Kyzylorda-news.kz. Қазақстанда өткен тәулікте 3003 адамда коронавирус індеті ПТР арқылы расталып ауырғаны белгілі болды. Бұл туралы coronavirus2020.kz сайты хабарлайды.
Аймақтар бойынша:
Нұр-Сұлтан қаласы – 791
Алматы қаласы – 391
Шымкент қаласы – 169
Ақмола облысы – 105
Ақтөбе облысы – 78
Алматы облысы – 112
Атырау облысы – 154
Шығыс Қазақстан облысы – 73
Жамбыл облысы – 34
Батыс Қазақстан облысы – 173
Қарағанды облысы – 496
Қостанай облысы – 53
Қызылорда облысы – 56
Маңғыстау облысы – 186
Павлодар облысы – 71
Солтүстік Қазақстан облысы – 19
Түркістан облысы – 42
Жалпы ел бойынша ауырғандар саны 433931.

Қызылордада коронавирус жұқтырғандар саны өсуде

<a href="https://kyzylorda-news.kz/">Kyzylorda-news.kz</a>. «Қазгидромет» РМК Қызылорда облысы бойынша филиалы ауа райына қатысты ескерту жариялады.
<blockquote>
 «4 шілде Қызылорда облысының&nbsp;кей жерлерінде найзағай, шаңды дауыл күтіледі. Жел солтүстіктен, солтүстік-шығыстан соғады, күндіз күші кей жерлерде 15-20 м/с күтіледі», – делінген хабарламада.
</blockquote>

Қызылордада ауа райына қатысты ескерту жарияланды

<a href="https://kyzylorda-news.kz/">Kyzylorda-news.kz</a>. 3 шілдеде футболдан Еуропа чемпионатының 1/4 финалының қалған матчтері өтеді.
Ойнайтын командалар:
<ul>
<li>Чехия – Дания (Бакуде өтеді, ойын Нұр-Сұлтан уақытымен 22.00-де басталады);</li>
<li>Украина – Англия (Римде өтеді, сағат 1.00-де).</li>
</ul>
Ойындар Qazaqstan тікелей эфирінде көрсетіледі. Трансляция телеарнаның ресми сайтында да қолжетімді. Матчтерді Qazsport арнасы көрсетеді.
Бұл матч жеңімпаздары 7 шілдеде Лондонда жартылай финалда кездеседі.
<a href="https://kaz.tengrinews.kz/">Tengrinews.kz</a>

EURO-2020-ның 1/4 финалы: 3 шілдеде кімдер ойнайды?

