі музыкалық аспаптары:
<ul>
<li>гобой;</li>
<li>кларнет;</li>
<li>саксофон;</li>
<li>фагот;</li>
<li>флейта.</li>
</ul>
Жезден жасалған музыкалық аспаптар:
<ul>
<li>валторна;</li>
<li>тромбон;</li>
<li>труба;</li>
<li>туба.</li>
</ul>
Стипендия стипендияны алушының есеп шотына қаражат аудару арқылы біржолғы төлем болып табылады.
2021-2022 жылдарға арналған стипендия саны:
<ul>
<li>көрсетілген жоғары оқу орындары үшін бір стипендиатқа 500 мың теңге мөлшерінде төрт стипендия;</li>
<li>көрсетілген мамандандырылған мектептер үшін бір стипендиатқа 250 мың теңге мөлшерінде алты стипендия бөлінеді.</li>
</ul>
Байқауға қатысу шарттарымен толығырақ қордың сайтынан танысуға болады. Ал жалпы келесі шарттар орындалуы тиіс:
<ul>
<li>кәмелетке толмаған үміткерлер ата-анасының, қамқоршысының немесе педагогының байланыс деректерін ұсынуға міндетті;</li>
<li>былтырғы стипендия иегерлері, тәуелсіз іріктеу комиссиясы мүшелерінің, сондай-ақ Болат Өтемұратов қоры мен Батырхан Шүкенов атындағы қоғамдық қор қызметкерлерінің жақын туыстарының конкурсқа қатысуға құқығы жоқ;</li>
<li>стипендияға тек Қазақстан азаматтары ғана үміткер бола алады;</li>
<li>іріктеу екі кезеңнен тұрады: онлайн-тур және бірінші турдан өткендерге арналған сұхбат;</li>
<li>стипендиаттар сыйлық алғаннан кейін фото және бейнетүсірілімге қатысуға келіседі.</li>
</ul>
2020 жылы Батырхан Шүкенов атындағы шәкіртақыны алуға Алматы, Нұр-Сұлтан, Павлодар мен Қарағандыдағы арнайы мектептердің оқушылары, Құрманғазы атындағы қазақ ұлттық консерватория мен астанадағы Қазақ ұлттық өнер университетінің студенттері ниет білдірді. Олардың бәрі – үрмелі аспапта ойнайтындар.
<a href="https://informburo.kz/kaz/batyrxan-sukenov-atyndagy-2021-2022-oqu-zylyna-arnalgan-stipendiya-zariyalandy">Informburo</a>

Батырхан Шүкенов атындағы 2021-2022 оқу жылына арналған стипендия жарияланды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; Ішкі істер министрлігінде Білім беру ұйымдарында оқушылардың қауіпсіздігін қамтамасыз ету мәселелері бойынша кезектен тыс жедел кеңес өтті. Кеңес барысында министр Ерлан Тұрғымбаев ІІМ қызметтері мен аумақтық полиция департаменттерінің басшыларына барлық білім беру мекемелерін бейнебақылау жүйелерімен, қызметкерлер мен келушілерді хабардар ету құралдарымен, дабыл түймелерімен, күзет сигнализациясымен және күзетпен жарақтандыруды тексеруді тапсырды.
17 мамырда басталатын “Қару” жедел алдын алу іс-шарасы шеңберінде қару мен оқ-дәрілерді сатудың заңдылығын, оларды қару дүкендерінде, сондай-ақ атыс қаруының иелері болып табылатын заңды және жеке тұлғаларда қауіпсіз сақтау шарттарын тексеруді қамтамасыз ету тапсырылды.
Сондай-ақ қатыгездік пен зорлық-зомбылықты насихаттау фактілерін анықтау және ден қою үшін интернет-кеңістіктің тұрақты мониторингі жүзеге асырылатын болады.
<blockquote>
 «Балалар – қоғамның ең осал бөлігі. Сондықтан олардың қауіпсіздігі әрқашан басымдыққа ие. Жергілікті атқарушы органдармен, білім беру мекемелерімен және азаматтармен бірлесіп біз балалардың мектептерде білім алып, ата-аналардың бала қауіпсіздігі туралы алаңдамауы үшін барлық қажетті шараларды қабылдауға тиіспіз», – деді ІІМ басшысы Ерлан Тұрғымбаев.
</blockquote>

