Kyzylorda-news.kz. Бүгін Нұр-Сұлтан қаласында 1-желтоқсан Тұңғыш Президент күніне орай қазақ күресінен “Үздіктердің үздігі” жылдың ең үздік балуанын анықтауға арналған турнир өтті.
Турнирге жыл көлемінде үздік өнер көрсеткен, рейтинг бойынша жоғары тұрған спортшылар қатысты.
Шараны ҚР Мәдениет және спорт министрі Ақтоты Рахметоллақызы ашып, балуандарға сәттілік тілеп, барша жиналған қауымды мерейлі мерекемен құттықтады.
Облыстың намысын 5 спортшымыз қорғады. Нәтижесінде 55 келі салмақта Төлепов Бекжан – 1 орын, +100 келі салмақта Мақсат Исағабылов -1 орын иеленді. Қос балуан “Бас балуан” атағына ие болды 
Жаттықтырушылары Бақытбек Кенеев.
<img src="https://kyzylorda-news.kz/wp-content/uploads/2021/12/fb_img_1638374282007.jpg" alt="" />

Қазақ күресі: Сыр балуандары топ жарды

<a href="https://kyzylorda-news.kz/">Kyzylorda-news.kz.</a> Қазақстан медицина университетінің эпидемиология, биостатистика және дәлелді медицина кафедрасының доценті Рафаиль Қыпшақбаев коронавирус пандемиясының қашан аяқталатыны туралы болжамын айтты, деп хабарлайды <a href="https://www.inform.kz/kz">ҚазАқпарат.</a>
<blockquote>
 «Болжам жасау – абырой бермейтін іс. Пандемияға келсек, бұған дейінгі тұспалдарым теріс кетіп көрген жоқ. Вирус мутацияға түскен сайын таралу ауқымы кеңейетінін, індет жұқтырғандардың саны арта түсетінін, бірақ ауыртпалығы алғашқыдан жеңілірек болатынын айтқан едім. Солай болды да. Бәлкім, коронавирус симптомсыз инфекция деңгейіне дейін түрленетін шығар. Яғни, біріншіден, вирус ғайып болмайды. Ол бізбен бірге өте ұзақ өмір сүретін шығар. Иә, қазір біз вирустың салдарымен ғана күресіп отырмыз. Себебін емдеу мүмкін болмай тұр. Осыны ескерсек, пандемия тоқтай қоймайды», – деді ғалым Денсаулық министрлігі ұйымдастырған онлайн дәрісте.
</blockquote>
Маманның айтуынша, коронавирустың тұмау сияқты деңгейдегі ауруға айналатыны туралы болжамдардың негізі бар.
<blockquote>
 «Коронавирус пандемиясына байланысты шектеу шараларының бәрі 1-1,5 жылдан кейін аяқталуы мүмкін. Содан кейін бұл вирус өмірімізге мықтап еніп, тұмау мен суық тию арасындағы ауыртпалығы бар ауру қоздырғышқа айналады. Сирек жағдайларда тәуекел топтарының өкілдері үшін асқынулары болуы мүмкін. Бірақ басым жағдайда адамдар бұл инфекцияны оңай әрі жеңіл өткереді», – деді Рафаиль Қыпшақбаев.
</blockquote>

