<a href="https://kyzylorda-news.kz/">Kyzylorda-news.kz</a>. Ұлттық банк 200 теңгелік банкноттарға қатысты түсініктеме берді, деп хабарлайды.
Қолма-қол ақша айналымы департаменті басқармасының бастығы Динара Дәуітованың айтуынша, соңғы кезде ұлттық банкіне 200 теңгелік банкноттарға қатысты шағымдар жиі түсе бастады. Халық кәсіпкерлердің ол ақшаны қабылдай жатқанын айтады.
<blockquote>
 “200 теңгелік банкноттар заңды төлем құралы болып саналады. Олар 200 теңгелік монеталармен қатар айналымда қатар жүре береді. Ол банкноттарды төлемдердің, банктік операциялар мен аударымдардың барлық түрі бойынша қабылдауға міндетті”, – дейді Дәуітова.
</blockquote>
Осы орайда басқарма басшысы барлық банкнотт банктер мен “Қазпошта” АҚ-ның барлық бөлімшелерінде, сондай-ақ, ұлттық банктің филиалдарында ұсақтауға және айырбастауға болатынын жеткізді.
<blockquote>
 “Бұл банкноттар тозығы жеткенде ғана айналымнан алынады. Оны қабылдаудан бас тарту әкімшілік құқық бұзушылық туралы кодекстің 206-бабына сәйкес әкімшілік жауапкершілікке әкеп соғады. Егер сізден номиналы 200 теңгелік купюралар қабылданбаса, онда жақын маңдағы ұлттық банктің аумақтық филиалына хабарласу қажет”, – деп атап көрсетті Дәуітова.
</blockquote>
Ұлттық банк бейнежазба жасауға да кеңес берді. Сосын банкнотты қабылдаудан бас тартқан адамнан жазбаша түсіктемені талап етуге болады. Ал банк филиалдарының мекенжайы мен байланыс телефондары ресми сайтта&nbsp;<a href="https://nationalbank.kz/kz">nationalbank.kz</a>&nbsp;көрсетілген. 1477 нөмірі арқылы байланыс орталығына хабарласуға болады.
&nbsp;<a href="https://sputnik.kz/">Sputnik Қазақстан</a>.

200 теңгелік банкнот аударымдардың барлық түрінде қабылданады

<a href="https://kyzylorda-news.kz/">Kyzylorda-news.kz</a>.&nbsp;Қызылордада «Тұғыры биік Тәуелсіздік» атты республикалық ақындар айтысы өтті.
Аламан дода Тәуелсіздіктің 30 жылдығына орай ұйымдастырылды. Н.Бекежанов атындағы қазақ академиялық музыкалық драма театрында өткен бәйгесіне республиканың түкпір-түкпірінен 12 ақын қатысты.
Айтыс қорытындысы бойынша ІІІ орынды Аспанбек Шұғатаев, Әсем Ережеқызы, Айбек Қалиев алса, ІІ орынға Бекарыс Шойбеков, І орынға Мұхтар Ниязов лайық деп танылды. Ал бас жүлде Нұрзат Қаруға бұйырды.

