<a href="https://kyzylorda-news.kz/">Kyzylorda-news.kz</a>. Қызылордада жоғалып кеткен 13 жасар қыз, өкінішке орай өлі күйінде табылды. Бағдатқызы Замираның денесі Тұңғыш президент паркінің жанындағы Шіркейлі каналының бойынан табылған.
Іздестіру жұмыстарына барлық қалалық Полиция басқармасының 300-ге тарта қызметкері, Төтенше жағдайлар департаменті, еріктілер тобы және жергілікті тұрғындар жұмылдырылған.
<blockquote>
 «Бүгін, 20 маусым күні жергілікті уақыт сағат 14:00 шамасында үйінен шамамен 2 км жерде Тұңғыш президент паркінің жанындағы Шіркейлі каналының бойынан жасөспірім қыздың денесі табылды. Қажетті сот-медициналық сараптамалар тағайындалды. Кәмелет жасына толмаған қыздың денесінде зорлық-зомбылық белгілері байқалмайды. Орын алған оқиға бойынша тергеу әрекеттері басталды. Тергеу әрекеттері Полиция департаменті бастығының қатаң бақылауында. 
 Жасөспірім қыздың ата-анасына, барша туған-туыстары мен бауырларына Қызылорда қалалық Полиция басқармасының қызметкерлерінің атынан қайғырып көңіл айтамыз», – делінген Қызылорда қалалық Полиция басқармасының таратқан хабарламасында.
</blockquote>

Қызылордада жоғалып кеткен жасөспірімнің денесі табылды

Kyzylorda-news.kz. Түркістан облысының әкімі Өмірзақ Шөкеев “Керуен Сарай” кешенінің құрылысы туралы жазған&nbsp;блогердің өзін сынап тастады, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
<blockquote>
 “Кей кездері осы блогерлердің жазатындарына қатты таңғаламын. Олар кішкентай бала секілді, мәселенің байыбына бармай жатыр елді сынауға шебер. Десек те бұнымен олар өздерінің білімінің таяз екенін көрсетеді. Мен осы жерге күн сайын келетінмін. Кешен темір-бетоннан, арматурадан салынған. Мұнда жер сілкінісі қауіпі төмен болғанына қарамастан, құрылыс материалдары жеткілікті мөлшерде пайдаланылды. Қабырғаларды жабдықтауға әртүрлі материалдар қолданылады. Блогердің пенопластты көріп, бүкіл кешен осыдан тұрғызылған деуі – оның құрылыс саласынан хабар жоқ екенін көрсетеді”, – дейді аймақ әкімі.&nbsp;
</blockquote>
Әкім кешен құрылысының сапасыздығы туралы жазған блогердің өзін сынға алды.&nbsp;&nbsp;
<blockquote>
 “Қазір әлемде барлық зат пластмассадан жасалады. Мына сіздер отырған орындық, қолданып жүрген телефондарыңыз, қалам, микрофон барлығы да пластмасса. Жоқ жерден “хайп” шығарып отыр”, – деді Шөкеев.
</blockquote>

Шөкеев &#8220;Керуен Сарайдың&#8221; құрылысы туралы жазған блогердің өзін сынға алды

