<a href="https://kyzylorda-news.kz/">Kyzylorda-news.kz.</a> Ел Тәуелсіздігінің 30 жылдық мерейтойына орай Қызылорда қалалық Полиция басқармасының жергілікті полиция қызметі патрульдік полиция батальонының қызметкерлерінің аналарына осындай төсбелгі табысталды. Бұл марапатқа алғаш рет 70 қызметкердің анасы ие болды.
Бұл басталған игі шараның соңы емес. Алдағы айтулы мерекелердің бірінде офицерлердің әкелері де марапатталуы мүмкін.
Қызылордалық Шотаева Сара анамыздың қуанышында да шек жоқ. Себебі, еліміздің ең айтулы мерекесі қарсаңында оны Полиция басқармасында қызмет ететін ұлының әріптестері құттықтауға келді. Және тек ыстық ықыласын білдірмей, арнайы төсбелгі де табыстады. «Офицердің анасы» медалін алған тұрғын бұл мерекенің ерекше есте қалатынын айтады.
Біршама аналарды, үйіне құттықтап барған қызметкерлер, олардың аналық қуанышын , ұлының жұмысының жемісімен мақтанған ата-аналарды көрді.
Аталмыш шара жалғасын Қызылорда қалалық Полиция басқармасының ғимаратында басқарма бастығы Жаназаров Әбдібек Сламбекұлының қатысуымен өз жалғасын тапты.
Кунтажиева Гулбаршын, «Офицердің анасы» төсбелгісінің иесі: «Өте қуаныштымын. Өте бақыттымын. Қызымның осындай жетістіктерге жетіп, басқарма тарапынан марапатталып жатқаны мені үлкен қуанышқа бөледі. Қызымның осындай дәрежеге жетіп, анасын құттықтап, төсбелгі беріп, алғыс хат беріп құттықтап жатқан менің балама да мыңда бір алғыс айтамын».
Дәл осындай төсбелгі 70 анаға табысталды. Олардың барлығының да балалары Қызылорда қалалық Полиция басқармасында жұмыс істейді. Айта кетейік, мұндай марапат басқармада бұрын-соңды берілмеген.
<blockquote>
 «Басқармада қызмет атқарып жатқан қызметкерлердің жұмыс барысындағы адал еңбектері және де жұмыс барысында жетіп жатқан жетістіктерін негізге ала отырып, мекеменің басшылық құрамамымен зерделеп әрбір қызметкердің жұмысына баға бере отырып, қызметкерлердің аналарын естен шығармай мейрам қарсаңында құттықтауды жөн көрдік», – деді Әбдібек Жаназаров.
</blockquote>

Қызылордалық полицейлердің аналары төсбелгімен марапатталды

<a href="https://kyzylorda-news.kz/">Kyzylorda-news.kz.</a> Әуесқойлық балық аулау – балықты бір-бірлеп аулауға мүмкіндік беретін ау құралдарымен жүзеге асырылады. Адамның спорттық және эстетикалық қажеттіліктерді қанағаттандыру, спорттық жарыстарды өткізу мақсатында, сондай-ақ аулап алынған өнімді жеке тұтыну үшін балық ресурстарын және басқа да су жануарларын аулау.
Әуесқойлық немесе спорттық балық аулау бір балық аулаушыға бес данадан аспайтын ілмектері бар қармақтардың барлық жүйелерімен және атауларымен (жылтырауық, қармақ, жыртқыш балықтарды аулауға арналған қармақтар, спиннингтер), су асты аңшылығына арналған қарумен, сондай-ақ бір балық аулаушыға үш данадан аспайтын шаяндар мен басқа да су жануарларын аулауға арналған арнайы аспаптармен, қақпандармен және секреттермен жүргізіледі.
Арнайы құрылатын аспаптар мен су асты аңшылығына арналған қару халық демалатын аймақтан тысқары арнайы бөлінген жерлерде, сонымен қатар жануарлар дүниесін пайдаланушымен белгіленген арнайы орындарда, бекітіліп берілген балық шаруашылығы су айдындарында және учаскелерінде рекреациялық балық аулау үшін пайдаланылады.
Балық шаруашылығы су айдындарының және учаскелерінің резервтік қорында әуесқойлық (спорттық) балық аулау бір балықшыға бір шыққанда бес килограммға дейін ақысыз қандай да бір рұқсатсыз жүзеге асырылады. 
Балық шаруашылығы су айдындарының және учаскелерінің резервтік қорында әуесқойлық (спорттық) балық аулау бір балықшыға бір шыққанда бес килограммнан астам ақылы түрде жергілікті атқарушы органдарымен берілген рұқсат бойынша жүзеге асырылады.
Бекітіліп берілген балық шаруашылығы су айдындарында және (немесе) учаскелерінде әуесқойлық (спорттық) балық аулау жеке адамдарға жануарлар дүниесін пайдаланушымен берілген жолдамасына сәйкес олардың ауызша және жазбаша өтініштері бойынша жүзеге асырылады.
Балық аулаушы әуесқойлық (спорттық) балық аулауды жүзеге асыру кезінде өзімен бірге:
1) жолдама (бекітіліп берілген балық шаруашылығы су айдындарында және (немесе) учаскелерінде);
2) рұқсат (балық шаруашылығы су айдындарының және (немесе) учаскелерінің резервтік қорында бес килограммнан астам балық және басқа да су жануарларын аулау кезінде);
3) жеке басты куәландыратын құжат болады.
Шынжырхан СҮЛЕЙМЕНОВ, 
«Қызылорда Fish» Қызылорда облысы бойынша 
спорттық және әуесқой балық аулаушылар қоғамы» 
қоғамдық бірлестігінің атқарушы директоры

