<a href="https://kyzylorda-news.kz/">Kyzylorda-news.kz.</a> Қызылорда қаласы Тасбөгет кентінің тұрғыны, әлеуметтік желіде велосипедпен балаларын тасып жүрген Қанат есімді азаматқа халық атынан көлік сыйға берілді.
Игі істің басында шоумен Асылхан Дүкенбаев жүр.
<blockquote>
 «Аманаттарыңызды табыстадым, ағайын! Көлігіңіз құтты болсын, Қанеке! Енді осы көлікпен қос құлыншағыңызды қалаған жерге апарыңыз», – деп жазды шоумен өзінің <a href="https://www.instagram.com/p/CZ1R-SDLpgQ/">Instagram</a> парақшасында.
</blockquote>
<img src="https://kyzylorda-news.kz/wp-content/uploads/2022/02/kanat1.jpg" alt="" />

Қызылордалық тұрғынға халық атынан көлік сыйға берілді

<a href="https://kyzylorda-news.kz/">Kyzylorda-news.kz.</a> Талсуат ауылдық округінде 126 шағын және орта кәсіпкерлік субъектілері жұмыс жасауда. Бұл туралы ауыл әкімі Айбек Жылқыбай 2021 жылы атқарылған жұмыстарға есеп беру барысында хабарлады.
<blockquote>
 «2021 жылы «Ауыл-Ел бесігі» бағдарламасы аясында ауылдағы Атырау, Орынбор, Алматы, Ақмешіт, Арал көшелері орташа жол жөндеу жұмыстарынан өтіп, Сырдария, бұдан бөлек Жанкент, Қазалы, Ақтау, 7-ші көшелеріне тас төселді. Сондай-ақ, электр желісі тартылмаған А. Құнанбаев көшесінің 350 метр бөлігіне электр желісі жүргізілді», – деді ауыл әкімі.
</blockquote>
Бизнесті қолдау мен дамытудың мемлекеттік бағдарламасы шеңберінде атқарылған жұмыстардың нәтижесінде ауылдық округте 126 шағын және орта кәсіпкерлік субъектілері жұмыс жасауда. Өткен жылы 17 кәсіпкерлік субъект тіркеліп, 17 тұрақты жұмыс орны ашылған. Сондай-ақ, «Бизнестің Жол Картасы-2025» мемлекеттік бағдарламасы аясында 26,2 млн. теңгені құрайтын 6 жоба қолдау тауып, «Еңбек» бағдарламасымен 11 адам 6,4 млн. теңге қайтарымсыз грантқа ие болған.
Ауылдық округ тұрғындарының сұранысын қанағаттандыру бағытында демеуші азаматтардың да қолдауы ерекше. Мәселен, «Абил» ЖК демеушілігімен ауылдық округтегі көпқабатты 2 тұрғын үйге және жеке 4 тұрғын үйге ауыз су желісі жүргізілсе, кәсіпкер С.Сыздықовтың демеушілігімен жалғыз басты қарттың үйіне көгілдір отын кіріп, жылу жүйесі мен ауыз су желісі жүргізілген. Бұқаралық спортты дамыту мақсатында қалалық мәслихат депутаты Қ. Ерназаровтың демеушілігімен мектеп ауласынан ауыл жастарына арналған жаңа заманауи футбол алаңы пайдалануға берілген.

