<a href="https://kyzylorda-news.kz/">Kyzylorda-news.kz.</a>&nbsp;Биыл Қызылорда облысында 2,8 мыңға жуық азамат «Бастау Бизнес» жобасына қатысып, оның 68 пайызы кәсібін ашуға қаржы алды. Осы және өзге де жаңалықтармен Кәсіпкерлер палатасының директоры Ғалымбек Жақсылықов бөлісті.
– Ғалымбек Жақсылықұлы, өткен жылдан басталған пандемия кәсіпкерлерге айтарлықтай сынақ болды. Жалпы биыл кәсіпкерлердің белсенділігі қандай?
– Соңғы екі жыл кәсіпкерлер үшін оңай болып жатқан жоқ. Дегенмен былтырмен салыстырғанда осы жылы кәсіппен айналысып жатқан, сондай-ақ айналысуға ниетті жандар еркін жұмыс істей бастады. Биыл кәсіпкерлік белсенділіктің артқанын несиелендіруден байқауға болады. Бір ғана «Бизнестің жол картасы» бағдарламасы шеңберінде биыл жергілікті кәсіпкерлер 1961 жобаға 29,1 млрд теңге несие алған. Бұл өткен жылмен салыстырғанда 2 есеге жуық артық (былтыр 15,7 млрд теңге). Кәсіпкерлер алған несиеге өндірістер ашып, жұмыс орындарын құрып жатыр. Биыл Кәсіпкерлер палатасының мамандары кәсіп ашуға қатысты 3,5 мың азаматқа 9 мыңнан астам кеңес берді. 930 кәсіпкерге қызмет көрсетіп, бухгалтерлік және салықтық есептілігін тапсырды, бизнес-жоспарларын әзірледі.
– Қызылордалықтар арасында «Бастау Бизнес» жобасы сұранысқа ие екенін білеміз. Биыл қанша адамды оқыттыңыздар?
– «Бастау Бизнес» жобасына әлі де сұраныс жоғары. Жоспарланған 2,5 мың азаматтың орнына осы жылы 2,8 мыңға жуық адам оқыды. Биыл оқыған бастаулықтардың 68 пайызының жобасы түрлі қаржы ұйымдары арқылы қаржыландырылып, кәсібін бастап кетті. Осы жылдың жағымды жаңалықтарының бірі – жоба аясында оқыған азаматтардың жобасын қаржыландыру үшін арнайы шағын қаржы ұйымы құрылды. Облыс әкімдігі және «Атамекен» Ұлттық кәсіпкерлер палатасының қолдауымен құрылған Atameken Qyzylorda микроқаржы ұйымы республика бойынша ең соңғы тіркелген қаржы институты болса да, қазір қаржыландыру бойынша 15 облыстың арасында 7 орында. Бүгінге дейін 63 бастаулыққа барлығы 218 млн теңге несие берді.
– Бизнес өкілдерінің құқығын қорғау бағытында қандай жұмыстар атқарылды?
– Жыл көлемінде палатаға түскен 541 өтініштің 126-сында бизнес өкілдері құқығын қорғауды сұраған. Заңгерлеріміз бұл өтініштердің 40 пайызында оң нәтижеге қол жеткізіп, мыңнан аса кәсіпкердің құқығын қорғап қала алды. Қосымша 965,2 млн теңге қаржысын да сақтап қалды. Қабылданған шаралардың негізінде кәсіпкерлердің қызметін жүргізуге кедергі келтірген 7 мемлекеттік қызметкер тәртіптік және әкімшілік жауапкершілікке тартылды. Кәсіпкерлерден түскен арыздар бойынша 31 жүйелі мәселені жинақтап, реестрге енгіздік. Оның 18–і жергілікті жерде шешуді қажет ететін проблемалар. Бүгінде оның 9–ы оң шешілді.
– Кәсіпкерлердің құқығын қорғау кеңесінің атқарған жұмысына тоқталсаңыз.
– Кәсіпкерлер палатасы жанында Кәсіпкерлер құқығын қорғау және сыбайлас жемқорлыққа қарсы іс-қимыл кеңесі жұмыс істейді. Кеңес кәсіпкерлік субъектілерінің құқығы мен заңды мүдделерін қамтамасыз ету мен қорғау және сыбайлас жемқорлыққа қарсы мәселелерді жедел әрі жүйелі шешу мақсатында құрылған. Осы жылы кеңестің 12 отырысы өтіп, 16 мәселе қаралды. Кеңес мүшелері кәсіпкерлердің құқығын қалпына келтіру бойынша мемлекеттік органдарға 21 ұсыныс берген болатын. Оның 14–і қолдау тапты. Нәтижесінде кеңестің жұмысы арқылы 500-ден аса кәсіпкердің құқығы қорғалды.
– Келер жылға жоспарларыңыз қандай?
– Келесі жылы да кәсіпкерлерге арналған қаржылай емес қолдау шараларымызды, «Бастау Бизнес» және өзге де жобаларымызды жалғастырамыз. Қызылордалықтарды келе жатқан жаңа жылмен құттықтаймын. Амандықта болайық.
– Сұхбатыңызға рақмет!

