Kyzylorda-news.kz. «Қазгидромет» РМК мамандары 2 қаңтар, жексенбіге арналған ауа райы болжамын ұсынды.
Суық антициклон әлі де еліміздің шығыс және солтүстік өңірлерінің ауа райына қыпал ете береді. Осыған байланысты жауын-шашынсыз ауа райы сақталады.
Еліміздің батысында, солтүстік-батысында және оңтүстігінде атмосфералық фронттардың әсерінен тұрақсыз ауа райы күтіледі, жауын-шашын, көктайғақ болады және жел күшейеді. Республика бойынша кей жерлерде тұман күтіледі.

2 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> 2022 жыл — өзгерістер жылы. Ол жұлдыз белгілерінің көпшілігіне табыс әкеледі. Ендеше, әр жұлдыз белгілері үшін қай ай табыстырақ болады және кірісіңізді арттыру мүмкіндігін жіберіп алмас үшін қай айда демалыс алмаған жөн?
**Тоқты 
**Бұл жыл басынан бастап, яғни қаңтар-ақпан айларында Тоқтыларды материалдық табыспен қуантады. Өз кірістеріңізді арттыру мүмкіндігі жаз бойы және желтоқсан айында туады. Сондықтан бұл уақытқа демалыс жоспарламаңыз. Жаз Тоқтылар үшін сәтті болмақ: бұл уақытта сіз кез келген міндеттерді ойдағыдай орындай аласыз. Ал тамыздан бастап қазан айының соңына дейін қандай да бір сұрақтарды шешу үшін көбірек күш салу қажет болады. Бастысы — берілмеу. Маусымнан қарашаға дейін өзін-өзі дамытуға жақсы кез. Сәуірдің ортасы мен жыл соңына дейін жылжымайтын мүлікпен айналысуға ниетті Тоқтылар абай болуы керек.
**Торпақ 
**Торпақтар үшін бұл жыл орайлы болмақ. Жылдың басынан бастап сәттілік серігіңіз болады. Бұл жылы өзіңіз үшін уақыт тауып, өзі-өзі дамытумен айналыссаңыз, жақсы болады. Тек қаржы мен саудаға мұқият назар аудару қажет. Жылдың бірінші жартысында келіп түскен ұсыныстарға, әсіресе, олардың қызықтырғыш әрі жағымдыларын қабылдарда абай болыңыз. Кез келген келісімге келерде жақсылап ойланып, барлық сұрақтарды қайта тексеріңіз. Жаңа ірі бірдеңе сатып аларда да мұқият болыңыз. Бұл кезең сәуірдің ортасына дейін жалғасады, содан соң босаңсуға болады. Мансап үшін ең сәтті ай — наурыз.
**Егіздер 
**Ең көпшіл жұлдыз жорамал өкілдері шешім қабылдарда абай болуы керек. 2022 жылдың алғашқы тоқсанында сезімге беріліп, әрекет етуіңіз мүмкін. Алайда кейін ол үшін өкінесіз. Бұл өмірдің барлық саласына қатысты. Сәуірдің ортасында істерді былықтыру қаупі төмендейді, бірақ қаржы жағынан жағымсыз жағдайға түсу қауіпі туындайды. Мұндай жағымсыз жағдай орын алмас үшін қызықтырғыш ұсыныстарға берілмеңіз, түрлі авантюралардан бас тартыңыз және қымбат заттар аларда ойланыңыз. Ал егер қаржы жағынан емес, мансаптың өзіне келер болса, сізді сәтті жыл күтіп тұр. Қазір босаңситын уақыт емес, өзіңізді қолға алыңыз, сіз барлық тапсырмаларды орындай аласыз.
**Шаян 
**Шаяндар үшін бұл жыл мақсаттарды орындауға жақсы кезең болады. Бұл білім алуға жақсы уақыт. Білім қалаған мақсатқа жетуге көмектеседі, егер уақытыңызды бос кетірмесеңіз, еңбегіңіздің жемісін осы жылы көресіз. Сәуірдің аяғынан бастап сезімге беріліп, қателік жіберу қаупі артады. Әр әрекетіңізді ойланыңыз, барлық мүмкін салдарларды алдын ала есептеңіз және өз идеяларыңыз бен қызықтырғыш ұсыныстарға күмәнмен қараңыз. Материалдық тұрғыда тамыз айы қуантады. Сондықтан кірісіңізді арттыру мүмкіндігін жіберіп алмас үшін бұл айға демалыс жоспарламаңыз.
**Арыстан 
**Бұл жұлдыз жорамал өкілдеріне келер жыл қандай да бір ірі, елеулі өзгерістер әкелмейді, бірақ мансап жағынан жақсару болады. Жұмыс орнында үздік болуға мүмкіндік туатын ең белсенді ай — шілде. Жалпы 2022 жылдың жазы — бұл жылдың ең орайлы кезі. Бұл уақытта қандай да бір курс өткеніңіз немесе жаңа нәрсе үйренгеніңіз жақсы. Кірісті арттыруға жағымды айлар — маусым мен қыркүйек.
**Бикеш 
**Бикештер компаниясыз өмір сүре алмайтын жұлдыз белгісіне жатпайды, дегенмен 2022 жылы оларға компанияда болу және айналасындағылармен өз идеяларымен бөлісу ұсынылады. Сәуірдің ортасына дейін Бикештерге басқалардың еліктіргіш ұсыныстарына мұқият қарап, келіп түскен ақпаратты күмәнмен қабылдау ұсынылады. Бұл айналадағылардың бәрі сізді алдап бастайды деген сөз емес, бірақ сіз бірдеңені дұрыс түсінбеуіңіз мүмкін. Сондықтан да мансап сұрақтарындағы кез келген шешімді дұрыстап ойланып қабылдаңыз. Бұл әсіресе, жұмысты ауыстыру шешіміне қатысты айтылған, сәуірдің ортасына дейін жұмысты өзгерту ұсынылмайды. Себебі жаңа орын сізді қуантпайды, тіпті, бұрынғыңыздан да нашар көрінуі мүмкін. Қаржыға келер болсақ, бұл жылы материалдық тұрғыда шілде мен қазан табыстырақ болады.
