<a href="https://kyzylorda-news.kz/">Kyzylorda-news.kz.</a>&nbsp;Доллар келесі жылы 500&nbsp;теңгеге дейін өсуі мүмкін. Бұл туралы экономист Бекнұр Қисықов&nbsp;болжады. Қазақстан қор биржасы сессиясының қорытындысы бойынша доллардың бүгінгі бағамы – 436 теңге 25 тиын. Елордалық тұрғындар теңгенің құнсыздануы, азық-түлік бағасына әсер ете ме деп қорқады. Бұл туралы&nbsp;<a href="https://astanatv.kz/kz/news/65281/">«Астана»</a>&nbsp;арнасы хабарлады.
Доллар бағамы соңғы кезде жиі өзгеретін болды. Тұрғындар бұл азық-түліктің бағасына әсер ете ме деп алаңдайды. Себебі, жалақыдан жалақыға жан бағу, онсызда оңай болмай кеткеніне шағымданады. Долларды сатып алудың қалғаны қашан, дейді олар.
Сарапшылардың саралауынша әлем экономикасы да қазір шатқаяқтап тұр. Оған омикрон штамы себеп болған. Осының кесіренен мұнай бағамы арзандады. Ал&nbsp;бұл теңгенің&nbsp; әлсізденуіне апарып соқтырған.
<blockquote>
 «Бүкіл қаражатыңызды бір валютада сақтамаңыз. Бәрін долларға да салып қоюға болмайды. Бөліп-бөліп, 3 валютада ұстаңыз. Біраз бөлігін долларда, біразын еврода, біразын теңгеде деген сияқты. Болмаса оның орнына алтын да алуға болады. Шетел валютасын сатып алып қою керек. Көбірек басымдықты сол жаққа беру керек», – дейді экономист Мақсат Халық.
</blockquote>
Экономика ғылымдарының докторы Вячеслав Додонов болса, қаржы саласында алдағы жылы да айтарлықтай қиындықтар болуы мүмкін екенін жасырмайды. Оның болжамына сай, келер жылы 1 доллардың құны 455-470 теңге аралығында сатылмақ.
Ал экономист Бекнұр Қисықов доллар бағамының өсуіне бірінші кезекте мұнай бағасының әсер ететінін айтады.
<blockquote>
 «Менің ойымша, доллар 470 болады, тіпті 500-ге жақындайды. Бірінші кезекте, әрине мұнайдың бағасы. Бұл тікелей себепші. Біз әрқашан Ресейде болып жатқан жағдайға қараймыз. Барлығымыз білетіндей, санкциялық шаралар Ресей экономикасына үлкен әсер етті. Әрине, соның салдарынан доллар қымбаттады. Біз Ресеймен тікелей серіктес ретінде және олармен Еуразиялық экономикалық одақпен бір одақта болғандықтан бізге әсерін тигізеді», – дейді Қисықов.
</blockquote>
Доллардың нығаюы аясында қазақстандықтардың америкалық валютаға деген сенімі уақыт өткен сайын артып келеді. Халық өз жиған-тергендерін «америкалық» валютада сақтауды жөн санайды.

Доллар 500 теңгеге дейін өсуі мүмкін

<a href="https://kyzylorda-news.kz/">Kyzylorda-news.kz.</a> Энергетика – қашан да әлеуметтік сала мен индустрияны алға жылжытушы күш, әрі экономиканың негізгі діңгегі болып саналады. Өңіріміздің өсіп-өркендеуіне энергетика саласы қызметкерлері де зор үлес қосып келеді.
Аудан әкімі Серік Сермағамбетов энергетика саласы мамандарымен кездесіп, кәсіби мерекелерімен құттықтады.
<blockquote>
 «Сіздер күнделікті тұрмыста, тұрғын үйлердің және кәсіпорындар, мекемелер мен ұйымдардың қалыпты жұмыс істеуі үшін қажетті электр энергиясымен үздіксіз қамтамасыз ету жолында тынымсыз еңбек етіп келесіздер. Жауапкершілігі зор қызметте абыройларыңыз арта берсін. Сіздерге зор денсаулық, отбасыларыңызға амандық, толағай табыстар тілеймін!»- деп ізгі лебізін білдірді аудан әкімі.
</blockquote>
Кездесуде ел игілігі үшін қызмет етіп келе жатқан сала үздіктеріне аудан әкімінің Алғыс хаты табысталды.
<img src="https://kyzylorda-news.kz/wp-content/uploads/2021/12/269603323_3150589801936051_9035628724096445791_n.jpg" alt="" />