Талсуатта 126 кәсіпкерлік нысан жұмыс істейді

<a href="https://kyzylorda-news.kz/">Kyzylorda-news.kz.</a> Үкімет әкімдердің тұрақты кездесулерін өткізу туралы президент жарлығының жобасын әзірледі. Құжатта халыққа есеп берудің нақты тәртібі көрсетілген, деп хабарлайды <a href="https://sputnik.kz/20220211/akimder-khalyqqa-qalay-esep-beredi-22713910.html">Sputnik Қазақстан.</a>
Қаулыға сәйкес, барлық деңгейдегі әкімдер жыл бойы халықпен тұрақты көшпелі кездесулер өткізуге міндетті. Осы шаралар барысында халықты толғандыратын әлеуметтік мәселелерге баса назар аударылуы шарт. 
Әкімдер техникалық мүмкіндіктерді ескеріп, әлеуметтік желілер арқылы халықпен пікір алмасып тұруы қажет. Ал облыс басшыларының кездесуі онлайн-трансляция арқылы басқа аудандар мен ауылдарда көрсетілуі керек.
<blockquote>
 “Кездесулерге арналған баяндама кездесудің жоспарланған уақытының төрттен бір бөлігінен аспауға және “сұрақ-жауап” форматында өтуге тиіс”, – делінген құжатта.
</blockquote>
Кездесуге дейін арнайы комиссия неғұрлым өзекті және басым мәселелерді жинап шығуы шарт. Кездесу туралы хабарландыру берудің нақты мерзімі көрсетілген. Атап айтқанда, облыс әкімдері бір ай бұрын, аудан, облыстық және аудандық маңызы бар қала әкімдері екі апта бұрын, ал ауыл, кент, ауылдық округ пен қаладағы аудан әкімдері бір апта бұрын халыққа хабар беруге тиіс.
Әрбір кездесуден кейін он күннің ішінде халық көтерген проблемалық мәселелердің тізбесі жарияланады. Ал іс-қимыл жоспарында проблемаларды шешудің нақты мерзімдері мен жауапты орындаушылары көрсетіледі.
<blockquote>
 “Халық алдында есеп берілгеннен кейін тоқсан сайын әрбір айдың 25-күніне қарай кездесулерде халық көтерген проблемалық мәселелерді шешу барысы туралы ақпарат ресми интернет-ресурстарда және “электронды үкімет” веб-порталында орналастырсын”, – делінген қаулыда.
</blockquote>
Бұдан бөлек, құжатта көшпелі кездесулердің саны да көрсетілді. Мәселен, облыс әкімдері жарты жылда бір рет әр ауданға және облыстық маңызы бар қалада, кемінде бір көшпелі кездесу өткізуі шарт. Республикалық маңызы бар қалалар, астана, аудан, ауыл мен кент әкімдері тоқсан сайын жер-жерге шығып отыруға тиіс. Бұдан бөлек, халықтың талабы бойынша кездесуді кестеден тыс уақытта өткізу керек.
“Әкімдердің тұрақты кездесулерін өткізу туралы” президент қаулысы 16 ақпанға дейін қоғамдық талқылауға шығарылып отыр.

Талаптары жарияланды: Әкімдер халыққа қалай есеп береді?

