<a href="https://kyzylorda-news.kz/">Kyzylorda-news.kz</a>. Арал ауданына Болат Өтемұратов қоры есебінен 1700 қап жем жеткізілді.
Арал ауданындағы қуаңшылық жағдайына сәйкес Б.Өтемұратов қоры есебінен аудан шаруаларын мал азығымен қамтамасыз ету мақсатында бидай жемін тасымалданып, тұрғындарға үлестіріліп берілуде.
Бүгін қор есебінен жеткізілген 1700 қап жем аудан орталығына және ауданға қарасты Аралқұм, Ақирек ауылдық округінің мал ұстап отырған тұрғындарына кезектілікке сәйкес таратылып берілді.

Болат Өтемұратов қоры: Аралға тағы 1700 қап жем жетті

<a href="https://kyzylorda-news.kz/">Kyzylorda-news.kz</a>. Биылғы 1 шілдедегі жағдай бойынша Қызылорда облысы бойынша медициналық ұйымдарына 40,81 млрд. теңге төленді. Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады, деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
40,81 млрд теңгенің 25,16 млрд теңгесі тегін медициналық көмектің кепілдік көлеміне берілген, 15,65 млрд теңгесі МӘМС аясындағы қызметтерге бөлінген.
2021 жылға Әлеуметтік медициналық сақтандыру қорының филиалымен 60 медициналық қызмет көрсетушілермен келісім – шарт жасалды, оның ішінде – 30 мемлекеттік медициналық ұйым, 30 – жеке меншік.
Барлығы 77,97 млрд теңгеге шарттар жасалды, оның ішінде 51,35 млрд теңге (65,86%) тегін медициналық көмектің кепілдік берілген көлемі шеңберінде, 26,62 млрд теңге (34,14%) МӘМС қаржысы құрайды.

Қызылордада медициналық ұйымдарға 40,81 млрд теңге қаржы төленді

<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасының Ақсай полиция бөліміне жергілікті тұрғын арызданды.
Арызда көрсетілгендей, «Шымкент – Самара» тас жолының бойында орналасқан жер телімдерінің бірінде тұрған темір гаражы ұрланған. Жәбірленушіге келтірілген шығын көлемі 200 мың теңгені құрайды.
Орын алған ұрлық қылмысын ашу мақсатында полицейлер шұғыл әрекетке кірісті. Куәгерлерден жауап алып, қажетті шараларды іске асырды. Нәтижесінде полицейлер қылмыстың ізін суытпай, күдіктіні анықтады. Ол сол аймақтың тұрғыны болып шықты.
Қазіргі таңда, аталған дерек бойынша Қазақстан Республикасы Қылмыстық Кодексінің 188-бабы (Ұрлық) бойынша сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу туралы қолхат түрінде бұлтартпау шарасы қолданылды.

Қызылордада темір гараж ұрлаған тұрғын ұсталды

<a href="https://kyzylorda-news.kz/">Kyzylorda-news.kz</a>. Қызылорда облысы Полиция департаментінің Арал ауданының полиция бөліміне жергілікті тұрғын арызданады. оның айтуынша, белгісіз біреулер аудандағы базардың ішінде тұрған терминалды бұзып, ақша ұрлаған. Жәбірленушіге келтірілген шығынның жалпы көлемі 1 млн 523 теңгені құрады.
Аталған дерек бойынша Қазақстан Республикасы Қылмыстық кодексінің 188-бабының 1-бөлігімен (Ұрлық, яғни бөтеннің мүлкін жасырын жымқыру) сәйкес сотқа дейінгі&nbsp; тергеп-тексеру амалдары жүргізілуде.
Аталған хабарлама бойынша оқиға орнына дереу барған аудандық Полиция бөлімінің қызметкерлері тез арада сұрастыру жұмыстарын жүргізді.
Жедел іздестіру жұмыстары барысында ақша ұрлығы қылмысын жасаған 30 жастағы жергілікті тұрғыны анықталып, заттай дәлелдеме ретінде ұрланған 1&nbsp;млн 523&nbsp;мың теңге ақша&nbsp; алынып, жәбірленушіге қол хат арқылы берілді. Күдіктіге қатысты ешқайда кетпеу туралы қол хат&nbsp; түрінде бұлтартпау шарасы қолданылып, оның басқа да ұрлық қылмыстарына қатыстылығы тексерілуде.
Тәртіп сақшылары Арал ауданының тұрғындарына қырағы болуға және өз мүлкін қараусыз қалдырмауға кеңес береді. Базарларға, дүкенге, үй-жайларға немесе үйлерге кіреберістерде бейнебақылау камералары мен күзет дабылын орнату қажет.
Егер сіз қандай да бір қылмыстық қол сұғушылықтың құрбаны немесе куәгері болған жағдайда дереу «102» телефоны арқылы полицияға хабарласыңыз.

