Kyzylorda-news.kz. Сіздерді 1 желтоқсан – Қазақстан Республикасы Тұңғыш Президенті күні мерекесімен шын жүректен құттықтаймыз!
Бұл күн – барша отандастарымызды ынтымақ пен бірлікке бастайтын күн. Қазақстан мемлекеттілігінің негізін қалаушы – еліміздің Тұңғыш Президенті Нұрсұлтан Әбішұлы Назарбаевтың жан-жақты сараланған ішкі және сыртқы саясатының арқасында еліміз дамудың ілгерілеу мен өркендеу жолымен келеді.
1 желтоқсан – біздің тарихымыздың жаңа ақ парағы ашылған күн. Тәуелсіздікті тұғырына қондырған, елді ерлікке жеткізген Ұлт Көшбасшысы 1 желтоқсанда ел тізгінін ұстады. Осы күні президенттік институтқа қадам бастық. Тұңғыш Президенттің бастамаларына қолдау жасай отырып, еліміз көп биікті бағындырды. Мемлекетіміздің әлем елдері арасындағы абыройы уақыт санап артып келеді. Мұның барлығы да бүгінгі тәуелсіздігімізді тұғырлы ету жолындағы Тұңғыш Президентіміз – Елбасының еселі еңбегінің, көреген жасампаздығының жемісі.
Осынау ел халқының бірлігі мен берекесін ұлықтап, мемлекеттің мерейін асыратын мереке күні Сіздерге зор денсаулық, отбасылар-ыңызға бақ пен береке, шаңырақтарыңызға шаттық тілеймін!
Еліміз аман, егемендігіміз мәңгілік болсын!
Нұрбек Ақпанбетов, 
Қазалы қалалық жастар ресурстық орталығы КММ директоры

Нұрбек Ақпанбетов:   Отандастарымызды ынтымақ пен бірлікке бастайтын күн

Kyzylorda-news.kz. Қызылорда облыстық мәслихатының хатшысы Наурызбай Байқадамов ҚР Тұңғыш Президенті күнімен құттықтады.
“Тәуелсіздік бұл – халқымыздың бостандығы мен дербес даму жолындағы сан ғасырлық күрес тарихының нәтижесі. Дегенмен, келген тәуелсіздікті тұғырлы етуде елін сүйер жанкешті қасиеттері жоғары, қоғамды ұйымдастырар қарымды, ел мен елді елдестірер елші, жұртын төрге сүйреуге тәжірибелі, бұрынғы саясаттан алар сұңғылалығы мен өткеннен жияр сабақтастыққа сабырлықпен қарайтын қайраткерлер керектігін тарихтан жақсы білеміз. 
Біздің қазақ сияқты езіліп келген елдің, жұтылып кете жаздаған жұрттың, ұтылып келген ұлттың ұпайын түгендеп, айын оңынан тудыру тәуекелшіл Ер тұлғалы адамға ғана тән. Өйткені адамзат тарихында отарлықтан тәуелсіздік жолына түскен елдер көп болғанымен, социалистік жүйедегі империялық бодандықтан бостандық жолына түсу тәжірибесі алғаш рет біз сияқты кеңестік елдердің пешенесіне жазылыпты. 
Ел өмірінің осындай өткір де өтпелі кезеңінде Нұрсұлтан Назарбаевтай қырағы да табанды саясаткер бізге бұйырды. 
Қазақстан Республикасы ТМД мемлекеттері арасында бірінші болып барлық көрші елдермен шекара мәселесін шешіп алды. Мысалы, Қытай өзімен шектесетін 15 елдің ішінде бізбен ғана толық шекаралық келісімге келді. Әлемдегі ең ұзын шекаралық белдеу болған Қазақстан-Ресей шекарасы анықталып, ғасырларға созылған шекаралық дауға нүкте қойылды. 
Семей сынақ полигонын жабу нәтижесінде мемлекетіміздің тәуелсіздігінің қауіпсіздігіне әлемнің іргелі мемлекеттері кепілдік берді. 
Қазақстанда этносаралық өзара мәдени ықыластық орын алды. Басқаларды менсінбеушіліктен туатын ұлттық эгоизмнен де, өзін төмендетіп шегіншектей беретін ұлттық нигилизмнен де алшақ өз тағдырын өзгелер тағдырымен бірге қарастыратын, қадірлейтін ең биік гуманистік ұстаным қалыптасты. 
«Болашақ» бағдарламасы бойынша Қазақстан жастарына әлемнің үздік оқу орындарында білім алуға жол ашылды. 
Ұлт көшбасшысының Қазақстандықтар алдында сіңірген т.б осындай тарихи қызметіне деген құрметтің белгісі ретінде 
Қазақстан республикасының Тұңғыш Президенті – Елбасы туралы заң қабылданды. 
2000 жылы енгізілген «ҚР Тұңғыш Президенті» мәтіні 2010 жылы «Елбасы» деген айқындауыш сөзбен толықтырылды. 
Бұл ұғым Н.Ә. Назарбаевтың Ел тәуелсіздігін тұғырлы етудегі, Қазақстан халқын біртұтас Ұлтқа бірте-бірте айналдыру жолындағы нақты да орасан еңбегін көрсетеді. 
Тәуелсіздіктен қасиетті, қастерлі ештеңе жоқ. Азаттық деген сыйы мен сынағы қатар жүретін құдіретті құбылыс. Сан ғасырғы арманның бәріне аз уақытта қол жеткізе салуға ниет болғанымен қауқарымыз әлі де жетпеуде. Барымызды қадірлей, жеткенімізді жетілдіре білейік! Еліміз аман, тәуелсіздігіміз баянды, азаттығымыз мәңгі болсын! ҚР Тұңғыш Президенті күні бәріңізге құтты болсын”,- деді Наурызбай Сейітқалиұлы.

