<a href="https://kyzylorda-news.kz/">Kyzylorda-news.kz</a>.&nbsp;Бүгін Токио Олимпиадасының бесінші жарыс күні шымылдығын түреді.&nbsp;&nbsp;<a href="https://olympic.kz/kk/article/21882">Olympic.kz</a> қазақстандық спортшылардың жарыс кестесін ұсынады.
Нұр-Сұлтан мен Токио арасындағы уақыт айырмашылығы +3 сағатқа тең.
Қазақстандық спортшылардың жарыс кестесі:
Таеквондо, әйелдер:
Жансель Дениз
Басталуы: 08:00
Садақ ату, ерлер:
Денис Ганькин – Юссоф Толба (Египет)
Басталуы: 09:00
Дзюдо, ерлер:
81 келі, Дидар Хамза – Саид Моллаи (Моңғолия)
Басталуы: 9:25
Теннис, ерлер:
Михаил Кукушкин – Илья Ивашка (Беларусь)
Басталуы: 9:30
Таеквондо, ерлер:
Руслан Жапаров (+81 келі) – Александр Бахманн (Германия)
Басталуы: 9:45
Теннис, әйелдер:
Елена Рыбакина – Донна Векич (Хорватя)
Басталуы: 11:00
Бокс, ерлер:
Абылайхан Жүсіпов (69 келі) – Деланте Джонсон (АҚШ)
Басталуы: 14:15
Василий Левит (91 келі) – Эммануэль Рейес (Испания)
Басталуы: 15:51
Жүзу, 200 метр, брасс:
Дмитрий Баландин
Басталуы: 16:53

Токио-2020: Бүгін жарыс алаңына кімдер шығады?

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 2625 адам коронавирустан жазылып шықты, деп хабарлайды &nbsp;<a href="https://www.coronavirus2020.kz/kz/kazakstanda-otken-taulikte-2625-adam-koronavirus-indetinen-emdelip-shykty_a3816669">coronavirus2020.kz</a>.
Аймақтар бойынша:
Нұр-Сұлтан қаласы – 423,
Алматы қаласы – 631,
Шымкент қаласы – 141,
Ақмола облысы – 140,
Алматы облысы – 68,
Атырау облысы – 60,
Шығыс Қазақстан облысы – 45,
Жамбыл облысы – 148,
Батыс Қазақстан облысы – 70,
Қарағанды облысы – 249,
Қостанай облысы – 190,
Қызылорда облысы – 17,
Маңғыстау облысы – 177,
Павлодар облысы – 182,
Түркістан облысы – 84.
Қазақстан бойынша жазылғандар саны – 452002.

COVID-19: Өткен тәулікте 17 қызылордалық жазылып шықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6797 адамнан ПТР арқылы коронавирус анықталды, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-26-shilde-23-59-dagy-epidemiologiyalyk-zhagday_a3816667">coronavirus2020.kz</a>.
Аймақтар бойынша:
Нұр-Сұлтан қаласы – 1537,
Алматы қаласы – 1207,
Шымкент қаласы – 382,
Ақмола облысы – 195,
Ақтөбе облысы – 175,
Алматы облысы – 260,
Атырау облысы – 480,
Шығыс Қазақстан облысы – 333,
Жамбыл облысы – 141,
Батыс Қазақстан облысы – 136,
Қарағанды облысы – 796,
Қостанай облысы – 209,
Қызылорда облысы – 163,
Маңғыстау облысы – 254,
Павлодар облысы – 207,
Солтүстік Қазақстан облысы – 142,
Түркістан облысы – 180.
Жалпы ел бойынша ауырғандар саны 542703.