Балық аулаудың тәртібі қандай?

Kyzylorda-news.kz. Облыста жыл басынан бері 19 әлеуметтік маңызы бар азық-түлік тауарының 16 өніміне баға жоғарыласа, 2 өнім тұрақты бағада қалды. Бүгінде тұрақтандыру қорында 1298,3 тонна өнім қоры бар. Сонымен қатар, әлеуметтік маңызы бар тауарлардың бағалары шекті мәннен асқан жағдайда оларға шекті рұқсат етілген бағаларды белгілеу шаралары қабылдануда.
Бұл жөнінде Өңірлік коммуникациялар қызметінде өткен брифингте облыстық ауыл шаруашылық басқармасы басшысының орынбасары Айнұр Тілеуеева мәлімдеді.
<blockquote>
 «2020-2021 жылдар аралығында баға тұрақтылығын қамтамасыз ету мақсатында облыстық бюджеттен айналым схемасы бойынша 17 кәсіпкерлік субъектісіне 1078,0 млн. теңге көлемінде қаржы берілді. Одан бөлек, әлеуметтік маңызы бар азық-түлік бағаларын тұрақтандыру мақсатында 1128,9 тоннаның өнімі облыс тұрғындарына арзандатылған бағада сатылды. Өнімдердің ішінде 6 азық-түлік тауарының бағасы бекітілген шекті мәннен яғни 15 пайыздан асқанына байланысты арнайы комиссия отырысы өткізіліп, күнбағыс майы – 781 теңге, пияз – 106 теңге, сәбіз – 221 теңге, картоп – 158 теңге, қант және құмшекер – 286 теңге мөлшерінде рұқсат етілген шекті баға белгіленді», – деді Айнұр Маратқызы.
</blockquote>
Жыл басынан тұрақтандыру қорына – 100 тонна күріш, 205,2 – тонна қант, 200 – тонна пияз, 68 тонна қарақұмық жармасы, 100 тонна сәбіз өнімі сатып алынды. Шаһарда 33 әлеуметтік дүкен белгіленген бағада тұрғындарды азық-түлікпен қамтамасыз етуде.
<blockquote>
 «Облыстық бюджеттен тұрақтандыру қорына биыл 900 млн. теңге бөлінді. Қазіргі таңда тұрақтандыру қорында 1298,3 тонна өнімнің қоры бар. Оның 486,4 тоннасы бірінші сұрыпты бидай ұны, қарақұмық жармасы – 87 тонна, күріш – 140,8 тонна, макарон – 65,4 тонна, басты пияз – 200 тонна, сәбіз – 100 тонна, қант өнімдері – 218,7 тонна. Сондай-ақ, «Айналым схемасы» бойынша әлеуметтік дүкендер мен бұрыштарда ӘМАТ-тың 19 түрін қамтамасыз ету және белгіленген бағада сату үшін 14 кәсіпкерлік субъектісіне 1078 млн.теңге қарыз берілді. Бүгінгі күні барлық әлеуметтік дүкендерде 19 әлеуметтік маңызы бар азық-түлік тауарлары белгіленген бағада сатылуда. Мәселен, нан 55 теңгеден, қант 263 теңгеден, өсімдік майы 630 теңгеден, картоп 130 теңгеден, сәбіз 170 теңгеден, басты пияз 80 теңгеден, қырыққабат 80 теңгеден, 1 сортты ұн 135 теңгеден, қарақұмық жармасы 400 теңгеден, күріш 210 теңгеден, макарон 200 теңгеден, сиыр еті 1650 теңгеден, тауық еті 785 теңгеден, жұмыртқа 31 теңгеден, сүт 280 теңгеден сатылуда. Әлеуметтік дүкендердегі өнімдердің бағасы нарықтық бағадан төмен болғандықтан, тауарларды көтерме сатып алу және қайта сату фактілеріне жол бермеу мақсатында шектеу енгізілді. Енді сатып алушы тауық жұмыртқасын – 10 данадан, қант – 2 кг, картоп – 3 кг, сәбіз – 2 кг, тауық еті – 2 кг, өсімдік майы 1 литрден беріледі», – деді «Байқоңыр ӘКК» басқарма төрағасының орынбасары Жеңісбек Ахметов.
</blockquote>