Наурызбай Байқадамов: Нұрсұлтан Назарбаевтай қырағы да табанды саясаткер бізге бұйырды

Kyzylorda-news.kz. Қазақстан Ұлттық банкі ел Тәуелсіздігінің 30 жылдығына арналған номиналы 20 000 теңгелік мерейтойлық банкнотты айналымға шығарады, деп хабарлайды <a href="https://www.inform.kz/kz">ҚазАқпарат.</a>
«Мерейтойлық банкноттың дизайны бірегей технология бойынша дайындалды: банкноттың тігінен орналасқан және номиналдың голографикалық бейнесін, Тәуелсіздіктің 30 жылдығына арналған логотипті және Мемлекет басшысы Қ.К. Тоқаевтың факсимилесін қамтыған металсыздандырылған жолақ әлемде алғаш рет қолданылды. Мерейтойлық банкноттың 27 қорғаныш элементі бар. Банкноттың дизайны айналыстағы ақша белгілерімен бірыңғай стильде жасалған: бет жағы негізінен тік бейнелерді, сыртқы жағы көлденең бейнелерді қамтиды. Банкнот басым түс – сұр түсте орындалған. Банкнот көлемі 155х79мм», – деп атап өтеді банктен.
Банкноттың бет жағы
Бет жағындағы негізгі бейнелер – Қазақстан Республикасының Мемлекеттік рәміздері, Қазақстан Республикасының Тұңғыш Президенті – Елбасы Н.Ә. Назарбаев портретінің голографиялық бейнесі, Қазақстанның тәуелсіздігі мен мемлекеттілігінің нышаны ретінде «Қазақ Елі» монументі, «Мәңгілік Ел» салтанат қақпасы, қазақтардың дәстүрлі тұрғын үйі «Киіз үйді» безендіру желісі бойынша «Басқұр» – таспасындағы қазақтың ұлттық өрнегінің фрагменті.
<img src="https://kyzylorda-news.kz/wp-content/uploads/2021/12/2112011016550100g.jpg" alt="" />
Банкноттың сыртқы жағы
Сыртқы бетіндегі негізгі бейнелер – Қазақстан Республикасының Тұңғыш Президенті – Елбасы Н.Ә. Назарбаевтың портреті, Нұр-Сұлтан қаласының және Ақорда Президент резиденциясының панорамалық көрінісі, Қазақстан Республикасы Тәуелсіздігінің 30 жылдығын мерекеуге арналған логотип бейнесі.
Номиналы 20 000 теңгелік мерейтойлық банкнот Қазақстан Республикасының бүкіл аумағында төлемдердің барлық түрі бойынша нақты құны бойынша қабылдауға, сондай-ақ Қазақстан Республикасының барлық банктерінде банктік шоттарда аударуға, ұсақтауға және айырбастауға міндетті.
Елбасының портреті бар номиналы 10 000 теңгелік алғашқы мерейтойлық банкнот 2016 жылы шығарылғанын және Қазақстан Республикасы Тәуелсіздігінің 25 жылдығына орайластырылған болатын. Қазіргі кезде Қазақстанда номиналы 200, 500, 1 000, 2 000, 5 000, 10 000 және 20 000 теңгелік банкноттар айналыста қолданылып жүр.
<img src="https://kyzylorda-news.kz/wp-content/uploads/2021/12/2112011016573501g.jpg" alt="" />