Ғалымбек Жақсылықов: Биыл бастаулықтардың 68 пайызы кәсібін ашты

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 640 адам коронавирус індетінен емделіп шықты, деп хабарлайды <a href="https://www.coronavirus2020.kz/">coronavirus2020.kz.</a>
Аймақтар бойынша:
Нұр-Сұлтан қаласы – 90,
Алматы қаласы – 44,
Шымкент қаласы – 18,
Ақмола облысы – 61,
Ақтөбе облысы – 6,
Алматы облысы – 28,
Атырау облысы – 7,
Шығыс Қазақстан облысы – 39,
Жамбыл облысы – 14,
Батыс Қазақстан облысы – 10,
Қарағанды облысы – 100,
Қостанай облысы – 61,
Қызылорда облысы – 7,
Маңғыстау облысы – 3,
Павлодар облысы – 77,
Солтүстік Қазақстан облысы – 74,
Түркістан облысы – 1.
Қазақстан бойынша жазылғандар саны – 959 635.

Covid-19: 7 қызылордалық індеттен айықты

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 440 адамда коронавирус індеті ПТР арқылы расталды, деп хабарлайды <a href="https://www.coronavirus2020.kz/">coronavirus2020.kz.</a>
Аймақтар бойынша:
Нұр-Сұлтан қаласы – 85,
Алматы қаласы – 62,
Шымкент қаласы – 11,
Ақмола облысы – 34,
Ақтөбе облысы – 3,
Алматы облысы – 10,
Атырау облысы – 18,
Шығыс Қазақстан облысы – 14,
Жамбыл облысы – 6,
Батыс Қазақстан облысы – 11,
Қарағанды облысы – 58,
Қостанай облысы – 33,
Қызылорда облысы – 4,
Павлодар облысы – 44,
Солтүстік Қазақстан облысы – 41,
Түркістан облысы – 6.
Жалпы ел бойынша ауырғандар саны – 987 386.