Қызылордада 163 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қазгидромет 27 шілдеге арналған ауа райы болжамын жариялады.
Антициклон әсерінен Қазақстан аумағының басым бөлігінде жауын-шашынсыз ауа райы күтіледі. Тек еліміздің солтүстік-батыс, оңтүстік-батыс және шығысында атмосфералық ағындардың өтуімен жаңбыр жауады, найзағай, шығыста бұршақ және дауыл тұруы ықтимал.
Республика бойынша кей жерлерде желдің күшеюі, оңтүстік және оңтүстік-батыста шаңды дауыл, солтүстікте және орталықта түнде және таңертең тұман күтіледі.
Қызылорда облысының басым бөлігінде жоғары өрт қаупі бар.

27 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Жаз – суға түсуге қолайлы мезгіл. Алайда, қауіптілігі тіптен жоғары. Әсіресе, кәмелетке толмаған балалардың үлкендерсіз дария, каналдарға барып, суға шомылуы жағдайды ушықтыратыны анық. Биылдың өзінде 20 бала суға кетіп, көз жұмды. Бұл туралы толығырақ Өңірлік коммуникациялар қызметінде өткен баспасөз конференциясында облыстық төтенше жағдай департаментінің басшысы Руслан Қайрақбаев мәлімдеді.
<blockquote>
 «Түсіндерме жұмыстардың бірі ол – ата-аналармен байланыс орнату. Қала аумағында орналасқан 54 мектептің ата-аналардың келісімімен WHATSAPP желісінде топтар ашылды. Онда күнделікті судағы қауіпсіздік ережелері бойынша түсіндірме жұмыстары жүргізіліп отырады», – дейді Р.Қайрақбаев.
</blockquote>
Сондай-ақ, онлайн режимде облыстың 263 оқушысына «Судағы қауіпсіздік ережелері», «Суда (мұзда) зардап шегушілерді құтқару, алғашқы дәрігерге дейінгі медициналық көмек көрсету тәсілдері» бойынша 13 интерактивтік сабақ өткізілді. Мектеп басшылары мен мұғалімдеріне онлайн арқылы судағы қауіпсіздік ережелері жөнінде сабақ өткізілді.
Жыл басынан облыс аумағында жазғы суға шомылу маусымына байланысты суға шомылуға тыйым салынғаны туралы 286 тақтайша және 97 билбордтар мен көрнекілік тақтайшалар орнатылды.

Қызылордада жыл басынан бері 20 бала суға кетті

<a href="https://kyzylorda-news.kz/">Kyzylorda-news.kz</a>. Ауыр атлетикадан Қазақстан құрамасының еншісінде екінші жүлде. Бұл жолы әйелдер арасында 55 келіге дейінгі салмақта Зульфия Чиншанло қола медальға қол жеткізді. Жұлқа көтеруде 90 келіні бағындырған жерлесіміз серпе көтеруде 123 келіні басынан асырды.
Қоссайыс қорытындысы бойынша Чиншанло 213 келіні еңсерді. Бұл – құрамамыздың қоржынындағы үшінші медаль.
Бұған дейін дзюдошы Елдос Сметов пен ауыр атлет Игорь Сон қола медаль иеленді.