<a href="https://kyzylorda-news.kz/">Kyzylorda-news.kz.</a>&nbsp; Мемлекеттік бағдарламалар аясында шаруаларын жүргізіп отқан жандардың еңбегімен танысу мақсатында Белкөл кентінде баспасөз туры өтті. Бұл туралы Қызылорда қаласы әкімдігінің баспасөз қызметі хабарлады.
Қызылордалық кәсіпкер Бекболат Рсалиев 1998 жылдан бастап ірі қара мал өсіріп, етін сатуды кәсіп қылып келеді. Белкөл кентінде 5 гектар аумақты алып жатқан&nbsp; «KZO-Ет»&nbsp; шаруа қожалығы алғашында отбасыға ортақ шағын қорадан бастау алған.
Кейін сауда көлемі ұлғайып, сатып алушылар қатары көбейе келе кәсіпкер кәсібін кеңейту мақсатында мемлекеттік бағдарламаға жүгініп, «Бизнестің жол картасы 2025» бағдарламасы аясында&nbsp; 58 млн. теңгеге қаржыландырылады.
Жалпы, кәсіп көзінде 6 дүкен бар, оның екеуі әлеуметтік. Аталған дүкендерге тәулігіне 200, 300 кг сиыр мен жылқы етін халықтың қалтасына қонымды бағада жеткізуде. Кәсіпкер сұранысы мол салада 10 адамды тұрақты жұмыспен қамтып отыр.
Келесі, Белкөл кентінде тұрғындардың өмір салтын жақсартуға өз үлесін қосып, жас жеткіншектерді спортқа баулып жүрген кәсіпкердің бірегейі «Әсет» ЖК директоры Руслан Алматов. &nbsp;
Ол 2018 жылы «Нәтижелі жұмыспен қамту және жаппай кәсіпкерлікті дамытудың 2017-2021 жылдарға» арналған бағдарламасы арқылы 18 млн. теңге қаржы алып, спорт кешені ғимаратының құрылысын салған.
Бүгінде спорт кешенінде 250 бала каратэ-до, еркін күрес, шахмат, үстел теннисі секілді спорттың 8 түрі бойынша үйірмелерге ақысыз негізде қатысуда.
10 адамды жұмыспен қамтып отқан кәсіпкер сәуір айында шағын футбол алаңын, кейін жабық волейбол баскебол алаңдарын салуды жоспарлауда.&nbsp;
Жалпы, Белкөл кентінде бизнесті қолдау мен дамытудың мемлекеттік бағдарламасы шеңберінде 255 шағын және орта кәсіпкерлік субъектілері жұмыс жасауда. Өткен жылдың өзінде 41 кәсіпкерлік субъектісі тіркеліп, 81 тұрақты жұмыс орны ашылған. Жаппай кәсіпкерлікті дамытудың мемлекеттік бағдарламалары аясында кентте барлығы 467,3 млн. теңге көлеміндегі 19 жоба мақұлданған.
<img src="https://kyzylorda-news.kz/wp-content/uploads/2022/02/7-obekt-3-scaled.jpg" alt="" />
<img src="https://kyzylorda-news.kz/wp-content/uploads/2022/02/7-obekt-1-1-scaled.jpg" alt="" />
<img src="https://kyzylorda-news.kz/wp-content/uploads/2022/02/7-obekt-5-scaled.jpg" alt="" />

«KZO-Ет» қызылордалықтарға күніне 300 келі ет жеткізеді

<a href="https://kyzylorda-news.kz/">Kyzylorda-news.kz.</a>&nbsp; Арнаулы орта оқу орындарын 2019-2021 жылдары аралығында бітірген түлектерге талдау жұмыстары жасалды. Нәтижесінде 66 мамандық бойынша 950 жас жұмыссыз екені анықталды. Бұл туралы Өңірлік коммуникациялар қызметінде өткен баспасөз конференциясында қалалық жастар ресурстық орталығының директоры Сабыржан Кеңшілік хабарлады.
<blockquote>
 «Жастар арасындағы жұмыссыздық деңгейін төмендету мақсатында Қызылорда қаласында «Бос жұмыс орындары» жәрмеңкесі өткізілді. Шараға 36 жұмыс беруші мекеме 242 жұмыс орнын, мемлекеттік бағдарламалар аясында 31 жұмыс беруші 299 жұмыс орнын, жалпы 541 жұмыс орны ұсынылды. Шара аясында 250-ге жуық маманға жолдама берілді», – деді С.Кеңшілік.
</blockquote>
Қазіргі таңда, қалаға қарасты кент және ауылдық округ жастарымен кездесулер өткізілуде. Нәтижесінде ауылдың 110 жасына жұмыс орындарына жолдама берілді.
Айта кету керек, түсіндірме жұмыстары мен кездесулер 10 ақпанға дейін жүргізілді.

