Kyzylorda-news.kz. Қазақстан Республикасының Президенті Қасым-Жомарт Кемелұлы Тоқаев биылғы жолдауында ұлт деңгейіндегі кезек күттірмейтін мәселелерге қатысты тың бастамалар көтеріп, жауапты салаларды жұмыла жұмыс істеп, қоғамның өмір сүру деңгейін көтеруде күш салуға шақырды.
Соның бірі ретінде ауылшаруашылық саласына арқа сүйеп отырған экономикасы бар ел үшін маңызды ветеринария жүйесін реформалауға қатысты нақты шаралар қабылдану керектігі атап өтілді.
Өзекті мәселенің оң шешім тауып, аталмыш саланы жоғары санатты мамандар мен соңғы үлгідегі техникалық жабдықтаумен қамтамасыз етілуі бірінші кезекте қаралуы назардан тыс қалмауы тиіс.
Ветеринариядағы маман жетіспеушілігіне мардымсыз жалақының тигізіп отырған әсері де айтылмай қалмады.
<blockquote>
 «Ветеринария саласын да жетілдіру қажет. Бұл салада орталық пен өңірлер арасында міндеттер мен құзыреттер нақты бөлінуі керек. Мал басының амандығы және өнімділігі жергілікті ветеринарлардың тиімді жұмысына байланысты. Бұл түптеп келгенде ауылдағы ағайынның әл-ауқатына тікелей әсер етеді. Ветеринария қызметі қазіргі заман талабына сай болмаса, ауыл шаруашылығы өнімдерінің экспортын арттыру мүмкін емес», – деді Мемлекет басшысы.
</blockquote>
Дер кезінде көтеріліп отырған осындай маңызды мәселені шешу жолында тың ұсыныстарды ұсына білу біздің де міндетіміз. Жолдауда мұнан бөлек келер жылы ең төменгі жалақы 42500 теңгеден 60 мың теңгеге көтерілетіндігі, аталмыш бастама 1 миллионнан астам тұрғынды қамититыны туралы да қозғалып өтті. Бұл өз кезегінде көлеңкелі жалақы мәселесін жойып, ел экономикасына оңтайлы әсерін тигізеді.
Қорыта айтқанда, бұл жолдау халықтың өмір сүру сапасын арттырып, коронадағдарыстан экономиканы күйретпей, халықтың санын сиретпей шығуға бастайтын маңызды құжат.
Ибайдулла Тілеп,
Қызылорда облыстық мәслихат депутаты

Жолдау &#8211; халықтың өмір сапасын арттыратын құжат

<a href="https://kyzylorda-news.kz/">Kyzylorda-news.kz</a>.&nbsp;1- қыркүйек білім күнімен қатар келген ел Президенті Қасым-Жомарт Кемелұлы Тоқаевтың Қазақстан халқына жолдауы баршамызға жаңа серпінмен жаңалық алып келді. Аудан жастары тапжылмастан жолдауды тыңдап өз арамызда пікір алмастық.
Мемлекет басшысы сөзінде «Жастарымыз өзге тілдерді, соның ішінде орыс тілін жетік меңгерсе, бұдан еш ұтылмайды. Еліміз өркениетті диолог пен өзара сыйластық мәдениетін дәріптеуі керек» – деп барша жастарды жан-жақты дамуға, тіл үйреніп түрлі ұлттардың мәдениетін игеруге шақырды.
Сонымен қатар ел басшысы «Біздің білім беру жүйеміз инклюзивті болуға тиіс. Сонымен бірге жағымды жаңалығымызда бар. Биыл бірнеше оқушы халықаралық пән олимпиадаларының жеңімпаздары мен жүлдегерлері атанды. Ондай дарынды балаларға жан-жақты қолдау көрсету қажет. Біз оларға жоғары оқу орнына түсу үшін конкурстан тыс гранттар береміз. Бір реттік ақшалай сыйақы да төлейміз» – деп ізденісте жүретін, сауатты әрі дарынды оқушылардың мәртебесін көтеріп, олардың қашанда мемлекет тарапынан үлкен қолдауға ие екенін баса айтты.
Әрине, ел халқының әлеуетін көтеруге арналған жолдауда, тың жоба, жастарға деген қолдау, жаңашылдық және үлкен мотивация бар. Билік пен халық арасындағы тың өзгерістерге бастама болған жолдаудан күтеріміз көп және орындалуына барша жастар атсалысамыз деген ойдамын. Бағытымыз бен жүрер жолымыз айқын. Енді жастарға белсенділік танытып жақсы жұмыс нәтижесін көрсету басты міндет.
Шынболат Ертілеуұлы,
Арал аудандық жастар ресурстық орталығының қызметкері

