Kyzylorda-news.kz. Қазгидромет он облыс пен бір қалада ауа райына байланысты дабылды ескерту жариялады.
Қызылорда облысының&nbsp;басым бөлігінде түнде жауын-шашын (жаңбыр, қар) күтіледі.
Тәулік бойы облыстың орталығында және оңтүстігінде тұман, &nbsp;көктайғақ сақталады. Жел оңтүстік-батыстан, батыстан соғады.

Жексенбіге арналған ауа райы болжамы

Kyzylorda-news.kz. Бүгін «Шымкент-Самара» тас жолының 1397 шақырымында Арал ауданы, Аралқұм елді мекеннің тұсында жол-көлік оқиғасы орын алды. Бұл туралы Қызылорда облыстық Полиция департаментінің баспасөз қызметі хабарлады.
Қазақстан Республикасы Қылмыстық кодексінің 345-бабының 4-бөлігімен (Автомобильдi басқаратын адамның жол жүрісі қағидаларын бұзып, абайсызда екi немесе одан да көп адамның өлiмiне әкеп соғу) СДТТБТ-не тiркелiп, сотқа дейінгі тергеп-тексеру әрекеттері жүргізілуде. Жол апаты салдарынан 8 адам көз жұмды.
Тиісті сот сараптамалары тағайындалды. Оқиғаның мән-жайлары анықталуда.

Аралдағы жол-көлік оқиғасынан 8 адам көз жұмды

Kyzylorda-news.kz. Қызылорда облысының әкімі Гүлшара Әбдіқалықова аймақта ахуал тұрақты екенін және қалада 9 ғимаратқа жөндеу жұмыстары басталғанын айтты. Бұл туралы облыс әкімі “Facebook” парақшасында жазды.
<blockquote>
 “Қадірлі сырбойылықтар! Сіздер қазір облыста қандай жұмыстар атқарылып жатқанынан бұқаралық ақпарат құралдары, әлеуметтік желілер арқылы хабардар болып отырсыздар деп ойлаймын. Бүгінгі таңда аймақта ахуал тұрақталды. Тұрмыс-тіршілігіміз қайта қалпына келіп жатыр. Кешеден бастап Қызылорда қаласында зардап шеккен 9 ғимаратқа жөндеу жұмыстары жүргізілуде. Ағымдағы жөндеу жасалатындарды жақын уақытта, ал, күрделі жөндеуді қажет ететін ғимараттарды ақпан айының 20-сына дейін бітіруге тапсырма бердім. Ең жұмысы күрделі облыстық сот ғимаратын жөндеуге 80 жұмысшы тартылды. Әрі қарай да жұмысшылар саны арта береді. Коммуналдық қызметтер үздіксіз, тоқтатпай жұмыс істеуін бақылап отырмын. Сыр елін ауызбіршілікпен бірге өркендете берейік!”, – деп жазды аймақ басшысы.
</blockquote>
<img src="https://kyzylorda-news.kz/wp-content/uploads/2022/01/fb_img_1642250668102.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642250670749.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642250674504.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642250691492.jpg" alt="" />

