Kyzylorda-news.kz. Мақала жазғысы келетін жандарда жиі кездесетін мәселе – идеяның таусылуы. Жаза аласыз, бірақ не жазу керегін білмейсіз немесе сізде «жазушылық кризисі» басталады. Мақала жазуға көмектесетін идеяларды белгілі бір ресурстардан табуға болады.&nbsp;
Форумдар 
Форумдар сізге көптеген пайдалы ақпарат бере алады. Өз контентіңізге қатысы бар танымал форумдарды іздеңіз. Оларды талдап, форумға қатысушылардың қызығушылығын ескеріңіз. Осылайша сіздің шығармашылығыңыз үшін көптеген қызықты тақырыптар табылады.
Блогтар 
Бәсекелестеріңіздің блогтарын қараңыз. Олардың идеялары мен материалдарын көшірмеңіз. Оқырмандардың пікірлерін, артықшылығы мен кемшіліктерін талдаңыз. Осы арқылы сізде жаңа идея пайда болады.
Кездейсоқ ойлар 
Көбіне серуендеп жүргенде немесе үй шаруасымен айналысқанда бізді қызықты ойлар мазалайды. Осы ойларға мән беріңіз, ұмытпау үшін жазып жүріңіз. Олар да &nbsp;жақсы идея бола алады.
Аудиториямен байланыс 
Сайтта жұмыс істейтін болсаңыз, оқырмандар поштаңызға сұрақтар немесе ұсыныстар қалдыруы мүмкін. Оқырман сұраныстарына бей-жай қарамай, одан материал шығаруға тырысыңыз. Осы арқылы сайтта жаңа, қызықты және ерекше материалдар пайда болады. Аудиториямен байланыс беделіңізге оң әсер етеді.
Мониторинг жүргізу 
Іздеу жүйелерінде жиі қойылатын сұрауларды қарап шығыңыз. Осының ішінен өзіңізге ұнағанын таңдап, осы тақырыпқа мақала жазыңыз. Идеядан бөлек жаңа оқырмандарды да таба аласыз.
Биржалар 
Мақала биржаларын кіріп көріңіз. Ондағы бір тақырыпты алыңыз, оны сәл өзгертіңіз.
Копирайтер биржалары: Etxt.biz, Contentmonster.ru, Advego.com, т.б. 
Кітаптар 
Өз салаңыздағы танымал кітапты алыңыз. Әр тарауды бөлек бір қызықты материал етіп дайындауға болады.. Бастысы — тақырыпты ашып көрсету.
Ленталарға жазылу 
Тақырыптық жаңалықтар ленталарына жазылуға болады. Сізге күн сайын ондаған тақырып келіп отырады. Соның ішінен ұнаған бір-екі тақырыпты алуыңызға болады.
Тегін курстар 
Тегін курстарға жазылып, соларды материал етіп дайындауға болады. Осы арқылы өзіңізге жаңа білім аласыз.
Сауалнама 
Парақшаңызға сауалнама жасаңыз. Оқырмандар не оқып, не білгісі келетінін сұраңыз. Осыдан жаңа идея туындайды.
Шолу 
Өз контентіңізге сай өнім, т.б. нәрселерге шолу жасаңыз. Бұл қызықты әрі пайдалы материал болады.
Өз жұмысыңа анализ жүргізу 
Материалдарыңыздың ішінен үздік ондықты анықтаңыз. егер сайт өзіңіздікі болса және ұзақ уақыт жазып жүрсеңіз, өзіңіздің үздік жұмыстарыңыз туралы мәтін жаза аласыз. Рейтинг жасап, бұл мақалалар басқаларға қарағанда неліктен ұнағанын, оларды қанша адам оқығанын және т.б. көрсетесіз. Осыдан кейін басқа танымал жазушылардың ТОП-10 шығармаларын жасай аласыз.
Сұхбат 
Контентке қатысы бар салаңыздағы тәжірибесі бар кәсіби маманды іздестіріңіз. Одан жақсы сұхбат алып, мақала жариялаңыз.
Жеке пікір 
Болжамдарды жаза аласыз яғни осы оқиғаның қоғамға қатысты дамуы туралы сіздің көзқарасыңыз. Өтірік қиялдаудың қажеті жоқ, өз ойыңыз, неліктен олай ойлайтыныңызды және соның шешімін ұсыныңыз.
Balbal.kz