Шынболат Ертілеуұлы: Жолдау жастарды жігерлендірді

<a href="https://kyzylorda-news.kz/">Kyzylorda-news.kz</a>.&nbsp; Қызылордада Қазақстан халқы тілдерінің күні мерекесін атап өтудің облыстық іс-шаралар жоспары бекітілді. Бұл туралы бүгін Өңірлік коммуникациялар қызметінде облыстық ішкі саясат басқармасы басшысы Мира Қазбекова мәлімдеді.
Тілдер күніне арналған түрлі шаралар, тіл жанашырларын марапаттаулар карантин талаптарын сақтай отырып, ұйымдастырылады. Облыстағы жоғары және арнаулы орта оқу орындары мен жалпы орта білім беретін барлық мектептерде, мектепке дейінгі мекемелерде тілдер күніне орай ашық сабақтар, сайыстар ұйымдастырылып, кітапханаларда «Туған тілім – тірлігімнің айғағы», «Тіл – асыл қазына» тақырыптарында онлайн кітап көрмелері өткізіледі.
<blockquote>
 «Мерекеге орай Қызылорда қаласы мен аудандарда оқиғалар тізбесі қалыптастырылды. Атап айтсақ, Қызылорда қаласында «Тілім – тірегім», Қызылорда – жүрегім» атты облыстық жазба ақындар мүшәйрасы мен көркемсөз оқу шеберлерінің қалалық байқауы, Арал ауданында «Тіл – татулық пен достықтың тірегі» атты аудандық онлайн мүшәйрасы және «Ана тілім – мәңгілік бой тұмарым» байқауы, Қазалы ауданында«Ахмет Байтұрсынұлы – қазақ тіл білімінің негізін қалаушы» ғылыми-танымдық конференциясы мен «Туған тілім – мөлдіреген тұнығым» тақырыбында онлайн жыр кеші, Қармақшы ауданында «Туған тілім – тірлігімнің айғағы» атты жазба ақындар мүшәйрасы, Жалағаш ауданында «Алаш зиялылары және қазақ тілі» тақырыбында дөңгелек үстел, «Латын әліпбиі – ұлт болашағының негізі» онлайн конференциясы, Сырдария ауданында «Тіл – татулық тірегі» аудандық фестиваль, Шиелі ауданында «Тілім менің ғасырларға аманат» үздік мақалалар байқауы, Жаңақорған ауданында «Менің тілім – мәңгілік тіл» жазба ақындар мүшәйрасы және тағы басқа шаралар өткізіледі», – деді Мира Жомартқызы.
</blockquote>
Жалпы, мемлекеттік тілдің қолданыс аясын кеңейту бағытындағы шаралар тек қана тілдер мерекесі қарсаңында ғана емес, жыл бойы жүргізілетін болады.

Қызылордада Қазақстан халқы тілдерінің күні мерекесі қалай аталып өтіледі?

<a href="https://kyzylorda-news.kz/">Kyzylorda-news.kz</a>.&nbsp;Мемлекет басшысы Қасым-Жомарт Тоқаев жылдағы дәстүрге сай ҚР Парламенті Палаталарының бірлескен отырысында Қазақстан халқына арналған Жолдауын жариялады. Жолдауда еліміздің алдағы әлеуметтік-экономикалық даму бағыттары қамтылды.
Осы саяси құжатта Қасым-Жомарт Кемелұлы алдағы мақсатқа жетудің тиімді жолын бірлесе айқындауымызға бағытталған, әлемдік қиындықтарды болжап қана қоймай, ықтимал өзгерістерден де мемлекет үшін қажетті мүмкіндіктерді қарастырған міндеттерді белгілеп бергендігіне баршамыз куә болдық.
Соның ішінде мен Жолдауда аталып өткен бірнеше маңызды мән-жайларға дұрыс бағдар берілгенін әрі бұл мәселелердің оңтайлы жүзеге асырылуына жасалатын жұмыстарға іштей риза болдым.
Жолдауда Қасым-Жомарт Кемелұлы «Бизнестің жол картасы» мен «Қарапайым заттар экономикасы» бағдарламаларының мерзімін 2022 жылға дейін созу туралы шешім қабылдады. Бұл мақсатқа бөлінетін қаржының көлемі кемінде 1 трлн теңге болады деді.
Сондай-ақ Жолдауда ең төменгі еңбекақы көлемін қайта қарау мәселесі сөз болды. Бұл, қазіргі нарық жағдайындағы еліміз үшін өте өзекті тақырып деп есептеймін. Президент ең төменгі еңбекақы көлемі 2018 жылдан бері көтерілмегендігіне тоқтала отырып, әлемдегі індет салдары халықтың табысына айтарлықтай зардабын тигізгенін атап өтті. Расында да қазіргі таңда қарапайым қызметкерлердің жалақысы тым төмен. Ал Мемлекет басшысының бұл бастамасы осы аталған жағдайды оңынан шешуге бірден бір негіз болды деуге болады.
Сонымен қатар мәдениет қызметкерлері, қорықшылар, кітапханашылар, көлік жүргізушілердің жалақысын 2022-2025 жылдар аралығында 20 пайызға арттыру тапсырылды.
Бұдан бөлек Мемлекет басшысының Жолдауда айтқан тапсырмасына сәйкес азаматтарға тұрғын үй алу қолжетімді болу үшін «Бірыңғай тұрғын үй» бағдарламасы іске қосылатын болады. Бұл, әсіресе, жас отбасыларға баспаналы болуға септігін тигізеді деп сенемін.
Жолдаудағы әр бастама – еліміздің еңселі болашағына нық бағыт беруде. Сондықтан да «Жұмыла көтерген жүк жеңіл» демекші, саяси құжаттың ұтымды идеяларына тоқтай отырып, алдымызға қойған міндеттерді жұмыла жүзеге асыруға шақырамын.
Әділбек Әйімбетов,
Арал аудандық ардагерлер кеңесінің төрағасы