Гүлшара Әбдіқалықова: Тұрмыс-тіршілігіміз қайта қалпына келіп жатыр

Kyzylorda-news.kz. ҚР Ішкі істер министрлігі полиция қызметкерлерінің әрекеттеріне азаматтардың шағымдары үшін call-орталықтардың нөмірлерін жариялады.
Ішкі істер министрі Ерлан Тұрғымбаев Өзіндік қауіпсіздік департаментіне азаматтардан полиция қызметкерлерінің әрекеттеріне қатысты келіп түскен шағымдарды мұқият тексеруді тапсырды. Қазіргі уақытта ішкі органдар бөлімшелері күшейтілген режимде қызмет атқаруда.
“Құқықтық тәртіп” жедел алдын алу іс-шарасы жалғасуда, азаматтар көп жиналатын орындарда және тіршілікті қамтамасыз ету объектілерінде күзет жасақтары күшейтілді.
Жергілікті атқарушы органдармен бірлесіп, өткен оқиғалардың салдарын жою бойынша шаралар қабылдануда.
Бейнебақылау камераларын талдау, сондай-ақ айналасына бей-жай қарамайтын азаматтардан келіп түсетін материалдарды сараптай отырып, бөтеннің мүлкін жоюға не бүлдіруге байланысты бүліктерге, ұрлауға және тонауға қатысушыларды анықтау бойынша іс-шаралар жүргізіледі.
Азаматтардан хабарламалар қабылдау және оларға жедел ден қою үшін Полиция департаменттерінің Жедел басқару орталығы мен комендатуралардың call-орталықтары қызметкерлерінің саны артты.
Сонымен бірге, бұқаралық ақпарат құралдарында және әлеуметтік желілерде полиция қызметкерлерінің заңсыз әрекеттері, оның ішінде ұялы телефондарды тексеруге қатысты ақпараттар жариялануда.
ІІМ азаматтардың ұялы телефондарын олардың келісімінсіз немесе сот органдарының санкциясынсыз тексеруге, сондай-ақ қарауға тыйым салынғанын ресми түрде мәлімдейді.
Осыған байланысты Ішкі істер министрі елдегі құқықтық тәртіпті қамтамасыз етудің өзге мәселелерімен қатар, қызметтер мен аумақтық бөлімшелердің басшыларына азаматтардың конституциялық құқықтарын қатаң сақтауға, оларды негізсіз қылмыстық және әкімшілік қудалауға жол бермеу туралы нұсқау берді.
ІІМ Өзіндік қауіпсіздік департаментіне азаматтардан полиция қызметкерлерінің іс-әрекеттеріне қатысты келіп түскен шағымдарды, соның ішінде полиция бөлімдеріне жеткізілген және ұсталған адамдардың ұялы телефондарын негізсіз тексеруге байланысты фактілерді мұқият тексеру тапсырылды.
Біздің азаматтарымыздан полиция қызметкерлерінің заңсыз әрекеттерінің барлық фактілері бойынша ІІМ ӨҚД-нің тәулік бойы жұмыс істейтін 1402, 8 (7172) 71-41-09 сенім телефонына, министрдің блогы, “ашықтық алаңы” фронт-офистеріне хабарласуды сұраймыз. Сондай-ақ төмендегі өзіндік қауіпсіздіктің аумақтық бөлімшелері хабарласуға болады:
Нұр-Сұлтан қалалық ПД ӨҚБ – 8-702-127-98-18
Алматы қалалық ПД ӨҚБ – 8-707-927-67-69
Шымкент қалалық ПД ӨҚБ – 8 (7252) 21-43-23
Ақмола облысы ПД ӨҚБ – 8 (7162) 25-03-60
Алматы облысы ПД ӨҚБ – 8 (7282) 60-81-58
Ақтөбе облысы ПД ӨҚБ – 8 (7132) 52-16-91
Атырау облысы ПД ӨҚБ – 8 (7122) 25-10-38
Шығыс Қазақстан облысы ПД ӨҚБ – 8 (7232) 23-43-32
Жамбыл облысы ПД ӨҚБ – 8 (7262) 45-43-39, 7-701-072-70-00
Батыс Қазақстан облысы ПД ӨҚБ – 8 (7112) 98-45-68, 98-42-75, 98-40-44, 8-707-290-28-84
Қарағанды облысы ПД ӨҚБ – 8 (7212) 42-93-39
Қостанай облысы ПД ӨҚБ – 8-707-715-44-24
Қызылорда облысы ПД ӨҚБ – 8 (7242) 27-28-74, 8-747-182-51-43
Маңғыстау облысы ПД ӨҚБ – 8 (7292) 47-52-69
Павлодар облысы ПД ӨҚБ – 8 (7182) 32-28-22
Солтүстік Қазақстан облысы ЖП ЕҚБ – 8 (7152) 61-26-89, 8-700-161-26-89
Түркістан облысы ПД ӨҚБ – 8-701-121-93-35
Көліктегі ПД ӨҚБ – 8 (7172) 94-23-20, 8-707-294-23-20.
Әрбір өтініш жеке қаралып, азаматтарға толыққанды жауаптар беріледі.