Қызылордада 16 әлеуметтік маңызы бар азық-түлік қымбаттады

Kyzylorda-news.kz. Қазалы ауданы Үрмәш Түктібаев атындағы ауылда Орынбет ишан Дәрменқұлұлының 200 жылдығына орай «Ортамыздың құты Орынбет ишан» атты ауқымды шара өтті.
Ел Тәуелсіздігінің 30 жылдығы аясында өткен шарада облыстық жас ақындар айтысы мен ұлттық спорт түрлерінен жарыс ұйымдастырылды.
Ауылдық клубта жас ақындар айтысы басталмастан бұрын көрермендерге Орынбет ишанның өмір жолынан сахналық көрініс көрсетілді.
Облыстық жас ақындар айтысына қатысушы сөз зергерлерін Майдакөл ауылдық клубының меңгерушісі, ақын, сазгер Ермекбай Ағырай таныстырып, аламанды бастап кетті.
Жас ақындар жұртшылыққа кестелі жыр, сүбелі сөз сайысын паш етті. Айтыстың ақтық сынында бас жүлдені жалағаштық жас ақын Қартбай Мейіржан қанжығасына байласа, бірінші орынға Қызылорда қаласынан келген Бақытәлі Жамбыл ие болды. Екінші орынды майдакөлдік Бекзат Серіков, үшінші орынды Қызылорда қаласынан келген Бекқожа Нұржігіт пен қармақшылық Бекқанат Смайлұлы місе тұтты.
Ү.Түктібаев ауылдық клубында өткен шараға аудан әкімі Мұхтар Оразбаев қатысып, құттықтау сөз сөйледі.– Ү.Түктібаев атындағы ауыл қазақы қаймағы бұзылмаған, бір-бірімен тату-тәтті, ынтымағы мен берекесі жарасқан мекеннің бірі. Сондықтан болар түктібаевтықтардың бірлігі бекем, тірлігі тиянақты. Бүгін біз Сіздермен бірге облыстық жас ақындар айтысынан бөлек, түрлі шаралардың куәсі болып отырмыз. Әрине, мұндай салтанатты шараны ұйымдастыра білу екінің бірінің қолынан келе бермейді. Тек берекесі тасып, ынтымағы артқан, жастары жалындап тұрған ауылдар ғана қолға алып, абыроймен өткізе алады, – деген аудан басшысы жас айтыскерлерге сәттілік тіледі.
Мұнан соң Орынбет ишан Дәрменқұлұлының 200 жылдығына орай ұйымдастырылып жатқан шараны жоғары деңгейде өтуіне ерекше үлес қосқан Ү.Түктібаев ауылындағы «Орынбет ишан» мешітінің бас имамы Ғабдулла Иниятуллаұлына аудан әкімінің «Алғыс хаты» табысталды.
Облыстық жас ақындар айтысын аудандық мәслихат хатшысы Бақытжан Жарылқап, «Нұр Отан» партиясы аудандық филиалы төрағасының бірінші орынбасары Нұрғиса Жалғасбаев, облыстық мәслихат депутаты Ібайдулла Тілеп, Әйтеке би кентінің әкімі Қайрақбай Орынбасаров, аудандық ардагерлер кеңесінің төрағасы Оразғали Бекбанов, Жанқожа батыр атындағы аудандық мешіттің бас имамы Берік қажы Сүлейменов қатысып, жас ақындардың айтысын тыңдады.
Орынбет ишан Дәрменқұлұлының 200 жылдығына орай Б.Әбдіразақов атындағы №88 мектептің спорт залында қазақша күрес, батпан көтеру және қол күресінен жарыстар ұйымдастырылды. Жарыс жеңімпаздарына қаржылай сыйлықтар табысталды.

