<a href="https://kyzylorda-news.kz/ru/obshestvo/">Kyzylorda-news.kz</a>. 2 қарашада Жаңақорған кенті Хорасан ата көшесінде Toyota Hilux және ВАЗ-2107 маркалы автокөліктері соқтығысты. Жол апаты салдарынан екі адам көз жұмып, тағы екеуі түрлі дене жарақаттарымен медициналық мекемеге жеткізілді.
Орын алған жол-көлік оқиғасы бойынша Қазақстан Республикасы Қылмыстық кодексінің 345-бабының 4-бөлігімен (Автомобильдi басқаратын адамның жол жүрісі қағидаларын бұзып, абайсызда екi немесе одан да көп адамның өлiмiне әкеп соғу) сотқа дейінгі тергеп-тексеру әрекеттері жүргізілуде. Тиісті сот сараптамалары тағайындалды. Оқиғаның мән-жайлары анықталуда.

Жаңақорғанда көлік апатынан 2 адам көз жұмды (ВИДЕО)

<a href="https://kyzylorda-news.kz/ru/obshestvo/">Kyzylorda-news.kz</a>. 3-5 қарашаға арналған ауа райы болжамы жарияланды, деп хабарлайды Қазгидромет.
Қазақстанның батысында және солтүстігінде антициклон&nbsp;әсерінен жауын-шашын күтілмейді. Республиканың қалған аумағында фронтальды учаскелердің өтуімен ауа райының тұрақсыз сипаты сақталады. Солтүстікте, шығыста және орталық,&nbsp;шығыс облыста&nbsp;қалың қар жауады. Республиканың басым бөлігінде тұман түсіп, жел күшейеді. Солтүстікте, шығыста және орталықта көктайғақ болып, бұрқасын күтіледі.
Шығыс Қазақстанның солтүстік жартысында, Қарағанды ​​облыстарының солтүстігінде, шығысында тұман түсіп, көктайғақ болады.&nbsp;
Ақмола облысының солтүстігінде, батысында, шығысында тұман, көктайғақ, түнде облыстың шығысында&nbsp;бұрқасын күтіледі.
Күндіз Алматы облысында, Түркістан облысыда&nbsp;Қызылорда облысының басым бөлігінде, Атырау, Ақтөбе облысында желдің жылдамдығы 15-20 м/с-ке жетеді. Қызылорда, Түркістан облыстарында жел екпіні 23 м/с-ке дейін&nbsp;күшейеді.
Жамбыл облысының солтүстігінде және таулы аймақтарында тұман күтіледі, күндіз солтүстік-шығыста және таулы аймақтарда желдің жылдамдығы&nbsp;15-20 м/с-ке дейін күшейеді.
Қостанай облысының солтүстігінде түнде және таңертең тұман күтіледі, оңтүстікте желдің жылдамдығы&nbsp;15-20 м/с-ке дейін күшейеді.
Күндіз Маңғыстау облысының солтүстік-шығысында желдің күші 15-20 м/с-ке жетеді, шаңды дауыл күтіледі. Батыс Қазақстан облысының солтүстігінде түнде және таңертең тұман күтіледі.

