<a href="https://kyzylorda-news.kz/">Kyzylorda-news.kz</a>. Токиода өтіп жатқан XXXII жазғы Олимпиада ойындарында Қазақстан намысын жерлестеріміз ҚР еңбек сіңірген спорт шеберлері, бокстан Қамшыбек Қоңқабаев пен еркін күрестен Дәулет Ниязбеков және каратэ-додан Әлем чемпионы, ҚР халықаралық дәрежедегі спорт шебері Мөлдір Жаңбырбай қорғайды.
29 ШІЛДЕ күні сағат 14.45-20.10 аралығында бокстан 91 келіден жоғары салмақта Қамшыбек Қоңқабаев өнер көрсетеді.
5 ТАМЫЗ күні 17.00-де каратэден 55 келі салмақ дәрежесінде Мөлдір Жаңбырбай,
6 ТАМЫЗ күні 11.30-да еркін күрестен 65 келіде Дәулет Ниязбековтер жарыс жолына шығады.

Токио: Қызылордалық спортшылар қашан шығады?

<a href="https://kyzylorda-news.kz/">Kyzylorda-news.kz</a>. Аймақта пандемия басталғалы бері коронавирус инфекциясының 9369 жағдайы тіркелді. Мәселен, соңғы тәулікте 168 дерек анықталды. Індет жұқтырғандардың басым көпшілігі облыс орталығынан тіркелуде. Оның ішінде, 14 жасқа толмаған балалардың үлесі 19-ды құрап отыр. Бұл туралы Өңірлік коммуникациялар қызметінің ақпараттық алаңында өткен брифингте облыстық санитариялық-эпидемиологиялық бақылау департаментінің басшысы Динара Жаңабергенова мәлімдеді.
<blockquote>
 «Күнделікті жүргізілетін эпидемиологиялық талдау нәтижелері көрсеткендей, COVID-19 жұқтырғандардың басым көпшілігі вакцина салдырмаған адамдар. Қазір әлемде, республикада, аймақта эпидахуал өршіп тұр. Ауруханалардағы жүктемелер саны артты, індет жұқтырғандардың басым көпшілігі ауыр халде жатыр. Былтырғы жылы аурудың симптомсыз түрі көп тіркелген болса, биыл аурудың мутациялануынан ауыр ағымда өтуде. Бұл жағдайды тұрақтандырудың жолы – ол сақтық шаралары мен вакцинация. Вакцина алу, оның қолжетімділігін қамтамасыз ету үшін барлық жағдайлар жасалған. Онлайн түрде екпеге жазылып, өз емханаңызда немесе ірі сауда орындарында ешбір кезексіз вакциналануға болады. Ауруды еңсеруге бірге күш салуға шақырамыз»,-деді Динара Жаңабергенова.
</blockquote>
1 ақпаны мен 26 шілде аралығында облыста вакцинаның 1 компонентімен 220 060 адам, 2 компонентімен – 140 309 адам екпе салдырған.
Сонымен қатар, мониторингтік топ 11 820 нысанға рейд жүргізген. Нәтижесінде карантин талаптарын бұзған 396 дерек анықталып, әкімшілік айыппұл салынды.

Қызылорда облысында індет жұқтырғандардың саны артуда

<a href="https://kyzylorda-news.kz/">Kyzylorda-news.kz</a>.&nbsp; Өткен жылдан бері барша адамзат баласы үшін «COVID-19» індеті өзекті мәселеге айналып отырған жайы бар. Шетелдік “The Lancet” ғылыми журналының мәліметі бойынша бүгінде әлем бойынша 4 миллионға жуық адам коронавирус ауруынан көз жұмған. Өкінішке орай, ажал құшқандардың саны күн санап көбейіп келеді. Қауіпті кеселді жеңудің жалғыз жалғыз жолы – екпе салдыру болып тұр.
Жасыратыны жоқ, қазір екпе салдыруға қатысты қоғамды сан түрлі пікір мен көзқарас қалыптасқан. Түрлі қауесет әңгімелердің де тарағаны рас. Бірақ бұл ретте мамандардың және толықтай дәлелденген тұжырымдарға сенуге шақырамын.
Мен медицина саласында отыз жылдан астам уақыт жұмыс жасап келе жатырмын. Бұл ретте вакцинацияның маңызын жақсы түсінемін. Өзім алғашқылардың бірі болып екпе салдырған болатынмын. Бүгінде ұжымда бұл процедураның маңызын кеңінен насихаттауға үлесімді қосудамын. Барлық азаматтарды екпе салдырып, ұжымдық иммунитетті қалыптастыруға шақырамын.
Гүлайым Сейілханова,
облыстық психикалық денсаулық орталығы бас дәрігерінің орынбасары.

