<a href="https://kyzylorda-news.kz/">Kyzylorda-news.kz</a>. Коронавирустың таралуы бойынша Қазақстандағы эпидемиологиялық ахуалды бағалау матрицасы “қызыл” аймақта бес өңірдің тұрғанын көрсетті.
2021 жылғы 30 маусымдағы жағдай бойынша Қазақстан өңірлеріндегі эпидемиологиялық ахуалды бағалау матрицасы төмендегідей:&nbsp;
<ul>
<li>“Қызыл” аймақта:&nbsp;Нұр-Сұлтан, Алматы қалалары, Атырау, Батыс Қазақстан және Қарағанды облыстары.</li>
<li>“Сары” аймақта:&nbsp;Шымкент қаласы, Ақмола, Ақтөбе, Қостанай және Маңғыстау облыстары.</li>
<li>“Жасыл” аймақта:&nbsp;Алматы, Шығыс Қазақстан, Жамбыл, Қызылорда, Павлодар, Солтүстік Қазақстан және Түркістан облыстары.</li>
</ul>

Қызылорда «жасыл» аймаққа өтті

Kyzylorda-news.kz. Облыс әкімінің өкімімен Қызылорда облысының мемлекеттік сәулет-құрылыс бақылауы басқармасының басшысы лауазымына Мақашов Сұлтан Ысқақұлы тағайындалды.
Сұлтан Мақашов 1961 жылы туған. Қазақ химия-технологиялық институтын және Қызылорда экономика, экология және құқық университетін бітірген.
Еңбек жолын 1978 жылы Қазалы ауданы Жаңақазалы коммуналдық кәсіпорындар комбинатында слесарь ретінде бастаған.
1984-1992 жылдары – Қазалы аудандық №86 жылжымалы механикаландырылған колоннада бригадир, шебер, аға прораб.
1992-1995 жылдары – №2 азаматтық құрылыс мекемесінде бас инженер, №86 жылжымалы механикаландырылған колоннаның жоспарлау бөлімінің бастығы.
1995-2015 жылдары – Қазалы ауданы әкімі аппаратының ұйымдастыру-инспекторлық бөлімінің бас инспекторы, Қазалы ауданының бас сәулетшісі, Қызылорда облысы бойынша жылжымайтын мүлік орталығы Қазалы филиалының директоры, Қазалы ауданы әкімінің орынбасары.
2015-2020 жылдары – Қармақшы және Жаңақорған аудандарының әкімі болған.2020 жылдан бастап осы кезге дейін Қызылорда облысының жер қатынастары басқармасының басшысы қызметін атқарып келді.
<img src="https://kyzylorda-news.kz/wp-content/uploads/2021/06/fb_img_1624984090563.jpg" alt="" />

Қызылорда облыстық мемлекеттік сәулет-құрылыс бақылауы басқармасының басшысы тағайындалды

<a href="https://kyzylorda-news.kz/">Kyzylorda-news.kz</a>. Ертең Қорқыт ата атындағы Қызылорда университетінде ҚР Тәуелсіздігінің 30 жылдығы аясында халықаралық форум өтеді.
Ғылыми шараға 500-ге жуық оқытушы-профессор, шетелдік және отандық ғалым қатысады деп күтілуде. Пандемияға байланысты форумды офлайн және онлайн форматта өткізу жоспарлануда. Бұл туралы Өңірлік коммуникациялар қызметінің ақпараттық алаңында өткен брифингте Қорқыт ата атындағы Қызылорда университетінің проректоры Абайбек Жүнісов мәлімдеді.
<blockquote>
 «Өздеріңізге белгілі, Президентіміз Қасым-Жомарт Кемелұлы үкімет отырысында Тәуелсіздіктің 30 жылдығын атап өтудегі ерекшеліктерді атап өткен болатын. Мемлекет басшысы ел тарихындағы елеулі мереке кезінде құр даңғаза мен ысырапшылдыққа жол беруге болмайтынын, әрбір шараны елге пайдасы тиетін нақты істерге ұластыру қажет екенін баса айтты. Осыған орай, форумда қатысушылар «Қазіргі сын-қатерлер, дәстүрлер мен инновациялар: «Әлеумет. Тұлға. Құндылықтар» атты тақырыбында құнды ойларын айтып, пікір алмасады. Яғни Тәуелсіздік жылдарындағы жетістіктер, елдің экономикалық дамуы, рухани жаңғыру мен жастар мәселелері қозғалады. Айта кетейік, ғылыми шара барлық карантин талаптарына сай жүргізіледі», – деді Абайбек Талғатұлы.
</blockquote>
<img src="https://kyzylorda-news.kz/wp-content/uploads/2021/06/img-20210630-wa0030.jpg" alt="" />

