<a href="https://kyzylorda-news.kz/">Kyzylorda-news.kz.</a>&nbsp;ҚР Тәуелсіздігінің 30 жылдық мерекесіне орай 800 балаға арналған «Naman ata» спорт кешені ашылды. Мұнда қазақ күресі, дзюдо, самбо, таекводо, бокс, грек-рим күресі, каратэ секілді 8 спорт түрі бар. Барлық үйірмелер тегін. Жаңа спорт кешенінде кәсіби дәрежедегі 14 жаттықтырушы қызмет атқарады. Спорт кешенінің жұмысын және алдағы жоспарын Өңірлік коммуникациялар қызметінде өткен баспасөз конференциясында меценат Мұрат Сәрсенбаев БАҚ өкілдеріне айтып берді.
<blockquote>
 «Күні кеше қаламызда «Naman ata» спорт кешенінің ашылу салтанатына сенат төрағасы Мәулен Әшімбаев пен облыс әкімі Гүлшара Әбдіқалықова қатысты. Спорт кешенінің ашудағы басты мақсатымыз – Сыр елінің жастарын салауатты өмір салтына шақырып, өңірімізде спорт саласын дамытуға атсалысу. Айта кетейін, барлық спорт түрлеріне бес жастан бастап тегін жазылуға болады»,- деді Мұрат Абайұлы.
 «Мен таекводаға 12 жыл қатарынан қатысып келемін. Қазіргі таңда 100-ге жуық балаға өзім білетін тактикаларым бойынша таеквододан жаттықтырудамын. Балаларды жетістікке жеткізу үшін ынта мен еңбек керек. Үзбей жаттығып тұрса міндетті түрде жетістікке жетеді. Мен үшін жаттықтырушы болудың өзі үлкен жауапкершілік», – деді Нұрай Маратқызы.
</blockquote>

«NAMAN ATA» спорт кешеніндегі барлық дәрістер тегін жүргізіледі

<a href="https://kyzylorda-news.kz/">Kyzylorda-news.kz.</a>&nbsp; Шыны өңдеу зауыты – жаңа технологияларды пайдаланып, бәсекеге қабілетті өнім шығаратын, еліміздің және өңір экономикасын дамуына тың серпін беретін ауқымды жоба. Зауыт толық қуаттылығына шыққанда 226 жаңа жұмыс орны ашылады. Ал қосалқы өндірістерде 300-ге жуық адам қызмет етеді. Жергілікті мамандарға басымдық беріліп, кәсіби түрде шыңдалмақ. Бұл туралы Өңірлік коммуникациялар қызметінде өткен брифингте облыстық индустриялық-инновациялық даму басқармасының басшысы Ринат Сұлтангереев мәлімдеді.
<blockquote>
 «Ел Тәуелсіздігінің 30 жылдығына орай облыс тұрғындары табақша шыны зауытының күйдіру пешін іске қосу рәсіміне куә болды. Жоба аясында өңірге 42 млрд. теңгеден аса инвестиция тартылған болатын. Жылына 197 мың тоннадан аса өнім шығаратын кәсіпорын – ел нарығын шынымен қамтамасыз етіп, шет мемлекеттерге экспортталады. Шыны зауытының іске қосылуымен шикізаттық емес секторды дамытып, ілеспе өндірістерді құруды көздеп отырмыз. Бүгінде инвесторлармен бірлесіп екі жобаны бастадық. Бұл – композиттік материалдар мен айна өндірісі. Атап өту қажет, тек 2020 жылдың қорытындысымен елге құны шамамен 65 млн. АҚШ долларын құрайтын тұрмысқа қажетті шыныларды Қытай, Германия, Өзбекстан және Түркиядан импортталған. Біз зауыт өндірісінің іске қосылуымен капиталдың басқа елдерге жіберілуін тоқтатамыз және елді өзіміз әйнекпен қамтамасыз ететін боламыз», – деді басқарма басшысы Ринат Қалдыбекұлы.
</blockquote>
«Orda Glass Ltd» серіктестігі мен қытайлық « China Triumph» компаниялары бірлесіп жүзеге асырылған шыны зауыты – индустрияландыру бағдарламасының негізгі жобасы болып табылады. Шыны өндіру барысында 90 пайыз жергілікті шикізат өнімі қолданылмақ.
<blockquote>
 «Зауытта әлемнің жетекші елдері – АҚШ, Италия, Бельгия, Финляндия, Қытайда шығарылған замауи үлгідегі технологиялар қолданылады. Негізі зауыттан шығарылған өнімнің 70 пайызы ішкі нарықта пайдаланады. Ал 30 пайызы шет елге жөнелтіледі. Қазірдің өзінде Өзбекстан, Ресей, Түрікменстан, Тәжікстан, Ауғанстан, Индиядан тапсырыстар түсуде. Тағы бір ерекшелігі үлкен көлемді және ауыр салмақты шыны табақшаларын кесуге және тасымалдауға роботтар қолданылмақ. 3 ай ішінде балқыту пеші 1600 градус температураға дейін қызып, тұрақты әрі үздіксіз газбен жабдықтауды талап етеді. Қазіргі кезде импортталып келген 1 тонна шыны 300-350 долларды құраса, біздің зауыттан шығатын өнімнің бағасы 200-250 доллардың көлемінде болады», – деді «Orda Glass Ltd» ЖШС басқарма төрағасы Ержан Сағынбаев.
</blockquote>

