<a href="https://kyzylorda-news.kz/">Kyzylorda-news.kz</a>. Мемлекет басшысы ХХХІІ жазғы Олимпиада ойындары қарсаңында Қазақстанның ұлттық құрама командасының мүшелерімен кездесті, деп хабарлайды <a href="https://www.akorda.kz/kz/kasym-zhomart-tokaev-olimpiada-oyyndaryna-katysatyn-kazakstan-kurama-komandasymen-kezdesti-265110?fbclid=IwAR1L1gOY7b4d9WdOInEfbvpFKYkR1SLIyYqI3LvmlOwZVB-_4LJgo7gfqU0">Ақорда.</a>
Қазақстан құрама командасының негізгі бөлігі кездесуге Алматы облысындағы «Ақбұлақ» олимпиадалық орталығынан телекөпір арқылы қатысты. Онда спортшылар Токиоға аттанар алдындағы соңғы жаттығу жиындарын өткізіп жатыр.
Президент Олимпиадаға баратын спортшылардың алдында сөйлеген сөзінде әлемнің басты спорт бәсекесінде ел намысын қорғау мәртебелі міндет, үлкен абырой, зор жауапкершілік екенін айтты.
<img src="https://akorda.kz/assets/media/daa-2075-2.jpg" alt="" />
Мемлекет басшысы Тәуелсіздік жылдарында Қазақстаннан Олимпиаданың 16 жеңімпазы, 71 жүлдегері шыққанын, жүзден астам ірі спорт кешені, оның ішінде,16 халықаралық деңгейдегі нысандар бой көтергенін атап өтті.
Қасым-Жомарт Тоқаев аса күрделі кезеңде Токиода жағылатын Олимпиада алауы бүкіл адамзат үшін жаһандық індетпен күрестің символы болатынын айтты. Президент әлемнің түгелге жуық елінде ұзаққа созылған локдаунның қалыпты тыныс-тіршілікке ауыр соққы жасағанына тоқталды. &nbsp;&nbsp;
<blockquote>
 – Сіздер халықаралық деңгейдегі өздеріңіздің көшбасшылық орындарыңызды нығайту үшін нағыз чемпионға тән мінез көрсетіп, Олимпиада лицензиясын иелендіңіздер. Осындай қиын-қыстау жағдайда сіздер спорттың өзін-өзі шектейтін қатаң режимін сақтап, өзгелерге үлгі көрсеттіңіздер, – деді Қасым-Жомарт Тоқаев. &nbsp;
</blockquote>
<img src="https://akorda.kz/assets/media/dsc-4772.jpg" alt="" />
Президент қазақстандықтардың Олимпиада ойындары барысында біздің спортшыларға көрсететін күшті қолдауы оларға қосымша рух беретініне сенім білдірді.
<blockquote>
 – Тәуелсіздігіміздің 30 жылдығында Олимпиада тұғырына көтерілу сіздердің ғана жетістіктеріңіз емес, бүкіл ұлтымыздың абыройы. Олимпиада шыңы мыңдаған жасты спортпен шұғылдануға, салауатты өмір салтын ұстануға және көздеген мақсаттарына жетуге шабыттандырады, – деді Қасым-Жомарт Тоқаев. &nbsp;
</blockquote>
<img src="https://akorda.kz/assets/media/dsc-4657.jpg" alt="" />
Мемлекет басшысы өз сөзінде бұқаралық және балалар мен жасөспірімдер спортын дамытуға басымдық берілетінін атап өтті.
<blockquote>
 – Бұқаралық спортты дамыту арқылы біз ұлтымыздың денсаулығын жақсартамыз және бүкіл еліміз мақтан тұтатын Олимпиада жеңімпаздарының – спорт жұлдыздарының жаңа буынын тәрбиелеп шығарамыз. Мұндай саясат спорт секциялары мен аулалық клубтардың дамуына тың серпін береді. Сондай-ақ балалар жаттықтырушыларын ынталандыруға ықпал етіп, дарынды атлеттердің жаңа шоғырын айқындауға септігін тигізеді, – деді Президент. &nbsp;&nbsp;
</blockquote>
Қасым-Жомарт Тоқаев спортшыларымыздың Токиода рекордтық нәтижелер көрсететініне, еліміздің әлемдегі жетекші спорт державаларының арасындағы беделін нығайтатынына сенім білдірді. Президенттің айтуынша, атлеттердің әрбір жеңісінің артында, көбінесе назардан, камералардан тыс қалатын, олардың жаттықтырушыларының қажырлы еңбегі тұр. &nbsp;&nbsp;
Рәсім барысында Қасым-Жомарт Тоқаев Қазақстан Республикасының Мемлекеттік Туын алғаш рет екі бірдей ту ұстаушыға – жеңіл атлетикадан Олимпиада чемпионы Ольга Рыпакова мен бокстан әлем чемпионатының күміс жүлдегері Қамшыбек Қоңқабаевқа табыстады.
<img src="https://akorda.kz/assets/media/kz1-1221-1.jpg" alt="" />
Ольга Рыпакова Мемлекет басшысына жылы қабылдап, ізгі тілек білдіргені үшін ұлттық құраманың атынан алғыс айтты.
<blockquote>
 – Сіздің ақ тілегіңіз – бізге ерекше күш-жігер береді. Халқымыздың риясыз махаббатын сезінеміз және өзімізге жүктелген жауапкершілікті түсінеміз. Сондықтан Отанымыздың абыройын арттыру үшін бар күшімізді салып, шеберлігімізді паш етеміз, – деді Ольга Рыпакова.
</blockquote>
<img src="https://akorda.kz/assets/media/daa-2190-2.jpg" alt="" />
Қамшыбек Қоңқабаев&nbsp; Президентке отандастарымыздың сенімін ақтау үшін құрама команда барын салатынын жеткізді. &nbsp;&nbsp;
<blockquote>
 – Сіздің қолыңыздан еліміздің Туын алу – үлкен абырой, зор жауапкершілік. Олимпиадаға қатысушы спортшылар қастерлі санайтын осы Тудың Токио төрінде жиі көтеріліп, Әнұранымыздың шырқалуы үшін барымызды саламыз, – деді бокстан Қазақстан құрама командасының капитаны.
</blockquote>
<img src="https://akorda.kz/assets/media/dsc-4161.jpg" alt="" />
<img src="https://akorda.kz/assets/media/kz1-1366-2.jpg" alt="" />
<img src="https://akorda.kz/assets/media/dsc-4742.jpg" alt="" />
<img src="https://akorda.kz/assets/media/dsc-4880.jpg" alt="" />
<img src="https://akorda.kz/assets/media/dsc-9091.jpg" alt="" />
<img src="https://akorda.kz/assets/media/dsc-9096.jpg" alt="" />