Мақала жазуға арналған идеялар

Kyzylorda-news.kz. Жаңажылдық демалыстар — жақындарыңызбен жиналып, жаңадан шыққан киноларды көруге жақсы себеп. Бүгінгі материалда осы қыстың жаңа фильмдерін ұсынамыз. Олардың кейбіреулері шығып қойған, ал қалғандарын жақын арада көруге мүмкіндік болады.
Спенсер, 9 желтоқсан
Пабло Ларраинның фильмі желтоқсан айының басында ғана прокатқа шыққанымен, ол көпшілік талқылайтын фильмнің біріне айналып үлгерді. Картинадағы оқиғалар Диана Уэльская ханшайымның өміріндегі бірнеше күнді қамтиды. Атақты ханшайымды актриса Кристен Стюарт ойнайды. Көрермендер ханшайымның британ корольдік отбасы мүшелерінің ортасында рождествоға қалай дайындалғанын бақылай алады.
Өрмекші адам: Үйге жол жоқ (Spider-Man: No Way Home), 15 желтоқсан
2021 жылдың желтоқсан айының ортасынан бастап кинотеатрлардан жылдың ең күтілетін блокбастерлерінің бірі көрсетілуде. Marvel жанкүйерлері сүйікті қаһармандарының бірі жайлы триквелді тағатсыздана күтті. Фильмдегі әрекет алдыңғы бөлімнің аяқталған жерінен басталады. Өрмекші адамның кім екені барлығына белгілі болады, бұл Питер Паркер мен оның достарының бұрынғыша өмір сүруіне кедергі келтіреді.
Матрица 4: Оралу (The Matrix Resurrections), 16 желтоқсан
Апалы-сіңілі Лана және Лилли Вачовскидің «Матрица» фантастикалық фильмі 20 жыл бұрын кино әлемін өзгертті. Бұл картинада көтерілген философиялық сұрақтар осы уақытқа дейін өзекті болып табылады. Сондықтан 4-ші фильмнің прокатқа шығуы жайлы хабарландыру кинематографиядағы нағыз оқиғаға айналды. Сценаристтің айтуынша, «Матрица 4: Оралу» фильмі — алдыңғы бөлімдердің жалғасы емес, дербес картина. &nbsp;
Даунтон Аббаттығы: Жаңа кезең (Downton Abbey: A New Era), 20 қаңтар
«Даунтон Аббаттығы: Жаңа кезең» толықметражды фильмі — британ ақсүйектерінің өмірі мен қатынастары жайлы танымал сериалдың жалғасы. Кроули отбасысының мүшелері — картинаның басты кейіпкерлері. Картина оқиғасы XX ғасырдың 20-жылдарында өтетіні белгілі.
«Жоғары қарамаңыз» (Don’t Look Up), 24 желтоқсан
Netflix компаниясы мен режиссер Адам МакКеяның «Жоғары қарамаңыз» картинасындағы басты рөлдерді Леонардо Ди Каприо, Мэрил Стрип және Дженнифер Лоуренс сомдайды. Фильм сюжеті бойынша, екі астроном Жерге келе жатқан комета жайлы біледі, сондықтан олар адамдарды қауіп жайлы ескертуді ойлайды. Алайда оларға ешкім сенбейді.
Айдың құлауы (Moonfall), 3 ақпан
Роланд Эммерихтің фантастикалық боевигінің сюжеті бойынша Ай өз орбитасынан шығып, Жерге жақындай бастайды. Ол планетаны және барлық тіршілікті бұза алатындай жарылыс тудыруы мүмкін. Холли Берри мен Патрик Уилсон ойнайтын басты кейіпкерлер апаттың алдын алуға тырысады. Астронавттар космосқа барып, Жерге Ай емес, басқа нәрсе қозғалып келе жатқанын көреді.
Махаббат дауысы (Aline, The Voice of Love), 3 ақпан
Валери Лемерсьенің фильмі атақты әнші, актриса және композитор — Селин Дионның шығармашылық мансабы мен өміріне негізделген. Бір күні жас қыздың ерекше дауысын продюсор Ги-Клод байқайды, содан соң оның өмірі түбегейлі өзгереді. Фильм режиссерінің айтуынша, «Махаббат дауысы» фильмі — бірінші кезекте, әдемі махаббат пен адалдық жайлы картина.
Анчартед: Картада белгіленбейді (Uncharted), 10 ақпан
Бұл фильм Uncharted бейнеойын серияларына негізделе түсірілген. Sony Pictures студиясы ұсынған шытырман оқиғалы боевикте басты рөлдерді Том Холланд, Марк Уолберг, София Тейлор Али, Тати Габриэлле және Антонио Бандерас ойнайды.
Massaget.kz