Гүлайым Сейілханова: Екпе салдырып, ұжымдық иммунитет қалыптастыру маңызды

<a href="https://kyzylorda-news.kz/">Kyzylorda-news.kz</a>.&nbsp; Вакцина салдырған студенттерге сыйлық беріп, жеңілдік жасайтын жоғары оқу орындарының саны артты, деп хабарлады білім және ғылым министрлігінің баспасөз қызметі.
Ведомствоның хабарлауынша, министрдің тапсырмасынан кейін 20 жоғары оқу орны жедел шаралар қабылдап, тізім тағы 10 университетпен толықты.
Оның ішінде Satpayev University, Қарағанды техникалық университеті, С.Өтебаев атындағы Атырау мұнай және газ университеті, Торайғыров университеті, С.Сейфуллин атындағы Қазақ агротехникалық университеті, Оңтүстік Қазақстан мемлекеттік педагогикалық университеті, Қ.А.Ясауи атындағы қазақ-түрік университеті, М.Х.Дулати атындағы Тараз өңірлік университеті бар.
Satpayev University вакцина салдырған студенттерге жеке стартап ашуға 5 миллион теңге грант, ЖОО жатақханаларында тұру үшін 20 орын, елдегі немесе шетелдегі жетекші компанияларда өндірістік практикадан өтуге жұмсалатын шығындарын толық өтеу, Qoldau бизнеске арналған цифрлық платформамен бірлесіп кәсіпкерлік дағдыларды дамыту курстарына 100 сертификат, сессияны уақытында тапсырмаған студенттерге курстардан екінші рет тегін өту және 3 кредитті қайта тегін тапсыру мүмкіндігін беріп отыр.
<blockquote>
 “Қарағанды техникалық университеті вакцина салдырғандар арасында 2022 жылдың жазына студенттер арасында “Политехник” спорт-сауықтыру лагеріне тегін жолдама ойнатады. Сондай-ақ күзгі семестрде студенттерге ағылшын тілі курсына тегін қатысу мүмкіндігі қарастырылған”, – делінген хабарламада.
</blockquote>
С.Өтебаев атындағы Атырау мұнай және газ университеті вакцина салдырған 20 студент пен 10 қызметкерге Түркістан қаласына жолдама береді.
Торайғыров атындағы университет 15 студентке Қазақстанның Конституциясы күніне орай Нұр-Сұлтан қаласына жолдама береді. Сондай-ақ “Баянтау” сауықтыру лагеріне 30 жолдама және фитнес-залға баруға 25 тегін абонемент бермек.
Сонымен қатар бір оқу жылы ішінде ЖОО жатақханасында 40 студенттің тұруына 50% жеңілдік қарастырылған.
Оңтүстік Қазақстан мемлекеттік педагогикалық университетінде өз еркімен вакцина салдырған алғашқы 50 студент конкурстан тыс ең жақсы студенттер үйінде тұруға жолдама алады. Ал университет қызметкерлеріне вакцинадан кейін бір күн демалыс беріледі.
Оқу орнында әрбір 500-ші өз еркімен вакцина салдырған студентке планшет сыйлыққа беріледі. Ал әрбір 200-ші студент Нұр-Сұлтан қаласына жолдама алады.
Қ.А.Ясауи атындағы қазақ-түрік университеті “Сарыағаш”, “Манкент”, “Жаңақорған” шипажайларына 5 жолдама ойнатады. Сондай-ақ студенттерге бағалы сыйлықтар береді.
М.Х.Дулати атындағы Тараз өңірлік университетінде вакцина салдырған 100 студент жарты жылдықта жатақханада тегін тұра алады. Сондай-ақ оқу орнының 50 оқытушысына Ыстықкөлге жолдама беріледі.
Айта кетейік, бұған дейін Қазақстанның жоғары оқу орындары коронавирусқа қарсы вакцина салдырған студенттер үшін оқу ақысын төлеуге жеңілдік қарастырылғанын айтты.
Маусымда Әл-Фараби атындағы ҚазҰУ, Л.Н. Гумилев атындағы ЕҰУ, Абай атындағы ҚазҰПУ, Қ.И. Сәтбаев атындағы ҚазҰТЗУ, М. Әуезов атындағы ОҚУ, М. Өтемісов атындағы БҚУ мен Х. Досмұхамедов атындағы Атырау университеті вакциналау шараларын қолдауға арналған акцияларды бастап кетті.

