<a href="https://kyzylorda-news.kz/">Kyzylorda-news.kz</a>. Еліміздің басым бөлігінде атмосфералық фронттардың әсерінен тұрақсыз ауа райы сақталады. Жаңбыр, солтүстік-батыста қатты жауын жауады, деп хабарлайды Қазгидромет.
Еліміздің солтүстігі мен оңтүстігінде жауын-шашын жаумайды, күн ашық болады.
Кей жерлерде жел күшейеді. Оңтүстік-батыста шаңды дауыл соғады.
Батыста, солтүстік-батыста және республиканың шығысында бұршақ жауады.
Батыс Қазақстан, Қостанай, күндіз Шығыс Қазақстан облыстарының кей жерлерінде бұршақ жауып, дауыл тұрады. Жел екпіні – 15-20 м/с.
Жамбыл, күндіз Солтүстік Қазақстан, Қызылорда, Маңғыстау облыстарының кей жерлерінде жел қарқыны 15-20 м/с жетеді.
Маңғыстау облысының кей жерлерінде шаңды дауыл көтеріледі.
Ақтөбе облысының кей жерлерінде бұршақ жауады, жел жылдамдығы 15-20 м/с болады.
Күндіз Алматы, Жамбыл, Солтүстік Қазақстан, Ақмола, Түркістан облыстарының басым бөлігінде, Ақтөбе, Қостанай, Маңғыстау облыстарының оңтүстігінде, Ақмола облысының батысында, Жамбыл облысының кей жерлерінде өте қатты ыстық болады.
Қарағанды облысының басым бөлігінде аптап ыстық күтіледі.
Қызылорда, Түркістан, Маңғыстау, Жамбыл, Алматы, Атырау, Батыс Қазақстан, Ақтөбе, Қостанай, Қарағанды, Ақмола облыстарының басым бөлігінде, Шығыс Қазақстан облысының оңтүстігінде төтенше өрт қаупі сақталады.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Ауру алғаш алқымнан қысқан тұста көпшілікте қорқыныш болған. Бұған дейінгі таныс емес ауру, қауіпті вирус деген. Уақыт өте келе кеселдің жолын кесетін коронавирусқа қарсы екпелер шыға бастады. Бұл қанша адамзаттың үрейін сейілткен медициналық жаңалық болды. Вирусқа қарсы екпені өзім алғашқылардың бірі болып салдырып, оны туыстарыма, жақындарыма насихаттаудамын.
Бүгінде коронавирус індетіне қарсы вакцина салдырып, ұжымдық иммунитет қалыптастыру – күн тәртібінде тұрған өзекті мәселенің бірі. Себебі еліміздегі санитарлық-эпидемиологиялық ахуал тым күрделеніп барады. Өткен жылғы коронавирус індетінің алғашқы толқыны көпшілігімізді есеңгіретіп тастады. Жақындарынан айырылған отбасылар қара жамылды. Сақтыққа салғырт қарағанымыздың соңы өкінішке ұласты. Биылғы жылы осы жағдайдың қайталанбауын алдын-алу аса қажет. Қазір сала мамандары коронавирус індетін жеңудің жалғыз жолы – вакцина салдыру екенін айтып отыр. Яғни, екпе салдыру арқылы ұжымдық иммунитетті қалыптастырып, қоғамға қауіпсіз болуға мүмкіндік бар.
Мен, медицина саласының маманы болғандықтан, алғашқылардың бірі болып екпе салдырдым. Бүгін де бойымда ешқандай қорқыныш жоқ. Отбасым мен жақындарым үшін алаңдамаймын. Вакцинаның кеселді дерттен қорғайтынына сенемін. Осындай сенім барлық азаматтарда болу керек деп ойлаймын.
,
Облыстық психикалық денсаулық орталығынң психологы