<a href="https://kyzylorda-news.kz/">Kyzylorda-news.kz</a>. Бұған дейін хабарланғандай, көктемгі жауын-шашынның болмауына байланысты Маңғыстау облысы мен Қызылорда облысының Арал ауданында қатты құрғақшылық болды. Қалыптасқан жағдайда жем-шөптің болмауынан аталған өңірлердің мал шаруашылығы саласы зардап шекті.
Маңғыстау облысының тұрғындарына көмек ретінде республиканың басқа өңірлерінен екі апта ішінде 13 мың түп және 92 орам шөп жіберілген. Қосымша, Қостанай облысы апта сайын 5 вагоннан кебек жөнелтуде. Ақтөбе және Атырау облыстары Маңғыстаулық шаруаларға өз аумақтарында шөп шабуға мүмкіндік берді.
<blockquote>
 «Шөп сатып алуды «Каспий» ӘКК қаржыландырды (204 млн теңге). Өз кезегінде Азық-түлік корпорациясы 637 тонна арпаны 17% – ға төмендетілген бағамен сатты. Маңғыстау облысының агроқұрылымдарында малдың қыстауы үшін және жеке қосалқы шаруашылықтардың жем сатып алуы үшін Үкімет резервінен 1,9 млрд.теңге бөлінеді. Онымен қоса, жайылымдық жағдайлары жазғы жаюды жүзеге асыруға мүмкіндік беретін Бейнеу және Қарақия аудандарына малды тасымалдау жүзеге асырылуда. Сондай-ақ, Ақтөбе, Атырау және Солтүстік Қазақстан облыстарының аумағына жаз кезінде мал жаю үшін 2260 бас жылқы, 3 мың қой, 200 түйе және 1010 бас ІҚМ тасымалданды. Жалпы алғанда, Маңғыстау облысындағы жағдай тұрақталды, мал өлімі тоқтады», – делінген ҚР Ауылшаруашылығы министрлігінің таратқан хабарламасында.
</blockquote>
Қызылорда облысының Арал ауданына жоңышқа жеткізу ұйымдастырылған. Сонымен қатар, мың тоннадан астам шөп, 40 тонна құнарлы жем түсіп отыр. Азық-түлік корпорациясы арқылы 600 тонна арпа сатып алу туралы келісім-шарт жасалды. Сондай-ақ, жем-шөпті 10-15% арзандатылған сату бойынша ауыл шаруашылығы жәрмеңкесі өткізілді. Бұдан басқа, жергілікті бюджет қаражаты есебінен азық құнын субсидиялауға 3,4 млрд.теңге көлемінде қаражат бөлу туралы мәселе қарастырылуда.
<blockquote>
 «Ауыл шаруашылығы министрлігінің жанынан жем-шөппен қамтамасыз ету және жедел ден қою мәселелерін шешуді үйлестіру үшін республикалық жедел штаб құрылды, оның құрамына облыстар мен аудандар әкімдерінің орынбасарлары, Азық-түлік корпорациясы мен Бәйтерек холдингі ұйымдарының басшылары енгізілді. Облыс әкімдіктері алдағы уақытта ауыл шаруашылығы малдарын қыстауға жем дайындау жоспарын айқындап, апта сайын мониторинг жүргізе отырып, оларды орындау бойынша жұмыстар ұйымдастырады», – делінген хабарламада.
</blockquote>

Аралда ахуал тұрақталды, мал шығыны жоқ

<a href="https://kyzylorda-news.kz/">Kyzylorda-news.kz</a>. Француз дәрігерлері коронавируспен ауырып шыққан балалардың қауіпті синдромға шалдығатынын <a href="https://sputnik.kz/world/20210703/17518582/koronavirus-bala.html">анықтады</a>.
<blockquote>
 “Барлық органдардың қабыну синдромы белгілі болды. Ол сирек кездеседі. Бірақ науқас өте ауыр жағдайға түседі. Оны шұғыл аурухана жатқызу қажет. Бала коронавируспен симптомсыз ауырып шығуы да мүмкін. Ал қауіпті синдром бірнеше аптадан кейін шығады”, – деді Францияның жоғарғы денсаулық сақтау органының басшысы (НАS) Доминик Ле Гулюдек BFMTV арнасына берген сұхбатында.
</blockquote>
Оның айтуынша,&nbsp;келесі аптада арнайы құжат жарияланады. Қауіпті синдром толығымен сипатталып, құжат барлық терапевт пен педиатрға таратылады.
<blockquote>
 “Коронавирусқа шалдыққан балалар қатты ауырмайды. Дегенмен, жеңіл және орташа деңгейде ауырса да, соңы қауіпті синдромға әкеліп соғуы мүмкін”, – деп атап көрсетті Ле Гулюдек.
</blockquote>
Айта кетейік, бұған дейін Қазақстанда балалардың Кавасаки синдромына шалдыққаны жайында хабарланған болатын. Ол да қабынудың бір түрі және коронавирустан кейін пайда болады.