**Таразы 
**Өкінішке орай, 2022 жыл Таразылардың мансабы үшін жақсы жыл болмайды. Біріншіден, жылдың көп бөлігі күнде қайталанатын жұмыстардан тұрады. Жұмыс әдеттегіден қиын әрі бірсарынды көрінуі мүмкін. Ал айналадағылар әдейі үнемі бірдеңе талап еткендей немесе көмек сұрағандай көрінеді. Бұл 2022 жыл нашар өтеді дегенді білдірмейді: басқалардың өтінішіне жайбарақат қараңыз, ал өз жұмысыңызға стандартты емес тәсіл табуға тырысыңыз. Сәуірден соң өзіңізге мансапқа қатысты проблема жасап алу қаупі жоғары, дегенмен, бұл уақытта жұмыстан шығу немесе оны ауыстыру ұсынылмайды: келесі жылға дейін шыдай тұрыңыз.
**Сарышаян 
**Бұл жыл Сарышаяндарды қуантып та, ренжітіп те үлгереді. Жаздан бастап қазанның соңына дейін күнде қайталанатын жұмысқа және көп күш пен энергияны қажет ететін ұсақ тапсырмаларға толы оңай емес кезең болуы мүмкін. Бірақ уайымдамаңыз, қиын жұмыс болса да, сіз оларды жеңе аласыз. Жылдың басқа уақыты оңтайлы десе болады. Жылдың басына аса мән берген жөн: сәуірдің ортасына дейін кредит немесе қарыз алмаңыз. Егер бұл уақытта материалдық тұрғыдан қиналсаңыз, алдымен таныстарыңыздан сұраңыз, бірақ бұл шешімді де жақсылап ойланыңыз.
**Мерген 
**2022 жылдың қысы мен көктемі жылжымайтын мүлік немесе құрылыспен байланысты сұрақтарды шешу үшін сәтті болмақ. Жаз шабыттың келуімен және жоғары көңіл күймен қуантады. Сондықтан бұл уақытты өмірдің барлық саласы (табысты жұмыс немесе қандай да бір мақсатқа жету) үшін пайдаланыңыз. Жылдың басынан бастап мамырға дейін Мергендер айналадағылардың сөзіне абайлап қарау керек: барлығына бірдей сөзсіз сене берудің қажеті жоқ. Жағымсыз жағдайға түскеннен гөрі немесе қабылдаған шешіміңіз үшін өкінудің орнына келген ақпаратты тағы да бір тексеріп, ұсынысты бірнеше рет ойланған жөн. Сәуірдің екінші жартысынан бастап жылдың аяғына дейін кредит алмау ұсынылады, себебі оны қайтару қиынға соғады.
**Тауешкі 
**2022 жыл Тауешкілер үшін 2021 жыл секілді қаржылық жағдайын жақсарту үшін орайлы болады. Кірісті көбейтуге көмектесетін нақты мақсаттар қойыңыз. Келер жыл материалдық табыспен қуантады, алайда қазір көп шашылудың қажеті жоқ. Егер кішкене үнемдей алсаңыз, өз кірісіңізді біраз арттыра аласыз. Алғашқы төрт ай мансап жағынан ауыр көрінуі мүмкін. Жұмыс шаруаларынан жағымды нәрселерге алаңдап, жиі босаңсуға тырысыңыз. Әйтпесе, жұмыс орныңызды ауыстырғыңыз келуі мүмкін, бірақ бұл уақытта оны ауыстыру ұсынылмайды. Мамырға дейін шыдап, тағы да ойланыңыз.
**Суқұйғыш 
**2022 жылдың ең жақсы болжамының бірі Суқұйғыштарға тап болды. Әлемдегі және елдегі тұрақсыз жағдайға қарамастан өзіңіздің жеке кірісіңізді арттыруға және материалдық табысқа қол жеткізуге мүмкіндіктер болады. Ең табысты уақыт — сәуір-мамыр айлары. Сондықтан бұл айларда демалыс алудың қажеті жоқ. Сәуірдің екінші жартысынан бастап жыл соңына дейін жұмыста қандай да бір қиындықтар туындауы мүмкін. Бастысы – шегінбеу: кез келген қиндықты жеңуге шамаңыз жетеді. Мұндай жағдайда сезімге берілудің және жүйкеңізді тоздырудың қажеті жоқ, проблемаларға сабырмен қараңыз.
**Балықтар 
**Барлық Балықтарды өмірдің барлық саласында, соның ішінде мансап немесе қаржы жағында табыс күтіп тұр. Қандай жақсы болжам болса да, адамның өзінің қатысуынсыз ештеңе жақсы жаққа қарай өзгермейтінін ұмытпаңыз. Егер жылжымайтын мүлікпен (өзіңіз үшін немесе жұмыс бабымен) айналысу ойыңызда болса, оны сәуірдің ортасына дейін қалдыра тұрыңыз. Егер кейінге қалдыруға мүмкіндік болмаса, барлық құжаттар мен келісім шарттарын бірнеше мәрте қайталаңыз. Себебі бұл салада қателесу қаупі жоғарылау. Қаржыға келетін болсақ, ең табысты уақыт мамыр-маусым айлары болады.
<a href="https://massaget.kz/layfstayl/zhadnama/67041/">massaget.kz</a>

