<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Суық антициклон Қазақстан территориясына өз әсерін сақтайды – жауын-шашын жаумайды және ауа температурасы төмендейді, деп хабарлайды Қазгидромет.
Тек оңтүстік-шығыстың таулы аудандарында фронттардың әсерінен қар жауады, жаяу бұрқасын көтеріледі.
Республиканың басым бөлігінде жел күшейіп, оңтүстік пен оңтүстік-батыста шаңды дауыл соғады, солтүстік пен оңтүстік-шығыста тұман түседі.
Түркістан облысының солтүстігі, батысы мен таулы аудандарында желдің екпіні 23-28 м/с жетеді. Солтүстігінде шаңды дауылмен бірге жел тұрады.
Жамбыл облысының оңтүстік-батысында, солтүстік-шығысында және таулы аудандарында желдің екпіні 23 м/с дейін күшейеді. Таулы аудандарында тұман түсіп, жаяу бұрқасын болады.
Алматы облысының таулы аудандары мен тау бөктерінде түнде және таңертең тұман, Алакөл көлдері маңайында желдің күші – 17-22 м/с.
Қызылорда облысының орталығы мен оңтүстігінде жел қарқыны 15-20 м/с жетеді, орталығында шаңды дауыл соғады.
Маңғыстау облысының оңтүстік-батысы мен солтүстік-шығысында жел жылдамдығы 15-20 м/с шамасында, шаңды дауыл тұрады.
Атырау облысының солтүстігінде, күндіз Ақмола облысының солтүстігінде, Батыс Қазақстан облысының оңтүстігінде жел екпіні – 15-20 м/с.
Солтүстік Қазақстан облысының түнде оңтүстік-шығысында, күндіз басым бөлігінде желдің күші 15-20 м/с жетеді, түнде және таңертең солтүстік-батысында тұман түседі.
Қостанай облысының батысында тұман, солтүстігінде жел қарқыны 15-20 м/с дейін күшейеді.
Қарағанды облысының солтүстігінде тұман түседі.