Елбасы суреті бейнеленген жаңа 20 мың теңге айналымға шығады

Kyzylorda-news.kz. Қазақстанда өткен тәулікте 751 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 125, Алматы қаласы – 53, Шымкент қаласы – 13, Ақмола облысы – 69, Ақтөбе облысы – 4, Алматы облысы – 14, Атырау облысы – 10, Шығыс Қазақстан облысы – 39, Жамбыл облысы – 7, Батыс Қазақстан облысы – 27, Қарағанды облысы – 128, Қостанай облысы – 81, Қызылорда облысы – 5, Маңғыстау облысы – 2, Павлодар облысы – 89, Солтүстік Қазақстан облысы – 78, Түркістан облысы – 7.
Жалпы ел бойынша ауырғандар саны 972292.

Қызылордада 5 адамнан коронавирус анықталды

Kyzylorda-news.kz. Тарих деген бір күнде жасалмайды, тарих деген біздің көз алдымызда. Адамның жасының өзі 30 жас, 30-дағы жігітті орда бұзады дегенмен, қатты бір үлкен жетістіктегі жеке адамның өзінеде көп жас емес. Ал мемлекеттің жасы негізі ғасырлармен өлшенеді, есептеледі.
Біз қазіргі жағдайда тәуелсіздікті тұңғыш алған, бұрын-соңды бұндай үлкен деңгейде мемлекетімізді құрып көрмегендіктен 30 жылда біз көптеген мемлекеттерден кемшілігіміз де жететін шығар, десе де біз артық жетістіктеріміз көп болды. Осының бірден бір бастаушысы, қозғаушы күші, халыққа да, әлемге де өзінің жан-жақтылығымен, беделімен, алғырлығымен, ұстамды, нық тұғырымен Н.Ә.Назарбаевтың еңбегі жойтасыз көп. Ол туралы кітаптар жазылып жатыр, әндер шығып жатыр, шығармалар жазылып жатыр. Бірақ әлде де болса, біз қанша жерден айтқанмен біз тарихи бағасын дөп бере алмаймыз.
Тарихта болған ұлы, ірі тұлғалардың барлығының бағасы белгілі бір ұрпақ ауысқаннан кейін нақтылана түскен. Саяси жағдайлар, кейбір әлеуметтік жағдайлар, кейбір мәселелерді толық түсіне алмауымыз мүмкін. Тау алыстаған сайын, биіктей береді дегендей, Нұрсұлтан Әбішұлының да тұлғасы жыл өткен сайын асқақтап, күн өткен сайын биіктей береді деп ойлаймыз. Ол кемшіліксіз болу деген сөз емес, кемшілік адамның бәріне тән, бір отбасын басқарып отырған немесе бір шағын ауылды басқарып отырған адамның өзі міндетті түрде бір тәуекелге баратын кезде ол міндетті түрде бір жағдайлар кемшіліктерге баруы керек болады. Бірақ осындай үлкен тағдырлар, тәуекелге толы ертеңгі шешімдері екіталай болып тұрған жерлерде өзіне бүкіл аманатты мойнына алып, ғасырлардың тәуекеліне барған осындай біздің ұлт лидері, Елбасымыз бар, әрдайым мақтанамыз және арқа сүйейміз.
Біздің міне жас мемлекетімізді әлде де болсын қазіргі Президентіміз Қасым-Жомарт Кемелұлымен тізе қоса отырып әлі талай биіктерге шығарады деп сенеміз.
Мұхтар Ниязов