2022 жылға арналған жұлдыз жорамал

Kyzylorda-news.kz. 2022 жылды Балалар жылы деп жариялау керек. Бұл туралы қазақстандықтарды Жаңа жылмен құттықтаған ҚР Президенті Қасым-Жомарт Тоқаев айтты.
<blockquote>
 «Мен Мемлекет басшысы ретінде өскелең ұрпақтың болашағына баса мән беремін. Жастарға зор үміт артамын. Жастарымыз атқарылып жатқан ауқымды жұмыстың, реформалардың игілігін міндетті түрде көреді. Олардың арасында көзі ашық, көкірегі ояу, ойы ұшқыр азаматтар аз емес. Біз өскелең ұрпаққа жол ашу үшін барлық жағдайды жасауымыз керек», – деді Президент.
</blockquote>
Осы ретте Мемлекет басшысы балаларға ерекше көңіл бөлу керектігін жеткізді.
<blockquote>
 «Балалар – мемлекетіміздің жарқын болашағының кепілі. Сондықтан да алдағы жылды Балалар жылы деп жариялау керек деп есептеймін. Әңгіме жалаң ұран мен мерекелік шаралар туралы емес. Бірінші кезекте билік тарапынан балаларды қорғау үшін денсаулық сақтау, білім беру, әлеуметтік қолдау бағытында нақты шаралар қолға алынуы керек. Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз», – деді Қасым-Жомарт Тоқаев.
</blockquote>
Айта кетейік, Мемлекет басшысы Қасым-Жомарт Тоқаев қазақстандықтарды Жаңа жылмен құттықтады.

