<a href="https://kyzylorda-news.kz/">Kyzylorda-news.kz</a>. 15 маусым күні ҚР территориясының басым бөлігі антициклон ықпалында болғандықтан көбіне жауын-шашынсыз ауа райы күтіледі, деп хабарлайды Қазгидромет.
Еліміздің тек батысы және оңтүстік, оңтүстік-шығыстың таулы аудандарында найзағай, өткінші жаңбыр, бұршақ болжанады. Республиканың кей жерлерінде жел күшейіп, оңтүстік, оңтүстік-батыста шаңды дауыл тұрады. Сонымен қатар оңтүстік-батыста түңгі және таңғы сағаттарда тұман болады.
«Қазгидромет» РМК мәліметінше, күндіз Жамбыл облысының таулы аудандарында дауыл, бұршақ күтіледі, кей жерлерде жел 15-20, 23-28 м/с күшейеді.
Маңғыстау облысының кей жерлерінде түнде және таңертең тұман күтіледі, күндіз шаңды дауыл, 15-20 м/с екпінде жел болады.
Түркістан, Қызылорда, Атырау облыстарында желдің күші 15-20 м/с құрайды. Түркістан облысында екпіні 25 м/с күшейеді. Түркістан, Қызылорда облыстарында сондай-ақ шаңды дауыл көтеріледі.
Батыс Қазақстан, күндіз Қарағанды, Шығыс Қазақстан, Ақтөбе облыстарының кей жерлерінде жел 15-20 м/с артады. Батыс Қазақстан облысында бұршақ болжанады.
Сондай-ақ күндіз Маңғыстау, Атырау, Батыс Қазақстан, Ақтөбе, Қостанай облыстарында, Қарағанды облысының оңтүстігінде қатты ыстық болуы ықтимал.
Қызылорда, Павлодар облыстары, Түркістан, Жамбыл облыстарының басым бөлігінде, Ақтөбе, Қостанай, Қарағанды облыстарының кей жерлерінде, Алматы, Шығыс Қазақстан, Ақмола, Батыс Қазақстан облыстарының жекелеген аудандарында өте жоғары өрт қаупі күтіледі.

15 маусымға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 757 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 181, 
Алматы қаласы – 65, 
Шымкент қаласы – 4, 
Ақмола облысы – 36, 
Ақтөбе облысы – 6, 
Алматы облысы – 30, 
Атырау облысы – 27, 
Шығыс Қазақстан облысы – 67, 
Жамбыл облысы – 22, 
Батыс Қазақстан облысы – 33, 
Қарағанды облысы – 161, 
Қостанай облысы – 33, 
Қызылорда облысы – 15, 
Маңғыстау облысы – 7, 
Павлодар облысы – 47, 
Солтүстік Қазақстан облысы – 5, 
Түркістан облысы – 18.
Жалпы ел бойынша ауырғандар саны 402996.

Қызылордада 15 адамнан коронавирус табылды

<a href="https://kyzylorda-news.kz/">Kyzylorda-news.kz</a>. Көкшетау қаласында тас жолдағы велоспорттан жасөспірімдер арасында Қазақстан Республикасының чемпионаты өтті.
Дүбірлі бәсекеде №3 облыстық олимпиадалық резервтің мамандандырылған балалар-жасөспірімдер мектебінің спортшылары жақсы өнер көрсетіп, облыс қоржынына 7 медаль салды.
80 шақырымдық топтық жарыста Аслан Силықбек жеңіс тұғырына көтерілді. 52 шақырымдық топтық жарыста Санжар Магдеев күміс жүлдеге ие болса, 10 шақырымдық жекелей жарыста Аружан Тоқбаеваға қола жүлде бұйырды. 15 шақырымдық жұптық-командалық жарыста Бибінұр Бектаева мен Аружан Тоқбаева мәреге бірінші болып жетті. Ал критериум сайысында Аружан Тоқбаева екінші, Бибінұр Бектаева үшінші орындарға жайғасты.
Енді спортшылар 23-26 маусым аралығында Нұр-Сұлтан қаласында тректен өтетін Қазақстан чемпионатына қатысады.