Қазалыда жас ақындар айтысы өтті

<a href="https://kyzylorda-news.kz/">Kyzylorda-news.kz.</a>&nbsp;ҚР Ғылым және білім министрі Асхат Аймағамбетов мектептерде бұқаралық іс-шараларды өткізуге қатысты сұраққа жауап берді, деп хабарлайды <a href="https://www.inform.kz/kz">ҚазАқпарат.</a>
Айта кетейік, жақында ҚР Бас санитар дәрігері Ерлан Қиясов коронавирус инфекциясының «Омикрон» штамы Қазақстан аумағында таралмауына арналған жаңа қаулы жариялады.
<blockquote>
 «Ертеңгіліктер мен өзге де бұқаралық іс-шаралар мектептерде өткізілмейді. Осы орайда Бас санитар дәрігерінің шешімі болғандықтан, біз оны орындауға міндеттіміз. Сондықтан ертеңгіліктер мен басқа да мерекелік жиындар мектепте ұйымдастырылмайды», – деді А. Аймағамбетов Сенаттың жалпы отырысынан кейін тілшілер сауалына жауап бере отырып.
</blockquote>
Оның айтуынша, бір сыныптың ішінде мерекені өткізу туралы шешім мектеп әкімшілігі деңгейінде қабылданады. Сонымен қатар тілшілер «омикрон» штамының таралуына байланысты оқушыларды қашықтан оқытуға ауыстыру мүмкіндігі туралы сұрады.
<blockquote>
 «Қазіргі кезде бұл жайында айту ертерек. Біз Ведомствоаралық комиссияның шешімі аясында жұмыс істейміз. Қазіргі уақытта қорытынды шығару үшін мәліметтер жеткіліксіз болып тұр», – деді министр.
</blockquote>

Мектептерде жаңажылдық іс-шаралар өткізілмейді

<a href="https://kyzylorda-news.kz/">Kyzylorda-news.kz.</a> Құрылыстан – сахнаға! Бір күнде жұлдызға айналған қызылордалық Гүлмайданға продюсер Жан Мұқанов қолдау көрсетті. Сылақшы қызды тауып, хабарласқан продюсер оған бір күнде ән жазып берді. Сондай-ақ, Гүлмайдан отандық телеарналарға шығуға мүмкіндік алды, деп хабарлайды&nbsp;<a href="https://stan.kz/">Stan.kz</a>.
Өзін Дана ден таныстырған арудың шын есімі – Гүлмайдан. Қызылордалық ару құрылыста сылақшы болып жұмыс істейді. Музыкалық білімі болмаса да, өнерге деген махаббаты оны елге танытты. Дананың сылақ сылап жүріп, ән айтқан видеолары&nbsp;<a href="https://stan.kz/denem-titirkenip-ketti-kizilordalik-silakshi-kiz-kereme-356603/">әлеуметтік желіде таралып кетті</a>. Видеоны алғашқылардың бірі болып бөліскен блогер Дәулет Мұқаев оның продюсер табуына себепші болды.&nbsp;
<blockquote>
 «Сүйінші. Танылмаған талант. Кешегі постымнан кейін, бірнеше адам жазды. Тв журналистер, газет сайттар хабарласты. Барлығына Дананың номерін бердім. Бірнеше адамға жекеге шықтым. Көрінбейтін жұмысымның нәтижесі. Негізі шын есімі – Гүлмайдан. Өзін Дана дейді. Менің постамды көріп, еліміздегі белді продюсерлердің бірі Жан Мұқанов жекеме шықты. Нәтижесінде бір күнде ән жазылды! Дана ертең Хабар арнасындағы “Таңғы Хабарға” тікелей эфирге шығады. Ұлттық арнаға, Еуразия арнасына да сұхбаты шығып, жанды дауыстағы әні шырқалады. Әріптестеріме рақмет. Менің үндеуімді жерге тастамай, бір күнде таланттың жұлдызын жақтық. Дана, тек қана алға! Енді Дананың су жаңа парақшасына тіркеле отырайық @anwi_dana», – деп жазды Дәулет Мұқаев.&nbsp;
</blockquote>
Дананың парақшасына аз уақытта 26 мыңнан аса адам тіркеліп үлгерген.&nbsp;
<blockquote>
 «Дәулет, Жан ағаларыма Алла разы болсын. Мені қолдап, өнерімді бағалап жатқандарыңыз үшін алғысым шексіз сіздерге.&nbsp;Және де барша Қазақ еліне рақмет айтамын, сіздердің шынайы шырылдап қолдаған ақ ниеттеріңіздің, тілек-дұғаларыңыздың себепкерлігімен осылай менің өнерімді танытқандарыңызға.&nbsp;Рақмет баршаңызға», – деп жазды Дананың өзі.
</blockquote>