Полиция қызметкерлерінің әрекетіне азаматтар шағым түсіре алады

Kyzylorda-news.kz. Аймақта ІІІ тоқсанның оқу процесі 17 қаңтардан бастау алады.
Қазіргі таңда Қызылорда облысында эпидемиологиялық ахуал күрделеніп, “қызыл” аймаққа енді. Осыған орай, бүгін облыстың Бас санитарлық дәрігерінің №1 қаулысына сәйкес, облыс және аудан орталықтарындағы мектептерде 31 қаңтар 2022 жылға дейін қашықтықтан оқыту форматында жүргізіледі.
Сонымен қатар арнайы мамандандырылған ұйымдар, ерекше білім беру қажеттілігі бар балаларға арналған, жалпы үлгідегі, дарынды балаларға арналған мектеп-интернаттары қашықтықтан оқитын болады.
Колледж студенттері 6 ақпанға дейін онлайн форматта білім алады.
Ал ауылдық мектептерде оқыту дәстүрлі режимде жалғасып, аймағымыздағы мектепке дейінгі білім беру ұйымдары штаттық режимде жұмыс жасайтын болады.
Сондай-ақ, балалардың түзету кабинеттері, балалар мен ересектердің білім беру орталықтарының (мектептен тыс ұйымдар) жұмысына топты 15 адамнан артық толтырылмаған кезде алдын ала жазылу бойынша штаттық режимде жұмыс жасауына рұқсат етіледі.
Барлық білім беру ұйымдары Қазақстан Республикасының және облыстың Бас мемлекеттік санитариялық дәрігерінің қолданыстағы қаулы талаптарына сәйкес, күшейтілген санитарлық-дезинфекциялық режиммен жұмыс жасайтын болады.
Облыстық білім басқармасының басшысы Ақзира Қасымованың айтуынша, әр білім беру ұйымы балалардың өмірі мен денсаулығына қауіпсіз жағдай жасау бойынша барлық сақтық шараларды қабылдайтын болады. Қазіргі таңда мектептер санитарлық құрал-жабдықтармен толық қамтамасыз етілген. Оқу орындарын желдету, ылғалды тазалау, кварцтаудан тұратын кешенді іс-шаралар жүйелі түрде жүргізіледі.
Сонымен қатар, үшінші оқу тоқсанында облыстың білім беру ұйымдарында карантиндік шараларды сақтауға қатысты арнайы топтар мониторингті жүйелі түрде жүзеге асырады.

Қызылордада ІІІ тоқсан онлайн форматта басталады

Kyzylorda-news.kz. Қызылорда облысының Бас мемлекеттік санитариялық дәрігерінің 2022 жылғы 14 қаңтардағы №1 Қаулысы қабылданды.
Қаулыға сәйкес ТЫЙЫМ САЛЫНАДЫ:
– ойын-сауық, көрермендермен спорттық іс-шараларды, мерекелік корпоративтерді, сондай-ақ митингілер, шерулер, жиындар және адамдар көп жиналатын өзге де ашық ауада, үй ішінде де іс-шараларды, отбасылық еске алу, салтанатты, оның ішінде үйдегі іс-шаралар (банкеттер, үйлену тойлары, мерейтойлар), «Ashyq» жобасына қатысатын объектілерде 30 адамға дейін еске алу өткізуді қоспағанда;
«Ashyq» жобасына қатысуына қарамастан:
– концерт залдарының, театрлар, кинотеатрлар, филармониялардың жұмысына;
– діни бірлестіктер объектілері мен аумақтарында (мешіттер, шіркеулер, соборлар, синагогалар және т. б.) бұқаралық іс-шараларды (жұма намазы, діни жоралар және т. б.) өткізуге;
– конференцияларды, семинарларды, көрмелерді, форумдарды өткізуге (көзбе-көз режимде кеңестерді (отырыстарды) қашықтықтан өткізу мүмкіндігі болмаған жағдайды қоспағанда);
– түнгі клубтарының жұмысына;
– қоғамдық тамақтану объектілерінде бар үстелдерінде қызмет көрсетуге, ән айту және би билеу қызметін көрсететін караоке жұмысына (қоғамдық тамақтану қызметін қоспағанда);
– жеке кездесулерді өткізуге (егілген 10 адамға дейінгі жағдайларды қоспағанда).
БҰДАН БӨЛЕК, ОБЛЫС ЖӘНЕ АУДАН ОРТАЛЫҚТАРЫНДАҒЫ МЕКТЕПТЕР 31 ҚАҢТАР 2022 ЖЫЛҒА ДЕЙІН – ҚАШЫҚТАН ОҚЫТУ ФОРМАТЫНДА БОЛАДЫ, АУЫЛДЫҚ МЕКТЕПТЕР-ДӘСТҮРЛІ ФОРМАТЖОО, ООО-ның БАРЛЫҚ КУРС СТУДЕНТТЕРІ 2022 ЖЫЛҒА ДЕЙІН – ҚАШЫҚТАН ОҚЫТУ ФОРМАТЫНДА БОЛАДЫ
Өзге де шектеулер Қаулы мәтінінде
Қаулы 2022 жылдың 17 қаңтар 00 сағат 00 минуттан бастап күшіне енеді.
<img src="https://kyzylorda-news.kz/wp-content/uploads/2022/01/fb_img_1642226503920.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642226506771.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642226512080.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642226514447.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642226516552.jpg" alt="" />

