<a href="https://kyzylorda-news.kz/">Kyzylorda-news.kz.</a>&nbsp; Осы қиын-қыстау кезеңде Мемлекет басшысы жедел шешім қабылдап, осы бұзақылықты басу жөнінде бірнеше рет үндеу жариялады. Елімізде төтенше жағдай жариялады. Мұның бәрі тегіннен емес.
Бүгінгі күні барлық өңірде жағдай тұрақталды. Бірақ еркінсуге болмайды. Әлі де болса сырттан кірген бұзақылардың барын БАҚ-тан біліп отырмыз. Сондықтан барынша сақ болуымыз керек. Күштік құрылымдар мен бейбіт тұрғындардың қайтыс болуына байланысты бүгінгі күнді Президентіміз қаралы күн деп жариялады. Бұл марқұмдардың рухына арналған халықтың ниеті. Қаза болған азаматтардың отбасы мен туыстарына Сыр жұртшылығы атынан, облыс ардагерлері атынан қайғыра көңіл айтамыз. Елімізде бейбітшілік, аманшылық болсын!
Серік Дүйсенбаев,
Облыстық ардагерлер кеңесінің төрағасы.

Серік Дүйсенбаев: Өңірде жағдай тұрақталды, бірақ еркінсуге болмайды

<a href="https://kyzylorda-news.kz/">Kyzylorda-news.kz.</a> Бүгін сағат 13:00-де Президент Қасым-Жомарт Тоқаев ҰҚШҰ Ұжымдық қауіпсіздік кеңесінің кезектен тыс сессиясына қатысады. Жиын Қазақстан тарапының бастамасымен шақырылды.
Бұл туралы ҚР Президентінің баспасөз хатшысы Берік Уәли өзінің&nbsp;<a href="https://www.facebook.com/profile.php?id=100003403233694">Facebook</a>&nbsp;парақшасында жазды

Қасым-Жомарт Тоқаев ҰҚШҰ Ұжымдық қауіпсіздік кеңесінің кезектен тыс сессиясына қатысады

<a href="https://kyzylorda-news.kz/">Kyzylorda-news.kz.</a> Қызылордалық полицейлер қаза болған әріптестерін бір минут үнсіздікпен еске алды.
Қазақстан Республикасында жасалған террористік актілер салдарынан адамдардың қаза болуына байланысты елімізде 2022 жылғы 10 қаңтар Жалпыұлттық аза тұту күні деп жарияланды. Жалпыұлттық аза тұту күні&nbsp; Қызылорда облысы Полиция департаментінің ғимаратында&nbsp; Мемлекеттік ту төменге түсірілді. Департаменттің жеке құрамы қаз – қатар тізіліп, 5 қорап құрып, сапқа тұрды. &nbsp;Бүлік кезінде қаза тапқан бейбіт тұрғындар мен әскерилерге, құқық қорғау&nbsp; органдарының қызметкерлерін&nbsp; бір минут үнсіздікпен еске алып, құрмет көрсетті.
<blockquote>
 «Қызылордалық полицейлер барлық Қазақстан халқымен бірге қайғыруда. Бұл біздің еліміз үшін үлкен трагедия», – деді&nbsp; Қызылорда облысы Полиция департаментінің бастығы полиция полковнигі Сұлтан Бектөре. &nbsp;&nbsp;&nbsp;
 «Бірде бір адам бей-жай қарап қалмауы тиіс. Ел басына күн туған сәтте бейбітшілік пен тұрақтылық болуы үшін біз бірігуіміз керек. Ең бастысы – халқымыздың амандығы мен еліміздің тыныштығы», – деді Қызылорда облысы Полиция департаментінің Ардагерлер кеңесінің төрағасы Серікбол Тұңғышбай. &nbsp;&nbsp;&nbsp;
</blockquote>
Қызылорда облысы Полиция департаментінің барлық қызметкерлері&nbsp;және Ардагерлер кеңесі қаза тапқандардың отбасыларына, туған-туысқандары мен жақындарына қайғырып&nbsp;көңіл айтады.