Қызылордада 4 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> 30 желтоқсан күні атмосфералық ағындардың өтуіне байланысты ҚР батысында, шығысында және орталығында күн құбылмалы болады, қар жауып, жаяу бұрқасын соғып, жел күшейеді, деп хабарлайды Қазгидромет.
Қазақстанның қалған аумағында күн жауын-шашынсыз болады. Республика бойынша кей жерлерде тұман түседі.
Атырау облысының солтүстігінде, орталығында жаяу бұрқасын соғып, тұман түседі, көктайғақ болады.
Шығыс Қазақстан облысының солтүстігінде, шығысында жаяу бұрқасын соғып, батысында, орталығында жел күшейеді, жылдамдығы секундына 15-20 метрге жетеді.
Жамбыл облысының солтүстігінде, таулы, тау бөктері аудандарында тұман түсіп, солтүстік-шығысында, таулы аудандарда желдің жылдамдығы секундына 15-20 метрге жетеді, күндіз екпіні 23-28 м/с болады.
Түркістан облысының батысында, тау бөктеріндегі аудандарында тұман түсіп, күндіз таулы аудандарда жел 15-20 м/с жылдамдықпен еседі.
Алматы облысының солтүстігінде, оңтүстігінде тұман түсіп, Алакөл көлдері ауданында желдың жылдамдығы секундына 18-23 метрге жетеді.
Батыс Қазақстан облысының солтүстік-шығысында тұман түседі, облыстың оңтүстік-батысында жел 15-20 м/с жылдамдықпен соғады.
Ақтөбе облысының солтүстігінде тұман түсіп, күндіз облыстың орталығында желдің жылдамдығы секундына 18 метрге жетеді.
Қызылорда облысының орталығында тұман түсіп, күндіз жел 15-20 м/с жылдамдықпен соғады.
Қарағанды облысының оңтүстігінде тұман түсіп, облыстың оңтүстік-батысында жел 15-20 м/с-қа жетеді.
Ақмола, Солтүстік Қазақстан облыстарының оңтүстігінде, Маңғыстау облысының батысында, Қостанай облысының солтүстігінде тұман түседі.

