<a href="https://kyzylorda-news.kz/">Kyzylorda-news.kz</a>. Үкімет отырысында Премьер-Министрі Асқар Мамин әкімдерге вакциналау қарқынын арттыруды тапсырды.
<blockquote>
 «Санитарлық-эпидемиологялық ахуал өзгеріп барады. Өңірлерде вирусты жұқтырған адамдардың саны өсуде. Ауруханалардағы орындардың жүктемелігі 27 пайыз, ал жансақтау бөлімінде 24 пайызды құрап отыр. Елордадан басқа «қызыл» аймаққа тағы төрт өңір кірді. «Сары» мен «жасыл» аймақта алты өңірден бар. «Қызыл» аймақтардағы барлық өңірде шектеу шаралары қолданылып, мониторинг топтарының жұмысы күшейтілуі тиіс», – деді Үкімет басшысы.
</blockquote>
Асқар Мамин осы жайттың бәрін ескеріп, резервтегі инфекциялық орындардың дайындығын пысықтап, дәрі-дәрмек пен медициналық бұйымдардың жеткілікті болуын қамтамасыз етуді тапсырды
<blockquote>
 «Бүгінгі күні вакцинаның І компонентін 3,3 миллионға жуық адам салдырды. Шамамен 2 миллион адам ІІ компонентті ектірді. Бірақ бұл жеткіліксіз. Әкімдер вакциана салу қарқынын күшейту керек. Бұл әсіресе Маңғыстау, Атырау және Батыс Қазақстан облыстарына қатысты. Қызмет көрсету, білім беру саласында міндетті вакциналау қажеттігі айқын байқалып отыр», – деді Премьер-Министр.
</blockquote>
<a href="https://www.inform.kz/">ҚазАқпарат</a>

Асқар Мамин әкімдерге вакциналау қарқынын арттыруды тапсырды

<a href="https://kyzylorda-news.kz/">Kyzylorda-news.kz</a>. Нұр-Сұлтанда эпидемиологиялық жағдайдың нашарлауына байланысты 6 шілдеде қала күні&nbsp;атап өтілмейтін болды.
<blockquote>
 “Соңғы аптада алдыңғы аптамен салыстырғандар науқастану деңгейінің 65 пайызға немесе 1400 жағдайға өсуіне байланысты және эпидемиологиялық ахуалдың нашарлауын ескере отырып, қосымша қатаң іс-шаралар енгізілетін болады”, — деді қаланың санитар дәрігері Сархат Бейсенова.
</blockquote>
Оның атап өтуінше, елорда аумағында саябақтардағы ашық ауада жұмыс істейтін аттракциондардың жұмысына тыйым салынады. Қала күнін атап өтуге де шектеулер енгізіледі. Бұл ретте іс-шаралар онлайн форматта және ашық ауада Ашық жобасы арқылы ғана жүргізіледі. Алайда көрермендердің қатысуымен концерттік іс-шаралар да өткізуге болмайды.
Сондай-ақ&nbsp;барлық тамақтандыру қызметтері қызыл аймақ критерийлері бойынша таңғы 7:00-ден кешкі сағат 20:00-ге дейін жұмыс істейді.
<blockquote>
 “Ірі спорт кешендерінде көрермендердің қатысуымен спорттық іс-шараларды өткізуге, экскурсиялық турлар ұйымдастыруға тыйым салынады. Білім беру орталықтарында білім алушылардың саны 15-тен 10 адамға дейін қысқартылады және демалыс күндері жұмыс істеуіне тыйым салынады”, — деді Сархат Бейсенова.
</blockquote>

Биыл Елорда күнін атап өтуге тыйым салынды

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Алексей Цой елдегі санитарлық-эпидемиологиялық жағдай туралы айтты.
<blockquote>
 “Соңғы аптада коронавирус инфекциясын жұқтыру 39%-ке өскені байқалады. Республикада инфекциялық төсек-орындардың 27%-і (7 125 төсек), реанимациялық төсек-орындардың 24%-і (589 төсек) бос емес”, – деді Цой үкімет отырысында.
</blockquote>
Министрдің айтуынша, елде вирус жұқтырғандардың көбеюі Нұр-Сұлтан мен Алматы қалаларында аурушаңдықтың 1,7 есеге өсуімен байланысты. 
26 маусымнан бері Қазақстан “қызыл” аймақта тұр.
Сондай-ақ қауіпті аймаққа бес өңір – Нұр-Сұлтан, Алматы қалалары, Батыс Қазақстан, Атырау және Қарағанды облыстары кірген. 
Қалған өңірлер “сары” және “жасыл” аймақта.
<a href="https://sputnik.kz/society/20210629/17472024/kyzyl-aymak-Tsoy-virus.html">Sputnik Қазақстан</a>