Шыныға шетелден тапсырыстар түсуде

<a href="https://kyzylorda-news.kz/">Kyzylorda-news.kz.</a>&nbsp;«Көк» статусы бар адамдарға қатысты жаңа шектеулерді алып тастау үшін ұжымдық иммунитет болуы қажет.
Атыраудағы ойын-сауық сауда орталықтарына жұмыс күндері де тек «жасыл» статусы бар адамдар ғана кіре алады. Бұл туралы облыстық санитарлық-эпидемиологиялық бақылау депаратменті басшысының орынбасары Әлия Бекешева мәлімдеді, деп хабарлайды жергілікті&nbsp;<a href="https://atpress.kz/17822-vkhod-zapreschen-kto-ne-popadet-v-trts-s-10-dekabrya-v-atyrau">ATPress.kz</a>&nbsp;сайты.
<blockquote>
 «10 желтоқсаннан бастап ойын-сауық сауда орталықтарына жұмыс және демалыс күндері қызметкерлер мен келушілерде қауіпсіз «жасыл» статус болған жағдайда, яғни вакцина алған адамдарға ғана кіруге болады», – деді Бекешева өңірлік коммуникациялар қызметінде өткен брифингте.
</blockquote>
Оның айтуынша, ПТР-сынамысының теріс нәтижесі бар адамдар да кіргізіледі. Бірақ анықтаманың мерзімі жеті күннен аспауы шарт. Сонымен қатар тұрақты медициналық көрсетілімі бар және соңғы үш айда коронавируспен ауырып шыққандар да ойын-сауық сауда орталықтарына кіре алады.
Айта кетері, мұндай талап Нұр-Сұлтан да қаласында енгізілген. 15 қарашадан бастап ойын-сауық орталықтарына тек «жасыл» статусы барларды ғана кіргізеді.
Денсаулық сақтау министрі Алексей Цойдың сөзіне қарағанда, «көк» статусы бар адамдарға қатысты жаңа шектеулерді алып тастау үшін ұжымдық иммунитет болуы қажет.
<blockquote>
 «Дүниежүзілік денсаулық сақтау ұйымы мәліметінше, осы жылдың соңына дейін бүкіл халықтың 40%-і, ал келесі жылдың ортасына дейін 70%-і коронавирусқа қарсы вакцина алуы керек. Егер осы процентке қол жеткізсек, жалпы әлемде коронавирус маусымдық инфекцияға айналады», – дейді Цой.
</blockquote>

«Көк» мәртебесі барларға шектеу енгізілді

<a href="https://kyzylorda-news.kz/">Kyzylorda-news.kz.</a> Қазақстан Ұлттық банкі кредит рақымшылығы жарияланғаны туралы ақпаратты жоққа шығарды. Бұл туралы банктің баспасөз қызметі хабарлады.
<blockquote>
 «Кредиттік амнистия жасалады деген сарында әлеуметтік желілер мен мессенджерлерде тарап жатқан ақпарат шындыққа жанаспайды. Қазақстан Ұлттық банкі азаматтар мен БАҚ өкілдерін тек ресми ақпарат көздеріне сүйенуге шақырады»&nbsp;делінген хабарламада.
</blockquote>
Кеңес алу үшін 1477 қысқа нөмірі арқылы Қазақстан Ұлттық банкінің байланыс орталығына хабарласуға болады.
Айта кетейік, кешеден бері әлеуметтік желілерде және мессенжерлерде «Қазақстанда халықтың несиесі кешіріледі» деген сарында ақпарат тарады.

