<a href="https://kyzylorda-news.kz/">Kyzylorda-news.kz.</a>&nbsp;Құмды және сортаң жерлерде өсетін сексеуіл – шөлге төзімді, адам мен қоршаған ортаға пайдасы қашан да ұшан-теңіз болған. Қазір де солай. Діңі мен бұтақтары қатты, тамыры тереңнен су соратын ол шаңды дауылға төтеп бере алады, жерді сор мен құм құрсауынан сақтайды.
Деректерге сүйенсек, жер көлемі 272 миллион гектарды (2 724 902 км²) алып жатқан Қазақстан территориясының тең жарымынан көбі шөлейтті және құмды. «Балығы тайдай тулаған» Арал теңізінің тартылуынан еліміздегі сортаң жерлер одан сайын ұлғайды. Әлемде төртінші үлкен теңіз болған Аралдың бұл күнде 4 миллион 600 мың гектар жері құрғап қалды. Оның 2,2 миллион гектардан астамы Қазақстан, ал 2,3 миллионы Өзбекстан аумағында жатыр. Сөйтіп, ірі Аралқұм шөлі қалыптасты. Мамандардың есебінше, жыл сайын осы жерлерден ауаға 100 миллион тоннадан астам улы тұз, шаң мен құм көтеріліп, дүниенің әр қиырына тарауда. Осылайша, Аралдағы экологиялық апат өңірлік қана емес, жаһандық күрделі мәселеге айналды. «Мұндай зиянды тұз түйіршіктері желдің екпінімен осылай жайыла берсе, онда Арктикаға дейін жетіп, мұздардың еруін жылдамдатуы мүмкін» деп, экологтар дабыл қағуда. Мұздықтар суға айналса, оның салдарын елесетудің өзі қорқынышты.
<img src="https://kyzylorda-news.kz/wp-content/uploads/2021/12/sek.jpg" alt="" />
Бұл – проблеманың бір жағы. Өзгесі де оңай емес. Дауыл тұрса болды, Аралдың қаңсыған түбіне құм жиналып, біртіндеп көшіп, жақын маңдағы елдімекендерге қауіп төндіруде. Бұрын теңіз жағасында тұрған Ақеспе, Шижаға, Сазды, Қосаман, Көне Қаратерең, Аралқұм сынды ауылдардың біраз бөлігі бүгінде құм құрсауында қалған. Аралдан шаң араласқан зиянды тұздың көтерілуін тежеп, құмның көшуін тоқтатып, тығырықтан шығарудың жалғыз жолы – теңіздің кеуіп кеткен табанына сексеуілді көптеп отырғызып, көгалдандыру. Ғалымдар пікірі осыған саяды.
Қазіргі кезде бірнеше жоба қолға алынған. Мәселен, соңғы 2 жылда Аралдың ұлтанына 5 миллион сексеуіл көшеті отырғызылыпты. Бір таңқаларлығы, 1 түп сексеуіл 4 тонна құмды тоқтатып, жылжытпай ұстап тұра алады екен. Мұндайда: «Неге 4 тонна?» – деген сұрақ туатыны заңды. Сарапшылардың есебінше, 1 үйді толық көміп тастауға дәл осынша мөлшерде құм жеткілікті. Яғни, бір қарағанда кіп-кішкентай ғана болып көрінетін 1 түп сексеуіл тұтас бір үйді сусылдаған құмның астында қалудан сақтайды.
<img src="https://kyzylorda-news.kz/wp-content/uploads/2021/12/aral-1.jpg" alt="" />
Қызылорда облысы әкімдігінің дерегінше, өңірде 3,4 миллион гектар орман алқабы бар, оның 89 пайызын сексеуіл алып жатыр. Ал 2022-2025 жылдар аралығында Аралдың құрғаған бөлігіне 1,1 млн гектар сексеуіл отырғызу жоспарланып отыр. Оған қоса, 500 мың гектар аумақ картаға түсірілмек. Биыл сор болып жатқан 100 мың гектар жерге тікұшақпен сексеуіл тұқымы себілмек. Жоспар бойынша бұл жұмыс осы желтоқсан айында басталуы тиіс. Өте баяу өсетіндіктен, мамандар бұл сексеуілдер 2030, тіпті 2040 жылдары ғана орманға айналады деп топшылауда.
Осы тұста атап өтерлігі, Аралдың экологиялық проблемасын шешуге шет мемлекеттер мен халықаралық ұйымдар да атсалысуда. Биыл көктемде Қазақстанның Ауыл шаруашылығы министрлігі мен Корея Республикасының Орман шаруашылығы қызметі бірігіп, Арал теңізінің кепкен табанының 5 мың гектар аумағына сексеуіл отырғызды. Ал сәуірде Еуропалық Одақтың қаржылай қолдауымен Арал ауданында екі сексеуіл жылыжайы және туманарий ашылды. Жоба мақсаты – сексеуілді жабық жерде өсіріп, тамыр жайдыру. Ал 2022 жылдың көктемінен бастап осы жылыжайларда күтіп-бапталған 2000 сексеуіл көшеті кенезесі кепкен жерлерге отырғызылады. Екі жылда бұл көшеттер Аралқұмның 10 гектардай алқабын жауып, 8 мың тоннаға жуық құмға тосқауыл болмақ.
Экология, геология және табиғи ресурстар министрлігінің мәліметіне қарағанда, алдағы уақытта Арал табанында сексеуіл отырғызудың арнайы бағдарламасы қабылданбақ. Өзбекстанмен тәжірибе алмасып, ғалымдардың бірлескен экспедициясы ұйымдастырылады.
Осылайша, ғасыр проблемасына айналған Аралдағы экологиялық апатпен күресу үшін көп жұмыс істелуде. Бірақ, бір әттегенайы, теңіздің қайта қалпына келмейтіні. Мамандар осылай дейді. Өйткені, оған құятын Сырдария мен Әмударияның суы азайып кеткен. Сондықтан, Аралдың әбден кеуіп, сортаңға айналған түбін көгалдандырудан басқа жол жоқ. Ол үшін «Қызыл кітапқа» енген сексеуілді көздің қарашығындай қорғап, оны көбейтіп, тиімді пайдалану – басты міндет.
«Ағаш бар жерде, өмiр бар» деп жатады. Арал экологиялық апат аймағы емес, адамдардың өмір сүруіне, жан-жануарлардың тіршілігіне қолайлы ортаға айналу үшін сексеуілдің қаншалықты маңызды екенін осы деректерден-ақ аңғаруға болады. Осындайда ақын Сырбай Мәуленовтың сексеуіл жайлы: «Еккен оны түркімен, Қоймаған соң құм қаптап. Жолды апат-бүліктен, Сексеуілдер тұр сақтап» деген өлең жолдары еске түседі. Иә, ебін тапса сексеуілді орманға айналдыруға болады. Шаңды дауылға төтеп беріп, құмға да тосқауыл бола алатын бұл қайсар ағаш Арал проблемасын аз да болса шешіп жатса, бір міндеттің орындалғаны.
<a href="https://www.inform.kz/kz/aldagy-ush-zhylda-araldyn-kurgagan-boligine-1-1-mln-gektar-sekseuil-egiledi_a3874239">ҚазАқпарат</a>