Гүлнар Омарова: Вирусқа қарсы екпені алғашқылардың бірі болып салдырдым

<a href="https://kyzylorda-news.kz/">Kyzylorda-news.kz</a>. Жыл басынан 10-шы шілдеге дейінгі ақпарат бойынша, облыс аумағындағы су айдындарында 33 жағдай тіркеліп, 38 адам қаза болды. Оның ішінде 10-ы бала. Соңғы дерек 10 шілде күні Арал ауданында суға кеткен азаматты шығарды. Бұл туралы бүгін Өңірлік коммуникациялар қызметінде өткен баспасөз конференциясында облыстық төтенше жағдай департаменті басшысының орынбасары Саид Молдақараев мәлімдеді.
Төтенше жағдай қызметкерлері жазғы суға шомылу маусымы кезеңінде күшейтілген түрде жауапты сала мамандарын тарта отырып, рейдтік және патрульдеу іс-шаралары ұйымдастырылуда. Басты мақсат – облыс аумағынан өтетін Сырдария өзені жағалауы мен қала, аудан аумағында орналасқан су айдындарында тұрғындарға, әсіресе жастар мен балалардың қауіпсіздігін қамтамасыз ету.
Осы уақытқа дейін 669 рейд өткізді. 6623 адамға оның ішінде 821 балаға судағы қауіпсіздік ережелері бойынша түсіндірме жұмыстары жүргізіліп, үнпарақтар таратылды. Күнделікті дауыстық зорайтқыштар арқылы түсіндірме жұмыстары жүргізілуде.
Нәтижесінде соңғы 13 күнде аймақта суға кету фактісі тіркелмеді.

Суға шомылу маусымы басталғалы 669 рейд өткізілді

<a href="https://kyzylorda-news.kz/">Kyzylorda-news.kz</a>. «Қазгидромет» РМК деректері бойынша еліміздің бірқатар өңірлерінде таяу күндері қатты ыстық күтіледі. Аптапқа байланысты ҚР Төтенше жағдайлар министрлігі қатты ыстықта қажеттілік болмаған жағдайда далаға шықпауға кеңес береді, деп хабарлайды ҚазАқпарат.
24 шілде күні күндіз&nbsp;Нұр-Сұлтан қаласында&nbsp;35 градус қатты ыстық болуы ықтимал.
24 шілде күні күндіз&nbsp;Ақмола облысында&nbsp;35-37 градус, ал өңірдің батысында 40 градус аптап ыстық күтіледі. Төтенше өрт қаупі сақталады.
24-25 шілдеде күндіз&nbsp;Қарағанды облысының&nbsp;оңтүстігінде 40 градус ыстық болады. Кей жерлерде өрт қаупі бар.
Күндіз 24-26 шілдеде&nbsp;Жамбыл облысының&nbsp;кей жерлерінде аптап ыстық 44 градусқа көтеріледі. Өрт қаупі сақталады.
25 шілдеде күндіз&nbsp;Алматы, Павлодар, Шығыс Қазақстан облыстарының&nbsp;кей жерлерінде 40-42 градус қатты ыстық күтіледі. Кей жерлерде өрт шығу қаупі бар.
25 шілдеде күндіз&nbsp;Түркістан, Қызылорда облыстарының&nbsp;кей жерлерінде 46 градус ыстық болады. Өрт қаупі сақталады.
25-27 шілдеде күндіз&nbsp;Маңғыстау облысында&nbsp;44 градус қатты ыстық күтіледі.
Төтенше жағдайлар министрлігі ыстықтан сақтану үшін азаматтарды аса қажеттілік болмаған жағдайда далаға шықпауға кеңес береді, сондай-ақ:
– ағзаны сусызданудан қорғау үшін көп су, күніне кемінде 1,5-3 литр сұйықтық ішу керек;
– аптап ыстықта кез-келген физикалық белсенділіктен бас тартыңыз;
– күндіз күн сәулесі бөлмеге кірмеуі үшін терезелерді ашық реңкті перделермен жабыңыз;
– күн өтпес үшін бас киім, ашық ауа өткізетін киім (мақтадан жасалған) киіңіз. Ыстық ауа райында балаларға ерекше назар аударып, сақ болыңыз.
Сонымен қатар, ТЖМ азаматтарды дала және орман алқаптарында болған кезде қауіпсіздік қағидаларына сақтауға шақырады. Әдетте, табиғи өрттердің орын алуының негізгі себептері халықтың отты абайсыз пайдалануы, сөндірілмеген темекі, алау, жанған сіріңке, майлы немесе тозығы жеткен шүберек, шыны бөтелке, көлік құралының сөндіргішінен ұшқыны, құрғақ шөптің жағу, найзағай болып табылады.