Ұлттық банк несиені кешіре ме?

<a href="https://kyzylorda-news.kz/">Kyzylorda-news.kz.</a> Мемлекет басшысы «Жаңа жағдайдағы Қазақстан: іс-қимыл кезеңі» атты Жолдауында «Қоршаған ортаны қорғау және экологиялық даму – еліміз үшін алдыңғы кезекте тұрған мәселе» екенін атап айтты. Ел Президентінің қазақ еліне ұсынған «жасыл экономикасы» да әрбір қазақстандықтың туған жерін түрленту үшін шаншыған бір тал шыбығына байланысты. Осы орайда ауыз толтырып айтарлық ісіміз де бар. «Семізбай-U» ЖШС Иіркөл кеніші Шиелі ауданынан 30 шақырым жерде орналасқан. Кеніштегі жұмысшылар тек өнімді өндіріп қана қоймай, өндіріс маңын жасыл желекке айналдырып келеді. Мәселен биылғы жылы 2500 түп ағаш отырғызылды.
<img src="https://kyzylorda-news.kz/wp-content/uploads/2021/12/irkol-njus-1.jpeg" alt="" />
«Бір жылдығын ойлаған халық бидай егеді, жүз жылдығын ойлаған халық ағаш егеді» дейді дана халқымыз. Расында туған жердің көркейіп, көгалдануына, экологияның жақсаруына септігін тигізетін жасыл желекті ел болуға атсалысуымыз қажет-ақ.
Осындай игілікті істі адамдық борышына санаған Иіркөл кенішінің жұмысшылары жыл сайын ағаш отырғызып, жұмыс маңайы үлкен бау-баққа айналды. Оның дәлелі әр жұмысшының атымен аталатын «Бас механик бауы», «Бас энергетик бауы», «Мұқанбетжан бауы», «Дастан бауы», «Дархан бауы», «Геотехнологиялық бөлім бауы», «Әкімшілік шаруашылық қызметінің бауы» сынды т.б жайқалған бақтарды айтуға болады.&nbsp;&nbsp;&nbsp;&nbsp;&nbsp;
<img src="https://kyzylorda-news.kz/wp-content/uploads/2021/12/irkol-njus-2.jpg" alt="" />
<blockquote>
 «Бүгінгі таңда Шиелі ауданның экологиясымен қатар экономикасын арттыруға да барынша күш-жігерімізді салып, үздіксіз жұмыс істеп келеміз. Ауыры мен жеңілі қатар жүретін жұмыстың жемісін көріп, жұмысшылар да үлкен жетістіктерге жетіп келеді. Иіркөл кенішінде күн көзінен қуат алатын 100 кВт «геоколлектор» іске қосылды. Бұл құрылғы тек тоқ көзін үнемдеумен шектелмейді. Сонымен қатар, жанар жағар майдың қолданыс мөлшерін азайтуға септігін тигізеді. Ең бастысы жоғарыда атап өткендей қоршаған ортаны, ауаны ластайтын зиянды заттарды азайтады. Бұл күндері қазақ елі алпауыт 30 елдің қатарына қосылу жолында алға үлкен жоспарлар қоюда. Жаһандануға бет алған мемлекетте ірі-ірі кәсіпорындар іске қосылуда. Ал&nbsp; «геоколлектор» құрылғысы ауаға тарайтын ластағыш заттарды азайтуға сеп болмақ. Иіркөл кенішіндегі әрбір жұмысшы қатаң тәртіп пен тазалыққа мұқият қарайды. Сондай-ақ жыл сайын дәстүрлі түрде «Дүниежүзілік қоршаған ортаны қорғау» күні қарсаңында түрлі сайыстар ұйымдастырып, жеңімпаздарды бағалы сыйлықтармен марапаттауды бір жолға қойғанбыз», – деді мекеменің&nbsp;инженер-экологы Сәкен Ордабекұлы.
</blockquote>
Мақсұт Ибрашев

