<a href="https://kyzylorda-news.kz/">Kyzylorda-news.kz.</a>&nbsp;Қазақстанда 7 866 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 242
Алматы қаласы – 1052
Шымкент қаласы – 37
Ақмола облысы – 901
Ақтөбе облысы – 148
Алматы облысы – 333
Атырау облысы – 262
Шығыс Қазақстан облысы – 467
Жамбыл облысы – 56
Батыс Қазақстан облысы – 332
Қарағанды облысы – 2911
Қостанай облысы – 425
Қызылорда облысы – 28
Маңғыстау облысы – 2
Павлодар облысы – 472
Солтүстік Қазақстан облысы – 97
Түркістан облысы – 101
Қазақстан бойынша жазылғандар саны – 1205671.

28 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a>&nbsp;Өткен тәулікте коронавирус инфекциясын жұқтырған 2 498 жағдай тіркелді, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 217
Алматы қаласы – 530
Шымкент қаласы – 28
Ақмола облысы – 210
Ақтөбе облысы – 66
Алматы облысы – 176
Атырау облысы – 36
Шығыс Қазақстан облысы – 129
Жамбыл облысы – 64
Батыс Қазақстан облысы – 107
Қарағанды облысы – 247
Қостанай облысы – 205
Қызылорда облысы – 12
Маңғыстау облысы – 20
Павлодар облысы – 220
Солтүстік Қазақстан облысы – 222
Түркістан облысы – 9
Жалпы ел бойынша ауырғандар саны 1285669.

Қызылордада 12 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Бүгін еліміздің басым бөлігінде қар аралас жаңбыр жауады, деп хабарлайды Қазгидромет.
Ал республиканың оңтүстік-шығысында жауын-шашынсыз ауа райы сақталады.
Қызылорда облысының солтүстігі мен орталығында тұман, күндіз көктайғақ болады. Таңертең және күндіз солтүстік пен орталықта жел күшейіп, оның екпіні 20 м/с дейін жетеді.

11 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысындағы халық саны 828 мың жетті. Оның ішінде қалалықтар 44,9%-ды, ауылдықтар 55,1%-ды құраған.
Өткен жылы туылған сәбилердің саны 23800. Туу көрсеткішінің ең жоғары көрсеткіші Қазалы ауданында, ал ең төменгі көрсеткіш Байқоңыр қаласында. Бұл туралы бүгін Өңірлік коммуникациялар қызметінің баспасөз конференциясында облыстық статистика департаментінің басшысы Мәриям Баекеева мәлімдеді.
<blockquote>
 «2000 жылдан бастап облыстағы халықтың орташа өмір сүру ұзақтығы көрсеткішінің өсу тенденциясы байқалады. Мәселен, 2000 жылы – 65,1 жас, 2010 жылы – 68,4 жас, 2020жылы – 70,15 жас. 2020 жылы облыстағы күтілетін өмір сүру ұзақтығы ерлерде – 66,31, ал әйелдерде -74,24 жасты көрсетті. Осы ретте, әйелдерде өмір сүру ұзақтығы ерлерге қарағанда жоғарғы деңгейде – 7,93 жас», – деді Мәрия Жәдігерқызы.
</blockquote>
Сондай-ақ, өткен жылы 719,6 мың шаршы метр жаңа ғимараттар пайдалануға берілді, оның 91,9 пайызы – тұрғын үй.
Жылдар динамикасында облыстағы шағын және орта бизнес субъектілерінің саны да оң өсімге ие. Тіркелген шағын және орта бизнес субъектілерінің саны биыл өткен жылдың тиісті кезеңімен салыстырғанда 4,2 пайызға өскен. Жұмыс істеп тұрған шағын және орта бизнестің үлесі бойынша алғашқы орынды Жаңақорған және Қазалы аудандары иеленді.

Қызылордада 828 мың халық бар

<a href="https://kyzylorda-news.kz/">Kyzylorda-news.kz.</a> Қызылорда облысы Шиелі ауданында полиция қызметкерлері жүк автокөлігін тоқтатты.
Тексеру барысында көліктің жүк салғышынан кесілген сексеуіл ағашы анықталған. Сексеуіл отынының мөлшерін анықтау мақсатында сот-биологиялық сараптама тағайындалып, құжаттар жинақталуда.
Аталған дерек бойынша жүргізушіге Қазақстан Республикасының ӘҚБтК 389-бабы (Жабайы жануарлар мен өсімдіктердің түрлерін, олардың бөліктерін немесе дериваттарын заңсыз иемдену, өткізу, алып өту, әкелу, әкету, сақтау (ұстау)) бойынша әкімшілік хаттама рәсімделді.