&#8220;Баланы шұғыл ауруханаға жатқызу керек&#8221;: Дәрігерлер қауіпті синдром туралы ескертті

<a href="https://kyzylorda-news.kz/">Kyzylorda-news.kz</a>. Қазақстан Президенті Елорда күніне арналған мерекелік іс-шараны дәстүрлі түрде ашатын Мемлекеттік ту көтеру салтанатты рәсіміне қатысты, деп хабарлайды&nbsp;<a href="https://www.akorda.kz/kz/kasym-zhomart-tokaev-memlekettik-tu-koteru-rasimine-katysty-36853">Ақордаға</a>.
<blockquote>
 «Биыл қастерлі Тәуелсіздігімізге – 30 жыл. Сондықтан бұл рәсімнің тарихи мән-маңызы айрықша. Көк туымыз – Тәуелсіз Қазақстанның ең басты рәмізі. Халқымыз үшін азаттықтан асыл, байрақтан биік құндылық жоқ. Қазақтың тарихы «Туың жығылмасын!» деген бір ауыз тілекке сыйып тұр. Бабаларымыз қашанда туын биік ұстаған. Елдігі сынға түскен сәтте байрақ астына бірігіп, тұтастығын танытқан. Ерлік пен бірліктің дәстүрі ұрпақтан ұрпаққа жалғасып, Тәуелсіздік дәуіріне ұласты. Егемен елдің көк байрағы – мызғымас мемлекеттігіміздің белгісі», – деді Президент.
</blockquote>
Қасым-Жомарт Тоқаев жоғары әскери оқу орнының түлектерінің алдында сөйлеген сөзінде Мемлекеттік туымыз бен еліміздің бас қаласы ұлт бірлігінің жарқын символы екенін айтты.
<blockquote>
 «Елордамыз – қазіргі Қазақстанның бетке ұстар бас қаласы. Еліміздің орталық мегаполисі болашаққа жол ашатын ордаға, жалпы ұлт болып ұйысудың және шынай патриотизмнің үлгісіне айналды. Тұңғыш Президент – Елбасы мен миллиондаған отандасымыздың қажырлы еңбегінің арқасында бой көтерген қала – халқымыздың мақтанышы. Отанымыздың жүрегі дәл осы жерде соғып тұр. Аса маңызды шешімдердің бәрі осы жерде қабылданып, салмақты ой-пікірлер ортаға салынып, бірегей жобалар жүзеге асырылып жатыр», – деді Мемлекет басшысы.
</blockquote>
Қазақстан Президентінің пікірінше, елорда дарынды, жігерлі отандастарымыздың, сондай-ақ, өзге мемлекеттердің көптеген азаматтарының бас қосатын орталығына айналды. Қасым-Жомарт Тоқаев Ұлы дала кіндігінде қасиетті Туды биікте желбірете отырып, еркіндік пен егемендік мұратына бейілді екенімізді атап өтті.
<blockquote>
 «Елорда күні адамдарды қолдап, шабыттандыру, бірліктің күшін, өзара көмектің маңыздылығы мен әр азаматтың ортақ іске қосқан үлесінің құндылығын дәріптеу үшін аса маңызды. Елорда тұрғындары екпе салу науқаны мен шектеу шараларын сақтау кезінде алдыңғы қатарда болуы қажет. Жаппай вакциналау қалыпты тыныс-тіршілікке қайта оралудың, адамдардың денсаулығын сақтаудың жалғыз жолы екенін дұрыс түсінуіміз керек. «Біз біргеміз» ұраны аса қатерлі індетке қарсы күрестегі жеңісіміздің бойтұмары болатынына сенімдімін», – деді Қасым-Жомарт Тоқаев.
</blockquote>
Рәсім барысында жоғары әскери оқу орнының 12 үздік түлегі Қазақстан Президенті – Қазақстан Республикасының Жоғарғы Бас қолбасшысының қолынан офицер погонын алды.
<blockquote>
 «Оқуларыңыздың сәтті аяқталғаны құтты болсын, жас офицерлер! Офицерлік шен – бұл, ең бірінші, Отан алдындағы зор жауапкершілік. Болашақта командир атанып, жас сарбаздарға тәлім бересіздер. Сондықтан отаншыл, батыл және айбынды болып, үлгі көрсету аса маңызды. Мүлтіксіз қызмет ету – бәріңізге ортақ міндет. Антқа адал болу, Тәуелсіз елімізді қорғау – қастерлі парыз», – деді Мемлекет басшысы.
</blockquote>
Жиын соңында Қасым-Жомарт Тоқаев барлық қатысушыларды келе жатқан Елорда күнімен құттықтап, Отанымыздың өсіп-өркендей беруіне тілектестік білдірді.
<img src="https://akorda.kz/assets/media/kz4-2060.jpg" alt="" />
<img src="https://akorda.kz/assets/media/kz4-1475.jpg" alt="" />
<img src="https://akorda.kz/assets/media/kz4-1275.jpg" alt="" />
<img src="https://akorda.kz/assets/media/dsc-5193.jpg" alt="" />
<img src="https://akorda.kz/assets/media/kz4-1811.jpg" alt="" />
<img src="https://akorda.kz/assets/media/kz1-1639-2.jpg" alt="" />
<img src="https://akorda.kz/assets/media/kz1-1663-1.jpg" alt="" />
<img src="https://akorda.kz/assets/media/kz1-1688-2.jpg" alt="" />