Мұхтар Ниязов: Тарих бір күнде жасалмайды

Kyzylorda-news.kz. Қызылорда облысының әкімі Гүлшара Әбдіқалықова Сыр халқын Тұңғыш Президент күнімен құттықтады.
Қадірлі жерлестер!
Тәуелсіз еліміздің мемлекеттік мерекесі 1 желтоқсан – Тұңғыш Президент күні баршаңызға құтты болсын!
Әлемдегі әр халықтың өз дәуірлеу тарихы болса, сол кезеңде басшылық еткен тұлғаның да істеген ісі мен ізі қалады.
Биыл – Тәуелсіз ел болғанымызға 30 жыл! 
Бүгінде жаңарған, жаңғырған Қазақстанның осы жылдар ішіндегі шыққан биігін барша әлем Елбасымыз Нұрсұлтан Әбішұлы Назарбаевтың есімімен тікелей байланыстырады. Сондықтан, Қазақстан Республикасының Тұңғыш Президенті күні мемлекеттік мерекесі – тәуелсіздік шежіресіндегі ең маңызды даталардың бірі. 
Биыл бұл атаулы мемлекеттік мерекеге 10 жыл толуда.
Еліміздегі әрбір адамның Тұңғыш Президентпен кездесіп, қолын алып, өз атына жақсы сөз айтқанын есітуді армандамағаны кемде-кем деуге болады.
Кеше мемлекеттік мерекеге орай өткен «Тұңғыш Президент және Тәуелсіз Қазақстан: Өркендеудің 30 жылы» атты конференция барысында баяндама жасаған азаматтардың Елбасымен кездесуін, шет мемлекеттерде өздеріне Қазақстан, Назарбаев деп зор құрмет көрсетілгенін ерекше ілтипатпен айтқан сөздерінен елі, жері, Президенті үшін мақтанышты сезіндім. 
Әрине, сенің туған еліңді, оның Бірінші Басшысын өзгелер біліп, мойындап жатса, жүрегіңді қалайша қуаныш сезімі кернемесін?!
Британдық мемлекеттік және саяси қайраткер, көрнекті тұлға Уинстон Черчилльдің «Сұңқар желдің ағынымен емес, желге қарсы биік ұшады», – деген сөзі бар.
Тәуелсіз мемлекетіміздің бір формациядан екінші формацияға өту, қалыптасу жылдарында Елбасы елін сын-қатерлерге соқтықтырмай, жағада қалдырмай, бүгінгідей жаңа Қазақстан болуы жолында шексіз еңбек етті.
Сондықтан да, тәуелсіз ел ретінде өркендеуіміздің 30 жылындағы Елбасының ерен ерлігі мен еңбегін ұрпаққа ұлағаттаудың жас өркенді Отанын сүюге, оның болашағына аянбай қызмет етуге тәрбиелеуде маңызы зор деп түсінемін.
Тәуелсіздігіміздің 30 жылдық мерейлі мерекесі құтты болсын! 
Елін сүйген кемеңгер Елбасымыз егемен елімен бірге жасай берсін!

Гүлшара Әбдіқалықова Тұңғыш Президент күнімен құттықтады

Kyzylorda-news.kz. Осы жылдың 10 айында облыста 26 адамнан АИТВ жұқпасы анықталып, былтырғы жылдың осы мезгілімен салыстырғанда 11 ауруға өскен. 10 айда анықталған 26 адамның 24-і, яғни 96% жыныстық қатынас арқылы жұқтырған. Бұл туралы бүгін Өңірлік коммуникациялар қызметінде өткен баспасөз конференциясында облыстық ЖИТС орталығының эпидемиологиялық бөлімінің меңгерушісі Салтанат Балықбаева мәлімдеді.
Қазіргі таңда дәрігерлер қауымын алаңдатып отырған бірнеше мәселе бар. Соңғы жылдары АИТВ жұқпасының жыныстық қатынас арқылы таралуы басым болып отыр. Оған дәлел, осыдан 10-15 жыл бұрын бұл жұқпа 50-60 пайыз жағдайда инъекциялық есірткі тұтынушылар арасында анықталған болса, қазіргі таңда жыныстық қатынас арқылы жұқтыру 90 пайызға дейін жетті.
Салтанат Шамиқызының айтуынша, АИТВ жұқпасының әйелдер арасында тіркелуі жиілеп келеді.
<blockquote>
 Брифингке қатысқан облыстық салауатты өмір салтын қалыптастыру орталығының директоры 
 Мария Жарекешова: «АИТВ – жұқпасымен күресу аса қауіпті аурумен күресудің пәрменді шараларының бірі. Әлем ғалымдары АИТВ-жұқпасына қарсы тиімді дәріні жасауға жұмыстар жүргізіп, біршама жетістіктерге жеткенімен, ауруға қарсы нақты екпе табылған жоқ. Сол себепті АИТВ-ның алдын алу инфекциядан сақтанудың ең тиімді және кепілдендірілген жолы және оның нәтижесі әрбір адамның мінез-құлқына байланысты болады».
</blockquote>