Аралда төлем терминалын бұзып, ақша ұрлаған күдікті ұсталды

<a href="https://kyzylorda-news.kz/">Kyzylorda-news.kz</a>. Қазалы ауданында қысқы жылу беру маусымына дайындық жұмыстары басталып кетті. Бүгінгі таңда аудан тұрғындарына қажетті қатты отынның мөлшері белгіленіп, оны ауданға жеткізу жағы қарастырылуда.Бүгін аудан әкімі Мұхтар Оразбаев көмір тасымалдаушы кәсіпкерлермен кездесті. Кездесуде аудан тұрғындарын қатты отынмен қамтамасыз ету жайы сөз болды.
<blockquote>
 «Қысқы жылу беру маусымында ауданға 20 мың тонна көмір қажет деп жоспарлап отырмыз. Ауданымызға көмір Қарағанды, Павлодар облыстарындағы кеніштерден тасымалданатындықтан, өзіндік құнының жоғарылайтыны белгілі. Дегенмен біз халыққа қатты отынды қолжетімді бағада ұсынып, тапшылықты болдырмау үшін бірлесіп жұмыс жасауымыз қажет. Бүгін тиісті сала басшыларымен бірге осы мәселелерді өздеріңізбен бірге талқылау үшін кездесіп отырмыз», – деді аудан басшысы.
</blockquote>
Басқосуда көмір тасымалдаумен айналысатын жеке кәсіпкер Нұрлан Тұрсұмұратов, «Қазалы Тұлпары» ЖШС директоры Мұхтар Тоғымов өз ой-пікірлерін айтты. Кәсіпкерлердің айтуынша ауданға қажетті қатты отынмен қамтамасыз етуге мүмкіндік мол. Жергілікті кәсіпкерлерден бөлек сырттан келіп көмір сатушылар да бар.
Кездесу соңында аудан әкімдігі мен кәсіпкерлер қысқы жылу беру маусымында қатты отын бағасын тұрақты ұстап тұру мақсатында екі жақты меморандум жасасты.
<img src="https://kyzylorda-news.kz/wp-content/uploads/2021/08/231396084_3121104984777094_7343297462014751775_n.jpg" alt="" />

Қазалыда қысқы жылу беру маусымына 20 мың тонна көмір қажет

<a href="https://kyzylorda-news.kz/">Kyzylorda-news.kz</a>. Әлеуметтік желілер мен мессенджерлерде кейбір вакциналар құрамындағы алюминий оксидтері мен тұздарының зияны туралы бейнеролик таратылуда. Мұндай адъювант Альцгеймер, аутизм және басқа да аурулар тудырмақ-мыс. Шындығында, бұған ешқандай дәлел жоқ деп хабарлайды <a href="https://stopfake.kz/kk/archives/7667">stopfake.kz</a>.
Шын мәнінде, вакциналардағы тұздар немесе алюминий оксидтері денсаулыққа айтарлықтай әсер ете алмайды, өйткені олардың мөлшері өте аз. Құрамында алюминий бар адъюванттар суда ерімейді, қан тамырларына енбейді және бүкіл денеге таралмайды. Осылайша, алюминий негізіндегі адъюванттар денеге зиян келтіріп, аутизм мен Альцгеймер ауруын тудыруы мүмкін деп айтуға толық негіз жоқ. Бұл теорияны растайтын ғылыми дәлелдер де жоқ.

