<a href="https://kyzylorda-news.kz/">Kyzylorda-news.kz</a>. Республика аумағында 15-24 наурыз аралығында «Пробация» жедел-профилактикалық іс-шарасы өткізілуде.
Аталған іс-шара кезінде Байқоңыр қалалық пробация қызметінің есебінде тұрған ҚР Қылмыстық кодексінің 380-бабының 1-бөлігі бойынша 1 жыл 6 ай мерзімге бас бостандығын шектеу жазасына сотталған әйел жаза өтеу тәртібін қаскөйлікпен бұзуға жол бергені үшін Қызылорда облысы Байқоңыр қалалық сотына бас бостандығын шектеуді бас бостандығынан айырумен ауыстыру туралы ұсыным жолданды.
Сотталған әйел пробация қызметіне белгіленген күндері тіркелу және өзімен тәрбие жұмысын жүргізу үшін дәлелсіз себептермен бірнеше рет келмеген, яғни шақырту қағаздарын уақытылы ала тұра келмеген.
ҚР Қылмыстық-атқару кодексінің талаптары бойынша бас бостандығын шектеу түріндегі жазаға сотталған адамның пробация қызметіне белгіленген күндері тіркелу және өзімен тәрбие жұмысын жүргізу үшін дәлелсіз себептермен бірнеше рет келмеуі – жаза өтеу тәртібін қаскөйлікпен бұзушылық болып табылады.
Қазіргі кезде аталған ұсыным іс-құжаттары Қызылорда облысы Байқоңыр қалалық сотының өндірісінде.

Қызылордада сотталған әйелге қайта жаза тағайындалмақ

<a href="https://kyzylorda-news.kz/">Kyzylorda-news.kz</a>. БҰҰ-ның (БҰҰ) мамандандырылған мекемесі дүниежүзілік метеорологиялық ұйымның&nbsp;сарапшылары ауа райының COVID-19 таралу динамикасына әсерін бағалады, деп хабарлайды&nbsp;<a href="https://stan.kz/">Stan.kz</a>.
Сарапшылар атап өткендей, коронавирус төменгі температурада ұзақ өмір сүрсе де, оның таралу динамикасы ең алдымен метеорологиялық факторлармен емес, сақтық шараларымен байланысты.
<blockquote>
 «COVID-19 қоздырғышын тудыратын SARS-CoV-2 вирусына жүргізілген зертханалық зерттеулер вирустың суық, құрғақ жағдайда және ультрафиолеттің төмен сәулелену деңгейінде ұзақ өмір сүретініне бірнеше дәлелдер келтірді. Алайда бұл зерттеулер метеорологиялық факторларды вирустың таралу жылдамдығына тікелей әсер етеді» делінген хабарламада.
</blockquote>
Жедел топтың тең төрағасы&nbsp;Джонс Хопкинс университетінің профессоры Бен Зайчик метеорологиялық және ауа сапасының факторларын таратуды азайтуға бағытталған мемлекеттік шараларды жеңілдетуге негіз бола алмайтынын атап өтті.
Пандемияға ауа сапасы факторларының әсеріне қатысты нақты тұжырымдар жоқ. Алдын ала мәліметтер бойынша ауа сапасының төмендігі COVID-19-дан өлім-жітімді арттырады, бірақ вирустың таралуына әсер етпейді.
Денсаулық сақтау министрлігі де осындай пікірді ұстанады. Жылы ауа райы коронавирусты өлтіреді деген болжамдар қиялдан туған дейді ғалымдар.

БҰҰ: Ауа райы коронавирустың таралуына әсер етпейді

<a href="https://kyzylorda-news.kz/">Kyzylorda-news.kz</a>. Нұр-Сұлтан қаласында мектеп оқушылары арасындағы X қысқы гимназиадасы аясында шорт-трек сайысында сынға түскен Қызылорда командасы 4 медаль еншіледі.
Оның 1-уі күміс, 3-уі қола жүлде. Жасөспірім қыздар арасында Ұлту Құрманбай 800 метр қашықтықта күміс медаль алса, суперфиналда 1000 метр қашықтық пен көпсайыс қорытындысында қола жүлделер бұйырды. Ал 800 метр қашықтықта Қарақат Балмұханова үшінші орыннан көрінді.
Айта кетейік, спортшылардың жаттықтырушылары Марат Мұратбеков, Рүстембек Байғара, Тайман Меңдіхан.