1 желтоқсан — Дүниежүзілік ЖИТС-ке қарсы күрес күні

Kyzylorda-news.kz. Қызылордада “Тұңғыш Президент және Тәуелсіз Қазақстан өркендеуіне 30 жыл” Республикалық ғылыми практикалық конференциясы өтті. Қазақстандағы әрбір азаматтың өркендеп өсуі тікелей Елбасы бастамасымен атқарылған шаралардың жемісі.
Соның бірі “Болашақ” бағдарламасы. 1993 жылы экономикалық-қаржылық қиыншылықтарға қарамасатан Тұңғыш президентіміз осы бағдарламаны іске қосқан болатын. Дамыған маңдайалды мемлекеттердің ЖОО-да білім алуға, жетілуге, дамуға, өркендеуге, тіл үйренуге дәл осы бағдарламаның арқасында жастардың мүмкіндігі молайып, білім алып келген жастар мемлекетіміздің білім ошақтарының деңгейінің көтерілуіне көптеп үлес қосты.
Жақында Елбасы “Нұр Отан” саяси партиясының кеңейтілген отырысында Жастарға үндеу жолдап “Елдіктің жеті тұғырын” атаған болатын. Яғни, әрбір жас осы құжатпен терең танысып, жастар санасында, ойында айтылған дүниелерді сақтаса деген өз атымнан ұсыныс бар.

Талғат Тілес: &#8220;Болашақ&#8221; бағдарламасы—Елбасы бастамасының жемісі

Kyzylorda-news.kz. Бүгін – Қазақстан Республикасының Тұңғыш Президенті күні.
Айтулы дата осыдан 10 жыл бұрын, нақты айтсақ, 2011 жылдың 10 желтоқсанында ҚР Парламенті Сенаты депутаттарының бастамасымен бекітілген болатын. «Қазақстан Республикасындағы мерекелер туралы» ҚР Заңына толықтыру енгізіліп, 1 желтоқсан Қазақстан Республикасының Тұңғыш Президенті күні деп белгіленді.
1991 жылдың 1 желтоқсанында Нұрсұлтан Назарбаев Тәуелсіз қазақ елінің тұңғыш Президенті ретінде қызметке кірісті. Аталмыш мерекенің 1 желтоқсан сайын тойлануында осындай мән бар.
КСРО ыдыраған тұста тәуелсіздігін жариялаған Қазақстанның тұңғыш Президенті болғаны ескеріліп, сол тұста қолға алынып, жүзеге асқан түрлі бастамалар мен реформалар, мемлекет құру жолында жасалауы тиіс стандартты шаралардың бәрі Елбасы есімімен бірге аталып жүр.
Араға ғасырлар салып, мемлекеттілігін қайтарған қазақ елінің алғашқы басшысы болғанына орай, тұңғыш Президент ерекше құқыққа ие тұлға болып саналады. Оның тәуелсіздіктің елең-алаң шағында атқарған қызметі заңнамалық тұрғыдан жоғары бағасын алған. «Тұңғыш Президент», «Елбасы», «Ұлт көшбасшысы» деген ресми мәртебелері бар.
Нұрсұлтан Назарбаевтың Қазақстан тарихындағы орны туралы қалам тербейтін кейбір тарихшылар мен саясаттанушылар елдегі ең сүйекті жобалар мен елеулі тарихи оқиғалардың бәрінің бастауында Елбасы тұрғанын жазып жүр. Атап айтсақ, ҚР Қарулы күштерінің құрылуы, шекараның делимитациясы мен демаркациясы, ұлттық валюта – теңгенің айналымға шығуы, ел астанасының Алматыдан Ақмолаға ауыстырылуы, Семей ядролық сынақ полигонының жабылуы, ұлттық алтын-валюта қорының құрылуы, Конституцияның бірнеше рет жетілдірілуі, Еуразиялық жэономикалық одақтың құрылуы және оған Қазақстанның мүше ретінде кіруі сияқты оқиғаларды Елбасының еңбегі ретінде бағалау үрдісі бар.
Қазақстанның даму бағытын айқындап отырған «Қазақстан-2050» стратегиясы да Елбасының бастамасымен қабылданған.
2019 жылдың 19 наурызында Нұрсұлтан Назарбаев өзінің Президенттік өкілетін қазіргі Президент Қасым-Жомарт Тоқаевқа табыстады. Осы оқиғаның аясында Астананың атауы Тұңғыш Президенттің атына Нұр-Сұлтан болып ауыстырылды.
<a href="https://www.inform.kz/kz/bugin-tungysh-prezident-kuni_a3869014">ҚазАқпарат</a>