Қызылордада рұқсатсыз сексеуіл тасымалдаған азамат ұсталды

<a href="https://kyzylorda-news.kz/">Kyzylorda-news.kz.</a> Қызылорда облысының бюджет қазынасы 2021 жылдың қорытындысымен 100,7 пайызға орындалып, 2,6 млрд. теңге қаржы артық түсті. Кірістер көлемі – 102,7 пайызды құраса, шығыс жоспары 98,1 пайызға орындалды. Бұл жөнінде Өңірлік коммуникациялар қызметінде өткен баспасөз конференциясында облыстық қаржы басқармасының басшысы Елена Шаврова мәлімдеді.
<blockquote>
 «Аймақ бюджетінің шығыс жоспары 98 пайызға игерілді. Ал игерілмеген қаржы көлемі – 7,5 млрд.теңгені құрады. Оның 3,6 млрд.теңгесі бюджет қаржысының үнемделуінен болса, 3,9 млрд.теңге басқа да субьективті салдардан орындалмады. Жалпы бөлінген қаржылардың уақытылы игерілмеуінің негізгі себебі – мердігерлер мен тауар жеткізушілердің өз міндетін толық орындамауынан болды. Жалпы жыл басынан бері коммуналдық меншіктегі нысандарды жекешелендіру арқылы бюджетке 294,5 млн. теңге түсті. Бұл соңғы 5 жыл ішінде болған ең жоғарғы көрсеткіш. Сондай-ақ, жекешелендірудің кешенді жоспарына 13 нысан енгізілген. Оның 9-ы коммуналдық меншіктегі нысан. Ашық электронды сауда-саттыққа тозығы жетіп ұсынылған 100 автокөлік пен бір ескі ғимарат аукцион арқылы сатылып, бюджетке 60,0 млн теңге қаржы түсті», – деді басқарма басшысы Елена Шаврова.
</blockquote>

Қызылорда: 2021 жылы бюджет 100,7 пайызға орындалды

<a href="https://kyzylorda-news.kz/">Kyzylorda-news.kz.</a>&nbsp;ҚР Ұлттық экономика министрлігінің табиғи монополияларды реттеу комитеті коммуналдық қызметтердің ақысын көтеруге мораторий енгізілгенін мәлімдеді, деп хабарлайды <a href="https://sputnik.kz/20220210/kommunaldyq-tarifterdi-koteruge-moratoriy-engizildi-22683573.html">Sputnik Қазақстан</a>.
<blockquote>
 «Мемлекет басшысының тапсырмасы бойынша халық үшін реттелетін коммуналдық тарифтерді (сумен жабдықтау, су бұру, электрмен жабдықтау, жылумен жабдықтау және газбен жабдықтау) көтеруге мораторий енгізілді», – делінген ресми хабарламада.
</blockquote>
Осылайша барлық коммуналдық төлем 2021 жылғы желтоқсан айының деңгейінде 180 күн сақталады. Барлығы 103 монополист өз тарифін түзетті.
Комитеттің есебіне сәйкес, мораторийдің арқасында халық шамамен 3,2 миллиард теңге үнемдейді. Атап айтқанда:
<ul>
<li>жылумен жабдықтау – 1 442 миллион теңге;</li>
<li>электрмен жабдықтау – 839,7 миллион теңге;</li>
<li>сумен жабдықтау – 367,6 миллион теңге;</li>
<li>су бұру – 224,6 миллион теңге;</li>
<li>газбен жабдықтау – 318,7 миллион теңге.</li>
</ul>

Коммуналдық тарифтерді көтеруге мораторий енгізілді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында жол апатының алдын алу мақсатында 9-11 ақпан аралығында «Қауіпсіз жол» профилактикалық іс-шарасы жүргізілуде.
Іс-шараның негізгі бағыты – жол инфрақұрылымына тексеру жүргізіп, көлік жүргізушілерімен профилактикалық жұмыстар атқару болып табылады. Бұл туралы Өңірлік коммуникациялар қызметінде өткен брифингте Облыстық полиция департаменті, жергілікті полиция қызметі басқармасы бастығының орынбасары Марат Рахметов хабарлады.
<blockquote>
 «Жыл басынан 34 жол көлік оқиғалары тіркеліп, 20 адам көз жұмды. Ал 48 азамат түрлі дене жарақаттарын алды. Жол көлік оқиғаларының негізгі себептері – жүргізушілердің жылдамдықты шамадан тыс асыруы мен қысқы мезгілде жол жағдайына аса мән бермеу салдарынан орын алуда. Жыл басталғалы жол тәртібін бұзған 5 982 жағдай анықталды. Оның үш мыңға жуығы жол көлік оқиғасына тікелей байланысты. Атап айтқанда, көлікті мас күйінде жүргізген – 104, жаяу жүргіншіге жол бермеген – 120, жылдамдықты шектен тыс асырған – 2084 дерек тіркелді. Анықталған деректер бойынша құқықтық шара қолданылуда», – деді Марат Рахметов.
</blockquote>

