<a href="https://kyzylorda-news.kz/">Kyzylorda-news.kz</a>.&nbsp;Қорқыт ата атындағы Қызылорда университетінің «Дидар» ансамблі есеп берді.
Ансамбль 2000 жылы наурыз айында құрылған. Ансамбльдің бағдарламасында халық әндері, күйлері, термелері мен қазақ&nbsp; халық композиторларының шығармалары мен шетел шығармалары қамтылған.&nbsp;Ансамбль тек қана қазақ сахнасында ғана емес, көптеген алыс жақын шет мемлекеттерде өз өнерін көрсетіп жүр. Өнер ұжымы Қорқыт Ата атындағы Қызылорда университетінің Құрманғазы атындағы Алматы мемлекеттік&nbsp; консерваториясы мен түлектерінен құралған.
2021 жылы ансамблдің құрамы 50 пайызға қайта жасақталып, музыкалық аспаптар 90 пайызға, репертуары 80 пайызға&nbsp; жаңартылды.
Қазіргі таңда ансамблді жаңа деңгейге көтеру мақсатында көркемдік жетекшісі әрі дирижері қызметіне ҚР еңбек сіңірген қайраткері, қауымдастырылған профессор Мүсілім Әмзе шақырылды. Есеп беру кешінде Қазақстанның еңбек сіңірген қайраткері, белгілі әнші Жеңіс Ысқақова өз өнерін көрсетті. Жеңіс Ермағанбетқызы 2021 жылдан бастап университеттің «Дәстүрлі музыка өнері және хореография» кафедрасының аға оқытушысы болып қызмет атқарады.
Ансамбль Түркия, Оңтүстік Корея елдерінде Сыр елінің өнерін паш еткен. Халықаралық «Шабыт» және Республикалық «Ғасырлар үні», «Жұбанов көктемі» фестивальдерінің бас жүлдесіне ие болған.
<img src="https://kyzylorda-news.kz/wp-content/uploads/2021/06/p1355348-scaled.jpg" alt="" />
<img src="https://kyzylorda-news.kz/wp-content/uploads/2021/06/p1355208-scaled.jpg" alt="" />

Қызылорда: «Дидар» ансамблі есеп берді

<a href="https://kyzylorda-news.kz/">Kyzylorda-news.kz</a>. Қармақшы ауданында егістікте сумен қамтамасыз ету үшін Шіркейлі магистралды каналы арқылы секундына 55,1 текше метр су бөлінуде. Өткен жылмен салыстырғанда бидай – 702 гектарға, мақсары – 841 гектарға, жүгері -80 га, күнбағыс -10 га, жаңа жоңышқа – 981 гектарға ұлғайтылды. Бұл туралы Өңірлік коммуникациялар қызметінің ақпарат алаңында Қармақшы ауданы әкімінің орынбасары Жұлдызхан Ерқосаев баяндады.
<blockquote>
 «Алдашбай ахун ауылдық округінде жабынды астына егу тәсілімен 20 гектар көкөніс, бақша дақылдары өсірілуде. Бүгінде барлығы 25215 гектар ауыл шаруашылығы дақылдары орналастырылды, оның ішінде 13156 гектар күріш егілді»,- деді Жұлдызхан Ерқосаев.
</blockquote>
Ауданда каналдарға 15 дана су айдайтын насос қондырғысы қойылып, су шықпайтын 435 гектар биік жерлерде егістік орналастырылмады.
<blockquote>
 «2020-2021 жылдары аралығында 3 электрлі насос және биыл тағы Ақжар ауылдық округіне аяқ су апаруға 1 насосқа өтінім берілді»,- деді облыстық табиғи ресурстар және табиғат пайдалануды реттеу басқармасы басшысының орынбасары Жұлдызай Айтжанова.
</blockquote>
Қазіргі кезде күрішті екінші рет суға бастыру жұмыстары жүргізілуде. Осыған орай, сол жаға магистралды каналын 4 бөлімшеге бөле отырып, график дайындалды. Әрқайсысына 5 күннен аспайтын кезек реттілігін қою жоспарлануда.
<blockquote>
 «Бүгінде сол жаға магистралды каналының аяғында орналасқан Қармақшы ауданы жоспарға сәйкес секундына 56 текше метр су алу керек болса, қазір секундына 54,5 текше метр су келуде. Бұл өткен айдағы көрсеткішпен салыстырғанда едәуір жақсы», – деді Қазсушар РМК Қызылорда филиалының су шаруашылығы нысандарын пайдалану бөлімінің басшысы Айдос Асанбаев.
</blockquote>

