<a href="https://kyzylorda-news.kz/">Kyzylorda-news.kz</a>. Қазақстан өңірлерінде коронавирус бойынша эпидемиологиялық ахуалды бағалау матрицасы жарияланды.
27 маусымдағы жағдай бойынша, «қызыл» аймақта: Нұр-Сұлтан, Алматы қалалары, Атырау, Батыс Қазақстан және Қарағанды облыстары орналасқан.
«Сары» аймақта: Шымкент қаласы, Қостанай және Маңғыстау облыстары тұр.
«Жасыл» аймаққа: Ақмола, Ақтөбе, Жамбыл, Қызылорда, Шығыс Қазақстан, Павлодар, Солтүстік Қазақстан және Түркістан облыстары енген.

Қазақстанда бес өңір «қызыл» аймақта тұр

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1672 адамда коронавирус індеті ПТР-сынама арқылы расталды, деп хабарлайды <a href="https://www.coronavirus2020.kz/kz">coronavirus2020.kz</a> сайты.
**Өңірлер бойынша: 
**Нұр-Сұлтан қаласы – 556, 
Алматы қаласы – 211, 
Шымкент қаласы – 61, 
Ақмола облысы – 40, 
Ақтөбе облысы – 35, 
Алматы облысы – 32, 
Атырау облысы – 86, 
Шығыс Қазақстан облысы – 76, 
Жамбыл облысы – 37, 
Батыс Қазақстан облысы – 124, 
Қарағанды облысы – 238, 
Қостанай облысы – 39, 
Қызылорда облысы – 33, 
Маңғыстау облысы – 36, 
Павлодар облысы – 20, 
Солтүстік Қазақстан облысы – 19, 
Түркістан облысы – 29.
Жалпы пандемия басталғалы елімізде коронавирус 418 114 адамнан анықталды.

Қызылордада 33 адамнан коронавирус табылды

<a href="https://kyzylorda-news.kz/">Kyzylorda-news.kz</a>. Жексенбі елімізде ауа райы ыстық болады, кей жерлерде өткінші жаңбыр жауы, найзағай ойнайды, депа хабарлайды Қазгидрометке.
27 маусымда Қазақстанның солтүстігінде, орталығында, шығысында және солтүстік-батысында атмосфералық ағындардың өтуіне байланысты жаңбыр жауады, найзағай жарқылдайды. Батыс және оңтүстік аймақтарда күн райы ашық болуы мүмкін. Еліміздің кей жерлерінде жел күшейіп, тұман түсуі ықтимал, солтүстік-батыста бұршақ жауады.
Қызылорда облысының басым бөлігінде өрт қаупі өте жоғары болуы ықтимал.

Жексенбіге арналған ауа райы

Kyzylorda-news.kz. Әлеуметтік желілер вакцинация төлқұжаттарын сату туралы хабарландыруларға толды. eGOV&nbsp; интеграциясымен “Ashyq”&nbsp;қосымшасында жасыл түске қол жеткізу үшін&nbsp;рубль және биткоиндермен сауда жасау керек. Бағалар әртүрлі, тіпті жеңілдіктер де бар. Бірақ қазақстандықтар үшін баға жоғары,&nbsp;деп хабарлайды&nbsp;<a href="https://stan.kz/">Stan.kz</a>.
Саудагерлер, тіпті клиенттердің көптігіне байланысты барлық өтініштерді өңдеуге үлгермей жатқандарын мәлімдеді. Бағалар&nbsp;– 30-дан 40 мың теңгеге дейін, бірақ төлем рубльмен және биткоиндермен қабылданады. Өйткені&nbsp;деректерді eGOV-қа енгізу қажет. Бұл ретте 50% алдын ала төлем мен барлық құжаттардың көшірмесін сұрайды.
Полиция олардың алаяқтар&nbsp;екенін ескертеді.&nbsp;Олар ақша жымқырып, құжаттарыңызға несие рәсімдейді. Полиция оларды бақылау мүмкін емес екенін айтады.
<blockquote>
 “Жалған вакцинация төлқұжаттарын өткізген жағдайда, адамдарға ҚР ҚК 385-бабы 1-бөлігі бойынша қылмыстық жауапкершілік қарастырылған. Осы қылмыстық құқық бұзушылықты жасағаны үшін кінәлі адамдар екі жылға дейін бас бостандығынан шектелуі&nbsp;немесе айырылуы мүмкін. Жалған құжатты пайдаланғаны үшін осы баптың үшінші бөлігі бойынша қылмыстық жауапкершілік қарастырылған, оны жасағаны үшін кінәлі 40 тәулікке дейін қамауға алынады”, –&nbsp;деді&nbsp;ШҚО ПД анықтау басқармасының бөлім басшысы Шәміл Жанлосанова.
</blockquote>