Қызылордалық велоспортшылар Қазақстан чемпионатында 7 медаль иеленді

<a href="https://kyzylorda-news.kz/">Kyzylorda-news.kz</a>. Қызылорда облысы Полиция департаменті Есірткі қылмысына қарсы іс-қимыл басқармасының қызметкерлері облыс көлемінде өтіп жатқан «Қарасора-2021» жедел-профилактикалық іс-шарасы барысында ірі есірткі алқабын анықтады.
Тәртіп сақшылары қала орталығының тұрғынының үйін тексеру кезінде ауласында және гаражында есірткі затына ұқсас өзіне тән хош иісі бар, өсіруге тыйм салынған, күтіп-бапталған өсімдіктерін анықтады. Оның ауласынан 189 түп есірткі өсімдігіне ұқсас өсімдіктер, сондай-ақ үй ауласындағы гараж ішінен газет қиындысына оралған жасыл түсті өсімдік тәріздес 2-дана зат, есірткі тұтынуға арналған құрал табылды.&nbsp;
Жүргізілген сараптама нәтижесінде 189 түп өсімдік «сора» екені белгілі болды, ал гараждан алынған өсімдік «кептірілген марихуана» болып шықты.
Аталған дерек бойынша Қазақстан Республикасының Қылмыстық кодексінің 300-бабының 2-бөлігімен (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) сотқа дейінгі тергеп-тексеру амалдары жүргізілуде. Күдікті уақытша ұстау изоляторына қамалды. Қазіргі таңда полицейлер күдіктінің өз үйінде есірткіні қандай мақсатта өсіргенін анықтауда.
<img src="https://kyzylorda-news.kz/wp-content/uploads/2021/06/whatsapp-image-2021-06-14-at-17.49.47-1.jpeg" alt="" />

Қызылордалық полицейлер ірі есірткі алқабын анықтады

<a href="https://kyzylorda-news.kz/">Kyzylorda-news.kz</a>. Қызылорда облыстық қан орталығына 5 айда 3756 адам қан тапсырды. Жалпы жыл сайын 10 мыңнан астам адам донор болуыға ниет білдіреді. Бұл туралы Өңірлік коммуникациялар қызметінің ақпарат алаңында облыстық қан орталығы директорының орынбасары Венера Садманова мәлімдеді.
Орталық бүгінде 16 медициналық ұйымды қан компанентімен қамтамасыз етіп отыр. 8 мыңнан астам адам тұрақты донор болады.
<blockquote>
 «Бұрын қырым-конго безгегімен ауырған науқастарға имундық плазма дайындайтынбыз. Өткен жылдан бастап «COVID-19» вирустық инфекциясымен ауырған пациенттерді емдеу үшін иммундық плазманы әзірлеуді қолға алдық. Қазір 109 дозасы қорда бар. Сондай-ақ, 8900 доза жаңа мұздатылған плазма және қан компанентерінің қоры сақталуда. Орталық толығымен автоматтандырылған. Яғни, бізге келген доннарларды тексеру екі этап бойынша скрин жүргізіледі. Қанның құрамы толық тексеріледі», – дейді Венера Сансызбайқызы.
</blockquote>
Қан тапсыруға ниеттілердің саны жыл өткен сайын көбейіп келеді. Тиісінше медицина ұйымдарын уақытылы қан компанентерімен қамтамасыз етіп отыр. Қазіргі таңда орталықта 87 маман қызмет атқарады. Оның 12-і дәрігер, 3-уі зертхана маманы, 47-і орта буын қызметкерлері.

Қызылорда: Жыл басынан бері 4 мыңға жуық адам қан тапсырды

<a href="https://kyzylorda-news.kz/">Kyzylorda-news.kz</a>. Қазақстанда ауа температурасы біртіндеп жоғарылайды, деп хабарлады Қазгидромет.
Синоптиктердің болжамына сәйкес, 15 маусымда Қазақстанның басым бөлігінде өткінші жаңбыр жауады, найзағай ойнап, жел күшейеді. Елдің оңтүстігінің жекелеген аудандарында шаңды дауыл тұрады.
Ауа температурасы батыста, солтүстік-батыста күндіз 30-40 градусқа дейін, солтүстікте 30-35 градусқа дейін көтеріледі. Республиканың орталығында, шығысы мен оңтүстік-шығысында 25-38 градусқа дейін, оңтүстікте 35-40 градусқа дейін біртіндеп көтеріледі.

