<a href="https://kyzylorda-news.kz/">Kyzylorda-news.kz.</a>&nbsp;ҚР Бас мемлекеттік санитарлық дәрігерінің 18 ақпандағы №11 Қаулысына сәйкес медициналық қызметкерлер, мүгедектігі бар адамдар және 50 жастан асқан азаматтарға «Pfizer» вакцинасын егуге рұқсат етілді. Бүгінде инфекциялық стационарда – 46 адам ем қабылдаса, 12 науқас жансақтау бөлімінде. Сондай-ақ, 123 891 облыс тұрғыны ревакцинациядан өтті. Бұл туралы Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шайымбетов хабарлады.
<blockquote>
 «Облыста соңғы тәулікте 3 адамның коронавирус инфекциясын жұқтырғаны белгілі болды. Бүгінде инфекциялық стационарда – 46 адам ем қабылдаса, 12 науқас жансақтау бөлімінде. Сондай-ақ, 123 мыңнан аса облыс тұрғыны ревакцинациядан өтті. Сонымен қатар, вакцинаның І компонентін алғандар 93,8 пайыз болса, ІІ компонентін 91,5 пайызы қабылдады. Ал «Pfizer» екпесімен 55 859 адам қамтылды. Оның 48 мыңнан астамы жасөспірімдер болса, 2 291 жүкті әйелдер қабылдаған. Тағы бір айта кететін жайт, вакцинаның үшінші дозасын алғандар арасында вирус жұқтырғандар жоқ. Қазіргі таңда облыста аурушаңдық деңгейі төмендеп келеді», – деді Жангелді Шайымбетов.
</blockquote>
Жыл басынан бері оқшалану тәртібін бұзған «қызыл» мәртебедегі 162 тұрғын анықталды. Ал карантин тәртібін бұзған 25 адамға әкімшілік айыппұл салынды. Өңірдегі белсенді ошақтар саны – 70, ал ұйымдасқан ұжымдағы ошақтар саны – 16-ны құрайды.
<blockquote>
 «Екпемен қамтылғандардың басым көпшілігі облыс орталығының үлесінде. Аудандар бойынша жоғары көрсеткіш Арал, Қазалы, Жаңақорған аудандарына тиесілі. Сондай-ақ, 4 мыңға жуық нысан «Ashyk» жүйесіне қосылған. Басым көпшілігі қоғамдық тамақтану нысандарының үлесінде. Сонымен қатар, ҚР Бас мемлекеттік санитарлық дәрігерінің 18 ақпандағы №10 Қаулысына сәйкес «Ashyk» жүйесі бойынша «көк» және «жасыл» мәртебедегі адамдарға ойын-сауық орталықтарына еш кедергісіз кіруге рұқсат берілді», – деді облыстық санитарлық-эпидемиологиялық бақылау департаментінің басшысы Динара Жаңабергенова.
</blockquote>

Жаңа қаулы: Мүгедектігі бар адамдарға «Pfizer» екпесі егіледі

<a href="https://kyzylorda-news.kz/">Kyzylorda-news.kz.</a> Өткен тәулікте Қазақстанда 2 243 адам коронавирус инфекциясынан жазылды, деп хабарлайды coronavirus2020.kz.
Нұр-Сұлтан қаласында – 263,
Алматы қаласында – 565,
Шымкент қаласында – 0,
Ақмола облысында – 118,
Ақтөбе облысында – 164,
Алматы облысында – 152,
Атырау облысында – 92,
Шығыс Қазақстан облысында – 23,
Жамбыл облысында – 16,
Батыс Қазақстан облысында – 7,
Қарағанды облысында – 68,
Қостанай облысында – 101,
Қызылорда облысында – 12,
Маңғыстау облысында – 15,
Павлодар облысында – 636,
Солтүстік Қазақстан облысында – 7,
Түркістан облысында – 4.
Елімізде барлығы 1 256 284 адам COVID-19-дан емделіп, сауығып шықты.