Сабыржан Кеңшілік: 66 мамандық бойынша 950 жұмыссыз жас бар

<a href="https://kyzylorda-news.kz/">Kyzylorda-news.kz.</a>&nbsp;&nbsp;Қазгидромет 12-14 ақпан күндеріне арналған ауа райы болжамын жариялады.
Демалыс күндері Қазақстанда ауа райы жауын-шашынды болады — солтүстік-батыс циклон еліміздің аумағы арқылы өз қозғалысын жалғастырады. Батыстан шығысқа қарай тез жылжып, республиканың барлық облыстарында жауын-шашынды тудырады. Ауа температурасы көтеріле бастаса да, екпінді жел соғып, еліміздің солтүстік жартысында бұрқасын болады деп болжанады — күн суық болады.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Жан-жақты көрсетіліп отырған мемлекеттік қолдаулардың арқасында кәсіпкерлер табысын арттыруда. Мәселен, «Бизнестің жол картасы-2025»&nbsp; бағдарламасы аясында жеңілдетілген несиеге ие болғандардың қатарында Тасбөгет кентінің тұрғыны Жанар Мулдашова да&nbsp; бар.
Қызылорда қаласы әкімдігінің дерегінше жеке кәсіпкер Жанар Мулдашова 2015 жылы Тасбөгет кентінен халықтың тұрмыс-тіршілігіне қажетті құрылыс заттарын сататын дүкен ашқан.
Кәсібінің аясын кеңейту мақсатында 2021 жылы «Бизнестің жол картасы-2025» мемлекеттік бағдарламасының қолдауымен&nbsp; 6 пайызбен жеңілдетілген несиеге&nbsp; 4,2 млн.теңге қаражатқа қол жеткізеді.&nbsp;
Кәсіп иесі дүкенге тауарды облыс орталығынан тасымалдайды. Тасбөгет кенті тұрғындары үшін құрылысқа қажетті заттарды осы дүкеннен алған тиімдірек, себебі дүкен заттары қолжетімді бағамен сатылуда. Қазіргі таңда кәсібі арқылы 4 адамды тұрақты жұмыспен қамтып отыр.
Тасбөгет кентіндегі келесі кәсіпкер Мырзахан Аманов кәсібін өз жеке қаражаты есебінен бастаған.&nbsp; Тәулігіне 20 адамды қабылдауға мүмкіндік беретін тіс емханасы 2022 жылдың қаңтар айында пайдалануға берілді.
Енді Тасбөгет кенті тұрғындары өздеріне қажетті ем-дом шараларын заманауи үлгіде жабдықталған орталықта қабылдай алады. «Мырзағұл» тіс емханасында қазіргі таңда 4 адам қызмет етуде.
Өз кәсібін мемлекеттік бағдарламаның қолдауымен ашқан кәсіпкердің бірі кондитер Ботагөз Төлегенова.&nbsp; 2018 жылы «Нәтижелі жұмыспен қамту және жаппай кәсіпкерлікті дамытудың 2017- 2021 жылдарға арналған»&nbsp; бағдарламасымен «Кондитерлік цех» ашу мақсатында 3 млн.теңге несие алып, үй іргесінен шағын кондитерлік өнім пісіруді бастаған. Қазіргі таңда кәсібін кеңейту мақсатында жаңадан цех құрылысын жүргізуде.
Кондитерлік цех әр түрлі тәттілер мен тоқаш, бәліштердің&nbsp; 50-ден астам түрін пісіреді. Кәсіпкер дастарханға қоятын өнімнің сапасына басты мән береді. Өнімдерін Тасбөгет кенті тұрғындары мен қала дүкендеріне жеткізіп, мереке күндері тапсырыс қабылдайды. Бүгінде кәсіпкер 7 адамды тұрақты жұмыспен қамтып отыр.
Жалпы, соңғы жылдары Тасбөгет кенті тұрғындарының кәсіпкерлікті қолдау бағдарламаларына қатысу қарқыны артқан. 2021 жылы барлық бағдарламалар бойынша 103 жоба мақұлданып, 1 млрд 188 млн теңгеге қаржыландырылды. Жыл көлемінде 90 кәсіпкер тіркеліп, 150-ден аса тұрақты жұмыс орны ашылған.Кент аумағынан түрлі әлеуметтік және кәсіпкерлік нысандар салуға сыртқы көздерден 2 млрд 130 млн теңге көлемінде қаржы тартылып, нәтижесінде 140-тан аса жаңа жұмыс орындары ашылған.
<img src="https://kyzylorda-news.kz/wp-content/uploads/2022/02/5-obekt-1-scaled.jpg" alt="" />
<img src="https://kyzylorda-news.kz/wp-content/uploads/2022/02/6-obekt-scaled.jpg" alt="" />
<img src="https://kyzylorda-news.kz/wp-content/uploads/2022/02/6-obekt-2-scaled.jpg" alt="" />