Жасыл желекке айналған &#8211; Иіркөл

<a href="https://kyzylorda-news.kz/">Kyzylorda-news.kz.</a> 1 қаңтардан бастап Қазақстанда айлық есептік көрсеткіш (АЕК) мөлшері 3 063 теңгеге дейін өседі.&nbsp;
<img src="https://kyzylorda-news.kz/wp-content/uploads/2021/12/18852202.png" alt="" />
Қазақстан Республикасының заңнамасына сәйкес айлық есептiк көрсеткiш жәрдемақы және басқа да әлеуметтiк төлем, сондай-ақ айыппұл, салық және өзге де төлемдердi есептеу үшiн қолданылады.
<ul>
<li>Паспорт алу үшін төленетін мемлекеттік баж салығы – 8 АЕК немесе 24 504.</li>
<li>Жеке куәлік – 0,2 АЕК немесе 613 теңге.</li>
<li>Жүргізуші куәлігін алу үшін төленетін мемлекеттік баж салығы&nbsp;– 1,25 АЕК немесе 3 828 теңге.</li>
<li>Ттуу туралы куәлік алу ақша төлеудің қажеті жоқ. Себебі бұл куәлік тегін беріледі. Алайда акт жазбасына өзгерту, толықтыру, түзету енгізу немесе оны қалпына келтіру үшін 0,5 АЕК, яғни 1 532 теңге төлеу қажет.</li>
<li>Неке тіркеу үшін жас жұбайлар 1 АЕК немесе 3 063 теңге төлейді. Ал неке қию туралы куәлікті екінші рет алу үшін 0,5 АЕК, яғни 1 532 теңге қарастырылған.</li>
<li>Ажырасуға арыз беру кезінде төленетін мемлекеттік баж салығының мөлшері – 2 АЕК немесе 6 126 теңге.</li>
</ul>
Ең төменгі күнкөріс деңгейі қандай
<ul>
<li>Ең төменгі жалақы мөлшері – 60 000 теңге.</li>
<li>Ең төменгі мемлекеттік базалық зейнетақы мөлшері – 19 450 теңге.</li>
<li>Ең төменгі зейнетақы мөлшері – 46 302 теңге.</li>
</ul>
Базалық әлеуметтік төлемдерді есептеу үшін қажет ең төменгі күнкөріс деңгейі 2022 жылы 36 018 теңге мөлшерінде болады.
<a href="https://sputnik.kz/infographics/20211209/18853285/2022-zhyly-zhurgizushi-kualik.html">SputnikҚазақстан</a>

2022 жылы жеке және жүргізуші куәлігін алу қанша тұрады

<a href="https://kyzylorda-news.kz/">Kyzylorda-news.kz.</a> Жылдағы үрдіспен Қызылорда қаласы полиция басқармасының ғимаратында басқарма бастығы, полиция полковнигі Әбдібек Жаназаров бастаған қызметкерлер қызылордалықтардың өмірі мен денсаулығын құтқаруға өз үлесін қосқан ерікті донор болды. Бұл құқық қорғау органдары қызметкерлерінің қатысуымен ұйымдастырылған бірінші қайырымдылық акциясы емес.
Полицияда көптеген тұрақты донорлар бар, олар мұқтаж науқастарға үнемі қан тапсыру міндеті деп санайды. Игі істі бастамас бұрын барлық донорлар медициналық тексеруден өтеді. Қарсы көрсетілімдер болмаған жағдайда ғана қан тапсыруға болады. Әр донордан 450 мл қан алады. Процедураның өзі дайындықпен бірге 20 минуттан аспайды.
5 жыл бойы қан тапсыратын тұрақты донорлардың бірі жергілікті полиция бөлімінің &nbsp;инспектор психологы, полиция капитаны Ахбенбетова Гульвира болып табылады.
<blockquote>
 «Бір донор-бір өмір» деп бекер айтылмаған және біздің іс-әрекеттеріміз біреудің анасы мен әкесінің, баласы мен ағасының өмірін сақтап қалуға көмектеседі деп үміттенеміз. Біз азаматтарды қан тапсыруға және адамдарға көмектесуге шақырамыз!», – деді полиция капитаны.
 «Полиция жұмысы күн сайын қауіп-қатермен байланысты, сондықтан да құқық қорғау органдарының қызметкерлері дертке тап болған адамдарға уақытында көмек көрсетудің қаншалықты маңызды екенін басқалардан жақсы біледі. Өз елінің адал азаматтары ретінде, полиция қызметкерлері ауруханалық төсекте қайғыға душар болған адамдарға тек қана денсаулық тілейді. Полиция қызметкерлері арасында ерікті донорлар саны жыл сайын артып келеді», деді Полиция басқармасының бастығы Әбдібек Жаназаров.
</blockquote>
<img src="https://kyzylorda-news.kz/wp-content/uploads/2021/12/image-09-12-21-12-47-1.jpeg" alt="" />
<img src="https://kyzylorda-news.kz/wp-content/uploads/2021/12/image-09-12-21-12-47-2.jpeg" alt="" />