Тәуелсіздіктің 30 жылдығы: Қызылордада халықаралық форум өтеді

&nbsp;<a href="https://kyzylorda-news.kz/">Kyzylorda-news.kz</a>. Халықты төтенше жағдайлардан қорғау бойынша басты іс-шаралардың бірі оны уақтылы хабардар ету және табиғи және техногендік сипаттағы қандай да бір қауіпті факторлардың туындауы немесе туындау қатері туралы құлақтандыру болып табылады.
&nbsp;«Баршаның назарына!» бірыңғай құлақтандыру сигналын беру бойынша құлақтандыру құралдары жоқ елді мекендерде азаматтық қорғау органдары бөлімшелерінің және полицияның жедел-қызметтік автокөліктерін тарта отырып, аулаларды аралау арқылы жүргізіледі.
Бүгінгі жаттығудағы &nbsp;азаматтық қорғаудың құлақтандыру жүйесін ұйымдастыру, бейбіт және соғыс уақытында халықты төтенше жағдайлардан қорғау бойынша республикалық тексеру жүргізілді.
Қызылорда облысы ТЖД

Құлақтандыру жүйесіне тексеру жүргізілуде

<a href="https://kyzylorda-news.kz/">Kyzylorda-news.kz</a>. Өмірде адам таңғаларлық оқиғалар көп болады. Жуырда Қызылорда облысының тұрғыны&nbsp;бұрын ажырасқан&nbsp;әйелін қайтадан алып қашып,&nbsp;дүркіретіп той жасады. Бұл жағдай жұртты елең еткізсе де, думанға жиналған көпшілік жастарға бақыт тіледі.
Жазираның жасы биыл 34-ке толды. Осыдан тура он жыл бұрын алғаш рет тұрмысқа шығып, сүйіктісімен некесін қидырған. Күйеуі Абзал екеуі бір мектептің түлектері, бір-бірін жақсы таниды. Қаладан оқу бітіріп келген жастар, отбасын құрып, жаңа өмірді бірге бастауға шешім қабылдаған. Болашақ құдалар дереу тойға дайындалып, қуанышты күнді лайықты атап өтуге кірісіп кеткен.&nbsp;
<blockquote>
 “Абзал – бір отбасының жалғыз ұлы,&nbsp;ата-анасының үмітін арқалаған азамат. Мен жарымның ризашылығын алу үшін, ата-анасының көңілін табуым керек екенін жақсы түсіндім. Келін болып түскен күннен бастап, үйдің шаруасын жақсы жүргізуге тырыстым. Сиыр сауып, айран пісуді, құрт дайындауды үйрендім. Өзім ауыл әкімшілігінде есепші болып жұмыс та жасадым. Абзал мал шаруашылығымен айналысып, ірі қараны бордақылауды кәсіп етті. Тұрмысымыз жақсы болды, үйімізден қонақ арылмайтын”, – деп әңгімесін бастады жас келіншек.&nbsp;
</blockquote>
Араға бір жыл салып Жазираның аяғы ауырлап, дүниеге қыз бала әкелген. Ата-әжесі немерелі болғандарына қуанып, ауыл тұрғындары дүбірлетіп той да жасаған. Кейін көп ұзамай, жас отбасында тағы бір қыз дүниеге келіпті. Алайда бұл жолы ене мен келін арасындағы қарым-қатынас бұзылып, жиі жанжал туындайтын болған.&nbsp;
<blockquote>
 “Енем, “неге қыз туа бересің” деп ұрысатын болды. Бала Алланың бергені ғой. Ұл бола ма, қыз бола ма маған байланысты емес қой. Мен осыны түсіндіре алмадым. Екінші рет босанғаннан кейін, денсаулығымды жөндеу үшін сақтанатын болдым. Жанұямыздағы жағдай да басылғанын қаладым. Қанша тырыссам да, енемнің қабағы бір&nbsp;жылымады. Ұрысқа сылтау іздейтінді шығарды. Қыздарыма жекіп сөйлейтіні жаныма бататын”, – дейді Жазира.&nbsp;
</blockquote>
Отбасылық жанжал кезінде Жазираның күйеуі анасын жақтап, әйелін қолдамаған екен. Бұл жағдай жас келіншектің жанына қатты батқанын айтады. Осыдан үш жыл бұрын қызылордалық әйел алғаш рет балаларын алып, төркініне кетіп қалған. Абзал тоқта деп те айтпаған көрінеді. “Анам қарсы сөйледің”&nbsp;деп жұбайын айыптап, балағат сөздер айтыпты.&nbsp;