Қасым-Жомарт Тоқаев: 2022 жылды Балалар жылы деп жариялау керек

Kyzylorda-news.kz. Қазақстанда өткен тәулікте 562 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 112, Алматы қаласы – 15, Ақмола облысы – 67, Алматы облысы – 29, Атырау облысы – 5, Шығыс Қазақстан облысы – 60, Жамбыл облысы – 9, Батыс Қазақстан облысы – 18, Қарағанды облысы – 101, Қостанай облысы – 51, Қызылорда облысы – 3, Павлодар облысы – 39, Солтүстік Қазақстан облысы – 53.
Қазақстан бойынша жазылғандар саны – 960773.

Коронавирус: Қызылордада 3 адам індеттен айықты

Kyzylorda-news.kz. Қазақстанда өткен тәулікте 447 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 85, Алматы қаласы – 73, Шымкент қаласы – 18, Ақмола облысы – 37, Ақтөбе облысы – 2, Алматы облысы – 14, Атырау облысы – 10, Шығыс Қазақстан облысы – 19, Жамбыл облысы – 8, Батыс Қазақстан облысы – 6, Қарағанды облысы – 50, Қостанай облысы – 36, Қызылорда облысы – 2, Маңғыстау облысы – 4, Павлодар облысы – 36, Солтүстік Қазақстан облысы – 42, Түркістан облысы – 5.
Жалпы ел бойынша ауырғандар саны 988313.

Қызылордада 2 адамнан коронавирус анықталды

Kyzylorda-news.kz. Суық антициклон еліміздің шығыс, солтүстік өңірлерінің күн райына ықпал етеді. Мұнда күн жауын-шашынсыз болады, деп хабарлайды Қазгидромет.
Еліміздің батысы мен оңтүстігінде атмосфералық ағындардың өтуіне байлагысты күн райы құбылмалы болады. Жауын жауып, көктайғақ болып, жел күшейеі. Республиканың кей жерлерінде тұман түседі.
Маңғыстау облысының басым бөлігінде тұман түсіп, күндіз облыстың солтүстік-батысында көктайғақ болып, желдің жылдамдығы секундына 15-20 метрге жетеді.
Батыс Қазақстан облысының солтүстік-батысында, Атырау облысының батысында, оңтүстігінде және орталығында тұман түсіп, көктайғақ болады. Күндіз Батыс Қазақстан облысының солтүстік-шығысында желдің жылдамдығы 15-20 м/с-ке жетеді.
Ақмола, Алматы облыстарының оңтүстігі мен шығысында, оңтүстігінде, батысында, Түркістан облысының таулы, тау бөктері аудандарында, солтүстігінде, Жамбыл облысының таулы, тау бөктері аудандарында, Қызылорда орталығында, Шығыс Қазақстан облысының солтүстігі мен оңтүстігінде, Ақтөбе облысының орталығы мен солтүстік-шығысында тұман түседі, Алматы облысының Алакөл көлдері ауданында желдің жылдамдығы секундына 18-23 метрге жетеді.

1 қаңтарға арналған ауа райы болжамы

Kyzylorda-news.kz. Үкімет медицина қызметкерлеріне COVID-19-бен күрес аясында эпидемияға қарсы іс-шаралардағы жұмыстар үшін қосымша ақы төленуін қарастыратын қаулы қабылдады, деп хабарлайды денсаулық сақтау министрлігі.
Үстемеақы қауіп деңгейі жоғары болған жағдайда белгіленеді. Сондықтан жансақтау бөлімдері мен басқа да стационарларды қоса алғанда, инфекциялық стационардағы дәрігерлер, орта және кіші қызметкерлерге қосымша ақы төленеді.
Ал орташа қауіп деңгейі зертхана қызметкерлерін, санитарлық-эпидемиологиялық қызмет саласының мамандарын, зертхана мамандары мен лаборанттарды қамтиды.
Сонымен қатар төменгі қауіп жағдайында да үстемеақы қарастырылды. Бұл норма провизорлық стационардағы дәрігерлерге, орта және кіші медициналық қызметкерлерге; орталық атқарушы органдардың әскери-медициналық бөлімшелеріндегі дәрігерлерге, орта және кіші медициналық қызметкерлерге қатысты. Сондай-ақ жедел медициналық жәрдемдегі дәрігерлерге, фельдшерлер мен жүргізушілерге, шұғыл стационарлардың қабылдау бөлімшелеріндегі қызметкерлері де тізімге еніп отыр.
Республикалық бюджет комиссиясының шешімімен 14 миллиард теңге (32,4 миллион доллардан астам) көлемінде қосымша қаражат бөлінді.
Бұл ретте дәрігерлерге, фельдшерлерге және жедел медициналық жәрдем жүргізушілеріне қосымша ақы төлеу коронавирус инфекциясының диагнозы расталған науқас (науқастар) үшін бір және одан да көп шақыру болған жағдайда нақты жұмыс істеген ауысымы үшін жүргізіледі.
2021 жылдың 1 қазанына дейін төленген алдыңғы үстеме ақылар уақытша төлем болғанын, ал жаңа қосымша ақы қызметкер жалақысының негізгі бөлігіне кіріктірілгенін және тұрақты сипаттағы төлем болатынын атап өту керек.