Алдағы үш жылда Аралдың құрғаған бөлігіне 1,1 млн гектар сексеуіл егіледі

<a href="https://kyzylorda-news.kz/">Kyzylorda-news.kz.</a> 30 жылда өңір дамуының барлық салаларында ауқымды жұмыстар жасалды. Тарих үшін аз уақыт болғанымен ғасырға татитын тіршілік атқарылды. Тәуелсіздік – тағдырдың сыйы. Бұдан 30 жыл бұрын бейбіт жолмен келді десек те, осы тәуелсіздікті жақындату үшін ата-бабаларымыз қан төгіп, өмірін берді. Үлкен күреспен келгенін кейінгі ұрпақ білуі тиіс. Тәуелсіздіктің тарихы тереңде жатыр.
Үлкен жауапкершіліктің астарында – тұғырын нықтау бар, туын биіктету бар, барлық жағынан тәуелсіздікті орнықтыру бар. Өйткені, бұл үлкен істердің бастамасы ғана. Егемендікке қол жеткізгенде, әнұранымызды шырқаттық, көк туымызды желбіретіп, Елтаңбамызды қабырғамызға ілдік. Қазақстанның өз армиясы қалыптасты. 
Нарықтық жолдағы қиындықты да еңсердік. Барлық салаларда реформалар жүрді. Халықтың шыдамдылығы мен елдің сабырлылығы арқасында өтпелі кезеңдегі қиындықты жеңе білдік. Бүгінгі таңда халықаралық деңгейде Қазақстанның дәрежесі өсті. Елбасымыздың сарабдал саясаты арқасында сыртқы саясатымыз орнықты. Өзге елден айырмашылығымыз біздің еліміз бейбіт өмір сүріп келеді.
1972 жылы 25 жасқа да толмаған кезім, аудандық комсомол комитетінің бірінші хатшысы едім. Сол кезде алғаш рет Тереңөзекке көпір салуға ұсыныс жасадым. Мен осы ғасыр құрылысына айналған көпірге 50 жыл өмірімді бердім десем артық болмас. Жыл сайын республикаға барып, түрлі Парламент сессияларында мәселе көтеріп, ізденіп, ауданнан кеткенше сол көпірді сала алмадым. Үлкен өкінішім еді. Табиғат та, Құдірет те көмектескені болуы керек, сонан кейін облыстық мәслихаттың депутаты, хатшысы болып жүріп, осы мәселені күн тәртібінен түсірмедім. 2011 жылы Елбасына кіріп, көмек сұрадым. 2014 жылы көпір салынып, арманым орындалды. Ең бастысы, 40 жыл көтерілген мәселе тәуелсіз елімнің жылдарында жүзеге асып, елдің игілігіне берілді. Сондықтан да, әрбір тәуелсіздік жылдары жасалған жақсылықты істерді насихаттау біздің парызымыз болуы тиіс.
Алмагүл БОЖАНОВА,
«Парасат» орденінің иегері,
«Ұрпақтан ұрпаққа» қоғамдық бірлестігінің төрайымы