Қызылордада 12 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 483 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 26
Алматы қаласы – 172
Шымкент қаласы – 4
Ақмола облысы – 23
Ақтөбе облысы – 1
Алматы облысы – 42
Шығыс Қазақстан облысы – 20
Жамбыл облысы – 11
Батыс Қазақстан облысы – 4
Қарағанды облысы – 47
Қостанай облысы – 24
Қызылорда облысы – 1
Маңғыстау облысы – 1
Павлодар облысы – 50
Солтүстік Қазақстан облысы – 55
Түркістан облысы – 2
Жалпы ел бойынша ауырғандар саны 1299566.

Қызылордада 1 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Бүгін Қазақстанның батысында, солтүстік-батысында жаңбыр мен қар түрінде жауын-шашын болады, деп хабарлайды Қазгидромет.
Солтүстікте қар жауып, жаяу бұрқасын, көктайғақ күтіледі. Еліміздің қалған аумағында антициклон жотасының әсерінен жауын-шашынсыз ауа райы болжанады. Республика бойынша кей жерлерде тұман түсіп, жел күшейеді. ҚазАқпарат бұл туралы «Қазгидрометке» сілтеме жасап хабарлайды.
Ақмола облысының солтүстік-батысында жел 15-20 м/с күшейеді, жаяу бұрқасын соғып, күндіз көктайғақ күтіледі.
Түнде және таңертең Алматы облысының солтүстігінде тұман болады. Жалаңашкөл ауданында жел 18-23 м/с күшейеді.
Жамбыл облысының солтүстік-шығысында желдің екпіні 23 м/с артады. Түнде және таңертең облыстың солтүстігінде және таулы аудандарында тұман күтіледі.
Қостанай облысының батысында жел 15-20 м/с күшейеді, жаяу бұрқасын, тұман, көктайғақ болады.
Солтүстік Қазақстан облысының солтүстігінде, оңтүстігінде, шығысында жел 15-20 м/с артады. Сондай-ақ жаяу бұрқасын, тұман, күндіз көктайғақ күтіледі.
Күндіз Павлодар облысының солтүстік-батысында жел 15-20 м/с күшейіп, жаяу бұрқасын болжанады.
Шығыс Қазақстан облысының Жарма ауданында жел 15-20 м/с артады.
Батыс Қазақстан, Атырау облыстарында тұман, түнде аталған өңірлердің шығысында, орталығында көктайғақ болады.
Маңғыстау облысының солтүстігінде тұман күтіледі.
Ақтөбе облысының оңтүстігінде көктайғақ байқалады.

22 ақпанға арналған ауа райы болжамы

Kyzylorda-news.kz. Президент Қасым-Жомарт Тоқаевқа Қызылорда облысында 2021 жылы атқарылған жұмыстар туралы есеп берілді.
Гүлшара Әбдіқалықованың айтуынша, облыстағы экономиканың негізгі көрсеткіштері – өндірістік өнім көлемі 0,8 пайызға, өңдеу өнеркәсібі 14,5 пайызға, жеке инвестиция 11,7 пайызға, сауда 2,4 пайызға, пайдалануға берілген тұрғын үй 8,6 пайызға, ауыл шаруашылығы өнімінің көлемі 0,3 пайызға артқан.
Өңірде индустрияландыру бағдарламасының үшінші бесжылдығы аясында былтыр құны 45,2 миллиард теңге болатын 4 жоба жүзеге асырылып, 456 жұмыс орны ашылған.
Сондай-ақ кездесу барысында облыс экономикасына тікелей әсер ететін негізгі проблемалық мәселелер талқыланды. Атап айтқанда, Сырдария өзені деңгейінің күрт төмендеуі, тауарлық газдың көтерме бағасы, тасымалдау тарифінің шығындары мен жергілікті газ үлесін арттыру және агроқұрылымдардағы жер дауы мәселелері туралы баяндалды.
Қасым-Жомарт Тоқаев Қызылорда облысында атқарылып жатқан жұмыстарды саралай келе, Үкіметпен бірлесіп түйткілді мәселелерді шешу және қолға алынған жобаларды одан әрі жалғастыру жөнінде тапсырма берілді.