Көруге тұрарлық жаңа 8 фильм

Kyzylorda-news.kz. Қазақстанда тағы 436 адам коронавирус инфекциясынан жазылып шықты, деп хабарлайды коронавирустың таралуына жол бермеу жөніндегі Ведомствоаралық комиссия.
Өңірлер бойынша: Нұр-Сұлтан қаласында – 90, Алматы қаласында – 46, Шымкент қаласында – 0, Ақмола облысында – 64, Ақтөбе облысында – 0, Алматы облысында – 8, Атырау облысында – 4, Шығыс Қазақстан облысында – 24, Жамбыл облысында – 12, Батыс Қазақстан облысында – 0, Қарағанды облысында – 99, Қостанай облысында – 0, Қызылорда облысында – 3, Маңғыстау облысында – 0, Павлодар облысында – 55, Солтүстік Қазақстан облысында – 28, Түркістан облысында – 3.
Жалпы пандемия басталғалы елімізде коронавирус инфекциясын жұқтырудың 982 915 жағдайы анықталды. Оның ішінде 952 750 адам сауығып шықты.

Қызылордада коронавирус инфекциясынан жазылып шыққандар бар

Kyzylorda-news.kz. Диетолог Светлана Фус зығыр тұқымының талшықтары ішекті тазартатынын және тойымдылық сезімін тудыратынын айтты және&nbsp;құрамындағы диеталық дәрумендердің адам ағзасына пайдасы мол екенін жеткізді, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.
Фус зығыр тұқымдарында көптеген пайдалы заттар бар дейді. Атап айтқанда, олар ішекті тазартады, оның перистальтикасын реттейтін және тойымдылық сезімін тудыратын диеталық талшықтарға бай. Сонымен қатар, зығыр тұқымдарындағы фитоэстрогендер мен антиоксиданттық белсенділігі бар фенолдық қосылыстар, әйел денесін ісіктерден қорғайды және менопаузаның көріністерін жеңілдетеді.&nbsp;Дәрігер бұл өнімді табиғи статин деп атады, өйткені ол холестеринді қалыпқа келтіреді.⁣ ⁣ Өнімнің күнделікті тұтыну мөлшері – 1-2 ас қасық немесе 10-20 грамм тұқым. Сонымен қатар, зығыр тұқымдарын ұсақтап, пісіргеннен кейін бірден жеу керек.&nbsp;
<blockquote>
 “Ең бастысы бұл кішкентай тұқым Омега 3 май қышқылдарына бай&nbsp;өсімдіктердің бірі.⁣ ⁣Олар жасуша мембраналарын салу үшін қажет, қанның тұтқырлығын төмендетеді, қан тамырларының серпімділігін арттырады, ас қорытуды жақсартады, дұрыс тамақтану кезінде қант диабеті мен семіздік қаупін азайтады”, — деп қорытындылады диетолог маман.
</blockquote>

Диетолог ішекті тазартатын өнімді атады

Kyzylorda-news.kz. Қазақстан кәсіпқой боксының жарық жұлдызы, Олимпиада чемпионы Данияр Елеусінов ІВО тұжырымы бойынша әлем чемпионы атанды.
Тәуелсіздіктің 30 жылдығына орай елорданың Жақсылық Үшкемпіров атындағы Jekpe-jek сарайында өткен кәсіпқой бокс кешінің негізгі жекпе-жегі қазақстандық Данияр Елеусінов пен аргентиналық Хуан Эрнан Леао арасында болды.
12 раундтық кездесудің екінші раундында Аргентина боксшысы қазақстандық қарсыласынан нокдаун алды. Рингтегі төреші үшінші раундта да «нокдаун» ашты. Қалған раундтар да Даниярдың толық басымдығымен өтті.
Төрешілер шешімімен Данияр Елеусінов IBO тұжырымы бойынша әлем чемпионы атағына лайық деп танылды.