Бүгін – Тұңғыш Президент күні

Kyzylorda-news.kz. 1 желтоқсан күні Қазақстанның батыс өңірлеріне солтүстік-батыс циклонының жырасы әсер ететін болады, соған байланысты жаңбыр мен қар түрінде жауын-шашын, көктайғақ, жаяу бұрқасын болады.
Республиканың басым бөлігінде антициклон жотасының ықпалынан жауын-шашынсыз ауа райы сақталады. Ел бойынша кей жерлерде тұман, көктайғақ, желдің күшеюі күтіледі, деп хабарлайды Қазгидромет.
Қызылорда облысының солтүстігінде тұман болады.

1 желтоқсан күнгі ауа райы болжамы

Kyzylorda-news.kz. Сыбайлас жемқорлық қоғам өмірінде бүгін пайда болған құбылыс емес. Бұл індетке шалдықпаған мемлекет жоқ деуге болады. Тек оның деңгейі әр елде әртүрлі болып келеді. Шешімі күрделі індетті түбегейлі жоюға мүмкін болмағанымен, оның алдын-алу шаралары жыл өткен сайын біздің елде де күшейіп келеді. Әрине, әрбір жас мемлекеттің қалыптасу кезеңіндегі заңдардағы солқылдақтық та оның өркен жая түсуіне мүмкіндік туғызып отыр. Демек, біз бұл саладағы өзге елдердің озық тәжірибелерін пайдалануға ұмтылуымыз керек.Менің ойымша, коррупциямен күресте ұлттық ерекшеліктер де ескерілуі тиіс. Қазақ салт-дәстүріндегі алыс-беріс, құда-жекжаттық, түрлі жол-жоралғылар да сайып келгенде сол сыбайластықпен ағайын деуге болады. Ал енді оны өмірімізден толықтай сызып тастай аламыз ба? Біз негізінен мемлекеттік қызметтегі сыбайлас жемқорлықпен күрескенімізбен оның түп-тамыры тым тереңде жатқанына мәр бере бермейміз. Сол себепті оның себебімен емес, салдарымен күресіп жүрміз. Бұл дегеніңіз, сыбайлас жемқорлықпен сонау-бала-бақшадан, мектептен бастап жас өскін ұрпақ санасына оның қоғам өміріне аса қауіпті екенін сіңіру керек екенін аңғартады. Баланы бақшаға орналастыру, мектептегі оқушының жақсы деген үлгірім үшін де ата-ана сол сыбайластық тұрғысындағы қыдмысқа барады. Былайғы өмірде ол-байқалмаса да, түптің-түбінде жалпылық сипатқа ие болып мемлекетке, ұлтқа қауіп төндіретін күшке айналмақ. Бұл жерде басқа да факторлар аз емес. Адамзат өмірін зерделей келе, тағы бір ой айтар болсам, бұл індеттің алдын-алуды пайғамбар сүннеттеріне бой ұсыну мен сол жолды ұстану арқылы белгілі деңгейдегі жақсы нәтижеге жетуге болады. Мұны адамзаттың небір ойшылдары айтып та кеткен. Демек, демократиялық қоғам өмірі қанша жерден дамып, алға басқанымен коррупцияны толықтай жеңу қиын мәселе болып қала береді. Бұл жерде адамзат санасында заттық әлемді тәрк ететін рухани өмір құндылықтары алға шығуы тиіс. Оны да алыстан іздеп қажеті жоқ. Қазақ тұрмыс-салты мен әдет-ғұрыпында барлық тиым, шектеулер молынан кездеседі. Осыны бала жастан қалыптастырып, зайырлылыққа жасалған қадам ғана жетқорлық жолына тосқауыл болмақ. Мұны тарқатып айтар болсақ, бірнеше кітапқа жүк болары анық. Қара қылды қақ жарып, төрелік айтқан біздің билер мен шешендер өмірі ұлт ұстанымына үлгі болуға әбден лайық. Бүгінгі таңда уақыт талабына сай, әлем елдерінің сыбайлас жетқорлыққа қарсы күрестегі озық үлгілерін