Әділбек Әйімбетов: Жолдауда &#8211; ел болашағы айқындалды

<a href="https://kyzylorda-news.kz/">Kyzylorda-news.kz</a>.&nbsp;«Қоғам болып күрескен дерттің дауасы вакцина екені әлдеқашан дәлелденген. Алайда екпе алдым деп сақтық шараларын естен шығаруға болмайды», – дейді Alexsey Sultan Akhmet емханасы бас дәрігерінің орынбасары Қуанышбек Алмағанбетов. Өңірлік коммуникациялар қызметінде өткен баспасөз конференциясында дәрігер аймақтағы екпе алу жұмыстарына және індетке қарсы вакцинаның маңыздылығына тоқталды.
<blockquote>
 «Коронавирусты жеңудің жалғыз ғана жолы – вакцина салдыру деп әуелден айтылып келеді. Вакцина қабылдау арқылы кеселді дерттен қорғанатынымыз анық. Күнделікті әлеуметтік желі, газет, телеарна арқылы бетперде тағудың, әлеуметтік арақашықтық сақтаудың, гигиеналық талаптарды орындаудың маңыздылығы айтылып жатыр. Дей тұрғанмен сақтық шараларына селсоқ қарайтын жандар аз емес. Бүгінде соның салдарынан ахуал күшейіп, науқастардың саны артып кетіп отыр. Қазір қаламыздағы бірнеше емханаларда вакцина салдыру жұмыстары жүріп жатыр. Сол себепті дер кезінде екпе алғанымыз дұрыс», – деді Қуанышбек Нұрбергенұлы.
</blockquote>
Брифингте Қызылорда облысының үкіметтік емес ұйымдарының альянсы ассоциациясының төрағасы Анар Ізден де облыс тұрғындарын коронавирус індетіне қарсы екпе алуға шақырды.
<blockquote>
 «Бүгінгі күні Қызылорда облысының үкіметтік емес ұйымдарының альянсы 73 қоғамдық ұйымнан тұратын болса, оның ішінде 42 қоғамдық ұйым қызметкерлері толық вакцина қабылдады. Менде алғашқылардың бірі болып індетке қарсы вакцина алдым. Өйткені былтырғы жылы өзім коронавируске шалдыққан болатынмын. Сол кезде бұл індеттің қаншалықты қауіпті екеніне көзім жетті. Мен де отбасым да екпе алды. Сондай-ақ, өз басым мемлекет вакцинация жүргізуге барлық халықты міндеттеу керек деген позициямды айтқым келеді. Бұл жұмысты біз қоғамдық ұйымдардың арасында да ақпараттандыру бойынша жақсы жүргізіп келе жатырмыз. Халыққа дұрыс ақпарат жеткізу керек, екпе алуға шақыру керек және насихат жұмыстарын жүргізу керек деп ойлаймын»,-деді Анар Жарылқасынқызы.
</blockquote>