Аралда энергетика саласының мамандарына құрмет көрсетілді

<a href="https://kyzylorda-news.kz/">Kyzylorda-news.kz.</a> Өңірімізде Тәуелсіздік алған жылдардан бастап 7 млн. 327 мың шаршы метр тұрғын үй пайдалануға берілді. Ал шаһарда мемлекеттік бағдарламалар аясында жаңадан 16 мөлтек аудан ашылып, бес тұрғын үй кешені салынды. Бұл көрсеткіш 1991 жылмен салыстырғанда 2,3 есеге артық.
<blockquote>
 «Егемендік алған 30 жылда облыста мемлекеттік бағдарламалар шеңберінде 443 көпқабатты тұрғын үй пайдалануға беріліп, 9960 отбасы баспаналы болды. Биыл барлық қаржыландыру есебінен 644,7 мың шаршы метр тұрғын үй пайдалануға беру межеленіп отыр. Яғни, 2408 пәтерді құрайтын 110 тұрғын үй. Құрылысқа мемлекеттік бюджет есебінен 13,4 млрд теңге қаржы жұмсалған. Бұған қоса, Шиелі ауданында жалға берілетін төрт үйдің құрылысы жүргізілуде. Бұл келер жылға өтпелі болып келеді. Сонымен қатар, Сырдария ауданында 33 бірқабатты тұрғын үйдің құрылысы аяқталуға жақын», – деді облыстық құрылыс, сәулет және қала құрылысы басқармасы басшының орынбасары Арнұр Нұрмағанбетов.
</blockquote>
Облыс бойынша тұрғын үй алуға және емделуге ақы төлеу мақсатында бірыңғай жинақтаушы зейнетақы қорынан 12542 өтінім қанағаттандырылған. Жалпы жұмсалған қаражаттың 55 пайызы баспана алуға пайдаланылған.
<blockquote>
 «Қазір облыста зейнетақы жинақтарын пайдаланушы 18-25 жас аралығындағы азаматтарымыздың үлес салмағы 5 пайызды құрап отыр. Бірыңғай зейнетақы төлемдеріне түскен депозиттер тұрғын үй құрылыс жинақ жүйесінің стандартты шоттарына бағынатын болады. Яғни, жинақ шоттарына 2 пайыз банк сыйақысы мен 20 пайыз мемлекеттік сыйақы есептелетін болады», – деді «Отбасы банк» тұрғын үй құрылыс жинақ банкі» АҚ Қызылорда облысы филиалының директоры Әділжан Сәулебаев.
</blockquote>