Қызылордалық спортшылар шорт-тректен 4 медаль алды

<a href="https://kyzylorda-news.kz/">Kyzylorda-news.kz</a>. Биылғы жылдың қыркүйегінен бастап жоғары оқу орындарының штаттағы оқытушылары үшін минималды жалақы белгіленеді. Бұл туралы ҚР Білім және ғылым министрі Асхат Аймағамбетов <a href="https://www.facebook.com/askhat.aimagambetov/posts/10218141622908317">«Facebook»</a> парақшасында мәлімдеді.
<blockquote>
 «Оқытушыларға лайықты жалақы төлеп, олардың қалыпты жұмыс атқаруы үшін жағдай жасау – жоғары білім сапасын арттыру үшін маңызды. Мемлекет басшысы Қасым-Жомарт Кемелұлы Тоқаев Ұлттық қоғамдық сенім кеңесінің отырысында жоғары оқу орындарындағы педагогикалық-оқытушылық құрамның жалақысын арттыруға қатысты тапсырма берген болатын. Нәтижесінде 2019 жылғы қыркүйекте Білім және ғылым министрлігіне тікелей бағынышты ЖОО оқытушыларының жалақысы 20 пайызға, кейін 2020 жылғы қыркүйек айында тағы 20 пайыз ұлғайтылды. Дегенмен, қабылданған іс-шараларға қарамастан жалақы көлемін әлі де арттыру қажет», – деп жазды министр.
</blockquote>
Оның айтуынша, бұл ретте, болған жалақының базасының төмен болуына байланысты, тіпті жалақыны 20-40 пайызға ұлғайту да жеткіліксіз болып отыр. Мәселен, ҚазҰУ-да оқытушының орташа жалақысы 108 мың теңге болса, Х. Досмұхамедов атындағы Атырау университетінде 105 мың теңге, Қорқыт Ата атындағы Қызылорда университетінде – 101 мың теңге, ал Қарағанды индустриалды университетінде 99 мың теңге. Мұндай жалақы мөлшері оқытушыларды аса ынталандыра қоймайтыны анық.
<blockquote>
 «Кейбір жоғары оқу орындары оқытушылардың жалақысын көтеру кезінде лауазымдық жалақы мөлшерін негізге алған. Ал лауазымдық жалақы мөлшері оқытушылардың түрлі қосымша ақыларды қоса алғандағы нақты жалақысынан төмен екенін айта кеткен жөн. Басқа жоғары оқу орындары жалақыны педагогикалық жүктемені көбейту арқылы арттырды. Нәтижесінде бірқатар оқу орнында оқытушы ставкасының көлемі 900 сағатқа дейін жетті», – деді ол.
</blockquote>
Асхат Аймағамбетов осыған байланысты Мемлекет басшысының тапсырмасын орындау үшін екі норма бекітілгенін айтады.
<blockquote>
 «Бірінші. 2021 жылдың қыркүйегінен бастап штаттағы оқытушылар үшін минималды жалақы мөлшерін белгілеу. Яғни, 2021 жылдың қыркүйегінен бастап БҒМ-ге ведомстволық бағынышты жоғары оқу орнында штаттағы оқытушы айына кем дегенде 200 мың теңге, аға оқытушы – 230 мың теңге, қауымдастырылған профессор – 260 мың теңге; профессор 350 мың теңге (ұлттық жоғары оқу орындарында – 400 мың теңге) алуы тиіс. Бұл жалақының ең төменгі мөлшері болуы тиіс. Сондай-ақ әр жоғары оқу орны оқытушылардың белгілі бір жетістіктері үшін басқа да ынталандыру төлемдерін белгілеп, төлей алады», – деді министр.
</blockquote>
Асхат Аймағамбетовтың айтуынша, екінші нормада педагогикалық жүктеменің максималды көлемін 1 ставка үшін 680 сағаттан асырмау көзделген.
<blockquote>
 «Әрине, бұл педагогикалық жүктемесі аталған көрсеткіштен төмен ЖОО-ларды (жылына 450 немесе 500 сағат) ештеңеге міндеттемейді. Яғни, сағат санын белгіленген 680-ке дейін жеткізу міндеті тұрған жоқ. Оқытушыға берілген 1 ставка көлемі 700-900 сағат немесе одан жоғары болатын жоғары оқу орындары сағат санын 680-ке дейін төмендетуі керек. Бұл бұйрықты ерте қабылдап жатқанымыздың өзіндік себебі бар: 2021 жылдың қыркүйегіне дейін ЖОО басшыларына өздерінің шығыстарын қайта жоспарлап, оңтайландыру және кірістерін ұлғайту үшін уақыт береміз. Аталған шешім жоғары оқу орындарындағы әкімшілік-басқару персоналы мен педагогикалық-оқытушылық құрамның арақатынасын өзгертуге, басқа да маңызы басым емес шығыстарды қысқартуға және бюджеттердің шығынын қайта қарауға мәжбүрлейтіні анық. Біз ректорлармен 2021 жылдың қыркүйегіне дейін тиісті жұмыс жүргізілетіні туралы келісімге келдік. Президенттің бұл тапсырмасының орындалу барысын ЖОО директорлар кеңестері мен Білім және ғылым министрлігі бақылауда ұстайтын болады», – деді министр.
</blockquote>