30 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Еліміздің соңғы жылдағы даму стратегиясында ауыл шаруашылығы саласы мемлекеттің азық-түлік қауіпсіздігін қамтамасыз ететін басым бағыттарының бірі болып табылады.
Ауыл шаруашылығын дамыту мемлекеттік бағдарламасымен бірнеше міндет қарастырылған, олардың арасында маңыздыларының бірі – ауыл аумақтарын дамыту, өткізу нарығының қолжетімділігін қамтамасыз ету және экспортты дамыту.
Мемлекет басшысының Қазақстан халқына «Төртінші өнеркәсіптік революция жағдайындағы дамудың жаңа мүмкіндіктері» атты Жолдауы шеңберінде еліміздің агроөнеркәсіп кешені алдына еңбек өнімділігін түбегейлі ұлғайту және қайта өңделген ауыл шаруашылығы өнімдерінің экспортын 5 жыл ішінде ең төмен дегенде 2,5 есеге өсіру мақсаты қойылған. Бұл өз кезегінде ауыл шаруашылық салаларын дамыту үшін маңызды жағдайды қамтамасыз етеді.
Осы салаға сыбайлас жемқорлық тәуекелдеріне сыртқы талдау жүргізіп жатқан Агенттік төрағасы – «Егер жалпы ауыл шаруашылығы саласы бойынша 960 қылмыс тіркелген болса, олардың жартысынан астамы (54%) субсидия жымқыруға қатысты. Жүргізілген талдау бюджет қаражатын бақылаусыз пайдаланудың өрескел фактілерін, көптеген сыбайлас жемқорлық схемалары мен субсидияларды ұрлау тәсілдерін ашқандығын атап өтіп», ендігі кезекте осы салада күрделі реформалар жүргізу қажеттігін басты назарға ұсынған болатын.
Жыл басынан Республика аумағында түрлі сала басшыларының қатысуымен ауыл шаруашылығы өнім берушілерімен бірқатар кездесулер өтседе, бүгінгі таңда Антикор 60-тан аса қылмыстық іс қозғап, тергеуде. 
Осы орайда, мемлекеттік қолдау есебінен азаматтардың заңсыз баю схемалары, фермерлерді алаяқтық жолмен алдау фактілері, субсидия алудың тәсілдері туралы халықты кеңінен ақпараттандыру мақсатында фермерлерді, ауыл шаруашылығы өндірушілерін ақпараттандыру мақсатында аудан әкімдіктерінде аудан тұрғындарымен кездесу өтті.
Кездесуге ҚР Сыбайлас жемқорлыққа қарсы іс-қимыл Агенттігігінің Қызылорда облысы бойынша департаменті басшысының бірінші орынбасары Ғ.Әлімқұлова және департаменттің превенция басқармасының басшысы Н.Оспанов, аудан әкімдерінің орынбасарлары, аудан әкімдігінің ауыл шаруашылығы бөлзімдерінің басшылары, кәсіпкерлер палатасының филиал директорлары, «Нұр Отан» «Ауыл» партияларының өкілдері, фермерлер, ауыл шаруашылығы өндірушілері, сонымен қатар бұқаралық ақпарат құралдарының өкілдері қатысты. 
Кездесу барысында аудандарда агроөнеркәсіп саласында атқарылған жұмыстар, кәсіпкерлер Палатасы тарапынан жеткен жетістіктер туралы кеңінен баяндама жасалды.
Өз кезегінде департаменттің Превенция басқармасы басшысының бірінші орынбасары Ғ.Әлімқұлова Мемлекет басшысының тапсырмасына сәйкес агроөнеркәсіптік кешендегі субсидиялау саласына Департаменттің бастамасымен өңірлік ауыл шаруашлығы басқармасы мен бөлімдеріне жүргізіліп жатқан сыртқы талдау аясында қызмет алушыларға яғни ауыл шаруашылығы саласындағы кәсіпкерлерге қолайлы жағдай жасау мен сыбайлас жемқорлық тәуекелдерін болдырмау мақсатында 19 ұсыным енгізілгендігін Сонымен қатар, ағымдағы жылы Департамент қызметкерлерімен ауыл шаруашылығы басқармасының лауазымды тұлғаларына қатысты, бюджет қаражатын жымқыру және негізсіз субсидия төлеу фактілері бойынша қылмыстық істер қозғалып, тергеп-тексеру амалдары жүргізілуде екендігін атап айтқанда, облыстық ауыл шаруашылық саласының тұлғалары «2017-2021 жылдарға арналған Қазақстан Республикасының агроөнеркесіптік кешенін дамыту» мемлекеттік бағдарламасы аясында субсидиялар түрінде мемлекеттік бюджеттен бөлінген жалпы сомасы 1 600 000 теңге бюджет қаражатын жайылымдарды суландыру инфрақұрылымын құру және мал шарушалығы шаруашылықтарын сумен қамтамасыз ету бойынша шаруа қожалықпен нақты орындалмаған жұмыс көлемін растау жолымен ысырап ету фактілері бойынша қылмыстық іс қозғалғанын жеткізді.
Ағымдағы жылы елдің агроқұрылымдарын дамытуға жарты триллион теңге қаражат игерілгендігі туралы сала басшылары хабарлауда. Алайда бұл қаражаттың игерілуінің тауар өндірушілерге ешқандай тиімділігі болмағандығы анықталды.
Атап айтқанда, осы қаражатқа алынуы қажет күн батареяларының мақсатты пайдаланылмайтындығы анықталып, жарты қаражаты мүлде басқа бағыттарға игерілгендігі мәлім болды.
Агенттіктің Превенция қызметімен жүргізіліп жатқан сыртқы талдау аясында субсидиялаудың қолданыстағы ақпараттық жүйелердің (Qoldau, Plem.kz) жетілмегендігі, өтінімді беру және мақұлдау үдерісі ашық емес, базалардың өздерін пайдалану қиындығы, бұл ауыл шаруашылық саласының өкілдеріне өз қалауы бойынша шешім қабылдауға мүмкіндік беретіндігі анық болды.
Сондай-ақ ИӨС ақпараттық жүйелерінің кемшіліктері ауыл шаруашылығы жануарларының санымен, түрімен және жасымен әртүрлі манипуляциялар жүргізуге мүмкіндік береді, бұл бір мал басын, ал кейбір жағдайларда тіпті жоқ мал басын бірнеше рет субсидиялауға мүмкіндік беріп келген. 
Талдау қорытындысымен, қолданыстағы ақпараттық жүйелерді интеграцияланға, ашықтығы мен қолжетімділігін қамтамасыз ету бағытында өзгерістер орын алуда.
Бұл ретте, ауылдық жерлердегі азаматтардың әл-ауқаты агроөнеркәсіптік кешеннің дамуына тікелей әсер ететіндігінде ұмытпаған жөн. Осы салада басталғалы жатқан өзгерістердің барлығына жұртшылық пен фермерлердішынайы жұмылдыру қажет, олар өз ұсыныстарын білдіріп, сол ұсыныстарды енгізу бойынша жұмысты формальді түрде жасауға болмайды деп есептеймін.
Сонымен қатар сыбайлас жемқорлық құқық бұзушылықтарын одан әрі болдырмау үшін:
Ауыл шаруашылығы тауарларын өндірушілер қырағы болуға және бөгде адамдарға ЭЦҚ бермеуге, қылмыстық схемаларға тартылмауға, “жеңіл” ақша алу үшін заңсызіс-әрекеттерді жүзеге асырмауға тиіс.
Біз жымқыру барлық схемаларын білеміз, Әрбір заңсыз әрекет үшін жауапкершіліктің бұлтартпастығы қағидаты бойынша қатаң шаралар қабылданатын болады.
Осы салада жүргізіліп жатқан ауқымды жұмыстардың қорытындысы агроөнеркәсіптік кешеніндегі кәсіпкерлерді субсидиялау қағидаларына өзгерістер енгізетіндігі сөзсіз екендігін айтқым келеді.
Сөз соңында Еліміздің даму стратегия басым бағыттарының бірі агроөнеркәсіптік кешені екендігін басты наразға ұсына отырып, осы саланы өрбітуге өз үлестеріңізді қосуға шақырамын.
Жанар Қозбағарова,
Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің Превенция басқармасының бас маманы