Қармақшыда күрішті суға бастырудың екінші кезеңі басталады

<a href="https://kyzylorda-news.kz/">Kyzylorda-news.kz</a>. Қызылорда облысында жыл басынан бері суға шомылуға тыйым салынғаны туралы 165 тақтайша және 78 билборд орнатылды. Сондай-ақ, департамент қызметкерлері мен құтқарушылар 375 рейд жүргізіп, 4166 адамға судағы қауіпсіздік туралы үнпарақ таратты. Бұл туралы Өңірлік коммуникациялар қызметінің ақпарат алаңында Қызылорда облысы Төтенше жағдайлар департаментінің Азаматтық қорғаныс басқармасының бастығы Асхат Тоғызбаев мәлімдеді.
<blockquote>
 «Аймақта суға түсуге қауіпті 64 учаске анықталған. Рұқсат етілген 2 жағажай бар. Жыл басынан бері облыс аумағындағы 19 адам суға кетті. Оның 13-і бала. Суда адамдардың қаза болуының негізгі себебі қауіпсіздік ережелерін өрескел бұзуы болып табылады. Қазіргі таңда 17 адамға ескерту шарасы көрілді», – деді Асхат Тоғызбаев.
</blockquote>
Күн райының ысуына байланысты көпқабатты тұрғын үйлердің терезе, балкондарының ашық қалуынан балалардың құлап кету жағдайы көбеюде. Оның басты себебі ата-аналардың балаларды бақылаусыз қалдыруы, терезеде уақытша бекіткіш торлардың болмауы, москит торларының берік бекітілмеуінен болып отыр.
<blockquote>
 «Жыл басынан бері аймақта балалардың терезеден құлауының 6 фактісі тіркелді. Оның ішінде Шиелі ауданында – 1, Қызылорда қаласында – 5 жағдай орын алды. Осыған орай, біздің тарапымыздан тұрғындар арасында 81 үгіттеу-түсіндіру парақтарын іліп, аулада кездескен 107 тұрғынға жадынама таратылды. Сонымен қатар, дауысзорайтқыш арқылы тұрғын үй ауласында ескерту, түсіндіру іс-шаралары жүргізілуде», – деді Облыстық төтенше жағдайлар департаменті бөлімінің бастығы Бейбітхан Спанов.
</blockquote>
Жалпы мамыр айынан бастап 23 рет рейд жүргізіліп, 215 үнпарақ таратылды.

Қызылордада жыл басынан бері 13 бала суға кетті

<a href="https://kyzylorda-news.kz/">Kyzylorda-news.kz</a>. 2020 жылы еңбек қабілетінен айрылған 14,7 мың азаматқа 15,5 млрд теңге әлеуметтік қолдау көрсетілді. Бұл туралы ҚР Үкіметінің отырысында Еңбек және халықты әлеуметтік қорғау министрі Серік Шәпкенов айтып берді, деп хабарлайды <a href="https://www.inform.kz/kz/enbek-kabiletinen-ayrylgan-14-7-myn-azamatka-15-5-mlrd-tenge-tolendi_a3801150">ҚазАқпарат</a>.
<blockquote>
 «2020 жылдың нәтижесі бойынша кәсіптік еңбек қабілетінен айрылған 14,7 мың азаматқа 15,5 млрд теңге мөлшерінде әлеуметтік қолдау көрсетілді. Олардың ішінде 10 мыңға жуығына бюджет есебінен мемлекеттік жәрдемақы мен сақтандыру қорынан төлем берілді, ал 6 мыңға жуық азамат сонымен қоса Мемлекеттік сақтандыру қорынан әлеуметтік төлемдер алды. 46% азаматтың кәсіптік еңбек ету қабілетінен айрылу деңгейі 30 бен 59 пайыздың арасын құрайды. Олардың көпшілігі жеңіл жұмысқа ауысты», – деді Серік Шәпкенов бүгінгі Үкімет отырысында.
</blockquote>
Оның айтуынша, соңғы 3 жылда еңбек ету қабілетінен айрылған жұмыскерлердің үлесі төмендеді.