30-40 мың теңге: Қазақстандықтар вакцина төлқұжатын сатып алуда

Kyzylorda-news.kz. Қазақстан Президенті Қасым-Жомарт Тоқаев «Қазақстан Республикасының кейбір заңнамалық актілеріне инклюзивті білім беру мәселелері бойынша өзгерістер мен толықтырулар енгізу туралы» заңға қол қойды. Бұл туралы Ақорданың баспасөз қызметі хабарлайды.
Бұған дейін ерекше қажеттіліктері бар балаларды оқытатын білім беру ұйымдары бағдарламаларын білім алушылар мен тәрбиеленушілердің жеке даму ерекшеліктері мен әлеуетті мүмкіндіктеріне сәйкес бейімдеуі тиіс екені хабарланған. Мұндай жаңашылдық Парламент депутаттары қабылдаған инклюзивті білім беру мәселелері жөніндегі заңда жазылған.
Заң нормалары арнайы психологиялық-педагогикалық қолдауға мемлекеттік білім беру тапсырысын енгізеді және білім беру ұйымдарындағы психологиялық-педагогикалық қолдау қызметтерінің жұмысын реттейді. Бұдан басқа, құжат білім беру ұйымдары басшыларының білім беру мекемелеріне мүгедектігі бар балаларды қабылдау қағидаларын бұзғаны немесе олар үшін жағдай жасамағаны үшін жауапкершілігін белгілейді.
Сондай-ақ, заңда психологиялық-медициналық-педагогикалық тексеру және консультация бағдарламаларын іске асыру арқылы мүмкіндігі шектеулі балаларды білім беру ортасына қосу үшін әмбебап көзқарас көзделеді.
Барлығы төрт заңға: «Кемтар балаларды әлеуметтік және медициналық-педагогикалық түзеу арқылы қолдау туралы»; «Білім туралы»; «Бала құқықтары туралы»; «Қазақстан Республикасында мүгедектерді әлеуметтік қорғау туралы» заңға өзгерістер мен толықтырулар енгізу көзделген.

Мемлекет басшысы инклюзивті білім беру туралы заңға қол қойды

Kyzylorda-news.kz. 25 маусым күні Қызылорда қаласында отбасылық 2 той тоқтатылды.
Аталған заң бұзушылықтар қала әкімдігінің жанынан құрылған мониторингтік топтың жүргізген жұмыстары барысында анықталды. Қазіргі таңда карантиндік талаптардың сақталуын қадағалау бойынша жұмыстар қала бойынша құрылған 7 мониторинг топпен тұрақты жүргізілуде.
Осы жұмыстар нәтижесінде бүгінгі күнге дейін 170 -тен аса карантин талаптарын бұзған тұлғаларға әкімшілік шара көрілген. Оның ішінде 32-сі отбасылық той өткізгендер қатарында.