Субсидиялау: Ашық және әділ жүйе қажет

<a href="https://kyzylorda-news.kz/">Kyzylorda-news.kz.</a> Биыл елімізде тұңғыш рет ауыл әкімдерінің тікелей сайлауы өтті. Жиырма бесінші шілдеден бастап облыста 44 ауылдық округтің, 1 аудандық маңызы бар қаланың және 2 кент әкімін халық дауыс беру арқылы сайлады.
<blockquote>
 «ҚР Сайлау туралы» заңнамаға өзгерістер мен толықтырулар енгізілуінің басты мақсаты – жергілікті халықтың басқару жүйесіндегі белсенділігін арттыру және еліміздегі демократиялық процестерді одан әрі дамыту болып табылады. Осы жылы өткен ауыл әкімдерін сайлау барысында облыс бойынша жалпы саны 181 кандидат тіркелді. 118 кандидат өзін-өзі ұсынса, 63 үміткерді саяси партиялар додаға қосқан. Сайлауға қатысушы 181 кандидаттың 79 пайызы бюллетеньге енгізілді. 37 кандидат тиісті талаптарға сәйкес келмеді. саяси додада орташа бәсекелестік бір орынға 3 кандидатты құрады», – деді облыстық сайлау комиссиясының төрағасы Ғалым Баймырзаев.
</blockquote>
Жалпы 47 әкімнің сайлауының 36-ы әкімдердің өкілеттілік мерзімінің аяқталуына байланысты, 11-і мерзімінен бұрын тоқтатылуына байланысты өткізілген.
<blockquote>
 «Сайланған әкімдердің орташа жасы 47,4 жасты құрады. Біреуі әйел, қалғаны ер азаматтар. Сайланғандардың 23-і бұрынғы әкімдер. Сайлауды 628 байқаушы, 189 кандидаттардың сенім білдірген өкілдері қадағалады. Бір сайлау учаскесіне 9,6 байқаушыдан келді. Бұл деген ең жоғарғы көрсеткіш», – деді облыстық сайлау комиссиясы төрағасының орынбасары Болат Накипов.
</blockquote>
Айта кетейік, алдағы 2022 жылы өкілеттік мерзімі аяқталатын 21 әкімнің кезекті сайлауын өткізу жоспарланып отыр.