Әбдібек Жаназаров: Ерікті донорлар саны жыл сайын артып келеді

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласындағы Мырзабек Дүйсенов атындағы №15 мектеп-лицейінде Тәуелсіздігіміздің 30 жылдығына орай «Рухани құндылық» шығармашылық орталығы ашылды. Орталықтың ашылу салтанатына облыстық білім басқармасының басшысы Ақзира Қасымова, қалалық білім бөлімінің басшысы Динара Баймурзаева қатысып, лентасын қиды.
Ұлттық тұрғыда халқымыздың әдет – ғұрпын сақтайтын, салт – дәстүрін қадірлейтін, ұлтжанды, отансүйгіштік білім алушыларды шығармашылықа баулитын орталықта «Оқуға құштар мектеп» жобасы, «Балалар және театр» жобасы, «Ұшқыр ой алаңы» дебат қозғалысы, «Қош келдіңіздер» кіші медиа студиясы жұмыс жасайтын болады.
Шара барысында «Құндылық. Инновация. Білім» тақырыбында облыстық іс-тәжірибе алаңы өткізілді. Іс-тәжірибе алаңында мектеп жылыжайындағы «Green land» ғылыми-эксперименттік алаңының ашылуы өткізіліп, «Gmart garden» жылыжайды автоматтандыру тәжірибелік-эксперимент жобасы көрсетілді. Сонымен қатар, ізденіс және зерттеу ғылыми шығармашылық жобалар көрмесі ұйымдастырылып, информатика пәнінен олимпиадалық есептерді С/С++ бағдарламалау тілінде шешу тақырыбында жұмыстар көрсетілді.
Жиында Ақзира Бақтыбайқызы іс-тәжірибе алаңында көрсеткен олимпиадалық есептерді бағдарламалауды барлық білім беру ұйымдарына магнитті түрде тарату қажеттігін атап өтті.
Іс-тәжірибе алаңының соңында оқушы үні жобасы аясында оқушылар «Армандар орындалады» тақырыбымен тілек-армандарымен бөлісті. Сонымен қоса, балалар және театр мектебі аясында сахналық қойылым көрсетіліп, «Қош келдің!» медиа жобасы негізінде кері байланыс жүргізілді.
<img src="https://kyzylorda-news.kz/wp-content/uploads/2021/12/264801499_1254053835097819_4795894034502686615_n.jpg" alt="" />
<img src="https://kyzylorda-news.kz/wp-content/uploads/2021/12/265874020_1254053488431187_4957594999079092407_n.jpg" alt="" />