Еңбек қабілетінен айрылған 14,7 мың азаматқа 15,5 млрд теңге төленді

<a href="https://kyzylorda-news.kz/">Kyzylorda-news.kz</a>. Қазақстанның бас мемлекеттік санитар дәрігері Ерлан Қиясов азаматтарды коронавирусқа қарсы вакцина салдыруға шақырды.
<blockquote>
 «Әлем елдерін індеттің қайта таралуы алаңдатуда. Бәрі COVID-19 вирусының үшінші толқыны туралы айтып жүр. Әсіресе, вакциналау деңгейі өте төмен елдерде вирус жұқтыру көрсеткіші күрт артты. Жер жүзінде 176 миллионнан астам адам вирус жұқтырды, күн сайын 290 мыңнан аса жаңа науқас тіркелуде. 3,8 миллионнан аса адам қайтыс болды. Қазақстанмен шекаралас аймақтарда қалыптасқан қауіпті жағдай бізді алаңдатып отыр», – деді Қиясов үндеуінде.
</blockquote>
Айтуынша, Ресей мен Қырғызстанда өткен жылмен салыстырғанда індетке шалдыққандардың рекордтық өсімі тіркелуде. Алайда Қазақстанда эпидемиологиялық жағдай тұрақты, деп сендірді ол.
<blockquote>
 «Қазақстанның қазіргі эпидемиологиялық ахуалы тұрақты, тұрғындар арасында вирус жұқтыру деңгейі төмендеген. Алайда жазда біздің отандастарымыз алыс-жақын шет мемлекеттерге барып демалады. Соның ішінде СOVID-19-дың таралуы бойынша эпидемиологиялық жағдайы алаңдатарлық елдер де бар. Мұны ескермеуге болмайды», – деді бас санитар дәрігер.
</blockquote>
Осы орайда Қиясов шетелде демалуды жоспарлаған қазақстандықтарды өзі мен жақындарының қауіпсіздігін қамтамасыз етуге шақырды.
<blockquote>
 «Вакциналау сіздің ағзаңыздың вирусқа қарсы қорғанышын қамтамасыз етіп, саяхатты қауіпсіз өткізуге мүмкіндік береді. Жазғы демалысты алаңдамай, ойдағыдай өткізу үшін COVID-19-ға қарсы екпе алыңыз. Вакцина сізге еш қиындықсыз елге оралуға, өзіңіз бен жақындарыңызды қорғауға мүмкіндік береді», – деп түйіндеді ол.
</blockquote>
Бұған дейін премьер-министр Асқар Мамин көрші елдерде вирустың қайта күшеюіне байланысты қосымша шаралар қабылдауды тапсырды.
Денсаулық сақтау министрі Алексей Цойдың айтуынша, соңғы аптада ТМД елдерінде індет өсімі байқалған. Соның ішінде Ресейде өткен аптамен салыстырғанда вирус жұқтырғандар саны 1,5 есеге көбейді. Осыған байланысты қосымша шектеу шаралары енгізіліп жатыр.
<a href="https://sputnik.kz/society/20210615/17348892/Bas-sanitar-undeu.html">Sputniknews</a>