<a href="https://kyzylorda-news.kz/">Kyzylorda-news.kz</a>.&nbsp; Бұл оқиға ешкім, ештеңе күлдіре алмаған “мұңды” қыз туралы.&nbsp;ХХ ғасырдың басында Нью-Йоркта күлмейтін қыз өмір сүрген. Жүздеген әзілкеш Сьюзен Келли есімді бойжеткенді&nbsp;күлдіргі әңгіме айтып күлдірмекші болып біраз шаршаған көрінеді.
Хаммерштейн циркі
Сол кезде Вилли Хаммерштейн есімді продюсер&nbsp;Мұңды Сьюді циркке қызметке қабылдайды. Оны күлдірген әзілкешке 30 мың доллар ақы берілетін болды. Әзілкештердің әңгімесін тыңдап, Сьюдің күлкісін көруге келетіндер кезекке тұратын. Алайда ел ішек-сілесі қатып күліп жатса да, Сьюдің езуі жыбырламапты да.
“Күлмейтінді күлдір” атты атракционы ел арасында кеңінен танылып, ұйымдастырушылар актрисаның арқасында қомақты қаржы жинаса да, Сью аптасына тек 20 доллар алатын болған.
Нәтижесінде Сьюзенді ешкім күлдіре алмаған. Көрермендер мен қатысушылар Сью не саңырау, не зағип деп күдіктене бастаған. Бұл күдікті жоққа шығару үшін Сью әзілді тыңдап болған соң әзілкешке баға айтып отыру керек болды. Қазіргі мәнермен айтқанда “мұның қай жеріне күлейін?” деген мәндегі пікірмен әзілкештердің бетін қайтарып отырыпты.
Шоу жұмысы тоқтап, таратылған кейін бойжеткеннің сыры да ашылған. Қызда сирек кездесетін Мебиус деген синдром анықталған. Яғни, бет жүйке жүйесінің бұзылуынан мимика көрсету қабілетінен айрылған. Кейін Сью секілді күлмеуге “тырысқан” еліктеп, пайда көрушілер де болған, алайда ешкім Сьюге тең келмеген. Осы жайттан кейін ағылшын сөздік қорына “it could make even Sober Sue laugh” –&nbsp;“бұған тіпті Мұңды Сью де күлетін еді” деген мағынадағы тұрақты тіркес енген екен.
<img src="https://kyzylorda-news.kz/wp-content/uploads/2021/06/1601760533_l-1.jpg" alt="" />
<a href="https://massaget.kz/layfstayl/alemtanu/alem-alaqanda/63322/">Massaget</a>

Күлмейтін адам немесе Мебиус синдромы

<a href="https://kyzylorda-news.kz/">Kyzylorda-news.kz</a>.&nbsp; Өңірде бірінші шілдеден бастап судьялар жаңа кодекс бойынша жұмыс істейтін болады. Яғни, әкімшілік рәсімдік-процестік кодекс.
Осыған орай, республика бойынша 21 мамандандырылған әкімшілік сот құрылды. Бұл туралы Өңірлік коммуникациялар қызметінің ақпарат алаңында өткен брифингте облыстық соттың судьясы Жанат Оспанова баяндады.
<blockquote>
 «Жоғары Сотта және облыстық соттарда арнайы әкімшілік алқалар құрылды. Бұл соттар билікпен азаматтар арасындағы дауларды қарайды. Даулар осы күнге дейін де қаралып келді. Алайда азаматтық процестік кодекс ережелерімен реттелген болса, енді қарау тәртібі өзгереді», – деді Жанат Әнуарқызы.
</blockquote>
Аталған Кодекс еліміздің тарихында алғаш қабылданып отырған мемлекеттік органдардың ішкі әкімшілік рәсімдерін, оларды жүзеге асыруға байланысты қатынастарды, әкімшілік сот ісін жүргізу тәртібін реттейтін жаңа заңнама.

Облыстық сотта арнайы әкімшілік алқа құрылды

Kyzylorda-news.kz. Қазақстанда өткен тәулікте 1119 адамның коронавируспен ауырғаны ПТР арқылы расталды.
Аймақтар бойынша: Нұр-Сұлтан қаласы – 342, Алматы қаласы – 12, Шымкент қаласы – 42, Ақмола облысы – 37, Ақтөбе облысы – 32, Алматы облысы – 28, Атырау облысы – 47, Шығыс Қазақстан облысы – 73, Жамбыл облысы – 20, Батыс Қазақстан облысы – 78, Қарағанды облысы – 151, Қостанай облысы – 33, Қызылорда облысы – 20, Маңғыстау облысы – 28, Павлодар облысы – 35, Солтүстік Қазақстан облысы – 6, Түркістан облысы – 26.
Жалпы ел бойынша ауырғандар саны 408650.