Асхат Аймағамбетов: Жалақы көлемін әлі де арттыру қажет

<a href="https://kyzylorda-news.kz/">Kyzylorda-news.kz</a>.&nbsp; Қорқыт ата атындағы Қызылорда университетінде күн және жел электр станциясы іске қосылды.
Салтанатты шарада Басқарма Төрайымы-Ректор Бейбіткүл Каримова мен Әль-фараби атындағы Қазақ ұлттық университетінің профессоры, т.ғ.д. Темірхан Қойшиев станциясының лентасын қиды.
Университет оқытушылары 2017 жылдан бастап «GeKaVoc-“Қазақстандағы логистика, мехатроника және тұрақты энергиямен жабдықтау үшін кәсіби және техникалық оқыту технологияларын беру» Халықаралық Қазақстан – Герман бірлескен жобасына қатысады.
Жобаны Германияның Федералды Білім және ғылым министрлігі қаржыландырады. Жоба қаражатына университеттің бесінші оқу ғимаратының аумағын электрмен қамтамасыз ететін қуаты 5 кВт гибридті электр станциясы сатып алынды.Осы электр станциясының базасында университеттің &nbsp;«Электр энергетикасы және өміртіршілік қауіпсіздігі» кафедрасында «Жаңартылатын энергия негізіндегі энергия үнемдеу технологиялары» атты ғылыми-зерттеу зертханасын ашу жоспарлануда.
Салтанатты шара «Энергия және ресурс үнемдейтін технологиялар: тәжірибелер мен перспективалар» III халықаралық онлайн–конференциясына ұласты.
<img src="https://kyzylorda-news.kz/wp-content/uploads/2021/03/p1244620-scaled.jpg" alt="" />
<img src="https://kyzylorda-news.kz/wp-content/uploads/2021/03/p1244634-scaled.jpg" alt="" />
<img src="https://kyzylorda-news.kz/wp-content/uploads/2021/03/p1244662-scaled.jpg" alt="" />