Вакциналардағы алюминий альцгеймер ауруын тудырады &#8211; жалған ақпарат

<a href="https://kyzylorda-news.kz/">Kyzylorda-news.kz</a>. Қазалы ауданында «Жомарт жүрек» қайырымдылық сыйлығының жеңімпаздарына құрмет көрсетілді.
«Жомарт жүрек» байқауы дәстүрлі түрде өткізіліп келе жатқан ізгілікті жоба. Мақсаты – азаматтардың қайырымдылық, меценаттық және мейірбандық идеяларын және жүзеге асырған нәтижелі тәжірибелерін насихаттау.
«Рухани жаңғыру» бағдарламасы аясында ұйымдастырылған шарада Қазалы ауданының әлеуметтік-экономикалық дамуына зор үлес қосқан, қоғам жұмысына белсене атсалысқан ұйымдар мен азаматтар марапат мінберінен көрінді.
Салтанатты шарада аудан әкімінің орынбасары Жалғас Сүйеубаев байқаудың жеңімпаздарына арналған арнайы үлгідегі диплом мен төсбелгі,статуэтка табыстады.
<img src="https://kyzylorda-news.kz/wp-content/uploads/2021/08/229696542_973943773420620_4023550804202149201_n.jpg" alt="" />
<img src="https://kyzylorda-news.kz/wp-content/uploads/2021/08/230964882_973943763420621_3138617448736913149_n.jpg" alt="" />
<img src="https://kyzylorda-news.kz/wp-content/uploads/2021/08/227508936_973943860087278_8436255111685141750_n.jpg" alt="" />
<img src="https://kyzylorda-news.kz/wp-content/uploads/2021/08/229761198_973943780087286_5839180561093115201_n.jpg" alt="" />
<img src="https://kyzylorda-news.kz/wp-content/uploads/2021/08/230308118_973943866753944_7601086152951632520_n.jpg" alt="" />

Қазалыда «Жомарт жүрек» жеңімпаздары марапатталды

<a href="https://kyzylorda-news.kz/">Kyzylorda-news.kz</a>. Қазақстандық боксшы Сәкен Бибосынов 2020 жылы Токиода өтетін Олимпиада ойындарының жартылай финалына шықты.
52 келіге дейінгі салмақ дәрежесінің 1/4 финалында Бибосынов испандық Габриэль Эскобармен кездесіп, төрешілердің бөлек шешімімен жеңіске жетті (3:2).
Бірінші раундта қазақстандық қарсыласын нокдаунға жіберді. Осылайша, Бибосынов Қазақстанға медаль алуға кепілдік берді.
Кейін ширек финалдық кездесуін Қазақстанның тағы бір өкілі – Закир Сафиуллин (63 келіге дейін) өткізеді, ол Австралиядан Гарри Гарсайдпен күреседі.
Естеріңізге сала кетейік, Олимпиада-2020 жартылай финалына Қазақстан құрамасының капитаны Қамшыбек Қонқабаев (91 келіден астам) шықты, финалға шығу үшін ол америкалық Ричард Торреспен күресетін болады. Бұл жекпе-жекте жеңілген спортшы қола медаль алады.

Токио-2020: Боксшы Сәкен Бибосынов жартылай финалға өтті

<a href="https://kyzylorda-news.kz/">Kyzylorda-news.kz</a>. Өңірдегі эпидахуалдың күн санап қиындауы қоғамдағы әрбір азаматты алаңдатып отырғандығы белгілі. Өз кезегінде аймақ ардагерлері қалыптасқан қиын кезеңде тұрғындарға көпшілік орындарға бармауға кеңес беріп, той-жиын, отбасылық мерекелерді мейлінші азайтуды ұсынып отыр. Аймақ ардагерлері бұл туралы бүгін Өңірлік коммуникациялар қызметінің ақпарат алаңында өткен брифингте айтты.
<blockquote>
 «Тұрғындардың маска тағуға құлықсыздық танытуы сақтық шараларын ескермеудің әуелгісі. Маска тағудың да өзіндік қарапайым мәдениеті, ережесі бар. Ол ережені бәріміз білеміз, бірақ ескермейміз. Сол әрекетімізбен қоғамға залал келтіріп жатқанымызды түсінуіміз қажет», – деді облыстық аумақтық инспекциясының ардагері Бақыт Әбдіғаппарұлы.
</blockquote>
Брифингте коммуналдық сала ардагері Келдібай Бектұрғанов та қазіргі жағдайға өз көзқарасын білдіріп, халықты екпе алуда белсенділік танытуға шақырды.
<blockquote>
 «Мамандар адам тағдыры, амандығы үшін індетпен арпалысып, жер жүзіне келген нәубетті жеңудің жалғыз жолы екпе алу екендігін айқындап отыр. Сондықтан біз вакцинадан секем алып, күмәнмен қарамауымыз керек. Вакцинаға қатысты теріс бағыттағы ақпараттардың таралуы тым жоғары қарқынмен жүруде. Бірақ ол ақпараттың растығын тексеріп жатқан адам аз. Алып-қашпа сөзге емес, мамандардың пікіріне сенген дұрыс» – деді ардагер.
</blockquote>

