<a href="https://kyzylorda-news.kz/">Kyzylorda-news.kz.</a>&nbsp;Тәуелсіздіктің 30 жылдығына орай мемлекеттік-жекеменшік әріптестік бағдарламасы негізінде «Алтын Орда Шұғыла» бөбекжай бақшасының филиалы бүлдіршіндерге есігін ашты.
Ашылу салтанатына қала әкімінің орынбасары Бектас Нуридинов қатысып, бақша құрылтайшысы Алшынбаев Сейітқали Бегманұлымен бірге жаңа ғимараттың лентасын қиды.
Қала әкімінің орынбасары Бектас Нуридинов «Болашақ ұрпақтың тәрбиесі алдымен балабақшадан басталады. Сондықтан кәсіпкердің бүлдіршіндерді қолдаудағы бұл қадамы көпке өнеге болмақ. 40 маманды тұрақты жұмыспен қамтыған балабақша жұмысына сәттілік тілеймін» деп, жылы лебізін білдірді.
Бөбекжай бақшасы балаларды тәрбиелеу мен оқытуға қажетті заман талабына сай құралдармен жабдықталған. Кабинеттер компьютерлермен, арнайы жасақталған ән-әуез, би және спорт залдарымен қамтамасыз етілген. 
Аталмыш бөбекжай бақшасы 2 жастағы бүлдіршіндерді қабылдайтын сәбилер тобының болуымен ерекшеленеді. Сондай-ақ, 2 мен 6 жас аралығындағы 150 балапанды тәлім-тәрбиемен сусындатпақ.
<img src="https://kyzylorda-news.kz/wp-content/uploads/2021/12/270468242_1042289139832527_4000823742725985602_n.jpg" alt="" />
<img src="https://kyzylorda-news.kz/wp-content/uploads/2021/12/270378933_1042289323165842_2572951192004025565_n.jpg" alt="" />
<img src="https://kyzylorda-news.kz/wp-content/uploads/2021/12/270356605_1042289179832523_6112833701868939974_n.jpg" alt="" />
<img src="https://kyzylorda-news.kz/wp-content/uploads/2021/12/270359914_1042289263165848_3775432367012850620_n.jpg" alt="" />