Қызылордалық сылақшы қызға отандық продюсер ән жаздырып берді (ВИДЕО)

<a href="https://kyzylorda-news.kz/">Kyzylorda-news.kz.</a> Енді жарыс жолындағы теңгелер саны артады,&nbsp;деп хабарлайды «Хабар 24».&nbsp;
Бұл жөнінде елордада өткен ұлттық спорт түрлері қауымдастығының алқа мәжілісінде белгілі болды. Жиында ұлттық ойынымыздың ережесінде өзгеріс енгізу ұсынылды. Оның ішінде жарыс жолағындағы теңге саны 5-тен 7-ге арттыру жайында айтылып, бірауыздан мақұлданды. Бірақ уақыт пен қашықтық өзгермейді. Бұл жарысқа қатысушылардың шеберлігін арттыруға көмектеседі дейді мамандар. Бұған қоса, оны қызықты әрі тартысты етуге көмектеседі. Жаңа талап 2022 жылдан бастап ресми жарыстарда қолданылады.

Теңге ілу спортындағы талап күшейді

<a href="https://kyzylorda-news.kz/">Kyzylorda-news.kz.</a> Парламент сенаты Тәуелсіздіктің отыз жылдығына байланысты рақымшылық жасау туралы заңды қабылдап, президенттің қол қоюына жіберді, деп хабарлайды&nbsp;<a href="https://sputnik.kz/">Sputnik Қазақстан</a>.
<h3 id="">Қанша адам рақымшылыққа ілікті</h3>
Ішкі істер министрі Ерлан Тұрғымбаевтың айтуынша, заң жобасының мақсаты – аса ауыр емес және ауырлығы орташа қылмыс үшін жазадан босату және кейбір ауыр, аса ауыр қылмыстар үшін жаза мерзімін қысқарту.
<blockquote>
 “Рақымшылық ардагерлерге, кәмелетке толмағандарға, жасы үлкендерге, бірінші және екінші топтағы мүгедектерге, қоғамға қауіп төндірмейтін адамдарға қолданылады”, – деді Тұрғымбаев сенат отырысында.
</blockquote>
Заң жобасы мемлекеттік органдармен, қоғам қайраткерлерімен және сарапшылармен талқыланды, ғылыми-құқықтық сараптамалар жасалды.
Министрдің айтуынша, қазір республикада 64 мекеме мен 16 тергеу изоляторында 34 мың адам бар. Оның 30 мыңына сот үкімі шыққан. Қалған 4 мың адамға қатысты тергеу жүргізіліп жатыр, қамауда отыр. 93%-і ауыр және аса ауыр қылмыс жасағаны үшін түрмеге жабылған. 45%-і оның алдында бірнеше рет сотталған. Сонымен қатар, 32 мың адам пробациялық бақылауда тұр.
“Заң жобасы бойынша 2 292 сотталушыға, пробациялық бақылауда тұрған 11 753 адамға рақымшылық жасалады. Нәтижесінде 1 мың адам қамаудан бостандыққа шығады, 3881 адам пробациялық бақылаудан босатылады. 1330 сотталушының, пробацияда тұрған 7492 адамның жаза мерзімі қысқартылады”, – деді ол.
Сондай-ақ сотқа дейінгі тергеу өндірісіндегі 5 мың қылмыстық іс қысқартылады. Оның ішінде 1674 адам қылмыстық жауаптан босатылады. 1471 адамға сот органдарының жаза мерзімін қысқарту немесе босату ережелері қолданылады.
Ауыр және аса ауыр, сондай-ақ террористік және экстремистік қылмыстарға барған адамдар рақымшылыққа ілікпейді.
<h3 id="-1">Шет елде сотталған қазақстандықтар</h3>