Пандемия шектеулері әлі 1-1,5 жыл сақталуы мүмкін – ғалым болжамы

Елбасы тұжырымдамасы — елдік мұраттың діңгегі

<a href="https://kyzylorda-news.kz/">Kyzylorda-news.kz.</a>&nbsp;Коронавирусқа қарсы вакцина салғызған адамдарды жөтел қысса немесе түшкіре бастаса алаңдауға себеп бар.
Осы симптомдар аяқ асты анықталса, үйден шықпау керек және коронавирусқа қарсы тест тапсыру қажет болады.
Себебі түшкіру мен жөтел инфекцияның таралуына себепші болады. Алайда басқа да ауру белгілері туралы ұмытпаған жөн. Мысалы иіс немесе дәм сезу қабілеті төмендейді.
Мақала авторлары әлемде коронавирустың омикрон-штамы таралуы кезінде COVID-19 қайта белең алуы байқалғанын жазды. Ғалымдардың болжамы бойынша, жаңа штамм вакцина мен табиғи иммунитетке әлдеқайда төзімді болуы ықтимал.
Оңтүстік Африка республикасындағы дәрігер Кутзее коронавирустың “омикрон” штамының ең басты симптомы қатты шаршау екенін айтты.
Дүниежүзілік денсаулық сақтау ұйымы жұмада өткен шұғыл отырыста B.1.1.529 жаңа штамына алаңдаушылық білдіріп, оған грек алфавитіндегі 15-ші әріптің атауын беріп, “омикрон” деп атады.
Еуроодақ пен басқа да көптеген мемлекет Африканың кейбір елінен келген азаматтарды өз аумағына кіргізуге шектеу енгізді.
<a href="https://sputnik.kz/densauly/20211130/18791229/Vaktsina-salgyzu-simptomdar.html">Sputnik.kz</a>

Вакцина салғызғандар баса мән беруге тиіс симптомдар аталды

Kyzylorda-news.kz. Қызылорда облыстық мәслихатының депутаты Жорабек Нұрымбетов қызылордалықтарды ҚР Тұңғыш Президенті күні мерекесімен құттықтады.
Құрметті Жерлестер! Сіздерді 1 желтоқсан – Қазақстан Республикасы Тұңғыш Президенті күні мерекесімен шын жүректен құттықтаймын!
«Елі еріне, ері еліне» сенген еліміз бен Елбасымыздың мәртебесі әлем елдері алдында мәңгілік биіктей берсін! Мемлекеттілік тарихымыздың мерейлі мерекесі — Тұңғыш Президент күні құтты болсын! Баршаңызға мерекелік көңіл-күй, жанұялық бақыт, игілік, табыс тілеймін!
Жорабек Нұрымбетов,
Қызылорда облыстық мәслихатының депутаты

Жорабек Нұрымбетов: Мемлекетіміз бен Елбасы мәртебесі әлем елдері алдында биіктей берсін

Kyzylorda-news.kz. Қызылорда қаласының әкімі Ғанибек Қазантаев қала тұрғындарын Тұңғыш Президент күнімен құттықтады.
Құрметті қызылордалықтар! 
Қадірлі жерлестер!
Баршаңызды Қазақстан Республикасының Тұңғыш Президенті күнімен шын жүректен құттықтаймын!
Еліміздің жетістіктерін ұлықтайтын, жас ұрпаққа нағыз елжандылық пен Отансүйгіштіктің үлгісін көрсететін бұл мерекенің орны ерекше.
1-желтоқсан тәуелсіз еліміздің қатпарлы тарихында жаңа парақша ашылған күн. Осыдан тура 30 жыл бұрын еліміз шекарасын бекітіп, егемендігін алып, өз тәуелсіздігін жариялап, тұғырына туын көтеріп болашағы үшін тағдырлы шешім қабылдады. Сол жылы алғаш рет жас мемлекеттің Президенті сайланып, халқымыз тарихи таңдау жасап, Ұлт көшбасшысы Нұрсұлтан Әбішұлы Назарбаевқа ел тізгінін ұстатты.
Мемлекетіміздің Тұңғыш Президенті – жаңа тәуелсіз мемлекеттің шаңырағын көтеріп, ел еңсесін тіктеп, қадамын нықтап, болашаққа батыл бастап, тұтас халықтың татулығы мен ауызбіршілігін сақтап, тірлігін түлетті.
Дербес ел атанып, тәуелсіздігін алған отыз жылға жуық уақыт ішінде Қазақстанды жаһандық мәселелерді шешуде ортақ ой айта алатын, әлемдік деңгейде үздік саясаттың үлгісін қалыптастырған, экономикасы қарқынды дамушы ел ретінде барша әлем танып, мойындады. Тұңғыш Президентіміздің сындарлы, сарабдал саясатының арқасында еліміз экономикалық реформаларды сәтті жүзеге асырып, тұрмысы түзелген, халқының әл-ауқаты жақсарған мемлекеттердің қатарына қосылды.
Сондықтан бұл – татулықты ту етіп, экономикалық ынтамақтастықты берік сақтап келе жатқан мемлекетіміз үшін маңызы мол, бірлігі жарасқан халқымызды бір мақсатқа жұмылдырар тарихи тағылымы терең мейрам.
Халқымыздың бірлігі мен берекесін ұлықтап, мемлекеттің мерейін асыратын мәртебелі мерекеде баршаңызға зор денсаулық, отбасыларыңызға амандық, шаңырақтарыңызға шаттық тілеймін. Тәуелсіздігіміз мәңгі болып, халықтың бірлігі мен ынтымағы артып, еліміз тыныш, Елбасымыз аман болғай!
Ғанибек Қазантаев,
Қызылорда қаласының әкімі