Коронавирус: Mедицина қызметкерлеріне қосымша ақы төленеді

Kyzylorda-news.kz. «Қазгидромет» мамандары 2022 жылғы қаңтар айына ауа райы болжамын ұсынды, деп хабарлайды <a href="https://www.inform.kz/kz/2022-zhyldyn-kantar-ayynda-aua-rayy-kanday-bolady_a3880491">ҚазАқпарат</a>.
Қаңтар айының басында Қазақстан аумағының басым бөлігінде жоғары қысым аймағының әсері сақталады, осыған байланысты аязды, бұлты аз ауа райы болжанады.
Алайда еліміздің батыс аймақтарына Солтүстік циклон жырасының тереңдеуімен, жауын-шашын, желдің күшеюі, көктайғақ болжанады.
Циклон жырасының шығыс бағытта ығысуына байланысты республиканың қалған аумағында да ауа райының сипаты тұрақсыз.
Солтүстік өңірлерде бұрқасын, екпінді жел, оңтүстік өңірлерде жауын-шашын (қар мен жаңбыр түрінде), көктайғақ және тұман болады.
Ауа температурасы елдің солтүстік жартысында түнде -17-28°С-тан -3-13°С-қа дейін, күндіз -10-18°С-тан 0,-8°С-қа дейін, оңтүстік жартысында күндіз +5+12°С-қа дейін, елдің батысында -3+2°С-қа дейін біртіндеп жоғарылайды.
Бірінші онкүндіктің ортасында ел аумағына кезекті суық антициклон әсер ете бастайды.
Республиканың басым бөлігінде жауын-шашын тоқтайды және ауа температурасы біртіндеп төмендейді.
Солтүстік-батыста, солтүстікте, орталықта, ал бірінші онкүндіктің соңында ҚР шығысында түнгі сағаттарда термометр бағаны -17-32°С-қа дейін, оңтүстік жартысында -3-13°С-қа дейін, батысында -8-23°С-қа дейін төмендейді.
Мұндай ауа райы ұзаққа созылмайды, өйткені антициклонның орнына Скандинавия аймақтарынан циклон қайтадан ауысады, оның әсерінен тұрақсыз ауа райы сақталады және аяз әлсірейді.
Консультативтік ауа райы болжамына сәйкес 2022 жылғы қаңтардың екінші және үшінші онкүндігінде Қазақстанның басым бөлігінде ауа райы бірінші онкүндіктегі сияқты жиі өзгереді.
Аязды күндер жылы күндермен алмасады, қар жауады, бұрқасын мен екпінді жел болжанады, ҚР оңтүстік жартысында негізінен жауын-шашын (жаңбыр, қар), көктайғақ құбылыстары мен тұман құбылыстары болады. Иран аудандарынан республиканың басым бөлігіне жылы ауа массалары келеді. Соның әсерінен ауаның орташа айлық температурасы нормадан 1-2° жоғары болады.
Тек елдің солтүстік-батыс бөлігіне циклонның биік жырасының жиі әсер етуімен ауа температурасы климаттық норма шамасында күтіледі.
Жауын-шашын мөлшері республика аумағының басым бөлігінде нормаға жуық.
Қазақстанның солтүстік жартысында, оңтүстіктің, оңтүстік-шығыстың, шығыстың таулы және тау бөктеріндегі аймақтарында нормадан көп болады деп күтілуде.
Маңғыстау облысының оңтүстігінде, Қызылорда облысының оңтүстік-батысында нормадан аз.
Циклондық әрекет және антициклонның жиі әсерінен бір ай ішінде ауа температурасының ауытқуы болжанады:
ҚР солтүстік жартысы мен батысында түнде -25-35°С тан -3-13°С-қа дейін, күндіз -15-25°С тан -5+5°С-қа дейін.
ҚР оңтүстік жартысы мен оңтүстік-батысында түнде -10-28°С тан -5+5°С-қа дейін, күндіз -5-10°С тан +5+15°С-қа.