ТЖМ мүмкіндікке орай далаға шықпауға кеңес береді

<a href="https://kyzylorda-news.kz/">Kyzylorda-news.kz</a>.&nbsp;Токиодағы Олимпиада стадионында XXXII жазғы Олимпиада ойындарының ашылу салтанаты <a href="https://qazsporttv.kz/ru/live">басталды</a>.
Ашылу салтанаты коронавирустық пандемияға байланысты көрерменсіз өтеді. Көрермендер түрлі-түсті қойылымды, қатысушы командалардың шеруін және алаудың жағылуын тамашалай алады. Көрермендер Олимпиаданың ашылу салтанатын <a href="https://qazsporttv.kz/ru/live">мына сілтемеден</a> көре алады.

Токиода XXXII жазғы Олимпиада ойындарының ашылу салтанаты басталды

<a href="https://kyzylorda-news.kz/">Kyzylorda-news.kz</a>. Қызылорда облысындағы инфекциялық стационар төсек-орындарының жүктемесі 61%-ке жетті.
Жансақтау бөлімдері 47%-ке толып, науқастардың жартысына жуығы ауыр халде жатыр. Дәрігерлердің айтуынша дерті асқынғандардың барлығы вакцина алмаған азаматтар екен. Қазіргі таңда аймақтағы денсаулық сақтау нысандарында 800-дей қызылордалық дертпен күресу үстінде, тағы мыңнан астамы үйінде емделіп жатыр. Жұқпалы аурулар аурханасына науқастар сыймағандықтан облыстық және қалалық көпбейінді медициналық орталықтан қосымша төсек-орындар дайындалған. Жалпы соңғы мәлімет бойынша өңірде 210 мыңдай сырбойылық ковидке қарсы вакцина салдырған. Ұжымдық иммунитет қалыптастыру үшін тағы осы шамада тұрғындар екпе алуы қажет дейді,- мамандар.&nbsp;
<blockquote>
 «Үлкен жастағы адамдар және жүкті әйелдер, балалар арасында коронавирус инфекциясының таралуы көп болып отыр. Бұл дегеніміз адамдардың вирусқа қарсы иммунитетінің әлсіздігін көрсетеді. Вакцина алғандар стационарға түсіп жатқан жоқ», – дейді Қызылорда облыстық денсаулық сақтау басқармасы басшысының орынбасары Жангелді Шайымбетов.
</blockquote>
<a href="https://24.kz/kz/zha-aly-tar/o-am/item/488304-yzylorda-oblysynda-y-infektsiyaly-statsionar-t-sek-oryndaryny-zh-ktemesi-61-ke-zhetti">Хабар 24</a>

Қызылордадағы инфекциялық стационарларда орындар 61%-ке толды

<a href="https://kyzylorda-news.kz/">Kyzylorda-news.kz</a>. XXXII Жазғы Олимпиада ойындарының трансляциясына қатысты жапониялық «Dentsu Inc.» компаниясымен келіссөздердің нәтижелі аяқталғанын хабарлаймыз.
«Қазақстан» телерадиокорпорациясы мен «Хабар» агенттігі» АҚ ел аумағында Токио Олимпиадасын және 2022 жылғы Пекинде өтетін Қысқы Олимпиада ойындарын көрсету құқығын иеленді. Келісімшарт қорытындысы бойынша трансляция құнын қолайлы бағада сатып алу туралы ортақ мәмілеге қол жеткізілді.
Қазақстандықтар 23 шілде мен 8 тамыз аралығында Токиода өтетін Жазғы Олимпиада ойындарын «Qazaqstan», «Qazsport» және «Хабар» телеарналарынан тікелей эфирде көре алады. Қазақстан құрамасының қоржынында спорттың 27 түрі бойынша 97 лицензия бар. Телеарналардағы олимпиадалық жарыстар кестесі қосымша жарияланады.