Тәуелсіздік – тағдырдың сыйы

<a href="https://kyzylorda-news.kz/">Kyzylorda-news.kz.</a> «Ел тәуелсіздігіне орай берілген марапат жеке басыма ғана емес, менің халқыма, Сыр кәсіпкерлеріне көрсетілген қошемет деп білемін», – дейді «Парасат» орденінің иегері, кәсіпкер Сейітқали Алшынбаев.
Осыдан 30 жыл бұрын кәсіпкерлікке бет бұрған марапат иегері «Мемлекет маған не береді деп емес, мемлекетіме мен не беремін» деген принциппен жұмыс жасаған.
<blockquote>
 «Балапан басымен, тұрымтай тұсымен кеткен заманда, қиындықтан жеңілмей, бүгінге дейін жеткеніміз тәуелсіз елімнің, тағдырымның бізге жасаған сыйы деп білеміз. Осы уақыт аралығында қайтарымсыз қаржы есебінен 7 мектеп, 5 балабақша және бірнеше әлеуметтік нысандар салдық. Ұрпақ үшін осындай игілікті қадамға бардық. Менің есімде, алғаш рет типтік жобадағы мектепті бірінші Қалжан ахун ауылында салдық. Бюджетте ақша жоқ, зейнеткерлер зейнетақысын жинап берді, мемлекеттік қызметкерлері айлықтарын аударды, егін еккен еңбеккерлер 10-15 тонна күрішін берді. Әлі күнге дейін халықтың ықыласына тәнтімін. Құрылыс жұмыстары 8-9 ай жүрді, сонда күн сайын ауыл тұрғындары жеті күлшесін тарататын. Қорасында соңғы ешкісін сойып, құрылысшыларды қонақ қып шақыратын. Содан кейін талай құрылыс салсақ та, дәл осындай ықылас асып тасыған елді көргем жоқ, халқына басымды иемін. Осындай пейілі кең даладай елімнің тәуелсіздігі тұғырлы, халқының еңсесі биік болсын», – дейді Сейітқали Алшынбаев.
</blockquote>

Сейітқали Алшынбаев: Марапат &#8211; Сыр кәсіпкерлеріне жасалған қошемет

<a href="https://kyzylorda-news.kz/">Kyzylorda-news.kz.</a> Ел Тәуелсіздігінің 30 жылдығына орай Ә.Тәжібаев атындағы Қызылорда облыстық әмбебап ғылыми кітапханасында үш тілде жарыққа шыққан «Сыр – Алаштың анасы» атты тарихи құнды кітаптың тұсауы кесілді.
Салтанатты шараға облыс әкімінің орынбасары, редакциялық алқа төрағасы Серік Ахмет, облыстық мәслихаттың хатшысы, тарих ғылымдарының кандидаты Наурызбай Байқадамов, техника ғылымдарының докторы, профессор, ҚР ҰҒА академигі Қылышбай Бисенов, Қорқыт Ата атындағы Қызылорда университетінің «Қорқыттану» ғылыми орталығының жетекшісі, филология ғылымдарының докторы, профессор Бағдат Кәрібозұлы, «Рухани жаңғыру» орталығының директоры, тарих ғылымдарының кандидаты Уәлихан Ибраев және ардагерлер мен ұстаздар, қоғам белсенділері қатысты.
Кітапта аймақтың ерте дәуірден бастап бүгінгі күнге дейінгі тарихы, экономикасы, қоғамдық-саяси және рухани-мәдени өміріндегі қол жеткізген табыстары мен жетістіктері үш тілде әзірленген. Кіріспесі Қазақстан Республикасының Тұңғыш Президенті – Елбасы Нұрсұлтан Назарбаевтың, Мемлекет басшысы Қасым-Жомарт Тоқаевтың және осы кітаптың идея авторы, облыс әкімі Гүлшара Әбдіқалықованың құттықтауымен басталады.
«Сыр – Алаштың анасы» кітабы логикалық тұрғыдан тізбектелген бірнеше бөлімдерден, яғни, облыс туралы жалпы ақпарат, облыс тарихына арналған, облыстың экономикалық әлеуеті, «Сыр елі – жыр елі», әлеуметтік салаға арналған, «Рухани жаңғыру» бөлімдерінен тұрады. Сонымен қатар, Қызылорда, Байқоңыр қалалары мен аудандардағы соңы серпіліс, үдемелі экономикалық дамуы мен қоғамдық-мәдени өмірдегі өзекті ақпараттар берілген.
Кітаптың тұсаукесер рәсімін облыс әкімінің орынбасары, редакциялық алқа төрағасы Серік Әбжәліұлы Ахмет ашты. Жинақтың мазмұны мен көркемдік-идеялық ерекшелігіне кеңінен тоқталып, бұл кітап Сыр елінің Тәуелсіздікке деген тартуы болмақ деді.
<blockquote>
 «Баршаңызды Тәуелсіздіктің 30 жылдық мерейтой аясында оқырманға жол тартқан жаңа кітаптың жарыққа шығуымен құттықтаймын. Редакциялық алқамен ойласа келе кітапты «Сыр – Алаштың анасы» деп атауымыздың үлкен символдық мәні бар. Халқымыздың сан ғасырлық тарихында Сыр өзенінің бойы ұлы өркениеттердің ошағы болып қана қоймай, барша дала халқына қиналғанда пана, сүрінгенде сүйеніш болғаны тарихтан белгілі. Бұл сөз бүгінде тек облыс халқына ғана емес, барша қазақстандықтарға және алыс-жақын шетелдік қонақтарымызға да таныс деп айтсақ қателеспейміз. Ал, сыртқы мұқабасының түсін де кездейсоқ таңдаған жоқпыз. Сыр топырағының түсімен үйлесім табуының өзі тарихтан тамыр тартқан туынды екенін дәлелдейді. Ал, Қорқыт ата ескерткішін бейнелеу арқылы өңіріміздің тарихы өте тереңде екенін және Сыр елінің жыр елі екенін ұғындыруды жөн санадық. Сыр елінің тарихына қаныққысы келген әрбір оқырман бұл еңбектен көп дүниені саралай алады деген ойдамын», – деді облыс әкімінің орынбасары.
</blockquote>
Келелі басқосуда облыстық мәслихаттың хатшысы, тарих ғылымдарының кандидаты Наурызбай Байқадамов іргелі ізденістерге құрылған жаңа кітап оқырманға олжалы сый болғалы тұрғанын қаперге салды. Ал, техника ғылымдарының докторы, профессор, ҚР ҰҒА академигі Қылышбай Бисенов бұл кітап тұтас Сыр елінің даму динамикасын айшықтап беретін құнды мұраға айналатынын атап өтті. Сондай-ақ, Қорқыт Ата атындағы Қызылорда университетінің «Қорқыттану» ғылыми орталығының жетекшісі, филология ғылымдарының докторы, профессор Бағдат Кәрібозұлы бұл кітаптың тың тарихи деректерге негізделіп, бұрын-сонды жарық көрмеген ақпараттармен толықтырылып шығуы үлкен ізденістен туған еңбек деп жоғары бағасын берді.
Алқалы отырыста «Рухани жаңғыру» орталығының директоры, тарих ғылымдарының кандидаты Уәлихан Ибраев кітаптың киелі жерлер географиясына негізделген тарихи орындар мен аңыз болып жеткен оқиғаларға сүйеніп жазылуының өзіндік мәні жоғары екенін мақтанышпен жеткізді.
Жиында жаңа кітаптың тұсауы кесіліп, қалың көпшілікке жол тартты. Жарыққа шыққан кітаптар өңірдің барлық кітапханаларына таратылатын болады.
Айта кету керек, тарихи жинақ аймақтың тұрмысын, рухани-мәдени даму белестерін саралау, қазына-жауһарларымызды белсенді насихаттауға үндейді. Бұл қоғамды адамның жаңа келбетін қалыптастыруда өңірде жүзеге асып жатқан «Сыр елі» мега жобасының ажырамас бөлігінің бірі болмақ.
<img src="https://kyzylorda-news.kz/wp-content/uploads/2021/12/kitap.jpg" alt="" />
<img src="https://kyzylorda-news.kz/wp-content/uploads/2021/12/kitap1.jpg" alt="" />