Мемлекет басшысы  Гүлшара Әбдіқалықованы қабылдады

<a href="https://kyzylorda-news.kz/">Kyzylorda-news.kz.</a> Экология вице-министрі Серік Қожаниязов Душанбеде жұмыс сапары барысында Тәжікстан Республикасы Энергетика және су ресурстары министрінің орынбасары Шоимзода Джамшед Шодимен кездесу өткізді.
Тараптар Сырдария өзені бассейніндегі қалыптасқан су шаруашылығы жағдайын талқылады.
Бахри Точик су қоймасының 2021-2022 жылдардағы вегетацияаралық және 2022 жылғы вегетациялық кезеңдегі жұмыс режимін келісу бойынша келіссөздер жүргізді.
Қазақстан тарапы 2022 жылдың вегетациялық кезеңінде былтырғыдай Бахри Точик су қоймасынан қосымша су жіберу жүзеге асырылатын болады деген уағдаластыққа қол жеткізді, бұл Түркістан және Қызылорда облыстарының фермерлерін су аз болған жағдайда суармалы сумен қамтамасыз етуді жақсартуға мүмкіндік береді.

Қазақстан – Тәжікстан: Су дипломатиясы өз нәтижесін беруде

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау вице-министрі – бас мемлекеттік санитар дәрігері Айжан Есмағамбетова ревакцинация кезінде Pfizer вакцинасын салдыра алатын адамдарды біртіндеп арттыру туралы айтты, деп хабарлайды&nbsp;<a href="https://stan.kz/">Stan.kz</a>.
Бас кезінде Pfizer-ді жүкті және бала емізетін әйелдер, сондай-ақ, 12-18 жастағы балаларға салдыруға рұқсат берген. Артынан оларға 60 жастан асқан адамдар қосылды. Ал өткен аптада ведомствоаралық комиссия 50 жастан асқан және мүмкіндігі шектеулі азаматтарға америкалық вакцинамен ревакцинация жасауға рұқсат берді.
Айжан Есмағамбетованың айтуынша, денсаулық сақтау министрлігі адамдардың ревакцинациядан өтуі мен ұжымдық иммунитетті барынша көтеруге мүдделі. Сол себепті Pfizer вакцинасын салдыра алатын адамдар санаттары біртіндеп артып келеді.
<blockquote>
 «Бұрын 60-тан асқандар, алса, қазір елуден асқандар үшін қолжетімді. Осы жұмыс елдегі эпидемиологиялық жағдайға қарай біртіндеп атқарылып жатыр», – деді Есмағамбетова шектеу шараларын жеңілдетуге арналған онлайн-лекторий кезінде.
</blockquote>
Айта кетері, бұған дейін денсаулық сақтау вице-министрі Жандос Бүркітбаев коронавирусқа қарсы Pfizer вакцинасы ақылы түрде салынбайтынын айтқан. Себебі Pfizer бізге ақылы вакциналауға рұқсат бермей отыр.
Компания екпені алып сату жағдайлары көбейіп кетеді деп санайды. Сол себепті денсаулық сақтау министрлігі мен Pfizer компаниясы арасындағы келісімшарт бойынша жанама алып сатуға тыйым салынған.