Президент ҚР Туын Қамшыбек Қоңқабаев пен Ольга Рыпаковаға табыстады

<a href="https://kyzylorda-news.kz/">Kyzylorda-news.kz</a>. Нұр-Сұлтан қаласы «Сарыарқа» ауданында еліміздің маңдайына біткен ерекше талант иелері Нұрғиса Тілендиев пен Батырхан Шукеновке мурал салынды.
Екі композитордың туындылары әлі күнге дейін тыңдарманын жоғалтқан жоқ. Н. Тілендиевтің «Аққу», «Әлқисса», «Махамбет» күйлері мен «Құстар әні», «Куә бол», «Сарыжайлау» сияқты әндері әлі күнге дейін халықтың жадында сайрап тұр, ал Б. Шукеновтың «Отан ана», «Жүрегімде Астана», «Джулия», «Твои шаги» сияқты әндері музыка өнеріндегі қайталанбас туындылар.
Айта кетейік, мурал «Romul» ЖШС-нің бастамасымен Н. Тілендиев даңғылы, 38 мекен жайында тұрғызылып жатқан көппәтерлі тұрғын үй кешенінің қасбетіне салынды.
<img src="https://kyzylorda-news.kz/wp-content/uploads/2021/07/e1088f1944268917b7d96748dd614e5f.jpg" alt="" />