Бас санитар дәрігер қазақстандықтарға үндеу жасады

<a href="https://kyzylorda-news.kz/">Kyzylorda-news.kz</a>. Қызылорда облысы прокуратурасымен аймақтағы бизнес-ахуалды жақсарту мен әкімшілік кедергілерді жою мақсатында біршама жұмыстар атқарылуда.
Осы орайда мобильдік топтардың жұмысы күшейтіліп, оларға шағым беру тәртіптері және сенім телефондары туралы мәліметтер прокуратураның, кәсіпкерлер палатасының ресми сайттары мен әлеуметтік желілерінде&nbsp; жаңартылып, облыс және аудан орталықтарында билбордтар орнатылды.&nbsp;Нәтижесінде мобильдік топтарға кәсіпкерлерден өткен 2020 жылы барлығы 13 арыз-хабарлама түссе, 2021 жылдың 5 айында 30 арыз-хабарлама (сигнал) түсіп, өңірдегі бизнестің прокуратураға сенім деңгейі артуда.
Бизнесті қорғау бойынша атқарылған жұмыстардың нәтижесінде 17 прокурорлық қадағалау актілері енгізіліп, 117 кәсіпкердің құқығы қорғалды. 16 тұлға тәртіптік, 1 лауазымды тұлға әкімшілік жауапқа тартылса,&nbsp; 2 заңсыз тексерудің жәнекәсіпкерлерге қатысты 9 әкімшілік өндірістің күші жойылды (жалпы сомасы 360&nbsp;485 теңге айыппұлдан босатылды). Мысалы, «QazBuilndings» ЖШС-нің директоры Н.Денеевтің арызын қарау кезінде Қызылорда облысының мемлекеттік сәулет-құрылыс бақылау басқармасы тарапынан құрылыс-монтаждау жұмыстарына лицензия беруден екі рет негізсіз (заңмен көзделмеген талап қойған) бас тартылғаны анықталып, Басқарма басшысына қатысты әкімшілік іс қозғалды. Қызылорда қаласының мамандандырылған әкімшілік сотының 29 наурыз 2021 жылғы қаулысымен басқарма басшысы әкімшілік жауапкершілікке тартылып, оған 61&nbsp;257 теңге айыппұл салынды.
Кәсіпкерлерден түскен арыздардың басым бөлігі кедергілерді азайтып, еркін жұмыс істеуге қолайлы жағдай жасауға бағытталған. Бұл жағы да ескерусіз қалмады. Облыстық прокуратураның наразылығына сәйкес облыстың бас мемлекеттік санитариялық дәрігерінің қаулысына өзгерістер енгізіліп, көптеген кәсіпкерлік субъектілерге белгіленген жұмыс уақыты бойынша шектеулер алынып, жекелеген бизнес субъектілерінің жұмыс уақыты&nbsp; ұзартылды.
Карантин талаптарының сақталуы бойынша санитариялық- эпидемиологиялық бақылау органымен бір кәсіпкерге екі рет заңсыз тексеру жүргізілгені анықталып (тексеру тағайындау туралы актілерде көрсетілген кәсіпкердің орнына басқа кәсіпкерге қатысты тексерулер жүргізіліп, соңғының қызметкері әкімшілік жауапқа тартылған), тексеру тағайындау, тексеру нәтижесі туралы актілердің және ұйғарымдардың күші жойылды.
Мемлекеттік кірістер органының 2 кәсіпкерге қатысты 5 және агроөнеркәсіп кешеніндегі&nbsp; уәкілетті органның 3 кәсіпкерге қатысты заңсыз толтырған 3 әкімшілік құқық бұзушылық туралы хаттамаларының күші жойылды.
Мемлекеттің тапсырыс бойынша білім беру қызметін көрсеткен 75 жеке балабақшаның 192,9 млн. теңге бюджет берешегінің төленуі қамтамасыз етілді. Енгізілген прокурорлық қадағалау актісінің қаралу нәтижесімен өткізілген мемлекеттік сатып алу бойынша 35 кәсіпкердің жалпы сомасы 33 млн. теңге банктік кепілдемелері кері қайтарылды.
Өңірлік кәсіпкерлер палатасымен бірлесе атқарылған жұмыстардың нәтижесінде ШЖҚ «Қазалы ауданаралық ауруханасы» КМК-ы тарапынан&nbsp; дәрі-дәрмектер мен медициналық бұйымдарды сатып алу шарттары бойынша фармацевтикалық компаниялар алдында қалыптасқан 87,4 млн. теңге қарыздың төленуі қамтамасыз етілді.
Кәсіпкерлердің құқығын қорғау бойынша Президентіміздің жүктеген тапсырмасын мүлтіксіз орындау үшін бұл бағыттағы жұмыстар әлі де жалғаса береді.