Қызылордада мемлекеттік-жекеменшік әріптестік аясында балабақша ашылды

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімі Гүлшара Әбдіқалықова ҚМДБ-ның облыстағы өкілі, «Ақмешіт-Сырдария» орталық мешітінің бас имамы Болатбек Әбуовпен кездесіп, атқарылған жұмыстардың есебін тыңдады. Басқосуға облыс әкімінің орынбасары Серік Ахмет пен бірқатар басқарма басшылары қатысты.
Кездесуде облыс әкімі Тәуелсіздік жылдары атқарылғанын жұмыстарды атап өтіп, діни ахуалды тұрақты ұстау бағытында алдағы міндеттер туралы ой бөлісті.
<blockquote>
 «Ел Тәуелсіздігінің 30 жылдық мерейтойымен барша мұсылман қауымын құттықтаймын. Облыс тұрғындарының, оның ішінде мұсылман жамағатына діни-руханияттық тұрғыда жетекшілік жасап, егемен ел қоғамының тұрақтылығын сақтаудағы еңбектеріңізді жақсы білеміз. Өздеріңізге белгілі егемен еліміздің Тұңғыш Президенті-Елбасы Нұрсұлтан Әбішұлы Назарбаевтың «Елдіктің жеті тұғыры» атты қағидаттар жиынтығында Тәуелсіздіктің мән-маңызы мен қадір-қасиетін барынша ашып көрсетті. Ең бастысы Елбасымыз мақсат тұтқан мықты әрі жауапкершілігі жоғары Біртұтас Ұлт болу жолында отбасы мен салт-дәстүрді – қоғамның алтын діңгегі, ұлттық мәдениетті – халқымыздың рухани тірегі, білім мен еңбекті – бақуатты өмірдің кілті етуде Мұсылмандар діни басқармасының облыстағы өкілдігі Өзіңіздің жетекшілігіңізбен қалыптасқан үрдістердің жаңарған, жаңғырған үлгісін енгізіп, бұдан да зор жетістіктерге жетеді деп сенеміз. Мемлекет басшысы Қасым-Жомарт Кемелұлы Тоқаев атағандай, ғасырға татитын азаттық жылнамасының тұтас дәуірін тарих қойнауына құрметпен шығарып салып, мемлекеттігімізді одан әрі нығайтып, халқымыздың әл-ауқатын арттыра түсуге жаңа міндеттерді айқындайтын төртінші онжылдық бастауынан үлкен үміт күтеміз», – деді Гүлшара Әбдіқалықова.
</blockquote>
Кездесу барысында ҚМДБ-ның облыстағы өкілі, «Ақмешіт-Сырдария» орталық мешітінің бас имамы Болатбек Әбуов өңірде діни ахуал тұрақты екенін тілге тиек етіп, қайырымдылық шараларын өткізу, ақпараттық насихат жұмыстарын жүргізу бағытында бір жыл ішіндегі жасалған жұмыстарды тізбеледі. Мәселен, қайырымдылық бағытта «Ел үлесі-пәтерге» жобасы аясында 11 пәтер беріліп, «Үміт сыйла сәбиге» жобасы арқылы 48 отбасы жәрдем алып, 28 іс-шара атқарылған. Ал, «Тайқазан», «Берекелі Рамазан сыйы» жобасы негізінде 4 256 отбасы азық-түліктен көмек алған. Жалпы әлеуметтік сипаттағы осындай жобалар арқылы 3 мыңға жуық отбасыға жәрдем берілген.
Қабылдау соңында облыс әкімі Болатбек Әбуовке соңғы кездері індеттің жаңа вирустық штамдарының пайда болуына байланысты мешітке келетін жамағаттардың жұма намазы уақытында қауіпсіздіктік және ара-қашықтық сақтау мәселелеріне жете мән беру қажеттігін қаперге салды.
Айта кету керек, тәуелсіздік алған жылдардағы өңіріміздегі 14 мешіт саны 179-ға жетті.
<img src="https://kyzylorda-news.kz/wp-content/uploads/2021/12/270355347_215028314151754_6340815044678973742_n.jpg" alt="" />

Гүлшара Әбдіқалықова: Елдің бірлігін, қоғамның тұтастығы мен тұрақтылығын сақтауда имамдардың еңбегі зор

<a href="https://kyzylorda-news.kz/">Kyzylorda-news.kz.</a> Қазалы ауданы Әйтеке би кентінен спорт алаңы ашылды.
Тұрғындардың өмір сапасын арттыру, жастардың бос уақыттарының тиімді өткізуге арналған алаң С.Сейфуллин атындағы №165 мектептің жанынан бой көтерді.
Бүгін жаңа спорт алаңына аудан әкімі Мұхтар Оразбаев арнайы барып, тұрғындардың қуанышымен бөлісті.
<blockquote>
 «Ел болашағы – жастардың денсаулығы мен білімінде. Сол миссияны орындау мақсатында баршамыз бірлесе жұмыс атқаруымыз керек. Бұқаралық спортты дамытуда спорт алаңдарының маңызы зор. Сондықтан да алдағы уақытта спорт алаңдарын салу жұмыстарын назардан тыс қалдырмаймыз», – деді Мұхтар Оразбаев.
</blockquote>
<img src="https://kyzylorda-news.kz/wp-content/uploads/2021/12/271050845_3241363802751211_9056902559700122823_n.jpg" alt="" />