Қызылордада 2022 жылы 21 ауыл әкімі сайланады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне өлім жазасын жою мәселесі бойынша өзгерістер мен толықтыру енгізу туралы» Қазақстан Республикасының Заңына қол қойды, деп хабарлайды&nbsp;<a href="https://akorda.kz/kz/memleket-basshysy-kazakstan-respublikasynyn-keybir-zannamalyk-aktilerine-29114835">Ақорда.</a>
Заңның мәтіні баспасөзде жарияланады.

Мемлекет басшысы өлім жазасын жою мәселесі бойынша заңға қол қойды

<a href="https://kyzylorda-news.kz/">Kyzylorda-news.kz.</a>&nbsp;Үкімет емес ұйымдар облыста еріктілер жұмысын жетілдіруге, таланттар фабрикасын құру идеясы мен жас ғалымдардың дамуына жағдай жасауға ерекше мән бермек. Бұл бастама жақында өткен «Қоғам мен мемлекеттің тұрақты дамуы мүддесіндегі әріптестіктің 30 жылдығы» атты оныншы Азаматтық форумында қозғалды.
Азаматтық қоғамы ілгерілемеген елдің заман талабына, уақыт сұранысына сай дамуы қиын. Сондықтан, мемлекеттік бағдарламалардың іске асырылуын қадағалау, бақылау жасауда қоғам өкілдерінің белсенді болуы маңызды.
<blockquote>
 «Мемлекеттік қолдаудың нәтижесінде қоғамдық ұйымдардың жұмысы жүйеленді. Қазір олардың саны да едәуір өсті. Бастысы бәсекелестік артты. Біз қоғамдық бірлестіктер мен ұйымдарға бағыт-бағдар беріп, әрбір шараның түпкі мақсатына жеткізу қажеттігіне кеңес береміз. Әсіресе, аудандық жердегі әріптестерімізге қолдау көп қажет етеді. Форумда осы мәселені көтердік. Әкімдерге ұсынысымызды жеткіздік. Яғни, қоғамды ілгерлету үшін бірлестіктердің өзі мықты болу қажет. Сонда ғана ауылдағы таланттарға қолдау көрсетіп, олардың шығармашылығын дамытуға, тың жобаларын жүзеге асыруға мүмкіндік туады», – деді «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігі қауымдастығының төрайымы Анар Ізден.
</blockquote>
Расында қоғамның тұрақты дамуына, мәселесін шешуде ҮЕҰ елеулі үлес бар. Тұрғындардың денсаулығын, қоршаған орта экологияны жақсартуда, мемлекеттік тілдің рөлін күшейтуде белсенділігін көрсетіп келеді. Сонымен қатар, өңірімізде ғылым саласында өз пікірі, өз даму перспективасы бар қоғамдық бірлестіктер де жұмыс жасауда.
<blockquote>
 «Тәуелсіздік алғанға дейін елімізде 50 мыңнан астам ғылыми қызметкер болатын. Бірақ тұрмыстық жағдайға байланысты көпшілігі басқа салаға ауысты. Біздің аймақта 2009 жылдан бастап жергілікті университет басшылығы өзге өңірлерге жас ғалымдарды аспирантураларға оқуға жіберіп, ғылыми орта қалыптастыруға жол ашты. Міне, сол кезден бастап қайта жаңғыру басталды. «Жас ғалымдар альянсы» осы жылдары құрылды. Нәтижесінде көп жұмыстар жүргізіліп, ғалымдар мемлекеттік сыйлықтар мен премияларға қол жеткізе бастады. Бүгінде бәсекеге қабілетті жастар көбейіп, мемлекет тарапынан қолдаулар нәтиже беріп келеді», – деді «Жас ғалымдар альянсы» қоғамдық бірлестігінің мүшесі Нұрбол Аппазов.
</blockquote>