Қызылордалық полицейлер қаза болған әріптестерін бір минут үнсіздікпен еске алды

<a href="https://kyzylorda-news.kz/">Kyzylorda-news.kz.</a> Қызылорда облыстық тәжік-ауған қоғамдық бірлестігінің төрағасы Марат Орынбайұлы қызылордалықтарды қоғамдық тәртіпті сақтауға шақырады.
<blockquote>
 «Құрметті қала тұрғындары! Бүгін елімізде ҚР Бас қолбасшысы, Президент Қасым-Жомарт Тоқаевтың жарлығымен қаралы күн болып белгіленді. Бүгін еліміздің барлық жерінде мемлекеттік Туымыз төмен түсірілді. Бұл оқиға ел тарихында болмаған күн. Ел тыныштығын бұзғысы келген сыртқы күштер ел қауіпсіздігіне сызат түсірді. Елін қорғап, ерлікпен қаза тапқан азаматтарды еліміз ешқашан ұмытпайды. Қаза болған азаматтарымыздың отбасыларына қайғырып көңіл айтамыз. Барша жерлестерімді Мемлекет басшысын қолдап, қоғамдық тәртіп сақтауға шақырамын. Күшіміз – бірдікте!», – дейді Марат Орынбайұлы.
</blockquote>

Марат Орынбайұлы: Мемлекет басшысын қолдап, қоғамдық тәртіп сақтауға шақырамын

&nbsp;<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Қазақстан Республикасының мемлекеттік наградаларымен наградтау туралы жарлыққа қол қойды, деп хабарлады Ақорданың баспасөз қызметі.
“Қаулы етемін: әскери және қызметтік борышын атқару үстінде көрсеткен батылдығы мен жанқиярлығы, сондай-ақ мемлекет мүддесін қорғау кезінде жасаған ерлігі үшін наградталсын:
ІІ дәрежелі “Айбын” орденімен &nbsp;
Әділбай Дастан Әділбайұлы (марқұм)&nbsp;–&nbsp;Ұлттық қауіпсіздік комитеті Жамбыл облысы бойынша департаментінің бөлім бастығы
Барғанаев Дархан&nbsp;Ермекұлы (марқұм) –&nbsp;Ішкі істер министрлігі Алматы облысының полиция департаменті жедел қимылдау арнайы жасағының инспекторы &nbsp;
Жағалбаев Жандос Мұхтарұлы (марқұм)&nbsp;–&nbsp;Ұлттық қауіпсіздік комитеті Шекара академиясының аға офицері
Кабдинов Андрей Вячеславович (марқұм) – Ұлттық қауіпсіздік комитеті Шекара академиясының кафедра бастығы
Сланбеков Рахат Нұрбайұлы (марқұм) –&nbsp;Ішкі істер министрлігі Жамбыл облысының Тараз қаласы полиция басқармасының 1-бөлімінің учаскелік инспекторы; &nbsp;
ІІІ дәрежелі “Айбын” орденімен
Алмасов Нұрболсын Ғаниұлы (марқұм) – Ішкі істер министрлігі Алматы қаласы Полиция департаментінің көлік жүргізуші-полицейі
Аманов Айбат Ерболұлы (марқұм) –&nbsp;Ішкі істер министрлігі Ұлттық ұланның “Оңтүстік” өңірлік қолбасшылығы 5514 әскери бөлімінің әскери қызметшісі
Асылханов Ален Мұхитұлы (марқұм) –&nbsp;Ішкі істер министрлігі Алматы қаласы Полиция департаменті Алмалы ауданы полиция басқармасының көлік жүргізуші-полицейі &nbsp;
Әділхан Жайық Ұғұлқанұлы (марқұм)&nbsp;–&nbsp;Ұлттық қауіпсіздік комитеті Шекара академиясының бөлімше командирі
Бітім Мейірхан Ержанұлы (марқұм)&nbsp;–&nbsp;Ұлттық қауіпсіздік комитеті Шекара академиясының курсанты
Ержанов Ербол Тілеубекұлы (марқұм)&nbsp;–&nbsp;Ішкі істер министрлігі Алматы облысы бойынша Қылмыстық-атқару жүйесі департаменті ЛА-155/16 мекемесінің аға бақылаушысы
Жұпарбеков Дәулет Бауыржанұлы (марқұм)&nbsp;–&nbsp;Ұлттық қауіпсіздік комитеті Шекара академиясының курсанты
Қайсаров Мадияр Оразалыұлы (марқұм) – Ішкі істер министрлігі Ұлттық ұланның “Оңтүстік” өңірлік қолбасшылығы 5547 әскери бөлімінің әскери қызметшісі
Қамбетов Ринат Талғатұлы (марқұм) –&nbsp;&nbsp;Ішкі істер министрлігі Алматы қаласының Полиция департаменті Алмалы ауданы&nbsp;полиция басқармасының көлік жүргізуші-полицейі &nbsp;
Смайылқанов Ғабдолла Ғалымұлы (марқұм)&nbsp;–&nbsp;Қорғаныс министрлігі 21751 әскери бөлімінің маманы (операторы);
“Жауынгерлік ерлігі үшін” медалімен &nbsp;
Нұркенов Әділ Дулатұлы (марқұм)&nbsp;–&nbsp;Ұлттық қауіпсіздік комитетінің кіші жедел уәкілі.
Осы жарлық қол қойылған күнінен бастап қолданысқа енгізіледі”.
Әрі қарай оқу:&nbsp;<a href="https://sputnik.kz/society/20220110/19100254/Toqaev-askeriler-men-politseylerdi-marapattady.html">https://sputnik.kz/society/20220110/19100254/Toqaev-askeriler-men-politseylerdi-marapattady.html</a>