Қазақстан «қызыл» аймақта: Цой вирус жұқтырғандар көбейіп бара жатқанын айтты

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 1262 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 313, 
Алматы қаласы – 147, 
Шымкент қаласы – 5, 
Ақмола облысы – 28, 
Ақтөбе облысы – 29, 
Алматы облысы – 43, 
Атырау облысы – 115, 
Шығыс Қазақстан облысы – 57, 
Жамбыл облысы – 71, 
Батыс Қазақстан облысы – 84, 
Қарағанды облысы – 130, 
Қостанай облысы – 45, 
Қызылорда облысы – 23, 
Маңғыстау облысы – 2, 
Павлодар облысы – 105, 
Солтүстік Қазақстан облысы – 42, 
Түркістан облысы – 23.
Қазақстан бойынша жазылғандар саны – 394039.

COVID-19: Қызылордада 23 адам жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1321 адамда коронавирус індетін жұқтырған, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Қазақстанда өткен тәулікте 1321 адамда коронавирус індеті ПТР арқылы расталып ауырғаны белгілі болды.
Аймақтар бойынша: 
Нұр-Сұлтан қаласы – 370, 
Алматы қаласы – 126, 
Шымкент қаласы – 33, 
Ақмола облысы – 44, 
Ақтөбе облысы – 10, 
Алматы облысы – 43, 
Атырау облысы – 66, 
Шығыс Қазақстан облысы – 65, 
Жамбыл облысы – 31, 
Батыс Қазақстан облысы – 63, 
Қарағанды облысы – 288, 
Қостанай облысы – 45, 
Қызылорда облысы – 17, 
Маңғыстау облысы – 25, 
Павлодар облысы – 45, 
Солтүстік Қазақстан облысы – 15, 
Түркістан облысы – 35.
Жалпы ел бойынша ауырғандар саны 421121.

Қызылордада өткен тәулікте 17 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. Жаңақорған ауданында каналға суға батып кеткен 13 жастағы қыздың денесі бір күннен кейін табылды. Бұл туралы Қызылорда облыстық төтенше жағдайлар департаменті өрт сөндіру және авариялық құтқару жұмыстары қызметі хабарлады.
Оқиға 27 маусым күні сағат 14-12 шамасында ауданға қарасты Көктөбе ауылы аумағындағы Келінтөбе каналында орын алған. Шымкент қаласының 1988 жылғы ер азамат пен 2008 жылғы қыз бала суға&nbsp;батып кеткен&nbsp;.
Жексенбі күні облыстық төтенше жағдайлар департаменті өрт сөндіру және авариялық құтқару жасағының мамандары олардың денесін іздестіруге кірісті. Алғашқы күнгі іздестіру өз нәтижесін берген жоқ. Іздестіру жұмыстары 28 маусымда таңғы сағат 6.00-ден бастап қайта жалғасты.
<blockquote>
 «Түскі сағат 13.04-те Қандөз ауылында көпірге 50 метр жетпей 13 жастағы қыз баланың денесі табылды. Ол шамамен оқиға орнынан 12 шақырымдай қашықта. Ал 33 жастағы ер адамның денесін іздестіру жалғасуда», – деленген хабарламада.
</blockquote>