Қызылордада 16 мөлтек аудан ашылып, бес тұрғын үй кешені салынды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың төрағалығымен Жобаларды индустрияландыру картасына және өңірлер кәсіпкерлігін қолдау карталарына енгізу жөніндегі өңірлік үйлестіру кеңесінің отырысы өтті.
Жиынға облыс әкімінің орынбасары Нұрлан Тілешев пен аппарат басшысы Ерлан Райғаниев, қала әкімі Ғанибек Қазантаев және бірқатар басқарма басшылары мен селекторлық режимде аудан әкімдері қатысты.
Кеңес отырысында 2 мәселе қаралды. Алдымен ҚР Индустриялық-инновациялық дамыту мемлекеттік бағдарламасының өңірде іске асырылуы мен алдағы міндеттер туралы облыстық индустриялық-инновациялық даму басқармасының басшысы Ринат Сұлтангереев баяндады.
<img src="https://kyzylorda-news.kz/wp-content/uploads/2021/12/swltangereev.jpg" alt="" />
Жыл басынан бері индустриялық жобалармен өндірілген өнім көлемі 11 айында 46%-ға, экспорт көлемі 58%-ға өсті. Экспортқа шығарылған 5 түрлі өнімнің географиясы 10-нан аса шет елді қамтып, ҚХР, РФ, Ауғанстан, Тәжікстан, Қырғызстан, Украина, Өзбекстан, Дания, Ұлыбритания, Польша, Әзірбайжанға сатылады. Бағдарламаның ІІІ бесжылдығы аясында облыста құны 543 млрд. теңгеден асатын 46 жоба жүзеге асыру арқылы 7400 жұмыс орны құрылмақ. Бағдарламаның ерекшелігі – әрбір жобаға жоба бастамашысының сұранысына сәйкес мемлекеттік қолдау шарасы көрсетіледі.
Жиында облыс әкімі инвесторлар тарту, инвестициялық жобаларды орындау мәселесіне қатысты қала, аудан әкімдерінің есебін жеке-жеке тыңдап, жұмыстарын саралады. Бұл ретте өңір басшысы жаңа өндірістерді дамыту ісінде жұмысты әлі де жандандыру қажеттігін, өзге тәжірибелерді сынап көру керек екендігін ескертті. Мәселен, керамзит өндірісі, кен орындарын игеру, құс фабрикасын аяқтау, балық өндеу, испан цехын іске қосу сынды маңызды жобаларды уақытылы аяқтауды қатаң тапсырды.
<blockquote>
 «Әрбір аудан әкімдері туған жеріне қызмет етуге даяр азаматтарды бірлесе жұмыс істеуге шақырып, инвестициялық жобаларды көптеп іске асыруда жұмысты ширату керек. Себебі әрбір жобаның артында жаңа жұмыс орындары тұрады. Бұл ретте балама жобаларды қарастырып, мүмкіндіктерді іздеу керек. Қазіргі дағдарыс заманында жылдам әрекет жасай алатын өңір ғана кризистен шыға алады. Сондықтан әрбір жоба бойынша кесте құрып, инвесторларды тарту жұмыстарын әлі де күшейту қажет», – деді облыс әкімі.
</blockquote>
Бірінші мәселені қорытындылаған аймақ басшысы Қызылорда қаласы мен аудан әкімдері, облыстық индустриялық-инновациялық даму басқармасымен бірлесе отырып келер жылға өңірлік кәсіпкерлікті қолдау картасына жаңа жобаларды енгізуді тапсырды.
<img src="https://kyzylorda-news.kz/wp-content/uploads/2021/12/kazantaev.jpg" alt="" />
Сондай-ақ, жиын барысында «Қызылорда Агроплюс» серіктестігіне томат зауытын орналастыру үшін 30 гектар жер телімін бөлу туралы шешім қабылданды. Аймақ басшысы «Қызылорда Агроплюс» ЖШС директоры Серғазы Исембаевқа 2022 жылы зауыттың жобалау және егін егуге жерді даярлау жұмыстарын аяқтап, 2023 жылы томат пастасын өңдейтін зауыт құрылысының басталуын қамтамасыз етуді тапсырды.
Кеңесте берілген тапсырмалардың орындалуын бақылау облыс әкімінің орынбасары Нұрлан Тілешевке жүктелді.

Гүлшара Әбдіқалықова: Инвестициялық жобаларды енгізуде жұмысты ширату керек

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 765 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 77,
Алматы қаласы – 32,
Ақмола облысы – 65,
Ақтөбе облысы – 13,
Алматы облысы – 13,
Атырау облысы – 14,
Шығыс Қазақстан облысы – 17,
Жамбыл облысы – 24,
Батыс Қазақстан облысы – 43,
Қарағанды облысы – 121,
Қостанай облысы – 131,
Қызылорда облысы – 12,
Маңғыстау облысы – 3,
Павлодар облысы – 107,
Солтүстік Қазақстан облысы – 81,
Түркістан облысы – 12.
Қазақстан бойынша жазылғандар саны – 953971.

Covid-19: 12 қызылордалық дерттен айықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 369 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 74,
Алматы қаласы – 31,
Шымкент қаласы – 3,
Ақмола облысы – 39,
Ақтөбе облысы – 3,
Алматы облысы – 11,
Атырау облысы – 6,
Шығыс Қазақстан облысы – 14,
Жамбыл облысы – 4,
Батыс Қазақстан облысы – 2,
Қарағанды облысы – 70,
Қостанай облысы – 8,
Қызылорда облысы – 3,
Маңғыстау облысы – 4,
Павлодар облысы – 44,
Солтүстік Қазақстан облысы – 50,
Түркістан облысы – 3.
Жалпы ел бойынша ауырғандар саны 983663.