Қаңтар айында ауа райы қандай болады?

Kyzylorda-news.kz. Бүгін облыс әкімі Гүлшара Әбдіқалықова «Атамекен» отбасы үлгісіндегі балалар ауылына барып, ондағы тәрбиешілер мен балаларды жаңа жыл мерекесімен құттықтап, ақжарма тілегін жеткізді. Тәрбиеленушілер әзірлеген жаңажылдық мерекенің қонағы болды.
Мерекелік шараға облыс әкімінің орынбасары Балжан Шәменова, аппарат басшысы Ерлан Райғаниев, қала әкімі Ғанибек Қазантаев, облыстық білім басқармасының басшысы Ақзира Қасымова, облыстық әйелдер кеңесінің төрайымы Райкүл Байназарова мен балалар ауылының директоры Лиза Скакова мен балалар қатысты. 
Аймақ басшысы алдымен «Алатау» шығармашылық үйінде оқушылар ансамбілінің өнерін тамашалады. Тәрбиеленушілер тақпақтарын айтып, Роман Дмитриев пен 
Нұршат Нышанова оқушылардың жетістіктерімен таныстырды.
Өз кезегінде облыс әкімі еліміздің жарқын болашағы өскелең ұрпақтың еншісінде екендігін алға тартып, сапалы білім алып, талапты болуға шақырып, балаларды ғажайыпқа толы Жаңа жыл мерекесімен құттықтады.
<blockquote>
 Барлығымыз Жаңа жылдан жақсы жаңалық күтеміз, бір-бірімізге жақсылық тілейміз! Сендердің де ерекше тілек тілеп, Аяз атадан әдемі сыйлық алғыларың келетінін білемін. Сол себепті де, бүгін өздеріңді осы бір керемет мерекемен құттықтауға келіп тұрмын. 
 Мен сендердің жағдайларыңды үнемі сұрап отырамын. Қалай оқып жатырсыңдар, сендерді не қызықтырады, барлығы әрдайым менің назарымда. Сендер қандай бір жетістікке жетсеңдер, мен қуанып отырамын. 
 Биыл Тәуелсіздігіміздің 30 жылдығын атап өттік. Енді міне, төртінші онжылдығына қадам бастық. Сендер егемен еліміздің болашағысыңдар. Азат еліміздің келешегін баянды етуге сендердің үлестеріңнің мол боларына сенемін! 
 Үлкен азамат болып өсіңдер! Ұстаздарыңды үлгілі тәртіптеріңмен, жақсы оқуларыңмен қуанта беріңдер! – деді Гүлшара Әбдіқалықова.
</blockquote>
Мерекелік думанды сәтте балалар үйінің тәрбиеленушілеріне облыс әкімі атынан үрлемелі бассейн және тәттілер салынған жаңажылдық себет ұсынылды. 
Мұнан соң, балалар ауылының түлегі, Қорқыт Ата атындағы Қызылорда Университетінде облыс әкімінің грант иегері атанған Ақмарал Сартова облыс әкіміне жүрежарды лебізін арнады. Мерекелік шара ғимарат ауласындағы безендірілген шырша жанында естелік суретке түсумен аяқталды. 
Айта кетейік, «Отбасы үлгісіндегі балалар ауылы» 2015 жылдың 1 маусымында жұмысын бастады. Бүгінде 39 жеткіншек тәрбиеленуде.Мекемедегі 40-тан астам қызметкер жетім және ата-анасының қамқорлығынсыз қалған балаларды тәрбиелеп, ерекше білімді қажет ететін балаларды оқытып, тұлға қалыптастыру жолында еңбек етуде.
<img src="https://kyzylorda-news.kz/wp-content/uploads/2021/12/fb_img_1640947215193.jpg" alt="" />
<img src="https://kyzylorda-news.kz/wp-content/uploads/2021/12/fb_img_1640947208403.jpg" alt="" />
<img src="https://kyzylorda-news.kz/wp-content/uploads/2021/12/fb_img_1640947211464.jpg" alt="" />
<img src="https://kyzylorda-news.kz/wp-content/uploads/2021/12/fb_img_1640947221839.jpg" alt="" />
.