Тәуелсіздікке тарту: Қызылордада «Сыр – алаштың анасы» кітабы жарыққа шықты

**<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 640 адам коронавирус індетінен емделіп шықты, деп хабарлайды **coronavirus2020.kz.
Нұр-Сұлтан қаласында – 89,
Алматы қаласында – 44,
Шымкент қаласында – 0,
Ақмола облысында – 63,
Ақтөбе облысында – 10,
Алматы облысында – 19,
Атырау облысында – 19,
Шығыс Қазақстан облысында – 22,
Жамбыл облысында – 17,
Батыс Қазақстан облысында – 55,
Қарағанды облысында – 134,
Қостанай облысында – 6,
Қызылорда облысында – 5,
Маңғыстау облысында – 0,
Павлодар облысында – 72,
Солтүстік Қазақстан облысында – 78,
Түркістан облысында – 7.
Елімізде барлығы 949 397 адам COVID-19-дан емделіп, сауығып шықты.

5 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 397 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 53,
Алматы қаласы – 19,
Шымкент қаласы – 5,
Ақмола облысы – 65,
Ақтөбе облысы – 6,
Алматы облысы – 12,
Атырау облысы – 5,
Шығыс Қазақстан облысы – 12,
Жамбыл облысы – 1,
Батыс Қазақстан облысы – 5,
Қарағанды облысы – 81,
Қостанай облысы – 14,
Қызылорда облысы – 1,
Маңғыстау облысы – 2,
Павлодар облысы – 57,
Солтүстік Қазақстан облысы – 57,
Түркістан облысы – 2.
Жалпы ел бойынша ауырғандар саны 980372.

Қызылордада өткен тәулікте 1 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Кәсіпорын таратқан мәліметтерге қарағанда, 14 желтоқсанда Қазақстан аумағының басым бөлігі антициклонның ықпалында болады, соған байланысты күн жауын-шашынсы өтеді, деп хабарлайды Қазгидромет.
Тек еліміздің оңтүстік-шығысында фронталдық бөліктердің өтуіне орай күн құбылмалы болады, жауын-шашын, тауларда нөсер жауын (жаңбыр, қар) жауады.
Ақмола облысының солтүстігінде, Батыс Қазақстанда, Солтүстік Қазақстанның оңтүстігінде, Павлодар облысында, Қостанай облысының шығысында тұман түседі.
Алматы облысының солтүстігінде және шығысында – тұман түсіп, желдің жылдамдығы секундына 15-20 м/с-қа жетеді.
Түркістан облысының солтүстігінде, батысында, таулы және тау бөктерлі аудандарында тұман түсіп, көктайғақ болады, күндіз таулы асуларда желдің жылдамдығы секундына 15-20 м/с-қа дейін күшейеді.
Маңғыстау облысының батысында, күндіз Атырау облысында желдің жылдамдығы секундына 15-20 метрге дейін жетеді.
Шығыс Қазақстан облысының батысында 15-20 м/с-ке дейін жел күшейіп, жаяу бұрқасын соғады. Қызылорда облысының орталығында – тұман түсіп, түнде оңтүстігінде көктайғақ болады.
Жамбыл облысының солтүстігінде, таулы және тау бөктерлі аудандарында тұман түсіп, көктайғақ болады, таулы аудандарда жел секундына 15-20 м/с жылдамдықпен ұйтқиды.