Қуанышбек Алмағанбетов: Екпе салдыру &#8211; саулық кепілі

<a href="https://kyzylorda-news.kz/">Kyzylorda-news.kz</a>.&nbsp;«ҚазТрансГаз Аймақ» АҚ Қызылорда өндірістік филиалы құбыр жолдары арқылы газды тасымалдау қызметін көрсетеді және Қызылорда облысы бойынша барлық санаттағы тұтынушыларға газды өткізу қызметін іске асырады. Қазіргі уақытта Қызылорда облысы бойынша газдандырылған абоненттер саны – 120 194 құрайды. Оның ішінде 117 473 тұрғын. 2021-2022 жылдарға арналған жылыту маусымына филиалдың меншігіндегі нысандар бойынша дайындығы 86 пайызды құрайды. Бұл туралы бүгін Өңірлік коммуникациялар қызметінде өткен баспасөз конференциясында «ҚазТрансГаз Аймақ» АҚ Қызылорда өндірістік филиалы директорының бірінші орынбасарының міндетін атқарушы Нұрлан Құрманбаев мәлімдеді.
<blockquote>
 «Дегенмен, бүгінде облыс бойынша тұтынушылардың дайындығы нашар. Кейбір жеке және заңды тұлғалардың әлі күнге дейін газ жабдықтарына техникалық қызмет көрсетуге арналған шартқа отырған жоқ. Сондай-ақ, газ тұтыну жүйелеріне және газ жабдығына техникалық қызмет көрсетуге арналған шарт жасаспай, оларды пайдалануға тыйым салынады», – деді Н.Құрманбаев.
</blockquote>
Сондай-ақ Нұрлан Құрманбаев қазіргі уақытта облыс бойынша тұтынушылардың пайдаланылған газ үшін қарызы шамамен 1 млрд теңгені құрайтындығын атап өтті. Сонымен қатар, филиал смарт-картамен алдын ала төлеуді жүзеге асыратын электрондық тұрмыстық газ есептегіштерін пайдаланатын тұтынушыларға тегін негізде электрондық көрсеткіштен механикалық көрсеткішке ауысуды ұсынды.
<blockquote>
 «Электрондық газ есептегіші ұзақ уақыт пайдаланылатындығына және батареяның тозуына байланысты, есептегіш істен шығады, осы ретте газ есептегішінің клапаны іске қосылып, газ беру автоматты түрде тоқтайды. Көбінесе бұл жағдай әр айдың аяқталу күнінде немесе әр айдың 1-күніне ауысу кезеңінде болады. Сондықтан, тұтынушылардың осындай көптеген өтініштері болған кезде, осы саланың мамандары газ беруді қалпына келтіру үшін есептегіштерді электронды түрде механикалыққа ауыстыруға бір уақытта орындауы мүмкін емес. Механикалық есептегішті қолданудың артықшылығы – газ берудің тұрақтылығы, кассаға кезекте тұрудың қажеті жоқ, бұл абонентке үйден шықпай-ақ, Халық және Каспи банктерінің мобильді қосымшалары арқылы тұтынылған газ үшін ақы төлеуге мүмкіндік береді», – деді Н.Құрманбаев.
</blockquote>

Қызылорда: «ҚазТрансГаз Аймақ» жылыту маусымына 86 пайыз дайын

<a href="https://kyzylorda-news.kz/">Kyzylorda-news.kz</a>.&nbsp;Соңғы кезде елімізде мемлекеттік тіл мәселесі өзекті тақырыптардың біріне айналды. Күні кеше ғана Мемлекет басшысы Қасым-Жомарт Тоқаев өз Жолдауында біздің ең басты құндылығымыз және байлығымыз – қазақ тілі деп атап өтті. Тәуелсіз еліміздің ертеңі – қазақ тілінде екенін назарға салып, «Мемлекеттік тілді білу – Қазақстанның әрбір азаматының парызы» дей келе болашағын Отанымызбен байланыстыратын әрбір азамат қазақ тілін үйренуге ден қоюға тиіс екендігін алға тартты. Президент Жолдауында айтылған осындай мағыналы ойлар жастарды ғылым-білім, тіл үйренуге шақырып, көкжиегін кеңейтіп, көкірек көзін оятуға жетелейді.
Мысалы мені ешкім қазақ тілін үйрен деп қинаған жоқ. Қазақ тілін өзім үйрендім. Қазақ тілін менің бойыма қазақтың ортасы сінірді. Бүгінгі күні қазақ тілінде еркін сөйлеймін де, сауатты жазамын да, тіпті ойлаймын да. Отанымның мемлекеттік тілін толық меңгергенім мен үшін үлкен бақ! Осы күнге дейін қол жеткізген жетістіктерімнің барлығы мемлекеттік тілді білуімнің оң нәтижесі деп есептеймін! Айтайын дегенім, менің қолымнан келген нәрсе мен сияқты кез-келген қазақстандықтың қолынан келетіні сөзсіз. Менің ойымша, «Қазақ тілін үйренемін» деген адам ұлтына да, жасына да қарамастан мақсатына жете алады, жетеді де. Тіл үйрену үшін елімізде барлық жағдай жасалған. Ең бастысы – ниет болу керек. Біз, барша қазақстандықтар, мемлекеттік тілді – қазақ тілін білуге міндеттіміз! Сондықтан мен барлық отандастарымды қазақ тілін оқып, үйренуге шақырамын! Мемлекетіміздің болашағы – мемлекеттік тілімізде екенін ұмытпайық!»
Светлана КРЮГЕР,
Неміс этномәдени бірлестігінің белсендісі,
Аналар кеңесінің хатшысы,
ІІ дәрежелі “Достық” орденінің иегері:

Светлана Крюгер: Мемлекетіміздің болашағы &#8211; мемлекеттік тілімізде

<a href="https://kyzylorda-news.kz/">Kyzylorda-news.kz</a>. Қорқыт Ата атындағы Қызылорда университетінің ұжымы мемлекет басшысының «Халық бірлігі және жүйелі реформалар – ел өркендеуінің берік негізі» тақырыбындағы Жолдауын тыңдады. Бұл Жолдау елдің алдағы әлеуметтік-экономикалық дамуының басым бағыттарына арналды.
<blockquote>
 «Мемлекет басшысының кезекті Жолдауында өзекті мәселелер айтылды. Соның бірі, білім және ғылым саласының адами капиталды дамытудағы орны. Соңғы жылдары Мемлекет басшысының тікелей&nbsp;&nbsp; қолдауымен бұл салаларда өршіл бастамалар қолға алынып, осының арқасында сапалық өзгерістерге куә болудамыз. Осынау үрдісті жалғастыру аясында алдағы 3 жылда ұстаздардың еңбек ақысын өсіруге 1,2 трлн теңге бөлінетіні барша зиялы қауымның көңіліне қуаныш ұялатты. Сонымен қатар, Жолдауда осындай көптің көңілінен шыққан білім бағдарламаларын тез өзгермелі заман талабымен үндестіру, оқытушы-педагогтердің кәсіби біліктілігін&nbsp; 5 жыл сайын емес, енді 3 жыл сайын көтеру, оқушылар арасындағы ғылыми жобалар конкурстары мен олимпиада жеңімпаздарын тәрбиелеген педагогтерді марапаттау сияқты бастамаларды көтерді»,-деді Қорқыт Ата атындағы Қызылорда университетінің Басқарма Төрағасы-Ректор Б.Кәрімова.
</blockquote>
Айта кетейік, бұған дейін Президент педагогтардың жалақысын көтеруді тапсырған болатын. Осы орайда, биылғы жаңа оқу жылынан бастап университет оқытушыларының жалақысы 90 пайызға артты. Бұл Жолдауда да Президентіміз білім саласына ерекше көңіл бөліп, ғылымға қолдау көрсету туралы тапсырмалар берді. Сондай-ақ, жетекші ғалымдарға тұрақты және өз еңбегіне лайықты жалақы төлеу мәселесін шешу керектігін де айтты. Бұл ғылымға деген үлкен қолдау.

Мұғалімдердің еңбек ақысын өсіруге 1,2 трлн. теңге бөлінеді

<a href="https://kyzylorda-news.kz/">Kyzylorda-news.kz</a>. Қызылорда облысының ішкі саясат басқармасы басшысының бұйрығымен Құрмаш Асқар Шалқарұлы басқармаға қарасты «Жастар ресурстық орталығы» КММ директоры қызметіне тағайындалды.
Асқар Шалқарұлы, 1996 жылы Алматы қаласында дүниеге келген.Қорқыт Ата атындағы Қызылорда университетінде 2017 жылы «Қаржы», 2020 жылы «Экономика» мамандықтары бойынша білім алған. Экономика ғылымдарының магистрі.
Еңбек жолы:
2014-2018 жж. – «Қазақстан-Қызылорда» телеарнасында редактор-тележүргізуші. Тікелей эфирдегі «Жаңалықтар», «Жаңа күн», «Өзекжарды» бағдарламаларының редакторы әрі жүргізушісі.
2014-2017 жж. – Қызылорда облыстық білім және ғылым салалық кәсіподақ комитетіне қарасты Қорқыт Ата атындағы Қызылорда мемлекеттік университетінің студенттер кәсіподақ комитетінің төрағасы.
2015-2017 жж. – Қызылорда облыстық кәсіподақтар орталығының жанындағы «Келешек» жастар кеңесінің төрағасы.
2015-2016 жж. – Қызылорда облыстық филармониясында конферансье.
2016-2021 жж. – «Б-Асқар» ЖШС директоры, әрі құрылтайшысы.
2017-2019 жж. – «Кәсіподақ келешегі» қоғамдық қорының директоры.
2019 жыл – Қызылорда облыстық жастар саясаты мәселелері басқармасының «Жастар ресурстық орталығы» КММ-і директорының орынбасары, Нұр Отан Партиясы Қызылорда облыстық саяси кеңесінің мүшесі, «Жастар» бастауыш партия ұйымының төрағасы, «BSG» серіктестігінің бас директоры қызметтерін атқарған.
<img src="https://kyzylorda-news.kz/wp-content/uploads/2021/09/mm.jpg" alt="" />