COVID-19: Жаңа қаулы қабылданды

Kyzylorda-news.kz. Қызылорда облысының Бас мемлекеттік санитариялық дәрігері Динара Жаңабергенова сырбойылықтарға үндеу жариялады.
<blockquote>
 “Құрметті облыс тұрғындары! Соңғы апталардағы көрсеткіштер бойынша аймағымызда коронавирус инфекциясының эпидемиологиялық ахуалы күрт күрделеніп отыр. 2022 жылдың 13 қаңтарынан бастап облыс «қызыл» аймақта. Ағымдағы жылдың небары 14 күнінде 1 231 дерек анықталды. Бұл өткен айдағы көрсеткіштермен салыстырғанда бірнеше есеге жоғары. Соңғы тәулікте 320 адам коронавирус індетіне шалдықты. Бұл пандемия басталған кезден бері тіркелген ең жоғары деңгей – антирекорд. Эпидахуалдың күрт нашарлауының негізгі себептері – мерекелік демалыстар кезеңіндегі халықтың қозғалыс белсенділігінің артуы, қонаққа бару, қонақ шақырудың жиілеуі, ұжымдық іс-шараларда санитариялық-эпидемиологиялық талаптардың орындалмауы, сонымен қатар «омикрон» штамының болу ықтималдығымен байланысты деген болжам да бар. Бүгінгі күні «омикрон» штамы Нұр-Сұлтан және Алматы қалаларында зертханалық жолмен расталды. Бұл үлкен алаңдаушылық туғызады. Себебі облысаралық, қалааралық миграция вирустың таралуына үлкен қауіп төндіреді. «Омикрон» штамының «дельтаға» қарағанда жұғу жылдамдығы 5 есеге жоғары. Адам ағзасында 70 есе тез көбейеді. Өлім-жітім көрсеткіші жоғары болмағанымен, көпшілік жағдайда вирус тудыратын ауыр зардаптарымен қауіпті. Яғни «омикронмен» ауырған адамда тромбоз, инфаркт, инсультке шалдығу, мүгедектік халге түсу тәуекелі өте жоғары болады. Бүгінгі күні әлемнің 100-ден аса елінде «омикрон» анықталып, жағдай ушыға түсуде. Біздің елде де «қызыл» аймаққа енген өңірлер қатары күн сайын артып келеді. Осыған байланысты «омикрон» штамының таралуына қарсы карантиндік шаралар қайта күшейтілді. Карантиндік талаптар әрбір азаматтың денсаулығын қорғауға және өңірдегі санитариялық-эпидемиологиялық салауаттылықты жақсартуға бағытталған. Құрметті облыс тұрғындар! Барлық болжам біздің өзімізге, қауіпсіздігімізді қамтамасыз ету деңгейіне, әрқайсымыздың әрекетімізге тікелей байланысты. Вакцинация талай эпидемияларды жеңудегі бірден-бір құрал болып табылады. Сондықтан азаматтық жауапкершілік танытып, ұжымдық иммунитетке қол жеткізудің қамын жасауымыз керек. КВИ-мен сырқаттанушылықтың өсуіне қарсы іс-қимылдың бірден-бір пәрменді шарасы – вакцинациялау мен ревакцинациялау. Сонымен қатар әлеуметтік байланыстарды шектеу.Үй-жайлардағы халық тығыздығын азайту вирустың таралу қаупін азайтады, себебі ауру жұқтыру көбіне тығыз байланыста болатын жерлерде, желдетуі нашар бөлмелерде арта түседі. Жаһандық сын-қатерлерді ескере отырып, шетелдік сапарларды кейінге қалдырған дұрыс. Сақтық шаралары ғана індетті тоқтата алатындығын естен шығармаңыз. Барлығыңызға амандық тілеймін”, – дейді Қызылорда облысының Бас мемлекеттік санитариялық дәрігері Динара Жаңабергенова.
</blockquote>