14 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Нұр-Сұлтан қаласында өткен бизнестің әлеуметтік жауапкершілігі «Парыз» республикалық конкурсы мен ҚР Президентінің «Алтын сапа» сыйлығын иеленген қызылордалық кәсіпкерлер Өңірлік коммуникациялар қызметінде өткен баспасөз конференциясына қатысып, журналистермен қуанышты сәттерін бөлісті.
Биылғы конкурста «Абай Дәулет» ЖШС және «Алтын Орда» ЖШС «Алтын сапа» сыйлығының лауреаттары атанды.
«Абай-Дәулет» ЖШС «Азық-түлік тауарларын және ауылшаруашылық өнім шығаратын үздік кәсіпорын» номинациясында үздік атанды. Компания директоры Мұрат Сәрсенбаевтың айтуынша, 2019 жылы «Іскер номинациясын» алса, биыл міне «Алтын сапаға» қол жеткізген. 
Компания өз жұмысында Сапа менеджменті жүйесіне, Тамақ өнімдері қауіпсіздігі менеджментіне сәйкестік сертификаттарын басшылыққа алады және осы стандарттардың барлық сапалық талаптарын орындап келеді. «SYR DANI» брендімен күріш жармасы ел ішінде жоғары сұранысқа ие және Ресей, Өзбекстан, Моңғолия, Украина, Тәжікстан елдеріне экспортталады. 
«Алтын орда» ЖШС-гі де «Халыққа арналған тауарларды шығаратын үздік кәсіпорын» номинациясында «Шағын кәсіпкерлік субъектісі» санатында «Алтын Сапа» сыйлығын алды.
<blockquote>
 «Мекеме 1997 жылы ашылды. 2016 жылы ас тұзын өндіретін желі сатып алдық, сол жылдан бастап нарыққа «Ассоль» және «Сафия» брендтерімен йодталған ас тұзы өндіріліп, сатылымға шықты. Шет елдерге экспортталуда. Биыл соңғы технологияларға сай үлкен тұз өндіретін зауыт салынды. Қуаттылығы өте жоғары, соған орай әлі де нарықта жақсы жұмыс жасайтынымызға сенеміз және тұтынушыларымызға қол жетімді бағамен жоғары сапалы өнімдер ұсынамыз», – деді «Алтын Орда» ЖШС директорының орынбасары Абзал Қанатұлы.
</blockquote>
Ал, «Еңбекті қорғау жөніндегі үздік кәсіпорын» номинациясы бойынша қызылордалық «KAP Technology» ЖШС «Парыз» сыйлығының күміс мүсінімен марапатталды.
«KAP Technology» ЖШС-нің негізгі қызметі кәсіпорынның бизнес-процестеріне заманауи технологияларды енгізе отырып, «Қазатомөнеркәсіп» ҰАК» АҚ холдингінің негізгі қызметін автоматтандыру, роботтандыру және цифрландыру болып табылады. Серіктестік құрамында Нұр-Сұлтан, Алматы, Өскемен қалаларында және Таукент, Қыземшек, Шиелі елді мекендерінде орналасқан алты аумақтық бөлімше бар.
«KAP Technology» ЖШС Шиелі бөлімшесінің бастығы Диларам Құрманаеваның айтуынша, серіктестік өзі орналасқан елді мекендерде жеке тұлғаларға қызмет көрсетумен айналысады. Яғни, телефон байланысы, интернет желісіне қолжетімділік және ID TV қызметі.

Үздік атанған компаниялардың әлеуеті жоғары

<a href="https://kyzylorda-news.kz/">Kyzylorda-news.kz.</a> 12 желтоқсаннан бастап екі бағыт бойынша тальго пойызын іске қосылды, деп хабарлады&nbsp;«Жолаушылар тасымалы» АҚ баспасөз қызметі.
Нұр-Сұлтан – Нұрлы жол станциясынан «Нұр-Сұлтан-Нұрлы жол – Арқалық» жолаушылар пойызы алғашқы рейске шықты. Маршруттың қашықтығы – 609 км, пойыздың жалпы жүру уақыты 12 сағат 49 минутты құрайды. Пойыз екі құрамнан құралған және күн сайын қатынайтын болады. Олардың әрқайсысында 348 орындық «Турист» класты, 2 «Бизнес» класты, 1 «Гранд» класты, 1 «Гранд PMR»&nbsp; класты (мүмкіндігі шектеулі жолаушылар үшін) вагондар, сондай-ақ вагон-бар және вагон-мейрамхана бар.
Тальго вагондарынан құрастырылған екінші пойыз «Алматы-2-Маңғыстау» бағыты бойынша іске қосылды. Пойыздың жалпы жүру уақыты 41 сағат 49 минутты құрайды. Ол екі құрамнан тұрады және жұп күндері жүреді. Олардың әрқайсысында 324 орындық «Турист» класты вагондар, сондай-ақ вагон-бар және вагон-мейрамхана қарастырылған.
Жол жүру барысында мультимедиялық ресурстарды ішкі сымсыз желі арқылы пайдалануға болады. Жолаушылар өздерінің жеке құрылғыларының (ұялы телефондар, гаджеттер, портативті компьютерлер) көмегімен серверде алдын-ала орналастырылған ойын-сауық бағдарламаларын, фильмдерді, ойындарды көре алады.
Естеріңізге сала кетейік, 2021-2022 жылдарға арналған жолаушылар пойыздарының жаңа кестесі бойынша Қазақстан ішінде 118 жұп пойыз жүре бастады. Оның ішінде 95 жұп пойыз «Жолаушылар тасымалы» АҚ-ға (оның ішінде қала маңындағы тасымалдарды қоса алғанда – 61), сондай-ақ 23 жұп пойыз жеке тасымалдаушыларға тиесілі.