Қызылордада 3 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Солтүстік-батыс циклон әсерінен Қазақстан территориясының басым бөлігінде құбылмалы ауа райы сақталады – жауын-шашын қар және жабыр жауады, деп хабарлайды Қазгидромет.
Тек ҚР оңтүстігінде антициклон жоталарының әсерінен жауын-шашынсыз ауа райы күтіледі. Еліміздің кей жерлерде желдің күшеюі, тұман, көктайғақ, жаяу бұрқасын болады.
Қостанай облысының батыс жартысында, Батыс Қазақстан облысының солтүстік жартысында тұман, көктайғақ, жаяу бұрқасын соғып, желдің жылдамдығы 15-20 м/с жетеді.
Ақтөбе, Ақмола, Солтүстік Қазақстан, Павлодар, Қарағанды облыстарында тұман, көктайғақ, желдің 15-20 м/с күшеюі күтіледі.
облыстарының солтүстігінде, шығысында және оңтүстігінде тұман, көктайғақ болады.
Түнде және таңертең Түркістан облысыда, Жамбыл облысының солтүстік және таулы аудандарында тұман күтіледі, күндіз тау және таулы аудандарда жел 15-20 м/с күшейеді.
Қызылорда облысының солтүстігінде және орталығында жел 15-20 м/с күшейеді, күндіз солтүстігінде тұман, көктайғақ күтіледі.
Шығыс Қазақстан облысының оңтүстік жартысында жаяу бұрқасын, көктайғақ болып, жел 15-20 м/с жылдамдықпен соғады.
Атырау облысының оңтүстік-шығысында, орталығында, Маңғыстау облысының батысында, солтүстік-шығысында, түнде және таңертең Алматы облысының шығысында және оңтүстігінде тұман болады.

Сейсенбіге арналған ауа райы болжамы

Kyzylorda-news.kz. ҚР Тәуелсіздігінің 30 жылдығына орай қаламыздағы №2 жасөспірімдер спорт кешенінде Теміржол партия филиалына қарасты бастауыш ұйымдардан 7 команда шағын футболдан бақ сынасты. Денсаулықты нығайтатын әрі жұмыс істеу қабілетін арттыруға ықпал ететін игі шараға ТЧЭ-34, НЖС-10, НОДГП, ПЧ-57,ЭЧ-25,ШЧ-39,ДС Белкөл қызметкерлері қатысты.
Өзара ұжымдық достықты бекемдеу мақсатында ұйымдастарылған спорттық шараға қатысқан Қызылорда қосалқы бөлімнің басшысы, «Nur Otan» партиясы «Теміржол» филиалының төрағасы Батырхан Базарбаев, Қызылорда теміржолшыларының кәсіподағы Бауыржан Ахметов мерекемен құттықтап, сәттілік тіледі. 
Көпшіліктің көкейінен шыққан жарыс өте тартымды өтті. төрешілер алқасы жеңімпаздарды анықтады. ІІІ орын иеленген НОДГП командасы, ІІ орын иеленген ШЧ-39 командасы, І орын иеленген ТЧЭ-34 командасы жеңімпаздарына арнайы кубоктар, кәсіподақ комитетінің демеушілігімен бағалы сыйлықтар мен грамоталар табысталды.
Одан бөлек командалар ішінен үздік танылған ойыншыға «Үздік ойыншы», «Үздік қақпашы», «Үздік қорғаушы» номинациясымен дипломдар табысталды.
<img src="https://kyzylorda-news.kz/wp-content/uploads/2021/12/img-20211220-wa0036.jpg" alt="" />
<img src="https://kyzylorda-news.kz/wp-content/uploads/2021/12/img-20211220-wa0034.jpg" alt="" />