Президент Мемлекеттік ту көтеру рәсіміне қатысты

<a href="https://kyzylorda-news.kz/">Kyzylorda-news.kz</a>. Арал ауданының тұрғыны 2 бас түйені ұрлап, иесіне 1 млн 800 мың теңге көлемінде &nbsp;шығын келтірген.&nbsp;&nbsp;
Жүргізілген жедел іздестіру жұмыстары барысында күдікті ауданның тұрғыны анықталып, ұсталды. Белгілі болғандай ол ұрланған&nbsp; түйелерді ауылдан шалғай далалық жерде ұстаған.
Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды. &nbsp;
<blockquote>
 «Аталған дерек &nbsp;бойынша Қазақстан Республикасы Қылмыстық кодексінің 188-1 – бабының 3 – бөлігі бойынша (Тұрғын үй-жайға заңсыз кiрумен жасалған мал ұрлығы) тергеп-тексеру амалдары жүргізілуде. Оқиғаның мән-жайы анықталуда», делінген полиция департаментінің хабарламасында.
</blockquote>

Аралда түйе ұрлаған күдікті ұсталды

<a href="https://kyzylorda-news.kz/">Kyzylorda-news.kz</a>. Қоғамдық бiрлестiктердiң құқықтық жағдайының ерекшелiктерi “Қоғамдық бiрлестiктер туралы” Қазақстан Республикасының <a href="http://10.61.42.188/kaz/docs/Z960000003_#z11">Заңымен</a> реттеледі.
Қазақстан Республикасында республикалық, аймақтық және жергілікті қоғамдық бірлестіктер құрылып, жұмыс істеуі мүмкін.
Қазақстан Республикасы облыстарының жартысынан астамының аумағында өздерінің құрылымдық бөлімшелері (филиалдары мен өкілдіктері) бар бірлестіктер республикалық қоғамдық бірлестіктерге жатады.
Қазақстан Республикасы облыстарының жартысынан азының аумағында өздерінің құрылымдық бөлімшелері (филиалдары мен өкілдіктері) бар бірлестіктер аймақтық қоғамдық бірлестіктерге жатады.
Жергілікті қоғамдық бірлестіктерге Қазақстан Республикасының бір облысы шегінде жұмыс істейтін бірлестіктер жатады.
Республикалық және аймақтық қоғамдық бірлестіктер өз мәртебесін растау үшін тіркелген күннен бастап бір жыл өткенге дейін осы бірлестікті тіркеген органға құрылымдық бөлімшелерінің (филиалдары мен өкілдіктерінің) аумақтық әділет органдарында есептік тіркеуден өткенін растайтын құжаттардың көшірмелерін табыс етуге міндетті.
Қазақстан Республикасының заңдарына қайшы келмейтiн ортақ мақсаттарға жету үшiн азаматтардың ерiктi бiрiгуi нәтижесiнде құрылған ұйым, егер заңдарда өзгеше белгіленбесе қоғамдық бiрлестiк болып табылады.
Қоғамдық бірлестіктер азаматтардың саяси, экономикалық, әлеуметтік және мәдени құқықтары мен бостандықтарын іске асыру мен қорғау, белсенділігі мен ынталылығын дамыту; кәсіби және әуесқойлық мүдделерін қанағаттандыру, ғылыми, техникалық және көркем шығармашылығын дамыту, адамдардың өмірі мен денсаулығын сақтау, қоршаған табиғи ортаны қорғау; қайырымдылыққа қатысу; мәдени-ағарту, спорт-сауықтыру жұмыстарын жүргізу; тарих және мәдениет ескерткіштерін қорғау; патриоттық, құқықтық және адамгершілік тәрбие беру; халықаралық ынтымақтастықты кеңейту және нығайту; Қазақстан Республикасының заңдарында тыйым салынбаған өзге де қызметті жүзеге асыру мақсаттарында құрылып, жұмыс істейді.