Денсаулық сақтау министрлігі Pfizer салдыра алатындар санатының көбейгенін мәлімдеді

<a href="https://kyzylorda-news.kz/">Kyzylorda-news.kz.</a> Жаппай бүлік кезінде Қызылордадағы полиция қызметі ғимаратына қарулы шабуыл жасалған Бұл туралы Орталық коммуникациялар қызметінде ҚР Бас прокуратурасы 1-қызмет бастығының орынбасары Елдос Қилымжанов айтты.
<blockquote>
 «Жеке адамдардың барлық жағдайларды білмей, қылмыстық іс туралы көпшілік алдында пікір білдіру жағдайлары бар. Еліміздің белгілі спортшысының Facebook парақшасында М. есімді азаматқа қатысты бұлтартпау шарасын негізсіз қолдануға қатысты мәліметтер жарияланды. Бұл жағдайда кейбір мәліметтерді нақтылағым келеді. Аталған азамат бір топ адаммен бірге Қызылорда қаласының жергілікті полиция қызметі ғимаратына қарулы шабуыл жасап, полиция қызметкерінің басына ауыр жарақат салды деген күдікке ілінді. Атыс нәтижесінде шабуылдаушылардың бірі көз жұмды. Түнде М. есімді ер адам мәйітханаға кіріп, полиция қызметкерлеріне шабуыл жасауға қатысқанын жасырғаны үшін қайтыс болған серіктесінің денесін ұрлады. Мұндай күдіктілердің күзетпен ұстау түріндегі бұлтартпау шарасын өзгертуге жатпайды», – деді Елдос Қилымжанов.
</blockquote>

Қызылордада жаппай бүлік кезінде полиция қызметі ғимаратына қарулы шабуыл жасалған

<a href="https://kyzylorda-news.kz/">Kyzylorda-news.kz.</a> Бас прокуратура тұрақты негізде қамауда отырған адамдарды ұстау жағдайларына тексеру жүргізуде. Әрбір күдіктімен жеке қабылдау жүргізіледі, ұстау шарттарына шағым болған кезде – шаралар дереу қабылданады. Бұл туралы Орталық коммуникациялар қызметі алаңында Бас прокуратураның 1 қызмет бастығының орынбасары Елдос Қилымжанов мәлімдеді.
<blockquote>
 «Қамаудағылардың өтініштері негізінен үй-жайлардың температуралық режиміне, сәлемдемелерді алудың қиындығына, туыстарымен кездесуді ұйымдастыруға және басқаларға қатысты болды. Қазіргі уақытта осы мәселелердің барлығы шешілді. Қамауға алынған адамдар ұсталатын үй-жайларды күн сайын прокурорлар ғана емес, құқық қорғау ұйымдары да тексереді. Тергеу изоляторларындағы қаңтар оқиғаларына қатысушыларға адам құқықтары жөніндегі уәкіл 9 рет, оның өкілдері 41 рет барған. Бұдан басқа, аталған адамдармен Парламент депутаттарының топтары 9 рет, Ұлттық сенім қоғамдық кеңесінің өкілдері төрт рет, «Біз азаптауларға қарсымыз» қоғамдық бірлестігі мен Адам құқықтары мен заңдылықты сақтау жөніндегі Қазақстандық Халықаралық бюроның өкілдері бір-бірден кездесті. Күдіктілерді ұстау шарттары барлық жалпы қабылданған халықаралық стандарттарға сәйкес келеді», – деді Қилымжанов.
</blockquote>
Бас прокуратура өкілі әлеуметтік желілерде күдікті тұлғаларды ұстау жағдайына қатысты жалған ақпараттар таратылатынын атап өтіп, азаматтарды тек ресми деректерге сенуге және жалған мәліметтерді таратпауға шақырды.