Қаза тапқан әскерилер мен полицейлер мемлекеттік наградаларымен наградталды

<a href="https://kyzylorda-news.kz/">Kyzylorda-news.kz.</a>&nbsp;Алматы қаласы мен Алматы облысын қоспағанда, қаңтардың 10-ынан бастап еліміздің өзге өңірлеріндегі халыққа қызмет көрсету орталықтары қызмет көрсете бастады. Азаматтарға барлық қызмет түрі қолжетімді. Әзірге тек Жамбыл облысында паспорт пен жеке куәлікті рәсімдеу қызметі көрсетілмейді.
Одан бөлек мамандандырылған ХҚО-ның қызметі әзірге қолжетімсіз. Олардың және Алматы қаласы мен Алматы облысындағы бөлімдердің жұмыс істей бастағаны туралы ақпарат қосымша хабарланатын болады.
Байланыс сапасына қарай кейбір қызметтер ара-тұра қолжетімсіз болуы ықтимал екенін алдын ала ескертеміз. 
Жұмыс жанданған өңірлердегі ХҚО-лардың жұмыс кестесі сағат 9.00-ден 18.00-ге дейін.
Елімізде төтенше жағдай жарияланып, террорлық қатердің қызыл деңгейі енгізілді. Клиенттерімізді абай болуға шақырамыз.

Халыққа қызмет көрсету орталығының жұмысы қайта жанданды

<a href="https://kyzylorda-news.kz/">Kyzylorda-news.kz.</a> Біздер соңғы күндері ғұмыр тарихымызда бұрын-соңды болмаған қиын кезеңдерді бастан өткерудеміз. Алатаудай алып кеуделі халықты алатайдай аражікке бөлу, аңғал жұртты айла-шарғыларымен арандату, мемлекетке барынша зиян келтіру секілді сұмпайы мүдделері болған террорлық топтардың кесірінен қанша отбасы қара жамылып, қанша шаңырақ үрей құшағында қалды…
Елімізді осы қиындықтан да Мемлекет басшысының, сұңғыла саясаткер Қасым-Жомарт Кемелұлы Тоқаевтың ізгі бастамалары мен халық игілігі үшін қабылдаған ақылды шешімдері алып шықты!
Ендігі жерде “өткенге – салауат, келешекке – үміт” дей келетін дана халқымыздың парасатты қағидатына сүйеніп, болашағымыздың баянды болуы үшін барлық білім-білігін арнап жатқан Президентіміздің байырқалы бастамаларын ел болып тұтасып, қолдауымыз керек.
Аза тұтып отырған ағайынға сабыр тілеймін! Халқымыздың амандығы, еліміздің тыныштығы – ең ұлы құндылығымыз! Сол құндылықтарымызға ешқашан сызат түспесін! Туымыз тұғырынан ешқашан түспесін!
Ақзира Қасымова,
Облыстық білім басқармасының басшысы.