Келдібай Бектұрғанов: Алып-қашпа сөзге емес, мамандардың пікіріне сенген дұрыс

<a href="https://kyzylorda-news.kz/">Kyzylorda-news.kz</a>. Қызылорда облысының халқы вакцина салуда белсенділік танытып келеді. Қазіргі таңда 157 014 адам вакцинаның 2 компонентін алды. Бұл туралы бүгін Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шаймбетов хабарлады.
<blockquote>
 «Өңірімізге отандық «QazVac» вакцинасының 4 мың дозасы жеткізіліп, қала, аудан емханаларына бөлінді. Тұрғындар егу жұмыстарын бастап та кетті», – дейді Жангелді Шаймбетов.
</blockquote>
Жалпы, республика бойынша екпе алудан Қызылорда облысы алдыңғы қатарда келеді. Бүгінге дейін облыста коронавирус инфекциясына қарсы вакцинацияның 1 компонентімен егілгендер саны – 223 487-ге жетіп, халықтың қамтылуы 55,8 пайызды құрады. Ал 2 компонентін алғандар 157 014 адам. Бұл халықтың 39,2 пайызына тең.
Сонымен қатар, осы уақытқа дейін екпе алғандар арасында 130 науқас қана короновирус ауруымен ауырған. Толық 2 компонентін алғандардың ішінде 22 жағдай ғана тіркелді. Дегенмен, адам денесінде толық иммунитет қалыптасуы үшін 14-45 күн өтуі қажет.
Айта кету керек, коронавирус инфекциясына қарсы иммундау науқанына 106 екпе кабинеті мен 37 жылжымалы пункттің жұмысы ұйымдастырылған.

Қызылорда облысы вакцина қабылдауда алдыңғы қатарда

<a href="https://kyzylorda-news.kz/">Kyzylorda-news.kz</a>. Бүгін аудан әкімі Нариман Мақұлбеков ҚР Президентінің Жарлығымен наградталған батыр аналарды қабылдап, ауданның бірқатар көп балалы аналарына «Алтын алқа» және «Күміс алқа» марапаттарын табыстады.
Шара барысында аудан әкімі 8 алтын және 37 күміс алқаны өз иелеріне табыстады.
<blockquote>
 «Кез келген адамның әдептілігі мен жан-дүниесінің сұлулығы ең алдымен балаға ақ сүтін беріп, әлпештеп өсірген ана жүрегінің жылуынан басталады. Бала бойындағы ең жақсы қасиеттер де ең алдымен анадан тарайды. Әлемдегі ең кешірімді, ең мейірімді жан – ана. Ана баласы қандай қателік жасаса да кешіреді. Оның мейірімділігінде шек жоқ. Ана болу – бүкіл өміріне кететін рухани күш пен ерен еңбек. Өнегелі отбасы – елдің тұтқасы! Жарасымды жанұя мен ізгілікті қасиеттерге толы әулет қашан да көпке үлгі болуы тиіс», – деді аудан әкімі.
</blockquote>
Шара барысында алты баланың анасы Ә.Рыспанбетова сөз алып, өз алғысын жеткізді.
<blockquote>
 «Мемлекеттің аналарға көрсеткен құрметі мен аудан басшылығы тарапынан айтылған ізгі тілектер бізді қанаттандыра түсті. Әрбір ананың жүрегінде қуаныш сезімі орнап, жанарлары нұрланды. Елдің ертеңін ойлайтын, ұлтжанды, білімді ұрпақты дүниеге әкеліп, халық санын көбейтуге күш саламыз», – деді 6 баланың анасы, «Күміс алқа» иегері Ә.Рыспанбетова.
</blockquote>
Айта кетейік, қазіргі таңда аудан бойынша 2571 батыр ана бар. Олардың 709-ы «Алтын алқа», 1478-і «Күміс алқа» иелері.
<img src="https://kyzylorda-news.kz/wp-content/uploads/2021/08/231672915_1129055470958244_3292035119710178178_n.jpg" alt="" />