Анар Ізден: Қоғамдық ұйымдар арасында бәсекелестік артты

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы мәдениет үйінде ұрланған ұялы телефон иесіне қайтарылды.
Қазақстан Республикасы ІІМ-нің Ұрлыққа қарсы іс-қимыл жөніндегі 2021-2023 жылдарға арналған бағдарламасын жүзеге асыру бағытында басқарма қызметкерлері күнделікті профилактикалық шаралар өткізуде.
Қызылорда қалалық Полиция басқармасының полицейлері қала аумағында орналасқан мәдениет үйінің бірінші қабатында сахнасында тұрған «Iphone11» үлгісіндегі ұялы телефонын ұрлап кеткен ұрыны іздеу жұмыстарымен айналысты.
Ұрлыққа қарсы бағдарлама барысында Қызылорда қалалық Полиция басқармасының қызметкерлерімен ұялы телефонды ұрлаған қала тұрғыны ұсталды. Жәбірленушіге ұялы телефоны қайтарылып, ол басқарма қызметкерлеріне өз алғысын білдірді.
Қазіргі уақытта аталған дерек бойынша, сотқа дейінгі тергеп-тексеру амалдары жүргізілуде. Оқиғаның мән-жайлары анықталуда.
<img src="https://kyzylorda-news.kz/wp-content/uploads/2021/12/whatsapp-image-2021-12-29-at-15.59.23.jpeg" alt="" />

Қызылордада мәдениет үйінде телефон ұрлаған ұры қолға түсті

<a href="https://kyzylorda-news.kz/">Kyzylorda-news.kz.</a>&nbsp;Орталық коммуникациялар қызметінде өткен брифингіде ҚР Әділет министрі Марат Бекетаев алимент төлеу және өндіру жүйесіндегі өзгерістерге тоқталды.
«Алимент көлемі өсе ме? Алимент төлеу мехинзміне қатысты қандай да бір өзгерістер бола ма?», – деп сұрады журналист спикерден.
Марат Бекетаев алимент көлемі өзгермейтінін айтты.
<blockquote>
 «Алимент көлеміне байланысты ешқандай өзгеріс болмайды. Тек қана жеке сот орындаушылар өз жұмысын жақсырақ істесе алимент көбірек төленетін болды. Бірақ борышкердің ешқандай жұмысы, мүлкі жоқ болса, бұл – жеке сот орындаушының кінәсі емес, тек борышкердің кінәсі», – деді министр.
</blockquote>
Осы брифингіде Марат Бекетаев «Ел тірегі» бастамашыл тобының неге тіркеуден өте алмай жүргенін айтты.
<blockquote>
 «Неліктен? Себебі оның негізгі ұйымдастырушысы – Нұржан Әлтаев. Ол бірнеше рет түрлі алаңдарда, түрлі форумдарда өздерін тіркеуден негізсіз бас тартылғанын мәлімдеді. Мұнда екі мәселені атап өту керек. Құжаттарын қайта-қайта ұсынғанымен, іс жүзінде өзгерметілмеген. Қайта-қайта бір жиынтықты әкеле береді. Біз анықтап көрсеткен кемшіліктерді түзетпестен 16 рет ұсынды. «Неге олай істеп жүр» деген сұрақ туындайды. Мүмкін, тіркеуден өте алмай жүрген саяси құрбанның бейнесін жасау әрекеті байқалатын шығар. Құжаттарын өзгертпестен әкеле бергендіктен, біз оны тіркеуден бас тартанымызды мәлімдеуге мәжбүрміз», – деді ведомство басшысы.
</blockquote>
<a href="https://www.inform.kz/kz/kazakstanda-aliment-kolemi-ose-me-ministr-zhauap-berdi_a3879654">ҚазАқпарат</a>

Қазақстанда алимент көлемі өсе ме?