Данияр Елеусінов әлем чемпионы атанды

Kyzylorda-news.kz. Қазақстанда өткен тәулікте коронавирус инфекциясының жаңадан 440 жағдайы тіркелді, деп хабарлайды коронавирустың таралуына жол бермеу жөніндегі Ведомствоаралық комиссия.
Өңірлер бойынша: Нұр-Сұлтан қаласында – 72, Алматы қаласында – 27, Шымкент қаласында – 0, Ақмола облысында – 48, Ақтөбе облысында – 1, Алматы облысында – 3, Атырау облысында – 4, Шығыс Қазақстан облысында – 13, Жамбыл облысында – 5, Батыс Қазақстан облысында – 7, Қарағанды облысында – 87, Қостанай облысында – 44, Қызылорда облысында – 2, Маңғыстау облысында – 1, Павлодар облысында – 56, Солтүстік Қазақстан облысында – 70, Түркістан облысында – 0.
Жалпы пандемия басталғалы елімізде коронавирус инфекциясын жұқтырудың 982 915 жағдайы анықталды.

Қызылордада коронавирус жұқтырғандар саны азайды

Kyzylorda-news.kz. Қазгидромет 19 желтоқсанға арналған ауа райы болжамын жариялады.&nbsp;
Солтүстік-батыс циклон жырасының әсерінен елдің басым бөлігінде жаңбыр мен қар түрінде жауын-шашын болады, елдің оңтүстігінің таулы аудандарында қатты жауын-шашын күтіледі. Республиканың тек оңтүстік-шығысы мен шығысы жоғары атмосфералық қысымның әсерінде болады, сондықтан жауын-шашынсыз ауа райы сақталады. Еліміздің кей жерлерінде желдің күшеюі, тұман, көктайғақ, жаяу бұрқасын күтіледі.
Түнде Түркістан облысының солтүстігінде тұман түседі, таңертең және күндіз оңтүстігінде, батысында, таулы, тау бөктеріндегі аудандарда жел 15-20, таулы аудандарда 23-28, таулы асуларда 30 м/с жел болады.
Жамбыл облысының солтүстігінде, таулы және тау бөктеріндегі аудандарында тұман, көктайғақ күтіледі, облыстың оңтүстік-батысында жел 15-20, күндіз екпіні 23-28, кейде 30 м/с жел соғады.
Алматы облысының Алакөл ауданында жел 17-22, екпіні 25 м/с күшейеді. Ақмола облысының солтүстігінде, шығысында тұман, көктайғақ, жаяу бұрқасын күтіледі, күндіз облыстың шығысында 15-20 м/с жел соғады.
Солтүстік Қазақстан облысының батысында, шығысында және оңтүстігінде жаяу бұрқасын, тұман, көктайғақ күтіледі, күндіз облыстың шығысында желдің жылдамдығы 15-20 м/с жетеді. Түнде Қарағанды облысының батысында, күндіз солтүстігінде, шығысында, орталығында көктайғақ, күндіз шығысында және орталығында жел 15-20 м/с күшейеді.
Қостанай облысының оңтүстігінде жаяу бұрқасын, көктайғақ, тұман, жел 15-20 м/с күшеюі күтіледі. Түнде Ақтөбе облысының солтүстігінде көктайғақ, күндіз облыстың солтүстігінде жел 18 м/с жел соғады.
Атырау облысының батысы мен орталығында, Маңғыстау облысының солтүстігінде, солтүстік-батысында тұман, көктайғақ күтіледі. Батыс Қазақстан облысының солтүстігінде, солтүстік-шығысында көктайғақ болады.
Павлодар облысының солтүстігінде, батысында, Қызылорда облысының солтүстігінде және орталығында тұман түседі.