«Рухани құндылық» шығармашылық орталығы ашылды

<a href="https://kyzylorda-news.kz/">Kyzylorda-news.kz.</a> 11 желтоқсанда Қызылорда қаласында «Достық» үйінде «Сыр журналистикасының тарихы» 5 томдығының тұсаукесері өтеді. Іс-шараға Қызылорда облысы әкімінің орынбасары Серік Ахмет, облыстық мәслихат хатшысы Наурызбай Байқадамов, Қазақстан Журналистер одағының төрағасы Сейітқазы Матаев, ҚР Парламент Сенатының депутаты Нұртөре Жүсіп, «Бас редакторлар клубы» ҚБ президенті Бибігүл Жексенбай, Л.Гумилев атындағы ЕҰУ түркітану кафедрасының профессоры, ҚР Ұлттық Ғылым академиясының корреспондент мүшесі, филология ғылымдарының докторы Амантай Шәріп және Түркістан, Ақтөбе облыстарындағы БАҚ басшылары, қызылордалық қаламгерлер, зиялы қауым өкілдері қатысады.
«Сыр журналистикасының тарихы» 5 томдығы ел Тәуелсіздігінің 30 жылдығы қарсаңында жарық көріп отыр. Бұл еңбектің ерекшелігі сол, Сыр өңіріндегі бұқаралық ақпарат құралдарының өткені мен бүгінін қызылордалық журналистердің өздері саралап, зерттеп жазып шықты. Шығармашылық топ бұған екі жыл уақыт арнады. Кітап жазу барысында Сыр журналистикасының тарихына қатысты бұрын-соңды қалам тербеген аға-әріптестердің, ғалымдардың еңбегі пайдаланылды. Мұнымен қоса Мәскеу, Алматы қалаларындағы, Қызылорда облысындағы архивтерден, кітапханалардан нақты мәліметтер, тың деректер алынды.
Бестомдық кітап қазақ журналистикасы әрі өлкетану үшін үлкен қазына болғалы тұр. Себебі, ҚР Тұңғыш Президенті – Елбасы Н.Ә.Назарбаев Алаштың анасы деп баға берген Сыр бойы шежіресінің бір парағы – бұқаралық ақпарат құралдарының бай тарихы алғаш рет жүйеленіп, жазылды. Ауқымды жоба көмескі тартқан тарихты қайта түгендеу, қалам ұстаған кешегі әрі бүгінгі буынның азды-көпті еңбегін дәріптеу, талдап-таразылау, ғылыми айналымға қосу, жас журналистерге кәсіби бағдар беру секілді мақсаттарды көздеді. Сондықтан, бұл еңбек оқырмандардың, әсіресе, журналистердің, ғалымдардың назарын аударып, қызығушылығын оятады деген сенім мол.
Айта кетейік, Сыр бойында жарық көрген бұқаралық ақпарат құралдарының тарихын зерттеп-зерделеген жинақтың І томы Қызылорда облысының әкімі Гүлшара Әбдіқалықованың алғысөзінен бастау алған. Сонымен бірге «Сыр медиа» ЖШС бас директоры, филология ғылымдарының кандидаты Аманжол Оңғарбаевтың, филология ғылымдарының докторы Құлбек Ергөбектің, Қорқыт ата атындағы Қызылорда университетінің доценті, тарих ғылымдарының кандидаты Сағат Тайманның жалпы қазақ баспасөзіне жасаған талдау ойлары, Сыр журналистикасына айтылған пайым-пікірлері берілген. Жалпы I томда ғасырға жуық тарихы бар облыстық «Сыр бойы», «Кызылординские вести» газеттері және «Ақмешіт жастары» басылымы қамтылған. Сондай-ақ «Сыр медиа» ЖШС-ның құрылу кезеңі жайлы айтылады.
Кітаптың ІІ томында облыс аумағына кіретін қалалық газет және аудандардың мемлекеттік басылымы қамтылған. Бұл үнжариялардың тарихи кезеңі, онда жарық көрген тақырыптардың ауқымы, жалпы қоғам дамуындағы газеттің рөлі жайында қызықты мағлұматтар бар.
Кітаптың ІІІ томы қазіргі күні заманауи цифрлық мүмкіндіктер арқылы Сыр бойынан республика аумағына тарайтын «Қазақстан» РТРК Қызылорда облыстық филиалының және Қызылорда қоғамдық телекомпаниясының тарихына арналады. Сондай-ақ бүгінде жабылып қалған Қызылорда облыстық радиосының 80 жылға жуық тарихы да оқырманын бей-жай қалдырмайды. Аз уақыт болса да Қазалыдан хабар таратқан «Серік ТВ» және қызылордалық жастардың құлағында үні қалған СЕТА радиосы жайлы да азды-көпті мәлімет бар. Жаңа медианың жолашары болған «Qyzylorda news» ақпараттық агенттігі және оның азаматтық медианы дамытудағы рөлі жайында айтылады. Бұл томда облыстағы баспа ісі жайлы да жазылған.
Жинақтың ІV томында берілген Сыр бойында жарық көрген бұқаралық ақпарат құралдарының үлкен бір легі жекеменшік басылымдар тарихы жаңа дәуірдегі жаңа Қазақстанның тынысындай әсер қалдырады. Сондай-ақ тәуелсіздіктің алғашқы жылдары ашылып, кейін қаржы тапшылығынан жабылып қалған қанатқақты ірілі-ұсақты газеттер, мұнымен қоса жоғары және орта оқу орындарының, басқармалардың ведомстволық басылымдары қамтылды.
Бесінші кітап «БАҚ саласындағы Сыр мақтаныштары» және «Практикалық журналистика» деген екі бөлімнен тұрады. «БАҚ саласындағы Сыр мақтаныштары» жай ғана анықтамалық емес, сырбойылық қалам ұстаған қауымның шеберлік бастау-бұлағы деп ұсынылып отыр. «Практикалық журналистика» бөлімінде сырбойылық журналистердің тәжірибесі, жас журналистер үшін шеберлік дәрістері жинақталған.
Жиында жаңа кітаптың құндылығы, маңыздылығы туралы ой-пікірлер айтылып, бестомдықтың тұсауы кесіледі.