Экстремистік мақсаттарды көздейтін қоғамдық бірлестіктерді құруға және олардың қызметіне, сондай-ақ Қазақстан Республикасының заңнамасында көзделмеген әскерилендірілген құралымдарды құруға тыйым салынады.
Қоғамдық бірлестіктер заң алдында тең. Қоғамдық бірлестіктер қызметін Қазақстан Республикасының Конституциясы мен өзге де заң актілері шеңберінде жүзеге асырады.
Республикалық және өңірлік мәртебесі бар қоғамдық және діни бірлестіктерді, оның ішінде саяси партияларды мемлекеттік тіркеуді, шетелдік және халықаралық коммерциялық емес үкіметтік емес бірлестіктердің филиалдары мен өкілдіктерін есептік тіркеуді Қазақстан Республикасының Әділет министрлігі (бұдан әрі – Министрлік) жүргізеді&nbsp;&nbsp;&nbsp;&nbsp;&nbsp;
Ал, құрылған, қайта ұйымдастырылған заңды тұлғаларды мемлекеттік тіркеуді және филиалдар мен өкілдіктерді, жергілікті мәртебесі бар қоғамдық және діни бірлестіктерді, заңды тұлғалардың қорлары мен бірлестіктерін есептік тіркеуді, қоғамдық және діни бірлестіктердің филиалдары мен өкілдіктерін есептік тіркеуді аумақтық әділет органдары жүзеге асырады.
Қоғамдық бірлестікті тіркеу үшін.
1. Заңды тұлғаны, филиалды (өкілдікті) мемлекеттік (есептік) тіркеу туралы өтініш;
2.Жарғы.
3.құрылтай съезінде (конференциясында, жиналысында) съездің (конференцияның, жиналыстың) төрағасы мен хатшысы қол қойған Жарғыны қабылдаған құрылтай съезінің (конференциясының, жиналысының) хаттамасы);
4.Тегі, Аты, Әкесінің аты( бар болса), ЖСН, тұрғылықты жері, үй және қызмет телефондары, жеке қолы көрсетілген қоғамдық бірлестіктің бастамашы-азаматтарының тізімі;
5.Қоғамдық бірлестіктің орналасқан жерін растайтын құжат;
6.Заңды тұлғаларды мемлекеттік тіркеу және филиалдар мен өкілдіктерді есептік тіркеу үшін бюджетке алым төленгенін растайтын түбіртек немесе өзге құжат ұсынылады.
Әділет органдары осы құжаттарды ұсынылғанан кейін берілген күннен кейінгі 5 жұмыс күнінен кешіктірілмей жүргізіледі.
Сонымен қатар, Әділет органының жауапты орындаушы: ұсынылған құжаттардың дұрыс толтырылуын (ресімдеуін) Қазақстан Республикасының қолданыстағы заңнамасына сәйкестігін тексереді; заңды тұлғаны мемлекеттік тіркеу туралы, филиалды (өкілдікті) есептік тіркеу туралы бұйрықты ресімдейді, бизнес-сәйкестендіру нөмірлерінің ұлттық тізіліміне мәліметтерді енгізеді, заңды тұлғаны мемлекеттік тіркеу туралы, бизнес–сәйкестендіру нөмірі берілген филиалды (өкілдікті) есептік тіркеу туралы анықтаманы ресімдейді, іс ресімделгеннен кейін (БСН берілгенін растайтын тиісті мөртабандар қойылғаннан кейін) құрылтай және басқа құжаттардың бір данасынан тұратын істі ресімдейді.
Ұсынылған құжаттар заңнамаға сәйкес келмеген жағдайда жауапты орындаушы бас тарту туралы дәлелді бұйрықты ресімдейді.
Еркін Тажикенов,
Қызылорда облысының Әділет департаментінің
Тіркеу қызметі саласындағы әдістемелік қамтамасыз
ету және бақылау бөлімінің басшысы