19 желтоқсанға арналған ауа райы болжамы

Kyzylorda-news.kz. Теледидарды тым жиі көру мидағы сұр зат көлемінің төмендеуіне байланысты когнитивтік құлдырау мен ойлау қабілетінің төмендеуіне әкелуі мүмкін. Бұл туралы Колумбия университетінің Ирвинга медицина орталығының неврологы Прия Палтаға сілтеме жасап&nbsp;Sputnik Қазақстан&nbsp;жазды.
<blockquote>
 “Аз қозғалатын өмір салтының бір белгісі саналатын теледидарды тым жиі көру мидың когнитивтік қабілетінің төмендеуіне тікелей байланысты болуы мүмкін. Мұны біз жүргізген зерттеу нәтижесі көрсетті”, – дейді сарапшы.
</blockquote>
Тез қартаюға әсер ететін екінші фактор – интернетті жиі және ұзақ пайдалану. Тым белсенді пайдаланушылар физикалық белсенділіктің жетіспеушілігінен зардап шегеді, сондай-ақ компьютер мен смартфон экранынан берілетін жарықтың зарбадын көреді.
Сондай-ақ мамандар ми мен терінің қартаюына тұрақсыз ұйқы режимі, күйзеліске түсу әсер етеді деп санайды. Йель университетінің зерттеуіне сәйкес, эмоцияны дұрыс көрсетуге көмектесетін жаттығуларға қатысқандардың баяу қартаятыны анықталған.

Теледидарды тым жиі көру ойлау қабілетін төмендетеді

Kyzylorda-news.kz. Ел Тәуелсіздігінің 30 жылдығына орай Қызылорда облысы әкімінің қолдауымен 2021 жылдың 15-16 желтоқсан күндері «Inno.Fest» Qyzylorda инновациялық идеялар фестивалі өтті.
Байқауды Қызылорда облысының цифрлық технологиялар басқармасы мен «Ақпараттық технологиялар орталығы» КММ ұйымдастырды. Жоба серіктестері – «Нұрсұлтан Назарбаев Қоры», «Astana Hub» халықаралық технопаркі, «Қорқыт Ата атындағы Қызылорда Университеті», «Болашақ» университеті, IT Park, «Абзал және К» ТС, «Транстелеком» АҚ, «Қазақтелеком» АҚ, «JSoft» ЖШС, «Grand master» бағдарламалау мектебі» ЖШС, «Сыр Үміті» Жастар қауымдастығы, «Қазақстан ІТ-мамандары ассоциациясы», «Qosyl» жастар орталығы, «Maнсап» мектебі, «IT Space» ЖШС, «Digital innovation and transformation» ЖШС, «Елорданы тұрақты дамыту орталығы» ЖШС, «Kyzylorda Business Hub».
Іс-шараны қорытындылау рәсімінде облыстық мәслихат хатшысы Наурызбай Байқадамов жобаға қатысушыларды құттықтап, сертификаттарын табыстады.
Фестивальдің негізгі мақсаты – «Цифрлық Қазақстан» мемлекеттік бағдарламасын жүзеге асыру және облыс тұрғындарының IT-саласына қызығушылығын арттыру және инновациялық IT жобаларды қолдау.
2016 жылдан бастап Нұрсұлтан, Алматы, Шымкент қалаларында Hackday форматында фестивальдер өткізіліп келеді және заманауи технологияларға қызығушылық танытатын IT-мамандар мен жастар арасында танымал бола бастады. Бұл фестивальде көптеген жобалар одан әрі дамиды.
Қазақстандағы HackDay шетелде өткізілетін аналогтардан ерекшеленеді, фестиваль бірегей және ауқымды. Мысалы, қазақстандық HackDay басқа еш жерде жоқ «Кино және видео», «Контент және медиа» секцияларын қамтиды. Бұл фестивальге қатысуға барлық ниет білдірушілердің қатысуына мүмкіндік беретін шығармашылық секциялар. Сондықтан HackDay арқылы жыл сайын 2 000-нан астам адам қатысып және жыл сайын бұл сан өсіп келеді.
«Inno.Fest» Qyzylorda фестиваль форматы – «Ақпараттық технологиялар», «Контент және Медиа», «Кино және видео», «Smart Qyzylorda» бағыттары бойынша 24 сағат ішінде идеядан бастап прототипке дейін жобаны әзірлеуді қарастырады.
Фестиваль спикерлері: Айболат Құлатай – «Thousand IT» негізін қалаушы, Айна Досмаханбетқызы – «TechWoman 2019» жүлдегері, Алмат Қуанышбаев – «Grand Master» бағдарламалау мектебінің директоры, Айбек Рахым – «NS Labs» ЖШС Бас директоры, Айбек Қуатбай – «Daryn Online» негізін қалаушы, Нұрлан Құлмырзаев – «Қазақстанның ІТ мамандары қауымдастығының» директоры, Сабира Жарасқызы – блогер, Жансерік Қадырбаев – блогер, тележүргізуші, Ақгүл Абдрасул – продюсер, кешенді маркетолог, Данияр Өскенбай – «DFG» компаниясының негізін қалаушы және директоры, Бағдат Арғынов – Қоюшы оператор, Жасұлан Алдабергенов – «Aslan Films» студиясының директоры.
Бұл іс-шара жаңа перспективалы инновациялық IT жобаларды анықтауға, өз идеясын жүзеге асыруға, ресурстарды, инвесторларды табуға, жобаны көпшілікке ұсынуға мүмкіндік береді.
<img src="https://kyzylorda-news.kz/wp-content/uploads/2021/12/fb_img_1639804581045.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639804584990.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639804576771.jpg" alt="" />