Тұңғыш Президент – жаңа тәуелсіз мемлекеттің шаңырағын көтеріп, ел еңсесін тіктеді

<a href="https://kyzylorda-news.kz/">Kyzylorda-news.kz.</a>&nbsp;Бүгіннен бастап ескі көліктерді утилизацияға қабылдау уақытша тоқтатылды. Бұл туралы ӨКМ операторы&nbsp;<a href="https://recycle.kz/kk/">сайтында</a>&nbsp;жарияланды.
Жыл соңына дейін мамандар қабылданған көліктер мен техниканы жоспарлы түгендеу жұмысын жүргізеді.&nbsp;
Қазақстандықтар биыл ескі көліктерді қабылдау бағдарламасы аясында 50&nbsp;005 көлікті жоюға тапсырды.
Оның 37&nbsp;495-і жеңіл көлік, жолаушы тасымалдайтын 4 040 және 8470 жүк көлігі. Ауылшарушылығы техникасы бойынша бүгінгі таңда 3054 техника өткізіліп отыр. Оның 2&nbsp;226-сы трактор, 828 комбайн. Ал ауылшаруашығы техникасы жыл соңына дейін қабылдана береді.
Атап айтқанда 254 трактор, 72 комбайн электронды кезекке сай өтінімді растау кезеңінде тұр.
Жеңіл, жолаушы және жүк көліктерін қабылдау келер жылға дейін тоқтатылады. Ескі көлікті жоюға қабылдаудың 2022 жылдағы бағдарламасы қаңтар айында іске қосылады деп жоспарланып отыр.
Көлікті утилизациялау: Кім төлейді?
2016 жылдың 1 қаңтарынан бері Қазақстанда өндірушілер (импорттаушылардың) кеңейтілген міндеттемелері өзгерді.
Утилизациялық алымды автоөндірушілер, ресми импорттаушылар және Қазақстанға көлік кіргізгісі келетін жеке тұлғалар төлейді.
Алым техниканы есепке қойғанға дейін төленеді.