Қызылордада мониторингтік топ тойды тоқтатты

Kyzylorda-news.kz. Бұл әлемде біз білмейтін талай қызық бар. Солардың бірнешеуіне тоқталсақ.
Ұшақпен ұшатын адамның шашы жерде жүрген адамға қарағанда екі есе тез өседі;
Қызанақ көкөніс емес, жеміс;
Үндістанның ұлттық валютасы – рупияны бұл елге шеттен әкелуге және мемлекеттен әкетуге заң жүзінде тыйым салынған;
Шаянның жүрегі басында орналасқан;
Қорылдап ұйықтайтын адам мүлде түс көре алмайды;
Аралардың екі асқазаны бар: бірі балға, бірі тамаққа арналған;
Египетте 200 жылда бір рет найзағай ойнайды;Белгілі актер Чарли Чаплин кейіпкерлері арасындағы байқауға қатысып, үшінші орын алған;
Әлемде әр 10 секундта 26 сәби дүниеге келеді;
Орташа алғанда балалар күніне 400 рет, ал ересектер 15 рет күледі;
Алты-жеті айлығына дейін сәби бір уақытта тамақ ішіп, дем ала алады. Ересектер мұны істей алмайды;
100 жасқа дейін өмір сүретін қарттардың 80 пайызы әйелдер;
Адам терісіндегі тірі организмдер Жердің жалпы тұрғындарынан бірнеше ондаған есе көп;
Дүние жүзінде 365 миллион адамның жеке компьютері бар. Әлем халқының жартысы компьютер мен телефонның не екенін білмейді;
Ғашығына қараған адамның қарашығы 45 пайызға үлкейеді;
Әлемде ешкім көзін ашып, түшкіре алмайды;
Ғарышта көзден жас шықпайды. Гравитацияның жоқ болуы әсерінен жас кішкентай көпіршіктерге айналады да көзді ашытады;
Әр көзде 107 миллионнан астам жасуша бар, олардың барлығы жарықты сезінеді;
Әйелдер ерлердің көзіне қарап, олардың нақты мақсаттарын анықтауы үшін 8 секунд қажет;
Нәрестелер заттарды тек 38 сантиметр қашықтықта көре алады;
Бір нәрсе көзге түскенде, жылағанда немесе есінегенде көздің құрамы өзгереді;
Әр түрлі инфекциялар мен вирустар ағзаға мұрын және ауыз арқылы енгендей, көз арқылы да енуі мүмкін;
Құмырсқалар илеуін жылыту үшін алдымен күн сәулесіне шығып жылынады да қайта илеуіне кіреді. Осылай илеудегі температура сыртқы температурадан +10 градусқа жылы болады;
Әлемде күріштің 7000 түрі бар. Біз бірақ оның сатылатын 10 шақты түрін білеміз;
100 грамм бал жинау үшін аралар Жердегі экватор ұзындығынан көп, яғни 46 000 шақырым жүруі керек;
Кәдімгі бақа өмірі барысында 3 тонна шыбын мен масаны аулайды.
<a href="https://massaget.kz/layfstayl/sport/bul_kyzyk/65471/">Massaget.kz</a>

Әлемде талай қызық бар: Сіз білмейтін деректер

Kyzylorda-news.kz. Португалия астанасы Лиссабонда індеттің қайта күшеюінен демалыс күндерінде шектеулер қатаңдатылды, деп хабарлайды «Хабар 24».
Жаңа тәртіпке сай дүйсенбіге дейін шаһарға кіріп-шығу шектеледі. Өзге аймақтардан келгендер вакцина салдырғанын дәлелдейтін немесе ПТР-тест тапсырғаны жайлы қағаз көрсетуі қажет. Мейрамхана мен дәмханалар күндізгі сағат үш жарымға дейін жұмыс істесе, азық-түлік дүкендері кешкі 7-ге дейін ашық. Португалияда соңғы бір күнде вирусты 1500-ге жуық адам жұқтырып алған.
<blockquote>
 “Бұл дұрыс шешім деп ойлаймын. Шектеулер қалыпты өмірге тез оралуымызға көмектесе ме, оны уақыт көрсетеді. Қалай болғанда да, індеттің күшеюіне жол бермеу керек”,- дейді тұрғын Бенвинда Антунес.
</blockquote>