Нұр-Сұлтанда Батырхан Шүкеновке арналған кезекті мурал салынды

<a href="https://kyzylorda-news.kz/">Kyzylorda-news.kz</a>. Тәуелсіздіктің 30 жылдығы мен Елорда күні қарсаңында қала дамуына үлес қосып жүрген азаматтар «Nur Otan» партиясы қатарына қабылдынды. Шараға «Nur Otan» партиясы Қызылорда қалалық филилалының төрағасы, қала әкімі Ғанибек Қазантаев қатысып, мерекелік лебізін жолдады.
<blockquote>
 «Болашақтың қаласы болған Елордамыз бүгінде Шығыс пен Батысты байланыстыратын, түрлі мәдениеттер мен өркениеттерді қауыштыратын, бейбітшілік пен тұтастық идеясын тарататын орталыққа айналды. Мұның барлығы Қазақстан Республикасының Тұңғыш Президенті, Елбасы, «Nur Otan» партиясының төрағасы, Нұрсұлтан Әбішұлы Назарбаевтың және бірлігі жарасқан, дархан пейілді халқымыздың зор еңбегінің жемісі. Ел үшін атқарып жатқан еңбектеріңіз берекелі болсын», – деген Ғанибек Қонысбекұлы бірқатар азаматтарды партия қатарына қабылдап, куәліктерін табыстады.
</blockquote>
<img src="https://kyzylorda-news.kz/wp-content/uploads/2021/07/210088698_1450156265346926_1893223463429951064_n.jpg" alt="" />
Олардың тізімінде қалаға қарасты кент әкімдері, дербес бөлімдердің басшылары, журналистер, балабақша тәрбиешілері мен өзге де саланың мамандары бар.
Сондай-ақ, аталған жиында партия жұмысында белсенділік танытып, етене араласқан қала кәсіпкерлері де назардан тыс қалмай, «Nur Otan» партиясы Төрағасының бірінші орынбасары Бауыржан Байбектің «Құрмет» грамотасымен марапаталды. Артынша партия мүшелеріне «Nur Otan» партиясы Қызылорда қалалық филилалының төрағасы, қала әкімінің алғыс хаттары табыс етілді.
<img src="https://kyzylorda-news.kz/wp-content/uploads/2021/07/208389875_1450156328680253_8773900195374060503_n.jpg" alt="" />
<img src="https://kyzylorda-news.kz/wp-content/uploads/2021/07/212010838_1450156235346929_7552999849235075479_n.jpg" alt="" />
<img src="https://kyzylorda-news.kz/wp-content/uploads/2021/07/209277577_1450156345346918_7673348292123866277_n.jpg" alt="" />

Қоғам белсенділері партия қатарына қабылданды

<a href="https://kyzylorda-news.kz/">Kyzylorda-news.kz</a>. Жалған вакцинация паспорттарын пайдалану фактілері бойынша 4 қылмыстық іс қозғалды. Бұл туралы ҚР аумағында коронавирус инфекциясының таралуына жол бермеу жөніндегі&nbsp;ведомствоаралық комиссияның отырысында&nbsp;айтылды, деп хабарлайды ҚазАқпарат.
ВАК отырысында Ішкі істер министрлігінің бірінші орынбасары Марат Қожаев ПТР-тестілерді қолдан жасау және өткізу фактілері бойынша жыл басынан бері полиция органдары 23 қылмыстық іс, ал жалған вакцинация паспорттарын пайдалану фактілері бойынша 4 қылмыстық іс қозғалғанын баяндады.
Үкімет басшысының орынбасары Ералы Тоғжанов Ішкі істер министрлігіне ПТР-тест нәтижелерін және вакцинация паспорттарын қолдан жасаумен айналысатын адамдарды анықтау және жауапкершілікке тарту бойынша жұмысты күшейтуді тапсырды.