Тальго тағы екі бағыт бойынша қатынайтын болды

<a href="https://kyzylorda-news.kz/">Kyzylorda-news.kz.</a>&nbsp;Қызылордада алдағы уақытта жұмысын бастайтын шыны зауыты өнімдерін шығаруда роботтар қолданылады, деп хабарлайды <a href="https://www.inform.kz/kz">ҚазАқпарат.</a>
Зауыт толық қуаттылығына шыққанда 226 жаңа жұмыс орны ашылады. Ал қосалқы өндірісте 300-ге жуық адам қызмет ететін болады. Жергілікті мамандарға басымдық беріліп, кәсіби түрде шыңдалмақ.
<blockquote>
 «Ел Тәуелсіздігінің 30 жылдығына орай облыс тұрғындары табақша шыны зауытының күйдіру пешін іске қосу рәсіміне куә болды. Жоба аясында өңірге 42 млрд теңгеден аса инвестиция тартылған болатын. Жылына 197 мың тоннадан аса өнім шығаратын кәсіпорын – ел нарығын қамтамасыз етіп, шет мемлекеттерге экспортталады. Шыны зауытының іске қосылуымен шикізаттық емес секторды дамытып, ілеспе өндірістерді құруды көздеп отырмыз. Бүгінде инвесторлармен бірлесіп екі жобаны бастадық. Бұл – композиттік материалдар мен айна өндірісі. Атап өту қажет, тек 2020 жылдың қорытындысымен елге құны шамамен 65 млн АҚШ долларын құрайтын тұрмысқа қажетті шыныларды Қытай, Германия, Өзбекстан және Түркиядан импортталған. Біз зауыт өндірісінің іске қосылуымен капиталдың басқа елдерге жіберілуін тоқтатамыз және елді өзіміз әйнекпен қамтамасыз ететін боламыз», – деді облыстық индустриялық-инновациялық даму басқармасының басшысы Ринат Сұлтангереев.
</blockquote>
«Orda Glass Ltd» серіктестігі мен қытайлық «China Triumph» компаниялары бірлесіп жүзеге асырылған шыны зауыты – индустрияландыру бағдарламасының негізгі жобасы. Шыны өндіру барысында 90 пайыз жергілікті шикізат өнімі қолданылмақ.
<blockquote>
 «Зауытта әлемнің жетекші елдері – АҚШ, Италия, Бельгия, Финляндия, Қытайда шығарылған замауи үлгідегі технологиялар қолданылады. Негізі зауыттан шығарылған өнімнің 70 пайызы ішкі нарықта пайдаланады. Ал 30 пайызы шет елге жөнелтіледі. Қазірдің өзінде Өзбекстан, Ресей, Түрікменстан, Тәжікстан, Ауғанстан, Үндістаннан тапсырыстар түсуде. Тағы бір ерекшелігі, үлкен көлемді және ауыр салмақты шыны табақшаларын кесуге және тасымалдауға роботтар қолданылмақ. Жалпы 3 ай ішінде балқыту пеші 1600 градус температураға дейін қызып, тұрақты әрі үздіксіз газбен жабдықтауды талап етеді. Қазіргі кезде импортталып келген 1 тонна шыны 300-350 долларды құраса, біздің зауыттан шығатын өнімнің бағасы 200-250 доллардың көлемінде болады», – деді «Orda Glass Ltd» ЖШС басқарма төрағасы Ержан Сағынбаев.
</blockquote>