Қызылордада 20 адамнан коронавирус анықталды

Kyzylorda-news.kz. Футболдан Премьер-лига командалары арасындағы ел біріншілігінің он алтыншы туры мәресіне жетті, деп хабарлайды ҚазАқпарат.
Аталған турда бүгін үш кездесу өткізілді. Ал төрт кездесу кеше болды.
Бүгінгі алғашқы ойында Қостанайдың «Тобылы» өз алаңында Талдықорғанның «Жетісуынан» 2:1 есебімен басым түсті. Бұл кездесудегі үш гол да пенальтиден соғылды. Бірінші кезеңнің 19-минутында талдықорғандық Аслан Әділ сол мүмкіндікті мүлт жіберген жоқ. Ал қостанайлық клубтан Неманья Николич 37, Азат Нұрғалиев 47-минуттарда қақпашыны қапы қалдырды.
Тағы бір кездесуде Қызылорданың «Қайсары» сырт алаңда Ақтаудың «Каспий» клубын 4:2 есебімен жеңді. «Қайсар» құрамынан бірінші кезеңнің 25-минутында Кларенс Битанг қарсыластар қақпасының торын тулатса, екінші кезеңнің 74, 78-минуттарында Каролис Лаукжемис қос голдың авторы атанды. Ал Думан Нәрзілдаев 85-минутта есепті ұлғайтса, оған «Каспий» құрамынан Руслан Мингазов 86, Рамазан Каримов 90-минуттарда екі голмен жауап қайырды. Осылайша қызылордалық команда 12 ойынға созылған сәтсіздіктер сериясын тоқтатты.
Алматының «Қайраты» Түркістанда жергілікті «Тұран» командасының 3:0 есебімен осал тұсын тапты. Ойынның 12-минутында алматылық клубтан Вагнер Лав гол соқса, одан кейін Артур Шушеначев 47, Арсен Буранчиев 66-минуттарда есепті үстемелей түсті.
Айта кетейік, аталған турдағы төрт ойын кеше, 18 маусымда өткізілді. Бұл күні өз алаңында «Қызылжар» «Ақжайықтан», «Ордабасы» «Ақтөбеден» 0:1, «Атырау» «Астанадан» 0:2 есебімен жеңілсе , «Шахтер» «Таразды» 1:0 есебімен тізе бүктірді.

«Қайсар» 11 ойыннан кейін жеңіске жетті

Kyzylorda-news.kz. Қызылорда қаласы, Махамбет ауылы Иманбердиев көшесі 6 үйден шығып кеткен Замира Бағдатқызы іздестіріліп жатыр.
13 жастағы жасөспірім 18 маусым күні сағат 12:30 уақыт шамасында белгісіз бағытқа шығып қайта оралмауына байланысты Қызылорда облысының Полиция департаменті іздеу салады.
Ерекше белгілері: бойы 155 см, арық денелi, қараторы келген, шашы қоңыр түсті иығынан келеді, қысынқы көздi.
Киген киімдері: қызыл түсті шорты, қызыл түсті футболка.
Қандайда бір ақпарат немесе жүрген жерлері туралы мәлімет білген жағдайда төменде көрсетілген телефон нөмірлеріне хабар берулеріңізді сұраймыз.
Тел: 8(7242)-29-70-10, 8(7242)-29-75-20, 8(7242)-29-75-02, 8-705-255-81-25
<img src="https://kyzylorda-news.kz/wp-content/uploads/2021/06/fb_img_1624131156345.jpg" alt="" />
<hr />