5 қарашаға арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықованың төрағалығымен Сырдария өзеніндегі су жағдайына қатысты жиын өтті.
Отырыста облыстың табиғи ресурстар және табиғат пайдалануды реттеу басқармасының басшысы Бауыржан Шаменов, ҚР Экология, геология және табиғи ресурстар министрлігінің Су ресурстары комитетінің су ресурстарын пайдалануды реттеу және қорғау жөніндегі Арал-Сырдария бассейндік инспекциясы басшысының м.а Зейнолла Қазтоғанов, «Қазсушар» РМК Қызылорда филиалының директоры Хамит Бейімбетов Сырдарияның су деңгейін көтеру бойынша атқарылған жұмыстарды баяндады. 
Сырдария өзенінің сулылығы Тоқтағұл (Қырғызстан) су қоймасында жиналған судың жиналуымен тікелей байланысты. Бүгінде қоймадағы судың көлемі 11,9 млрд.м3 құрап, өткен жылдың осы кезеңінен 2,8 млрд.м3 кем болып отыр.
Қазірдің өзінде 207 көлдің 17-сі толығымен құрғап қалса, қалған көлдердің толуы 50 пайыз шамасында. Осы орайда, ең үлкен Қамбаш көлінің жағалауы (18 мың гектар) 200-300 метрге дейін тартылып қалды.
Биылғы жылдың 11 мамырында өткен Мемлекетаралық су шаруашылығын үйлестіру комиссиясының 80-ші отырысынан кейін Шардара су қоймасына келісілген 4084 млн.м3 судың 56,7 пайызы (2319 млн.м3), ал Арал теңізіне келісілген 1 262 млн.м3 судың 15,6 пайызы (199 млн.м3) ғана түсіп отыр.
Бүгінгі күні сыйымдылығы 5,2 млрд.м3 құрайтын Шардара су қоймасында 894 млн. м3 су бар. Қоймадағы судың аз болуына байланысты су қоймасынан Сырдария өзенінің төменгі ағысына биылғы жылдың 8 қыркүйегінен 18 қазан аралығында секундына 30 текше метр, 19 қазаннан 23 қазан аралығында 50 текше метр, 24 қазаннан 2 қараша аралығында 65 текше метр су жіберіліп келді.
Бүгінгі күні су қоймасына түсіп жатқан су көлемінің ұлғаюына байланысты ағымдағы жылдың 3 қарашадан бастап өзеннің төменгі ағысына 90 текше метр су жіберілуде.
Қызылорда облысына секундына 114 текше метр су кіруде, бұл өткен жылдың осы кезеңінен 28 текше метрге кем. Қызылорда су торабынан төмен қарай секундына 76 текше метр су жіберілуде, бұл өткен жылдың осы кезеңінен 9 текше метрге аз. 
Сырдария өзеніне жіберіліп жатқан судың көлемінің төмен болуына байланысты Орталық Азия мемлекеттері басшыларының деңгейінде су ресурстарын тиімді пайдалану, су алу лимиттерімен Арал-Сырдария бассейні су қоймалары каскадының жұмыс режимдерін сақтау және Шардара су қоймасына түсетін ағынды суды ұлғайту мәселесін пысықтау жөнінде Үкіметке тапсырма беру туралы облыс әкімдігімен ҚР Президентінің атына хат жолданды.
Сонымен бірге, Экология, геология және табиғи ресурстар министрлігі Шардара су қоймасына судың түсуі және Сырдария өзенінің төменгі ағысына су жіберу көлемін ұлғайту мәселесі биылғы жылдың қараша айында өтетін Мемлекетаралық су шаруашылығын үйлестіру комиссиясының 81-ші отырысында қаралады. Мұнда Сырдария өзенінің бассейні бойынша 2021 жылғы вегетациялық кезеңнің қорытындылары шығарылып, 2021-2022 жылғы вегетацияаралық кезеңінде мемлекеттердің су алу лимиттері мен Нарын-Сырдария су қоймалары каскадының болжамды жұмыс режимін келісуі пысықталады.
Жиын соңында аймақ басшысы Гүлшара Әбдіқалықова шаруашылық иелері үшін көктемгі егіс уақытына жер асты суын пайдалану әдісін қолдануға қажетті құралдармен қамтамасыз ету жұмыстарын үлестіруді және Сырдариядағы су деңгейіндегі ахуалды күнделікті бақылауға алып, ахуалды баяндап отыруды міндеттеді.
Сонымен қатар, алдағы уақытта да өзеніндегі су көлемін ұлғайту бойынша тиісті жұмыстар жүргізілу қажет екенін атап өтті.
<hr />

Сырдария өзеніндегі су жағдайы мемлекетаралық су шаруашылығын үйлестіру комиссиясының отырысында қаралады

<a href="https://kyzylorda-news.kz/ru/obshestvo/">Kyzylorda-news.kz</a>. «Қазидромет» РМК-сы Қазақстанның бірнеше облысында ауа райына байланысты ескерту жариялады.
Қазгироме олжамына қарағанда, 5-6 қарашада түнде және таңертең Солтүстік Қазақстан облысының солтүстік-батысында тұман түседі. Оңтүстік-батыстан, батыстан жел соғады. 5 қараша күні түнде облыстың оңтүстік-шығысында, күндіз тәулік бойы, 6 қараша күні өңірдің басым бөлігінде желдің күші секундына 15-20 метрге жетеді.
Петропавлда 5 қараша күні тәулік бойы, 6 қарашада оңтүстік-батыстан, батыстан жел соғады, күші секундына 15-20 метрге жетеді.
5 қараша күні Батыс Қазақстан облысында жел оңтүстік-шығыстан, оңтүстіктен соғады, күндіз облыстың оңтүстігінде желдің екпіні 15-20 м/с-қа жетеді.
Қызылорда облысының орталығында шаңды дауыл тұрады. Жел солтүстік-шығыстан соғады, облыстың орталығында және оңтүстігінде жылдамдығы секундына 15-20 метрге жетеді.
Қызылордада 5 қараша күні жел солтүстік-шығыстан соғады, күндіз екпіні 15-20 м/с болады.
5-6 қарашада Түркістан облысының солтүстігінде шаңды дауыл тұрады.
Шығыстан жел соғады, облыстың солтүстігінде, батысында, тау және тау бөктерлі аудандарында күші желдің секундына 15-20 метрге, 5 қарашада таулы аудандарда екпіні 23-28 м/с болады.
Шымкентте 5 қарашада шығыстан екпіні 15-20 м/с жел соғады.
Түркістанда 5 қарашада шығыстан жел соғып, екпіні секунжына 15-20 метрге жетеді.
Күндіз 5 қараша күні Ақмола облысының солтүстігінде батыстан, оңтүстік-батыстан жел соғады, екпіні 15 м/с болады.
Көкшетауда 5 қарашада күндіз батыстан, оңтүстік-батыстан жел соғып, екпіні 15 м/с-қа жетеді.