Қызылордада күн және жел электр станциясы іске қосылды

<a href="https://kyzylorda-news.kz/">Kyzylorda-news.kz</a>. Қармақшыдағы медицина мекемелеріне 6 автокөлік берілді. Ақжар ауылдық дәрігерлік емханасы мен Шипагер дәрігерлік емханасына бір-бір автокөліктен берілсе, орталық емханаға 1 жылжымалы медициналық кешен автокөлігі және 3 автокөлік табысталды. Бұл туралы Қармақшы ауданының әкімі Мұса Қалдарбеков айтты.
<blockquote>
 «Ауданда медицина саласын дамытуға күш салып келеміз. Қазіргі таңда емханаларды түрлі техника, қажетті құралдармен жабдықтап жатырмыз. Бұл тұста кәсіпкерлер де көмегін аяп жатқан жоқ. Мәселен, өткен жылы ауданының кәсіпкерлері мен сыртта жүрген азаматтарымыз демеушілік жасап, құны 54 млн. 223 мың теңге көлемінде қаржылай және заттай көмек жасады. Оның ішін дедәрі-дәрмек, керекті құрал-жабдықтар, оттегі балондары мен концентраторлар, рентген мен ИВЛ аппараттары алынды. Коронавирус инфекциясын таралуына жол бермеу мақсатында сақтық шарасына аса мән берудеміз», – деді Қармақшы ауданының әкімі Мұса Қалдарбеков.
</blockquote>
Қазіргі таңда ауданда 4 рентген аппараты жұмыс істеп тұр. Оның екеуі аудандық ауруханада, екеуі Төретам ауылдық ауруханасында. Айта кетейік, былтыр ауданға «КазГерМунайГаз» компаниясының демеушілігімен 12 өкпені жасанды желдету аппараты, 46 оттегі концентраторы алынды.
Мал басы 7 пайызға көбейді
Өткен жылы ауданда төрт түліктің саны 7 пайызға өсті. Мүйізді ірі қара – 4,7 пайызға, қой – 7,5 пайызға, ешкі – 6,2 пайызға, жылқы – 9 пайызға, түйе – 6,6 пайызға, құс – 9,5 пайызға көбейді.
<blockquote>
 «Соңғы жылдары ауданда мал шаруашылығында өсім байқалып келеді. Өткен жылы мемлекеттік бағдарламалар аясында 388 мал сатып алынды. Сонымен бірге, «Еңбек» бағдарламалары аясында және «Микро бизнес Қызылорда» несие серіктестігі арқылы 14 жоба несиелендірілді. Оған 167 бас мүйізді ірі қара, 63 бас жылқы алынды», – деді Қармақшы ауданының әкімі Мұса Қалдарбеков.
</blockquote>
Ауданның ауылдары интернет желісіне қосылуда
«Цифрлық Қазақстан» мемлекеттік бағдарламасы аясында 2020 жылы Қармақшы ауданының 9 ауылдық округі 10-20 Мб/сек жылдамдықтағы кеңжолақты интернет желісімен қамтамасыз етілді. Ал 2 кент және 8 ауылдық округ ұялы байланыс операторларының 3G жылдамдықтағы интернет желісіне қосылды.
<blockquote>
 «Цифрландыру – барлық реформаның негізгі элементі. Қазіргі таңда интернет және ұялы байланыс жолдары электр жарығы сынды негізгі қажеттілікке айналды. Сондай-ақ, қашықтықтан оқыту мен карантин уақытында үйден қызмет көрсетуге интернет қажеттілігі туындады. Елді-мекендерді толық интернетпен қамтамасыз ету бағытында жұмыс істеп жатырмыз», – деді Қармақшы ауданының әкімі Мұса Қалдарбеков.
</blockquote>