Қызылордада шыны зауыты өнімдерін шығаруда роботтар қолданылады

<a href="https://kyzylorda-news.kz/">Kyzylorda-news.kz.</a> Қазақстан Республикасы Тәуелсіздігінің 30 жылдығы қарсаңында &nbsp;Мемлекет басшысының тапсырмасына сәйкес және облыс әкімдігінің қолдауымен Қызылорда облысы Полиция департаментінің автопаркі су жаңа автокөліктермен толықты. &nbsp;Жол талғамайтын тұлпарлар учаскелік полиция инспекторларының иелігіне берілді.&nbsp; &nbsp;Бұл көліктер заманауи жабдықталған. &nbsp;&nbsp;Бүгінгі су жаңа автомобильдердің басым бөлігі аудан орталықтары мен облыстың шеткері орналасқан елді-мекендеріне жөнелтіледі.
Қазақ елінің ұлық мерекесі қарсаңында Қызылорда облысы Полиция департаментінің бастығы полиция полковнигі Сұлтан Бектөре халықтың құқығы мен бостандығының қорғалуы жолында ерекше көзге түсіп, қызметтік міндеттерін абыроймен атқарып жүрген қызметкерлерді марапаттады.&nbsp;&nbsp;
Тәуелсіздіктің 30 жылдығына орай&nbsp; ұйымдастырылған салтанатты шара&nbsp; облыс орталығында орналасқан Рәміздер алаңында өтті. &nbsp;Шараның ашылу салтанатында Қазақстан Республикасының Ішкі істер министрі, полиция генерал-лейтенанты Тұрғымбаев Ерлан Заманбекұлының арнайы&nbsp; құттықтау жедел хаты оқылды.&nbsp;
Министр бұйрығымен қоғамдық тәртіпті қамтамасыз етіп, халықтың құқығы мен бостандығының қорғалуы жолында ерекше көзге түсіп, қызметтік міндеттерін абыроймен атқарып жүрген қызметкерлер марапатталды. Департамент бастығы полиция полковнигі Бектөре Сұлтан бұйрығымен ардагерлерге құрмет көрсетіліп, бірқатар қызметкерлерге жаңа шендер табысталды. &nbsp;&nbsp;&nbsp;&nbsp;&nbsp;&nbsp;
<blockquote>
 «Мемлекет басшысы жүргізіліп жатқан жұмыстың негізгі тұлғасы учаскелік полиция инспекторы екендігін атап өтті. Бұл ретте учаскелік инспектордың мәртебесін заңды түрде арттыру, оған нәтижелі жұмыс үшін барлық мүмкіндіктерді беру тапсырылды. Учаскелік полиция инспекторларын қажетті техникамен қамтамасыз етіп, мәртебесін көтеру — Президенттің және Ішкі істер министрінің «Халыққа жақын полиция» қағидаты бойынша нұсқауын сапалы және уақтылы орындауларына мүмкіндік береді» деді Департамент&nbsp; полиция полковнигі Сұлтан Бектөре.
</blockquote>
Су жаңа көліктер ел тыныштығын күзетіп, темірдей тәртіпті сақтап жүрген полицейлер қызметінің жеделдігін арттырып, облыстағы қоғамдық тәртіпті қамтамасыз етуге&nbsp; септігін тигізбек.&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Сонымен қатар, бүгінгі салтанатты шара барысында полиция қатарына&nbsp; қосылған жас қызметкерлер ант қабылдады. Ант қабылдау – әрбір полиция қызметкері үшін толғандыратын салтанатты сәт. Өзінің қызметін, өмірлік жолын халыққа қызмет етумен байланыстырған жас қызметкерлер&nbsp;&nbsp; &nbsp;азаматтық борыштарын абыроймен атқаруларына ант береді.&nbsp;&nbsp;
<blockquote>
 &nbsp;«Еліміздің ұлық мерекесі Тәуелсіздік күні қарсаңында ант беріп,&nbsp; Отанымызға, кәсібімізге өмір бойы адал қызмет етуге сөз бердік.&nbsp; Ант қабылдау рәсімі – біз үшін ең маңызды және ерекше күн» деді полиция қызметіне жаңадан қабылданған &nbsp;&nbsp;Нұрғалиев&nbsp; Бағдәулет.&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
</blockquote>
&nbsp;Департамент бастығы полиция полковнигі Сұлтан Бектөре еңбегі еленген полицейлерді құттықтап, қызметтеріне сәттілік тіледі.&nbsp;&nbsp;
<blockquote>
 «Тәуелсіздік күні еліміздің барлық азаматтары үшін орны ерекше мереке. Көк байрағы желбіреген,&nbsp; бірлігі жарасқан еліміздің тәуелсіздігі баянды болсын! Полиция қызметкерлері халықтың қауіпсіздігін биік қойып, азаматтық борышын өтеу жолында аянбай еңбек етіп, алдыңғы шепте жүреді. Осынау мерекелік күнде барлық қызметкерлерге мінсіз қызмет атқарғандары үшін алғыс айта&nbsp; отырып, еңбектеріне табыс, барлық бастамаларына сәттілік тілеймін!» – деді департамент бастығы.
</blockquote>
<img src="https://kyzylorda-news.kz/wp-content/uploads/2021/12/img_3042-scaled.jpg" alt="" />
<img src="https://kyzylorda-news.kz/wp-content/uploads/2021/12/img_3156-scaled.jpg" alt="" />
<img src="https://kyzylorda-news.kz/wp-content/uploads/2021/12/img_3112-scaled.jpg" alt="" />
<img src="https://kyzylorda-news.kz/wp-content/uploads/2021/12/img_3144-scaled.jpg" alt="" />
<img src="https://kyzylorda-news.kz/wp-content/uploads/2021/12/img_3142-scaled.jpg" alt="" />

Тәуелсіздікке 30 жыл: Қызылордада учаскелік полиция инспекторларына  жаңа автокөлік берілді