«Inno.Fest» Qyzylorda инновациялық идеялар фестивалі өтті

Kyzylorda-news.kz. Қазір ата-аналардан баласының ойнай білмейтінін жиі естуге болады. Оның бірнеше себебі болуы мүмкін. Невропотолог мамандар балаларда міндетті түрде болуы керек 10 ойыншықты ұсынады. Олардың арасында қымбат немесе «эксклюзив» ойыншық жоқ.
Баланың ойыншықпен ойнамауының мынадай себептері болуы мүмкін:
– Шамадан тыс қамқорлық жасау немесе бақылау. Кейде ересектер балаға кішкентай кезінен бастап қателік жіберуіне ешқандай мүмкіндік бермейді. Ата-ана балаға шектен тыс қамқорлық жасау арқылы оның еркін әрі дербес болуына кедергі келтіреді. Ал ойын — ол еркіндік. Баланың пікірін, ойыншықтарды немесе ойынды көруін, оның қиялын қолдай білу маңызды.
– Ойыншықтың көп болуы. Ата-ана баласында ең жақсының барлығы болғанын қалайды. Бірақ нәтижесінде, егер ойыншық өте көп болса, балаға ауыр болады. Мұндай таңдау шашыраңқылық пен үрей тудырады. Негізінде ойын үшін жиырма бес емес, бес машинаның өзі жеткілікті. Егер машиналар көп жиналып қалса, бірнешеуін ғана қалдырып, қалғанын тығып қойыңыз. Кейін бала жалыққан соң, оларды басқаларымен ауыстырасыз.
– Үнемі гаджетпен ойнату. Егер сіз балаға басынан бастап, кез келген түсініксіз жағдайда гаджеттен мультфильм қосып беріп үйретсеңіз, оған басқа нәрсені таңдау қиын болады. Гаджетттер баланы пассивті рөлге үйретеді, ал кез келген ойында шығармашылық белсенділік қажет. Гаджеттерді сөндіріңіз немесе мөлшермен ғана беріңіз.
– Ересектердің балаға қалай ойнау керегін көрсетпеуі. Ойнау — балада туа салысымен пайда болатын икем емес. Балаға ойнап көрсету, бірге ойнау, қызықтыру және уақытында балаға бастама беру — ата-ана шеберлігі.
Балада болуы керек 10 ойыншықты ұсынамыз:
Доптар 
Доптардың бірнешеуі болған жөн. Олардың түрлі өлшемде және фактурада болғаны жақсы. Бір жағынан, доп бала үшін қауіпсіз, ал екінші жағынан — ол ойынға арналған шексіз мүмкіндік. Бала миы үшін доп өте тиімді, себебі ол жалпы және ұсақ моториканы, кеңістік координациясын, көру және жанасу түйсігін дамытады.
Маталар 
Қарапайым матаның өзі қуыршаққа арналған көрпе, костюм элементі немесе құрылыс материалы бола алады. Ол — түйсік дамуына арналған керемет материал.
Конструкторлар 
Құрастырудың барлық түрлері — текшелерден бастап «легоға» дейін баланың терең дамуына ықпал етеді. Ол оның ұсақ моторикасын, қиялын және жалпы ой-өрісін дамытады.
Шатыр 
Тығылуға, өзін дербес және жайлы сезінуге болатын жабық жерлер бала психикасына жағымды әсер етіп, тыныштандырады және босаңсытады.
Шығармашылыққа арналған керек-жарақтар 
Қарындаштар, бояулар, пластилин, борлар, моншақтардың пайдасын әр ата-ана біледі. Сондықтан олар кез келген балада міндетті түрде болуы керек.
Су ойыншықтары 
Бала суға түсіп отқанда қолына шелек, құты немесе қарапайым йогурттың ыдысын беріп қойыңыз. Бала суды бір ыдыстан екіншісіне құю арқылы, сапыру арқылы түйсіктік қабілетін дамытады.
Сабын көбігі 
Сабын көбігін үру жай көңілді уақыт өткізу ғана емес, ол — баланың сөйлеу қабілетінің дамуына өте пайдалы ойыншық.
Пазлдар 
Кеңістік ойлауын, шыдамдылықты, еріктілікті дамытуға көмектесетін керемет құрал.
Бейнелі ойыншықтар 
Қуыршақтар, аюлар және басқа да «достар» — бала «тірілтетін» ойыншықтар. Бала мұндай ойыншықтармен сюжетті-рөлдік ойындар ойнай алады. Бірақ олардың өте көп болмауын қадағалаңыз.
Үстел ойындары 
Үстел ойындары баланы ереже бойынша ойнауды және бірлесіп әрекет етуді үйретеді, жеңу мен жеңілу тәжірибесін алады.
Дереккөз:&nbsp;<a href="https://massaget.kz/kyizdarga/shayra/66917/">Massaget.kz</a>.