Қызылордада өткен республикалық ақындар айтысының қорытындысы шықты

<a href="https://kyzylorda-news.kz/">Kyzylorda-news.kz</a>. 26 маусымда бірқатар облыста дауылды ескерту жарияланады, деп хабарлайды Қазгидромет.
Солтүстік Қазақстан облысының кей жерлерінде найзағай күтіледі. Түнде және таңертең кей жерлерде тұман күтіледі.
Петропавл қаласында 26 маусымда түнде және таңертең тұман күтіледі.
Ақмола облысының кей жерлерінде найзағай күтіледі.
Қарағанды облысының кей жерлерінде жел солтүстік-шығыстан оңтүстік-шығысқа ауысады, күші 15-20 м/с. Кей жерлерде өте жоғары өрт қаупі сақталады.
Қостанай облысының кей жерлерінде найзағай, бұршақ күтіледі. Оңтүстік-батыстан жел соғады, күші күндіз кей жерлерде 15-20 м/с. Кей жерлерде өрт қауіптілігінің төтенше деңгейі күтіледі.
26-28 маусымда Түркістан облысының кей жерлерінде төтенше өрт қаупі сақталады.
Қызылорда облысында өте жоғары өрт қаупі сақталады.
Ақтөбе облысының кей жерлерінде найзағай болады, солтүстік, солтүстік-батыстан жел соғады, найзағай кезінде екпіні 15-20 м/с күтіледі. 38 градусқа қатты ыстық, өте жоғары өрт қаупі сақталады.&nbsp;Ақтөбе қаласында күндіз найзағай болады, солтүстік, солтүстік-батыстан жел соғады, найзағай кезінде екпіні 15 м/с күтіледі.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a>. Жергілікті әкімдік жағдай қалыпқа келді деп мәлімдегенімен, шаруалардың жай-күйі шенеуніктер айтқандай мәз емес. Қуаңшылықтың кесірінен малы жұтай бастаған жұрт төрт түлігін арзанға сатып, алыпсатарларға жем болып жатыр, деп хабарлайды <a href="https://www.ktk.kz/kz/news/video/2021/06/24/183722/">КТК</a>.
Аралда мал өлімі тоқтамай тұр. Жергілікті әкімдік жағдай қалыпқа келді деп мәлімдегенімен, шаруалардың жай-күйі шенеуніктер айтқандай мәз емес. Қуаңшылықтың кесірінен малы жұтай бастаған жұрт төрт түлігін арзанға сатып, алыпсатарларға жем болып жатыр.
Өйткені мал даладан қылтанақ таппай қиналса, енді қара суға да тарыға бастаған. Ауданда әлі күнге төтенше жағдай жарияланбаған. Аралдағы қуаңшылықтың қазіргі сәтіне тілшіміз куә болды.
Қуарған дала. Былтырдан қалған жусанның қураған тұқылы малға азық болмайтыны анық. Биыл бір тал жасыл өскін шықпаған далада көз көрім жер тегіс осындай. Арық-тұрық ірі қара жерден қылтанақ таппай сенделіп жүр. Далада жатқан мал өлексесі сәт сайын кезігеді. Сексеуіл кентіне жетпей жатып-ақ, барар жолда көзге түсетін көрініс осындай. Ал ауыл іші кезектен келетін ұсақ жандығын жеммен асырап отыр.
<blockquote>
 «Мал жаппай ырылып жатыр, жылқы да, қой да, түйе де. Ешқандай жәрдем болған жоқ. Еш көмек көрген жоқпын», – дейді Сексеуіл кентінің тұрғыны Жолмырза Мырзағұлов.
</blockquote>
Сексеуілден сыртқары шығып азын-аулақ малын далаға жайғысы келгендер жақын тұстағы Шағатай елдімекеніне қоныс тепкен. Қуаңшылық зардабын көріп отырған да тап осындай шаруалар.
<blockquote>
 «Басқа жақтарда болып жатқан шығар, біздің жақта тоқтады деп естіген жоқпын. Кеше де бір құлынды ана жерге мотоциклмен апарып тастадым. Шөп жоқ. Шөп ана жолы Қазалы ауданынан шамалы уақыт келген. 1200 теңгеден бір маясы. Бізге арзандау қылып беру керек қой. – Бұрын қаншадан алатын едіңіздер? – Былтыр 600-ден болған», – дейді Шағатай ауылының тұрғыны Қанибек Оспанов.
</blockquote>
Кейбірі мал басын азайтып, арзанға сатып жіберген. 600 мыңға таяу бағаланатын құлынды биелер мұнда 250 мыңға бір-ақ түсіпті. Қалған ірі-қарасын қолдан суарып күнелтіп отыр. Ол суды да сатып алады.
Не шөпке, не суға жарымаған мал басының бұл күнде күйі қашқан. Ақпан-наурыз айларында туған бұзаулар уызға жарымай, жаңа туған төлден айырмасы жоқ.
Шағатай ауылында дәл қазір су алтыннан да қымбат. Мұндағы жұрт мал суаруға екі күн сайын бір цистерна су сатып алады. Бағасы 10 мың теңге. Ал табиғи құдық суының өнімі азайған. Бұл суды ауыл жұрт ішетін ауызсу ретінде де пайдаланады.
Жалпы төтенше жағдай жариялау қарастырылып жатқан Арал ауданында Сексеуілді қоса алғанда 13 елдімекен «қызыл» аймақта тұр. Әкімдік есебі бойынша ауданға 9 мың тоннадан астам шөп керек. Әзірге тек 16 пайызы ғана жеткізілген. Соған қарамастан аудандағы жағдай өз қалпына келді дейді жергілікті басшылық.
<blockquote>
 «31-мамырда аудан басшысының төрағалығымен төтенше жағдай жөнінде кеңес өтті, аудан әкімі жанында. Сол кезде барлығына тапсырма берілді. Шөпті дайындайтын бригада, мал бағатын бригада, көшіретін бригада, барлығына тапсырма беріп, ұйымдасқан түрде 481-мен мал басының өлімін тоқтаттық. Одан кейін мал шығыны болған жоқ. Осы жұмыстарды дер кезінде үйлестіргеннің арқасында қазір барлығы өз орнына келді. Тек алдағы қысқа дайындық, малды аман-есен алып шығу», – дейді Арал ауданы әкімінің орынбасары Еркін Әбішев.
</blockquote>
Қуаңшылықтан зардабы қатты тиген шаруаларға келсек, алдағы уақытта көрші аудандармен жасалған кесілім негізінде 500 рейс шөп жеткізіледі. Оны шаруалар өз қаражатына сатып алуы тиіс. Әкімдік тек тасымалдау кезіндегі жанармай шығынын көтеруге көмектесетінін айтты.