Ақзира Қасымова: Халқымыздың амандығы &#8211; ең ұлы құндылығымыз

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 514 адам коронавирус індетінен емделіп шықты, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 100,
Шымкент қаласы – 37,
Ақмола облысы – 46,
Ақтөбе облысы – 25,
Алматы облысы – 2,
Атырау облысы – 7,
Шығыс Қазақстан облысы – 3,
Батыс Қазақстан облысы – 95,
Қарағанды облысы – 64,
Қостанай облысы – 10,
Қызылорда облысы – 12,
Павлодар облысы – 37,
Солтүстік Қазақстан облысы – 75,
Түркістан облысы – 1.
Жалпы пандемия басталғалы елімізде коронавирус 997 438 адамда тіркелсе, соның ішінде964166 науқас жазылып шықты.

Covid-19: Қызылордада 12 адам індеттен айықты

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 2087 адамнан коронавирус індеті анықталды, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 1442,
Алматы қаласы – 93,
Шымкент қаласы – 123,
Ақмола облысы – 31,
Ақтөбе облысы – 19,
Алматы облысы – 28,
Атырау облысы – 42,
Шығыс Қазақстан облысы – 16,
Жамбыл облысы – 35,
Батыс Қазақстан облысы – 55,
Қарағанды облысы – 49,
Қостанай облысы – 19,
Қызылорда облысы – 35,
Маңғыстау облысы – 25,
Павлодар облысы – 35,
Солтүстік Қазақстан облысы – 9,
Түркістан облысы – 31.
Жалпы пандемия басталғалы елімізде коронавирус&nbsp;997 438&nbsp;адамнан тіркелді.

Қызылордада коронавирус жұқтырғандар көбейді

<a href="https://kyzylorda-news.kz/">Kyzylorda-news.kz.</a>&nbsp;10 қаңтар Қазақстан бойынша Жалпыұлттық аза тұту күні деп жарияланды.
Елдегі жаппай тәртіпсіздіктер кезінде көптеген адамның қайтыс болуына байланысты ҚР Президенті Қасым-Жомарт Тоқаев 10 қаңтарды Жалпыұлттық аза тұту&nbsp;күні&nbsp;деп&nbsp;жариялады.
Бүгін Қазақстан бойынша Мемлекеттік тулардың барлығы төмен түсіріледі. Осылайша бүлік кезінде қаза тапқан бейбіт тұрғындар мен әскерилер, полиция өкілдері мен құқық қорғау қызметкерлеріне құрмет көрсетіледі.
<blockquote>
 «Алматыда содыр-лаңкестердің қолынан әкімшілік ғимараттар ғана емес, бейбіт тұрғындардың мүлкіне де залал келді. Сондай-ақ жүздеген бейбіт тұрғын мен әскери қызметшінің денсаулығы мен өміріне қатер төнді. Осы трагедиялар кезінде қайтыс болғандардың отбасына көңіл айтамын», – деді Президент.
</blockquote>
Сондай-ақ Мемлекет басшысы қаскөйлікке барған адамдардың бәрі қатаң жазаланатыны айтты.