Демалыс күндері карантиндік шектеулер қатаңдатылды

Kyzylorda-news.kz. Қазақстанда өткен тәулікте 1165 адам коронавирус індетінен емделіп шықты, деп хабарлайды coronavirus2020.kz.
Өңірлер бойынша: Нұр-Сұлтан қаласы – 335
Алматы қаласы – 68
Шымкент қаласы – 33
Ақмола облысы – 34
Ақтөбе облысы – 21
Алматы облысы – 41
Атырау облысы – 30
Шығыс Қазақстан облысы – 83
Жамбыл облысы – 32
Батыс Қазақстан облысы – 130
Қарағанды облысы – 148
Қостанай облысы – 25
Қызылорда облысы – 22
Маңғыстау облысы – 48
Павлодар облысы – 61
Солтүстік Қазақстан облысы – 48
Түркістан облысы – 6.

Қызылордада 22 адам коронавирустан жазылды

Kyzylorda-news.kz. Өткен тәулікте Қазақстанда ПТР-тестінің оң нәтижесі бар коронавирустың 1730 жағдайы тіркелді, деп хабарлайды coronavirus2020.kz.
Өңірлер бойынша:
Нұр-Сұлтан қаласында – 628,
Алматы қаласында – 217,
Шымкент қаласында – 73,
Ақмола облысында – 32,
Ақтөбе облысында – 31,
Алматы облысында – 41,
Атырау облысында – 89,
Шығыс Қазақстан облысында – 82,
Жамбыл облысында – 34,
Батыс Қазақстан облысында – 98,
Қарағанды облысында – 219,
Қостанай облысында – 36,
Қызылорда облысында – 28,
Маңғыстау облысында – 39,
Павлодар облысында – 35,
Солтүстік Қазақстан облысында – 21,
Түркістан облысында – 27.
Пандемия басталғалы елімізде коронавирус 416 442 адамнан анықталды.