Тасбөгет: Кәсіпкерлік саласында оң серпін байқалады

<a href="https://kyzylorda-news.kz/">Kyzylorda-news.kz.</a>&nbsp;&nbsp;Жазасын өтеп жатқан жандардың денсаулығын сақтау ЗК-169/1 тергеу изоляторының медицина қызметкерлері үшін маңызды мәселе. Мекемеге жаңадан түскендер мен айдауылданып кететіндер, босатылар алдында және 6 ай сайын флюграфиялық, АИТВ тексеруден өткізіліп, дене жарақаттарының бар жоғы тексеріліп тұрады.
Кеше сотталғандар мен айыпталушылар арасында ауру мен өлім жағдайларын төмендетуге бағытталған ауруға шалдыққандарға уақытылы диагноз қою мақсатында,&nbsp; Қызылорда облыстық денсаулық басқармасына қарасты № 6 қалалық емханадан арнайы мамандар шақыртылған. &nbsp;
<blockquote>
 «Бұл тексерулер жүрек-қантамыр ауруларын, қант диабетін, қан қысымы ауруларын олардың қауіпті факторларын, сондай-ақ гепатиттерді ерте кезеңде анықтауға мүмкіндік береді. Ерте сатыда анықтау аталған сырқаттарды жеңіл емдеуге және инсульт, инфаркт, соқырлық, бауыр циррозы сияқты асқынулардың алдын алуға ықпал етеді. Цироздың пайда болуына ықпал ететін патологиялық өзгерістерді, сондай-ақ ерте даму сатысындағы ісіктерді анықтау үшін керек»- деді, терапевт дәрігер Мөлдір Жакупова.
</blockquote>
Әр сала мамандары тексерместен бұрын, антропометриялық өлшеуден өтеді. Одан соң белгілі бір жастағы азаматтардың қан қысымын терапевт, тіс аурулары бойынша стомотолг, хирург, уролог және &nbsp;дерматолог пен психиятор дәрігерлердің тексеруінен өтті.
<blockquote>
 «Бүгінгі іс-шара аясында мекеме қамауында ұсталынып отырған 276 азамат толықтай тексерістен өтті. Тексеру коммиссиясының қорытынды нәтежиесінде, қант диабеті мен жүрек ауруларына күдікті науқастар анықталды.&nbsp; Оларға тез арада&nbsp; ультра&nbsp; дыбыстық апаратқа түсуге және қан анализдерін өткізуге жолдама берілді. Енді одан арғы емін жауапкершілікпен&nbsp; қадағалап, емдеу&nbsp; жұмыстарын жалғастыра береміз»- деді, медицина бөлімінің бастығы, әділет лейтенанты Азиза Қайырбаевна.
</blockquote>
<img src="https://kyzylorda-news.kz/wp-content/uploads/2022/02/img_20220211_104306-scaled.jpg" alt="" />
<img src="https://kyzylorda-news.kz/wp-content/uploads/2022/02/img_20220210_112221-scaled.jpg" alt="" />

Қамауға алынғандар медециналық тексерістен өтті

<a href="https://kyzylorda-news.kz/">Kyzylorda-news.kz.</a>&nbsp; Қытайда қысқы Олимпиада ойындары жалғасып жатыр.&nbsp;<a href="http://olympic.kz/">Olympic.kz</a>&nbsp;жарыстың кезекті күнінде бақ сынайтын отандық спортшылар тізімін ұсынды.
Шаңғы жарысы.&nbsp;Ерлер. Классикалық стиль.Виталий Пухкало мен Евгений Величко
Басталуы: 13:00
Биатлон.&nbsp;Әйелдер. Спринт. Галина Вишневская-Шепоренко.
Басталуы: 15:00
Трамплиннен тұғырдан секіру.&nbsp;Іріктеу Даниил Васильев, Сергей Ткаченко.
Басталуы: 17:00
Шорт-трек.&nbsp;Ерлер. 500 м. Іріктеу кезеңіДенис Никиша, Әділ Ғалиахметов и Абзал Әжіғалиев
Басталуы: 17:12

Бейжің Олимпиадасы: 11 ақпанда кімдер жарыс жолына шығады?