Қазалыда спорт алаңы пайдалануға берілді

<a href="https://kyzylorda-news.kz/">Kyzylorda-news.kz.</a> Жаңа жыл мерекесі қарсаңында Қазалы ауданының тұрғындары көптен күткен баспаналарына қол жеткізді.
Бүгін Әйтеке би кентіндегі 5 квартал аймағынан салынған 4 пәтерлі 10 тұрғын үйлердің кілттері табыс етілді.
Салтанатты рәсімге жиналған қауымды аудан әкімі Мұхтар Оразбаев ел Тәуелсіздігінің 30 жылдық мерейтойымен және Жаңа жыл мерекесімен құттықтады.
Тұрғындардың қуанышымен бөлісуге келген облыстық әйелдер кеңесінің төрайымы Райкүл Байназарова жылы лебізін білдіріп, құттықтау сөз сөйледі.
Мұнан соң Мұхтар Әуесұлы мен Райкүл Мансұрқызы баспанаға ие болған тұрғындарға үйдің кілттерін салтанатты түрде табыс етті.
<img src="https://kyzylorda-news.kz/wp-content/uploads/2021/12/wj5.jpg" alt="" />
<img src="https://kyzylorda-news.kz/wp-content/uploads/2021/12/wj4.jpg" alt="" />

Жаңа жыл мерекесі қарсаңында қазалылықтар баспаналы болды

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің 7 профессор-оқытушысы ғылым санаты бойынша «Болашақ» бағдарламасының стипендиясын иеленді.
&nbsp;Алдағы уақытта Академиялық мәселелер жөніндегі проректор міндетін атқарушы, т.ғ.к., профессор Абайбек Жүнісов АҚШ-тағы Джордж Вашингтон университетінде, Тарих және Қазақстан халқы Ассамблеясы кафедрасының аға оқытушысы Әзілхан Тәжекеев Германиядағы Тюбинген университетінде тағылымадан өтеді.
Ал Физика-химия талдау әдістері зерханасының жетекшісі Нұрғали Ақылбеков А.Е.Арбузов атындағы органикалық және физикалық химия институтында, Ауыл шаруашылығы ғылымдарының кандидаты, қауымдастырылған профессор Самалбек Қосанов К.А.Тимирязев атындағы Ресей аграрлық университеті, Экономика және басқару&nbsp; кафедрасының оқытушысы,&nbsp; э.ғ.к., доцент Алмакүл Әбдімомынова М.В. Ломоносов атындағы Мәскеу мемлекеттік университеті, Қазақ тілі мен әдебиеті және журналистика кафедрасының оқытушысы Ақерке Жолмаханова М.В.Ломоносов атындағы Мәскеу мемлекеттік университеті, Аграрлық технологиялар кафедрасының оқытушысы Жанар Жумадилова Белоруссия мемлекеттік агротехникалық университетінде тағылымдамадан өтетін болады.
<img src="https://kyzylorda-news.kz/wp-content/uploads/2021/12/270780717_2449103718560373_8657062232298479834_n-1.jpg" alt="" />

Қызылордалық 7 ғалым «Болашақ» стипендиясын иеленді

<a href="https://kyzylorda-news.kz/">Kyzylorda-news.kz.</a> 2021 жылдың аяқталуына аз қалды. Алдымызда жаңа жыл. Өміріңізді жаңа парақтан бастау үшін төмендегі кеңестерге құлақ түрген артық етпейді.
Қарыздан құтылыңыз
Өкінішке орай, кейбір жағдайларда қарыз алуға мәжбүрміз. Егер банктен алынған несие болмаса, ақшаны жаңа жылға дейін қайтарған дұрыс, кредитті толық жабуға шамаңыз жетсе, тіпті жақсы. Бұл жаныңызды тыныштандырады.
Үйдегі артық заттарды шығарыңыз
Егер сізде ескі жиһаз немесе қажетсіз киімдер болса, 1 қаңтарға дейін олардан құтылыңыз. Италия тұрғындары сияқты терезеден лақтыру міндетті емес. Жаңа жылға «қоқыссыз» кіріңіз.
Сыйлықтарды алдын ала алыңыз
Жаңа жылға сыйлық алу үшін соңына дейін күтудің қажеті жоқ. Дүкендерде, сауда орталықтарында ұзын-сонар кезекте тұрғыңыз келмесе, бұл істі ертерек қолға алыңыз. Асықпай&nbsp;таңдауға да уақытыңыз болады.
Алдағы жылға мақсаттар тізімін жасаңыз
Мақсатсыз адам болмайды. Көптен армандап жүрген ісіңіз болса, оны ойлап қана қоймай, қағаз бетіне түсіруді ұмытпаңыз.
Мұз айдынына барыңыз
Конькимен сырғанауды кейінге&nbsp;қалдыра бермеңіз. Достарыңызды жинап, қысты көңілді өткізуге тырысыңыз. Мұндай сәттер миыңызға жиналып қалған артық ойлардан арылуға көмектеседі.
Шығындарыңызды реттеңіз
Жаңа жыл – шығындалатын мерекелердің бірі. Үйіңізді безендіруге, сыйлықтар сатып алуға, мерекелік дастархан дайындауға тура келеді, бұл қалтаңызға әсер етпей қоймайды. Сондықтан шығындарыңызды реттеп, алдын ала тізім жасаңыз.
<a href="https://24.kz/kz/zha-aly-tar/bylu-manyzdy/item/517584-zha-a-zhyl-a-dejin-ne-istep-lgeru-kerek">Хабар 24</a>