Қоғамдық ұйым құру үшін қандай құжаттар жинайды?

<a href="https://kyzylorda-news.kz/">Kyzylorda-news.kz</a>.&nbsp; «Jas Otan» Қызылорда облыстық филиалының төрағасы болып Жорабек Медет сайланды. «Nur Otan» партиясы жаныдағы «Jas Otan» ЖҚ Қызылорда облыстық филиалының кезектен тыс ХVІ конференциясы онлайн режимде өткізілді. 
⠀ 
Бейнеконференция жұмысына «Nur Otan» Қызылорда облыстық филиалы төрағасының орынбасары А. Жарылқасынов , «Jas Otan» төрағасы Н. Жетпісбаев, облыстық кеңес мүшелері, жергілікті жастар саясаты мәселелері бойынша жауапты мемлекет орган өкілдері және аумақтық бөлімше басшылары қатысты. 
⠀ 
Конференцияның қарауына ұсынылған бірінші мәселе бойынша «Jas Otan» Қызылорда облыстық филиалының консультанты Әсем Қаһарманова жыл бойына атқарылған жұмыстарына баяндама жасады. 
⠀ 
Күн тәртібінің екінші мәселесі бойынша конференцияға қатысушылар «Jas Otan» Қызылорда облыстық филиалының төрағасы лауазымына осыған дейін ұсынылған Жорабек Медет кандидатурасын бірауыздан мақұлдады.
Жорабек Медет Қызылорда қаласының тумасы. Қорқыт ата атындағы Қызылорда мемлекеттік университетінің «Мемлекеттік және жергілікті басқару» мамандығы бойынша білім алған. Осыған дейін жергілікті жастар саясатын жүзеге асыру бағытандағы жастар ұйымдарының жетекшісі қызметінде және Қызылорда қалалық «Жастар ресурстық орталығы» КММ-де кеңесші қызметін атқарған.
<img src="https://kyzylorda-news.kz/wp-content/uploads/2021/07/211623346_1989377921215976_420745673783282872_n.jpg" alt="" />

«Jas Otan» Қызылорда облыстық филиалының жаңа төрағасы сайланды

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысы ішкі саясат басқармасының қолдауымен облыстық &nbsp;тілдерді оқыту орталығы «Еңсесі биік Елорда» тақырыбында онлайн диктант өткізді.
Оған облыстық басқарма қызметкерлері қатысты. Шараға қатысушылар жазба жұмысын жазар алдында&nbsp; жағымды көңіл-күй қалыптастыру мақсатында «Әуенді сауалнама» толтырды.&nbsp;Орталық директоры Л.&nbsp;Ортаева ZOOM қосымшасы арқылы онлайн диктант жазудың ережесі мен талаптарын түсіндірді.&nbsp;
Диктанттың мәтіні орталықтың ғылыми-әдістемелік кеңес отырысында талқыланып, бекітілген.&nbsp; Ондағы сөз саны – 143, яғни В2 ортадан жоғары деңгейге арналған.&nbsp;
Шара соңында қатысушылар жұмыстарын орталықтың электронды поштасына жолдады. &nbsp;Жазба жұмысының қорытындысымен жоғары нәтиже көрсеткен қызметкерлер басқарманың Алғыс хатымен марапатталады.
<img src="https://kyzylorda-news.kz/wp-content/uploads/2021/07/82702011-6847-4623-86aa-7edbb1a92325.jpg" alt="" />
<img src="https://kyzylorda-news.kz/wp-content/uploads/2021/07/42e9a3b6-af6a-4fd1-99a1-8614d0edca25.jpg" alt="" />