Қызылордада «Сыр журналистикасының тарихы» 5 томдығының тұсаукесері өтеді

&nbsp;<a href="https://kyzylorda-news.kz/">Kyzylorda-news.kz.</a> «Құқық тәртібі» жедел-профилактикалық іс шарасы барысында 36 жастағы Жалағаш ауданы тұрғынының сарайында ІІО тіркеуде жоқ, 12-калибрлі, 1 ұңғылы, нөмірсіз «ИЖ» аңшы мылтығынзаңсыз сақтағаны анықталды.
Осы тектес дерек Жаңақорған ауданында орын алды. Жаңақорған аудандық полиция бөлімінің қызметкері 35 жастағы аудан тұрғынының үйін тексеру кезінде ІІО-да тіркеуде жоқ, қос ұңғылы, 20 калибрлі, аңшы мылтығын заңсыз сақтағанын анықтаған.
<blockquote>
 «Анықталған деректер бойынша Қазақстан Республикасы Әкімшілік құқық бұзушылық кодексінің 482–бабының 1-бөлігімен әкімшілік хаттамалар рәсімделіп, сотқа жолданады», – делінген полиция департаментінің таратқан хабарламасында.
</blockquote>

Қызылордада заңсыз қару сақтаған облыс тұрғындары анықталды

<a href="https://kyzylorda-news.kz/">Kyzylorda-news.kz.</a>&nbsp;Сенатор Нұрлан Қылышбаев Премьер-Министр Асқар Маминнің атына жолдаған депутаттық сауалында азаматтардың зейнетақы жинақтарын пайдалануына қатысты мәселені көтерді, деп хабарлайды <a href="https://www.inform.kz/kz">ҚазАқпарат</a>.
Н. Қылышбаев Мемлекет басшысы зейнетақы есеп-шотынан артық жинағын алуына мүмкіндік берілетін азаматтар санатын біртіндеп ұлғайтуды тапсырғанын еске салды. Сенатор қазіргі таңда шектік сомаларды қайта есептеу тақырыбы қоғамда талқыланып жатқанын айта келіп, ол өз жинағын пайдалана алатын адамдар санын азаятынын атап өтті.
<blockquote>
 «Енді өз жинақтарының бір бөлігін пайдалана алатын БЖЗҚ салымшыларының саны күрт қысқаруы мүмкін. Егер 2021 жылы олардың саны 700 мыңнан астам Қазақстан Республикасының азаматы болса, 2022 жылғы шекті қайта есептеуге байланысты бұл сан түбегейлі өзгереді. Жеткілікті шектегі жасы келген қатысушылар үшін 63%-дан ең жас қатысушылар үшін 82%-ға дейін өседі деп күтілуде. Қалыптасқан жағдай осы бағдарламаға деген сенімге нұқсан келтіреді», – деді депутат Нұрлан Қылышбаев Сенаттың жалпы отырысында.
</blockquote>
Сенатор осыған байланысты жылдық инфляция деңгейінен аспайтын шекті ұлғайту мүмкіндігін қарастыра отырып, Министрлер кабинетінің басшысынан ең төменгі жеткіліктілік шегін есептеу әдістемесіне өзгерістер енгізу мәселесін қарастыруды сұрады.

Нұрлан Қылышбаев: Зейнетақы жинақтарын алудағы жағдай бағдарламаға деген сенімді төмендетеді