Алдағы күндері қар жауады

<a href="https://kyzylorda-news.kz/ru/obshestvo/">Kyzylorda-news.kz</a>. Жылу беру маусымына орай тұрмыстағы қауіпсіздікті жіті қадағалау мақсатында облыстағы бірқатар тұрғын үйлерге арнайы қондырғылар орнатылуда. Әсіресе, әлеуметтік жағдайы төмен, көпбалалы отбасылардың тұрғын үйлеріне биыл 1 250 дана көмірқышқыл газын анықтайтын жадынамалар іске қосылды.
Алдағы уақытта 4000 мың дана көмірқышқыл газын анықтайтын жадынамалар алу бойынша келісім жасалған. Осы ретте Өңірлік коммуникациялар қызметінде өткен брифингте облыстық төтенше жағдайлар департаменті бастығының орынбасары Бауыржан Ізбасаров сақтық шараларының жүргізілу барысын баяндады.
<blockquote>
 «Биыл облыс әкімінің төрағалығымен төтенше жағдайлардың алдын алу жөнінде облыстық комиссия отырысы өткен болатын. Онда аз қамтылған, көпбалалы отбасыларының тұрғын үйлеріне 3500 дана көмірқышқыл газын анықтайтын құрылғылар сатып алу мәселесі қаралды. Қазіргі таңда департаменттің 2021 жылғы 15 қазандағы бұйрығына сәйкес, «Өрт қауіпсіздігі сенбілігі туралы» профилактикалық үгіт-насихат жұмыстары жүргізілуде. Есепке алынған әлеуметтік жағдайы төмен отбасылардың үйлері толық араланды. Орнатылған арнайы құрылғылар өз тиімділігін көрсетуде. Мәселен, тұрмыстық пештің ақауынан көмірқышқыл газының шығуына байланысты үш жағдайда датчик іске қосылып, дыбыстық белгі берді», – деді Бауыржан Шырымбекұлы.
</blockquote>
Баспасөз конференциясында облыстық жұмылдыру дайындығы басқармасы басшысының орынбасары Бағдат Әлиев тұрмыстық қауіпсіздік басты назарда екенің тілге тиек етті.
<blockquote>
 «Қазіргі таңда 4000 мыңға жуық отбасына көмірқышқыл газын анықтайтын құрылғы сатып алу бойынша келісім жасалды. Қараша айының 15-20 күндері аралығында жеткізілуі тиіс. Бұл жадынамалар тұрмыстағы түрлі апаттардың алдын алуға жәрдемдеседі. Бұл жұмыстар жүйелі түрде жалғасатын болады», – деді Бағдат Исламбекұлы.
</blockquote>

Жылу маусымы: Тұрмыстағы қауіпсіздік назарда

6 қарашада ауыл шаруашылық өнімдерінің жәрмеңкесі өтеді

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Қызылорда облысы Жалағаш ауданының Мәдениет және өнерді дамыту орталығында ауыл шаруашылығының көрнекті ұйымдастырушысы Мөрәлі Шәменовті еске алуға арналған дзюдодан 2005-2006 жылы туылған жасөспірімдер арасындағы республикалық турнирдің ашылу салтанаты болып өтті.
Мөрәлі Шәменов – әлеуметтік саланың дамуына, мәдениет пен өнердің, спорттың биік белеске көтерілуіне аянбай тер төккен азамат.
Бұл турнир туған жерінің көркеюіне, ауылшаруашылығының өркендеуіне, ақ күрішті ақ алқапқа айналуына саналы ғұмырын сарп еткен, болмысы ерен тұлға Мөрәлі Шәменовке арналуы ұрпақтар сабақтастығының бір көрінісі.
Турнирді ашу үшін алғашқы сөз аудан әкімі Асылбек Шәменовке берілді. А.Шәменов өз сөзінде барша Жалағаштықтар үшін орны бөлек, бір туар азамат Мөрәлі Шәменовтің артынан қалдырып кеткен өшпес мұрасы жайында айтты. Сонымен бірге Қызылорда облыстық дене шынықтыру және спорт басқармасы басшысының міндетін атқарушы Ж.Тажмаханов, Жалағаш ауданының қоғамдық кеңес төрағасы К.Сүлейменов және Қызылорда облысы дзюдо федерациясының президенті, ҚР еңбек сіңірген жаттықтырушысы С.Мұстафаев сөз сөйлеп, барша қатысушыларға Мөрәлі ағамыздың әруағы қолдасын деген игі тілектерін білдірді. Турнир барысында Мөрәлі Шәменовтің ұрпақтары да қатысты. Әрі қарай спорттық шара облысымыздың түкпір-түкпірінен келген жас дзюдошылардың жекпе-жегімен жалғасты.
<img src="https://kyzylorda-news.kz/wp-content/uploads/2021/11/251761965_117591940708033_4522455855911580102_n.jpg" alt="" />
<img src="https://kyzylorda-news.kz/wp-content/uploads/2021/11/252404352_117592000708027_6485067658479020299_n.jpg" alt="" />