Қызылордада «Жастар ресурстық орталығы» директоры тағайындалды

<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасына қаладағы май құю бекетінің біріне қарақшылық шабуыл жасалғандығы жөнінде хабарлама түсті.
Жүргізілген тексеру барысында бетіне бетперде киіп алған күдікті май құю бекетіне баса көктеп кіріп, кассирді тапаншамен және пышақпен қорқытып, кассадан ақша, ұялы телефон, шкаф ішінде тұрған мекемеге тиесілі арнайы жүз мыңнан асатын соммадағы газ құятын талондарды алып кеткендігі анықталды.
Оқиға орнынан барлық айғақ заттар дәлелдеме ретінде алынды. &nbsp;Жедел-іздестіру шараларының нәтижесінде полиция қызметкерлері «ізін суытпай» күдікті ұсталып, уақытша ұстау абақтысына қамаққа алынды. Ол өз кінәсін толығымен мойындап, өкінді.
Қазақстан Республикасы Қылмыстық кодексінің 24-бабының талабына сәйкес, күдіктінің іс-әрекетіне объективті тергеп-тексеру амалдары жүргізіліп, сәуір айының 3 күні қылмыстық іс айыптау актісімен сотқа жолданды.
Қызылорда қаласының №2 сотының 07.07.2021 жылғы үкімімен &nbsp;айыпталушыға 7 жыл мерзімге бас бостандығынан айыру жазасы тағайындалды.