Жалған вакцинация паспортын пайдаланғандарға қылмыстық іс қозғалып жатыр

<a href="https://kyzylorda-news.kz/">Kyzylorda-news.kz</a>. Өңірдегі эпидемиологиялық ахуалға байланысты облыстың Бас сантариялық дәрігері жаңа Қаулы қабылдады. Онда біраз шектеулер енгізілді. Қаулыда көрсетілгендей, вакцинация алмаған жұмыскерлер оффлайн режимде жұмыс істемейді. Болмаса 7 күнде 1 рет міндетті түрде ПТР тестілеуден өту керек. Қаулы 3 шілде күні сағат 00.00-ден бастап күшіне енеді. Бұл туралы Өңірлік коммуникациялар қызметінің ақпарат алаңында облыстың Бас мемлекеттік санитариялық дәрігері Динара Жаңабергенова баяндады.
Сондай-ақ, жаздық алаңдар, қоғамдық тамақтану объектілері сағат 9.00-ден 20.00-ге, асханалар түнгі 24.00-ге дейін халыққа қызмет көрсете алады. Ал Ashyq» жобасына қатысатын объектілердің жұмысына шектеу жоқ. Алайда мереке, демалыс күндері жұмыс істемейді. Мұнан өзге, сенбі және жексенбі күндері сауда үйлері, сауналар, СПА-орталықтар, бассейндер, спорт кешендері, спорттық-сауықтыру орталықтары және фитнес-орталықтар, йога-орталықтар, ашық, жабық базарлар жұмыстарын тоқтатады.
<blockquote>
 «Бүгін облыс «сары» аймаққа енді. Күн сайын ауру жұқтыру қарқыны жоғарылап келеді. Эпидемиологиялық зерттеулер індетке шалдыққандардың басым көпшілігі екпе алмағандар арасынан анықталды. Ғалымдардың мәлімдемелері бойынша, елімізде қолданылып жатқан вакциналар коронавирустың мутацияларына қарсы антиденелер тудыруға қауқарлы. Ұжымдық иммунитет неғұрлым тез қалыптасса, вирустың жаңа нұсқаларының пайда болуы да соғұрлым бәсеңдейді. Сондықтан барша қызылордалықтарды вакцина алуға шақырамын! Қазіргі таңда облыстағы екпе кабинеттерінің барлығы сағат 24.00-ге дейін ашық. Өзіңіздің денсаулығыңыз бен жақындарыңыздың өмірін қорғау үшін екпе алыңыз, сақтық шараларын жауапкершілікпен атқаруды сұраймын»,-деді облыстың Бас мемлекеттік санитариялық дәрігері Динара Жаңабергенова.
</blockquote>
Сонымен қатар, адамдар көп жиналатын іс-шаралар,ойын клубтары,караоке, театр, кинотеатр, филармония қызметіне, боулинг, бильярд, спорттық, банкет залдардың жұмысына тыйым салынады.