Жаңа жылға дейін не істеп үлгеру керек

Қазақстанда 1 қаңтардан бастап не өзгереді?

<a href="https://kyzylorda-news.kz/">Kyzylorda-news.kz.</a>&nbsp; Облыстық мәслихаттағы «Nur Otan» партиясы депутаттық фракциясының мүшесі Гүлнар Есқалиева ерекше қажеттілігі бар балғындарды жаңажылдық тәттілермен қуантты.
«Nur Otan» партиясының 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарламасы – мемлекет қолға алған реформалардың заңды жалғасы. Партия тарапынан сайланған депутаттар өздеріне жүктелген міндеттер аясында қоғамымыздың орнықты дамуы мен азаматтардың тұрмысын жақсарту, сонымен қатар қайырымды істер жолында тынымсыз жұмыс жасап келеді.
Бүгін де Жаңа жыл мерекесі қарсаңында Облыстық мәслихаттағы «Nur Otan» партиясы депутаттық фракциясының мүшесі Гүлнар Есқалиева ерекше қажеттілігі бар балғындардың отбасыларын аралады. Жас достарға мерекелік құттықтау тілегін білдіріп, тәттілермен қуантты.
<img src="https://kyzylorda-news.kz/wp-content/uploads/2021/12/4cb3f376-9a36-457c-ad10-357e8800f8cf.jpg" alt="" />
<img src="https://kyzylorda-news.kz/wp-content/uploads/2021/12/71f5fdf9-653d-46b4-b032-b37096eaef3f.jpg" alt="" />

Гүлнар Есқалиева ерекше қажеттілігі бар балаларға барды

<a href="https://kyzylorda-news.kz/">Kyzylorda-news.kz.</a> Қорқыт Ата атындағы Қызылорда университетінде Қазақстан Республикасы Тәуелсіздігінің 30 жылдығы аясында ғылым саласына зор үлес қосқан бірқатар ғалымдар марапатталды.
Жиында Басқарма Төрағасы-Ректор Бейбіткүл Кәрімова оқу орнының QS EECA 2022 рейтингісі бойынша ТОП-400 үздік жоо-ның қатарына кіруінде ғылыми жетістіктердің рөлі елеулі болғанын айтты.
<blockquote>
 «Биылғы оқу жылында гранттық қаржыландыру негізінде орындалатын жобалар саны мен ғылыми зерттеу жұмысын жалпы қаржыландыру көлемі 20 пайызға өсті. Осыған орай, университетте алғаш рет жас оқытушыларды ғылыми-зерттеу қызметіне тарту мақсатында жас ғалымдардың ғылыми-зерттеу жұмыстарының конкурсы өтті. Нәтижесінде жалпы қаржы көлемі 10 млн.теңгелік 4 жоба университеттің грантын иеленді. Бүгін 4 жеңімпазға 2,5 млн.теңгенің сертификаты табысталды. Алдағы уақытта жас ғалымдар тарапынан қызу қолдау тапқан байқау жалғасын табатын болады. Бұл білім-алушылардың ғылымға деген қызығушылығын арттырып, жаңа жобалардың ашылуына мүмкіндік бермек», – деді университет басшысы Бейбіткүл Кәрімова.
</blockquote>
Кездесу барысында Дәстүрлі өнер институтының директоры Ғани Байұлов мемлекеттік награда «Халық алғысы» медалімен марапатталды. Сонымен қатар, ғылым саласының дамуына сүбелі үлес қосып жүрген оқытушы-ғалымдарға облыс әкімінің Алғыс хаты, облыстық білім беру басқармасы басшысының арнайы Алғысы, Басқарма Төрағасы-Ректордың Алғыс хаты және Қорқыт Ата атындағы Қызылорда университетінің «Үздік түлек» медалі табысталды.
Биыл Халықаралық грант негізінде орындалған 1 жоба аяқталып, 1 жоба бойынша жұмыстар басталды. Ғылыми зерттеулерінің нәтижелері бойынша жарияланымдар саны 2 есеге өсті. Университет базасында «Химия, жасыл технологиялар, жаңартылатын энергия көздері, педагогикалық және іргелес ғылымдар ғылыми-инновациялық орталығы» атты академиялық артықшылық орталығы ашылмақ. Онда 2025 жыл деңгейінде жалпы құны 4 млрд теңгені құрайтын 8 заманауи зертхана іске қосылады.
Сонымен қатар, студенттерді ғылыми шығармашылыққа тартуда кафедралар жанында құрылған 38 ғылыми үйірме елеулі рөл атқаруда.
<img src="https://kyzylorda-news.kz/wp-content/uploads/2021/12/01-1.jpg" alt="" />