<a href="https://kyzylorda-news.kz/">Kyzylorda-news.kz.</a> Жастар санатын анықтау мақсатында адресті зерттеу жұмыстары жүргізілуде. Онан соң, дерекқор базасы жасақталады. NEET санатындағы жастардың санын азайту, оларды оқыту, жұмыспен қамту, әлеуметтендіру, кәсіпкерлікке баулу секілді бағыттар бойынша тиісті салаларға ұсыныстар беріледі деді Өңірлік коммуникациялар қызметінде өткен баспасөз конференциясында облыстық жастар ресурстық орталығы директорының орынбасары Талғат Тілес мәлімдеді.
Сонымен қатар, жуырда облыстық жастар қоғамдық кеңесі құрылды. Кеңес құрамында облыстық, қалалық мәслихат депутаттары, «Ауған-Тәжік» соғысының ардагерлері, ерекше жандар, қоғам белсенділері, әрбір ауданның белсенді жастар өкілдері енгізілді. Онда жастар мәселесіндегі өзекті мәселелер қоғаммен талқыланып, механизмдер айқындалады. Қазіргі таңда тиісті органдармен, құрылымдармен салааралық байланыс күшейтілуде. Жастарға арналған контенттерді дамытуда басты назарда.
<blockquote>
 «Жас ғалым -2022», жастардың бос уақытын тиімді пайдалану және әлеуметтендіру бойынша аула клубтарын ашу, «Basta» үш күндік бизнес лагері, «Invest Orda» облыстық бизнес жобалар байқауы, Жастарға аскери-патриоттық тәрбие беру, «Технократтық қоғам» жобалары және Байқоңыр қаласындағы жастардың бос уақытын тиімді пайдалану мақсатында коворкинг орталығын ашу жұмыстары жоспарымызда бар. Сондай-ақ, ғимаратта жастарға, жасөспірімдерге арналған үйірмелер іске қосылды. Би, каратэ-до, ауыр атлетика, сурет салу, джуи-джитсу ережесіз жекпе-жектен, таэквандодан тегін үйірмелер жұмыс істеуде», – деді Талғат Тілес.
</blockquote>
Айта кетейік, 18 ақпан күні «Жастар орталығында» аймақ жастарына арналған «Мүмкіндіктер алаңы» өткізіледі. Онда бос жұмыс орындарының жәрмеңкесі, түрлі оқытулар, мемлекеттік бағдарламалар, жастарға арналған жобалар туралы кеңес беріледі.