Вакцина салдырған студенттерге сыйлық беретін университет көбейді

<a href="https://kyzylorda-news.kz/">Kyzylorda-news.kz</a>.&nbsp; Ұлттық қоғамдық сенім кеңесінің мүшелері кеше 730 елді мекенде өткен әкім сайлауының ел дамуындағы орны туралы пікір алмасты, деп хабарлайды ҚазАқпарат.
Ұлттық кеңестің хатшысы, Прездент кеңесшісі Ерлан Қариннің айтуынша, бұл сайлау Президент жариялаған саяси реформалардың сәтті жүзеге асып жатқанын тағы бір рет көрсеткен.
<blockquote>
 «Өздеріңіз білесіздер, екі жылдың ішінде Президенттің бастамасымен саяси реформалар бағытында 10 заң қабылданған болатын. Кеше ғана өткен әкімдердің тікелей сайлауы да сол жаңа заңнамалық нормалардың қабылдануы арқасында жүзеге асып отыр», – деген Ерлан Қарин ауыл мен ауылдық округтің, аудандық маңызы бар қала мен кенттің әкімдерін тікелей сайлау бастамасы бір жылға жетпейтін уақытта іске асқанын еске салды.
</blockquote>
<img src="https://www.inform.kz/radmin/fotofiles/2021/07/26/2107261230069501g.jpg" alt="" />
<blockquote>
 «Былтыр Президент өзінің Қазақстан халқына Жолдауында ауыл әкімдерінің тікелей сайлауын өткізу қажеттігі жөнінде бастамасын жариялаған болатын. Міне сол бастамасы бір жылға жетер-жетпес уақыттың ішінде жүзеге асты. Кешегі өткен сайлау Президенттің жариялаған саяси реформаларының, саяси модернизация курсының түбегейлі жүзеге асуының айқын бір көрінісі болып отыр», – деді Ұлттық кеңес хатшысы.
</blockquote>

Ерлан Қарин: Әкімдер сайлауы Президент ұсынған саяси модернизация курсының түбегейлі жүзеге асып жатқанын көрсетті

<a href="https://kyzylorda-news.kz/">Kyzylorda-news.kz</a>. 2021 жылы 25 шілдеде 40 округ бойынша ауыл, кент, ауылдық округ әкімдеріне сайлау өтті.
Сайлау учаскелері бойынша 36071 азамат сайлаушылар тізіміне енгізілді, оның 30149-ы (83,58%) дауыс беруге қатысты.
<blockquote>
 «Әкімге үміткерлер саны – 122 адам. 40 округтің барлығында әкімдер сайланды. Оның ішінде: партия ұсынған «Nur Otan» партиясы – 30 адам, «Ауыл» ХДПП – 2 адам, «ADAL» ПП – 2 адам, Қазақстан халық партиясы – 1 адам, Өзін-өзі ұсыну бойынша – 5 адам», – делінген облыс әкімдігінің хабарламасында.
</blockquote>

Қызылордада 122 адам әкімдіктен үміткер

<a href="https://kyzylorda-news.kz/">Kyzylorda-news.kz</a>. Жақында Жапония астанасы Токиода үш қабатты үйдің биіктігімен бірдей толқын, қатты жел және нөсер жауын болады деп болжанып отыр. Қазір бұл қалада жазғы Олимпиада ойындары өтіп жатыр.
Жарыс ұйымдастырушылары ауа райына байланысты бірқатар спорт түрінен жарыс уақыты ауысуы мүмкін екенін ескертті.
Жапонияның ұлттық метеорология агенттігі Токиоға “Непартак” тайфунының жақындап жатқанын мәлімдеді, деп хабарлайды Sputnik.
Табиғи апаттан нөсер жауын-шашын және биік толқындар күтілуде. Қазір тайфун Жапониядан оңтүстікке қарай орналасқан Бонин аралдарында.
Табиғат апат өзімен бірге қатты жел әкеледі деп болжанып отыр. Қазір оның жылдамдығы секундына 20 метрді құрайды, бірақ ел астанасына жақындаған сайын одан әрі күшейеді деген болжам бар.
“Непартак” Жапонияның шығыс жағалауына жеткенде, жел толқындарды алты-сегіз метрге дейін көтереді. Метеорологтардың болжамынша, Токиода 100-ден 150 миллиметрге дейін жауын түседі.
Олимпиада-2020 ұйымдастыру комитеті тайфунға байланысты жарыс кестесі өзгеруі мүмкін екенін хабарлады.
Жазғы Олимпиада ойындары Жапонияда былтыр өтуі керек еді, алайда пандемияға байланысты 2021 жылға ауыстырылды.