Қызылордада май құю бекетін тонаған азамат сотталды

Жолдаудағы жақсы жаңалық – «Қарапайым заттар экономикасы» бағдарламасы жалғасатын болды. Бұл туралы Қызылорда облысы кәсіпкерлер палатасының директоры Ғалымбек Жақсылықов айтты.
<blockquote>
 «Өздеріңіз білесіздер, пандемия кезінде мемлекет кәсіпкерлерге ауқымды қолдау көрсетті. Салықтан босатылды, несие бойынша төлемдер кейінге шегерілді, зардап шеккен салалардағы кәсіпкерлердің жоғары пайызбен алынған несиелері 6%-ға дейін субсидияланды»,­­­­­­­­—деген Палата директоры Мемлекет басшысының биылғы халыққа арнаған Жолдауында да кәсіпкерлер үшін бірнеше жағымды жаңалықтардың бар екендігін айтты.
</blockquote>
Палата басшысы бизнес жобаларды жеңілдікпен несиелендіретін бірқатар мемлекеттік бағдарламалардың ішіндегі бірегейі – «Қарапайым заттар экономикасы» бағдарламасы өзінің тиімділігін дәлелдегендігін жеткізді.
Аталмыш бағдарламаны жүзеге асыру барысында&nbsp; Қызылорда облысында 10 млрд.теңгені құрайтын 121 жоба іске қосылған. Осы жобалардың шеңберінде 589 жұмыс орнын ашу жоспарлануда. Бұдан бөлек 9 млрд.теңге тұратын 49 жоба қаралуда.&nbsp;&nbsp;
<blockquote>
 «2019 жылдан бастап іске асырылып жатқан бұл бағдарлама биыл аяқталуы тиіс еді. Ел Президенті Жолдауда тағы бір жылға созылатындығын жеткізді. Оның үстіне «Бизнестің жол картасы» мен «Қарапайым заттар экономикасы» бағдарламасына 1 триллионға жуық қаржы бөлінбек. Бұл өте жақсы жаңалық», — дейді Ғалымбек Жақсылықов.
</blockquote>
Айта кетейік, «Бизнестің жол картасы» бағдарламасы іске қосылған 2010 жылдан бері Қызылорда облысында 105 млрд.теңгені құрайтын 2699 жоба мемлекет тарапынан қолдау тапқан. Биылдың өзінде 1094 жобаны қаржыландыру үшін 14,5 млрд.теңгеге жеңілдетілген несие берілді.
Жолдауда кәсіпкерлер көңілінен шыққан тағы бір мәселе ауыл шаруашылығы саласына қатысты. Мемлекет басшысы «Біздің аграрлық саясатымызда сабақтастық болмай отыр. Министр ауысса, саланың саясаты да өзгереді» деп сынға алған болатын.
<blockquote>
 «Расымен бұл агроөнеркәсіп саласындағы қанша кәсіпкердің көтеріп жүрген проблемасы. Соңғы жылдары осындай қадамдардың нәтижесінде субсидиялау ережелері жиі өзгеріп, шаруалардың алдағы жұмыстарын жоспарлау қиынға түсіп келеді. Бұл жөнінде кәсіпкерлер «Атамекеннің» алаңында да талай көтерді. Сала кәсіпкерлері субсидиялау ережелерін кемінде 4-5 жыл өзгертпеуді сұрауда. Ереженің жиі өзгеруі салдарынан кәсіпкерлердің шығынға ұшырағандары да бар. Мысалы, 2020 жылдың басында жергілікті кәсіпкер мал шаруашылығын субсидиялау ережесіндегі «Бордақылау алаңдарындағы бұқашыққа кеткен шығынның бір бөлігін өтеу» қағидасына сай 2 мың бастық бордақылау алаңын салып, қомақты инвестиция салды. Алайда, Ауылшаруашылық министрлігінің талаптарына сай бордақылау алаңы салынып болғаннан кейін ереже өзгеріп, кәсіпкер мемлекеттік қолдаусыз қалды. Сондықтан да Жолдаудағы аграрлық саясаттағы сабақтастық жөнінде орынды айтылған. Кәсіпкерлер ертеңіне сенімді болу үшін мемлекеттік қолдау шаралары түсінікті әрі тұрақты болғаны жөн», – дейді Кәсіпкерлер палатасының басшысы.
</blockquote>
Қасым-Жомарт Кемелұлы Жолдауда жергілікті жерде микро қаржы ұйымдарының әлеуетін іске қосу қажеттігі туралы айтты. Бұл бағытта Қызылордада жақында «Atameken Qyzylorda» микроқаржы ұйымы құрылды. Аталмыш ұйым «Бастау Бизнес» жобасы бойынша оқыған түлектердің жобасын қаржыландырумен айналысатын болады.
2017-2020 жылдары Қызылорда облысында «Бастау Бизнес» жобасы бойынша 8 927 адам оқу курсынан өтті. Олардың тек 39%-ы немесе 3495 түлек 3,4 млрд теңге көлемінде қаржыландыру алды. Алайда қаржыландырылған жобалардың 77% немесе 2685-інің негізгі қаржыландыру көзі қайтарымсыз қаржы –&nbsp; гранттар болып отыр. Жобалардың тек 23%-ы ғана микронесие беру тетігі арқылы қаржыландырылған. 2021 жылы «Бастау Бизнес» жобасы аясында тағы 2500 адамды оқыту жоспарлануда, басым бөлігі оқытылды да. Бұрын қаржыландыру алмаған жоба түлектерінің 61%-ын ескерсек, жобасы қаржыландырылуды қажет ететін бастаулықтардың саны жобамен 7 мыңнан асып кетеді. Осы жағдайларды ескере келе, «Атамекен» тек қана «Бастау Бизнес» жобасы бойынша оқыған азаматтардың жобасын қаржыландыратын арнайы микроқаржы ұйымын құру жөнінде бастама көтерген болатын. Қазір аталмыш ұйымдар барлық өңірде құрылды, соның ішінде біздің облыс та бар.
«Atameken Qyzylorda» микроқаржы ұйымында қазір 64 жоба қаралуда. Республика көлемінде бастаулықтардың жобасын қаржыландыруға 22,5 млрд.теңге бөлінген. Қызылорда облысының үлесі 1 млрд.теңге.
<blockquote>
 «Аталмыш қаржы жақын күндері түседі деп күтудеміз. Бұл қадам жоба аясында оқып, біліктілігін жетілдірген қызылордалықтардың әлеуетін тиімді қолданып, саланы дамытуға айтарлықтай үлес қосады деп сенеміз», —деген Кәсіпкерлер палатасының директоры Ғалымбек Жақсылықов енді Палата тарапынан Жолдаудан туындайтын міндеттерді кәсіпкерлермен бірге жүзеге асыру бағытында жұмыс жасайтындығын жеткізді.
</blockquote>

Ғалымбек Жақсылықов: «Қарапайым заттар экономикасы» бағдарламасы жалғасатын болды