Аралда мал өлімі тоқтамай тұр

<a href="https://kyzylorda-news.kz/">Kyzylorda-news.kz</a>. Еуропа чемпионатында 24 құрамадан 16 команда қалды. Ертең Уэльс пен Дания ширек финалға жолдама кімге бұйыратынын анықтайтын болады.
Еуропа чемпионаты топтық кезеңнің өзінде спортсүйер көрерменге әсерлі көңіл-күй сыйлады. Ертең, 26 маусымда 1/8 финал басталып, қызықты тартыстар өтеді. Назарларыңызға&nbsp;<a href="https://sputnik.kz/">Sputnik Қазақстанның</a>&nbsp;матч өтетін күн мен уақыт кестесін ұсынамыз.
<img src="https://kyzylorda-news.kz/wp-content/uploads/2021/06/17447576.png" alt="" />
<ul>
<li>26 маусым, 22:00: Уэльс – Дания (“Амстердам-Арена”, Нидерланды);</li>
<li>26 маусым, 01:00: Италия – Австрия (“Уэмбли”, Лондон);</li>
<li>27 маусым, 22:00: Нидерланды – Чехия (“Пушкаш Арена”, Будапешт);</li>
<li>27 маусым, 01:00: Бельгия – Португалия (“Олимпико де Севилья – Ла Картуха”, Севилья);</li>
<li>28 маусым, 22:00: Хорватия – Испания (“Паркен”, Копенгаген);</li>
<li>28 маусым, 01:00: Франция – Швейцария (Ұлттық стадион, Бухарест);</li>
<li>29 маусым, 22:00: Англия – Германия (“Уэмбли”, Лондон);</li>
<li>29 маусым, 01:00: Швеция – Украина (“Хэмпден Парк”, Глазго).</li>
</ul>
Ойын уақыты Нұр-Сұлтан уақыты бойынша көрсетілген.
Еске салсақ, Түркия, Ресей, Польша, Венгрия, Солтүстік Македония, Шотландия, Финляндия және Словакия құрамалары турнирден шығып қалды.