Балада болуы керек 10 ойыншық

Kyzylorda-news.kz. Диетолог, нутрициолог, ұлттық диетологтар қауымдастығының мүшесі Анна Белоусова мезгілге сай күндізгі уақыттың қысқаруына байланысты адамдар көбінесе жаман көңіл-күйде жүретіндігін жеткізді. Қыс мезгілінде күйзелмеу үшін қандай өнімдерді көбірек тұтыну керек екенін айтты, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.
Диетолог Белоусова&nbsp;депрессиямен күресу үшін қыста құрма, сәбіз және асқабақ жеуге кеңес берді. Күз бен қыс құрма жемісін тұтынатын кезең болып табылады. Ол адам көңіл-күйінің құбылмауына тиімді әсер етеді. Маман соған ұқсас апельсин түстес жемістерді&nbsp;тұтынған жөн екенін айтты.
<blockquote>
 “Сары түс дабыл белгісін білдіретіндіктен, бұл түстегі алманы тұтыну қажет емес. Оның орынына қызғылт сары түстегі сәбіз, асқабақ, апельсин секілді дәруменге толы жеміс көкеністер көңіл-күйді көтеруде жақсы көмектеседі, қуаныш сезімін сыйлайды.&nbsp;Сонымен қатар, құрманың сарғыш түсінде бета-каротиннің,&nbsp; яғни провитаминнің көп мөлшері кездеседі. Қыстың басында ағзаға қажет, бұл затты “депрессиямен күресуші” деп атаймыз. Сондықтан осындай өнімдерді үнемі тұтыну керек”,-деп кеңес берді диетолог.
</blockquote>
Маман аллергиясы барлар мен диабетпен ауыратындарға бұл өнімді&nbsp;тұтынуға шектеу қойды. Әйтпесе&nbsp; өнімнің зияны жоқ екенін еске салды.

Депрессиямен күресетін өнімдер

Kyzylorda-news.kz. Қазақстанда тағы 628 адам коронавирус инфекциясынан жазылып шықты.
Өңірлер бойынша: Нұр-Сұлтан қаласында – 98, Алматы қаласында – 35, Шымкент қаласында – 0, Ақмола облысында – 61, Ақтөбе облысында – 7, Алматы облысында – 44, Атырау облысында – 11, Шығыс Қазақстан облысында – 35, Жамбыл облысында – 6, Батыс Қазақстан облысында – 32, Қарағанды облысында – 132, Қостанай облысында – 77, Қызылорда облысында – 4, Маңғыстау облысында – 0, Павлодар облысында – 27, Солтүстік Қазақстан облысында – 52, Түркістан облысында – 7.
Жалпы, пандемия басталғалы елімізде коронавирус инфекциясын жұқтырудың 982 475 дерегі тіркелді. Оның ішінде 952 314 адам сауығып шықты.

Қазақстан және Қызылорда облысының жаңалықтары