<a href="https://kyzylorda-news.kz/">Kyzylorda-news.kz</a>. 2 қыркүйек сағат 10:00-дегі жағдай бойынша 32 422 респондент онлайн санақтан өтті.
Олардың 28 382-сі sanaq.gov.kz сайтында, 3528 Egov порталындағы сайт сілтемесін пайдалана отырып жауап берсе, 512 адам санаққа Аitu қосымшасы арқылы қатысты, деп хабарлайды Ұлттық статистика бюросының баспасөз қызметі.
Респонденттерде онлайн сауалнамадан өту рәсіміне қатысты бірқатар сұрақ туындады. Атап айтқанда, кейбір азаматтар тұрақты мекенжайын толтыру кезінде қиындықтарға тап болды. Респондентке көше атауының алғашқы әріптерін енгізу керек, содан кейін жүйе автоматты түрде ұқсас нұсқаларды шығарады. Егер бірінші әрекет кезінде қажетті мекенжайды табу мүмкін болмаса, қазақ және орыс тілдерінде түрлі вариацияларды теру қажет. Мысалы, Нұр-Сұлтан қаласындағы «Жеңіс» көшесі. Егер респондент «Женис» атауын терсе, жүйе қажетті мекенжайды бермейді. Себебі көше атауында қазақ тіліне тән әріптер бар.
Айта кету керек, тұрғылықты мекенжай жолын толтырған кезде көше атауы мекенжай регистрінде қалай көрсетілгенін ескеру қажет.
Сондай-ақ әлеуметтік желілерде sanaq.gov.kz сайты арқылы сауалдарға жауап беру кезінде әлдебір қателіктің шыққаны туралы хабар тарады. Нақтырақ айтқанда, мемлекеттік тіл білімінің деңгейіне қатысты сұраққа қатысты. Тараған бейнежазбаның басында респондент 3-ші парақтың 13-ші сауалына (Сіз қай тілдерді меңгергенсіз?) жауап беру кезінде қазақ және орыс тілдерін меңгергенін көрсеткен. Келесі сауал (Сіз мемлекеттік тілді меңгергенсіз бе? Егер «Иә» деген жауап болса, онда сіз оны күнделікті өмірде қолданасыз ба?) мемлекеттік тілді күнделікті өмірде қолдану-қолданбауын нақтылау мақсатында қойылған. Егер алғашқысында «қазақ тілін меңгергенін» көрсетіп, келесі сұрақта керісінше жауап қатса, жүйе қателікті аңғарып, бірден белгі береді. Осылайша адами факторға жол берілмейді. Санақ парақтарында бірнеше өзара байланысты сұрақтар бар. Сондықтан жүйе жауаптардың бірізді болуын қамтитындай құрылған.
Ұлттық статистика бюросы азаматтардың белсенділіг үшін алғыс айта отырып, санақты онлайн өтуге шақырады. sanaq.gov.kz сайты 15 қазанға дейін тәулік бойы қолжетімді болмақ. Барлық сауалдар бойынша 1446 байланыс орталығына хабарласуға болады. Қоңырау шалу тегін. Қазақстанда әркім маңызды!
<a href="https://24.kz/kz/zha-aly-tar/o-am/item/496098-elimizde-32-my-nan-astam-adam-onlajn-sana-tan-tti">Хабар 24</a>

Қазақстан және Қызылорда облысының жаңалықтары

Жолдау – халықтың өмір сапасын арттыратын құжат

Шынболат Ертілеуұлы: Жолдау жастарды жігерлендірді

Қызылордада Қазақстан халқы тілдерінің күні мерекесі қалай аталып өтіледі?

Әділбек Әйімбетов: Жолдауда – ел болашағы айқындалды

Қуанышбек Алмағанбетов: Екпе салдыру – саулық кепілі

Қызылорда: «ҚазТрансГаз Аймақ» жылыту маусымына 86 пайыз дайын

Светлана Крюгер: Мемлекетіміздің болашағы – мемлекеттік тілімізде

Мұғалімдердің еңбек ақысын өсіруге 1,2 трлн. теңге бөлінеді

Қызылордада «Жастар ресурстық орталығы» директоры тағайындалды

Қызылордада май құю бекетін тонаған азамат сотталды

Ғалымбек Жақсылықов: «Қарапайым заттар экономикасы» бағдарламасы жалғасатын болды

Қазақстанда 32 мыңнан астам адам онлайн санақтан өтті

Қазақстан және Қызылорда облысының жаңалықтары

Жолдау &#8211; халықтың өмір сапасын арттыратын құжат

Шынболат Ертілеуұлы: Жолдау жастарды жігерлендірді

Қызылордада Қазақстан халқы тілдерінің күні мерекесі қалай аталып өтіледі?

Әділбек Әйімбетов: Жолдауда &#8211; ел болашағы айқындалды

Қуанышбек Алмағанбетов: Екпе салдыру &#8211; саулық кепілі

Қызылорда: «ҚазТрансГаз Аймақ» жылыту маусымына 86 пайыз дайын

Светлана Крюгер: Мемлекетіміздің болашағы &#8211; мемлекеттік тілімізде

Мұғалімдердің еңбек ақысын өсіруге 1,2 трлн. теңге бөлінеді

Қызылордада «Жастар ресурстық орталығы» директоры тағайындалды

Қызылордада май құю бекетін тонаған азамат сотталды

Ғалымбек Жақсылықов: «Қарапайым заттар экономикасы» бағдарламасы жалғасатын болды

Қазақстанда 32 мыңнан астам адам онлайн санақтан өтті

Жолдау – халықтың өмір сапасын арттыратын құжат

Әділбек Әйімбетов: Жолдауда – ел болашағы айқындалды

Қуанышбек Алмағанбетов: Екпе салдыру – саулық кепілі

Светлана Крюгер: Мемлекетіміздің болашағы – мемлекеттік тілімізде