Еуропа чемпионаты – 2020: 1/8 финалының ойын кестесі

<a href="https://kyzylorda-news.kz/">Kyzylorda-news.kz</a>. Бүгінгі күн тәртібіне қойылған ең өзекті мәселенің бірі – қазақ тілін латын әліпбиіне көшіру. Тарихи тамыры терең тұғырлы тілімізді түлетіп, санамызды сілкінткен, заманның өзі талап еткен бұл бастама көпшіліктің қызу талқысына түсті. Елбасымыз өз Жолдауында «Біз 2025 жылдан бастап әліпбиімізді латын қарпіне, латын әліпбиіне көшіруге кірісуіміз керек. Бұл – ұлт болып шешуге тиіс принципті мәселе.
Жаңа әліпбидің бізді жаңа мүмкіндіктерге, зор жетістіктерге бастайтыны сөзсіз. Себебі латын қарпі – ғылым мен техниканың, интернет пен IT-технологиялардың тілі. Латын әліпбиі рухани болмысымызды байытып, қоғамдық ой-санамызды жаңғыртады. Бұл әліпби қазақстандықтар үшін ғана емес, сонымен қатар төрткүл дүниеге тарыдай шашылып кеткен қандастарымызға да ортақ әліпби болмақ. Латын әліпбиі – түркі әлемімен ықпалдасудың төте жолы. Өз ерекшеліктерімізді сақтай отырып әліпбиді өзгерту тіліміздің халықаралық аренаға шығуына және ғылыми-техникалық прогрестің заманауи жетістіктеріне жол ашады, әлемдік мәдени тұтастықты нығайтып, коммуникациялық үдерістерге одан әрі интеграциялануға мүмкіндік туғызады. Ақпарат алу мүмкіндіктері кеңейіп, шет тілдерден енген сөздер ұлттық ерекшеліктерімізге қарай икемделетінін, көп ұлтты халқымыздың бірлігін одан әрі бекемдеп, бүкіл түркі әлемін біріктіруге күш салатынын да атап айту керек.
Латын жазуына көшу бүгінгі күннің кезек күттірмес қажеттілігі екенін, латын жазуы әлемдік өркениетке бағыттайтын күре жол болатынын қазақстандық әр азамат білуге тиіс.
Елбасы Нұрсұлтан Әбішұлы Назарбаевтың өміршең бағдар­ла­масындағы мемлекеттік тілді латын графикасына көшіру ұсынысын көпшілікпен бірге толық қолдайды. Біздің ұжым осынау игі істің басы-қасында жүруге әркез дайын.
Ажар Жақсылық,
Қызылорда облысы &nbsp;Әділет департаментінің бас маманы

Ажар Жақсылық: Латын әліпбиі &#8211; өркениет жолы

<a href="https://kyzylorda-news.kz/">Kyzylorda-news.kz</a>.&nbsp;Аймақтағы Мемлекеттік кірістер департаменті 5 айда 65,2 млрд теңге түсім түсірді. Осылайша, сала мамандары Мемлекеттік бюджет жоспарын 107 пайызға орындады. Бұл туралы Өңірлік коммуникациялар қызметінің ақпараттық алаңында өткен брифингте Облыстық мемлекеттік кірістер департаменті басшысының орынбасары Әділбек Бекішев мәлімдеді.
Департамент тарапынан жыл басынан бері 247 661 қызмет түрі көрсетілген. Оның 244 184 электронды түрде, 3477 жазбаша жауап берілген.
<blockquote>
 «Ақмешіт – адалдық алаңы» жобасы аясында «OpenSpace» жобасы іске асырылды. Ғимаратқа кіре берісте «қабылдау орталығы» салынды. Келушілер үшін барынша қолайлы жағдай жасауға және сыбайлас жемқорлық тәуекелдерін азайтуға бағытталған. Мұнда біздің қызметкерлер күн сайын кезекшілік етеді және азаматтарды қабылдайды. Қажет болған жағдайда Департамент басшылығы да қабылдау жүргізеді. Өздеріңізге белгілі, үстіміздегі жылдың 1 қаңтарынан бастап азаматтардың кірістері мен мүлкін жалпыға бірдей декларациялау басталды. Декларациялау қолданысқа кезең-кезеңімен енгізілетін болады. Бұл ретте «e-Salyq Азамат» мобильді қосымшасы арқылы декларацияны тапсыруға болатынын естеріңізге саламыз. Мемлекеттік кірістер органдары көрсететін қызметтер «Электронды үкімет» порталы «e-gov.kz, Cabinet.salyk.kz интернет ресурсы және «E-Salyq Azamat» мобильді қосымшасы арқылы қолжетімді. Осы аталған ресурстар арқылы келесі мемлекеттік қызметтер түрін алуға болады. Атап айтқанда, салық төлеушілерді тіркеу, қосылған құн салығын төлеушілерді тіркеу есебі, салықтарды, бюджетке төленетін төлемдерді, өсімпұл мен айыппұлдарды есепке жатқызуды және қайтаруды жүргізу»,-деді Әділбек Ерғалиұлы.
</blockquote>
Бүгінде саланы цифрландыру мақсатында 25 мемлекеттік қызметтің 21-і автоматтандырылған. Яғни электронды түрде қызмет алуға толық мүмкіндік жасалған.