Қызылордада ауа райына байланысты ескерту жарияланды

<a href="https://kyzylorda-news.kz/ru/obshestvo/">Kyzylorda-news.kz</a>. Қарашада Арал теңізінің суы тартылған аумағына алғаш рет сексеуіл тұқымы әуеден себіледі, деп [хабарлады](http://Аралда алғаш рет әуеден сексеуіл егіледі Әрі қарай оқу: https://sputnik.kz/society/20211104/18574855/aral-sekseuil-egu.html) экология, геология және табиғи ресурстар министрі Серікқали Брекешев.
<blockquote>
 “Біз Өзбекстанда сәтті өткен тәжірибені пайдалана отырып, биыл алғаш рет сексеуілді аэросебу әдісін қолданамыз. Осыған байланысты Ынтымақтастық жол картасына қол қойылды”, – деді Брекешев үкімет отырысында.
</blockquote>
Министр сөзіне сәйкес, 1 қазаннан бастап Аралда топырақты дайындау жұмыстары жүргізіліп жатыр. Ал 15 қарашадан бастап аэросебу арқылы сексеуіл отырғызылады. Биыл 100 мың гектар жер көлеміне сексеуіл тұқымы әуеден себіледі.
Қазақстан аумағында жатқан Арал теңізінің суы тартылған бөлігі 2,2 миллион гектарды алып жатыр. 2021 жылға дейін 337 мың гектарға сексеуіл тұқымы себілді.
2021-2025 жылдар аралығында 1,1 миллион гектарға сексеуіл егіледі деп жоспарланып отыр. Яғни, ол үшін 2022 жылдан 2025 жылға дейін жыл сайын 250 мың гектарға ағаш тұқымы себіледі.
Сексеуіл – биіктігі бір жарым метрден 12 метрге дейін жететін бұталы өсімдік. Ол топырақ түзгіш өсімдік болып саналады. Сондықтан сексеуілді жердің шөлейттенуімен күресу кезінде жиі қолданады.
Сексеуіл өзінің тереңге жайылған тамыры арқылы құмды нығайтып, құмды борандарға төтеп беру арқылы құнарлы жерді, өзен мен су арналарын құмнан қорғайды. Ол топырақ суының деңгейін реттеп, жерді сор мен құм басуынан сақтап қалады.

Аралда алғаш рет әуеден сексеуіл егіледі

<a href="https://kyzylorda-news.kz/ru/obshestvo/">Kyzylorda-news.kz</a>. Алматыда Ashyq жүйесіне 23 214 мекеме мен ұйым қосылды, жарты жылда олардың саны 13 есе өскен. Бұл туралы Алматы кәсіпкерлер палатасы директорының орынбасары Салтанат Лесбаева айтты, деп хабарлайды <a href="https://sputnik.kz/society/20211104/18578679/Vaktsina-sauda-ortalyqtary.html">Sputnik Қазақстан</a>.
Оның сөзінше, қазір 479 нысан жүйеде көшбасшы болып тұр. QR-код бойынша келушілер саны аз болған 3 044 қатысушы жүйеден шығарылды.
<blockquote>
 “Қазір бас санитар дәрігердің №47 қаулысы бойынша “жасыл” статусы бар тұлғалар нысандарға бара алады. Жақында коронавирустың таралуына жол бермеу жөніндегі ведомствоаралық комиссияның отырысында бұл тәжірибені жұмыс күндері сауда және ойын-сауық орталықтарының жұмысында қолдану ұсынылды. Яғни сауда және ойын-сауық орталықтарына тек “жасыл” статусы бар адамдарды кіргізу мәселесі қаралып жатыр. “Атамекен” бұл мәселені талқылауға белсенді қатысады, өйткені сауда орталықтарында көптеген кәсіпкер жұмыс істейді”, – дейді Салтанат Лесбаева.
</blockquote>
Ол сондай-ақ сауда орталықтарында кірісі төмендеуі мүмкін басқа да қызмет түрлері бар екенін айтып, бұл мәселенің денсаулық сақтау министрлігімен бірлесе шешілетінін жеткізді.
**Ашық қалай жұмыс істейді? 
**QR-кодты сканерлегеннен кейін мобильді қосымшада келушінің статусы түрлі-түсті форматта жанады. Ол бойынша адамның коронавирус жұқтырған адаммен байланыста болғаны немесе жұқтырғаны көрінеді:
жасыл статус – бұл келуші деректер базасында Сovid-19 теріс нәтижесі көрсеткен адам ретінде көрсетілген; 
көк статус – ПТР нәтижелері жоқ, байланыста болған адам ретінде саналмайды; 
сары статус – науқаспен байланыста болған адам; 
қызыл статус – базада Covid-19 анықталған деп тіркелген.