Зульфия Чиншанло қолаға ие болды

<a href="https://kyzylorda-news.kz/">Kyzylorda-news.kz</a>. Орталық Азияның ешбір елінде болмаған тәжірибе. Қазақстан Президент жанындағы Стратегиялық зерттеу институты директорының орынбасары Алуа Жолдыбалина кешегі сайлау осы ерекшелігімен тарихта қалатынын айтады, деп хабарлайды ҚазАқпарат.
<blockquote>
 «25 шілде Қазақстанның тарихында тағы бір айтулы күн болып тарихқа енеді. Себебі Орталық Азия мемлекеттерінің арасында бірінші болып мемлекеттік басқарудың ең төменгі сатысында сайлау өткіздік. Бұл Орталық Азияның ешбір елінде болмаған тәжірибе», – дейді сарапшы.
</blockquote>
Сондай-ақ, ол әкімдер сайлауы былтыр қабылданған саяси реформалардың нәтижесі әрі жалғасы екенін еске салды.
<blockquote>
 «Мысалы, Мәжіліс сайлауына үміткерлерді ұсыну тәртібіне әйел адамдар мен жастарға 30 пайыздық квота енгіздік қой. Бұл жерде ондай квота болмағанымен, бірнеше аймақтағы үміткерлердің тіркелуін талдау кезінде әйел адамдардың белсенділігін көрдік. Ақмола, Павлодар, Солтүстік Қазақстан, Қарағанды, Атырау облыстарында әйел үміткерлердің белсенділігі 30 пайыз шамасында болғанын көрдік. Яғни Парламент сайлауындағы әйелдер белсенділігі әкім сайлауына да әсер еткен. Әйел адамдардың депутаттыққа емес, әкімдікке үміткер ретінде тіркелуі өте жақсы тенденция», – деді ҚСЗИ өкілі.
</blockquote>
Оның пайымынша, әкім сайлауы өңірлердегі саяси мәдениеттің әркелкі екенін көрсеткен.
<blockquote>
 «Менің байқағаным, өзін-өзі ұсынушылардың үлесі көп болды. Бірақ аймақтық ерекшеліктер бар. Ақтөбе, Жамбыл облыстарында өзін-өзі ұсынғандарды үлесі керісінше аз болды. Ал саяси партиялар көбірек үміткер ұсынды. Тағы бір ерекшелік, Атырау, Жамбыл облыстарында бір орынға орта есеппен 3,6 кандидаттан келді. Демек, бәсеке жоғары болған», – деді Алуа Жолдыбалина.
</blockquote>
Сарапшы ауыл әкімдерін сайлаудың алғашқы кезеңі сәтті өтті деуге болатын алғышарттарды атады.
<blockquote>
 «Кешегі сайлауға жұрттың қатысу деңгейі жоғары болды. 90 пайызға дейін жеткен өңірлер бар. Ең төмен көрсеткіштің өзі 75 пайыздың айналасында. Осылай болатыны болжанды да. Өйткені Парламент сайлауында да, Президент сайлауында да ауыл халқы қалалықтарға қарағанда өте жоғары деңгейде қатысады. Байқаушылардың мәліметі бойынша, сайлау кезінде сондай бір өрескел заң бұзу тіркелмеген. Сондай-ақ, қандай да бір арандатуға бағытталған әрекеттер, жалған ақпарат тарату болған жоқ. Осының бәрін ескеретін болсақ, кешегі әкім сайлауының алғашқы кезеңі сәтті өтті деп айтуға болады», – деді ҚСЗИ директорының орынбасары.
</blockquote>

Алуа Жолдыбалина: Әкім сайлауында әйел үміткерлер белсенді болды

<a href="https://kyzylorda-news.kz/">Kyzylorda-news.kz</a>. Токио Олимпиадасында 52 келі салмақ дәрежесінде өнер көрсетіп жүрген қазақстандық боксшы Сәкен Бибосынов алғашқы жекпе-жегін өткізді, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Бибосынов пуэрторикалық Янкьель Ривера Фигероаға қарсы шықты. Екеуі де ашық бокстасты. Төрешілердің шешімімен Бибосынов 4:1 есебімен жеңіске жетті.
Бұған дейін Серік Теміржанов (57 келі) пен Закир Сафиуллин (63 келі) алғашқы жекпе-жектерін сәтті өткізген.&nbsp;&nbsp;
Олимпиадада қазақстандық боксшылар барлық салмақ дәрежесінде өнер көрсетеді. Олар: Сәкен Бибосынов (52 келі), Серік Теміржанов (57 келі), Закир Сафиуллин (63 келі), Абылайхан Жүсіпов (69 келі), Әбілхан Аманқұл (75 келі), Бекзат Нұрдәулетов (81 келі), Василий Левит (91 келі) пен Қамшыбек Қоңқабаев (91 келіден жоғары).
Ал әйелдер арасындағы бокста ел намысын жалғыз Надежда Рябец (75 келі) қана қорғайды.