Бүгін – Жалпыұлттық аза тұту күні

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаевтың Қазақстан халқына үндеуі жарияланды.
Құрметті отандастар!
Елімізде лаңкестікке қарсы операция жалғасуда. Полиция, ұлттық ұлан және армиямыздың күшімен Конституцияға сәйкес заңдылық пен тәртіп орнату мақсатында ауқымды әрі күрделі жұмыс атқарылып жатыр.
Кеше Алматы, Ақтөбе қалалары мен Алматы облысындағы жағдай қалпына келтірілді. Енгізілген төтенше жағдай режимі өз нәтижесін берді. Бүкіл еліміз бойынша конституциялық заңдылық орнатылды. &nbsp;&nbsp;
Бірақ террористер мемлекеттік және жеке азаматтардың дүние-мүлкіне әлі де залалын келтіріп, азаматтарға қарсы қару қолдануда.
Құқық қорғау органдары мен армияға ескертусіз оқ атуға бұйрық бердім.
Шетелде тараптарға келіссөз жүргізіп, &nbsp;проблемаларды бейбіт жолмен шешуге шақырған сөздер айтылуда. Не деген ақымақтық?! Қылмыскерлермен, қанішерлермен қандай келіссөз болуы мүмкін?
Біз қаруланған әрі дайындықтан өткен жергілікті және шетелдік содырлармен бетпе-бет келіп отырмыз. Нақты айтқанда, содырлармен және лаңкестермен. Сондықтан оларды жою керек. Бұл жуық арада жүзеге асырылады.
Күштік құрылымдар бұл міндетті моральдық және техникалық тұрғыдан орындауға дайын.
Өздеріңізге мәлім, ҰҚШҰ-ның жарғылық құжаттарының негізгі ережелеріне сәйкес Қазақстан конституциялық тәртіпті ретке келтіруге көмек беру үшін Ұйымға мүше мемлекеттердің басшыларынан біріккен бітімгерлік күштерін енгізуді сұрады.
Бітімгерлік күштер еліміздегі стратегиялық нысандардың қорғалуын және қызметін қамтамасыз ету үшін қысқа мерзімге келді.
ҰҚШҰ-ға төрағалық етіп отырған Арменияның Премьер-министріне, сондай-ақ Беларусь, Қырғызстан, Тәжікстан президенттеріне шынайы алғыс айтамын.
Ресей Президенті Владимир Путинге ерекше ризашылық білдіремін. Ол менің үндеуіме&nbsp; жедел, ең бастысы, жолдастық ниетпен үн қатты.
Сонымен қатар Қытай Төрағасына, Өзбекстан, Түркия президенттеріне, БҰҰ-ның және басқа да халықаралық ұйымдардың басшыларына қолдау көрсеткені үшін алғыс айтамын.
Еліміздегі қайғылы жағдай демократия мен адам құқығы &nbsp;мәселелерінің жаңа қырын ашып көрсетті.
Демократия дегеніміз – жүгенсіздік емес, әсіресе блогосферада заңға қайшы әрекет ететін арандатушылық емес. &nbsp;
Тәуелсіздіктің 30 жылдығына орай сөйлеген сөзімде заң мен тәртіп еліміздің игілігі мен берекесінің негізгі кепілі екенін айттым.
Бұл тек Қазақстанға ғана емес, барлық өркениетті мемлекетке тән. Бұл азаматтардың бостандығы мен адам құқығын шектеу деген сөз емес. Керісінше, Алматыдағы және Қазақстанның өзге де қалаларындағы қайғылы жағдай заңның сақталмауы, шектен шыққандық және анархия адам құқығының бұзылуына әкеп соқтыратынын көрсетті.
Алматыда содыр-лаңкестердің қолынан әкімшілік ғимараттар ғана емес, бейбіт тұрғындардың мүлкіне де залал келді.
Сондай-ақ&nbsp; жүздеген бейбіт тұрғын мен әскери қызметшінің денсаулығы мен өміріне қатер төнді.
Қаза тапқан азаматтардың отбасылары мен жақындарына қайғырып көңіл айтамын.
Естеріңізде болса, 2020 жылдың мамыр айында менің ұсынысыммен азаматтардың бейбіт жиналыстарды өткізуі туралы заң қабылданды.
Бұл заң, шын мәнінде, елімізде демократияны ілгерілету бағытында жасалған маңызды қадам. Өйткені құжатта митингілер мен жиналыстарды өткізу үшін рұқсат алудың қажет еместігі, тек билік органдарына ескерту жеткілікті екені қарастырылған. Жиынды еліміздің кез келген қаласының орталығында өткізуге болатыны көрсетілген. Алайда қай жерде жиналып, не айтсақ та құқымыз бар деп санайтын кейбір «құқық қорғаушылар» мен «белсенділер» өздерін заңнан жоғары қояды. &nbsp;
Осындай шолақ белсенділердің жауапсыз әрекеттерінің кесірінен полиция қызметкерлері өздерінің негізгі құқықтық тәртіпті сақтау қызметіне толық көңіл бөле алмайды. Оларға көбінесе зорлық-зомбылық көрсетіп, тіл тигізеді.
Осындай «белсенділердің» кесірінен интернет бұғатталады. Нәтижесінде миллиондаған азамат пен отандық бизнес зардап шегеді.
Яғни, ішкі экономикалық, әлеуметтік және саяси тұрақтылыққа орасан зор зиянын тигізеді.