Қызылордада жастарға арналған дерекқор базасы жасақталады

<a href="https://kyzylorda-news.kz/">Kyzylorda-news.kz.</a> БҰҰ Бас Ассамблеясының 2015 жылғы шешімімен 11 ақпан ғылымдағы әйелдер мен қыз балалардың халықаралық күні деп жариялады. Атаулы датаға орай Өңірлік коммуникациялар қызметінде Қорқыт ата атындағы Қызылорда университетінің «Аграрлық технологиялар» кафедрасының профессоры, ауыл шаруашылығы ғылымдарының докторы Лаура Тохетова мен Қорқыт ата атындағы Қызылорда университетінің магистранты Салтанат Мағауия ғылым саласындағы бұрымдылардың үлесі туралы баяндады.
<blockquote>
 «Қазіргі уақытта ғылым саласында әйелдердің орны ерекше. Ағартушылық салада жаңалық ашып, өлшеусіз үлкен қосқан қыздар арамызда өте көп. Еліміздегі ғылым саласында гендірлік теңсіздік жоқ деп айтуға әбден болады. Себебі, біз кәсіби біліктілік пен біліміне баса назар аударамыз. ЮНЕСКО институтының статистикалық мәліметіне сүйенсек, әлемдегі әйел ғалымдардың үлесі 30 пайыздан асады екен. Мемлекет басшысы Қ.Тоқаевтың жолдауында аграрлық салаға үлкен мән беруді тапсырған болатын. Оның ішінде ғалымдарды базалық қаржыландыруға мүмкіндік берді. Бұл өте қуантарлық жайт. Жылдан-жылға білімге құштар жастар көбейіп келеді. Әсіресе, бұрымдылардың ғылымдағы жетістіктері қуантады», – деді Лаура Тохетова.
 «Мен аграрлық технологиялар саласына көп уақыт бойы қызығушылық танытып келемін. 2020 жылы халықаралық академияға мобильді оқу арқылы тәжірибе жинақтадым. Қазіргі таңда аграрлық технологиялар саласын әрі қарай жетілдіру үшін өз үлесімді қосқым келеді», – деді Салтанат Бекетқызы.
</blockquote>

11 ақпан – Халықаралық ғылымдағы әйелдер күні

<a href="https://kyzylorda-news.kz/">Kyzylorda-news.kz.</a> Қызылорда қаласының тұрғыны, ІІ топ мүгедегі Роза Ким Халыққа қызмет көрсету орталығына бармай, мемлекеттік көрсетілетін қызметке қол жеткізді.
Халыққа қызмет көрсету орталығы қалалық №1 бөлімінің маманы Гүлмира Ерімбетова мен қалалық полиция басқармасының көші-қон қызметі бөлімінің аға инспекторы Дильнара Ахимова 71 жастағы қарттың үйіне барып, төлқұжатын ауыстыру мақсатындағы қызметтерді көрсетті. Құжат дайын болған соң Роза Кимнің үйіне барып, жаңа төлқұжатымен қоса арнайы сый табыс етті. Мүмкіндігі шектеулі қария құжатын қолына алып, мамандарға алғысын білдірді.
<blockquote>
 «Осы айда төлқұжатымның мерзімі аяқталу керек еді. Оны жаңалау үшін ХҚКО-на баратын менде шама жоқ. Содан соң 1414 байланыс орталығына қоңырау шалып, көмек сұрадым. Мамандар үйіме келіп, рәсімдеді. Бүгін, міне, дайын болған жаңа құжатымды үйіме әкеліп берді. Қуанып тұрмын. Халыққа қызмет көрсету орталығы мамандарына ерекше алғыс айтамын», – деді ІІ топ мүгедегі Роза Ким.
</blockquote>
Дәл осындай қызметке Тасбөгет кентінің тұрғыны, тыл ардагері Дәмежан Рысмағанбетова да қол жеткізді. Мамандар 85 жастағы қарт ананың құжатын жаңартып, жаңа төлқұжат ұсынды. Ешқайда бармай-ақ, қызмет алған Дәмежан апа мамандарға алғыс айтып, ақ батасын берді.
Қазақстан Республикасының Мемлекеттік қызмет істері агенттігінің Қызылорда облысы бойынша департаменті басшысының міндетін атқарушы Берікбол Байқожаев пен басқарма басшысы Ғалымжан Ілкібаев аталған қызметтің орындалу барысын бақылап, оң бағасын берді.
Жалпы жыл басынан бері 1414 байланыс орталығы арқылы халыққа қызмет көрсету орталығына 736 өтініш келіп түскен. Түскен өтініштердің 609 орындалған. Соның ішінде мамандар 573 қызметті клиенттердің мекен-жайына барып көрсеткен.
Ал, өткен 2021 жылы облыстағы ХҚКО орталықтары 3мың 204 өтінішті 1414 байланыс орталығы арқылы қабылдады. Мамандар 2 мың 428 қызметті азаматтардың үйлеріне барып атқарған.

Қазақстан және Қызылорда облысының жаңалықтары