Ертең 40 градустан жоғары ыстық болады

<a href="https://kyzylorda-news.kz/">Kyzylorda-news.kz</a>. Ауыл шаурашылығы мақсатындағы суды тасымалдау кезінде жартысына жуығы ысырап болады, деп хабарлайды <a href="https://24.kz/kz/zha-aly-tar/o-am/item/480191-elimizdi-to-yz-irinde-39-su-ojmasy-salynady">«Хабар 24»</a>.
Мұның басты себебі – су арналары мен ирригациялық жүйелердің қатты тозуы. Сондай-ақ тарифтің төмендігі, инфрақұрылымды жаңартуға қажетті инвестицияның, білікті маманның аздығы әсер етіп отыр. Енді тоғыз өңірде жалпы көлемі 3,6 миллиард текше метр су жинайтын 39 қойма салу жопсарланған. Бұл Қазақстанның трансшекаралық өзендерге тәуелділігін азайтады. Айта кетейік, қазір елдегі өзен суларының 45%-і Қытай, Ресей, және Орталық Азия елдерінен келеді.

Қазақстанның 9 өңірінде 39 су қоймасы салынады

<a href="https://kyzylorda-news.kz/">Kyzylorda-news.kz</a>. Жалағаш ауданында биыл 19 800 гектарына күріш дақылының тұқымы себіліп, толық суға бастырылды. Су тапшылығына байланысты күріш дақылы 600 гектарға қысқартылды. Бұл туралы Өңірлік коммуникациялар қызметінің ақпарат алаңында Жалағаш ауданы әкімінің орынбасары Алтынбек Дәрібаев баяндады.
<blockquote>
 «Қазір жоспарланған жаздық бидай, мақсары, жаңа жоңышқа дақылдары 100 пайыз орналастырылып, күздік бидай, ескі жоңышқа дақылдары күтімге алынды. Сонымен қатар, межелген 500 га картоп, 1000 га көкөніс және 1200 га бақша дақылдары толық егілді. Биыл жылдағыдан күріш дақылының көлемі қысқарып, суды аз қажет ететін 93 га жаздық бидай, 72 гектар жүгері, 30 гектар жаздық арпа, 443 га мақсары, 445 га жаңа жоңышқа дақылдары орналастырылды», – деді Алтынбек Дәрібаев.
</blockquote>
Ауданда шаруашылық басшылары егілген егінді сумен қамтамасыз ету үшін 53 дана насос қондырғысын іске қосты.
<blockquote>
 «Облыстық бюджеттен 4 дана насос қондырғысы сатып алынатын болады. Қазіргі таңда, Жаңаталап және Шаменов ауылдық округтеріне насос қондырғылары жеткізілді. Ағымдағы жылдың 20 маусымына дейін тағы 2 насос жеткізіледі», – деді облыстық табиғи ресурстар және табиғатты пайдалануды реттеу басқармасы басшысының орынбасары Жұлдызай Айтжанова.
</blockquote>
Егістікке тіршілік нәрін тұрақты беру үшін магистралды каналдардан су алу кестесі жасалды. Жалағашта жоспар бойынша секундына 40 текше метр су алу керек болса, бүгінде 30 текше метр келуде. Осыған орай, барлық аудан әкімдігі мен шаруашылық арасында келісім жасалып, график бекітілді. Ұзақтығы 5-6 күннен аспайтын болады. Кезекке қойған кезде мысалы, оң тармаққа су берілетін болса, сол тармақты нөлге дейін жауып тастамайды. Тек су деңгейі төмендейді, – деді «Қазсушар» РМК Қызылорда филиалының су шаруашылығы нысандарын пайдалану бөлімінің басшысы Айдос Асанбаев.