Қызылордада 13 жасар қыз жоғалып кетті

Kyzylorda-news.kz. Қазгидромет 20 маусымға арналған ауа райы болжамын жариялады.
Солтүстік-батыс циклонының әсерімен елдің басым бөлігінде ауа райы құбылмалы болады. Найзағай ойнап, жаңбыр жауады, солтүстікте нөсер жаңбыр жауады. Республиканың тек батысы мен оңтүстік-батысы атмосфералық қысымның жоғары алқабында болады, сондықтан жауын-шашынсыз ауа райы сақталады. Республика бойынша кей жерлерде дауыл, бұршақ, желдің күшеюі, оңтүстікте және батыста шаңды дауылмен күтіледі.
Қызылорда облысының кей жерлерінде жел 15-20 м/с-ға дейін күшейеді, шаңды дауыл күтіледі.

Жексенбіге арналған ауа райы болжамы

Kyzylorda-news.kz. Пандемия басталғалы бері әлемде интернет алаяқтары көбейді. Әдетте адамдар жалған банк қызметкеріне пароль мен пин-кодты айтып, барлық ақшасынан айырылып жатады. Енді біреулер өз атына кредиттің қалай рәсімделгенін білмей қалады. Ал адамның мойнына кредит іле салу үшін арнайы дайындықтың қажеті жоқ.
Күні кеше ғана Түркістан облысында қарапайым ет сатушысы ұсталды. Ол әрбір балаға 50 мың теңгенің жәрдемақысын алып беремін деп, аңқау аналардың жеке мәліметтерін, тіпті фотосуреттерін де алған. Сөйтіп 150 адамды алдаған. Ал ондай кредиттер қалай қайтарылады? Одан құтылудың жолы бар ма?
Сотқа бармай-ақ, заңсыз кредиттен құтылуға болады
Бүгінде алаяқтарға алданған адамдардың кредитін кешіруге арналған нақты бір тәртіп жоқ. Алайда заң бойынша әрбір азаматтың құқығы қорғалуы шарт.
Қаржы нарығын реттеу және дамыту агенттігі тұтынушылар құқықтарын қорғау департаментінің бас маманы Дмитрий Ақмаевтың айтуынша, заңсыз рәсімделген кредит жайында бірден полицияға хабар беру керек. Сонда алаяқтық әрекет ресми түрде тіркеледі.
<blockquote>
 “Алданған адам тұрғылықты жері бойынша полицияға барып, ресми түрде арыз жазуға тиіс. Ол – бір. Екіншіден, кредитті рәсімдеп берген қаржы ұйымына барып, тура сондай арыз жазып кету керек. Сосын қызметтік тексеріс өткізуді талап еткен жөн. Өйткені кредиттің қалай және қандай құжаттардың негізінде берілгенін анықтау қажет”, – деді Ақмаев.
</blockquote>
Қазіргі тәртіп бойынша кез келген қаржы ұйымы клиентке кредит берген кезде алдымен оның жеке тұлғасын анықтауы керек. Ондайда қызметкерлер телефон арқылы хабарласады, артынан туған-туысқа, я болмаса, достарына қоңырау шалып, кредит алғысы келетін адамның жеке тұлғасын растап беруді сұрайды. Ал заңға енгізілген соңғы өзгерістерге сәйкес, кредит рәсімдейтін клиентке видео байланыс арқылы хабарласу міндеті де жазылған. Өкінішке қарай, шағын кредиттерді рәсімдеу кезінде дәл осы талаптар көп жағдайда сақталмайды. Ондайда қаржы нарығын реттеу және дамыту агенттігіне шағым түсіруге болады.
<blockquote>