Қызылордада 5 айда 65,2 млрд теңге салық төленді

<a href="https://kyzylorda-news.kz/">Kyzylorda-news.kz</a>.&nbsp; Қызылорда қаласында белгілі журналист, небәрі 24 жасында тікұшақ апатынан қаза тапқан Сахитжан Бермағанбетовке көше атауы берілді.
<img src="https://aqmeshit-aptalygy.kz/wp-content/uploads/2021/06/824a5282-811x1024.jpg" alt="" />
Сахитжан Бермағанбетов 1982 жылы Арал ауданы Қарақұм ауылында дүниеге келген. Теле-журналист Қорқыт Ата атындағы Қызылорда мемлекеттік университетін бітірген.
<img src="https://aqmeshit-aptalygy.kz/wp-content/uploads/2021/06/824a5205-1024x599.jpg" alt="" />
Студент кезінен бастап қалалық «Қоғам ТВ» телеарнасында редактор, хабарлардың авторы мен жүргізушісі, «Қазақстан Қызылорда» телеарнасында редактор қызметін атқарып, осы арнаның «Түйін» ақпаратты сараптау бағдарламасын жүргізді.
<img src="https://aqmeshit-aptalygy.kz/wp-content/uploads/2021/06/824a5447-1024x683.jpg" alt="" />
2007 жылы облыс әкімінің баспасөз хатшысы, баспасөз орталығының жетекшісі болды. Жас та болса өзінің өткір тілімен, батылдығымен ұшқыр ойлы журналист екенін көрсете білген Сахитжан Бермағанбетов халықтың сүйікті ұлына айналды. 
Ол бірнеше рет облыстық, республикалық деңгейдегі телебайқаулардың жеңімпазы болды. Журналист 2008 жылы тікұшақ апатынан қаза тапты.

Журналист Сахитжан Бермағанбетовтың атына көше берілді

*<a href="https://kyzylorda-news.kz/">Kyzylorda-news.kz</a>. Қызылорда қаласында 28 маусым – «Бұқаралық ақпарат қызметкерлерінің күніне» орай «Ұшқыр қалам – 2021» атты салтанатты шарасы өтті.*
Айтулы күннің құрметіне орай, қала әкімінің орынбасары Есжанов Асқарбек Темірбекұлы қала әкімінің арнайы құттықтауын жеткізіп, ақпарат айдынында жүрген сала мамандарына ыстық ықыласын жеткізді.Ең алдымен, Сыр елі телевизиясында өзіндік орны бар ақын, жуырда Халықаралық «Алаш» әдеби сыйлығының иегері атанған Есімсейітова Қаршыға Құрмашқызына құрмет көрсетілді.
Аймақтың медиа саласында еселі еңбек етіп жүрген бұқаралық ақпарат құралдары қызметкерлерінің үздіктері қала әкімінің алғыс хатымен марапатталып, бағалы сыйлықтар табыс етілді.
Шара барысында Сыр өңірі журналистикасында өзіндік қолтаңбасы қалған дарынды журналистердің есімі ел жадынан ұмытылмайтындығын арқау еткен ақын Ұлықбек Бекұзақұлының осы күнге арнайы жазған “Қанатты қалам” өлеңі қалалық Жастар театрымен сахналанды.
Айта кету керек, 25 маусым күні Қызылорда қаласының төрінен Сахитжан Бермағамбетовке көше атауы берілді.
<blockquote>
 «Әлемді үрей билеп, жер жүзіне індет тараған қиын кезеңде де қалың бұқара дәйекті ақпар алуда тілшілерге сенім артты. Осы сәтте көрінбейтін майдан жауынгерлерінің еңбегі ерекше көзге түсті. Тың жаңалық таратуда журналистер дәрігерлермен бір шепке шығып, оқырман мен көрерменге керекті ақпарат ұсына білді. Дәрігерлер еңбегін насихаттап, әбігерге түскен елді сабырға шақырды, жақынымызға жанашыр бола түсуге үндеді. Ақпарат құралдары қызметкерлеріне алғысымды білдіріп, кәсіби мерекеде шығармашылықтарыңызға шалқар шабыт тілеймін!», – деді Асқарбек Темірбекұлы.
</blockquote>
<img src="https://kyzylorda-news.kz/wp-content/uploads/2021/06/205718131_2861938484072891_7204488732076342134_n.jpg" alt="" />
<img src="https://kyzylorda-news.kz/wp-content/uploads/2021/06/203598181_2861939057406167_5339095676586045219_n.jpg" alt="" />
<img src="https://kyzylorda-news.kz/wp-content/uploads/2021/06/205526564_2861939144072825_6400737114059688704_n.jpg" alt="" />
<img src="https://kyzylorda-news.kz/wp-content/uploads/2021/06/206188528_2861939034072836_1622568756372747620_n.jpg" alt="" />