ІІМ білім беру мекемелерінде тексеруді бастады

<h5 id="kyzylordanewskzhttpskyzylordanewskzkogamqyzylordaqalasynajaqswmenqamtamasyzetwzhumystaryqarqynaldy111001httpswwwzhararcomkzpray38817kazahtml"><a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қазақстан мұсылмандары діни басқармасы шариғат және пәтуа бөлімінің маманы Медет Құрмашұлы қаза, қарыз оразасына қатысты жиі қойылатын сауалдарға <a href="https://www.zharar.com/kz/pray/38817-kaza.html">жауап берді</a>.</h5>
<h3 id="">Қаза оразаның уақыты және дұғасы</h3>
Медет Құрмашұлының айтуынша, өткен оразадан қарызы қалған адамдар қазасын Ораза айттан кейін, яғни 16 мамырдан бастап өтей берсе болады. Қаза оразаны бөліп те, арасын үзбей ұстауға да болады.
<blockquote>
 “Қаза оразаны өтеген кезде, Қазақстан мұсылмандары діни басқармасының сайтында тұрған намаз кестесін негізге алған жөн. Таң намазының уақытына дейін ас-суыңызды ішіп, “Рамазан айынан қалған қаза оразаны ұстауға ниет еттім” дейсіз. Ал кеште Шам намазының уақыты кірген сәтте қазақша дұға қылып, аузыңызды аша берсеңіз болады”, – деп түсіндірді ҚМДБ маманы.&nbsp;
</blockquote>
<h4 id="-1">Қаза оразаны қай уақытқа дейін өтеген дұрыс?</h4>
“Қаза оразаны келесі Рамазан айына дейін ұстап біткен жақсы. Ұзақ созып, жүріп алмай, тездетіп құтылған абзал”, – дейді Медет Құрмашұлы.
<h4 id="-2">Қаза Оразаны қай кезде ұстаймыз? | Дінмұхаммед Сманов</h4>
<h4 id="-3">Қаза ораза мен нәпіл оразаны қатар ұстауға болмайды</h4>
Мұсылман жыл санауы бойынша Рамазан айынан кейін Шәууәл айы басталады.
“Осы айда алты күн ораза ұстау – Пайғамбарымыздың (с.ғ.с.) сүннеті. Пайғамбарымыз (с.ғ.с.) “кімде кім Рамазан айының оразасын ұстап, сосын алты күн Шәууәл айында ауыз бекітсе, ол бір жыл ораза ұстағанның сауабындай сауап алады” деп айтқан. Осыған қарап отырып, Шәууәл айында алты күн ораза ұстау нәпіл болып саналады. Нәпіл ораза ешкімге міндет емес, оны ұстау адамның өз еркінде. Ұстамаса, күнә болмайды”, – түсіндірді діни басқарма маманы.&nbsp;
<h4 id="-4">Қаза оразасы бар адам қайтыс болып кетсе, не болады?</h4>
Медет Құрмашұлының айтуынша, егер адам Рамазан айының оразасынан қалған қарызын өтеп үлгермей бақилық болса, онда марқұмның туысқандары қаза күндеріне фидия төлейді.”Егер адам белгілі бір себептермен оразасын өтей алмай қалса, ұстамаған әр күнінде бір кедейді таңертең және кешке тамақтандыруы шарт. Яғни, жағдайы жоқ, мұқтаж жандарға таңертең және кешке тамақ ішетіндей ақша береді. Біз оның мөлшерін есептеп шығардық, бұл шамамен 1500 теңге”, – деді ол.
Егер марқұм өсиет етіп кетсе, онда туыстары фидияны артында қалған дүниесінен береді. Ал өсиет етпесе, қаза оразаға фидия төлеп-төлемеу – туған-туысқандарының ықтияры, бірақ бергені дұрыс саналады.

Оразаның қарызы: Шәууал айы, нәпіл ораза

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Алматы облысындағы Отан алдындағы борышын өтеуге келген сарбаз үйін сағынып, әскери бөлімнен қашып кеткен. Алайда оны екі күннен кейін ұстаған.
<blockquote>
 “14 мамыр күні 5574 әскери бөлімінің (Заречный кенті, Алматы облысы) мерзімді қызмет әскери қызметшісі Дархан Мырзабаев өз еркімен белгісіз бағытқа кетті”, – деп атап өтті ҚР Ұлттық ұланының баспасөз қызметінде.
</blockquote>
Әскери бөлім жеке құрамының күшімен сарбазды іздеу жұмыстары ұйымдастырылды.
<blockquote>
 “Мырзабаев 16 мамырға қараған түні Сарыөзек станциясында ұсталды. Сарбаздың айтуынша, әскери бөлімнен кетуіне үйін&nbsp;сағынуы себеп болған. Қазір қатардағы жауынгер әскери бөлімге жеткізілді”, – деп атап өтті ведомствода.
</blockquote>
Қызметтік тергеу жүргізілуде.
<a href="https://stan.kz/">Stan.kz</a>

Үйін сағынған сарбаз әскери бөлімнен қашып кетті

<a href="https://kyzylorda-news.kz/">Kyzylorda-news.kz</a>. Облыстық дін істері басқармасының «Діни экстремизм мен терроризмнің алдын-алу бағытында діни ортада кездесулер өткізу және түсіндірме жұмыстарын жүргізу» әлеуметтік жобасы аясында аймақтағы жастар арасында кездесу өтті.
Бұл кездесуді Қызылорда облысының дін істері басқармасының қолдауымен «Қызылорда облысының жастар одақтары» қоғамдық бірлестігі ұйымдастырды.
Аталған шараға республикалық ақпараттық-түсіндірме тобының мүшесі,&nbsp; Ғылыми-стратегиялық зерттеу орталығының директоры, «Kazislam» ақпараттық-танымдық интернет-порталының үйлестірушісі&nbsp; Жарас Ахан қатысып, діни экстремизмнен жастарды идеологиялық қорғау және жастардың&nbsp; қоғамда дін жолында адасудан сақтау бойынша кеңіненақпараттық-түсіндіру жұмыстарын жүргізді.
Сондай-ақ, кездесу барысында жастар тарапынан қойылған діни бағыттағы сұрақтарға спикер жан-жақты жауап берді.

Дін істері жөніндегі республикалық ақпараттық топ өкілдері келді

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қазақстанда өткен тәулікте 3166 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 499
Алматы қаласы – 1009
Ақмола облысы – 341
Алматы облысы – 328
Атырау облысы – 161
Шығыс Қазақстан облысы – 142
Жамбыл облысы – 75
Батыс Қазақстан облысы – 45
Қарағанды облысы – 346
Қостанай облысы – 25
Қызылорда облысы – 57
Маңғыстау облысы – 56
Павлодар облысы – 33
Солтүстік Қазақстан облысы – 10
Түркістан облысы – 39
Қазақстан бойынша жазылғандар саны – 316 003.

Қазақстан және Қызылорда облысының жаңалықтары