Шиеліде көпбалалы аналар марапатталды

<a href="https://kyzylorda-news.kz/">Kyzylorda-news.kz</a>. Аймақта күн өткен сайын эпидемиологиялық ахуал күрделеніп барады. Облыс бойынша инфекциялық стационарда 1230 науқас ем қабылдауда. Оның 89-ы жансақтау бөлімінде жатыр. Бұл туралы бүгін Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шаймбетов хабарлады.
Өткен тәулікте 210 жағдай тіркелсе, оның басым бөлігі жаңа ошақтан анықталған. Індет басталғалы бері өңірімізде коронавирус инфекциясын 10 951 адам жұқтырған. Қазіргі таңда үй жағдайында ем алып жатқан 1587 науқас бар.
<blockquote>
 «Сақтыққа салғырт қарағанның нәтижесінде көптеген азаматтар кеселді дерттің тырнағына ілігіп, аурумен алысып жатыр. Тіркелім көбейген тұста инфекциялық төсек-орындар санын көбейтіп, дер кезінде тиісті ем шараларын жүргізіп келеміз. Амбулаторлы түрдегі емдеу жұмыстары да жүруде. Алайда, коронавирус инфекциясы белгілі болып, ол туралы емханасына немесе дәрігерге хабарламай, үйден өздігінен ем қабылдап жатқандар қатарынан «Covid-19» көптеп анықталуда. Сол себепті барша тұрғындардан ауру белгісі байқалған сәттен, дәрігерге қаралып, дер кезінде ем бастауы қажет», – деді Ж.Шаймбетов.
</blockquote>
<img src="https://kyzylorda-news.kz/wp-content/uploads/2021/08/229647566_1342999146095594_3272003906976119968_n.jpg" alt="" />

Қазақстан және Қызылорда облысының жаңалықтары

Болат Өтемұратов қоры: Аралға тағы 1700 қап жем жетті

Қызылордада медициналық ұйымдарға 40,81 млрд теңге қаржы төленді

Қызылордада темір гараж ұрлаған тұрғын ұсталды

Аралда төлем терминалын бұзып, ақша ұрлаған күдікті ұсталды

Қазалыда қысқы жылу беру маусымына 20 мың тонна көмір қажет

Вакциналардағы алюминий альцгеймер ауруын тудырады – жалған ақпарат

Қазалыда «Жомарт жүрек» жеңімпаздары марапатталды

Токио-2020: Боксшы Сәкен Бибосынов жартылай финалға өтті

Келдібай Бектұрғанов: Алып-қашпа сөзге емес, мамандардың пікіріне сенген дұрыс

Қызылорда облысы вакцина қабылдауда алдыңғы қатарда

Шиеліде көпбалалы аналар марапатталды

Covid-19: Қызылордада 89 науқастың жағдайы өте ауыр

Қазақстан және Қызылорда облысының жаңалықтары

Болат Өтемұратов қоры: Аралға тағы 1700 қап жем жетті

Қызылордада медициналық ұйымдарға 40,81 млрд теңге қаржы төленді

Қызылордада темір гараж ұрлаған тұрғын ұсталды

Аралда төлем терминалын бұзып, ақша ұрлаған күдікті ұсталды

Қазалыда қысқы жылу беру маусымына 20 мың тонна көмір қажет

Вакциналардағы алюминий альцгеймер ауруын тудырады &#8211; жалған ақпарат

Қазалыда «Жомарт жүрек» жеңімпаздары марапатталды

Токио-2020: Боксшы Сәкен Бибосынов жартылай финалға өтті

Келдібай Бектұрғанов: Алып-қашпа сөзге емес, мамандардың пікіріне сенген дұрыс

Қызылорда облысы вакцина қабылдауда алдыңғы қатарда

Шиеліде көпбалалы аналар марапатталды

Covid-19: Қызылордада 89 науқастың жағдайы өте ауыр

Вакциналардағы алюминий альцгеймер ауруын тудырады – жалған ақпарат