Құқықтық тәртіпті бұзуға өздерін «еркін» бұқаралық ақпарат құралдарымыз деп санайтындар мен біздің көпұлтты халқымыздың негізгі мүдделерінен алшақ «сырттағы қайраткерлер» ықпал етіп, шын мәнінде арандатушылық рөл атқарады.
Осы жауапсыз демагогтардың барлығы Қазақстанда қайғылы жағдайдың туындауына себепкер болды десек, асыра айтқанымыз емес. Біз құқықтық вандализмнің кез-келген түріне қатаң шара қолданамыз.
Біздің тарихымыздағы осы бір қиындықты тез арада еңсеретінімізге ешқандай күмән жоқ. Ең бастысы, болашақта мұндай оқиғалардың қайталануына жол бермеу керек.
Мен құрған ведомствоаралық топ содырлар мен лаңкестерді іздеумен және оларды ұстаумен айналысады. Олардың бәрі қатаң қылмыстық жауапкершілікке тартылады деп азаматтарымызға уәде беремін.
Барша қазақстандықтан өтінерім, сақтық танытып, барынша қырағы болыңыздар. Күмәнді адамдардың қандай да бір күдік тудыратын белсенді әрекетін байқасаңыз, құқық қорғау органдары мен жедел желілерге хабарлаңыздар.
Құқық қорғау органдары мен армияның іс-қимылына, сондай-ақ олардың ведомствоаралық үйлесіміне қатысты анықтайтын мәселе көп.
Арнаулы жасақтың, арнаулы құрал-жабдықтардың жетіспейтіні белгілі болды. Осы мәселелерді шұғыл түрде шешуіміз керек.
Содырлардың терракт жасау туралы жымысқы жоспары мен жасырын дайындығын мемлекет қалайша білмей қалғанын анықтап, түсіну аса маңызды. Тек Алматының өзіне 20 мың содыр шабуыл жасады.
Барлық облыста әскери, әкімшілік және әлеуметтік нысандарға ұйымдасқан түрде, жоғары жауынгерлік дайындықпен және асқан қатігездікпен шабуыл жасау әрекеті олардың нақты жоспарының болғанын көрсетті.
Содырлардан бөлек, идеологиялық диверсия жасауға әбден жаттыққан, жалған ақпараттар мен «фейктер» таратуды шебер меңгерген және адамдардың көңіл-күйіне ықпал ете алатын мамандар жұмыс істеген.
Оларды дайындаумен және басқарумен біртұтас командалық пункт айналысқанға ұқсайды. Бұл мәселемен ҰҚК мен Бас прокуратура айналысып жатыр.
Енді жақсы жаңалықтар туралы.
Жағдайдың тұрақталғанына қарай еліміздің кейбір өңірлерінде интернет-байланысты белгілі бір уақыттарда қосу туралы шешім қабылдадым. Бұл шешім азаматтарымыздың тұрмыс-тіршілігіне оң әсер ететініне сенімдімін.&nbsp;
Алайда, интернетке еркіндік берілгенімен ойына келгенді жазуға, жалған ақпарат таратуға, біреуге тіл тигізуге, арандатушылыққа жол берілмейтінін ескертемін.
Ондай материалдар шықса, олардың авторларын тауып жауапкершілікке тарту шараларын қабылдаймыз.&nbsp;
Лаңкестікке қарсы операция жалғасып жатыр. Содырлар әлі де қаруларын тастаған жоқ, қылмыстарын жалғастыруда немесе соған дайындық жүргізуде. Олармен соңына дейін күресу керек. Берілмегендерді жоямыз.
Болашақта басымыздан өткерген қайғылы жағдайдан сабақ алуымыз керек. Бұның әлеуметтік-экономикалық ауыртпалығы да бар.
Үкімет менің 11 қаңтарда Мәжілісте айтатын сөзіме қатысты нақты шешімдер қабылдауы керек.
Ал әзірге айтарым, қадірлі отандастарым, мен сіздерді мақтан тұтамын.
Осы күндері сабыр сақтап, тұрақтылық пен қоғамдық тәртіпті қамтамасыз етуге күш салған Қазақстан азаматтарына алғыс білдіремін.
Арандату мен деструктивті ұрандарға қарамастан заңға және өз елдеріңізге деген адалдықты сақтап қалдыңыздар.
Ірі қалалардағы студенттерге, еңбек ұжымдарының мүшелеріне, өнеркәсіп және ауыл шаруашылығының жұмысшыларына азаматтық ұстанымдарыңыз үшін алғыс айтамын.
Наразылықтың бейбіт тәртібін сақтағаны үшін өңір тұрғындарына ризашылығымды білдіремін.
Бейбіт шеруде қойылған талаптардың бәрін ескереміз. Диалогтың нәтижесінде компромиске келіп, өткір әлеуметтік-экономикалық мәселелер бойынша шешімдер қабылданды.
Сондықтан жағдай тұрақталған өңірлерде біртіндеп төтенше жағдай режимін аламыз.
Қастерлі Отанымыз – Қазақстан әлем картасындағы егемен ел ретінде қуатты мемлекетке айналады, экономикамыз анағұрлым қарқынды дамиды, азаматтарымыздың әлеуметтік жағдайы жақсара түседі.&nbsp;
Мен мұны зор сеніммен айтып тұрмын. Өйткені, оған қол жеткізу үшін қажетті реформалар мен нақты іс-шаралар жоспарын ұсынатын боламын.
Баршаңызға зор денсаулық, құт-береке тілеймін.
Тек қана аманшылықта кездесе берейік!