Ішкі істер министрінің айтуынша, қазір Қазақстанның түзеу мекемелерінде шет мемлекеттің үкімімен сотталған 35 азамат жазасын өтеп жатыр. Оның ішінде 31 қазақстандық – Ресейде, Беларусь пен Қырғызстанда екі-екі адамнан сотталған.
<blockquote>
 “Олардың тек біреуі ғана рақымшылыққа ілігеді. Ол ауыр қылмыс үшін төрт жылға сотталған болатын. Үш жылы өтті, тек бір жылы қалды. Сол үшін ол азамат осы рақымшылық туралы заң жобасына келіп тұр”, – деп түсіндірді Тұрғымбаев.
</blockquote>
Ал қалған 34 адам – аса ауыр және ауыр қылмыс үшін сотталғандар.
Парламент сенаты заңды бірауыздан қабылдады. Енді құжатқа президент қол қояды.
Әрі қарай оқу:&nbsp;<a href="https://sputnik.kz/society/20211202/18800463/parlament-raqymshylyq-zan.html">https://sputnik.kz/society/20211202/18800463/parlament-raqymshylyq-zan.html</a>

Парламент рақымшылық туралы заң қабылдады

<a href="https://kyzylorda-news.kz/">Kyzylorda-news.kz.</a>&nbsp;Қазақ өнері мен Сыр мәдениетінің өркендеуіне өлшеусіз үлес қосқан өнер майталманы, Н.Бекежанов атындағы қазақ академиялық музыкалық драма театрының көркемдік жетекшісі, Қазақстанның Еңбек сіңірген қайраткері, «Құрмет» орденінің иегері Әмір-Темір Хұсейін Жүсіпұлының 80 жылдық мерейтойы облыс көлемінде аталып өтпек. Бұл жөнінде Өңірлік коммуникациялар қызметінде өткен брифингте Н.Бекежанов атындағы қазақ академиялық музыкалық драма театрының директоры Ғалым Баймырзаев хабарлады.
<blockquote>
 «Театрдың шығармашылық ұжымын бір арнаға тоғыстырып, сахналық өнердің толыққанды шығуына елеулі еңбек сіңірген Хұсейін Әмір-Темір Жүсіпұлының мерейтойына арналған «Сергек жас-80» атты театрландырылған концерттік бағдарлама 3 желтоқсан күні сағат 18:00-де және «Театр-тағдыр-тұмарым!» шығармашылық кеші 4 желтоқсан күні сағат 11:00-де театр сахнасында қалың көрерменге ұсынылмақ. Аталмыш кешке қазақ өнерінің майталманы Асанәлі Әшімов бастаған өнер иелері қатысады», – деді Ғалым Қонақбайұлы.
</blockquote>
Әмір-Темір Хүсейін Жүсіпұлы өнердегі шығармашылық жолын 1967 жылы Н.Бекежанов атындағы Қызылорда облыстық драма театрында әуелгіде артист, 1970 жылдан бастап режиссер болып еңбек етті. Бүгінде сексеннің сеңгіріне шыққан абыз ақсақалды барша халық құрметтейді.
<blockquote>
 «80 жыл – бір ғұмыр. 1965-1967 жылдары Қарағанды және Қызылорда театрында актер болып қызмет жасадым. 1973 жылы тұңғыш рет театрда Т.Ахтановтың «Махаббат мұңы» спектаклін қойдық. Сол уақыттарда 40-қа жуық спектакль театр сахнасында қойылған болатын. Біздің қойылымдарымызды Мәскеуден келген сыншылар көріп, өздерінің жоғары бағасын берген еді. 1979 жылы Бүкілодақтық байқаудың дипломымен марапатталдық. Одан кейін де жеткен жетістеріміз көп болды. Жас актерлерге ұстаз болып шәкірт те тәрбиеледім. Мінекей, ғұмырымның жартысынан көбі театр сахнасында өтті десем артық емес», – деді Әмір-Темір Хүсейін Жүсіпұлы.
</blockquote>