Қызылорда облысының Бас мемлекеттік санитариялық дәрігері сырбойылықтарға үндеу жариялады

<a href="https://kyzylorda-news.kz/">Kyzylorda-news.kz.</a>&nbsp;2021 жыл адамзат тарихындағы ең жылы болған алтыншы жылға айналды.
Ғалымдар «әлемде болып жатқан ғаламдық жылынудың әсері рас» дейді. Былтыр мұхиттардағы судың жылылығы рекордты деңгейге жеткен.
Мамандардың пікірінше, бұл өте алаңдатарлық жағдай. Өйткені мұхиттардағы судың жылынуы климат өзгерісінің басты көрсеткіші. Сарапшылар ауаға бөлінетін жылу газдары табиғи құбылыстарға тікелей әсер етеді, сондықтан олардың көлемін азайту өзекті мәселе деп дабыл қағуда. Соңғы жылдары мұз жамылған Арктика жер бетіндегі орташа жылу деңгейінен 3 есе артық жылынып жатыр.
<blockquote>
 «Жылыну деңгейі соңғы 50 жылда аса үлкен қарқынмен жүруде. Болашақта экстремалды табиғи құбылыстар көбейеді. Мұны қазірден жасырмай айтуымыз керек. Әлем жылынған үстіне жылына береді. Өкінішке орай, осындай күрделі жағдайға келе жатырмыз», – дейді «Қоршаған орта туралы ақпарат» ұлттық орталығының өкілі Рассел Воуз.
</blockquote>
<a href="https://24.kz/kz/zha-aly-tar/o-am/item/521800-2021-zhyl-tarikhta-e-zhyly-bol-an-altynshy-zhyl-a-ajnaldy">Хабар 24</a>

2021 жыл тарихта ең жылы болған алтыншы жылға айналды

Kyzylorda-news.kz. Қазақстанда өткен тәулікте 1289 адам коронавирустан жазылды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 302, Алматы қаласы – 143, Шымкент қаласы – 26, Ақмола облысы – 37, Алматы облысы – 28, Атырау облысы – 12, Шығыс Қазақстан облысы – 65, Жамбыл облысы – 34, Батыс Қазақстан облысы – 35, Қарағанды облысы – 179, Қостанай облысы – 18, Қызылорда облысы – 2, Маңғыстау облысы – 5, Павлодар облысы – 141, Солтүстік Қазақстан облысы – 247, Түркістан облысы – 15.
Қазақстан бойынша жазылғандар саны – 969156.

Қызылордада 2 адам коронавирустан жазылды

Kyzylorda-news.kz. Қазақстанда өткен тәулікте 12381 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 5788, Алматы қаласы – 1549, Шымкент қаласы – 380, Ақмола облысы – 330, Ақтөбе облысы – 300, Алматы облысы – 405, Атырау облысы – 521, Шығыс Қазақстан облысы – 105, Жамбыл облысы – 192, Батыс Қазақстан облысы – 246, Қарағанды облысы – 1521, Қостанай облысы – 104, Қызылорда облысы – 320, Маңғыстау облысы – 234, Павлодар облысы – 223, Солтүстік Қазақстан облысы – 22, Түркістан облысы – 141.
Жалпы ел бойынша ауырғандар саны 1036385.