Жалағашта дзюдодан  республикалық турнир басталды

<a href="https://kyzylorda-news.kz/ru/obshestvo/">Kyzylorda-news.kz</a>. Елордада «Жұмыс істейтін жастар үшін сатып алу құқығынсыз жалға берілетін тұрғын үй» бағдарламасы бойынша құжаттарды қабылдау осы жылдың 4 қарашасында сағат 9:00-де басталады, деп хабарлайды Нұр-Сұлтан қаласы әкімдігінің&nbsp;<a href="https://astana.gov.kz/kz/news/news/29527">ресми</a>&nbsp;сайты.
Жұмыс істейтін жастардан құжаттарды қабылдау 4 қараша сағат 9: 00-ден 2021 жылғы 11 қараша сағат 23: 59-ға дейін qatysu.zhilfond.kz порталында тек онлайн түрде жүзеге асырылады
Естеріңізге сала кетейік, жалға берілетін тұрғын үй сатып алу және ұзарту құқығынсыз 5 жыл мерзімге беріледі. Ай сайынғы жалдау ақысы 5 000 – 15 000 теңге.
Өтінім берілгеннен кейін, оның қаралуына қарай, өтінім берушінің көрсетілген телефон нөміріне өтінімнің ағымдағы мәртебесі бар SMS-хабарлама жіберіледі. Үш статустың бірі болуы мүмкін:
– Жұмысқа қабылданды (бағдарламаның шарттарына, құжаттардың толық тізбесіне сәйкес келсеңіз); 
– Түзету қажет (сіз құжаттардың толық емес пакетін, сапасы нашар құжаттарды және т. б. тіркедіңіз және түзету күні құжаттарды баяндау қажет); 
– Бас тартылды (бағдарлама шарттарына сәйкес келмесеңіз).
Өтінім беруші өтінімнің мәртебесімен телефонға SMS-хабарлама алғаннан кейін qatysu.zhilfond.kz порталындағы жеке кабинетте таныса алады.
Бағдарламаға қатысты барлық сұрақтар бойынша жұмыс істейтін жастарға 109 Call-орталығына (ұялы телефоннан тегін) немесе 8-700-725-17-32 нөміріне хабарласу керек.
Бағдарламаға қатысу шарттары:
– 29 жасқа толмаған ҚР азаматы; 
– аяқталған орта/ арнайы орта/ жоғары / жоғары оқу орнынан кейінгі білім және ресми жұмысқа орналасқан; 
– Нұр-Сұлтан қаласында соңғы 2 жылдан кем емес тұрақты үздіксіз тіркелу; 
– өтініш берушіде және отбасының барлық мүшелерінде ҚР бойынша меншік құқығында, сондай-ақ 2 жыл ішінде сатып алу құқығымен жалға берілетін тұрғын үйдің болмауы; 
– төлем қабілеттілігін растау (ай сайынғы табыс минимум 116 680 теңге/соңғы 6 айда 40 АЕК болуы керек).

Жастарға жалға берілетін тұрғын үйлерге құжат қабылдау басталады

<a href="https://kyzylorda-news.kz/ru/obshestvo/">Kyzylorda-news.kz</a>. Қала тұрғындарының сеніміне кірген 21 жастағы бойжеткен өзін емші ретінде таныстырған.
Қызылорда қалалық полиция басқармасының кезекші бөліміне 23 жастағы қала тұрғыны арызданған. Айтуынша, алаяқ емшінің құрбаны болған.
Ағымдағы жылдың қыркүйек – қазан айларында белгісіз азаматша, оны әңгімеге тартқан. Артынша, емшілік жолмен денсаулығын&nbsp; қалыпқа келтіріп беруге уәде еткен. Осылайша емшінің арбауына түскен қала тұрғыны еш ойланбастан қолына&nbsp; 550 мың теңге ақшасын ұстата салған.
Шұғыл шаралардың нәтижесінде 21 жастағы қала тұрғыны ұсталды.
<blockquote>
 «Қазіргі таңда аталған алаяқтық іс бойынша Қазақстан Республикасының&nbsp; Қылмыстық кодексінің&nbsp; 190-бабының 1-бөлігі (Алаяқтық, яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену)іс қозғалып, сотқа дейінгі тергеп-тексеруәрекеттері жүруде», делінген полиция департаментінің хабарламасында.
</blockquote>