Вакцина алмағандар жұмыс күндері де сауда орталықтарына кіре алмауы мүмкін

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында полицейлер тұрғынның көлігінен есірткі мен қару-жарақ тәркіледі.
Қызылорда қалалық полиция басқармасының патрульдік полиция батальоны 35 жастағы қала тұрғынының басқаруындағы «Mitsubishi Space Wagon» автокөлігін тоқтатты. Полицейлер профилактикалық түсіндірме жұмыстарын жүргізу кезінде автокөліктің артқы орындығында қару бар екендігін байқаған. Тексеру барысында табылған зат еш жерде тіркелмеген қару болып шықты.
<blockquote>
 «Оқиға орнына жедел-тергеу тобы шақыртылды. Тәртіп сақшылары көлік ішінен газет қиындысына оралған есірткі затын, заңсыз қару және 17 патрон тәркіледі. Аталған дерек бойынша ҚР Қылмыстық кодекстің 296-бабының 2-бөлігімен және 287-бабының 3-бөлігімен сотқа дейінгі тергеп-тексеру әрекеттері жүргізілуде. Тиісті сараптамалар тағайындалды», – делінген хабарламада.
</blockquote>

Қызылордада 35 жастағы тұрғынның көлігінен есірткі мен қару-жарақ тәркіленді

<a href="https://kyzylorda-news.kz/ru/obshestvo/">Kyzylorda-news.kz</a>. Қазір заңгер кеңесіне деген сұраныс жоғары. Тұрғындардың бірі үй, жер, еңбек нарығы бойынша сұрақтарға жауап іздесе, бірі отбасы мәселесіне алаңдайды. Дегенмен, білікті заңгерді табу қиын, кеңес алу құны жоғары. Ал Қорқыт ата атындағы Қызылорда университетінің Студенттік заң клиникасында білім алушылар тұрғындарға тегін кеңес береді.
Студенттік заң клиникасы ойы озық, білімді студенттерден жасақталды. Өзгелерге көмектессем, заң саласы бойынша пайдамды тигізсем дейтін жастар көп мұнда. Олар тынымсыз іздене жүріп тың тәжірибе жинақтайды. 2013 жылы ашылған клиника қазір сапалы қызметімен әйгілі.
<blockquote>
 «Заң клиникасы құқық саласының мәселелері бойынша тегін кеңес беру мақсатында құрылды. Тұрғындардың құқықтық сауаттылығын арттыру және жергілікті сот, құқық қорғау органдарымен университеттің ынтымақтастығын кеңейту – басты міндеттеріміздің бірі. Клиникада жұмыс істейтін құқықтану мамандығының студенттері мәселені заң тұрғысынан шешу арқылы кәсіби тұрғыда шыңдала түседі. Ал клиника мүшелері жыл сайын іріктеледі. Биыл үшінші курстар арасынан 13 студент таңдап алынды», – деді Құқықтану кафедрасының доценты, заң ғылымдарының кандидаты, клиника жетекшісі Жанат Исаева.
</blockquote>
Мұнда тұрғындарға кеңес беру арнайы реттілікпен жүзеге асады. Заң көмегін қажет ететіндер жұмыс күндері таңертеңгі сағат 10.00-12.00 аралығында келіп, өтініш қалдыра алады. Сондай-ақ, euniver.korkyt сайтына, Instagram желісіндегі @zansoilesin парақшасына жазбаша түрде сауал жолдаса болады.
Айта кету керек, өткен оқу жылында пандемияға қарамастан тұрғындарға онлайн, офлайн түрде кеңес берілді. Жалпы 40-тан астам арыз түсіп, заң талабына сай жауап қайтарылған.
<blockquote>
 «Бізге некені тоқтату, алимент өндіру мәселесімен келушілер көп. Сұрақтар бойынша алдымен студенттер ізденіп, нәтижесін жетекшіге көрсетеді. Жетекші тексергеннен кейін 10 күн ішінде жауап жіберіледі. Биылғы оқу жылында да Студенттік заң клиникасы тұрғындарға көмек көрсетуді бастап кетті. Клиникадағы жұмыстардан бөлек білім алушылар құқық қорғау органдары, өзге де ұйымдармен өткізілетін кездесулерге қатысып, білікті маман ретінде қалыптасуда», – деді клиниканың төрағасы, студент Данияр Төлегенов.
</blockquote>
Сұранысқа сай сапалы қызмет көрсетуді мақсат еткен жастардың талабы да, білім-білігі де жоғары. Олар мәселесін заңдық тұрғыда реттегісі келген кез келген тұрғынға уақытылы көмек көрсете алады. Бүгінде білім ала жүріп, уақытты тиімді пайдаланған студенттер білікті маман болып қалыптасып келеді.
<img src="https://kyzylorda-news.kz/wp-content/uploads/2021/11/8e82b26c-b435-4889-b22b-3efaff2546b5.jpg" alt="" />
<img src="https://kyzylorda-news.kz/wp-content/uploads/2021/11/04fa4fa9-ae9f-472f-adba-b6230fd81f2f.jpg" alt="" />