пайдаланғанмен, түптің-түбінде біз-өзімізде бар дәстүрлі жәдігерлерге ораламыз. Еліміздегі заңнамаларына сәйкес, сыбайлас жемқорлық қылмыстарға негізінен лауазымды қылмыстар жатады. Өмір көрсеткендей, қызмет өкілеттігін теріс пайдалану, билікті не қызметтік өкілеттікті асыра пайдалану, пара алу, пара беру, парақорлыққа делдал болу, қызметтік жалғандық жасау, көрінеу жалған сөз жеткізу, сеніп тапсырылған бөтен мүлікті иеленіп алу немесе ысырап ету, көрінеу жалған жауап беру, сарапшының жалған қорытыңдысы немесе қате аудару, жалған жауап беруге немесе жауап беруден жалтаруға, жалған қорытынды беруге не қате аударуға сатып алу, лауазымды адамдардың сот үкімін, сот шешімін немесе өзге де сот актісін орындамау, осындай қылмыстардың барлығы жемқорлық сыбайластық байланыстарды пайдалану арқылы жасалады. Сонымен қатар сыбайлас жемқорлықпен пәрменді күресу үшін халықтың құқықтық сауатсыздығын жоятын, құқықты түсіндіру жұмысының деңгейі мен сапасын арттыру керектігінің маңызы зор. Халық өздерінің құқықтарын, өздеріне қарсы қандай да бір құқыққа қайшы іс-әрекет жасалған жағдайда қандай іс-қимыл қолдану керектігінің нақты жолдарын толық білулері қажет. Конституциялық тәртіпті қорғау, сыбайлас жемқорлықпен күрес аясында тиімді, бірыңғай жалпы мемлекеттік саясат жүргізу, мемлекет пен азаматтардың өмір сүруінің барлық салаларында сыбайлас жемқорлық пен оның көріністері деңгейін төмендету, қоғамның мемлекетке және оның институттарына сенімін нығайту бүгінгі күндегі басты мақсат болып табылады. Өркениетті барлық қоғам үшін сыбайлас жемқорлықпен күрес ең өзекті мәселелердің бірі болып табылады. Сыбайлас жемқорлық мемлекетті ішінен жоюдың бастамасы мен жетістіктерді жоққа шығаратын, ұлттық қауіпсіздікке қауіп-қатер әкелетіндігі күмәнсіз. Сондықтан да Қазақстан Республикасының мемлекеттік саясатының негізгі басымдылықтарының бірі болып осы зұлымдықпен күресу болып қала береді. Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі ушықпауы үшін оны тоқтатудың барлық амалдарын қолдану арқылы ғана бұл құбылысқа тиімді түрде қарсы тұруға болады. Ел тәуелсіздігіне отыз жыл толды. Бұл бағыттағы күрестер үнемі жетілдіріліп, дамып келеді. Онымен күрес ымырасыз түрде жүруі тиіс. Мұны қоғам өмірінде орын алып жатқан келеңсіз оқиғалар дәлелдеп отыр. Әу, бастан даласында түрмесі болмай, құл ұстамай нағыз демократия нышандарын бойына сіңірген қазақ елі алдағы уақытта да бұл індеттің жолын кеседі деген сенім бар. Өйткені, сыбайластық дегеніміз сыйластық емес. Ол мемлекетті іштен ірітетін жегі құрт. Уақыт өте әлем тәжірибесі мен өз ұлтының өткенінен сабақ алатын жас ұрпақ қазақ қоғамында бұл құбылысты мейлінше азайта алады. Оның алғышарттары да бүгіннен бой көрсетіп жүр. Еліміздің жарқын болашағы үшін соған әрбір саналы адам өз үлесін қосуы тиіс деп ойлаймын. Бұл-өмір талабы.Нұрбибі Елубайқызы,Облыстық «Рухани жаңғыру» орталығы ақпараттық- талдамалық сүйемелдеу бөлімінің маманы