Емшіге сенген қызылордалық бойжеткен 550 мың теңгесінен айырылып қалды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Елімізде ұлттық парк аумақтарында экологиялық ережені бұзатындарға қолданылатын жаза күшейтіледі, деп хабарлайды <a href="https://24.kz/kz/zha-aly-tar/o-am/item/507825-ekologiyaly-erezheni-b-zatyndar-ylmysty-zhauap-a-tartylady">«Хабар 24»</a>.
Экология министрлігі осы орайда заң жобасын әзірледі. Заң жобасында ерекше қорғалатын аумақтарда режимді бұзу және ұлттық парктерде туристік-рекреациялық қызметті іске асыру нормаларын бұзғаны үшін заңды тұлғаларды қылмыстық жауапкершілікке тарту қарастырылған. Бүгінде ондай талап қойылмаған. Оған қоса, қатты тұрмыстық қалдықтарды тастауға қатысты әкімшілік жауапкершілік те күшейтілмек. Жалпы биылғы жылдың 9 айында ерекше қорғалатын ұлттық парктерде 1800-ден астам тексеріс жүргізілген. Нәтижесінде санитарлық талаптарды бұзудың 118 дерегі анықталды.
Еске сала кетейік, елімізде 10 мемлекеттік табиғи қорық, 13 ұлттық парк, 6 мемлекеттік табиғи резерват бар. Бүгінде ұлттық парктерде экологиялық туризмді дамытудың концепциялары жасалған.
<blockquote>
 «Іле Алатау ұлттық паркінде жұмыс 40-45 процентке іске асырылды. Ал Көлсай көлдері, Шарын ұлттық паркінде ондай жұмыстар биыл басталды. Оны процентпен есептеген жоқпыз, бірақ қазіргі уақытта саяхатшылар абаттандыру жұмысын көріп жатыр. Басқа да ұлттық парктер бойынша концепция әзірленуде», – дейді Орман шаруашылығы және жануарлар дүниесі комитеті төрағасының орынбасары Данияр Тұрғанбаев.
</blockquote>

Қазақстанда экологиялық ережені бұзатындар қылмыстық жауапқа тартылады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Мырзахан Сапарбек «Ауыл шаруашылығын қаржылай қолдау қоры» АҚ Қызылорда облыстық филиалынан осы жылдың ақпанында мемлекеттік бағдарлама аясында жеңілдетілген 4 млн теңге несие алады. Қор бүгінде 22 жастағы кәсіпкерден қаржыны айыппұлымен бірге 5 млн 66 мың теңге көлемінде қайтаруын сұрап отыр.
Қызылордалық Мырзахан Сапарбек жеке кәсіппен айналысу үшін жыл басында «Ауыл шаруашылығын қаржылай қолдау қоры» АҚ Қызылорда облыстық филиалы арқылы 4 млн теңге несие алады. Бұл қаржыға 10 бас жылқы алып, кәсібін жүргізеді. Жас кәсіпкерге мемлекеттік бағдарлама аясында каникул кезеңін бергені, яғни ай сайынғы несие бойынша төлемді 6 айдан кейін жасауға болатыны ерекше ұнайды.
Алайда тамызда жеке сот орындаушысынан шұғыл түрде қорға 5 млн 66 мың теңге, қосымша атқару парағы үшін 14 мың теңге шамасында өндіру туралы шешім келгенде кәсіпкер абдырап қалады.
<blockquote>
 «Сот орындаушысының шешімін алғанда бастапқыда қорқып қалдым. Себебі кәсібімді енді бастадым. Оның үстіне қолымда осыншалықты мол қаржы да жоқ. Несиеге алған қаржыға 10 бас жылқы алып қойғанмын. Кәсіпкерлер палатасы көмектесе алады дегенді естіп, осы ұйымнан құқығымды қорғауын сұрадым», – дейді жас кәсіпкер.
</blockquote>
Мырзахан Сапарбектің айтуынша, «Ауыл шаруашылығын қаржылай қолдау қоры» АҚ Қызылорда облыстық филиалы несие қаражатының жұмсалу мақсатына күмәнданып, ақшаны қайтар деп талап еткен.
<blockquote>
 «Қордың мамандары мен үйде болмаған уақытта келіп, мониторинг жасапты. Несиеге мал алынбаған деп ақшаны қайтаруымды талап етті», – дейді кәсіпкер.
</blockquote>
Кәсіпкерден қаржыны қайтару туралы шешім қордың өтініші бойынша нотариустың талабы арқылы шығады. Қызылорда облысы кәсіпкерлер палатасының заңгерлері кәсіпкердің мәселесін зерделеу барысында шешімнің талапқа сай келмейтінін анықтап, кәсіпкерге қарсылық білдіріп хат жолдауды ұсынады. Кәсіпкерлер палатасының мамандары хаттың мәтінін әзірлеп те береді.
<blockquote>
 «Нотариат туралы» заң бойынша нотариустар борышкер міндеттеменің орындалмауын мойындаған жағдайда атқарушылық жазба негізінде берешекті өндіріп алады. Оның ішінде борышкер дауды сотқа дейін реттеу тәртібімен өндіріп алушыға жіберілген наразылыққа жауапта мойындау керек. Негізі атқарушылық жазба даусыз талаптар бойынша жүргізіледі. Ал біздің кәсіпкеріміздің жағдайында, Мырзахан Сапарбек атқарушылық жазбаның шыққанын білмеген. Іс жеке сот орындаушысына өтіп кетіп, есепшоттары жабылғанда ғана бір-ақ білген. Осы жағдайлардың бәрін негізге алып, кәсіпкердің тиісті құжаттарын әзірлеп бердік», – дейді Кәсіпкерлер палатасы директорының орынбасары, Қызылорда облысындағы бизнес-омбудсменнің өкілі Салават Құлмахан.
</blockquote>
Кәсіпкердің қарсылық хатынан кейін нотариус атқарушылық хатының күшін жою жөнінде қаулы шығарды. Ал кәсіпкер «Ауыл шаруашылығын қаржылай қолдау қоры» АҚ Қызылорда облыстық филиалына несиені мақсатты алғанын дәлелдеу үшін кәсібін көрсететін болып келісті.