Жаңақорғанда суға батып кеткен қыздың денесі табылды

<a href="https://kyzylorda-news.kz/">Kyzylorda-news.kz</a>.&nbsp;29 маусымда республиканың басым бөлігінде ыстық болады, тек батыс пен шығыста өткінші жаңбыр жауады, деп хабарлайды Қазгидромет.
Синоптиктердің болжауынша, 29 маусымда Қазақстанның батысында, шығысында және оңтүстік-шығысында атмосфералық ағындардың өтуіне байланысты өткінші жаңбыр жауады, найзағай жарқылдайды. Еліміздің қалған бөлігінде күн райы ашық болады. Солтүстікте түнде және таңертең тұман түсуі мүмкін, күндіз оңтүстік-шығыста бұршақ жаууы ықтимал.
Жамбыл облысында күндіз таулы және тау бөктеріндегі аудандарда бұршақ жаууы ықтимал, кей жерлерде жел 15-20 м/с күшейеді.
Батыс Қазақстан, Шығыс Қазақстан, күндіз Ақтөбе, Қостанай облыстарының кей жерлерінде жел 15-20 м/с күшейеді, күндіз Батыс Қазақстан облысының кей жерлерінде бұршақ жауады.
Солтүстік Қазақстан облысының кей жерлерінде түнде және таңертең тұман түсуі мүмкін.
Күндіз Батыс Қазақстан, Атырау, Маңғыстау, Ақтөбе облыстарында ыстық, кей жерлерде өте қатты ыстық болады.
Алматы, Жамбыл, Түркістан, Қызылорда облыстарының басым бөлігінде, Қарағанды облысының кей жерлерінде, Қостанай облысының оңтүстігінде аптап ыстық болады.
Қызылорда, Маңғыстау, Атырау, Ақтөбе, Түркістан, Жамбыл облыстарының басым бөлігінде, Қарағанды, Батыс Қазақстан, Қостанай, Алматы облыстарының кей жерлерінде өрт қауіпі өте жоғары.

Аптап ыстық болады

<a href="https://kyzylorda-news.kz/">Kyzylorda-news.kz</a>. 2021 жылғы 29 маусымда сағат 9.00-ден 12.00-ге дейінгі аралықта азаматтық қорғау органдарының құлақтандыру жүйесін тексеру жоспарлануда.
​Халықты төтенше жағдайлар туралы құлақтандыру және ақпараттандыру негізгі қауіпсіздік шарасы болып табылады. Ол тұрғындарды қандай да бір авария немесе табиғи құбылыстардың әртүрлі факторларынан болатын қираулар салдарынан қорғайды.
Осы орайда Қызылорда облысының төтенше жағдайлар департаменті үрейге бой алдырмай тыныштық сақтауларыңызды сұрайды.
<img src="https://kyzylorda-news.kz/wp-content/uploads/2021/06/1fb4af2f-a651-4d79-b119-77b304469587.jpg" alt="" />