<a href="https://kyzylorda-news.kz/">Kyzylorda-news.kz.</a> Бүгінде «Азаматтарға арналған үкімет» Мемлекеттік корпорациясы» КЕАҚ Қызылорда облысы бойынша филиалы Әлеуметтік қамсыздандыру, халыққа қызмет көрсету орталығы, жылжымайтын мүлікке құқықтарды тіркеу, жер кадастры бағытында төрт департаментті біріктіре отырып, қызмет атқарып келеді. Әлеуметтік сала бағыты бойынша мемлекеттік бюджеттен артық төленген сомаларды қайтарумен тікелей айналысатын басқарма да бар мұнда. Мемлекеттік бюджет есебінен төлемдердің игерілуіне, сот шешімдері, сондай-ақ жергілікті өкілді органдармен, мемлекеттік және мемлекеттік емес мекемелердің тарапынан берілген мәліметтеріне сәйкес заңсыз төлемдердің уақытылы қайтарылып отыруын есепке алумен айналасыда.
Негізінен аталған басқарма негізгі үш қызметкер қызмет атқарады. Ақпарат пен есептіліктің көптігіне қарамастан, әрдайым есептілікті дәл уақытында тапсыра отырып, анықталған заң бұзушылықтардың салдарынан орын алған артық төлемдерді филиал заңгерлерімен, қалалық және аудандық бөлімдермен бірлесе отырып мемлекеттік бюджетке уақытылы қайтарылуына қадағалап жасап келеді.
Мәселен бір зейнеткер қайтыс болды делік. Алайда, оның қаза болуы тиісті органдарға уақытында хабарланбайды. Салдарынан бюджет есебінен оның шотына зейнетақысы төлене береді. Аталған басқарма кейін бұл артық төлемді мемлекетке қайтарады.
Сонымен қатар кейбір Қазақстан Республикасынан өзге елге қоныс аударғандарға да әлеуметтік төлемдердің төленіп кетуі жағдайлары орын алған. Жыл басынан бері «Әлеуметтік төлемдерді есепке алу» басқармасы негізсіз аударылған 105 млн теңге болатын әлеуметтік төлемді ел қазынасына қайтарған.
Басқарма алимент, заң және тәртіп бұзушылықтар орын алуы себебімен мемлекеттік органдармен салынған айыппұлдар, сот шығындары, сот орындаушылар қызметақылары, мемлекеттік және микро-қаржылық мекемелердің қарыздарын өндіріп алу мақсатында сот орындаушылардың атқару парақтары негізінде азаматтардың зейнетақы және жәрдемақы төлемдерінен ұсталымын да жүзеге асырады. Зейнетақы мен жәрдемақы алушылардың қайтыс болуына байланысты олардың отбасылары мен жақындарына жерлеуге берілетін әлеуметтік төлемдерге тапсырыстар беріліп, нәтижесі бойынша есептер жасалады.
Сондай-ақ, басқарма азаматтардың төлемдерін Республикалық бюджет, әлеуметтік сақтандыру және бірыңғай жинақтаушы зейнетақы қорынан төлемдер жүргізу үшін тапсырыстар жасайды.

Қазақстан және Қызылорда облысының жаңалықтары

«NAMAN ATA» спорт кешеніндегі барлық дәрістер тегін жүргізіледі

Шыныға шетелден тапсырыстар түсуде

«Көк» мәртебесі барларға шектеу енгізілді

Ұлттық банк несиені кешіре ме?

Жасыл желекке айналған – Иіркөл

2022 жылы жеке және жүргізуші куәлігін алу қанша тұрады

Әбдібек Жаназаров: Ерікті донорлар саны жыл сайын артып келеді

«Рухани құндылық» шығармашылық орталығы ашылды

Қызылордада «Сыр журналистикасының тарихы» 5 томдығының тұсаукесері өтеді

Қызылордада заңсыз қару сақтаған облыс тұрғындары анықталды

Нұрлан Қылышбаев: Зейнетақы жинақтарын алудағы жағдай бағдарламаға деген сенімді төмендетеді

Негізсіз аударылған 105 млн теңгені құрайтын әлеуметтік төлем мемлекетке қайтарылды

Қазақстан және Қызылорда облысының жаңалықтары

«NAMAN ATA» спорт кешеніндегі барлық дәрістер тегін жүргізіледі

Шыныға шетелден тапсырыстар түсуде

«Көк» мәртебесі барларға шектеу енгізілді

Ұлттық банк несиені кешіре ме?

Жасыл желекке айналған &#8211; Иіркөл

2022 жылы жеке және жүргізуші куәлігін алу қанша тұрады

Әбдібек Жаназаров: Ерікті донорлар саны жыл сайын артып келеді

«Рухани құндылық» шығармашылық орталығы ашылды

Қызылордада «Сыр журналистикасының тарихы» 5 томдығының тұсаукесері өтеді

Қызылордада заңсыз қару сақтаған облыс тұрғындары анықталды

Нұрлан Қылышбаев: Зейнетақы жинақтарын алудағы жағдай бағдарламаға деген сенімді төмендетеді

Негізсіз аударылған 105 млн теңгені құрайтын әлеуметтік төлем мемлекетке қайтарылды

Жасыл желекке айналған – Иіркөл