Қызылордада демалыс күндері базарлар жұмысын тоқтатады

<a href="https://kyzylorda-news.kz/">Kyzylorda-news.kz</a>. Қызылордада «Бастамаларды қолдау» қоғамдық бірлестігі жүзеге асырып жатқан «Келешек мамандықтары: Жұмыссыздық проблемаларының шешімі» жобасы аясында ұйымдастырылған қысқа мерзімді оқытудың алғашқы түлектері бітіріп шықты.
Осы жылдың наурыз айында басталған жобаның мақсаты – Қызылорда қаласындағы жұмыссыз жастар мен мүмкіндігі шектеулі азаматтарды еңбек нарығындағы сұранысқа ие, бәсекеге қабілетті мамандықтарға даярлау және оларды белсенді өмірлік ұстанымға тарту арқылы жұмыспен қамтуға жәрдемдесу болатын.
Ол үшін қоғамдық бірлестік жоба шеңберінде 3 ай ішінде қысқа мерзімді кәсіптік оқыту арқылы еңбек нарығында сұранысқа ие IT-технология саласындағы 30 маманды даярлауды, даярлап қана қоймай жұмысқа орналасуына ықпал етуді жоспарлады.
Сәуір айында алғашқы лекке 12 жас жиналып, SMM маркетингті үйренуді бастап кеткен болатын. Міне енді сол жастар курсты аяқтауда.
Оқыту курсын жүргізген бизнес-тренер Ботагөз Бақбергенова 3 ай бойы оффлайн өткен курста қатысушылардың белсенді болғандығын айтты.
<blockquote>
 «Курсқа қатысушы жастардың басым бөлігі өз кәсібін ашуды көздегендер. Ынталарына риза болдым. Курс барысында жастар аккаунттарына талдау жасауды, пост жазуды, контент-жоспар құруды, интернет арқылы ақша табуды, жарнамалық бейне шолу жасап, камера алдында сөйлеуді үйренді. Мұнан бөлек, процес кезінде стоматология, жалюзи, СТО, сұлулық салоны, құс шаруашылығы, акссесуарлар дүкени секілді кәсіпкерлік нысандарында болып, тәжірибеден өтті, яғни курстан алған біліктіліктерін жүзеге асырып көрді. Нәтижесінде кей жастар курсты бітірмей тұрып-ақ алғашқы табыстарын таба бастады. Курсты толық бітірген сәттегі қатысушылар 100 мың теңгеден 500 мың теңгеге дейін нақты табыс тапты», – дейді бизнес-тренер Ботагөз Бақбергенова.
</blockquote>
Жақында жастар қысқа мерзімді курстан өткендігі туралы сертификаттарын алды. Ал «Бастамаларды қолдау» қоғамдық бірлестігі мұнан өзге мобилография, графикалық дизайн мамандықтары бойынша екі курсты ұйымдастыруда.
<blockquote>
 «Келешек мамандықтары: Жұмыссыздық проблемаларының шешімі» жобасы тиімділігін көрсетуде. Жобаға қатысқан жастарымыздың біліктіліктерін жетілдіріп, нақты табыс табуға шыққанына қуаныштымыз. Бұл біздің жұмысымыздың нақты көрсеткіші. Жобаға АҚШ-тың Халықаралық даму агенттігі (USAID) қаржыландыратын Орталық Азиядағы азаматтық қоғамды қолдау бағдарламасы аясында Еуразия қоры қолдау көрсетті. Ал жергілікті жерде «Qosyl» жастар бірлестігі әріптестік көмек беруде. Бұл ұйымдардың барлығына алғысымызды айтамыз», – деді «Бастамаларды қолдау» қоғамдық бірлестігінің төрайымы Мадина Төлепова.
</blockquote>