Қызылордада дабылды ескерту жарияланды

*<a href="https://kyzylorda-news.kz/">Kyzylorda-news.kz</a>.&nbsp;Бүгін облыс әкімі Гүлшара Әбдіқалықова Н.Бекежанов атындағы музыкалық драма театрында Бұқаралық ақпарат қызметкерлерінің кәсіби мерекесіне арналған салтанатты шараға қатысып, БАҚ қызметкерлеріне құрмет көрсетті.*
Аймақ басшысы ұлттық рухты қалыптастыруда, қоғамдағы әлеуметтік маңызы бар бастамалардың өміршеңдігіне елеулі үлес қосып жүрген журналистердің еңбегін айрықша атап өтіп, Тәуелсіздіктің 30 жылдығы ішінде елдің дамуына БАҚ өкілдерінің ерекше ықпал еткенін тілге тиек етіп, төл мерекеде тілшілерге ақжарма тілегін арнады.
<blockquote>
 “Бүгінгідей ақпарат тасқыны алапат дәуірде таңдаған мамандығына адал болып, ұстанымын өзгертпеген, қалам қасиетін ардақ тұтқан журналист қауымына жақсы тілектерімізді айту үшін жиналып отырмыз. Өздеріңіздей туған жердің тарихын қадір тұтып, бүгінгісіне марқайып, ертеңіне алаңдайтын қауыммен жүздесуді сағынып қалғанымыз да рас. Ұлт болып ұйысуға, мемлекет болып ілгерілеуге бағытталған елдік шаруаларға, Елбасы бастамалары мен Мемлекет басшысының тапсырмаларын жүзеге асыруға қосқан өлшеусіз үлестеріңіз үшін өздеріңізге риясыз алғысымызды айтамыз.Төтенше жағдай кезінде дәрігерлер, күштік құрылым қызметкерлері сапында сіздер де жүріп, ең қиын сәттерде шынайы ақпарат тараттыңыздар. Ресми органдар мен бұқара халықтың арасында алтын көпірге айналып, ағайынның ауызбірлігі, қалтқысыз сенім, қиналғанда бір-біріне қол созған қайырымды жандар туралы көрсетілім, мақала жаздыңыздар. Сол үшін де сіздерге Сыр жұртшылығы атынан зор ризашылығымызды білдіреміз”, – деді Гүлшара Әбдіқалықова.
</blockquote>
Кәсіби мерекеде ақпарат саласының дамуына қызмет етіп, өңірдің өркенді істері мен айшықты сәттерін бұқараға насихаттап жүрген бірқатар БАҚ өкілдері марапат төрінен көрінді.
Облыс әкімі Гүлшара Әбдіқалықова ең алдымен ҚР Президенті Қасым-Жомарт Тоқаевтың «Алғыс» хатын республикалық «Хабар 24» телеарнасының меншікті тілшісі Қамбар Бекеновке, «Қазақстан» Ұлттық телеарнасының меншікті тілшісі Әділбек Жақановқа, «Халық» газетінің бас редакторы Нұржан Нұрмағанбетовке табыстады. Ал, «Еңбек ардагері» медалімен «Шарайна-Сейхун» аймақтық ақпараттық-танымдық басылымының директор-редакторы Нұрмахан Елтай, ҚР Мәдениет қайраткері, Қазақстан жазушылар және Журналистер одақтарының мүшесі Тілеген Бекарыстанов марапатталды.Төл мерекеде «Қазақстан» РТРК» АҚ облыстық филиалының бас редакторы Айнұр Тұңғышбаева, «Сыр бойы» газетінің бас редакторының орынбасары Гүлжазира Жалғасова, республикалық «Atameken Business News» телеарнасының меншікті тілшісі Шарипа Сақтапова, «Кызылординские вести» газетінің бас редакторы Қазбек Ботаев, республикалық «Хабар 24» телеарнасының меншікті тілшісі Қамбар Бекенов «Ақпарат саласының үздігі» төсбелгісін иеленді. Ал, Қазақстан Журналистер Одағының «Қазақстанның Құрметті журналисі» атағы ардагер журналист Айткүл Шалғынбаеваға табысталды.
Салтанатты шарада 4 журналист ҚР Ақпарат және қоғамдық даму министрінің «Құрмет грамотасымен», 6 журналист облыс әкімінің «Құрмет грамотасымен», 20 журналист арнайы номинациямен, 11 журналист облыс әкімінің «Алғыс» хатымен марапатталды.
Жыл сайын жас журналистер арасында өтетін С.Бермағанбетов атындағы байқау жеңімпаздарына да марапат бұйырды. «Қоғам ТВ» телеарнасының редакторы Назгүл Қажытаева «Үздік сюжет», «Ақмешіт апталығы» газетінің тілшісі Ерсін Шамшадин «Үздік мақала», «Halyqline.kz» сайтының редакторы Рыскелді Жахман «Үздік жарияланым» номинациясына лайық деп танылды. Сондай-ақ, «Тіршілік тынысы» газетінің тілшісі Балтабай Ордабеков ҚР Тәуелсіздігінің 30 жылдығына орай облыстық шығарма жазу байқауының жеңімпазы атанды.
Мерекелік шара арнайы концерттік бағдарламаға ұласты. Журналистердің құрметіне Сыр елінің белгілі жыршылары жыр арнап, Қазақстанның Еңбек сіңірген әртісі Күлән Қалымбетова «Сыр елім» әнін тарту етті. Сондай-ақ, «Томирис» би ансамблі, «Ақмешіт» фальклорлық ансамблі өнер көрсетіп, Жастар театрының әртістері Асқар Тоқмағамбетовтің «Қызылорда» поэмасын сахналады.
<img src="https://kyzylorda-news.kz/wp-content/uploads/2021/06/fb_img_1624888176186.jpg" alt="" />