Бағдарлама аясында енді Ақжар, Ақтөбе, Жаңажол ауылы және Жосалы кентін Activ жәнеTele 2 ұялы байланыс операторлары тарапынан 3G жылдамдықтағы интернет желісіне қосылмақ.
Мектептер жаңа модификациялық құралдармен жабдықталды
Ауданда жаңа модификациялық кабинеттерді жабдықтауға 182 млн. 465 мың теңге бөлінді. Қомақты қаржыға 23 физика, химия, биология кабинеттері жабдықталды.
<blockquote>
 «Өздеріңіз білетіндей, білім беру саласында пандемияға байланысты балаларды оқытудың тәсілі мен мазмұны түбегейлі өзгерді. Көптеген білім беру ұйымдары қашықтан оқуға көшті. Осы орайда толыққанды оқу үдерісі үшін қажетті барлық функциялары бар бірыңғай онлайн платформасын жолға қойып, оқушыларға сапалы білім беруге күш салып жатырмыз. Республика бюджетінен қашықтықтан оқытуға отбасының әлеуметтік жағдайларына қарай 1790 ноутбук, 462 компьютер, 599 планшет, демеушілікпен 78 планшет, 300 SIM карта алынды», – деді Қармақшы ауданының әкімі Мұса Қалдарбеков.
</blockquote>
Айта кетейік, мұндай қолдау мұғалімдерге де көрсетілді. Мәселен, биылғы оқу жылында облыстық кәсіподақ комитеті мектеп мұғалімдерінің әлеуметтік жағдайларына сәйкес сабақ өткізу үшін 32 ноутбукты берді.
1880 жұмыс орны ашылды
Былтыр ауданда Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында қайта даярлау курстарына 18 адам, «Бастау Бизнес» кәсіпкерлік негіздері курстарына 435 адам жолданып, 358 адам оқуын бітіріп шықты. Еңбекпен қамтудың белсенді шараларымен 2353 адам қамтылып, тұрақты жұмысқа 925 адам орналастырылды. 1880 жаңа жұмыс орны ашылды.
<blockquote>
 «Ауданда жұмыссыздық деңгейін төмендету мақсатында жастарға кәсіби бағдар беру маңызды. Сондықтан қазіргі таңда қажетті мамандықтарға талдау жұмыстары жүргізіліп, тізбесі жасалуда. Биыл ауданда физика-математика, орыстілі мен әдебиеті, ағылшын тілі пәндерінің мұғалімдеріне, дәрігерлер және жоғары санаттағы аспазшы мамандықтарына сұраныс артыпотыр. Алдағы уақытта осы сұраныстарға орай жұмыстар жасалатын болады», – деді Қармақшы ауданының әкімі Мұса Қалдарбеков.
</blockquote>
Ауданда «Агрозона» құрылады
Ауданда «Агрозона» құрылады. Енді әрбір ауылдық елді мекендердің жанынан тұрғындардың бау-бақша егуге жағдай жасалатын болады. Аталмыш бастама жүзеге асса, әрбір отбасы қыс мезгілінде қажетті бақша өнімдерімен өздерін қамтамасыз етуге мүмкіндік алады.
<blockquote>
 «Қазіргі таңда ауылдық елді мекендерде ниет білдірген тұрғындарға бау-бақша егу үшін жерді өңдеу мен аяқ-сумен қамту туралы шаруашылықтармен бірлесіп тиісті жұмыстар атқару үшін сала басшыларын атап сырмалар берілді. Бүгінгі күні біздің мақсатымыз Қармақшы ауданының әлеуметтік – экономикалық дамуымен қатар тұрғындарымыздың өмір сүруіне қолайлы жағдайлар жасай отырып, аймағымыздың қарқынды серпілісіне өзіміздің үлесімізді қосу болып табылады», – деді Қармақшы ауданының әкімі Мұса Қалдарбеков.
</blockquote>