Қызылордада 320 адамнан коронавирус анықталды

Kyzylorda-news.kz. Баренц теңізі аудандарындағы белсенді циклон жаңбыр мен қар түрінде мол жауын – шашын әкеледі, Оңтүстік Қазақстанның таулы аудандарында қатты жауын-шашын болады, деп хабарлайды Қазгидромет.
Сондай-ақ, көктайғақ, қатты жел бұрқасынмен бірге, солтүстікте, батыста, оңтүстікте, елдің орталығында желдің екпіні 30 м/с және одан да аса болады деп күтілуде. Республика бойынша кей жерлерде тұман күтіледі.
Түркістан облысының оңтүстігінде, таулы аудандарында тұман, жел 15-20, таңертең және күндіз солтүстікте, батыста, облыстың таулы және тау бөктеріндегі аудандарында екпіні 23-28 м/с, таулы асуларда 30 м/с және одан да аса күтіледі.
Жамбыл облысының таулы және тау бөктеріндегі аудандарында, солтүстігінде тұман күтіледі, облыстың оңтүстік-батысында жел 15-20, екпіні 23-28 м/с, облыстың оңтүстік-батысында 30 м/с және одан да аса болады.
Батыс Қазақстан облысының басым бөлігінде көктайғақ, бұрқасын, желдің күші 15-20, екпіні 23-28 м/с, облыстың солтүстік жартысында 30 м/с және одан да аса.
Қостанай облысының басым бөлігінде көктайғақ, бұрқасын күтіледі, жел 15-20, екпіні 23-28 м/с, облыстың оңтүстігінде 30 м/с және одан да аса күтіледі.
Қарағанды облысының батысында, солтүстігінде, шығысында бұрқасын, көктайғақ күтіледі, облыстың басым бөлігінде желдің күші 15-20, екпіні 23-28 м/с, облыстың солтүстік-батысында 30 м/с және одан да асуы ықтимал Ақмола облысының басым бөлігінде бұрқасын, желдің күші 15-20, екпіні 23-28 м/с, солтүстік-батыста, шығыста кей уақыттарда 30 м/с және одан да аса күтіледі, күндіз облыстың оңтүстігінде көктайғақ болады.
Күндіз Павлодар облысының батысында, солтүстігінде бұрқасын, көктайғақ күтіледі, күндіз облыстың басым бөлігінде жел 15-20, екпіні 23-28 м/с, облыстың солтүстігінде, батысында 30 м/с және одан да аса болады.
Түнде оңтүстік-батыста, батыста, күндіз Солтүстік Қазақстан облысының басым бөлігінде желдің күші 15-20 м/с, облыстың оңтүстігінде екпіні 23-28 м/с бұрқасынмен бірге күтіледі.
Шығыс Қазақстан облысының батысында, солтүстігінде жаяу бұрқасын, көктайғақ күтіледі, облыстың оңтүстік-батысында, батысында жел 15-20, екпіні 23-28 м/с күшейеді.
Қызылорда облысының басым бөлігінде жел 15-20 м/с күшейеді, солтүстікте, облыс орталығында тұман, көктайғақ, бұрқасын күтіледі.
Атырау облысының басым бөлігінде бұрқасын, көктайғақ күтіледі, жел 15-20, екпіні 23-28 м/с күшейеді.
Түнде батыста, солтүстікте, күндіз Маңғыстау облысының басым бөлігінде көктайғақ күтіледі, басым бөлігінде жел 15-20, күндіз батыста, облыстың орталығында екпіні 23-28 м/с күшейеді.
Ақтөбе облысының басым бөлігінде бұрқасын, көктайғақ, түнде батыста, күндіз басым бөлігінде жел 15-20, облыстың солтүстік-батысында 23-28 м/с күшейеді.
Алматы облысының Жалаңашкөл ауданында жел 18-23 м/с күшейеді.