Гүлшара Әбдіқалықова БАҚ өкілдерін мерейлі мерекемен құттықтады

<a href="https://kyzylorda-news.kz/">Kyzylorda-news.kz</a>. Қызылорда қаласындағы А.С.Пушкин атындағы орталық кітапханада 6 шілде – Астана күніне орай «Астана – алты алаштың рухани темірқазығы» атты оқырмандар сағаты өтті. Жиынға аймаққа белгілі зиялы қауым өкілдері, сәулетшілер, тарихшылар қатысты.
Жиын Қызылорда облыстық ішкі саясат басқармасының «Рухани жаңғыру» орталығы және кітапхана ұжымы ұйымдастырды.
Іс-шараның модераторы облыстық ішкі саясат басқармасының «Рухани жаңғыру» орталығы&nbsp; коммуналдық мемлекеттік мекемесі директорының орынбасары Сәулет Сахиев елорданың күн өткен сайын асқақтап, ғылым мен мәдениет, еңбек және спорт саласында жеткен жетістіктерімен мәртебесі биіктей түскендігін, Астана – күллі Қазақстандықтардың мақтанышы, егемендігіміздің келбеті мен айғағы екендігі тұрғысында сөз қозғап жиынды бастап берді.
Шара барысында философия ғылымдарының докторы, Қорқыт&nbsp; Ата атындағы Қызылорда университетінің философия және әлеуметтік-гуманитарлық пәндер кафедрасының профессоры Баймырза Қожамберлиев ҚР Тұңғыш Президенті – Елбасы Нұрсұлтан Әбішұлы Назарбаевтың үш тараудан&nbsp; тұратын&nbsp;«Еуразия жүрегінде» атты кітабы жайлы, сәні мен сәулеті келіскен Астананың айшықты келбетін сөзге&nbsp; тиек етті.
Сондай-ақ «Сәулет» қала құрылысын дамыту және маниторинг бөлімінің басшысы Алмат Берікұлы Елбасының қажырлы күш-жігерінің арқасында&nbsp; қанатын кеңге жайып бара жатқан Елорданың кешегі мен бүгінгі асқақтаған сәулеті тұрғысында Шүкір Шахайдың – «Астана жан жүрегім» және «Архитектура Астаны» атты кітаптарының ерекшеліктеріне тоқталып өтті.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Жиында тарих ғылымдарының докторы, Қорқыт&nbsp; Ата атындағы Қызылорда университетінің Тарих және Қазақстан халқы Ассамблеясы кафедрасының профессоры Тастанбек Сәтбай сөз сөйлеп, Елбасының «Сындарлы он жыл» атты кітабынан кітапхананың жас буын өкілдеріне аз уақыт ішінде Астана Қазақстанның ғана емес, бүкіл Еуразиялық кеңістіктің саяси-экономикалық және мәдени өмірінің ошағына айналғандығын мақтанышпен айтып берді.
Жиын соңында «Рухани жаңғыру» орталығы директорының орынбасары Сәулет Сахиев бүгінгі шараның негізгі мақсаты ұлт руханиятын ғасырлар биігіне көтеретін «Рухани жаңғыру» мемлекеттік бағдарламасы аясында қоғам арасында кітап оқу мәдениетін қалыптастыру екендігін айтты. Сонымен бірге &nbsp;аға буын өкілдері,&nbsp; өскелең ұрпақ, ел тізгінін ұстар жастар қауымының саналы, білімді ұрпақ болып қалыптасуының негізін қалап, қажырлы жұмыс жасап жатқандығын да атап өтті.