Токио Олимпиадасы: тағы бір боксшымыз жеңіске жетті

<a href="https://kyzylorda-news.kz/">Kyzylorda-news.kz</a>.&nbsp; Шиелі ауданының Бәйгеқұм ауылдық округіне қарасты Ханқожа көлінің жағалауында ішкі саясат бөлімінің Жастар ресурстық орталығы және «Қызылорда облысының жастар одақтары» қоғамдық бірлестігінің ұйымдастыруымен, Жасыл ел еңбек жасағының сарбаздары және ерікті жастардың қатысуымен «Өз елімде із қалдырмай Sayahattime» экологиялық акциясы өтті.
Тазалық акциясының мақсаты көлдің жағалауын қоқыстан тазарту, қоршаған ортаны ластамау және демалушы ларға жайлы орта қалыптастыру.
Акция барысында қатысушылар Ханқожа көлінің жағалауын бос шыны ыдыстардан тазартып, 30 қап қоқыс шығарды.
<img src="https://kyzylorda-news.kz/wp-content/uploads/2021/07/9645a1a2-e98b-4e8d-bb8a-12d132f35c41.jpg" alt="" />
<img src="https://kyzylorda-news.kz/wp-content/uploads/2021/07/6e403884-53f7-4a6c-9501-aa3240ee9b3c.jpg" alt="" />

Шиеліде «Өз елімде із қалдырмай Sayahattime» экологиялық акциясы өтті

<a href="https://kyzylorda-news.kz/">Kyzylorda-news.kz</a>. Оңтүстікте қар жауды, деп хабарлайды <a href="https://stan.kz/">Stan.kz</a>.
Оңтүстік Африканың орталық бөлігіндегі ауа температурасы тарихта болмаған рекордты жаңартып, минус он градусқа дейін төмендеді.
25 шілде, жексенбі күні&nbsp;Оңтүстік Африка республикасының бірнеше қалаларында қар жауып, көктайғаққа байланысты жолдар жабылды.
Ал бір күн бұрын Оңтүстік Африканың 19 аймағында бұрын-соңды болмаған ең төменгі температура тіркелді.&nbsp;Елдің орталық бөлігінде орналасқан Кимберли қаласында және оған іргелес аудандарда метеорологиялық бақылаулардың барлық кезеңінде алғаш рет ауа температурасы минус 9,9 градусқа дейін төмендеді.
Ал Йоханнесбургте жеті градус аяз тіркелді. Бұл 1995 жылдың 19 шілдесінде тіркелген алдыңғы рекордтан минус 6,3 градусқа суық. Синоптиктердің болжамынша, төмен температура&nbsp;Оңтүстік Африкада тағы бір аптаға созылады.
SAW Оңтүстік Африка метеорологиялық қызметінің синоптигі Лулама Темат қардың жаууына Оңтүстік Атлантикадан суық ауаның қозғалуы&nbsp;себеп болғанын айтты. Бұл мұздату деңгейінің құрлыққа жетуіне әкеліп, жауған жаңбыр қарға айналды.