Қорқыт ата атындағы Қызылорда университетінің студенттері заңгерлік кеңес береді

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Қонысбек Қазантаев атындағы аудандық мәдениет үйінде «Алтын дән – 2021» мерекесіне орай салтанатты шара өтті.
Салтанатты шараға Жалағаш ауданының әкімі Асылбек Өмірбекұлы, бөлім және мекеме-кәсіпорын басшылары, кент және ауылдық округ әкімдері, ауыл шаруашылығы саласының ардагерлері мен еңбеккерлері, БАҚ өкілдері қатысты.
Аудан басшысы Асылбек Өмірбекұлы аудан тұрғындарын береке мен молшылықтың бастауы – «Алтын дән – 2021» мерекесімен құттықтап, ауыл еңбеккерлерінің ел үшін еткен ерен еңбектерінің ақталғанын атап өтті.
Мұнан соң табысқа жеткен озаттарды марапаттап, бағалы сыйлықтар табыстады.
Салтанатты шарада күріш дақылынан мол өнім алған шаруашылықтар, “Мега Агро” ЖШС, “Құрманбай ата” ШҚ және “Еңбек Жер” ЖШС “Озат шаруашылық” номинацияларымен марапатталды.
Сонымен қатар, шаруа қожалық қызметкерлерінің озаттары да марапат төрінен көрінді. 
Айта кетейік, Жалағаштық диқандар биылғы жылы егілген 36 231 гектар күріштің әр гектарынан 62,3 центнерден өнім жинап, ел қамбасына 123 354 тонна астық құйды.
<img src="https://kyzylorda-news.kz/wp-content/uploads/2021/11/252732727_1327811514337590_7786178310157181513_n.jpg" alt="" />
<img src="https://kyzylorda-news.kz/wp-content/uploads/2021/11/253079657_1327811454337596_8306600729309544364_n.jpg" alt="" />
<img src="https://kyzylorda-news.kz/wp-content/uploads/2021/11/253253336_1327811521004256_1453455709761168192_n.jpg" alt="" />
<img src="https://kyzylorda-news.kz/wp-content/uploads/2021/11/253219899_1327811374337604_4279441997375356303_n.jpg" alt="" />