Қызылордада ғылым саласының үздіктері марапатталды

<a href="https://kyzylorda-news.kz/">Kyzylorda-news.kz.</a>&nbsp; «Евразия» спорт кешенінде коммуналдық мекеме қызметкерлері арасында шағын футболдан жарыс өтті.
<blockquote>
 «Қазір өңіріміздің коммуналдық салаларында қажырлы еңбек етіп жүрген қызметкерлердің де дені спортпен айналысуға құлшыныс білдіріп, салауаттылық салтын ұстануда. Сіздер уақытпен санаспай, халыққа қолайлы жағдай жасауда маңызды рөл атқарасыздар. Міне бүгінгі жарыс та өздеріңіздің құрметтеріңізге арналады» деді жарыстың ашылу рәсіміне қатысқан қала әкімінің орынбасары Бектас Нуридинов.
</blockquote>
Спорттық шараның мақсаты Ел Тәуелсіздігінің 30 жылдық мерейтойы аясында және спортты дамытуға, салауатты өмір салтын қалыптастыру болып табылады.
Жарысқа 10 командадан 100-ге жуық спортшы қатысты. 
Жарыс қорытындысы бойынша І орынды «РЦКУ» мекемесі жеңіп алса, ІІ мен ІІІ орындар Қызылорда жылу электр орталығы және Қызылорда Су Жүйесі командалары иемденді.
Үздік ойын көрсеткен ойыншылар түрлі номинациялармен марапатталды. 
Жеңімпаз командаларға қала әкімінің грамоталары, медальдары мен кубоктары және қаржылай сыйақылар табысталды.