Олимпиада ойындары өтіп жатқан Токиоға жойқын тайфун жақындап келеді

<a href="https://kyzylorda-news.kz/">Kyzylorda-news.kz</a>. Қала әкімі Ғанибек Қазантаев денсаулық және демалыс саябағында болып, абаттандыруды жандандыру мақсатында кәсіпкерлердің ұсыныстарын тыңдады.
Бүгінгі таңда аумағы 16,5 гектарды құрайтын саябақты жасыл желекпен көмкеру бағытында бірқатар шаралар атқарылып келеді. Мұнда жаяу жүргіншілерге арналған аймақтар қарастырылып, балаларға арналған ойын алаңдары, орындықтар мен кешкі жарықтандыру шамдары, аяқ су каналы жүргізілген.
Қала әкімі саябақты халық игілігіне жаратуға сай әзірленген эскиздік жобаларды негізге алып, саябақтан балаларға арналған аттракцион, демалыс аймағын, жағажай орындарын ұйымдастыру қажеттігіне тоқталды, ол үшін кәсіпкерлерден тың идеялар мен ұсыныстар күтетінін және оны жүзеге асыру үшін толық қолдау білдіретінін жеткізді.
Қала кәсіпкерлеріне берілген тағы да бір мүмкіндік, Қызылорда-Жезқазған трассасы бойындағы 980 гектар тұрғын аумақ пен 150 гектарды құрайтын тұрғын аумақтарынан кәсібін кеңейтіп, жандандыру үшін жер телімдерінің ұсынылуы.
Игілікті бастамаға қолдау білдірген кәсіпкерлер аумақтан дәріхана желісін, монша, ашық немесе жабық сауда қатарларын (базар), сондай-ақ халыққа қызмет көрсететін түрлі нысандарды орналастыруды жоспарлайтынын жеткізді.
Айта кету керек, 2014 жылы жеке тұрғын үй құрылысын дамыту мақсатында Қызылорда-Жезқазған трассасы бойындағы 980 гектарды құрайтын тұрғын аумақтың жобасы әзірленіп, дайын 5112 жер учаскелері 2016 жылдан бастап қала тұрғындарына табысталған.
Қажетті инженерлік инфрақұрылыммен қамтамасыз етілген аумақта жеке тұрғын үй құрылысынан басқа шағын және орта бизнес субъектілеріне жалпы аумағы 4,2 гектарды құрайтын 21 жер учаскесі қарастырылып отыр. 
Қала әкімі аялдаған келесі нысан, Қызылордада жүйелі жұмыс істеп тұрған кәсіпорынның бірі «Дорстрой Тех.Сервис» жауапкершілігі шектеулі серіктестігі. Серіктестік Қызылордада брусчатка, бордюр, қап шығаратын зауыт ретінде үздіксіз жұмыс жасап келеді.
Мұнда серіктестік теңгеріміндегі екі ғимарат «Арнайы экономикалық аймақ» және шағын өнеркәсіптік аймақ құру үшін ұсынылуда.
Оның тиімділігі, республика экономикасының әлемдiк шаруашылық байланыстар жүйесiне енуiн жандандыруға, жаңа технологиялардың бiр немесе бiрнеше сапаларын дамытуға, жоғары тиiмдi өндiрiстер құруға, сондай-ақ өзге де әлеуметтiк проблемаларды шешуге мүмкіндіктер ашады.
<blockquote>
 «Сіздердің қала әлеуетін дамытудағы оң бастамаларыңыз үшін алғыс айта отырып, бұл жобаны бірлесіп, үйлестіру жұмыстарын әрі қарай жүргізу үшін тиісті сала басшыларына қажетті шараларды қабылдауды тапсырамын»,-деді қала әкімі Ғанибек Қазантаев кәсіп иелеріне.
</blockquote>
<img src="https://kyzylorda-news.kz/wp-content/uploads/2021/07/223570792_2882122818721124_2200293327195737978_n.jpg" alt="" />
<img src="https://kyzylorda-news.kz/wp-content/uploads/2021/07/223698842_2882122692054470_4036000499931883937_n.jpg" alt="" />
<img src="https://kyzylorda-news.kz/wp-content/uploads/2021/07/224113082_2882122615387811_6375477196397023896_n.jpg" alt="" />