Ескі көліктерді утилизацияға қабылдау тоқтатылды

Kyzylorda-news.kz. Облыс әкімі Гүлшара Әбдіқалықова Біріккен Ұлттар Ұйымы Даму Бағдарламасының (БҰҰДБ) тұрақты өкілі Якуп Беришпен кездесті. Жиынға облыс әкімінің орынбасары Балжан Шәменова, облыс әкімі аппаратының басшысы Ерлан Райғаниев және БҰҰДБ өкілдері қатысты.
Отырыста тараптар БҰҰДБ арқылы Қызылорда облысында маңызды жобаларды жүзеге асыру және адам дамуының индикаторларын жоғарылату үшін аймақ әлеуетін қалай пайдалану керектігін талқылады.
Аймақ басшысы елімізде осыған дейін Біріккен Ұлттар Ұйымының Даму бағдарламасы арқылы гендерлік теңдік пен адами капиталды дамыту мәселесінде жан-жақты талдау жасалып, бірқатар жобалардың жүзеге асырылғанын, оның ішінде екі заңның қабылданғанын айтты.
БҰҰ Даму бағдарламасының тұрақты өкілі Якуп Бериш жергілікті даму аса маңызды сала екенін, осы мәселелерді шешуде бірлескен жұмыстарды аса қажет екеніне тоқталды. Бұл ретте Сыр өңірімен серіктестікті қайта жаңғыртуға мүдделі екендерін, нақты қажеттіліктерге көмектесу үшін жергілікті әкімдіктермен тікелей жұмыс істеуді назарға алғандарын жеткізді. Тұрақты өкіл өңірді дамыту жоспары мен мемлекеттік бағдарламалардан бөлек, жеке жобаларды қолдауға дайын екендігін айтты. Оң нәтижеге тезірек қол жеткізу үшін әлеуметтік қорғау мәселелеріне ерекше көңіл бөлуді ұсынды.
Айта кетейік, БҰҰДБ мен ҚР Еңбек және халықты әлеуметтік қорғау министрлігі мүгедектігі бар адамдарға бейімделген модельдік пәтер құру бойынша пилоттық жобаны іске қосты. Бірлескен жоба шеңберінде аймақтағы оңалту орталығының базасында мүгедектігі бар адамдарға қолжетімді модельдік пәтер ашылды. Ерекше күтімді қажет ететін адамдардың өмір сапасын арттыруға бағытталған арнайы пәтерде арбамен қозғалатын адамдар үшін барлық жағдай жасалған. 
Басқосуды қорытындылаған облыс әкімі өңірдегі өзекті мәселелерді БҰҰДБ-мен бірлесе шешуді ұсынды.
<blockquote>
 Ортақ мәселелер аясында Сіздермен кездесіп отырмыз. Әрине, БҰҰДБ арқылы жергілікті мәселелерге назар аудара отырып, ынтымақтастықты одан әрі нығайтуға мүдделіміз. Сіздердің ұсыныстарыңыз негізінде бірқатар бағыттарда жұмыс істеуге әзірміз. Әсіресе, экология, білім беру мәселелерінде жан-жақты жобаларды іске асыруымыз қажет. Мүгедектігі бар адамдарға қолайлы орта жасау ісінде министрлікпен бірге іске асырған пилоттық жобаларыңыздың да маңызы зор, – деді Гүлшара Әбдіқалықова.
</blockquote>
Айта кетейік, 2000 жылдан бастап БҰҰ басқа агенттіктерімен бірлесіп БҰҰДБ-сы Министрлікке кедейлікті төмендетуге, арнайы әлеуметтік қызметтер жүйесін құруға, халықтың осал топтарын әлеуметтік қолдаудың тиімді моделін жасауға және мүгедектерге ерекше назар аудара отырып, жұмыспен қамтуға бағытталған стратегиялық құжаттар мен бағдарламаларды іске асыруда қолдау көрсетіп келеді.

Облыс әкімі БҰҰДБ тұрақты өкілі Якуп Беришпен кездесті

Гүлшара Әбдіқалықова: Тәуелсіз еліміздің жүріп өткен жолы кемеңгер Көшбасшының кемел істерімен тығыз байланысты

<a href="https://kyzylorda-news.kz/">Kyzylorda-news.kz.</a>&nbsp;Қай транспорт түрін алып қарасаңыз да, баланы тасымалдаудың өзіндік ережесі бар. Баланы ұшаққа отырғызудың да өз талабы бар. Ендеше көпшілігі біле бермейтін бұл талаптарға тоқталып өтейік.
«Қазақстанның авиациялық әкімшілігі» АҚ-ның таратқан ақпаратына сүйенсек, баланы ұшаққа ата-анасымен (немесе ертіп жүруші адам) де, ата-анасыз да отырғызуға болады. Яғни, бала өзі жалғыз да ұша алады.
Бірақ міндетті түрде ата-анасының жазбаша рұқсаты қажет. Ішкі және халықаралық рейстерде 6-16 жас аралығындағы балалар мен жасөспірімдердің жалғыз ұшуына рұқсат. Бірақ түнгі сағат 23.00 мен тағы сағат 6.00 аралығындағы рейстерге баланы жалғыз жіберуге рұқсат етілмейді. Тек күндізгі рейстермен ғана ұшады.
Ал жолақы мәселесіне келсек, баланы тегіп алып жүру деген жоқ. Тек 2 жасқа дейінгі, жеке орын алмайтын «жолаушылар» ғана тегін қатынайды. Ал халықаралық рейсте 2-12 жастағы балаларға арнайы тариф бойынша немесе негізгі тарифтің жартысы көлемінде жолақы төленеді. Ішкі рейстерде 2-15 жастағы балаларға төлемақы алынады.
<a href="https://massaget.kz/layfstayl/zhadnama/66811/">massaget.kz</a>