Қызылордада жас кәсіпкер 5 млн теңге көлемінде шығынға ұшырай жаздады

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында эпидемиологиялық ахуал тұрақталып келеді. Облыстық денсаулық сақтау басқармасы басшысының орынбасары Жангелді Шаймбетов айтуынша өткен тәулікте 15 жағдай тіркелген.
Коронавирус індет тіркелгелі бері Қызылорда облысында коронавирус инфекциясын 18866 науқас жұқтырған. Емделіп шыққаны 18059 адам.
<blockquote>
 «Облыс бойынша инфекциялық стационарда – 180 науқас, реанимациялық төсек-орында 20 науқас ем қабылдап жатыр. Вакцинацияның 1 компонентімен егілгендер саны – 368 900, халықтың қамтылуы 81,5 пайызды құрады. Екінші компонентпен – 296 727 (65,6 пайыз)», – дейді Жангелді Шаймбетов.
</blockquote>

Қызылордада эпидемиологиялық ахуал қалай?

<a href="https://kyzylorda-news.kz/">Kyzylorda-news.kz.</a>&nbsp;Қызылордалық кәсіпкер Жасұлан Әбілов 2019 жылдан бастап сұйық травертин өнімдер өндірісін қолға алып, қала және аудан тұрғындарының сұранысын қанағаттандыруда.
Кәсіпкер 2021 жылы «Микробизнес Қызылорда» өңірлік инвестициялық орталығы» арқылы 2 пайыздық несиелендіру бойынша 10 млн. теңге қаражатқа ие болды. Жасұлан Әбілов бұл қаражатқа цехты кеңейтуді жоспарлап отыр.
<blockquote>
 «Сұйық травертин өнімін өндіру үшін белгілі бір дағдылар қажет. Сондықтан мамандарды Алматы қаласы мен Қырғызстан еліне тәжірибе жинақтауға жібереміз,» – дейді кәсіпкер.
</blockquote>
Цехта тапсырыс берушінің сұранысына сәйкес сұйық травертин көмегімен текстураның әр түрлі түрлері дайындалады. Сәндік ерекшеліктерінің арқасында интерьерге түрлі көрініс беруге болады.
Айта кетейік, бүгінде кәсіпкерлік нысанда 6 адам жұмыспен қамтылған.
<img src="https://kyzylorda-news.kz/wp-content/uploads/2021/11/252343503_2953951088204963_5484755373717325613_n.jpg" alt="" />
<img src="https://kyzylorda-news.kz/wp-content/uploads/2021/11/252318859_2953951008204971_8391196822819993841_n.jpg" alt="" />