 “Біз сол ұйымның кредитті қалай бергенін тексере аламыз. Агенттік алаяқтық әрекеттерін тергей алмайды, бірақ кредитті беру тәртібін, заң мен талаптың қалай сақталғанын тексеруге құзіретіміз бар. Егер кредитті беру тәртібі сақталмаса, онда мәселе тез шешіледі. Заңсыз кредит сол ұйымның өзіне ауыстырылады. Ал кредит беру тәртібі сақталса, онда ішкі істер органдары тергеу өткізеді. Өйткені адамның ұялы телефонын немесе желіге түскен жеке мәліметтерін қалай және кімнің қолданып кеткенін анықтау қажет”, – деп атап өтті Ақмаев.
</blockquote>
Сотқа баруға тура келеді
Ресми мәліметке сәйкес, заңсыз рәсімделген кредиттердің басым бөлігі кешіріледі. Алайда кей кезде сотқа баруға тура келеді. Өйткені кредиттің заңсыз рәсімделгенін білмей қалған адам ақшаны алаяқтарға өзі жібереді. Бұл қаржыны жұмсау фактісі болып саналады.
<blockquote>
 “Кейбір әккі алаяқтар былай істейді. Сізге қоңырау шалады да, есепшотыңызға қателесіп ақша жіберіп қойғанын айтады. Сосын басқа есепшотқа жіберуді сұрайды. Тіпті, мазалағаны үшін 10-15 мың теңгені алып қала салыңыз дейді. Ал шын мәнінде ол сіздің атыңызға рәсімделген кредит, көп жағдайда шағын кредит. Сомасы 50 АЕК-тен (145 850 теңге – Sputnik) аспайды. Адал және аңқау адамдар сеніп қалады да, ақшаны өз қолымен басқа есепшотқа салып жібереді. Сөйтіп, ақшасы біреуге кетеді, ал мойнындағы кредиті қалады”, – дейді Ақмаев.
</blockquote>
Оның айтуынша, осы іспетті істерді тергеу кезінде бірқатар қиындық болады. Атап айтқанда, нақты банк картасы болса, оның иесін анықтауға мүмкіндік бар. Ал заңсыз кредиттің ақшасы телефон нөмірі немесе терминал арқылы жіберілсе, иесін табу қиын. Ондайда сотқа дейін барып, алаяқтарға алданғанын дәлелдеу керек.
<blockquote>
 “Сондықтан есепшотыңызға белгісіз бір ақша түссе, оны жіберген қаржы ұйымының өзіне барып, ресми түрде есепшотыңызға түскен қаржыдан бас тартуыңыз қажет. Артынан ол ақшаны өндіріп алу процесі басталса да, сіз сотта тиісті жерге барып, арыз жазғаныңызды дәлел ретінде келтіре аласыз”, – деп атап өтті агенттіктің бас маманы.
</blockquote>
Коллекторға кеткен кредитті кешіру қиын
Алматы қалалық полиция департаменті басшысының тергеу ісі жөніндегі орынбасары Рустам Әбдірахманов заңсыз рәсімделген кредиттер проблемасын жақсы біледі. Ол талай рет коллекторлар мен шағын қаржы ұйымдарын жинап, алаяқтарға алданған адамдардың мәселесін талқылаған.
<blockquote>
 “Мысалы, алаяқтар менің атыма кредит рәсімдеп қойды дейік. Мен оны тек коллекторлар қоңырау шалған кезде ғана білемін. Ал коллекторлар жай хабарласпайды ғой, есепшотымды бұғаттап тастайды. Кредиттік тарихым бұзылады. Ақшаны алуға да, төлем жасауға да мүмкіндік болмайды. Кейбіреулер шетелге шыға алмайды. Сосын ары-бері шапқылау керек. Оған бәрінің жүйкесі шыдай бермейді. Ондайда адамдар “Садақа!” деп, қолын бір сілтейді де, 300-500 мың кредитін төлей салады”, – деді Әбдірахманов.
</blockquote>
Оның айтуынша, онлайн кредит беру жүйесінің қауіпсіздік деңгейі төмен. Оны шағын қаржы ұйымдары жақсы біледі. Бұл жүйені жетілдіруге тырыспайды. Өйткені ондай ұйымдардың негізгі мақсаты – пайда табу. Соңғы кезде талаптар күшейді. Алайда онлайн кредит беру жүйесінде әлі де олқылық көп. Ал ең бастысы коллекторларға кеткен кредиттерді кешіру қиын.