«Еңсесі биік Елорда»: Мемлекеттік қызметшілер диктант жазды

<a href="https://kyzylorda-news.kz/">Kyzylorda-news.kz</a>. Бас мемлекеттік санитарлық дәрігердің соңғы қаулысы бойынша 20 адамнан асатын ұжымдардың барлығы 15 шілдеге дейін вакцина салдыруға міндетті, деп хабарлайды &nbsp;<a href="https://sputnik.kz/">Sputnik Қазақстан</a>. &nbsp;Денсаулық сақтау министрлігінің ресми өкілі Ержан Байтанаев белгіленген уақытқа дейін екпе алмаған жұмысшылар мен жұмыс берушілер қандай жазаға тартылатынын айтып берді.
Оның айутынша, шағын, орта және ірі кәсіпорындардың жұмысшылары жазаға тартылмайды, оларға айыппұл салынбайды. Ал вакцина салдырмаған адамдарды жұмысқа кіргізген кәсіпкерлерге қатысты Әкімшілік құқықбұзушылық туралы кодекстің 462-бабы, 3-бөлігі бойынша әкімшілік хаттама рәсімделеді.
“Мемлекеттiк бақылау және қадағалау органдары (лауазымды адамдар), мемлекеттік органдардың лауазымды адамдары өздерінің құзыретi шегiнде берген заңды талаптарды, нұсқамаларды, ұсынуларды, қаулыларды орындамау немесе тиiсті деңгейде орындамауы үшін айыппұл төлейді”, – делінген осы бапта. Айыппұлдың көлемі де көрсетілген. Олар:
<ul>
<li>жеке тұлғаларға – 5 АЕК (14 585 теңге шамасында),</li>
<li>лауазымды адамдарға – 15 АЕК (43 755 теңге шамасында),</li>
<li>шағын кәсiпкерлiк субъектiлерiне немесе коммерциялық емес ұйымдарға – 100 АЕК (291 700 теңге шамасында),</li>
<li>орта кәсіпкерлік субъектілеріне – 200 АЕК (583 400 теңге шамасында),</li>
<li>ірі кәсіпкерлік субъектілеріне – 500 АЕК (1 458 500 тенге).</li>
</ul>
Бұдан бөлек, кәсіпкерлік нысанның қызметін тоқтатуы да мүмкін.
Осы орайда қоғам ішінде “ИП” ашқан және жалғыз өзі істейтін кәсіпкерлерге қатысты сұрақтар жиі қойылып жатыр. Мәселен, шаштараз жеке кәсіпкер ретінде тіркеліп, өзі ғана жұмыс істейді.
“Ондай жеке кәсіпкерге микро-ИП ретінде жеке адамдарға қарастырылған айыппұл (5 АЕК) салуға шешім қабылданды”, – дейді Байтанаев.
<h3 id="">Тексеріс қашан басталады?</h3>
Денсаулық сақтау министрлігінің мәліметіне сәйкес, тексеріс шаралары 15 шілдеде басталады. Бірақ ол кезде ішінара тексеріс болады, жұмысшылардың бірінші компонентті қабылдау жағы тексеріледі.
<blockquote>
 “Ал 15 тамыздан кейін жаппай тексерістер басталады. Сонда жұмысшыларға вакцинаның толық екі компоненті егілді ме, жоқ па, осыны тексереді. Мониторингтік топтар да осы жұмысқа тартылады”, – деп атап көрсетті Байтанаев.
</blockquote>
Оның айтуынша, қазіргі кезде Қазақстанда вакцинаның көлемі жеткілікті. Аймақтарда 2 миллион екпе бар. Qazvac-тың 100 мың дозасы мен Қарағанды зауытында шығарылған “Спутник V”-дің тағы 1,5 миллион дозасы жеткізіледі.
Сондай-ақ, қытайлық Sinovac вакцинасын сатып алу бойынша келіссөздер жүргізіліп жатыр.