Қызылордада кәсіпкерлерге заңсыз тексеру жүргізгендер анықталды

<a href="https://kyzylorda-news.kz/">Kyzylorda-news.kz</a>.&nbsp; Маусым айының соңына дейін «Ashyq» жобасы әуежайларда, теміржол вокзалдарында енгізіледі. Бұл туралы Үкімет отырысында ҚР Денсаулық сақтау министрі Алексей Цой айтты, деп хабарлайды ҚазАқпарат.
<blockquote>
 «Бүгінде «Ashyq» жүйесімен қызметтің барлық саласындағы 10 мыңнан астам нысан қамтылған. 2 млн 100 мың қолданушы тіркелген. Вакцинация паспортын «Ashyq» қосымшасымен ықпалдастыру жүргізіліп жатыр. Маусым айының соңына дейін «Ashyq» жобасын әуежайларда, темір жол вокзалдарда енгізу жоспарланып отыр. Осы ретте айта кетерлігі, «Ashyq» жобасы енгізілген сәттен бері ПТР тестілеудің оң нәтиесімен 4 401 адам және байланыста болған 3 981 тұлға анықталды», – деді министр.
</blockquote>
Оның атап өтуінше, өкінішке орай кейбір азаматтар ауру екенін және вирусты жұқтырып алғанын біле тұра үйде оқшаулану режимін сақтамайды. Адамдар көп баратын нысандарға барып, елдің ішінде жүріп-тұруға ұмтылады. Сол арқылы төңірегіндегі адамдарға қауіп төндіреді.
<blockquote>
 «Осыған орай министрлік ереже бекітіп, ол күшіне енді. Оған сәйкес, карантин режимін бұзушылар айыппұл түріндегі әкімшілік жауапкершілікке тартылады. Оның көлемі 87 мың теңдеген асып жығылады», – Алексей Цой.
</blockquote>

«Ashyq» жобасы әуежайларда, теміржол вокзалдарында енгізіледі

<a href="https://kyzylorda-news.kz/">Kyzylorda-news.kz</a>. Қызылорда облыс әкімінің өкімімен Қазақстан Республикасы Президенті жанындағы Кадр саясаты мәселелері жөніндегі ұлттық комиссияның келісімімен Қызылорда облысының ауыл шаруашылығы басқармасының басшысылауазымына Дүйсебаев Талғат Тұрсынұлы тағайындалды.
Талғат &nbsp;Дүйсебаев 1973 жылы Жалағаш ауданында туған. Қызылорда политехникалық институты мен Қазтұтынуодағы Қарағанды экономикалық университетін бітірген.
Еңбек жолын Жалағаш аудандық жасөспірімдер спорт мектебінде дене шынықтырушы ретінде бастаған.
1994-2011 жылдары – Жалағаш аудандық білім бөлімінің есепшісі, Жалағаш ауданы әкімі аппаратының экономика және кәсіпкерлікті қолдау секторының бас маманы, облыстық экономика және бюджеттік жоспарлау басқармасының бөлім бастығы, облыстық ауыл шаруашылығы басқармасы бастығының орынбасары болған.
2011-2020 жылдары – облыстық ауыл шаруашылығы басқармасының басшысы, Жалағаш ауданының әкімі, облыстық ауыл шаруашылығы, жұмыспен қамтуды үйлестіру және әлеуметтік бағдарламалар басқармасының басшысы лауазымдарын атқарды.
2020 жылғы қыркүйек айынан бастап Сырдария ауданының әкімі қызметін атқарып келді.
<img src="https://kyzylorda-news.kz/wp-content/uploads/2021/06/bek_1082.jpg" alt="" />

Қызылорда облыстық ауыл шаруашылығы басқармасының басшысы тағайындалды

<a href="https://kyzylorda-news.kz/">Kyzylorda-news.kz</a>. Қызылорда облысы бойынша ҚАЖ департаментініӊ ЗК-169/5 мекемесіндегі жалпы білім беретін мектепте оқығандарға 2020-2021 оқу жылын аяқтап, орта білім алғандығы туралы аттестат берілді.
Ел азаматтары орта білімді міндетті түрде алу тиіс. Сондықтан біліммен қамту бас бостандығынан айыру орындарында да жүзеге асырылуда. Аталған іс-шараға облыстық білім басқармасына қарасты жалпы білім беретін кешкі мектеп директоры А.Абашова қатысып, мектеп бітіруші түлектерге алған аттестаттарын игі кәдеге жаратуларына тілектерін білдіріп, оларға табыстар тіледі және сотталғандарға білім беруге жан-жақты көмек көрсеткені үшін мекеме басшылығына алғысын білдірді.
<blockquote>
 «Бүгін мен үшін қуанышты күн. 11-сыныпты бітіріп, қолыма аттестат алып отырмын. Жастықтың желегімен жаза басып, жаңылып, тағдыр тауқыметімен мектепті де аяқтай алмай қалғанмын. Жалпы біз&nbsp; түзеу мекемесінде қамауда отырсақта, уақытты текке өткізбей, бостандықта ала алмаған білімімізді осында алып жатырмыз, енді одан әрі жазамды өтей жүріп, кәсіптік колледжде «ағаш ұстасы» мамандығын оқығым келеді -дейді сотталған.
</blockquote>
Аттестат беру рәсімі аяқталған сәтте&nbsp; жазасын өтеушілер мектеп мұғалімдеріне ізгі тілектерін жеткізіп кешті көңілді аяқтады.
<img src="https://kyzylorda-news.kz/wp-content/uploads/2021/06/00000_00000020210612093424_0020.jpg" alt="" />
TEST.JPG00000