Коммуналдық мекеме қызметкерлері арасында шағын футболдан жарыс өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Ten kogam» әлеуметтік орталығының қызметін пайдаланушыларға заңнама талаптары түсіндіріліп, тиісті сала мамандары жеке қабылдау өткізді.
Кездесуге келген қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Бауыржан Оспанов, қалалық тұрғын үй инспекциясы бөлімінің маманы Жазира Садақбекова &nbsp;және «Ten kogam» орталығының заңгері Бақытжан Шайхназаров тұрғындардың сұрақтарына жауап берді.
Қоғамдық көлік мәселесін көтерген қала тұрғындары «Саяхат», «Титов» мөлтек аудандары мен Жаппасбай батыр көшесіне бірі қоғамдық көлік мүлдем қатынамайтынын айтса, енді бірі уақытылы бармайтынын, ол аумақтарға аз бөлінгенін жеткізді. Мүмкіндігі шектеулі жандар үшін бұл аумақтарға қоғамдық көлік аса қажет.
Бұл сауалға қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Бауыржан Оспанов жауап берді.
Оның айтуынша қаладағы жеке қоғамдық көліктерге келесі жылдан бастап субсидия бөлінген. Бұрын жеке қоғамдық көліктер мемлекеттен субсидия алмаған. Соның салдарынан олар қалада жүріп-тұру уақытын өздері шешіп, жол ақысын да жеке кәсіпкерлер белгілейтін. Аталған мәселе шешімін тапса жеке көліктер талапқа бағынып, шет аумақтарға уақытылы қатынауға септігі тиеді.
<blockquote>
 «Қоғамдық көліктер бойынша барлығы 26 бағыт әлеуметтік маңызы бар деп танылды. Осы орайда келесі жылға&nbsp; жеке тасмалдаушыларға 396 млн теңге субсидия бөлінді», – дейді Бауыржан Оспанов.
</blockquote>
<img src="https://kyzylorda-news.kz/wp-content/uploads/2021/12/0f74581c-9907-4e40-9dbf-bfaa1573cbd6.jpg" alt="" />
Қалада баспанаға зәру тұрғындар саны әлі де азаймай тұр. Әсіресе, әлеуметтік әлсіз топтағы азаматтар үшін бұл басты мәселеге айналған. 2006 жылдан бері баспана кезегіне тұрған олар әлі күнге кезектің жылжымай тұрғанын айтып шағымданды. Осы және өзге де бірнеше мәселемен келген тұрғындардың мұң-мұқтажын тыңдаған тиісті сала басшылары мүмкіндігінше, заңға сәйкес жауап берді.
<img src="https://kyzylorda-news.kz/wp-content/uploads/2021/12/667a5d46-a897-49ba-8cea-acc289e5ff63.jpg" alt="" />