Әмір-Темір Хұсейін Жүсіпұлының 80 жылдық мерейтойы облыс көлемінде аталып өтпек

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 952 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 89,
Алматы қаласы – 185,
Шымкент қаласы – 19,
Ақмола облысы – 72,
Алматы облысы – 57,
Атырау облысы – 10,
Шығыс Қазақстан облысы – 41,
Жамбыл облысы – 12,
Батыс Қазақстан облысы – 230,
Қарағанды облысы – 117,
Қостанай облысы – 5,
Қызылорда облысы – 11,
Павлодар облысы – 17,
Солтүстік Қазақстан облысы – 82,
Түркістан облысы – 5.
Қазақстан бойынша жазылғандар саны – 938335.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 753 коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 130,
Алматы қаласы – 60,
Шымкент қаласы – 6,
Ақмола облысы – 63,
Ақтөбе облысы – 7,
Алматы облысы – 23,
Атырау облысы – 8,
Шығыс Қазақстан облысы – 40,
Жамбыл облысы – 8,
Батыс Қазақстан облысы – 19,
Қарағанды облысы – 105,
Қостанай облысы – 89,
Қызылорда облысы – 11,
Маңғыстау облысы – 5,
Павлодар облысы – 91,
Солтүстік Қазақстан облысы – 82,
Түркістан облысы – 6.
Жалпы ел бойынша ауырғандар саны – 973045.

Қызылордада 11 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Солтүстік-батыс циклон ҚР батыс өңірлері арқылы жылжып, жауын-шашын, жаңбыр мен қар түрінде, көктайғақ және жаяу бұрқасын алып келеді, деп хабарлайды Қазгидромет.
Республиканың шығысында мен оңтүстік-шығысында антициклон жотасының әсерінен жауын-шашынсыз ауа райы күтіледі. Кей жерлерде жел жоғары жылдамдықпен соғады.
Жамбыл облысының таулы аудандарында тұман күтіледі, оңтүстік-батыста, солтүстік-шығыста, облыстың таулы аудандарында – жел 15-20, күндіз екпіні 23 м/с. Алматы облысының Алакөл көлдерінің ауданында жел 18-23, екпіні 28 м/с күшейеді. Қарағанды облысының батыс жартысында жел 15-20, екпіні 23 м/с, күндіз – көктайғақ, облыстың оңтүстігінде – тұман.
Шығыс Қазақстан облысының батысында-жел 15-20 м/с күшейеді.
Ақмола облысының солтүстік-батысында, оңтүстік-шығысында көктайғақ, жаяу бұрқасын, желдің күшейюі 15-20 м/с күтіледі, түнде және таңертең облыстың шығысында тұман болады.
Павлодар облысының оңтүстігінде күндіз жел 15-20 м/с күшейеді.
Қостанай облысының солтүстік-батысында, шығысында көктайғақ, тұман, жаяу бұрқасын күтіледі, облыстың басым бөлігінде жел 15-20 м/с күшейеді.
Қызылорда облысының орталығында тұман, желдің жылдамдығы 15-20 м/с жетеді.
Батыс Қазақстан облысының солтүстік-батысында тұман, көктайғақ, түнде облыстың батысында жел 15-20 м/с күтіледі. Атырау облысының солтүстігінде, орталығында жел 15-20 м/с күшейеді. Маңғыстау облысының солтүстігінде, орталығында тұман, көктайғақ болып, түнде облыстың батысында, орталығында жел 15-20 м/с жетеді.
Ақтөбе облысының солтүстік жартысында көктайғақ болжанады.

Қазақстан және Қызылорда облысының жаңалықтары