Сенбіге арналған ауа райы болжамы

Kyzylorda-news.kz. «Қаңтар оқиғасына» кейбір қатысқандар өздерінің іс-қимылына заңдық тұрғыдан жауап бере алмауы ықтимал. Сондықтан олардың көпшілігінің куәден көрі айыпталушыға айналып кетпеуіне абай болуымыз керек. 
Осы орайда заңды қолданушы мемлекеттік органдардың өкілдері өте байыпты ұстанымда болғанын қалаймыз. Заң нормасын қолдану барысында заңның негізін құрайтын «ҚҰҚЫҚ» деген ұлы құндылықты ұмытпау керек. Себебі «ҚҰҚЫҚ» ұғымы жоғары гуманистік, яғни адамгершілік құндылықтар қатарынан болып табылады.
Сондықтан, заң нормасын қолдану сатысында, яғни шешім/үкім шығару кезеңінде, кез-келген мемлекеттік жауапты тұлға заң нормасын тікелей сөзбе-сөз емес, адамгершілік тұрғыда кеңінен талқылау негізінде ғана шешім қабылдағаны абзал. Бұған біздің құқық қорғау органдарының құзіреті де қабілеті де жеткілікті деп сенімін. 
Кейбір «отты» мәселелер уақыт тезінен, тарих талқысынан өтіп барып бағасын алады. Бұл тарих ғылымының заңдылығы. Ол үшін барлығы қазір салауатты сарапталып, заң аясында шешілуі тиіс. 
Ал арандатушылыққа келсек, ол әрекет кімге қарсы бағытталған немесе кімдерге керек болғандығына тарих пен уақыт әлі де өз бағасын, көзқарасын нақтылайды. 
Ертеңгі уақытта ұят болмас үшін әрбір сөзімізді, ісімізді тек қана Заң аясында әділетті түрде айтып, жүргізуіміз керек. «Ағашты шапқанда жаңқасы ұшады»,- деген сөз бар. Халық бірлігін нығайту кезінде қылмыс жасағандарды анықтау барысында жазықсыз азаматтар жапа шекпеуі өте маңызды. Бұл жөнінде Мемлекет басшысы да нақты айтып өтті. 
Өзіміз насихаттап жүрген демократиялық елдердің басты белгісі – кез-келген жағдайда реттеушілік қасиеті жоғары, орындалуы күшті заң жүйесінің болуы. Сол елдерде заңның орындалуы дәстүр ретінде қалыптасқан. Соған сәйкес, азаматтардың көңілі көп жағдайда орнықты. Олар қиналса көмекке келер заңы мен қоғамы бер екеніне сенімді. Ал бізде қоғам мен заң баптары арасында қайшылықтар кездесетіндіктен заңды патриоттық сезіммен емес, қорқыныш, үрейлі сезіммен орындайтын сияқтымыз. Жаппай бақылау, тексеру қоғам мүшелерін бір-біріне сенімсіздікпен қараудың шырмауына түсіруде. Содан барып, қоғамда әділетсіздік көп деген көзқарасты да жиі ести бастадық. Шамасы, «дұрыс» пен «бұрыс» тұжырымын әр адам өзінің шектеулі көзқарасының негізінде қалыптастырады-ау. 
Алайда, Президент айтқандай «қай жерде жиналып, не айтсақ та құқығымыз бар» деп ойлайтындардың ісін де астамшылық ретінде түсінемін. Заң ортақ, оны орындау да ортақ жауапкершілігіміз. Заң құдіретін құқық қорғаушылар да айыпталушылар да бірдей пайдалана алатынын естен шығармағанымыз жөн. Әділ сот және құқық қорғау органдарының жұмысына сырттан қысым жасауға тырысушылық жөнсіз іс-әрекет деп бағаланады. 
Соңғы жылдары адам құқығын қорғау бағытында елімізде прогрессивті өзгерістер жүруде. Конституциямызға сәйкес азаматтарымыздың өз ойын еркін білдіру құқығына сәйкес бейбіт митингі өткізу, петиция жариялау қағидаттары заң жүзінде оңтайландырылды. Қазақстан Азаматтық және саяси құқықтар туралы халықаралық пактінің Екінші Факультативтік хаттамасына қосылды. Президентіміз «Қазақстан Республикасының адам құқықтары саласындағы әрі қарайғы шаралары туралы» Жарлыққа қол қойды. Адам құқықтары жөніндегі уәкілетті өкіл институты жүйелі нығайтылуда. Осы және басқада құжаттардың өміршең болуына барлығымыз да жауаптымыз. Оның ішінде әділ сот және құқық қорғау органдарының жұмысы ерекше маңызды. «Сот –сөйлейтін заң, заң – мылқау сот» деген қағида өмірге бекерге келмеген. 
Халықты, елді басқару жүйесіне барынша жақындатудың негізгі факторы – азаматтық мәдениетті дамыту. Азаматтық мәдениеттің басты мақсаты тұлғаның сапасын, ішкі еркіндік пен мемлекеттілікті құрметтеу, отанын сүю, бейбіт өмірді қолдау, өзін де өзгені де сыйлау, жауапкершілікті мойындау, этносаралық мәдениетті үйлестіре білу. Яғни, жеке тұлғаның азаматтық мәдениеті, оның құқықтық, саяси адамгершілік мәдениетімен анықталады. Осы тұрғыдан келгенде азаматтық мәдениет – бұл қалыпты саяси мәдениет. Белгілі азаматтардың іс-әрекетіне құқықтық баға берілгенде осы мәселелер ескерілуі тиіс. 
Заңды тәртіп болғанда ғана Тәуелсіздігіміз тұғырлана түседі. Тәуелсіздікті мақтау, онымен мақтану аз, тек қана жақтау жеткіліксіз, оны көздің қарашығындай сақтау бәрімізге парыз. Ел мүддесін жоғары ұстау, оны ақтау қарыз. Дамуымыз тұрақты, әр азаматымыз қуатты елге айналайық!
Наурызбай БАЙҚАДАМОВ,
Облыстық мәслихат хатшысы.

Қазақстан және Қызылорда облысының жаңалықтары