“Сол күні төркініме жылап барғаным әлі есімде. Жанымдағы екі қызым да жылап тұрды. Біраз уақытқа дейін Абзалды күткенім рас. Енем екеуі келіп, үйге алып кетеді деп ойладым. Бірақ күйеуім менің телефоныма да қоңырау соқпай қойды. Ара-арасында ақша салып жіберіп тұрды. Жағдай өзгермегендіктен, мен де ажырасуға арыз тастап сотқа жүгіндім. Заң бойынша некеміз бұзылып, екеуміз екі жаққа кеттік. Мен қалаға жұмысқа тұрып, пәтер жалдадым. Анам балаларға қарауға көмектесіп жүрді”, – дейді кейіпкеріміз.&nbsp;
Арада бірнеше ай өткеннен кейін, Абзал Жазираға хабарласып, балаларымен кездескісі келетінін айтқан. Жас келіншек қыздарын әкесіне тапсырып жіберген. Сол уақыттан бастап бұрыңғы күйеуі жиі келіп, жанұясының жанынан табылатын болған. Сөзінше, бұрынғы ерлі-зайыптылардың сезімі қайта оянған. .&nbsp;
<blockquote>
 “Абзал ата-анасының рұқсатын алып, қалаға көшіп кетті. Ауылдағы кәсібін інілеріне тапсырды. Бұрынғыдай бірге өмір сүретін болдық. Отбасымызбен&nbsp;қайта қауышқанына қуанып жүрдім. Балаларым да әкелерімен бірге бақытты болды. Ақшамызды жиыстырып, өзіміздің баспанамызды алуды армандайтын болдық. Болашаққа деген жоспарларымыз көп”, – дейді жас келіншек.&nbsp;
</blockquote>
Абзал Жазираны ойда-жоқта алып қашқан. Сүйіктісінің жоспарын жас келіншек мүлдем білмеген. Достарымен бірге әйелді көлікке мінгізіп, ауылға алып кеткен. Іздерімен балалары да келіп, тойдың қадірлі қонағы болыпты.&nbsp;
<blockquote>
 “Шынымды айтсам, бастапқыда шошып кеттім. Кейін Абзал маған қайтадан үйленгісі келетінін айтты. Ауылдағы үйде кәдімгідей той болды. Тіпті “Беташар” жасағылары да келіпті. Бірақ екі баласы бар келіншектің беті ашылмайтыны белгілі ғой. Енеммен де қазір ара-қатынасымыз әлдеқайда жақсы. Шамалы уақыт ауылда боламыз деп шештік. Ата-әжесі де немерелерін қатты сағынған. Бұл жолы бақытымыз баянды болады деп сенемін”, – дейді Жазира. &nbsp;
</blockquote>
<a href="https://stan.kz/">Stan.kz</a>

Қызылордалық келіншекті бұрынғы күйеуі алып қашып, дүркіретіп той өткізген

<a href="https://kyzylorda-news.kz/">Kyzylorda-news.kz</a>. Елімізде жеке куәлігі жоқ азаматтар коронавирус індетіне қарсы вакцина салдыра ала ма? Бұл сұраққа ҚР ІІМ Көші-қон комитеті төрағасының орынбасары Сабыржан Сейітжанов жауап берді, деп хабарлайды ҚазАқпарат.
<blockquote>
 «Вакцина алған кезде ол азаматқа қатысты жеке мәлімет базаға енгізіледі. Аталған тұлғаның ЖСН-і (жеке сәйкестендіру нөмірі) болуы шарт. Осы орайда жеке куәліксіз вакцина алу мүмкін емес. Яғни ол вакцина алған азаматтардың есебіне кірмейді. Сондықтан да азамат алдымен, жеке құжатын реттегені абзал. Осы орайда біз ел аумағындағы жеке куәліксіз тұрғындарды анықтау акциясын өткізіп жатырмыз. Оларға құжатсыз ешқандай қызмет алу мүмкін еместігін түсіндіріп, жеке куәлік алуына көмектесудеміз», – деді Сабыржан Сейітжанов Орталық коммуникациялар қызметінде өткен баспасөз мәслихатында.
</blockquote>
Оның айтуынша, қоғамды ақпараттандыру мақсатында түсіндіру жұмыстары жүріп жатыр.
<blockquote>
 «Жалпы халықты оның ішінде құжатсыз жүрген азаматтарды хабардар ету мақсатында ҚР ІІМ Көші-қон комитеті, тәртіп сақшылары, үкіметтік емес ұйым және басқа құзырлы орган өкілдерін тарта отырып үгіт-насихат және түсіндіру жұмыстары ұйымдастырылды», – дейді ол.
</blockquote>