Марат Рахметов: Жыл басынан бері 34 жол көлік оқиғасы тіркелді

<a href="https://kyzylorda-news.kz/">Kyzylorda-news.kz.</a> Сыр өңіріндегі бренд тауарлардың бірі – балық өнімдері. Облыста 9 балық өңдеу зауыты жұмыс жасап, балықтың 14 түрі экспортталады. Оның 4-уінде «Еврокод» Еуропалық сапа стандартына растайтын белгісі бар. &nbsp;
Ішкі және сыртқы нарыққа шығатын балық өндірісін әрі қарай жетілдіру үшін аймақта балық шаруашалығын дамытудың 2030 жылға дейін бағдарламасы әзірленді.
Осы орайда бүгін облыс әкімі Гүлшара Әбдіқалықова ҚР Экология, геология және табиғи ресурстар министрлігінің Балық шаруашылығы комитетінің төрағасы Нариман Жүнісовпен кездесті.
Басқосуға әкім орынбасары, аппарат басшысы және жауапты сала мамандары қатысты.
Аймақ басшысы балық шаруашылығы облыс экономикасының негізгі салаларының бірі екенін айтып, мұндағы бірқатар мәселелерді тізбектеді.
<blockquote>
 «Соңғы жылдары Сырдария өзенінің төменгі ағысында қалыптасқан су тапшылығы балық шаруашылығын дамытуға кері әсерін тигізуде. Бүгінгі күні 207 көлдің орташа толуы 51 пайыз шамасында болса, 126 көлге мүлдем су түспеуде, 17 көл толық тартылған. Егер, көлдерге қосымша су түспесе, 126&nbsp; көлдің де күзге дейін құрғап қалу қауіпі бар. Кіші Арал теңізінің жағдайы күрделі, теңіз жағалауы өз жағасынан 15-20 метрге тартылған. Осы мәселе туралы Үкімет басшысына баяндадық, жақын арада көрші мемлекет Премьер-Министрларының қатысуымен арнайы жиын өткізілмек. Сондықтан қазіргі таңда бірігіп, жүйелі жұмыс істеуіміз керек», – деді облыс әкімі.
</blockquote>
Өз кезегінде Балық шаруашылығы комитетінің төрағасы Нариман Жүнісов аталған мәселе бойынша бірлескен жұмыстардың маңыздылығына тоқталды.
«Қазіргі таңда балық шаруашылығы саласын дамытудың 2030 жылға дейін бағдарламасы әзірленді. Былтыр Қызылорда облысы барлық индикаторларын орындады. Алдағы уақытта да бірлесіп жұмыс жасап, даму қарқынын бірге шешуіміз керек», – деді комитет төрағасы.
Айта кетейік, бүгінгі күні облыс аумағынан балықтың 18 түрі ауланады. 2020 жылы 4303 тонна балық өнімдері экспортталды. &nbsp;
2021 жылы 3911 тонна балық Ресей Федерациясы, Польша, Литва, Нидерланды, Грузия, Германия, Украина, Қырғызстан, Австрия, Әзірбайжан елдеріне экспортталды. Экспортталатын балықтардың негізгі түрлері тыран, торта, алабұға, шортан, көксерке. Сондай-ақ, өңделген өнімдер түрінде көксерке сүбесі, тыран қанаттары, балық фаршы, балық сүбесі, мұздатылған балық және балық ұны шетелге саудаланады.
<img src="https://kyzylorda-news.kz/wp-content/uploads/2022/02/whatsapp-image-2022-02-10-at-15.18.58.jpeg" alt="" />