<a href="https://kyzylorda-news.kz/">Kyzylorda-news.kz.</a>&nbsp;Бүгін Дубайда (БАӘ) БҰҰ мемлекеттік қызмет көрсету саласындағы жеңімпаздарды марапаттау рәсімі өтіп, онда «Азаматтарға арналған үкімет» мемлекеттік корпорациясы 2020 жылдың қорытындысы бойынша мемлекеттік қызметті дамытуға қосқан үлесі үшін марапатталды.
Бұл награданы БҰҰ әлеуметтік-экономикалық кеңесі жыл сайын барлық деңгейдегі мемлекеттік қызмет саласындағы үздік жетістіктер үшін табыстайды. Алғаш рет 2003 жылы БҰҰ экономикалық және әлеуметтік мәселелер жөніндегі департаментінің (UNDESA) ұйымдастыруымен бастау алған шараны мемлекеттік ұйымдар мен цифрлық басқару бөлімі (DPIDG) қадағалайды.
БҰҰ сыйлығы мемлекеттік мекемелердің шығармашылық жетістіктері және мемлекеттік басқарудың неғұрлым тиімді және жедел жүйесін қалыптастыруға қосқан үлесі үшін беріледі. Сыйлық мемлекеттік қызметтердің транспаренттілігін, есептілігі мен жеделдігін арттыру, қызметтер ұсыну жүйесін жетілдіру, инновациялық тетіктерді пайдалана отырып директивалық шешімдер қабылдауға қатысуды көтермелеу, басқару саласында білім алмасуға жәрдемдесу сияқты санаттар бойынша ұсынылады.
Ұйымдастырушылар мемлекеттік корпорацияның барлығына инклюзивті және тең құқықты қызметтерді ұсынудағы алдыңғы қатарлы тәжірибесі мен инновацияларын атап өтті. Бүгін ұйымдастырушылар марапатты «Азаматтарға арналған үкімет» мемлекеттік корпорациясының Басқарма төрағасы Әділ Қожықовқа салтанатты түрде табыстады.
<blockquote>
 «Біз бұл марапатты алғанымызға өте қуаныштымыз. Біздің азаматтарға мемлекеттік қызмет көрсету саласындағы жұмысымызды БҰҰ өкілдері жоғары бағалады. Біздің цифрлық трансформация арқылы адамдардың барлық санаттары үшін қолайлы және тең жағдай жасағанымызды атап өтті. Біз клиенттерімізге ең қолайлы жағдайларды ұсынуға тырысамыз. Бұдан әрі де осы бағытта жұмысымызды жалғастырамыз. Мемлекеттік корпорацияның әрбір қызметкеріне біздің саламыздың дамуына қосқан үлесі үшін алғыс айтқым келеді. Бұл біздің ортақ жетістігіміз», – деді Әділ Қожықов.
</blockquote>
БҰҰ-ға мүше мемлекеттердің кез келген ұйымы мемлекеттік қызметті дамытуға қосқан үлесі үшін сыйлығына үміткер бола алады. Бұл марапатты 2003 жылдан бері әлемнің 82 еліндегі 250 бастамашы ұйым алды.
«Азаматтарға арналған үкімет» мемлекеттік корпорациясы мемлекеттік қызмет саласындағы Астана өңірлік хабымен ынтымақтастық туралы бірлескен меморандум аясында ұсынылды.
Айта кетейік, 2016 жылы құрылған «Азаматтарға арналған үкімет» мемлекеттік корпорациясы бүгінде азаматтарға мемлекеттік қызметтерді көрсетудің бірыңғай провайдері.
<img src="https://kyzylorda-news.kz/wp-content/uploads/2021/12/whatsapp-image-2021-12-13-at-16.08.03.jpeg" alt="" />

Қазақстан және Қызылорда облысының жаңалықтары

Алдағы үш жылда Аралдың құрғаған бөлігіне 1,1 млн гектар сексеуіл егіледі

Тәуелсіздік – тағдырдың сыйы

Сейітқали Алшынбаев: Марапат – Сыр кәсіпкерлеріне жасалған қошемет

Тәуелсіздікке тарту: Қызылордада «Сыр – алаштың анасы» кітабы жарыққа шықты

5 қызылордалық коронавирустан жазылды

Қызылордада өткен тәулікте 1 адамнан коронавирус анықталды

14 желтоқсанға арналған ауа райы болжамы

Үздік атанған компаниялардың әлеуеті жоғары

Тальго тағы екі бағыт бойынша қатынайтын болды

Қызылордада шыны зауыты өнімдерін шығаруда роботтар қолданылады

Тәуелсіздікке 30 жыл: Қызылордада учаскелік полиция инспекторларына жаңа автокөлік берілді

«Азаматтарға арналған үкімет» БҰҰ сыйлығын алды

Қазақстан және Қызылорда облысының жаңалықтары

Алдағы үш жылда Аралдың құрғаған бөлігіне 1,1 млн гектар сексеуіл егіледі

Тәуелсіздік – тағдырдың сыйы

Сейітқали Алшынбаев: Марапат &#8211; Сыр кәсіпкерлеріне жасалған қошемет

Тәуелсіздікке тарту: Қызылордада «Сыр – алаштың анасы» кітабы жарыққа шықты

5 қызылордалық коронавирустан жазылды

Қызылордада өткен тәулікте 1 адамнан коронавирус анықталды

14 желтоқсанға арналған ауа райы болжамы

Үздік атанған компаниялардың әлеуеті жоғары

Тальго тағы екі бағыт бойынша қатынайтын болды

Қызылордада шыны зауыты өнімдерін шығаруда роботтар қолданылады

Тәуелсіздікке 30 жыл: Қызылордада учаскелік полиция инспекторларына жаңа автокөлік берілді

«Азаматтарға арналған үкімет» БҰҰ сыйлығын алды

Сейітқали Алшынбаев: Марапат – Сыр кәсіпкерлеріне жасалған қошемет