Қызылордада сотталғандар аттестат алды

<a href="https://kyzylorda-news.kz/">Kyzylorda-news.kz</a>. «Қазақстанның картоп және көкөніс өсірушілер одағының» басшысы Қайрат Бисетаев бағаның өсуін былай деп түсіндірді.
Айтуынша, өнеркәсіптік картоп шаруашылығы Қазақстанның солтүстігінде және солтүстік-шығысында орналасқан. Шаруалар халықты шілденің ортасынан сәуірге дейін картоппен қамтамасыз етеді. Ал биыл мамырда да картоп жеткізілді. Маусымда негізінен Өзбекстаннан және елдің оңтүстік облыстарында өскен өнім сатылады. Бірақ биыл Өзбекстан жаңа піскен көкөністер мен картопқа шекараны жапты. &nbsp;Ал оңтүстіктегі қолайсыз ауа райы бұл өнімнің уақытында жиналуына кедергі болды. Бірақ осы өңірдегі шағын шаруашылықтардың өнімі сапалы, әрі ішкі нарықты қамти алады. «Егер елде ерте өнім алғысы келсе, сауда және интеграция министрлігі шағын шаруашылықтарды ұдайы бақылап, баға саясатын қатаңдатпауы тиіс», – дейді одақ басшысы. Оның айтуынша, жаңа піскен картоптың келісі 200 теңге болғаны орынды. Бұл бағаға тұқым, жанармай шығындары мен көкөністі қолмен жинайтын жұмысшы жалақысы кіреді. Ал «өнім тапшылығын болдырмау үшін, экспортты қысқартып, картоп алқаптарын көбейту керек» деген пікірлер негізсіз. Өйткені отандық көкөніс ішкі нарықты толық қамти алады. Бірақ саланы қыспақтап, еркін дамыту мүмкіндік бермесе, шағын шаруалардың кәсібі өрге кетеді» деп түйді Қайрат Бисетаев.&nbsp;
Ал Ауыл шаруашылығы министрлігі Қазақстанда картоп жеткілікті деп мәлімдеді. Ведомствоның ресми деректері бойынша, әлеуметтік маңызы бар өнім қоры 70 мың тоннадан асады. Қорда былтырғы жылы шыққан және жаңа егістің картоптары да бар. Нарықтағы тауарлардың жеткіліктіліне байланысты ауыл шаруашылығы министрлігі ге жақын арада картоптың арзандауын болжайды.
Нарықтағы баға: 1 кг картоп
Қостанай ₸ 380
Петропавл ₸ 350 тг
Көкшетау ₸ 400₸ &nbsp;&nbsp;
Қызылорда ₸ 350тг
Талдықорған ₸ 370
Өскемен ₸ 440 &nbsp;&nbsp;&nbsp;
Нұр-Сұлтан ₸ 405
<a href="https://24.kz/kz/zha-aly-tar/ekonomika-zhnalyktary/item/480344-alda-y-aptada-kartop-arzandajdy">Хабар 24</a>