Қармақшыда медицина мекемелеріне 6 автокөлік берілді

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 807 адам коронавирус індетінен емделіп шықты. Бұл туралы &nbsp;<a href="http://www.coronavirus2020.kz/">coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 118,
Алматы қаласы – 224,
Шымкент қаласы – 3,
Ақмола облысы – 59,
Ақтөбе облысы – 43,
Алматы облысы – 35,
Атырау облысы – 84,
Шығыс Қазақстан облысы – 20,
Жамбыл облысы – 5,
Батыс Қазақстан облысы – 75,
Қарағанды облысы – 32,
Қостанай облысы – 42,
Қызылорда облысы – 15,
Маңғыстау облысы – 7,
Павлодар облысы – 30,
Түркістан облысы – 15.
Қазақстан бойынша жазылғандар саны – 208881.

COVID-19: Қызылордада 15 науқас емделіп шықты

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 1186 адамнан коронавирус індеті ПТР арқылы расталды. Бұл туралы &nbsp;<a href="http://www.coronavirus2020.kz/">coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 307,
Алматы қаласы – 318,
Шымкент қаласы – 23,
Ақмола облысы – 55,
Ақтөбе облысы – 32,
Алматы облысы – 86,
Атырау облысы – 38,
Шығыс Қазақстан облысы – 18,
Жамбыл облысы – 11,
Батыс Қазақстан облысы – 64,
Қарағанды облысы – 100,
Қостанай облысы – 45,
Қызылорда облысы – 4,
Маңғыстау облысы – 8,
Павлодар облысы – 44,
Солтүстік Қазақстан облысы – 21,
Түркістан облысы – 12.
Жалпы ел бойынша ауырғандар саны 227953.
17 наурыздағы мәлімет бойынша, Қазақстанда бір тәулікте 1082&nbsp;адамнан коронавирус анықталған болатын.

Қызылордада өткен тәулікте 4 адамнан коронавирус анықталды

<a href="https://kyzylorda-news.kz/">Kyzylorda-news.kz</a>.&nbsp; Бейсенбі, 18 наурызда еліміздің кей жерлерінде тұман түсіп, көктайғақ болады, жел күшейеді, батыста жаяу бұрқасын, күндіз оңтүстік-батыста шаңды дауыл соғады, деп хабарлайды Қазгидромет.
Қазақстанның басым бөлігінде антициклон шоғыры әсерінен жауын-шашынсыз ауа райы сақталады. Тек еліміздің батысында атмосфералық ағындардың өтуіне байланысты кей жерлерде жауын-шашын (жаңбыр, қар), солтүстік-шығысында аздаған қар жауады.
Еліміздің кей жерлерінде тұман, көктайғақ болады, жел күшейеді, батыста жаяу бұрқасын, күндіз оңтүстік-батыста шаңды дауыл соғады.
Қызылорда облысының кей жерлерінде тұман түседі, жел түнде кей жерлерде 15-20 м/с, күндіз 15-20, екпіні 23 м/с күшейеді.

18 наурызға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Денсаулық сақтау вице-министрі – Қазақстанның бас мемлекеттік санитар дәрігері Ерлан Қиясов Наурыз мейрамы кезінде өңірлерде шектеу шаралары қалай енгізілетінін түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Ол мейрам кезінде әр адам денсаулығына ерекше мән беруі керектігін ескертті.
<blockquote>
 “Осыған байланысты біз, әсіресе, “қызыл” және “сары” аймақтарда тұрған өңірлерде бұқаралық шараларды барынша азайтуға кеңес береміз. Өйткені бұл шараларға халық көп жиналып, аурудың таралу қаупі артады. Ал “жасыл” аймақтағы өңірлерге шараларды адам санын мейлінше шектеп ұйымдастыруға, негізгі шараларды онлайн өткізуге кеңес бердік”, – деді Қиясов онлайн брифингте.&nbsp;
</blockquote>
Сондай-ақ, айтуынша, әр өңірдің бас мемлекеттік санитар дәрігері эпидемиологиялық жағдайға қарай іс-шаралар көлемін өздері анықтай алады.&nbsp;
Қиясов мереке күндері әлеуметтік ара қашықтық пен маска режимін сақтауға, жасы үлкен адамдарға аса мұқият болуға шақырды.&nbsp;
Биыл қазақстандықтар Наурыз мейрамында бес күн – 20, 21, 22, 23, 24 наурыз демалады.