Қысқа мерзімді курстан өткен қызылордалық жастар табыс табуда

<a href="https://kyzylorda-news.kz/">Kyzylorda-news.kz</a>. Қазақстандық спортшылар Токиода өтетін жазғы Олимпиада ойындарына спорттың 27 түрінен 96 жолдама жеңіп алды.
Токио Олимпиадасы 23 шілде күні басталады және төртжылдықтың басты додасында барлығы 339 медаль жиынтығы сарапқа салынады.
<blockquote>
 “Токиоға ел намысын абыроймен қорғайтын спортшыларды жасақтадық. Барлық Олимпиадалық отбасының атынан мемлекет басшысына және ел үкіметіне қазақстандық спортшыларды қолдап, барлық қажетті жағдайды жасағаны үшін алғыс айтқым келеді”, – деді Қазақстан Ұлттық Олимпиада комитетінің президенті Тимур Құлыбаев.
</blockquote>
Қазақстан бірінші рет Олимпиада бағдарламасына жаңадан енгепорт түрлері, атап айтқанда, спорттық құзға өрмелеу және каратэ бойынша қатысады. Каратэ бойынша бірден бес спортшы, ерлерден&nbsp;Дархан Асаділов, Нұрқанат Әжіқанов, Данияр Юлдашев пен әйелдерден Мөлдір Жаңбырбай мен Софья Берульцева,&nbsp;ал құзға өрмелеуден&nbsp;Ришат Хайбуллин&nbsp;бақ сынайды.
Танымал қазақстандық жеңіл атлет&nbsp;Ольга Рыпакова&nbsp;отандық олимпиадалық құрамның көшбасшысы болатыны сөзсіз. Бұл дода Ольганың спорт мансабындағы төртінші Олимпиадасы болмақ. Бүгінде оның қоржынында олимпиада медальдарының толық жиынтығы бар. Осыған дейінгі қатысқан барлық Олимпиада ойындарында ол жүлдемен оралған болатын.
Су добынан ерлер құрамасы командалық ойын түрлерінен жарысқа қатсатын қазақстандық жалғыз құрама болып отыр. Олар Олимпиада ойындарына сегіз жылдан кейінгі үзілістен соң оралды.
Дәстүр бойынша&nbsp;Қамшыбек Қоңқабаев&nbsp;бастаған бокстан ерлер командасы толық құраммен, сегіз салмақ бойынша қатысады. Ел қоржынындағы тоғыз жолдама боксшыларға тиесілі.
Гимнаст&nbsp;Милад Карими&nbsp;жалғыз өзі жеті жолдаманы еншілеп, іріктеу кезеңін сәтті аяқтады.
Жүзуден біз үш жолдаманы иелендік. Оның екеуі Олимпиада чемпионы&nbsp;Дмитрий Баландинге&nbsp;тиесілі.
<blockquote>
 “Отандасымыз&nbsp;Руслан Құрбанов&nbsp;Халықаралық семсерлесу федерациясының жеке рейтингі бойынша құрлықтық квотаны жеңіп алған алты спортышының қатарына енді. Афиныдағы Олимпиада ойындарынан кейін (2004) алғаш рет Қазақстанның үш велошабандозы топтық жарыста бақ сынайды. Мұндай нәтижеге қол жеткізуге &nbsp;команда көшбасшысы&nbsp;Алексей Луценко&nbsp;үлкен үлес қосты. Ол Қазақстанға жалпы алғанда Азия құрлығының бірде-бір мемлекеті еншілемеген ұпайды әкелді”, – деп толықтырды комитет.
</blockquote>
Тректегі велоспорт (спринт, омниум және кейрин) бойынша үш лицензия жеңіп алды. Айта кетерлігі, спорттың бұл түрі бойынша жолдама Қазақстан үшін тарихи болып есептеледі. Себебі, осы уақытқа дейін қазақстандық спортшылар аталған дисциплина бойынша Олимпиада ойындарына қатыспаған.
Садақ атудан 20 жылдан кейін алғаш рет Қазақстаннан үш садақшы Олимпиада ойындарында командалық жарысқа қатысады.
Бүгінде он бір жолдама балуандарға тиесілі болса, жеңіл атлеттер де осы мөлшерде лицензия жеңіп алды. Теннисшілер жеті, ал байдарка мен каноэде есуден алты жолдама қоржында. Рейтингтік жарыстар нәтижесі бойынша дзюдошылар алты жолдаманы иеленді. Токио төрінде белдесетін татами шеберлерінің арасында тәжірибелі&nbsp;Елдос Сметов&nbsp;бар.&nbsp;
Үстел теннисінен Қазақстан құрамасының еншісінде қос жолдама, сондай-ақ, таеквондо мен слаломды есу бойынша спортшылар екі лицензия алды.
Қазіргі таңда ҰОК кейбір спорт түрлерінен халықаралық федерациялардың лицензияларды қайта бөлу, үлестіру нәтижелерін күтуде.
Олимпиада ойынарына қатысатын спортшылардың соңғы әрі нақты тізімі 5 шілдеден кейін белгілі болады.
Қазақстандық делегацияның басым бөлігі екі апталық карантиннен кейін Қазақстаннан Токиоға аттанады.
Олимпиада ойындарының ашылу салтанаты 23 маусымда Токио Олимпиада стадионында өтеді.
<a href="https://olympic.kz/kk/article/21366">Olympic.kz.</a>