Президент Қасым-Жомарт Тоқаевтың Қазақстан халқына үндеуі

<a href="https://kyzylorda-news.kz/">Kyzylorda-news.kz.</a> Қызылорда өңірінде террористік қауіптің қызыл шекті деңгейі енгізілді.
Қазіргі таңда Қызылорда облысының аумағында террористерге қарсы операция жалғасып жатыр. Қарулы топ облыстық, қалалық әкімдікке, Nur Otan партиясы мен облыстық сот ғимаратына шабуыл жасаған. Ондағы қызметкерлер шұғыл түрде көшірілді.
Жарақат алған 168 адам медициналдық көмекке жүгінді. Оның 77-сі ауруханаға жатқызылса, 38 азамат жансақтау бөлімінде жатыр.
Айта кетейікғ аймақта жедел штаб құрылған.

Қазақстан және Қызылорда облысының жаңалықтары

Серік Дүйсенбаев: Өңірде жағдай тұрақталды, бірақ еркінсуге болмайды

Қасым-Жомарт Тоқаев ҰҚШҰ Ұжымдық қауіпсіздік кеңесінің кезектен тыс сессиясына қатысады

Қызылордалық полицейлер қаза болған әріптестерін бір минут үнсіздікпен еске алды

Марат Орынбайұлы: Мемлекет басшысын қолдап, қоғамдық тәртіп сақтауға шақырамын

Қаза тапқан әскерилер мен полицейлер мемлекеттік наградаларымен наградталды

Халыққа қызмет көрсету орталығының жұмысы қайта жанданды

Ақзира Қасымова: Халқымыздың амандығы – ең ұлы құндылығымыз

Covid-19: Қызылордада 12 адам індеттен айықты

Қызылордада коронавирус жұқтырғандар көбейді

Бүгін – Жалпыұлттық аза тұту күні

Президент Қасым-Жомарт Тоқаевтың Қазақстан халқына үндеуі

Қызылордада террористерге қарсы операция жүріп жатыр

Қазақстан және Қызылорда облысының жаңалықтары

Серік Дүйсенбаев: Өңірде жағдай тұрақталды, бірақ еркінсуге болмайды

Қасым-Жомарт Тоқаев ҰҚШҰ Ұжымдық қауіпсіздік кеңесінің кезектен тыс сессиясына қатысады

Қызылордалық полицейлер қаза болған әріптестерін бір минут үнсіздікпен еске алды

Марат Орынбайұлы: Мемлекет басшысын қолдап, қоғамдық тәртіп сақтауға шақырамын

Қаза тапқан әскерилер мен полицейлер мемлекеттік наградаларымен наградталды

Халыққа қызмет көрсету орталығының жұмысы қайта жанданды

Ақзира Қасымова: Халқымыздың амандығы &#8211; ең ұлы құндылығымыз

Covid-19: Қызылордада 12 адам індеттен айықты

Қызылордада коронавирус жұқтырғандар көбейді

Бүгін – Жалпыұлттық аза тұту күні

Президент Қасым-Жомарт Тоқаевтың Қазақстан халқына үндеуі

Қызылордада террористерге қарсы операция жүріп жатыр

Ақзира Қасымова: Халқымыздың амандығы – ең ұлы құндылығымыз