XXXII Жазғы Олимпиада ойындары тікелей эфирде көрсетіледі

<a href="https://kyzylorda-news.kz/">Kyzylorda-news.kz</a>. Қазалы ауданының орталығынан 600 орындық мәдениет үйі мен 250 келушіге арналған емхана ғимаратының құрылысы жүргізілуде.Бұл туралы Өңірлік коммуникациялар қызметінің ақпараттық алаңында өткен брифингте Қазалы ауданының әкімі Мұхтар Оразбаев мәлімдеді.
<blockquote>
 «Ауданда құрылыс жұмыстарының көлемі 2,2 млрд. теңгені құрады. Көрсеткіш 2,2 есеге көбейді. Қазіргі таңда, 12 нысанның құрылысы жүргізілуде. 5 ғимарат пайдалануға берілді. Биыл «Ауыл – ел бесігі» арнайы жобасы аясында №226 мектеп-гимназиясына қосымша спорт залы және Қ.Пірімов ауылынан спорт кешені салынады»,-деді аудан әкімі Мұхтар Әуесұлы.
</blockquote>
Сонымен қатар, «Жұмыспен қамтудың Жол картасы» шеңберінде жыл соңына дейін бұрынғы №170 мектептің орнына 250 орындық мектептің құрылысы басталады

Қазалы ауданында 600 орындық мәдениет үй салынады

<a href="https://kyzylorda-news.kz/">Kyzylorda-news.kz</a>. Өткен жылы басталған Қызылорда және Әйтек су тораптарын қайта жаңғырту жұмыстары бүгінгі күні жалғасуда. Бұдан басқа, облыс аумағында Сырдария өзені арқылы 6 тасқын және қашыртқы суларды жинайтын жобаларды іске асыру жоспарлануда, бұл су ресурстарын неғұрлым ұтымды пайдалануға және вегетациялық кезеңде оның тапшылығына жол бермеуге мүмкіндік береді. Бұл туралы Өңірлік коммуникациялар қызметінде өткен баспасөз конференциясында облыстық табиғи ресурстар және табиғат пайдалануды реттеу басқармасы басшысының міндетін атқарушы Бауыржан Оспанов мәлімдеді.
<blockquote>
 «Соның ішінде, Қараөзек арнасындағы 3 тоспаны (Байгелді, Картонкомбинат, Қожатай) қалпына келтіру жобасының жобалау құжаттамалары ағымдағы жылы мемлекеттік сараптамадан өткен соң, ҚР Экология, геология және табиғи ресурстар министрлігімен бірлесіп, жобаны бастау бойынша жұмыстар атқарылатын болады. Бүгінде Арал ауданындағы Қамыстыбас және Ақшатау көлдер жүйелерінде күрделі су шаруашылығы жағдайы қалыптасып отыр. Соңғы жылдарда Сырдария өзенінде су деңгейінің төмен болуына байланысты, Қамбаш көлі жағадан 200-300 метр тартылып кеткен. Кейбір жерлері 500 метрге жетіп отыр. Осы жылғы ҚР Экология, геология және табиғи ресурстар министрі М.М. Мырзағалиевтің Қызылорда облысына жұмыс сапары барысында Қамыстыбас және Ақшатау көлдер жүйесін суландыру үшін Аманөткел ауылының тұсында су торабын республикалық бюджет есебінен салу мәселесі келісілді. Осыған байланысты, ағымдағы жылы облыстық бюджеттен жобаның техникалық-экономикалық негіздемесін әзірлеуге 13,8 млн.теңге қаржы бөлінді», -деді Б.Оспанов.
</blockquote>
Айта кететін жайт, Қызылорда облысының су тапшылығы жағдайында, елді мекендерді суармалы сумен қамтамасыз етуге және экологиялық жағдайды жақсартуға бағытталған бірінші кезектегі жобаларды іске асыру жөніндегі ҚР Экология, геология және табиғи ресурстар министрілігі мен Қызылорда облысы әкімдігі арасында Жол картасының жобасы әзірленгені белгілі. Онда жалпы құны 47 млрд. теңге құрайтын 17 жобаны іске асыру көзделуде. Негізгі басымдық қосымша су көздерін ұлғайту, суды қайталама пайдалану және экологияны сауықтыруға арналған жобаларға берілді.