Алдағы аптада картоп арзандайды

<a href="https://kyzylorda-news.kz/">Kyzylorda-news.kz</a>. Алматы қаласының бірінші саты соты Yandex.Taxi-ға тыйым салып, Қазақстандағы қосымшаны бұғаттау туралы шешім шығарды. Бұл туралы&nbsp;<a href="https://t.me/FINANCEkaz/7141">Finance.kz</a>&nbsp;Telegram каналы басылымынан белгілі болды.
Сот ісі не туралы болды?
&nbsp;Алматы қаласының мамандандырылған ауданаралық экономикалық сотының судьясы Айгүл Туралиеваның шешімінде «G-Taxi» ЖШС-нің талапкер болғандығы туралы хабарланған.
Бұл компания Надежда Кимнен 2023 жылдың 21 желтоқсанына дейін қолданыстағы «Автоматтандырылған таксиге тапсырыс беру жүйесі» пайдалы модель патентін пайдалану құқығын алды.
Finance.kz түсіндіргендей, патенттелген жүйе мобильді құрылғыға орнатылған GPS трекерінен, пайдаланушы мен драйверге арналған мобильді қосымшадан және өңдеуге арналған серверлік қосымшадан тұрады.&nbsp;Сонымен бірге Надежда Ким патентті әртүрлі диспетчерлік такси қызметтері, мысалы, Yandex.Taxi бүкіл әлемде ғана емес, Қазақстанда да жұмыс істеп тұрған кезде алды.
Талапкердің айтуы бойынша, Yandex.Go патент бойынша пайдалы модельді қолдана отырып қызмет көрсетеді, өйткені бұл қызмет өзінің барлық ерекшеліктерін қамтиды және талапкердің айрықша құқықтарын бұзады.
Сот қандай шешім қабылдады.&nbsp;Судья Айгүл Туралиева талапты ішінара қанағаттандырды және Yandex.Taksi BV компаниясын міндеттеді.&nbsp;(жауапкершілігі шектеулі серіктестік):
<ul>
<li>«Яндекс.Такси» такси қызметіне автоматтандырылған тапсырыс беру жүйесіне қатысты ақпараттық қызметтерді көрсетуді тоқтату;</li>
<li>пайдаланушыларға, тасымалдаушыларға және драйверлерге арналған «Яндекс.Такси», «Тасымалдаушыларға арналған қызмет», «Драйверлерге арналған сервис» (бұрынғы «Yandex.Taxometer») қызметтеріне қол жетімділікті беруді тоқтату және белсенді (жұмыс) қолжетімділікті блоктау. Қазақстан Республикасының аумағында;</li>
<li>«Яндекс.Такси» таксилерге тапсырыс берудің автоматтандырылған жүйесіне байланысты ақпараттық қызметтерді ұсыну туралы келісімдерді Қазақстан Республикасының аумағында тасымалдаушылармен жасасуды тоқтату;</li>
<li>«Яндекс.Такси» таксисіне тапсырыс берудің автоматтандырылған жүйесіне байланысты ақпараттық қызметтерді ұсыну бойынша қолданыстағы келісімдерді Қазақстан Республикасының аумағында тасымалдаушылармен бұзу;</li>
<li>yandex.kz/legal/taxi_offer интернет-ресурсына және ондағы Қазақстан Республикасының аумағында орналастырылған ақпаратқа қол жеткізуді блоктау.</li>
</ul>
Сонымен қатар, судья Google Play және Apple Store интернет-дүкендері арқылы Yandex Go (такси, жеткізу, жүргізу, тамақтану, тамақтану) және Yandex Pro (такси / курьер) мобильді қосымшаларын Қазақстан Республикасының аумағында таратуға тыйым салды.

Сот Қазақстанда Яндекс.Таксиді бұғаттау туралы шешім шығарды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1065 адам коронавирус инфекциясынан жазылып шықты, деп coronavirus2020.kz.
Аймақтар бойынша: 
Нұр-Сұлтан қаласы – 215, 
Алматы қаласы – 100, 
Шымкент қаласы – 161, 
Ақмола облысы – 12, 
Ақтөбе облысы – 88, 
Алматы облысы – 25, 
Атырау облысы – 27, 
Шығыс Қазақстан облысы – 61, 
Жамбыл облысы – 10, 
Батыс Қазақстан облысы – 28, 
Қарағанды облысы – 135, 
Қостанай облысы – 55, 
Қызылорда облысы – 28, 
Маңғыстау облысы – 4, 
Павлодар облысы – 59, 
Солтүстік Қазақстан облысы – 38, 
Түркістан облысы – 19.
Қазақстан бойынша жазылғандар саны – 378707.

Қазақстан және Қызылорда облысының жаңалықтары