Қала әкімдігі журналистерге құрмет көрсетті

<a href="https://kyzylorda-news.kz/">Kyzylorda-news.kz</a>. Қазгидромет 26-28 маусымға арналған ауа райы болжамын жариялады.
<blockquote>
 «Атмосфералық ауа ағындардың әсерінен елдің біршама аудандарында найзағай жарқылдайды. Тек Қазақстанның батысында жауын-шашынсыз ыстық ауа райы сақталады. Республиканың шығыс және оңтүстік бөлігінде жел күшейіп, оңтүстік өңірлерде шаңды дауыл тұрады. Ауа температурасының біртіндеп жоғарылауы болжанады: күндіз солтүстікте 20-32 градусқа дейін, орталықта 20-37 градусқа дейін, ал шығыста 15-28 градус ыстық болады», – делінген хабарламада.
</blockquote>

Демалыс күндері ауа райы ыстық болады

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Бұқаралық ақпарат құралдары қызметкерлерінің күнімен құттықтады, деп хабарлады Ақорданың баспасөз қызметі.
Тоқаев құттықтауында “халықтың көзі, құлағы һәм тілі” ретінде елге адал қызмет ету – әр журналистің абыройлы міндеті екенін атап өтті. &nbsp;&nbsp;&nbsp;
<blockquote>
 “Сіздер қашанда ұлт мүддесін бәрінен биік қойып, ел қамы үшін қалам тартып жүрсіздер. Мемлекетшілдік құндылықты дәріптеп, жасампаздық пен жақсылықтың жаршысы болып келесіздер”, – деді президент.
</blockquote>
Ақпарат саласын дамытуға мемлекет тарапынан қашанда ерекше көңіл бөлінеді, деп толықтырды ол.
Мемлекет басшысы Жыл сайын ең таңдаулы журналистерге берілетін БАҚ саласындағы дәстүрлі Президент сыйлығы осымен жиырма бесінші рет табысталып отырғанын атап өтті.
<blockquote>
 “Соңғы кезде радио қызметкерлерінің кәсіби мерекесі жоқ екені жиі айтылып жүр. Мен Қазақ радиосының 100 жылдығы аясында 1 қазанды Радио қызметкерлері күні деп ресми түрде бекіткен жөн деп санаймын”, – деді Тоқаев.
</blockquote>
Президент БАҚ қызметкерлеріне шығармашылық шабыт, толағай табыс тіледі.

Қасым-Жомарт Тоқаев: 1 қазанды Радио қызметкерлері күні деп ресми түрде бекіткен жөн