Бас санитар дәрігер Наурыз мейрамына қатысты мәлімдеме жасады

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықованың төрағалығымен инвестор тарту және инвестициялық ахуалды жақсарту жөніндегі өңірлік Кеңес отырысы өтті.
Жиынға облыс әкімінің орынбасарлары, салалық басқарма басшылары, бірқатар кәсіпорын директорлары қатысты. Сондай-ақ, онлайн селекторлық режимде Шиелі ауданының әкімі байланысқа шықты.
Аймақ басшысы өңірде инвестиция тарту мәселелерін қозғап, экономикалық даму жоспарында тұрған жобалардың тиімділігін сөз етті.
Өткен жылы өңірде инвестиция тарту бағытында бекітілген меже артығымен орындалған. Яғни жоспарда 230 млрд теңге болса, 291,6 теңгеге, яғни 26,7 пайызға көрсеткіш жоғары іске асқан. Ал, биылғы меже 456 млрд теңге. Бұл ретте, инвестициялардың «жаңа толқынын» тарту мақсатында белсенді жұмыстар басталған.
<blockquote>
 «Сыртқы және ішкі инвестиция тарту мақсатында инвестиция тарту үшін арнайы 2 топ құрылып, тиісті жұмыстар атқарылуда. Нәтижесінде, ішкі инвестиция тартуға жауапты топ – облыстың экономикалық даму жоспарындағы 265 жоба санын 400-ге дейін арттырады. Екінші топ өңірімізге сырттан инвестиция тарту мақсатында «Облыстың инвестициялық мүмкіндігі» бойынша бағдарлама әзірлеуде. Жоспарға енгізілетін жобаларды жасақтау үшін экономика салаларын егжей-тегжейлі зерттеу жүргіздік. Яғни өңірімізде ауыл шаруашылығы өнімдерін қайта өңдеу жұмыстарын жандандыру қажет», – деді Гүлшара Әбдіқалықова.
</blockquote>
Жиында облыс әкімі әлем елдерімен өзара ынтымақтастық бағытында келіссөздер барысына тоқталды. Айталық, аймақта сыра, сусын және шырын өндірісі бойынша жобаны іске асыру туралы чех компаниясымен, «Дархан Нэхий» және «былғары өндірісі Одағы» сияқты моңғол компанияларымен теріні, жүнді қайта өңдеу және Ресейге экспортпен өнімдерді шығаратын бірлескен кәсіпорын құру бойынша жұмыстар жүргізіледі. Сонымен қатар, күріш сабанынан целлюлоза өндіру жобасы бойынша қытайлық инвесторлармен жұмыстар басталған.
Мұнан бөлек, инвестицияның жаңа толқынын тарту бойынша Францияның Страсбург қаласындағы ҚР Бас консулдығымен келіссөздер жүргізілді.
Кеңес отырысында 2 мәселе қаралды. Алғашқы мәселе – «Жеміс-жидек және көкөніс өнімдерін терең өңдеуге бағытталған агроөнеркәсіптік кешен құру» жобасына арналды. Бұл бағытта «Қарағанды Агро Инвест-Т» серіктестігінің өкілі Ибрагим Пірзат баяндама жасады.
Өкілдің айтуынша, жаңа жобаның Қазақстанда баламасы жоқ және алғаш болып Қызылорда өңірінде іске аспақ. Жоба толықтай өндіріске енсе маусымдық кезеңде 500 адамды еңбекпен қамтуға мүмкіндік береді.
Облыс әкімі жобаның маңыздылығы зор екенін, жұмысты жүргізу үшін арнайы кестелік жоспар құру қажеттігін айтып, сала басшыларына бірқатар тапсырмалар берді. Мәселен, облыстық жер қатынастары басқармасының басшысына «Қарағанды Агро Инвест-Т» серіктестігімен бірлесіп, Агроөнеркәсіптік кешенін құру жобасын іске асыру үшін 35 гектар жер телімін мемлекеттік қолдау шарасы ретінде бөлінуін пысықтауды, облыстық индустриялық-инновациялық даму басқармасы мен Шиелі ауданының әкімдігі бірлесіп жобаны уақытында іске қосу бойынша тиісті жұмыстар атқаруды тапсырды. Ал, серіктестік өкіліне жобаны «Бизнестің жол картасы – 2025» мемлекеттік бағдарламасы аясында қарастыру үшін облыстық кәсіпкерлік және туризм басқармасына тиісті құжаттарды жолдау қажеттігін атап өтті.
Отырыста қаралған екінші мәселе – «Жоғары сапалы пресстелген жоңышқа өндіру» жобасы. Өңірде жыл сайын ірі қара мал басы 3% өсуде. Сондықтан, мал шаруашылығын сапалы жем-шөп қорымен қамтамасыз ету маңызды. Бұл ретте жоңышқа өндіру жобасының маңыздылы туралы «Tin Oris» серіктестігінің директоры Сұлтан Тұрсынбек баяндады. Өз кезегінде ол жоғары сапалы пресстелген жоңышқа өндіру ісі Сыр елінің географиялық ерекшелігіне қолайлы әрі логистикалық мүмкіндіктерге де тиімді екенін атап өтіп, топырақ пен суға анализ жасау арқылы алғашында 1000 гектарға жоңышқа егуді бастауға ниетті екенін жеткізді. Облыс әкімі аталған жобаның жан-жақты тиімділігі бар екенін айтып, жобаға қолдау білдіру үшін сала басшыларына нақты тапсырмалар берді.
<blockquote>
 «Облыстық индустриялық-инновациялық даму басқармасы мен Шиелі ауданының әкімдігіне жобаны уақытында іске қосу бойынша тиісті жұмыстар атқарсын және облыстық жер қатынастары басқармасы мемлекеттік қолдау шарасы ретінде 10 мың гектар жер телімін бөлу мәселесін қарастырыңыздар. Сондай-ақ, жоба бастамашыларының жер телімін уақытылы рәсімдеп алуын қадағалауды және жобаларға жалпы сүйемелдеу жүргізуді тапсырамын», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/03/162301512_3204107066359007_2443266667204630997_o.jpg" alt="" />
<img src="https://kyzylorda-news.kz/wp-content/uploads/2021/03/161457325_3204110326358681_1630812736557962783_o.jpg" alt="" />
<img src="https://kyzylorda-news.kz/wp-content/uploads/2021/03/161730904_3204110856358628_6698783624385092137_o.jpg" alt="" />