Қызылордада елорда күніне орай шара өтті

<a href="https://kyzylorda-news.kz/">Kyzylorda-news.kz</a>. Еліміздегі эпидемиологиялық ахуал бойынша Қызылорда облысы «сары» аймаққа өтті. Өткен тәулікте коронавирус індетін 28 адам жұқтырды. Бұл туралы Өңірлік коммуникаицялар қызметінің ақпарат алаңында облыс әкімінің орынбасары Балжан Шаменова мәлімдеді.
<blockquote>
 «Коронавирус ауруын азайтуға мүмкіндік беретін ұжымдық иммунитет қалыптастыру үшін халықтың кем дегенде 60 пайызы вакцинациялаудан өтуі қажет. Сол үшін коронавирусқа қарсы вакцинаны, ең алдымен, халықпен жиі араласатын қауіп тобындағы адамдар: медицина саласы мамандары мен полиция қызметкерлері және мұғалімдер салдырды. Бұл денсаулық сақтау және әлеуметтік маңызды салалардағы жағдайды барынша тез тұрақтандырып, пандемиядан қалыпқа келу процесін жеңілдетуге мүмкіндік берді»,-деді Балжан Шаменова.
</blockquote>
Жыл басынан бері 167 мониторингтік топтың рейдтік тексерістерімен 10003 нысан қамтылды. Нәтижесінде 335 карантин талаптарын бұзушылық анықталды. Оның ішінде халыққа қызмет көрсету нысандарындағы бұзушылық саны–158, үй жағдайларында ұйымдастырылған мерекелік-көпшілік іс-шаралар саны-125, ұйымдасқан ұжымдарда-52 карантин талаптарын бұзушылық анықталды.
<blockquote>
 «Бүгінгі таңда өңірлерде індетке қарсы иммундау науқанына 106 екпе кабинеті, оның ішінде аудандарда 91 кабинет тартылған. Бұдан басқа, шалғайдағы аудан-ауылдарда , ұйымдасқан ұжымдарда, адамдар көп жиналатын жерлерде жылжымалы егу пункттері бар. Бүгінде 37 жылжымалы пункттің жұмысы ұйымдастырылды»,-деді облыстық денсаулық сақтау басқармасы басшысының м.а. Жангелді Шаймбетов.
 «Қазіргі уақытта өз өмірімізді сақтаудың жалғыз жолы – вакцинация. Аймақта вакцинаның бірінші компонентін 143 949 адам алса, оның екінші компонентнен 77 109 адам өтті. Ағымдағы жылдың маусым айының 28 жұлдызында Қызылорда облысы бойынша коронавирус инфекциясының 7 082 жағдайы тіркелді. Оның 51,5 пайызы клиникалық белгілермен, 48,5 пайызы симптомсыз түрі»,-деді облыстық санитариялық-эпидемиологиялық бақылау департаментінің басшысы Динара Жаңабергенова.
</blockquote>
<img src="https://kyzylorda-news.kz/wp-content/uploads/2021/06/207408429_1319128368482672_568865588769094548_n.jpg" alt="" />

Қызылорда облысы «сары» аймаққа өтті

<a href="https://kyzylorda-news.kz/">Kyzylorda-news.kz</a>. Коронавирустың төртінші толқыны басталуы мүмкін. Бұл туралы Алматы қаласының бас санитар дәрігері Жандарбек Бекшин мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 «Құрметті алматылықтар, жағдай ушығып барады. Оны барлығыңыз байқап отырсыздар. Инфекцияны жұқтыру көрсеткіші өсіп жатыр. Бүгінде төртінші толқынның алдында тұрғанымызды мойындауымыз керек», – деді Бекшин өңірлік коммуникациялар қызметінде өткен онлайн брифингте.
</blockquote>
Оның айтуынша, бұған дейін британдық «альфа» штаммы коронавирустың үшінші толқынына себеп болған. Осы жолы «дельта» штаммы төртінші толқынды туғызуы әбден мүмкін.
<blockquote>
 «Оны «үнді штаммы» деп атайды. Неге төртінші толқын деп отырмыз, себебі кеше ғана «жасыл» аймаққа шығып едік. Инфекцияны жұқтыру көрсеткіші 100-114 адамға дейін төмендеді. Алайда аяқ астынан бірден көбейіп кетті. Әдетте ондай жағдай жаңа штаммдар, мутацияға түскен штаммдар кіргенде болып жатады. Себебі адамға жұғу көрсеткіші жоғары. Үнді штаммы да сондай», – деп атап өтті Бекшин.
</blockquote>
Осы орайда бас санитар қала тұрғындарын, әсіресе, кәсіпкерлерді қатаң карантиндік шараларға түсіністікпен қарауды сұрады.

Қазақстан және Қызылорда облысының жаңалықтары