Ғанибек Қазантаев кәсіпкерлермен кездесті

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2381 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 370,
Алматы қаласы – 416,
Шымкент қаласы – 280,
Ақмола облысы – 139,
Алматы облысы – 72,
Атырау облысы – 257,
Шығыс Қазақстан облысы – 41,
Жамбыл облысы – 25,
Батыс Қазақстан облысы – 50,
Қарағанды облысы – 186,
Қостанай облысы – 179,
Қызылорда облысы – 117,
Маңғыстау облысы – 97,
Павлодар облысы – 29,
Солтүстік Қазақстан облысы – 65,
Түркістан облысы – 58.
Қазақстан бойынша жазылғандар саны – 449377.

Қызылордада 117 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6637 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 1510
Алматы қаласы – 1219
Шымкент қаласы – 520
Ақмола облысы – 192
Ақтөбе облысы – 255
Алматы облысы – 194
Атырау облысы – 420
Шығыс Қазақстан облысы – 139
Жамбыл облысы – 152
Батыс Қазақстан облысы – 168
Қарағанды облысы – 781
Қостанай облысы – 181
Қызылорда облысы – 168
Маңғыстау облысы – 258
Павлодар облысы – 202
Солтүстік Қазақстан облысы – 133
Түркістан облысы – 145
Жалпы ел бойынша ауырғандар саны 535906.

Қызылордада өткен тәулікте 168 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Антициклон жотасының әсерінен Қазақстан аумағының басым бөлігінде жауын-шашынсыз ауа райы күтіледі, деп хабарлайды Қазгидромет.
Тек еліміздің солтүстігінде, шығысында және орталығында атмосфералық фронтальды бөліктердің өтуімен кей жерлерде найзағай, солтүстік-шығыста бұршақ және дауылды жел соғады.
Республика бойынша кей жерлерде желдің күшеюі, оңтүстік және оңтүстік-батыста шаңды дауыл күтіледі.
Павлодар облысының кей жерлерінде найзағай ойнап, жел 15-20 м/с күшейеді, күндіз бұршақ, даул күтіледі.
Түнде Ақмола, күндіз Қарағанды облыстарының кей жерлерінде найзағай күтіледі, Қарағанды облысының кей жерлерінде жел 15-20 м/с күшейеді. Шығыс Қазақстан облысының кей жерлерінде найзағай жарқылдап, күндіз жел 15-20 м/с күшейеді.
Күндіз Түркістан, Қызылорда, Маңғыстау облыстарының кей жерлерінде шаңды дауылмен жел 15-20 м/с күшейеді. Қостанай, Солтүстік Қазақстан, күндіз Жамбыл облыстарының кей жерлерінде желдің жылдамдығы 15-20 м/с жетеді.
Еліміздің оңтүстігінде қатты ыстық сақталады.
Жамбыл облысының кей жерлерінде, Маңғыстау, Алматы, Түркістан, Шығыс Қазақстан облысының кей жерлерінде, Қарағанды облысының оңтүстігінде аптап ыстық сақталады.
Қызылорда, Түркістан, Маңғыстау, Жамбыл облыстарының басым бөлігінде, Алматы, Атырау, Ақтөбе, Қарағанды облыстарының кей жерлерінде, Қостанай облысының оңтүстігінде, Ақмола, Шығыс Қазақстан облыстарының жекелеген аудандарында төтенше өрт қаупі туындайды.

26 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазалы ауданының орталығы — Әйтеке би кентінде тұрғын үйден шыққан өрт уақытылы сөндірілді.
Өрт Нұрила ана көшесіндегі N5 б үйде 18:45 шамасында орын алған. Қазалы аудандық өрт сөндіру бөлімінің қызметкерлерінің күшімен 19:30 шамасында толығымен өшірілді. Адам шығыны жоқ. Мамандардың айтуынша өрт оқиғасы электр сымдарының тұйықталуынан орын алған.
«Оқиға орнына аудан басшысының тапсырмасына сәйкес Әйтеке би кентінің әкімі Қайрақбай Орынбасаров барып, тілсіз жаудан зардап шеккен отбасыға қолдау көрсетті», – делінген аудан әкімдігі баспасөз қызметінің хабарламасында.

Қазақстан және Қызылорда облысының жаңалықтары