Токио Олимпиадасына қазақстаннан 96  спортшы жолдама алды

<a href="https://kyzylorda-news.kz/">Kyzylorda-news.kz</a>. Қасым-Жомарт Тоқаев “БҰҰ – әйелдер”&nbsp; құрылымының Франция және Мексика үкіметтерімен бірлесіп ұйымдастырған “Ұрпақ теңдігі” атты жаһандық форум қатысушыларына бейне үндеу жасады, деп хабарлайды&nbsp;<a href="https://www.akorda.kz/kz">Ақорда</a>. &nbsp;&nbsp;
Виртуалды форматта өткен жиын гендерлік теңдік саласындағы жаһандық күш-жігерді үйлестіруге арналған. Форумның негізгі мақсаты – осы процеске тартылған барлық қатысушының нақты міндеттемелеріне негізделген көпжақты механизм қалыптастыру.
Мемлекет басшысы өз сөзінде Қазақстан тәуелсіздік алғаннан бастап 30 жыл бойы әйелдерді қолдауға бағытталған салиқалы саясатты дәйекті түрде жүргізіп келе жатқанын атап өтті.&nbsp;&nbsp;&nbsp;
<blockquote>
 “2030 жылға дейінгі отбасы және гендерлік саясат тұжырымдамасын басты негізге алған берік құқықтық база қалыптастырдық. Өткен айда адам құқығына қатысты алдағы уақытта атқарылатын шаралар туралы жарлыққа қол қойдым. Оның негізгі бағыттарының бірі – гендерлік теңдікті қамтамасыз ету. Гендерлік мәселені шешу – өңірлік өлшем бойынша еліміздің сыртқы саясаттағы басымдықтарының бірі”, – деді Қасым-Жомарт Тоқаев.
</blockquote>
Сонымен қатар президент Қазақстанның “Гендерлік зорлық-зомбылыққа қарсы іс-қимыл коалициясы” және “Экономикалық әділдік пен құқық жөніндегі іс-қимыл коалициясы” сияқты екі серіктес бірлестікке қосылатынын мәлімдеді. Бұл мемлекеттің бірқатар міндеттеме қабылдағанын білдіреді.
Атап айтқанда әйелдер мен қыздарға қатысты зорлық-зомбылықтың таралуы туралы жалпыұлттық зерттеу жұмысын қолға алу жөнінде шешімін айтты.
Мемлекет басшысы гендерлік теңдік және зорлық-зомбылықтың алдын алу бойынша озық тәжірибемен бөлісу үшін Орталық Азияда өңірлік білім платформасын құру туралы бастама көтерді.
Қасым-Жомарт Тоқаев БҰҰ мен Еуропалық одақтың Орталық Азия мен Ауғанстанға арналған “Жарық сәулесі” өңірлік бастамасына инвестиция салуға дайын екенін атап өтті.
Бұдан бөлек президент әйел кәсіпкерлерді қолдау үшін еліміздің барлық өңірінде ресурстық орталықтар құру жоспары туралы мәлімет берді.
Мемлекет басшысы заңнамалық деңгейде қабылданып жатқан шаралар туралы айта келіп, әйелдер үшін тыйым салынған мамандықтар тізімін қайта қарауға, сондай-ақ әйелдер мен балаларды әлеуметтік және құқықтық тұрғыдан қолдауды күшейтуге ниетті екенін жеткізді.
Қасым-Жомарт Тоқаев сөзінің соңында әйелдердің теңдігі мен қауіпсіздігін қорғауға, олардың құқықтары мен мүмкіндіктерін кеңейтуге бағытталған игі істі еліміздің толық қолдайтынын нақтылады.

Әйелдер үшін тыйым салынған мамандықтар тізімі қайта қаралады

<a href="https://kyzylorda-news.kz/">Kyzylorda-news.kz</a>.&nbsp; Коронавирус бойынша Қазақстан өңірлеріндегі эпидемиологиялық ахуалды бағалау матрицасы жарияланды.
2 шілдедегі жағдай бойынша:
«Қызыл» аймақта: Нұр-Сұлтан, Алматы, Шымкент қалалары, Ақмола, Атырау, Батыс Қазақстан және Қарағанды, Маңғыстау облыстары.
«Сары» аймақта: Ақтөбе, Қостанай, Қызылорда, Павлодар облыстары.
«Жасыл» аймақта: Алматы, Жамбыл, Солтүстік Қазақстан, Түркістан және Шығыс Қазақстан облыстары.
Айта кетейік, 1 шілде күні Маңғыстау және Ақмола облыстары «сары» аймақта&nbsp;<a href="https://www.inform.kz/kz/koronavirus-shymkent-kalasy-kyzyl-aymakka-otti_a3807199">орналасқан болатын.</a>