<a href="https://kyzylorda-news.kz/">Kyzylorda-news.kz</a>. Сыр еліне сапары аясында ҚР Президентінің көмекшісі мұнай-сервистік саладағы басшылар мен бизнес өкілдерімен кездесті.
ҚР Президентінің көмекшісі Қанат Бозымбаев Сыр еліне сапары аясында бірқатар маңызды жиындар өткізді. Ең әуелі өңірдегі мұнай-сервистік саладағы компания өкілдерімен кездесіп, өзекті мәселелерді талқылады. Аймақ басшысы Гүлшара Әбдіқалықова соңғы жылдары кен орындарының сарқылуына байланысты мұнай өндірудің көлемі төмендеп бара жатқанын алға тартып, бұл кездесу ортақ мәселелерді айқындап алуға мүмкіндік беретінін жеткізді.
Жиында облыс әкімінің орынбасары Нұрлан Тілешев мұнай-газ саласындағы қазіргі жағдайды баяндап, экономикадағы негізгі көрсеткіштерді тізбеледі. Сондай-ақ, отырыста мұнай және сервистік компаниялардың басшылары «ПетроҚазақстан Құмкөл Ресурстар» АҚ вице-президенті Болат Көшербаев, «Жанрос Дриллинг» ЖШС бас директоры Алексей Мылтықбаев ортақ мәселе аясындағы ұстанымдарын білдірді.
Отырыста компания басшыларының мәселелерін тыңдаған ҚР Президентінің көмекшісі мұнай қорындағы ахуал мәселесі Үкімет деңгейінде бірнеше рет қаралғанын атап өтті. Бұл ретте қуаттылығы 6 миллион тоннаны құрайтын “Кеңқияқ-Атырау” мұнай құбырының құрылыс жұмыстары аяқталса, жоба Қызылорда облысындағы мұнай өндіруші компаниялар үшін мұнай жеткізу жүктемесін азайтуға оң септігін тигізеді.
Жиынды қорытындылаған облыс әкімі Гүлшара Әбдіқалықова мұнай-газ саласындағы негізгі мәселелерді шешу үшін кешенді жұмыстардың қолға алынғанын және мұнай-газ секторында қызмет ететін сала өкілдерін ортақ мүддеге топтасып, бірлесе күш біріктіруге шақырды.
Мұнан кейін Қанат Бозымбаев өңірдегі бизнес өкілдерімен кездесті. Отырысқа кәсіпкерлер, қала, аудан әкімдері, кәсіпкерлік саласында мемлекеттік саясатты іске асыруға тікелей атсалысатын мемлекеттік мекемелер мен қаржы институттары жиналды. Президент көмекшісі кәсіпкерлерге мемлекет тарапынан ұдайы қолдау барын тілге тиек етіп, әрбір өңірлерде “Атамекен” Ұлттық кәсіпкерлер палатасымен бірлескен микроқаржы ұйымдарының тиімділігі туралы сөз қозғады.
Сондай-ақ, жиында пандемия кезінде кәсіпкерлік саласында туындаған қиыншылықтар талқыланып, алдағы уақытта даму бағытында атқарылатын жұмыстар сараланды.
<img src="https://kyzylorda-news.kz/wp-content/uploads/2021/06/207275072_3477062115730166_300770796393910231_n.jpg" alt="" />
<img src="https://kyzylorda-news.kz/wp-content/uploads/2021/06/206255188_3477061949063516_2345708555884057389_n.jpg" alt="" />

Қазақстан және Қызылорда облысының жаңалықтары

200 теңгелік банкнот аударымдардың барлық түрінде қабылданады

Қызылордада өткен республикалық ақындар айтысының қорытындысы шықты

Қызылордада ауа райына байланысты ескерту жарияланды

Аралда мал өлімі тоқтамай тұр

Еуропа чемпионаты – 2020: 1/8 финалының ойын кестесі

Ажар Жақсылық: Латын әліпбиі – өркениет жолы

Қызылордада 5 айда 65,2 млрд теңге салық төленді

Журналист Сахитжан Бермағанбетовтың атына көше берілді

Қала әкімдігі журналистерге құрмет көрсетті

Демалыс күндері ауа райы ыстық болады

Қасым-Жомарт Тоқаев: 1 қазанды Радио қызметкерлері күні деп ресми түрде бекіткен жөн

ҚР Президентінің көмекшісі қызылордалық мұнай-сервистік саладағы басшылар мен бизнес өкілдерімен кездесті

Қазақстан және Қызылорда облысының жаңалықтары

200 теңгелік банкнот аударымдардың барлық түрінде қабылданады

Қызылордада өткен республикалық ақындар айтысының қорытындысы шықты

Қызылордада ауа райына байланысты ескерту жарияланды

Аралда мал өлімі тоқтамай тұр

Еуропа чемпионаты – 2020: 1/8 финалының ойын кестесі

Ажар Жақсылық: Латын әліпбиі &#8211; өркениет жолы

Қызылордада 5 айда 65,2 млрд теңге салық төленді

Журналист Сахитжан Бермағанбетовтың атына көше берілді

Қала әкімдігі журналистерге құрмет көрсетті

Демалыс күндері ауа райы ыстық болады

Қасым-Жомарт Тоқаев: 1 қазанды Радио қызметкерлері күні деп ресми түрде бекіткен жөн

ҚР Президентінің көмекшісі қызылордалық мұнай-сервистік саладағы басшылар мен бизнес өкілдерімен кездесті

Ажар Жақсылық: Латын әліпбиі – өркениет жолы