<blockquote>
 “Олар қайтарылмай жатқан кредиттерді микроқаржы ұйымдарынан сатып алады. Мәселен, 1 мың проблемалық кредитті сатып алады. Соның ішінде заңды және заңыз рәсімделген қарыздар бар. Бірақ оны ешкім ажыратып отырмайды ғой. Микроқаржы ұйымдары да араласа алмайды. Өйткені коллекторлар қарыздың бәрін сатып алған және өз ақшасын шығаруға тырысады”, – деп түсіндірді Әбдірахманов.
</blockquote>
Алматы қалалық полиция департаменті коллекторлар мен микроқаржы ұйымдарын жинап, осы мәселені түсіндіріп көрген. Алаяқтарға алданған адамдардың тізімін де беріпті.
<blockquote>
 “Тергеу кезінде біз ол тізімге кірген адамдардың кредит алмағанын анықтадық. Иә, кейбір қылмыстар ашылған жоқ. Өйткені алаяқтың өзі табылмады. Дегенмен кредиттердің заңсыз алынғаны анық. Сөйтіп, екі коллекторлық компаниямен ондаған адамның кредитін кешіруге келістік. Мысалы бір компания 3,5 миллион теңгенің кредитін кешірді. Бұл жерде нақты алгоритм жоқ. Осылай шешіп отырамыз”, – дейді Әбдірахманов.
</blockquote>
Кредит беру тәртібін қалай күшейту керек
Алдағы уақытта қаржы нарығын реттеу және дамыту агенттігі кредит беру тәртібіне тағы өзгеріс енгізуді жоспарлап отыр. Ол – биометриялық мәліметтерді қолдану. Адамның саусақ іздері, дауыс үлгісі мен көздің қарашығы сияқты биометрия қолданылса, алаяқтық әрекеттер күрт азаяды деген болжам бар. Ал полиция подполковнигі Рустам Әбдірахмановтың ойынша, күрделі өзгеріс жасамай-ақ, осы саладағы алаяқтық әрекеттердің алдын алуға болады.
<blockquote>
 “Мысалы, микроқаржы ұйымдары кредит бергенде SMS-хабарлама жібереді. Соған ақшаның сомасын ғана емес, астына “микрозайм” деп жаза салуға болады ғой. Адам “микрозайм” деген сөзді көрген бойда күдіктенеді, заңсыз әрекеттің жасалғанын түсінеді. Ал алаяқ хабарласқанда дайын болады, мәселенің мән-жайын анықтай бастайды, банкке немесе сол микрозаймды рәсімдеп берген ұйымға хабарласады. Сөйтіп SMS-хабарламаға бес-алты әріп қоса салса, біраз мәселе шешіледі”, – деп атап өтті Әбдірахманов.
</blockquote>
Бұдан бөлек, микроқаржы ұйымына хабарласқан және кредит рәсімделетін адамның телефон нөмірін салыстырып отыруға болады.
<blockquote>
 “Мәселен, микроқаржы ұйымына Арман хабарласып отыр дейік, ал кредит Рустамның атына рәсімделіп жатыр. Ал SIM-карта Рустамның атында емес. Осындайда кредит беретін ұйымның қызметкері кредит рәсімделетін адамның телефонынан хабарласуды талап етуге тиіс. Болды. Алаяқ заңсыз кредит рәсімдей алмайды”, – дейді полиция подполковнигі.
</blockquote>
Ол үшін ұялы байланыс компаниялары мен микроқаржы ұйымдары келісімге отыруы қажет. Сонда тиісті мәліметтер беріледі.
<a href="https://m.sputnik.kz/society/20210618/17385348/kredit-alayaqtar-qaryz.html">SputnikҚазақстан</a>