ОБЛЫС ӘКІМІ &#8220;АТАМЕКЕН&#8221; БАЛАЛАР АУЫЛЫНА БАРЫП, ТӘРБИЕЛЕНУШІЛЕРДІ ЖАҢА ЖЫЛМЕН ҚҰТТЫҚТАДЫ

Kyzylorda-news.kz. 2022 жылдың 5 қаңтарынан бастап коронавирус инфекциясы таралуының алдын алу бойынша қосымша шаралар аясында жекелеген нысандардың жұмысына қатысты енгізілетін жаңа шектеулер күшіне енеді.
Қазақстанның бас мемлекеттік санитарлық дәрігерінің қаулысымен жұмыс және демалыс күндері сауда және ойын-сауық орталықтарына, сауда үйлеріне, сауда желілеріне (азық-түлік емес), сауда желілеріне (сауда алаңы 6000 шаршы метрден асатын азық-түлік нысандары), караокеге кіруге қауіпсіз “жасыл” статусы (вакцинация, сынама алынған күннен бері 7 тәулік өтпеген ПТР-тестінің теріс нәтижесі, тұрақты медициналық себебі бар, соңғы 3 ай ішінде коронавируспен ауырып тұрған адамдар) бар қызметкерлер мен келушілерге ғана жұмыс режиміне шектеусіз рұқсат беріледі.
<blockquote>
 “Қабылданған шаралар коронавирустың “Омикрон” нұсқасының таралу жылдамдығына негізделген. Бұл штамм қазірдің өзінде әлемнің 110 елінде анықталды. 30 қарашада-ақ жаңа штамм табылған мемлекеттер саны небәрі 10 болатын”, – деп жазылған COVID-19 таралуына жол бермеу жөніндегі ведомствоаралық комиссия хабарламасында.
</blockquote>
Ведомствоаралық комиссия “Омикрон” штамының жылдам таралуына байланысты бірқатар елдердің денсаулық сақтау жүйесіне шамадан тыс жүктеме түсіп отырғанын айтты. Қабылданған шаралар эпидемиологиялық жағдайдың тұрақтылығын сақтауға, аурулар санының өсу қаупін азайтуға және қатаң шектеу шараларын енгізуге жол бермеуге бағытталған.
Коронавирустың бұл нұсқасының жұқпалылығы “Дельта” штамынан 5 есе жылдам екенін және қайта жұқтыру қаупі жоғары екенін есте ұстаған жөн. Дүниежүзілік денсаулық сақтау ұйымының болжамы бойынша, ауру бірнеше айдың ішінде бүкіл әлемге таралады.
<a href="https://m.sputnik.kz/society/20211231/19032605/qantar-jasyl-status.html">Sputnik Қазақстан</a>

5 қаңтардан бастап &#8220;жасыл&#8221; статусы жоқ адамдарға қандай шектеу енгізіледі?

Kyzylorda-news.kz. Сыр спортшылары жыл басынан бері ҚР чемпионаттарында 1037, Әлем және Азия чемпионаттарында 123 медаль еншіледі. Жалпы биыл облыста бұқаралық спортты дамыту мақсатында 1322 іс шара өтіп, 120 мыңнан аса адам белсенді қатысты.
Облыста халықты спорттық инфрақұрылымымен қамтамасыз ету жағдайында «1000 адамға арналған спорттық алаңдар» санының көрсеткіші бойынша 2021 жылдың қорытындысымен 40,8 пайызды құрады. Бұл жөнінде Өңірлік коммуникациялар қызметінде өткен брифингте облыстық дене шынықтыру және спорт басқармасының басшысы Асылжан Жаманқұл хабарлады.
<blockquote>
 “Биыл Сыр спортшылары үшін табысты жыл болды. Төрт жылда бір рет келетін ең ірі халықаралық спорттық жарыс – Токио Олимпиадасына облыстан үш спортшы қатысып, Қамшыбек Қоңқабаев Олимпиада ойындарының қола жүлдегері атанды. Әлем, халықаралық, республикалық чемпионаттарында біздің спортшылар әр түрлі дәрежеде жүлдегер атанды. Халықтың спорттық нысандарға қолжетімділігін арттыру мақсатында биыл «Ауыл – ел бесігі» бағдарламасы аясында 5 спорт кешені ашылды. Келер жылы «Самұрық» корпоративтік қорының демеушілігімен қалада және Махамбетов ауылдық округінде көпфункционалды спорт кешенінің құрылысын салу жоспарланып отыр”, – деді облыстық дене шынықтыру және спорт басқармасының басшысы Асылжан Жаманқұл.
</blockquote>