Жемқорлықтың жолын кесу өз қолымызда

<a href="https://kyzylorda-news.kz/">Kyzylorda-news.kz.</a> Бүгін қала орталығынан «Қаламгерлер аллеясы» ашылды.
Бұған дейін шаһар басшысы Ғанибек Қазантаев Сыр журналистерімен кездесуде айтылған ұсыныстарды қабыл алып, «Қаламгерлер аллеясын» ашуды жоспарлаған болатын. Ол орын Сырдың алыптары – Қалтай Мұхамеджанов, Әбділдә Тәжібаев және Зейнолла Шүкіровтердің ескерткіші орналасқан аумақ болып белгіленді.
Шарада қала әкімінің орынбасары Бектас Нуридинов қаламгерлерді Ел тәуелсіздігінің 30 жылдығымен және «Қазақстан Республикасының Тұңғыш Президенті күнімен» құттықтады.
<blockquote>
 «Алыптардың ескерткіші орналасқан орда Сіздердің шығармашылықтарыңызға шабыт шақырар, рухтарыңызды асқақ етіп, болашаққа құнды мұра қалдырар орын бола бергей»,- деп жылы лебізін арнады.
</blockquote>
Ардагер журналистер Жолдасбек Ақсақалов және Игорь Титенок «Қаламгерлер аллеясының» салтанатты түрде лентасын қиып, ашып берді.
Қаламгерлер аллеясы алдағы уақытта шығармашылыққа жақын жандардың бас қосар алаңына айналып, түрлі шараларды өткізетін рухани орын болмақ.
<img src="https://kyzylorda-news.kz/wp-content/uploads/2021/11/262603589_2973821412884597_5935292169558744259_n.jpg" alt="" />
<img src="https://kyzylorda-news.kz/wp-content/uploads/2021/11/262418577_2973821296217942_896183790404112714_n.jpg" alt="" />
<img src="https://kyzylorda-news.kz/wp-content/uploads/2021/11/262612410_2973821409551264_4533127520609798967_n.jpg" alt="" />
<img src="https://kyzylorda-news.kz/wp-content/uploads/2021/11/262819278_2973821436217928_8417027711255027318_n.jpg" alt="" />

Қазақстан және Қызылорда облысының жаңалықтары

Нұрбек Ақпанбетов: Отандастарымызды ынтымақ пен бірлікке бастайтын күн

Наурызбай Байқадамов: Нұрсұлтан Назарбаевтай қырағы да табанды саясаткер бізге бұйырды

Елбасы суреті бейнеленген жаңа 20 мың теңге айналымға шығады

Қызылордада 5 адамнан коронавирус анықталды

Мұхтар Ниязов: Тарих бір күнде жасалмайды

Гүлшара Әбдіқалықова Тұңғыш Президент күнімен құттықтады

1 желтоқсан — Дүниежүзілік ЖИТС-ке қарсы күрес күні

Талғат Тілес: “Болашақ” бағдарламасы—Елбасы бастамасының жемісі

Бүгін – Тұңғыш Президент күні

1 желтоқсан күнгі ауа райы болжамы

Жемқорлықтың жолын кесу өз қолымызда

Қызылордада «Қаламгерлер аллеясы» ашылды

Қазақстан және Қызылорда облысының жаңалықтары

Нұрбек Ақпанбетов: Отандастарымызды ынтымақ пен бірлікке бастайтын күн

Наурызбай Байқадамов: Нұрсұлтан Назарбаевтай қырағы да табанды саясаткер бізге бұйырды

Елбасы суреті бейнеленген жаңа 20 мың теңге айналымға шығады

Қызылордада 5 адамнан коронавирус анықталды

Мұхтар Ниязов: Тарих бір күнде жасалмайды

Гүлшара Әбдіқалықова Тұңғыш Президент күнімен құттықтады

1 желтоқсан — Дүниежүзілік ЖИТС-ке қарсы күрес күні

Талғат Тілес: &#8220;Болашақ&#8221; бағдарламасы—Елбасы бастамасының жемісі

Бүгін – Тұңғыш Президент күні

1 желтоқсан күнгі ауа райы болжамы

Жемқорлықтың жолын кесу өз қолымызда

Қызылордада «Қаламгерлер аллеясы» ашылды

Талғат Тілес: “Болашақ” бағдарламасы—Елбасы бастамасының жемісі