Сіздің атыңыздан басқа біреу несие алса: Қарыздан құтылудың жолдары қандай?

Kyzylorda-news.kz. Тұңғыш рет Қызылордада ерекше форматта мектеп директорларының саммиті өткізілді. Бұл лиганың оқу жылындағы қорытынды жиыны.
Саммитке облыстық білім басқармасының басшысы Ақзира Қасымова, қалалық білім бөлімінің басшысы Динара Баймұрзаева және бірқатар мектеп директорлары жиналды.
“re-Start: Жаңа әлемдегі жаңа мен” атауында өткен директорлар саммитінде білім беру ұйымының басшылары өзекті тақырыптарға негізделген мәселелерді пікір алмасу форматында талқылады.
Шарада білім орнының басшылары қызықты тақырып аясында ой бөлісті. Мәселен, 176 мектеп директоры Қадыркүл Шаймағанбетова “Директордың 10 қателігі” тақырыбын арқау етіп алып, ортаға жиналған директорларға төте сауал қойып, пікір алмасты. Ал, 3 ІТ лицей директоры Ләззат Әбенова “Директордың өзіндік дамуындағы жылдық жоспар модулі” тақырыбын ашып берді. Жеке және жылдық жоспарды құрудың жолдарын тарқатты. Сондай-ақ, 43 мектеп директоры Бақытжан Иманбердиева “Көшбасшыдағы эмоциональды интеллект” бағытында ой өрбітті. Арнайы бейнесюжет арқылы директорларға тығырықтан шығар жолды нұсқап, тосыннан сұрақтар қойды. Ал, облыстағы ең жас мектеп директоры 164 мектеп директоры Жанболат Ахметжанов “Педагогпен диалог” тақырыбында қызу пікірталас ұйымдастырды.
Жиында Ақзира Бақтыбайқызы директорлардың бәсеке ағынына қарсы төтеп беру, өзіндік даму, ата-анамен байланыс туралы ойымен бөлісті.
<blockquote>
 “Бүгін директорлардың еркін пікір алмасуы алаңын көргендей болдым. Шын мәнінде қазіргі заман талабы директорларға кабинеттік басқару жүйесінен алыстайтын уақыт жеткенін айқындап отыр. Өз мектебіндегі мұғаліммен жақсы қарым-қатынас орната алмаған директор басқарушылық сатыда көрінбеуі мүмкін. Оқушылармен, ата-аналармен жұмысты жүйелі жолға қойған директордың әрбір жұмысы сондай өлшемшарттармен бағаланады. Әрине, бірінші кезекке мазмұн, сапаны қоюларыңыз қажет. Білім беру стандартын меңгерту үшін директор жан-жақты жұмысты үйлестіруі қажет. Жаңа білімді игеру, педагогтардың жағдайына кіру, ата-аналардың тілін табу ең маңызды керек қасиет. Бұл ретте алдағы оқу жылын табысты бастайсыздар деп сенемін”, – деді Ақзира Бақтыбайқызы.
</blockquote>
Ой алаңында барлық директорлар өзіндік пікірін айтып, көзқарастарын білдірді. Ішкі анализ, сыни ойлау сынды мәселелерде қамтылды.
Саммит соңында қалалық білім бөлімінің басшысы Динара Баймұрзаева лига аясындағы жұмыстардың барлығы директорлардың өзіндік дамуына жол ашқанын атап өтті.
Алдағы уақытта лигалықтардың құрамы жаңа директорлармен толығады.
<img src="https://kyzylorda-news.kz/wp-content/uploads/2021/06/fb_img_1624085455442.jpg" alt="" />
<img src="https://kyzylorda-news.kz/wp-content/uploads/2021/06/fb_img_1624085461133.jpg" alt="" />
<img src="https://kyzylorda-news.kz/wp-content/uploads/2021/06/fb_img_1624085458357.jpg" alt="" />
<img src="https://kyzylorda-news.kz/wp-content/uploads/2021/06/fb_img_1624085492649.jpg" alt="" />
<img src="https://kyzylorda-news.kz/wp-content/uploads/2021/06/fb_img_1624085466977.jpg" alt="" />
<img src="https://kyzylorda-news.kz/wp-content/uploads/2021/06/fb_img_1624085536922.jpg" alt="" />
<img src="https://kyzylorda-news.kz/wp-content/uploads/2021/06/fb_img_1624085554977.jpg" alt="" />