Вакцина салдырмағандар қанша айыппұл төлейді?

<a href="https://kyzylorda-news.kz/">Kyzylorda-news.kz</a>. Биыл аймақта 40 ауылдық округтің әкімін ауыл тұрғындары өздері сайлайды. Ал сайлау үстіміздегі жылдың 25 шілдесінде карантин талаптарын сақтай отырып өткізіледі. Бұл туралы Өңірлік коммуникациялар қызметінің ақпараттық алаңында өткен брифингте облыстық сайлау комиссиясының төрағасы Ғалым Баймырзаев мәлімдеді.
<blockquote>
 «Қазіргі таңда өзін-өзі ұсынған 41 кандидаттың 19-ы мемлекеттік қызмет заңнамасымен қойылған біліктілік талаптарға сәйкестігі анықталды. Кандидаттардың 2-і әйел болса, қалған 39-ы ер адам. Ең жас кандидат 28 жаста. Саяси партиялардан кандидаттар әзірге ұсынылған жоқ»,-деді Ғалым Қонақбайұлы.
 «Сайлау науқанының мерзімі 30 күнді құрайды. Мұнан өзге, сайлаудан кейін үш күн ішінде қорытындысы шығарылып, жарияланады. Жеті күн ішінде аумақтық комиссия сайланған әкімді тіркеп, кейін ол өз өкілеттігін бастайды. Өкілеттік мерзімі – 4 жыл болады»,-деді облыстық сайлау комиссиясы төрағасының орынбасары Болат Накипов.
</blockquote>
Айта кетейік, аумақтық комиссияның күнтізбелік жоспары бойынша кандидаттарды ұсыну 9 шілдеде сағат 18:00-де, ал тіркеу 14 шілдеде сағат 18:00-де аяқталады.

Қазақстан және Қызылорда облысының жаңалықтары

Қызылордада коронавирус жұқтырғандар саны өсуде

Қызылордада ауа райына қатысты ескерту жарияланды

EURO-2020-ның 1/4 финалы: 3 шілдеде кімдер ойнайды?

Аралда ахуал тұрақталды, мал шығыны жоқ

“Баланы шұғыл ауруханаға жатқызу керек”: Дәрігерлер қауіпті синдром туралы ескертті

Президент Мемлекеттік ту көтеру рәсіміне қатысты

Аралда түйе ұрлаған күдікті ұсталды

Қоғамдық ұйым құру үшін қандай құжаттар жинайды?

«Jas Otan» Қызылорда облыстық филиалының жаңа төрағасы сайланды

«Еңсесі биік Елорда»: Мемлекеттік қызметшілер диктант жазды

Вакцина салдырмағандар қанша айыппұл төлейді?

Қызылордада 40 ауылдық округтің әкімін ауыл тұрғындары сайлайды

Қазақстан және Қызылорда облысының жаңалықтары

Қызылордада коронавирус жұқтырғандар саны өсуде

Қызылордада ауа райына қатысты ескерту жарияланды

EURO-2020-ның 1/4 финалы: 3 шілдеде кімдер ойнайды?

Аралда ахуал тұрақталды, мал шығыны жоқ

&#8220;Баланы шұғыл ауруханаға жатқызу керек&#8221;: Дәрігерлер қауіпті синдром туралы ескертті

Президент Мемлекеттік ту көтеру рәсіміне қатысты

Аралда түйе ұрлаған күдікті ұсталды

Қоғамдық ұйым құру үшін қандай құжаттар жинайды?

«Jas Otan» Қызылорда облыстық филиалының жаңа төрағасы сайланды

«Еңсесі биік Елорда»: Мемлекеттік қызметшілер диктант жазды

Вакцина салдырмағандар қанша айыппұл төлейді?

Қызылордада 40 ауылдық округтің әкімін ауыл тұрғындары сайлайды

“Баланы шұғыл ауруханаға жатқызу керек”: Дәрігерлер қауіпті синдром туралы ескертті