Қамауға алынған адамдардың жағдайын күнделікті құқық қорғау ұйымдары тексеріп жатыр

<a href="https://kyzylorda-news.kz/">Kyzylorda-news.kz.</a> 2021 жылы елдегі халық саны 248,5 мың адамға артып, 2022 жылдың 1 қаңтарында бұл көрсеткіш 19 миллион 125,6 мың адамға жетті, деп хабарлайды <a href="https://sputnik.kz/20220221/qazaqstan-demografiyalyq-akhual-22967505.html">Sputnik Қазақстан.</a>
Ұлттық статистика бюросының мәліметінше, 2021 жылы Қазақстан халқының табиғи өсімі 267 295 адамды құрады (2020 жылы – 263 012 адам).
2021 жылы Қазақстанда 450 652 бала дүниеге келіп, 183 357 адам қайтыс болды. Елден 32 209 азамат кетсе, 10 952 адам Қазақстанға келген. 
Сондай-ақ 140 256 неке қиылып, 19 280 ерлі-зайыпты ажырасқан.
<img src="https://kyzylorda-news.kz/wp-content/uploads/2022/02/22967302.png" alt="" />

Қазақстан халқының саны 19 миллионнан асты

&nbsp;<a href="https://kyzylorda-news.kz/">Kyzylorda-news.kz.</a> Соңғы екі аптада сырқаттану деңгейі 4,7-ге төмендеді. Ал стационарда ем алатын науқастар саны екі есе азайды. Бұл туралы ҚР денсаулық сақтау вице-министрі — Қазақстан Республикасының бас мемлекеттік санитар дәрігері Айжан Есмағамбетова мәлімдеді.
<blockquote>
 «Бүгін елімізде коронавирус инфекциясы бойынша эпидемиологиялық жағдай жақсарып келеді. Амбулаториялық жағдайда ем алатындар саны 4 есе қысқарды», –&nbsp;<a href="https://www.facebook.com/watch/live/?ref=watch_permalink&v=388946306368608">деді</a>&nbsp;Айжан Есмағамбетова ҚР ДСМ ұйымдастырған онлайн дәрісте.
</blockquote>
Спикердің айтуынша, елімізде вакциналау жәнен ревакциналау жұмысы жалғасып жатыр.
<blockquote>
 «Бүгінгі күні қазақстанда коронавирусқа қарсы вакцинаның бірінші компонентін 10 миллионнан астам қазақстандық алды. Бүгінгі күні егілуге тиісті ересек тұрғындарды вакцинамен қамту – 82 пайызды, жалпы халықтың 53 пайызын құрады. 2 млн 400 мыңға жуық адам ревакцинациядан өтті. Ол ақпан айында егілуге тиісті халықтың 52 пайызын қамтыды. Бұл көрсеткіш жаман емес», – деді бас мемлекеттік санитар дәрігер.
</blockquote>

Қазақстанда эпидемиологиялық жағдай жақсарып келеді

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қасым-Жомарт Тоқаевтың швейцариялық банкте қаржылық шоты жоқ.
Бұл туралы Президенттің Баспасөз хатшысы Берік Уәли <a href="https://www.facebook.com/photo?fbid=4722084651248263&set=a.265175986939174">жазды.</a>
<blockquote>
 «Кейбір бұқаралық ақпарат құралдары жазып жатқандай Мемлекет басшысы Қасым-Жомарт Тоқаевтың швейцариялық банкте қаржылық шоты жоқ. Президенттің шетелдік банктер мен офшорлық компанияларға да ешқандай қатысы болмаған және шетелде жылжымайтын мүлкі де жоқ. Қасым-Жомарт Кемелұлының бұрынғы жұбайының да мақалада жазылғандай ешқашан қаржылық шоты болмаған. 
 Тимур Тоқаевқа келетін болсақ, жасы 38-де. Ол – кәсіпкер, ешқашан мемлекеттік қызметте істемеген. Өздеріңіз білесіздер, Президент экономика мен саясаттағы монополияны шектеуге, реформаларды жүзеге асыруға күш салып келеді. Бұл Мемлекет басшысының осындай шешімдерін жақтамайтын адамдардың әдейі таратып жатқан фейк ақпараттық шабуылы», – деп жазды Б.Уәли парақшасында.
</blockquote>

Қазақстан және Қызылорда облысының жаңалықтары