Қызылордада коронавирус жұқтырғандар бар

Kyzylorda-news.kz. Еліміздің солтүстігінде, орталығында және шығысында атмосфералық ағындарың өтуімен жаңбыр, найзағай, бұршақ жауады, деп хабарлайды Қазгидромет.
Елдің батысы мен оңтүстігінде күн жауын-шашынсыз болады. Кей жерлерде жел күшейіп, солтүстік және солтүстік-шығыста түнде және таңертең кей жерлерде тұман болады.
Жамбыл, Ақтөбе, Қарағанды облыстарының кей жерлерінде жел 15-20 м/с жылдамдықпен соғады.
Қостанай, Шығыс Қазақстан облыстарының кей жерлерінде бұршақ жаууы ықтимал, күндіз жел 15-20 м/с жылдамдықпен соғады.
Павлодар, Солтүстік Қазақстан облыстарының кей жерлерінде түнде және таңертең тұман болады, күндіз Павлодар облысының кей жерлерінде жел 15-20 м/с жылдамдықпен еседі.
Күндіз Батыс Қазақстан, Атырау облыстарында аптап ыстық болады. Маңғыстау, Ақтөбе облыстарында да күн қатты ысиды.
Қызылорда, Маңғыстау, Атырау, Ақтөбе облыстарының басым бөлігінде, Түркістан, Жамбыл, Қарағанды, Батыс Қазақстан, Қостанай облыстарының кей жерлерінде өрт қаупі күтіледі.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін ҚР Президентінің көмекшісі Қанат Бозымбаевтың Сыр еліне жұмыс сапары Арал ауданында жалғасты. Делегация алдымен тікұшақ арқылы әуеден Көкарал бөгетін барлап, Қамыстыбас және Ақшатау көлдер жүйесінің жағдайын бақылады.
Мұнан кейін Қанат Бозымбаев Қамыстыбас елді мекенінде арнайы су шаруашылығына арналған жиын өткізді. Отырыста ҚР Экология, геология және табиғи ресурстар вице-министрі Серік Қожаниязов, су шаруашылығына қатысты мемлекеттік мекемелердің басшылары, Арал және Қазалы аудандарының әкімдері және бірқатар облыс ардагерлері қатысты.
Жиында облыс әкімі Гүлшара Әбдіқалықова Сырдарияның төменгі ағысындағы күрделі су тапшылығы мәселесін шешудің жолдарын қозғап, вегетациялық кезеңде су көлемінің төмендеуі салдарынан егіс көлемін қысқартуда негізгі басым бағыттарға тоқталды.
<blockquote>
 «Сырдария өзенінің ағысын реттейтін Нарын-Сырдария су қоймаларындағы су көлемі өткен жылдан 2 млрд.текше метрге кем болып отыр. Бүгінгі күні, Шардара су қоймасына түсіп жатқан судың көлемі егіншілерімізді алаңдатып отыр. Биыл облыс бойынша ауыл шаруашылығы дақылдары 187,6 мың гектарға орналастырылып, оның ішінде күріш егісінің көлемі өткен жылдан 6,5 мың гектарға қысқартылып, 82,9 мың гектарға егілді. Дегенмен, егісті сумен қамтамасыз ету мәселесі күрделі болып отыр. Сонымен бірге, облыс аумағындағы 207 көлдің толуы 52 пайыз құраса, 17 көлде мүлдем су жоқ. Соның ішінде Қамыстыбас және Ақшатау көлдер жүйелерінде күрделі су шаруашылығы жағдайы қалыптасты»,-деді Гүлшара Әбдіқалықова.
</blockquote>
Өңірде су тапшылығы жағдайының алдын алу үшін Экология, геология және табиғи ресурстар министрлігі мен Қызылорда облысы әкімдігінің бірлескен іс-шаралар жоспарын бекітілген. Сонымен бірге, каналдар арқылы су алу режимдерінің кестеге сай орындалуына мониторинг жүргізетін жұмысшы тобы құрылған.
Жиында ҚР Экология, геология және табиғи ресурстар вице-министрі Серік Қожаниязов «Тоқтағұл» су қоймасына жиналған су көлемінің жылдағыдан азаюына байланысты су тапшылығын реттеу үшін Үкімет деңгейінде алдағы уақытта атқарылатын жұмыстарды тізбеледі. Ал, облыстық ауылшаруашылығы басқармасының басшысы Талғат Дүйсебаев вегетациялық кезеңде егістікті сумен қамтамасыз ету мәселесіне қатысты басты басымдықтарды жеткізсе, облыстық табиғи ресурстар және табиғат пайдалануды реттеу басқармасының басшысы Бауыржан Шәменов өңірдегі су шаруашылығының жай-күйіне тоқталды. Сондай-ақ, сала ардагерлері Құдайберген Саржанов, Қожахмет Баймаханов, Айтбай Көшербаев ортақ мәселе аясында пікірлерін білдіріп, ұсыныстарын айтты.
Су тапшылығы салдарынан туындаған мәселелерді жан-жақты саралаған Қанат Бозымбаев Президент тапсырмасына сәйкес өңірдегі су деңгейінің мәселелерін шешу жолдарын айқындап, ұтымды ұсыныстардың қаралатынын жеткізді.
Жұмыс сапары соңында ол Қызылорда және Әйтек су торабына барып, қайта жаңғырту жұмыстарымен танысып, нақты ахуалды көрді. Мамандармен кездесіп, жағдайды таразылады.
Айта кетейік, Қызылорда су торабы 1956 жылы пайдалануға берілсе, Әйтек су торабы 2004 жылы «Сырдария өзенінің арнасын реттеу және Арал теңізінің солтүстік бөлігін сақтап қалу» жобасы аясында салынған.
<img src="https://kyzylorda-news.kz/wp-content/uploads/2021/06/204791979_3478037532299291_4860840452433855102_n.jpg" alt="" />
<img src="https://kyzylorda-news.kz/wp-content/uploads/2021/06/204111382_3478035772299467_4466601357012133287_n.jpg" alt="" />

Қазақстан және Қызылорда облысының жаңалықтары