Мүмкіндігі шектеулі жандар «Ten kogam» орталығында құқықтық кеңес алды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Гүлшара Әбдіқалықова өңірдегі бизнес өкілдерімен кездесті.
Жиынға облыстық мәслихат хатшысы Наурызбай Байқадамов, облыс әкімінің орынбасары Нұрлан Тілешев, салалық басқарма басшылары мен кәсіпкерлік саласындағы ұйым жетекшілері және жергілікті бизнес-қауымдастық өкілдері қатысты.
Іс-шара аясында аймақ басшысы жергілікті тауарөндірушілердің өнімдер көрмесімен танысты. Қызылорда қаласы және барлық аудан өнімдері арнайы сөреден орын тапты.
Кездесу барысында облыс әкімі пандемия қиындығына қарамастан кәсіп ашып, өңірде 2023 жылға дейінгі экономикалық даму жоспарының тиімді іске асырылуына және жаңа әрі сапалы жергілікті өнім түрлерін шығару ісінде белсенділік танытқан кәсіпкерлерге алғыс білдірді.
<blockquote>
 «Соңғы кездері облыста кәсіпкерлер балмұздақ, жантақ балы, шұжық, макарон бұйымдары, шоколад өнімдері, қауыннан жасалған чипсы, сиыр, жылқы, қой етінен консервілер, қарақұмық және күріш ботқасынан консервілер сияқты өнімдерді шығарып, оның халыққа қол жетімділігін қамтамасыз еттіңіздер. Мұнан бөлек, өнімнің кейбір түрлері бойынша облыстың өзін-өзі қамтамасыз ету деңгейі ұлғайды, нақты айтқанда макарон өнімдері 3,8-ден 5 пайызға, шұжық өнімдері 0,3-тен 3,1 пайызға, кондитерлік өнімдер 2,1-ден 2,5 пайызға дейін өсті. Өз тарапымыздан кәсіпкерлікті одан әрі дамытуға қолайлы жағдай жасау шараларын қарастырудамыз. Ірі жобалармен қатар шағын және орта бизнестің де жобаларын іске асыруға бағытталған «Байқоңыр» аймақтық әлеуметтік кәсіпкерлік корпорациясының қызметін толығымен қайта құрдық. Сәйкестендіру сертификаттары мен қажетті рұқсат құжаттарын алу бойынша жобаларға сүйемелдеу жұмыстары ұйымдастырылды. Сонымен қатар, «Қызылорда» өңірлік инвестициялық орталығының қызметі 5 жылға ұзартылды. Ішкі нарықты өз өнімдерімізбен қамтамасыз ету мақсатында біз «Қызылорда» өңірлік инвестициялық орталығы арқылы 2%-бен несиелендіру бағдарламасын іске қостық. Басты мәселе – сапалы жергілікті өнім шығарып, жаңа өндірістерді ашу. Сіздерді осы бағытта бірлесіп жұмыс істеуге шақырамын. Бұрын Қызылорда облысын тек мұнай мен күріш арқылы таныса, енді жаңа өнімдерді шығаруды қолға алайық»,-деді облыс әкімі.
</blockquote>
Айта кетейік, карантин кезінде кәсіпкерлерді қолдау бағытында бірқатар шаралар атқарылды. Облыстық кәсіпкерлік және туризм басқармасының басшысы Фердоуси Қожабергенов бизнесті дамыту және өз ісін ашуға бағытталған жұмыстар барысын баяндады. Атап айтқанда, биылдың өзінде шағын кәсіпкерлікті қолдауға 34,6 млрд. теңге қаржы бағытталып, 3 мыңнан аса жоба жүзеге асырылды.
Өткен жылмен салыстырғанда қолдау көрсетілген жобалардың саны 2,4 есеге, ал несие портфелі 1,8 есеге артты. Басқарма басшысы бағдарламаға қатысушылар санының артуына несиелендіру шартының жеңілдетілуі және кейбір банктермен іске қосылған «скоринг» құралы оң ықпалын тигізгенін мәлімдеді. Сондай-ақ, мемлекеттік бағдарламалар шеңберінде бизнесті несиелендіру бағытында облыста 7 банктің филиалы жұмыс жасаса, биыл олардың қатары облыста «Альфа Банк» филиалының ашылуымен толықты.
Бизнес-қауымдастыққа көрсетілген жан-жақты қолдаудың нәтижесінде 2020 жылы облыста тіркелген кәсіпкерлердің саны 4,3 пайызға, белсенді кәсіпкерлердің саны 5,1%-ға артып, өңіріміз көрсеткіштердің өсу қарқыны бойынша республика көлемінде І орынды иеленді.
Сондай-ақ, кездесуде «Атамекен» Қызылорда облыстық кәсіпкерлер палатасының директоры Ғалымбек Жақсылықов кәсіпкерлердің жұмысын жандандыруға қатысты бірқатар ұсыныстарын ортаға салды. Өз кезегінде аймақ басшысы ұсыныстарды саралай келе, қажетті жұмыстарды жүргізу үшін тиісті тапсырмалар берілетінін айтты.
Іс-шара барысында жергілікті кәсіпкерлер өз қызметтері туралы айтып, пікір білдірді. Мәселен, «ЛТД КАУ» жеке кәсіпкерлігінің басшысы Жансия Әлсейітова жартылай фабрикат өндірісін жүргізсе, «Қызылорда Сельхозпродукт» ЖШС директоры Константин Ким ет өнімдерін, ал «Сыздық ата» ЖШС директоры Ғабит Дүйсебаев асыл тұқымды мал өсіру мен ет өнімдерін шығарумен айналысуда. Сондай-ақ, «Аль-Асад» ЖШС директоры Тұрғали Шанкерей 20 жылдан астам уақыт бизнеспен айналысса да, 2 күн ішінде өтініш беріп, қажетті көмек алғанын Сыр өңірінде ғана орын алған ерекше жағдай екенін айтып, облыс әкіміне ризашылығын білдірді. 
Кездесу соңында бірқатар кәсіпкерлер өңір дамуына қосқан үлестері үшін облыс әкімінің Алғыс хатымен марапатталды.
<img src="https://kyzylorda-news.kz/wp-content/uploads/2021/12/akim-2.jpg" alt="" />
<img src="https://kyzylorda-news.kz/wp-content/uploads/2021/12/akim1-1.jpg" alt="" />
<img src="https://kyzylorda-news.kz/wp-content/uploads/2021/12/akimmm.jpg" alt="" />
<img src="https://kyzylorda-news.kz/wp-content/uploads/2021/12/akim3-1.jpg" alt="" />

Қазақстан және Қызылорда облысының жаңалықтары