Қызылордада балық шаруашылығын дамыту мәселелері талқыланды

<a href="https://kyzylorda-news.kz/">Kyzylorda-news.kz.</a> Қазіргі күні ұтымды идея табылса, қаржы өздігінен құйылатынына күмән жоқ. Алайда жақсы бастама болғанымен ХХІ ғасыр жаһандану заманында жаңаша технологиялар мен бағдарламаларды игеру және алғашқы қадамдарды жасау жеке тұлға үшін оңайға соқпасы анық. Осы орайда, 3 жылдан аса тәжірибесі бар, “Golden Qazaqstan” жастар қоғамдық бірлестігінің төрағасы Бақытбек Кенжебекұлы гранттық жобаларды жеңіп алу, жеке тұлғаның бағдарлама барысындағы алғашқы қадамдары және жоба жоспарын сауатты толтыру барысын ашып көрсетіп, өз тәжірибесімен бөлісті.
<blockquote>
 «Әр жобаның өзіндік ерекшеліктері бар, дегенмен өз қабілетін шыңдағысы келетін жастарға жан-жақты дамуы жолында, соның ішінде жоба жазу формуласын білгені жөн деп санаймын. Республика көлемінде гранттық жобаларға қатысушылар Қызылорда облысынан саусақпен санарлық. Осы жайтты ескере отырып, өңір жастарына жоба дайындауды, идеяны жетілдіруді және оны ұсынып, грант ұтып алудың жолдарымен бөліскенді құп көрдім», – дейді Бақытбек Кенжебек.
</blockquote>
Мәселен мемлекет қолдау ретінде өткен жылы ауылдық жерлердегі өмірді жақсартуға бағытталған азаматтық бастамаларды дамыту үшін бүкіл ел бойынша 60 шағын грант іске асырылған болатын. Ал осы бөлінген гранттардың бірін Қызылорда облысы, Жалағаш ауданы, М.Шәменов атындағы ауылының жастары Сәтбай Серәліұлы, Исатай Ербатыр, Нарбота Серәлі жеңіп алған болатын. Осылайша жастар бүгінгі күні ауыл тұрғындарын «Салауатты ауыл» атты жаңа спорт орталығымен қамтасыз етіп отыр.
Кездесу барысында гранттық жобалардың жоспарын түрлі, тиімді әдістері арқылы түсіндірген Бақытбек Кенжебек бөлінген гранттарды ел игіліне пайланатын жастардың саны артқанын қалайтынын жеткізді.
<blockquote>
 «Жалпы гранттық жобаларға өз ерік-жігерімен шынайы қатысып, грант иегері атанған жастарды мен бәсекелес деп айта алмаймын, себебі қазіргі қоғамдағы жастардың дамуы мен үшін үлкен мәртебе, ерекше қуаныш деп білемін», – деді Бақытбек Кенжебек.
</blockquote>
<img src="https://kyzylorda-news.kz/wp-content/uploads/2022/02/273711139_1182244969216827_1649756733060837529_n.jpg" alt="" />
<img src="https://kyzylorda-news.kz/wp-content/uploads/2022/02/273803660_1182245049216819_8115072041514322940_n.jpg" alt="" />

Гранттық жобаларды қалай ұтып алуға болады?

<a href="https://kyzylorda-news.kz/">Kyzylorda-news.kz.</a>&nbsp; Қазақстанның бас санитарлық дәрігері Айжан Есмағамбетова жаңа қаулыға қол қойды, деп хабарлайды Sputnik Қазақстан.
<blockquote>
 “Облыстар, Алматы, Нұр-Сұлтан пен Шымкент қалаларының әкімдері, Қазақстан Республикасының білім және ғылым министрлігі 2022 жылғы 14 ақпаннан бастап барлық меншік нысанындағы және водомстволық тиісті білім беру ұйымдарында штаттық форматта оқытуды қамтамасыз етсін”, – делінген құжатта.
</blockquote>
Алайда барлық жерде сақтық шаралары сақталуы шарт.
Сондай-ақ, Есмағамбетова санитариялық-эпидемияға қарсы іс-шараларды күшейту туралы бұрынғы қаулының күшін жойды. Бас санитар қаулысының толық мәтіні мына жерде жарияланған.
8 ақпанда Коронавирус инфекциясыың таралуына жол бермеу жөніндегі ведомствоаралық комиссияның отырысында мектептердің толық офлайн оқыту форматына көшуі туралы мәселе талқыланған болатын.

Оқушылар мен студенттердің оқу форматына қатысты жаңа қаулы шықты

<a href="https://kyzylorda-news.kz/">Kyzylorda-news.kz.</a> Байқоңыр қаласында 53 жастағы азамат Сырдария өзеніне суға батып кетті. Бұл туралы Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің баспасөз қызметі хабарлады.
Оқиға 9 ақпан сағат 18.30 шамасында орын алды. Байқоңыр қаласындағы «Маяк» спорт кешені тұсында 1968 жылы дүниеге келген азамат дарияға батып кеткен.
Байқоңыр қаласында тұрған азаматты іздестіру жүмыстарына 4 құтқарушы жұмылдырылды.
<blockquote>
 «Дарияға балық аулау мақсатында қайықпен 4 адам шыққан. Мұз жарылып, бір адам суға батып кетеді. Қасындағы адамдардың оны құтқаруға мүмкіндігі болмаған. Төтенше жағдайлар департаментіне бұл жөніндегі хабар 20.00 шамасында түскен. Қазір оқиға орнында 2 құтқарушы, 2 сүңгуірлер тобы бір қайықпен іздестіру жұмыстарын жүргізуде», – деді Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
</blockquote>

Қазақстан және Қызылорда облысының жаңалықтары