Қар жауып, рекордтық аяз тіркелді

<a href="https://kyzylorda-news.kz/">Kyzylorda-news.kz</a>. Қызылорда қаласы бойынша білім бөліміне қарасты біршама білім беру мекемелері 100 пайыз ұжымдық иммунитет қалыптастырды.
атап айтар болсақ, №179, 215 және «Нұрбесік», «Бөбек», «Қарлығаш» балабақшалары толық құрамда 100 пайыз вакцина алды. Білім беру мекемелеріндегі ұстаздар вакцина алуды сәуір айында бастаған болатын. Ұжым арасында вакцинация туралы жалпы түсіндіру ғана жүргізілді, бірақ соған қарамастан мұғалімдер саналы түрде өз еркімен екпе салдырды.
№179 орта мектептің математика пәнінің мұғалімі Жұмагелдиев Алтынбек әріптестерін өздері секілді жаппай вакцина алуға шақырды.
<blockquote>
 «Мектеп ұжымдарының басшыларына, әріптестеріме қазіргі эпидемиологиялық жағдайды түсіне отырып, саналы түрде вакцина алуға шақырамын. Біздің мектептің ұжымының тәжірибесіне қарай отырып, басқа ұжымдарға да осындай жағдай қалыптастыра аламыз дей ойлаймын», – деді ол.
 «Бізге ата-аналар сенім артып, балаларын сеніп тапсырып отыр. Сондықтан оқу саласында олқылықтарға жол бермеуге тиіспіз. Әр педагог бірінші өз денсаулығын ойлауы тиіс. Сонымен қатар балалардың қауіпсіздігі басты орында. Әрбір ұжым мүшесі саналы түрде түсінуі керек. «Кемедегінің жаны бір» дейді халқымыз. Педагогтің басты міндеті білім беру, оқушыға тәлім-тәрбие беру. Бұл ұстаз бен оқушының арасында бетпе-бет жүргізілетін үрдіс. Соған тезірек оралайық», – дейді №215 орта мектептің бейінді оқыту ісі жөніндегі орынбасары Жадыра Нұржақыпова.
</blockquote>

Қызылордада 100 пайыз ұжымдық иммунитет қалыптастырған мекемелер бар

<a href="https://kyzylorda-news.kz/">Kyzylorda-news.kz</a>. Құрбан айт қарсаңында ҚМДБ Төрағасы, Бас мүфти Наурызбай қажы Тағанұлының бастамасымен «Қиындықта ел бірге» арнайы қайырымдылық жобасы құрылып, Маңғыстау және Қызылорда өңірлеріндегі қуаңшылыққа байланысты республика имамдары асар ұйымдастырды.
Қысылтаяң кезеңде ҚМДБ-ның әр облыстағы өкілдіктері Маңғыстау мен Арал аймақтарына қолдау көрсетуге көпшілікті жұмылдырды. Әр өкілдіктің бас имамдары арнайы асар жариялап, жамағаттың демеушілігімен қаражат жинады.
Ақтөбе облыстық орталық «Нұр Ғасыр» мешітінің бастамасымен аймақ мешіттері 2 миллион теңге жинап, басқа облыс мешіттерінен 4 050 000 теңге қаражат түсті. Жалпы көлемі 6 050 000 теңгеге 7500 түк шөп сатып алып, аманатты қабылдап алған Ақтөбе облысының бас имамы Серікжан Еншібайұлы бастаған имамдар Ырғыз ауданынан Қызылорда облысының Арал өңіріне 2500 түк шөпті 3 камаз көлігіне артып жіберді. Ал қалған 5000 түк шөпті Темір ауданы, Шұбарқұдық станциясы темір жол торабы арқылы 7 вагонға тиеп, Маңғыстау облысы Бейнеу станциясы, Шетпе станциясы және Жаңаөзен қаласына аттандырды. Ары қарай аманатты қабылдап алып, мұқтаж аймақтарға шөпті жеткізу ісі Қызылорда және Маңғыстау облысы имамдарына табысталды.
Ал Арал ауданына келіп жеткен көмектің алғашқы легін Қызылорда облысының бас имамы Болатбек Ұласқанұлы өзі тапсырды. Аудан әкімі Серік Сермағанбетов Бас мүфтидің бұл бастамасына ризашылығын жеткізіп, Арал ауданы халқының атынан алғыс білдірді.
Қайырымдылық жобасына еліміздің дін қызметкелері мен «Зекет және қайырымдылық» қоры өкілдерінен бөлек жергілікті жамағат та атсалысқанын айта кеткен жөн.
<img src="https://kyzylorda-news.kz/wp-content/uploads/2021/07/225408353_4009417285836108_2988991818231018115_n.jpg" alt="" />

Қазақстан және Қызылорда облысының жаңалықтары