Қызылорда «сары» аймаққа өтті

<a href="https://kyzylorda-news.kz/">Kyzylorda-news.kz</a>. Әлемде «Дельта» штамының таралуына байланысты Денсаулық сақтау министрлігі КВИ науқастарынан алынған оң зертханалық үлгілердің ПТР скринингін өткізді, деп хабарлайды ҚазАқпарат.
2021 жылдың 1 шілдесіне Үнді штамын анықтау үшін 414 сынаманың ПТР скринингі өткізілді. Нәтижелері бойынша 48,3% Үнді штамы барлық облыстар мен Нұр-Сұлтан, Алматы, Шымкент қалаларында табылды.
Мутацияның болуын және оның «Дельта» штамына жататындығын түпкілікті растау үлгілердің ДНҚ толық геномдық реттілігі аяқталғаннан кейін анықталады.
Дельта штамм клиникасының ерекшеліктері-инкубациялық кезеңнің 5 күнге дейін қысқаруы, ішек белгілері басым, аурудың тез дамуы, жас жастағы науқастар санының көбеюі, балалар мен жүкті әйелдер арасындағы ауыр курс.
Осыған байланысты денсаулық сақтау министрлігі қазақстандықтардан өз денсаулығына және жақындары мен туыстарының денсаулығына қамқорлық жасауды сұрайды.
Инфекциядан қорғаудың жалғыз әдісі-аяқталған курс COVID-19 вакцинациясы.
Сонымен қатар, вирустың таралу қаупін азайту үшін барлық алдын-алу шараларын сақтау қажет: маска кию, әлеуметтік қашықтықты сақтау, қол гигиенасы, үй-жайларды желдету және т. б.
Дүниежүзілік денсаулық сақтау ұйымының деректері бойынша 2021 жылғы 1 шілдедегі жағдай бойынша «Дельта» SARS-CoV-2 штаммы әлемнің 96 елінде анықталды.

Үнді штамы Қазақстанның барлық өңірінен анықталды

&nbsp;Қазақстанда өткен тәулікте 2590 адамда коронавирус індеті ПТР-сынама арқылы расталды, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Өңірлер бойынша: 
Нұр-Сұлтан қаласы – 764, 
Алматы қаласы – 353, 
Шымкент қаласы – 103, 
Ақмола облысы – 88, 
Ақтөбе облысы – 63, 
Алматы облысы – 59, 
Атырау облысы – 103, 
Шығыс Қазақстан облысы – 82, 
Жамбыл облысы – 32, 
Батыс Қазақстан облысы – 143, 
Қарағанды облысы – 468, 
Қостанай облысы – 52, 
Қызылорда облысы – 49, 
Маңғыстау облысы – 107, 
Павлодар облысы – 59, 
Солтүстік Қазақстан облысы – 27, 
Түркістан облысы – 38.
Жалпы, пандемия басталғалы елімізде коронавирус 428 163 адамнан анықталды.

Қызылордада вирус жұқтырғандар саны күрт өсті

<a href="https://kyzylorda-news.kz/">Kyzylorda-news.kz</a>. Синоптиктер 2 шілде күні ел аумағында ауа райы қандай болатынын айтты, деп хабарлайды «Қазгидромет» РМК баспасөз қызметі.
Қазақстанның басым бөлігінде антициклон әсерінен ыстық және құрғақ ауа райы күтіледі. Тек еліміздің батыс бөлігіне циклон жырасымен байланысқан атмосфералық фронттар әсер етеді. Салдарынан жаңбыр мен бұршақ жауады, найзағай жарқылдайды.
Республика бойынша кей жерлерде жел күшейеді.
Қызылорда облысында жел қарқыны 15-20 м/с дейін күшейеді.

Қазақстан және Қызылорда облысының жаңалықтары