Гүлшара Әбдіқалықова: Аймақта ауыл шаруашылығы өнімдерін қайта өңдеу жұмыстарын жандандыру қажет

<a href="https://kyzylorda-news.kz/">Kyzylorda-news.kz</a>. Қызылорда облысы бойынша «Қару» жедел профилактикалық іс-шарасы өтуде.
Аталған шараның алғашқы күнінде 1116 қару иелері тексеріліп, 19 құқықбұзушылық&nbsp;анықталды.&nbsp;Рейд барысында заңсыз айналымнан 7 қару тәркіленді.
Атап айтар болсақ, 16 наурыз күні Сырдария ауданының 24 жастағы тұрғынынан тіркеуде жоқ 1 ұңғылы 12-калибрлі нөмірі өшірілген аңшы мылтығы алынды. Сонымен қатар Екпінді ауылында 36 жастағы тұрғыннан ІІО-да тіркеуде жоқ 2 ұңғылы 16 калибрлі нөмірі өшірілген аңшы мылтығы алынды.
Бұл азаматтарға қатысты ҚР ӘҚБтК-нің 482-бабымен (Қаруды заңсыз иеленіп алуы, беруі, өткізуі, сақтауы, алып жүруi, тасымалдауы) әкімшілік хаттамалар толтырылды.
Сонымен қатар шара барысында қару сақтау ережесін бұзған 4 азаматқа, қару тасымалдау және тіркеу ережелерін бұзған 8 азаматқа әкімшілік шара көрілді.
<img src="https://kyzylorda-news.kz/wp-content/uploads/2021/03/whatsapp-image-2021-03-17-at-16.41.11.jpeg" alt="" />

Қазақстан және Қызылорда облысының жаңалықтары