Жеке куәліксіз вакцина алу мүмкін емес

<a href="https://kyzylorda-news.kz/">Kyzylorda-news.kz</a>.&nbsp; «Отбасындағы зорлық-зомбылыққа жол жоқ» республикалық акциясы бойынша әйелдерді зорлық-зомбылықтан қорғау тобының инспекторлары мен ювеналды полиция бөлімі қызметкерлері және үкіметтік емес ұйымның бірлесуімен тұрмыстық зорлық-зомбылықты болдырмау мақсатындағы акция өз жалғасын табуда.
Қызылорда қаласында орналасқан учаскелік полиция инспекторларының аймақтық бөлімшелеріне және стационарлық полиция бекеттеріне үндеу&nbsp; парақтары жабыстырылып, қала тұрғындарына таратылды.
Акцияның басты мақсаты отбасындағы зорлық-зомбылықтың алдын алу және жолын кесу бойынша қабылданып жатқан шаралар туралы жұртшылыққа хабарлау, ана мен бала қауіпсіздігін қамтамасыз ету, қоғамдағы отбасы рөлін нығайту.
Сондай-ақ зорлық-зомбылық жасауға бейім адамдармен жеке профилактикалық жұмыстар жүргізу, отбасы салтының құндылықтарын және халықтың имандылық мәдениетін жаңарту, азаматтардың құқықтық сауаттылығын арттыру болып табылады.
Республикалық акция аясында отбасы-тұрмыстық мәселелері бойынша&nbsp; 12 әйел адамға &nbsp;полицейлермен құқықтық кеңес&nbsp; беріліп, көмек көрсетілді.

Зорлық-зомбылыққа қарсы акция жалғасуда

<a href="https://kyzylorda-news.kz/">Kyzylorda-news.kz</a>.&nbsp;Қазақстанның жоғары оқу орындары коронавирусқа қарсы вакцина алған студенттер үшін оқу ақысын төлеуге жеңілдік қарастырады, деп хабарлайды&nbsp;ҚР Білім және ғылым министрлігінің баспасөз қызметі.
Сонымен қатар оқу орындары оқытушыларға да материалдық ынталандыру жасайды.
<blockquote>
 “COVID–19 індетіне қарсы екпе алған студенттер жоғары оқу орындарының мүмкіндіктеріне байланысты оқуға, жатақханада тұруға жеңілдіктер алып, түрлі сыйлықтарға ие болады. Осылайша жоғары оқу орындары халықтың денсаулығын қорғау үшін вакциналау қарқынын күшейту жұмысын қолдайды. Студенттер ғана емес, сонымен қатар жоғары оқу орындарының екпе салдырған оқытушылары да материалдық ынталандыруға ие болады”, – делінген хабарламада. &nbsp;
</blockquote>
Қазіргі кезде Әл-Фараби атындағы ҚазҰУ, Л.Н. Гумилев атындағы ЕҰУ, Абай атындағы ҚазҰПУ, Қ.И. Сәтбаев атындағы ҚазҰТЗУ, М. Әуезов атындағы ОҚУ, М. Өтемісов атындағы БҚУ мен Х. Досмұхамедов атындағы Атырау университеті вакциналау шараларын қолдауға арналған акцияларды бастап кетті.
Студенттерге оқуға және жатақханада тұруға жеңілдік жасаудан бөлек, сауықтыру шипажайларына тегін жолдамалар, тегін тамақтану және қоғамдық көлікпен жүру талондары беріледі.
<blockquote>
 “Сондай-ақ, жоғары оқу орындары вакциналанған студенттер үшін шет тілдері, компьютерлік сауаттылық және кәсіпкерлік дағдыларды дамытатын тегін курстар ұйымдастыруды жоспарлап отыр. Сонымен қатар екпе салдырған кейбір университеттердің студенттері фитнес залдарына, бассейнге, театрға, кинотеатрға және концерттерге тегін бара алады”, – дейді министрлік мамандары.
</blockquote>
Ал екпе салдырған оқытушылар қосымша ақы немесе ақы төленетін демалыс алады.
<blockquote>
 “Министрдің тапсырмасы бойынша жоғары оқу орындары студенттер мен оқытушыларды вакциналауға шақырып, ынталандыру бойынша тиісті шараларды қабылдап жатыр. Бұл акция біздің азаматтардың санасын оятуға көмектеседі деп сенеміз. Біз бірлесе отырып, қауіпті вирусты жеңе аламыз және карантин мүмкіндігінше тез аяқталады деп үміттенеміз. Басқа жоғары оқу орындарын да вакцинаны қолдау үшін ынталандыру шараларын ұйымдастыруға шақырамыз”, – дейді вице-министр Қуаныш Ерғалиев.
</blockquote>