Жалағаш ауданында 19 800 гектар жерге күріш егілді

<a href="https://kyzylorda-news.kz/">Kyzylorda-news.kz</a>.&nbsp; Тәуелсіздіктің 30 жылдық мерейтойына арналған Қазақстан Республикасының XI жазғы Универсиадасы өз мәресіне жетті. Еліміздегі 100-ден аса жоғары оқу орны ішінен, 60 университет өз студенттеріне&nbsp; шараға қатысуға жағдай жасап, додаға қосты. Қорқыт ата атындағы Қызылорда университетінің спортшылары жалпы командалық есепте бестікке кірді.
Спорттың 20 түрінен 136 спортшы жарыста бақ сынады. Нәтижесінде университет қоржынына 11 алтын, 10 күміс, 25 қола медаль түскен. Спорттың командалық түрлері бойынша тоғызқұмалақтан – 1 орын, армрестлинг, шахмат, волейбол, шағын футболдан – 3 орын иеленді.
<blockquote>
 «Бұл университетте жүйелі түрде спортшыларды жан-жақты қолдауға бағытталған жұмыстардың нәтижесі. Жеңімпаздар елдің құрама командасы сапында 2022 жылы Қытайда өтетін Дүниежүзілік жазғы универсиадаға қатысуға жолдама алды. Университетте студенттер үшін 11 спорттық секция жұмыс жасайды. Оқу ордамызда Әлем чемпионатының – 9, Азия чемпионатының – 27, Қазақстан чемпионатының – 120 жеңімпазы мен жүлдегері білім алуда», – дейді дене шынықтыру және бастапқы әскери дайындық кафедрасының меңгерушісі Талант Бимаханов.
</blockquote>
<img src="https://kyzylorda-news.kz/wp-content/uploads/2021/06/2-3.jpg" alt="" />
<img src="https://kyzylorda-news.kz/wp-content/uploads/2021/06/3.jpg" alt="" />
<img src="https://kyzylorda-news.kz/wp-content/uploads/2021/06/4.jpg" alt="" />

Қызылордалық студенттер дүниежүзілік универсиадаға жолдама алды

<a href="https://kyzylorda-news.kz/">Kyzylorda-news.kz</a>.&nbsp; Еңбек және халықты әлеуметтік қорғау минстрі Серік Шәпкенов балалардың жәрдемақысын көтеруге қатысты пікір білдірді, деп хабарлайды&nbsp;<a href="https://sputnik.kz/">Sputnik Қазақстан</a>.
Бүгін орталық коммункациялар қызметінде өткен онлайн брифингте тілшілер балалардың жәрдемақысын ең төменгі жалақыға дейін көтеру жайында сұрады.&nbsp; “Көпбалалы аналар барлық жәрдемақыны тоқтатып, “әр балаға 42 500 теңге төлесін” деген талап айтып жатыр. Осыны жасауға бола ма?”, – деді журналистер.
Министр Шәпкеновтың айтуынша, бұл – орынды сұрақ. Оны әлеуметтік желіде қызу талқылап жатыр. Депутаттар да бірнеше рет айтты.
<blockquote>
 “Бірақ біз екінші жағын да ескеруіміз керек. Қазірдің өзінде 18 жасқа дейінгі балалардың саны 6 миллионнан асады. Әрбіреуіне 42 500-ден есептесек, қомақты қаражат шығады. Министрліктің қазіргі бюджеті 4 триллионға жақын. Ал республикалық бюджет, шамамен, 14 триллион теңге болады. Сонда қазірдің өзінде біз бюджеттің үштен бір бөлігін алып отырмыз. Соның 96 проценті жәрдемақы мен зейнетақыға таратылады”, – деді Шәпкенов.
</blockquote>
Сонымен қатар, ана мен баланы қолдауға 700 миллиард теңге бөлініп тұрады. Соның ішінде баланы күту және тағы басқа әлеуметтік төлемдер бар.
<blockquote>
 “Сондықтан осы жәрдемақылардың барлығын бір төлемге біріктіретін болсақ, онда басқа санатқа кіретін адамдардың мәселесі туындайды. Өйткені бәрі есептелген”, – деп атап көрсетті Шәпкенов.
</blockquote>
Осы орайда министр әлеуметтік кодекстің әзірленіп жатқанын жеткізді. Мамандар әлемдік тәжірибені жан-жақты зерделеп, жаңа құжаттың аясында әлеуметтік қолдаудың тиімді шараларын қарастырады.