Қызылордалық кәсіпкер сұйық травертин өнімдерін өндіруде

<a href="https://kyzylorda-news.kz/">Kyzylorda-news.kz.</a> «Білімді ұлт» ұлттық жобасының аясында 5000 мектептің материалдық- техникалық базасы жаңартылып, қауіпсіздік шаралары күшейтіледі. Ал шалғайдағы шағын мектептерге қаладағы әлеуетті мектептер әдістемелік көмек беріп, «тәлімгер» болады. Бұл туралы ҚР Білім және ғылым министрлігі Мектепке дейінгі және орта білім комитеті төрағасының орынбасары Сапура Төлекова айтты, деп хабарлайды <a href="https://lenta.inform.kz/kz/ulttyk-zhoba-shalgaydagy-mektepterge-kaladagy-aleuetti-mektepter-talimger-bolady_a3856668">ҚазАқпарат</a>.
Жоба аясында мектепке дейінгі тәрбиенің мемлекеттік стандартын өзгерту көзделген. Министрлік өкілі осы жоспардың қала іске асатынын баяндады.
<blockquote>
 «Мемлекет басшысының тапсырмасы бойынша барлық мектепке дейінгі ұйымда бала дамуының жаңа моделі енгізіледі. «Ойын арқылы оқыту» қағидаты негізінде мемлекеттік стандарт өзгертілетін болады. Бұрынғы стандартта негізінен мектептердегі академиялық білім қамтылған. Яғни балабақшадан бастап пәндер оқытылатын. Енді жаңа стандарт бойынша балабақшада қалыптасатын дағдылардың бәрі ойын арқылы сіңіріледі. Мектепке дейінгі тәрбие дегеннің өзі балабақша мен мектепалды даярлығы деп бөлінеді. Сол мектепалды даярлықта ғана оқыту ұйымдастырылады. Оның өзі бағаланбайтын ойын түрінде жүреді», – дейді комитет төрағасының орынбасары.
</blockquote>
«Білімді ұлт» ұлттық жобасының аясында қала мен ауыл мектептерінің арасындағы сапа айырмашылығын қысқарту мақсат етіліп отыр.
<blockquote>
 «Ол үшін ең әуелі қалалар мен аудан орталықтарындағы әлеуеті мықты мектептер ауылдағы қандай да бір кедергісі бар мектептерге тәлімгер болып бекітіледі. Бұл негізі 2019 жылдан басталған болатын. Бірақ саны аз еді. Яғни мектептер арасында әдістемелік сүйемелдеу жанданады. Тәлімгер мектептер мен түрлі кедергісі бар мектептердің саны кейін нақтыланады. 2019 жылдан бері 50-дей мектеп осындай әдістемелік сүйемелдеуге тартылған», – деді Сапура Төлекова.
</blockquote>
Министрлік Ұлттық жоба аясында мектептердің әлеуетіне жеке-жеке талдау жүргізбекші. Сол үшін халықаралық PISA стандарттарын пайдалану жоспарланып отыр.
<blockquote>
 «Келесі жылы халықаралық PISA сараптамасы бойынша салыстырмалы талдаулар жүргізіледі. Осы жолы Қазақстан мектептерінде алғаш рет «Мектепке арналған PISA» деген жоба іске асады. Қазіргі PISA талдауларында жалпы Қазақстан бойынша көрсеткіштер анықталса, мұнда әр мектептің мүмкіндігі мен әлеуеті, проблемасы мен кемшілігі айқын көрінеді. Бірінші жылы пилоттық негізде 200 мектеп алынып тұр. Кейін бірте-бірте 1000 мектепке барады. Бұл да мектептердің проблемасын жеке-жеке талдап, шешімін табуға септігін тигізеді», – деді сарапшы.
</blockquote>
Сондай-ақ ол 2024 жылы 12 жылдық білім беру жүйесіне көшу жоспарланғанын еске салды.
<blockquote>