Вакцина алған студенттер мен оқытушыларға бірнеше жеңілдік жасалады

<a href="https://kyzylorda-news.kz/">Kyzylorda-news.kz</a>. Арал балық инспекциясы жыл басынан бері 118 рейдтік іс-шара ұйымдастырған Табиғат заңнамасын &nbsp;бұзудың алдын алу және анықтау мақсатында&nbsp;290&nbsp;рейд, оның ішінде 16 қылмыстық іс анықталып, ішкі істер органына жолданған. 2 іс қылмыстық құрамының болмауына байланысты 383-3 бөлігімен әкімшілік іс болып қысқартылып кері қайтарылды. Қалған 272 әкімшілік хаттамалар толтырылып, оның 55&nbsp; әкімшілік&nbsp; ісі сот орындарының қарауына жіберілді.
<blockquote>
 «Жыл басынан балық аулау ережесін бұзғаны үшін 217 жеке тұлғаға айыппұл салынып&nbsp; 94%&nbsp; өндірілді. Табиғатқа келтірілген залалы үшін 120 тұлғадан 6 635,2 мың теңге талап етіліп, 2 66,3 мың теңге өндірілді. Осы заңсыз балық аулауды болдырмау мақсатында Арала-Сырдария облысаралық бассейндік балық шаруашылығы иснпекциясы тарапынан&nbsp; үгіт- насихат,&nbsp; күнделікті бақылау&nbsp; жұмыстары жүргізіліп келеді. «Таза су айдындары-2021» акциясы аясында Кіші Арал теңізінде тралдау жұмыстары жүргізіліп, жағалаулар қоқыс қалдықтарынан тазартылды», – дейді Арал балық инспекциясының бас маманы Алмат Ералин .
</blockquote>
«Уылдырық-2021» акциясы 1 мамыр мен 10 маусым (қоса алғанда) аралығында балықтардың уылдырық шашу мезгілінде балық аулауға тыйым салынып, балықшыларға үгіт-насихаттар жүргізілді.
Балық шаруашылығы су айдындарында және учаскелерінде, балық аулау мынадай түрлерге бөлінеді:
<ol>
<li>кәсіпшілік балық аулау;</li>
<li>&nbsp;әуесқойлық (спорттық) балық аулау;</li>
<li>&nbsp;Ғылыми-зерттеу үшін аулау;</li>
<li>&nbsp;бақылау үшін аулау;</li>
<li>&nbsp;мелиорациялық аулау;</li>
<li>&nbsp;өсімін молайту мақсатында аулау;</li>
</ol>
Жоғарыда&nbsp; көрсетілген балық аулау&nbsp; түрлері&nbsp; және оның жолдары туралы халық&nbsp; арасында үгіт-насихат, түсіндірме&nbsp; жұмыстары&nbsp; әрдайым&nbsp; жүргізіліп&nbsp; келе&nbsp; жатса&nbsp; да&nbsp; заңсыз балық аулаушылар&nbsp; саны азаймай тұр.