Балалардың жәрдемақысы көтеріле ме – министр жауап берді

<a href="https://kyzylorda-news.kz/">Kyzylorda-news.kz</a>. 14 маусым – Дүниежүзілік донор күні. 2021 жылы науқан «Қан тапсырыңыз, әлемде өмір пульсация улансын!» ұранымен өтіп жатыр.
Қызылорда облыстық қан орталығына күн сайын 30 адам қан тапсырады, жыл сайын – 7,5 мыңнан астам адам. Жыл басынан бері 3 756 донация өткізілді.
Жалпы, аймақта бір жарым мың тоннадан астам плазма қоры бар. Мамандар атап өткендей, жыл сайын 4 мыңға жуық пациент барлық қажетті қауіпсіздік кезеңдерінен өтіп, қан компоненттерін алады.
Облыстық қан орталығы ҚР Денсаулық сақтау Министрлігінің 27 сәуір 2020 жылғы №256 «COVID-19 бар пациенттерді емдеу үшін иммундық плазманы өндірудің кейбір мәселелері туралы» бұйрығына сәйкес облыста COVID-19 инфекциясымен ауырған науқастардан иммунды плазма дайындауды бастады. Бүгінгі таңда осы иммунды плазма 5 науқасқа құйылды. COVID-19 ауруымен ауырып шыққан облыс тұрғындары осы инфекцияға қарсы иммунитеті бар немесе жоқтығын білгісі келсе, облыстық қан орталығында ақылы түрде тексерілуге болады.
Бүгінгі таңда адам қанын алмастырушылар жоқ. Донорлық қан мен оның компоненттерінің арқасында миллиондаған адамдардың өмірі сақталады. Белгілі болғандай, аталған медициналық қызметтер міндетті әлеуметтік медициналық сақтандыру жүйесінде тегін медициналық көмектің кепілдік берілген көлемінде қарастырылған, яғни олар әрбір қазақстандық пен шетелдік азаматтарға қолжетімді.
Дүниежүзілік денсаулық сақтау ұйымының ақпараты бойынша, донация денсаулыққа пайдалы: орташа есеппен қан тапсыратын адамдардың өмірлері бес жылға ұзарады.

Қызылордадағы қан орталығына күніне 30 адам қан тапсырады

<a href="https://kyzylorda-news.kz/">Kyzylorda-news.kz</a>. Қызылордада «Автобус» жедел-профилактикалық іс-шарасында барысында жолаушылар тасымалдауды жүзеге асырушылар тарапынан жол жүрісі қағидаларын бұзудың 442 дерегі анықталды.
Оның ішінде, жолаушыларды, багажды және жүктерді тасымалдау қағидаларын бұзған-45, тасымалдау кезінде жүргізушілердің еңбек және демалыс режимін бұзған-1, заңсыз қайта жабдықтаған-30, рейс алдындағы қарап тексеруден өтпеген-17, міндетті техникалық байқаудан өтпеген–55, көлік басқару кезінде ұялы телефон пайдаланған-69 жүргізушіге қатысты әкімшілік хаттамалар толтырылды.
Сонымен қатар, белгіленген жылдамдықты асырған 3 жүргізуші,&nbsp; маневр жасау ережесін бұзған -56, ҚР-ның міндетті сақтандыру заңнамасын бұзған – 32,жолаушыларды заңсыз тасымалдаған–10 жүргізуші анықталып, хаттамалар толтырылды.
Бұл бағыттағы жұмыстар өз жалғасын табатын болады.

Қазақстан және Қызылорда облысының жаңалықтары