Экология:  Қызылордада 17 жоба жүзеге асырылады

<a href="https://kyzylorda-news.kz/">Kyzylorda-news.kz</a>. Суармалы егіс алқаптарын сумен қамтамасыз етуде күрделі су тапшылығы жағдайы әлі де сақтаулы дейді Қазсушар РМК Қызылорда филиалының су шаруашылығы нысандарын пайдалану бөлімінің басшысы Айдос Асанбаев Өңірлік коммуникациялар қызметінде өткен баспасөз конференциясында.
Осы себепті, егістікке су жеткізіп беруде әсіресе Жалағаш, Қармақшы, Қазалы аудандарында қиыншылық туындап отыр. Сондықтан сол жаға магистралді каналы бойынша Жалағаш, Қармақшы аудандарында кезектілік кестесіне сәйкес су берілуде. Ал, Қазалыға Қараөзек арнасы арқылы 38 м/с су беріліп жатыр. Сонымен қатар, бүгінде су пайдаланушылар есебінен су деңгейі көтерілмейтін жерлерге облыс бойынша 37 дана насос қондырғысы жұмыс жасауда.
<blockquote>
 «Суармалы каналдарға қосымша су беру үшін Шиелі ауданына қарасты Жаңа Шиелі магистралді каналының жоғары сағасынан Қамыстықақ каналына насос қондырғысы арқылы сумен қамтамасыз ету жоспарланып отыр. Жер жұмыстары толық аяқталды. Қазірде насос қондырғысы жеткізіліп, орнату жұмыстары жүруде. Қармақшы ауданындағы Батыс Қармақшы қашыртқысынан Құрайлы каналының ПК-309 бекеті тұсына қосымша су беру үшін де насос орнатылуда», – деді А.Асанбаев.
</blockquote>

Айдос Асанбаев: Егістікті сумен қамту бағытында жұмыстар жасалуда

Фердоуси Қожабергенов: Қызылорда облысы тарихи-көне қалашықтар, қасиетті мекендермен мақтана алады

<a href="https://kyzylorda-news.kz/">Kyzylorda-news.kz</a>.&nbsp; Қазақстан Республикасы Қорғаныс Министрлігі «Әскери-техникалық мектебінің» Қызылорда қаласындағы филиалының 25 сарбазы әскери ант қабылдады.
Қызылорда гарнизонындағы әскери-техникалық мектептің сарбаздары Отан алдындағы әскери антын қабылдады. Олар 40 күндей аталған мектепте кәсіби даярлықтардан өтті.
Тактикалық дайындықтар мен қаруды қалай қолдану керектігін жете меңгеріп те үлгерді. Аз уақыт ішінде әскери тәртіппен танысып, түрлі әскери теориялық сабақтарды оқып, білгендерін іс-тәжірибеде қолдана білді.
Қызылорда қаласындағы әскери-техникалық мектебінің директоры Рахметулла Мұхамбетов жоспарлы сабақтардың бірінші аптасында курсанттар Қазақстан Қарулы Күштері мен әскери тәртіп туралы мәліметтер алса, оқудың келесі апталарында теорияда оқығандарын қолдану жұмыстарымен айналысатындығын және бұл жағдайлар сарбаздарды темірдей тәртіпке баулитынын атап өтті.
<blockquote>
 «Қызылорда қаласының әскери-техникалық мектебінің сарбазы атанғаныма қуаныштымын.Осы мектепте оқыған уақыт аралықта біраз сабақтар өткізілді. Оқу-жаттығу алаңдарында болып, әскери шеберлікті меңгеріп шықтық. Қарсыласпен бетпе-бет келгенде, қарусыз және қоршауда қалған жағдайдағы неше түрлі қоян-қолтық жекпе-жек өнерін меңгердік. Алдағы уақытта әскери қызмет атқарсам деген ойдамын», – дейді әскери-техникалық мектебінің түлегі&nbsp; Азамат Оралбаев.
</blockquote>
Қызылорда қаласы әскери-техникалық мектебі алдағы уақытта да Отанға адал қызмет ететін мамандарды қабылдайтын болады.
<img src="https://kyzylorda-news.kz/wp-content/uploads/2021/07/img_20210723_014307_763.jpg" alt="" />
<img src="https://kyzylorda-news.kz/wp-content/uploads/2021/07/img_20210723_014307_770.jpg" alt="" />

Қазақстан және Қызылорда облысының жаңалықтары