Аралда заңсыз балық аулаушылар  саны азаймай тұр

<a href="https://kyzylorda-news.kz/">Kyzylorda-news.kz</a>. Үкімет отырысында Премьер-Министрі Асқар Мамин әкімдерге вакциналау қарқынын арттыруды тапсырды.
<blockquote>
 «Санитарлық-эпидемиологялық ахуал өзгеріп барады. Өңірлерде вирусты жұқтырған адамдардың саны өсуде. Ауруханалардағы орындардың жүктемелігі 27 пайыз, ал жансақтау бөлімінде 24 пайызды құрап отыр. Елордадан басқа «қызыл» аймаққа тағы төрт өңір кірді. «Сары» мен «жасыл» аймақта алты өңірден бар. «Қызыл» аймақтардағы барлық өңірде шектеу шаралары қолданылып, мониторинг топтарының жұмысы күшейтілуі тиіс», – деді Үкімет басшысы.
</blockquote>
Асқар Мамин осы жайттың бәрін ескеріп, резервтегі инфекциялық орындардың дайындығын пысықтап, дәрі-дәрмек пен медициналық бұйымдардың жеткілікті болуын қамтамасыз етуді тапсырды
<blockquote>
 «Бүгінгі күні вакцинаның І компонентін 3,3 миллионға жуық адам салдырды. Шамамен 2 миллион адам ІІ компонентті ектірді. Бірақ бұл жеткіліксіз. Әкімдер вакциана салу қарқынын күшейту керек. Бұл әсіресе Маңғыстау, Атырау және Батыс Қазақстан облыстарына қатысты. Қызмет көрсету, білім беру саласында міндетті вакциналау қажеттігі айқын байқалып отыр», – деді Премьер-Министр.
</blockquote>
<a href="https://www.inform.kz/">ҚазАқпарат</a>

Асқар Мамин әкімдерге вакциналау қарқынын арттыруды тапсырды

<a href="https://kyzylorda-news.kz/">Kyzylorda-news.kz</a>. Нұр-Сұлтанда эпидемиологиялық жағдайдың нашарлауына байланысты 6 шілдеде қала күні&nbsp;атап өтілмейтін болды.
<blockquote>
 “Соңғы аптада алдыңғы аптамен салыстырғандар науқастану деңгейінің 65 пайызға немесе 1400 жағдайға өсуіне байланысты және эпидемиологиялық ахуалдың нашарлауын ескере отырып, қосымша қатаң іс-шаралар енгізілетін болады”, — деді қаланың санитар дәрігері Сархат Бейсенова.
</blockquote>
Оның атап өтуінше, елорда аумағында саябақтардағы ашық ауада жұмыс істейтін аттракциондардың жұмысына тыйым салынады. Қала күнін атап өтуге де шектеулер енгізіледі. Бұл ретте іс-шаралар онлайн форматта және ашық ауада Ашық жобасы арқылы ғана жүргізіледі. Алайда көрермендердің қатысуымен концерттік іс-шаралар да өткізуге болмайды.
Сондай-ақ&nbsp;барлық тамақтандыру қызметтері қызыл аймақ критерийлері бойынша таңғы 7:00-ден кешкі сағат 20:00-ге дейін жұмыс істейді.
<blockquote>
 “Ірі спорт кешендерінде көрермендердің қатысуымен спорттық іс-шараларды өткізуге, экскурсиялық турлар ұйымдастыруға тыйым салынады. Білім беру орталықтарында білім алушылардың саны 15-тен 10 адамға дейін қысқартылады және демалыс күндері жұмыс істеуіне тыйым салынады”, — деді Сархат Бейсенова.
</blockquote>

Биыл Елорда күнін атап өтуге тыйым салынды

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Алексей Цой елдегі санитарлық-эпидемиологиялық жағдай туралы айтты.
<blockquote>
 “Соңғы аптада коронавирус инфекциясын жұқтыру 39%-ке өскені байқалады. Республикада инфекциялық төсек-орындардың 27%-і (7 125 төсек), реанимациялық төсек-орындардың 24%-і (589 төсек) бос емес”, – деді Цой үкімет отырысында.
</blockquote>
Министрдің айтуынша, елде вирус жұқтырғандардың көбеюі Нұр-Сұлтан мен Алматы қалаларында аурушаңдықтың 1,7 есеге өсуімен байланысты. 
26 маусымнан бері Қазақстан “қызыл” аймақта тұр.
Сондай-ақ қауіпті аймаққа бес өңір – Нұр-Сұлтан, Алматы қалалары, Батыс Қазақстан, Атырау және Қарағанды облыстары кірген. 
Қалған өңірлер “сары” және “жасыл” аймақта.
<a href="https://sputnik.kz/society/20210629/17472024/kyzyl-aymak-Tsoy-virus.html">Sputnik Қазақстан</a>

Қазақстан және Қызылорда облысының жаңалықтары