Жалағашта еңбек озаттары марапатталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Жаңақорған ауданында әлеуметтік маңызы бар 144 ұйым бар. Аталған ұйымдардың 100-і қатты отынмен, 21-і сұйық отынмен қамтылған. Сондай-ақ, 23 нысан табиғи газ отынын пайдалануда. Бүгінгі таңда ауданға 24 900 тонна қатты отын жеткізілді. Қажеттілік толық 100 пайызға орындалды. Бұл жөнінде Өңірлік коммуникациялар қызметінде өткен брифингте Жаңақорған ауданы әкімінің орынбасары Ерділда Сұлтанбеков хабарлады.
<blockquote>
 «Жаңақорған ауданында 85 мыңнан аса тұрғын бар болса, газдандыру үлесі халық санына шаққанда 38,8 пайызды құрайды. Ал қатты отынмен 61,2 пайыз тұрғын қамтылды. Табиғи газ жүйесіне 5 717 тұрғын үй, 124 коммуналдық-тұрмыстық нысандар қосылған. Жылу беру маусымында әлеуметтік нысандарға 5900 тонна көмір және 841 тонна сұйық отын жеткізу жоспарланды. Ал аудан халқына қажетті 19 мың тонна көмір тасымалданды. Тағы бір айта кететін жәйт, жаңадан қосылған мөлтек аудандарға газ құбырын жүргізу бойынша жоба-сметалық құжаттар әзірленуде. Биыл аудандағы жеті елді мекенді табиғи газға қосу үшін облыстық және аудандық бюжеттен арнайы қаржы бөлініп, тиісті жұмыстар атқарылуда. Аудандағы қоймаларға апта сайын 600-700 тоннадан қатты отын жеткізіліп жатыр. Жалпы жылу маусымының өту барысы қалыпты деңгейде екенін айтқым келеді», – деді Жаңақорған ауданы әкімінің орынбасары Ерділда Нұртазаұлы.
</blockquote>

Жаңақорған халқына 19 мың тонна көмір жеткізілді

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда мүгедектік себебіне қарамастан I топтағы мүгедекке күтім көрсететіндерге жаңа жәрдемақы төленеді, деп хабарлайды еңбек және халықты әлеуметтік қорғау министрлігі.
<blockquote>
 “Қазақстанның кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы” заңына сәйкес, Қазақстанда мүгедектік себебіне қарамастан, I топ мүгедегіне күтім жасайтын адамдарға ең төменгі күнкөріс деңгейінің 1,4 мөлшерінде (2021 жылы – 48 023 теңге) жәрдемақы енгізілді.
</blockquote>
Мүгедектік бойынша жәрдемақыны кімдер алады 
I топтағы мүгедекке күтім жасайтын адамдар осы жәрдемақыны алу үшін “Азаматтарға арналған үкімет” мемлекеттік корпорациясының бөлімшелеріне өтініш беруі керек. Өтінішпен бірге мынадай құжаттар қоса тапсырылады:
жеке басын куәландыратын құжат (жеке куәлік, қандас куәлігі, азаматтығы жоқ адамның куәлігі, шетелдіктің тұруға ықтиярхаты немесе цифрлық құжаттар сервисінен электронды құжат);
I топтағы мүгедекке қорғаншылық (қамқоршылық) белгіленгенін растайтын құжат (ондай дерек болған жағдайда);
күтімге мұқтаж адамның мүгедектігі туралы анықтама;
жәрдемақы беру жөніндегі уәкілетті ұйымдағы банк шотының нөмірі туралы мәліметтерді растайтын құжат, сәйкестендіру үшін қажет;
психикалық денсаулық орталығында есепте тұрмайтыны туралы анықтама.
Бұдан басқа, күтімді жүзеге асырушы ретінде айқындалған адамның іс-әрекетке қабілеттілігі туралы мәліметтер жеке басын куәландыратын құжат бойынша әділет министрлігінің “Жеке тұлғалардың мемлекеттік дерекқоры” ақпараттық жүйесінде тексеріледі.