 «Оның аясында оқу бағдарламасы толығымен өзгереді. Бұл жерде білім мазмұнын қолданбалы форматқа ауыстыруға басымдық беріледі. Қазір бізде алған білімді қолданып үйрену деген мәселе кенже қалыңқырап тұр. Сондықтан 12 жылдық жүйе аясында функционалдық құзыреттілікке бағытталған білім мазмұны енгізіледі. Демек қазіргі жаттанды ереже, жаттанды формула сияқты нәрселерден сәл алшақтаймыз. Мысалы, математикадан «аудан» ұғымы оқытылса, әр оқушы үйінің еденін кафельдеу үшін қанша материал алатынын есептейді. Осы сияқты барлық пәндерді нақты өмірмен байланыстырып оқыту, пәнаралық байланысты тереңдету алға шығады. Қазіргі STEM бағыты сияқты бірнеше пәннің интеграциясы бойынша оқушылар өзіне қажетті жоба жасауға бейімделеді», – деді ведомство өкілі.
</blockquote>
Оның айтуынша, 12 жылдық білім жүйесіне көшу жергілікті бюджеттер есебінен іске асады. Ал «Мектепке арналған PISA» жобасы бойынша 200 мектепте талдау жүргізуге 213 млн теңге бөлінген.
Ұлттық жобаның тағы бір жаңашылдығы қосымша білім беруге мемлекеттік тапсырыс беру бастамасымен байланысты. Маманның сөзінше, бұл да жергілікті бюджеттен қаралады.
<blockquote>
 «Яғни жерігілкті бюджеттің мүмкіндігіне қарай бөлінеді. Қосымша білімге мемлекеттік тапсырыс аясында тегін үйірмелермен қамту биыл да іске асып жатыр. Тек оқушылар сарайы мен музыка мектептері ғана емес, түрлі дамыту орталықтары, жекеменшік би үйірмелері де конкурс арқылы тапсырысқа ие болып, орындай алады. Бұл не үшін керек? Бала робот техникасы бойынша үйірмеге қатысқысы келді дейік. Бірақ оны үйрететін мемлекеттік орталық қаланың екінші шетінде болуы мүмкін. Осындай балалар мемлекеттік тапсырыс арқылы үйіне жақын жердегі жекеменшік орталықтағы үйірмеге тегін қатыса алады. Мысалы спорттық үйірмелер бойынша айтсақ, 2020 жылы оқушылар 87 пайыз қамтылған. 2025 жылы бұл көрсеткіш 100 пайыз болуы керек», – деді Сапура Төлекова.
</blockquote>
Бесжылдық жоба шеңберінде мектептерді қауіпсіз әрі жайлы етудің нақты өлшемдері енгізілмек.
<blockquote>
 «Бұл іс екі негізгі бағыт бойынша қарастырылып отыр. Ауылдар мен шағын қалалардағы мектептердің ішінде 5000 мектепті жаңғырту қолға алынған. Оның ішіне күзетшімен, бақылау камераларымен қамту сияқты қауіпсіздік шаралары кіреді. Сондай-ақ, күрделі жөндеуден өткізіліп, заманауи пән кабинеттерімен жабдықталады. Интернетпен қамтамасыз етіп, асханаларын жаңа үлгіде жабдықтау, кітапханаларын жаңарту да бар.
 Бұл мақсатқа 2021 жылы 133 млн теңге қарастырылған. Жалпылап айтсақ, апатты және үш ауысымды мектептердің санын азайту, жаңадан ашылатын мектептерді кадрмен қамтамасыз ету, қауіпсіздік шаралары мен матералдық-техникалық базаны жаңартуға 2021-2025 жылдары 3,6 млрд теңге бөлінбек», – дейді Мектепке дейінгі және орта білім комитеті төрағасының орынбасары.
</blockquote>
Ұлттық жоба аясында ел арасында «ПМПК» деп қысқартылып айтылатын ерекше білім беру қажеттілігі бар балаларды психологиялық-педагогикалық қолдауды қамтамасыз ету үшін норматив жеңілдетілмек.
<blockquote>
 «Бұрын 60 мың балаға бір комиссия деп қарастырылса, Ұлттық жоба аясында соны 50 мың балаға 1 комиссия деп жаңарту көзделіп отыр. Яғни аймақтарда жаңа комиссиялар құрылады деген сөз. Бұл кезектерді азайтады. Қазір ерекше білім беруге мұқтаж балалардың ұзақ уақыт кезек күтуі жиілеп барады. Бұл соның алдын алу үшін жасалып отыр», – деді Сапура Төлекова.
</blockquote>

Қазақстан және Қызылорда облысының жаңалықтары