Қызылордада &#8220;Серіктес директорлар&#8221; лигасы саммит өткізді

Kyzylorda-news.kz. Қазақстанда өткен тәулікте 778 адам коронавирустан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 102,
Алматы қаласы – 105,
Шымкент қаласы – 76,
Ақмола облысы – 35,
Ақтөбе облысы – 32,
Алматы облысы – 24,
Атырау облысы – 28,
Шығыс Қазақстан облысы – 72,
Батыс Қазақстан облысы – 24,
Қарағанды облысы – 123,
Қостанай облысы – 4,
Қызылорда облысы – 4,
Маңғыстау облысы – 41,
Павлодар облысы – 87,
Солтүстік Қазақстан облысы – 19,
Түркістан облысы – 2.
Қазақстан бойынша жазылғандар саны – 383239.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz</a>. Ай соңына дейін елдің бірқатар аймағында құрғақшылық болуы мүмкін, деп хабарлайды Қазгидромет.
Әсіресе, екі өңірде қуаңшылықтың жоғары деңгейі байқалуы ықтимал. Олар Қостанай облысының Амангелді ауданы және Шығыс Қазақстанның Абай ауданы. Сондай-ақ синоптиктердің болжауы бойынша Ақтөбе, Ақмола және Маңғыстау облыстарында жауын-шашынсыз аптап ыстық болады.

Қазақстан және Қызылорда облысының жаңалықтары

Қызылордада жоғалып кеткен жасөспірімнің денесі табылды

Шөкеев “Керуен Сарайдың” құрылысы туралы жазған блогердің өзін сынға алды

Күлмейтін адам немесе Мебиус синдромы

Облыстық сотта арнайы әкімшілік алқа құрылды

Қызылордада 20 адамнан коронавирус анықталды

«Қайсар» 11 ойыннан кейін жеңіске жетті

Қызылордада 13 жасар қыз жоғалып кетті

Жексенбіге арналған ауа райы болжамы

Сіздің атыңыздан басқа біреу несие алса: Қарыздан құтылудың жолдары қандай?

Қызылордада “Серіктес директорлар” лигасы саммит өткізді

Қызылордада коронавирустан жазылғандар бар

Биыл Қазақстанда құрғақшылық болуы мүмкін

Қазақстан және Қызылорда облысының жаңалықтары

Қызылордада жоғалып кеткен жасөспірімнің денесі табылды

Шөкеев &#8220;Керуен Сарайдың&#8221; құрылысы туралы жазған блогердің өзін сынға алды

Күлмейтін адам немесе Мебиус синдромы

Облыстық сотта арнайы әкімшілік алқа құрылды

Қызылордада 20 адамнан коронавирус анықталды

«Қайсар» 11 ойыннан кейін жеңіске жетті

Қызылордада 13 жасар қыз жоғалып кетті

Жексенбіге арналған ауа райы болжамы

Сіздің атыңыздан басқа біреу несие алса: Қарыздан құтылудың жолдары қандай?

Қызылордада &#8220;Серіктес директорлар&#8221; лигасы саммит өткізді

Қызылордада коронавирустан жазылғандар бар

Биыл Қазақстанда құрғақшылық болуы мүмкін

Шөкеев “Керуен Сарайдың” құрылысы туралы жазған блогердің өзін сынға алды

Қызылордада “Серіктес директорлар” лигасы саммит өткізді