&nbsp;<a href="https://kyzylorda-news.kz/">Kyzylorda-news.kz.</a> Жаңа жыл мерекесі қарсаңында сыбайлас жемқорлыққа қарсы қызмет мемлекеттік қызметшілерге «сыйлық» алмау керектігін ескертті, деп хабарлайды <a href="https://lenta.inform.kz/kz/antikor-memkyzmetshilerge-merekede-syylyk-almau-kerektigin-eskertti_a3879662">ҚазАқпарат.</a>
Сыбайлас жемқорлыққа қарсы іс-қимыл агенттігінің Нұр-Сұлтан қалалық департаменті мемлекеттік қызметшілерге мерекелер қарсаңында мүліктік немесе мүліктік емес пайда алу мақсатында «сыйлықтар» алғандары үшін әкімшілік және қылмыстық жауапкершілікке тартылатынын ескертті.
Ведомство мәліметінше, ҚР Қылмыстық кодексінің 367-бабына сәйкес 2 АЕК-тен асатын сомадағы сыйлық пара болып есептеледі және қылмыстық жауапкершілік шараларын қолдануға әкеп соғады.
Ал өзге жағдайларда (егер сыйлықтың құны төмен болса) Әкімшілік құқық бұзу кодексінің 676 және 678-баптарына сәйкес мемлекеттік функцияларды орындауға уәкілеттік берілген адамдарға немесе оларға теңестірілген адамдарға берілген заңсыз материалдық сыйақы әкімшілік жауапкершілікке себеп болады.
Сонымен қатар департамент сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылда өзге де жолмен жәрдемдесетін адамдарды көтермелеу үшін бірі біржолғы ақшалай сыйақы берілетіндігін атап өтеді.
<blockquote>
 «Пара немесе келген залал сомасы 1000 АЕК (2 млн 917 мың теңге) аспайтын сыбайлас жемқорлық туралы хабарлама үшін сыйақы (қылмыстың ауырлығына байланысты) 30-дан 100 АЕК-ке дейін құрайды. Біржолғы ақшалай сыйақы мынадай мөлшерде белгіленеді: сыбайлас жемқорлық құқық бұзушылықтар туралы әкімшілік істер бойынша – 30 АЕК; онша ауыр емес сыбайлас жемқорлық қылмыстар туралы қылмыстық істер бойынша – 40 АЕК; ауырлығы орташа сыбайлас жемқорлық қылмыстар туралы қылмыстық істер бойынша – 50 АЕК; ауыр сыбайлас жемқорлық қылмыстар туралы қылмыстық істер бойынша – 70 АЕК; аса ауыр сыбайлас жемқорлық қылмыстар туралы қылмыстық істер бойынша – 100 АЕК», – деп атап өтеді ведомстводан.
</blockquote>

Антикор мемқызметшілерге мерекеде «сыйлық» алмау керегін ескертті

<a href="https://kyzylorda-news.kz/">Kyzylorda-news.kz.</a>&nbsp; Қазгидромет метеорологтары 30 желтоқсан мен 1 қаңтар аралығында ауа райы қандай болатынын болжады.
<blockquote>
 “Қара теңіз аймағынан шыққан ауқымды антициклон Қазақстанның басым бөлігіне әсер етеді. Осыған байланысты еліміздің солтүстік батысында, солтүстігінде, орталығында және шығысында ауа райы жауын-шашынсыз, сондай-ақ 35 градусқа дейін аяз болады “, – делінген Қазгидрометтің болжамында.
</blockquote>
Ертең, 30 желтоқсанда Шығыс Қазақстан облысында қар жауады, түнде солтүстік-шығыста боран соғады.
31 желтоқсанда еліміздің батысында, 1 қаңтарда оңтүстігінде, оңтүстік-шығысында жауын-шашын (қар, жаңбыр) болады.

Қазақстан және Қызылорда облысының жаңалықтары