Бастауыш партия ұйымдары шағын футболдан бақ сынасты

Kyzylorda-news.kz. Жүк және жолаушыларға теміржол көлігімен көрсетілетін тасымалдау қызметінде жемқорлыққа әкелетін құқық бұзушылықтардың қаупін болдырмауда теміржолшылармен түсіндірме жұмыстары жүргізілді.
Оған құзырлы органдар мен партия өкілдері, бөлімшеге қарасты мекеме және бөлім басшылары қатысты. Сексеуіл –Түркістан аралығында тасымалдау жұмыстарына қатысы бар мамандар селекторлық мәжіліс арқылы қосылды.
Селекторды «ҚТЖ-Жүк тасымалы» қосалқы бөлім басшысының бірінші орынбасары Ерлан Айдаров жүргізді. Жиынның маңыздылығына тоқтап, өзекті мәселені тұрақты назарда ұстайтынын жеткізді.
ҚР сыбайлас жемқорлыққа қарсы іс-қимыл Агенттігінің Қызылорда облысы бойынша департаментінің бас маманы Нұрсұлтан Әбдуәлиев жемқорлық қылмыстар үшін жазаны қатаңдату, оған қарсы іс-қимылдардың жаңа құралын енгізу туралы мемлекет басшысы Қасым-Жомарт Тоқаевтың Қазақстан халқына арнаған жолдауында берген тапсырмасына сәйкес Сыбайлас жемқорлыққа қарсы іс-қимыл туралы заңнамада енгізілген бірқатар өзгерістермен таныстырды. Теміржол саласында жемқорлық құбылыстың орын алып отырғанын айтып өтті. Одан бөлек Қызылорда ЖПБ бөлімінің полиция майоры Асыл Сапарбек жемқорлықтың салдарымен күресу және оның деңгейін төмендету бағытында жасалған қадамдарымен бөлісті.
Теміржол партия филиалы төрағасының бірінші орынбасары Базара Танбаева жемқорлық салдарымен күреске тек адал еңбекпен тосқауыл қойылатынын, келеңсіз жағдайлар салада орын алмауда өзіндік пікірі мен ұсынысын білдірді. 
Жемқорлықты жоюға бағытталған жиында қатысушылар тарапынан сұрақтар қойылып, жауаптар алынды. Жемқорлыққа жол бермеуде парасыз болашаққа бірге болуға шақырды.
<img src="https://kyzylorda-news.kz/wp-content/uploads/2021/12/img-20211220-wa0041.jpg" alt="" />
<img src="https://kyzylorda-news.kz/wp-content/uploads/2021/12/img-20211220-wa0042.jpg" alt="" />
<img src="https://kyzylorda-news.kz/wp-content/uploads/2021/12/img-20211220-wa0043.jpg" alt="" />

Парасыз болашаққа бірге

<a href="https://kyzylorda-news.kz/">Kyzylorda-news.kz.</a>&nbsp;Бүгінде өңірімізде эпидахуал тұрақты. Күніне 1-2 жағдай тіркелуде. Өткен тәулікте 1 адам пневмония ауруымен науқастанып, ауруханаға жатқызылды. Бұл туралы бүгін Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шаймбетов мәлімдеді.
Дегенмен, сақтық шараларына аса мән беру қажеттігі айтылды. Қазіргі кезде вакцинациялаудың І-компоненті бойынша 92 пайыз, ІІ-компоненті бойынша 82,4 пайыз орындалды. Ревакцинациялаудан аймақ тұрғындарының 5400-ден астамы өтті. Жалпы, ревакцинациялау организмдегі антиденені белсендіру болып табылады.
<blockquote>
 «18 желтоқсанда облысқа «PFIZER» вакцинасының 81900 дозасы жеткізілді. Спутник арқылы Америкадағы зауыттан температура режимнің толық сақталғандығына тексеру жүргізіліп, салуға рұқсат берілді. Бүгін ғана барлық емханаларға таратылып жатыр. Ал бұған дейін жеткізілген «PFIZER» вакцинасының алғашқы партиясы яғни 11700 дозасының барлығы игерілді», – деді Ж.Мырзагелдіұлы.
</blockquote>