Қазақстанда жаңа жәрдемақы енгізілді

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыстық білім басқармасының қолдауымен «Серіктес директорлар» лигасының менеджер басшыларға басқару үдерісін ұйымдастырып, оның тиімділігін арттыру үшін теориялық концепцияларын, мазмұнын, тәжірибедегі қажеттілігін іс жүзінде қолдануға арналған «Теория, тәжірибе, іс әрекет: Жаңа көзқарастар алаңы» атты жаңа жинақтың тұсауы кесілді.
Жаңа жинақтың тұсау кесеріне облыстық білім басқармасының басшысы Ақзира Бақтыбайқызы, ҚР Ұлттық ғылым академиясының акамедигі, экономика ғылымдарының докторы, профессор Бақберген Сәрсенұлы, Қызылорда облыстық мәслихатының хатшысы Наурызбай Сейтқалиұлы, Педагогика ғылымдарының кандидаты, ҚР еңбек сіңірген қайраткері, ҚР Білім беру ісінің үздігі, Білім беру ісінің құрметті қызметкері Алима Жақыпқызы, «Құрмет белгісі» ордені мен Ы.Алтынсарин атындағы және «Ерен еңбегі үшін» медалдарының иегері, халықаралық «Жыл директоры атанған білім саласының ардагері Күләш Бердікенқызы және қала мектептерінің директорлары, аудандық білім бөлімінің басшылары ZOOM қосымшасы арқылы қатысты.
<blockquote>
 «Серіктес директорлар» лигасы өткен оқу жылында жасақталған тұжырымдамаларды жинақтап, өздеріңіздің назарларыңызда тұсауын кесті, енді оны бағыттар бойынша енгізілген тәжірибелерін магнитті түрде өзге білім ұяларына тарататын болады», – деді Ақзира Қасымова.
</blockquote>
Шара барысында «Серіктес директорлар» лигасының семинары өткізілді. «Білім берудегі импульс, менеджмент, прогресс» тақырыбында өткен директорлардың басқосуында білім саласының майталмандары, ұлағатты ұстаздар Досмамбетов Бақберген Сәрсенұлы, Байқадамов Наурызбай Сейтқалиұлы, Әбдіхалықова Алима Жақыпқызы, Мергенбаева Күләш Бердікенқызы баяндама жасап, өзекті тақырыптарға негізделген мәселелерді пікір алмасу форматында талқылады. Сонымен қатар, оқытудың педагогикалық тәсілдері мен директор қандай болуы керектігі жөнінде өз тәжірибелерімен бөлісті.
Жиында Ақзира Бақтыбайқызы директорлардың бәсеке ағынына қарсы төтеп беру, өзіндік даму, ата-анамен байланыс туралы ойымен бөлісті. Ой алаңында барлық директорлар да өзіндік пікірін айтып, көзқарастарын білдірді.
Басқосу соңында басқарма басшысы Ақзира Бақтыбайқызы «Серіктес директорлар» лигасының жобалары жаңа мазмұнға бағытталып, даму, жаңару жолындағы жаңалықтары мен түрлі өзгерістері өңіріміздегі білім беру саласының дамуына септігін тигізетінін атап өтті.
Алдағы уақытта лиганың аудандардағы көшпелі отырыстары өткізіліп, құрамы жаңа директорлармен толығады.
<img src="https://kyzylorda-news.kz/wp-content/uploads/2021/11/253282502_1231369937366209_1820674666979932839_n.jpg" alt="" />
<img src="https://kyzylorda-news.kz/wp-content/uploads/2021/11/252983314_1231369827366220_4506440431061001412_n.jpg" alt="" />

Қызылордада «Серіктес директорлар» лигасының тұжырымдамасы жарық көрді

<a href="https://kyzylorda-news.kz/ru/obshestvo/">Kyzylorda-news.kz</a>. Қазалы ауданындағы Жалпақ пен Жұбан елді мекендерінде медициналық бекеттердің құрылысы басталды.
Қазіргі таңда қос елді мекендегі медициналық бекеттердің іргетасын монтаждау жұмыстары аяқталып, ғимараттың қабырғасына кірпіш қалау жұмыстары жүргізілуде.
Алдағы уақытта Ақжона мен Сарыкөл ауылдық округтеріне қарасты ауылдардың тұрғындары қажет болған жағдайда тиісті ем-домын талапқа сай, жаңа дәрігерлік орталықта қабылдайтын болады.
<img src="https://kyzylorda-news.kz/wp-content/uploads/2021/11/252891656_3197165093837749_618819480983283938_n.jpg" alt="" />
<img src="https://kyzylorda-news.kz/wp-content/uploads/2021/11/252873263_3197166223837636_3208783115059194259_n.jpg" alt="" />

Қазақстан және Қызылорда облысының жаңалықтары