«Ауыл &#8211; ел бесігі»: Қызылордада  спорттық 5 кешен ашылды

Kyzylorda-news.kz. Бүгін жаңа жыл мерекесіне орай облыс әкімінің орынбасары Серік Ахмет пен облыстық ішкі саясат басқармасының басшысы Мира Қазбекова соғыс ардагері Любовь Колесникті құттықтап, үйіне барды.
Майданда отан үшін от кешкен ардагерге аймақ басшысының ізгі лебізі жазылған құттықтау хатын жеткізді. Облыс әкімінің орынбасары Серік Ахмет майдангердің қасиетті Отанды қорғаудағы жанкештілігі мен ерлігі бүгінгі ұрпақ үшін үлгі екендігін тілге тиек етіп, кейуанаға ұзақ ғұмыр тіледі.
Айта кетейік, Любовь Колесник – 1925 жылы 4 тамызда қазіргі Түркістан облысы, Арыс қаласында дүниеге келген. Жұбайы Николай Севастьянович Колесник те соғыс ардагері болған. Ол 1944 жылы әскер қатарына шақырылған. Соғыс кезінде Белорусь фронтының дала госпиталінде медбике қызметін атқарып, ержүрек батылдығымен көзге түскен. Соғыс аяқталған соң госпитальда жұмыс жасады. 1945 жылдың қыркүйегінде елге оралып, сол жылы Қызылорда қаласындағы локомотив депо медпунктіне фельдшер болып жұмысқа орналасты. Ұзақ жылдары бойы сол мекемеде еңбек етіп, құрметті зейнет демалысына шыққан.
<img src="https://kyzylorda-news.kz/wp-content/uploads/2021/12/fb_img_1640937460421.jpg" alt="" />

Қазақстан және Қызылорда облысының жаңалықтары

2 қаңтарға арналған ауа райы болжамы

2022 жылға арналған жұлдыз жорамал

Қасым-Жомарт Тоқаев: 2022 жылды Балалар жылы деп жариялау керек

Коронавирус: Қызылордада 3 адам індеттен айықты

Қызылордада 2 адамнан коронавирус анықталды

1 қаңтарға арналған ауа райы болжамы

Коронавирус: Mедицина қызметкерлеріне қосымша ақы төленеді

Қаңтар айында ауа райы қандай болады?

ОБЛЫС ӘКІМІ “АТАМЕКЕН” БАЛАЛАР АУЫЛЫНА БАРЫП, ТӘРБИЕЛЕНУШІЛЕРДІ ЖАҢА ЖЫЛМЕН ҚҰТТЫҚТАДЫ

5 қаңтардан бастап “жасыл” статусы жоқ адамдарға қандай шектеу енгізіледі?

«Ауыл – ел бесігі»: Қызылордада спорттық 5 кешен ашылды

Соғыс ардагеріне құрмет көрсетілді

Қазақстан және Қызылорда облысының жаңалықтары

2 қаңтарға арналған ауа райы болжамы

2022 жылға арналған жұлдыз жорамал

Қасым-Жомарт Тоқаев: 2022 жылды Балалар жылы деп жариялау керек

Коронавирус: Қызылордада 3 адам індеттен айықты

Қызылордада 2 адамнан коронавирус анықталды

1 қаңтарға арналған ауа райы болжамы

Коронавирус: Mедицина қызметкерлеріне қосымша ақы төленеді

Қаңтар айында ауа райы қандай болады?

ОБЛЫС ӘКІМІ &#8220;АТАМЕКЕН&#8221; БАЛАЛАР АУЫЛЫНА БАРЫП, ТӘРБИЕЛЕНУШІЛЕРДІ ЖАҢА ЖЫЛМЕН ҚҰТТЫҚТАДЫ

5 қаңтардан бастап &#8220;жасыл&#8221; статусы жоқ адамдарға қандай шектеу енгізіледі?

«Ауыл &#8211; ел бесігі»: Қызылордада спорттық 5 кешен ашылды

Соғыс ардагеріне құрмет көрсетілді

ОБЛЫС ӘКІМІ “АТАМЕКЕН” БАЛАЛАР АУЫЛЫНА БАРЫП, ТӘРБИЕЛЕНУШІЛЕРДІ ЖАҢА ЖЫЛМЕН ҚҰТТЫҚТАДЫ

5 қаңтардан бастап “жасыл” статусы жоқ адамдарға қандай шектеу енгізіледі?

«Ауыл – ел бесігі»: Қызылордада спорттық 5 кешен ашылды