Қызылордаға «Pfizer» вакцинасының 81900 дозасы жеткізілді

<a href="https://kyzylorda-news.kz/">Kyzylorda-news.kz.</a> ҚР Премьер-Министрі Асқар Маминнің №197-р өкімімен Жандос Бүркітбаевқа Денсаулық сақтау министрі міндетін атқару жүктелді. Бұл ақпаратты ҚР Денсаулық сақтау министрлігінің баспасөз қызметі растады, деп хабарлайды <a href="https://www.inform.kz/kz">ҚазАқпарат.</a>
Айта кетейік, бұған дейін Жандос Бүркітбаев Денсаулық сақтау вице-министрі қызметін атқарып келген болатын.
Жандос Бүркітбаев 1972 жылы 27 ақпанда Жамбыл облысында дүниеге келген.
1996 жылы C. Асфендияров атындағы Алматы ұлттық медицина университетін (емдеу ісі), 2003 жылы Л. Гумилев атындағы Еуразия ұлттық университетін (мемлекеттік және жергілікті басқару), 2007 жылы Оңтүстік Қазақстан мемлекеттік медицина академиясын (фармация), 2018 жылы ҚДСЖМ Қазақстан медицина университетін, 2020 жылы «Тұран-Астана» Университетін құқықтану мамандығы бойынша тәмамдаған.
Ресей Федерациясының Денсаулық сақтау министрлігінің Н.И. Пирогов атындағы Ұлттық медико-хирургиялық орталығының докторанты.
Еңбек жолы: Алматы қаласындағы шұғыл медициналық көмектің қалалық клиникалық ауруханасының дәрігері (1996-1998); Алматы қаласындағы республикалық Апаттар медицинасы орталығының дәрігері (1998-1999); Қазақстан Республикасы Денсаулық сақтау, білім және спорт министрлігінің, Білім және ғылым басқармасының бас маманы (1999-2000); Қазақстан Республикасы Денсаулық сақтау істері жөніндегі агенттігінің дәрі-дәрмек саясаты, Медициналық және фармацевтикалық өнеркәсіпті дамыту, ұйымдастыру-бақылау жұмысы бөлімінің бас маманы (2000-2001); ҚР ДСМ фармацевтикалық және медициналық өнеркәсіп және ақпараттық-талдамалық сүйемелдеу бөлімінің бастығы (2001-2002); ҚР ДСМ фармацевтикалық және медициналық өнеркәсіп және дәрі-дәрмек саясаты басқармасының бастығы (2002-2004); «Ақтөберентген» АҚ кеңесшісі (2005-2007); ҚР Парламент Мәжілісінің Әлеуметтік-мәдени даму бойынша комитетінің Қызметті қамтамасыз ету бөлімі меңгерушісінің орынбасары (2007-2008); Астана қаласының «Қан орталығы» ШЖҚ ҚКК басшысы (2008-2011); ҚР Денсаулық ҚР ДСМ «Трансфузиология ғылыми-өндірістік орталығы» ШЖҚ (2011-2019); ҚР ДСМ «Ұлттық ғылыми онкологиялық орталық» ЖШС басқарма төрағасы (2019-2021).
Вице-министр қызметінде – 2021 жылдың қаңтарынан бері.
Еске сала кетейік, бүгін Мемлекет басшысының Жарлығымен Алексей Цой Қазақстан Республикасының Денсаулық сақтау министрі лауазымынан&nbsp;босатылған еді.

Жандос Бүркітбаевқа Денсаулық сақтау министрі міндетін атқару жүктелді

<a href="https://kyzylorda-news.kz/">Kyzylorda-news.kz.</a>&nbsp;2022 жылдың басынан бастап Қазақстанда кәсіпкерлер қолданатын касса аппараттарының санын біреуге дейін қысқарту жоспарланып отыр.
Мәжілістегі үкімет сағаты кезінде салықтық және кедендік басқаруды цифрландыру мәселесі талқыланды. Қаржы министріне бақылау-касса машиналарының қызметін POS-терминалдармен біріктіру бойынша атқарылып жатқан жұмыстар туралы сұрақ қойылды.
Қаржы министрі Ерұлан Жамаубаев қазір шағын кәсіпкерлерде бірнеше касса аппараты бар екенін және бұл олардың есеп беруін айтарлықтай қиындатып, клиенттердің дүкенде болу уақытын екі есеге ұлғайтып отырғанын атап өтті.
«Қазір біз екінші деңгейлі банктермен жұмыс істеп жатырмыз. Олар ынтымақтастық орнатып, бірге жұмыс жүргізуге дайын. Бұл банктердің қатарында Kaspi банк, Halyk банк, Альфа банк бар. Біз POS терминал арқылы есеп айырысу кезінде чек жарамды болуы үшін бақылау-кассалық машиналары бар заманауи POS-терминалдарды пилотты режимде сынақтан өткіземіз. Бұл жұмыстар 2022 жылдың басында басталады», – деді министр.
Сондай-ақ Ерұлан Жамаубаев пилоттық жобаның қорытындысы бойынша заңнамаға өзгерістер енгізу қажет болатынын атап өтті. Қаржы министрлігі бұл жұмысты 2022 жылдың соңына дейін жүргізуді жоспарлап отыр.
Қаржы министрлігі кәсіпкерлер қолданатын касса аппараттарының санын қысқарту сатып алушыларға қызмет көрсетуді жеделдетіп, бизнесмендердің қазыналық деректер операторларына артық төлем жасауын азайтады деп сендірді.

Қазақстан және Қызылорда облысының жаңалықтары