Баланы ұшаққа отырғызу: Тәртібі, жасы және билет бағасы

<pre><code>Kyzylorda-news.kz. Қазақстан Тәуелсіздік алған тұста ұлт тарихындағы жаңа дәуір дәл осы 1 желтоқсан күнінен басталған-ды. Өйткені, ата-бабамыздың ғасырлар бойы асыл арманы болып келген егемен Қазақстанды құру жөніндегі тарихи аманаты 1991 жылғы 1 желтоқсанда орындалып, дәл сол күні Нұрсұлтан Әбішұлы Назарбаев Тәуелсіз Қазақ елінің Тұңғыш Президенті болып сайланған болатын. 

Тәуелсіздігін енді ғана алған Қазақстанда өткен сол алғашқы жалпыхалықтық сайлауда мемлекетіміздің негізін қалаушы Нұрсұлтан Назарбаев Тұңғыш Президент болып сайланды. Мемлекет басшысының еліміздегі кең ауқымды экономикалық, саяси және әлеуметтік реформаларды жүзеге асырудағы ерен еңбегі, Қазақ елінің әлемге танымал мемлекет болып танылуына сіңірген үлесі ұшан-теңіз. 

Құрметті Отандастар, осынау мерейлі күнмен баршаңызды құттықтаймын! Еліміз аман, жұртымыз тыныш болсын! Тәуелсіздігіміз тұғырлы, болашағымыз жарқын болсын! Әр шаңыраққа амандық, береке, бірлік тілеймін!
</code></pre>
Бақдәулет Махашов,
“Жан-Арай” ЖШС басшысы.

Бақдәулет Махашов:  Елбасының қазақ елінің әлемге танылуына сіңірген үлесі ұшан-теңіз

<a href="https://kyzylorda-news.kz/">Kyzylorda-news.kz.</a>&nbsp;Алматыда коронавирус&nbsp;инфекциясының тіркелуі көбейсе, жаңа жылдық кештер тоқтатылуы мүмкін, деп мәлімдеді қалалық санитарлық-эпидемиологиялық бақылау департаменті басшысының орынбасары Әсел Қалықова.
Маман санитарлық эпидемиологтар карантинді күшейту мәселесіне мереке қарсаңында болатын жағдай әсер ететінін атап өтті. Қалада омикрон&nbsp;штамы анықталса, мерекелік кештер тоқтай&nbsp;ма деген сұраққа Әсел Қалықова былай жауап берді.
<blockquote>
 «Аурудың көбеюіне тек «омикрон» ғана әсер етіп отырған жоқ, оны барлық штаммдар тудыруда. Әлбетте, кейбір қосымша шаралар қабылданатын болады. Ал қазір үкім шығаруға немесе қорытынды жасауға әлі ерте, бірақ шараларды назардан тыс қалдырмау қажет, оларды сақтау керек», –&nbsp;&nbsp;деді ол.
</blockquote>
Маман сонымен қоса зертханалар инфекцияның барлық нұсқаларын анықтау үшін жұмыс істеп жатқанын да айтты.
18 қарашада қаланың бас мемлекеттік санитарлық дәрігері Жандарбек Бекшин кез келген ұжымдық іс-шараларға, соның ішінде жаңа жылдық корпоративтік кештерге де тыйым салынғанын айтқан еді. Кейінірек қалалық санитарлық-эпидемиологиялық бақылау департаменті ешқандай тыйым жоқ екенін, тек банкеттер өткізу кезінде мекемелер шектеу шараларын сақтау керек екенін айтқан.
Бүгін үкімет «омикронның» таралуына жол бермеу мақсатында бірқатар шара&nbsp;<a href="https://stan.kz/kazakstan-omikron-shtamina-baylanisti-shekteu-sharalari-356508/">қабылдады.</a>&nbsp;Ол бойынша 11 елден кіруге шектеу қойылып, Египетпен әуе рейстері тоқтатылады.
<a href="https://stan.kz/elimizde-omikron-shtammi-taralsa-zhana-zhildik-keshterg-356540/">Stan.kz</a>

Қазақстан және Қызылорда облысының жаңалықтары